📅 2024-yil 17-oktabr · Markaziy bank hujjatlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 17 октябрь · Марказий банк ҳужжатлари
Расмий матн. Расмий ҳужжат. Таҳририй изоҳлар киритилмаган.
📅 17 октября 2024 г. · Документы Центрального банка
Официальный текст. Официальный документ. Редакционные примечания не включены.
📅 17 October 2024 · Central Bank documents
Official text. Official document. Editorial notes are not included.
Ўзбекистон Республикаси Иқтисодиёт ва молия вазирлиги Ўзбекистон Республикаси Вазирлар Маҳкамаси ҳузуридаги Солиқ қўмитаси Ўзбекистон Республикаси Марказий банки бошқарувининг
қарори
НИЗОМ
Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий жамғариб бориладиган пенсия бадалларини ҳисоблаш ва тўлаш тартиби тўғрисидаги низомни тасдиқлаш ҳақида
Ўзбекистон Республикасининг «Фуқароларнинг жамғариб бориладиган пенсия таъминоти тўғрисида»ги Қонуни ва Ўзбекистон Республикаси Вазирлар Маҳкамасининг 2004 йил 21 декабрдаги 595-сон «Фуқароларнинг жамғариб бориладиган пенсия таъминоти тўғрисида»ги Ўзбекистон Республикаси Қонунини амалга ошириш чора-тадбирлари ҳақида»ги қарорига мувофиқ, Ўзбекистон Республикаси Иқтисодиёт ва молия вазирлиги, Солиқ қўмитаси ва Марказий банки Бошқаруви қарор қилади:
1. Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий жамғариб бориладиган пенсия бадалларини ҳисоблаш ва тўлаш тартиби тўғрисидаги низом иловага мувофиқ тасдиқлансин.
2. Қуйидагилар ўз кучини йўқотган деб топилсин:
Ўзбекистон Республикаси Молия вазирлиги, Давлат солиқ қўмитаси ва Марказий банки бошқарувининг 2005 йил 29 августдаги 76, 2005-47, 267-В-сон «Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий бадалларни қўшиш ва тўлаш тартиби тўғрисидаги низомни тасдиқлаш ҳақида»ги қарори (рўйхат рақами 1515, 2005 йил 6 октябрь) (Ўзбекистон Республикаси қонун ҳужжатлари тўплами, 2005 й., 40-сон, 313-модда);
Ўзбекистон Республикаси Молия вазирлиги, Давлат солиқ қўмитаси ва Марказий банки бошқарувининг 2019 йил 17 январдаги 6, 2019-02, 267-В-1-сон «Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий бадалларни қўшиш ва тўлаш тартиби тўғрисидаги низомга ўзгартиришлар киритиш ҳақида»ги қарори (рўйхат рақами 1515-1, 2019 йил 21 январь) (Қонун ҳужжатлари маълумотлари миллий базаси, 22.01.2019 й., 10/19/1515-1/2513-сон).
3. Мазкур қарор акциядорлик тижорат Халқ банки билан келишилган.
4. Мазкур қарор расмий эълон қилинган кундан эътиборан кучга киради.
Келишилди:
Ўзбекистон Республикаси Иқтисодиёт ва молия вазирлигининг 2024 йил 17 октябрдаги 184-сон, Вазирлар Маҳкамаси ҳузуридаги Солиқ қўмитасининг 2024 йил 10 октябрдаги 2024-21-сон, Марказий банки бошқарувининг 2024 йил 8 октябрдаги 364-Б-сон қарорига ИЛОВА
Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий жамғариб бориладиган пенсия бадалларини ҳисоблаш ва тўлаш тартиби тўғрисидаги
Мазкур Низом иш берувчилар томонидан фуқароларнинг шахсий жамғариб бориладиган пенсия ҳисобварақларига (бундан буён матнда ШЖБПҲ деб юритилади) мажбурий жамғариб бориладиган пенсия бадалларини ҳисоблаш ва тўлаш тартибини белгилайди.
1-боб. Умумий қоидалар
1. Меҳнат фаолиятини меҳнат шартномалари бўйича амалга ошираётган фуқаролар (улар жумласига ишловчи пенсионерлар, ўриндошлар ҳам киради), шунингдек фуқаролик-ҳуқуқий шартномалар бўйича ишларни бажарадиган фуқаролар, агар ушбу ходимларнинг меҳнатга ҳақ тўлаш тарзидаги даромадларидан қонунчиликка мувофиқ жисмоний шахслардан олинадиган даромад солиғи ушланса, жамғариб бориладиган пенсия тўловларини олувчилар сифатида жамғариб бориладиган пенсия тизимининг мажбурий иштирокчилари ҳисобланадилар.
Қонунчиликка мувофиқ жисмоний шахслардан олинадиган даромад солиғини тўлашдан тўлиқ озод этилган бошқа фуқаролар, шунингдек, якка тартибдаги тадбиркорлар, юридик шахсни ташкил этмаган деҳқон хўжаликларининг аъзолари жамғариб бориладиган пенсия тизимида ихтиёрий асосда иштирок этадилар.
2. Ўзбекистон Республикаси ҳудудида доимий яшовчи чет эл фуқаролари ва фуқаролиги бўлмаган шахслар, агар Ўзбекистон Республикасининг амалдаги қонунлари ва халқаро шартномаларида бошқача қоида назарда тутилмаган бўлса, Ўзбекистон Республикаси фуқаролари билан тенг равишда жамғариб бориладиган пенсия таъминотига бўлган ҳуқуқдан фойдаланадилар.
3. Фуқароларнинг ШЖБПҲга мажбурий жамғариб бориладиган пенсия бадаллари ходимнинг солиқ солинадиган меҳнатга ҳақ тўлаш тарзидаги даромадларидан қонунчилик ҳужжатларида белгиланган миқдорда ҳисобланади, ушбу сумма жисмоний шахсларнинг даромадига қонунчиликка мувофиқ ҳисобланган солиқ суммасидан тегишинча чегирилади.
4. Иш берувчи юридик шахслар ўз ходимларининг ШЖБПҲига, мазкур юридик шахс ходим учун асосий иш жойи ҳисобланиши ёки у ўриндошлик асосида ишлаши ёхуд фуқаролик-ҳуқуқий шартнома бўйича ишларни бажаришидан қатъи назар, мажбурий жамғариб бориладиган пенсия бадалларини киритишга мажбурдир.
Жамғариб бориладиган пенсия тизимида шахсий ҳисобда турган (ШЖБПҲ ва жамғариб бориладиган пенсия дафтарчасига эга бўлган) фуқаролар иш берувчи билан меҳнат шартномасини тузиш чоғида (бунга ўриндошлик ёки фуқаролик-ҳуқуқий шартномаси шартларида тузишлар ҳам киради) иш берувчига ўз ШЖБПҲлари тўғрисида маълумотларни тақдим этадилар.
5. Даромадлари қонунчиликка мувофиқ ҳар бир ой учун меҳнатга ҳақ тўлашнинг энг кам миқдорининг 1,41 баравари миқдорида жисмоний шахслардан олинадиган даромад солиғига тортилмайдиган фуқаролар жамғариб бориладиган пенсия тизимида умумий асосларда иштирок этадилар, яъни иш берувчи, ходимнинг иш ҳақи бўйича солиқ солинадиган қисмидан қонунчилик ҳужжатларида белгиланган миқдордаги жамғариб бориладиган пенсия бадалини ШЖБПҲга ўтказади.
2-боб. Ушланган мажбурий жамғариб бориладиган пенсия бадалларини шахсий жамғариб бориладиган пенсия ҳисобварақларига ўтказиш
6. Иш берувчилар фуқароларнинг жамғариб бориладиган пенсия ҳисобварақларига мажбурий жамғариб бориладиган пенсия бадалларини бюджетга жисмоний шахслардан олинадиган даромад солиғини тўлаш билан биргаликда жисмоний шахслардан олинадиган даромад солиғини тўлаш учун белгиланган муддатларда ажратадилар. Бунда мажбурий жамғариб бориладиган пенсия бадалларини ўтказиш тўлов топшириқномаси воситасида амалга оширилади ва унда омонатчининг реквизитлари, ўтказиш мақсади, ўтказилаётган жамғариб бориладиган пенсия бадалларининг суммаси, иш берувчи солиқ тўловчи сифатида ҳисобга қўйилган жойдаги акциядорлик тижорат «Халқ банки» (бундан буён матнда Халқ банки деб юритилади) филиалига юбориладиган реестрнинг рақами ва санаси кўрсатилади.
Белгиланган тартибда натурал кўринишда тўлайдиган ёки маҳсулот сотилиши, ишлар бажарилиши ёки хизматлар кўрсатилишидан олинган тушумдан тўловни амалга оширадиган иш берувчи тўлов амалга оширилган ой тугаганидан кейин беш кун мобайнида жамғариб бориладиган пенсия бадаллари суммасини ўтказиши шарт.
7. Иш берувчи, мажбурий жамғариб бориладиган пенсия бадалларини фуқароларнинг ШЖБПҲига киритишни Халқ банки филиалидаги махсус транзит ҳисобвараққа ўтказиш йўли билан амалга оширади.
3-боб. Шахсий жамғариб бориладиган пенсия ҳисобварақларига киритилган мажбурий жамғариб бориладиган пенсия бадаллари бўйича ҳисоб-китоб ва ҳисобот
8. Иш берувчи жамғариб бориладиган пенсия бадалларининг омонатчиси жойлашган жойдаги Халқ банки филиали билан, агар ходимлари 25 нафардан ортиқ бўлган алоҳида бўлинмалари ва (ёки) филиаллари мавжуд бўлса, ушбу бўлинмалар ва (ёки) филиаллар жойлашган жойдаги Халқ банки филиаллари билан ШЖБПҲга мажбурий жамғариб бориладиган пенсия бадаллари бўйича ҳисоб-китоблар ҳисобини юритади.
9. Иш берувчи ҳар ойда ҳисобот ойидан кейинги ойнинг 15-кунига қадар жамғариб бориладиган пенсия бадаллари ўтказилган ҳар бир тўлов ҳужжати суммасига алоҳида, белгиланган тартибда ШЖБПҲ рақамлари, ҳар бир ходимнинг фамилияси, ҳисобланган иш ҳақи ва жамғариб бориладиган пенсия бадаллари суммаси кўрсатилган ҳолда ходимлар реестрларини (бундан буён матнда реестр деб юритилади) жамғариб бориладиган пенсия тизими (бундан буён матнда ЖБПТ деб юритилади) ягона маълумотлар электрон базаси форматида электрон ҳужжат сифатида шакллантириб, иш берувчи солиқ тўловчи сифатида ҳисобга қўйилган жойдаги Халқ банки филиалига электрон манбаларда тақдим этиши ёки уни Ягона интерактив давлат хизматлари порталидаги (бундан буён матнда ЯИДХП деб юритилади) шахсий «тадбиркорлик субъекти кабинети» ёхуд интернет жаҳон ахборот тармоғи орқали бевосита ЖБПТ ягона маълумотлар электрон базасига юбориши шарт.
Реестрни ЖБПТ ягона маълумотлар электрон базасига киритиш жараёнида хатолар ва тафовутлар аниқланган тақдирда ушбу реестр қабул қилинмайди ва автоматик тарзда хатоларни тузатиш ёки тафовутларни бартараф этиш учун иш берувчига қайтарилади.
Иш берувчи қайтарилган реестрдаги хатоларни ёки тафовутларни бартараф этади ҳамда уч кун муддатда иш берувчи солиқ тўловчи сифатида ҳисобга қўйилган жойдаги Халқ банки филиалига электрон манбаларда такроран тақдим этади ёки ЯИДХПдаги шахсий «тадбиркорлик субъекти кабинети» ёхуд интернет жаҳон ахборот тармоғи орқали юборади. Агар ҳисобот ойидан кейинги ойнинг 25-кунигача иш берувчи реестрга тузатиш киритиш чораларини кўрмаса, Халқ банки филиали бу ҳақда давлат солиқ хизматининг тегишли ҳудудий органини хабардор қилади.
10. Хўжалик юритувчи субъектлар ва бюджет ташкилотлари ШЖБПҲ бўйича бухгалтерия ёзувларини бухгалтерия ҳисоби тўғрисидаги қонунчилик ҳужжатларига мувофиқ акс эттиради.
4-боб. Халқ банки филиали томонидан давлат солиқ хизмати органларига ахборот тақдим этилиши
11. Халқ банки ҳар куни Ўзбекистон Республикаси Солиқ қўмитасига электрон маълумот алмашиш каналлари орқали ҳар бир филиал кесимида транзит ҳисобвараққа келиб тушган суммалар тўғрисидаги кўчирмани электрон шаклда тақдим этиб, унда юридик шахснинг СТИРи, номи ва ШЖБПҲга киритилган бадаллар суммасини кўрсатади.
12. Халқ банки ҳар ойда марказлашган ҳолда ҳисобот ойидан кейинги ойнинг 26-кунига қадар Ўзбекистон Республикаси Солиқ қўмитасига мазкур Низомнинг иловасига мувофиқ шаклда фуқароларнинг ШЖБПҲига бадаллар киритган юридик шахслар тўғрисида маълумотларни филиаллар кесимида тақдим этади. Бунда, маълумотлар электрон шаклларда ўзаро электрон маълумот алмашиш каналлари орқали тақдим этилади.
5-боб. Якуний қоидалар
13. Иш берувчи томонидан ШЖБПҲга мажбурий жамғариб бориладиган пенсия бадалларининг тўғри ва тўлиқ ҳисобланиши ҳамда ўз вақтида киритилиши устидан назоратни давлат солиқ хизмати органлари амалга оширади.
14. Иш берувчи амалдаги қонунчиликка мувофиқ Халқ банки филиалига тақдим этиладиган, ШЖБПҲга ҳисобга қўйиш учун зарур маълумотларнинг, шунингдек фуқароларнинг шахсий маълумотлари билан боғлиқ барча ўзгаришлар (меҳнат шартномасини тузиш ёки бекор қилиш, паспорт маълумотларини ва шахсий жамғариб бориладиган пенсия ҳисобварақларини юритиш учун зарур бошқа маълумотлар) тўғрисидаги маълумотларнинг тўғрилиги ва ШЖБПҲга бадалларни ўз вақтида киритилиши ҳамда уларнинг талабларига кўра фуқароларга ҳисобланган ва киритилган жамғариб бориладиган пенсия бадаллари тўғрисидаги маълумотларнинг тақдим этилиши учун жавобгардир.
15. Халқ банки амалдаги қонунчиликка мувофиқ фуқароларнинг ШЖБПҲларини очиш ва юритиш, фуқароларни ушбу ҳисобварақларнинг ҳолати тўғрисида хабардор қилиш, жамғариб бориладиган пенсия тўловларини тайинлаш ва бериш тартибини бузганлик, шунингдек мазкур Низомнинг 12 ва 13-бандларида назарда тутилган маълумотларни ўз вақтида ва тўғри тақдим этиш учун жавобгар бўлади.
Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий жамғариб бориладиган пенсия бадалларини ҳисоблаш ва тўлаш тартиби тўғрисидаги низомга ИЛОВА
Солиқ инспекциясига _________________________________ Банк номи _________________________ Банк реквизитлари ___________________ Манзил ___________________________ СТИР № __________________________ 20 __ йил «____» _________ даги ҳолат бўйича шахсий жамғариб бориладиган пенсия ҳисобварақларига бадаллар киритган юридик шахслар тўғрисида __-сон МАЪЛУМОТЛАР Т/р Юридик шахслар Юридик шахс СТИРи Уларга жамғариб бориладиган бадаллар ўтказиладиган ходимлар сони Жисмоний шахсларнинг даромад солиғига тортиладиган жами даромад суммаси ШЖБПҲга қайд этилган мажбурий бадаллар суммаси ШЖБПҲга қайд этилган ихтиёрий бадаллар суммаси Киритилган бадаллар умумий суммаси (6-уст. + 7-уст.) 1 2 3 4 5 6 7 8 РЕЕСТР БЎЙИЧА ЖАМИ: Халқ банки филиали раҳбари ______________ ______________________________ (имзо) (имзо) Бош бухгалтер ______________ ______________________________ (имзо) (имзо)
Иқтисодиёт ва молия вазири Д. КУЧКАРОВ
Солиқ қўмитаси раиси Ш. КУДБИЕВ
Марказий банк раиси М. НУРМУРАТОВ
Акциядорлик тижорат Халқ банки бошқарув раиси С. АТАБАЕВ
Тошкент ш.,
2024 йил 17 октябрь,
Тошкент ш.,
2024 йил 10 октябрь,
Тошкент ш.,
2024 йил 8 октябрь,
2024 йил 2 октябрь
184-сон
2024-21-сон
364-В-сон
Oʻzbekiston Respublikasi Iqtisodiyot va moliya vazirligi Oʻzbekiston Respublikasi Vazirlar Mahkamasi huzuridagi Soliq qoʻmitasi Oʻzbekiston Respublikasi Markaziy banki boshqaruvining
qarori
NIZOM
Ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga majburiy jamgʻarib boriladigan pensiya badallarini hisoblash va toʻlash tartibi toʻgʻrisidagi nizomni tasdiqlash haqida
Oʻzbekiston Respublikasining “Fuqarolarning jamgʻarib boriladigan pensiya taʼminoti toʻgʻrisida”gi Qonuni va Oʻzbekiston Respublikasi Vazirlar Mahkamasining 2004-yil 21-dekabrdagi 595-son “Fuqarolarning jamgʻarib boriladigan pensiya taʼminoti toʻgʻrisida”gi Oʻzbekiston Respublikasi Qonunini amalga oshirish chora-tadbirlari haqida”gi qaroriga muvofiq, Oʻzbekiston Respublikasi Iqtisodiyot va moliya vazirligi, Soliq qoʻmitasi va Markaziy banki Boshqaruvi qaror qiladi:
1. Ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga majburiy jamgʻarib boriladigan pensiya badallarini hisoblash va toʻlash tartibi toʻgʻrisidagi nizom ilovaga muvofiq tasdiqlansin.
2. Quyidagilar oʻz kuchini yoʻqotgan deb topilsin:
Oʻzbekiston Respublikasi Moliya vazirligi, Davlat soliq qoʻmitasi va Markaziy banki boshqaruvining 2005-yil 29-avgustdagi 76, 2005-47, 267-V-son “Ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga majburiy badallarni qoʻshish va toʻlash tartibi toʻgʻrisidagi nizomni tasdiqlash haqida”gi qarori (roʻyxat raqami 1515, 2005-yil 6-oktabr) (Oʻzbekiston Respublikasi qonun hujjatlari toʻplami, 2005-y., 40-son, 313-modda);
Oʻzbekiston Respublikasi Moliya vazirligi, Davlat soliq qoʻmitasi va Markaziy banki boshqaruvining 2019-yil 17-yanvardagi 6, 2019-02, 267-V-1-son “Ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga majburiy badallarni qoʻshish va toʻlash tartibi toʻgʻrisidagi nizomga oʻzgartirishlar kiritish haqida”gi qarori (roʻyxat raqami 1515-1, 2019-yil 21-yanvar) (Qonun hujjatlari maʼlumotlari milliy bazasi, 22.01.2019-y., 10/19/1515-1/2513-son).
3. Mazkur qaror aksiyadorlik tijorat Xalq banki bilan kelishilgan.
4. Mazkur qaror rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi Iqtisodiyot va moliya vazirligining 2024-yil 17-oktabrdagi 184-son, Vazirlar Mahkamasi huzuridagi Soliq qoʻmitasining 2024-yil 10-oktabrdagi 2024-21-son, Markaziy banki boshqaruvining 2024-yil 8-oktabrdagi 364-B-son qaroriga ILOVA
Ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga majburiy jamgʻarib boriladigan pensiya badallarini hisoblash va toʻlash tartibi toʻgʻrisidagi
Mazkur Nizom ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga (bundan buyon matnda SHJBPH deb yuritiladi) majburiy jamgʻarib boriladigan pensiya badallarini hisoblash va toʻlash tartibini belgilaydi.
1-bob. Umumiy qoidalar
1. Mehnat faoliyatini mehnat shartnomalari boʻyicha amalga oshirayotgan fuqarolar (ular jumlasiga ishlovchi pensionerlar, oʻrindoshlar ham kiradi), shuningdek fuqarolik-huquqiy shartnomalar boʻyicha ishlarni bajaradigan fuqarolar, agar ushbu xodimlarning mehnatga haq toʻlash tarzidagi daromadlaridan qonunchilikka muvofiq jismoniy shaxslardan olinadigan daromad soligʻi ushlansa, jamgʻarib boriladigan pensiya toʻlovlarini oluvchilar sifatida jamgʻarib boriladigan pensiya tizimining majburiy ishtirokchilari hisoblanadilar.
Qonunchilikka muvofiq jismoniy shaxslardan olinadigan daromad soligʻini toʻlashdan toʻliq ozod etilgan boshqa fuqarolar, shuningdek, yakka tartibdagi tadbirkorlar, yuridik shaxsni tashkil etmagan dehqon xoʻjaliklarining aʼzolari jamgʻarib boriladigan pensiya tizimida ixtiyoriy asosda ishtirok etadilar.
2. Oʻzbekiston Respublikasi hududida doimiy yashovchi chet el fuqarolari va fuqaroligi boʻlmagan shaxslar, agar Oʻzbekiston Respublikasining amaldagi qonunlari va xalqaro shartnomalarida boshqacha qoida nazarda tutilmagan boʻlsa, Oʻzbekiston Respublikasi fuqarolari bilan teng ravishda jamgʻarib boriladigan pensiya taʼminotiga boʻlgan huquqdan foydalanadilar.
3. Fuqarolarning SHJBPHga majburiy jamgʻarib boriladigan pensiya badallari xodimning soliq solinadigan mehnatga haq toʻlash tarzidagi daromadlaridan qonunchilik hujjatlarida belgilangan miqdorda hisoblanadi, ushbu summa jismoniy shaxslarning daromadiga qonunchilikka muvofiq hisoblangan soliq summasidan tegishincha chegiriladi.
4. Ish beruvchi yuridik shaxslar oʻz xodimlarining SHJBPHiga, mazkur yuridik shaxs xodim uchun asosiy ish joyi hisoblanishi yoki u oʻrindoshlik asosida ishlashi yoxud fuqarolik-huquqiy shartnoma boʻyicha ishlarni bajarishidan qatʼi nazar, majburiy jamgʻarib boriladigan pensiya badallarini kiritishga majburdir.
Jamgʻarib boriladigan pensiya tizimida shaxsiy hisobda turgan (SHJBPH va jamgʻarib boriladigan pensiya daftarchasiga ega boʻlgan) fuqarolar ish beruvchi bilan mehnat shartnomasini tuzish chogʻida (bunga oʻrindoshlik yoki fuqarolik-huquqiy shartnomasi shartlarida tuzishlar ham kiradi) ish beruvchiga oʻz SHJBPHlari toʻgʻrisida maʼlumotlarni taqdim etadilar.
5. Daromadlari qonunchilikka muvofiq har bir oy uchun mehnatga haq toʻlashning eng kam miqdorining 1,41 baravari miqdorida jismoniy shaxslardan olinadigan daromad soligʻiga tortilmaydigan fuqarolar jamgʻarib boriladigan pensiya tizimida umumiy asoslarda ishtirok etadilar, yaʼni ish beruvchi, xodimning ish haqi boʻyicha soliq solinadigan qismidan qonunchilik hujjatlarida belgilangan miqdordagi jamgʻarib boriladigan pensiya badalini SHJBPHga oʻtkazadi.
2-bob. Ushlangan majburiy jamgʻarib boriladigan pensiya badallarini shaxsiy jamgʻarib boriladigan pensiya hisobvaraqlariga oʻtkazish
6. Ish beruvchilar fuqarolarning jamgʻarib boriladigan pensiya hisobvaraqlariga majburiy jamgʻarib boriladigan pensiya badallarini budjetga jismoniy shaxslardan olinadigan daromad soligʻini toʻlash bilan birgalikda jismoniy shaxslardan olinadigan daromad soligʻini toʻlash uchun belgilangan muddatlarda ajratadilar. Bunda majburiy jamgʻarib boriladigan pensiya badallarini oʻtkazish toʻlov topshiriqnomasi vositasida amalga oshiriladi va unda omonatchining rekvizitlari, oʻtkazish maqsadi, oʻtkazilayotgan jamgʻarib boriladigan pensiya badallarining summasi, ish beruvchi soliq toʻlovchi sifatida hisobga qoʻyilgan joydagi aksiyadorlik tijorat “Xalq banki” (bundan buyon matnda Xalq banki deb yuritiladi) filialiga yuboriladigan reyestrning raqami va sanasi koʻrsatiladi.
Belgilangan tartibda natural koʻrinishda toʻlaydigan yoki mahsulot sotilishi, ishlar bajarilishi yoki xizmatlar koʻrsatilishidan olingan tushumdan toʻlovni amalga oshiradigan ish beruvchi toʻlov amalga oshirilgan oy tugaganidan keyin besh kun mobaynida jamgʻarib boriladigan pensiya badallari summasini oʻtkazishi shart.
7. Ish beruvchi, majburiy jamgʻarib boriladigan pensiya badallarini fuqarolarning SHJBPHiga kiritishni Xalq banki filialidagi maxsus tranzit hisobvaraqqa oʻtkazish yoʻli bilan amalga oshiradi.
3-bob. Shaxsiy jamgʻarib boriladigan pensiya hisobvaraqlariga kiritilgan majburiy jamgʻarib boriladigan pensiya badallari boʻyicha hisob-kitob va hisobot
8. Ish beruvchi jamgʻarib boriladigan pensiya badallarining omonatchisi joylashgan joydagi Xalq banki filiali bilan, agar xodimlari 25 nafardan ortiq boʻlgan alohida boʻlinmalari va (yoki) filiallari mavjud boʻlsa, ushbu boʻlinmalar va (yoki) filiallar joylashgan joydagi Xalq banki filiallari bilan SHJBPHga majburiy jamgʻarib boriladigan pensiya badallari boʻyicha hisob-kitoblar hisobini yuritadi.
9. Ish beruvchi har oyda hisobot oyidan keyingi oyning 15-kuniga qadar jamgʻarib boriladigan pensiya badallari oʻtkazilgan har bir toʻlov hujjati summasiga alohida, belgilangan tartibda SHJBPH raqamlari, har bir xodimning familiyasi, hisoblangan ish haqi va jamgʻarib boriladigan pensiya badallari summasi koʻrsatilgan holda xodimlar reyestrlarini (bundan buyon matnda reyestr deb yuritiladi) jamgʻarib boriladigan pensiya tizimi (bundan buyon matnda JBPT deb yuritiladi) yagona maʼlumotlar elektron bazasi formatida elektron hujjat sifatida shakllantirib, ish beruvchi soliq toʻlovchi sifatida hisobga qoʻyilgan joydagi Xalq banki filialiga elektron manbalarda taqdim etishi yoki uni Yagona interaktiv davlat xizmatlari portalidagi (bundan buyon matnda YIDXP deb yuritiladi) shaxsiy “tadbirkorlik subyekti kabineti” yoxud internet jahon axborot tarmogʻi orqali bevosita JBPT yagona maʼlumotlar elektron bazasiga yuborishi shart.
Reyestrni JBPT yagona maʼlumotlar elektron bazasiga kiritish jarayonida xatolar va tafovutlar aniqlangan taqdirda ushbu reyestr qabul qilinmaydi va avtomatik tarzda xatolarni tuzatish yoki tafovutlarni bartaraf etish uchun ish beruvchiga qaytariladi.
Ish beruvchi qaytarilgan reyestrdagi xatolarni yoki tafovutlarni bartaraf etadi hamda uch kun muddatda ish beruvchi soliq toʻlovchi sifatida hisobga qoʻyilgan joydagi Xalq banki filialiga elektron manbalarda takroran taqdim etadi yoki YIDXPdagi shaxsiy “tadbirkorlik subyekti kabineti” yoxud internet jahon axborot tarmogʻi orqali yuboradi. Agar hisobot oyidan keyingi oyning 25-kunigacha ish beruvchi reyestrga tuzatish kiritish choralarini koʻrmasa, Xalq banki filiali bu haqda davlat soliq xizmatining tegishli hududiy organini xabardor qiladi.
10. Xoʻjalik yurituvchi subyektlar va budjet tashkilotlari SHJBPH boʻyicha buxgalteriya yozuvlarini buxgalteriya hisobi toʻgʻrisidagi qonunchilik hujjatlariga muvofiq aks ettiradi.
4-bob. Xalq banki filiali tomonidan davlat soliq xizmati organlariga axborot taqdim etilishi
11. Xalq banki har kuni Oʻzbekiston Respublikasi Soliq qoʻmitasiga elektron maʼlumot almashish kanallari orqali har bir filial kesimida tranzit hisobvaraqqa kelib tushgan summalar toʻgʻrisidagi koʻchirmani elektron shaklda taqdim etib, unda yuridik shaxsning STIRi, nomi va SHJBPHga kiritilgan badallar summasini koʻrsatadi.
12. Xalq banki har oyda markazlashgan holda hisobot oyidan keyingi oyning 26-kuniga qadar Oʻzbekiston Respublikasi Soliq qoʻmitasiga mazkur Nizomning ilovasiga muvofiq shaklda fuqarolarning SHJBPHiga badallar kiritgan yuridik shaxslar toʻgʻrisida maʼlumotlarni filiallar kesimida taqdim etadi. Bunda, maʼlumotlar elektron shakllarda oʻzaro elektron maʼlumot almashish kanallari orqali taqdim etiladi.
5-bob. Yakuniy qoidalar
13. Ish beruvchi tomonidan SHJBPHga majburiy jamgʻarib boriladigan pensiya badallarining toʻgʻri va toʻliq hisoblanishi hamda oʻz vaqtida kiritilishi ustidan nazoratni davlat soliq xizmati organlari amalga oshiradi.
14. Ish beruvchi amaldagi qonunchilikka muvofiq Xalq banki filialiga taqdim etiladigan, SHJBPHga hisobga qoʻyish uchun zarur maʼlumotlarning, shuningdek fuqarolarning shaxsiy maʼlumotlari bilan bogʻliq barcha oʻzgarishlar (mehnat shartnomasini tuzish yoki bekor qilish, pasport maʼlumotlarini va shaxsiy jamgʻarib boriladigan pensiya hisobvaraqlarini yuritish uchun zarur boshqa maʼlumotlar) toʻgʻrisidagi maʼlumotlarning toʻgʻriligi va SHJBPHga badallarni oʻz vaqtida kiritilishi hamda ularning talablariga koʻra fuqarolarga hisoblangan va kiritilgan jamgʻarib boriladigan pensiya badallari toʻgʻrisidagi maʼlumotlarning taqdim etilishi uchun javobgardir.
15. Xalq banki amaldagi qonunchilikka muvofiq fuqarolarning SHJBPHlarini ochish va yuritish, fuqarolarni ushbu hisobvaraqlarning holati toʻgʻrisida xabardor qilish, jamgʻarib boriladigan pensiya toʻlovlarini tayinlash va berish tartibini buzganlik, shuningdek mazkur Nizomning 12 va 13-bandlarida nazarda tutilgan maʼlumotlarni oʻz vaqtida va toʻgʻri taqdim etish uchun javobgar boʻladi.
Ish beruvchilar tomonidan fuqarolarning shaxsiy jamgʻarib boriladigan pensiya hisobvaraqlariga majburiy jamgʻarib boriladigan pensiya badallarini hisoblash va toʻlash tartibi toʻgʻrisidagi nizomga ILOVA
Soliq inspeksiyasiga _________________________________ Bank nomi _________________________ Bank rekvizitlari ___________________ Manzil ___________________________ STIR № __________________________ 20 __ yil “____” _________ dagi holat boʻyicha shaxsiy jamgʻarib boriladigan pensiya hisobvaraqlariga badallar kiritgan yuridik shaxslar toʻgʻrisida __-son MAʼLUMOTLAR T/r Yuridik shaxslar Yuridik shaxs STIRi Ularga jamgʻarib boriladigan badallar oʻtkaziladigan xodimlar soni Jismoniy shaxslarning daromad soligʻiga tortiladigan jami daromad summasi SHJBPHga qayd etilgan majburiy badallar summasi SHJBPHga qayd etilgan ixtiyoriy badallar summasi Kiritilgan badallar umumiy summasi (6-ust. + 7-ust.) 1 2 3 4 5 6 7 8 REYESTR BOʻYICHA JAMI: Xalq banki filiali rahbari ______________ ______________________________ (imzo) (imzo) Bosh buxgalter ______________ ______________________________ (imzo) (imzo)
Iqtisodiyot va moliya vaziri D. KUCHKAROV
Soliq qoʻmitasi raisi Sh. KUDBIYEV
Markaziy bank raisi M. NURMURATOV
Aksiyadorlik tijorat Xalq banki boshqaruv raisi S. ATABAYEV
Toshkent sh.,
2024-yil 17-oktabr,
Toshkent sh.,
2024-yil 10-oktabr,
Toshkent sh.,
2024-yil 8-oktabr,
2024-yil 2-oktabr
184-son
2024-21-son
364-V-son
Министерства экономики и финансов Республики Узбекистан Налогового комитета при Кабинете Министров Республики Узбекистан Правления Центрального банка Республики Узбекистан
Постановление
Об утверждении Положения о порядке начисления и уплаты работодателями обязательных накопительных пенсионных взносов на индивидуальные накопительные пенсионные счета граждан
В соответствии с Законом Республики Узбекистан «О накопительном пенсионном обеспечении граждан» и постановлением Кабинета Министров Республики Узбекистан от 21 декабря 2004 года № 595 «О мерах по реализации Закона Республики Узбекистан «О накопительном пенсионном обеспечении граждан» Министерство экономики и финансов, Налоговый комитет при Кабинете Министров и Правление Центрального банка Республики Узбекистан постановляют:
1. Утвердить Положение о порядке начисления и уплаты работодателями обязательных накопительных пенсионных взносов на индивидуальные накопительные пенсионные счета граждан согласно приложению * .
2. Признать утратившими силу:
постановление Министерства финансов, Государственного налогового комитета и правления Центрального банка Республики Узбекистан от 29 августа 2005 года № 76, 2005-47, 267-В «Об утверждении Положения о порядке начисления и уплаты работодателями обязательных взносов на индивидуальные накопительные пенсионные счета граждан» (рег. № 1515 от 6 октября 2005 года) (Собрание законодательства Республики Узбекистан, 2005 г., № 40, ст. 313);
постановление Министерства финансов, Государственного налогового комитета и правления Центрального банка Республики Узбекистан от 17 января 2019 года № 6, 2019-02, 267-В-1 «О внесении изменений в Положение о порядке начисления и уплаты работодателями обязательных взносов на индивидуальные накопительные пенсионные счета граждан» (рег. № 1515-1 от 21 января 2019 года) (Национальная база данных законодательства, 22.01.2019 г., № 10/19/1515-1/2513).
3. Настоящее постановление согласовано с Акционерным коммерческим Народным банком.
4. Настоящее постановление вступает в силу со дня его официального опубликования.
Согласовано:
Министр экономики и финансов Д. КУЧКАРОВ
Председатель Налогового комитета Ш. КУДБИЕВ
Председатель Центрального банка М. НУРМУРАТОВ
Председатель правления Акционерного коммерческого Народного банка С. АТАБАЕВ
г. Ташкент,
17 октября 2024 г.,
г. Ташкент,
10 октября 2024 г.,
г. Ташкент,
8 октября 2024 г.,
2 октября 2024 года
№ 184
№ 2024-21
№ 364-В