📅 2024-yil 15-noyabr · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 ноябрь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 15 ноября 2024 г. · Законы и кодексы
Официальный текст. Официальный документ. Редакционные примечания не включены.
📅 15 November 2024 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Ўзбекистон Республикасида чет эл фуқароларининг ва фуқаролиги бўлмаган шахсларнинг ҳуқуқий ҳолати тўғрисида»ги Ўзбекистон Республикаси Қонунига ўзгартириш ва қўшимчалар киритиш ҳақида
Қонунчилик палатаси томонидан 2024 йил 25 июнда қабул қилинган Сенат томонидан 2024 йил 21 сентябрда маъқулланган
Ушбу Қонун билан «Ўзбекистон Республикасида чет эл фуқароларининг ва фуқаролиги бўлмаган шахсларнинг ҳуқуқий ҳолати тўғрисида»ги Ўзбекистон Республикаси Қонунига Ўзбекистоннинг давлат суверенитетига, ҳудудий яхлитлигига ва хавфсизлигига зид бўлган, давлатлараро, миллий, диний адоватни келтириб чиқарувчи, Ўзбекистон халқининг шаънини, қадр-қимматини, тарихини таҳқирловчи оммавий чиқишларни ёки ҳаракатларни содир этган чет эл фуқароларининг ва фуқаролиги бўлмаган шахсларнинг «Ўзбекистон Республикасида бўлиши номақбул деб топилган чет эл фуқаролари ва фуқаролиги бўлмаган шахслар рўйхати»га киритилишини назарда тутувчи ўзгартириш ва қўшимчалар киритилмоқда.
1-модда. Ўзбекистон Республикасининг 2021 йил 4 июнда қабул қилинган «Ўзбекистон Республикасида чет эл фуқароларининг ва фуқаролиги бўлмаган шахсларнинг ҳуқуқий ҳолати тўғрисида»ги ЎРҚ-692-сонли Қонунига (Ўзбекистон Республикаси Олий Мажлиси палаталарининг Ахборотномаси, 2021 йил, № 6, 519-модда; 2022 йил, № 3, 216-модда) қуйидаги ўзгартириш ва қўшимчалар киритилсин:
1) 11-модданинг олтинчи хатбошиси қуйидаги таҳрирда баён этилсин:
«чет эл фуқароси ёки фуқаролиги бўлмаган шахс Ўзбекистон Республикасидан ташқарига маъмурий тарзда чиқариб юборилганда ёхуд ушбу Қонуннинг 35 1 -моддасида белгиланган тартибда депортация қилинганда»;
2) 29-модданинг биринчи қисми қуйидаги мазмундаги саккизинчи хатбоши билан тўлдирилсин:
«агар шахс Ўзбекистон Республикасида бўлиши номақбул деб топилган чет эл фуқаролари ва фуқаролиги бўлмаган шахслар рўйхатига киритилган бўлса»;
3) қуйидаги мазмундаги 29 1 -модда билан тўлдирилсин:
« 29 1 -модда. Ўзбекистон Республикасида бўлиши номақбул деб топилган чет эл фуқаролари ва фуқаролиги бўлмаган шахслар рўйхати
Чет эл фуқаросининг ва фуқаролиги бўлмаган шахснинг Ўзбекистон Республикасининг давлат суверенитетига, ҳудудий яхлитлигига ва хавфсизлигига зид бўлган, шунингдек давлатлараро, ижтимоий, миллий, ирқий ҳамда диний адоватни келтириб чиқарувчи, Ўзбекистон халқининг шаънини, қадр-қимматини, тарихини таҳқирловчи оммавий чиқишлари ёки ҳаракатлари уларни Ўзбекистон Республикасида бўлиши номақбул деб топилган чет эл фуқаролари ва фуқаролиги бўлмаган шахслар рўйхатига (бундан буён матнда Рўйхат деб юритилади) киритиш учун асос бўлади.
Чет эл фуқаросини ёки фуқаролиги бўлмаган шахсни Рўйхатга киритиш Ўзбекистон Республикаси Олий Мажлиси Қонунчилик палатаси Кенгашининг, Сенати Кенгашининг, махсус ваколатли давлат органларининг тақдимига асосан амалга оширилади.
Рўйхат Ўзбекистон Республикаси Ташқи ишлар вазирлиги томонидан юритилади.
Рўйхатга киритилган чет эл фуқаросининг ёки фуқаролиги бўлмаган шахснинг Ўзбекистон Республикаси ҳудудига киришига йўл қўйилмайди, шунингдек унга Ўзбекистонда банк ҳисобварақларини очиш, Ўзбекистон Республикаси ҳудудида кўчмас мулкни сотиб олиш, давлат мулкини хусусийлаштиришда иштирок этиш, молиявий ва шартномавий муносабатларга киришиш тақиқланади, бундан унга мулк ҳуқуқи асосида тегишли бўлган Ўзбекистон Республикаси ҳудудида жойлашган мулкни бегоналаштириш мустасно.
Чет эл фуқаросининг ёки фуқаролиги бўлмаган шахснинг Рўйхатда бўлиш муддати беш йилни ташкил этади ва уни Рўйхатга киритишнинг тегишли асосларини ушбу муддат ичида бартараф этмаган тақдирда, Рўйхатда бўлиш муддати беш йилга узайтирилади. Чет эл фуқаросининг ёки фуқаролиги бўлмаган шахснинг Рўйхатга киритилиши учун асослар бартараф этилганидан кейин шахс Рўйхатдан чиқариш тўғрисидаги мурожаатига ёхуд уни Рўйхатга киритиш ҳақида тақдимнома берган тегишли давлат органининг илтимосномасига асосан муддатидан илгари Рўйхатдан чиқарилиши мумкин.
Ўзбекистон Республикасида вақтинча турган ёки доимий яшайдиган чет эл фуқаросининг ёки Ўзбекистон Республикасида вақтинча турган фуқаролиги бўлмаган шахснинг Рўйхатга киритилиши унинг мамлакат ҳудудида қонуний асосларда яшаш ва бўлиш ҳуқуқи бекор қилинишига сабаб бўлади.
Ўзбекистон Республикаси Ташқи ишлар вазирлиги чет эл фуқароси ёки фуқаролиги бўлмаган шахс Рўйхатга киритилганлиги тўғрисида мазкур шахсни (унинг қонуний вакилини) белгиланган тартибда бевосита ёки дипломатик каналлар орқали уч иш куни ичида хабардор қилади.
Ўзбекистон Республикасида бўлиши номақбул деб топилган чет эл фуқароларини ва фуқаролиги бўлмаган шахсларни Рўйхатга киритиш ҳамда уни юритиш тартиби Ўзбекистон Республикаси Вазирлар Маҳкамаси томонидан белгиланади»;
4) қуйидаги мазмундаги 35 1 -модда билан тўлдирилсин:
«35 1 -модда. Депортация қилиш
Ўзбекистон Республикасида вақтинча турган ёки доимий яшайдиган чет эл фуқароси ёки Ўзбекистон Республикасида вақтинча турган фуқаролиги бўлмаган шахс Рўйхатга киритилганлиги тўғрисида хабарнома олган кундан эътиборан ўн кун ичида ихтиёрий равишда Ўзбекистон Республикасидан чиқиб кетиши керак, бундан ушбу модданинг бешинчи қисмида назарда тутилган ҳол мустасно.
Агар Рўйхатга киритилган, Ўзбекистон Республикасида вақтинча турган ёки доимий яшайдиган чет эл фуқароси ёки Ўзбекистон Республикасида вақтинча турган фуқаролиги бўлмаган шахс ушбу модданинг биринчи қисмида кўрсатилган муддат ичида ихтиёрий равишда Ўзбекистон Республикасидан чиқиб кетмаса, мазкур шахс депортация қилинади.
Депортация қилиш деганда Рўйхатга киритилган ва Ўзбекистон Республикасида яшаш ва бўлиш ҳуқуқи қонуний асосларда бекор қилинган чет эл фуқаросини ёки фуқаролиги бўлмаган шахсни мажбурий тарзда мамлакатдан чиқариб юбориш тушунилади.
Агар ўн саккиз ёшга тўлмаган чет эл фуқаросининг ёки фуқаролиги бўлмаган шахснинг ота-онасидан бири ёхуд ҳомийси ёки васийси Ўзбекистон Республикаси ҳудудида қонуний асосларда яшаш ҳуқуқига эга бўлса, ушбу шахс депортация қилинмайди.
Агар Ўзбекистон Республикасида вақтинча турган ёки доимий яшайдиган чет эл фуқаросининг ёки фуқаролиги бўлмаган шахснинг Рўйхатга киритилишига асос бўлган ҳаракатларида жиноят ёхуд маъмурий ҳуқуқбузарлик аломатлари мавжуд бўлса, у Ўзбекистон Республикаси ҳудудида содир этилган жинояти ёки маъмурий ҳуқуқбузарлиги учун суд томонидан тайинланган жазони ижро этиб бўлганидан ёки ўтаб бўлганидан кейин ёхуд қонунчиликда назарда тутилган ҳолларда жавобгарликдан ёки жазодан озод этилганидан кейин, ушбу Қонуннинг 35-моддасида белгиланган тартибда Ўзбекистон Республикасидан ташқарига чиқариб юборилади.
Рўйхатга киритилган, Ўзбекистон Республикасида вақтинча турган ёки доимий яшайдиган чет эл фуқаросини ёки Ўзбекистон Республикасида вақтинча турган фуқаролиги бўлмаган шахсни депортация қилиш ички ишлар органлари ва бошқа ваколатли органлар томонидан амалга оширилади.
Хизмат, шахсий, савдо ёки жамоат ишлари бўйича, ўқиш, малака ошириш, ишлаш учун ёки турист сифатида келган, бошқа давлатлар ҳудудида доимий яшайдиган чет эл фуқароларини ва фуқаролиги бўлмаган шахсларни депортация қилиш харажатлари уларни таклиф этган ҳамда қабул қилган жисмоний ва юридик шахсларнинг зиммасида бўлади. Бошқа чет эл фуқароларини ва фуқаролиги бўлмаган шахсларни депортация қилиш харажатлари ички ишлар органларининг зиммасида бўлади.
Бошқа давлатлар ҳудудида доимий яшайдиган чет эл фуқаросига ва фуқаролиги бўлмаган шахсга берилган виза улар депортация қилинган тақдирда, бекор қилинади».
2-модда. Ўзбекистон Республикаси Ташқи ишлар вазирлиги, Адлия вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
Ўзбекистон Республикасида бўлиши номақбул деб топилган чет эл фуқароларини ва фуқаролиги бўлмаган шахсларни Рўйхатга киритиш ҳамда уни юритиш тартибини бир ойлик муддатда тасдиқласин;
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2024 йил 15 ноябрь,
ЎРҚ-998-сон
Oʻzbekiston Respublikasining Qonuni
“Oʻzbekiston Respublikasida chet el fuqarolarining va fuqaroligi boʻlmagan shaxslarning huquqiy holati toʻgʻrisida”gi Oʻzbekiston Respublikasi Qonuniga oʻzgartirish va qoʻshimchalar kiritish haqida
Qonunchilik palatasi tomonidan 2024-yil 25-iyunda qabul qilingan Senat tomonidan 2024-yil 21-sentabrda maʼqullangan
Ushbu Qonun bilan “Oʻzbekiston Respublikasida chet el fuqarolarining va fuqaroligi boʻlmagan shaxslarning huquqiy holati toʻgʻrisida”gi Oʻzbekiston Respublikasi Qonuniga Oʻzbekistonning davlat suverenitetiga, hududiy yaxlitligiga va xavfsizligiga zid boʻlgan, davlatlararo, milliy, diniy adovatni keltirib chiqaruvchi, Oʻzbekiston xalqining shaʼnini, qadr-qimmatini, tarixini tahqirlovchi ommaviy chiqishlarni yoki harakatlarni sodir etgan chet el fuqarolarining va fuqaroligi boʻlmagan shaxslarning “Oʻzbekiston Respublikasida boʻlishi nomaqbul deb topilgan chet el fuqarolari va fuqaroligi boʻlmagan shaxslar roʻyxati”ga kiritilishini nazarda tutuvchi oʻzgartirish va qoʻshimchalar kiritilmoqda.
1-modda. Oʻzbekiston Respublikasining 2021-yil 4-iyunda qabul qilingan “Oʻzbekiston Respublikasida chet el fuqarolarining va fuqaroligi boʻlmagan shaxslarning huquqiy holati toʻgʻrisida”gi OʻRQ-692-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2021-yil, № 6, 519-modda; 2022-yil, № 3, 216-modda) quyidagi oʻzgartirish va qoʻshimchalar kiritilsin:
1) 11-moddaning oltinchi xatboshisi quyidagi tahrirda bayon etilsin:
“chet el fuqarosi yoki fuqaroligi boʻlmagan shaxs Oʻzbekiston Respublikasidan tashqariga maʼmuriy tarzda chiqarib yuborilganda yoxud ushbu Qonunning 35 1 -moddasida belgilangan tartibda deportatsiya qilinganda”;
2) 29-moddaning birinchi qismi quyidagi mazmundagi sakkizinchi xatboshi bilan toʻldirilsin:
“agar shaxs Oʻzbekiston Respublikasida boʻlishi nomaqbul deb topilgan chet el fuqarolari va fuqaroligi boʻlmagan shaxslar roʻyxatiga kiritilgan boʻlsa”;
3) quyidagi mazmundagi 29 1 -modda bilan toʻldirilsin:
“ 29 1 -modda. Oʻzbekiston Respublikasida boʻlishi nomaqbul deb topilgan chet el fuqarolari va fuqaroligi boʻlmagan shaxslar roʻyxati
Chet el fuqarosining va fuqaroligi boʻlmagan shaxsning Oʻzbekiston Respublikasining davlat suverenitetiga, hududiy yaxlitligiga va xavfsizligiga zid boʻlgan, shuningdek davlatlararo, ijtimoiy, milliy, irqiy hamda diniy adovatni keltirib chiqaruvchi, Oʻzbekiston xalqining shaʼnini, qadr-qimmatini, tarixini tahqirlovchi ommaviy chiqishlari yoki harakatlari ularni Oʻzbekiston Respublikasida boʻlishi nomaqbul deb topilgan chet el fuqarolari va fuqaroligi boʻlmagan shaxslar roʻyxatiga (bundan buyon matnda Roʻyxat deb yuritiladi) kiritish uchun asos boʻladi.
Chet el fuqarosini yoki fuqaroligi boʻlmagan shaxsni Roʻyxatga kiritish Oʻzbekiston Respublikasi Oliy Majlisi Qonunchilik palatasi Kengashining, Senati Kengashining, maxsus vakolatli davlat organlarining taqdimiga asosan amalga oshiriladi.
Roʻyxat Oʻzbekiston Respublikasi Tashqi ishlar vazirligi tomonidan yuritiladi.
Roʻyxatga kiritilgan chet el fuqarosining yoki fuqaroligi boʻlmagan shaxsning Oʻzbekiston Respublikasi hududiga kirishiga yoʻl qoʻyilmaydi, shuningdek unga Oʻzbekistonda bank hisobvaraqlarini ochish, Oʻzbekiston Respublikasi hududida koʻchmas mulkni sotib olish, davlat mulkini xususiylashtirishda ishtirok etish, moliyaviy va shartnomaviy munosabatlarga kirishish taqiqlanadi, bundan unga mulk huquqi asosida tegishli boʻlgan Oʻzbekiston Respublikasi hududida joylashgan mulkni begonalashtirish mustasno.
Chet el fuqarosining yoki fuqaroligi boʻlmagan shaxsning Roʻyxatda boʻlish muddati besh yilni tashkil etadi va uni Roʻyxatga kiritishning tegishli asoslarini ushbu muddat ichida bartaraf etmagan taqdirda, Roʻyxatda boʻlish muddati besh yilga uzaytiriladi. Chet el fuqarosining yoki fuqaroligi boʻlmagan shaxsning Roʻyxatga kiritilishi uchun asoslar bartaraf etilganidan keyin shaxs Roʻyxatdan chiqarish toʻgʻrisidagi murojaatiga yoxud uni Roʻyxatga kiritish haqida taqdimnoma bergan tegishli davlat organining iltimosnomasiga asosan muddatidan ilgari Roʻyxatdan chiqarilishi mumkin.
Oʻzbekiston Respublikasida vaqtincha turgan yoki doimiy yashaydigan chet el fuqarosining yoki Oʻzbekiston Respublikasida vaqtincha turgan fuqaroligi boʻlmagan shaxsning Roʻyxatga kiritilishi uning mamlakat hududida qonuniy asoslarda yashash va boʻlish huquqi bekor qilinishiga sabab boʻladi.
Oʻzbekiston Respublikasi Tashqi ishlar vazirligi chet el fuqarosi yoki fuqaroligi boʻlmagan shaxs Roʻyxatga kiritilganligi toʻgʻrisida mazkur shaxsni (uning qonuniy vakilini) belgilangan tartibda bevosita yoki diplomatik kanallar orqali uch ish kuni ichida xabardor qiladi.
Oʻzbekiston Respublikasida boʻlishi nomaqbul deb topilgan chet el fuqarolarini va fuqaroligi boʻlmagan shaxslarni Roʻyxatga kiritish hamda uni yuritish tartibi Oʻzbekiston Respublikasi Vazirlar Mahkamasi tomonidan belgilanadi”;
4) quyidagi mazmundagi 35 1 -modda bilan toʻldirilsin:
“35 1 -modda. Deportatsiya qilish
Oʻzbekiston Respublikasida vaqtincha turgan yoki doimiy yashaydigan chet el fuqarosi yoki Oʻzbekiston Respublikasida vaqtincha turgan fuqaroligi boʻlmagan shaxs Roʻyxatga kiritilganligi toʻgʻrisida xabarnoma olgan kundan eʼtiboran oʻn kun ichida ixtiyoriy ravishda Oʻzbekiston Respublikasidan chiqib ketishi kerak, bundan ushbu moddaning beshinchi qismida nazarda tutilgan hol mustasno.
Agar Roʻyxatga kiritilgan, Oʻzbekiston Respublikasida vaqtincha turgan yoki doimiy yashaydigan chet el fuqarosi yoki Oʻzbekiston Respublikasida vaqtincha turgan fuqaroligi boʻlmagan shaxs ushbu moddaning birinchi qismida koʻrsatilgan muddat ichida ixtiyoriy ravishda Oʻzbekiston Respublikasidan chiqib ketmasa, mazkur shaxs deportatsiya qilinadi.
Deportatsiya qilish deganda Roʻyxatga kiritilgan va Oʻzbekiston Respublikasida yashash va boʻlish huquqi qonuniy asoslarda bekor qilingan chet el fuqarosini yoki fuqaroligi boʻlmagan shaxsni majburiy tarzda mamlakatdan chiqarib yuborish tushuniladi.
Agar oʻn sakkiz yoshga toʻlmagan chet el fuqarosining yoki fuqaroligi boʻlmagan shaxsning ota-onasidan biri yoxud homiysi yoki vasiysi Oʻzbekiston Respublikasi hududida qonuniy asoslarda yashash huquqiga ega boʻlsa, ushbu shaxs deportatsiya qilinmaydi.
Agar Oʻzbekiston Respublikasida vaqtincha turgan yoki doimiy yashaydigan chet el fuqarosining yoki fuqaroligi boʻlmagan shaxsning Roʻyxatga kiritilishiga asos boʻlgan harakatlarida jinoyat yoxud maʼmuriy huquqbuzarlik alomatlari mavjud boʻlsa, u Oʻzbekiston Respublikasi hududida sodir etilgan jinoyati yoki maʼmuriy huquqbuzarligi uchun sud tomonidan tayinlangan jazoni ijro etib boʻlganidan yoki oʻtab boʻlganidan keyin yoxud qonunchilikda nazarda tutilgan hollarda javobgarlikdan yoki jazodan ozod etilganidan keyin, ushbu Qonunning 35-moddasida belgilangan tartibda Oʻzbekiston Respublikasidan tashqariga chiqarib yuboriladi.
Roʻyxatga kiritilgan, Oʻzbekiston Respublikasida vaqtincha turgan yoki doimiy yashaydigan chet el fuqarosini yoki Oʻzbekiston Respublikasida vaqtincha turgan fuqaroligi boʻlmagan shaxsni deportatsiya qilish ichki ishlar organlari va boshqa vakolatli organlar tomonidan amalga oshiriladi.
Xizmat, shaxsiy, savdo yoki jamoat ishlari boʻyicha, oʻqish, malaka oshirish, ishlash uchun yoki turist sifatida kelgan, boshqa davlatlar hududida doimiy yashaydigan chet el fuqarolarini va fuqaroligi boʻlmagan shaxslarni deportatsiya qilish xarajatlari ularni taklif etgan hamda qabul qilgan jismoniy va yuridik shaxslarning zimmasida boʻladi. Boshqa chet el fuqarolarini va fuqaroligi boʻlmagan shaxslarni deportatsiya qilish xarajatlari ichki ishlar organlarining zimmasida boʻladi.
Boshqa davlatlar hududida doimiy yashaydigan chet el fuqarosiga va fuqaroligi boʻlmagan shaxsga berilgan viza ular deportatsiya qilingan taqdirda, bekor qilinadi”.
2-modda. Oʻzbekiston Respublikasi Tashqi ishlar vazirligi, Adliya vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
Oʻzbekiston Respublikasida boʻlishi nomaqbul deb topilgan chet el fuqarolarini va fuqaroligi boʻlmagan shaxslarni Roʻyxatga kiritish hamda uni yuritish tartibini bir oylik muddatda tasdiqlasin;
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2024-yil 15-noyabr,
OʻRQ-998-son
Закон Республики Узбекистан
О внесении изменения и дополнений в Закон Республики Узбекистан «О правовом положении иностранных граждан и лиц без гражданства в Республике Узбекистан»
Принят Законодательной палатой 25 июня 2024 года Одобрен Сенатом 21 сентября 2024 года
Настоящим Законом вносятся изменение и дополнения в Закон Республики Узбекистан «О правовом положении иностранных граждан и лиц без гражданства в Республике Узбекистан», предусматривающие включение иностранных граждан и лиц без гражданства, совершивших публичные призывы или действия, противоречащие государственному суверенитету, территориальной целостности и безопасности Узбекистана, провоцирующие межгосударственную, национальную, религиозную вражду, дискредитирующие честь, достоинство, историю народа Узбекистана в «Список иностранных граждан и лиц без гражданства, пребывание которых в Республике Узбекистан признается неприемлемым».
Статья 1. Внести в Закон Республики Узбекистан от 4 июня 2021 года № ЗРУ-692 «О правовом положении иностранных граждан и лиц без гражданства в Республике Узбекистан» (Ведомости палат Олий Мажлиса Республики Узбекистан, 2021 г., № 6, ст. 519; 2022 г., № 3, ст. 216) следующие изменение и дополнения:
1) абзац шестой статьи 11 изложить в следующей редакции:
«административного выдворения за пределы Республики Узбекистан иностранного гражданина или лица без гражданства либо депортации в порядке, установленном статьей 35 1 настоящего Закона»;
2) часть первую статьи 29 дополнить абзацем восьмым следующего содержания:
«если лицо включено в Список иностранных граждан и лиц без гражданства, пребывание которых в Республике Узбекистан признается неприемлемым»;
3) дополнить статьей 29 1 следующего содержания:
« Статья 29 1 . Список иностранных граждан и лиц без гражданства, пребывание которых в Республике Узбекистан признается неприемлемым
Публичные призывы или действия иностранного гражданина и лица без гражданства, противоречащие государственному суверенитету, территориальной целостности и безопасности Республики Узбекистан, а также провоцирующие межгосударственную, социальную, национальную, расовую и религиозную вражду, дискредитирующие честь, достоинство, историю народа Узбекистана, являются основанием для включения их в Список иностранных граждан и лиц без гражданства, пребывание которых в Республике Узбекистан признается неприемлемым (далее — Список).
Включение иностранного гражданина или лица без гражданства в Список осуществляется на основании представления Кенгаша Законодательной палаты, Кенгаша Сената Олий Мажлиса Республики Узбекистан, специально уполномоченных государственных органов.
Список ведется Министерством иностранных дел Республики Узбекистан.
Не допускается въезд на территорию Республики Узбекистан иностранного гражданина или лица без гражданства, включенного в Список, а также ему запрещается открывать банковские счета в Узбекистане, покупать недвижимость на территории Республики Узбекистан, участвовать в приватизации государственного имущества, вступать в финансовые и договорные отношения, за исключением отчуждения принадлежащего ему на праве собственности имущества, находящегося на территории Республики Узбекистан.
Срок нахождения иностранного гражданина или лица без гражданства в Списке составляет пять лет и в случае неустранения в течение этого срока соответствующих оснований включения его в Список, срок нахождения в Списке продлевается на пять лет. Лицо может быть исключено из Списка досрочно на основании обращения об исключении из Списка или ходатайства соответствующего государственного органа, давшего представление о включении его в Список, после устранения оснований для включения в Список иностранного гражданина или лица без гражданства.
Включение в Список иностранного гражданина, временно пребывающего или постоянно проживающего в Республике Узбекистан или лица без гражданства, временно пребывающего в Республике Узбекистан, влечет за собой лишение его права на проживание и пребывание на территории страны на законных основаниях.
Министерство иностранных дел Республики Узбекистан в течение трех рабочих дней уведомляет в установленном порядке непосредственно или по дипломатическим каналам иностранного гражданина или лица без гражданства (его законного представителя) о включении его в Список.
Порядок включения в Список иностранных граждан и лиц без гражданства, пребывание которых в Республике Узбекистан признается неприемлемым, и его ведения определяется Кабинетом Министров Республики Узбекистан»;
4) дополнить статьей 35 1 следующего содержания:
« Статья 35 1 . Депортация
Иностранный гражданин, временно пребывающий или постоянно проживающий в Республике Узбекистан или лицо без гражданства, временно пребывающее в Республике Узбекистан, должен добровольно выехать из Республики Узбекистан в течение десяти дней со дня получения уведомления о включении в Список, за исключением случая, предусмотренного в части пятой настоящей статьи.
Если включенный в Список иностранный гражданин, временно пребывающий или постоянно проживающий в Республике Узбекистан или лицо без гражданства, временно пребывающее в Республике Узбекистан, не выехал из Республики Узбекистан добровольно в течение срока, указанного в части первой настоящей статьи, данное лицо подлежит депортации.
Под депортацией понимается принудительное выдворение из страны иностранного гражданина или лица без гражданства, включенного в Список, и право которых на проживание и пребывание в Республике Узбекистан на законных основаниях аннулировано.
Иностранный гражданин или лицо без гражданства, не достигший возраста восемнадцати лет не депортируется, если один из его родителей либо опекун или попечитель имеет право на проживание на законных основаниях на территории Республики Узбекистан.
Если в являющихся основанием для включения в Список действиях иностранного гражданина или лица без гражданства, временно пребывающего или постоянно проживающего в Республике Узбекистан, имеются признаки преступления или административного правонарушения, он выдворяется за пределы Республики Узбекистан в порядке, установленном статьей 35 настоящего Закона, после исполнения или отбытия наказания, назначенного судом за преступление или административное правонарушение, совершенное на территории Республики Узбекистан, либо освобождения от ответственности или наказания в случаях, предусмотренных законодательством.
Депортация включенного в Список иностранного гражданина, временно пребывающего или постоянно проживающего в Республике Узбекистан, или лица без гражданства, временно пребывающего в Республике Узбекистан, осуществляется органами внутренних дел и иными уполномоченными органами.
Расходы по депортации иностранных граждан и лиц без гражданства, постоянно проживающих на территории других государств, прибывших по служебным, частным, торговым или общественным делам, для учебы, повышения квалификации, работы или в качестве туристов, несут приглашающие и принимающие их физические и юридические лица. Расходы по депортации других иностранных граждан и лиц без гражданства несут органы внутренних дел.
Виза, выданная иностранному гражданину и лицу без гражданства, постоянно проживающему на территории других государств, при их депортации аннулируется».
Статья 2. Министерству иностранных дел, Министерству юстиции Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
в месячный срок утвердить порядок включения в Список иностранных граждан и лиц без гражданства, пребывание которых в Республике Узбекистан признается неприемлемым, и его ведения.
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
15 ноября 2024 г.,
№ ЗРУ-998