📅 2024-yil 2-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 2 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 2 декабря 2024 г. · Постановления Президента
Официальный текст. Официальный документ. Редакционные примечания не включены.
📅 2 December 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Қишлоқ хўжалиги соҳасида давлат бошқарувини янада такомиллаштириш чора-тадбирлари тўғрисида
Сўнгги йилларда мамлакатимизда қишлоқ хўжалиги ва озиқ-овқат соҳасини ислоҳ қилиш, хусусан, соҳада давлат бошқаруви тизимини такомиллаштириш борасида муайян ишлар амалга оширилмоқда.
Шу билан бирга ҳудудлар агросаноат тармоғидаги давлат бошқаруви органлари вазифа ва функцияларининг такрорланиши, ҳудудларда ягона бошқарув тизимининг мавжуд эмаслиги самарали ҳамкорликни йўлга қўйишга, соҳада ягона давлат сиёсатини олиб бориш ва стратегик вазифа ва ислоҳотларни етарлича амалга оширишга тўсқинлик қилмоқда. Мазкур ҳолат ҳудудларда қишлоқ хўжалиги соҳасида ягона интеграциялашган давлат бошқаруви тизимини йўлга қўйиш заруратини келтириб чиқармоқда.
Янги Ўзбекистон шароитида аграр соҳада замонавий талабларга жавоб берадиган ихчам, интеграциялашган давлат бошқаруви тизимини йўлга қўйиш, олиб борилаётган ислоҳотларнинг самарадорлигини янада ошириш ва тизим фаолиятини трансформация қилиш мақсадида:
1. Қуйидагилар:
Қорақалпоғистон Республикаси Вазирлар Кенгаши ва вилоятлар ҳокимликлари тузилмаларига — Ўзбекистон Республикаси қишлоқ хўжалиги вазири тақдимномасига биноан қонунчилик ҳужжатларида белгиланган тартибда лавозимга тайинланадиган ва лавозимидан озод этиладиган Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиғи лавозими;
туман (Қувасой шаҳар) ҳокимликлари тузилмаларига — Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиғи тақдимномасига биноан қонунчилик ҳужжатларида белгиланган тартибда лавозимга тайинланадиган ва лавозимидан озод этиладиган ҳокимнинг қишлоқ ва сув хўжалиги масалалари бўйича ўринбосари — туман (Қувасой шаҳар) қишлоқ хўжалиги бўлими бошлиғи лавозими киритилсин.
2. Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиқлари ҳамда туман (Қувасой шаҳар) ҳокимининг қишлоқ ва сув хўжалиги масалалари бўйича ўринбосари — туман (Қувасой шаҳар) қишлоқ хўжалиги бўлими бошлиқлари қуйидагиларга алоҳида эътибор қаратсин:
озиқ-овқат хавфсизлигини таъминлаш, озиқ-овқат ва қишлоқ хўжалиги соҳаларини модернизациялаш, диверсификация қилиш ва барқарор ўсишини қўллаб-қувватлаш учун хусусий инвестиция капитали оқимини кўпайтириш орқали соҳада давлат иштирокини камайтириш ва инвестициявий жозибадорликни ошириш механизмларини жорий қилиш;
республика аҳолисининг сувга бўлган муттасил ошиб бораётган эҳтиёжларини қондириш учун шарт-шароитлар яратиш, сув ресурсларини тежаш ва ундан самарали фойдаланишни таъминлаш чораларини кўриш;
қишлоқ хўжалиги маҳсулотларини харид қилиш ва сотишда бозор тамойилларини кенг жорий этиш, сифат назорати бўйича инфратузилмани ривожлантириш, қулай инвестиция муҳитини яратиш, экспортни кўпайтириш, мақсадли халқаро бозорларда рақобатбардош, юқори сифатли қишлоқ хўжалиги ва озиқ-овқат товарлари ишлаб чиқаришни назарда тутувчи қулай агробизнес муҳити ва қўшилган қиймат занжирини яратиш;
қишлоқ жойларини мувозанатли ва барқарор тараққий эттиришга кўмаклашишни назарда тутувчи қишлоқ ҳудудларини ривожлантириш дастурларини амалга оширишни таъминлаш;
қишлоқ хўжалиги соҳасида рақамли (смарт) технологияларни кенг жорий этиш, янги иш ўринлари ва хизматларни ташкил қилиш чорасини кўриш.
3. Қуйидагилар:
Қорақалпоғистон Республикаси Вазирлар Кенгаши, вилоятлар ҳокимликлари тузилмаларидаги — Қорақалпоғистон Республикаси Вазирлар Кенгаши Раисининг, вилоят ҳокимининг қишлоқ ва сув хўжалиги масалалари бўйича ўринбосари лавозими;
туман (Қувасой шаҳар) ҳокимликлари тузилмасидаги — ҳокимнинг қишлоқ ва сув хўжалиги масалалари бўйича ўринбосари лавозими;
Қишлоқ хўжалиги вазирлиги (кейинги ўринларда — вазирлик) тузилмасидаги — Қорақалпоғистон Республикаси қишлоқ хўжалиги вазири ва вилоятлар қишлоқ хўжалиги бошқармалари бошлиғи ҳамда туманлар (Қувасой шаҳар) қишлоқ хўжалиги бўлимлари бошлиғи лавозимлари тугатилсин.
Бунда вазирликнинг мазкур бандга мувофиқ тугатилаётган штат бирликлари ҳисобига унинг ҳудудий бўлинмаларида озиқ-овқат хавфсизлигини таъминлашга масъул ходим лавозими жорий этилади.
4. Қишлоқ хўжалиги вазирлиги икки ой муддатда:
вазирликнинг озиқ-овқат маҳсулотларини етиштириш ва озиқ-овқат хавфсизлигини таъминлаш борасидаги ваколатларига оид норматив-ҳуқуқий ҳужжат лойиҳасини;
озиқ-овқат хавфсизлигини таъминлаш борасидаги тақдимномаларни бажармаганлик учун жавобгарликни белгилаш юзасидан Маъмурий жавобгарлик тўғрисидаги кодексга тегишли ўзгартириш ва қўшимчалар киритиш бўйича қонун лойиҳасини Вазирлар Маҳкамасига киритсин.
5. Қорақалпоғистон Республикаси Вазирлар Кенгаши ва вилоятлар ҳокимликлари ҳамда қишлоқ хўжалиги вазири И.Ю. Абдурахмонов мазкур қарорнинг 2-банди билан белгиланган вазифаларнинг самарали бажарилишини таъминлаш ҳамда юзага келадиган муаммоларни бартараф этиш чораларини кўриб борсин.
6. Қишлоқ хўжалиги вазирлиги манфаатдор вазирлик ва идоралар билан биргаликда икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
7. Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига иловага мувофиқ ўзгартириш ва қўшимчалар киритилсин.
8. Мазкур қарор ижросини самарали ташкил қилишга масъул ва шахсий жавобгар этиб қишлоқ хўжалиги вазири И.Ю. Абдурахмонов белгилансин.
Қарор ижросини назорат қилиш, ижро учун масъул идоралар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 2 декабрдаги ПҚ-413-сон қарорига ИЛОВА
Ўзбекистон Республикаси Президентининг ва Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2016 йил 22 декабрдаги «Маҳаллий ижроия ҳокимияти органлари фаолиятини янада такомиллаштириш тўғрисида»ги ПҚ-2691-сон қарорига 1-иловадаги «Ҳокимнинг қишлоқ ва сув хўжалиги масалалари бўйича ўринбосари» блоки «Ҳокимнинг қишлоқ ва сув хўжалиги масалалари бўйича ўринбосари — қишлоқ хўжалиги бошқармаси бошлиғи» блоки билан алмаштирилсин.
2. Ўзбекистон Республикаси Президентининг 2017 йил 20 июлдаги «Тошкент вилоятининг маъмурий-ҳудудий тузилишини ҳамда маҳаллий ижроия ҳокимияти органлари фаолиятини янада такомиллаштириш чора-тадбирлари тўғрисида»ги ПҚ-3142-сон қарорига 2-иловадаги «Ҳокимнинг қишлоқ ва сув хўжалиги масалалари бўйича ўринбосари» блоки «Ҳокимнинг қишлоқ ва сув хўжалиги масалалари бўйича ўринбосари — қишлоқ хўжалиги бошқармаси бошлиғи» блоки билан алмаштирилсин.
3. Ўзбекистон Республикаси Президентининг 2020 йил 8 июндаги «Тадбиркорлик фаолияти ва ўзини ўзи банд қилишни давлат томонидан тартибга солишни соддалаштириш чора-тадбирлари тўғрисида»ги ПҚ-4742-сон қарорига иловада :
а) қуйидаги мазмундаги 102-банд билан тўлдирилсин:
«* 102. Маҳаллаларда қишлоқ хўжалиги маҳсулотларини йиғиб, фақат маҳаллий экспорт қилувчи корхоналарга сотиш»;
б) изоҳ қисми қуйидаги мазмундаги иккинчи хатбоши билан тўлдирилсин:
4. Ўзбекистон Республикаси Президентининг 2021 йил 17 февралдаги «2021 — 2023 йилларда Сурхондарё вилояти Узун тумани Боботоғ ҳудудини ижтимоий-иқтисодий ривожлантириш чора-тадбирлари тўғрисида»ги ПҚ-4995-сон қарорига 6-иловадаги «Ҳокимнинг қишлоқ ва сув хўжалиги масалалари бўйича ўринбосари» блоки «Ҳокимнинг қишлоқ ва сув хўжалиги масалалари бўйича ўринбосари — туман қишлоқ хўжалиги бўлими бошлиғи» блоки билан алмаштирилсин.
5. Ўзбекистон Республикаси Президентининг 2021 йил 3 декабрдаги «Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш масалалари бўйича ҳоким ёрдамчилари фаолиятини ташкил этиш чора-тадбирлари тўғрисида»ги ПҚ-31-сон қарорида :
а) 5-иловадаги «Ҳокимнинг қишлоқ ва сув хўжалиги масалалари бўйича ўринбосари**» блоки «Ҳокимнинг қишлоқ ва сув хўжалиги масалалари бўйича ўринбосари — шаҳар қишлоқ хўжалиги бўлими бошлиғи**» блоки билан алмаштирилсин;
б) 6-иловадаги «Ҳокимнинг қишлоқ ва сув хўжалиги масалалари бўйича ўринбосари***» блоки «Ҳокимнинг қишлоқ ва сув хўжалиги масалалари бўйича ўринбосари — туман қишлоқ хўжалиги бўлими бошлиғи***» блоки билан алмаштирилсин.
6. Ўзбекистон Республикаси Президентининг 2023 йил 7 июлдаги «Аграр соҳада илм-фан, таълим ва ишлаб чиқаришни интеграция қилиш орқали сифат ва самарадорликни оширишнинг қўшимча чора-тадбирлари тўғрисида»ги ПҚ-216-сон қарорига 1-илованинг 32-позицияси «Амалга ошириш механизми», «Бажариш муддати», «Молиялаштириш манбалари» ва «Ижро учун масъуллар» устунларининг 1-банди чиқариб ташлансин.
7. Ўзбекистон Республикаси Президентининг 2023 йил 31 майдаги «Республика ижро этувчи ҳокимияти органлари маъмурий биноларидан самарали фойдаланиш чора-тадбирлари тўғрисида»ги Ф-26-сон фармойишида:
а) 1-илованинг «4. Қишлоқ хўжалиги вазирлиги» бўлимида:
1 — 3-позициялар қуйидаги таҳрирда баён этилсин:
« 1. Қишлоқ хўжалиги вазирлиги марказий аппарати Тошкент вилояти, Қибрай тумани, Университет кўчаси, 2-уй 2. Агросаноатни ривожлантириш агентлиги Тошкент шаҳри, Мирзо Улуғбек тумани, «Оқибат» МФЙ, Марказ-1 Буюк ипак йўли мавзеси, 42-уй манзилида жойлашган бинонинг нотурар бўлган 1-қавати ва ертўласи 3. Ипакчилик ва жун саноатини ривожлантириш қўмитаси Тошкент шаҳри, Мирзо Улуғбек тумани, Исмоил ота кўчаси, 1-а уй »;
4-позиция чиқариб ташлансин;
қуйидаги мазмундаги 28-бўлим билан тўлдирилсин:
« 28. Вазирлар Маҳкамаси ҳузуридаги Агросаноат мажмуи устидан назорат қилиш инспекцияси 1. Агросаноат мажмуи устидан назорат қилиш инспекцияси Тошкент шаҳри, Шайхонтоҳур тумани, Обиназир кўчаси, 109-уй »;
б) 2-илованинг 6 ва 7-позициялари чиқариб ташлансин;
в) 3-илованинг 4 ва 5-позициялари чиқариб ташлансин.
8. Вазирлар Маҳкамасининг 2019 йил 9 июлдаги 571-сон қарори билан тасдиқланган Ўзбекистон Республикаси Қишлоқ хўжалиги вазирлиги тўғрисидаги низомда :
34 ва 35-бандлари қуйидаги таҳрирда баён этилсин:
«34. Вазирлик марказий аппаратнинг таркибий бўлинмалари ходимлари вазир томонидан лавозимга тайинланади ва лавозимдан озод қилинади.
35. Қорақалпоғистон Республикаси Вазирлар Кенгаши Раисининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири Ўзбекистон Республикаси қишлоқ хўжалиги вазирининг тақдимномасига биноан Қорақалпоғистон Республикаси Жўқорғи Кенгеси томонидан лавозимга тайинланади ва лавозимдан озод қилинади»;
қуйидаги мазмундаги 35 1 -банди билан тўлдирилсин:
«35 1 . Вилоят ҳокимларининг қишлоқ ва сув хўжалиги масалалари бўйича ўринбосари — вилоятлар қишлоқ хўжалиги бошқармалари бошлиқлари Ўзбекистон Республикаси қишлоқ хўжалиги вазирининг тақдимномасига биноан вилоят ҳокимлари томонидан лавозимга тайинланади ва лавозимдан озод қилинади»;
36 ва 37-бандлар қуйидаги таҳрирда баён этилсин:
«36. Вилоятлар (Тошкент шаҳар) қишлоқ хўжалиги бошқармалари бошлиқлари ўринбосарлари очиқ мустақил танлов асосида Ўзбекистон Республикаси қишлоқ хўжалиги вазири томонидан лавозимга тайинланади.
37. Туман ҳокимининг қишлоқ ва сув хўжалиги масалалари бўйича ўринбосари — туман (Қувасой шаҳар) қишлоқ хўжалиги бўлими бошлиқлари Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиғи тақдимномасига биноан туман ҳокимлари томонидан лавозимга тайинланади ва лавозимдан озод қилинади».
9. Вазирлар Маҳкамасининг 2020 йил 24 февралдаги 109-сон қарори билан тасдиқланган Қишлоқ хўжалигида фойдаланилмаётган ерларни фойдаланишга киритишда ирригация ва мелиорация объектларини қуриш ва реконструкция қилиш билан боғлиқ харажатларни қоплаб бериш тартиби тўғрисидаги низомда :
а) 3-илованинг 1-банди қуйидаги таҳрирда баён этилсин:
«1. Туман (шаҳар) ҳокимликлари тузилмасидаги — ҳокимнинг қишлоқ ва сув хўжалиги масалалари бўйича ўринбосари, Ишчи гуруҳи раҳбари».
б) 4-илованинг биринчи хатбошиси қуйидаги таҳрирда баён этилсин:
«Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиғи, Ишчи гуруҳ раҳбари».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 2 декабрь,
ПҚ-413-сон
Oʻzbekiston Respublikasi Prezidentining
qarori
Qishloq xoʻjaligi sohasida davlat boshqaruvini yanada takomillashtirish chora-tadbirlari toʻgʻrisida
Soʻnggi yillarda mamlakatimizda qishloq xoʻjaligi va oziq-ovqat sohasini isloh qilish, xususan, sohada davlat boshqaruvi tizimini takomillashtirish borasida muayyan ishlar amalga oshirilmoqda.
Shu bilan birga hududlar agrosanoat tarmogʻidagi davlat boshqaruvi organlari vazifa va funksiyalarining takrorlanishi, hududlarda yagona boshqaruv tizimining mavjud emasligi samarali hamkorlikni yoʻlga qoʻyishga, sohada yagona davlat siyosatini olib borish va strategik vazifa va islohotlarni yetarlicha amalga oshirishga toʻsqinlik qilmoqda. Mazkur holat hududlarda qishloq xoʻjaligi sohasida yagona integratsiyalashgan davlat boshqaruvi tizimini yoʻlga qoʻyish zaruratini keltirib chiqarmoqda.
Yangi Oʻzbekiston sharoitida agrar sohada zamonaviy talablarga javob beradigan ixcham, integratsiyalashgan davlat boshqaruvi tizimini yoʻlga qoʻyish, olib borilayotgan islohotlarning samaradorligini yanada oshirish va tizim faoliyatini transformatsiya qilish maqsadida:
1. Quyidagilar:
Qoraqalpogʻiston Respublikasi Vazirlar Kengashi va viloyatlar hokimliklari tuzilmalariga — Oʻzbekiston Respublikasi qishloq xoʻjaligi vaziri taqdimnomasiga binoan qonunchilik hujjatlarida belgilangan tartibda lavozimga tayinlanadigan va lavozimidan ozod etiladigan Qoraqalpogʻiston Respublikasi Vazirlar Kengashi Raisining va viloyatlar hokimlarining qishloq va suv xoʻjaligi masalalari boʻyicha oʻrinbosari — Qoraqalpogʻiston Respublikasi qishloq xoʻjaligi vaziri, viloyat qishloq xoʻjaligi boshqarmasi boshligʻi lavozimi;
tuman (Quvasoy shahar) hokimliklari tuzilmalariga — Qoraqalpogʻiston Respublikasi Vazirlar Kengashi Raisining va viloyatlar hokimlarining qishloq va suv xoʻjaligi masalalari boʻyicha oʻrinbosari — Qoraqalpogʻiston Respublikasi qishloq xoʻjaligi vaziri, viloyat qishloq xoʻjaligi boshqarmasi boshligʻi taqdimnomasiga binoan qonunchilik hujjatlarida belgilangan tartibda lavozimga tayinlanadigan va lavozimidan ozod etiladigan hokimning qishloq va suv xoʻjaligi masalalari boʻyicha oʻrinbosari — tuman (Quvasoy shahar) qishloq xoʻjaligi boʻlimi boshligʻi lavozimi kiritilsin.
2. Qoraqalpogʻiston Respublikasi Vazirlar Kengashi Raisining va viloyatlar hokimlarining qishloq va suv xoʻjaligi masalalari boʻyicha oʻrinbosari — Qoraqalpogʻiston Respublikasi qishloq xoʻjaligi vaziri, viloyat qishloq xoʻjaligi boshqarmasi boshliqlari hamda tuman (Quvasoy shahar) hokimining qishloq va suv xoʻjaligi masalalari boʻyicha oʻrinbosari — tuman (Quvasoy shahar) qishloq xoʻjaligi boʻlimi boshliqlari quyidagilarga alohida eʼtibor qaratsin:
oziq-ovqat xavfsizligini taʼminlash, oziq-ovqat va qishloq xoʻjaligi sohalarini modernizatsiyalash, diversifikatsiya qilish va barqaror oʻsishini qoʻllab-quvvatlash uchun xususiy investitsiya kapitali oqimini koʻpaytirish orqali sohada davlat ishtirokini kamaytirish va investitsiyaviy jozibadorlikni oshirish mexanizmlarini joriy qilish;
respublika aholisining suvga boʻlgan muttasil oshib borayotgan ehtiyojlarini qondirish uchun shart-sharoitlar yaratish, suv resurslarini tejash va undan samarali foydalanishni taʼminlash choralarini koʻrish;
qishloq xoʻjaligi mahsulotlarini xarid qilish va sotishda bozor tamoyillarini keng joriy etish, sifat nazorati boʻyicha infratuzilmani rivojlantirish, qulay investitsiya muhitini yaratish, eksportni koʻpaytirish, maqsadli xalqaro bozorlarda raqobatbardosh, yuqori sifatli qishloq xoʻjaligi va oziq-ovqat tovarlari ishlab chiqarishni nazarda tutuvchi qulay agrobiznes muhiti va qoʻshilgan qiymat zanjirini yaratish;
qishloq joylarini muvozanatli va barqaror taraqqiy ettirishga koʻmaklashishni nazarda tutuvchi qishloq hududlarini rivojlantirish dasturlarini amalga oshirishni taʼminlash;
qishloq xoʻjaligi sohasida raqamli (smart) texnologiyalarni keng joriy etish, yangi ish oʻrinlari va xizmatlarni tashkil qilish chorasini koʻrish.
3. Quyidagilar:
Qoraqalpogʻiston Respublikasi Vazirlar Kengashi, viloyatlar hokimliklari tuzilmalaridagi — Qoraqalpogʻiston Respublikasi Vazirlar Kengashi Raisining, viloyat hokimining qishloq va suv xoʻjaligi masalalari boʻyicha oʻrinbosari lavozimi;
tuman (Quvasoy shahar) hokimliklari tuzilmasidagi — hokimning qishloq va suv xoʻjaligi masalalari boʻyicha oʻrinbosari lavozimi;
Qishloq xoʻjaligi vazirligi (keyingi oʻrinlarda — vazirlik) tuzilmasidagi — Qoraqalpogʻiston Respublikasi qishloq xoʻjaligi vaziri va viloyatlar qishloq xoʻjaligi boshqarmalari boshligʻi hamda tumanlar (Quvasoy shahar) qishloq xoʻjaligi boʻlimlari boshligʻi lavozimlari tugatilsin.
Bunda vazirlikning mazkur bandga muvofiq tugatilayotgan shtat birliklari hisobiga uning hududiy boʻlinmalarida oziq-ovqat xavfsizligini taʼminlashga masʼul xodim lavozimi joriy etiladi.
4. Qishloq xoʻjaligi vazirligi ikki oy muddatda:
vazirlikning oziq-ovqat mahsulotlarini yetishtirish va oziq-ovqat xavfsizligini taʼminlash borasidagi vakolatlariga oid normativ-huquqiy hujjat loyihasini;
oziq-ovqat xavfsizligini taʼminlash borasidagi taqdimnomalarni bajarmaganlik uchun javobgarlikni belgilash yuzasidan Maʼmuriy javobgarlik toʻgʻrisidagi kodeksga tegishli oʻzgartirish va qoʻshimchalar kiritish boʻyicha qonun loyihasini Vazirlar Mahkamasiga kiritsin.
5. Qoraqalpogʻiston Respublikasi Vazirlar Kengashi va viloyatlar hokimliklari hamda qishloq xoʻjaligi vaziri I.Y. Abduraxmonov mazkur qarorning 2-bandi bilan belgilangan vazifalarning samarali bajarilishini taʼminlash hamda yuzaga keladigan muammolarni bartaraf etish choralarini koʻrib borsin.
6. Qishloq xoʻjaligi vazirligi manfaatdor vazirlik va idoralar bilan birgalikda ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
7. Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga ilovaga muvofiq oʻzgartirish va qoʻshimchalar kiritilsin.
8. Mazkur qaror ijrosini samarali tashkil qilishga masʼul va shaxsiy javobgar etib qishloq xoʻjaligi vaziri I.Y. Abduraxmonov belgilansin.
Qaror ijrosini nazorat qilish, ijro uchun masʼul idoralar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 2-dekabrdagi PQ-413-son qaroriga ILOVA
Oʻzbekiston Respublikasi Prezidentining va Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2016-yil 22-dekabrdagi “Mahalliy ijroiya hokimiyati organlari faoliyatini yanada takomillashtirish toʻgʻrisida”gi PQ-2691-son qaroriga 1-ilovadagi “Hokimning qishloq va suv xoʻjaligi masalalari boʻyicha oʻrinbosari” bloki “Hokimning qishloq va suv xoʻjaligi masalalari boʻyicha oʻrinbosari — qishloq xoʻjaligi boshqarmasi boshligʻi” bloki bilan almashtirilsin.
2. Oʻzbekiston Respublikasi Prezidentining 2017-yil 20-iyuldagi “Toshkent viloyatining maʼmuriy-hududiy tuzilishini hamda mahalliy ijroiya hokimiyati organlari faoliyatini yanada takomillashtirish chora-tadbirlari toʻgʻrisida”gi PQ-3142-son qaroriga 2-ilovadagi “Hokimning qishloq va suv xoʻjaligi masalalari boʻyicha oʻrinbosari” bloki “Hokimning qishloq va suv xoʻjaligi masalalari boʻyicha oʻrinbosari — qishloq xoʻjaligi boshqarmasi boshligʻi” bloki bilan almashtirilsin.
3. Oʻzbekiston Respublikasi Prezidentining 2020-yil 8-iyundagi “Tadbirkorlik faoliyati va oʻzini oʻzi band qilishni davlat tomonidan tartibga solishni soddalashtirish chora-tadbirlari toʻgʻrisida”gi PQ-4742-son qaroriga ilovada :
a) quyidagi mazmundagi 102-band bilan toʻldirilsin:
“* 102. Mahallalarda qishloq xoʻjaligi mahsulotlarini yigʻib, faqat mahalliy eksport qiluvchi korxonalarga sotish”;
b) izoh qismi quyidagi mazmundagi ikkinchi xatboshi bilan toʻldirilsin:
4. Oʻzbekiston Respublikasi Prezidentining 2021-yil 17-fevraldagi “2021 — 2023-yillarda Surxondaryo viloyati Uzun tumani Bobotogʻ hududini ijtimoiy-iqtisodiy rivojlantirish chora-tadbirlari toʻgʻrisida”gi PQ-4995-son qaroriga 6-ilovadagi “Hokimning qishloq va suv xoʻjaligi masalalari boʻyicha oʻrinbosari” bloki “Hokimning qishloq va suv xoʻjaligi masalalari boʻyicha oʻrinbosari — tuman qishloq xoʻjaligi boʻlimi boshligʻi” bloki bilan almashtirilsin.
5. Oʻzbekiston Respublikasi Prezidentining 2021-yil 3-dekabrdagi “Mahallada tadbirkorlikni rivojlantirish, aholi bandligini taʼminlash va kambagʻallikni qisqartirish masalalari boʻyicha hokim yordamchilari faoliyatini tashkil etish chora-tadbirlari toʻgʻrisida”gi PQ-31-son qarorida :
a) 5-ilovadagi “Hokimning qishloq va suv xoʻjaligi masalalari boʻyicha oʻrinbosari**” bloki “Hokimning qishloq va suv xoʻjaligi masalalari boʻyicha oʻrinbosari — shahar qishloq xoʻjaligi boʻlimi boshligʻi**” bloki bilan almashtirilsin;
b) 6-ilovadagi “Hokimning qishloq va suv xoʻjaligi masalalari boʻyicha oʻrinbosari***” bloki “Hokimning qishloq va suv xoʻjaligi masalalari boʻyicha oʻrinbosari — tuman qishloq xoʻjaligi boʻlimi boshligʻi***” bloki bilan almashtirilsin.
6. Oʻzbekiston Respublikasi Prezidentining 2023-yil 7-iyuldagi “Agrar sohada ilm-fan, taʼlim va ishlab chiqarishni integratsiya qilish orqali sifat va samaradorlikni oshirishning qoʻshimcha chora-tadbirlari toʻgʻrisida”gi PQ-216-son qaroriga 1-ilovaning 32-pozitsiyasi “Amalga oshirish mexanizmi”, “Bajarish muddati”, “Moliyalashtirish manbalari” va “Ijro uchun masʼullar” ustunlarining 1-bandi chiqarib tashlansin.
7. Oʻzbekiston Respublikasi Prezidentining 2023-yil 31-maydagi “Respublika ijro etuvchi hokimiyati organlari maʼmuriy binolaridan samarali foydalanish chora-tadbirlari toʻgʻrisida”gi F-26-son farmoyishida:
a) 1-ilovaning “4. Qishloq xoʻjaligi vazirligi” boʻlimida:
1 — 3-pozitsiyalar quyidagi tahrirda bayon etilsin:
“ 1. Qishloq xoʻjaligi vazirligi markaziy apparati Toshkent viloyati, Qibray tumani, Universitet koʻchasi, 2-uy 2. Agrosanoatni rivojlantirish agentligi Toshkent shahri, Mirzo Ulugʻbek tumani, “Oqibat” MFY, Markaz-1 Buyuk ipak yoʻli mavzesi, 42-uy manzilida joylashgan binoning noturar boʻlgan 1-qavati va yertoʻlasi 3. Ipakchilik va jun sanoatini rivojlantirish qoʻmitasi Toshkent shahri, Mirzo Ulugʻbek tumani, Ismoil ota koʻchasi, 1-a uy ”;
4-pozitsiya chiqarib tashlansin;
quyidagi mazmundagi 28-boʻlim bilan toʻldirilsin:
“ 28. Vazirlar Mahkamasi huzuridagi Agrosanoat majmui ustidan nazorat qilish inspeksiyasi 1. Agrosanoat majmui ustidan nazorat qilish inspeksiyasi Toshkent shahri, Shayxontohur tumani, Obinazir koʻchasi, 109-uy ”;
b) 2-ilovaning 6 va 7-pozitsiyalari chiqarib tashlansin;
v) 3-ilovaning 4 va 5-pozitsiyalari chiqarib tashlansin.
8. Vazirlar Mahkamasining 2019-yil 9-iyuldagi 571-son qarori bilan tasdiqlangan Oʻzbekiston Respublikasi Qishloq xoʻjaligi vazirligi toʻgʻrisidagi nizomda :
34 va 35-bandlari quyidagi tahrirda bayon etilsin:
“34. Vazirlik markaziy apparatning tarkibiy boʻlinmalari xodimlari vazir tomonidan lavozimga tayinlanadi va lavozimdan ozod qilinadi.
35. Qoraqalpogʻiston Respublikasi Vazirlar Kengashi Raisining qishloq va suv xoʻjaligi masalalari boʻyicha oʻrinbosari — Qoraqalpogʻiston Respublikasi qishloq xoʻjaligi vaziri Oʻzbekiston Respublikasi qishloq xoʻjaligi vazirining taqdimnomasiga binoan Qoraqalpogʻiston Respublikasi Joʻqorgʻi Kengesi tomonidan lavozimga tayinlanadi va lavozimdan ozod qilinadi”;
quyidagi mazmundagi 35 1 -bandi bilan toʻldirilsin:
“35 1 . Viloyat hokimlarining qishloq va suv xoʻjaligi masalalari boʻyicha oʻrinbosari — viloyatlar qishloq xoʻjaligi boshqarmalari boshliqlari Oʻzbekiston Respublikasi qishloq xoʻjaligi vazirining taqdimnomasiga binoan viloyat hokimlari tomonidan lavozimga tayinlanadi va lavozimdan ozod qilinadi”;
36 va 37-bandlar quyidagi tahrirda bayon etilsin:
“36. Viloyatlar (Toshkent shahar) qishloq xoʻjaligi boshqarmalari boshliqlari oʻrinbosarlari ochiq mustaqil tanlov asosida Oʻzbekiston Respublikasi qishloq xoʻjaligi vaziri tomonidan lavozimga tayinlanadi.
37. Tuman hokimining qishloq va suv xoʻjaligi masalalari boʻyicha oʻrinbosari — tuman (Quvasoy shahar) qishloq xoʻjaligi boʻlimi boshliqlari Qoraqalpogʻiston Respublikasi Vazirlar Kengashi Raisining va viloyatlar hokimlarining qishloq va suv xoʻjaligi masalalari boʻyicha oʻrinbosari — Qoraqalpogʻiston Respublikasi qishloq xoʻjaligi vaziri, viloyat qishloq xoʻjaligi boshqarmasi boshligʻi taqdimnomasiga binoan tuman hokimlari tomonidan lavozimga tayinlanadi va lavozimdan ozod qilinadi”.
9. Vazirlar Mahkamasining 2020-yil 24-fevraldagi 109-son qarori bilan tasdiqlangan Qishloq xoʻjaligida foydalanilmayotgan yerlarni foydalanishga kiritishda irrigatsiya va melioratsiya obyektlarini qurish va rekonstruksiya qilish bilan bogʻliq xarajatlarni qoplab berish tartibi toʻgʻrisidagi nizomda :
a) 3-ilovaning 1-bandi quyidagi tahrirda bayon etilsin:
“1. Tuman (shahar) hokimliklari tuzilmasidagi — hokimning qishloq va suv xoʻjaligi masalalari boʻyicha oʻrinbosari, Ishchi guruhi rahbari”.
b) 4-ilovaning birinchi xatboshisi quyidagi tahrirda bayon etilsin:
“Qoraqalpogʻiston Respublikasi Vazirlar Kengashi Raisining va viloyatlar hokimlarining qishloq va suv xoʻjaligi masalalari boʻyicha oʻrinbosari — Qoraqalpogʻiston Respublikasi qishloq xoʻjaligi vaziri, viloyat qishloq xoʻjaligi boshqarmasi boshligʻi, Ishchi guruh rahbari”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 2-dekabr,
PQ-413-son
Президента Республики Узбекистан
Постановление
О мерах по дальнейшему совершенствованию государственного управления в сфере сельского хозяйства
В последние годы в стране проводится определенная работа по реформированию сельскохозяйственной и продовольственной сфер, в частности совершенствованию системы государственного управления в данном направлении.
Вместе с тем дублирование задач и функций органов государственного управления в агропромышленном секторе регионов и отсутствие единой системы управления на местах препятствуют налаживанию эффективного сотрудничества, осуществлению единой государственной политики и реализации на должном уровне стратегических задач и реформ в сфере. Сложившаяся ситуация обуславливает необходимость внедрения единой интегрированной системы государственного управления в сфере сельского хозяйства в регионах.
В целях внедрения компактной, интегрированной системы государственного управления в аграрной сфере, соответствующей современным требованиям в условиях Нового Узбекистана, а также дальнейшего повышения эффективности осуществляемых реформ и трансформации деятельности системы:
1. Ввести:
в структуры Совета Министров Республики Каракалпакстан и хокимиятов областей — должность заместителя Председателя Совета Министров Республики Каракалпакстан и заместителя хокима области по вопросам сельского и водного хозяйства — министра сельского хозяйства Республики Каракалпакстан, начальника областного управления сельского хозяйства, назначаемых на должность и освобождаемых от должности по представлению министра сельского хозяйства Республики Узбекистан в порядке, установленном актами законодательства;
в структуры хокимиятов районов (города Кувасая) — должность заместителя хокима по вопросам сельского и водного хозяйства — начальника районного (города Кувасая) отдела сельского хозяйства, назначаемого на должность и освобождаемого от должности по представлению заместителя Председателя Совета Министров Республики Каракалпакстан и заместителя хокима области по вопросам сельского и водного хозяйства — министра сельского хозяйства Республики Каракалпакстан, начальника областного управления сельского хозяйства в порядке, установленном актами законодательства.
2. Заместителю Председателя Совета Министров Республики Каракалпакстан и заместителям хокимов областей по вопросам сельского и водного хозяйства — министру сельского хозяйства Республики Каракалпакстан, начальникам областных управлений сельского хозяйства, а также заместителям хокимов районов (города Кувасая) по вопросам сельского и водного хозяйства — начальникам районных (города Кувасая) отделов сельского хозяйства уделять особое внимание:
внедрению механизмов сокращения государственного участия и повышения инвестиционной привлекательности в сфере путем увеличения потока частного инвестиционного капитала для обеспечения продовольственной безопасности модернизации, диверсификации и поддержки устойчивого роста продовольственной и сельскохозяйственной сфер;
принятию мер по созданию условий для удовлетворения неуклонно растущей потребности населения республики в воде, экономии водных ресурсов и обеспечению их эффективного использования;
созданию благоприятного агробизнес-климата и цепочки добавленной стоимости, предусматривающих широкое внедрение рыночных принципов в закупку и реализацию сельскохозяйственной продукции, развитие инфраструктуры контроля качества, создание благоприятной инвестиционной среды, увеличение экспорта, производство конкурентоспособных на целевых международных рынках высококачественных сельскохозяйственных и продовольственных товаров;
обеспечению реализации программ развития сельских территорий, предусматривающих содействие сбалансированному и устойчивому развитию сельской местности;
принятию мер по широкому внедрению цифровых (смарт) технологий, организации новых рабочих мест и услуг в сфере сельского хозяйства.
3. Упразднить:
в структурах Совета Министров Республики Каракалпакстан, хокимиятов областей — должность заместителя Председателя Совета Министров Республики Каракалпакстан, заместителя хокима области по вопросам сельского и водного хозяйства;
в структурах хокимиятов районов (города Кувасая) — должность заместителя хокима по вопросам сельского и водного хозяйства;
в структуре Министерства сельского хозяйства (далее — министерство) — должность министра сельского хозяйства Республики Каракалпакстан и начальника областного управления сельского хозяйства, а также начальника районного (города Кувасая) отдела сельского хозяйства.
При этом за счет штатных единиц министерства, упраздняемых в соответствии с данным пунктом, в его территориальных подразделениях вводится должность работника, ответственного за обеспечение продовольственной безопасности.
4. Министерству сельского хозяйства в двухмесячный срок внести в Кабинет Министров:
проект нормативно-правового акта касательно полномочий министерства в области производства продовольственной продукции и обеспечения продовольственной безопасности;
проект закона о внесении соответствующих изменений и дополнений в Кодекс об административной ответственности за неисполнение представлений в сфере обеспечения продовольственной безопасности.
5. Совету Министров Республики Каракалпакстан, хокимиятам областей и министру сельского хозяйства И.Ю. Абдурахмонову принимать меры по обеспечению эффективного выполнения задач, определенных в пункте 2 настоящего постановления, а также решению возникающих проблем.
6. Министерству сельского хозяйства совместно с заинтересованными министерствами и ведомствами в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
7. Внести изменения и дополнения в некоторые акты Президента Республики Узбекистан и Правительства Республики Узбекистан согласно приложению .
8. Возложить на министра сельского хозяйства И.Ю. Абдурахмонова персональную ответственность за эффективную организацию исполнения настоящего постановления.
Контроль за исполнением настоящего постановления, осуществление координации деятельности ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ к постановлению Президента Республики Узбекистан от 2 декабря 2024 года № ПП-413
Изменения и дополнения, вносимые в некоторые акты Президента Республики Узбекистан и Правительства Республики Узбекистан
1. В приложении № 1 к постановлению Президента Республики Узбекистан от 22 декабря 2016 года № ПП-2691 «О дальнейшем совершенствовании деятельности органов исполнительной власти на местах» блок «Заместитель хокима по вопросам сельского и водного хозяйства» заменить блоком «Заместитель хокима по вопросам сельского и водного хозяйства — начальник управления сельского хозяйства».
2. В приложении № 2 к постановлению Президента Республики Узбекистан от 20 июля 2017 года № ПП-3142 «О мерах по дальнейшему совершенствованию административно-территориального устройства Ташкентской области и деятельности местных исполнительных органов власти» блок «Заместитель хокима по вопросам сельского и водного хозяйства» заменить блоком «Заместитель хокима по вопросам сельского и водного хозяйства — начальник управления сельского хозяйства».
3. В приложении к постановлению Президента Республики Узбекистан от 8 июня 2020 года № ПП-4742 «О мерах по упрощению государственного регулирования предпринимательской деятельности и самозанятости»:
а) дополнить пунктом 102 следующего содержания:
«* 102. Сбор сельскохозяйственной продукции в махаллях и ее реализация исключительно отечественным предприятиям-экспортерам»;
б) примечание дополнить абзацем вторым следующего содержания:
4. В тексте на государственном языке приложения № 6 к постановлению Президента Республики Узбекистан от 17 февраля 2021 года № ПП-4995 «О мерах по социально-экономическому развитию территории Бабатаг Узунского района Сурхандарьинской области в 2021 — 2023 годах» блок «Ҳокимнинг қишлоқ ва сув хўжалиги масалалари бўйича ўринбосари» заменить блоком «Ҳокимнинг қишлоқ ва сув хўжалиги масалалари бўйича ўринбосари — туман қишлоқ хўжалиги бўлими бошлиғи».
5. В постановлении Президента Республики Узбекистан от 3 декабря 2021 года № ПП-31 «О мерах по организации деятельности помощников хокимов по вопросам развития предпринимательства, обеспечения занятости населения и сокращения бедности в махалле»:
а) в приложении № 5 блок «Заместитель хокима по вопросам сельского и водного хозяйства**» заменить блоком «Заместитель хокима по вопросам сельского и водного хозяйства — начальник городского отдела сельского хозяйства**»;
б) в приложении № 6 блок «Заместитель хокима по вопросам сельского и водного хозяйства***» заменить блоком «Заместитель хокима по вопросам сельского и водного хозяйства — начальник районного отдела сельского хозяйства***».
6. Пункт 1 в графах «Механизм реализации», «Срок исполнения», «Источники финансирования» и «Ответственные за исполнение» позиции 32 приложения № 1 к постановлению Президента Республики Узбекистан от 7 июля 2023 года № ПП-216 «О дополнительных мерах по повышению качества и эффективности путем интеграции науки, образования и производства в аграрной сфере» исключить.
7. В тексте на государственном языке распоряжения Президента Республики Узбекистан от 31 мая 2023 года № Р-26 «О мерах по эффективному использованию административных зданий республиканских органов исполнительной власти»:
а) в разделе «4. Қишлоқ хўжалиги вазирлиги» приложения № 1:
позиции 1 — 3 изложить в следующей редакции:
« 1. Қишлоқ хўжалиги вазирлиги марказий аппарати Тошкент вилояти, Қибрай тумани, Университет кўчаси, 2-уй 2. Агросаноатни ривожлантириш агентлиги Тошкент шаҳри, Мирзо Улуғбек тумани, «Оқибат» МФЙ, Марказ-1 Буюк ипак йўли мавзеси, 42-уй манзилида жойлашган бинонинг нотурар бўлган 1-қавати ва ертўласи 3. Ипакчилик ва жун саноатини ривожлантириш қўмитаси Тошкент шаҳри Мирзо Улуғбек тумани Исмоил ота кўчаси 1-а уй »;
позицию 4 исключить;
дополнить разделом 28 следующего содержания:
« 28. Вазирлар Маҳкамаси ҳузуридаги Агросаноат мажмуи устидан назорат қилиш инспекцияси 1. Агросаноат мажмуи устидан назорат қилиш инспекцияси Тошкент шаҳри Шайхонтоҳур тумани Обиназир кўчаси 109-уй »;
б) позиции 6 и 7 приложения № 2 исключить;
в) позиции 4 и 5 приложения № 3 исключить.
8. В тексте на государственном языке Положения о Министерстве сельского хозяйства Республики Узбекистан, утвержденного постановлением Кабинета Министров от 9 июля 2019 года № 571:
пункты 34 и 35 изложить в следующей редакции:
«34. Вазирлик марказий аппаратнинг таркибий бўлинмалари ходимлари вазир томонидан лавозимга тайинланади ва лавозимдан озод қилинади.
35. Қорақалпоғистон Республикаси Вазирлар Кенгаши Раисининг қишлоқ хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири Ўзбекистон Республикаси қишлоқ хўжалиги вазирининг тақдимномасига биноан Қорақалпоғистон Республикаси Жўқорғи Кенгеси томонидан лавозимга тайинланади ва лавозимдан озод қилинади»;
дополнить пунктом 35 1 следующего содержания:
«35 1 . Вилоят ҳокимларининг қишлоқ хўжалиги масалалари бўйича ўринбосари — вилоятлар қишлоқ хўжалиги бошқармалари бошлиқлари Ўзбекистон Республикаси қишлоқ хўжалиги вазирининг тақдимномасига биноан вилоят ҳокимлари томонидан лавозимга тайинланади ва лавозимдан озод қилинади»;
пункты 36 и 37 изложить в следующей редакции:
«36. Вилоятлар (Тошкент шаҳар) қишлоқ хўжалиги бошқармалари бошлиқлари ўринбосарлари очиқ мустақил танлов асосида Ўзбекистон Республикаси қишлоқ хўжалиги вазири томонидан лавозимга тайинланади.
37. Туман ҳокимининг қишлоқ ва сув хўжалиги масалалари бўйича ўринбосари — туман (Қувасой шаҳар) қишлоқ хўжалиги бўлими бошлиқлари Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиғи тақдимномасига биноан туман ҳокимлари томонидан лавозимга тайинланади ва лавозимдан озод қилинади».
9. В тексте на государственном языке Положения о порядке возмещения затрат, связанных со строительством и реконструкцией ирригационных и мелиоративных объектов при введении в пользование земель, не используемых в сельском хозяйстве, утвержденного постановлением Кабинета Министров от 24 февраля 2020 года № 109:
а) пункт 1 приложения № 3 изложить в следующей редакции:
«1. Туман (шаҳар) ҳокимликлари тузилмасидаги — ҳокимнинг қишлоқ ва сув хўжалиги масалалари бўйича ўринбосари, Ишчи гуруҳи раҳбари»;
б) абзац первый приложения № 4 изложить в следующей редакции:
«Қорақалпоғистон Республикаси Вазирлар Кенгаши Раисининг ва вилоятлар ҳокимларининг қишлоқ ва сув хўжалиги масалалари бўйича ўринбосари — Қорақалпоғистон Республикаси қишлоқ хўжалиги вазири, вилоят қишлоқ хўжалиги бошқармаси бошлиғи, Ишчи гуруҳ раҳбари».
Президент Республики Узбекистан Ш. МИРЗИЁЕВ
г. Ташкент,
2 декабря 2024 г.,
№ ПП-413