UzbekAI

Ўзбекистон Республикаси Марказий сайлов комиссиясининг

қарори

НАМУНАВИЙ НИЗОМ

НАМУНАСИ

ТАВСИФИ

НАМУНАСИ

ТАВСИФИ

Халқ депутатлари вилоят, туман ва шаҳар Кенгаши депутатининг гувоҳномаси ва кўкрак нишони тўғрисида

Ўзбекистон Республикаси Сайлов кодексининг 14 , 16 , 20 , 20 1 ва 92 1 -моддаларига ҳамда «Халқ депутатлари вилоят, туман ва шаҳар кенгаши депутатининг мақоми тўғрисида»ги Ўзбекистон Республикаси Қонунининг 4 ва 17-моддаларига мувофиқ Ўзбекистон Республикаси Марказий сайлов комиссияси қарор қилади:

1. Халқ депутатлари вилоят, туман ва шаҳар Кенгаши депутатининг гувоҳномаси ва кўкрак нишони тўғрисидаги намунавий низом 1-иловага мувофиқ тасдиқлансин.

2. Халқ депутатлари вилоят, туман ва шаҳар кенгаши депутатининг гувоҳномаси намунаси ва тавсифи 2 ва 2а-иловаларга мувофиқ;

Халқ депутатлари вилоят, туман ва шаҳар Кенгаши депутатининг кўкрак нишони намунаси ва тавсифи 3 ва 3а-иловаларга мувофиқ тасдиқлансин.

3. Маълумот учун қабул қилинсинки, халқ депутатлари вилоят, туман ва шаҳар Кенгаши депутатининг транспортда текин юриш тартиби ва шартлари, транспорт ташкилотлари билан бу борада ҳисоб-китоб қилиш тартиби Ўзбекистон Республикаси Вазирлар Маҳкамасининг 2014 йил 2 апрелдаги 78-сон қарори билан тасдиқланган Халқ депутатлари вилоят ва туман Кенгаши депутатининг йўловчилар транспортида бепул юриши ҳамда транспорт ташкилотлари билан шу билан боғлиқ ҳисоб-китобларни амалга ошириш тартиби ва шартлари тўғрисида низом асосида амалга оширилади.

4. Қорақалпоғистон Республикаси Марказий сайлов комиссиясига қонун ҳужжатларида белгиланган ваколатлари доирасида депутатнинг гувоҳномаси ва кўкрак нишони тўғрисидаги низомни, уларнинг намунаси ҳамда тавсифларини тасдиқлаш тавсия этилсин.

5. Ўзбекистон Республикаси Марказий сайлов комиссиясининг «Халқ депутатлари вилоят, туман ва шаҳар кенгаши депутатининг гувоҳномаси ва кўкрак нишони тўғрисида» 2020 йил 6 январдаги 1019-сон қарори ўз кучини йўқотган деб ҳисоблансин.

6. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.

7. Ушбу қарор нусхаси Қорақалпоғистон Республикаси Марказий сайлов комиссияси ва ҳудудий сайлов комиссияларига ҳамда халқ депутатлари вилоят, туман ва шаҳар Кенгашларига юборилсин.

8. Мазкур қарор ижросини назорат қилиш Ўзбекистон Республикаси Марказий сайлов комиссияси Раисининг ўринбосари Б. Кучкаров зиммасига юклансин.

Ўзбекистон Республикаси Марказий сайлов комиссиясининг 2024 йил 31 октябрдаги 1416-сон қарорига 1-ИЛОВА

Халқ депутатлари вилоят, туман ва шаҳар Кенгаши депутатининг гувоҳномаси ва кўкрак нишони тўғрисидаги

Мазкур Намунавий низом халқ депутатлари вилоят, туман ва шаҳар Кенгаши депутатига (бундан буён матнда депутат деб юритилади) гувоҳнома ва кўкрак нишони бериш, улардан фойдаланиш, шунингдек йўқолган ёки яроқсиз ҳолга келган тақдирда янгисини бериш тартибини белгилайди.

1-боб. Умумий қоидалар

1. Депутатнинг гувоҳномаси депутатнинг ваколати ва шахсини тасдиқловчи ҳужжат ҳисобланади.

2. Депутатнинг кўкрак нишони депутатлик мақомига эга бўлган ваколатли шахс сифатида ажратиб турувчи белги ҳисобланади.

Кўкрак нишони кўкракнинг чап томонига тақилади.

3. Депутатга гувоҳнома ва кўкрак нишони тегишинча ҳудудий, туман ва шаҳар сайлов комиссиясида (депутатлар учун алоҳида юритилган тегишли қайд дафтарида) рўйхатга олиниб, тегишли сайлов комиссияси раиси ёки у ваколат берган шахс томонидан топширилади.

2-боб. Депутатнинг гувоҳномаси

4. Депутатнинг гувоҳномаси тегишли ҳудудий, туман, шаҳар сайлов комиссиясининг муҳри билан тасдиқланади.

5. Халқ депутатлари вилоят, Тошкент шаҳар Кенгаши депутатига гувоҳнома тегишли ҳудудий сайлов комиссияси томонидан 001 рақамидан 060 рақамигача у сайланган сайлов округи тартиб рақами бўйича берилади.

Халқ депутатлари туман, шаҳар Кенгаши депутатига гувоҳнома тегишли туман, шаҳар сайлов комиссияси томонидан 001 рақамидан 030 рақамигача у сайланган сайлов округи тартиб рақами бўйича берилади.

6. Бўшаб қолган ўринларга вилоят, туман, шаҳар Кенгаши депутати этиб сайланган ҳамда рўйхатга олинган депутатга гувоҳнома навбатдаги тартиб рақамидан бошлаб берилади.

3-боб. Гувоҳнома ёки кўкрак нишонни янгисини олиш тартиби

7. Депутатнинг яроқсиз ҳолга келган гувоҳномаси ўрнига айнан шу рақам билан янги гувоҳнома берилади.

Депутатнинг яроқсиз ҳолга келган кўкрак нишони янгиси билан алмаштирилади.

Депутатнинг йўқолган гувоҳномаси ўрнига навбатдаги тартиб рақами билан янги гувоҳнома берилади.

8. Гувоҳнома ёки кўкрак нишони яроқсиз ҳолга келгани ҳақида депутат вилоят, туман ва шаҳар Кенгаши орқали, тегишли сайлов комиссиясига икки иш куни ичида ариза билан мурожаат қилиши шарт.

Гувоҳнома ёки кўкрак нишони йўқотилгани ҳақида депутат тегишли халқ депутатлари Кенгаши раиси номига ёзган ва устхат қўйилган билдиришнома нусхасини илова қилган ҳолда тегишли сайлов комиссиясига икки иш куни ичида ариза билан мурожаат қилиши шарт.

Аризага гувоҳнома ёки кўкрак нишонининг йўқотилган ёхуд яроқсиз ҳолга келганлиги сабаблари кўрсатилиши ҳамда яроқсиз ҳолдаги гувоҳнома ёки кўкрак нишони ва тегишли ҳужжатлар илова қилиниши лозим.

Депутат гувоҳномасини ва (ёки) кўкрак нишонини йўқотган тақдирда унга ушбу Низомда белгиланган тартибда гувоҳнома ва (ёки) кўкрак нишони йўқолгани ҳақида ариза берган кундан бошлаб бир ой ичида янги гувоҳнома ва (ёки) кўкрак нишони берилади.

9. Депутатнинг йўқотилган гувоҳномаси топиб олинган тақдирда ушбу гувоҳнома ички ишлар органларига ёки тегишли сайлов комиссиясига топширилиши шарт.

10. Депутатнинг яроқсиз ҳолга келган гувоҳномаси, топиб олинган ёки ваколатлари муддатидан илгари тугатилган депутатнинг тегишли сайлов комиссиясига қайтарилган гувоҳномалари кесиш йўли билан фойдаланиб бўлмайдиган ҳолга келтирилади ҳамда белгиланган тартибда (ёқиш йўли билан) йўқ қилинади ва бу ҳақда тузилган далолатнома тегишли вилоят, туман ва шаҳар ҳокимлигининг идоравий архивда сақланади.

4-боб. Якунловчи қоидалар

11. Депутат гувоҳнома ва кўкрак нишонидан ўз ваколатлари муддати мобайнида фойдаланади.

Депутат ўз ваколатларини амалга ошираётганда гувоҳномасини кўрсатиб, тегишли вилоят, туман ва шаҳар ҳудудида жойлашган корхоналар, муассасалар ва ташкилотларга монеликсиз кириш ҳуқуқидан, шунингдек уларнинг раҳбарлари ҳамда бошқа мансабдор шахслари томонидан дарҳол қабул қилиниш ҳуқуқидан фойдаланади.

Депутат гувоҳнома ва кўкрак нишонини авайлаб асраши шарт.

12. Депутатнинг гувоҳномасини ва (ёки) кўкрак нишонини олиб қўйиш, шунингдек гувоҳномани ва (ёки) кўкрак нишонини бошқа шахсларга бериш тақиқланади.

13. Депутатнинг ваколатлари муддати тугаганидан кейин гувоҳнома ва кўкрак нишони ўз кучини йўқотган деб ҳисобланади ҳамда депутатлик ваколатини тўлиқ ўтаган шахсда эсдалик сифатида қолади.

14. Депутатнинг ваколатлари муддатидан илгари тугатилган тақдирда гувоҳнома ва кўкрак нишони тегишли халқ депутатлари Кенгаши котибияти орқали икки иш кунидан кечиктирмай тегишли сайлов комиссиясига қайтарилиши шарт.

15. Депутат вилоят, туман ва шаҳар Кенгашининг ваколатлари муддати даврида вафот этган тақдирда гувоҳнома ва кўкрак нишони унинг оила аъзоларида хотира сифатида қолади.

16. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси Марказий сайлов комиссиясининг 2024 йил 31 октябрдаги 1416-сон қарорига 2-ИЛОВА

Халқ депутатлари вилоят, туман ва шаҳар Кенгаши депутати гувоҳномасининг

Ўзбекистон Республикаси Марказий сайлов комиссиясининг 2024 йил 31 октябрдаги 1416-сон қарорига 2а-ИЛОВА

Халқ депутатлари вилоят, туман ва шаҳар Кенгаши депутати гувоҳномасининг

1. Халқ депутатлари вилоят, туман ва шаҳар Кенгаши депутатининг (бундан буён матнда депутат деб юритилади) гувоҳномаси 90х60 миллиметр ўлчамдаги қаттиқ чарм муқовали китобча кўринишига эга бўлади.

2. Халқ депутатлари вилоят Кенгаши депутатининг гувоҳномаси тўқ қизил рангли, халқ депутатлари туман (шаҳар) Кенгаши депутатининг гувоҳномаси тўқ кўк рангда бўлади.

3. Депутат гувоҳномасининг олд томони юқори ва ўрта қисмлари оралиғида Ўзбекистон Республикаси Давлат гербининг металдан тайёрланган ўхшаш тасвири ўрнатилади, унинг остида икки сатрда олтин рангда «VILOYAT (TUMAN, SHAHAR) KENGASHI DEPUTATI» деган матн жойлаштирилади.

4. Депутатнинг гувоҳномаси ички сўл томонининг:

юқори қисми чап томонида Ўзбекистон Республикаси Давлат гербининг рангли тасвири туширилади;

ўрта қисми марказида уч сатрда тегишли «XALQ DЕPUTATLARI _________________ VILOYATI (SHAHAR, TUMANI) KENGASHI DEPUTATI» деган матн қора рангда йирик жойлаштирилади. Бунда чизиқ ўрнига тегишли ҳудуд номи ёзилади;

пастки қисмининг марказида қизил рангда гувоҳноманинг амал қилиш муддати (кун, ой, йил) кўрсатилади.

5. Депутатнинг гувоҳномаси ички ўнг томонининг:

чап ўрта қисмида депутатнинг 30х40 миллиметр ўлчамидаги (оқ фонда) рангли фотосурати жойлаштирилади. Фотосурат ўнг томонининг пастки бурчагига Ўзбекистон Республикаси Давлат герби тасвирланган тегишли ҳудудий, туман, шаҳар сайлов комиссиясининг муҳри шаклидаги голограмма ёпиштирилади;

юқори қисми марказига бир сатрда қизил рангда «GUVOHNOMA №___» сўзлари жойлашган бўлади. Бунда чизиқ ўрнига гувоҳноманинг тартиб рақами ёзилади;

ўрта қисмининг марказида, фотосуратдан ўнгроқда алоҳида уч сатрда депутатнинг фамилияси, исми ва отасининг исми қора рангда йирик кўрсатилади;

пастки қисмининг марказида қора рангда тегишли «_____________ hududiy (shahar, tumani) saylov komissiyasining 20__-yil __-_________dagi ____-son qarori bilan roʻyxatga olingan.» деган матн жойлаштирилади. Бунда чизиқ ўрнига тегишли ҳудуд номи ёзилади.

6. Гувоҳноманинг ички томонлари махсус қоғоздан тайёрланган ва шаффоф плёнка билан қопланган бўлади.

Ўзбекистон Республикаси Марказий сайлов комиссиясининг 2024 йил 31 октябрдаги 1416-сон қарорига 3-ИЛОВА

Халқ депутатлари вилоят, туман ва шаҳар Кенгаши депутати кўкрак нишонининг

Ўзбекистон Республикаси Марказий сайлов комиссиясининг 2024 йил 31 октябрдаги 1516-сон қарорига 3а-ИЛОВА

Халқ депутатлари вилоят, туман ва шаҳар Кенгаши депутати кўкрак нишонининг

1. Халқ депутатлари вилоят, туман ва шаҳар Кенгаши депутатининг (бундан буён матнда депутат деб юритилади) кўкрак нишони Ўзбекистон Республикаси Давлат байроғининг ҳилпираб турган тасвири кўринишида бўлади.

2. Депутат кўкрак нишонининг асоси мис қотишмадан тайёрланади. Кўкрак нишоннинг олд томони сирланган мовий, оқ ва яшил рангдаги тасма чизиқлар ҳамда қизил рангдаги ҳошия чизиқ билан қопланган. Оқ тасма чизиқ мовий ва яшил тасма чизиқлардан сирланган қизил рангдаги ҳошия билан ажралиб туради. Кўкрак нишондаги тасвирлар, ёзув, нишон қирралари ҳамда орқа томони зарҳал қилиб ишланган.

3. Кўкрак нишон олд томонининг юқори чап бурчагида мовий фонда ярим ой ва ундан ўнгроқда уч қаторда ўн иккита беш қиррали юлдуз тасвирланган бўлади. Ярим ой вертикал ҳолатда жойлаштирилган, юлдузлар эса ундан ўнгроқда, уч қаторда, яъни юқори қаторда учта, ўрта қаторда тўртта ва қуйи қаторда бешта юлдуз жойлаштирилади.

4. Депутат кўкрак нишонининг оқ тасма чизиғи устида лотин ёзувида «VILOYAT (TUMAN, SHAHAR)» деган, яшил тасма чизиғи устида лотин ёзувида икки сатрда «KENGASHI DEPUTATI» деган матнлар сариқ рангда ёзилади.

5. Кўкрак нишон тўғноғич билан тақилади.

6. Кўкрак нишоннинг катталиги 23х30 миллиметр.

Раис З. НИЗАМХОДЖАЕВ

Тошкент ш.,

2024 йил 31 октябрь,

1416-сон

lex.uz

Oʻzbekiston Respublikasi Markaziy saylov komissiyasining

qarori

NAMUNAVIY NIZOM

NAMUNASI

TAVSIFI

NAMUNASI

TAVSIFI

Xalq deputatlari viloyat, tuman va shahar Kengashi deputatining guvohnomasi va koʻkrak nishoni toʻgʻrisida

Oʻzbekiston Respublikasi Saylov kodeksining 14 , 16 , 20 , 20 1 va 92 1 -moddalariga hamda “Xalq deputatlari viloyat, tuman va shahar kengashi deputatining maqomi toʻgʻrisida”gi Oʻzbekiston Respublikasi Qonunining 4 va 17-moddalariga muvofiq Oʻzbekiston Respublikasi Markaziy saylov komissiyasi qaror qiladi:

1. Xalq deputatlari viloyat, tuman va shahar Kengashi deputatining guvohnomasi va koʻkrak nishoni toʻgʻrisidagi namunaviy nizom 1-ilovaga muvofiq tasdiqlansin.

2. Xalq deputatlari viloyat, tuman va shahar kengashi deputatining guvohnomasi namunasi va tavsifi 2 va 2a-ilovalarga muvofiq;

Xalq deputatlari viloyat, tuman va shahar Kengashi deputatining koʻkrak nishoni namunasi va tavsifi 3 va 3a-ilovalarga muvofiq tasdiqlansin.

3. Maʼlumot uchun qabul qilinsinki, xalq deputatlari viloyat, tuman va shahar Kengashi deputatining transportda tekin yurish tartibi va shartlari, transport tashkilotlari bilan bu borada hisob-kitob qilish tartibi Oʻzbekiston Respublikasi Vazirlar Mahkamasining 2014-yil 2-apreldagi 78-son qarori bilan tasdiqlangan Xalq deputatlari viloyat va tuman Kengashi deputatining yoʻlovchilar transportida bepul yurishi hamda transport tashkilotlari bilan shu bilan bogʻliq hisob-kitoblarni amalga oshirish tartibi va shartlari toʻgʻrisida nizom asosida amalga oshiriladi.

4. Qoraqalpogʻiston Respublikasi Markaziy saylov komissiyasiga qonun hujjatlarida belgilangan vakolatlari doirasida deputatning guvohnomasi va koʻkrak nishoni toʻgʻrisidagi nizomni, ularning namunasi hamda tavsiflarini tasdiqlash tavsiya etilsin.

5. Oʻzbekiston Respublikasi Markaziy saylov komissiyasining “Xalq deputatlari viloyat, tuman va shahar kengashi deputatining guvohnomasi va koʻkrak nishoni toʻgʻrisida” 2020-yil 6-yanvardagi 1019-son qarori oʻz kuchini yoʻqotgan deb hisoblansin.

6. Mazkur qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.

7. Ushbu qaror nusxasi Qoraqalpogʻiston Respublikasi Markaziy saylov komissiyasi va hududiy saylov komissiyalariga hamda xalq deputatlari viloyat, tuman va shahar Kengashlariga yuborilsin.

8. Mazkur qaror ijrosini nazorat qilish Oʻzbekiston Respublikasi Markaziy saylov komissiyasi Raisining oʻrinbosari B. Kuchkarov zimmasiga yuklansin.

Oʻzbekiston Respublikasi Markaziy saylov komissiyasining 2024-yil 31-oktabrdagi 1416-son qaroriga 1-ILOVA

Xalq deputatlari viloyat, tuman va shahar Kengashi deputatining guvohnomasi va koʻkrak nishoni toʻgʻrisidagi

Mazkur Namunaviy nizom xalq deputatlari viloyat, tuman va shahar Kengashi deputatiga (bundan buyon matnda deputat deb yuritiladi) guvohnoma va koʻkrak nishoni berish, ulardan foydalanish, shuningdek yoʻqolgan yoki yaroqsiz holga kelgan taqdirda yangisini berish tartibini belgilaydi.

1-bob. Umumiy qoidalar

1. Deputatning guvohnomasi deputatning vakolati va shaxsini tasdiqlovchi hujjat hisoblanadi.

2. Deputatning koʻkrak nishoni deputatlik maqomiga ega boʻlgan vakolatli shaxs sifatida ajratib turuvchi belgi hisoblanadi.

Koʻkrak nishoni koʻkrakning chap tomoniga taqiladi.

3. Deputatga guvohnoma va koʻkrak nishoni tegishincha hududiy, tuman va shahar saylov komissiyasida (deputatlar uchun alohida yuritilgan tegishli qayd daftarida) roʻyxatga olinib, tegishli saylov komissiyasi raisi yoki u vakolat bergan shaxs tomonidan topshiriladi.

2-bob. Deputatning guvohnomasi

4. Deputatning guvohnomasi tegishli hududiy, tuman, shahar saylov komissiyasining muhri bilan tasdiqlanadi.

5. Xalq deputatlari viloyat, Toshkent shahar Kengashi deputatiga guvohnoma tegishli hududiy saylov komissiyasi tomonidan 001 raqamidan 060 raqamigacha u saylangan saylov okrugi tartib raqami boʻyicha beriladi.

Xalq deputatlari tuman, shahar Kengashi deputatiga guvohnoma tegishli tuman, shahar saylov komissiyasi tomonidan 001 raqamidan 030 raqamigacha u saylangan saylov okrugi tartib raqami boʻyicha beriladi.

6. Boʻshab qolgan oʻrinlarga viloyat, tuman, shahar Kengashi deputati etib saylangan hamda roʻyxatga olingan deputatga guvohnoma navbatdagi tartib raqamidan boshlab beriladi.

3-bob. Guvohnoma yoki koʻkrak nishonni yangisini olish tartibi

7. Deputatning yaroqsiz holga kelgan guvohnomasi oʻrniga aynan shu raqam bilan yangi guvohnoma beriladi.

Deputatning yaroqsiz holga kelgan koʻkrak nishoni yangisi bilan almashtiriladi.

Deputatning yoʻqolgan guvohnomasi oʻrniga navbatdagi tartib raqami bilan yangi guvohnoma beriladi.

8. Guvohnoma yoki koʻkrak nishoni yaroqsiz holga kelgani haqida deputat viloyat, tuman va shahar Kengashi orqali, tegishli saylov komissiyasiga ikki ish kuni ichida ariza bilan murojaat qilishi shart.

Guvohnoma yoki koʻkrak nishoni yoʻqotilgani haqida deputat tegishli xalq deputatlari Kengashi raisi nomiga yozgan va ustxat qoʻyilgan bildirishnoma nusxasini ilova qilgan holda tegishli saylov komissiyasiga ikki ish kuni ichida ariza bilan murojaat qilishi shart.

Arizaga guvohnoma yoki koʻkrak nishonining yoʻqotilgan yoxud yaroqsiz holga kelganligi sabablari koʻrsatilishi hamda yaroqsiz holdagi guvohnoma yoki koʻkrak nishoni va tegishli hujjatlar ilova qilinishi lozim.

Deputat guvohnomasini va (yoki) koʻkrak nishonini yoʻqotgan taqdirda unga ushbu Nizomda belgilangan tartibda guvohnoma va (yoki) koʻkrak nishoni yoʻqolgani haqida ariza bergan kundan boshlab bir oy ichida yangi guvohnoma va (yoki) koʻkrak nishoni beriladi.

9. Deputatning yoʻqotilgan guvohnomasi topib olingan taqdirda ushbu guvohnoma ichki ishlar organlariga yoki tegishli saylov komissiyasiga topshirilishi shart.

10. Deputatning yaroqsiz holga kelgan guvohnomasi, topib olingan yoki vakolatlari muddatidan ilgari tugatilgan deputatning tegishli saylov komissiyasiga qaytarilgan guvohnomalari kesish yoʻli bilan foydalanib boʻlmaydigan holga keltiriladi hamda belgilangan tartibda (yoqish yoʻli bilan) yoʻq qilinadi va bu haqda tuzilgan dalolatnoma tegishli viloyat, tuman va shahar hokimligining idoraviy arxivda saqlanadi.

4-bob. Yakunlovchi qoidalar

11. Deputat guvohnoma va koʻkrak nishonidan oʻz vakolatlari muddati mobaynida foydalanadi.

Deputat oʻz vakolatlarini amalga oshirayotganda guvohnomasini koʻrsatib, tegishli viloyat, tuman va shahar hududida joylashgan korxonalar, muassasalar va tashkilotlarga moneliksiz kirish huquqidan, shuningdek ularning rahbarlari hamda boshqa mansabdor shaxslari tomonidan darhol qabul qilinish huquqidan foydalanadi.

Deputat guvohnoma va koʻkrak nishonini avaylab asrashi shart.

12. Deputatning guvohnomasini va (yoki) koʻkrak nishonini olib qoʻyish, shuningdek guvohnomani va (yoki) koʻkrak nishonini boshqa shaxslarga berish taqiqlanadi.

13. Deputatning vakolatlari muddati tugaganidan keyin guvohnoma va koʻkrak nishoni oʻz kuchini yoʻqotgan deb hisoblanadi hamda deputatlik vakolatini toʻliq oʻtagan shaxsda esdalik sifatida qoladi.

14. Deputatning vakolatlari muddatidan ilgari tugatilgan taqdirda guvohnoma va koʻkrak nishoni tegishli xalq deputatlari Kengashi kotibiyati orqali ikki ish kunidan kechiktirmay tegishli saylov komissiyasiga qaytarilishi shart.

15. Deputat viloyat, tuman va shahar Kengashining vakolatlari muddati davrida vafot etgan taqdirda guvohnoma va koʻkrak nishoni uning oila aʼzolarida xotira sifatida qoladi.

16. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi Markaziy saylov komissiyasining 2024-yil 31-oktabrdagi 1416-son qaroriga 2-ILOVA

Xalq deputatlari viloyat, tuman va shahar Kengashi deputati guvohnomasining

Oʻzbekiston Respublikasi Markaziy saylov komissiyasining 2024-yil 31-oktabrdagi 1416-son qaroriga 2a-ILOVA

Xalq deputatlari viloyat, tuman va shahar Kengashi deputati guvohnomasining

1. Xalq deputatlari viloyat, tuman va shahar Kengashi deputatining (bundan buyon matnda deputat deb yuritiladi) guvohnomasi 90x60 millimetr oʻlchamdagi qattiq charm muqovali kitobcha koʻrinishiga ega boʻladi.

2. Xalq deputatlari viloyat Kengashi deputatining guvohnomasi toʻq qizil rangli, xalq deputatlari tuman (shahar) Kengashi deputatining guvohnomasi toʻq koʻk rangda boʻladi.

3. Deputat guvohnomasining old tomoni yuqori va oʻrta qismlari oraligʻida Oʻzbekiston Respublikasi Davlat gerbining metaldan tayyorlangan oʻxshash tasviri oʻrnatiladi, uning ostida ikki satrda oltin rangda “VILOYAT (TUMAN, SHAHAR) KENGASHI DEPUTATI” degan matn joylashtiriladi.

4. Deputatning guvohnomasi ichki soʻl tomonining:

yuqori qismi chap tomonida Oʻzbekiston Respublikasi Davlat gerbining rangli tasviri tushiriladi;

oʻrta qismi markazida uch satrda tegishli “XALQ DERUTATLARI _________________ VILOYATI (SHAHAR, TUMANI) KENGASHI DEPUTATI” degan matn qora rangda yirik joylashtiriladi. Bunda chiziq oʻrniga tegishli hudud nomi yoziladi;

pastki qismining markazida qizil rangda guvohnomaning amal qilish muddati (kun, oy, yil) koʻrsatiladi.

5. Deputatning guvohnomasi ichki oʻng tomonining:

chap oʻrta qismida deputatning 30x40 millimetr oʻlchamidagi (oq fonda) rangli fotosurati joylashtiriladi. Fotosurat oʻng tomonining pastki burchagiga Oʻzbekiston Respublikasi Davlat gerbi tasvirlangan tegishli hududiy, tuman, shahar saylov komissiyasining muhri shaklidagi gologramma yopishtiriladi;

yuqori qismi markaziga bir satrda qizil rangda “GUVOHNOMA №___” soʻzlari joylashgan boʻladi. Bunda chiziq oʻrniga guvohnomaning tartib raqami yoziladi;

oʻrta qismining markazida, fotosuratdan oʻngroqda alohida uch satrda deputatning familiyasi, ismi va otasining ismi qora rangda yirik koʻrsatiladi;

pastki qismining markazida qora rangda tegishli “_____________ hududiy (shahar, tumani) saylov komissiyasining 20__-yil __-_________dagi ____-son qarori bilan roʻyxatga olingan.” degan matn joylashtiriladi. Bunda chiziq oʻrniga tegishli hudud nomi yoziladi.

6. Guvohnomaning ichki tomonlari maxsus qogʻozdan tayyorlangan va shaffof plyonka bilan qoplangan boʻladi.

Oʻzbekiston Respublikasi Markaziy saylov komissiyasining 2024-yil 31-oktabrdagi 1416-son qaroriga 3-ILOVA

Xalq deputatlari viloyat, tuman va shahar Kengashi deputati koʻkrak nishonining

Oʻzbekiston Respublikasi Markaziy saylov komissiyasining 2024-yil 31-oktabrdagi 1516-son qaroriga 3a-ILOVA

Xalq deputatlari viloyat, tuman va shahar Kengashi deputati koʻkrak nishonining

1. Xalq deputatlari viloyat, tuman va shahar Kengashi deputatining (bundan buyon matnda deputat deb yuritiladi) koʻkrak nishoni Oʻzbekiston Respublikasi Davlat bayrogʻining hilpirab turgan tasviri koʻrinishida boʻladi.

2. Deputat koʻkrak nishonining asosi mis qotishmadan tayyorlanadi. Koʻkrak nishonning old tomoni sirlangan moviy, oq va yashil rangdagi tasma chiziqlar hamda qizil rangdagi hoshiya chiziq bilan qoplangan. Oq tasma chiziq moviy va yashil tasma chiziqlardan sirlangan qizil rangdagi hoshiya bilan ajralib turadi. Koʻkrak nishondagi tasvirlar, yozuv, nishon qirralari hamda orqa tomoni zarhal qilib ishlangan.

3. Koʻkrak nishon old tomonining yuqori chap burchagida moviy fonda yarim oy va undan oʻngroqda uch qatorda oʻn ikkita besh qirrali yulduz tasvirlangan boʻladi. Yarim oy vertikal holatda joylashtirilgan, yulduzlar esa undan oʻngroqda, uch qatorda, yaʼni yuqori qatorda uchta, oʻrta qatorda toʻrtta va quyi qatorda beshta yulduz joylashtiriladi.

4. Deputat koʻkrak nishonining oq tasma chizigʻi ustida lotin yozuvida “VILOYAT (TUMAN, SHAHAR)” degan, yashil tasma chizigʻi ustida lotin yozuvida ikki satrda “KENGASHI DEPUTATI” degan matnlar sariq rangda yoziladi.

5. Koʻkrak nishon toʻgʻnogʻich bilan taqiladi.

6. Koʻkrak nishonning kattaligi 23x30 millimetr.

Rais Z. NIZAMXODJAYEV

Toshkent sh.,

2024-yil 31-oktabr,

1416-son

lex.uz