UzbekAI

Ўзбекистон Республикаси Истиқболли лойиҳалар миллий агентлиги директорининг

буйруғи

НИЗОМ

Суғурта хизматларини электрон шаклда кўрсатиш тартиби тўғрисидаги низомни тасдиқлаш ҳақида

Ўзбекистон Республикаси Президентининг 2024 йил 1 мартдаги ПҚ-108-сон «Суғурта хизматлари бозорини янада ривожлантиришнинг комплекс чора-тадбирлари тўғрисида»ги қарори ва Ўзбекистон Республикаси Вазирлар Маҳкамасининг 2024 йил 30 июлдаги 458-сон «Суғурта хизматлари бозорини янада ривожлантириш бўйича комплекс чора-тадбирлар белгиланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида»ги қарорига мувофиқ буюраман:

1. Суғурта хизматларини электрон шаклда кўрсатиш тартиби тўғрисидаги низом иловага мувофиқ тасдиқлансин.

2. Мазкур буйруқ Ўзбекистон Республикаси Тоғ-кон саноати ва геология вазирлиги, Камбағалликни қисқартириш ва бандлик вазирлиги, Қурилиш ва уй-жой коммунал хўжалиги вазирлиги, Транспорт вазирлиги, Ўзбекистон Республикаси Вазирлар Маҳкамаси ҳузуридаги Солиқ қўмитаси, Рақамли технологиялар вазирлиги, Ўзбекистон Республикаси Президенти ҳузуридаги Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакили ҳамда Ўзбекистон Республикаси Савдо-саноат палатаси билан келишилган.

3. Мазкур буйруқ расмий эълон қилинган кундан эътиборан уч ойдан кейин кучга киради.

Келишилди:

Ўзбекистон Республикаси Истиқболли лойиҳалар миллий агентлиги директорининг 2024 йил 12 сентябрдаги 9-сон буйруғига ИЛОВА

Суғурта хизматларини электрон шаклда кўрсатиш тартиби тўғрисидаги

Мазкур Низом суғурта хизматларини электрон шаклда кўрсатиш тартибини белгилайди.

1-боб. Умумий қоидалар

1. Мазкур Низомда қуйидаги асосий тушунчалар қўлланилади:

ахборот алмашинуви иштирокчилари — суғурта бозорининг профессионал иштирокчилари, Транспорт воситалари эгаларининг фуқаролик жавобгарлигини мажбурий суғурта қилиш бўйича тўловларни кафолатлаш жамғармаси ва Ягона автоматлаштирилган ахборот тизими билан интеграциялашган вазирлик ва идоралар;

ваколатли давлат органи — Ўзбекистон Республикаси Истиқболли лойиҳалар миллий агентлиги;

суғурта даъвоси — суғурта шартномасида кўрсатилган муайян воқеа (суғурта ҳодисаси) юз берганда, суғурта товонини (суғурта тўловини) тўлаш учун берилган ариза;

Ягона автоматлаштирилган ахборот тизими (бундан буён матнда Ягона тизим деб юритилади) — манфаатдор вазирликлар ва идораларнинг ахборот тизимлари ва марказий маълумотлар базалари, жисмоний ва юридик шахслар марказий маълумотлар базалари билан интеграциялашган суғурта бозори маълумотларини ҳисобга олиш ва истеъмолчиларга электрон суғурта хизматларини кўрсатиш имкониятини таъминловчи ягона тизим.

2. Суғурта шартномалари Ягона тизим, Ўзбекистон Республикаси Ягона интерактив давлат хизматлари портали (бундан буён матнда Ягона интерактив давлат хизматлари портали деб юритилади), суғурталовчи ёки суғурта агентининг дастурий таъминоти (ахборот тизимлари) орқали электрон шаклда тузилиши мумкин.

3. Суғуртанинг барча турлари бўйича суғурта шартномалари Ягона тизим орқали рўйхатдан ўтказилади ва суғурта полислари ушбу тизим орқали мазкур Низомнинг иловасига мувофиқ шаклда расмийлаштирилади. Қонунчиликда суғурта полисининг шакли тасдиқланган бўлса, суғурта полиси қонунчиликда белгиланган шаклда расмийлаштирилади.

4. Суғурта шартномаларини электрон тарзда тузиш ҳамда рўйхатдан ўтказишни таъминлаш мақсадида ахборот алмашинуви иштирокчиларининг дастурий таъминотлари (ахборот тизимлари) Ягона тизим билан интеграция қилинади ҳамда суғурта шартномаси тўғрисидаги маълумотлар узатилади.

5. Суғурта хизматларини электрон шаклда кўрсатувчи суғурта агенти ўзининг дастурий таъминотида (ахборот тизимларида) суғурта қилдирувчилар учун суғурталовчини эркин танлаш имкониятини яратиши ҳамда суғурталовчиларнинг ваколатли давлат органи томонидан эълон қилинган рейтинг кўрсаткичларини акс эттириши шарт.

2-боб. Суғурта (қайта суғурта) шартномаларини тузиш ва Ягона автоматлаштирилган ахборот тизими орқали рўйхатдан ўтказиш

6. Иш берувчининг ва ташувчининг фуқаролик жавобгарлигини электрон шаклда мажбурий суғурта қилишда:

а) суғурта шартномаси Ягона тизим орқали тузилганда:

Ўзбекистон Республикаси Солиқ қўмитасининг «my.soliq.uz» электрон тизимида солиқ ҳисоботларини тақдим этишда фуқаролик жавобгарлигини мажбурий суғурта қилиш бўйича амалдаги суғурта полисига эга бўлмаган иш берувчилар ва ташувчилар ахборот алмашинуви орқали автоматик равишда аниқлаб борилади;

фуқаролик жавобгарлигини мажбурий суғурта қилиш бўйича амалдаги суғурта полисига эга бўлмаган иш берувчилар ёки ташувчиларнинг Ўзбекистон Республикаси Солиқ қўмитасининг «my.soliq.uz» электрон тизимидаги шахсий кабинетига мажбурий суғурта шартномаларини тузиш зарурлиги тўғрисидаги ахборот автоматик равишда Ягона тизимга электрон ҳавола қилинган ҳолда юборилади;

ушбу электрон ҳавола орқали Ягона тизимга кирилганда, иш берувчилар ёки ташувчилар томонидан Ягона тизимдаги суғурталовчилардан бири танланган ҳолда суғурта шартномасини тузиш бўйича оммавий оферта шаклидаги электрон ариза суғурталовчининг дастурий таъминотига (ахборот тизимларига) юборилади. Бунда, суғурталовчининг дастурий таъминотида (ахборот тизимларида) автоматик равишда электрон ариза асосида суғурта шартномаси тузилади;

б) иш берувчилар ёки ташувчилар томонидан суғурталовчининг дастурий таъминоти (ахборот тизимлари) орқали суғурта шартномасини тузиш бўйича оммавий оферта шаклидаги электрон ариза киритилганда, суғурта шартномаси суғурталовчининг дастурий таъминотида (ахборот тизимларида) электрон ариза асосида автоматик тарзда тузилади;

в) иш берувчилар ёки ташувчилар томонидан Ягона интерактив давлат хизматлари портали ёки суғурта агентининг дастурий таъминоти (ахборот тизимлари) орқали суғурта шартномасини тузиш бўйича оммавий оферта шаклидаги электрон ариза киритилганда, суғурталовчининг дастурий таъминотида электрон ариза асосида суғурта шартномаси автоматик тарзда тузилади.

7. Давлат бюджети маблағлари ва Ҳукумат кафолати остидаги кредитлар ҳисобига маблағ билан таъминланаётган қурилиш объектлари бўйича таваккалчиликларни электрон шаклда суғурта қилишда:

а) суғурта шартномаси Ягона тизим орқали тузилганда:

Ўзбекистон Республикаси Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизимида мазкур турдаги амалдаги суғурта полисига (тўлиқ қурилиш даври учун) эга бўлмаган юридик шахслар ахборот алмашинуви орқали автоматик равишда аниқлаб борилади;

Ўзбекистон Республикаси Қурилиш ва уй-жой коммунал хўжалиги вазирлигининг «Шаффоф қурилиш» миллий ахборот тизими орқали мазкур турдаги амалдаги суғурта полисига эга бўлмаган юридик шахслар мажбурий суғурта шартномаларини тузиши зарурлиги тўғрисидаги ахборот Ягона тизимга электрон ҳавола қилинган ҳолда юборилади;

ушбу электрон ҳавола орқали Ягона тизимга кирилганда, суғурта қилдирувчи томонидан Ягона тизимдаги суғурталовчилардан бири танланган ҳолда суғурта шартномасини тузиш бўйича оммавий оферта шаклидаги электрон ариза суғурталовчининг дастурий таъминотига (ахборот тизимларига) юборилади. Бунда, суғурталовчининг дастурий таъминотида (ахборот тизимларида) электрон ариза асосида суғурта шартномаси автоматик тарзда тузилади;

б) суғурта қилдирувчи томонидан суғурталовчининг дастурий таъминоти (ахборот тизимлари) орқали суғурта шартномасини тузиш бўйича оммавий оферта шаклида электрон ариза киритилганда, суғурта шартномаси суғурталовчининг дастурий таъминотида (ахборот тизимларида) электрон ариза асосида автоматик тарзда тузилади;

в) суғурта қилдирувчи томонидан Ягона интерактив давлат хизматлари портали ёки суғурта агентининг дастурий таъминоти (ахборот тизимлари) орқали суғурта шартномасини тузиш бўйича оммавий оферта шаклида электрон ариза киритилганда, суғурталовчининг дастурий таъминотида электрон ариза асосида суғурта шартномаси автоматик тарзда тузилади.

8. Хавфли ишлаб чиқариш объектида авария юз берганда, бошқа шахсларнинг ҳаёти, соғлиғи ва (ёки) мол-мулкига ҳамда атроф-муҳитга етказилган зарар учун фуқаролик жавобгарлигини электрон шаклда суғурта қилишда:

а) суғурта шартномаси Ягона тизим орқали тузилганда:

Ўзбекистон Республикаси Вазирлар Маҳкамаси ҳузуридаги Саноат, радиация ва ядро хавфсизлиги қўмитаси ва Ўзбекистон Республикаси Тоғ-кон саноати ва геология вазирлиги ҳузуридаги Тоғ-кон саноати ва геология соҳасини назорат қилиш инспекцияси дастурий таъминотида (ахборот тизимларида) мазкур турдаги амалдаги суғурта полисига эга бўлмаган юридик шахслар ахборот алмашинуви орқали автоматик равишда аниқлаб борилади;

Ўзбекистон Республикаси Вазирлар Маҳкамаси ҳузуридаги Саноат, радиация ва ядро хавфсизлиги қўмитаси ва Ўзбекистон Республикаси Тоғ-кон саноати ва геология вазирлиги ҳузуридаги Тоғ-кон саноати ва геология соҳасини назорат қилиш инспекцияси дастурий таъминоти (ахборот тизимлари) орқали мазкур турдаги амалдаги суғурта полисига эга бўлмаган юридик шахслар мажбурий суғурта шартномаларини тузиш зарурлиги тўғрисидаги ахборот Ягона тизимга электрон ҳавола қилинган ҳолда юборилади;

ушбу электрон ҳавола орқали Ягона тизимга кирилганда, суғурта қилдирувчи томонидан Ягона тизимдаги суғурталовчилардан бири танланган ҳолда суғурта шартномасини тузиш бўйича оммавий оферта шаклидаги электрон ариза суғурталовчининг дастурий таъминотига (ахборот тизимларига) юборилади. Бунда, суғурталовчининг дастурий таъминотида (ахборот тизимларида) электрон ариза асосида суғурта шартномаси автоматик тарзда тузилади;

б) суғурта қилдирувчи томонидан суғурталовчининг дастурий таъминоти (ахборот тизимлари) орқали суғурта шартномасини тузиш бўйича оммавий оферта шаклида электрон ариза киритилганда, суғурта шартномаси суғурталовчининг дастурий таъминотида (ахборот тизимларида) электрон ариза асосида автоматик тарзда тузилади;

в) суғурта қилдирувчи томонидан Ягона интерактив давлат хизматлари портали ёки суғурта агентининг дастурий таъминоти (ахборот тизимлари) орқали суғурта шартномасини тузиш бўйича оммавий оферта шаклида электрон ариза киритилганда, суғурталовчининг дастурий таъминотида электрон ариза асосида суғурта шартномаси автоматик тарзда тузилади.

9. Бошқа суғурта шартномаларини электрон шаклда тузишда:

суғурта қилдирувчи томонидан суғурталовчининг дастурий таъминоти (ахборот тизимлари) орқали суғурта шартномасини тузиш бўйича оммавий оферта шаклида электрон ариза киритилганда, суғурта шартномаси суғурталовчининг дастурий таъминотида (ахборот тизимларида) электрон ариза асосида автоматик тарзда тузилади;

суғурта қилдирувчи томонидан Ягона интерактив давлат хизматлари портали ёки суғурта агентининг дастурий таъминоти (ахборот тизимлари) орқали суғурта шартномасини тузиш бўйича оммавий оферта шаклида электрон ариза киритилганда, суғурталовчининг дастурий таъминотида электрон ариза асосида суғурта шартномаси автоматик тарзда тузилади.

10. Ягона интерактив давлат хизматлари портали, суғурталовчи ёки суғурта агентининг дастурий таъминоти (ахборот тизимлари) орқали суғурта шартномалари электрон шаклда тузилганидан сўнг электрон аризада кўрсатилган маълумотлар Ягона тизимга автоматик тарзда юборилади ҳамда суғурта шартномалари Ягона тизимда рўйхатдан ўтказилади.

11. Битта суғурта шартномаси бўйича айни бир объектни бир нечта суғурталовчи томонидан биргаликда суғурта қилиш шартномаларини Ягона тизим орқали рўйхатдан ўтказиш қуйидаги тартибда амалга оширилади:

суғурта шартномаси суғурталовчининг дастурий таъминотида (ахборот тизимларида) тузилганда, суғурталовчи (вакил) ёки унинг суғурта агенти томонидан суғурталовчилар тасдиқлаган электрон аризага асосан суғурта шартномаси Ягона тизимда автоматик тарзда рўйхатдан ўтказилади;

суғурта шартномаси суғурта агентининг дастурий таъминотида (ахборот тизимлари) тузилганда, суғурталовчилар тасдиқлаган электрон аризага асосан суғурталовчининг дастурий таъминоти орқали суғурта шартномаси Ягона тизимда автоматик тарзда рўйхатдан ўтказилади.

12. Қайта суғурта шартномаларини Ягона тизим орқали рўйхатдан ўтказиш қуйидаги тартибда амалга оширилади:

а) қайта суғурта қилдирувчи билан қайта суғурталовчи ўртасида тўғридан-тўғри қайта суғурта шартномаси тузилганда, қайта суғурта қилдирувчи томонидан электрон ариза қайта суғурталовчига юборилади ҳамда электрон ариза қайта суғурталовчи томонидан тасдиқланганидан сўнг қайта суғурта шартномаси (жумладан, қайта суғурта қилиш слипи ва бошқалар) Ягона тизим орқали автоматик тарзда рўйхатдан ўтказилади;

б) қайта суғурта брокери иштирокида қайта суғурта шартномаси тузилганда:

қайта суғурта қилдирувчи томонидан электрон ариза қайта суғурта брокерига тасдиқлаш учун юборилади ҳамда электрон ариза қайта суғурта брокери томонидан тасдиқланганидан сўнг қайта суғурта шартномаси (жумладан, қайта суғурта қилиш слипи ва бошқалар) Ягона тизим орқали автоматик тарзда рўйхатдан ўтказилади;

қайта суғурта брокери томонидан электрон ариза қайта суғурталовчига юборилади ҳамда қайта суғурталовчи томонидан электрон ариза тасдиқланганидан сўнг қайта суғурта шартномаси (жумладан, ковернота ва бошқалар) Ягона тизим орқали автоматик тарзда рўйхатдан ўтказилади;

в) қайта суғурта шартномаси норезидент суғурталовчилар билан тузилганда, резидент қайта суғурта қилдирувчи ёки резидент қайта суғурталовчилар томонидан электрон аризани Ягона тизимга юбориш орқали қайта суғурта шартномаси Ягона тизимда рўйхатдан ўтказилади.

13. Қайта суғурта қилдирувчи (қайта суғурта брокери) суғурта мажбуриятларини қайта суғурталаш учун хорижий суғурта ташкилотларига беришдан аввал бериладиган суғурта мажбуриятларининг камида 50 фоизи миқдорида қайта суғурталаш бўйича офертани (қайта суғурталаш шартномаларини тузиш таклифларини) Ўзбекистон Республикаси ҳудудида қайта суғурталаш фаолиятини амалга ошириш ҳуқуқига эга бўлган суғурта ташкилотларига Ягона тизим орқали юборади.

Бунда:

қайта суғурта қилдирувчи ёки қайта суғурта брокери қайта суғурталаш бўйича офертани Ягона тизимга киритади;

офертани акцептлаш ёки уни рад этиш қайта суғурталовчилар томонидан Ягона тизимда амалга оширилади.

14. Суғурта (қайта суғурта) шартномасига ўзгартириш киритиш ёки уни бекор қилиш ушбу бобда белгиланган тартибда Ягона тизимда рўйхатдан ўтказилади.

3-боб. Суғурта полисини расмийлаштириш

15. Суғурта шартномаси Ягона тизимда рўйхатдан ўтказилганидан ва суғурта мукофоти тўланганлиги суғурталовчи томонидан электрон тарзда тасдиқланганидан сўнг суғурта полиси Ягона тизим орқали автоматик тарзда расмийлаштирилади.

Бунда, биргаликда суғурта қилиш шартномаларида суғурта мукофоти тўланганлиги суғурталовчи (биргаликдаги суғурталовчилар номидан вакил) томонидан электрон тарзда тасдиқланади.

Ягона тизим томонидан суғурта полиси расмийлаштирилганлиги тўғрисида суғурта қилдирувчига суғурта полисига электрон ҳавола қилинган ҳолда хабарнома юборилади ҳамда суғурта қилдирувчи хабарномадаги ҳавола орқали суғурта полисини электрон шаклини юклаб олади.

16. Суғурта полисининг ҳақиқийлиги суғурта полисининг махсус коди (QR-код) орқали текширилиши мумкин.

4-боб. Ягона тизим орқали суғурта даъволарини мониторинг қилиш

17. Суғурталовчилар ҳамда Транспорт воситалари эгаларининг фуқаролик жавобгарлигини мажбурий суғурта қилиш бўйича тўловларни кафолатлаш жамғармасига келиб тушган суғурта даъволарининг ҳисоби Ягона тизимда юритилади.

18. Суғурталовчи қабул қилинган суғурта даъволарини кейинги иш кунидан кечиктирмай Ягона тизим орқали рўйхатдан ўтказади.

Бунда, ваколатли давлат органининг ахборот тизимлари ва Ягона интерактив давлат хизматлари портали орқали қабул қилинадиган суғурта даъволари автоматик тарзда Ягона тизим орқали рўйхатдан ўтказилади.

19. Суғурталовчи суғурта даъволарини кўриб чиқиш натижаси юзасидан аризачини хабардор қилади ва кейинги иш кунидан кечиктирмай Ягона тизимда ижро ҳолатини белгилаб ижро ҳужжати нусхасини юклайди.

20. Ваколатли давлат органи Ягона тизимда суғурталовчи томонидан кўриб чиқилган (чиқилаётган) суғурта даъволари ижросининг таҳлилини олиб боради.

5-боб. Ягона тизимдан фойдаланиш талаблари ва шартлари ҳамда тизимдан фойдаланишни тўхтатиш

21. Ягона тизимдан фойдаланиш талаблари ва шартлари қуйидагилардан иборат:

Ягона тизимда рўйхатдан ўтиш, бундан вазирлик ва идоралар мустасно;

ахборот тизимларини Ягона тизимга тўлиқ интеграциясини амалга ошириш;

ахборот тизимларидан узлуксиз ва тўлиқ фойдаланиш имкониятини яратиш, бундан форс-мажор ҳолатлар мустасно;

суғурта шартномаларини электрон тарзда тузиш ва рўйхатдан ўтказиш ҳамда суғурта полисларини расмийлаштиришда суғурта фаолияти соҳасидаги қонунчилик ҳужжатларига ва техник топшириқларга риоя этилишини таъминлаш;

Ягона тизимга ҳаққоний маълумотларни киритиш;

шахсий маълумотларни қайта ишлашда ахборот алмашинуви иштирокчилари шахсий маълумотлар ва суғурта сири деб таснифланган маълумотларни уларга ноқонуний ёки тасодифий кириш, йўқ қилиш, ўзгартириш, блокировка қилиш, нусха олиш, тақдим этиш ва тарқатишдан, шунингдек бошқа ноқонуний ҳаракатлардан ҳимоя қилиш учун зарур ҳуқуқий, ташкилий ва техник чораларни кўриш;

Ўзбекистон Республикаси фуқароларининг шахсга доир маълумотларига ишлов беришда, шу жумладан Интернет жаҳон ахборот тармоғида ишлов беришда уларнинг жисман Ўзбекистон Республикаси ҳудудида жойлашган техник воситаларда йиғилишини, тизимлаштирилишини ва сақланишини таъминлаш.

22. Қуйидаги ҳолларда Ягона тизимдан фойдаланиш тўлиқ ёки қисман тўхтатилади:

Ягона тизимдан фойдаланиш талаблари ва шартларига риоя қилинмаганда;

суғурта ташкилоти лицензиясининг амал қилишини тўхтатиб туриш, тугатиш ёки бекор қилиш тўғрисида қарор қабул қилинганда;

Ягона тизим доирасида маълумот алмашиш тўғрисидаги ёзма битим бекор қилинганда;

электрон турдаги суғурта хизматларини кўрсатишнинг ҳар қандай босқичида хизмат кўрсатиш имкониятидан фойдаланиш чекланганлиги аниқланганда;

қонунчиликда белгиланган бошқа ҳолатларда.

23. Ягона тизимдан фойдаланишни тўхтатиш ваколатли давлат органининг қарорига асосан амалга оширилади. Бунда, ваколатли давлат органининг қарори қабул қилинишдан олдин Ягона тизим фойдаланувчиларига камчиликларни бартараф этиш мақсадида мажбурий кўрсатма берилиши мумкин.

24. Ваколатли давлат органи томонидан Ягона тизимдан тўлиқ ёки қисман фойдаланишни тўхтатиш тўғрисида қарор қабул қилинган кундан бошлаб бир иш куни ичида бу ҳақида тўхтатиш сабабларини кўрсатган ҳолда тизим фойдаланувчиларига хабар беради.

25. Ягона тизим фойдаланувчиларининг Ягона тизимдан фойдаланишни тиклаш тўғрисидаги мурожаати икки иш куни ичида кўриб чиқилади ва Ягона тизимдан фойдаланишини тиклаш ёки тиклашни рад этиш ҳақида қарор қабул қилинади. Бунда, Ягона тизим фойдаланувчиларига бу ҳақида бир иш куни ичида хабар берилади.

6-боб. Якунловчи қоидалар

26. Ваколатли давлат органининг қарори юзасидан қонунчиликда белгиланган тартибда судга мурожаат қилиш мумкин.

27. Ушбу Низом талабларининг бузилишида айбдор бўлган шахслар қонунчиликда белгиланган тартибда жавобгар бўладилар.

Суғурта хизматларини электрон шаклда кўрсатиш тартиби тўғрисидаги низомга ИЛОВА

ЯГОНА АВТОМАТЛАШТИРИЛГАН АХБОРОТ ТИЗИМИ ersp . e - osgo . uz Компания логотипи Серияси: _______ № ____________-сон ____- сонли суғурта шартномаси бўйича ЭЛЕКТРОН СУҒУРТА ПОЛИСИ 1. Суғурта маҳсулотининг номи 2. Суғурталовчи 3. Суғурта қилдирувчи 4. Суғурталанган шахс 5. Наф олувчи 6. Суғурта объекти 7. Суғурта шакли 8. Суғурта класси 9. Суғурта таваккалчиликлари 10. Суғурта қиймати 11. Суғурта суммаси 12. Франшиза 13. Суғурта мукофоти 14. Тўланган суғурта мукофоти 1 5 . Суғурта полисининг амал қилиш муддати дан гача 1 6 . Суғурта ҳимоясига олинган ҳудуд 1 7 . Суғурта қоидалари илова қилинади 1 8 . Суғурта ташкилотининг манзили 1 9 . Алоҳида қайдлар Суғурта ҳодисаси юз берганда қуйидаги телефон рақам орқали мурожаат қилинг: +998 (00) 000-00-00 суғурта ташкилотининг телефон рақами Берилган санаси : 202__ йил «_____» ___________ Берилган вақти : ___:___ Суғурта ҳодисаси рўй берганда, « Sug ʻ urta Service » ягона мобил иловасидан фойдаланишингиз мумкин.

Директор Д. ЛИ

Солиқ қўмитаси раиси Ш. КУДБИЕВ

Рақамли технологиялар вазири Ш. ШЕРМАТОВ

Савдо-саноат палатаси раиси Д. ВАХАБОВ

Тадбиркорлик субъектларининг ҳуқуқлари ва қонуний манфаатларини ҳимоя қилиш бўйича вакил Д. КАСИМОВ

Транспорт вазири И. МАХКАМОВ

Камбағалликни қисқартириш ва бандлик вазири Б. МУСАЕВ

Тоғ-кон саноати ва геология вазири Б. ИСЛАМОВ

Қурилиш ва уй-жой коммунал хўжалиги вазири в.б. Ш. ХИДОЯТОВ

Тошкент ш.,

2024 йил 12 сентябрь,

2024 йил 23 август

2024 йил 29 август

2024 йил 13 август

2024 йил 16 август

2024 йил 20 август

2024 йил 16 август

2024 йил 16 август

2024 йил 12 сентябрь

9-сон

(Қонунчилик маълумотлари миллий базаси, 13.11.2024 й., 10/24/3571/0915-сон; 19.03.2026 й., 10/26/3571-1/0264-сон)

lex.uz

Oʻzbekiston Respublikasi Istiqbolli loyihalar milliy agentligi direktorining

buyrugʻi

NIZOM

Sugʻurta xizmatlarini elektron shaklda koʻrsatish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining 2024-yil 1-martdagi PQ-108-son “Sugʻurta xizmatlari bozorini yanada rivojlantirishning kompleks chora-tadbirlari toʻgʻrisida”gi qarori va Oʻzbekiston Respublikasi Vazirlar Mahkamasining 2024-yil 30-iyuldagi 458-son “Sugʻurta xizmatlari bozorini yanada rivojlantirish boʻyicha kompleks chora-tadbirlar belgilanganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida”gi qaroriga muvofiq buyuraman:

1. Sugʻurta xizmatlarini elektron shaklda koʻrsatish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq Oʻzbekiston Respublikasi Togʻ-kon sanoati va geologiya vazirligi, Kambagʻallikni qisqartirish va bandlik vazirligi, Qurilish va uy-joy kommunal xoʻjaligi vazirligi, Transport vazirligi, Oʻzbekiston Respublikasi Vazirlar Mahkamasi huzuridagi Soliq qoʻmitasi, Raqamli texnologiyalar vazirligi, Oʻzbekiston Respublikasi Prezidenti huzuridagi Tadbirkorlik subyektlarining huquqlari va qonuniy manfaatlarini himoya qilish boʻyicha vakili hamda Oʻzbekiston Respublikasi Savdo-sanoat palatasi bilan kelishilgan.

3. Mazkur buyruq rasmiy eʼlon qilingan kundan eʼtiboran uch oydan keyin kuchga kiradi.

Kelishildi:

Oʻzbekiston Respublikasi Istiqbolli loyihalar milliy agentligi direktorining 2024-yil 12-sentabrdagi 9-son buyrugʻiga ILOVA

Sugʻurta xizmatlarini elektron shaklda koʻrsatish tartibi toʻgʻrisidagi

Mazkur Nizom sugʻurta xizmatlarini elektron shaklda koʻrsatish tartibini belgilaydi.

1-bob. Umumiy qoidalar

1. Mazkur Nizomda quyidagi asosiy tushunchalar qoʻllaniladi:

axborot almashinuvi ishtirokchilari — sugʻurta bozorining professional ishtirokchilari, Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasi va Yagona avtomatlashtirilgan axborot tizimi bilan integratsiyalashgan vazirlik va idoralar;

vakolatli davlat organi — Oʻzbekiston Respublikasi Istiqbolli loyihalar milliy agentligi;

sugʻurta daʼvosi — sugʻurta shartnomasida koʻrsatilgan muayyan voqea (sugʻurta hodisasi) yuz berganda, sugʻurta tovonini (sugʻurta toʻlovini) toʻlash uchun berilgan ariza;

Yagona avtomatlashtirilgan axborot tizimi (bundan buyon matnda Yagona tizim deb yuritiladi) — manfaatdor vazirliklar va idoralarning axborot tizimlari va markaziy maʼlumotlar bazalari, jismoniy va yuridik shaxslar markaziy maʼlumotlar bazalari bilan integratsiyalashgan sugʻurta bozori maʼlumotlarini hisobga olish va isteʼmolchilarga elektron sugʻurta xizmatlarini koʻrsatish imkoniyatini taʼminlovchi yagona tizim.

2. Sugʻurta shartnomalari Yagona tizim, Oʻzbekiston Respublikasi Yagona interaktiv davlat xizmatlari portali (bundan buyon matnda Yagona interaktiv davlat xizmatlari portali deb yuritiladi), sugʻurtalovchi yoki sugʻurta agentining dasturiy taʼminoti (axborot tizimlari) orqali elektron shaklda tuzilishi mumkin.

3. Sugʻurtaning barcha turlari boʻyicha sugʻurta shartnomalari Yagona tizim orqali roʻyxatdan oʻtkaziladi va sugʻurta polislari ushbu tizim orqali mazkur Nizomning ilovasiga muvofiq shaklda rasmiylashtiriladi. Qonunchilikda sugʻurta polisining shakli tasdiqlangan boʻlsa, sugʻurta polisi qonunchilikda belgilangan shaklda rasmiylashtiriladi.

4. Sugʻurta shartnomalarini elektron tarzda tuzish hamda roʻyxatdan oʻtkazishni taʼminlash maqsadida axborot almashinuvi ishtirokchilarining dasturiy taʼminotlari (axborot tizimlari) Yagona tizim bilan integratsiya qilinadi hamda sugʻurta shartnomasi toʻgʻrisidagi maʼlumotlar uzatiladi.

5. Sugʻurta xizmatlarini elektron shaklda koʻrsatuvchi sugʻurta agenti oʻzining dasturiy taʼminotida (axborot tizimlarida) sugʻurta qildiruvchilar uchun sugʻurtalovchini erkin tanlash imkoniyatini yaratishi hamda sugʻurtalovchilarning vakolatli davlat organi tomonidan eʼlon qilingan reyting koʻrsatkichlarini aks ettirishi shart.

2-bob. Sugʻurta (qayta sugʻurta) shartnomalarini tuzish va Yagona avtomatlashtirilgan axborot tizimi orqali roʻyxatdan oʻtkazish

6. Ish beruvchining va tashuvchining fuqarolik javobgarligini elektron shaklda majburiy sugʻurta qilishda:

a) sugʻurta shartnomasi Yagona tizim orqali tuzilganda:

Oʻzbekiston Respublikasi Soliq qoʻmitasining “my.soliq.uz” elektron tizimida soliq hisobotlarini taqdim etishda fuqarolik javobgarligini majburiy sugʻurta qilish boʻyicha amaldagi sugʻurta polisiga ega boʻlmagan ish beruvchilar va tashuvchilar axborot almashinuvi orqali avtomatik ravishda aniqlab boriladi;

fuqarolik javobgarligini majburiy sugʻurta qilish boʻyicha amaldagi sugʻurta polisiga ega boʻlmagan ish beruvchilar yoki tashuvchilarning Oʻzbekiston Respublikasi Soliq qoʻmitasining “my.soliq.uz” elektron tizimidagi shaxsiy kabinetiga majburiy sugʻurta shartnomalarini tuzish zarurligi toʻgʻrisidagi axborot avtomatik ravishda Yagona tizimga elektron havola qilingan holda yuboriladi;

ushbu elektron havola orqali Yagona tizimga kirilganda, ish beruvchilar yoki tashuvchilar tomonidan Yagona tizimdagi sugʻurtalovchilardan biri tanlangan holda sugʻurta shartnomasini tuzish boʻyicha ommaviy oferta shaklidagi elektron ariza sugʻurtalovchining dasturiy taʼminotiga (axborot tizimlariga) yuboriladi. Bunda, sugʻurtalovchining dasturiy taʼminotida (axborot tizimlarida) avtomatik ravishda elektron ariza asosida sugʻurta shartnomasi tuziladi;

b) ish beruvchilar yoki tashuvchilar tomonidan sugʻurtalovchining dasturiy taʼminoti (axborot tizimlari) orqali sugʻurta shartnomasini tuzish boʻyicha ommaviy oferta shaklidagi elektron ariza kiritilganda, sugʻurta shartnomasi sugʻurtalovchining dasturiy taʼminotida (axborot tizimlarida) elektron ariza asosida avtomatik tarzda tuziladi;

v) ish beruvchilar yoki tashuvchilar tomonidan Yagona interaktiv davlat xizmatlari portali yoki sugʻurta agentining dasturiy taʼminoti (axborot tizimlari) orqali sugʻurta shartnomasini tuzish boʻyicha ommaviy oferta shaklidagi elektron ariza kiritilganda, sugʻurtalovchining dasturiy taʼminotida elektron ariza asosida sugʻurta shartnomasi avtomatik tarzda tuziladi.

7. Davlat budjeti mablagʻlari va Hukumat kafolati ostidagi kreditlar hisobiga mablagʻ bilan taʼminlanayotgan qurilish obyektlari boʻyicha tavakkalchiliklarni elektron shaklda sugʻurta qilishda:

a) sugʻurta shartnomasi Yagona tizim orqali tuzilganda:

Oʻzbekiston Respublikasi Qurilish va uy-joy kommunal xoʻjaligi vazirligining “Shaffof qurilish” milliy axborot tizimida mazkur turdagi amaldagi sugʻurta polisiga (toʻliq qurilish davri uchun) ega boʻlmagan yuridik shaxslar axborot almashinuvi orqali avtomatik ravishda aniqlab boriladi;

Oʻzbekiston Respublikasi Qurilish va uy-joy kommunal xoʻjaligi vazirligining “Shaffof qurilish” milliy axborot tizimi orqali mazkur turdagi amaldagi sugʻurta polisiga ega boʻlmagan yuridik shaxslar majburiy sugʻurta shartnomalarini tuzishi zarurligi toʻgʻrisidagi axborot Yagona tizimga elektron havola qilingan holda yuboriladi;

ushbu elektron havola orqali Yagona tizimga kirilganda, sugʻurta qildiruvchi tomonidan Yagona tizimdagi sugʻurtalovchilardan biri tanlangan holda sugʻurta shartnomasini tuzish boʻyicha ommaviy oferta shaklidagi elektron ariza sugʻurtalovchining dasturiy taʼminotiga (axborot tizimlariga) yuboriladi. Bunda, sugʻurtalovchining dasturiy taʼminotida (axborot tizimlarida) elektron ariza asosida sugʻurta shartnomasi avtomatik tarzda tuziladi;

b) sugʻurta qildiruvchi tomonidan sugʻurtalovchining dasturiy taʼminoti (axborot tizimlari) orqali sugʻurta shartnomasini tuzish boʻyicha ommaviy oferta shaklida elektron ariza kiritilganda, sugʻurta shartnomasi sugʻurtalovchining dasturiy taʼminotida (axborot tizimlarida) elektron ariza asosida avtomatik tarzda tuziladi;

v) sugʻurta qildiruvchi tomonidan Yagona interaktiv davlat xizmatlari portali yoki sugʻurta agentining dasturiy taʼminoti (axborot tizimlari) orqali sugʻurta shartnomasini tuzish boʻyicha ommaviy oferta shaklida elektron ariza kiritilganda, sugʻurtalovchining dasturiy taʼminotida elektron ariza asosida sugʻurta shartnomasi avtomatik tarzda tuziladi.

8. Xavfli ishlab chiqarish obyektida avariya yuz berganda, boshqa shaxslarning hayoti, sogʻligʻi va (yoki) mol-mulkiga hamda atrof-muhitga yetkazilgan zarar uchun fuqarolik javobgarligini elektron shaklda sugʻurta qilishda:

a) sugʻurta shartnomasi Yagona tizim orqali tuzilganda:

Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi va Oʻzbekiston Respublikasi Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi dasturiy taʼminotida (axborot tizimlarida) mazkur turdagi amaldagi sugʻurta polisiga ega boʻlmagan yuridik shaxslar axborot almashinuvi orqali avtomatik ravishda aniqlab boriladi;

Oʻzbekiston Respublikasi Vazirlar Mahkamasi huzuridagi Sanoat, radiatsiya va yadro xavfsizligi qoʻmitasi va Oʻzbekiston Respublikasi Togʻ-kon sanoati va geologiya vazirligi huzuridagi Togʻ-kon sanoati va geologiya sohasini nazorat qilish inspeksiyasi dasturiy taʼminoti (axborot tizimlari) orqali mazkur turdagi amaldagi sugʻurta polisiga ega boʻlmagan yuridik shaxslar majburiy sugʻurta shartnomalarini tuzish zarurligi toʻgʻrisidagi axborot Yagona tizimga elektron havola qilingan holda yuboriladi;

ushbu elektron havola orqali Yagona tizimga kirilganda, sugʻurta qildiruvchi tomonidan Yagona tizimdagi sugʻurtalovchilardan biri tanlangan holda sugʻurta shartnomasini tuzish boʻyicha ommaviy oferta shaklidagi elektron ariza sugʻurtalovchining dasturiy taʼminotiga (axborot tizimlariga) yuboriladi. Bunda, sugʻurtalovchining dasturiy taʼminotida (axborot tizimlarida) elektron ariza asosida sugʻurta shartnomasi avtomatik tarzda tuziladi;

b) sugʻurta qildiruvchi tomonidan sugʻurtalovchining dasturiy taʼminoti (axborot tizimlari) orqali sugʻurta shartnomasini tuzish boʻyicha ommaviy oferta shaklida elektron ariza kiritilganda, sugʻurta shartnomasi sugʻurtalovchining dasturiy taʼminotida (axborot tizimlarida) elektron ariza asosida avtomatik tarzda tuziladi;

v) sugʻurta qildiruvchi tomonidan Yagona interaktiv davlat xizmatlari portali yoki sugʻurta agentining dasturiy taʼminoti (axborot tizimlari) orqali sugʻurta shartnomasini tuzish boʻyicha ommaviy oferta shaklida elektron ariza kiritilganda, sugʻurtalovchining dasturiy taʼminotida elektron ariza asosida sugʻurta shartnomasi avtomatik tarzda tuziladi.

9. Boshqa sugʻurta shartnomalarini elektron shaklda tuzishda:

sugʻurta qildiruvchi tomonidan sugʻurtalovchining dasturiy taʼminoti (axborot tizimlari) orqali sugʻurta shartnomasini tuzish boʻyicha ommaviy oferta shaklida elektron ariza kiritilganda, sugʻurta shartnomasi sugʻurtalovchining dasturiy taʼminotida (axborot tizimlarida) elektron ariza asosida avtomatik tarzda tuziladi;

sugʻurta qildiruvchi tomonidan Yagona interaktiv davlat xizmatlari portali yoki sugʻurta agentining dasturiy taʼminoti (axborot tizimlari) orqali sugʻurta shartnomasini tuzish boʻyicha ommaviy oferta shaklida elektron ariza kiritilganda, sugʻurtalovchining dasturiy taʼminotida elektron ariza asosida sugʻurta shartnomasi avtomatik tarzda tuziladi.

10. Yagona interaktiv davlat xizmatlari portali, sugʻurtalovchi yoki sugʻurta agentining dasturiy taʼminoti (axborot tizimlari) orqali sugʻurta shartnomalari elektron shaklda tuzilganidan soʻng elektron arizada koʻrsatilgan maʼlumotlar Yagona tizimga avtomatik tarzda yuboriladi hamda sugʻurta shartnomalari Yagona tizimda roʻyxatdan oʻtkaziladi.

11. Bitta sugʻurta shartnomasi boʻyicha ayni bir obyektni bir nechta sugʻurtalovchi tomonidan birgalikda sugʻurta qilish shartnomalarini Yagona tizim orqali roʻyxatdan oʻtkazish quyidagi tartibda amalga oshiriladi:

sugʻurta shartnomasi sugʻurtalovchining dasturiy taʼminotida (axborot tizimlarida) tuzilganda, sugʻurtalovchi (vakil) yoki uning sugʻurta agenti tomonidan sugʻurtalovchilar tasdiqlagan elektron arizaga asosan sugʻurta shartnomasi Yagona tizimda avtomatik tarzda roʻyxatdan oʻtkaziladi;

sugʻurta shartnomasi sugʻurta agentining dasturiy taʼminotida (axborot tizimlari) tuzilganda, sugʻurtalovchilar tasdiqlagan elektron arizaga asosan sugʻurtalovchining dasturiy taʼminoti orqali sugʻurta shartnomasi Yagona tizimda avtomatik tarzda roʻyxatdan oʻtkaziladi.

12. Qayta sugʻurta shartnomalarini Yagona tizim orqali roʻyxatdan oʻtkazish quyidagi tartibda amalga oshiriladi:

a) qayta sugʻurta qildiruvchi bilan qayta sugʻurtalovchi oʻrtasida toʻgʻridan-toʻgʻri qayta sugʻurta shartnomasi tuzilganda, qayta sugʻurta qildiruvchi tomonidan elektron ariza qayta sugʻurtalovchiga yuboriladi hamda elektron ariza qayta sugʻurtalovchi tomonidan tasdiqlanganidan soʻng qayta sugʻurta shartnomasi (jumladan, qayta sugʻurta qilish slipi va boshqalar) Yagona tizim orqali avtomatik tarzda roʻyxatdan oʻtkaziladi;

b) qayta sugʻurta brokeri ishtirokida qayta sugʻurta shartnomasi tuzilganda:

qayta sugʻurta qildiruvchi tomonidan elektron ariza qayta sugʻurta brokeriga tasdiqlash uchun yuboriladi hamda elektron ariza qayta sugʻurta brokeri tomonidan tasdiqlanganidan soʻng qayta sugʻurta shartnomasi (jumladan, qayta sugʻurta qilish slipi va boshqalar) Yagona tizim orqali avtomatik tarzda roʻyxatdan oʻtkaziladi;

qayta sugʻurta brokeri tomonidan elektron ariza qayta sugʻurtalovchiga yuboriladi hamda qayta sugʻurtalovchi tomonidan elektron ariza tasdiqlanganidan soʻng qayta sugʻurta shartnomasi (jumladan, kovernota va boshqalar) Yagona tizim orqali avtomatik tarzda roʻyxatdan oʻtkaziladi;

v) qayta sugʻurta shartnomasi norezident sugʻurtalovchilar bilan tuzilganda, rezident qayta sugʻurta qildiruvchi yoki rezident qayta sugʻurtalovchilar tomonidan elektron arizani Yagona tizimga yuborish orqali qayta sugʻurta shartnomasi Yagona tizimda roʻyxatdan oʻtkaziladi.

13. Qayta sugʻurta qildiruvchi (qayta sugʻurta brokeri) sugʻurta majburiyatlarini qayta sugʻurtalash uchun xorijiy sugʻurta tashkilotlariga berishdan avval beriladigan sugʻurta majburiyatlarining kamida 50 foizi miqdorida qayta sugʻurtalash boʻyicha ofertani (qayta sugʻurtalash shartnomalarini tuzish takliflarini) Oʻzbekiston Respublikasi hududida qayta sugʻurtalash faoliyatini amalga oshirish huquqiga ega boʻlgan sugʻurta tashkilotlariga Yagona tizim orqali yuboradi.

Bunda:

qayta sugʻurta qildiruvchi yoki qayta sugʻurta brokeri qayta sugʻurtalash boʻyicha ofertani Yagona tizimga kiritadi;

ofertani akseptlash yoki uni rad etish qayta sugʻurtalovchilar tomonidan Yagona tizimda amalga oshiriladi.

14. Sugʻurta (qayta sugʻurta) shartnomasiga oʻzgartirish kiritish yoki uni bekor qilish ushbu bobda belgilangan tartibda Yagona tizimda roʻyxatdan oʻtkaziladi.

3-bob. Sugʻurta polisini rasmiylashtirish

15. Sugʻurta shartnomasi Yagona tizimda roʻyxatdan oʻtkazilganidan va sugʻurta mukofoti toʻlanganligi sugʻurtalovchi tomonidan elektron tarzda tasdiqlanganidan soʻng sugʻurta polisi Yagona tizim orqali avtomatik tarzda rasmiylashtiriladi.

Bunda, birgalikda sugʻurta qilish shartnomalarida sugʻurta mukofoti toʻlanganligi sugʻurtalovchi (birgalikdagi sugʻurtalovchilar nomidan vakil) tomonidan elektron tarzda tasdiqlanadi.

Yagona tizim tomonidan sugʻurta polisi rasmiylashtirilganligi toʻgʻrisida sugʻurta qildiruvchiga sugʻurta polisiga elektron havola qilingan holda xabarnoma yuboriladi hamda sugʻurta qildiruvchi xabarnomadagi havola orqali sugʻurta polisini elektron shaklini yuklab oladi.

16. Sugʻurta polisining haqiqiyligi sugʻurta polisining maxsus kodi (QR-kod) orqali tekshirilishi mumkin.

4-bob. Yagona tizim orqali sugʻurta daʼvolarini monitoring qilish

17. Sugʻurtalovchilar hamda Transport vositalari egalarining fuqarolik javobgarligini majburiy sugʻurta qilish boʻyicha toʻlovlarni kafolatlash jamgʻarmasiga kelib tushgan sugʻurta daʼvolarining hisobi Yagona tizimda yuritiladi.

18. Sugʻurtalovchi qabul qilingan sugʻurta daʼvolarini keyingi ish kunidan kechiktirmay Yagona tizim orqali roʻyxatdan oʻtkazadi.

Bunda, vakolatli davlat organining axborot tizimlari va Yagona interaktiv davlat xizmatlari portali orqali qabul qilinadigan sugʻurta daʼvolari avtomatik tarzda Yagona tizim orqali roʻyxatdan oʻtkaziladi.

19. Sugʻurtalovchi sugʻurta daʼvolarini koʻrib chiqish natijasi yuzasidan arizachini xabardor qiladi va keyingi ish kunidan kechiktirmay Yagona tizimda ijro holatini belgilab ijro hujjati nusxasini yuklaydi.

20. Vakolatli davlat organi Yagona tizimda sugʻurtalovchi tomonidan koʻrib chiqilgan (chiqilayotgan) sugʻurta daʼvolari ijrosining tahlilini olib boradi.

5-bob. Yagona tizimdan foydalanish talablari va shartlari hamda tizimdan foydalanishni toʻxtatish

21. Yagona tizimdan foydalanish talablari va shartlari quyidagilardan iborat:

Yagona tizimda roʻyxatdan oʻtish, bundan vazirlik va idoralar mustasno;

axborot tizimlarini Yagona tizimga toʻliq integratsiyasini amalga oshirish;

axborot tizimlaridan uzluksiz va toʻliq foydalanish imkoniyatini yaratish, bundan fors-major holatlar mustasno;

sugʻurta shartnomalarini elektron tarzda tuzish va roʻyxatdan oʻtkazish hamda sugʻurta polislarini rasmiylashtirishda sugʻurta faoliyati sohasidagi qonunchilik hujjatlariga va texnik topshiriqlarga rioya etilishini taʼminlash;

Yagona tizimga haqqoniy maʼlumotlarni kiritish;

shaxsiy maʼlumotlarni qayta ishlashda axborot almashinuvi ishtirokchilari shaxsiy maʼlumotlar va sugʻurta siri deb tasniflangan maʼlumotlarni ularga noqonuniy yoki tasodifiy kirish, yoʻq qilish, oʻzgartirish, blokirovka qilish, nusxa olish, taqdim etish va tarqatishdan, shuningdek boshqa noqonuniy harakatlardan himoya qilish uchun zarur huquqiy, tashkiliy va texnik choralarni koʻrish;

Oʻzbekiston Respublikasi fuqarolarining shaxsga doir maʼlumotlariga ishlov berishda, shu jumladan Internet jahon axborot tarmogʻida ishlov berishda ularning jisman Oʻzbekiston Respublikasi hududida joylashgan texnik vositalarda yigʻilishini, tizimlashtirilishini va saqlanishini taʼminlash.

22. Quyidagi hollarda Yagona tizimdan foydalanish toʻliq yoki qisman toʻxtatiladi:

Yagona tizimdan foydalanish talablari va shartlariga rioya qilinmaganda;

sugʻurta tashkiloti litsenziyasining amal qilishini toʻxtatib turish, tugatish yoki bekor qilish toʻgʻrisida qaror qabul qilinganda;

Yagona tizim doirasida maʼlumot almashish toʻgʻrisidagi yozma bitim bekor qilinganda;

elektron turdagi sugʻurta xizmatlarini koʻrsatishning har qanday bosqichida xizmat koʻrsatish imkoniyatidan foydalanish cheklanganligi aniqlanganda;

qonunchilikda belgilangan boshqa holatlarda.

23. Yagona tizimdan foydalanishni toʻxtatish vakolatli davlat organining qaroriga asosan amalga oshiriladi. Bunda, vakolatli davlat organining qarori qabul qilinishdan oldin Yagona tizim foydalanuvchilariga kamchiliklarni bartaraf etish maqsadida majburiy koʻrsatma berilishi mumkin.

24. Vakolatli davlat organi tomonidan Yagona tizimdan toʻliq yoki qisman foydalanishni toʻxtatish toʻgʻrisida qaror qabul qilingan kundan boshlab bir ish kuni ichida bu haqida toʻxtatish sabablarini koʻrsatgan holda tizim foydalanuvchilariga xabar beradi.

25. Yagona tizim foydalanuvchilarining Yagona tizimdan foydalanishni tiklash toʻgʻrisidagi murojaati ikki ish kuni ichida koʻrib chiqiladi va Yagona tizimdan foydalanishini tiklash yoki tiklashni rad etish haqida qaror qabul qilinadi. Bunda, Yagona tizim foydalanuvchilariga bu haqida bir ish kuni ichida xabar beriladi.

6-bob. Yakunlovchi qoidalar

26. Vakolatli davlat organining qarori yuzasidan qonunchilikda belgilangan tartibda sudga murojaat qilish mumkin.

27. Ushbu Nizom talablarining buzilishida aybdor boʻlgan shaxslar qonunchilikda belgilangan tartibda javobgar boʻladilar.

Sugʻurta xizmatlarini elektron shaklda koʻrsatish tartibi toʻgʻrisidagi nizomga ILOVA

YAGONA AVTOMATLASHTIRILGAN AXBOROT TIZIMI ersp . e - osgo . uz Kompaniya logotipi Seriyasi: _______ № ____________-son ____- sonli sugʻurta shartnomasi boʻyicha ELEKTRON SUGʻURTA POLISI 1. Sugʻurta mahsulotining nomi 2. Sugʻurtalovchi 3. Sugʻurta qildiruvchi 4. Sugʻurtalangan shaxs 5. Naf oluvchi 6. Sugʻurta obyekti 7. Sugʻurta shakli 8. Sugʻurta klassi 9. Sugʻurta tavakkalchiliklari 10. Sugʻurta qiymati 11. Sugʻurta summasi 12. Franshiza 13. Sugʻurta mukofoti 14. Toʻlangan sugʻurta mukofoti 1 5 . Sugʻurta polisining amal qilish muddati dan gacha 1 6 . Sugʻurta himoyasiga olingan hudud 1 7 . Sugʻurta qoidalari ilova qilinadi 1 8 . Sugʻurta tashkilotining manzili 1 9 . Alohida qaydlar Sugʻurta hodisasi yuz berganda quyidagi telefon raqam orqali murojaat qiling: +998 (00) 000-00-00 sugʻurta tashkilotining telefon raqami Berilgan sanasi : 202__ yil “_____” ___________ Berilgan vaqti : ___:___ Sugʻurta hodisasi roʻy berganda, “ Sug ʻ urta Service ” yagona mobil ilovasidan foydalanishingiz mumkin.

Direktor D. LI

Soliq qoʻmitasi raisi Sh. KUDBIYEV

Raqamli texnologiyalar vaziri Sh. SHERMATOV

Savdo-sanoat palatasi raisi D. VAXABOV

Tadbirkorlik subyektlarining huquqlari va qonuniy manfaatlarini himoya qilish boʻyicha vakil D. KASIMOV

Transport vaziri I. MAXKAMOV

Kambagʻallikni qisqartirish va bandlik vaziri B. MUSAYEV

Togʻ-kon sanoati va geologiya vaziri B. ISLAMOV

Qurilish va uy-joy kommunal xoʻjaligi vaziri v.b. Sh. XIDOYATOV

Toshkent sh.,

2024-yil 12-sentabr,

2024-yil 23-avgust

2024-yil 29-avgust

2024-yil 13-avgust

2024-yil 16-avgust

2024-yil 20-avgust

2024-yil 16-avgust

2024-yil 16-avgust

2024-yil 12-sentabr

9-son

(Qonunchilik maʼlumotlari milliy bazasi, 13.11.2024-y., 10/24/3571/0915-son; 19.03.2026-y., 10/26/3571-1/0264-son)

lex.uz