📅 2024-yil 22-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 22 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 22 ноября 2024 г. · Постановления Президента
Официальный текст. Официальный документ. Редакционные примечания не включены.
📅 22 November 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ўзбекистон Миллий симфоник оркестри фаолиятини қўллаб-қувватлаш ҳамда миллий ва жаҳон мумтоз мусиқа санъатидан аҳолини янада кенгроқ баҳраманд этиш чора-тадбирлари тўғрисида
Мамлакатимизда миллий ва жаҳон мумтоз мусиқа санъати асарларини янада оммалаштириш ҳамда оркестр ижрочилигини ривожлантириш, соҳа вакилларининг касб маҳоратини ошириш, ушбу йўналишда иқтидорли ёшлар учун зарур шарт-шароитлар ва имкониятлар яратиш, мусиқа ижрочилари ва оркестр жамоалари ходимларини моддий жиҳатдан қўллаб-қувватлашни янада кенгайтириш мақсадида:
1. Маданият вазирлиги ҳузуридаги Ўзбекистон давлат филармонияси Ўзбекистон Миллий симфоник оркестри ходимларининг меҳнатга ҳақ тўлашнинг энг кам миқдорига нисбатан ҳисобланадиган базавий лавозим маошлари миқдорлари 2025 йил 1 январдан бошлаб, оркестрнинг:
бадиий-раҳбар ходимлари учун — 4,0 коэффициентга;
олий ва биринчи тоифали артистлари учун — 1,17 коэффициентдан 4,0 коэффициентга;
иккинчи тоифали ва тоифасиз артистлари учун — 1,17 коэффициентдан 3,0 коэффициентга оширилган ҳолда белгилансин.
2. Иқтисодиёт ва молия вазирлиги 2025 йилдан бошлаб мазкур қарорнинг 1-бандига асосан иш ҳақи миқдори оширилиши муносабати билан зарур маблағларни Давлат бюджети параметрларида назарда тутсин.
3. Вазирлар Маҳкамаси ҳар йили декабрь ойида Ўзбекистон Миллий симфоник оркестри жамоасининг келгуси йилга мўлжалланган маҳаллий ва хорижий гастроль сафарларини ташкил этиш, шунингдек, йирик корхона ва ташкилотлар ходимлари ҳамда уларнинг оила аъзолари учун концерт дастурларини шартнома асосида намойиш этиш режаларини тасдиқласин.
4. Давлат органлари, муассасалари ва корхоналари бюджетдан ташқари маблағлари ва касаба уюшмалари маблағлари ҳисобидан ўз ходимларини миллий ва жаҳон мумтоз мусиқа санъати асарлари билан таништиришга қаратилган концерт дастурларини ташкил этиш, уларга ташриф буюриш учун чипталар ва абонементлар сотиб олиш амалиётини тизимли равишда жорий этсинлар.
Давлат активларини бошқариш агентлиги ва хўжалик жамиятларининг муассислари бўлган бошқа давлат органлари устав фонди (капитали)да давлат улуши 50 фоиз ва ундан ортиқ бўлган хўжалик жамиятлари ва давлат корхоналарининг бошқарув органлари йиғилишларида ушбу ташкилотларнинг буюртмалари асосида ходимлар ва уларнинг оила аъзолари учун мазкур бандда назарда тутилган тадбирларни амалга ошириш вазифасини бизнес-режага киритиш ташаббуси билан чиқсин.
Маданият вазирлиги ҳар ойнинг 20-санасига қадар давлат бошқаруви органлари, муассасалар, корхоналар ва хўжалик жамиятларини, шунингдек, аҳолини келгуси ойда ташкил этиладиган оммавий-маданий ва концерт-томоша тадбирлари дастурлари, шу жумладан, Ўзбекистон Миллий симфоник оркестри жамоасининг концерт дастурлари тўғрисида хабардор қилиб борсин.
5. Маданият вазирлиги:
ҳар йили Ўзбекистон Миллий симфоник оркестри жамоаси учун Давлат бюджетидан Маданият вазирлигига ажратилган маблағлар ҳисобидан давлат буюртмаси асосида камида 5 та мусиқа асари яратилишини ташкил этсин, улардан концерт дастурларида фойдаланилишини, телерадиоканаллар, Интернет ва ижтимоий тармоқлар орқали фаол оммалаштирилишини таъминласин;
тажрибали дирижёрлар ва оркестр ижрочиларининг маҳорат мактаблари фаолиятини йўлга қўйсин.
Бунда маҳорат мактабларини ташкил этишга муносиб бўлган ижодкорлар Маданият вазирлиги ҳайъати томонидан аниқланади ҳамда улар Маданият вазирлиги ва Ўзбекистон давлат филармониясининг бюджетдан ташқари ривожлантириш жамғармаси ҳисобидан ҳар чоракда базавий ҳисоблаш миқдорининг 50 баравари миқдорида маҳорат мактабларида ўқитиш самарадорлигини баҳолаш асосида қўшимча рағбатлантириб борилади.
6. Вазирлар Маҳкамасининг 2018 йил 19 июндаги «Давлат маданият муассасалари ва давлат архивлари ходимлари меҳнатига ҳақ тўлаш ва уларни моддий рағбатлантиришнинг такомиллаштирилган тизимини тасдиқлаш ҳақида»ги 458-сон қарорига иловага мувофиқ қўшимчалар киритилсин.
7. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 22 ноябрдаги ПҚ-401-сон қарорига ИЛОВА
Вазирлар Маҳкамасининг 2018 йил 19 июндаги «Давлат маданият муассасалари ва давлат архивлари ходимлари меҳнатига ҳақ тўлаш ва уларни моддий рағбатлантиришнинг такомиллаштирилган тизимини тасдиқлаш ҳақида»ги 458-сон қарорига киритилаётган қўшимчалар
1. Қарорга 3-илованинг изоҳ қисми қуйидаги мазмундаги иккинчи хатбоши билан тўлдирилсин:
2. Қарорга 4-илованинг изоҳ қисми қуйидаги мазмундаги иккинчи хатбоши билан тўлдирилсин:
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 22 ноябрь,
ПҚ-401-сон
Oʻzbekiston Respublikasi Prezidentining
qarori
Oʻzbekiston Milliy simfonik orkestri faoliyatini qoʻllab-quvvatlash hamda milliy va jahon mumtoz musiqa sanʼatidan aholini yanada kengroq bahramand etish chora-tadbirlari toʻgʻrisida
Mamlakatimizda milliy va jahon mumtoz musiqa sanʼati asarlarini yanada ommalashtirish hamda orkestr ijrochiligini rivojlantirish, soha vakillarining kasb mahoratini oshirish, ushbu yoʻnalishda iqtidorli yoshlar uchun zarur shart-sharoitlar va imkoniyatlar yaratish, musiqa ijrochilari va orkestr jamoalari xodimlarini moddiy jihatdan qoʻllab-quvvatlashni yanada kengaytirish maqsadida:
1. Madaniyat vazirligi huzuridagi Oʻzbekiston davlat filarmoniyasi Oʻzbekiston Milliy simfonik orkestri xodimlarining mehnatga haq toʻlashning eng kam miqdoriga nisbatan hisoblanadigan bazaviy lavozim maoshlari miqdorlari 2025-yil 1-yanvardan boshlab, orkestrning:
badiiy-rahbar xodimlari uchun — 4,0 koeffitsiyentga;
oliy va birinchi toifali artistlari uchun — 1,17 koeffitsiyentdan 4,0 koeffitsiyentga;
ikkinchi toifali va toifasiz artistlari uchun — 1,17 koeffitsiyentdan 3,0 koeffitsiyentga oshirilgan holda belgilansin.
2. Iqtisodiyot va moliya vazirligi 2025-yildan boshlab mazkur qarorning 1-bandiga asosan ish haqi miqdori oshirilishi munosabati bilan zarur mablagʻlarni Davlat budjeti parametrlarida nazarda tutsin.
3. Vazirlar Mahkamasi har yili dekabr oyida Oʻzbekiston Milliy simfonik orkestri jamoasining kelgusi yilga moʻljallangan mahalliy va xorijiy gastrol safarlarini tashkil etish, shuningdek, yirik korxona va tashkilotlar xodimlari hamda ularning oila aʼzolari uchun konsert dasturlarini shartnoma asosida namoyish etish rejalarini tasdiqlasin.
4. Davlat organlari, muassasalari va korxonalari budjetdan tashqari mablagʻlari va kasaba uyushmalari mablagʻlari hisobidan oʻz xodimlarini milliy va jahon mumtoz musiqa sanʼati asarlari bilan tanishtirishga qaratilgan konsert dasturlarini tashkil etish, ularga tashrif buyurish uchun chiptalar va abonementlar sotib olish amaliyotini tizimli ravishda joriy etsinlar.
Davlat aktivlarini boshqarish agentligi va xoʻjalik jamiyatlarining muassislari boʻlgan boshqa davlat organlari ustav fondi (kapitali)da davlat ulushi 50 foiz va undan ortiq boʻlgan xoʻjalik jamiyatlari va davlat korxonalarining boshqaruv organlari yigʻilishlarida ushbu tashkilotlarning buyurtmalari asosida xodimlar va ularning oila aʼzolari uchun mazkur bandda nazarda tutilgan tadbirlarni amalga oshirish vazifasini biznes-rejaga kiritish tashabbusi bilan chiqsin.
Madaniyat vazirligi har oyning 20-sanasiga qadar davlat boshqaruvi organlari, muassasalar, korxonalar va xoʻjalik jamiyatlarini, shuningdek, aholini kelgusi oyda tashkil etiladigan ommaviy-madaniy va konsert-tomosha tadbirlari dasturlari, shu jumladan, Oʻzbekiston Milliy simfonik orkestri jamoasining konsert dasturlari toʻgʻrisida xabardor qilib borsin.
5. Madaniyat vazirligi:
har yili Oʻzbekiston Milliy simfonik orkestri jamoasi uchun Davlat budjetidan Madaniyat vazirligiga ajratilgan mablagʻlar hisobidan davlat buyurtmasi asosida kamida 5 ta musiqa asari yaratilishini tashkil etsin, ulardan konsert dasturlarida foydalanilishini, teleradiokanallar, Internet va ijtimoiy tarmoqlar orqali faol ommalashtirilishini taʼminlasin;
tajribali dirijyorlar va orkestr ijrochilarining mahorat maktablari faoliyatini yoʻlga qoʻysin.
Bunda mahorat maktablarini tashkil etishga munosib boʻlgan ijodkorlar Madaniyat vazirligi hayʼati tomonidan aniqlanadi hamda ular Madaniyat vazirligi va Oʻzbekiston davlat filarmoniyasining budjetdan tashqari rivojlantirish jamgʻarmasi hisobidan har chorakda bazaviy hisoblash miqdorining 50 baravari miqdorida mahorat maktablarida oʻqitish samaradorligini baholash asosida qoʻshimcha ragʻbatlantirib boriladi.
6. Vazirlar Mahkamasining 2018-yil 19-iyundagi “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida”gi 458-son qaroriga ilovaga muvofiq qoʻshimchalar kiritilsin.
7. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 22-noyabrdagi PQ-401-son qaroriga ILOVA
Vazirlar Mahkamasining 2018-yil 19-iyundagi “Davlat madaniyat muassasalari va davlat arxivlari xodimlari mehnatiga haq toʻlash va ularni moddiy ragʻbatlantirishning takomillashtirilgan tizimini tasdiqlash haqida”gi 458-son qaroriga kiritilayotgan qoʻshimchalar
1. Qarorga 3-ilovaning izoh qismi quyidagi mazmundagi ikkinchi xatboshi bilan toʻldirilsin:
2. Qarorga 4-ilovaning izoh qismi quyidagi mazmundagi ikkinchi xatboshi bilan toʻldirilsin:
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 22-noyabr,
PQ-401-son
Президента Республики Узбекистан
Постановление
О мерах по поддержке деятельности Национального симфонического оркестра Узбекистана и более широкому приобщению населения к национальному и мировому классическому музыкальному искусству
В целях дальнейшей популяризации в стране произведений национального и мирового классического музыкального искусства, а также развития оркестрового исполнительства, повышения профессионального мастерства представителей данной сферы, создания необходимых условий и возможностей для талантливой молодежи в этом направлении, дальнейшего расширения материальной поддержки музыкальных исполнителей и работников оркестровых коллективов:
1. Установить с 1 января 2025 года размеры исчисляемого в соотношении к минимальному размеру оплаты труда базового должностного оклада работников Национального симфонического оркестра Узбекистана Государственной филармонии Узбекистана при Министерстве культуры:
художественно-руководящего персонала оркестра — с повышением на коэффициент 4,0;
артистов оркестра высшей и первой категории — с повышением с коэффициента 1,17 на коэффициент 4,0;
артистов оркестра второй категории и без категории — с повышением с коэффициента 1,17 на коэффициент 3,0.
2. Министерству экономики и финансов начиная с 2025 года предусматривать необходимые средства в параметрах Государственного бюджета в связи с повышением размеров заработной платы на основании пункта 1 настоящего постановления.
3. Кабинету Министров ежегодно в декабре утверждать планы организации местных и зарубежных гастролей коллектива Национального симфонического оркестра Узбекистана на следующий год, а также выступлений с концертными программами перед работниками крупных предприятий и организаций, членов их семей на договорной основе.
4. Государственным органам, учреждениям и предприятиям за счет внебюджетных и профсоюзных средств внедрить практику организации концертных программ, ориентированных на ознакомление своих работников с произведениями национального и мирового классического музыкального искусства, а также приобретения билетов и абонементов для посещения ими этих программ на системной основе.
Агентству по управлению государственными активами и иным государственным органам, являющимся учредителями хозяйственных обществ, на заседаниях органов управления хозяйственных обществ, в уставном фонде (капитале) которых государственная доля составляет 50 процентов и более, и государственных предприятий регулярно инициировать включение в бизнес-планы задачи проведения мероприятий, предусмотренных настоящим пунктом, для своих работников и членов их семей по заявкам вышеуказанных организаций.
Министерству культуры до 20-го числа каждого месяца информировать органы государственного управления, государственные учреждения, предприятия, хозяйственные общества и население о проводимых в следующем месяце программах культурно-массовых и концертно-зрелищных мероприятий, включая концертные программы Национального симфонического оркестра Узбекистана.
5. Министерству культуры:
ежегодно организовывать создание не менее 5 музыкальных произведений для коллектива Национального симфонического оркестра Узбекистана на основе государственного заказа за счет выделенных Министерству культуры средств Государственного бюджета, а также обеспечить их включение в концертные программы и активную популяризацию посредством телерадиоканалов, сети Интернет и социальных сетей;
наладить деятельность школ мастерства опытных дирижеров и оркестровых исполнителей.
При этом творческие деятели, достойные для создания школы мастерства, определяются коллегией Министерства культуры, и дополнительно поощряются на основе оценки эффективности обучения в школах мастерства в 50-кратном размере базовой расчетной величины ежеквартально за счет внебюджетных фондов развития Министерства культуры и Государственной филармонии Узбекистана.
6. Внести дополнения в постановление Кабинета Министров от 19 июня 2018 года № 458 «Об утверждении усовершенствованной системы оплаты труда и материального стимулирования работников государственных учреждений культуры и государственных архивов» согласно приложению .
7. Контроль за исполнением настоящего постановления возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 22 ноября 2024 года № ПП-401
Дополнения, вносимые в постановление Кабинета Министров от 19 июня 2018 года № 458 «Об утверждении усовершенствованной системы оплаты труда и материального стимулирования работников государственных учреждений культуры и государственных архивов»
1. В тексте на государственном языке примечания приложения № 3 дополнить абзацем вторым следующего содержания:
2. В тексте на государственном языке примечания приложения № 4 дополнить абзацем вторым следующего содержания:
Президент Республики Узбекистан Ш. МИРЗИЁЕВ
г. Ташкент,
22 ноября 2024 г.,
№ ПП-401