📅 2024-yil 10-dekabr · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 10 декабрь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 10 декабря 2024 г. · Указы Президента
Официальный текст. Официальный документ. Редакционные примечания не включены.
📅 10 December 2024 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Тадбиркорлик субъектларини молия-хўжалик фаолиятини амалга оширмаётган деб ҳисоблаш учун асос бўладиган муддатни қисқартириш ва уларни тугатиш тартибини янада соддалаштириш, товарларни импорт қилишда ва товарларни (хизматларни) реализация қилишда тўланадиган қўшилган қиймат солиғи суммаларини ўзаро ҳисобга олиш тартибини қўллашни кенгайтириш, шунингдек, мажбурий рақамли маркировкалаш жараёнларини жадаллаштириш мақсадида:
1. Ўзбекистон Республикаси Президентининг айрим ҳужжатларига иловага мувофиқ қуйидагиларни назарда тутувчи ўзгартириш ва қўшимчалар киритилсин:
молия-хўжалик фаолиятини амалга оширмаётган тадбиркорлик субъектларини белгилаш мезонларини такомиллаштириш;
янгидан ташкил қилинган тадбиркорлик субъектларининг ривожланишини баҳолаш кўрсаткичларини мақбуллаштириш;
«BBB» тоифадаги тадбиркорлик субъектларига товарларни импорт қилишда ва товарларни (хизматларни) реализация қилишда тўланадиган қўшилган қиймат солиғи суммаларини ўзаро ҳисобга олиш тартибини татбиқ этиш;
маҳаллий пиво маҳсулотларини реализация қилиш фаолиятини ваколатли органни хабардор қилиш тартибида амалга ошириш.
2. Мазкур Фармоннинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 10 декабрдаги ПФ-214-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2019 йил 5 февралдаги «Алкоголь ва тамаки маҳсулотларини ишлаб чиқариш ва уларнинг айланмасини давлат томонидан тартибга солишни такомиллаштириш ҳамда узумчилик ва виночиликни ривожлантиришга доир чора-тадбирлар тўғрисида»ги ПФ-5656-сон Фармони 3-бандининг бешинчи хатбошисидан «маҳаллий пиво маҳсулотлари,» сўзлари чиқариб ташлансин.
2. Ўзбекистон Республикаси Президентининг 2019 йил 7 июндаги «Тадбиркорлик субъектларни тугатиш тартиб-таомилларини соддалаштириш чора-тадбирлари тўғрисида»ги ПФ-5739-сон Фармонининг 2 бандида :
а) «в» кичик банд қуйидаги таҳрирда баён этилсин:
«в) корхонани молия-хўжалик фаолиятини амалга оширмаётган деб ҳисоблаш учун қуйидагилар асос бўлади:
давлат рўйхатидан ўтган санадан бошлаб уч ой мобайнида банк ҳисобварақларини очмаганлиги;
банк ҳисобварақларини очган, бироқ олти ой мобайнида:
молия-хўжалик фаолияти бўйича банк ҳисобварақларига маблағлар туширмаганлиги;
электрон ҳисобварақ-фактураларни расмийлаштирмаганлиги;
онлайн назорат-касса машиналари, виртуал касса ёки маркетплейс тўлов тизимидан фойдаланмаганлиги;
ташқи савдо операцияларини амалга оширмаганлиги»;
б) қуйидаги мазмундаги «г» кичик банд билан тўлдирилсин:
«г) молия-хўжалик фаолиятини амалга оширмаётган корхоналарни тугатишда:
молия-хўжалик фаолиятини амалга оширмаётган корхоналар давлат солиқ хизмати органининг тақдимномасига асосан рўйхатдан ўтказувчи орган томонидан бир йил муддатга ҳаракатсиз режимга ўтказилади;
ҳаракатсиз режимга ўтказилган корхоналар фаолияти бир йил давомида тикланмаган тақдирда, рўйхатдан ўтказувчи орган уларни Тадбиркорлик субъектларининг ягона давлат реестридан чиқаради».
3. Ўзбекистон Республикаси Президентининг 2024 йил 30 августдаги «Ўзбекистон Республикаси Президентининг тадбиркорлар билан тўртинчи очиқ мулоқотида белгиланган вазифаларни амалга ошириш чора-тадбирлари тўғрисида»ги ПФ-132-сон Фармони 6-банди «а» кичик бандининг тўртинчи хатбошисидаги «ушбу Фармон кучга киргунга қадар» сўзлари «2023 йил 1 декабрдан ушбу Фармон кучга киргунга қадар» сўзлари билан алмаштирилсин.
4. Ўзбекистон Республикаси Президентининг 2020 йил 1 майдаги ПҚ-4702-сон қарори билан тасдиқланган Рейтинг кўрсаткичлари асосида ҳудудларнинг ижтимоий-иқтисодий ривожланиш даражасини баҳолаш тартиби тўғрисидаги низомга 2-илованинг 32-позицияси, 2а-илованинг 14-позицияси ҳамда 3-илованинг 42-позицияси «Кўрсаткичларни ҳисоблаш методикаси» устунидаги «Қайта (янги) ташкил этилган тадбиркорлик субъектларининг фаолияти тўхтатилган тадбиркорлик субъектлари сонига нисбати» сўзлари «Қайта (янги) ташкил этилган тадбиркорлик субъектлари умумий сонида товар айланмасини амалга оширган тадбиркорлик субъектларининг улуши» сўзлари билан алмаштирилсин.
5. Ўзбекистон Республикаси Президентининг 2024 йил 23 январдаги «Тадбиркорлик субъектларининг барқарорлик рейтингини жорий этиш чора-тадбирлари тўғрисида»ги ПҚ-39-сон қарорининг 4-бандида :
а) «в» кичик банд қуйидаги таҳрирда баён этилсин:
«в) «A» ва ундан юқори тоифадаги тадбиркорлик субъектларига солиқлар бўйича (қўшилган қиймат солиғи бундан мустасно) мавжуд ортиқча тўлов суммасини қайтариш уч кун муддатда амалга оширилади»;
б) қуйидаги мазмундаги «г» кичик банди билан тўлдирилсин:
«г) «BBB» ва ундан юқори тоифадаги тадбиркорлик субъектларига товарларни импорт қилишда ва товарларни (хизматларни) реализация қилишда тўланадиган қўшилган қиймат солиғи суммаларини ўзаро ҳисобга олиш тартиби татбиқ этилади».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 10 декабрь,
ПФ-214-сон
Oʻzbekiston Respublikasi Prezidentining
Farmoni
Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Tadbirkorlik subyektlarini moliya-xoʻjalik faoliyatini amalga oshirmayotgan deb hisoblash uchun asos boʻladigan muddatni qisqartirish va ularni tugatish tartibini yanada soddalashtirish, tovarlarni import qilishda va tovarlarni (xizmatlarni) realizatsiya qilishda toʻlanadigan qoʻshilgan qiymat soligʻi summalarini oʻzaro hisobga olish tartibini qoʻllashni kengaytirish, shuningdek, majburiy raqamli markirovkalash jarayonlarini jadallashtirish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
moliya-xoʻjalik faoliyatini amalga oshirmayotgan tadbirkorlik subyektlarini belgilash mezonlarini takomillashtirish;
yangidan tashkil qilingan tadbirkorlik subyektlarining rivojlanishini baholash koʻrsatkichlarini maqbullashtirish;
“BBB” toifadagi tadbirkorlik subyektlariga tovarlarni import qilishda va tovarlarni (xizmatlarni) realizatsiya qilishda toʻlanadigan qoʻshilgan qiymat soligʻi summalarini oʻzaro hisobga olish tartibini tatbiq etish;
mahalliy pivo mahsulotlarini realizatsiya qilish faoliyatini vakolatli organni xabardor qilish tartibida amalga oshirish.
2. Mazkur Farmonning ijrosini nazorat qilish Oʻzbekiston Respublikasi Bosh vaziri A.N.Aripov zimmasiga yuklansin.
Oʻzbekiston Respublikasi Prezidentining 2024-yil 10-dekabrdagi PF-214-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2019-yil 5-fevraldagi “Alkogol va tamaki mahsulotlarini ishlab chiqarish va ularning aylanmasini davlat tomonidan tartibga solishni takomillashtirish hamda uzumchilik va vinochilikni rivojlantirishga doir chora-tadbirlar toʻgʻrisida”gi PF-5656-son Farmoni 3-bandining beshinchi xatboshisidan “mahalliy pivo mahsulotlari,” soʻzlari chiqarib tashlansin.
2. Oʻzbekiston Respublikasi Prezidentining 2019-yil 7-iyundagi “Tadbirkorlik subyektlarni tugatish tartib-taomillarini soddalashtirish chora-tadbirlari toʻgʻrisida”gi PF-5739-son Farmonining 2 bandida :
a) “v” kichik band quyidagi tahrirda bayon etilsin:
“v) korxonani moliya-xoʻjalik faoliyatini amalga oshirmayotgan deb hisoblash uchun quyidagilar asos boʻladi:
davlat roʻyxatidan oʻtgan sanadan boshlab uch oy mobaynida bank hisobvaraqlarini ochmaganligi;
bank hisobvaraqlarini ochgan, biroq olti oy mobaynida:
moliya-xoʻjalik faoliyati boʻyicha bank hisobvaraqlariga mablagʻlar tushirmaganligi;
elektron hisobvaraq-fakturalarni rasmiylashtirmaganligi;
onlayn nazorat-kassa mashinalari, virtual kassa yoki marketpleys toʻlov tizimidan foydalanmaganligi;
tashqi savdo operatsiyalarini amalga oshirmaganligi”;
b) quyidagi mazmundagi “g” kichik band bilan toʻldirilsin:
“g) moliya-xoʻjalik faoliyatini amalga oshirmayotgan korxonalarni tugatishda:
moliya-xoʻjalik faoliyatini amalga oshirmayotgan korxonalar davlat soliq xizmati organining taqdimnomasiga asosan roʻyxatdan oʻtkazuvchi organ tomonidan bir yil muddatga harakatsiz rejimga oʻtkaziladi;
harakatsiz rejimga oʻtkazilgan korxonalar faoliyati bir yil davomida tiklanmagan taqdirda, roʻyxatdan oʻtkazuvchi organ ularni Tadbirkorlik subyektlarining yagona davlat reyestridan chiqaradi”.
3. Oʻzbekiston Respublikasi Prezidentining 2024-yil 30-avgustdagi “Oʻzbekiston Respublikasi Prezidentining tadbirkorlar bilan toʻrtinchi ochiq muloqotida belgilangan vazifalarni amalga oshirish chora-tadbirlari toʻgʻrisida”gi PF-132-son Farmoni 6-bandi “a” kichik bandining toʻrtinchi xatboshisidagi “ushbu Farmon kuchga kirgunga qadar” soʻzlari “2023-yil 1-dekabrdan ushbu Farmon kuchga kirgunga qadar” soʻzlari bilan almashtirilsin.
4. Oʻzbekiston Respublikasi Prezidentining 2020-yil 1-maydagi PQ-4702-son qarori bilan tasdiqlangan Reyting koʻrsatkichlari asosida hududlarning ijtimoiy-iqtisodiy rivojlanish darajasini baholash tartibi toʻgʻrisidagi nizomga 2-ilovaning 32-pozitsiyasi, 2a-ilovaning 14-pozitsiyasi hamda 3-ilovaning 42-pozitsiyasi “Koʻrsatkichlarni hisoblash metodikasi” ustunidagi “Qayta (yangi) tashkil etilgan tadbirkorlik subyektlarining faoliyati toʻxtatilgan tadbirkorlik subyektlari soniga nisbati” soʻzlari “Qayta (yangi) tashkil etilgan tadbirkorlik subyektlari umumiy sonida tovar aylanmasini amalga oshirgan tadbirkorlik subyektlarining ulushi” soʻzlari bilan almashtirilsin.
5. Oʻzbekiston Respublikasi Prezidentining 2024-yil 23-yanvardagi “Tadbirkorlik subyektlarining barqarorlik reytingini joriy etish chora-tadbirlari toʻgʻrisida”gi PQ-39-son qarorining 4-bandida :
a) “v” kichik band quyidagi tahrirda bayon etilsin:
“v) “A” va undan yuqori toifadagi tadbirkorlik subyektlariga soliqlar boʻyicha (qoʻshilgan qiymat soligʻi bundan mustasno) mavjud ortiqcha toʻlov summasini qaytarish uch kun muddatda amalga oshiriladi”;
b) quyidagi mazmundagi “g” kichik bandi bilan toʻldirilsin:
“g) “BBB” va undan yuqori toifadagi tadbirkorlik subyektlariga tovarlarni import qilishda va tovarlarni (xizmatlarni) realizatsiya qilishda toʻlanadigan qoʻshilgan qiymat soligʻi summalarini oʻzaro hisobga olish tartibi tatbiq etiladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 10-dekabr,
PF-214-son
Президента Республики Узбекистан
Указ
О внесении изменений и дополнений в некоторые акты Президента Республики Узбекистан
В целях сокращения сроков, являющихся основанием для признания субъектов предпринимательства не осуществляющими финансово-хозяйственную деятельность, и дальнейшего упрощения порядка их ликвидации, расширения применения порядка взаимного учета сумм налога на добавленную стоимость, уплачиваемых при импорте товаров и реализации товаров (услуг), а также ускорения процессов обязательной цифровой маркировки:
1. Внести изменения и дополнения в некоторые акты Президента Республики Узбекистан согласно приложению , предусматривающие:
совершенствование критериев определения субъектов предпринимательства, не осуществляющих финансово-хозяйственную деятельность;
оптимизацию показателей оценки развития вновь созданных субъектов предпринимательства;
применение порядка взаимного учета сумм налога на добавленную стоимость, уплачиваемых при импорте товаров и реализации товаров (услуг) субъектам предпринимательства, отнесенным к категории «BBB»;
осуществление деятельности по реализации отечественной пивной продукции в порядке уведомления уполномоченного органа.
2. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 10 декабря 2024 года № УП-214
Изменения и дополнения, вносимые в некоторые акты Президента Республики Узбекистан
1. Из абзаца пятого пункта 3 Указа Президента Республики Узбекистан от 5 февраля 2019 года № УП-5656 «О мерах по совершенствованию государственного регулирования производства и оборота алкогольной и табачной продукции, а также развитию виноградарства и виноделия» слова «пивоваренной продукции,» исключить.
2. В пункте 2 Указа Президента Республики Узбекистан от 7 июня 2019 года № УП-5739 «О мерах по упрощению процедуры ликвидации субъектов предпринимательства»:
а) подпункт «в» изложить в следующей редакции:
«в) основанием для признания предприятия не осуществляющим финансово-хозяйственную деятельность являются:
неоткрытие банковского счета в течение трех месяцев с даты прохождения государственной регистрации;
в течение шести месяцев после открытия банковского счета:
непоступление средств на банковский счет по финансово-хозяйственной деятельности;
неоформление электронных счетов-фактур;
неиспользование онлайн-контрольно-кассовых машин, виртуальной кассы или платежной системы «маркетплейс»;
неосуществление внешних торговых операций»;
б) дополнить подпунктом «г» следующего содержания:
«г) при ликвидации предприятий, не осуществляющих финансово-хозяйственную деятельность:
по представлению органа государственной налоговой службы предприятия, не осуществляющие финансово-хозяйственную деятельность, переводятся регистрирующим органом на бездействующий режим сроком на один год;
регистрирующий орган исключает их из Единого государственного реестра субъектов предпринимательства при невосстановлении деятельности предприятий, переведенных на бездействующий режим в течение одного года».
3. В абзаце четвертом подпункта «а» пункта 6 Указа Президента Республики Узбекистан от 30 августа 2024 года № УП-132 «О мерах по реализации задач, определенных в четвертом открытом диалоге Президента Республики Узбекистан с предпринимателями» слова «до вступления в силу настоящего Указа» заменить словами «с 1 декабря 2023 года до вступления в силу настоящего Указа».
4. В позиции 32 приложения № 2 , позиции 14 приложения № 2а и позиции 42 приложения № 3 к Положению о порядке оценки уровня социально-экономического развития регионов на основе рейтинговых показателей, утвержденному постановлением Президента Республики Узбекистан от 1 мая 2020 года № ПП-4702, в графе «Методика расчета показателей» слова «Соотношение вновь (новых) созданных субъектов предпринимательства к числу прекративших деятельность субъектов предпринимательства» заменить словами «Доля субъектов предпринимательства, осуществивших товарооборот, в общем количестве вновь (новых) созданных субъектов предпринимательства».
5. В пункте 4 постановления Президента Республики Узбекистан от 23 января 2024 года № ПП-39 «О мерах по внедрению рейтинга устойчивости субъектов предпринимательства»:
а) подпункт «в» изложить в следующей редакции:
«в) для субъектов предпринимательства категории «А» и выше возврат излишне уплаченных сумм по налогам (за исключением налога на добавленную стоимость) осуществляется в трехдневный срок»;
б) дополнить подпунктом «г» следующего содержания:
«г) субъектам предпринимательства категории «BBB» и выше применяется порядок взаимного учета сумм налога на добавленную стоимость, уплачиваемых при импорте товаров и реализации товаров (услуг)».
Президент Республики Узбекистан Ш. МИРЗИЁЕВ
г. Ташкент,
10 декабря 2024 г.,
№ УП-214