UzbekAI

Ўзбекистон Республикаси Президентининг

қарори

Таълим соҳасида хусусий сектор иштирокини ошириш бўйича қўшимча чора-тадбирлар тўғрисида

Нодавлат таълим хизматларини кўрсатиш фаолиятини қўллаб-қувватлаш, таълим соҳасида хусусий сектор улушини янада ошириш, ушбу йўналишдаги тадбиркорлик субъектларига қулай шарт-шароитлар яратиш ҳамда ўқитишнинг инновацион педагогик шакллари, услублари ва технологияларини жорий қилиш мақсадида:

1. Ўзбекистон Республикаси Президентининг 2017 йил 15 сентябрдаги « Нодавлат таълим хизматлари кўрсатиш фаолиятини янада ривожлантириш чора-тадбирлари тўғрисида »ги ПҚ-3276-сон ҳамда 2018 йил 5 сентябрдаги « Мактабгача ва мактаб таълими тизимига бошқарувнинг янги тамойилларини жорий этиш чора-тадбирлари тўғрисида »ги ПҚ-3931-сон қарорларига мувофиқ 2025 йил 1 январга қадар:

нодавлат мактабгача ва умумий ўрта таълим ташкилотлари барча турдаги солиқ (бундан ижтимоий солиқ мустасно) ва йиғимлардан;

Ўзбекистон Республикасида ишлаб чиқарилмайдиган, белгиланган тартибда шакллантириладиган рўйхатлар бўйича нодавлат мактабгача ва умумий ўрта таълим ташкилотларини жиҳозлаш ва фаолиятини таъминлаш учун олиб кириладиган замонавий ўқув ва лаборатория ускуналари, компьютер техникаси, дастурий маҳсулотлар, ўқув ва илмий-методик адабиётлар, анжомлар ва моддий-техник ресурслар божхона тўловларидан (божхона расмийлаштируви учун йиғимлар бундан мустасно);

нодавлат мактабгача ва умумий ўрта таълим ташкилотларида меҳнат фаолиятини амалга ошираётган чет эллик ўқитувчи ва мутахассислар жисмоний шахслардан олинадиган даромад солиғи ва ижтимоий солиқдан озод қилинганлиги маълумот учун қабул қилинсин.

2. Мактабгача ва мактаб таълими вазирлиги ҳамда Иқтисодиёт ва молия вазирлигининг мазкур қарорнинг 1-бандида назарда тутилган имтиёзларнинг амал қилиш муддатини 2030 йил 1 январга қадар узайтириш тўғрисидаги таклифлари маъқуллансин.

3. Белгилансинки, 2025 йил 1 январдан бошлаб:

нодавлат таълим ташкилотлари томонидан педагогик фаолиятни доимий асосда амалга ошириш учун жалб этиладиган хорижий мутахассисларга «А-2» ўқитувчилар кириш визаларини бериш йўлга қўйилади;

давлат ва нодавлат таълим ташкилотлари томонидан хориждан жалб қилинган мутахассисларга Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқнома беришда ундириладиган йиғим миқдори базавий ҳисоблаш миқдорининг ўттиз бараваридан бир бараваригача камайтирилади;

нодавлат мактабгача, умумий ўрта ва мактабдан ташқари таълим ташкилотларининг раҳбар ва педагог ходимлари малакасини оширишни А. Авлоний номидаги педагогик маҳорат миллий институти, педагогик маҳорат марказлари ҳамда белгиланган тартибда шакллантириладиган реестрга киритилган нодавлат малака ошириш ташкилотларида Давлат бюджети маблағлари ҳисобидан амалга ошириш тартиби жорий этилади;

Ўзбекистон Республикаси Президентининг 2023 йил 26 июлдаги «Тошкент шаҳрида давлат ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга ошириш ва шаҳар инфратузилмасини яхшилаш бўйича ҳуқуқий экспериментни ўтказиш чора-тадбирлари тўғрисида»ги ПҚ-236-сон қарорининг 5-банди «г» кичик бандида белгиланган тўловлар (муҳандислик-коммуникация тармоқлари ва транспорт инфратузилмасини яратиш харажатларининг бир қисмини қоплаш учун тўлов) нодавлат мактабгача ва умумий ўрта таълим ташкилотларини қуриш лойиҳаларига татбиқ этилмайди.

4. Мактабгача ва мактаб таълими вазирлиги Савдо-саноат палатаси, бошқа манфаатдор вазирлик ва идоралар билан биргаликда мазкур қарорнинг мазмун-моҳиятини нодавлат таълим хизматларини кўрсатиш фаолияти билан шуғулланадиган юридик шахслар ўртасида тушунтириш ишларини ташкил этсин.

5. Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига иловага мувофиқ ўзгартиришлар киритилсин.

6. Қуйидагилар:

Иқтисодиёт ва молия вазирлиги Мактабгача ва мактаб таълими вазирлиги ҳамда Солиқ қўмитаси билан биргаликда бир ой муддатда нодавлат таълим хизматларини кўрсатиш фаолияти билан шуғулланадиган юридик шахсларга мазкур қарорда назарда тутилган солиқ имтиёзларини тақдим этиш бўйича қонун лойиҳасини;

Камбағалликни қисқартириш ва бандлик вазирлиги Мактабгача ва мактаб таълими вазирлиги билан биргаликда бир ой муддатда нодавлат таълим ташкилотлари томонидан хориждан жалб қилинган мутахассисларга Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқнома беришда ундириладиган йиғим миқдорини ўзгартиришни назарда тутувчи қонун лойиҳасини;

Мактабгача ва мактаб таълими вазирлиги Ташқи ишлар вазирлиги, Камбағалликни қисқартириш ва бандлик вазирлиги ҳамда Адлия вазирлиги билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни Вазирлар Маҳкамасига киритсин.

7. Мазкур қарорнинг ижросини самарали ташкил қилишга масъул ва шахсий жавобгар этиб Ўзбекистон Республикаси Бош вазирининг ўринбосари Ж.А. Қўчқоров, камбағалликни қисқартириш ва бандлик вазири Б.Э. Захидов ҳамда мактабгача ва мактаб таълими вазири Х.У. Умарова белгилансин.

Қарор ижросини назорат қилиш, ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2024 йил 22 ноябрдаги ПҚ-403-сон қарорига ИЛОВА

Ўзбекистон Республикаси Президентининг ва Ўзбекистон Республикаси Ҳукуматининг айрим қарорларига киритилаётган ўзгартиришлар

1. Ўзбекистон Республикаси Президентининг 2023 йил 20 июлдаги «Янги Тошкент шаҳрини барпо этиш чора-тадбирлари тўғрисида»ги ПҚ-232-сон қарори 16-банди «б» кичик бандининг биринчи хатбошисидаги «якка тартибдаги уй-жойлар» сўзлари «якка тартибдаги уй-жойлар ҳамда нодавлат мактабгача ва умумий ўрта таълим ташкилотлари» сўзлари билан алмаштирилсин.

2. Ўзбекистон Республикаси Президентининг 2023 йил 26 июлдаги «Тошкент шаҳрида давлат ва тадбиркорлик субъектлари ўртасида ўзаро манфаатли ҳамкорлик асосида инвестиция лойиҳаларини амалга ошириш ва шаҳар инфратузилмасини яхшилаш бўйича ҳуқуқий экспериментни ўтказиш чора-тадбирлари тўғрисида»ги ПҚ-236-сон қарори 5-банди «г» кичик бандининг биринчи хатбошисидаги «объектлар ва якка тартибдаги уй-жойлар» сўзлари «объектлар, якка тартибдаги уй-жойлар ҳамда нодавлат мактабгача ва умумий ўрта таълим ташкилотлари» сўзлари билан алмаштирилсин.

3. Вазирлар Маҳкамасининг 1996 йил 21 ноябрдаги «Хорижий фуқароларнинг ва фуқаролиги бўлмаган шахсларнинг Ўзбекистон Республикасига келишлари, кетишлари, бу ерда бўлишлари ва транзит ўтишлари тартиби тўғрисида»ги 408-сон қарорига 4-илованинг 21-позицияси «Таъриф» устуни иккинчи хатбошиси қуйидаги таҳрирда баён этилсин:

«Давлат ва нодавлат таълим ташкилотларига педагогик фаолиятни амалга ошириш учун жалб қилинадиган хорижий фуқароларга 1 йилгача муддатга берилади. Вазирликлар ва идоралар, шунингдек, ўз тасарруфида таълим ташкилотига эга бўлган Ўзбекистон Республикаси давлат ташкилотларининг илтимосномаларига кўра расмийлаштирилади».

4. Вазирлар Маҳкамасининг 2022 йил 22 февралдаги 86-сон қарори билан тасдиқланган Махсус электрон тизим орқали рухсат этиш хусусиятига эга айрим ҳужжатларни бериш тартиб-таомиллари тўғрисидаги ягона низомнинг 20-иловасида :

а) 5-позициянинг «е» кичик банди «Е» меҳнат визаси,» сўзларидан кейин «А-2» ўқитувчилар кириш визаси,» сўзлари билан тўлдирилсин;

б) 7-позициянинг биринчи хатбошисидаги «Президент мактаблари ва олий ўқув юртларида» сўзлари «давлат ва нодавлат таълим ташкилотларида» сўзлари билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 22 ноябрь,

ПҚ-403-сон

(Қонунчилик маълумотлари миллий базаси, 23.11.2024 й., 07/24/403/0955-сон)

lex.uz

Oʻzbekiston Respublikasi Prezidentining

qarori

Taʼlim sohasida xususiy sektor ishtirokini oshirish boʻyicha qoʻshimcha chora-tadbirlar toʻgʻrisida

Nodavlat taʼlim xizmatlarini koʻrsatish faoliyatini qoʻllab-quvvatlash, taʼlim sohasida xususiy sektor ulushini yanada oshirish, ushbu yoʻnalishdagi tadbirkorlik subyektlariga qulay shart-sharoitlar yaratish hamda oʻqitishning innovatsion pedagogik shakllari, uslublari va texnologiyalarini joriy qilish maqsadida:

1. Oʻzbekiston Respublikasi Prezidentining 2017-yil 15-sentabrdagi “ Nodavlat taʼlim xizmatlari koʻrsatish faoliyatini yanada rivojlantirish chora-tadbirlari toʻgʻrisida ”gi PQ-3276-son hamda 2018-yil 5-sentabrdagi “ Maktabgacha va maktab taʼlimi tizimiga boshqaruvning yangi tamoyillarini joriy etish chora-tadbirlari toʻgʻrisida ”gi PQ-3931-son qarorlariga muvofiq 2025-yil 1-yanvarga qadar:

nodavlat maktabgacha va umumiy oʻrta taʼlim tashkilotlari barcha turdagi soliq (bundan ijtimoiy soliq mustasno) va yigʻimlardan;

Oʻzbekiston Respublikasida ishlab chiqarilmaydigan, belgilangan tartibda shakllantiriladigan roʻyxatlar boʻyicha nodavlat maktabgacha va umumiy oʻrta taʼlim tashkilotlarini jihozlash va faoliyatini taʼminlash uchun olib kiriladigan zamonaviy oʻquv va laboratoriya uskunalari, kompyuter texnikasi, dasturiy mahsulotlar, oʻquv va ilmiy-metodik adabiyotlar, anjomlar va moddiy-texnik resurslar bojxona toʻlovlaridan (bojxona rasmiylashtiruvi uchun yigʻimlar bundan mustasno);

nodavlat maktabgacha va umumiy oʻrta taʼlim tashkilotlarida mehnat faoliyatini amalga oshirayotgan chet ellik oʻqituvchi va mutaxassislar jismoniy shaxslardan olinadigan daromad soligʻi va ijtimoiy soliqdan ozod qilinganligi maʼlumot uchun qabul qilinsin.

2. Maktabgacha va maktab taʼlimi vazirligi hamda Iqtisodiyot va moliya vazirligining mazkur qarorning 1-bandida nazarda tutilgan imtiyozlarning amal qilish muddatini 2030-yil 1-yanvarga qadar uzaytirish toʻgʻrisidagi takliflari maʼqullansin.

3. Belgilansinki, 2025-yil 1-yanvardan boshlab:

nodavlat taʼlim tashkilotlari tomonidan pedagogik faoliyatni doimiy asosda amalga oshirish uchun jalb etiladigan xorijiy mutaxassislarga “A-2” oʻqituvchilar kirish vizalarini berish yoʻlga qoʻyiladi;

davlat va nodavlat taʼlim tashkilotlari tomonidan xorijdan jalb qilingan mutaxassislarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnoma berishda undiriladigan yigʻim miqdori bazaviy hisoblash miqdorining oʻttiz baravaridan bir baravarigacha kamaytiriladi;

nodavlat maktabgacha, umumiy oʻrta va maktabdan tashqari taʼlim tashkilotlarining rahbar va pedagog xodimlari malakasini oshirishni A. Avloniy nomidagi pedagogik mahorat milliy instituti, pedagogik mahorat markazlari hamda belgilangan tartibda shakllantiriladigan reyestrga kiritilgan nodavlat malaka oshirish tashkilotlarida Davlat budjeti mablagʻlari hisobidan amalga oshirish tartibi joriy etiladi;

Oʻzbekiston Respublikasi Prezidentining 2023-yil 26-iyuldagi “Toshkent shahrida davlat va tadbirkorlik subyektlari oʻrtasida oʻzaro manfaatli hamkorlik asosida investitsiya loyihalarini amalga oshirish va shahar infratuzilmasini yaxshilash boʻyicha huquqiy eksperimentni oʻtkazish chora-tadbirlari toʻgʻrisida”gi PQ-236-son qarorining 5-bandi “g” kichik bandida belgilangan toʻlovlar (muhandislik-kommunikatsiya tarmoqlari va transport infratuzilmasini yaratish xarajatlarining bir qismini qoplash uchun toʻlov) nodavlat maktabgacha va umumiy oʻrta taʼlim tashkilotlarini qurish loyihalariga tatbiq etilmaydi.

4. Maktabgacha va maktab taʼlimi vazirligi Savdo-sanoat palatasi, boshqa manfaatdor vazirlik va idoralar bilan birgalikda mazkur qarorning mazmun-mohiyatini nodavlat taʼlim xizmatlarini koʻrsatish faoliyati bilan shugʻullanadigan yuridik shaxslar oʻrtasida tushuntirish ishlarini tashkil etsin.

5. Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga ilovaga muvofiq oʻzgartirishlar kiritilsin.

6. Quyidagilar:

Iqtisodiyot va moliya vazirligi Maktabgacha va maktab taʼlimi vazirligi hamda Soliq qoʻmitasi bilan birgalikda bir oy muddatda nodavlat taʼlim xizmatlarini koʻrsatish faoliyati bilan shugʻullanadigan yuridik shaxslarga mazkur qarorda nazarda tutilgan soliq imtiyozlarini taqdim etish boʻyicha qonun loyihasini;

Kambagʻallikni qisqartirish va bandlik vazirligi Maktabgacha va maktab taʼlimi vazirligi bilan birgalikda bir oy muddatda nodavlat taʼlim tashkilotlari tomonidan xorijdan jalb qilingan mutaxassislarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnoma berishda undiriladigan yigʻim miqdorini oʻzgartirishni nazarda tutuvchi qonun loyihasini;

Maktabgacha va maktab taʼlimi vazirligi Tashqi ishlar vazirligi, Kambagʻallikni qisqartirish va bandlik vazirligi hamda Adliya vazirligi bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Vazirlar Mahkamasiga kiritsin.

7. Mazkur qarorning ijrosini samarali tashkil qilishga masʼul va shaxsiy javobgar etib Oʻzbekiston Respublikasi Bosh vazirining oʻrinbosari J.A. Qoʻchqorov, kambagʻallikni qisqartirish va bandlik vaziri B.E. Zaxidov hamda maktabgacha va maktab taʼlimi vaziri X.U. Umarova belgilansin.

Qaror ijrosini nazorat qilish, ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2024-yil 22-noyabrdagi PQ-403-son qaroriga ILOVA

Oʻzbekiston Respublikasi Prezidentining va Oʻzbekiston Respublikasi Hukumatining ayrim qarorlariga kiritilayotgan oʻzgartirishlar

1. Oʻzbekiston Respublikasi Prezidentining 2023-yil 20-iyuldagi “Yangi Toshkent shahrini barpo etish chora-tadbirlari toʻgʻrisida”gi PQ-232-son qarori 16-bandi “b” kichik bandining birinchi xatboshisidagi “yakka tartibdagi uy-joylar” soʻzlari “yakka tartibdagi uy-joylar hamda nodavlat maktabgacha va umumiy oʻrta taʼlim tashkilotlari” soʻzlari bilan almashtirilsin.

2. Oʻzbekiston Respublikasi Prezidentining 2023-yil 26-iyuldagi “Toshkent shahrida davlat va tadbirkorlik subyektlari oʻrtasida oʻzaro manfaatli hamkorlik asosida investitsiya loyihalarini amalga oshirish va shahar infratuzilmasini yaxshilash boʻyicha huquqiy eksperimentni oʻtkazish chora-tadbirlari toʻgʻrisida”gi PQ-236-son qarori 5-bandi “g” kichik bandining birinchi xatboshisidagi “obyektlar va yakka tartibdagi uy-joylar” soʻzlari “obyektlar, yakka tartibdagi uy-joylar hamda nodavlat maktabgacha va umumiy oʻrta taʼlim tashkilotlari” soʻzlari bilan almashtirilsin.

3. Vazirlar Mahkamasining 1996-yil 21-noyabrdagi “Xorijiy fuqarolarning va fuqaroligi boʻlmagan shaxslarning Oʻzbekiston Respublikasiga kelishlari, ketishlari, bu yerda boʻlishlari va tranzit oʻtishlari tartibi toʻgʻrisida”gi 408-son qaroriga 4-ilovaning 21-pozitsiyasi “Taʼrif” ustuni ikkinchi xatboshisi quyidagi tahrirda bayon etilsin:

“Davlat va nodavlat taʼlim tashkilotlariga pedagogik faoliyatni amalga oshirish uchun jalb qilinadigan xorijiy fuqarolarga 1 yilgacha muddatga beriladi. Vazirliklar va idoralar, shuningdek, oʻz tasarrufida taʼlim tashkilotiga ega boʻlgan Oʻzbekiston Respublikasi davlat tashkilotlarining iltimosnomalariga koʻra rasmiylashtiriladi”.

4. Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomning 20-ilovasida :

a) 5-pozitsiyaning “e” kichik bandi “E” mehnat vizasi,” soʻzlaridan keyin “A-2” oʻqituvchilar kirish vizasi,” soʻzlari bilan toʻldirilsin;

b) 7-pozitsiyaning birinchi xatboshisidagi “Prezident maktablari va oliy oʻquv yurtlarida” soʻzlari “davlat va nodavlat taʼlim tashkilotlarida” soʻzlari bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 22-noyabr,

PQ-403-son

(Qonunchilik maʼlumotlari milliy bazasi, 23.11.2024-y., 07/24/403/0955-son)

lex.uz

Президента Республики Узбекистан

Постановление

О дополнительных мерах по повышению участия частного сектора в сфере образования

В целях поддержки деятельности по оказанию негосударственных образовательных услуг, дальнейшего увеличения доли частного сектора в сфере образования, создания благоприятных условий субъектам предпринимательства в данном направлении и внедрения инновационных педагогических форм, методов и технологий обучения:

1. Принять к сведению, что в соответствии с постановлениями Президента Республики Узбекистан от 15 сентября 2017 года № ПП-3276 « О мерах по дальнейшему развитию деятельности по оказанию негосударственных образовательных услуг » и от 5 сентября 2018 года № ПП-3931 « О мерах по внедрению новых принципов управления в систему дошкольного и школьного образования » в срок до 1 января 2025 года освобождены от уплаты:

всех видов налогов (за исключением социального налога) и сборов — негосударственные дошкольные и общие средние образовательные организации;

таможенных платежей (за исключением сборов за таможенное оформление) — современное учебное и лабораторное оборудование, компьютерная техника, программные продукты, учебная и научно-методическая литература, инвентарь и материально-технические ресурсы, не производимые в Республике Узбекистан, ввозимые для оснащения и обеспечения деятельности негосударственных дошкольных и общих средних образовательных организаций по перечням, формируемым в установленном порядке;

налога на доходы физических лиц и социального налога — зарубежные преподаватели и специалисты, осуществляющие трудовую деятельность в негосударственных дошкольных и общих средних образовательных организациях.

2. Одобрить предложения Министерства дошкольного и школьного образования и Министерства экономики и финансов о продлении до 1 января 2030 года срока действия льгот, предусмотренных в пункте 1 настоящего постановления.

3. Установить, что с 1 января 2025 года:

внедряется порядок выдачи преподавательских въездных виз «А-2» зарубежным специалистам, привлекаемым негосударственными образовательными организациями для осуществления педагогической деятельности на постоянной основе;

уменьшается размер сбора, взимаемого при выдаче подтверждений на право осуществления трудовой деятельности на территории Республики Узбекистан специалистам, привлеченным из-за рубежа государственными и негосударственными образовательными организациями, с 30-кратного размера базовой расчетной величины до однократного;

внедряется порядок повышения квалификации руководящих и педагогических работников негосударственных дошкольных, общих средних и внешкольных образовательных организаций в Национальном институте педагогического мастерства имени А. Авлони, центрах педагогического мастерства, а также в негосударственных организациях повышения квалификации, включенных в реестр, формируемый в установленном порядке, за счет средств Государственного бюджета;

платежи, предусмотренные в подпункте «г» пункта 5 постановления Президента Республики Узбекистан от 26 июля 2023 года № ПП-236 «О мерах по проведению правового эксперимента по реализации инвестиционных проектов и улучшению городской инфраструктуры на основе взаимовыгодного сотрудничества государства и субъектов предпринимательства в городе Ташкенте» (платежи для покрытия части расходов на создание инженерно-коммуникационных сетей и транспортной инфраструктуры), не применяются к проектам по строительству негосударственных дошкольных и общих средних образовательных организаций.

4. Министерству дошкольного и школьного образования совместно с Торгово-промышленной палатой и другими заинтересованными министерствами и ведомствами организовать среди юридических лиц, занимающихся деятельностью по оказанию негосударственных образовательных услуг, работу по разъяснению сути и значения настоящего постановления.

5. Внести изменения в некоторые постановления Президента Республики Узбекистан и Правительства Республики Узбекистан согласно приложению .

6. Нижеследующим внести в Кабинет Министров:

Министерству экономики и финансов совместно с Министерством дошкольного и школьного образования и Налоговым комитетом в месячный срок — проект закона по предоставлению юридическим лицам, занимающимся деятельностью по оказанию негосударственных образовательных услуг, налоговых льгот, предусмотренных настоящим постановлением;

Министерству занятости и сокращения бедности совместно с Министерством дошкольного и школьного образования в месячный срок — проект закона, предусматривающий изменение размера сбора, взимаемого при выдаче подтверждения на право осуществления трудовой деятельности на территории Республики Узбекистан специалистам, привлекаемым негосударственными образовательными организациями из-за рубежа;

Министерству дошкольного и школьного образования совместно с Министерством иностранных дел, Министерством занятости и сокращения бедности и Министерством юстиции в трехмесячный срок — предложения об изменениях и дополнениях в акты законодательства, вытекающих из настоящего постановления.

7. Возложить на заместителя Премьер-министра Республики Узбекистан Д.А. Кучкарова, министра занятости и сокращения бедности Б.Э. Захидова и министра дошкольного и школьного образования Х.У. Умарову персональную ответственность за эффективную организацию исполнения настоящего постановления.

Контроль за исполнением настоящего постановления, осуществление координации за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова.

ПРИЛОЖЕНИЕ к постановлению Президента Республики Узбекистан от 22 ноября 2024 года № ПП-403

Изменения, вносимые в некоторые постановления Президента Республики Узбекистан и Правительства Республики Узбекистан

1. В абзаце первом подпункта «б» пункта 16 постановления Президента Республики Узбекистан от 20 июля 2023 года № ПП-232 «О мерах по строительству города Новый Ташкент» слова «индивидуальных жилых домов» заменить словами «индивидуальных жилых домов, а также негосударственных дошкольных и общих средних образовательных организаций».

2. В абзаце первом подпункта «г» пункта 5 постановления Президента Республики Узбекистан от 26 июля 2023 года № ПП-236 «О мерах по проведению правового эксперимента по реализации инвестиционных проектов и улучшению городской инфраструктуры на основе взаимовыгодного сотрудничества государства и субъектов предпринимательства в городе Ташкенте» слова «объектов, финансируемых за счет бюджетов бюджетной системы и индивидуальных жилых домов» заменить словами «объектов, финансируемых за счет бюджетов бюджетной системы, индивидуальных жилых домов, а также негосударственных дошкольных и общих средних образовательных организаций».

3. В тексте на государственном языке в абзаце втором графы «Тариф» позиции 21 приложения № 4 к постановлению Кабинета Министров от 21 ноября 1996 года № 408 «О порядке въезда, выезда, пребывания и транзитного проезда иностранных граждан и лиц без гражданства в Республике Узбекистан» изложить в следующей редакции:

«Давлат ва нодавлат таълим ташкилотларига педагогик фаолиятни амалга ошириш учун жалб қилинадиган хорижий фуқароларга 1 йилгача муддатга берилади. Вазирликлар ва идоралар, шунингдек, ўз тасарруфида таълим ташкилотига эга бўлган Ўзбекистон Республикаси давлат ташкилотларининг илтимосномаларига кўра расмийлаштирилади».

4. В тексте на государственном языке приложения № 20 Единого положения о порядке выдачи отдельных документов разрешительного характера посредством специальной электронной системы, утвержденного постановлением Кабинета Министров от 22 февраля 2022 года № 86:

а) в подпункте «е» позиции 5 после слов ««Е» меҳнат визаси,» дополнить словами ««А-2» ўқитувчилар кириш визаси,»;

б) в абзаце первом позиции 7 слова «Президент мактаблари ва олий ўқув юртларида» заменить словами «давлат ва нодавлат таълим ташкилотларида».

Президент Республики Узбекистан Ш. МИРЗИЁЕВ

г. Ташкент,

22 ноября 2024 г.,

№ ПП-403

(Национальная база данных законодательства, 23.11.2024 г., № 07/24/403/0955)

lex.uz