UzbekAI

Ўзбекистон Республикаси Марказий сайлов комиссиясининг

Қарори

НИЗОМ

НАМУНАСИ

ТАВСИФИ

НАМУНАСИ

ТАВСИФИ

НАМУНАСИ

ТАВСИФИ

Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг гувоҳномаси ва кўкрак нишони тўғрисида

Ўзбекистон Республикаси Сайлов кодексининг 14 , 16 , 73 , 85-моддалари ҳамда «Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида»ги Ўзбекистон Республикаси Қонунининг 5 ва 20-моддаларига мувофиқ Ўзбекистон Республикаси Марказий сайлов комиссияси қарори қилади:

1. Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг гувоҳномаси ва кўкрак нишони тўғрисидаги низом 1-иловага мувофиқ;

Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг гувоҳномаси намунаси ва тавсифи 2 ва 2а-иловаларга мувофиқ;

Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг кўкрак нишони намунаси ва тавсифи 3 ва 3а-иловаларга мувофиқ;

Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг гувоҳномасига транспортда текин юриш ҳуқуқини берадиган илова варақасининг намунаси ва тавсифи 4 ва 4а-иловаларга мувофиқ тасдиқлансин.

2. Ўзбекистон Республикаси Транспорт вазирлиги «Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг мақоми тўғрисида»ги Ўзбекистон Республикаси Қонунининг 20-моддасида белгиланган депутатнинг ва сенаторнинг транспортда текин юриш ҳуқуқи амалга оширилишини таъминласин.

3. Ўзбекистон Республикаси Марказий сайлов комиссиясининг «Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг гувоҳномаси ва кўкрак нишони тўғрисида» 2020 йил 6 январдаги 1018-сон қарори ўз кучини йўқотган деб ҳисоблансин.

4. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.

5. Ушбу қарор нусхаси Ўзбекистон Республикаси Олий Мажлиси Қонунчилик палатаси ва Сенатига юборилсин.

6. Мазкур қарор ижросини назорат қилиш Ўзбекистон Республикаси Марказий сайлов комиссияси Раисининг ўринбосари Б. Кучкаров зиммасига юклансин.

Ўзбекистон Республикаси Марказий сайлов комиссиясининг 2024 йил 31 октябрдаги 1415-сон қарорига 1-ИЛОВА

Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг гувоҳномаси ва кўкрак нишони тўғрисидаги

Мазкур Низом Ўзбекистон Республикаси Олий Мажлиси Қонунчилик палатаси (бундан буён матнда Қонунчилик палатаси деб юритилади) депутати (бундан буён матнда депутат деб юритилади) ва Ўзбекистон Республикаси Олий Мажлиси Сенати (бундан буён матнда Сенат деб юритилади) аъзосига (бундан буён матнда сенатор деб юритилади) гувоҳнома ва кўкрак нишони бериш, улардан фойдаланиш, шунингдек йўқолган ёки яроқсиз ҳолга келган гувоҳнома ва кўкрак нишони ўрнига янгисини бериш тартибини белгилайди.

1-боб. Умумий қоидалар

1. Депутатнинг, сенаторнинг гувоҳномаси депутат ва сенаторнинг ваколати ҳамда шахсини тасдиқловчи ҳужжат ҳисобланади.

2. Депутат ва сенаторнинг кўкрак нишони депутатлик ва сенаторлик мақомига эга бўлган ваколатли шахс сифатида ажратиб турувчи белги ҳисобланади.

Кўкрак нишони кўкракнинг чап томонига тақилади.

3. Депутат ва сенаторга гувоҳнома ҳамда кўкрак нишони Ўзбекистон Республикаси Марказий сайлов комиссиясида (бундан буён матнда Марказий сайлов комиссияси деб юритилади) (депутатлар учун алоҳида, сенаторлар учун алоҳида юритилган тегишли қайд дафтарида) рўйхатга олиниб, Марказий сайлов комиссияси Раиси ёки у ваколат берган шахс томонидан топширилади.

2-боб. Депутат ва сенаторнинг гувоҳномаси

4. Депутат ва сенаторнинг гувоҳномаси Марказий сайлов комиссиясининг Ўзбекистон Республикаси Давлат герби тасвирланган муҳри шаклидаги голограмма ёпиштирилиши билан тасдиқланади.

5. Депутатга гувоҳнома Марказий сайлов комиссияси томонидан ҳар янги чақириқда 001 рақамидан 075 рақамигача у сайланган сайлов округи тартиб рақами бўйича, 076 рақамидан 150 рақамигача партиялар рўйхати асосида рўйхатга олинган кетма-кетлик бўйича берилади.

Сенаторга гувоҳнома Марказий сайлов комиссияси томонидан 001 рақамидан 056 рақамигача сайланган ҳудуди бўйича сенаторнинг фамилиясига мувофиқ алифбо тартибида, 057 рақамидан 065 рақамигача Ўзбекистон Республикаси Президенти фармонида кўрсатилган тартибда берилади.

6. Депутат ва сенаторга гувоҳнома билан бирга Ўзбекистон Республикаси ҳудудида ҳаво, темир йўл, автомобиль йўловчилар транспортида (такси ва шаҳар йўловчилар транспорти бундан мустасно) қонун ҳужжатларида белгиланган тартибда текин юриш ҳуқуқини берувчи илова варақаси ҳам қўшиб топширилади.

7. Бўшаб қолган ўринларга сайланиб, рўйхатга олинган депутатга гувоҳнома, қоида тариқасида 151 тартиб рақамидан бошлаб берилади.

Бўшаб қолган ўринларга сайланиб (тайинланиб), рўйхатга олинган сенаторга гувоҳнома, қоида тариқасида 066 тартиб рақамидан бошлаб берилади.

3-боб. Гувоҳнома ёки кўкрак нишонни янгисини олиш тартиби

8. Депутат ва сенаторнинг яроқсиз ҳолга келган гувоҳномаси ўрнига айнан шу рақам билан янги гувоҳнома берилади.

Депутат ва сенаторнинг яроқсиз ҳолга келган кўкрак нишони янгиси билан алмаштирилади.

Депутат ва сенаторнинг йўқолган гувоҳномаси ўрнига навбатдаги тартиб рақами билан янги гувоҳнома берилади.

9. Гувоҳнома ёки кўкрак нишони яроқсиз ҳолга келгани ҳақида депутат Қонунчилик палатаси орқали, сенатор Сенат орқали Марказий сайлов комиссиясига икки иш куни ичида ариза билан мурожаат қилиши шарт.

Гувоҳнома ёки кўкрак нишони йўқотилгани ҳақида депутат Қонунчилик палатаси Спикери номига, сенатор Сенат Раиси номига ёзган ва устхат қўйилган билдиришнома нусхасини илова қилган ҳолда Марказий сайлов комиссиясига икки иш куни ичида ариза билан мурожаат қилиши шарт.

Аризага гувоҳнома ёки кўкрак нишонининг йўқотилган ёхуд яроқсиз ҳолга келганлиги сабаблари кўрсатилиши ҳамда яроқсиз ҳолдаги гувоҳнома ёки кўкрак нишони ва тегишли ҳужжатлар илова қилиниши лозим.

Депутат ва сенатор гувоҳномасини ва (ёки) кўкрак нишонини йўқотган тақдирда унга ушбу Низомда белгиланган тартибда гувоҳнома ва (ёки) кўкрак нишони йўқолгани ҳақида ариза берган кундан бошлаб бир ой ичида янги гувоҳнома ва (ёки) кўкрак нишони берилади.

10. Депутат ва сенаторнинг йўқотилган гувоҳномаси топиб олинган тақдирда ушбу гувоҳнома ички ишлар органларига ёки Марказий сайлов комиссиясига дарҳол топширилиши шарт.

11. Депутат ва сенаторнинг яроқсиз ҳолга келган гувоҳномаси, топиб олинган гувоҳномалар ёки ваколатлари муддатидан илгари тугатилган депутат ёки сенаторнинг Марказий сайлов комиссиясига қайтарилган гувоҳномалари кесиш йўли билан фойдаланиб бўлмайдиган ҳолга келтирилади ҳамда белгиланган тартибда (ёқиш йўли билан) йўқ қилинади ва бу ҳақда тузилган далолатнома идоравий архивда сақланади.

4-боб. Якунловчи қоидалар

12. Депутат ва сенатор гувоҳномаси ҳамда кўкрак нишонидан ўз ваколатлари муддати мобайнида фойдаланади.

Депутат ва сенатор ўз ваколатларини амалга ошираётганда гувоҳномасини кўрсатиб, Ўзбекистон Республикаси ҳудудидаги корхоналар, муассасалар ва ташкилотларга монеликсиз кириш ҳуқуқидан, шунингдек уларнинг раҳбарлари ҳамда бошқа мансабдор шахслари томонидан дарҳол қабул қилиниш ҳуқуқидан фойдаланади.

Депутат ва сенатор гувоҳнома ҳамда кўкрак нишонини авайлаб асраши шарт бўлиб, уларнинг сақланиши учун шахсан жавобгар ҳисобланади.

13. Депутат ва сенаторнинг гувоҳномасини ва (ёки) кўкрак нишонини олиб қўйиш, шунингдек гувоҳномани ва (ёки) кўкрак нишонини бошқа шахсларга бериш тақиқланади.

14. Депутат ва сенаторнинг ваколатлари муддати тугаганидан кейин гувоҳнома ва кўкрак нишони ўз кучини йўқотган деб ҳисобланади ҳамда депутатлик ёки сенаторлик ваколатини тўлиқ ўтаган шахсда эсдалик сифатида қолади.

15. Депутат ва сенаторнинг ваколатлари муддатидан илгари тугатилган тақдирда гувоҳнома ва кўкрак нишони тегишинча Қонунчилик палатаси ва Сенатнинг девони орқали икки иш кунидан кечиктирмай гувоҳнома ва кўкрак нишони Марказий сайлов комиссиясига қайтарилиши шарт.

16. Депутат, сенатор тегишинча Қонунчилик палатасининг, Сенатнинг ваколатлари муддати даврида вафот этган тақдирда гувоҳнома ва кўкрак нишони унинг оила аъзоларида хотира сифатида қолади.

17. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб берадилар.

Ўзбекистон Республикаси Марказий сайлов комиссиясининг 2024 йил 31 октябрдаги 1415-сон қарорига 2-ИЛОВА

Ўзбекистон Республикаси Олий Мажлиси Қонунчилик палатаси депутати ва Сенати аъзоси гувоҳномасининг

Ўзбекистон Республикаси Марказий сайлов комиссиясининг 2024 йил 31 октябрдаги 1415-сон қарорига 2а-ИЛОВА

Ўзбекистон Республикаси Олий Мажлиси Қонунчилик палатаси депутати ва Сенати аъзоси гувоҳномасининг

1. Ўзбекистон Республикаси Олий Мажлиси Қонунчилик палатаси депутатининг (бундан буён матнда депутат деб юритилади) ва Ўзбекистон Республикаси Олий Мажлиси Сенати аъзосининг (бундан буён матнда сенатор деб юритилади) гувоҳномаси 95х65 миллиметр ўлчамдаги тўқ қизил рангли қаттиқ чарм муқовали китобча кўринишига эга бўлади.

2. Депутат гувоҳномасининг олд томони юқори ва ўрта қисмлари оралиғида Ўзбекистон Республикаси Давлат гербининг металдан тайёрланган ўхшаш тасвири ўрнатилади, унинг остида икки сатрда олтин рангда «OʻZBEKISTON RESPUBLIKASI OLIY MAJLISI DEPUTATI» деган матн жойлаштирилади.

3. Сенатор гувоҳномасининг олд томони юқори ва ўрта қисмлари оралиғида Ўзбекистон Республикаси Давлат гербининг металдан тайёрланган ўхшаш тасвири ўрнатилади, унинг остида икки сатрда олтин рангда «OʻZBEKISTON RESPUBLIKASI OLIY MAJLISI SENATORI» деган матн жойлаштирилади.

4. Депутат ва сенаторнинг гувоҳномаси ички сўл томонининг:

ўрта қисми чап томонида Ўзбекистон Республикаси Давлат байроғи сиймосини англатувчи мовий ва яшил ранглар устига Давлат гербининг рангли тасвири туширилади;

юқори қисмидан пастроқда, марказдан тепароқда тўқ сарғиш рангда «OʻZBEKISTON RESPUBLIKASI OLIY MAJLISI QONUNCHILIK PALATASI DEPUTATI» ёки «OʻZBEKISTON RESPUBLIKASI OLIY MAJLISI SENATI AʼZOSI» деган матн жойлаштирилади;

пастки қисмининг марказида қизил рангда гувоҳноманинг амал қилиш муддати (кун, ой, йил) кўрсатилади.

5. Депутат ва сенаторнинг гувоҳномаси ички ўнг томонининг:

чап ўрта қисмида депутат ёки сенаторнинг 30х40 миллиметр ўлчамидаги (оқ фонда) рангли фотосурати жойлаштирилади. Фотосурат ўнг томонининг пастки бурчагига Ўзбекистон Республикаси Давлат герби тасвирланган Ўзбекистон Республикаси Марказий сайлов комиссиясининг муҳри шаклидаги (нишабликнинг турлича бурчагида ўз шаклини ўзгартирадиган) голограмма ёпиштирилади;

юқори қисми марказига бир сатрда қизил рангда «GUVOHNOMA №___» сўзлари жойлашган бўлади. Бунда чизиқ ўрнига гувоҳноманинг тартиб рақами ёзилади;

ўрта қисмининг марказида, фотосуратдан ўнгроқда алоҳида уч сатрда депутат ёки сенаторнинг фамилияси, исми ва отасининг исми қора рангда йирик кўрсатилади;

пастки қисмининг марказида қора рангда «Oʻzbekiston Respublikasi Markaziy saylov komissiyasining 20__-yil __-_________dagi ____-son qarori bilan roʻyxatga olingan.» деган матн жойлаштирилади.

6. Гувоҳноманинг ички томонлари (Давлат байроғи сиймосидан фойдаланган ҳолда) махсус қоғоздан тайёрланган ва шаффоф плёнка билан қопланган бўлади.

Ўзбекистон Республикаси Марказий сайлов комиссиясининг 2024 йил 31 октябрдаги 1415-сон қарорига 3-ИЛОВА

Ўзбекистон Республикаси Олий Мажлиси Қонунчилик палатаси депутати ва Сенати аъзоси кўкрак нишонининг

Ўзбекистон Республикаси Марказий сайлов комиссиясининг 2024 йил 31 октябрдаги 1415-сон қарорига 3а-ИЛОВА

Ўзбекистон Республикаси Олий Мажлиси Қонунчилик палатаси депутати ва Сенати аъзоси кўкрак нишонининг

1. Ўзбекистон Республикаси Олий Мажлиси Қонунчилик палатаси депутатининг (бундан буён матнда депутат деб юритилади) ва Ўзбекистон Республикаси Олий Мажлиси Сенати аъзосининг (бундан буён матнда сенатор деб юритилади) кўкрак нишони Ўзбекистон Республикаси Давлат байроғининг ҳилпираб турган тасвири кўринишида бўлади.

2. Депутат ва сенатор кўкрак нишонининг асоси мис қотишмадан тайёрланади. Кўкрак нишоннинг олд томони сирланган мовий, оқ ва яшил рангдаги тасма чизиқлар ҳамда қизил рангдаги ҳошия чизиқ билан қопланган. Оқ тасма чизиқ мовий ва яшил тасма чизиқлардан сирланган қизил рангдаги ҳошия билан ажралиб туради.

3. Кўкрак нишон олд томонининг юқори чап бурчагида мовий фонда ярим ой ва ундан ўнгроқда уч қаторда ўн иккита беш қиррали юлдуз тасвирланган бўлади. Ярим ой вертикал ҳолатда жойлаштирилган, юлдузлар эса ундан ўнгроқда, уч қаторда, яъни юқори қаторда учта, ўрта қаторда тўртта ва қуйи қаторда бешта юлдуз жойлаштирилади.

4. Депутат кўкрак нишонининг оқ тасма чизиғи устида лотин ёзувида «OLIY MAJLIS» деган, яшил тасма чизиғи устида лотин ёзувида «DEPUTATI» деган, сенатор кўкрак нишонинг оқ тасма чизиғи устида лотин ёзувида «OLIY MAJLIS» деган, яшил тасма чизиғи устида лотин ёзувида «SENATORI» деган матнлар сариқ рангда ёзилади.

5. Кўкрак нишон тўғноғич билан тақилади.

6. Кўкрак нишоннинг катталиги 35х26,5 миллиметр.

Ўзбекистон Республикаси Марказий сайлов комиссиясининг 2024 йил 31 октябрдаги 1415-сон қарорига 4-ИЛОВА

Ўзбекистон Республикаси Олий Мажлиси Қонунчилик палатаси депутатининг ва Сенати аъзосининг гувоҳномасига транспортда текин юриш ҳуқуқини берадиган илова варақасининг

Ўзбекистон Республикаси Марказий сайлов комиссиясининг 2024 йил 31 октябрдаги 1415-сон қарорига 4а-ИЛОВА

1. Ўзбекистон Республикаси Олий Мажлиси Қонунчилик палатаси депутати (бундан буён матнда депутат деб юритилади) ва Ўзбекистон Республикаси Олий Мажлиси Сенати аъзоси (бундан буён матнда сенатор деб юритилади) гувоҳномасининг транспортда текин юриш ҳуқуқини берадиган илова варақаси 80х55 миллиметр ўлчамдаги оқ рангдаги, оч кўк рангли тангир туширилган қаттиқ қоғоздан тайёрланади.

2. Депутат, сенатор гувоҳномасининг илова варақаси олд томони чап қисмининг юқорисида қизил рангда Ўзбекистон Республикаси Давлат герби тасвири туширилган. Гербнинг ўнг томонидан уч сатрда: «OʻZBEKISTON RESPUBLIKASI OLIY MAJLISI QONUNCHILIK PALATASI DEPUTATI» ёки «OʻZBEKISTON RESPUBLIKASI OLIY MAJLISI SENATORI» деган матн жойлашган.

3. Гувоҳнома илова варақасининг қолган матни қора рангда ёзилади.

Илова варақасининг олд томони ўнг қисмининг юқорисида гувоҳноманинг тартиб рақами ва «— Guvohnomaga» деган ёзув жойлашади. Мазкур матннинг юқорисида депутат ёки сенатор исмининг бош ҳарфи ҳамда фамилияси қўйилади. Ундан сўнг илова варақасида қуйидаги мазмундаги матн жойлаштирилади:

«Deputat, senator Oʻzbekiston Respublikasi hududida havo, temir yoʻl, avtomobil yoʻlovchilar transportida (taksi va shahar yoʻlovchilar transporti bundan mustasno) tekin yurish huquqidan foydalanadi.

Deputat, senator aeroportlar va aerovokzallar, temir yoʻl vokzallari hamda stansiyalarining rasmiy shaxslar va delegatsiyalar uchun moʻljallangan zallaridan tekin foydalanish huquqiga ega.

Deputat, senator oʻz guvohnomasini koʻrsatganidan keyin temir yoʻl vokzallari va stansiyalarining chipta sotadigan kassalari, fuqaro aviatsiyasi agentligi yoki aeroportlar unga poyezdning yotoqli yoki yumshoq oʻrindiqli vagonidan, samolyot salonidan navbatsiz joy berishlari shart. Deputat, senator palataning majlisiga borayotganda unga samolyot chiptasi parvozdan kamida ikki soat oldin, boshqa hollarda esa, kamida bir sutka oldin beriladi.

Chiptasida oʻrindiqning tartib raqami ham koʻrsatiladigan shaharlararo; shuningdek shahar atrofiga qatnaydigan avtobuslarda deputat, senator avtovokzallar va avtostansiyalarning kassalaridan navbatsiz olinadigan tekin chipta bilan yuradi. Qolgan barcha hollarda deputatning, senatorning yoʻlovchilar transportida yurishi (taksi va shahar yoʻlovchilar transporti bundan mustasno) deputatning, senatorning guvohnomasi boʻyicha amalga oshiriladi.

Deputat, senator har bir transport turida amalda boʻlgan normalarga mos qoʻl yukini tekin olib yurish huquqiga ega.

Transport tashkilotlari bilan hisob-kitob qilish tartibi qonunchilikda belgilanadi.».

Раис З. НИЗАМХОДЖАЕВ

Тошкент ш.,

2024 йил 31 октябрь,

1415-сон

lex.uz

Oʻzbekiston Respublikasi Markaziy saylov komissiyasining

Qarori

NIZOM

NAMUNASI

TAVSIFI

NAMUNASI

TAVSIFI

NAMUNASI

TAVSIFI

Oʻzbekiston Respublikasi Oliy Majlisi Qonunchilik palatasi deputatining va Senati aʼzosining guvohnomasi va koʻkrak nishoni toʻgʻrisida

Oʻzbekiston Respublikasi Saylov kodeksining 14 , 16 , 73 , 85-moddalari hamda “Oʻzbekiston Respublikasi Oliy Majlisi Qonunchilik palatasi deputatining va Senati aʼzosining maqomi toʻgʻrisida”gi Oʻzbekiston Respublikasi Qonunining 5 va 20-moddalariga muvofiq Oʻzbekiston Respublikasi Markaziy saylov komissiyasi qarori qiladi:

1. Oʻzbekiston Respublikasi Oliy Majlisi Qonunchilik palatasi deputatining va Senati aʼzosining guvohnomasi va koʻkrak nishoni toʻgʻrisidagi nizom 1-ilovaga muvofiq;

Oʻzbekiston Respublikasi Oliy Majlisi Qonunchilik palatasi deputatining va Senati aʼzosining guvohnomasi namunasi va tavsifi 2 va 2a-ilovalarga muvofiq;

Oʻzbekiston Respublikasi Oliy Majlisi Qonunchilik palatasi deputatining va Senati aʼzosining koʻkrak nishoni namunasi va tavsifi 3 va 3a-ilovalarga muvofiq;

Oʻzbekiston Respublikasi Oliy Majlisi Qonunchilik palatasi deputatining va Senati aʼzosining guvohnomasiga transportda tekin yurish huquqini beradigan ilova varaqasining namunasi va tavsifi 4 va 4a-ilovalarga muvofiq tasdiqlansin.

2. Oʻzbekiston Respublikasi Transport vazirligi “Oʻzbekiston Respublikasi Oliy Majlisi Qonunchilik palatasi deputatining va Senati aʼzosining maqomi toʻgʻrisida”gi Oʻzbekiston Respublikasi Qonunining 20-moddasida belgilangan deputatning va senatorning transportda tekin yurish huquqi amalga oshirilishini taʼminlasin.

3. Oʻzbekiston Respublikasi Markaziy saylov komissiyasining “Oʻzbekiston Respublikasi Oliy Majlisi Qonunchilik palatasi deputatining va Senati aʼzosining guvohnomasi va koʻkrak nishoni toʻgʻrisida” 2020-yil 6-yanvardagi 1018-son qarori oʻz kuchini yoʻqotgan deb hisoblansin.

4. Mazkur qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.

5. Ushbu qaror nusxasi Oʻzbekiston Respublikasi Oliy Majlisi Qonunchilik palatasi va Senatiga yuborilsin.

6. Mazkur qaror ijrosini nazorat qilish Oʻzbekiston Respublikasi Markaziy saylov komissiyasi Raisining oʻrinbosari B. Kuchkarov zimmasiga yuklansin.

Oʻzbekiston Respublikasi Markaziy saylov komissiyasining 2024-yil 31-oktabrdagi 1415-son qaroriga 1-ILOVA

Oʻzbekiston Respublikasi Oliy Majlisi Qonunchilik palatasi deputatining va Senati aʼzosining guvohnomasi va koʻkrak nishoni toʻgʻrisidagi

Mazkur Nizom Oʻzbekiston Respublikasi Oliy Majlisi Qonunchilik palatasi (bundan buyon matnda Qonunchilik palatasi deb yuritiladi) deputati (bundan buyon matnda deputat deb yuritiladi) va Oʻzbekiston Respublikasi Oliy Majlisi Senati (bundan buyon matnda Senat deb yuritiladi) aʼzosiga (bundan buyon matnda senator deb yuritiladi) guvohnoma va koʻkrak nishoni berish, ulardan foydalanish, shuningdek yoʻqolgan yoki yaroqsiz holga kelgan guvohnoma va koʻkrak nishoni oʻrniga yangisini berish tartibini belgilaydi.

1-bob. Umumiy qoidalar

1. Deputatning, senatorning guvohnomasi deputat va senatorning vakolati hamda shaxsini tasdiqlovchi hujjat hisoblanadi.

2. Deputat va senatorning koʻkrak nishoni deputatlik va senatorlik maqomiga ega boʻlgan vakolatli shaxs sifatida ajratib turuvchi belgi hisoblanadi.

Koʻkrak nishoni koʻkrakning chap tomoniga taqiladi.

3. Deputat va senatorga guvohnoma hamda koʻkrak nishoni Oʻzbekiston Respublikasi Markaziy saylov komissiyasida (bundan buyon matnda Markaziy saylov komissiyasi deb yuritiladi) (deputatlar uchun alohida, senatorlar uchun alohida yuritilgan tegishli qayd daftarida) roʻyxatga olinib, Markaziy saylov komissiyasi Raisi yoki u vakolat bergan shaxs tomonidan topshiriladi.

2-bob. Deputat va senatorning guvohnomasi

4. Deputat va senatorning guvohnomasi Markaziy saylov komissiyasining Oʻzbekiston Respublikasi Davlat gerbi tasvirlangan muhri shaklidagi gologramma yopishtirilishi bilan tasdiqlanadi.

5. Deputatga guvohnoma Markaziy saylov komissiyasi tomonidan har yangi chaqiriqda 001 raqamidan 075 raqamigacha u saylangan saylov okrugi tartib raqami boʻyicha, 076 raqamidan 150 raqamigacha partiyalar roʻyxati asosida roʻyxatga olingan ketma-ketlik boʻyicha beriladi.

Senatorga guvohnoma Markaziy saylov komissiyasi tomonidan 001 raqamidan 056 raqamigacha saylangan hududi boʻyicha senatorning familiyasiga muvofiq alifbo tartibida, 057 raqamidan 065 raqamigacha Oʻzbekiston Respublikasi Prezidenti farmonida koʻrsatilgan tartibda beriladi.

6. Deputat va senatorga guvohnoma bilan birga Oʻzbekiston Respublikasi hududida havo, temir yoʻl, avtomobil yoʻlovchilar transportida (taksi va shahar yoʻlovchilar transporti bundan mustasno) qonun hujjatlarida belgilangan tartibda tekin yurish huquqini beruvchi ilova varaqasi ham qoʻshib topshiriladi.

7. Boʻshab qolgan oʻrinlarga saylanib, roʻyxatga olingan deputatga guvohnoma, qoida tariqasida 151 tartib raqamidan boshlab beriladi.

Boʻshab qolgan oʻrinlarga saylanib (tayinlanib), roʻyxatga olingan senatorga guvohnoma, qoida tariqasida 066 tartib raqamidan boshlab beriladi.

3-bob. Guvohnoma yoki koʻkrak nishonni yangisini olish tartibi

8. Deputat va senatorning yaroqsiz holga kelgan guvohnomasi oʻrniga aynan shu raqam bilan yangi guvohnoma beriladi.

Deputat va senatorning yaroqsiz holga kelgan koʻkrak nishoni yangisi bilan almashtiriladi.

Deputat va senatorning yoʻqolgan guvohnomasi oʻrniga navbatdagi tartib raqami bilan yangi guvohnoma beriladi.

9. Guvohnoma yoki koʻkrak nishoni yaroqsiz holga kelgani haqida deputat Qonunchilik palatasi orqali, senator Senat orqali Markaziy saylov komissiyasiga ikki ish kuni ichida ariza bilan murojaat qilishi shart.

Guvohnoma yoki koʻkrak nishoni yoʻqotilgani haqida deputat Qonunchilik palatasi Spikeri nomiga, senator Senat Raisi nomiga yozgan va ustxat qoʻyilgan bildirishnoma nusxasini ilova qilgan holda Markaziy saylov komissiyasiga ikki ish kuni ichida ariza bilan murojaat qilishi shart.

Arizaga guvohnoma yoki koʻkrak nishonining yoʻqotilgan yoxud yaroqsiz holga kelganligi sabablari koʻrsatilishi hamda yaroqsiz holdagi guvohnoma yoki koʻkrak nishoni va tegishli hujjatlar ilova qilinishi lozim.

Deputat va senator guvohnomasini va (yoki) koʻkrak nishonini yoʻqotgan taqdirda unga ushbu Nizomda belgilangan tartibda guvohnoma va (yoki) koʻkrak nishoni yoʻqolgani haqida ariza bergan kundan boshlab bir oy ichida yangi guvohnoma va (yoki) koʻkrak nishoni beriladi.

10. Deputat va senatorning yoʻqotilgan guvohnomasi topib olingan taqdirda ushbu guvohnoma ichki ishlar organlariga yoki Markaziy saylov komissiyasiga darhol topshirilishi shart.

11. Deputat va senatorning yaroqsiz holga kelgan guvohnomasi, topib olingan guvohnomalar yoki vakolatlari muddatidan ilgari tugatilgan deputat yoki senatorning Markaziy saylov komissiyasiga qaytarilgan guvohnomalari kesish yoʻli bilan foydalanib boʻlmaydigan holga keltiriladi hamda belgilangan tartibda (yoqish yoʻli bilan) yoʻq qilinadi va bu haqda tuzilgan dalolatnoma idoraviy arxivda saqlanadi.

4-bob. Yakunlovchi qoidalar

12. Deputat va senator guvohnomasi hamda koʻkrak nishonidan oʻz vakolatlari muddati mobaynida foydalanadi.

Deputat va senator oʻz vakolatlarini amalga oshirayotganda guvohnomasini koʻrsatib, Oʻzbekiston Respublikasi hududidagi korxonalar, muassasalar va tashkilotlarga moneliksiz kirish huquqidan, shuningdek ularning rahbarlari hamda boshqa mansabdor shaxslari tomonidan darhol qabul qilinish huquqidan foydalanadi.

Deputat va senator guvohnoma hamda koʻkrak nishonini avaylab asrashi shart boʻlib, ularning saqlanishi uchun shaxsan javobgar hisoblanadi.

13. Deputat va senatorning guvohnomasini va (yoki) koʻkrak nishonini olib qoʻyish, shuningdek guvohnomani va (yoki) koʻkrak nishonini boshqa shaxslarga berish taqiqlanadi.

14. Deputat va senatorning vakolatlari muddati tugaganidan keyin guvohnoma va koʻkrak nishoni oʻz kuchini yoʻqotgan deb hisoblanadi hamda deputatlik yoki senatorlik vakolatini toʻliq oʻtagan shaxsda esdalik sifatida qoladi.

15. Deputat va senatorning vakolatlari muddatidan ilgari tugatilgan taqdirda guvohnoma va koʻkrak nishoni tegishincha Qonunchilik palatasi va Senatning devoni orqali ikki ish kunidan kechiktirmay guvohnoma va koʻkrak nishoni Markaziy saylov komissiyasiga qaytarilishi shart.

16. Deputat, senator tegishincha Qonunchilik palatasining, Senatning vakolatlari muddati davrida vafot etgan taqdirda guvohnoma va koʻkrak nishoni uning oila aʼzolarida xotira sifatida qoladi.

17. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradilar.

Oʻzbekiston Respublikasi Markaziy saylov komissiyasining 2024-yil 31-oktabrdagi 1415-son qaroriga 2-ILOVA

Oʻzbekiston Respublikasi Oliy Majlisi Qonunchilik palatasi deputati va Senati aʼzosi guvohnomasining

Oʻzbekiston Respublikasi Markaziy saylov komissiyasining 2024-yil 31-oktabrdagi 1415-son qaroriga 2a-ILOVA

Oʻzbekiston Respublikasi Oliy Majlisi Qonunchilik palatasi deputati va Senati aʼzosi guvohnomasining

1. Oʻzbekiston Respublikasi Oliy Majlisi Qonunchilik palatasi deputatining (bundan buyon matnda deputat deb yuritiladi) va Oʻzbekiston Respublikasi Oliy Majlisi Senati aʼzosining (bundan buyon matnda senator deb yuritiladi) guvohnomasi 95x65 millimetr oʻlchamdagi toʻq qizil rangli qattiq charm muqovali kitobcha koʻrinishiga ega boʻladi.

2. Deputat guvohnomasining old tomoni yuqori va oʻrta qismlari oraligʻida Oʻzbekiston Respublikasi Davlat gerbining metaldan tayyorlangan oʻxshash tasviri oʻrnatiladi, uning ostida ikki satrda oltin rangda “OʻZBEKISTON RESPUBLIKASI OLIY MAJLISI DEPUTATI” degan matn joylashtiriladi.

3. Senator guvohnomasining old tomoni yuqori va oʻrta qismlari oraligʻida Oʻzbekiston Respublikasi Davlat gerbining metaldan tayyorlangan oʻxshash tasviri oʻrnatiladi, uning ostida ikki satrda oltin rangda “OʻZBEKISTON RESPUBLIKASI OLIY MAJLISI SENATORI” degan matn joylashtiriladi.

4. Deputat va senatorning guvohnomasi ichki soʻl tomonining:

oʻrta qismi chap tomonida Oʻzbekiston Respublikasi Davlat bayrogʻi siymosini anglatuvchi moviy va yashil ranglar ustiga Davlat gerbining rangli tasviri tushiriladi;

yuqori qismidan pastroqda, markazdan teparoqda toʻq sargʻish rangda “OʻZBEKISTON RESPUBLIKASI OLIY MAJLISI QONUNCHILIK PALATASI DEPUTATI” yoki “OʻZBEKISTON RESPUBLIKASI OLIY MAJLISI SENATI AʼZOSI” degan matn joylashtiriladi;

pastki qismining markazida qizil rangda guvohnomaning amal qilish muddati (kun, oy, yil) koʻrsatiladi.

5. Deputat va senatorning guvohnomasi ichki oʻng tomonining:

chap oʻrta qismida deputat yoki senatorning 30x40 millimetr oʻlchamidagi (oq fonda) rangli fotosurati joylashtiriladi. Fotosurat oʻng tomonining pastki burchagiga Oʻzbekiston Respublikasi Davlat gerbi tasvirlangan Oʻzbekiston Respublikasi Markaziy saylov komissiyasining muhri shaklidagi (nishablikning turlicha burchagida oʻz shaklini oʻzgartiradigan) gologramma yopishtiriladi;

yuqori qismi markaziga bir satrda qizil rangda “GUVOHNOMA №___” soʻzlari joylashgan boʻladi. Bunda chiziq oʻrniga guvohnomaning tartib raqami yoziladi;

oʻrta qismining markazida, fotosuratdan oʻngroqda alohida uch satrda deputat yoki senatorning familiyasi, ismi va otasining ismi qora rangda yirik koʻrsatiladi;

pastki qismining markazida qora rangda “Oʻzbekiston Respublikasi Markaziy saylov komissiyasining 20__-yil __-_________dagi ____-son qarori bilan roʻyxatga olingan.” degan matn joylashtiriladi.

6. Guvohnomaning ichki tomonlari (Davlat bayrogʻi siymosidan foydalangan holda) maxsus qogʻozdan tayyorlangan va shaffof plyonka bilan qoplangan boʻladi.

Oʻzbekiston Respublikasi Markaziy saylov komissiyasining 2024-yil 31-oktabrdagi 1415-son qaroriga 3-ILOVA

Oʻzbekiston Respublikasi Oliy Majlisi Qonunchilik palatasi deputati va Senati aʼzosi koʻkrak nishonining

Oʻzbekiston Respublikasi Markaziy saylov komissiyasining 2024-yil 31-oktabrdagi 1415-son qaroriga 3a-ILOVA

Oʻzbekiston Respublikasi Oliy Majlisi Qonunchilik palatasi deputati va Senati aʼzosi koʻkrak nishonining

1. Oʻzbekiston Respublikasi Oliy Majlisi Qonunchilik palatasi deputatining (bundan buyon matnda deputat deb yuritiladi) va Oʻzbekiston Respublikasi Oliy Majlisi Senati aʼzosining (bundan buyon matnda senator deb yuritiladi) koʻkrak nishoni Oʻzbekiston Respublikasi Davlat bayrogʻining hilpirab turgan tasviri koʻrinishida boʻladi.

2. Deputat va senator koʻkrak nishonining asosi mis qotishmadan tayyorlanadi. Koʻkrak nishonning old tomoni sirlangan moviy, oq va yashil rangdagi tasma chiziqlar hamda qizil rangdagi hoshiya chiziq bilan qoplangan. Oq tasma chiziq moviy va yashil tasma chiziqlardan sirlangan qizil rangdagi hoshiya bilan ajralib turadi.

3. Koʻkrak nishon old tomonining yuqori chap burchagida moviy fonda yarim oy va undan oʻngroqda uch qatorda oʻn ikkita besh qirrali yulduz tasvirlangan boʻladi. Yarim oy vertikal holatda joylashtirilgan, yulduzlar esa undan oʻngroqda, uch qatorda, yaʼni yuqori qatorda uchta, oʻrta qatorda toʻrtta va quyi qatorda beshta yulduz joylashtiriladi.

4. Deputat koʻkrak nishonining oq tasma chizigʻi ustida lotin yozuvida “OLIY MAJLIS” degan, yashil tasma chizigʻi ustida lotin yozuvida “DEPUTATI” degan, senator koʻkrak nishoning oq tasma chizigʻi ustida lotin yozuvida “OLIY MAJLIS” degan, yashil tasma chizigʻi ustida lotin yozuvida “SENATORI” degan matnlar sariq rangda yoziladi.

5. Koʻkrak nishon toʻgʻnogʻich bilan taqiladi.

6. Koʻkrak nishonning kattaligi 35x26,5 millimetr.

Oʻzbekiston Respublikasi Markaziy saylov komissiyasining 2024-yil 31-oktabrdagi 1415-son qaroriga 4-ILOVA

Oʻzbekiston Respublikasi Oliy Majlisi Qonunchilik palatasi deputatining va Senati aʼzosining guvohnomasiga transportda tekin yurish huquqini beradigan ilova varaqasining

Oʻzbekiston Respublikasi Markaziy saylov komissiyasining 2024-yil 31-oktabrdagi 1415-son qaroriga 4a-ILOVA

Oʻzbekiston Respublikasi Oliy Majlisi Qonunchilik palatasi deputatining va Senati aʼzosining guvohnomasiga transportda tekin yurish huquqini beradigan ilova varaqasining

1. Oʻzbekiston Respublikasi Oliy Majlisi Qonunchilik palatasi deputati (bundan buyon matnda deputat deb yuritiladi) va Oʻzbekiston Respublikasi Oliy Majlisi Senati aʼzosi (bundan buyon matnda senator deb yuritiladi) guvohnomasining transportda tekin yurish huquqini beradigan ilova varaqasi 80x55 millimetr oʻlchamdagi oq rangdagi, och koʻk rangli tangir tushirilgan qattiq qogʻozdan tayyorlanadi.

2. Deputat, senator guvohnomasining ilova varaqasi old tomoni chap qismining yuqorisida qizil rangda Oʻzbekiston Respublikasi Davlat gerbi tasviri tushirilgan. Gerbning oʻng tomonidan uch satrda: “OʻZBEKISTON RESPUBLIKASI OLIY MAJLISI QONUNCHILIK PALATASI DEPUTATI” yoki “OʻZBEKISTON RESPUBLIKASI OLIY MAJLISI SENATORI” degan matn joylashgan.

3. Guvohnoma ilova varaqasining qolgan matni qora rangda yoziladi.

Ilova varaqasining old tomoni oʻng qismining yuqorisida guvohnomaning tartib raqami va “— Guvohnomaga” degan yozuv joylashadi. Mazkur matnning yuqorisida deputat yoki senator ismining bosh harfi hamda familiyasi qoʻyiladi. Undan soʻng ilova varaqasida quyidagi mazmundagi matn joylashtiriladi:

“Deputat, senator Oʻzbekiston Respublikasi hududida havo, temir yoʻl, avtomobil yoʻlovchilar transportida (taksi va shahar yoʻlovchilar transporti bundan mustasno) tekin yurish huquqidan foydalanadi.

Deputat, senator aeroportlar va aerovokzallar, temir yoʻl vokzallari hamda stansiyalarining rasmiy shaxslar va delegatsiyalar uchun moʻljallangan zallaridan tekin foydalanish huquqiga ega.

Deputat, senator har bir transport turida amalda boʻlgan normalarga mos qoʻl yukini tekin olib yurish huquqiga ega.

Transport tashkilotlari bilan hisob-kitob qilish tartibi qonunchilikda belgilanadi.”.

Rais Z. NIZAMXODJAYEV

Toshkent sh.,

2024-yil 31-oktabr,

1415-son

lex.uz