UzbekAI

Ўзбекистон Республикасининг Қонуни

«Махсус иқтисодий зоналар тўғрисида»ги Ўзбекистон Республикаси Қонунига махсус иқтисодий зоналар фаолиятини мувофиқлаштириш ва бошқариш тизимини соддалаштиришга қаратилган ўзгартириш ва қўшимчалар киритиш ҳақида

Қонунчилик палатаси томонидан 2024 йил 16 июлда қабул қилинган Сенат томонидан 2024 йил 21 сентябрда маъқулланган

Кейинги йилларда мамлакатимизда кичик тадбиркорликни ривожлантириш, кичик тадбиркорлик субъектларининг фаолиятини ҳар томонлама қўллаб-қувватлаш ва мазкур йўналишга инвестицияларни жалб этиш бўйича изчил ислоҳотлар амалга оширилмоқда.

Махсус иқтисодий зоналар, кичик саноат зоналари, ёшлар саноат зоналари ва тадбиркорлик зоналари фаолиятини тартибга солувчи қонунчилик базаси шакллантирилди, маъмурий функцияларни номарказлаштириш, махсус иқтисодий зоналар дирекцияларининг ва ёшлар саноат зоналарини бошқарувчи ягона дирекцияларнинг ваколатларини кенгайтириш орқали уларнинг фаолиятини мувофиқлаштириш механизми соддалаштирилди.

Шу билан бирга махсус иқтисодий зоналар фаолиятини тартибга солишда, ер участкаларини электрон онлайн-аукцион орқали ажратишда, инвестиция лойиҳаларини амалга оширишда яратилган имкониятлардан саноат зоналари дирекциялари тўлиқ фойдалана олмаётганлиги уларнинг фаолиятига салбий таъсир кўрсатмоқда. Бундан ташқари махсус иқтисодий зоналар ҳудудида фаолиятни амалга ошириш истагини билдирган инвесторларга қўшимча қулайликлар яратиш учун уларнинг махсус иқтисодий зоналар дирекциялари ва давлат ташкилотлари билан ҳамкорлик жараёнлари автоматлаштирилишини талаб этмоқда.

Ушбу Қонун билан «Махсус иқтисодий зоналар тўғрисида»ги Ўзбекистон Республикаси Қонунига махсус иқтисодий зоналарнинг маъмурий кенгашларини тугатиб, уларнинг вазифаларини махсус иқтисодий зоналар дирекцияларининг зиммасига юклатишни назарда тутувчи ўзгартириш ва қўшимчалар киритилмоқда.

Бундан ташқари Қонунда махсус иқтисодий зоналар ҳудудида инвестиция лойиҳаларини жойлаштириш бўйича қарорлар қабул қилиш муддатларини мақбуллаштириш ва инвестиция лойиҳаларининг бизнес-режалари ёки техник-иқтисодий асосларига экспертиза хулосалари олиш талаби бекор қилиниб, лойиҳаларнинг ушбу Қонунда белгиланган талабларга мувофиқлиги тўғрисидаги хулоса махсус иқтисодий зоналар дирекциялари томонидан мустақил равишда қабул қилиниши ҳақидаги нормани белгилаш назарда тутилмоқда.

Ушбу Қонун мазкур соҳадаги ишларни тизимли равишда ташкил этиш мақсадида ташкил этилган махсус иқтисодий зоналари фаолиятини бошқариш ва мувофиқлаштириш тизимини янада соддалаштиришга, инвестицияларни жалб этиш учун шарт-шароитларни яхшилашга, инвестиция лойиҳаларини жадал амалга оширишга ҳамда шу асосда янги иш ўринларини ташкил этиш ва аҳоли даромадларини оширишга хизмат қилади.

1-модда. Ўзбекистон Республикасининг 2020 йил 17 февралда қабул қилинган «Махсус иқтисодий зоналар тўғрисида»ги ЎРҚ-604-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 2, 106-модда; 2021 йил, 4-сонга илова; 2022 йил, № 6, 570-модда; 2023 йил, № 11, 923-модда; 2024 йил, № 2, 105-модда) қуйидаги ўзгартириш ва қўшимчалар киритилсин:

1) 3-модданинг еттинчи хатбошисидаги «махсус иқтисодий зонанинг маъмурий кенгаши» деган сўзлар «махсус иқтисодий зоналарнинг фаолият кўрсатишини ва уларни ривожлантиришни ташкил этиш соҳасидаги ваколатли давлат органи билан келишилган ҳолда Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимлари» деган сўзлар билан алмаштирилсин;

2) 4-модданинг :

тўртинчи хатбошиси чиқариб ташлансин;

бешинчи , олтинчи ва еттинчи хатбошилари тегишинча тўртинчи, бешинчи ва олтинчи хатбошилар деб ҳисоблансин;

3) 5-модданинг ўнинчи хатбошисидаги «ҳамда маъмурий кенгашларининг» деган сўзлар чиқариб ташлансин;

4) 7-модданинг :

учинчи қисми қуйидаги таҳрирда баён этилсин:

«Махсус иқтисодий зонанинг дирекцияси махсус иқтисодий зона ҳудудида жойлашган, бўш турган ва фаолият кўрсатмаётган давлат мулки объектларини инвестиция мажбуриятларини қабул қилган ҳолда, махсус иқтисодий зона иштирокчиларига электрон онлайн-аукцион савдоларида реализация қилиш тўғрисида қарор қабул қилишга ҳақли»;

олтинчи қисмидаги «Махсус иқтисодий зона маъмурий кенгашининг» деган сўзлар «Қорақалпоғистон Республикаси Вазирлар Кенгаши Раиси, вилоятлар ва Тошкент шаҳар ҳокимларининг» деган сўзлар билан алмаштирилсин;

5) 16-модданинг тўртинчи қисмидаги «кейинчалик эркин иқтисодий зонанинг маъмурий кенгашига тақдим этиш учун» деган сўзлар чиқариб ташлансин;

6) 17-модданинг иккинчи қисмидаги «кейинчалик эркин иқтисодий зонанинг маъмурий кенгашига тақдим этиш учун» деган сўзлар чиқариб ташлансин;

7) 20-модданинг учинчи қисмидаги «Давлат бошқаруви органлари» деган сўзлар «Республика ижро этувчи ҳокимият органлари» деган сўзлар билан алмаштирилсин;

8) 21-модда учинчи қисмининг тўртинчи хатбошисидаги «маъмурий кенгашига» деган сўзлар «дирекциясига» деган сўз билан алмаштирилсин;

9) 23-модда чиқариб ташлансин;

10) 24-модда :

иккинчи қисми :

қуйидаги мазмундаги ўнинчи — ўн учинчи хатбошилар билан тўлдирилсин:

«махсус иқтисодий зона ҳудудида амалга ошириш учун инвестиция лойиҳаларини саралаб олишни амалга оширади;

махсус иқтисодий зона иштирокчиларига инвестиция лойиҳаларини амалга ошириш учун ер участкаларини электрон онлайн-аукционга чиқариш тўғрисида қарорлар қабул қилади;

махсус иқтисодий зонанинг муҳандислик-коммуникация ва транспорт инфратузилмаси қурилиши бўйича лойиҳаларнинг ўз вақтида амалга оширилишини ташкил этади;

махсус иқтисодий зона дирекциясининг йиллик даромадлар ва харажатлар сметасини кўриб чиқади ҳамда тасдиқлайди»;

ўнинчи , ўн биринчи ва ўн иккинчи хатбошилари тегишинча ўн тўртинчи, ўн бешинчи ва ўн олтинчи хатбошилар деб ҳисоблансин;

учинчи қисмидаги «махсус иқтисодий зона маъмурий кенгашининг» деган сўзлар «Қорақалпоғистон Республикаси Вазирлар Кенгаши Раисининг, вилоятлар ва Тошкент шаҳар ҳокимларининг» деган сўзлар билан алмаштирилсин;

қуйидаги мазмундаги бешинчи қисм билан тўлдирилсин:

«Алоҳида ҳолларда, махсус иқтисодий зона дирекциясининг ушбу Қонунда назарда тутилган ваколатлари қонунчилик ҳужжатларига мувофиқ коллегиал ва бошқа органларга юклатилиши мумкин. Бунда мазкур модда иккинчи қисмининг ўнинчи — ўн учинчи хатбошиларида ва ушбу Қонун 28-моддасининг биринчи қисмида назарда тутилган ваколатлар 2025 йил 1 январга қадар ташкил этилган амалдаги коллегиал ва бошқа органлар томонидан амалга оширилиши мумкин»;

11) 25-модданинг биринчи қисмидаги «маъмурий кенгашининг ва» деган сўзлар чиқариб ташлансин;

12) 27 ва 28-моддалар қуйидаги таҳрирда баён этилсин:

«27-модда. Инвестиция буюртманомасини махсус иқтисодий зонанинг дирекцияси томонидан кўриб чиқиш

Махсус иқтисодий зона дирекциясига келиб тушган инвестиция буюртманомаси ўша куннинг ўзида, иш вақти тугаганидан кейин келиб тушган бўлса, кейинги иш куни рўйхатдан ўтказилади.

Махсус иқтисодий зона дирекцияси инвестиция буюртманомасини ва унга илова қилинадиган ҳужжатларни инвестиция лойиҳасини амалга оширишнинг иқтисодий жиҳатдан мақсадга мувофиқлиги нуқтаи назаридан, шунингдек уларнинг ушбу Қонуннинг 15 — 19-моддаларида назарда тутилган талабларга мувофиқлигини ўн иш куни ичида кўриб чиқади ва инвесторга тегишли хулоса беради.

Инвестиция буюртманомасини кўриб чиқиш жараёнида махсус иқтисодий зона дирекцияси инвесторга инвестиция лойиҳасига ўзгартиришлар (қўшимчалар) киритишни таклиф қилиши мумкин. Бунда махсус иқтисодий зона дирекциясининг таклифлари унинг хулосасида акс эттирилади. Инвестор таклиф этилаётган ўзгартиришларга (қўшимчаларга) рози бўлмаган тақдирда махсус иқтисодий зона дирекцияси томонидан инвестор иштирокида инвестиция буюртманомасини такрорий кўриб чиқиш амалга оширилади.

Ҳужжатлар махсус иқтисодий зоналар тўғрисидаги қонунчилик талабларига мувофиқ бўлмаган тақдирда ҳужжатлар тўплами қайтариш сабаблари асослантирилган ҳолда қайтариб юборилади. Қайтариш учун асос бўлиб хизмат қилган сабаблар бартараф этилганидан кейин инвестиция буюртманомаси махсус иқтисодий зона дирекциясига такроран тақдим этилиши мумкин.

Тақдим этилган ҳужжатларда нотўғри ёки бузиб кўрсатилган маълумотлар аниқланган тақдирда, махсус иқтисодий зонанинг дирекцияси инвестиция буюртманомасини кўриб чиқишни тугатади, инвестиция буюртманомаси эса қайтариш сабаблари асослантирилган ҳолда инвесторга қайтарилиши лозим.

Инвестор томонидан инвестиция буюртманомасини тақдим этиш, унинг махсус иқтисодий зона дирекцияси томонидан кўриб чиқилиши электрон тарзда амалга оширилиши мумкин.

Махсус иқтисодий зона дирекциясининг директори ва ушбу зона масъул ходимлари ўз зиммасига юклатилган мажбуриятларни бажариши муносабати билан инвестиция буюртманомасини ва унга илова қилинадиган ҳужжатларни кўриб чиқиш чоғида ўзларига маълум бўлиб қолган маълумотларга нисбатан махфийликка риоя этиши шарт.

28-модда. Инвестиция буюртманомасини кўриб чиқиш якунлари бўйича қарор қабул қилиш

Инвестиция буюртманомасини кўриб чиқиш якунлари бўйича махсус иқтисодий зона дирекциясининг қарори баённома билан расмийлаштирилиб, баённома махсус иқтисодий зона дирекциясининг директори томонидан тасдиқланади.

Баённомадан кўчирма инвестиция буюртманомасини берган инвесторга топширилади.

Махсус иқтисодий зона ҳудудида инвестиция лойиҳасини амалга ошириш тўғрисидаги қарор қуйидагилар учун асос бўлади:

инвестиция буюртманомасида кўрсатилган инвестиция лойиҳасини амалга ошириш учун зарур бўлган ер участкасини электрон-онлайн аукционга қўйиш;

электрон-онлайн аукцион ғолиби билан инвестиция битимини тузиш;

ер участкасини ёки бўш турган (фойдаланилмаётган) бинони унинг умумий майдонини ва жойлашган ерини белгилаган ҳолда электрон онлайн-аукционга қўйиш.

Инвестиция буюртманомасини берган инвестор инвестиция лойиҳасини амалга оширишнинг мақсадга мувофиқ эмаслиги тўғрисидаги қарор устидан қонунчиликда белгиланган тартибда шикоят қилиши мумкин.

Ушбу модданинг амал қилиши махсус саноат зоналарининг ҳудудларида амалга ошириш учун таклиф этилаётган инвестиция лойиҳаларига нисбатан татбиқ этилмайди. Бунда инвестиция буюртманомасини ва унга илова қилинадиган ҳужжатларни кўриб чиқиш ҳамда экспертизадан ўтказиш махсус саноат зонасини бошқарувчи компания томонидан Ўзбекистон Республикаси Вазирлар Маҳкамаси белгилайдиган тартибда мустақил равишда амалга оширилади»;

13) 31-модданинг :

иккинчи қисми қуйидаги таҳрирда баён этилсин:

«Юридик шахснинг махсус иқтисодий зона иштирокчиси мақомини йўқотиши тўғрисидаги қарор махсус иқтисодий зонанинг дирекцияси томонидан махсус иқтисодий зоналарнинг фаолият кўрсатишини ва уларни ривожлантиришни ташкил этиш соҳасидаги ваколатли давлат органи билан келишилган ҳолда қабул қилинади»;

тўртинчи қисми қуйидаги таҳрирда баён этилсин:

«Махсус иқтисодий зонанинг иштирокчиси билан инвестиция битими махсус иқтисодий зона дирекциясининг қарорига биноан бекор қилинади ва иштирокчи Махсус иқтисодий зона иштирокчиларининг реестридан чиқарилади»;

бешинчи қисмидаги «махсус иқтисодий зонанинг маъмурий кенгашини» деган сўзлар чиқариб ташлансин;

14) 32-модданинг тўртинчи қисмидаги «махсус иқтисодий зонанинг маъмурий кенгаши ҳамда» деган сўзлар чиқариб ташлансин;

15) 33-модда :

биринчи қисмининг иккинчи жумласи чиқариб ташлансин;

иккинчи қисмидаги «маъмурий кенгаши» деган сўзлар «дирекцияси» деган сўз билан алмаштирилсин;

учинчи қисмидаги «маъмурий кенгашининг» деган сўзлар «дирекциясининг» деган сўз билан алмаштирилсин;

16) 34-модданинг иккинчи қисмидаги «маъмурий кенгашининг баённомаси (ундан кўчирма)» деган сўзлар «дирекцияси қарори (ундан кўчирма)» деган сўзлар билан алмаштирилсин;

17) 41-модданинг :

биринчи қисмидаги «махсус иқтисодий зонанинг маъмурий кенгаши томонидан» деган сўзлар чиқариб ташлансин;

иккинчи қисми қуйидаги таҳрирда баён этилсин:

«Махсус иқтисодий зона дирекциясининг даромадлари Махсус иқтисодий зона иштирокчиларининг реестрига киритганлик учун олинадиган тўловлардан, махсус иқтисодий зона дирекциясининг фойдаланишида ва бошқарувида бўлган бинолар, иншоотлар ва ер участкаларига бўлган ижара ҳуқуқини электрон онлайн-аукцион воситасида сотишдан, шартномалар бўйича хизматлар кўрсатишдан келиб тушадиган тушумлардан ва қонунчиликда тақиқланмаган бошқа манбалар ҳисобидан шакллантирилади»;

18) 46-модданинг матнидаги «Ўзбекистон Республикаси Инвестициялар ва ташқи савдо вазирлиги, Ўзбекистон Республикаси Иқтисодиёт ва саноат вазирлиги ҳамда бошқа манфаатдор ташкилотлар» деган сўзлар «Ўзбекистон Республикаси Вазирлар Маҳкамаси» деган сўзлар билан алмаштирилсин;

19) 47-модданинг учинчи хатбошисидаги «давлат бошқаруви органлари» деган сўзлар «республика ижро этувчи ҳокимият органлари» деган сўзлар билан алмаштирилсин.

2-модда. Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин;

ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда. Ушбу Қонун расмий эълон қилинган кундан эътиборан кучга киради.

Ўзбекистон Республикасининг Президенти Ш. МИРЗИЁЕВ

Тошкент ш.,

2024 йил 5 декабрь,

ЎРҚ-1010-сон

(Қонунчилик маълумотлари миллий базаси, 06.12.2024 й., 03/24/1010/1007-сон)

lex.uz

Oʻzbekiston Respublikasining Qonuni

“Maxsus iqtisodiy zonalar toʻgʻrisida”gi Oʻzbekiston Respublikasi Qonuniga maxsus iqtisodiy zonalar faoliyatini muvofiqlashtirish va boshqarish tizimini soddalashtirishga qaratilgan oʻzgartirish va qoʻshimchalar kiritish haqida

Qonunchilik palatasi tomonidan 2024-yil 16-iyulda qabul qilingan Senat tomonidan 2024-yil 21-sentabrda maʼqullangan

Keyingi yillarda mamlakatimizda kichik tadbirkorlikni rivojlantirish, kichik tadbirkorlik subyektlarining faoliyatini har tomonlama qoʻllab-quvvatlash va mazkur yoʻnalishga investitsiyalarni jalb etish boʻyicha izchil islohotlar amalga oshirilmoqda.

Maxsus iqtisodiy zonalar, kichik sanoat zonalari, yoshlar sanoat zonalari va tadbirkorlik zonalari faoliyatini tartibga soluvchi qonunchilik bazasi shakllantirildi, maʼmuriy funksiyalarni nomarkazlashtirish, maxsus iqtisodiy zonalar direksiyalarining va yoshlar sanoat zonalarini boshqaruvchi yagona direksiyalarning vakolatlarini kengaytirish orqali ularning faoliyatini muvofiqlashtirish mexanizmi soddalashtirildi.

Shu bilan birga maxsus iqtisodiy zonalar faoliyatini tartibga solishda, yer uchastkalarini elektron onlayn-auksion orqali ajratishda, investitsiya loyihalarini amalga oshirishda yaratilgan imkoniyatlardan sanoat zonalari direksiyalari toʻliq foydalana olmayotganligi ularning faoliyatiga salbiy taʼsir koʻrsatmoqda. Bundan tashqari maxsus iqtisodiy zonalar hududida faoliyatni amalga oshirish istagini bildirgan investorlarga qoʻshimcha qulayliklar yaratish uchun ularning maxsus iqtisodiy zonalar direksiyalari va davlat tashkilotlari bilan hamkorlik jarayonlari avtomatlashtirilishini talab etmoqda.

Ushbu Qonun bilan “Maxsus iqtisodiy zonalar toʻgʻrisida”gi Oʻzbekiston Respublikasi Qonuniga maxsus iqtisodiy zonalarning maʼmuriy kengashlarini tugatib, ularning vazifalarini maxsus iqtisodiy zonalar direksiyalarining zimmasiga yuklatishni nazarda tutuvchi oʻzgartirish va qoʻshimchalar kiritilmoqda.

Bundan tashqari Qonunda maxsus iqtisodiy zonalar hududida investitsiya loyihalarini joylashtirish boʻyicha qarorlar qabul qilish muddatlarini maqbullashtirish va investitsiya loyihalarining biznes-rejalari yoki texnik-iqtisodiy asoslariga ekspertiza xulosalari olish talabi bekor qilinib, loyihalarning ushbu Qonunda belgilangan talablarga muvofiqligi toʻgʻrisidagi xulosa maxsus iqtisodiy zonalar direksiyalari tomonidan mustaqil ravishda qabul qilinishi haqidagi normani belgilash nazarda tutilmoqda.

Ushbu Qonun mazkur sohadagi ishlarni tizimli ravishda tashkil etish maqsadida tashkil etilgan maxsus iqtisodiy zonalari faoliyatini boshqarish va muvofiqlashtirish tizimini yanada soddalashtirishga, investitsiyalarni jalb etish uchun shart-sharoitlarni yaxshilashga, investitsiya loyihalarini jadal amalga oshirishga hamda shu asosda yangi ish oʻrinlarini tashkil etish va aholi daromadlarini oshirishga xizmat qiladi.

1-modda. Oʻzbekiston Respublikasining 2020-yil 17-fevralda qabul qilingan “Maxsus iqtisodiy zonalar toʻgʻrisida”gi OʻRQ-604-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 2, 106-modda; 2021-yil, 4-songa ilova; 2022-yil, № 6, 570-modda; 2023-yil, № 11, 923-modda; 2024-yil, № 2, 105-modda) quyidagi oʻzgartirish va qoʻshimchalar kiritilsin:

1) 3-moddaning yettinchi xatboshisidagi “maxsus iqtisodiy zonaning maʼmuriy kengashi” degan soʻzlar “maxsus iqtisodiy zonalarning faoliyat koʻrsatishini va ularni rivojlantirishni tashkil etish sohasidagi vakolatli davlat organi bilan kelishilgan holda Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari” degan soʻzlar bilan almashtirilsin;

2) 4-moddaning :

toʻrtinchi xatboshisi chiqarib tashlansin;

beshinchi , oltinchi va yettinchi xatboshilari tegishincha toʻrtinchi, beshinchi va oltinchi xatboshilar deb hisoblansin;

3) 5-moddaning oʻninchi xatboshisidagi “hamda maʼmuriy kengashlarining” degan soʻzlar chiqarib tashlansin;

4) 7-moddaning :

uchinchi qismi quyidagi tahrirda bayon etilsin:

“Maxsus iqtisodiy zonaning direksiyasi maxsus iqtisodiy zona hududida joylashgan, boʻsh turgan va faoliyat koʻrsatmayotgan davlat mulki obyektlarini investitsiya majburiyatlarini qabul qilgan holda, maxsus iqtisodiy zona ishtirokchilariga elektron onlayn-auksion savdolarida realizatsiya qilish toʻgʻrisida qaror qabul qilishga haqli”;

oltinchi qismidagi “Maxsus iqtisodiy zona maʼmuriy kengashining” degan soʻzlar “Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlarining” degan soʻzlar bilan almashtirilsin;

5) 16-moddaning toʻrtinchi qismidagi “keyinchalik erkin iqtisodiy zonaning maʼmuriy kengashiga taqdim etish uchun” degan soʻzlar chiqarib tashlansin;

6) 17-moddaning ikkinchi qismidagi “keyinchalik erkin iqtisodiy zonaning maʼmuriy kengashiga taqdim etish uchun” degan soʻzlar chiqarib tashlansin;

7) 20-moddaning uchinchi qismidagi “Davlat boshqaruvi organlari” degan soʻzlar “Respublika ijro etuvchi hokimiyat organlari” degan soʻzlar bilan almashtirilsin;

8) 21-modda uchinchi qismining toʻrtinchi xatboshisidagi “maʼmuriy kengashiga” degan soʻzlar “direksiyasiga” degan soʻz bilan almashtirilsin;

9) 23-modda chiqarib tashlansin;

10) 24-modda :

ikkinchi qismi :

quyidagi mazmundagi oʻninchi — oʻn uchinchi xatboshilar bilan toʻldirilsin:

“maxsus iqtisodiy zona hududida amalga oshirish uchun investitsiya loyihalarini saralab olishni amalga oshiradi;

maxsus iqtisodiy zona ishtirokchilariga investitsiya loyihalarini amalga oshirish uchun yer uchastkalarini elektron onlayn-auksionga chiqarish toʻgʻrisida qarorlar qabul qiladi;

maxsus iqtisodiy zonaning muhandislik-kommunikatsiya va transport infratuzilmasi qurilishi boʻyicha loyihalarning oʻz vaqtida amalga oshirilishini tashkil etadi;

maxsus iqtisodiy zona direksiyasining yillik daromadlar va xarajatlar smetasini koʻrib chiqadi hamda tasdiqlaydi”;

oʻninchi , oʻn birinchi va oʻn ikkinchi xatboshilari tegishincha oʻn toʻrtinchi, oʻn beshinchi va oʻn oltinchi xatboshilar deb hisoblansin;

uchinchi qismidagi “maxsus iqtisodiy zona maʼmuriy kengashining” degan soʻzlar “Qoraqalpogʻiston Respublikasi Vazirlar Kengashi Raisining, viloyatlar va Toshkent shahar hokimlarining” degan soʻzlar bilan almashtirilsin;

quyidagi mazmundagi beshinchi qism bilan toʻldirilsin:

“Alohida hollarda, maxsus iqtisodiy zona direksiyasining ushbu Qonunda nazarda tutilgan vakolatlari qonunchilik hujjatlariga muvofiq kollegial va boshqa organlarga yuklatilishi mumkin. Bunda mazkur modda ikkinchi qismining oʻninchi — oʻn uchinchi xatboshilarida va ushbu Qonun 28-moddasining birinchi qismida nazarda tutilgan vakolatlar 2025-yil 1-yanvarga qadar tashkil etilgan amaldagi kollegial va boshqa organlar tomonidan amalga oshirilishi mumkin”;

11) 25-moddaning birinchi qismidagi “maʼmuriy kengashining va” degan soʻzlar chiqarib tashlansin;

12) 27 va 28-moddalar quyidagi tahrirda bayon etilsin:

“27-modda. Investitsiya buyurtmanomasini maxsus iqtisodiy zonaning direksiyasi tomonidan koʻrib chiqish

Maxsus iqtisodiy zona direksiyasiga kelib tushgan investitsiya buyurtmanomasi oʻsha kunning oʻzida, ish vaqti tugaganidan keyin kelib tushgan boʻlsa, keyingi ish kuni roʻyxatdan oʻtkaziladi.

Maxsus iqtisodiy zona direksiyasi investitsiya buyurtmanomasini va unga ilova qilinadigan hujjatlarni investitsiya loyihasini amalga oshirishning iqtisodiy jihatdan maqsadga muvofiqligi nuqtai nazaridan, shuningdek ularning ushbu Qonunning 15 — 19-moddalarida nazarda tutilgan talablarga muvofiqligini oʻn ish kuni ichida koʻrib chiqadi va investorga tegishli xulosa beradi.

Investitsiya buyurtmanomasini koʻrib chiqish jarayonida maxsus iqtisodiy zona direksiyasi investorga investitsiya loyihasiga oʻzgartirishlar (qoʻshimchalar) kiritishni taklif qilishi mumkin. Bunda maxsus iqtisodiy zona direksiyasining takliflari uning xulosasida aks ettiriladi. Investor taklif etilayotgan oʻzgartirishlarga (qoʻshimchalarga) rozi boʻlmagan taqdirda maxsus iqtisodiy zona direksiyasi tomonidan investor ishtirokida investitsiya buyurtmanomasini takroriy koʻrib chiqish amalga oshiriladi.

Hujjatlar maxsus iqtisodiy zonalar toʻgʻrisidagi qonunchilik talablariga muvofiq boʻlmagan taqdirda hujjatlar toʻplami qaytarish sabablari asoslantirilgan holda qaytarib yuboriladi. Qaytarish uchun asos boʻlib xizmat qilgan sabablar bartaraf etilganidan keyin investitsiya buyurtmanomasi maxsus iqtisodiy zona direksiyasiga takroran taqdim etilishi mumkin.

Taqdim etilgan hujjatlarda notoʻgʻri yoki buzib koʻrsatilgan maʼlumotlar aniqlangan taqdirda, maxsus iqtisodiy zonaning direksiyasi investitsiya buyurtmanomasini koʻrib chiqishni tugatadi, investitsiya buyurtmanomasi esa qaytarish sabablari asoslantirilgan holda investorga qaytarilishi lozim.

Investor tomonidan investitsiya buyurtmanomasini taqdim etish, uning maxsus iqtisodiy zona direksiyasi tomonidan koʻrib chiqilishi elektron tarzda amalga oshirilishi mumkin.

Maxsus iqtisodiy zona direksiyasining direktori va ushbu zona masʼul xodimlari oʻz zimmasiga yuklatilgan majburiyatlarni bajarishi munosabati bilan investitsiya buyurtmanomasini va unga ilova qilinadigan hujjatlarni koʻrib chiqish chogʻida oʻzlariga maʼlum boʻlib qolgan maʼlumotlarga nisbatan maxfiylikka rioya etishi shart.

28-modda. Investitsiya buyurtmanomasini koʻrib chiqish yakunlari boʻyicha qaror qabul qilish

Investitsiya buyurtmanomasini koʻrib chiqish yakunlari boʻyicha maxsus iqtisodiy zona direksiyasining qarori bayonnoma bilan rasmiylashtirilib, bayonnoma maxsus iqtisodiy zona direksiyasining direktori tomonidan tasdiqlanadi.

Bayonnomadan koʻchirma investitsiya buyurtmanomasini bergan investorga topshiriladi.

Maxsus iqtisodiy zona hududida investitsiya loyihasini amalga oshirish toʻgʻrisidagi qaror quyidagilar uchun asos boʻladi:

investitsiya buyurtmanomasida koʻrsatilgan investitsiya loyihasini amalga oshirish uchun zarur boʻlgan yer uchastkasini elektron-onlayn auksionga qoʻyish;

elektron-onlayn auksion gʻolibi bilan investitsiya bitimini tuzish;

yer uchastkasini yoki boʻsh turgan (foydalanilmayotgan) binoni uning umumiy maydonini va joylashgan yerini belgilagan holda elektron onlayn-auksionga qoʻyish.

Investitsiya buyurtmanomasini bergan investor investitsiya loyihasini amalga oshirishning maqsadga muvofiq emasligi toʻgʻrisidagi qaror ustidan qonunchilikda belgilangan tartibda shikoyat qilishi mumkin.

Ushbu moddaning amal qilishi maxsus sanoat zonalarining hududlarida amalga oshirish uchun taklif etilayotgan investitsiya loyihalariga nisbatan tatbiq etilmaydi. Bunda investitsiya buyurtmanomasini va unga ilova qilinadigan hujjatlarni koʻrib chiqish hamda ekspertizadan oʻtkazish maxsus sanoat zonasini boshqaruvchi kompaniya tomonidan Oʻzbekiston Respublikasi Vazirlar Mahkamasi belgilaydigan tartibda mustaqil ravishda amalga oshiriladi”;

13) 31-moddaning :

ikkinchi qismi quyidagi tahrirda bayon etilsin:

“Yuridik shaxsning maxsus iqtisodiy zona ishtirokchisi maqomini yoʻqotishi toʻgʻrisidagi qaror maxsus iqtisodiy zonaning direksiyasi tomonidan maxsus iqtisodiy zonalarning faoliyat koʻrsatishini va ularni rivojlantirishni tashkil etish sohasidagi vakolatli davlat organi bilan kelishilgan holda qabul qilinadi”;

toʻrtinchi qismi quyidagi tahrirda bayon etilsin:

“Maxsus iqtisodiy zonaning ishtirokchisi bilan investitsiya bitimi maxsus iqtisodiy zona direksiyasining qaroriga binoan bekor qilinadi va ishtirokchi Maxsus iqtisodiy zona ishtirokchilarining reyestridan chiqariladi”;

beshinchi qismidagi “maxsus iqtisodiy zonaning maʼmuriy kengashini” degan soʻzlar chiqarib tashlansin;

14) 32-moddaning toʻrtinchi qismidagi “maxsus iqtisodiy zonaning maʼmuriy kengashi hamda” degan soʻzlar chiqarib tashlansin;

15) 33-modda :

birinchi qismining ikkinchi jumlasi chiqarib tashlansin;

ikkinchi qismidagi “maʼmuriy kengashi” degan soʻzlar “direksiyasi” degan soʻz bilan almashtirilsin;

uchinchi qismidagi “maʼmuriy kengashining” degan soʻzlar “direksiyasining” degan soʻz bilan almashtirilsin;

16) 34-moddaning ikkinchi qismidagi “maʼmuriy kengashining bayonnomasi (undan koʻchirma)” degan soʻzlar “direksiyasi qarori (undan koʻchirma)” degan soʻzlar bilan almashtirilsin;

17) 41-moddaning :

birinchi qismidagi “maxsus iqtisodiy zonaning maʼmuriy kengashi tomonidan” degan soʻzlar chiqarib tashlansin;

ikkinchi qismi quyidagi tahrirda bayon etilsin:

“Maxsus iqtisodiy zona direksiyasining daromadlari Maxsus iqtisodiy zona ishtirokchilarining reyestriga kiritganlik uchun olinadigan toʻlovlardan, maxsus iqtisodiy zona direksiyasining foydalanishida va boshqaruvida boʻlgan binolar, inshootlar va yer uchastkalariga boʻlgan ijara huquqini elektron onlayn-auksion vositasida sotishdan, shartnomalar boʻyicha xizmatlar koʻrsatishdan kelib tushadigan tushumlardan va qonunchilikda taqiqlanmagan boshqa manbalar hisobidan shakllantiriladi”;

18) 46-moddaning matnidagi “Oʻzbekiston Respublikasi Investitsiyalar va tashqi savdo vazirligi, Oʻzbekiston Respublikasi Iqtisodiyot va sanoat vazirligi hamda boshqa manfaatdor tashkilotlar” degan soʻzlar “Oʻzbekiston Respublikasi Vazirlar Mahkamasi” degan soʻzlar bilan almashtirilsin;

19) 47-moddaning uchinchi xatboshisidagi “davlat boshqaruvi organlari” degan soʻzlar “respublika ijro etuvchi hokimiyat organlari” degan soʻzlar bilan almashtirilsin.

2-modda. Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin;

ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda. Ushbu Qonun rasmiy eʼlon qilingan kundan eʼtiboran kuchga kiradi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 5-dekabr,

OʻRQ-1010-son

(Qonunchilik maʼlumotlari milliy bazasi, 06.12.2024-y., 03/24/1010/1007-son)

lex.uz

Закон Республики Узбекистан

О внесении изменений и дополнений в Закон Республики Узбекистан «О специальных экономических зонах», направленных на координацию деятельности и упрощение системы управления специальных экономических зон

Принят Законодательной палатой 16 июля 2024 года Одобрен Сенатом 21 сентября 2024 года

В последние годы в стране осуществляются последовательные реформы по развитию малого предпринимательства, всесторонней поддержке деятельности субъектов малого предпринимательства и привлечению инвестиций в данном направлении.

Сформирована законодательная база, регулирующая деятельность специальных экономических, малых промышленных, молодежных промышленных и предпринимательских зон, упрощен механизм координации деятельности дирекций специальных экономических зон и единых дирекций по управлению молодежными промышленными зонами путем децентрализации административных функций, расширения их полномочий.

Вместе с тем невозможность полноценного использования дирекциями специальных экономических зон созданных условий в регулировании деятельности специальных экономических зон, выделении земельных участков через электронный онлайн-аукцион, реализации инвестиционных проектов негативно сказывается на эффективности их деятельности. Более того, создание дополнительных условий для инвесторов, выразивших желание осуществлять деятельность на территории специальных экономических зон, требует автоматизации процессов их сотрудничества с дирекциями специальных экономических зон и государственными органами.

Настоящим Законом в Закон Республики Узбекистан «О специальных экономических зонах» вносятся изменения и дополнения, предусматривающие упразднение административных советов специальных экономических зон с возложением их задач на дирекции специальных экономических зон.

Кроме того, в Законе предусматриваются оптимизация сроков принятия решений по размещению инвестиционных проектов на территории специальных экономических зон и отмена требований по получению заключений экспертизы бизнес-плана или технико-экономического обоснования инвестиционного проекта, установление нормы, согласно которой заключение о соответствии проектов требованиям данного Закона принимаются дирекциями специальных экономических зон самостоятельно.

Настоящий Закон послужит дальнейшему упрощению системы управления и координации деятельности специальных экономических зон, создаваемых с целью системной организации работ в данной сфере, улучшению условий для привлечения инвестиций, ускоренному осуществлению инвестиционных проектов и на этой основе созданию новых рабочих мест и повышению доходов населения.

Статья 1. Внести в Закон Республики Узбекистан от 17 февраля 2020 года № ЗРУ-604 «О специальных экономических зонах» (Ведомости палат Олий Мажлиса Республики Узбекистан, 2020 г., № 2, ст. 106; 2021 г., приложение к № 4; 2022 г., № 6, ст. 570; 2023 г., № 11, ст. 923; 2024 г., № 2, ст. 105) следующие изменения и дополнения:

1) в абзаце седьмом статьи 3 слова «административным советом специальной экономической зоны» заменить словами «Председателем Совета Министров Республики Каракалпакстан, хокимами областей и города Ташкента по согласованию с уполномоченным государственным органом в сфере организации функционирования и развития специальных экономических зон»;

2) в статье 4 :

абзац четвертый исключить;

абзацы пятый , шестой и седьмой считать соответственно абзацами четвертым, пятым и шестым;

3) из абзаца десятого статьи 5 слова «и административных советов» исключить;

4) в статье 7 :

часть третью изложить в следующей редакции:

«Дирекция специальной экономической зоны вправе принять решение о реализации на торгах электронного онлайн-аукциона с принятием инвестиционных обязательств, пустующих и бездействующих объектов государственной собственности, расположенных на территории специальной экономической зоны, участникам специальной экономической зоны»;

в части шестой слова «административного совета специальной экономической зоны» заменить словами «Председателем Совета Министров Республики Каракалпакстан, хокимами областей и города Ташкента»;

5) из части четвертой статьи 16 слова «для последующего представления в административный совет свободной экономической зоны» исключить;

6) из части второй статьи 17 слова «для последующего представления в административный совет специальной экономической зоны» исключить;

7) в части третьей статьи 20 слова «Органы государственного управления» заменить словами «Республиканские органы исполнительной власти»;

8) в абзаце четвертом части третьей статьи 21 слова «административному совету» заменить словом «дирекции»;

9) статью 23 исключить;

10) в статье 24 :

в части второй :

дополнить абзацами десятым – тринадцатым следующего содержания:

«проводит отбор инвестиционных проектов для реализации на территории специальной экономической зоны;

принимает решения о выставлении земельных участков на электронный онлайн-аукцион для реализации участниками специальной экономической зоны инвестиционных проектов;

организует своевременную реализацию проектов по строительству инженерно-коммуникационной и транспортной инфраструктуры специальной экономической зоны;

рассматривает и утверждает ежегодную смету доходов и расходов дирекции специальной экономической зоны»;

абзацы десятый , одиннадцатый и двенадцатый считать соответственно абзацами четырнадцатым, пятнадцатым и шестнадцатым;

в части третьей слова «административного совета специальной экономической зоны» заменить словами «Председателем Совета Министров Республики Каракалпакстан, хокимами областей и города Ташкента»;

дополнить частью пятой следующего содержания:

«В отдельных случаях, в соответствии с актами законодательства, полномочия дирекции специальной экономической зоны, предусмотренные настоящим Законом, могут быть возложены на коллегиальные и иные органы. При этом, полномочия, предусмотренные абзацами десятым-тринадцатым части второй настоящей статьи и частью первой статьи 28 настоящего Закона, могут осуществляться действующими коллегиальными и иными органами, образованными до 1 января 2025 года»;

11) из части первой статьи 25 слова «административного совета и» исключить;

12) статьи 27 и 28 изложить в следующей редакции:

«Статья 27. Рассмотрение инвестиционной заявки дирекцией специальной экономической зоны

Инвестиционная заявка, поступившая в дирекцию специальной экономической зоны, подлежит регистрации в тот же день, а в случае поступления после окончания рабочего времени – на следующий рабочий день.

Дирекция специальной экономической зоны в течение десяти рабочих дней рассматривает инвестиционную заявку и прилагаемые к ней документы на предмет экономической целесообразности реализации инвестиционного проекта, а также их соответствия требованиям, предусмотренным статьями 15 — 19 настоящего Закона, и дает инвестору соответствующее заключение.

В ходе рассмотрения инвестиционной заявки дирекция специальной экономической зоны может предложить инвестору внести изменения (дополнения) в инвестиционный проект. При этом предложения дирекции специальной экономической зоны отражаются в ее заключении. В случае несогласия инвестора с предлагаемыми изменениями (дополнениями) дирекцией специальной экономической зоны проводится повторное рассмотрение инвестиционной заявки с участием инвестора.

При несоответствии документов требованиям законодательства о специальных экономических зонах пакет документов возвращается с мотивированным обоснованием причин возврата. После устранения причин, послуживших основанием для возврата, инвестиционная заявка может быть повторно представлена в дирекцию специальной экономической зоны.

В случае выявления в представленных документах недостоверных или искаженных сведений дирекция специальной экономической зоны прекращает рассмотрение инвестиционной заявки, а инвестиционная заявка подлежит возврату инвестору с мотивированным обоснованием причин возврата.

Представление инвестором инвестиционной заявки, ее рассмотрение дирекцией специальной экономической зоны могут осуществляться в электронном виде.

Директор и ответственные работники дирекции специальной экономической зоны обязаны соблюдать конфиденциальность в отношении сведений, ставших им известными в силу выполнения возложенных на них обязанностей при рассмотрении инвестиционной заявки и прилагаемых к ней документов.

Статья 28. Принятие решения по итогам рассмотрения инвестиционной заявки

Решение дирекции специальной экономической зоны по итогам рассмотрения инвестиционной заявки оформляется протоколом, который утверждается директором дирекции специальной экономической зоны.

Выписка из протокола вручается инвестору, подавшему инвестиционную заявку.

Решение о реализации инвестиционного проекта на территории специальной экономической зоны является основанием для:

выставления на электронный онлайн-аукцион земельного участка, необходимого для реализации инвестиционного проекта, указанного в инвестиционной заявке;

заключения инвестиционного соглашения с победителем электронного онлайн-аукциона;

выставления на электронный онлайн-аукцион земельного участка или пустующего (бездействующего) здания с определением общей площади и места его расположения.

Решение о нецелесообразности реализации инвестиционного проекта могут быть обжалованы инвестором, подавшим инвестиционную заявку, в установленном законодательством порядке.

Действие настоящей статьи не распространяется на инвестиционные проекты, предлагаемые для реализации на территории особых промышленных зон. При этом рассмотрение и проведение экспертизы инвестиционной заявки и прилагаемых к ней документов осуществляются управляющей компанией особой промышленной зоны самостоятельно в порядке, определяемом Кабинетом Министров Республики Узбекистан»;

13) в статье 31 :

часть вторую изложить в следующей редакции:

«Решение об утрате юридическим лицом статуса участника специальной экономической зоны принимается дирекцией специальной экономической зоны по согласованию с уполномоченным государственным органом в сфере организации функционирования и развития специальных экономических зон»;

часть четвертую изложить в следующей редакции:

«Инвестиционное соглашение с участником специальной экономической зоны расторгается решением дирекции специальной экономической зоны и он исключается из Реестра участников специальной экономической зоны»;

из части пятой слова «административный совет специальной экономической зоны» исключить;

14) из части четвертой статьи 32 слова «административным советом специальной экономической зоны и» исключить;

15) в статье 33 :

второе предложение части первой исключить;

в части второй слова «административным советом» заменить словом «дирекцией»;

в части третьей слова «административного совета» заменить словом «дирекции»;

16) в части второй статьи 34 слова «протокола (выписки из него) административного совета» заменить словами «решения (выписки из него) дирекции»;

17) в статье 41 :

из части первой слова «административным советом специальной экономической зоны» исключить;

часть вторую изложить в следующей редакции:

«Доходы дирекции специальной экономической зоны формируются за счет выплат за включение в Реестр участников специальной экономической зоны, поступлений от продажи посредством электронного онлайн-аукциона права аренды на здания, сооружения и земельные участки, находящихся в пользовании и управлении дирекции специальной экономической зоны, от оказания услуг по договорам и иных источников, не запрещенных законодательством»;

18) в тексте статьи 46 слова «Министерству инвестиций и внешней торговли Республики Узбекистан, Министерству экономики и промышленности Республики Узбекистан и другим заинтересованным организациям» заменить словами «Кабинету Министров Республики Узбекистан»;

19) в абзаце третьем статьи 47 слова «органами государственного управления» заменить словами «республиканскими органами исполнительной власти».

Статья 2. Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону;

обеспечить исполнение, доведение до исполнителей и разъяснение среди населения сути и значения настоящего Закона.

Статья 3. Настоящий Закон вступает в силу со дня его официального опубликования.

Президент Республики Узбекистан Ш. МИРЗИЁЕВ

г. Ташкент,

5 декабря 2024 г.,

№ ЗРУ-1010

(Национальная база данных законодательства, 06.12.2024 г., № 03/24/1010/1007)

lex.uz