UzbekAI

Ўзбекистон Республикаси Президентининг

қарори

Давлат харидларида ишлаб чиқарувчиларни қўллаб-қувватлаш ҳамда уларга кенг имкониятлар яратиш бўйича қўшимча чора-тадбирлар тўғрисида

«Ўзбекистон — 2030» стратегиясида белгиланган ислоҳотларни самарали амалга ошириш ҳамда жорий йил 20 август куни Ўзбекистон Республикаси Президентининг тадбиркорлар билан тўртинчи очиқ мулоқоти доирасида белгиланган устувор вазифаларни бажариш, шунингдек, давлат харидларини амалга оширишда ишлаб чиқарувчиларга қулай рақобат муҳитини таъминлаш, уларнинг давлат харидларидаги иштирокини қўллаб-қувватлаш мақсадида:

1. 2026 йил 1 январдан бошлаб ишлаб чиқарувчилар томонидан ўзлари ишлаб чиқарган товарларни таклиф этишнинг қуйидаги йўналишларини назарда тутувчи очиқ ва шаффоф Ишлаб чиқарувчилар экотизими жорий қилинсин:

ҳудудлар ва товарлар кесимида ишлаб чиқарувчилар тўғрисидаги саноат харитасини ишлаб чиқиш;

давлат буюртмачилари ва ишлаб чиқарувчилар ўртасида, шунингдек, ишлаб чиқарувчилар ўртасида ўзаро кооперация алоқаларини ўрнатиш ва офтейк шартномалар тузиш имкониятини яратиш;

«B2B» ва «B2C» форматида «маркетплейс» шаклидаги эркин савдо майдончасини ташкил этиш;

давлат буюртмачилари томонидан устувор равишда Ишлаб чиқарувчилар экотизимига киритилган ишлаб чиқарувчилардан товарларни харид қилиш, халқаро молия институтлари ва хорижий ҳукумат молия ташкилотлари иштирокидаги лойиҳалар доирасида харид қилиш бўйича алоҳида тартиб белгиланган ҳоллар бундан мустасно.

Иқтисодиёт ва молия вазирлиги Ишлаб чиқарувчилар экотизимининг тўлиқ жорий этилиши ва унинг барқарор фаолият юритишини таъминлаш учун масъул ташкилот эканлиги белгилаб қўйилсин.

2. Белгилансинки:

давлат харидларида ишлаб чиқарувчиларнинг иштирокини янада кенгайтириш мақсадида «давлат харидлари — бизнесга кўмак» тамойили асосида «тадбиркорбай» ишлаш тизими йўлга қўйилади;

иқтисодиёт ва молия, ғазначилик органлари ходимлари ҳоким ёрдамчилари билан биргаликда ҳар бир ишлаб чиқариш фаолияти билан шуғулланувчи тадбиркор билан манзилли ишлаб, уларга давлат харидларида фаол иштирок этишга кўмаклашади;

ишлаб чиқарувчилар давлат харидлари бўйича махсус ахборот порталидан рўйхатдан ўтказилади, шунингдек, уларнинг оферталари бир вақтнинг ўзида барча давлат харидлари электрон тизимларида жойлаштирилади;

электрон дўкон ва бошланғич нархни пасайтириш учун ўтказиладиган аукцион савдоларида ишлаб чиқарувчиларга улар томонидан етказиб берилган товарлар миқдорига мутаносиб равишда ҳақ тўлаб берилади.

3. Иқтисодиёт ва молия вазирлигининг юқори ва ўрта барқарорлик рейтинги тоифаларига мансуб тадбиркорлик субъектлари ҳисобланган ишлаб чиқарувчиларга барча давлат харидлари электрон тизимларида:

давлат харидларида иштирок этиш учун воситачилик йиғими миқдорига нисбатан 50 фоиз чегирма тақдим этиш;

харид қилиш тартиб-таомилларида иштирок этишда қўшимча закалат киритмаслик тўғрисидаги таклифлари маъқуллансин.

4. Шундай тартиб ўрнатилсинки, унга кўра 2025 йил 1 январдан бошлаб:

республика ижро этувчи ҳокимият органлари ва хўжалик бирлашмалари раҳбарлари ва уларнинг ўринбосарлари фаолиятининг энг муҳим самарадорлик кўрсаткичлари давлат харидларини амалга оширишда тўғридан-тўғри тузиладиган шартномалар, шунингдек, импорт улушини кескин камайтириб бориш каби мезонлар асосида Ўзбекистон Республикаси Президентининг 2024 йил 13 мартдаги ПФ-49-сон Фармонига мувофиқ белгиланади;

республика ижро этувчи ҳокимият органлари ва йирик давлат корхоналари томонидан ҳар ярим йил якунига кўра амалга оширилган давлат харидлари, шу жумладан, импорт ва тўғридан-тўғри харидларнинг улушини кескин камайтириш бўйича кўрилган чоралар юзасидан Вазирлар Маҳкамасига ҳисобот бериб бориш тизими йўлга қўйилади;

давлат харидлари соҳасида назоратни амалга оширувчи давлат органлари ушбу соҳада аниқлаган ҳуқуқбузарликлар, шунингдек, хато ва камчиликлар тўғрисидаги маълумотлар давлат харидлари бўйича махсус ахборот порталида шахсга доир маълумотлар тўғрисидаги қонунчиликка риоя этган ҳолда доимий очиқлаб борилади;

харид қилиш тартиб-таомилида давлат харидларини амалга ошириш учун талабгор сифатида иштирок этаётган тадбиркорлик субъектларининг давлат харидлари жараёнидаги фаолиятини электрон ахборот тизимларидан олинган маълумотлар асосида махсус ахборот порталида инсон омилисиз баҳолаб борувчи скоринг тизими жорий этилади;

давлат харидлари бўйича махсус ахборот порталида хорижий давлатлардаги давлат харидларида иштирок этиш бўйича ўқув материаллари жойлаштирилади ва ҳар чоракда янгилаб борилади.

5. Иқтисодиёт ва молия вазирлиги уч ой муддатда:

Савдо-саноат палатаси билан биргаликда электрон кооперация портали фаолиятини тубдан қайта кўриб чиқиб, уни такомиллаштириш чораларини кўрсин;

хорижий экспертлар билан ҳамкорликда давлат харидлари тизимида мавжуд муаммоларни бартараф этиш ҳамда янги услуб ва механизмларни жорий этиш, шунингдек, тадбиркорлик субъектлари томонидан консорциум ташкил этган ҳолда, давлат харидларида иштирок этиш юзасидан Вазирлар Маҳкамасига таклифлар киритсин.

6. Иқтисодиёт ва молия вазирлигининг давлат харидлари соҳасидаги амалий ишлар самарадорлигини ҳамда мавжуд имкониятларни доимий муҳокама қилиб бориш мақсадида Иқтисодиёт ва молия вазирлиги ҳузурида тегишли тармоқ уюшмаларидаги фаол ишлаб чиқарувчилардан иборат жамоатчилик асосида фаолият юритувчи «Харид ислоҳотчилари гуруҳи»ни ташкил этиш тўғрисидаги таклифга розилик берилсин.

Давлат харидларида ишлаб чиқарувчилар учун яратилган имкониятлар самарадорлигини ўрганиш ва соҳада мавжуд қўшимча имкониятларни амалиётга жорий қилиш ҳамда бу борада тегишли таклифларни тайёрлаш мазкур гуруҳнинг асосий вазифаларидан бири этиб белгилансин.

7. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари тадбиркорлик субъектлари, шунингдек, ишлаб чиқарувчи корхоналарнинг давлат харидларидаги иштирокини кенгайтиришга қаратилган тарғибот ишлари мунтазам равишда ташкил этилишини таъминласин.

8. Иқтисодиёт ва молия вазирлиги манфаатдор вазирлик ва идоралар билан биргаликда уч ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

9. Мазкур қарорнинг ижросини самарали ташкил қилишга масъул ва шахсий жавобгар этиб Бош вазир ўринбосари Ж.А. Қўчқоров белгилансин.

Қарор ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 3 декабрь,

ПҚ-417-сон

(Қонунчилик маълумотлари миллий базаси, 04.12.2024 й., 07/24/417/0999-сон; 15.10.2025 й., 07/25/304/0942-сон)

lex.uz

Oʻzbekiston Respublikasi Prezidentining

qarori

Davlat xaridlarida ishlab chiqaruvchilarni qoʻllab-quvvatlash hamda ularga keng imkoniyatlar yaratish boʻyicha qoʻshimcha chora-tadbirlar toʻgʻrisida

“Oʻzbekiston — 2030” strategiyasida belgilangan islohotlarni samarali amalga oshirish hamda joriy yil 20-avgust kuni Oʻzbekiston Respublikasi Prezidentining tadbirkorlar bilan toʻrtinchi ochiq muloqoti doirasida belgilangan ustuvor vazifalarni bajarish, shuningdek, davlat xaridlarini amalga oshirishda ishlab chiqaruvchilarga qulay raqobat muhitini taʼminlash, ularning davlat xaridlaridagi ishtirokini qoʻllab-quvvatlash maqsadida:

1. 2026-yil 1-yanvardan boshlab ishlab chiqaruvchilar tomonidan oʻzlari ishlab chiqargan tovarlarni taklif etishning quyidagi yoʻnalishlarini nazarda tutuvchi ochiq va shaffof Ishlab chiqaruvchilar ekotizimi joriy qilinsin:

hududlar va tovarlar kesimida ishlab chiqaruvchilar toʻgʻrisidagi sanoat xaritasini ishlab chiqish;

davlat buyurtmachilari va ishlab chiqaruvchilar oʻrtasida, shuningdek, ishlab chiqaruvchilar oʻrtasida oʻzaro kooperatsiya aloqalarini oʻrnatish va ofteyk shartnomalar tuzish imkoniyatini yaratish;

“B2B” va “B2C” formatida “marketpleys” shaklidagi erkin savdo maydonchasini tashkil etish;

davlat buyurtmachilari tomonidan ustuvor ravishda Ishlab chiqaruvchilar ekotizimiga kiritilgan ishlab chiqaruvchilardan tovarlarni xarid qilish, xalqaro moliya institutlari va xorijiy hukumat moliya tashkilotlari ishtirokidagi loyihalar doirasida xarid qilish boʻyicha alohida tartib belgilangan hollar bundan mustasno.

Iqtisodiyot va moliya vazirligi Ishlab chiqaruvchilar ekotizimining toʻliq joriy etilishi va uning barqaror faoliyat yuritishini taʼminlash uchun masʼul tashkilot ekanligi belgilab qoʻyilsin.

2. Belgilansinki:

davlat xaridlarida ishlab chiqaruvchilarning ishtirokini yanada kengaytirish maqsadida “davlat xaridlari — biznesga koʻmak” tamoyili asosida “tadbirkorbay” ishlash tizimi yoʻlga qoʻyiladi;

iqtisodiyot va moliya, gʻaznachilik organlari xodimlari hokim yordamchilari bilan birgalikda har bir ishlab chiqarish faoliyati bilan shugʻullanuvchi tadbirkor bilan manzilli ishlab, ularga davlat xaridlarida faol ishtirok etishga koʻmaklashadi;

ishlab chiqaruvchilar davlat xaridlari boʻyicha maxsus axborot portalidan roʻyxatdan oʻtkaziladi, shuningdek, ularning ofertalari bir vaqtning oʻzida barcha davlat xaridlari elektron tizimlarida joylashtiriladi;

elektron doʻkon va boshlangʻich narxni pasaytirish uchun oʻtkaziladigan auksion savdolarida ishlab chiqaruvchilarga ular tomonidan yetkazib berilgan tovarlar miqdoriga mutanosib ravishda haq toʻlab beriladi.

3. Iqtisodiyot va moliya vazirligining yuqori va oʻrta barqarorlik reytingi toifalariga mansub tadbirkorlik subyektlari hisoblangan ishlab chiqaruvchilarga barcha davlat xaridlari elektron tizimlarida:

davlat xaridlarida ishtirok etish uchun vositachilik yigʻimi miqdoriga nisbatan 50 foiz chegirma taqdim etish;

xarid qilish tartib-taomillarida ishtirok etishda qoʻshimcha zakalat kiritmaslik toʻgʻrisidagi takliflari maʼqullansin.

4. Shunday tartib oʻrnatilsinki, unga koʻra 2025-yil 1-yanvardan boshlab:

respublika ijro etuvchi hokimiyat organlari va xoʻjalik birlashmalari rahbarlari va ularning oʻrinbosarlari faoliyatining eng muhim samaradorlik koʻrsatkichlari davlat xaridlarini amalga oshirishda toʻgʻridan-toʻgʻri tuziladigan shartnomalar, shuningdek, import ulushini keskin kamaytirib borish kabi mezonlar asosida Oʻzbekiston Respublikasi Prezidentining 2024-yil 13-martdagi PF-49-son Farmoniga muvofiq belgilanadi;

respublika ijro etuvchi hokimiyat organlari va yirik davlat korxonalari tomonidan har yarim yil yakuniga koʻra amalga oshirilgan davlat xaridlari, shu jumladan, import va toʻgʻridan-toʻgʻri xaridlarning ulushini keskin kamaytirish boʻyicha koʻrilgan choralar yuzasidan Vazirlar Mahkamasiga hisobot berib borish tizimi yoʻlga qoʻyiladi;

davlat xaridlari sohasida nazoratni amalga oshiruvchi davlat organlari ushbu sohada aniqlagan huquqbuzarliklar, shuningdek, xato va kamchiliklar toʻgʻrisidagi maʼlumotlar davlat xaridlari boʻyicha maxsus axborot portalida shaxsga doir maʼlumotlar toʻgʻrisidagi qonunchilikka rioya etgan holda doimiy ochiqlab boriladi;

xarid qilish tartib-taomilida davlat xaridlarini amalga oshirish uchun talabgor sifatida ishtirok etayotgan tadbirkorlik subyektlarining davlat xaridlari jarayonidagi faoliyatini elektron axborot tizimlaridan olingan maʼlumotlar asosida maxsus axborot portalida inson omilisiz baholab boruvchi skoring tizimi joriy etiladi;

davlat xaridlari boʻyicha maxsus axborot portalida xorijiy davlatlardagi davlat xaridlarida ishtirok etish boʻyicha oʻquv materiallari joylashtiriladi va har chorakda yangilab boriladi.

5. Iqtisodiyot va moliya vazirligi uch oy muddatda:

Savdo-sanoat palatasi bilan birgalikda elektron kooperatsiya portali faoliyatini tubdan qayta koʻrib chiqib, uni takomillashtirish choralarini koʻrsin;

xorijiy ekspertlar bilan hamkorlikda davlat xaridlari tizimida mavjud muammolarni bartaraf etish hamda yangi uslub va mexanizmlarni joriy etish, shuningdek, tadbirkorlik subyektlari tomonidan konsorsium tashkil etgan holda, davlat xaridlarida ishtirok etish yuzasidan Vazirlar Mahkamasiga takliflar kiritsin.

6. Iqtisodiyot va moliya vazirligining davlat xaridlari sohasidagi amaliy ishlar samaradorligini hamda mavjud imkoniyatlarni doimiy muhokama qilib borish maqsadida Iqtisodiyot va moliya vazirligi huzurida tegishli tarmoq uyushmalaridagi faol ishlab chiqaruvchilardan iborat jamoatchilik asosida faoliyat yurituvchi “Xarid islohotchilari guruhi”ni tashkil etish toʻgʻrisidagi taklifga rozilik berilsin.

Davlat xaridlarida ishlab chiqaruvchilar uchun yaratilgan imkoniyatlar samaradorligini oʻrganish va sohada mavjud qoʻshimcha imkoniyatlarni amaliyotga joriy qilish hamda bu borada tegishli takliflarni tayyorlash mazkur guruhning asosiy vazifalaridan biri etib belgilansin.

7. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tadbirkorlik subyektlari, shuningdek, ishlab chiqaruvchi korxonalarning davlat xaridlaridagi ishtirokini kengaytirishga qaratilgan targʻibot ishlari muntazam ravishda tashkil etilishini taʼminlasin.

8. Iqtisodiyot va moliya vazirligi manfaatdor vazirlik va idoralar bilan birgalikda uch oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

9. Mazkur qarorning ijrosini samarali tashkil qilishga masʼul va shaxsiy javobgar etib Bosh vazir oʻrinbosari J.A. Qoʻchqorov belgilansin.

Qaror ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 3-dekabr,

PQ-417-son

(Qonunchilik maʼlumotlari milliy bazasi, 04.12.2024-y., 07/24/417/0999-son; 15.10.2025-y., 07/25/304/0942-son)

lex.uz

Президента Республики Узбекистан

Постановление

О дополнительных мерах по поддержке производителей и созданию для них широких возможностей в государственных закупках

В целях эффективного осуществления реформ, определенных Стратегией «Узбекистан — 2030», исполнения приоритетных задач, обозначенных в рамках четвертого открытого диалога Президента Республики Узбекистан с предпринимателями, проведенного 20 августа текущего года, а также обеспечения благоприятной конкурентной среды для производителей при осуществлении государственных закупок, поддержки их участия в данных процессах:

1. Внедрить с 1 января 2026 года открытую и прозрачную Экосистему производителей, предусматривающую следующие направления предложения производителями произведенных ими товаров:

разработку промышленной карты о производителях в разрезе регионов и товаров;

установление кооперационных связей между государственными заказчиками и производителями, а также между производителями и создание возможности для заключения офтейк-контрактов;

организацию свободной торговой площадки в форме «маркетплейс» в формате «B2B» и «B2C»;

закупку товаров государственными заказчиками в приоритетном порядке у производителей, включенных в Экосистему производителей, за исключением закупок в рамках проектов с участием международных финансовых институтов и зарубежных правительственных финансовых организаций, по которым установлен отдельный порядок.

Определить Министерство экономики и финансов организацией, ответственной за полное внедрение и обеспечение устойчивого функционирования Экосистемы производителей.

2. Установить, что:

в целях дальнейшего расширения участия производителей в государственных закупках внедряется система работы «тадбиркорбай» на основе принципа «государственные закупки — подспорье бизнесу»;

работники органов экономики и финансов, казначейства совместно с помощниками хокимов ведут адресную работу с каждым предпринимателем, занимающимся производственной деятельностью, и оказывают им содействие в активном участии в государственных закупках;

проводится регистрация производителей на специальном информационном портале государственных закупок, их оферты размещаются во всех электронных системах государственных закупок одновременно;

на торгах, проводимых посредством электронного магазина и аукциона на понижение стартовой цены, производителям осуществляется оплата соразмерно поставленному ими объему товаров.

3. Одобрить предложения Министерства экономики и финансов о:

предоставлении субъектам предпринимательства из числа производителей с «высоким» и «средним» рейтингом устойчивости скидки в размере 50 процентов комиссионного сбора за участие в государственных закупках — во всех электронных системах государственных закупок;

невнесении субъектами предпринимательства из числа производителей с «высоким» и «средним» рейтингом устойчивости дополнительного задатка при участии в процедурах закупок — во всех электронных системах государственных закупок.

4. Установить порядок, в соответствии с которым с 1 января 2025 года:

ключевые показатели эффективности деятельности руководителей и заместителей руководителей республиканских органов исполнительной власти и хозяйственных объединений определяются на основе таких критериев, как резкое сокращение объема заключаемых прямых договоров, а также импорта при осуществлении государственных закупок в соответствии с Указом Президента Республики Узбекистан от 13 марта 2024 года № УП-49;

внедряется система регулярного представления по итогам каждого полугодия республиканскими органами исполнительной власти и крупными государственными предприятиями отчетов в Кабинет Министров по осуществленным ими государственным закупкам, в том числе принятым мерам по резкому сокращению доли импорта и прямых закупок;

государственные органы, осуществляющие контроль в сфере государственных закупок, регулярно раскрывают сведения о выявленных правонарушениях, ошибках и недостатках в этой сфере на специальном информационном портале государственных закупок с соблюдением законодательства о персональных данных;

внедряется скоринговая система оценки деятельности субъектов предпринимательства, принимающих участие в закупочной процедуре в качестве претендента на осуществление государственных закупок, в процессе государственных закупок на специальном информационном портале на основе сведений, полученных из электронных информационных систем, без человеческого фактора;

на специальном информационном портале государственных закупок размещаются и ежеквартально обновляются учебные материалы об участии в государственных закупках в зарубежных государствах.

5. Министерству экономики и финансов в трехмесячный срок:

совместно с Торгово-промышленной палатой кардинально пересмотреть функционирование электронного кооперационного портала, принять меры по его совершенствованию;

в сотрудничестве с зарубежными экспертами внести в Кабинет Министров предложения об устранении существующих проблем, внедрении новых методов и механизмов в системе государственных закупок, а также об участии субъектов предпринимательства в государственных закупках путем создания консорциума.

6. Согласиться с предложением Министерства экономики и финансов по образованию при Министерстве экономики и финансов Группы реформирования закупок, ведущей деятельность на общественных началах и состоящей из активных производителей в соответствующих отраслевых ассоциациях, в целях проведения регулярного обсуждения эффективности осуществляемой практической работы и задействования имеющихся возможностей в сфере государственных закупок.

Изучение эффективности созданных для производителей возможностей в сфере государственных закупок и задействование на практике имеющихся дополнительных возможностей в этой сфере, а также подготовку соответствующих предложений в данном направлении определить одними из основных задач указанной Группы.

7. Совету Министров Республики Каракалпакстан, хокимиятам областей и города Ташкента обеспечить организацию на постоянной основе пропагандистской работы по расширению участия субъектов предпринимательства, в том числе предприятий-производителей, в государственных закупках.

8. Министерству экономики и финансов совместно с заинтересованными министерствами и ведомствами в трехмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.

9. Возложить на заместителя Премьер-министра Д.А. Кучкарова персональную ответственность за эффективную организацию исполнения настоящего постановления.

Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

3 декабря 2024 г.,

№ ПП-417

(Национальная база данных законодательства, 04.12.2024 г., № 07/24/417/0999)

lex.uz