UzbekAI

Ўзбекистон Республикасининг Қонуни

Ўзбекистон Республикасининг Солиқ кодексига қўшимча ва ўзгартиришлар киритиш тўғрисида

Қонунчилик палатаси томонидан 2024 йил 20 августда қабул қилинган Сенат томонидан 2024 йил 23 октябрда маъқулланган

Солиқ маъмуриятчилигини такомиллаштириш иқтисодиётни жадал ривожлантириш ва мамлакатнинг инвестициявий жозибадорлигини яхшилашнинг энг муҳим шартидир.

Мамлакатимизни ижтимоий-иқтисодий жиҳатдан ривожлантириш, тадбиркорларни қўллаб-қувватлаш ҳамда улар учун тенг рақобат шароитларини яратиш мақсадида жадал ислоҳотлар амалга оширилмоқда, шунингдек солиқ маъмуриятчилигини янада такомиллаштириш бўйича кенг кўламли чоралар кўрилмоқда.

Мазкур Қонун билан Ўзбекистон Республикасининг Солиқ кодексига юқори барқарорлик рейтингига эга бўлган тадбиркорлик субъектлари учун рағбатлантириш чоралари жорий этилишини назарда тутувчи қўшимча ва ўзгартиришлар киритилмоқда. Жумладан юқори барқарорлик рейтингига эга бўлган тадбиркорлик субъектларига нисбатан солиқлар бўйича (бундан қўшилган қиймат солиғи мустасно) ортиқча тўланган суммани қайтариш уч кунлик муддатда амалга оширилади, Тадбиркорлик субъектларининг барқарорлик рейтинги бўйича «ААА» тоифадаги тадбиркорлик субъектларига нисбатан эса солиқ текширувлари ўтказилмайди (бундан жиноий ишлар доирасида ўтказиладиган текширувлар мустасно) ва мазкур тоифадаги тадбиркорлик субъектларига қўшилган қиймат солиғи суммаси ўрнини қоплаш текширувлар ўтказилмасдан бир кунлик муддатда амалга оширилади.

Ушбу Қонун солиқларни ўз вақтида тўлаётган ва қонунчилик талабларига мувофиқ фаолиятни амалга ошираётган тадбиркорлик субъектларига янада қулай шарт-шароитлар яратишга ҳамда уларни рағбатлантиришга хизмат қилади.

1-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда, № 12, 1011-модда; 2024 йил, № 2, 106, 110, 111-моддалар, № 4, 346-модда, № 5, 458, 459-моддалар) қуйидаги қўшимча ва ўзгартиришлар киритилсин:

1) 60-модда қуйидаги мазмундаги ўн биринчи хатбоши билан тўлдирилсин:

«Тадбиркорлик субъектларининг барқарорлик рейтинги — Ўзбекистон Республикаси Вазирлар Маҳкамаси томонидан тасдиқланган тартибга мувофиқ қонунчилик талабларига риоя этган ҳолда фаолиятни амалга ошираётган тадбиркорлик субъектларини аниқлашни ва рағбатлантиришни назарда тутувчи рейтинг»;

2) 104-модданинг :

тўртинчи қисми қуйидаги таҳрирда баён этилсин:

«Ортиқча тўланган солиқ суммаси солиқ тўловчига ушбу Кодекснинг 103-моддаси қоидалари инобатга олинган ҳолда, унинг ёзма аризасига кўра, бундай ариза солиқ органи томонидан олинган кундан эътиборан ўн беш кун ичида, Тадбиркорлик субъектларининг юқори барқарорлик рейтингига эга бўлган тадбиркорлик субъектларига эса (бундан давлат корхоналари ҳамда устав фондида (устав капиталида) давлат улуши 50 фоиз миқдорда ва ундан ортиқ бўлган юридик шахслар мустасно) уч кун ичида қайтарилиши лозим (бундан қўшилган қиймат солиғи мустасно)»;

олтинчи қисми қуйидаги таҳрирда баён этилсин:

«Ортиқча тўланган солиқ суммасини қайтариш тўғрисидаги қарор солиқ органи томонидан солиқ тўловчининг тегишли аризаси олинган кундан эътиборан ёки, агар биргаликда ўзаро солиштириш ўтказилган бўлса, солиқ органи солиқ тўловчи билан у тўлаган солиқларнинг биргаликдаги ўзаро солиштириш далолатномасини имзолаган кундан эътиборан ўн кун ичида, Тадбиркорлик субъектларининг юқори барқарорлик рейтингига эга бўлган тадбиркорлик субъектларига нисбатан эса (бундан давлат корхоналари ҳамда устав фондида (устав капиталида) давлат улуши 50 фоиз миқдорда ва ундан ортиқ бўлган юридик шахслар мустасно) икки кун ичида қабул қилинади (бундан қўшилган қиймат солиғи мустасно)»;

3) 105-модданинг иккинчи қисми қуйидаги таҳрирда баён этилсин:

«Ортиқча ундирилган солиқ суммаси солиқ тўловчига ушбу Кодекснинг 103-моддаси қоидалари инобатга олинган ҳолда, унинг ёзма аризасига кўра, бундай ариза солиқ органи томонидан қабул қилинган кундан эътиборан ўн беш кун ичида, Тадбиркорлик субъектларининг юқори барқарорлик рейтингига эга бўлган тадбиркорлик субъектларига эса (бундан давлат корхоналари ҳамда устав фондида (устав капиталида) давлат улуши 50 фоиз миқдорда ва ундан ортиқ бўлган юридик шахслар мустасно) унга ҳисобланган фоизлар билан бирга уч кун ичида (бундан қўшилган қиймат солиғи мустасно) қайтарилиши лозим»;

4) 137-модда қуйидаги мазмундаги тўртинчи қисм билан тўлдирилсин:

«Тадбиркорлик субъектлари юқори барқарорлик рейтингининг «ААА» тоифасидаги тадбиркорлик субъектларига нисбатан (бундан давлат корхоналари ҳамда устав фондида (устав капиталида) давлат улуши 50 фоиз миқдорда ва ундан ортиқ бўлган юридик шахслар мустасно) солиқ текширувлари ўтказилмайди (бундан жиноий ишлар доирасида ўтказиладиган текширувлар мустасно)»;

5) 274-модданинг :

тўртинчи қисми қуйидаги мазмундаги 7-банд билан тўлдирилсин:

«7) Тадбиркорлик субъектлари юқори барқарорлик рейтингининг «ААА» тоифасидаги тадбиркорлик субъектларига (бундан давлат корхоналари ҳамда устав фондида (устав капиталида) давлат улуши 50 фоиз миқдорда ва ундан ортиқ бўлган юридик шахслар мустасно)»;

бешинчи қисми қуйидаги таҳрирда баён қилинсин:

«Солиқнинг ўрнини тезлаштирилган тартибда қоплашда солиқ тўловчи томонидан қайтариш учун солиқ ҳисоботида кўрсатилган солиқ суммасининг ўрни унга етти кун ичида, ушбу модда тўртинчи қисмининг 7-бандида кўрсатилган солиқ тўловчиларга эса бир кун ичида тўлиқ ҳажмда қопланади. Бунда ўрни қопланиши учун солиқ ҳисоботида кўрсатилган солиқ суммаси асослантирилганлигининг камерал солиқ текшируви умумий тартибда амалга оширилади. Агар камерал солиқ текшируви натижаларига кўра солиқ ҳисоботида ўрни қопланиши учун кўрсатилган солиқ суммаси ёки унинг бир қисми асоссиз бўлиб чиқса, солиқ тўловчи солиқнинг ўрни ўзига асоссиз равишда қопланган суммасини қоплаш санасидан то уни бюджетга тўлаш санасигача пеня ҳисобланган ҳолда бюджетга тўлаши шарт. Ушбу модда тўртинчи қисмининг 7-бандида кўрсатилган солиқ тўловчиларга ўрни қопланиши учун солиқ ҳисоботида кўрсатилган солиқ суммасининг асослантирилганлиги камерал солиқ текширувидан ўтказилмайди».

2-модда. Ўзбекистон Республикаси Вазирлар Маҳкамаси ҳузуридаги Солиқ қўмитаси ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2024 йил 15 ноябрь,

ЎРҚ-1000-сон

(Қонунчилик маълумотлари миллий базаси, 16.11.2024 й., 03/24/1000/0928-сон)

lex.uz

Oʻzbekiston Respublikasining Qonuni

Oʻzbekiston Respublikasining Soliq kodeksiga qoʻshimcha va oʻzgartirishlar kiritish toʻgʻrisida

Qonunchilik palatasi tomonidan 2024-yil 20-avgustda qabul qilingan Senat tomonidan 2024-yil 23-oktabrda maʼqullangan

Soliq maʼmuriyatchiligini takomillashtirish iqtisodiyotni jadal rivojlantirish va mamlakatning investitsiyaviy jozibadorligini yaxshilashning eng muhim shartidir.

Mamlakatimizni ijtimoiy-iqtisodiy jihatdan rivojlantirish, tadbirkorlarni qoʻllab-quvvatlash hamda ular uchun teng raqobat sharoitlarini yaratish maqsadida jadal islohotlar amalga oshirilmoqda, shuningdek soliq maʼmuriyatchiligini yanada takomillashtirish boʻyicha keng koʻlamli choralar koʻrilmoqda.

Mazkur Qonun bilan Oʻzbekiston Respublikasining Soliq kodeksiga yuqori barqarorlik reytingiga ega boʻlgan tadbirkorlik subyektlari uchun ragʻbatlantirish choralari joriy etilishini nazarda tutuvchi qoʻshimcha va oʻzgartirishlar kiritilmoqda. Jumladan yuqori barqarorlik reytingiga ega boʻlgan tadbirkorlik subyektlariga nisbatan soliqlar boʻyicha (bundan qoʻshilgan qiymat soligʻi mustasno) ortiqcha toʻlangan summani qaytarish uch kunlik muddatda amalga oshiriladi, Tadbirkorlik subyektlarining barqarorlik reytingi boʻyicha “AAA” toifadagi tadbirkorlik subyektlariga nisbatan esa soliq tekshiruvlari oʻtkazilmaydi (bundan jinoiy ishlar doirasida oʻtkaziladigan tekshiruvlar mustasno) va mazkur toifadagi tadbirkorlik subyektlariga qoʻshilgan qiymat soligʻi summasi oʻrnini qoplash tekshiruvlar oʻtkazilmasdan bir kunlik muddatda amalga oshiriladi.

Ushbu Qonun soliqlarni oʻz vaqtida toʻlayotgan va qonunchilik talablariga muvofiq faoliyatni amalga oshirayotgan tadbirkorlik subyektlariga yanada qulay shart-sharoitlar yaratishga hamda ularni ragʻbatlantirishga xizmat qiladi.

1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, № 12, 1011-modda; 2024-yil, № 2, 106, 110, 111-moddalar, № 4, 346-modda, № 5, 458, 459-moddalar) quyidagi qoʻshimcha va oʻzgartirishlar kiritilsin:

1) 60-modda quyidagi mazmundagi oʻn birinchi xatboshi bilan toʻldirilsin:

“Tadbirkorlik subyektlarining barqarorlik reytingi — Oʻzbekiston Respublikasi Vazirlar Mahkamasi tomonidan tasdiqlangan tartibga muvofiq qonunchilik talablariga rioya etgan holda faoliyatni amalga oshirayotgan tadbirkorlik subyektlarini aniqlashni va ragʻbatlantirishni nazarda tutuvchi reyting”;

2) 104-moddaning :

toʻrtinchi qismi quyidagi tahrirda bayon etilsin:

“Ortiqcha toʻlangan soliq summasi soliq toʻlovchiga ushbu Kodeksning 103-moddasi qoidalari inobatga olingan holda, uning yozma arizasiga koʻra, bunday ariza soliq organi tomonidan olingan kundan eʼtiboran oʻn besh kun ichida, Tadbirkorlik subyektlarining yuqori barqarorlik reytingiga ega boʻlgan tadbirkorlik subyektlariga esa (bundan davlat korxonalari hamda ustav fondida (ustav kapitalida) davlat ulushi 50 foiz miqdorda va undan ortiq boʻlgan yuridik shaxslar mustasno) uch kun ichida qaytarilishi lozim (bundan qoʻshilgan qiymat soligʻi mustasno)”;

oltinchi qismi quyidagi tahrirda bayon etilsin:

“Ortiqcha toʻlangan soliq summasini qaytarish toʻgʻrisidagi qaror soliq organi tomonidan soliq toʻlovchining tegishli arizasi olingan kundan eʼtiboran yoki, agar birgalikda oʻzaro solishtirish oʻtkazilgan boʻlsa, soliq organi soliq toʻlovchi bilan u toʻlagan soliqlarning birgalikdagi oʻzaro solishtirish dalolatnomasini imzolagan kundan eʼtiboran oʻn kun ichida, Tadbirkorlik subyektlarining yuqori barqarorlik reytingiga ega boʻlgan tadbirkorlik subyektlariga nisbatan esa (bundan davlat korxonalari hamda ustav fondida (ustav kapitalida) davlat ulushi 50 foiz miqdorda va undan ortiq boʻlgan yuridik shaxslar mustasno) ikki kun ichida qabul qilinadi (bundan qoʻshilgan qiymat soligʻi mustasno)”;

3) 105-moddaning ikkinchi qismi quyidagi tahrirda bayon etilsin:

“Ortiqcha undirilgan soliq summasi soliq toʻlovchiga ushbu Kodeksning 103-moddasi qoidalari inobatga olingan holda, uning yozma arizasiga koʻra, bunday ariza soliq organi tomonidan qabul qilingan kundan eʼtiboran oʻn besh kun ichida, Tadbirkorlik subyektlarining yuqori barqarorlik reytingiga ega boʻlgan tadbirkorlik subyektlariga esa (bundan davlat korxonalari hamda ustav fondida (ustav kapitalida) davlat ulushi 50 foiz miqdorda va undan ortiq boʻlgan yuridik shaxslar mustasno) unga hisoblangan foizlar bilan birga uch kun ichida (bundan qoʻshilgan qiymat soligʻi mustasno) qaytarilishi lozim”;

4) 137-modda quyidagi mazmundagi toʻrtinchi qism bilan toʻldirilsin:

“Tadbirkorlik subyektlari yuqori barqarorlik reytingining “AAA” toifasidagi tadbirkorlik subyektlariga nisbatan (bundan davlat korxonalari hamda ustav fondida (ustav kapitalida) davlat ulushi 50 foiz miqdorda va undan ortiq boʻlgan yuridik shaxslar mustasno) soliq tekshiruvlari oʻtkazilmaydi (bundan jinoiy ishlar doirasida oʻtkaziladigan tekshiruvlar mustasno)”;

5) 274-moddaning :

toʻrtinchi qismi quyidagi mazmundagi 7-band bilan toʻldirilsin:

“7) Tadbirkorlik subyektlari yuqori barqarorlik reytingining “AAA” toifasidagi tadbirkorlik subyektlariga (bundan davlat korxonalari hamda ustav fondida (ustav kapitalida) davlat ulushi 50 foiz miqdorda va undan ortiq boʻlgan yuridik shaxslar mustasno)”;

beshinchi qismi quyidagi tahrirda bayon qilinsin:

“Soliqning oʻrnini tezlashtirilgan tartibda qoplashda soliq toʻlovchi tomonidan qaytarish uchun soliq hisobotida koʻrsatilgan soliq summasining oʻrni unga yetti kun ichida, ushbu modda toʻrtinchi qismining 7-bandida koʻrsatilgan soliq toʻlovchilarga esa bir kun ichida toʻliq hajmda qoplanadi. Bunda oʻrni qoplanishi uchun soliq hisobotida koʻrsatilgan soliq summasi asoslantirilganligining kameral soliq tekshiruvi umumiy tartibda amalga oshiriladi. Agar kameral soliq tekshiruvi natijalariga koʻra soliq hisobotida oʻrni qoplanishi uchun koʻrsatilgan soliq summasi yoki uning bir qismi asossiz boʻlib chiqsa, soliq toʻlovchi soliqning oʻrni oʻziga asossiz ravishda qoplangan summasini qoplash sanasidan to uni budjetga toʻlash sanasigacha penya hisoblangan holda budjetga toʻlashi shart. Ushbu modda toʻrtinchi qismining 7-bandida koʻrsatilgan soliq toʻlovchilarga oʻrni qoplanishi uchun soliq hisobotida koʻrsatilgan soliq summasining asoslantirilganligi kameral soliq tekshiruvidan oʻtkazilmaydi”.

2-modda. Oʻzbekiston Respublikasi Vazirlar Mahkamasi huzuridagi Soliq qoʻmitasi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

4-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 15-noyabr,

OʻRQ-1000-son

(Qonunchilik maʼlumotlari milliy bazasi, 16.11.2024-y., 03/24/1000/0928-son)

lex.uz

Закон Республики Узбекистан

О внесении дополнений и изменений в Налоговый кодекс Республики Узбекистан

Принят Законодательной палатой 20 августа 2024 года Одобрен Сенатом 23 октября 2024 года

Совершенствование налогового администрирования является важнейшим условием ускоренного развития экономики и улучшения инвестиционной привлекательности страны.

В целях социально-экономического развития нашей страны, поддержки предпринимателей и создания для них равных конкурентных условий осуществляются ускоренные реформы, а также принимаются широкомасштабные меры по дальнейшему совершенствованию налогового администрирования.

Данным Законом в Налоговый кодекс Республики Узбекистан вносятся дополнения и изменения, предусматривающие внедрения мер поощрения для субъектов предпринимательства с высоким рейтингом устойчивости. Так, в отношении субъектов предпринимательства с высоким рейтингом устойчивости возврат излишне уплаченных сумм по налогам (за исключением налога на добавленную стоимость) осуществляется в трехдневный срок, а в отношении субъектов предпринимательства категории «ААА» по Рейтингу устойчивости субъектов предпринимательства не проводятся налоговые проверки (за исключением проверок, проводимых в рамках уголовных дел) и возмещение сумм налога на добавленную стоимость данной категории субъектов предпринимательства осуществляется в однодневный срок без проведения проверок.

Настоящий Закон послужит созданию более благоприятных условий и стимулированию субъектов предпринимательства, своевременно уплачивающих налоги и осуществляющих деятельность в соответствии с требованиями законодательства.

Статья 1. Внести в Налоговый кодекс Республики Узбекистан, утвержденный в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190; 2023 г., № 6, ст.ст. 444, 446, № 7, ст. 540, № 12, ст. 1011; 2024 г., № 2, ст.ст. 106, 110, 111, № 4, ст. 346, № 5, ст.ст. 458, 459), следующие дополнения и изменения:

1) статью 60 дополнить абзацем одиннадцатым следующего содержания:

«Рейтинг устойчивости субъектов предпринимательства – рейтинг, предусматривающий выявление и поощрение субъектов предпринимательства, осуществляющих деятельность с соблюдением требований законодательства согласно порядку, утвержденному Кабинетом Министров Республики Узбекистан»;

2) в статье 104 :

часть четвертую изложить в следующей редакции:

«Сумма излишне уплаченного налога подлежит с учетом положений статьи 103 настоящего Кодекса возврату налогоплательщику по его письменному заявлению в течение пятнадцати дней, а субъектам предпринимательства, имеющим высокий Рейтинг устойчивости субъектов предпринимательства (за исключением государственных предприятий и юридических лиц с долей государства в уставном фонде (уставном капитале) в размере 50 процентов и более) – в течение трех дней (за исключением налога на добавленную стоимость) со дня получения налоговым органом такого заявления»;

часть шестую изложить в следующей редакции:

«Решение о возврате суммы излишне уплаченного налога принимается налоговым органом в течение десяти дней, а в отношении субъектов предпринимательства, имеющих высокий Рейтинг устойчивости субъектов предпринимательства (за исключением государственных предприятий и юридических лиц с долей государства в уставном фонде (уставном капитале) в размере 50 процентов и более), – в течение двух дней (за исключением налога на добавленную стоимость) со дня получения соответствующего заявления налогоплательщика или со дня подписания налоговым органом с ним акта совместной сверки уплаченных им налогов, если такая сверка проводилась»;

3) часть вторую статьи 105 изложить в следующей редакции:

«Сумма излишне взысканного налога с учетом положений статьи 103 настоящего Кодекса подлежит возврату налогоплательщику по его письменному заявлению в течение пятнадцати дней, а субъектам предпринимательства, имеющим высокий Рейтинг устойчивости субъектов предпринимательства (за исключением государственных предприятий и юридических лиц с долей государства в уставном фонде (уставном капитале) в размере 50 процентов и более) – в течение трех дней (за исключением налога на добавленную стоимость) со дня получения налоговым органом такого заявления с начисленными на нее процентами»;

4) статью 137 дополнить частью четвертой следующего содержания:

«В отношении субъектов предпринимательства категории «ААА» высокого рейтинга устойчивости субъектов предпринимательства (за исключением государственных предприятий и юридических лиц с долей государства в уставном фонде (уставном капитале) в размере 50 процентов и более) налоговые проверки не проводятся, за исключением проверок, проводимых в рамках уголовных дел»;

5) в статье 274 :

часть четвертую дополнить пунктом 7 следующего содержания:

«7) субъектам предпринимательства категории «ААА» высокого рейтинга устойчивости субъектов предпринимательства (за исключением государственных предприятий и юридических лиц с долей государства в уставном фонде (уставном капитале) в размере 50 процентов и более)»;

часть пятую изложить в следующей редакции:

«При ускоренном порядке возмещения указанная в налоговой отчетности налогоплательщиком к возврату сумма налога возмещается ему в полном объеме в течение семи дней, а налогоплательщикам, указанным в пункте 7 части четвертой настоящей статьи, – в течение одного дня. При этом камеральная налоговая проверка обоснованности суммы налога, указанной к возмещению в налоговой отчетности, производится в общем порядке. Если по результатам камеральной налоговой проверки указанная в налоговой отчетности сумма к возмещению налога либо ее часть окажется необоснованной, налогоплательщик обязан уплатить в бюджет необоснованно возмещенную ему сумму налога с начислением пени с даты возмещения до даты уплаты в бюджет. Не подлежит камеральной налоговой проверке обоснованность суммы налога, указанной в налоговой отчетности для ее возмещения, налогоплательщикам, указанным в пункте 7 части четвертой настоящей статьи».

Статья 2. Налоговому комитету при Кабинете Министров Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 4. Настоящий Закон вступает в силу со дня официального опубликования.

Президент Республики Узбекистан Ш. МИРЗИЁЕВ

г. Ташкент,

15 ноября 2024 г.,

№ ЗРУ-1000

(Национальная база данных законодательства, 16.11.2024 г., № 03/24/1000/0928)

lex.uz