📅 2024-yil 25-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 25 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 25 ноября 2024 г. · Постановления Президента
Официальный текст. Официальный документ. Редакционные примечания не включены.
📅 25 November 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
«Камбағалликдан фаровонлик сари» дастурини амалга оширишга фаол нуронийларни жалб этиш чора-тадбирлари тўғрисида
Кекса авлод вакилларининг билим ва тажрибасидан фойдаланган ҳолда оилаларни камбағалликдан чиқариш тизимини жорий этиш ҳамда «Камбағалликдан фаровонлик сари» дастурини амалга ошириш жараёнига фаол нуронийларни жалб этиш ва уларнинг имкониятларидан самарали фойдаланиш мақсадида:
1. Иқтисодиёт ва молия вазирлиги, Камбағалликни қисқартириш ва бандлик вазирлиги ҳамда Ўзбекистон фахрийларининг ижтимоий фаолиятини қўллаб-қувватлаш «Нуроний» жамғармасининг (кейинги ўринларда — «Нуроний» жамғармаси) маҳаллаларда катта ҳаётий тажрибага эга бўлган обрў-эътиборли уч нафар фаол нуронийни бешта камбағал оилага бириктириш орқали уларни камбағалликдан чиқаришга кўмаклашиш ҳамда маҳаллада соғлом турмуш тарзи ва ижтимоий-маънавий муҳитни шакллантиришга жалб этиш тўғрисидаги таклифи маъқуллансин.
Камбағалликни қисқартириш ва бандлик вазирлиги «Нуроний» жамғармаси ва Ўзбекистон маҳаллалари уюшмасига маҳаллаларда фаол бўлган нуронийларни танлаб олиш ҳамда уларга камбағал оилаларни бириктириш жараёнларига кўмаклашсин.
2. Қуйидагилар фаол нуронийларнинг асосий фаолият йўналишлари этиб белгилансин:
а) оилаларни камбағалликдан чиқариш йўналишида:
хонадон томорқасидан самарали фойдаланиш, томорқада юқори даромадли экин турлари экилишини ташкил этиш, экинларни парваришлаш кўникмасини шакллантириш ҳамда етиштирилган маҳсулотларнинг реализация қилинишига кўмаклашиш;
оилани даромадли қилиш учун кўчма дўкон, кичик ишлаб чиқариш ускуналари ва бошқа зарур техника воситаларини бўлиб тўлаш шарти билан ижарага олишга ёрдамлашиш;
камбағал оила фарзандларини, уларнинг қизиқишларидан келиб чиқиб, маҳаллалардаги ҳунарманд ва усталарга шогирдликка бириктириш, шунингдек, ушбу оилаларнинг таълим муассасаларида ўқиётган фарзандларини ўқув жиҳозлари ва қуроллари ҳамда спорт кийимлари билан таъминлаш, уларнинг қўшимча дарслар ва тўгаракларга қатнашишини ташкил этиш;
оиланинг ижтимоий шартномадаги мажбуриятларини бажариши устидан жамоатчилик назорати ўрнатилишини ташкил этиш;
б) маҳаллаларда соғлом турмуш тарзини тарғиб қилиш йўналишида:
маҳаллада пиёда юриш маданиятини тарғиб қилиш;
хонадонларнинг санитария ҳолатини яхшилашга ва тозаликни сақлашга, оила аъзоларини зарарли одатлардан воз кечишга чақириш;
кекса ёшдаги фуқаролар учун мос келадиган спорт тадбирларини ташкил этиш, уларни жисмоний тарбия ва спорт билан шуғулланишга жалб этиш, шунингдек, спорт тадбирларида қатнашиш билан боғлиқ харажатларни, жумладан транспорт харажатларини қоплаб беришни ташкил этиш;
в) ҳар бир маҳаллада «Нуронийлар ва ота-оналар кенгаши»ни ташкил этиш орқали маҳаллаларда ижтимоий-маънавий муҳитнинг барқарорлигини таъминлаш йўналишида:
оилаларда аҳиллик ва миллий қадриятларни мустаҳкамлаш, маҳаллаларда ўзаро ҳамжиҳатлик ва яхши қўшничилик алоқаларини ривожлантириш;
ногиронлиги бўлган, профилактик ҳисобда турган ва кам таъминланган шахсларни маҳаллалардаги жамоат тадбирларига жалб қилиш;
муаммоли ва боқимондалик кайфиятига тушиб қолган оилалар билан ишлаш.
3. Белгилаб қўйилсинки:
а) фаол нуронийларга камбағал оилалар олти ой муддатга бириктирилади ҳамда «маҳалла еттилиги» оилаларнинг ижтимоий-иқтисодий аҳволини яхшилашда фаол нуронийларга яқиндан ёрдам беради;
б) фаол нуронийлар ҳар ойда меҳнатга ҳақ тўлашнинг энг кам миқдорининг 50 фоизи миқдорида рағбатлантириб борилади;
в) фаол нуронийларнинг тавсиясига мувофиқ қуйидаги харажатлар «Нуроний» жамғармаси маблағлари ҳисобидан қоплаб берилади:
камбағал оила фарзандларининг таълим олишлари учун қулай шарт-шароитларни яратиш мақсадида ўқув жиҳозлари ва қуроллари ҳамда спорт кийимларини харид қилиш харажатлари;
маҳаллада яшовчи кекса ёшдаги фуқаролар учун спорт тадбирларини ташкил этиш ва уларнинг спорт тадбирларида қатнашишлари билан боғлиқ транспорт харажатлари;
г) кекса ёшдаги фуқароларни спортга жалб қилиш учун «Нуроний» жамғармаси ҳисобидан ҳар бир маҳаллага йилига 10 миллион сўм миқдорида маблағ ажратилади;
д) «Нуронийлар ва ота-оналар кенгаши» таркиби туман (шаҳар) ҳокимлари томонидан «Нуроний» жамғармаси ва Ўзбекистон маҳаллалари уюшмаси тавсияси асосида тасдиқланади;
е) фаол нуронийлар «Обод маҳалла», «Камбағалликдан фаровонлик сари» ва «Яшил макон» дастурлари доирасида маҳаллаларда амалга оширилаётган ишларнинг натижадорлиги ҳамда ижтимоий масалаларнинг ҳолати юзасидан жамоатчилик назорати ўрнатилишини ташкил этади.
4. Иқтисодиёт ва молия вазирлиги ушбу қарорда белгиланган вазифаларни амалга ошириш мақсадида 2025 йил учун Давлат бюджети параметрларида «Нуроний» жамғармасига 504 млрд сўм маблағ ажратилишини назарда тутсин ҳамда кейинги йилларда зарур маблағларни ажратиб борсин.
Бунда «Нуроний» жамғармасининг харажатлари ва даромадлари тўлиқ ғазна ижроси орқали амалга оширилишини назарда тутсин.
5. Халқ депутатлари туман (шаҳар) кенгашларига фаол нуронийлар томонидан тақдим этилган маълумотлар асосида ушбу қарорда белгиланган чора-тадбирларни маҳаллаларда амалга ошириш билан боғлиқ муаммолар ва уларнинг ечими, шунингдек, жамоатчилик назоратида аниқланган масалалар бўйича тегишли ижро этувчи ҳокимият органлари раҳбарларининг ахборотини эшитиб бориш амалиётини жорий этиш тавсия этилсин.
6. Вазирлар Маҳкамаси бир ой муддатда мазкур қарорда белгиланган вазифалардан келиб чиқиб, фаол нуронийларни камбағал оилаларга бириктириш ҳамда маҳаллада соғлом турмуш тарзи ва ижтимоий-маънавий муҳитни шакллантиришга жалб этиш тартибини тасдиқласин.
7. Ахборот ва оммавий коммуникациялар агентлиги Ўзбекистон Миллий ахборот агентлиги ва Ўзбекистон Миллий телерадиокомпанияси билан биргаликда мазкур қарорнинг мазмун-моҳиятини жамоатчиликка етказиш чораларини кўрсин.
8. Мазкур қарор ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров белгилансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 25 ноябрь,
ПҚ-405-сон
Oʻzbekiston Respublikasi Prezidentining
qarori
“Kambagʻallikdan farovonlik sari” dasturini amalga oshirishga faol nuroniylarni jalb etish chora-tadbirlari toʻgʻrisida
Keksa avlod vakillarining bilim va tajribasidan foydalangan holda oilalarni kambagʻallikdan chiqarish tizimini joriy etish hamda “Kambagʻallikdan farovonlik sari” dasturini amalga oshirish jarayoniga faol nuroniylarni jalb etish va ularning imkoniyatlaridan samarali foydalanish maqsadida:
1. Iqtisodiyot va moliya vazirligi, Kambagʻallikni qisqartirish va bandlik vazirligi hamda Oʻzbekiston faxriylarining ijtimoiy faoliyatini qoʻllab-quvvatlash “Nuroniy” jamgʻarmasining (keyingi oʻrinlarda — “Nuroniy” jamgʻarmasi) mahallalarda katta hayotiy tajribaga ega boʻlgan obroʻ-eʼtiborli uch nafar faol nuroniyni beshta kambagʻal oilaga biriktirish orqali ularni kambagʻallikdan chiqarishga koʻmaklashish hamda mahallada sogʻlom turmush tarzi va ijtimoiy-maʼnaviy muhitni shakllantirishga jalb etish toʻgʻrisidagi taklifi maʼqullansin.
Kambagʻallikni qisqartirish va bandlik vazirligi “Nuroniy” jamgʻarmasi va Oʻzbekiston mahallalari uyushmasiga mahallalarda faol boʻlgan nuroniylarni tanlab olish hamda ularga kambagʻal oilalarni biriktirish jarayonlariga koʻmaklashsin.
2. Quyidagilar faol nuroniylarning asosiy faoliyat yoʻnalishlari etib belgilansin:
a) oilalarni kambagʻallikdan chiqarish yoʻnalishida:
xonadon tomorqasidan samarali foydalanish, tomorqada yuqori daromadli ekin turlari ekilishini tashkil etish, ekinlarni parvarishlash koʻnikmasini shakllantirish hamda yetishtirilgan mahsulotlarning realizatsiya qilinishiga koʻmaklashish;
oilani daromadli qilish uchun koʻchma doʻkon, kichik ishlab chiqarish uskunalari va boshqa zarur texnika vositalarini boʻlib toʻlash sharti bilan ijaraga olishga yordamlashish;
kambagʻal oila farzandlarini, ularning qiziqishlaridan kelib chiqib, mahallalardagi hunarmand va ustalarga shogirdlikka biriktirish, shuningdek, ushbu oilalarning taʼlim muassasalarida oʻqiyotgan farzandlarini oʻquv jihozlari va qurollari hamda sport kiyimlari bilan taʼminlash, ularning qoʻshimcha darslar va toʻgaraklarga qatnashishini tashkil etish;
oilaning ijtimoiy shartnomadagi majburiyatlarini bajarishi ustidan jamoatchilik nazorati oʻrnatilishini tashkil etish;
b) mahallalarda sogʻlom turmush tarzini targʻib qilish yoʻnalishida:
mahallada piyoda yurish madaniyatini targʻib qilish;
xonadonlarning sanitariya holatini yaxshilashga va tozalikni saqlashga, oila aʼzolarini zararli odatlardan voz kechishga chaqirish;
keksa yoshdagi fuqarolar uchun mos keladigan sport tadbirlarini tashkil etish, ularni jismoniy tarbiya va sport bilan shugʻullanishga jalb etish, shuningdek, sport tadbirlarida qatnashish bilan bogʻliq xarajatlarni, jumladan transport xarajatlarini qoplab berishni tashkil etish;
v) har bir mahallada “Nuroniylar va ota-onalar kengashi”ni tashkil etish orqali mahallalarda ijtimoiy-maʼnaviy muhitning barqarorligini taʼminlash yoʻnalishida:
oilalarda ahillik va milliy qadriyatlarni mustahkamlash, mahallalarda oʻzaro hamjihatlik va yaxshi qoʻshnichilik aloqalarini rivojlantirish;
nogironligi boʻlgan, profilaktik hisobda turgan va kam taʼminlangan shaxslarni mahallalardagi jamoat tadbirlariga jalb qilish;
muammoli va boqimondalik kayfiyatiga tushib qolgan oilalar bilan ishlash.
3. Belgilab qoʻyilsinki:
a) faol nuroniylarga kambagʻal oilalar olti oy muddatga biriktiriladi hamda “mahalla yettiligi” oilalarning ijtimoiy-iqtisodiy ahvolini yaxshilashda faol nuroniylarga yaqindan yordam beradi;
b) faol nuroniylar har oyda mehnatga haq toʻlashning eng kam miqdorining 50 foizi miqdorida ragʻbatlantirib boriladi;
v) faol nuroniylarning tavsiyasiga muvofiq quyidagi xarajatlar “Nuroniy” jamgʻarmasi mablagʻlari hisobidan qoplab beriladi:
kambagʻal oila farzandlarining taʼlim olishlari uchun qulay shart-sharoitlarni yaratish maqsadida oʻquv jihozlari va qurollari hamda sport kiyimlarini xarid qilish xarajatlari;
mahallada yashovchi keksa yoshdagi fuqarolar uchun sport tadbirlarini tashkil etish va ularning sport tadbirlarida qatnashishlari bilan bogʻliq transport xarajatlari;
g) keksa yoshdagi fuqarolarni sportga jalb qilish uchun “Nuroniy” jamgʻarmasi hisobidan har bir mahallaga yiliga 10 million soʻm miqdorida mablagʻ ajratiladi;
d) “Nuroniylar va ota-onalar kengashi” tarkibi tuman (shahar) hokimlari tomonidan “Nuroniy” jamgʻarmasi va Oʻzbekiston mahallalari uyushmasi tavsiyasi asosida tasdiqlanadi;
e) faol nuroniylar “Obod mahalla”, “Kambagʻallikdan farovonlik sari” va “Yashil makon” dasturlari doirasida mahallalarda amalga oshirilayotgan ishlarning natijadorligi hamda ijtimoiy masalalarning holati yuzasidan jamoatchilik nazorati oʻrnatilishini tashkil etadi.
4. Iqtisodiyot va moliya vazirligi ushbu qarorda belgilangan vazifalarni amalga oshirish maqsadida 2025-yil uchun Davlat budjeti parametrlarida “Nuroniy” jamgʻarmasiga 504 mlrd soʻm mablagʻ ajratilishini nazarda tutsin hamda keyingi yillarda zarur mablagʻlarni ajratib borsin.
Bunda “Nuroniy” jamgʻarmasining xarajatlari va daromadlari toʻliq gʻazna ijrosi orqali amalga oshirilishini nazarda tutsin.
5. Xalq deputatlari tuman (shahar) kengashlariga faol nuroniylar tomonidan taqdim etilgan maʼlumotlar asosida ushbu qarorda belgilangan chora-tadbirlarni mahallalarda amalga oshirish bilan bogʻliq muammolar va ularning yechimi, shuningdek, jamoatchilik nazoratida aniqlangan masalalar boʻyicha tegishli ijro etuvchi hokimiyat organlari rahbarlarining axborotini eshitib borish amaliyotini joriy etish tavsiya etilsin.
6. Vazirlar Mahkamasi bir oy muddatda mazkur qarorda belgilangan vazifalardan kelib chiqib, faol nuroniylarni kambagʻal oilalarga biriktirish hamda mahallada sogʻlom turmush tarzi va ijtimoiy-maʼnaviy muhitni shakllantirishga jalb etish tartibini tasdiqlasin.
7. Axborot va ommaviy kommunikatsiyalar agentligi Oʻzbekiston Milliy axborot agentligi va Oʻzbekiston Milliy teleradiokompaniyasi bilan birgalikda mazkur qarorning mazmun-mohiyatini jamoatchilikka yetkazish choralarini koʻrsin.
8. Mazkur qaror ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 25-noyabr,
PQ-405-son
Президента Республики Узбекистан
Постановление
О мерах по привлечению активных старейшин к реализации программы «От бедности к благополучию»
В целях внедрения системы выведения из бедности семей путем задействования знаний и опыта представителей старшего поколения, а также привлечения активных старейшин к процессу реализации Программы «От бедности к благополучию» и эффективного использования их потенциала:
1. Одобрить предложение Министерства экономики и финансов, Министерства занятости и сокращения бедности, Фонда по поддержке общественной деятельности ветеранов Узбекистана «Нуроний» (далее — Фонд «Нуроний») о содействии активными старейшинами, пользующимися уважением и обладающими большим жизненным опытом, выведению из бедности семей в махаллях путем прикрепления трех старейшин к пяти бедным семьям, а также о привлечении их к формированию здорового образа жизни и социально-духовной обстановки в махаллях.
Министерству занятости и сокращения бедности содействовать Фонду «Нуроний» и Ассоциации махаллей Узбекистана в процессах отбора активных старейшин в махаллях и их прикрепления к бедным семьям.
2. Определить основными направлениями деятельности активных старейшин:
а) в направлении выведения семей из бедности:
оказание содействия эффективному использованию приусадебных участков домохозяйств, организации посадки высокодоходных посевных культур на приусадебных участках, формированию навыков ухода за посевами и реализации выращенной продукции;
в целях обеспечения семей доходом оказание им помощи в получении в аренду на условиях оплаты в рассрочку передвижного магазина, производственного мини-оборудования и других необходимых технических средств;
прикрепление детей из бедных семей к ремесленникам и мастерам в махаллях, исходя из их интересов, а также организацию обеспечения детей из бедных семей, обучающихся в образовательных учреждениях, учебными принадлежностями и инвентарем, спортивной одеждой, их посещения дополнительных занятий и кружков;
организацию установления общественного контроля за выполнением семьями обязательств, определенных в социальном договоре;
б) в направлении пропаганды здорового образа жизни в махаллях:
пропаганду культуры пеших прогулок в махалле;
призыв к улучшению санитарного состояния и сохранению чистоты домохозяйств, отказу от вредных привычек членов семей;
организацию спортивных мероприятий, подходящих для граждан пожилого возраста, привлечение их к занятию физической культурой и спортом, а также организацию покрытия расходов, связанных с их участием в спортивных мероприятиях, в том числе транспортных расходов;
в) в направлении обеспечения стабильной социально-духовной обстановки в махаллях путем организации в каждой махалле «Совета старейшин и родителей»:
укрепление единства и сплоченности, национальных ценностей в семьях, развитие в махаллях взаимного согласия и добрососедства;
привлечение лиц с инвалидностью, лиц, состоящих на профилактическом учете, малообеспеченных лиц к общественным мероприятиям в махаллях;
осуществление работы с проблемными семьями и семьями, находящимися в иждивенческом настроении.
3. Установить, что:
а) активные старейшины прикрепляются к бедным семьям на срок шесть месяцев, «махаллинская семерка» оказывает непосредственную помощь активным старейшинам в улучшении социально-экономического состояния семей;
б) активные старейшины ежемесячно поощряются в размере 50 процентов минимального размера оплаты труда;
в) по рекомендации активных старейшин следующие расходы покрываются за счет средств Фонда «Нуроний»:
расходы на приобретение учебных принадлежностей и инвентаря, спортивной одежды в целях создания благоприятных условий для получения образования детьми из бедных семей;
расходы на организацию спортивных мероприятий для граждан пожилого возраста, проживающих в махаллях, и транспортные расходы, связанные с их участием в данных мероприятиях;
г) для вовлечения в спорт граждан пожилого возраста каждой махалле за счет Фонда «Нуроний» выделяются средства в размере 10 миллионов сумов в год;
д) состав «Совета старейшин и родителей» утверждается хокимом района (города) на основании рекомендации Фонда «Нуроний» и Ассоциации махаллей Узбекистана;
е) активные старейшины организуют установление общественного контроля за результативностью работы, осуществляемой в махаллях в рамках программ «Благоустроенная махалля», «От бедности к благополучию» и «Яшил макон», и состоянием социальных вопросов.
4. Министерству экономики и финансов в целях выполнения задач, определенных в настоящем постановлении, предусмотреть в параметрах Государственного бюджета на 2025 год выделение Фонду «Нуроний» средств в размере 504 млрд сумов, а также выделять необходимые средства в последующие годы.
При этом предусмотреть полное осуществление доходов и расходов Фонда «Нуроний» через казначейское исполнение.
5. Рекомендовать Кенгашам народных депутатов районов (городов) внедрение практики заслушивания на основе сведений, представленных активными старейшинами, информации руководителей соответствующих органов исполнительной власти по проблемам, связанным с реализацией в махаллях мер, определенных в настоящем постановлении, и их решениям, а также выявленным вопросам в ходе общественного контроля.
6. Кабинету Министров в месячный срок исходя из задач, определенных в настоящем постановлении, утвердить порядок прикрепления активных старейшин к бедным семьям и привлечения их к формированию здорового образа жизни и социально-духовной обстановки в махаллях.
7. Агентству информации и массовых коммуникаций совместно с Национальным информационным агентством Узбекистана и Национальной телерадиокомпанией Узбекистана принять меры по доведению до общественности сути и значения настоящего постановления.
8. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.
Президент Республики Узбекистан Ш. МИРЗИЁЕВ
г. Ташкент,
25 ноября 2024 г.,
№ ПП-405