📅 2024-yil 15-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 15 ноября 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 15 November 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
ЖУРНАЛИ
Экспериментал ҳаво кемаларини ҳисобга олиш тартиби тўғрисидаги низомни тасдиқлаш тўғрисида
Ўзбекистон Республикасининг Ҳаво кодексига мувофиқ Вазирлар Маҳкамаси қарор қилади:
1. Ўзбекистон Республикаси Ҳаво кодексининг 39-моддасига асосан экспериментал ҳаво кемаларини ҳисобга олиш тартиби Ўзбекистон Республикаси Вазирлар Маҳкамаси томонидан белгиланиши маълумот учун қабул қилинсин.
2. Қуйидагиларни назарда тутувчи Экспериментал ҳаво кемаларини ҳисобга олиш тартиби тўғрисидаги низом иловага мувофиқ тасдиқлансин:
экспериментал ҳаво кемаларини ҳисобга олиш учун зарур бўладиган ҳужжатларни қўриб чиқиш ва қарор қабул қилиш тартиби;
экспериментал ҳаво кемаларини ҳисобга олиш ва ҳисобдан чиқариш тартиби.
3. Транспорт вазирлиги манфаатдор вазирлик ва идоралар билан биргаликда бир ой муддатда ўзлари қабул қилган норматив-ҳуқуқий ҳужжатларни ушбу қарорга мувофиқлаштирсин.
4. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда транспорт вазири И.Р. Махкамов зиммасига юклансин.
Вазирлар Маҳкамасининг 2024 йил 15 ноябрдаги 762-сон қарорига ИЛОВА
Экспериментал ҳаво кемаларини ҳисобга олиш тартиби тўғрисида
1-боб. Умумий қоидалар
1. Мазкур Низом Ўзбекистон Республикаси Ҳаво кодексига мувофиқ Ўзбекистон Республикаси Транспорт вазирлиги ҳузуридаги Фуқаро авиацияси агентлиги (кейинги ўринларда — «Ўзавиация» агентлиги) томонидан экспериментал ҳаво кемаларини ҳисобга олиш тартибини белгилайди.
2. Мазкур Низомда қуйидаги асосий тушунчалардан фойдаланилади:
ариза берувчи — экспериментал ҳаво кемасини ҳисобга олиш ёки ҳисобдан чиқариш тўғрисидаги ариза билан «Ўзавиация» агентлигига мурожаат қилувчи юридик шахс;
экспериментал ҳаво кемаси — авиация техникасининг янги турларини яратиш ёки модернизация қилишда тажриба-конструкторлик, экспериментал ва илмий-тадқиқот ишларини ҳамда синовларни амалга ошириш учун мўлжалланган ҳаво кемаси;
экспериментал ҳаво кемаларини ҳисобга олиш журнали — ҳаво кемасининг тури, заводда берилган рақами, ҳаво кемасини ишлаб чиқарувчи, ҳаво кемасини ҳисобга олиш асослари тўғрисидаги ҳамда бошқа маълумотларни ўз ичига олган журнал;
экспериментал ҳаво кемаси ҳисобга олинганлиги тўғрисида гувоҳнома — ҳаво кемаси экспериментал ҳаво кемаларини ҳисобга олиш журналига киритилганлигини тасдиқловчи ҳужжат;
ҳаво кемаси турининг сертификати — ҳаво кемаси турининг конструкциясини белгилайдиган, шунингдек, учишга яроқлилик талабларига мувофиқлигини тасдиқлайдиган ҳужжат.
3. Ҳисобга олинган экспериментал ҳаво кемасига белгиланган тартибда Ўзбекистон Республикасининг ҳаво ҳудудида парвозларни амалга ошириш имкони берилади.
4. Экспериментал ҳаво кемаси техник жиҳатдан тартибга солиш ва парвозлар хавфсизлигини таъминлаш бўйича фуқаро авиацияси талабларига жавоб бериши керак.
5. Ўзбекистон Республикаси экспериментал ҳаво кемалари мазкур Низомга 1-иловага мувофиқ схема асосида ҳисобга олинади.
2-боб. Экспериментал ҳаво кемаларининг турлари ҳамда уларни ҳисобга олиш учун зарур бўладиган ҳужжатлар
6. Экспериментал ҳаво кемалари қуйидаги турларга бўлинади:
янги яратилган ёки ўзгартирилган ҳаво кемаларининг намуналари;
авиация техникасининг таркибий қисмларини парвозда тадқиқ этиш ёки синовдан ўтказиш учун учар лабораториялар.
7. Экспериментал ҳаво кемасини ҳисобга олиш учун ариза берувчи «Ўзавиация» агентлигига бевосита ёки унинг электрон почта манзилига қуйидаги ҳужжатларни тақдим этади:
ушбу Низомга 2-иловага мувофиқ шаклдаги ариза;
ҳаво кемаси турининг сертификати ёки ҳаво кемасининг фойдаланишга яроқлилиги тўғрисида ҳужжат;
ариза берувчининг ҳаво кемасида парвоз қилиш синовларини ўтказиш дастури.
8. Экспериментал ҳаво кемасини ҳисобга олиш учун тақдим этилган ҳужжатларнинг ҳаққонийлиги учун ариза берувчи жавобгар ҳисобланади.
9. Экспериментал ҳаво кемасини ҳисобга олиш учун зарур бўлган ҳужжатлар ариза берувчи томонидан бевосита «Ўзавиация» агентлигига тақдим этилади.
3-боб. Ҳужжатларни қўриб чиқиш ва қарор қабул қилиш тартиби
10. «Ўзавиация» агентлиги томонидан ҳужжатларни қўриб чиқиш ва экспериментал ҳаво кемасини ҳисобга олиш бўйича барча зарур тартиб-таомилларни амалга ошириш учун йиғим ундирилмайди.
11. Ариза ва тақдим этилган ҳужжатлар «Ўзавиация» агентлиги томонидан ўн беш иш куни ичида кўриб чиқилади.
12. Ариза берувчи томонидан ҳужжатлар тўлиқ тақдим этилмаганда, аризадаги маълумотлар нотўғри кўрсатилганда ёки тўлиқ кўрсатилмаганда, «Ўзавиация» агентлиги томонидан уч иш куни ичида ариза берувчига камчиликларни бартараф қилиш ва етишмаётган ҳужжатларни тақдим этиш учун беш иш кунидан кам бўлмаган муддат берилади.
Камчиликларни бартараф этиш зарурлиги тўғрисидаги хабарнома «Ўзавиация» агентлиги томонидан ариза берувчининг электрон почта манзилига юборилади.
Камчиликларни бартараф этиш тўғрисидаги хабарнома юборилган тақдирда, аризани кўриб чиқиш муддати тўхтатиб турилади.
13. Экспериментал ҳаво кемасини ҳисобга олиш ёки ҳисобга олишни рад этиш тўғрисидаги қарорни қабул қилиш учун «Ўзавиация» агентлигининг ваколатли ходими ҳужжатларни ўрганиб чиқиб, ҳаво кемасини техник кўрикдан ўтказади ва натижаларига кўра асослантирилган хулоса тайёрлайди.
14. Хулоса натижаларига кўра экспериментал ҳаво кемаси тўғрисидаги маълумотлар экспериментал ҳаво кемаларини ҳисобга олиш журналига (кейинги ўринларда — ҳисобга олиш журнали) киритилади ва ушбу Низомга 3-иловага мувофиқ шаклда экспериментал ҳаво кемаси ҳисобга олинганлиги тўғрисида гувоҳнома (кейинги ўринларда — гувоҳнома) расмийлаштирилиб, ариза берувчига берилади ёки экспериментал ҳаво кемасини ҳисобга олиш рад этилади.
15. Гувоҳнома «Ўзавиация» агентлиги директори ёки белгиланган тартибда «Ўзавиация» агентлиги директорининг буйруғи билан ваколат берилган мансабдор шахс томонидан имзоланади ва аризада кўрсатилган муддатга берилади.
16. Ариза берувчига қуйидаги ҳолларда экспериментал ҳаво кемасини ҳисобга олиш рад этилиши мумкин:
аниқланган хато ва камчиликлар ариза берувчи томонидан мазкур Низомнинг 12-бандида кўрсатилган муддат ичида бартараф этилмаганда;
ҳужжатларни кўриб чиқиш ва ҳаво кемасини техник кўрикдан ўтказиш натижаларига кўра асослантирилган салбий хулоса мавжуд бўлганда.
Экспериментал ҳаво кемасини ҳисобга олишни бошқа асосларга кўра, шу жумладан, мақсадга мувофиқ эмас деган сабаблар билан рад этишга йўл қўйилмайди.
17. Экспериментал ҳаво кемасини ҳисобга олишни рад этиш тўғрисидаги қарор қабул қилинган ҳолларда, ариза берувчига қарор қабул қилинган кундан бошлаб бир иш куни ичида электрон почта манзилига рад этиш сабаблари кўрсатилган хабарнома юборилади.
18. Ариза берувчи рад этиш сабабларини бартараф қилгандан сўнг «Ўзавиация» агентлигига мазкур Низом талабларига мувофиқ такроран ариза тақдим этиш ҳуқуқига эга.
4-боб. Экспериментал ҳаво кемаларини ҳисобга олиш
19. Экспериментал ҳаво кемалари «Ўзавиация» агентлиги томонидан мазкур Низомга 4-иловага мувофиқ шаклдаги ҳисобга олиш журналида ҳисобга олинади.
20. Ҳар бир экспериментал ҳаво кемаси ҳисобга олиш журналига мувофиқ кетма-кетлик бўйича рўйхат рақамига эга бўлади.
21. Ушбу Низомга мувофиқ «Ўзавиация» агентлигига тақдим этилган ҳужжатлар экспериментал ҳаво кемасини эксплуатация қилиш даври тугагунга қадар сақланиши лозим.
5-боб. Экспериментал ҳаво кемасини ҳисобдан чиқариш
22. Экспериментал ҳаво кемаси куйидаги ҳолларда ҳисобдан чиқарилади:
экспериментал ҳаво кемаси ҳисобга олинганлиги тўғрисидаги гувоҳноманинг амал қилиш муддати тугаганда;
ариза берувчи мазкур Низомга 2-иловага мувофиқ шаклда экспериментал ҳаво кемасини ҳисобдан чиқариш тўғрисида ариза билан мурожаат этганда.
23. Ариза берувчининг мурожаати бўйича экспериментал ҳаво кемасини ҳисобдан чиқариш тўғрисидаги ариза «Ўзавиация» агентлиги томонидан уч иш куни ичида кўриб чиқилади.
24. «Ўзавиация» агентлигининг масъул ходими экспериментал ҳаво кемасини ҳисобдан чиқариш тўғрисидаги маълумотларни ҳисобга олиш журналига киритади ва ариза берувчининг электрон почта манзилига экспериментал ҳаво кемаси ҳисобдан чиқарилганлиги тўғрисида хабарнома юборади.
6-боб. Якунловчи қоидалар
25. Ушбу Низомни қўллашда юзага келадиган низолар қонунчилик ҳужжатларида белгиланган тартибда ҳал этилади.
26. Мазкур Низом талаблари бузилишида айбдор бўлган шахслар қонунчилик ҳужжатларида белгиланган тартибда жавоб берадилар.
Экспериментал ҳаво кемаларини ҳисобга олиш тартиби тўғрисидаги низомга 1-ИЛОВА
Экспериментал ҳаво кемаларини ҳисобга олиш
Босқичлар Субъектлар Тадбирлар Бажариш муддатлари 1-босқич Ариза берувчи Экспериментал ҳаво кемасини ҳисобга олиш учун зарур бўлган ҳужжатларни «Ўзавиация» агентлигига бевосита ёки унинг электрон почта манзилига тақдим этади. Ариза берувчининг ихтиёрига кўра ↓ 2-босқич «Ўзавиация» агентлиги Экспериментал ҳаво кемасини ҳисобга олиш ва экспериментал ҳаво кемаси ҳисобга олинганлиги тўғрисида гувоҳнома бериш ёки уни ҳисобга олишни рад этиш тўғрисида қарор қабул қилиш учун ҳужжатларни кўриб чиқади ва ҳаво кемасини техник кўрикдан ўтказади, унинг натижаларига кўра хулоса тайёрлайди. Ҳужжатлар рўйхатдан ўтказилган кундан бошлаб ўн беш иш куни ичида ↓ 3-босқич «Ўзавиация» агентлиги Хулоса натижалари бўйича экспериментал ҳаво кемаси тўғрисидаги маълумотларни экспериментал ҳаво кемаларини ҳисобга олиш журналига киритади ва ариза берувчига гувоҳнома беради ёки экспериментал ҳаво кемасини ҳисобга олишни рад этиш тўғрисида электрон почта манзилига хабарнома юборади. Тегишли қарор қабул қилинган кундан бошлаб бир иш куни ичида
Экспериментал ҳаво кемаларини ҳисобга олиш тартиби тўғрисидаги низомга 2-ИЛОВА
Ўзбекистон Республикаси Транспорт вазирлиги ҳузуридаги Фуқаро авиацияси агентлиги директори __________________________ га (Ф.ИО.) АРИЗА ________________________________________________________________________________ дан (юридик шахснинг тўлиқ номи) экспериментал ҳаво кемасини ҳисобга олишни сўрайман __________ □ экспериментал ҳаво кемасини ҳисобдан чиқаришни сўрайман ______ □ 1. Аризани бериш сабаби: ___________________________________________________________ _________________________________________________________________________________________ 2. Ариза берувчи тўғрисида маълумот: Ариза берувчининг манзили: _________________________________________________________ 3. Ҳаво кемаси тўғрисида маълумотлар: Ҳаво кемасининг тури Двигатель тури Серия (ишлаб чиқилган) рақами Ҳаво винти тури Ишлаб чиқарилган жойи ва санаси Ҳаво кемаси тоифаси 4. Двигателлар тўғрисида маълумотлар: Двигателнинг тартиб рақами 1 2 3 4 Ишлаб чиқилган рақами Ишлаб чиқарилган санаси 5. Ҳаво винтлари тўғрисида маълумотлар: Двигателнинг тартиб рақами 1 2 3 4 Ишлаб чиқилган рақами Ишлаб чиқарилган санаси 6. Парвозларни амалга ошириш жойи: _________________________________ 7. Аризага иловалар: ____________________________________ ____________________________________ ____________________________________ Ариза берувчи ______________________ ______________________ (лавозими) (Ф.И.О, имзоси) 20 ___ й. « ___ » ____________
Экспериментал ҳаво кемаларини ҳисобга олиш тартиби тўғрисидаги низомга 3-ИЛОВА
OʻZBEKISTON RESPUBLIKASI TRANSPORT VAZIRLIGI HUZURIDAGI FUQARO AVIATSIYASI AGENTLIGI «OʻZAVIATSIYA» AGENTLIGI CIVIL AVIATION AGENCY UNDER THE MINISTRY OF TRANSPORT OF THE REPUBLIC OF UZBEKISTAN CAA OF UZBEKISTAN 73B NUKUS STREET, 100015 TASHKENT, REPUBLIC OF UZBEKISTAN, TEL.: +(998-78)-1200060. FAX.: +(998-71)-2541482. e-mail: caa@uzcaa.uz ЭКСПЕРИМЕНТАЛ ҲАВО КЕМАСИ ҲИСОБГА ОЛИНГАНЛИГИ ТЎГРИСИДА ГУВОҲНОМА № _____ Ишлаб чиқарувчи ва ишлаб чиқарувчи томонидан ҳаво кемасининг белгиланиши Серия (заводда берилган) рақами Ариза берувчи ________________________________________________ Ариза берувчининг манзили ___________________________________________ Мазкур ҳужжатда қайд этилган экспериментал ҳаво кемаси Ўзбекистон Республикаси Ҳаво кодексига ва Экспериментал ҳаво кемаларини ҳисобга олиш тартиби тўғрисидаги низомга мувофиқ экспериментал ҳаво кемаларини ҳисобга олиш журналига белгиланган тартибда киритилганлигини тасдиқлайди. Ўзбекистон Республикаси Берилган санаси: Транспорт вазирлиги ҳузуридаги М.Ў. Фуқаро авиацияси агентлиги Амал қилиш муддати: директори _____________________________ (имзо, Ф.И.О.)
Экспериментал ҳаво кемаларини ҳисобга олиш тартиби тўғрисидаги низомга 4-ИЛОВА
Экспериментал ҳаво кемаларини ҳисобга олиш
Т/р Ҳаво кемасининг тури Серия (ишлаб чиқилган) рақами Ҳаво кемасини ишлаб чиқарувчи Ҳаво кемасини ҳисобга олиш асослари Гувоҳнома рақами ва берилган санаси Ҳисобдан чиқариш учун асослар
Ўзбекистон Республикасининг Бош вазири А. АРИПОВ
Тошкент ш.,
2024 йил 15 ноябрь,
762-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
JURNALI
Eksperimental havo kemalarini hisobga olish tartibi toʻgʻrisidagi nizomni tasdiqlash toʻgʻrisida
Oʻzbekiston Respublikasining Havo kodeksiga muvofiq Vazirlar Mahkamasi qaror qiladi:
1. Oʻzbekiston Respublikasi Havo kodeksining 39-moddasiga asosan eksperimental havo kemalarini hisobga olish tartibi Oʻzbekiston Respublikasi Vazirlar Mahkamasi tomonidan belgilanishi maʼlumot uchun qabul qilinsin.
2. Quyidagilarni nazarda tutuvchi Eksperimental havo kemalarini hisobga olish tartibi toʻgʻrisidagi nizom ilovaga muvofiq tasdiqlansin:
eksperimental havo kemalarini hisobga olish uchun zarur boʻladigan hujjatlarni qoʻrib chiqish va qaror qabul qilish tartibi;
eksperimental havo kemalarini hisobga olish va hisobdan chiqarish tartibi.
3. Transport vazirligi manfaatdor vazirlik va idoralar bilan birgalikda bir oy muddatda oʻzlari qabul qilgan normativ-huquqiy hujjatlarni ushbu qarorga muvofiqlashtirsin.
4. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda transport vaziri I.R. Maxkamov zimmasiga yuklansin.
Vazirlar Mahkamasining 2024-yil 15-noyabrdagi 762-son qaroriga ILOVA
Eksperimental havo kemalarini hisobga olish tartibi toʻgʻrisida
1-bob. Umumiy qoidalar
1. Mazkur Nizom Oʻzbekiston Respublikasi Havo kodeksiga muvofiq Oʻzbekiston Respublikasi Transport vazirligi huzuridagi Fuqaro aviatsiyasi agentligi (keyingi oʻrinlarda — “Oʻzaviatsiya” agentligi) tomonidan eksperimental havo kemalarini hisobga olish tartibini belgilaydi.
2. Mazkur Nizomda quyidagi asosiy tushunchalardan foydalaniladi:
ariza beruvchi — eksperimental havo kemasini hisobga olish yoki hisobdan chiqarish toʻgʻrisidagi ariza bilan “Oʻzaviatsiya” agentligiga murojaat qiluvchi yuridik shaxs;
eksperimental havo kemasi — aviatsiya texnikasining yangi turlarini yaratish yoki modernizatsiya qilishda tajriba-konstruktorlik, eksperimental va ilmiy-tadqiqot ishlarini hamda sinovlarni amalga oshirish uchun moʻljallangan havo kemasi;
eksperimental havo kemalarini hisobga olish jurnali — havo kemasining turi, zavodda berilgan raqami, havo kemasini ishlab chiqaruvchi, havo kemasini hisobga olish asoslari toʻgʻrisidagi hamda boshqa maʼlumotlarni oʻz ichiga olgan jurnal;
eksperimental havo kemasi hisobga olinganligi toʻgʻrisida guvohnoma — havo kemasi eksperimental havo kemalarini hisobga olish jurnaliga kiritilganligini tasdiqlovchi hujjat;
havo kemasi turining sertifikati — havo kemasi turining konstruksiyasini belgilaydigan, shuningdek, uchishga yaroqlilik talablariga muvofiqligini tasdiqlaydigan hujjat.
3. Hisobga olingan eksperimental havo kemasiga belgilangan tartibda Oʻzbekiston Respublikasining havo hududida parvozlarni amalga oshirish imkoni beriladi.
4. Eksperimental havo kemasi texnik jihatdan tartibga solish va parvozlar xavfsizligini taʼminlash boʻyicha fuqaro aviatsiyasi talablariga javob berishi kerak.
5. Oʻzbekiston Respublikasi eksperimental havo kemalari mazkur Nizomga 1-ilovaga muvofiq sxema asosida hisobga olinadi.
2-bob. Eksperimental havo kemalarining turlari hamda ularni hisobga olish uchun zarur boʻladigan hujjatlar
6. Eksperimental havo kemalari quyidagi turlarga boʻlinadi:
yangi yaratilgan yoki oʻzgartirilgan havo kemalarining namunalari;
aviatsiya texnikasining tarkibiy qismlarini parvozda tadqiq etish yoki sinovdan oʻtkazish uchun uchar laboratoriyalar.
7. Eksperimental havo kemasini hisobga olish uchun ariza beruvchi “Oʻzaviatsiya” agentligiga bevosita yoki uning elektron pochta manziliga quyidagi hujjatlarni taqdim etadi:
ushbu Nizomga 2-ilovaga muvofiq shakldagi ariza;
havo kemasi turining sertifikati yoki havo kemasining foydalanishga yaroqliligi toʻgʻrisida hujjat;
ariza beruvchining havo kemasida parvoz qilish sinovlarini oʻtkazish dasturi.
8. Eksperimental havo kemasini hisobga olish uchun taqdim etilgan hujjatlarning haqqoniyligi uchun ariza beruvchi javobgar hisoblanadi.
9. Eksperimental havo kemasini hisobga olish uchun zarur boʻlgan hujjatlar ariza beruvchi tomonidan bevosita “Oʻzaviatsiya” agentligiga taqdim etiladi.
3-bob. Hujjatlarni qoʻrib chiqish va qaror qabul qilish tartibi
10. “Oʻzaviatsiya” agentligi tomonidan hujjatlarni qoʻrib chiqish va eksperimental havo kemasini hisobga olish boʻyicha barcha zarur tartib-taomillarni amalga oshirish uchun yigʻim undirilmaydi.
11. Ariza va taqdim etilgan hujjatlar “Oʻzaviatsiya” agentligi tomonidan oʻn besh ish kuni ichida koʻrib chiqiladi.
12. Ariza beruvchi tomonidan hujjatlar toʻliq taqdim etilmaganda, arizadagi maʼlumotlar notoʻgʻri koʻrsatilganda yoki toʻliq koʻrsatilmaganda, “Oʻzaviatsiya” agentligi tomonidan uch ish kuni ichida ariza beruvchiga kamchiliklarni bartaraf qilish va yetishmayotgan hujjatlarni taqdim etish uchun besh ish kunidan kam boʻlmagan muddat beriladi.
Kamchiliklarni bartaraf etish zarurligi toʻgʻrisidagi xabarnoma “Oʻzaviatsiya” agentligi tomonidan ariza beruvchining elektron pochta manziliga yuboriladi.
Kamchiliklarni bartaraf etish toʻgʻrisidagi xabarnoma yuborilgan taqdirda, arizani koʻrib chiqish muddati toʻxtatib turiladi.
13. Eksperimental havo kemasini hisobga olish yoki hisobga olishni rad etish toʻgʻrisidagi qarorni qabul qilish uchun “Oʻzaviatsiya” agentligining vakolatli xodimi hujjatlarni oʻrganib chiqib, havo kemasini texnik koʻrikdan oʻtkazadi va natijalariga koʻra asoslantirilgan xulosa tayyorlaydi.
14. Xulosa natijalariga koʻra eksperimental havo kemasi toʻgʻrisidagi maʼlumotlar eksperimental havo kemalarini hisobga olish jurnaliga (keyingi oʻrinlarda — hisobga olish jurnali) kiritiladi va ushbu Nizomga 3-ilovaga muvofiq shaklda eksperimental havo kemasi hisobga olinganligi toʻgʻrisida guvohnoma (keyingi oʻrinlarda — guvohnoma) rasmiylashtirilib, ariza beruvchiga beriladi yoki eksperimental havo kemasini hisobga olish rad etiladi.
15. Guvohnoma “Oʻzaviatsiya” agentligi direktori yoki belgilangan tartibda “Oʻzaviatsiya” agentligi direktorining buyrugʻi bilan vakolat berilgan mansabdor shaxs tomonidan imzolanadi va arizada koʻrsatilgan muddatga beriladi.
16. Ariza beruvchiga quyidagi hollarda eksperimental havo kemasini hisobga olish rad etilishi mumkin:
aniqlangan xato va kamchiliklar ariza beruvchi tomonidan mazkur Nizomning 12-bandida koʻrsatilgan muddat ichida bartaraf etilmaganda;
hujjatlarni koʻrib chiqish va havo kemasini texnik koʻrikdan oʻtkazish natijalariga koʻra asoslantirilgan salbiy xulosa mavjud boʻlganda.
Eksperimental havo kemasini hisobga olishni boshqa asoslarga koʻra, shu jumladan, maqsadga muvofiq emas degan sabablar bilan rad etishga yoʻl qoʻyilmaydi.
17. Eksperimental havo kemasini hisobga olishni rad etish toʻgʻrisidagi qaror qabul qilingan hollarda, ariza beruvchiga qaror qabul qilingan kundan boshlab bir ish kuni ichida elektron pochta manziliga rad etish sabablari koʻrsatilgan xabarnoma yuboriladi.
18. Ariza beruvchi rad etish sabablarini bartaraf qilgandan soʻng “Oʻzaviatsiya” agentligiga mazkur Nizom talablariga muvofiq takroran ariza taqdim etish huquqiga ega.
4-bob. Eksperimental havo kemalarini hisobga olish
19. Eksperimental havo kemalari “Oʻzaviatsiya” agentligi tomonidan mazkur Nizomga 4-ilovaga muvofiq shakldagi hisobga olish jurnalida hisobga olinadi.
20. Har bir eksperimental havo kemasi hisobga olish jurnaliga muvofiq ketma-ketlik boʻyicha roʻyxat raqamiga ega boʻladi.
21. Ushbu Nizomga muvofiq “Oʻzaviatsiya” agentligiga taqdim etilgan hujjatlar eksperimental havo kemasini ekspluatatsiya qilish davri tugagunga qadar saqlanishi lozim.
5-bob. Eksperimental havo kemasini hisobdan chiqarish
22. Eksperimental havo kemasi kuyidagi hollarda hisobdan chiqariladi:
eksperimental havo kemasi hisobga olinganligi toʻgʻrisidagi guvohnomaning amal qilish muddati tugaganda;
ariza beruvchi mazkur Nizomga 2-ilovaga muvofiq shaklda eksperimental havo kemasini hisobdan chiqarish toʻgʻrisida ariza bilan murojaat etganda.
23. Ariza beruvchining murojaati boʻyicha eksperimental havo kemasini hisobdan chiqarish toʻgʻrisidagi ariza “Oʻzaviatsiya” agentligi tomonidan uch ish kuni ichida koʻrib chiqiladi.
24. “Oʻzaviatsiya” agentligining masʼul xodimi eksperimental havo kemasini hisobdan chiqarish toʻgʻrisidagi maʼlumotlarni hisobga olish jurnaliga kiritadi va ariza beruvchining elektron pochta manziliga eksperimental havo kemasi hisobdan chiqarilganligi toʻgʻrisida xabarnoma yuboradi.
6-bob. Yakunlovchi qoidalar
25. Ushbu Nizomni qoʻllashda yuzaga keladigan nizolar qonunchilik hujjatlarida belgilangan tartibda hal etiladi.
26. Mazkur Nizom talablari buzilishida aybdor boʻlgan shaxslar qonunchilik hujjatlarida belgilangan tartibda javob beradilar.
Eksperimental havo kemalarini hisobga olish tartibi toʻgʻrisidagi nizomga 1-ILOVA
Eksperimental havo kemalarini hisobga olish
Bosqichlar Subyektlar Tadbirlar Bajarish muddatlari 1-bosqich Ariza beruvchi Eksperimental havo kemasini hisobga olish uchun zarur boʻlgan hujjatlarni “Oʻzaviatsiya” agentligiga bevosita yoki uning elektron pochta manziliga taqdim etadi. Ariza beruvchining ixtiyoriga koʻra ↓ 2-bosqich “Oʻzaviatsiya” agentligi Eksperimental havo kemasini hisobga olish va eksperimental havo kemasi hisobga olinganligi toʻgʻrisida guvohnoma berish yoki uni hisobga olishni rad etish toʻgʻrisida qaror qabul qilish uchun hujjatlarni koʻrib chiqadi va havo kemasini texnik koʻrikdan oʻtkazadi, uning natijalariga koʻra xulosa tayyorlaydi. Hujjatlar roʻyxatdan oʻtkazilgan kundan boshlab oʻn besh ish kuni ichida ↓ 3-bosqich “Oʻzaviatsiya” agentligi Xulosa natijalari boʻyicha eksperimental havo kemasi toʻgʻrisidagi maʼlumotlarni eksperimental havo kemalarini hisobga olish jurnaliga kiritadi va ariza beruvchiga guvohnoma beradi yoki eksperimental havo kemasini hisobga olishni rad etish toʻgʻrisida elektron pochta manziliga xabarnoma yuboradi. Tegishli qaror qabul qilingan kundan boshlab bir ish kuni ichida
Eksperimental havo kemalarini hisobga olish tartibi toʻgʻrisidagi nizomga 2-ILOVA
Oʻzbekiston Respublikasi Transport vazirligi huzuridagi Fuqaro aviatsiyasi agentligi direktori __________________________ ga (F.IO.) ARIZA ________________________________________________________________________________ dan (yuridik shaxsning toʻliq nomi) eksperimental havo kemasini hisobga olishni soʻrayman __________ □ eksperimental havo kemasini hisobdan chiqarishni soʻrayman ______ □ 1. Arizani berish sababi: ___________________________________________________________ _________________________________________________________________________________________ 2. Ariza beruvchi toʻgʻrisida maʼlumot: Ariza beruvchining manzili: _________________________________________________________ 3. Havo kemasi toʻgʻrisida maʼlumotlar: Havo kemasining turi Dvigatel turi Seriya (ishlab chiqilgan) raqami Havo vinti turi Ishlab chiqarilgan joyi va sanasi Havo kemasi toifasi 4. Dvigatellar toʻgʻrisida maʼlumotlar: Dvigatelning tartib raqami 1 2 3 4 Ishlab chiqilgan raqami Ishlab chiqarilgan sanasi 5. Havo vintlari toʻgʻrisida maʼlumotlar: Dvigatelning tartib raqami 1 2 3 4 Ishlab chiqilgan raqami Ishlab chiqarilgan sanasi 6. Parvozlarni amalga oshirish joyi: _________________________________ 7. Arizaga ilovalar: ____________________________________ ____________________________________ ____________________________________ Ariza beruvchi ______________________ ______________________ (lavozimi) (F.I.O, imzosi) 20 ___ y. “ ___ ” ____________
Eksperimental havo kemalarini hisobga olish tartibi toʻgʻrisidagi nizomga 3-ILOVA
OʻZBEKISTON RESPUBLIKASI TRANSPORT VAZIRLIGI HUZURIDAGI FUQARO AVIATSIYASI AGENTLIGI “OʻZAVIATSIYA” AGENTLIGI CIVIL AVIATION AGENCY UNDER THE MINISTRY OF TRANSPORT OF THE REPUBLIC OF UZBEKISTAN CAA OF UZBEKISTAN 73B NUKUS STREET, 100015 TASHKENT, REPUBLIC OF UZBEKISTAN, TEL.: +(998-78)-1200060. FAX.: +(998-71)-2541482. e-mail: caa@uzcaa.uz EKSPERIMENTAL HAVO KEMASI HISOBGA OLINGANLIGI TOʻGRISIDA GUVOHNOMA № _____ Ishlab chiqaruvchi va ishlab chiqaruvchi tomonidan havo kemasining belgilanishi Seriya (zavodda berilgan) raqami Ariza beruvchi ________________________________________________ Ariza beruvchining manzili ___________________________________________ Mazkur hujjatda qayd etilgan eksperimental havo kemasi Oʻzbekiston Respublikasi Havo kodeksiga va Eksperimental havo kemalarini hisobga olish tartibi toʻgʻrisidagi nizomga muvofiq eksperimental havo kemalarini hisobga olish jurnaliga belgilangan tartibda kiritilganligini tasdiqlaydi. Oʻzbekiston Respublikasi Berilgan sanasi: Transport vazirligi huzuridagi M.Oʻ. Fuqaro aviatsiyasi agentligi Amal qilish muddati: direktori _____________________________ (imzo, F.I.O.)
Eksperimental havo kemalarini hisobga olish tartibi toʻgʻrisidagi nizomga 4-ILOVA
Eksperimental havo kemalarini hisobga olish
T/r Havo kemasining turi Seriya (ishlab chiqilgan) raqami Havo kemasini ishlab chiqaruvchi Havo kemasini hisobga olish asoslari Guvohnoma raqami va berilgan sanasi Hisobdan chiqarish uchun asoslar
Oʻzbekiston Respublikasining Bosh vaziri A. ARIPOV
Toshkent sh.,
2024-yil 15-noyabr,
762-son