📅 2024-yil 15-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 ноября 2024 г. · Постановления Президента
Официальный текст. Официальный документ. Редакционные примечания не включены.
📅 15 November 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Умумий ўрта таълим мактабларида мусиқа маданияти фани ўқитилишини тубдан такомиллаштириш ҳамда ушбу фан ўқитувчиларининг касбий фаолиятини ривожлантириш чора-тадбирлари тўғрисида
Мамлакатимизда болаларни ватанпарварлик ҳамда миллий анъаналаримизга ҳурмат руҳида тарбиялаш, замонавий билим ва тажриба, эзгу фазилатлар эгаси бўлган инсонлар этиб вояга етказиш билан бир қаторда уларни маданият ва санъат соҳасига қамраб олиш борасида изчил чора-тадбирлар амалга оширилмоқда.
Шу билан бирга болаларни маданият ва санъатга кенг жалб қилиш, улар билан тизимли ишлаш, маданият ва санъат муассасалари фаолияти самарадорлигини янада ошириш борасида қўшимча шарт-шароитлар яратиш зарурати мавжуд.
Ўқувчиларни мусиқа ва санъатга кенг жалб этиш ва уларнинг иқтидорини рўёбга чиқариш учун болалар мусиқа ва санъат мактаблари ҳамда умумий ўрта таълим мактаблари интеграциясини йўлга қўйиш мақсадида:
1. Қуйидагилар умумий ўрта таълим мактабларида (кейинги ўринларда — мактаблар) мусиқа маданияти фанини ривожлантиришнинг асосий вазифалари этиб белгилансин:
мусиқа маданияти фани ўқитувчилари учун ўқув қўлланмаларини ишлаб чиқиш;
ўқитувчилар малакасини оширишнинг янги тартибини жорий этиш;
ўқитувчиларга малака тоифасини бериш механизмини қайта кўриб чиқиш;
мусиқа маданияти фани ўқитувчиларининг билим даражаси ва касбий маҳоратини аниқлаш бўйича миллий баҳолаш тизимини йўлга қўйиш;
маданият ва санъат йўналишидаги олий таълим муассасалари битирувчиларини мактабларга ишга қабул қилиш тизимини соддалаштириш.
2. Белгилансинки:
а) 2025 йил 1 мартдан бошлаб мусиқа маданияти фани ўқитувчилари учун назария ва амалиёт уйғунлаштирилган ҳолда малака ошириш тизими йўлга қўйилади.
Бунда малака ошириш таълим дастурининг назарий қисми А. Авлоний номидаги педагогик маҳорат миллий институти, Қорақалпоғистон Республикаси ва вилоятлар педагогик маҳорат марказларида (кейинги ўринларда — марказлар), амалий (ижодий) қисми болалар мусиқа ва санъат мактабларида ташкил этилади ва марказларга ишга қабул қилинадиган мусиқа маданияти фани ўқитувчилари меҳнатига соатбай асосда иш ҳақи тўланади;
б) 2025 йил 1 сентябрдан бошлаб:
болалар мусиқа ва санъат мактабларининг белгиланган ўқув дастурларини тўлиқ якунлаган, 11-синфни тугатган умумий ўрта таълим тўғрисидаги шаҳодатномага эга бўлган битирувчиларга «Баркамол авлод» болалар мактабларида тўгарак раҳбари сифатида ишлаш ҳуқуқи берилади;
маданият ва санъат йўналишидаги олий таълим муассасаларнинг ўқув дастури доирасида психология ва педагогика фанларини ўрганган мусиқа йўналиши битирувчиларига мактабларда мусиқа маданияти фанини ўқитишга рухсат берилади.
Бунда мусиқа маданияти фани ўқитувчиларига миллий чолғу асбобларидан камида 1 тасини ижро этиш кўникмасига эга бўлиш талаби қўйилади;
в) маданият ва санъат йўналишидаги олий таълим муассасалари битирувчиларининг битирув олди амалиёти келишув асосида мактабларда ташкил этилади.
3. Олий таълим, фан ва инновациялар вазирлиги (К. Шарипов), Мактабгача ва мактаб таълими вазирлиги (Х. Умарова), Маданият вазирлиги (О. Назарбеков), Билим ва малакаларни баҳолаш агентлиги (М. Каримов):
2025/2026 ўқув йилига қадар мусиқа маданияти фани ўқитувчиларининг билим даражаси ва касбий маҳоратини аниқлаш бўйича миллий баҳолаш тизимини ишлаб чиқсин ва амалиётга жорий этиш чораларини кўрсин;
2025/2026 ўқув йилидан бошлаб маданият йўналишида кадрлар тайёрлайдиган олий таълим муассасаларида психология ва педагогика фанларини ўқитиш амалиётини жорий қилсин.
4. Маданият вазирлиги (О. Назарбеков):
а) Мактабгача ва мактаб таълими вазирлиги (Х. Умарова) билан ҳамкорликда 2025 йил 1 апрелдан бошлаб «Турон» мактаб театрининг ижобий тажрибаси асосида мактабларда «Иқтидор» бадиий ҳаваскорлик жамоаларини ташкил этиб, жамоалар ўртасида «Иқтидор мактаб ансамбли» республика танловини (кейинги ўринларда — танлов) ўтказсин.
Бунда:
танлов ҳар йили миллий ва жаҳон мусиқаси йўналишлари бўйича мактабларнинг бадиий ҳаваскорлик жамоалари ўртасида ўтказилади;
танловнинг республика босқичи ғолиблари хорижий давлатларга таълим саёҳатига юборилади.
Танловнинг республика босқичини ташкил этиш ва ўтказиш билан боғлиқ харажатлар Мактабгача ва мактаб таълими вазирлигига ажратиладиган маблағлар доирасида амалга оширилади;
б) икки ой муддатда:
мактабларда дарсдан ташқари ташкил этилган «Иқтидор» бадиий ҳаваскорлик жамоалари учун 7 турдаги миллий мусиқа чолғуларида куй ижро этишни ўргатиш бўйича қўшимча адабиётлар, ноталар ва видеодарслар ишлаб чиқсин;
туман (шаҳар)ларда болалар мусиқа ва санъат мактаблари ҳамда миллий ва замонавий чолғу ансамблларининг ҳисобот концертлари бюджетдан ташқари ва қонунчиликда тақиқланмаган бошқа манбалар ҳисобидан йўлга қўйилишини таъминласин;
ҳар йили маданият ва санъат йўналишлари бўйича нуфузли халқаро ва республика танловлари рўйхатини шакллантирсин ҳамда вазирликнинг расмий веб-сайтида эълон қилиб борсин;
болалар мусиқа ва санъат мактаблари мактабларнинг мусиқа маданияти фани ўқитувчиларига услубий ёрдам кўрсатиш бўйича таянч таълим муассасалари сифатида белгиласин. Бунда:
болалар мусиқа ва санъат мактаблари ўқитувчилари мактабларнинг мусиқа маданияти фани ўқитувчиларига услубий ёрдам кўрсатиб боради;
ўқитувчиларнинг мусиқа чолғуларида ижро этиш кўникмаларини шакллантириш бўйича маҳорат сабоқлари ташкил этилади;
в) ўқувчилар орасидан иқтидорли болаларни танлаб олиш, уларни маданият ва санъат соҳасидаги таълим ташкилотларига мақсадли йўналтириш учун Маданият вазирлиги тасарруфидаги ихтисослаштирилган маданият ва санъат мактаблари, болалар мусиқа ва санъат мактаблари томонидан мактабларда тарғибот ва ташвиқот ишлари амалга оширилишини таъминласин.
5. Мактабгача ва мактаб таълими вазирлиги (Х. Умарова) Маданият вазирлиги (О. Назарбеков) билан биргаликда уч ой муддатда мусиқа маданияти фани ўқитувчиларига малака тоифаларини бериш тартибини ишлаб чиқсин.
Бунда малака тоифаларини бериш 2 босқичда амалга оширилади:
биринчи босқич — Мактабгача ва мактаб таълими вазирлиги томонидан ўтказиладиган тест синовлари;
иккинчи босқич — Маданият вазирлиги томонидан белгиланган болалар мусиқа ва санъат мактабларида ташкил этиладиган амалий (ижодий) имтиҳон.
6. Белгилансинки, мазкур қарор ижросини таъминлаш билан боғлиқ харажатларни молиялаштириш 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Мактабгача ва мактаб таълими вазирлиги ҳамда Маданият вазирлигига ажратилган маблағлар доирасида амалга оширилади, 2026 йилдан бошлаб эса Давлат бюджети параметрларида назарда тутилади.
7. Маданият вазирлиги (О. Назарбеков), Мактабгача ва мактаб таълими вазирлиги (Х. Умарова) манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
8. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х.У. Умарова ҳамда маданият вазири О.А. Назарбеков белгилансин.
9. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 15 ноябрь,
ПҚ-391-сон
Oʻzbekiston Respublikasi Prezidentining
qarori
Umumiy oʻrta taʼlim maktablarida musiqa madaniyati fani oʻqitilishini tubdan takomillashtirish hamda ushbu fan oʻqituvchilarining kasbiy faoliyatini rivojlantirish chora-tadbirlari toʻgʻrisida
Mamlakatimizda bolalarni vatanparvarlik hamda milliy anʼanalarimizga hurmat ruhida tarbiyalash, zamonaviy bilim va tajriba, ezgu fazilatlar egasi boʻlgan insonlar etib voyaga yetkazish bilan bir qatorda ularni madaniyat va sanʼat sohasiga qamrab olish borasida izchil chora-tadbirlar amalga oshirilmoqda.
Shu bilan birga bolalarni madaniyat va sanʼatga keng jalb qilish, ular bilan tizimli ishlash, madaniyat va sanʼat muassasalari faoliyati samaradorligini yanada oshirish borasida qoʻshimcha shart-sharoitlar yaratish zarurati mavjud.
Oʻquvchilarni musiqa va sanʼatga keng jalb etish va ularning iqtidorini roʻyobga chiqarish uchun bolalar musiqa va sanʼat maktablari hamda umumiy oʻrta taʼlim maktablari integratsiyasini yoʻlga qoʻyish maqsadida:
1. Quyidagilar umumiy oʻrta taʼlim maktablarida (keyingi oʻrinlarda — maktablar) musiqa madaniyati fanini rivojlantirishning asosiy vazifalari etib belgilansin:
musiqa madaniyati fani oʻqituvchilari uchun oʻquv qoʻllanmalarini ishlab chiqish;
oʻqituvchilar malakasini oshirishning yangi tartibini joriy etish;
oʻqituvchilarga malaka toifasini berish mexanizmini qayta koʻrib chiqish;
musiqa madaniyati fani oʻqituvchilarining bilim darajasi va kasbiy mahoratini aniqlash boʻyicha milliy baholash tizimini yoʻlga qoʻyish;
madaniyat va sanʼat yoʻnalishidagi oliy taʼlim muassasalari bitiruvchilarini maktablarga ishga qabul qilish tizimini soddalashtirish.
2. Belgilansinki:
a) 2025-yil 1-martdan boshlab musiqa madaniyati fani oʻqituvchilari uchun nazariya va amaliyot uygʻunlashtirilgan holda malaka oshirish tizimi yoʻlga qoʻyiladi.
Bunda malaka oshirish taʼlim dasturining nazariy qismi A. Avloniy nomidagi pedagogik mahorat milliy instituti, Qoraqalpogʻiston Respublikasi va viloyatlar pedagogik mahorat markazlarida (keyingi oʻrinlarda — markazlar), amaliy (ijodiy) qismi bolalar musiqa va sanʼat maktablarida tashkil etiladi va markazlarga ishga qabul qilinadigan musiqa madaniyati fani oʻqituvchilari mehnatiga soatbay asosda ish haqi toʻlanadi;
b) 2025-yil 1-sentabrdan boshlab:
bolalar musiqa va sanʼat maktablarining belgilangan oʻquv dasturlarini toʻliq yakunlagan, 11-sinfni tugatgan umumiy oʻrta taʼlim toʻgʻrisidagi shahodatnomaga ega boʻlgan bitiruvchilarga “Barkamol avlod” bolalar maktablarida toʻgarak rahbari sifatida ishlash huquqi beriladi;
madaniyat va sanʼat yoʻnalishidagi oliy taʼlim muassasalarning oʻquv dasturi doirasida psixologiya va pedagogika fanlarini oʻrgangan musiqa yoʻnalishi bitiruvchilariga maktablarda musiqa madaniyati fanini oʻqitishga ruxsat beriladi.
Bunda musiqa madaniyati fani oʻqituvchilariga milliy cholgʻu asboblaridan kamida 1 tasini ijro etish koʻnikmasiga ega boʻlish talabi qoʻyiladi;
v) madaniyat va sanʼat yoʻnalishidagi oliy taʼlim muassasalari bitiruvchilarining bitiruv oldi amaliyoti kelishuv asosida maktablarda tashkil etiladi.
3. Oliy taʼlim, fan va innovatsiyalar vazirligi (K. Sharipov), Maktabgacha va maktab taʼlimi vazirligi (X. Umarova), Madaniyat vazirligi (O. Nazarbekov), Bilim va malakalarni baholash agentligi (M. Karimov):
2025/2026 oʻquv yiliga qadar musiqa madaniyati fani oʻqituvchilarining bilim darajasi va kasbiy mahoratini aniqlash boʻyicha milliy baholash tizimini ishlab chiqsin va amaliyotga joriy etish choralarini koʻrsin;
2025/2026 oʻquv yilidan boshlab madaniyat yoʻnalishida kadrlar tayyorlaydigan oliy taʼlim muassasalarida psixologiya va pedagogika fanlarini oʻqitish amaliyotini joriy qilsin.
4. Madaniyat vazirligi (O. Nazarbekov):
a) Maktabgacha va maktab taʼlimi vazirligi (X. Umarova) bilan hamkorlikda 2025-yil 1-apreldan boshlab “Turon” maktab teatrining ijobiy tajribasi asosida maktablarda “Iqtidor” badiiy havaskorlik jamoalarini tashkil etib, jamoalar oʻrtasida “Iqtidor maktab ansambli” respublika tanlovini (keyingi oʻrinlarda — tanlov) oʻtkazsin.
Bunda:
tanlov har yili milliy va jahon musiqasi yoʻnalishlari boʻyicha maktablarning badiiy havaskorlik jamoalari oʻrtasida oʻtkaziladi;
tanlovning respublika bosqichi gʻoliblari xorijiy davlatlarga taʼlim sayohatiga yuboriladi.
Tanlovning respublika bosqichini tashkil etish va oʻtkazish bilan bogʻliq xarajatlar Maktabgacha va maktab taʼlimi vazirligiga ajratiladigan mablagʻlar doirasida amalga oshiriladi;
b) ikki oy muddatda:
maktablarda darsdan tashqari tashkil etilgan “Iqtidor” badiiy havaskorlik jamoalari uchun 7 turdagi milliy musiqa cholgʻularida kuy ijro etishni oʻrgatish boʻyicha qoʻshimcha adabiyotlar, notalar va videodarslar ishlab chiqsin;
tuman (shahar)larda bolalar musiqa va sanʼat maktablari hamda milliy va zamonaviy cholgʻu ansambllarining hisobot konsertlari budjetdan tashqari va qonunchilikda taqiqlanmagan boshqa manbalar hisobidan yoʻlga qoʻyilishini taʼminlasin;
har yili madaniyat va sanʼat yoʻnalishlari boʻyicha nufuzli xalqaro va respublika tanlovlari roʻyxatini shakllantirsin hamda vazirlikning rasmiy veb-saytida eʼlon qilib borsin;
bolalar musiqa va sanʼat maktablari maktablarning musiqa madaniyati fani oʻqituvchilariga uslubiy yordam koʻrsatish boʻyicha tayanch taʼlim muassasalari sifatida belgilasin. Bunda:
bolalar musiqa va sanʼat maktablari oʻqituvchilari maktablarning musiqa madaniyati fani oʻqituvchilariga uslubiy yordam koʻrsatib boradi;
oʻqituvchilarning musiqa cholgʻularida ijro etish koʻnikmalarini shakllantirish boʻyicha mahorat saboqlari tashkil etiladi;
v) oʻquvchilar orasidan iqtidorli bolalarni tanlab olish, ularni madaniyat va sanʼat sohasidagi taʼlim tashkilotlariga maqsadli yoʻnaltirish uchun Madaniyat vazirligi tasarrufidagi ixtisoslashtirilgan madaniyat va sanʼat maktablari, bolalar musiqa va sanʼat maktablari tomonidan maktablarda targʻibot va tashviqot ishlari amalga oshirilishini taʼminlasin.
5. Maktabgacha va maktab taʼlimi vazirligi (X. Umarova) Madaniyat vazirligi (O. Nazarbekov) bilan birgalikda uch oy muddatda musiqa madaniyati fani oʻqituvchilariga malaka toifalarini berish tartibini ishlab chiqsin.
Bunda malaka toifalarini berish 2 bosqichda amalga oshiriladi:
birinchi bosqich — Maktabgacha va maktab taʼlimi vazirligi tomonidan oʻtkaziladigan test sinovlari;
ikkinchi bosqich — Madaniyat vazirligi tomonidan belgilangan bolalar musiqa va sanʼat maktablarida tashkil etiladigan amaliy (ijodiy) imtihon.
6. Belgilansinki, mazkur qaror ijrosini taʼminlash bilan bogʻliq xarajatlarni moliyalashtirish 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligi hamda Madaniyat vazirligiga ajratilgan mablagʻlar doirasida amalga oshiriladi, 2026-yildan boshlab esa Davlat budjeti parametrlarida nazarda tutiladi.
7. Madaniyat vazirligi (O. Nazarbekov), Maktabgacha va maktab taʼlimi vazirligi (X. Umarova) manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
8. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova hamda madaniyat vaziri O.A. Nazarbekov belgilansin.
9. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 15-noyabr,
PQ-391-son
Президента Республики Узбекистан
Постановление
О мерах по коренному совершенствованию преподавания предмета «Музыкальная культура» в средних общеобразовательных школах и развитию профессиональной деятельности учителей по данному предмету
В стране наряду с воспитанием детей в духе патриотизма и уважения национальных традиций, формированием их гармонично развитыми личностями, обладающими современными знаниями и опытом, благородными качествами, осуществляются последовательные меры по дальнейшему приобщению их к сферам культуры и искусства.
Вместе с тем имеется необходимость создания дополнительных условий для широкого привлечения детей к культуре и искусству, системной работы с ними, дальнейшего повышения эффективности деятельности учреждений культуры и искусства.
В целях налаживания интеграции детских школ музыки и искусства, а также средних общеобразовательных школ для широкого вовлечения учащихся в сферу музыки и искусства, а также проявления их таланта:
1. Определить основными задачами развития предмета «Музыкальная культура» в средних общеобразовательных школах (далее — школы):
разработка учебных пособий для учителей по предмету «Музыкальная культура»;
внедрение нового порядка повышения квалификации учителей;
пересмотр механизма присвоения квалификационной категории учителям;
внедрение национальной системы оценки уровня знаний и профессиональных навыков учителей по предмету «Музыкальная культура»;
упрощение системы приема на работу в школы выпускников высших образовательных учреждений по направлению «Культура и искусство».
2. Установить, что:
а) с 1 марта 2025 года внедряется система повышения квалификации учителей по предмету «Музыкальная культура» на основе их обучения в увязке теории с практикой.
При этом теоретическая часть образовательной программы повышения квалификации организуется в Национальном институте педагогического мастерства имени А. Авлони, в центрах педагогического мастерства Республики Каракалпакстан и областей (далее — центры), практическая (творческая) часть — в детских школах музыки и искусства, а также учителям по предмету «Музыкальная культура», принимаемым на работу в центры, производится почасовая оплата труда;
б) начиная с 1 сентября 2025 года:
выпускникам 11-го класса, окончившим установленные учебные программы детских школ музыки и искусства, имеющим аттестат об общем среднем образовании, предоставляется право работать в детских школах «Баркамол авлод» в качестве руководителя кружка;
выпускникам высших образовательных учреждений в сфере культуры и искусства, обучавшимся по направлению «Музыка» и изучавшим психолого-педагогические дисциплины в рамках учебной программы, разрешается преподавать в школах предмет «Музыкальная культура».
При этом к учителям по предмету «Музыкальная культура» предъявляется требование обладания навыком игры не менее, чем на одном национальном музыкальном инструменте;
в) преддипломная практика выпускников высших образовательных учреждений в сфере культуры и искусства организуется в школах по согласованию.
3. Министерству высшего образования, науки и инноваций (К. Шарипов), Министерству дошкольного и школьного образования (Х. Умарова), Министерству культуры (О. Назарбеков), Агентству по оценке знаний и квалификаций (М. Каримов):
в срок до 2025/2026 учебного года разработать и принять меры по внедрению в практику национальной системы оценки уровня знаний и профессиональных навыков учителей по предмету «Музыкальная культура»;
начиная с 2025/2026 учебного года внедрить практику обучения психолого-педагогическим дисциплинам в высших образовательных учреждениях по подготовке кадров в сфере культуры.
4. Министерству культуры (О. Назарбеков):
а) совместно с Министерством дошкольного и школьного образования (Х. Умарова) начиная с 1 апреля 2025 года на основе положительного опыта школьного театра «Турон» организовать в школах коллективы художественной самодеятельности «Иктидор» и провести среди них республиканский конкурс «Иктидор мактаб ансамбли» (далее — конкурс).
При этом:
конкурс проводится ежегодно среди коллективов художественной самодеятельности школ по направлениям национальной и мировой музыки;
победители республиканского этапа конкурса направляются в зарубежные государства на образовательные экскурсии.
Расходы, связанные с организацией и проведением республиканского этапа конкурса, производятся в рамках средств, выделяемых Министерству дошкольного и школьного образования;
б) в двухмесячный срок:
разработать для коллективов художественной самодеятельности «Иктидор» дополнительную литературу, ноты и видеоуроки по обучению игре на 7 видах национальных музыкальных инструментов, организуемых в школах во внеурочное время;
обеспечить проведение в районах (городах) отчетные концерты детских школ музыки и искусства, а также национальных и современных инструментальных ансамблей за счет внебюджетных средств и иных источников, не запрещенных законодательством;
ежегодно формировать перечень авторитетных международных и республиканских конкурсов в сфере культуры и искусства и публиковать на официальном веб-сайте министерства;
определить детские школы музыки и искусства в качестве базовых образовательных учреждений по оказанию методической помощи школьным учителям по предмету «Музыкальная культура». При этом:
учителя детских школ музыки и искусства оказывают методическую помощь учителям предмета «Музыкальная культура» в школах;
организуются мастер-классы по формированию у учителей навыков игры на музыкальных инструментах;
в) обеспечить проведение специализированными школами культуры и искусства и детскими школами музыки и искусства при Министерстве культуры пропагандистско-разъяснительной работы в школах, для отбора талантливых детей из числа учащихся, целевого направления их в образовательные организации в сфере культуры и искусства.
5. Министерству дошкольного и школьного образования (Х. Умарова) совместно с Министерством культуры (О. Назарбеков) в трехмесячный срок разработать порядок присвоения квалификационной категории учителям по предмету «Музыкальная культура».
При этом присвоение квалификационной категории осуществляется в два этапа:
на первом этапе тестирование организуется Министерством дошкольного и школьного образования;
на втором этапе практический (творческий) экзамен организуется в детских школах музыки и искусства, определенных Министерством культуры.
6. Установить, что финансирование расходов, связанных с обеспечением исполнения настоящего постановления, осуществляется в 2025 году в рамках средств, выделенных из республиканского бюджета Республики Узбекистан Министерству дошкольного и школьного образования и Министерству культуры в качестве распорядителя бюджетных средств первого уровня, а начиная с 2026 года предусматривается в параметрах Государственного бюджета.
7. Министерству культуры (О. Назарбеков), Министерству дошкольного и школьного образования (Х. Умарова) совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
8. Возложить на министра дошкольного и школьного образования Х.У. Умарову и министра культуры О.А. Назарбекова персональную ответственность за эффективную организацию исполнения настоящего постановления.
9. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
15 ноября 2024 г.,
№ ПП-391