UzbekAI

Ўзбекистон Республикасининг Қонуни

Ўзбекистон Республикаси Солиқ кодексининг 483-моддасига ипакчилик тармоғини янада ривожлантиришга қаратилган қўшимча киритиш тўғрисида

Қонунчилик палатаси томонидан 2024 йил 30 сентябрда қабул қилинган Сенат томонидан 2024 йил 23 октябрда маъқулланган

Мамлакатимизда ипакчилик тармоғини ривожлантиришга, пилла етиштирувчи касаначиларни қўллаб-қувватлашга ва мазкур тармоқда ишлаб чиқариш ҳажмларини оширишга қаратилган кенг кўламли ишлар олиб борилмоқда.

Шу билан бирга уй шароитида пилла етиштириш фаолияти билан шуғулланишни янада рағбатлантириш учун солиқ имтиёзларини бериш зарурияти юзага келмоқда.

Ушбу Қонун билан Ўзбекистон Республикаси Солиқ кодексининг 483-моддасига жисмоний шахсларнинг уй шароитида тирик пилла етиштириш (касаначилик) фаолиятидан олинган даромадларини жисмоний шахслардан олинадиган даромад солиғидан озод қилишни, уй шароитида тирик пилла етиштирувчи касаначилар меҳнатига ҳақ тўлашга йўналтириладиган маблағлар ижтимоий солиқдан озод қилинишини, шунингдек тутзорлар билан банд бўлган ер участкалари учун ер солиғи камайтирувчи коэффициент қўлланилган ҳолда ҳисоблаб чиқарилишини назарда тутувчи қўшимчалар киритилмоқда.

Мазкур Қонун ипакчилик тармоғини янада ривожлантиришга, хусусан, тармоқда ишлаб чиқариш ва экспорт ҳажмларини оширишга, аҳолининг бандлигини таъминлашга ва даромадларини кўпайтиришга хизмат қилади.

1-модда. Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодекси (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда, № 12, 1011-модда; 2024 йил, № 2, 106, 110, 111-моддалар, № 4, 346-модда, № 5, 458, 459-моддалар, № 8, 822, 831-моддалар) 483-моддаси қуйидаги мазмундаги эллик биринчи қисм билан тўлдирилсин:

«2023 йил 1 январдан 2026 йил 1 январга қадар бўлган даврда:

жисмоний шахсларнинг уй шароитида тирик пилла етиштириш фаолиятидан (касаначиликдан) олинган даромадлари жисмоний шахслардан олинадиган даромад солиғидан озод қилинади;

пилла етиштирувчи юридик шахсларнинг уй шароитида тирик пилла етиштирувчи касаначилар меҳнатига ҳақ тўлашга йўналтириладиган маблағлари, бўшаган маблағларни касаначиларни моддий рағбатлантиришга йўналтириш шарти билан ижтимоий солиқдан озод қилинади;

пилла етиштириш соҳасида озуқа базаси сифатида фойдаланиладиган тутзорлар билан банд бўлган ер участкалари учун ер солиғи халқ депутатлари туман (шаҳар) Кенгашлари белгилаган солиқ ставкаларига нисбатан 0,1 коэффициент қўлланилган ҳолда ҳисоблаб чиқарилади».

2-модда. Ўзбекистон Республикаси Қишлоқ хўжалиги вазирлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда. Ушбу Қонун расмий эълон қилинган кундан эътиборан кучга киради.

Ушбу Қонун 1-моддасининг қоидалари 2023 йил 1 январдан эътиборан юзага келган муносабатларга нисбатан ҳам татбиқ этилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2024 йил 15 ноябрь,

ЎРҚ-1001-сон

(Қонунчилик маълумотлари миллий базаси, 16.11.2024 й., 03/24/1001/0929-сон)

lex.uz

Oʻzbekiston Respublikasining Qonuni

Oʻzbekiston Respublikasi Soliq kodeksining 483-moddasiga ipakchilik tarmogʻini yanada rivojlantirishga qaratilgan qoʻshimcha kiritish toʻgʻrisida

Qonunchilik palatasi tomonidan 2024-yil 30-sentabrda qabul qilingan Senat tomonidan 2024-yil 23-oktabrda maʼqullangan

Mamlakatimizda ipakchilik tarmogʻini rivojlantirishga, pilla yetishtiruvchi kasanachilarni qoʻllab-quvvatlashga va mazkur tarmoqda ishlab chiqarish hajmlarini oshirishga qaratilgan keng koʻlamli ishlar olib borilmoqda.

Shu bilan birga uy sharoitida pilla yetishtirish faoliyati bilan shugʻullanishni yanada ragʻbatlantirish uchun soliq imtiyozlarini berish zaruriyati yuzaga kelmoqda.

Ushbu Qonun bilan Oʻzbekiston Respublikasi Soliq kodeksining 483-moddasiga jismoniy shaxslarning uy sharoitida tirik pilla yetishtirish (kasanachilik) faoliyatidan olingan daromadlarini jismoniy shaxslardan olinadigan daromad soligʻidan ozod qilishni, uy sharoitida tirik pilla yetishtiruvchi kasanachilar mehnatiga haq toʻlashga yoʻnaltiriladigan mablagʻlar ijtimoiy soliqdan ozod qilinishini, shuningdek tutzorlar bilan band boʻlgan yer uchastkalari uchun yer soligʻi kamaytiruvchi koeffitsiyent qoʻllanilgan holda hisoblab chiqarilishini nazarda tutuvchi qoʻshimchalar kiritilmoqda.

Mazkur Qonun ipakchilik tarmogʻini yanada rivojlantirishga, xususan, tarmoqda ishlab chiqarish va eksport hajmlarini oshirishga, aholining bandligini taʼminlashga va daromadlarini koʻpaytirishga xizmat qiladi.

1-modda. Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksi (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, № 12, 1011-modda; 2024-yil, № 2, 106, 110, 111-moddalar, № 4, 346-modda, № 5, 458, 459-moddalar, № 8, 822, 831-moddalar) 483-moddasi quyidagi mazmundagi ellik birinchi qism bilan toʻldirilsin:

“2023-yil 1-yanvardan 2026-yil 1-yanvarga qadar boʻlgan davrda:

jismoniy shaxslarning uy sharoitida tirik pilla yetishtirish faoliyatidan (kasanachilikdan) olingan daromadlari jismoniy shaxslardan olinadigan daromad soligʻidan ozod qilinadi;

pilla yetishtiruvchi yuridik shaxslarning uy sharoitida tirik pilla yetishtiruvchi kasanachilar mehnatiga haq toʻlashga yoʻnaltiriladigan mablagʻlari, boʻshagan mablagʻlarni kasanachilarni moddiy ragʻbatlantirishga yoʻnaltirish sharti bilan ijtimoiy soliqdan ozod qilinadi;

pilla yetishtirish sohasida ozuqa bazasi sifatida foydalaniladigan tutzorlar bilan band boʻlgan yer uchastkalari uchun yer soligʻi xalq deputatlari tuman (shahar) Kengashlari belgilagan soliq stavkalariga nisbatan 0,1 koeffitsiyent qoʻllanilgan holda hisoblab chiqariladi”.

2-modda. Oʻzbekiston Respublikasi Qishloq xoʻjaligi vazirligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

4-modda. Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonun 1-moddasining qoidalari 2023-yil 1-yanvardan eʼtiboran yuzaga kelgan munosabatlarga nisbatan ham tatbiq etiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 15-noyabr,

OʻRQ-1001-son

(Qonunchilik maʼlumotlari milliy bazasi, 16.11.2024-y., 03/24/1001/0929-son)

lex.uz

Закон Республики Узбекистан

О внесении дополнения в статью 483 Налогового кодекса Республики Узбекистан, направленного на дальнейшее развитие шелководческой отрасли

Принят Законодательной палатой 30 сентября 2024 года Одобрен Сенатом 23 октября 2024 года

В нашей стране проводятся широкомасштабные работы, направленные на развитие шелководческой отрасли, поддержку надомников, выращивающих коконы шелкопряда, и повышение объемов производства в данной отрасли.

Вместе с тем возникает необходимость в предоставлении налоговых льгот для дальнейшего стимулирования занятия деятельностью по выращиванию коконов шелкопряда в домашних условиях.

Настоящим Законом в статью 483 Налогового кодекса Республики Узбекистан вносятся дополнения, предусматривающие освобождение от налога на доходы физических лиц доходов физических лиц, полученных от деятельности по выращиванию живых коконов шелкопряда в домашних условиях (надомничества), освобождение от социального налога средств, направляемых на оплату труда надомников, выращивающих живые коконы шелкопряда в домашних условиях, а также исчисление земельного налога за земельные участки, занятые тутовыми плантациями, с применением понижающего коэффициента.

Данный Закон послужит дальнейшему развитию шелководческой отрасли, в частности, повышению объемов производства и экспорта в отрасли, обеспечению занятости и увеличению доходов населения.

Статья 1. Статью 483 Налогового кодекса Республики Узбекистан, утвержденного в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190; 2023 г., № 6, ст.ст. 444, 446, № 7, ст. 540, № 12, ст. 1011; 2024 г., № 2, ст.ст. 106, 110, 111, № 4, ст. 346, № 5, ст.ст. 458, 459, № 8, ст.ст. 822, 831), дополнить частью пятьдесят первой следующего содержания:

«На период с 1 января 2023 года до 1 января 2026 года:

доходы физических лиц, полученные от деятельности по выращиванию живых коконов шелкопряда в домашних условиях (надомничества), освобождаются от налога на доходы физических лиц;

средства юридических лиц, выращивающих коконы шелкопряда, направляемые на оплату труда надомников, выращивающих живые коконы шелкопряда в домашних условиях, освобождаются от социального налога с условием направления высвобожденных средств на материальное стимулирование надомников;

земельный налог за земельные участки, занятые тутовыми плантациями, используемыми в качестве кормовой базы в сфере выращивания коконов шелкопряда, исчисляется с применением коэффициента 0,1 к установленным Кенгашами народных депутатов районов (городов) налоговым ставкам».

Статья 2. Министерству сельского хозяйства Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 4. Настоящий Закон вступает в силу со дня его официального опубликования.

Положения статьи 1 настоящего Закона распространяются также на отношения, возникшие с 1 января 2023 года.

Президент Республики Узбекистан Ш. МИРЗИЁЕВ

г. Ташкент,

15 ноября 2024 г.,

№ ЗРУ-1001

(Национальная база данных законодательства, 16.11.2024 г., № 03/24/1001/0929)

lex.uz