📅 2024-yil 14-noyabr · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 14 ноябрь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 14 ноября 2024 г. · Постановления Кабинета Министров
Официальный текст. Официальный документ. Редакционные примечания не включены.
📅 14 November 2024 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
ДАСТУРИ
ДАСТУРИ
Ҳудудларда жамоат транспорти инфратузилмасини ривожлантиришга доир қўшимча чора-тадбирлар тўғрисида
[Кўчирма]
Ўзбекистон Республикаси Президентининг «Давлат бошқаруви соҳасида коррупциявий хавф-хатарларни бартараф этиш механизмларини такомиллаштириш ва ушбу соҳада жамоатчилик иштирокини кенгайтириш чора-тадбирлари тўғрисида» 2022 йил 11 майдаги ПҚ-240-сон қарори ижроси юзасидан намунавий лойиҳалар асосида автобус бекатларини ташкил этиш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Давлат бошқаруви соҳасида коррупциявий хавф-хатарларни бартараф этиш механизмларини такомиллаштириш ва ушбу соҳада жамоатчилик иштирокини кенгайтириш чора-тадбирлари тўғрисида» 2022 йил 11 майдаги ПҚ-240-сон қарори билан мавжуд автобекатларни хатловдан ўтказиб, улар жойлашган ер участкаларининг ҳуқуқий мақомини аниқлаштириш, шунингдек, автобекатларда тадбиркорлик объектларини жойлаштиришга рухсат беришнинг шаффоф электрон механизмларини яратиш ва улардан фойдаланишнинг аниқ талабларини белгилаш назарда тутилганлиги маълумот учун қабул қилинсин.
2. Белгилаб қўйилсинки:
а) умумий фойдаланишдаги автомобиль йўллари бўйида автобус бекатлари Транспорт вазирлиги ҳузуридаги Автомобиль йўллари қўмитасининг ҳудудий ташкилотлари томонидан ташкил этилади;
б) шаҳарлар ва бошқа аҳоли пунктларининг кўчаларидаги автобус бекатлари Қорақалпоғистон Республикаси Вазирлар Кенгаши ва вилоятлар ҳокимликлари томонидан ташкил этилади;
в) автобус бекатлари лойиҳаси йўловчилар, шу жумладан, ногиронлиги бўлган шахслар учун қулай шарт-шароитлар яратилишини инобатга олган ҳолда, ишлаб чиқилади ва белгиланган меъёрларга мувофиқ намунавий лойиҳа (енгил конструкция) асосида қурилади;
г) автобус бекатларида фақатгина реклама воситаси, банкоматлар, маҳсулотларни ва электрон чипталарни харид қилишга мўлжалланган ўзига ўзи хизмат кўрсатиш (вендинг, инфокиоска) автоматлари, аҳолининг интернет жаҳон ахборот тармоғидан фойдаланиши учун «Wi-Fi» алоқа тизимини жойлаштиришга рухсат этилади.
Бунда электрон чипталарни харид қилишга мўлжалланган ўзига ўзи хизмат кўрсатиш автоматларини (инфокиоска) жойлаштиришда ижара тўловлари олинмайди, электр қувватини ҳисоблаш қурилмаларини ўрнатмасдан ойлик тўлов нормаси белгиланади;
д) янги ва реконструкция қилинадиган бекатлар жойлаштириладиган ер майдонларида савдо ва маиший хизмат кўрсатиш объектларини жойлаштириш тақиқланади;
е) шаҳар марказларида жойлашган автобус бекатларида маълумотларни онлайн акс эттирувчи электрон таблолар қўйилади;
ж) ўриндиқлар ва чиқинди ташлаш қутилари мажбурий тартибда ўрнатилади.
3. Қуйидагилар:
Умумий фойдаланишдаги автомобиль йўлларида Иқтисодиёт ва молия вазирлиги ҳузуридаги Автомобиль йўлларини ривожлантириш мақсадли жамғармаси маблағлари ҳисобидан автобус бекатларини қуриш, реконструкция қилиш ва жиҳозлаш дастури 1-иловага мувофиқ;
Шаҳарлар ва бошқа аҳоли пунктларининг кўчаларида маҳаллий бюджет маблағлари ҳисобидан автобус бекатларини қуриш, реконструкция қилиш ва жиҳозлаш дастури 2-иловага мувофиқ тасдиқлансин.
4. Шаҳарлар ва бошқа аҳоли пунктлари кўчалари ҳамда ички хўжалик йўлларидаги автобус бекатлари учун ер участкалари электрон онлайн-аукцион савдолари орқали тадбиркорлик субъектларига узоқ муддатга ижара ҳуқуқи асосида фойдаланишга Вазирлар Маҳкамасининг «Кўчма савдо фаолиятига замонавий ахборот технологияларини янада кенг жорий этиш ҳамда савдо автомати орқали чакана савдо фаолиятини тартибга солиш чора-тадбирлари тўғрисида» 2021 йил 3 августдаги 485-сон қарори асосида берилади. Бунда:
а) ижара шартномаси электрон онлайн-аукцион ғолиби ва туман (шаҳар) ҳокимлиги ўртасида тузилади;
б) талабгорларга 120 ойгача ижарага берилган ер участкаси хусусийлаштирилмайди;
в) автобус бекати учун ер участкасини узоқ муддатга ижарага бериш манзилли рўйхати туман (шаҳар) ҳокимликлари томонидан Транспорт вазирлигининг ҳудудий бўлинмалари ва Автомобиль йўллари қўмитаси билан биргаликда автобус бекатларини хатловдан ўтказган ҳолда, Қорақалпоғистон Республикаси Вазирлар Кенгаши ҳамда вилоятлар ҳокимликларига тасдиқлаш учун киритилади.
5. Қорақалпоғистон Республикаси Вазирлар Кенгаши ва вилоятлар ҳокимликлари:
автобус бекатларини қуриш ва реконструкция қилиш учун киритилган дастурлар доирасида ажратиладиган маблағлар харажатлар сметаларида акс эттирилишини таъминлаш;
Қурилиш ва уй-жой коммунал хўжалиги вазирлиги ҳузуридаги Қурилиш ва уй-жой коммунал хўжалиги соҳасида назорат қилиш инспекцияси, Ички ишлар вазирлиги ва Транспорт вазирлигининг ҳудудий бўлинмалари билан биргаликда савдо ва маиший хизмат кўрсатиш объектлари мавжуд бўлган фаолият кўрсатаётган автобус бекатларида ушбу қарорнинг 2-бандида белгиланган минимал талабларни инобатга олган ҳолда, жамоат транспортлари, йўловчилар, шу жумладан, ногиронлиги бўлган шахслар учун қулай ва хавфсиз шарт-шароит яратиш чораларини кўрсин.
6. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Транспорт вазирлиги, Рақамли технологиялар вазирлиги, Иқтисодиёт ва молия вазирлиги ҳузуридаги Кадастр агентлиги билан биргаликда уч ой муддатда ҳудудларда жойлашган автобус бекатларининг электрон ID-реестрини юритиш ҳамда объектлар жойлашган географик локацияни (Geocode) ID-кодга боғлаш ишларини ташкил этсин.
7. Вазирлар Маҳкамасининг «Автомобиль транспорти соҳасида давлат иштирокидаги корхона фаолиятини такомиллаштириш ва молиявий соғломлаштириш борасидаги қўшимча чора-тадбирлар тўғрисида» 2024 йил 9 августдаги 494-сон қарорига 3-иловага мувофиқ ўзгартиришлар киритилсин.
8. Вазирлар Маҳкамаси ҳузуридаги Солиқ қўмитаси икки ой муддатда мазкур қарор талабларидан келиб чиқиб, Вазирлар Маҳкамасининг «Кўчма савдо фаолиятига замонавий ахборот технологияларини янада кенг жорий этиш ҳамда савдо автомати орқали чакана савдо фаолиятини тартибга солиш чора-тадбирлари тўғрисида» 2021 йил 3 августдаги 485-сон қарорига тегишли ўзгартиришлар киритиш бўйича Ҳукумат қарори лойиҳасини белгиланган тартибда киритсин.
9. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов, транспорт вазири И.Р. Махкамов ҳамда Қорақалпоғистон Республикаси Вазирлар Кенгаши Раиси, вилоятлар ҳокимлари зиммасига юклансин.
Вазирлар Маҳкамасининг 2024 йил 14 ноябрдаги 757-сон қарорига 1-ИЛОВА
Умумий фойдаланишдаги автомобиль йўлларида Иқтисодиёт ва молия вазирлиги ҳузуридаги Автомобиль йўлларини ривожлантириш мақсадли жамғармаси маблағлари ҳисобидан автобус бекатларини қуриш, реконструкция қилиш ва жиҳозлаш
Т/р Ҳудудлар номи Жами 2024 йилда 2025 йилда 2026 йилда 2027 йилда 2028 йилда 2029 йилда 2030 йилда Режа Жами: 1 905 285 265 275 270 265 275 270 1. Қорақалпоғистон Республикаси 125 15 15 20 20 15 20 20 2. Андижон вилояти 85 15 10 15 10 10 15 10 3. Бухоро вилояти 125 20 15 20 20 15 15 20 4. Жиззах вилояти 90 15 15 10 10 15 10 15 5. Қашқадарё вилояти 195 30 25 30 25 30 25 30 6. Навоий вилояти 140 20 20 20 20 20 20 20 7. Наманган вилояти 195 30 25 30 25 30 25 30 8. Самарқанд вилояти 120 15 20 15 20 15 20 15 9. Сурхондарё вилояти 155 20 25 20 25 20 25 20 10. Сирдарё вилояти 105 15 15 15 15 15 15 15 11. Тошкент вилояти 235 40 35 30 35 30 35 30 12. Фарғона вилояти 140 20 20 20 20 20 20 20 13. Хоразм вилояти 195 30 25 30 25 30 30 25
Вазирлар Маҳкамасининг 2024 йил 14 ноябрдаги 757-сон қарорига 2-ИЛОВА
Шаҳарлар ва бошқа аҳоли пунктларининг кўчаларида маҳаллий бюджет маблағлари ҳисобидан автобус бекатларини қуриш, реконструкция қилиш ва жиҳозлаш
Т/р Ҳудудлар номи Жами 2024 йилда 2025 йилда 2026 йилда 2027 йилда 2028 йилда 2029 йилда 2030 йилда Режа Жами: 3 261 472 473 514 438 492 410 462 1. Қорақалпоғистон Республикаси 210 50 50 30 20 20 20 20 2. Андижон вилояти 98 10 12 12 18 12 15 19 3. Бухоро вилояти 250 30 30 40 35 40 35 40 4. Жиззах вилояти 251 36 35 40 35 40 30 35 5. Қашқадарё вилояти 275 30 40 45 40 45 35 40 6. Навоий вилояти 227 26 30 38 35 38 25 35 7. Наманган вилояти 343 55 51 57 45 50 40 45 8. Самарқанд вилояти 103 6 7 10 20 15 25 20 9. Сурхондарё вилояти 305 45 45 55 40 45 35 40 10. Сирдарё вилояти 185 24 27 28 25 28 25 28 11. Тошкент вилояти 229 35 34 30 35 30 35 30 12. Фарғона вилояти 298 38 45 45 40 45 40 45 13. Хоразм вилояти 487 87 67 84 50 84 50 65
Вазирлар Маҳкамасининг 2024 йил 14 ноябрдаги 757-сон қарорига 3-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар
1. Вазирлар Маҳкамасининг 2019 йил 30 июлдаги 636-сон қарори билан тасдиқланган Автомобиль транспортида йўловчиларни шаҳарда, шаҳар атрофида, шаҳарлараро, халқаро, шунингдек, юкларни халқаро йўналишлар бўйича ташиш фаолиятини лицензиялаш юзасидан давлат хизматлари кўрсатишнинг маъмурий регламентининг 29-банди биринчи хатбошиси «шаклда юборилади» сўзларидан кейин «лекин ушбу муддат ўттиз иш кунидан ортиқ бўлмаслиги лозим» сўзлари билан тўлдирилсин.
2. Вазирлар Маҳкамасининг «Кўчма савдо фаолиятига замонавий ахборот технологияларини янада кенг жорий этиш ҳамда савдо автомати орқали чакана савдо фаолиятини тартибга солиш чора-тадбирлари тўғрисида» 2021 йил 3 августдаги 485-сон қарорида :
а) 3-банднинг биринчи хатбошиси «кўчма музлатгичлар» сўзларидан кейин «ҳамда автобус бекатлари» сўзлари билан тўлдирилсин;
б) 1-илованинг 20-банди биринчи хатбошиси , 31-банди олтинчи хатбошиси , 35-банди саккизинчи хатбошиси ҳамда 40-банди еттинчи хатбошиси «кўчма музлатгичлар» сўзларидан кейин «ҳамда автобус бекатлари» сўзлари билан тўлдирилсин;
в) 2-илова қуйидаги мазмундаги 8-банд билан тўлдирилсин:
«8. Ўзбекистон Республикаси Транспорт вазирлиги ҳузуридаги Автомобиль йўллари қўмитасининг ҳудудий ташкилотлари».
Ўзбекистон Республикасининг Бош вазири А. АРИПОВ
Тошкент ш.,
2024 йил 14 ноябрь,
757-сон
Oʻzbekiston Respublikasi Vazirlar Mahkamasining
qarori
DASTURI
DASTURI
Hududlarda jamoat transporti infratuzilmasini rivojlantirishga doir qoʻshimcha chora-tadbirlar toʻgʻrisida
[Koʻchirma]
Oʻzbekiston Respublikasi Prezidentining “Davlat boshqaruvi sohasida korrupsiyaviy xavf-xatarlarni bartaraf etish mexanizmlarini takomillashtirish va ushbu sohada jamoatchilik ishtirokini kengaytirish chora-tadbirlari toʻgʻrisida” 2022-yil 11-maydagi PQ-240-son qarori ijrosi yuzasidan namunaviy loyihalar asosida avtobus bekatlarini tashkil etish maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Davlat boshqaruvi sohasida korrupsiyaviy xavf-xatarlarni bartaraf etish mexanizmlarini takomillashtirish va ushbu sohada jamoatchilik ishtirokini kengaytirish chora-tadbirlari toʻgʻrisida” 2022-yil 11-maydagi PQ-240-son qarori bilan mavjud avtobekatlarni xatlovdan oʻtkazib, ular joylashgan yer uchastkalarining huquqiy maqomini aniqlashtirish, shuningdek, avtobekatlarda tadbirkorlik obyektlarini joylashtirishga ruxsat berishning shaffof elektron mexanizmlarini yaratish va ulardan foydalanishning aniq talablarini belgilash nazarda tutilganligi maʼlumot uchun qabul qilinsin.
2. Belgilab qoʻyilsinki:
a) umumiy foydalanishdagi avtomobil yoʻllari boʻyida avtobus bekatlari Transport vazirligi huzuridagi Avtomobil yoʻllari qoʻmitasining hududiy tashkilotlari tomonidan tashkil etiladi;
b) shaharlar va boshqa aholi punktlarining koʻchalaridagi avtobus bekatlari Qoraqalpogʻiston Respublikasi Vazirlar Kengashi va viloyatlar hokimliklari tomonidan tashkil etiladi;
v) avtobus bekatlari loyihasi yoʻlovchilar, shu jumladan, nogironligi boʻlgan shaxslar uchun qulay shart-sharoitlar yaratilishini inobatga olgan holda, ishlab chiqiladi va belgilangan meʼyorlarga muvofiq namunaviy loyiha (yengil konstruksiya) asosida quriladi;
g) avtobus bekatlarida faqatgina reklama vositasi, bankomatlar, mahsulotlarni va elektron chiptalarni xarid qilishga moʻljallangan oʻziga oʻzi xizmat koʻrsatish (vending, infokioska) avtomatlari, aholining internet jahon axborot tarmogʻidan foydalanishi uchun “Wi-Fi” aloqa tizimini joylashtirishga ruxsat etiladi.
Bunda elektron chiptalarni xarid qilishga moʻljallangan oʻziga oʻzi xizmat koʻrsatish avtomatlarini (infokioska) joylashtirishda ijara toʻlovlari olinmaydi, elektr quvvatini hisoblash qurilmalarini oʻrnatmasdan oylik toʻlov normasi belgilanadi;
d) yangi va rekonstruksiya qilinadigan bekatlar joylashtiriladigan yer maydonlarida savdo va maishiy xizmat koʻrsatish obyektlarini joylashtirish taqiqlanadi;
e) shahar markazlarida joylashgan avtobus bekatlarida maʼlumotlarni onlayn aks ettiruvchi elektron tablolar qoʻyiladi;
j) oʻrindiqlar va chiqindi tashlash qutilari majburiy tartibda oʻrnatiladi.
3. Quyidagilar:
Umumiy foydalanishdagi avtomobil yoʻllarida Iqtisodiyot va moliya vazirligi huzuridagi Avtomobil yoʻllarini rivojlantirish maqsadli jamgʻarmasi mablagʻlari hisobidan avtobus bekatlarini qurish, rekonstruksiya qilish va jihozlash dasturi 1-ilovaga muvofiq;
Shaharlar va boshqa aholi punktlarining koʻchalarida mahalliy budjet mablagʻlari hisobidan avtobus bekatlarini qurish, rekonstruksiya qilish va jihozlash dasturi 2-ilovaga muvofiq tasdiqlansin.
4. Shaharlar va boshqa aholi punktlari koʻchalari hamda ichki xoʻjalik yoʻllaridagi avtobus bekatlari uchun yer uchastkalari elektron onlayn-auksion savdolari orqali tadbirkorlik subyektlariga uzoq muddatga ijara huquqi asosida foydalanishga Vazirlar Mahkamasining “Koʻchma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari toʻgʻrisida” 2021-yil 3-avgustdagi 485-son qarori asosida beriladi. Bunda:
a) ijara shartnomasi elektron onlayn-auksion gʻolibi va tuman (shahar) hokimligi oʻrtasida tuziladi;
b) talabgorlarga 120 oygacha ijaraga berilgan yer uchastkasi xususiylashtirilmaydi;
v) avtobus bekati uchun yer uchastkasini uzoq muddatga ijaraga berish manzilli roʻyxati tuman (shahar) hokimliklari tomonidan Transport vazirligining hududiy boʻlinmalari va Avtomobil yoʻllari qoʻmitasi bilan birgalikda avtobus bekatlarini xatlovdan oʻtkazgan holda, Qoraqalpogʻiston Respublikasi Vazirlar Kengashi hamda viloyatlar hokimliklariga tasdiqlash uchun kiritiladi.
5. Qoraqalpogʻiston Respublikasi Vazirlar Kengashi va viloyatlar hokimliklari:
avtobus bekatlarini qurish va rekonstruksiya qilish uchun kiritilgan dasturlar doirasida ajratiladigan mablagʻlar xarajatlar smetalarida aks ettirilishini taʼminlash;
Qurilish va uy-joy kommunal xoʻjaligi vazirligi huzuridagi Qurilish va uy-joy kommunal xoʻjaligi sohasida nazorat qilish inspeksiyasi, Ichki ishlar vazirligi va Transport vazirligining hududiy boʻlinmalari bilan birgalikda savdo va maishiy xizmat koʻrsatish obyektlari mavjud boʻlgan faoliyat koʻrsatayotgan avtobus bekatlarida ushbu qarorning 2-bandida belgilangan minimal talablarni inobatga olgan holda, jamoat transportlari, yoʻlovchilar, shu jumladan, nogironligi boʻlgan shaxslar uchun qulay va xavfsiz shart-sharoit yaratish choralarini koʻrsin.
6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Transport vazirligi, Raqamli texnologiyalar vazirligi, Iqtisodiyot va moliya vazirligi huzuridagi Kadastr agentligi bilan birgalikda uch oy muddatda hududlarda joylashgan avtobus bekatlarining elektron ID-reyestrini yuritish hamda obyektlar joylashgan geografik lokatsiyani (Geocode) ID-kodga bogʻlash ishlarini tashkil etsin.
7. Vazirlar Mahkamasining “Avtomobil transporti sohasida davlat ishtirokidagi korxona faoliyatini takomillashtirish va moliyaviy sogʻlomlashtirish borasidagi qoʻshimcha chora-tadbirlar toʻgʻrisida” 2024-yil 9-avgustdagi 494-son qaroriga 3-ilovaga muvofiq oʻzgartirishlar kiritilsin.
8. Vazirlar Mahkamasi huzuridagi Soliq qoʻmitasi ikki oy muddatda mazkur qaror talablaridan kelib chiqib, Vazirlar Mahkamasining “Koʻchma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari toʻgʻrisida” 2021-yil 3-avgustdagi 485-son qaroriga tegishli oʻzgartirishlar kiritish boʻyicha Hukumat qarori loyihasini belgilangan tartibda kiritsin.
9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov, transport vaziri I.R. Maxkamov hamda Qoraqalpogʻiston Respublikasi Vazirlar Kengashi Raisi, viloyatlar hokimlari zimmasiga yuklansin.
Vazirlar Mahkamasining 2024-yil 14-noyabrdagi 757-son qaroriga 1-ILOVA
Umumiy foydalanishdagi avtomobil yoʻllarida Iqtisodiyot va moliya vazirligi huzuridagi Avtomobil yoʻllarini rivojlantirish maqsadli jamgʻarmasi mablagʻlari hisobidan avtobus bekatlarini qurish, rekonstruksiya qilish va jihozlash
T/r Hududlar nomi Jami 2024-yilda 2025-yilda 2026-yilda 2027-yilda 2028-yilda 2029-yilda 2030-yilda Reja Jami: 1 905 285 265 275 270 265 275 270 1. Qoraqalpogʻiston Respublikasi 125 15 15 20 20 15 20 20 2. Andijon viloyati 85 15 10 15 10 10 15 10 3. Buxoro viloyati 125 20 15 20 20 15 15 20 4. Jizzax viloyati 90 15 15 10 10 15 10 15 5. Qashqadaryo viloyati 195 30 25 30 25 30 25 30 6. Navoiy viloyati 140 20 20 20 20 20 20 20 7. Namangan viloyati 195 30 25 30 25 30 25 30 8. Samarqand viloyati 120 15 20 15 20 15 20 15 9. Surxondaryo viloyati 155 20 25 20 25 20 25 20 10. Sirdaryo viloyati 105 15 15 15 15 15 15 15 11. Toshkent viloyati 235 40 35 30 35 30 35 30 12. Fargʻona viloyati 140 20 20 20 20 20 20 20 13. Xorazm viloyati 195 30 25 30 25 30 30 25
Vazirlar Mahkamasining 2024-yil 14-noyabrdagi 757-son qaroriga 2-ILOVA
Shaharlar va boshqa aholi punktlarining koʻchalarida mahalliy budjet mablagʻlari hisobidan avtobus bekatlarini qurish, rekonstruksiya qilish va jihozlash
T/r Hududlar nomi Jami 2024-yilda 2025-yilda 2026-yilda 2027-yilda 2028-yilda 2029-yilda 2030-yilda Reja Jami: 3 261 472 473 514 438 492 410 462 1. Qoraqalpogʻiston Respublikasi 210 50 50 30 20 20 20 20 2. Andijon viloyati 98 10 12 12 18 12 15 19 3. Buxoro viloyati 250 30 30 40 35 40 35 40 4. Jizzax viloyati 251 36 35 40 35 40 30 35 5. Qashqadaryo viloyati 275 30 40 45 40 45 35 40 6. Navoiy viloyati 227 26 30 38 35 38 25 35 7. Namangan viloyati 343 55 51 57 45 50 40 45 8. Samarqand viloyati 103 6 7 10 20 15 25 20 9. Surxondaryo viloyati 305 45 45 55 40 45 35 40 10. Sirdaryo viloyati 185 24 27 28 25 28 25 28 11. Toshkent viloyati 229 35 34 30 35 30 35 30 12. Fargʻona viloyati 298 38 45 45 40 45 40 45 13. Xorazm viloyati 487 87 67 84 50 84 50 65
Vazirlar Mahkamasining 2024-yil 14-noyabrdagi 757-son qaroriga 3-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar
1. Vazirlar Mahkamasining 2019-yil 30-iyuldagi 636-son qarori bilan tasdiqlangan Avtomobil transportida yoʻlovchilarni shaharda, shahar atrofida, shaharlararo, xalqaro, shuningdek, yuklarni xalqaro yoʻnalishlar boʻyicha tashish faoliyatini litsenziyalash yuzasidan davlat xizmatlari koʻrsatishning maʼmuriy reglamentining 29-bandi birinchi xatboshisi “shaklda yuboriladi” soʻzlaridan keyin “lekin ushbu muddat oʻttiz ish kunidan ortiq boʻlmasligi lozim” soʻzlari bilan toʻldirilsin.
2. Vazirlar Mahkamasining “Koʻchma savdo faoliyatiga zamonaviy axborot texnologiyalarini yanada keng joriy etish hamda savdo avtomati orqali chakana savdo faoliyatini tartibga solish chora-tadbirlari toʻgʻrisida” 2021-yil 3-avgustdagi 485-son qarorida :
a) 3-bandning birinchi xatboshisi “koʻchma muzlatgichlar” soʻzlaridan keyin “hamda avtobus bekatlari” soʻzlari bilan toʻldirilsin;
b) 1-ilovaning 20-bandi birinchi xatboshisi , 31-bandi oltinchi xatboshisi , 35-bandi sakkizinchi xatboshisi hamda 40-bandi yettinchi xatboshisi “koʻchma muzlatgichlar” soʻzlaridan keyin “hamda avtobus bekatlari” soʻzlari bilan toʻldirilsin;
v) 2-ilova quyidagi mazmundagi 8-band bilan toʻldirilsin:
“8. Oʻzbekiston Respublikasi Transport vazirligi huzuridagi Avtomobil yoʻllari qoʻmitasining hududiy tashkilotlari”.
Oʻzbekiston Respublikasining Bosh vaziri A. ARIPOV
Toshkent sh.,
2024-yil 14-noyabr,
757-son