📅 2024-yil 29-noyabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 29 ноябрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 29 ноября 2024 г. · Постановления Президента
Официальный текст. Официальный документ. Редакционные примечания не включены.
📅 29 November 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Бухоро, Наманган, Сурхондарё ва Қашқадарё вилоятларида ирригация инфратузилмасини реконструкция қилиш бўйича лойиҳаларни Хитой Халқ Республикасининг Экспорт-импорт банки иштирокида амалга ошириш чора-тадбирлари тўғрисида
Бухоро, Наманган, Сурхондарё ва Қашқадарё вилоятларида суғориладиган ерларнинг сув таъминотини яхшилаш, сув ресурсларини тежаш, қишлоқ хўжалигини барқарор ривожлантириш, шунингдек, Хитой Халқ Республикасининг Экспорт-импорт банки билан ҳамкорликни янада кенгайтириш мақсадида:
1. Қуйидагилар:
дастлабки қиймати 160 млн АҚШ доллари бўлган «Бухоро, Наманган ва Сурхондарё вилоятларидаги ирригация инфратузилмасини реконструкция қилиш» ҳамда дастлабки қиймати 60 млн АҚШ доллари бўлган «Қашқадарё вилоятида ирригация инфратузилмасини реконструкция қилиш» лойиҳаларининг (кейинги ўринларда — Лойиҳалар) техник-иқтисодий асослари ишлаб чиқилганлиги;
Лойиҳаларни амалга ошириш ва молиялаштириш учун Хитой Халқ Республикасининг Экспорт-импорт банки ва йирик компаниялари билан музокаралар олиб борилганлиги маълумот учун қабул қилинсин.
2. Лойиҳаларни амалга ошириш бўйича:
а) Сув хўжалиги вазирлигининг Сув хўжалигида хорижий инвестиция лойиҳаларини амалга ошириш маркази — буюртмачи;
б) Хитой Халқ Республикаси Экспорт-импорт банкининг имтиёзли кредити — молиялаштириш манбаси;
в) «Бухоро, Наманган ва Сурхондарё вилоятларидаги ирригация инфратузилмасини реконструкция қилиш» лойиҳаси бўйича:
лойиҳанинг ишчи ва бошқа ҳужжатларини ишлаб чиқиш бўйича «ЎзГИП» МЧЖ — бош лойиҳачи;
истисно тариқасида, Хитой Халқ Республикасининг «CITIC Construction Co.Ltd» компанияси — бош пудратчи;
г) «Қашқадарё вилоятида ирригация инфратузилмасини реконструкция қилиш» лойиҳаси бўйича:
лойиҳанинг ишчи ва бошқа ҳужжатларини ишлаб чиқиш бўйича «Сувлойиҳа» МЧЖ — бош лойиҳачи;
истисно тариқасида, Хитой Халқ Республикасининг «CITIC Construction Co.Ltd» компанияси ҳамда «China CAMC Engineering Co., Ltd.» компанияси — бош пудратчилар этиб белгилансин.
3. Инвестициялар, саноат ва савдо вазирлиги (Л. Кудратов), Сув хўжалиги вазирлиги (Ш. Хамраев) Хитой Халқ Республикасининг Экспорт-импорт банки билан музокаралар ўтказиб, Лойиҳаларни суғурта тўловисиз имтиёзли шартларда молиялаштириш бўйича шартларни келишсин.
4. Сув хўжалиги вазирлиги (Ш. Хамраев) «ЎзГИП» МЧЖ (Б. Рўзибоев), «Сувлойиҳа» МЧЖ (Қ. Бобожонов), Бухоро вилояти (Б. Зарипов), Наманган вилояти (Ш. Абдуразаков), Сурхондарё вилояти (У. Қосимов), Қашқадарё вилояти (М. Азимов) ҳокимликлари ҳамда манфаатдор вазирлик ва идоралар билан биргаликда:
бир ой муддатда Лойиҳаларнинг техник-иқтисодий асосларини Инвестициялар, саноат ва савдо вазирлиги, Иқтисодиёт ва молия вазирлиги ҳамда «Лойиҳалар ва импорт контрактларини комплекс экспертиза қилиш маркази» давлат унитар корхонасида экспертизадан ўтказсин;
икки ой муддатда Лойиҳаларнинг техник-иқтисодий асосларини тасдиқлаш юзасидан тегишли қарор лойиҳасини Вазирлар Маҳкамасига киритсин.
5. Сув хўжалиги вазирлиги (Ш. Хамраев), Бош прокуратура (С. Самадов) Бухоро, Наманган, Сурхондарё ва Қашқадарё вилоятлари ҳокимликлари билан биргаликда мазкур Лойиҳаларнинг лойиҳа ҳужжатлари (техник-иқтисодий асослари, тендер ҳужжатлари)ни ишлаб чиқишда маҳаллий контентларни инобатга олиш ҳамда объектлар қурилишига ажратилаётган маблағлардан самарали фойдаланиш ва ортиқча харажатларни қисқартириш орқали маблағларни иқтисод қилиш бўйича зарур чоралар кўриб борсин.
6. Белгилансинки:
а) Лойиҳаларнинг техник-иқтисодий асослари тасдиқлангандан сўнг Хитой Халқ Республикасининг Экспорт-импорт банки билан қарз битимлари 2025 йилдан бошлаб бажариладиган иш ҳажмларидан келиб чиқиб, қисмларга бўлган ҳолда имзоланади;
б) «Қашқадарё вилоятида ирригация инфратузилмасини реконструкция қилиш» лойиҳаси доирасида:
15 фоиз аванс тўлови учун 2025 йилда Қорақалпоғистон Республикаси ва вилоятлар маҳаллий бюджетларида мелиорация объектларини таъмирлаш-тиклаш ишлари учун назарда тутилган маблағлар ҳисобидан 120 млрд сўм йўналтирилади;
лойиҳанинг техник-иқтисодий асослари тасдиқлангандан сўнг, қарз битими шартларидан келиб чиқиб, 2025 йил учун Давлат бюджети параметрларига ўзгартиришлар киритилади.
7. Бухоро вилояти (Б. Зарипов), Наманган вилояти (Ш. Абдуразаков), Сурхондарё вилояти (У. Қосимов), Қашқадарё вилояти (М. Азимов) ҳокимликлари Сув хўжалиги вазирлиги (Ш. Хамраев) ва Қишлоқ хўжалиги вазирлиги (И. Абдурахмонов) билан биргаликда Лойиҳаларни амалга ошириш жараёнида бош пудратчиларга етарли иш шароитларини яратиш учун тасдиқланган сув очиш ва ёпиш графикларига қатъий риоя этилишини таъминласин.
8. Қуйидагилар:
сув хўжалиги вазири Ш. Хамраев, Бухоро вилояти ҳокими Б. Зарипов, Наманган вилояти ҳокими Ш. Абдуразаков, Сурхондарё вилояти ҳокими У. Қосимов, Қашқадарё вилояти ҳокими М. Азимов Лойиҳалар бўйича зарур чора-тадбирларни амалга ошириш учун лозим бўлган шароитларни таъминлашга, шунингдек, Хитой Халқ Республикасининг Экспорт-импорт банки тартиб-таомиллари ва Ўзбекистон Республикаси қонунчилик ҳужжатлари талабларига мувофиқ зарур ҳисобот ва ҳужжатларни ўз вақтида тайёрлаш ва тақдим этишни ташкил этишга;
Давлат молиявий назорати инспекцияси Лойиҳалар доирасидаги маблағларнинг мақсадли ажратилиши ва сарфланиши устидан доимий назорат ўрнатилишига;
қурилиш ва уй-жой коммунал хўжалиги вазири Ш. Хидоятов ҳамда Қурилиш ва уй-жой коммунал хўжалиги соҳасида назорат қилиш инспекцияси Лойиҳалар доирасида амалга ошириладиган қурилиш-монтаж ишларининг сифатли бажарилиши устидан назорат ўрнатилишига шахсан масъул ва жавобгар эканлиги белгилаб қўйилсин.
9. Мазкур қарорнинг ижросини назорат қилиш Ўзбекистон Республикаси Бош вазири ўринбосарлари Ж.А. Қўчқоров ва Ж.А. Ходжаев зиммасига юклансин.
Амалга оширилаётган чора-тадбирлар натижадорлиги юзасидан ҳар чоракда Ўзбекистон Республикаси Президентига ахборот бериб борилсин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 29 ноябрь,
ПҚ-409-сон
Oʻzbekiston Respublikasi Prezidentining
qarori
Buxoro, Namangan, Surxondaryo va Qashqadaryo viloyatlarida irrigatsiya infratuzilmasini rekonstruksiya qilish boʻyicha loyihalarni Xitoy Xalq Respublikasining Eksport-import banki ishtirokida amalga oshirish chora-tadbirlari toʻgʻrisida
Buxoro, Namangan, Surxondaryo va Qashqadaryo viloyatlarida sugʻoriladigan yerlarning suv taʼminotini yaxshilash, suv resurslarini tejash, qishloq xoʻjaligini barqaror rivojlantirish, shuningdek, Xitoy Xalq Respublikasining Eksport-import banki bilan hamkorlikni yanada kengaytirish maqsadida:
1. Quyidagilar:
dastlabki qiymati 160 mln AQSh dollari boʻlgan “Buxoro, Namangan va Surxondaryo viloyatlaridagi irrigatsiya infratuzilmasini rekonstruksiya qilish” hamda dastlabki qiymati 60 mln AQSh dollari boʻlgan “Qashqadaryo viloyatida irrigatsiya infratuzilmasini rekonstruksiya qilish” loyihalarining (keyingi oʻrinlarda — Loyihalar) texnik-iqtisodiy asoslari ishlab chiqilganligi;
Loyihalarni amalga oshirish va moliyalashtirish uchun Xitoy Xalq Respublikasining Eksport-import banki va yirik kompaniyalari bilan muzokaralar olib borilganligi maʼlumot uchun qabul qilinsin.
2. Loyihalarni amalga oshirish boʻyicha:
a) Suv xoʻjaligi vazirligining Suv xoʻjaligida xorijiy investitsiya loyihalarini amalga oshirish markazi — buyurtmachi;
b) Xitoy Xalq Respublikasi Eksport-import bankining imtiyozli krediti — moliyalashtirish manbasi;
v) “Buxoro, Namangan va Surxondaryo viloyatlaridagi irrigatsiya infratuzilmasini rekonstruksiya qilish” loyihasi boʻyicha:
loyihaning ishchi va boshqa hujjatlarini ishlab chiqish boʻyicha “OʻzGIP” MChJ — bosh loyihachi;
istisno tariqasida, Xitoy Xalq Respublikasining “CITIC Construction Co.Ltd” kompaniyasi — bosh pudratchi;
g) “Qashqadaryo viloyatida irrigatsiya infratuzilmasini rekonstruksiya qilish” loyihasi boʻyicha:
loyihaning ishchi va boshqa hujjatlarini ishlab chiqish boʻyicha “Suvloyiha” MChJ — bosh loyihachi;
istisno tariqasida, Xitoy Xalq Respublikasining “CITIC Construction Co.Ltd” kompaniyasi hamda “China CAMC Engineering Co., Ltd.” kompaniyasi — bosh pudratchilar etib belgilansin.
3. Investitsiyalar, sanoat va savdo vazirligi (L. Kudratov), Suv xoʻjaligi vazirligi (Sh. Xamrayev) Xitoy Xalq Respublikasining Eksport-import banki bilan muzokaralar oʻtkazib, Loyihalarni sugʻurta toʻlovisiz imtiyozli shartlarda moliyalashtirish boʻyicha shartlarni kelishsin.
4. Suv xoʻjaligi vazirligi (Sh. Xamrayev) “OʻzGIP” MChJ (B. Roʻziboyev), “Suvloyiha” MChJ (Q. Bobojonov), Buxoro viloyati (B. Zaripov), Namangan viloyati (Sh. Abdurazakov), Surxondaryo viloyati (U. Qosimov), Qashqadaryo viloyati (M. Azimov) hokimliklari hamda manfaatdor vazirlik va idoralar bilan birgalikda:
bir oy muddatda Loyihalarning texnik-iqtisodiy asoslarini Investitsiyalar, sanoat va savdo vazirligi, Iqtisodiyot va moliya vazirligi hamda “Loyihalar va import kontraktlarini kompleks ekspertiza qilish markazi” davlat unitar korxonasida ekspertizadan oʻtkazsin;
ikki oy muddatda Loyihalarning texnik-iqtisodiy asoslarini tasdiqlash yuzasidan tegishli qaror loyihasini Vazirlar Mahkamasiga kiritsin.
5. Suv xoʻjaligi vazirligi (Sh. Xamrayev), Bosh prokuratura (S. Samadov) Buxoro, Namangan, Surxondaryo va Qashqadaryo viloyatlari hokimliklari bilan birgalikda mazkur Loyihalarning loyiha hujjatlari (texnik-iqtisodiy asoslari, tender hujjatlari)ni ishlab chiqishda mahalliy kontentlarni inobatga olish hamda obyektlar qurilishiga ajratilayotgan mablagʻlardan samarali foydalanish va ortiqcha xarajatlarni qisqartirish orqali mablagʻlarni iqtisod qilish boʻyicha zarur choralar koʻrib borsin.
6. Belgilansinki:
a) Loyihalarning texnik-iqtisodiy asoslari tasdiqlangandan soʻng Xitoy Xalq Respublikasining Eksport-import banki bilan qarz bitimlari 2025-yildan boshlab bajariladigan ish hajmlaridan kelib chiqib, qismlarga boʻlgan holda imzolanadi;
b) “Qashqadaryo viloyatida irrigatsiya infratuzilmasini rekonstruksiya qilish” loyihasi doirasida:
15 foiz avans toʻlovi uchun 2025-yilda Qoraqalpogʻiston Respublikasi va viloyatlar mahalliy budjetlarida melioratsiya obyektlarini taʼmirlash-tiklash ishlari uchun nazarda tutilgan mablagʻlar hisobidan 120 mlrd soʻm yoʻnaltiriladi;
loyihaning texnik-iqtisodiy asoslari tasdiqlangandan soʻng, qarz bitimi shartlaridan kelib chiqib, 2025-yil uchun Davlat budjeti parametrlariga oʻzgartirishlar kiritiladi.
7. Buxoro viloyati (B. Zaripov), Namangan viloyati (Sh. Abdurazakov), Surxondaryo viloyati (U. Qosimov), Qashqadaryo viloyati (M. Azimov) hokimliklari Suv xoʻjaligi vazirligi (Sh. Xamrayev) va Qishloq xoʻjaligi vazirligi (I. Abduraxmonov) bilan birgalikda Loyihalarni amalga oshirish jarayonida bosh pudratchilarga yetarli ish sharoitlarini yaratish uchun tasdiqlangan suv ochish va yopish grafiklariga qatʼiy rioya etilishini taʼminlasin.
8. Quyidagilar:
suv xoʻjaligi vaziri Sh. Xamrayev, Buxoro viloyati hokimi B. Zaripov, Namangan viloyati hokimi Sh. Abdurazakov, Surxondaryo viloyati hokimi U. Qosimov, Qashqadaryo viloyati hokimi M. Azimov Loyihalar boʻyicha zarur chora-tadbirlarni amalga oshirish uchun lozim boʻlgan sharoitlarni taʼminlashga, shuningdek, Xitoy Xalq Respublikasining Eksport-import banki tartib-taomillari va Oʻzbekiston Respublikasi qonunchilik hujjatlari talablariga muvofiq zarur hisobot va hujjatlarni oʻz vaqtida tayyorlash va taqdim etishni tashkil etishga;
Davlat moliyaviy nazorati inspeksiyasi Loyihalar doirasidagi mablagʻlarning maqsadli ajratilishi va sarflanishi ustidan doimiy nazorat oʻrnatilishiga;
qurilish va uy-joy kommunal xoʻjaligi vaziri Sh. Xidoyatov hamda Qurilish va uy-joy kommunal xoʻjaligi sohasida nazorat qilish inspeksiyasi Loyihalar doirasida amalga oshiriladigan qurilish-montaj ishlarining sifatli bajarilishi ustidan nazorat oʻrnatilishiga shaxsan masʼul va javobgar ekanligi belgilab qoʻyilsin.
9. Mazkur qarorning ijrosini nazorat qilish Oʻzbekiston Respublikasi Bosh vaziri oʻrinbosarlari J.A. Qoʻchqorov va J.A. Xodjayev zimmasiga yuklansin.
Amalga oshirilayotgan chora-tadbirlar natijadorligi yuzasidan har chorakda Oʻzbekiston Respublikasi Prezidentiga axborot berib borilsin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 29-noyabr,
PQ-409-son
Президента Республики Узбекистан
Постановление
О мерах по реализации проектов реконструкции ирригационной инфраструктуры в Бухарской, Наманганской, Сурхандарьинской и Кашкадарьинской областях с участием Экспортно-импортного банка Китайской Народной Республики
В целях улучшения водоснабжения орошаемых земель, экономии водных ресурсов, устойчивого развития сельского хозяйства в Бухарской, Наманганской, Сурхандарьинской и Кашкадарьинской областях, а также дальнейшего расширения сотрудничества с Экспортно-импортным банком Китайской Народной Республики:
1. Принять к сведению, что:
разработано технико-экономическое обоснование проектов « Реконструкция ирригационной инфраструктуры в Бухарской, Наманганской и Сурхандарьинской областях » предварительной стоимостью 160 миллионов долларов США и «Реконструкция ирригационной инфраструктуры в Кашкадарьинской области» предварительной стоимостью 60 миллионов долларов США (далее — Проекты);
с Экспортно-импортным банком и крупными компаниями Китайской Народной Республики проведены переговоры по реализации и финансированию Проектов.
2. Определить:
а) заказчиком реализации Проектов — Центр реализации зарубежных инвестиционных проектов в водном хозяйстве при Министерстве водного хозяйства;
б) источником финансирования реализации Проектов — льготный кредит Экспортно-импортного банка Китайской Народной Республики;
в) по проекту « Реконструкция ирригационной инфраструктуры в Бухарской, Наманганской и Сурхандарьинской областях»:
генеральным проектировщиком по разработке рабочей и иной документации — ООО «УзГИП»;
генеральным подрядчиком, в порядке исключения — компанию Китайской Народной Республики «CITIC Construction Co.Ltd»;
г) по проекту « Реконструкция ирригационной инфраструктуры в Кашкадарьинской области » :
генеральным проектировщиком по разработке рабочей и иной документации — ООО «Сувлойиха»;
генеральным подрядчиком, в порядке исключения — компании Китайской Народной Республики «CITIC Construction Co.Ltd» и «China CAMC Engineering Co., Ltd.».
3. Министерству инвестиций, промышленности и торговли (Л. Кудратов), Министерству водного хозяйства (Ш. Хамраев) провести переговоры с Экспортно-импортным банком Китайской Народной Республики, согласовать условия финансирования Проектов без страховых выплат на льготных условиях.
4. Министерству водного хозяйства (Ш. Хамраев) совместно с ООО «УзГИП» (Б. Рузибоев), ООО «Сувлойиха» (К. Бобожонов), хокимиятами Бухарской области (Б. Зарипов), Наманганской области (Ш. Абдуразаков), Сурхандарьинской области (У. Косимов), Кашкадарьинской области (М. Азимов), а также заинтересованными министерствами и ведомствами:
в месячный срок провести экспертизу технико-экономического обоснования Проектов в Министерстве инвестиций, промышленности и торговли, Министерстве экономики и финансов, а также на Государственном унитарном предприятии «Центр комплексной экспертизы проектов и импортных контрактов»;
в двухмесячный срок внести в Кабинет Министров проект соответствующего постановления по утверждению технико-экономического обоснования Проектов.
5. Министерству водного хозяйства (Ш. Хамраев), Генеральной прокуратуре (С. Самадов) совместно с хокимиятами Бухарской, Наманганской, Сурхандарьинской и Кашкадарьинской областей принимать необходимые меры по учету отечественных контентов при разработке проектной документации (технико-экономического обоснования, тендерной документации) вышеуказанных Проектов, а также экономии средств путем эффективного использования выделяемых на строительство объектов средств и сокращения излишних расходов.
6. Определить, что:
а) начиная с 2025 года заемные соглашения с Экспортно-импортным банком Китайской Народной Республики подписываются после утверждения технико-экономического обоснования Проектов с разделением на части, исходя из фактического объема выполненной работы;
б) в рамках проекта « Реконструкция ирригационной инфраструктуры в Кашкадарьинской области » :
для осуществления 15-процентного авансового платежа в 2025 году направляется 120 миллиардов сумов за счет средств, предусмотренных на работы по ремонту и восстановлению мелиорационных объектов в местных бюджетах Республики Каракалпакстан и областей;
изменения в параметры Государственного бюджета на 2025 год вносятся после утверждения технико-экономического обоснования проекта, исходя из условий заемного соглашения.
7. Хокимиятам Бухарской области (Б. Зарипов), Наманганской области (Ш. Абдуразаков), Сурхандарьинской области (У. Косимов), Кашкадарьинской области (М. Азимов) совместно с Министерством водного хозяйства (Ш. Хамраев) и Министерством сельского хозяйства (И. Абдурахмонов) в целях создания достаточных условий для работы генеральным подрядчикам в процессе реализации Проектов обеспечить строгое соблюдение утвержденных графиков подачи и отключения воды.
8. Возложить персональную ответственность на:
министра водного хозяйства Ш. Хамраева, хокима Бухарской области Б. Зарипова, хокима Наманганской области Ш. Абдуразакова, хокима Сурхандарьинской области У. Косимова, хокима Кашкадарьинской области М. Азимова — за обеспечение условий, требуемых для осуществления необходимых мер по Проектам, а также организацию своевременной подготовки и представления необходимых отчетов и документов по Проектам в соответствии с процедурами Экспортно-импортного банка Китайской Народной Республики и требованиями актов законодательства Республики Узбекистан;
Инспекцию государственного финансового контроля — за установление постоянного контроля над целевым выделением и использованием средств в рамках Проектов;
министра строительства и жилищно-коммунального хозяйства Ш. Хидоятова и Инспекцию по контролю в сфере строительства и жилищно-коммунального хозяйства — за установление контроля над качественным выполнением строительно-монтажных работ в рамках Проектов.
9. Контроль за исполнением настоящего постановления возложить на заместителей Премьер-министра Республики Узбекистан Д.А. Кучкарова и Ж.А. Ходжаева.
Ежеквартально представлять Президенту Республики Узбекистан информацию о результативности осуществляемых мер.
Президент Республики Узбекистан Ш. МИРЗИЁЕВ
г. Ташкент,
29 ноября 2024 г.,
№ ПП-409