UzbekAI

Ўзбекистон Республикаси Вазирлар Маҳкамасининг

қарори

Трамвай ва троллейбус корхоналарини молиявий соғломлигини тиклаш мақсадида Вазирлар Маҳкамасининг «Электр энергияси ва табиий газдан фойдаланиш қоидаларини тасдиқлаш тўғрисида» 2024 йил 31 майдаги 319-сон қарорига қўшимча киритиш тўғрисида

Республикамизда «яшил транспорт» улушини ошириш мақсадида экологик тоза транспорт турларига босқичма-босқич ўтиш, трамвай ҳамда троллейбус транспортида йўловчиларга хизмат кўрсатиш сифатини янада ошириш мақсадида Вазирлар Маҳкамаси қарор қилади:

1. Вазирлар Маҳкамасининг 2024 йил 31 майдаги 319-сон қарори билан тасдиқланган Электр энергиясидан фойдаланиш қоидалари куйидаги мазмундаги 104 1 -банди билан тўлдирилсин:

«104 1 . Трамвай ҳамда троллейбус транспортлари томонидан фойдаланиладиган электр энергияси учун ҲЭТК билан ҳисоб-китоблар истеъмолчиларнинг II тариф гуруҳи учун белгиланган тарифнинг 50 фоизи миқдорида амалга оширилади».

2. Ушбу қарор 2024 йил 1 декабрдан эътиборан кучга киради.

3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда энергетика вазири Ж.Т. Мирзамаҳмудов зиммасига юклансин.

Ўзбекистон Республикасининг Бош вазири А. АРИПОВ

Тошкент ш.,

2024 йил 30 ноябрь,

803-сон

(Қонунчилик маълумотлари миллий базаси, 30.11.2024 й., 09/24/803/0997-сон)

lex.uz

Oʻzbekiston Respublikasi Vazirlar Mahkamasining

qarori

Tramvay va trolleybus korxonalarini moliyaviy sogʻlomligini tiklash maqsadida Vazirlar Mahkamasining “Elektr energiyasi va tabiiy gazdan foydalanish qoidalarini tasdiqlash toʻgʻrisida” 2024-yil 31-maydagi 319-son qaroriga qoʻshimcha kiritish toʻgʻrisida

Respublikamizda “yashil transport” ulushini oshirish maqsadida ekologik toza transport turlariga bosqichma-bosqich oʻtish, tramvay hamda trolleybus transportida yoʻlovchilarga xizmat koʻrsatish sifatini yanada oshirish maqsadida Vazirlar Mahkamasi qaror qiladi:

1. Vazirlar Mahkamasining 2024-yil 31-maydagi 319-son qarori bilan tasdiqlangan Elektr energiyasidan foydalanish qoidalari kuyidagi mazmundagi 104 1 -bandi bilan toʻldirilsin:

“104 1 . Tramvay hamda trolleybus transportlari tomonidan foydalaniladigan elektr energiyasi uchun HETK bilan hisob-kitoblar isteʼmolchilarning II tarif guruhi uchun belgilangan tarifning 50 foizi miqdorida amalga oshiriladi”.

2. Ushbu qaror 2024-yil 1-dekabrdan eʼtiboran kuchga kiradi.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda energetika vaziri J.T. Mirzamahmudov zimmasiga yuklansin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 30-noyabr,

803-son

(Qonunchilik maʼlumotlari milliy bazasi, 30.11.2024-y., 09/24/803/0997-son)

lex.uz