UzbekAI

Ўзбекистон Республикаси Президентининг

Фармони

ТАРКИБИ

НАМУНАВИЙ ТАРКИБИ

НАМУНАВИЙ ТАРКИБИ

Болалар масалалари бўйича комиссиялар фаолиятининг самарадорлигини ошириш чора-тадбирлари тўғрисида

Мамлакатимизда болалар ҳуқуқлари, эркинликлари ва қонуний манфаатларини ишончли ҳимоя қилиш ҳамда соҳанинг институционал ва ҳуқуқий асосларини тубдан такомиллаштириш бўйича кенг кўламли ишлар амалга оширилмоқда. Хусусан, янги таҳрирдаги Ўзбекистон Республикасининг Конституциясида болаларнинг соғлиғи, хавфсизлиги, тўлиқ жисмоний, ақлий ва маънавий ривожланишини, иқтидори ва истеъдодини юзага чиқаришни таъминловчи кафолатлар сезиларли даражада кучайтирилди, Ўзбекистон Республикаси Олий Мажлисининг Бола ҳуқуқлари бўйича вакили (Болалар омбудсмани) институти таъсис этилди, ота-она қарамоғидан маҳрум бўлган болаларга ғамхўрлик қилиш, уларнинг устувор равишда оила муҳитида ўсиб-улғайиши учун шароитлар яратишга қаратилган янги тизим жорий этилди.

Болалар ҳуқуқлари, эркинликлари ва қонуний манфаатларини ишончли ҳимоя қилишда манзилли ва самарали чора-тадбирларни белгилаш, болалар соғлиғини сақлаш, саломатлигини тиклаш, таълимга жалб этиш, касбга йўналтириш, уларни мустақил ҳаётга тайёрлаш, ижтимоий-ҳуқуқий ҳимоя қилиш ҳамда ватанпарварлик руҳида тарбиялаш ишларини амалга оширишда идоралараро ҳамкорлик ва ҳисобдорлик тизимини йўлга қўйиш, шунингдек, болалар масалалари бўйича комиссиялар фаолиятининг ҳуқуқий асосларини такомиллаштириш мақсадида:

1. Қуйидагилар:

Болалар масалалари бўйича миллий комиссиянинг янгиланган таркиби 1-иловага мувофиқ;

Болалар масалалари бўйича Қорақалпоғистон Республикаси, вилоятлар, Тошкент шаҳри ва туман (шаҳар) комиссияларининг намунавий таркиблари 2- ва 3-иловаларга мувофиқ тасдиқлансин.

2. Болалар масалалари бўйича миллий комиссия ва Болалар масалалари бўйича Қорақалпоғистон Республикаси, вилоятлар, Тошкент шаҳри ва туман (шаҳар) комиссияларининг (кейинги ўринларда — болалар масалалари бўйича комиссиялар) асосий вазифалари этиб қуйидагилар белгилансин:

болаларнинг ҳуқуқлари, эркинликлари ва қонуний манфаатларини амалда рўёбга чиқариш, уларнинг жисмоний, интеллектуал, маънавий ҳамда ахлоқий жиҳатдан камол топишига, қобилияти ва истеъдодини тўлиқ намоён этишига кўмаклашиш бўйича чора-тадбирларни мувофиқлаштириш;

болаларнинг ҳуқуқлари, эркинликлари ва қонуний манфаатларини ҳимоя қилиш борасида бажарилаётган ишларни тизимли таҳлил қилиш, баҳолаш ва самарадорлигини ошириш бўйича чора-тадбирларни амалга ошириш;

ижтимоий етимликнинг олдини олиш ва болаларнинг устувор равишда оила муҳитида ўсиб-улғайишини таъминлаш мақсадида болаларни оилага тарбияга бериш бўйича кўрилаётган чора-тадбирлар ва тарбияга бериш тизимининг самарадорлигини таҳлил қилиш ҳамда ушбу тизимни такомиллаштириш бўйича таклифлар киритиб бориш;

сифатли таълим-тарбия жараёнини ташкил этиш, болаларга чуқур билим бериш, уларнинг билим, малака ва кўникмаларини шакллантириш бўйича давлат органлари томонидан амалга оширилаётган ишларни мунтазам таҳлил қилиб бориш ҳамда таълим олишига тўсқинлик қилаётган омилларни бартараф этиш юзасидан таъсирчан чораларни белгилаш;

«Хавфсиз мактаб» тизими кенг жорий этилишига қаратилган ва мактабларда ахлоқий-психологик муҳитни яхшилаш бўйича дастурлар амалга оширилиши ҳолатини таҳлил қилиб бориш;

болаларнинг бўш вақтини мазмунли ташкил этиш, уларни спорт билан мунтазам шуғулланишга жалб этиш, айниқса, қишлоқ ва чекка ҳудудларда болалар спортини янада ривожлантириш бўйича амалга оширилаётган ишлар натижасини муҳокама қилиб бориш;

алоҳида таълим эҳтиёжлари бўлган болаларни инклюзив таълимга жалб қилиш, тиббий-ижтимоий реабилитация қилиш ва жамиятга интеграциясини таъминлаш бўйича кўрилаётган чоралар самарадорлигини баҳолаш;

болаларни ватанпарварликка ундайдиган таълим-тарбия самарадорлигини, ватанпарварлик ва Ватанга садоқат ҳиссини юксалтириш бўйича кўрилаётган чоралар таъсирчанлигини ошириш;

болалар саломатлигини асраш, уларга сифатли тиббий ёрдам кўрсатиш, улар орасида соғлом турмуш тарзини ва тўғри овқатланишни йўлга қўйиш, таълим ташкилотларида болаларнинг озиқ-овқат таъминоти, уларнинг сифати ва санитария ҳолатини ўрганиб бориш ва яхшилаш бўйича зарур чораларни кўриш;

болаларда ҳуқуқбузарликларга қарши иммунитетни шакллантириш, улар орасида ҳуқуқбузарлик, назоратсизлик ва ғайриижтимоий хатти-ҳаракатларнинг, шунингдек, болалар эксплуатацияси, уларга нисбатан зўравонликнинг олдини олиш ва уларнинг реабилитациясини таъминлаш бўйича амалга оширилаётган ишлар ҳолатини таҳлил қилиш ва улар самарадорлигини ошириш чораларини кўриш;

болалар ўртасида спиртли ичимликлар, гиёҳвандлик воситалари ва психотроп моддаларни истеъмол қилиш ёки бошқа салбий иллатларни эрта босқичларда аниқлаш, даволаш ва тиббий-ижтимоий реабилитация қилиш бўйича амалга оширилаётган ишларни таҳлил қилиш ва уларнинг ечими бўйича таклифлар тайёрлаш;

ижтимоий ҳимояга муҳтож болаларни қўллаб-қувватлаш, уларни ижтимоий-ҳуқуқий ҳимоя қилиш борасида амалга оширилаётган чора-тадбирлар самарадорлигини баҳолаб бориш ва уларни янада такомиллаштириш бўйича таклифларни кўриб чиқиш;

болалар билан ишлаш тизимидаги камчиликлар, уларнинг сабаб ва шарт-шароитларини аниқлаш, таҳлил қилиш ҳамда бартараф этиш бўйича таклифлар ишлаб чиқиш;

давлат органлари ва ташкилотларининг, болалар масалалари бўйича ҳудудий комиссияларнинг болаларнинг ҳуқуқлари, эркинликлари ва қонуний манфаатларини ҳимоя қилиш соҳасидаги фаолиятини мувофиқлаштириш.

3. Белгилансинки:

Ижтимоий ҳимоя миллий агентлиги, унинг Қорақалпоғистон Республикаси, вилоятлар ва Тошкент шаҳри бошқармалари ҳамда туман (шаҳар) «Инсон» ижтимоий хизматлар марказлари тегишлича Болалар масалалари бўйича миллий комиссия ва ҳудудий комиссияларнинг ишчи органи вазифасини бажаради. Бунда Миллий гвардияга комиссиялар ишчи органларига комиссиялар йиғилишларини ўтказиш, комиссиялар фаолияти учун зарур ахборотларни тўплаш ва таҳлил қилишда кўмаклашиш вазифаси юклатилади;

болалар масалалари бўйича комиссиялар ўз ваколатига кирадиган масалалар юзасидан ҳар чоракда камида бир марта йиғилиш ўтказади;

болалар масалалари бўйича комиссияларнинг бола ҳуқуқлари, эркинликлари ва қонуний манфаатларини таъминлашга қаратилган таклифлари давлат органлари ва ташкилотлари томонидан мажбурий тартибда кўриб чиқилади;

болалар масалалари бўйича комиссиялар ўз йиғилишларида давлат органлари ва ташкилотлари раҳбарларининг комиссия фаолиятига доир масалалар бўйича ахборотларини эшитиб боради, шунингдек, ваколатлари доирасига кирувчи масалалар юзасидан давлат органлари, шу жумладан, ҳуқуқни муҳофаза қилувчи органларни жалб қилади;

Инсон ҳуқуқлари бўйича Ўзбекистон Республика Миллий маркази томонидан Бола ҳуқуқлари тўғрисидаги конвенция талаблари бўйича БМТга тақдим этиш учун тайёрланган ҳисобот ҳамда БМТ устав ва шартномавий органларининг ушбу ҳисоботни кўриб чиқиш якунлари бўйича берилган таклиф ва тавсиялари Болалар масалалари бўйича миллий комиссия мажлисларида дастлабки тарзда кўриб чиқилади ва якуни бўйича тегишли тавсиялар берилади;

болалар масалалари бўйича комиссияларнинг ишчи органлари ўртасидаги вазифалар тақсимоти тегишли комиссия раиси томонидан белгиланади.

4. Олий Мажлиснинг Бола ҳуқуқлари бўйича вакили (Болалар омбудсмани) котибиятига Олий таълим, фан ва инновациялар вазирлиги штат бирликлари ҳисобидан қўшимча 2 та штат бирлиги ажратилсин.

5. Ижтимоий ҳимоя миллий агентлиги ва Олий Мажлиснинг Бола ҳуқуқлари бўйича вакили (Болалар омбудсмани)нинг таълим ташкилотларида болаларга нисбатан зўравонлик ҳолатларига йўл қўйган педагог ва тарбиячиларнинг келгусида болалар билан ишлаш бўйича меҳнат фаолиятини давом эттириши учун муайян чекловларни, қўшимча талабларни назарда тутиш тўғрисидаги таклифи маъқуллансин.

Адлия вазирлиги Олий Мажлиснинг Бола ҳуқуқлари бўйича вакили (Болалар омбудсмани), Камбағалликни қисқартириш ва бандлик вазирлиги ҳамда Мактабгача ва мактаб таълими вазирлиги билан биргаликда уч ой муддатда ушбу бандда назарда тутилган норматив-ҳуқуқий ҳужжат лойиҳасини ишлаб чиқсин ва белгиланган тартибда Вазирлар Маҳкамасига киритсин.

Мактабгача ва мактаб таълими вазирлиги Олий таълим фан ва инновациялар вазирлиги билан биргаликда бир ой муддатда педагогларнинг тарбияланувчилар, ўқувчи ва талаба ёшлар билан ўзаро муносабатларини тартибга солувчи барча ҳужжатларни замонавий талаблар асосида, шу жумладан, болаларга нисбатан зўравонликнинг олдини олиш бўйича таъсирчан механизмларни назарда тутган ҳолда тўлиқ қайта кўриб чиқсин.

6. Ижтимоий ҳимоя миллий агентлиги уч ой муддатда Миллий гвардия ҳамда манфаатдор вазирлик ва идоралар билан биргаликда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисидаги таклифларни, шу жумладан, Вазирлар Маҳкамасининг 2022 йил 6 июлдаги «Болалар масалалари бўйича миллий комиссия тўғрисидаги низомни ва Болалар масалалари бўйича Қорақалпоғистон Республикаси, вилоятлар ва Тошкент шаҳри ҳамда туман (шаҳар) комиссиялари тўғрисидаги намунавий низомни тасдиқлаш ҳақида»ги 363-сон қарорига ўзгартириш ва қўшимчалар киритишни назарда тутувчи Ҳукумат қарори лойиҳасини белгиланган тартибда Вазирлар Маҳкамасига киритсин.

7. Ўзбекистон Миллий ахборот агентлиги, Ўзбекистон Миллий телерадиокомпанияси ҳамда бошқа оммавий ахборот воситаларига ушбу Фармоннинг мазмун-моҳияти ва амалий аҳамиятини кенг ёритиш тавсия этилсин.

8. Ўзбекистон Республикаси Президентининг 2021 йил 9 августдаги «Бола ҳуқуқларининг кафолатларини таъминлаш тизимини янада такомиллаштириш чора-тадбирлари тўғрисида»ги ПФ-6275-сон Фармонига 4-иловага мувофиқ ўзгартиришлар киритилсин.

9. Мазкур Фармон ижросини самарали ташкил қилишга масъул ва шахсий жавобгар этиб Миллий гвардия қўмондони Р.М. Джураев ҳамда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари белгилансин.

Фармон ижроси учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти маслаҳатчиси — Ижтимоий ҳимоя миллий агентлиги директори М.П. Оллоёров зиммасига юклансин.

Ўзбекистон Республикаси Президентининг 2024 йил 2 декабрдаги ПФ-201-сон Фармонига 1-ИЛОВА

Болалар масалалари бўйича миллий комиссия

1. А.Н. Арипов — Ўзбекистон Республикаси Бош вазири, Миллий комиссия раиси 2. М.П. Оллоёров — Ўзбекистон Республикаси Президенти маслаҳатчиси — Ижтимоий ҳимоя миллий агентлиги директори, Миллий комиссия раиси ўринбосари 3. Ш.Ш. Мирзиёева — Ижтимоий ҳимоя миллий агентлиги директорининг биринчи ўринбосари, Миллий комиссия раиси ўринбосари 4. Р.М. Джураев — Миллий гвардия қўмондони, Миллий комиссия раиси ўринбосари 5. З.Б. Маҳкамова — Ўзбекистон Республикаси Бош вазирининг ўринбосари — Оила ва хотин-қизлар қўмитаси раиси 6. О.М. Қозихонова — Олий Мажлис Сенати Ёшлар, маданият ва спорт масалалари қўмитаси раиси (келишув асосида) 7. Н.Х. Жумаев — Олий Мажлис Қонунчилик палатаси Фан, таълим, ва соғлиқни сақлаш масалалари қўмитаси раиси (келишув асосида) 8. И.М. Адҳамов — Бош прокурор ўринбосари 9. Х.У. Умарова — мактабгача ва мактаб таълими вазири 10. К.А. Шарипов — олий таълим, фан ва инновациялар вазири 11. П.Р. Бобожонов — ички ишлар вазири 12. А.А. Худаяров — соғлиқни сақлаш вазири 13. О.А. Назарбеков — маданият вазири 14. А.И. Икрамов — спорт вазири 15. Ш.Х. Шерматов — рақамли технологиялар вазири 16. Б.Э. Захидов — камбағалликни қисқартириш ва бандлик вазири 17. Ш.Ғ. Халмухамедов — мудофаа вазири 18. И.И. Норқулов — иқтисодиёт ва молия вазирининг биринчи ўринбосари 19. К.К. Куранбаев — Ўзбекистон маҳаллалари уюшмаси раиси 20. С.Д. Тошбоев — Дин ишлари бўйича қўмита раиси 21. А.З. Саъдуллаев — Ёшлар ишлари агентлиги директори 22. М.А. Нурматова — Оила ва хотин-қизлар қўмитаси раиси ўринбосари 23. Н.М. Холиқназаров — Ўзбекистон мусулмонлари идораси раиси, муфтий 24. О.А. Хасанов — Республика Маънавият ва маърифат маркази раҳбари 25. Н.Х. Рахимова — «Ижтимоий фикр» республика жамоатчилик фикрини ўрганиш маркази директори 26. Лавозими бўйича — Ижтимоий ҳимоя миллий агентлиги масъул ходими, Миллий комиссия котиби

Ўзбекистон Республикаси Президентининг 2024 йил 2 декабрдаги ПФ-201-сон Фармонига 2-ИЛОВА

Болалар масалалари бўйича Қорақалпоғистон Республикаси, вилоятлар ва Тошкент шаҳри комиссияларининг

1. Лавозими бўйича — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари, Комиссия раиси 2. Лавозими бўйича — Ижтимоий ҳимоя миллий агентлигининг Қорақалпоғистон Республикаси, вилоятлар ва Тошкент шаҳар бошқармалари бошлиқлари, Комиссия раиси ўринбосари 3. Лавозими бўйича — Миллий гвардиянинг Қорақалпоғистон Республикаси, вилоятлар ва Тошкент шаҳри бўйича бошқарма бошлиқлари, Комиссия раиси ўринбосари 4. Лавозими бўйича — Қорақалпоғистон Республикаси ички ишлар вазири, Тошкент вилояти ички ишлар бош бошқармаси ва вилоятлар ички ишлар бошқармалари раҳбарларининг ўринбосарлари — Жамоат хавфсизлиги хизмати бошлиқлари, Тошкент шаҳри ички ишлар бош бошқармаси бошлиғининг ўринбосари — ҳуқуқбузарликлар профилактикаси бошқармаси бошлиғи, Комиссия раиси ўринбосари 5. Лавозими бўйича — Қорақалпоғистон Республикаси мактабгача ва мактаб таълими вазири, вилоятлар ва Тошкент шаҳри мактабгача ва мактаб таълими бошқармалари бошлиқлари 6. Лавозими бўйича — Қорақалпоғистон Республикаси олий таълим, фан ва инновациялар вазири, вилоятлар ва Тошкент шаҳри олий таълим, фан ва инновациялар бошқармалари бошлиқлари 7. Лавозими бўйича — Қорақалпоғистон Республикаси соғлиқни сақлаш вазири, вилоятлар соғлиқни сақлаш бошқармалари, Тошкент шаҳри соғлиқни сақлаш бошқармаси бошлиқлари 8. Лавозими бўйича — Қорақалпоғистон Республикаси Вазирлар Кенгаши Раиси ўринбосари — Қорақалпоғистон Республикаси Оила ва хотин-қизлар қўмитаси раиси, вилоятлар ва Тошкент шаҳри ҳокимлари ўринбосарлари — вилоятлар ва Тошкент шаҳри оила ва хотин-қизлар бошқармалари бошлиқлари 9. Лавозими бўйича — Ўзбекистон маҳаллалари уюшмасининг Қорақалпоғистон Республикаси, вилоятлар ва Тошкент шаҳри бошқармалари бошлиқлари 10. Лавозими бўйича — Қорақалпоғистон Республикаси маданият вазири, Тошкент шаҳри маданият бош бошқармаси ҳамда вилоятлар маданият бошқармалари бошлиқлари 11. Лавозими бўйича — Қорақалпоғистон Республикаси спорт вазири, вилоятлар ва Тошкент шаҳри спорт бошқармалари бошлиқлари 12. Лавозими бўйича — Қорақалпоғистон Республикаси, вилоятлар ва Тошкент шаҳри ёшлар ишлари бошқармалари бошлиқлари 13. Лавозими бўйича — Рақамли технологиялар вазирлигининг Қорақалпоғистон Республикаси, вилоятлар ва Тошкент шаҳри ҳудудий бошқармалари бошлиқлари 14. Лавозими бўйича — Қорақалпоғистон Республикаси иқтисодиёт ва молия вазири, вилоятлар ва Тошкент шаҳри иқтисодиёт ва молия бош бошқармалари бошлиқлари 15. Лавозими бўйича — Қорақалпоғистон Республикаси камбағалликни қисқартириш ва бандлик вазири, вилоятлар ва Тошкент шаҳри камбағалликни қисқартириш ва бандлик бошқармалари бошлиқлари 16. Лавозими бўйича — ҳудудлар бош имом-хатиблари 17. Лавозими бўйича — Қорақалпоғистон Республикаси, вилоятлар ва Тошкент шаҳри прокурорлари ўринбосарлари 18. Лавозими бўйича — Қорақалпоғистон Республикаси, вилоятлар ҳамда Тошкент шаҳри мудофаа ишлари бошқармалари бошлиқлари 19. Лавозими бўйича — Республика Маънавият ва маърифат марказининг Қорақалпоғистон Республикаси, вилоятлар ҳамда Тошкент шаҳри бўлимлари раҳбарлари 20. Лавозими бўйича — Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг ёшлар сиёсати, ижтимоий ривожлантириш ва маънавий-маърифий ишлар бўйича котибияти масъул ходими, Комиссия котиби

Ўзбекистон Республикаси Президентининг 2024 йил 2 декабрдаги ПФ-201-сон Фармонига 3-ИЛОВА

Болалар масалалари бўйича туман (шаҳар) комиссияларининг

1. Лавозими бўйича — туман (шаҳар) ҳокими, Комиссия раиси 2. Лавозими бўйича — туман (шаҳар) «Инсон» ижтимоий хизматлар марказлари директорлари, Комиссия раиси ўринбосари 3. Лавозими бўйича — туман (шаҳар) ички ишлар бўлимлари бошлиқлари, Комиссия раиси ўринбосари 4. Лавозими бўйича — туман (шаҳар) мактабгача ва мактаб таълими бўлимлари бошлиқлари 5. Лавозими бўйича — Миллий гвардия ҳудудий бошқармасининг туман (шаҳар) умумий ўрта таълим мактаблари бўйича катта инспектор-психологлари 6. Лавозими бўйича — туман (шаҳар) тиббиёт бирлашмалари бошлиқлари 7. Лавозими бўйича — туман (шаҳар) камбағалликни қисқартириш ва бандликка кўмаклашиш бўлимлари бошлиқлари 8. Лавозими бўйича — туман (шаҳар) ҳокимларининг ўринбосарлари — туман (шаҳар) оила ва хотин-қизлар бўлимлари бошлиқлари 9. Лавозими бўйича — Ўзбекистон маҳаллалари уюшмасининг туман (шаҳар) бўлимлари раҳбарлари 10. Лавозими бўйича — туман (шаҳар) маданият бўлимлари бошлиқлари 11. Лавозими бўйича — туман (шаҳар) ёшлар ишлари бўлимлари бошлиқлари 12. Лавозими бўйича — туман (шаҳар) иқтисодиёт ва молия бўлимлари бошлиқлари 13. Лавозими бўйича — туман (шаҳар) бош имом-хатиблари 14. Лавозими бўйича — туман (шаҳар) прокурорлари 15. Лавозими бўйича — туман (шаҳар) мудофаа ишлари бўлимлари бошлиқлари 16. Лавозими бўйича — туман (шаҳар) ҳокимлиги аппарати масъул ходими, Комиссия котиби

Ўзбекистон Республикаси Президентининг 2024 йил 2 декабрдаги ПФ-201-сон Фармонига 4-ИЛОВА

Ўзбекистон Республикаси Президентининг 2021 йил 9 августдаги «Бола ҳуқуқларининг кафолатларини таъминлаш тизимини янада такомиллаштириш чора-тадбирлари тўғрисида»ги ПФ-6275-сон Фармонига киритилаётган ўзгартиришлар

1. 3-банднинг иккинчи — ўн биринчи хатбошилари ўз кучини йўқотган деб ҳисоблансин.

2. 4 , 6 , 7 , 8 , 9 , 10-бандлар ва Фармонга 1 — 6-иловалар ўз кучини йўқотган деб ҳисоблансин.

3. 12-бандда :

иккинчи хатбошидан «, турар жойга муҳтожлар сифатида ҳисобда турган етим болалар, ота-она қарамоғидан маҳрум бўлган болалар, улар тоифасига кирадиган 18 ёшдан 23 ёшгача бўлган шахсларни ўз вақтида турар жойлар билан таъминлаш» сўзлари чиқариб ташлансин;

тўртинчи хатбоши чиқариб ташлансин;

бешинчи — ўн биринчи хатбошилар тегишлича тўртинчи — ўнинчи хатбошилар деб ҳисоблансин;

бешинчи хатбошидаги «А. Хаджибаевга» сўзлари «А. Худаяровга» сўзлари билан алмаштирилсин;

олтинчи хатбошидаги «халқ таълими вазири Ш. Шерматовга» сўзлари «мактабгача ва мактаб таълими вазири Х. Умаровага» сўзлари билан алмаштирилсин;

еттинчи хатбошидаги «мактабгача таълим вазири А. Шинга» сўзлари «мактабгача ва мактаб таълими вазири Х. Умаровага» сўзлари билан алмаштирилсин;

тўққизинчи хатбошидаги «туризм ва спорт вазири ўринбосари А. Каримовга» сўзлари «спорт вазири А. Икрамовга» сўзлари билан алмаштирилсин;

ўнинчи хатбошидаги «бандлик ва меҳнат муносабатлари вазири Н. Хусановга» сўзлари «камбағалликни қисқартириш ва бандлик вазири Б. Захидовга» сўзлари билан алмаштирилсин.

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 2 декабрь,

ПФ-201-сон

(Қонунчилик маълумотлари миллий базаси, 03.12.2024 й., 06/24/201/0994-сон)

lex.uz

Oʻzbekiston Respublikasi Prezidentining

Farmoni

TARKIBI

NAMUNAVIY TARKIBI

NAMUNAVIY TARKIBI

Bolalar masalalari boʻyicha komissiyalar faoliyatining samaradorligini oshirish chora-tadbirlari toʻgʻrisida

Mamlakatimizda bolalar huquqlari, erkinliklari va qonuniy manfaatlarini ishonchli himoya qilish hamda sohaning institutsional va huquqiy asoslarini tubdan takomillashtirish boʻyicha keng koʻlamli ishlar amalga oshirilmoqda. Xususan, yangi tahrirdagi Oʻzbekiston Respublikasining Konstitutsiyasida bolalarning sogʻligʻi, xavfsizligi, toʻliq jismoniy, aqliy va maʼnaviy rivojlanishini, iqtidori va isteʼdodini yuzaga chiqarishni taʼminlovchi kafolatlar sezilarli darajada kuchaytirildi, Oʻzbekiston Respublikasi Oliy Majlisining Bola huquqlari boʻyicha vakili (Bolalar ombudsmani) instituti taʼsis etildi, ota-ona qaramogʻidan mahrum boʻlgan bolalarga gʻamxoʻrlik qilish, ularning ustuvor ravishda oila muhitida oʻsib-ulgʻayishi uchun sharoitlar yaratishga qaratilgan yangi tizim joriy etildi.

Bolalar huquqlari, erkinliklari va qonuniy manfaatlarini ishonchli himoya qilishda manzilli va samarali chora-tadbirlarni belgilash, bolalar sogʻligʻini saqlash, salomatligini tiklash, taʼlimga jalb etish, kasbga yoʻnaltirish, ularni mustaqil hayotga tayyorlash, ijtimoiy-huquqiy himoya qilish hamda vatanparvarlik ruhida tarbiyalash ishlarini amalga oshirishda idoralararo hamkorlik va hisobdorlik tizimini yoʻlga qoʻyish, shuningdek, bolalar masalalari boʻyicha komissiyalar faoliyatining huquqiy asoslarini takomillashtirish maqsadida:

1. Quyidagilar:

Bolalar masalalari boʻyicha milliy komissiyaning yangilangan tarkibi 1-ilovaga muvofiq;

Bolalar masalalari boʻyicha Qoraqalpogʻiston Respublikasi, viloyatlar, Toshkent shahri va tuman (shahar) komissiyalarining namunaviy tarkiblari 2- va 3-ilovalarga muvofiq tasdiqlansin.

2. Bolalar masalalari boʻyicha milliy komissiya va Bolalar masalalari boʻyicha Qoraqalpogʻiston Respublikasi, viloyatlar, Toshkent shahri va tuman (shahar) komissiyalarining (keyingi oʻrinlarda — bolalar masalalari boʻyicha komissiyalar) asosiy vazifalari etib quyidagilar belgilansin:

bolalarning huquqlari, erkinliklari va qonuniy manfaatlarini amalda roʻyobga chiqarish, ularning jismoniy, intellektual, maʼnaviy hamda axloqiy jihatdan kamol topishiga, qobiliyati va isteʼdodini toʻliq namoyon etishiga koʻmaklashish boʻyicha chora-tadbirlarni muvofiqlashtirish;

bolalarning huquqlari, erkinliklari va qonuniy manfaatlarini himoya qilish borasida bajarilayotgan ishlarni tizimli tahlil qilish, baholash va samaradorligini oshirish boʻyicha chora-tadbirlarni amalga oshirish;

ijtimoiy yetimlikning oldini olish va bolalarning ustuvor ravishda oila muhitida oʻsib-ulgʻayishini taʼminlash maqsadida bolalarni oilaga tarbiyaga berish boʻyicha koʻrilayotgan chora-tadbirlar va tarbiyaga berish tizimining samaradorligini tahlil qilish hamda ushbu tizimni takomillashtirish boʻyicha takliflar kiritib borish;

sifatli taʼlim-tarbiya jarayonini tashkil etish, bolalarga chuqur bilim berish, ularning bilim, malaka va koʻnikmalarini shakllantirish boʻyicha davlat organlari tomonidan amalga oshirilayotgan ishlarni muntazam tahlil qilib borish hamda taʼlim olishiga toʻsqinlik qilayotgan omillarni bartaraf etish yuzasidan taʼsirchan choralarni belgilash;

“Xavfsiz maktab” tizimi keng joriy etilishiga qaratilgan va maktablarda axloqiy-psixologik muhitni yaxshilash boʻyicha dasturlar amalga oshirilishi holatini tahlil qilib borish;

bolalarning boʻsh vaqtini mazmunli tashkil etish, ularni sport bilan muntazam shugʻullanishga jalb etish, ayniqsa, qishloq va chekka hududlarda bolalar sportini yanada rivojlantirish boʻyicha amalga oshirilayotgan ishlar natijasini muhokama qilib borish;

alohida taʼlim ehtiyojlari boʻlgan bolalarni inklyuziv taʼlimga jalb qilish, tibbiy-ijtimoiy reabilitatsiya qilish va jamiyatga integratsiyasini taʼminlash boʻyicha koʻrilayotgan choralar samaradorligini baholash;

bolalarni vatanparvarlikka undaydigan taʼlim-tarbiya samaradorligini, vatanparvarlik va Vatanga sadoqat hissini yuksaltirish boʻyicha koʻrilayotgan choralar taʼsirchanligini oshirish;

bolalar salomatligini asrash, ularga sifatli tibbiy yordam koʻrsatish, ular orasida sogʻlom turmush tarzini va toʻgʻri ovqatlanishni yoʻlga qoʻyish, taʼlim tashkilotlarida bolalarning oziq-ovqat taʼminoti, ularning sifati va sanitariya holatini oʻrganib borish va yaxshilash boʻyicha zarur choralarni koʻrish;

bolalarda huquqbuzarliklarga qarshi immunitetni shakllantirish, ular orasida huquqbuzarlik, nazoratsizlik va gʻayriijtimoiy xatti-harakatlarning, shuningdek, bolalar ekspluatatsiyasi, ularga nisbatan zoʻravonlikning oldini olish va ularning reabilitatsiyasini taʼminlash boʻyicha amalga oshirilayotgan ishlar holatini tahlil qilish va ular samaradorligini oshirish choralarini koʻrish;

bolalar oʻrtasida spirtli ichimliklar, giyohvandlik vositalari va psixotrop moddalarni isteʼmol qilish yoki boshqa salbiy illatlarni erta bosqichlarda aniqlash, davolash va tibbiy-ijtimoiy reabilitatsiya qilish boʻyicha amalga oshirilayotgan ishlarni tahlil qilish va ularning yechimi boʻyicha takliflar tayyorlash;

ijtimoiy himoyaga muhtoj bolalarni qoʻllab-quvvatlash, ularni ijtimoiy-huquqiy himoya qilish borasida amalga oshirilayotgan chora-tadbirlar samaradorligini baholab borish va ularni yanada takomillashtirish boʻyicha takliflarni koʻrib chiqish;

bolalar bilan ishlash tizimidagi kamchiliklar, ularning sabab va shart-sharoitlarini aniqlash, tahlil qilish hamda bartaraf etish boʻyicha takliflar ishlab chiqish;

davlat organlari va tashkilotlarining, bolalar masalalari boʻyicha hududiy komissiyalarning bolalarning huquqlari, erkinliklari va qonuniy manfaatlarini himoya qilish sohasidagi faoliyatini muvofiqlashtirish.

3. Belgilansinki:

Ijtimoiy himoya milliy agentligi, uning Qoraqalpogʻiston Respublikasi, viloyatlar va Toshkent shahri boshqarmalari hamda tuman (shahar) “Inson” ijtimoiy xizmatlar markazlari tegishlicha Bolalar masalalari boʻyicha milliy komissiya va hududiy komissiyalarning ishchi organi vazifasini bajaradi. Bunda Milliy gvardiyaga komissiyalar ishchi organlariga komissiyalar yigʻilishlarini oʻtkazish, komissiyalar faoliyati uchun zarur axborotlarni toʻplash va tahlil qilishda koʻmaklashish vazifasi yuklatiladi;

bolalar masalalari boʻyicha komissiyalar oʻz vakolatiga kiradigan masalalar yuzasidan har chorakda kamida bir marta yigʻilish oʻtkazadi;

bolalar masalalari boʻyicha komissiyalarning bola huquqlari, erkinliklari va qonuniy manfaatlarini taʼminlashga qaratilgan takliflari davlat organlari va tashkilotlari tomonidan majburiy tartibda koʻrib chiqiladi;

bolalar masalalari boʻyicha komissiyalar oʻz yigʻilishlarida davlat organlari va tashkilotlari rahbarlarining komissiya faoliyatiga doir masalalar boʻyicha axborotlarini eshitib boradi, shuningdek, vakolatlari doirasiga kiruvchi masalalar yuzasidan davlat organlari, shu jumladan, huquqni muhofaza qiluvchi organlarni jalb qiladi;

Inson huquqlari boʻyicha Oʻzbekiston Respublika Milliy markazi tomonidan Bola huquqlari toʻgʻrisidagi konvensiya talablari boʻyicha BMTga taqdim etish uchun tayyorlangan hisobot hamda BMT ustav va shartnomaviy organlarining ushbu hisobotni koʻrib chiqish yakunlari boʻyicha berilgan taklif va tavsiyalari Bolalar masalalari boʻyicha milliy komissiya majlislarida dastlabki tarzda koʻrib chiqiladi va yakuni boʻyicha tegishli tavsiyalar beriladi;

bolalar masalalari boʻyicha komissiyalarning ishchi organlari oʻrtasidagi vazifalar taqsimoti tegishli komissiya raisi tomonidan belgilanadi.

4. Oliy Majlisning Bola huquqlari boʻyicha vakili (Bolalar ombudsmani) kotibiyatiga Oliy taʼlim, fan va innovatsiyalar vazirligi shtat birliklari hisobidan qoʻshimcha 2 ta shtat birligi ajratilsin.

5. Ijtimoiy himoya milliy agentligi va Oliy Majlisning Bola huquqlari boʻyicha vakili (Bolalar ombudsmani)ning taʼlim tashkilotlarida bolalarga nisbatan zoʻravonlik holatlariga yoʻl qoʻygan pedagog va tarbiyachilarning kelgusida bolalar bilan ishlash boʻyicha mehnat faoliyatini davom ettirishi uchun muayyan cheklovlarni, qoʻshimcha talablarni nazarda tutish toʻgʻrisidagi taklifi maʼqullansin.

Adliya vazirligi Oliy Majlisning Bola huquqlari boʻyicha vakili (Bolalar ombudsmani), Kambagʻallikni qisqartirish va bandlik vazirligi hamda Maktabgacha va maktab taʼlimi vazirligi bilan birgalikda uch oy muddatda ushbu bandda nazarda tutilgan normativ-huquqiy hujjat loyihasini ishlab chiqsin va belgilangan tartibda Vazirlar Mahkamasiga kiritsin.

Maktabgacha va maktab taʼlimi vazirligi Oliy taʼlim fan va innovatsiyalar vazirligi bilan birgalikda bir oy muddatda pedagoglarning tarbiyalanuvchilar, oʻquvchi va talaba yoshlar bilan oʻzaro munosabatlarini tartibga soluvchi barcha hujjatlarni zamonaviy talablar asosida, shu jumladan, bolalarga nisbatan zoʻravonlikning oldini olish boʻyicha taʼsirchan mexanizmlarni nazarda tutgan holda toʻliq qayta koʻrib chiqsin.

6. Ijtimoiy himoya milliy agentligi uch oy muddatda Milliy gvardiya hamda manfaatdor vazirlik va idoralar bilan birgalikda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisidagi takliflarni, shu jumladan, Vazirlar Mahkamasining 2022-yil 6-iyuldagi “Bolalar masalalari boʻyicha milliy komissiya toʻgʻrisidagi nizomni va Bolalar masalalari boʻyicha Qoraqalpogʻiston Respublikasi, viloyatlar va Toshkent shahri hamda tuman (shahar) komissiyalari toʻgʻrisidagi namunaviy nizomni tasdiqlash haqida”gi 363-son qaroriga oʻzgartirish va qoʻshimchalar kiritishni nazarda tutuvchi Hukumat qarori loyihasini belgilangan tartibda Vazirlar Mahkamasiga kiritsin.

7. Oʻzbekiston Milliy axborot agentligi, Oʻzbekiston Milliy teleradiokompaniyasi hamda boshqa ommaviy axborot vositalariga ushbu Farmonning mazmun-mohiyati va amaliy ahamiyatini keng yoritish tavsiya etilsin.

8. Oʻzbekiston Respublikasi Prezidentining 2021-yil 9-avgustdagi “Bola huquqlarining kafolatlarini taʼminlash tizimini yanada takomillashtirish chora-tadbirlari toʻgʻrisida”gi PF-6275-son Farmoniga 4-ilovaga muvofiq oʻzgartirishlar kiritilsin.

9. Mazkur Farmon ijrosini samarali tashkil qilishga masʼul va shaxsiy javobgar etib Milliy gvardiya qoʻmondoni R.M. Djurayev hamda Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari belgilansin.

Farmon ijrosi uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti maslahatchisi — Ijtimoiy himoya milliy agentligi direktori M.P. Olloyorov zimmasiga yuklansin.

Oʻzbekiston Respublikasi Prezidentining 2024-yil 2-dekabrdagi PF-201-son Farmoniga 1-ILOVA

Bolalar masalalari boʻyicha milliy komissiya

1. A.N. Aripov — Oʻzbekiston Respublikasi Bosh vaziri, Milliy komissiya raisi 2. M.P. Olloyorov — Oʻzbekiston Respublikasi Prezidenti maslahatchisi — Ijtimoiy himoya milliy agentligi direktori, Milliy komissiya raisi oʻrinbosari 3. Sh.Sh. Mirziyoyeva — Ijtimoiy himoya milliy agentligi direktorining birinchi oʻrinbosari, Milliy komissiya raisi oʻrinbosari 4. R.M. Djurayev — Milliy gvardiya qoʻmondoni, Milliy komissiya raisi oʻrinbosari 5. Z.B. Mahkamova — Oʻzbekiston Respublikasi Bosh vazirining oʻrinbosari — Oila va xotin-qizlar qoʻmitasi raisi 6. O.M. Qozixonova — Oliy Majlis Senati Yoshlar, madaniyat va sport masalalari qoʻmitasi raisi (kelishuv asosida) 7. N.X. Jumayev — Oliy Majlis Qonunchilik palatasi Fan, taʼlim, va sogʻliqni saqlash masalalari qoʻmitasi raisi (kelishuv asosida) 8. I.M. Adhamov — Bosh prokuror oʻrinbosari 9. X.U. Umarova — maktabgacha va maktab taʼlimi vaziri 10. K.A. Sharipov — oliy taʼlim, fan va innovatsiyalar vaziri 11. P.R. Bobojonov — ichki ishlar vaziri 12. A.A. Xudayarov — sogʻliqni saqlash vaziri 13. O.A. Nazarbekov — madaniyat vaziri 14. A.I. Ikramov — sport vaziri 15. Sh.X. Shermatov — raqamli texnologiyalar vaziri 16. B.E. Zaxidov — kambagʻallikni qisqartirish va bandlik vaziri 17. Sh.Gʻ. Xalmuxamedov — mudofaa vaziri 18. I.I. Norqulov — iqtisodiyot va moliya vazirining birinchi oʻrinbosari 19. K.K. Kuranbayev — Oʻzbekiston mahallalari uyushmasi raisi 20. S.D. Toshboyev — Din ishlari boʻyicha qoʻmita raisi 21. A.Z. Saʼdullayev — Yoshlar ishlari agentligi direktori 22. M.A. Nurmatova — Oila va xotin-qizlar qoʻmitasi raisi oʻrinbosari 23. N.M. Xoliqnazarov — Oʻzbekiston musulmonlari idorasi raisi, muftiy 24. O.A. Xasanov — Respublika Maʼnaviyat va maʼrifat markazi rahbari 25. N.X. Raximova — “Ijtimoiy fikr” respublika jamoatchilik fikrini oʻrganish markazi direktori 26. Lavozimi boʻyicha — Ijtimoiy himoya milliy agentligi masʼul xodimi, Milliy komissiya kotibi

Oʻzbekiston Respublikasi Prezidentining 2024-yil 2-dekabrdagi PF-201-son Farmoniga 2-ILOVA

Bolalar masalalari boʻyicha Qoraqalpogʻiston Respublikasi, viloyatlar va Toshkent shahri komissiyalarining

1. Lavozimi boʻyicha — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari, Komissiya raisi 2. Lavozimi boʻyicha — Ijtimoiy himoya milliy agentligining Qoraqalpogʻiston Respublikasi, viloyatlar va Toshkent shahar boshqarmalari boshliqlari, Komissiya raisi oʻrinbosari 3. Lavozimi boʻyicha — Milliy gvardiyaning Qoraqalpogʻiston Respublikasi, viloyatlar va Toshkent shahri boʻyicha boshqarma boshliqlari, Komissiya raisi oʻrinbosari 4. Lavozimi boʻyicha — Qoraqalpogʻiston Respublikasi ichki ishlar vaziri, Toshkent viloyati ichki ishlar bosh boshqarmasi va viloyatlar ichki ishlar boshqarmalari rahbarlarining oʻrinbosarlari — Jamoat xavfsizligi xizmati boshliqlari, Toshkent shahri ichki ishlar bosh boshqarmasi boshligʻining oʻrinbosari — huquqbuzarliklar profilaktikasi boshqarmasi boshligʻi, Komissiya raisi oʻrinbosari 5. Lavozimi boʻyicha — Qoraqalpogʻiston Respublikasi maktabgacha va maktab taʼlimi vaziri, viloyatlar va Toshkent shahri maktabgacha va maktab taʼlimi boshqarmalari boshliqlari 6. Lavozimi boʻyicha — Qoraqalpogʻiston Respublikasi oliy taʼlim, fan va innovatsiyalar vaziri, viloyatlar va Toshkent shahri oliy taʼlim, fan va innovatsiyalar boshqarmalari boshliqlari 7. Lavozimi boʻyicha — Qoraqalpogʻiston Respublikasi sogʻliqni saqlash vaziri, viloyatlar sogʻliqni saqlash boshqarmalari, Toshkent shahri sogʻliqni saqlash boshqarmasi boshliqlari 8. Lavozimi boʻyicha — Qoraqalpogʻiston Respublikasi Vazirlar Kengashi Raisi oʻrinbosari — Qoraqalpogʻiston Respublikasi Oila va xotin-qizlar qoʻmitasi raisi, viloyatlar va Toshkent shahri hokimlari oʻrinbosarlari — viloyatlar va Toshkent shahri oila va xotin-qizlar boshqarmalari boshliqlari 9. Lavozimi boʻyicha — Oʻzbekiston mahallalari uyushmasining Qoraqalpogʻiston Respublikasi, viloyatlar va Toshkent shahri boshqarmalari boshliqlari 10. Lavozimi boʻyicha — Qoraqalpogʻiston Respublikasi madaniyat vaziri, Toshkent shahri madaniyat bosh boshqarmasi hamda viloyatlar madaniyat boshqarmalari boshliqlari 11. Lavozimi boʻyicha — Qoraqalpogʻiston Respublikasi sport vaziri, viloyatlar va Toshkent shahri sport boshqarmalari boshliqlari 12. Lavozimi boʻyicha — Qoraqalpogʻiston Respublikasi, viloyatlar va Toshkent shahri yoshlar ishlari boshqarmalari boshliqlari 13. Lavozimi boʻyicha — Raqamli texnologiyalar vazirligining Qoraqalpogʻiston Respublikasi, viloyatlar va Toshkent shahri hududiy boshqarmalari boshliqlari 14. Lavozimi boʻyicha — Qoraqalpogʻiston Respublikasi iqtisodiyot va moliya vaziri, viloyatlar va Toshkent shahri iqtisodiyot va moliya bosh boshqarmalari boshliqlari 15. Lavozimi boʻyicha — Qoraqalpogʻiston Respublikasi kambagʻallikni qisqartirish va bandlik vaziri, viloyatlar va Toshkent shahri kambagʻallikni qisqartirish va bandlik boshqarmalari boshliqlari 16. Lavozimi boʻyicha — hududlar bosh imom-xatiblari 17. Lavozimi boʻyicha — Qoraqalpogʻiston Respublikasi, viloyatlar va Toshkent shahri prokurorlari oʻrinbosarlari 18. Lavozimi boʻyicha — Qoraqalpogʻiston Respublikasi, viloyatlar hamda Toshkent shahri mudofaa ishlari boshqarmalari boshliqlari 19. Lavozimi boʻyicha — Respublika Maʼnaviyat va maʼrifat markazining Qoraqalpogʻiston Respublikasi, viloyatlar hamda Toshkent shahri boʻlimlari rahbarlari 20. Lavozimi boʻyicha — Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining yoshlar siyosati, ijtimoiy rivojlantirish va maʼnaviy-maʼrifiy ishlar boʻyicha kotibiyati masʼul xodimi, Komissiya kotibi

Oʻzbekiston Respublikasi Prezidentining 2024-yil 2-dekabrdagi PF-201-son Farmoniga 3-ILOVA

Bolalar masalalari boʻyicha tuman (shahar) komissiyalarining

1. Lavozimi boʻyicha — tuman (shahar) hokimi, Komissiya raisi 2. Lavozimi boʻyicha — tuman (shahar) “Inson” ijtimoiy xizmatlar markazlari direktorlari, Komissiya raisi oʻrinbosari 3. Lavozimi boʻyicha — tuman (shahar) ichki ishlar boʻlimlari boshliqlari, Komissiya raisi oʻrinbosari 4. Lavozimi boʻyicha — tuman (shahar) maktabgacha va maktab taʼlimi boʻlimlari boshliqlari 5. Lavozimi boʻyicha — Milliy gvardiya hududiy boshqarmasining tuman (shahar) umumiy oʻrta taʼlim maktablari boʻyicha katta inspektor-psixologlari 6. Lavozimi boʻyicha — tuman (shahar) tibbiyot birlashmalari boshliqlari 7. Lavozimi boʻyicha — tuman (shahar) kambagʻallikni qisqartirish va bandlikka koʻmaklashish boʻlimlari boshliqlari 8. Lavozimi boʻyicha — tuman (shahar) hokimlarining oʻrinbosarlari — tuman (shahar) oila va xotin-qizlar boʻlimlari boshliqlari 9. Lavozimi boʻyicha — Oʻzbekiston mahallalari uyushmasining tuman (shahar) boʻlimlari rahbarlari 10. Lavozimi boʻyicha — tuman (shahar) madaniyat boʻlimlari boshliqlari 11. Lavozimi boʻyicha — tuman (shahar) yoshlar ishlari boʻlimlari boshliqlari 12. Lavozimi boʻyicha — tuman (shahar) iqtisodiyot va moliya boʻlimlari boshliqlari 13. Lavozimi boʻyicha — tuman (shahar) bosh imom-xatiblari 14. Lavozimi boʻyicha — tuman (shahar) prokurorlari 15. Lavozimi boʻyicha — tuman (shahar) mudofaa ishlari boʻlimlari boshliqlari 16. Lavozimi boʻyicha — tuman (shahar) hokimligi apparati masʼul xodimi, Komissiya kotibi

Oʻzbekiston Respublikasi Prezidentining 2024-yil 2-dekabrdagi PF-201-son Farmoniga 4-ILOVA

Oʻzbekiston Respublikasi Prezidentining 2021-yil 9-avgustdagi “Bola huquqlarining kafolatlarini taʼminlash tizimini yanada takomillashtirish chora-tadbirlari toʻgʻrisida”gi PF-6275-son Farmoniga kiritilayotgan oʻzgartirishlar

1. 3-bandning ikkinchi — oʻn birinchi xatboshilari oʻz kuchini yoʻqotgan deb hisoblansin.

2. 4 , 6 , 7 , 8 , 9 , 10-bandlar va Farmonga 1 — 6-ilovalar oʻz kuchini yoʻqotgan deb hisoblansin.

3. 12-bandda :

ikkinchi xatboshidan “, turar joyga muhtojlar sifatida hisobda turgan yetim bolalar, ota-ona qaramogʻidan mahrum boʻlgan bolalar, ular toifasiga kiradigan 18 yoshdan 23 yoshgacha boʻlgan shaxslarni oʻz vaqtida turar joylar bilan taʼminlash” soʻzlari chiqarib tashlansin;

toʻrtinchi xatboshi chiqarib tashlansin;

beshinchi — oʻn birinchi xatboshilar tegishlicha toʻrtinchi — oʻninchi xatboshilar deb hisoblansin;

beshinchi xatboshidagi “A. Xadjibayevga” soʻzlari “A. Xudayarovga” soʻzlari bilan almashtirilsin;

oltinchi xatboshidagi “xalq taʼlimi vaziri Sh. Shermatovga” soʻzlari “maktabgacha va maktab taʼlimi vaziri X. Umarovaga” soʻzlari bilan almashtirilsin;

yettinchi xatboshidagi “maktabgacha taʼlim vaziri A. Shinga” soʻzlari “maktabgacha va maktab taʼlimi vaziri X. Umarovaga” soʻzlari bilan almashtirilsin;

toʻqqizinchi xatboshidagi “turizm va sport vaziri oʻrinbosari A. Karimovga” soʻzlari “sport vaziri A. Ikramovga” soʻzlari bilan almashtirilsin;

oʻninchi xatboshidagi “bandlik va mehnat munosabatlari vaziri N. Xusanovga” soʻzlari “kambagʻallikni qisqartirish va bandlik vaziri B. Zaxidovga” soʻzlari bilan almashtirilsin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 2-dekabr,

PF-201-son

(Qonunchilik maʼlumotlari milliy bazasi, 03.12.2024-y., 06/24/201/0994-son)

lex.uz

Президента Республики Узбекистан

Указ

О мерах повышения эффективности деятельности комиссий по вопросам детей

В стране осуществляется широкомасштабная работа по надежной защите прав, свобод и законных интересов детей, а также коренному совершенствованию институциональных и правовых основ сферы. В частности, в Конституции Республики Узбекистан в новой редакции значительно усилены гарантии, обеспечивающие здоровье, безопасность, полное физическое, умственное и духовное развитие детей, проявление их дарований и таланта, учрежден институт Уполномоченного Олий Мажлиса Республики Узбекистан по правам ребенка (Детский омбудсман), внедрена новая система, направленная на проявление заботы о детях, оставшихся без попечения родителей, создание в приоритетном порядке условий для их развития и воспитания в семейной атмосфере.

В целях определения адресных и эффективных мер по надежной защите прав, свобод и законных интересов детей, налаживания межведомственного взаимодействия и системы подотчетности при осуществлении работ по охране и восстановлению здоровья детей, привлечению их к образованию, профессиональной ориентации, подготовке к самостоятельной жизни, социально-правовой защите и воспитанию в духе патриотизма, а также совершенствования правовых основ деятельности комиссий по вопросам детей:

1. Утвердить:

обновленный состав Национальной комиссии по вопросам детей согласно приложению № 1 * ;

типовые составы комиссий по вопросам детей Республики Каракалпакстан, областей, города Ташкента и районов (городов) согласно приложениям №№ 2 и 3 * .

2. Определить основными задачами Национальной комиссии по вопросам детей и комиссий по вопросам детей Республики Каракалпакстан, областей, города Ташкента и районов (городов) (далее — комиссии по вопросам детей):

координацию мер по практическому воплощению в жизнь прав, свобод и законных интересов детей, содействию их физическому, интеллектуальному, духовному и нравственному развитию, полному проявлению способностей и таланта;

осуществление мер по системному анализу, оценке и повышению эффективности выполняемых работ по защите прав, свобод и законных интересов детей;

проведение анализа эффективности принимаемых мер по передаче детей на воспитание в семью и эффективности системы передачи на воспитание в целях предотвращения социального сиротства и обеспечения роста и развития детей в приоритетном порядке в семейной атмосфере, а также регулярное внесение предложений по совершенствованию данной системы;

проведение на постоянной основе анализа работы, осуществляемой государственными органами, по организации качественного образовательно-воспитательного процесса, освоению детьми глубоких знаний, формированию их знаний, квалификации и навыков, а также определение действенных мер по устранению факторов, препятствующих получению образования;

проведение регулярного анализа хода реализации программ, направленных на широкое внедрение системы «Безопасная школа» и улучшение в школах морально-психологической атмосферы;

обсуждение результатов осуществляемой работы по содержательной организации свободного времени детей, привлечению их к регулярным занятиям спортом, особенно дальнейшему развитию детского спорта в сельских и отдаленных регионах;

оценку эффективности принимаемых мер по привлечению детей с особыми образовательными потребностями к инклюзивному образованию, их медико-социальной реабилитации и обеспечению интеграции в общество;

усиление действенности принимаемых мер по повышению эффективности образования и воспитания, призывающего детей к патриотизму, усилению чувств преданности Родине и патриотизма;

принятие необходимых мер по охране здоровья детей, оказанию им качественной медицинской помощи, налаживанию среди них здорового образа жизни и правильного питания, изучению и улучшению обеспечения детей продуктами питания, их качества и санитарного состояния в образовательных организациях;

проведение анализа состояния и принятие мер по повышению эффективности осуществляемых работ по формированию у детей иммунитета против правонарушений, предотвращению среди них правонарушений, безнадзорности и антисоциальных проступков, детской эксплуатации, предупреждению насилия в отношении детей, а также обеспечению их реабилитации;

проведение анализа осуществляемых работ по выявлению на ранних этапах потребления спиртных напитков, наркотических средств и психотропных веществ или иных негативных пороков среди детей, их лечению и медико-социальной реабилитации, а также подготовка предложений по их решению;

осуществление оценки эффективности проводимых мер по поддержке, социально-правовой защите детей, нуждающихся в социальной защите, а также рассмотрение предложений по дальнейшему совершенствованию данных мер;

выявление, анализ недостатков в системе работы с детьми, их причин и условий, а также разработку предложений по их устранению;

координацию деятельности государственных органов и организаций, территориальных комиссий по вопросам детей в сфере защиты прав, свобод и законных интересов детей.

3. Установить, что:

Национальное агентство социальной защиты, его управления в Республике Каракалпакстан, областях и городе Ташкенте, а также районные (городские) центры социальных услуг «Инсон» соответственно выполняют функцию рабочего органа Национальной комиссии и территориальных комиссий по вопросам детей. При этом на Национальную гвардию возлагается задача по оказанию содействия рабочим органам комиссий в проведении заседаний комиссий, сборе и анализе необходимой информации для деятельности комиссий;

комиссии по вопросам детей не реже одного раза в каждый квартал проводят заседание по вопросам, входящим в их компетенцию;

предложения комиссий по вопросам детей, направленные на обеспечение прав, свобод и законных интересов ребенка, рассматриваются государственными органами и организациями в обязательном порядке;

комиссии по вопросам детей на своих заседаниях заслушивают информацию руководителей государственных органов и организаций о вопросах касательно деятельности комиссии, а также привлекают государственные органы, в том числе правоохранительные органы, по вопросам, входящим в их компетенцию;

отчет, подготовленный Национальным центром Республики Узбекистан по правам человека для представления в ООН по требованиям Конвенции о правах ребенка, а также предложения и рекомендации уставных и договорных органов ООН, предоставленные по итогам рассмотрения данного отчета, в предварительном порядке рассматриваются на заседаниях Национальной комиссии по вопросам детей и по итогам предоставляются соответствующие рекомендации;

распределение задач между рабочими органами комиссий по вопросам детей определяются председателем соответствующей комиссии.

4. Выделить секретариату Уполномоченного Олий Мажлиса по правам ребенка (Детский омбудсман) дополнительно 2 штатные единицы за счет штатных единиц Министерства высшего образования, науки и инноваций.

5. Одобрить предложение Национального агентства социальной защиты и Уполномоченного Олий Мажлиса по правам ребенка (Детский омбудсман), предусматривающее определенные ограничения, дополнительные требования для продолжения в будущем трудовой деятельности по работе с детьми педагогами и воспитателями, допустившими случаи насилия в отношении детей в образовательных организациях.

Министерству юстиции совместно с Уполномоченным Олий Мажлиса по правам ребенка (Детский омбудсман), Министерством занятости и сокращения бедности, а также Министерством дошкольного и школьного образования в трехмесячный срок разработать и внести в Кабинет Министров в установленном порядке проект нормативно-правового акта, предусмотренный настоящим пунктом.

Министерству дошкольного и школьного образования совместно с Министерством высшего образования, науки и инноваций в месячный срок полностью пересмотреть все акты, регулирующие взаимоотношения педагогов с воспитанниками, учащимися и студенческой молодежью, на основе современных требований, в том числе с предусмотрением действенных механизмов по предотвращению насилия в отношении детей.

6. Национальному агентству социальной защиты в трехмесячный срок совместно с Национальной гвардией, заинтересованными министерствами и ведомствами внести в Кабинет Министров в установленном порядке предложения об изменениях и дополнениях в акты законодательства, вытекающих из настоящего Указа, в частности проект Правительственного постановления, предусматривающий внесение изменений и дополнений в постановление Кабинета Министров от 6 июля 2022 года № 363 «Об утверждении Положения о Национальной комиссии по вопросам детей и Типового положения о комиссиях по вопросам детей Республики Каракалпакстан, областей и города Ташкента, а также районов (городов)».

7. Рекомендовать Национальному информационному агентству Узбекистана, Национальной телерадиокомпании Узбекистан и другим средствам массовой информации широко освещать суть, содержание и практическое значение настоящего Указа.

8. Внести изменения в Указ Президента Республики Узбекистан от 9 августа 2021 года № УП-6275 «О мерах по дальнейшему совершенствованию системы обеспечения гарантий прав ребенка» согласно приложению № 4 .

9. Возложить на командующего Национальной гвардией Р.М. Джураева и Председателя Совета Министров Республики Каракалпакстан, хокимов областей и города Ташкента персональную ответственность за эффективную организацию исполнения настоящего Указа.

Осуществление координации и контроля за деятельностью ведомств, ответственных за исполнение настоящего Указа, возложить на Премьер-министра Республики Узбекистан А.Н. Арипова и советника Президента Республики Узбекистан — директора Национального агентства социальной защиты М.П. Оллоёрова.

ПРИЛОЖЕНИЕ № 4 к Указу Президента Республики Узбекистан от 2 декабря 2024 года № УП-201

Изменения, вносимые в Указ Президента Республики Узбекистан от 9 августа 2021 года № УП-6275 «О мерах по дальнейшему совершенствованию системы обеспечения гарантий прав ребенка»

1. Абзацы второй — одиннадцатый пункта 3 признать утратившими силу.

2. Пункты 4 , 6 , 7 , 8 , 9 , 10 и приложения №№ 1 — 6 к Указу признать утратившими силу.

3. В пункте 12 :

из абзаца второго слова «, а также своевременное обеспечение жильем детей-сирот, детей, оставшихся без попечения родителей, и лиц, входящих в данную категорию, в возрасте 18 — 23 лет, состоящих на учете в качестве нуждающихся в получении жилья» исключить;

абзац четвертый исключить;

абзацы пятый — одиннадцатый считать абзацами четвертым — десятым соответственно;

в абзаце пятом слова «А. Хаджибаева» заменить словами «А. Худаярова»;

в абзаце шестом слова «министра народного образования Ш. Шерматова» заменить словами «министра дошкольного и школьного образования Х. Умарову»;

в абзаце седьмом слова «министра дошкольного образования А. Шин» заменить словами «министра дошкольного и школьного образования Х. Умарову»;

в абзаце девятом слова «заместителя министра туризма и спорта А. Каримова» заменить словами «министра спорта А. Икрамова»;

в абзаце десятом слова «министра занятости и трудовых отношений Н. Хусанова» заменить словами «министра занятости и сокращения бедности Б. Захидова».

Президент Республики Узбекистан Ш. МИРЗИЁЕВ

г. Ташкент,

2 декабря 2024 г.,

№ УП-201

(Национальная база данных законодательства, 03.12.2024 г., № 06/24/201/0994)

lex.uz