📅 2024-yil 15-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 15 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 15 ноября 2024 г. · Постановления Президента
Официальный текст. Официальный документ. Редакционные примечания не включены.
📅 15 November 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Умумий ўрта таълим мактабларида жисмоний тарбия фани ўқитилишини тубдан такомиллаштириш ҳамда ушбу фан ўқитувчиларининг касбий фаолиятини ривожлантириш чора-тадбирлари тўғрисида
Умумий ўрта таълим мактабларида жисмоний тарбия фани ўқитилишини тубдан такомиллаштириш ва жисмоний тарбия фани ўқитувчиларини узлуксиз касбий ривожлантириш тизими самарадорлигини таъминлаш, уларнинг касбий ва жисмоний маҳоратини мунтазам ошириб боришни йўлга қўйиш мақсадида:
1. Қуйидагилар умумий ўрта таълим мактабларида (кейинги ўринларда — мактаблар) жисмоний тарбия ва спорт билан шуғулланишни ташкил этишнинг асосий йўналишлари этиб белгилансин:
жисмоний тарбия фани ўқитувчилари учун ўқув-методик қўлланмалар ишлаб чиқиш;
Ўзбекистон давлат жисмоний тарбия ва спорт университети билан ҳамкорликда жисмоний тарбия ўқитувчиларининг касбий маҳорати ва малакасини ошириш бўйича ўқув дастурларини такомиллаштириш;
жисмоний тарбия ўқитувчилари таркибига маҳоратли спортчиларни жалб этиш;
жисмоний тарбия фани ўқитувчиларига малака тоифаси беришнинг янги тартибини ишлаб чиқиш;
ўқувчиларнинг бўш вақтларини мазмунли ўтказиш мақсадида мактаб спорт клублари фаолиятини йўлга қўйиш;
жисмоний тарбия фани ўқитувчиларининг билим даражаси ва касбий маҳоратини аниқлаш бўйича миллий баҳолаш тизимини ишлаб чиқиш;
мактабларда ўқувчиларнинг спорт мусобақаларидаги иштироки, мактаб спорт клубларининг фаолияти, ўқувчиларнинг спорт билан қамраб олинганлик даражасини аниқлаш юзасидан рейтинг тизимини жорий этиш;
спорт турлари бўйича яхши натижаларга эришган ўқувчилардан иборат жамоаларни шакллантирган ҳолда халқаро мусобақаларда иштирок этишини таъминлаш.
2. Мактабгача ва мактаб таълими вазирлиги (Х. Умарова):
а) 2025 йил 1 мартга қадар бошланғич, ўрта ва юқори синф ўқувчилари ёш тоифаси бўйича ҳаракатли ўйинлар, олимпия ва оммавий спорт турларига устуворлик бериш орқали спорт турлари рўйхатини шакллантирилишини;
б) 2025/2026 ўқув йилидан бошлаб давлат таълим стандартлари асосида 5 — 11-синфлар жисмоний тарбия фани ўқитувчилари учун ўқув-методик қўлланмалар ишлаб чиқилишини;
в) Спорт вазирлиги (А. Икрамов) билан биргаликда 2025 йил 1 июнга қадар мактаб ўқувчиларининг спорт мусобақаларидаги иштироки, мактаб спорт клубларининг фаолияти, ўқувчиларни спортга қамраб олинганлик даражасини аниқлаш юзасидан рейтинг тизими ишлаб чиқилишини таъминласин.
Бунда:
мактабларда, устувор равишда, Олимпия ўйинлари дастурига кирган спорт турларининг ривожланганлиги, ўқувчиларнинг турли спорт мусобақаларда қўлга киритган ютуқлари ҳамда уларнинг спорт билан қамраб олинганлиги, мактаб спорт клублари фаолиятининг самарали йўлга қўйилганлигига алоҳида эътибор қаратилади;
рейтинг натижаларига кўра мактабларнинг энг яхши натижага эришган жисмоний тарбия фани ўқитувчилари Мактабгача ва мактаб таълими вазирлиги ҳамда Спорт вазирлигининг тармоқ мукофотлари билан тақдирланади.
3. 2025/2026 ўқув йилидан бошлаб ўқувчиларнинг бўш вақтларини мазмунли ўтказиш мақсадида ҳар бир мактабда босқичма-босқич мактаб спорт клублари фаолияти йўлга қўйилади.
Қуйидагилар мактаб спорт клубларининг асосий вазифалари этиб белгиланади:
жисмоний тарбия фани ўқитувчилари таркибини юқори маҳоратли спортчилар орасидан танлов асосида шакллантириб бориш;
ўқувчилар ўртасида соғлом турмуш тарзини шакллантириш ҳамда жисмоний тарбия ва спортни кенг тарғиб қилиш, уларнинг мунтазам равишда жисмоний тарбия билан шуғулланишлари учун шарт-шароитлар яратиш;
спорт турлари бўйича ўқувчилардан иборат жамоаларни шакллантириш, улар ўртасида турли спорт мусобақалари ва оммавий жисмоний тарбия тадбирларини, хусусан «мактаб чемпионати»ни ташкил этиш орқали истеъдодли ёш спортчиларни аниқлаш;
жисмоний тарбия ўқитувчиларини жалб қилган ҳолда ўқувчилар орасидан истеъдодли ёшларни саралаб олиш (селекция) ҳамда спорт мактаблари спорт захирасини шакллантириш;
мактаб спорт клуби машғулотлари жараёнига жамоатчилик асосида малакали тренерлар ва мутахассисларни жалб этиш, шунингдек, илғор тажрибани жорий қилиш.
4. Мактабгача ва мактаб таълими вазирлиги (Х. Умарова):
а) Жиззах вилояти ҳокимлиги (Э. Салиев) билан биргаликда 2025 йил 1 майга қадар мактаб спорт клублари аъзолари учун Зомин тумани «Лочин» дам олиш масканида ўқувчиларни спорт мусобақаларига тайёрлаш базасини ташкил этсин;
б) Спорт вазирлиги (А. Икрамов) билан биргаликда уч ой муддатда жисмоний тарбия фани ўқитувчиларига малака тоифалари беришнинг янги тартибини ишлаб чиқсин.
Бунда малака тоифасини бериш қуйидаги икки босқичда амалга оширилади:
биринчи босқич — Мактабгача ва мактаб таълими вазирлиги томонидан ўтказиладиган тест синовлари;
иккинчи босқич — Спорт вазирлиги томонидан белгиланган спорт мактабларида ташкил этиладиган амалий имтиҳон.
5. Олий таълим, фан ва инновациялар вазирлиги (К. Шарипов), Мактабгача ва мактаб таълими вазирлиги (Х. Умарова), Спорт вазирлиги (А. Икрамов), Билим ва малакаларни баҳолаш агентлиги (М. Каримов) 2025 йил 1 июлга қадар жисмоний тарбия фани ўқитувчиларининг билим даражаси ва касбий маҳоратини аниқлаш бўйича миллий баҳолаш тизимини ишлаб чиқсин ва амалиётга жорий этиш чорасини кўрсин.
6. Спорт вазирлиги (А. Икрамов):
а) Мактабгача ва мактаб таълими вазирлиги (Х. Умарова) билан биргаликда 2025/2026 ўқув йилидан бошлаб ҳар йили анъанавий тарзда мактаблар ўқувчилари ўртасида «Беш ташаббус олимпиадаси» спорт мусобақаларини ташкил этиб борсин.
Бунда спортнинг мини-футбол, волейбол, енгил атлетика, шахмат, шашка, стол тенниси, стритбол, воркаут турлари бўйича оммавий спорт мусобақалари қуйидаги уч босқичда ўтказилади:
биринчи босқичда — синфлараро мактаб босқичи мусобақалари;
иккинчи босқичда — мактаблараро туман (шаҳар) мусобақалари;
учинчи босқичда — туман (шаҳар) мусобақаларида ғолиб бўлган мактаб жамоалари ўртасида ҳудудий мусобақалар.
«Беш ташаббус олимпиадаси» спорт мусобақаларини ўтказиш ҳар йили ушбу мақсадлар учун Спорт вазирлигига ажратиладиган маблағлар доирасида амалга оширилади;
б) ҳар ўқув йили якунида ўқувчиларнинг синфлар бўйича жисмоний тайёргарлик даражасини аниқлаш тизимини йўлга қўйсин;
в) уч ой муддатда оммавий спорт турлари бўйича тренер-селекционер ҳамда жисмоний тарбия фани ўқитувчилари ҳамкорлигида ўқувчилар орасидан селекция ишларини амалга ошириш механизмини ишлаб чиқсин;
г) Жисмоний тарбия ва спорт бўйича мутахассисларни қайта тайёрлаш ва малакасини ошириш институтида жисмоний тарбия фани ўқитувчиларининг билим, кўникма ва малакаларини касбий фаолиятга мувофиқлаштириш ҳамда жисмоний тарбия дарсларини ташкил этишнинг замонавий инновацион технологиялари, ўқитишнинг самарали шакллари ва усулларидан фойдаланган ҳолда илғор хорижий тажрибаларидан келиб чиқиб, узлуксиз касбий маҳорати ва малакасини ошириб боришни йўлга қўйсин.
7. Белгилансинки:
мактаб спорт клублари фаолияти ўқувчиларни жисмоний тарбия ва спортга кенг жалб этиш, спорт мусобақаларини тизимли ўтказиб бориш, иқтидорли ёшларни саралаб олиш орқали спорт мактаблари захирасини яратишга йўналтирилади;
мактаб спорт клубларида ўқувчиларни жисмоний тарбия ва спортга кенг жалб этиш, спорт мусобақаларини тизимли ўтказиб бориш ва иқтидорли ёшларни саралаб олишни ташкил қилиш вазифалари жисмоний тарбия фани ўқитувчилари зиммасига юкланади;
юқори натижага эришган мактаб спорт клублари аъзолари учун давлат спорт таълим муассасаларида нуфузли халқаро спорт мусобақалари ғолиб ва совриндорлари иштирокида амалий маҳорат машғулотлари ташкил этиб борилади;
энг яхши натижага эришган мактаб спорт клублари аъзолари учун Баҳодир Жалолов, Оксана Чусовитина номидаги ихтисослаштирилган спорт мактаблари ва юртимиздаги йирик спорт мажмуаларида маҳорат машғулотлари ташкил этилади.
8. Ахборот ва оммавий коммуникациялар агентлиги (А. Ходжаев), Ўзбекистон Миллий ахборот агентлиги (А. Кўчимов) ва Ўзбекистон Миллий телерадиокомпанияси (А. Джурабаев)га Мактабгача ва мактаб таълими вазирлиги ҳамда Спорт вазирлиги билан биргаликда мазкур қарорнинг мазмун-моҳияти ва амалий аҳамиятини ёритишга оид мақолалар, брифинглар, тематик телекўрсатувлар тайёрлаш тавсия этилсин.
9. Белгилансинки, мазкур қарор ижросини таъминлаш билан боғлиқ харажатларни молиялаштириш 2025 йилда Ўзбекистон Республикасининг республика бюджетидан биринчи даражали бюджет маблағларини тақсимловчи сифатида Мактабгача ва мактаб таълими вазирлиги ҳамда Спорт вазирлигига ажратилган маблағлар доирасида амалга оширилади, 2026 йилдан бошлаб эса Давлат бюджети параметрларида назарда тутилади.
10. Спорт вазирлиги (А. Икрамов), Мактабгача ва мактаб таълими вазирлиги (Х. Умарова) манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
11. Мазкур қарорнинг ижросини самарали ташкил қилишга масъул ва шахсий жавобгар этиб мактабгача ва мактаб таълими вазири Х.У. Умарова ҳамда спорт вазири А.И. Икрамов белгилансин.
12. Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти Администрацияси департаменти раҳбари О.Қ. Абдурахманов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 15 ноябрь,
ПҚ-392-сон
Oʻzbekiston Respublikasi Prezidentining
qarori
Umumiy oʻrta taʼlim maktablarida jismoniy tarbiya fani oʻqitilishini tubdan takomillashtirish hamda ushbu fan oʻqituvchilarining kasbiy faoliyatini rivojlantirish chora-tadbirlari toʻgʻrisida
Umumiy oʻrta taʼlim maktablarida jismoniy tarbiya fani oʻqitilishini tubdan takomillashtirish va jismoniy tarbiya fani oʻqituvchilarini uzluksiz kasbiy rivojlantirish tizimi samaradorligini taʼminlash, ularning kasbiy va jismoniy mahoratini muntazam oshirib borishni yoʻlga qoʻyish maqsadida:
1. Quyidagilar umumiy oʻrta taʼlim maktablarida (keyingi oʻrinlarda — maktablar) jismoniy tarbiya va sport bilan shugʻullanishni tashkil etishning asosiy yoʻnalishlari etib belgilansin:
jismoniy tarbiya fani oʻqituvchilari uchun oʻquv-metodik qoʻllanmalar ishlab chiqish;
Oʻzbekiston davlat jismoniy tarbiya va sport universiteti bilan hamkorlikda jismoniy tarbiya oʻqituvchilarining kasbiy mahorati va malakasini oshirish boʻyicha oʻquv dasturlarini takomillashtirish;
jismoniy tarbiya oʻqituvchilari tarkibiga mahoratli sportchilarni jalb etish;
jismoniy tarbiya fani oʻqituvchilariga malaka toifasi berishning yangi tartibini ishlab chiqish;
oʻquvchilarning boʻsh vaqtlarini mazmunli oʻtkazish maqsadida maktab sport klublari faoliyatini yoʻlga qoʻyish;
jismoniy tarbiya fani oʻqituvchilarining bilim darajasi va kasbiy mahoratini aniqlash boʻyicha milliy baholash tizimini ishlab chiqish;
maktablarda oʻquvchilarning sport musobaqalaridagi ishtiroki, maktab sport klublarining faoliyati, oʻquvchilarning sport bilan qamrab olinganlik darajasini aniqlash yuzasidan reyting tizimini joriy etish;
sport turlari boʻyicha yaxshi natijalarga erishgan oʻquvchilardan iborat jamoalarni shakllantirgan holda xalqaro musobaqalarda ishtirok etishini taʼminlash.
2. Maktabgacha va maktab taʼlimi vazirligi (X. Umarova):
a) 2025-yil 1-martga qadar boshlangʻich, oʻrta va yuqori sinf oʻquvchilari yosh toifasi boʻyicha harakatli oʻyinlar, olimpiya va ommaviy sport turlariga ustuvorlik berish orqali sport turlari roʻyxatini shakllantirilishini;
b) 2025/2026 oʻquv yilidan boshlab davlat taʼlim standartlari asosida 5 — 11-sinflar jismoniy tarbiya fani oʻqituvchilari uchun oʻquv-metodik qoʻllanmalar ishlab chiqilishini;
v) Sport vazirligi (A. Ikramov) bilan birgalikda 2025-yil 1-iyunga qadar maktab oʻquvchilarining sport musobaqalaridagi ishtiroki, maktab sport klublarining faoliyati, oʻquvchilarni sportga qamrab olinganlik darajasini aniqlash yuzasidan reyting tizimi ishlab chiqilishini taʼminlasin.
Bunda:
maktablarda, ustuvor ravishda, Olimpiya oʻyinlari dasturiga kirgan sport turlarining rivojlanganligi, oʻquvchilarning turli sport musobaqalarda qoʻlga kiritgan yutuqlari hamda ularning sport bilan qamrab olinganligi, maktab sport klublari faoliyatining samarali yoʻlga qoʻyilganligiga alohida eʼtibor qaratiladi;
reyting natijalariga koʻra maktablarning eng yaxshi natijaga erishgan jismoniy tarbiya fani oʻqituvchilari Maktabgacha va maktab taʼlimi vazirligi hamda Sport vazirligining tarmoq mukofotlari bilan taqdirlanadi.
3. 2025/2026 oʻquv yilidan boshlab oʻquvchilarning boʻsh vaqtlarini mazmunli oʻtkazish maqsadida har bir maktabda bosqichma-bosqich maktab sport klublari faoliyati yoʻlga qoʻyiladi.
Quyidagilar maktab sport klublarining asosiy vazifalari etib belgilanadi:
jismoniy tarbiya fani oʻqituvchilari tarkibini yuqori mahoratli sportchilar orasidan tanlov asosida shakllantirib borish;
oʻquvchilar oʻrtasida sogʻlom turmush tarzini shakllantirish hamda jismoniy tarbiya va sportni keng targʻib qilish, ularning muntazam ravishda jismoniy tarbiya bilan shugʻullanishlari uchun shart-sharoitlar yaratish;
sport turlari boʻyicha oʻquvchilardan iborat jamoalarni shakllantirish, ular oʻrtasida turli sport musobaqalari va ommaviy jismoniy tarbiya tadbirlarini, xususan “maktab chempionati”ni tashkil etish orqali isteʼdodli yosh sportchilarni aniqlash;
jismoniy tarbiya oʻqituvchilarini jalb qilgan holda oʻquvchilar orasidan isteʼdodli yoshlarni saralab olish (seleksiya) hamda sport maktablari sport zaxirasini shakllantirish;
maktab sport klubi mashgʻulotlari jarayoniga jamoatchilik asosida malakali trenerlar va mutaxassislarni jalb etish, shuningdek, ilgʻor tajribani joriy qilish.
4. Maktabgacha va maktab taʼlimi vazirligi (X. Umarova):
a) Jizzax viloyati hokimligi (E. Saliyev) bilan birgalikda 2025-yil 1-mayga qadar maktab sport klublari aʼzolari uchun Zomin tumani “Lochin” dam olish maskanida oʻquvchilarni sport musobaqalariga tayyorlash bazasini tashkil etsin;
b) Sport vazirligi (A. Ikramov) bilan birgalikda uch oy muddatda jismoniy tarbiya fani oʻqituvchilariga malaka toifalari berishning yangi tartibini ishlab chiqsin.
Bunda malaka toifasini berish quyidagi ikki bosqichda amalga oshiriladi:
birinchi bosqich — Maktabgacha va maktab taʼlimi vazirligi tomonidan oʻtkaziladigan test sinovlari;
ikkinchi bosqich — Sport vazirligi tomonidan belgilangan sport maktablarida tashkil etiladigan amaliy imtihon.
5. Oliy taʼlim, fan va innovatsiyalar vazirligi (K. Sharipov), Maktabgacha va maktab taʼlimi vazirligi (X. Umarova), Sport vazirligi (A. Ikramov), Bilim va malakalarni baholash agentligi (M. Karimov) 2025-yil 1-iyulga qadar jismoniy tarbiya fani oʻqituvchilarining bilim darajasi va kasbiy mahoratini aniqlash boʻyicha milliy baholash tizimini ishlab chiqsin va amaliyotga joriy etish chorasini koʻrsin.
6. Sport vazirligi (A. Ikramov):
a) Maktabgacha va maktab taʼlimi vazirligi (X. Umarova) bilan birgalikda 2025/2026 oʻquv yilidan boshlab har yili anʼanaviy tarzda maktablar oʻquvchilari oʻrtasida “Besh tashabbus olimpiadasi” sport musobaqalarini tashkil etib borsin.
Bunda sportning mini-futbol, voleybol, yengil atletika, shaxmat, shashka, stol tennisi, stritbol, vorkaut turlari boʻyicha ommaviy sport musobaqalari quyidagi uch bosqichda oʻtkaziladi:
birinchi bosqichda — sinflararo maktab bosqichi musobaqalari;
ikkinchi bosqichda — maktablararo tuman (shahar) musobaqalari;
uchinchi bosqichda — tuman (shahar) musobaqalarida gʻolib boʻlgan maktab jamoalari oʻrtasida hududiy musobaqalar.
“Besh tashabbus olimpiadasi” sport musobaqalarini oʻtkazish har yili ushbu maqsadlar uchun Sport vazirligiga ajratiladigan mablagʻlar doirasida amalga oshiriladi;
b) har oʻquv yili yakunida oʻquvchilarning sinflar boʻyicha jismoniy tayyorgarlik darajasini aniqlash tizimini yoʻlga qoʻysin;
v) uch oy muddatda ommaviy sport turlari boʻyicha trener-seleksioner hamda jismoniy tarbiya fani oʻqituvchilari hamkorligida oʻquvchilar orasidan seleksiya ishlarini amalga oshirish mexanizmini ishlab chiqsin;
g) Jismoniy tarbiya va sport boʻyicha mutaxassislarni qayta tayyorlash va malakasini oshirish institutida jismoniy tarbiya fani oʻqituvchilarining bilim, koʻnikma va malakalarini kasbiy faoliyatga muvofiqlashtirish hamda jismoniy tarbiya darslarini tashkil etishning zamonaviy innovatsion texnologiyalari, oʻqitishning samarali shakllari va usullaridan foydalangan holda ilgʻor xorijiy tajribalaridan kelib chiqib, uzluksiz kasbiy mahorati va malakasini oshirib borishni yoʻlga qoʻysin.
7. Belgilansinki:
maktab sport klublari faoliyati oʻquvchilarni jismoniy tarbiya va sportga keng jalb etish, sport musobaqalarini tizimli oʻtkazib borish, iqtidorli yoshlarni saralab olish orqali sport maktablari zaxirasini yaratishga yoʻnaltiriladi;
maktab sport klublarida oʻquvchilarni jismoniy tarbiya va sportga keng jalb etish, sport musobaqalarini tizimli oʻtkazib borish va iqtidorli yoshlarni saralab olishni tashkil qilish vazifalari jismoniy tarbiya fani oʻqituvchilari zimmasiga yuklanadi;
yuqori natijaga erishgan maktab sport klublari aʼzolari uchun davlat sport taʼlim muassasalarida nufuzli xalqaro sport musobaqalari gʻolib va sovrindorlari ishtirokida amaliy mahorat mashgʻulotlari tashkil etib boriladi;
eng yaxshi natijaga erishgan maktab sport klublari aʼzolari uchun Bahodir Jalolov, Oksana Chusovitina nomidagi ixtisoslashtirilgan sport maktablari va yurtimizdagi yirik sport majmualarida mahorat mashgʻulotlari tashkil etiladi.
8. Axborot va ommaviy kommunikatsiyalar agentligi (A. Xodjayev), Oʻzbekiston Milliy axborot agentligi (A. Koʻchimov) va Oʻzbekiston Milliy teleradiokompaniyasi (A. Djurabayev)ga Maktabgacha va maktab taʼlimi vazirligi hamda Sport vazirligi bilan birgalikda mazkur qarorning mazmun-mohiyati va amaliy ahamiyatini yoritishga oid maqolalar, brifinglar, tematik telekoʻrsatuvlar tayyorlash tavsiya etilsin.
9. Belgilansinki, mazkur qaror ijrosini taʼminlash bilan bogʻliq xarajatlarni moliyalashtirish 2025-yilda Oʻzbekiston Respublikasining respublika budjetidan birinchi darajali budjet mablagʻlarini taqsimlovchi sifatida Maktabgacha va maktab taʼlimi vazirligi hamda Sport vazirligiga ajratilgan mablagʻlar doirasida amalga oshiriladi, 2026-yildan boshlab esa Davlat budjeti parametrlarida nazarda tutiladi.
10. Sport vazirligi (A. Ikramov), Maktabgacha va maktab taʼlimi vazirligi (X. Umarova) manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
11. Mazkur qarorning ijrosini samarali tashkil qilishga masʼul va shaxsiy javobgar etib maktabgacha va maktab taʼlimi vaziri X.U. Umarova hamda sport vaziri A.I. Ikramov belgilansin.
12. Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 15-noyabr,
PQ-392-son
Президента Республики Узбекистан
Постановление
О мерах по коренному совершенствованию преподавания предмета «Физическое воспитание» в средних общеобразовательных школах и развитию профессиональной деятельности учителей по данному предмету
В целях кардинального совершенствования преподавания предмета «Физическое воспитание» и обеспечения эффективности системы непрерывного профессионального развития учителей по предмету «Физическое воспитание» в средних общеобразовательных школах, налаживания регулярного повышения их профессионального и физического мастерства:
1. Определить основными направлениями организации занятий физической культурой и спортом в средних общеобразовательных школах (далее — школы):
разработка учебно-методических пособий для учителей по предмету «Физическое воспитание»;
совершенствование совместно с Узбекским государственным университетом физической культуры и спорта учебных программ по повышению профессиональных навыков и квалификации учителей по предмету «Физическое воспитание»;
привлечение профессиональных спортсменов в учительский состав по предмету «Физическое воспитание»;
разработку нового порядка присвоения квалификационной категории учителям по предмету «Физическое воспитание»;
организацию деятельности школьных спортивных клубов в целях проведения содержательного досуга учащимися;
разработку национальной системы оценки уровня знаний и профессиональных навыков учителей по предмету «Физическое воспитание»;
внедрение в школах рейтинговой системы определения уровня участия учащихся в спортивных соревнованиях, деятельности школьных спортивных клубов, охвата спортом учащихся;
формирование команд в составе учащихся, добившихся хороших результатов по видам спорта, с принятием мер по обеспечению их участия в международных соревнованиях.
2. Министерству дошкольного и школьного образования (Х. Умарова):
а) в срок до 1 марта 2025 года сформировать перечень видов спорта по возрастным категориям учащихся начальных, средних и старших классов, отдавая приоритет подвижным играм, олимпийским и массовым видам спорта;
б) начиная с 2025/2026 учебного года разработать учебно-методические пособия для учителей по предмету «Физическое воспитание» 5 — 11-х классов на основе государственных образовательных стандартов;
в) совместно с Министерством спорта (А. Икрамов) в срок до 1 июня 2025 года разработать рейтинговую систему определения уровня участия учащихся школ в спортивных соревнованиях, деятельности школьных спортивных клубов, охвата учащихся спортом.
При этом:
особое внимание будет уделяться развитию в школах в приоритетном порядке видов спорта, включенных в программу Олимпийских игр, достижениям учащихся в различных спортивных соревнованиях и охвату их спортом, эффективному налаживанию деятельности школьных спортивных клубов;
школьные учителя по предмету «Физическое воспитание», добившиеся лучших результатов по итогам рейтинга, будут награждаться отраслевыми наградами Министерства дошкольного и школьного образования, а также Министерства спорта.
3. В целях проведения содержательного досуга учащимися начиная с 2025/2026 учебного года в каждой школе поэтапно налаживается деятельность школьных спортивных клубов.
Основными задачами школьных спортивных клубов являются:
формирование учительского состава по предмету «Физическое воспитание» на основе отбора из числа высокопрофессиональных спортсменов;
формирование здорового образа жизни и широкая пропаганда физической культуры и спорта среди учащихся, создание условий для занятия ими физической культурой на регулярной основе;
формирование команд по видам спорта из числа учащихся, выявление талантливых молодых спортсменов путем организации различных спортивных соревнований и массовых физкультурных мероприятий среди них, в частности «школьного чемпионата»;
отбор (селекция) талантливых молодых людей из числа учащихся с привлечением учителей по предмету «Физическое воспитание», а также формирование спортивного резерва спортивных школ;
привлечение квалифицированных тренеров и специалистов к процессу тренировок в школьных спортивных клубах на общественных началах, а также внедрение передового опыта.
4. Министерству дошкольного и школьного образования (Х. Умарова):
а) совместно с хокимиятом Джизакской области (Э. Салиев) в срок до 1 мая 2025 года создать для членов школьных спортивных клубов в зоне отдыха «Лочин» Зааминского района базу для подготовки учащихся к спортивным соревнованиям;
б) совместно с Министерством спорта (А. Икрамов) в трехмесячный срок разработать новый порядок присвоения квалификационных категорий учителям по предмету «Физическое воспитание».
При этом присвоение квалификационных категорий осуществляется в два этапа:
на первом этапе тестирование организуется Министерством дошкольного и школьного образования;
на втором этапе практический экзамен организуется в спортивных школах, определенных Министерством спорта.
5. Министерству высшего образования, науки и инноваций (К. Шарипов), Министерству дошкольного и школьного образования (Х. Умарова), Министерству спорта (А. Икрамов), Агентству оценки знаний и квалификаций (М. Каримов) в срок до 1 июля 2025 года разработать национальную систему оценки уровня знаний и профессиональных навыков учителей по предмету «Физическое воспитание» и принять меры по ее внедрению на практике.
6. Министерству спорта (А. Икрамов):
а) совместно с Министерством дошкольного и школьного образования (Х. Умарова) начиная с 2025/2026 учебного года ежегодно организовывать спортивные соревнования «Олимпиада пяти инициатив» среди учащихся школ на традиционной основе.
При этом массовые спортивные соревнования по таким видам спорта, как мини-футбол, волейбол, легкая атлетика, шахматы, шашки, настольный теннис, стритбол, воркаут, проводятся в три этапа:
на первом этапе — межклассовый школьный этап соревнований;
на втором этапе — межшкольные районные (городские) соревнования;
на третьем этапе — региональные соревнования между школьными командами — победителями районных (городских) соревнований.
Спортивные соревнования «Олимпиада пяти инициатив» проводятся в рамках средств, выделяемых Министерству спорта ежегодно на эти цели;
б) наладить систему определения уровня физической подготовки учащихся по классам по итогам каждого учебного года;
в) в трехмесячный срок разработать механизм осуществления селекции по массовым видам спорта среди учащихся совместно с тренерами-селекционерами и учителями по предмету «Физическое воспитание»;
г) наладить непрерывное повышение профессиональных навыков и квалификации в Институте переподготовки и повышения квалификации специалистов в области физической культуры и спорта исходя из передового зарубежного опыта с ориентацией знаний, навыков и квалификаций учителей по предмету «Физическое воспитание» к профессиональной деятельности, с использованием современных инновационных технологий при проведении занятий по предмету «Физическое воспитание», эффективных форм и методов обучения.
7. Определить, что:
деятельность школьных спортивных клубов направляется на широкое привлечение учащихся к занятиям физической культурой и спортом, системное проведение спортивных соревнований, формирование резерва спортивных школ путем отбора талантливой молодежи;
на учителей по предмету «Физическое воспитание» возлагаются задачи по широкому привлечению учащихся в школьных спортивных клубах к занятиям физической культурой и спортом, системному проведению спортивных соревнований, отбору талантливой молодежи;
в государственных спортивных образовательных учреждениях для членов школьных спортивных клубов, добивших высоких результатов, организуются мастер-классы с участием победителей и призеров престижных международных спортивных соревнований;
в специализированных спортивных школах имени Баходира Жалолова, Оксаны Чусовитиной и крупных спортивных комплексах страны для членов школьных спортивных клубов, добившихся лучших результатов, организуются мастер-классы.
8. Рекомендовать Агентству информации и массовых коммуникаций (А. Ходжаев), Национальному информационному агентству Узбекистана (А. Кучимов) и Национальной телерадиокомпании Узбекистана (А. Джурабаев) совместно с Министерством дошкольного и школьного образования и Министерством спорта подготовить статьи, брифинги, тематические телепередачи по освещению сути и содержания, практического значения настоящего постановления.
9. Определить, что финансирование расходов, связанных с обеспечением исполнения настоящего постановления, осуществляется в 2025 году в рамках средств, выделенных из республиканского бюджета Республики Узбекистан Министерству дошкольного и школьного образования и Министерству спорта в качестве распорядителя бюджетных средств первого уровня, а начиная с 2026 года — предусматривается в параметрах Государственного бюджета.
10. Министерству спорта (А. Икрамов), Министерству дошкольного и школьного образования (Х. Умарова) совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
11. Возложить на министра дошкольного и школьного образования Х.У. Умарову и министра спорта А.И. Икрамова персональную ответственность за эффективную организацию исполнения настоящего постановления.
12. Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и руководителя Департамента Администрации Президента Республики Узбекистан О.К. Абдурахманова.
Президент Республики Узбекистан Ш. МИРЗИЁЕВ
г. Ташкент,
15 ноября 2024 г.,
№ ПП-392