UzbekAI

Ўзбекистон Республикаси Президентининг

қарори

Ўзбекистон Республикасининг Россия Федерациясидаги Элчихонасининг фаолияти самарадорлигини ошириш тўғрисида

Ўзбекистон Республикаси фуқароларининг ҳуқуқ ва қонуний манфаатларини ўз вақтида ҳимоя қилишга кўмаклашиш, шунингдек, уюшган жиноятчилик, терроризм, экстремизм, одам савдоси, ноқонуний миграция ва бошқа турдаги жиноятларга қарши курашиш масалаларида Россия Федерацияси ҳуқуқни муҳофаза қилувчи органлари билан яқин ҳамкорлик алоқаларини ўрнатиш мақсадида:

1. Ўзбекистон Республикасининг Россия Федерациясидаги Элчихонасининг (кейинги ўринларда — Элчихона) штат жадвалига меҳнатга ҳақ тўлаш фондини тегишли равишда ўзгартирган ҳолда, биринчи котиб — Ўзбекистон Республикаси Ички ишлар вазирлиги вакили (кейинги ўринларда — Вакил) қўшимча лавозими киритилсин.

2. Қуйидагилар Вакилнинг асосий вазифалари этиб белгилансин:

Ўзбекистон Республикаси Ички ишлар вазирлиги билан Россия Федерацияси Ички ишлар вазирлиги ўртасидаги ўзаро ишонч ва халқаро ҳуқуқнинг умумэътироф этилган принцип ва нормаларига асосланган ҳолда яқин ҳамкорликни кучайтириш;

Ўзбекистон Республикаси билан Россия Федерацияси ўртасида жиноятчиликка қарши курашиш ва жамоат хавфсизлигини таъминлаш масалаларида ҳамкорликни ривожлантириш бўйича мунтазам равишда пухта ишланган амалий таклифларни тайёрлаш, шунингдек, Ўзбекистон Республикаси фуқароларининг ҳуқуқ ва қонуний манфаатлари ҳимоя қилинишини таъминлаш масалаларида халқаро ҳамкорликни кенгайтиришга кўмаклашиш;

Ўзбекистон Республикаси Ички ишлар вазирлиги билан Россия Федерациясининг Ички ишлар вазирлиги ва бошқа ҳуқуқни муҳофаза қилувчи органлари ўртасида уюшган жиноятчилик, терроризм, экстремизм, одам савдоси, ноқонуний миграция ва бошқа турдаги жиноятларга қарши курашиш, уларнинг фош этилишига кўмаклашиш ҳамда ушбу йўналишларда тезкор маълумот алмашинувини ташкил этиш бўйича амалий ҳамкорликни кучайтириш;

Ўзбекистон Республикаси фуқароларининг ҳуқуқ ва қонуний манфаатларини ҳимоя қилиш бўйича консуллик функцияларини бажаришга кўмаклашиш;

Ўзбекистон Республикасининг қонун ҳужжатларида назарда тутилган тартибда жисмоний ва юридик шахсларнинг жиноятчилик, ҳуқуқбузарлик, одам савдоси ва ноқонуний миграция масалалари бўйича оғзаки, ёзма ёхуд электрон шаклдаги мурожаатларини қабул қилиш ҳамда кўриб чиқиш.

3. Белгилансинки:

Вакил Ўзбекистон Республикаси ички ишлар вазирининг тақдимномасига мувофиқ белгиланган тартибда Ўзбекистон Республикаси Президенти билан келишилган ҳолда Ўзбекистон Республикаси ташқи ишлар вазири томонидан лавозимга тайинланади;

Вакил ички ишлар органларидаги фаолияти бўйича Ўзбекистон Республикаси Ички ишлар вазирлигига бўйсунади.

4. Ўзбекистон Республикаси Иқтисодиёт ва молия вазирлиги:

Элчихона ташкилий-штат тузилмасидаги ўзгаришлардан келиб чиққан ҳолда, Вакилни сақлаш харажатларини Ўзбекистон Республикасининг 2025 йилга мўлжалланган Давлат бюджетида кўзда тутилган хориждаги дипломатик ваколатхоналар ва консуллик муассасаларини молиялаштириш ҳажмида инобатга олсин;

Элчихонага битта автотранспорт воситасини харид қилиш ва сақлаш учун қўшимча лимит ҳамда маблағ ажратсин.

5. Ўзбекистон Республикаси Ички ишлар вазирлиги Ташқи ишлар вазирлиги билан биргаликда бир ой муддатда Вакил фаолияти тўғрисидаги низомни ишлаб чиқсин ва белгиланган тартибда тасдиқласин.

6. Ўзбекистон Республикаси Ташқи ишлар вазирлиги бир ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида таклифларни Ўзбекистон Республикаси Вазирлар Маҳкамасига киритсин.

7. Мазкур қарорнинг ижросини назорат қилиш Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов, Ўзбекистон Республикаси ички ишлар вазири П.Р. Бобожонов ва Ўзбекистон Республикаси ташқи ишлар вазири Б.О. Саидов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 13 декабрь,

ПҚ-434-сон

(Қонунчилик маълумотлари миллий базаси, 13.12.2024 й., 07/24/434/1025-сон)

lex.uz

Oʻzbekiston Respublikasi Prezidentining

qarori

Oʻzbekiston Respublikasining Rossiya Federatsiyasidagi Elchixonasining faoliyati samaradorligini oshirish toʻgʻrisida

Oʻzbekiston Respublikasi fuqarolarining huquq va qonuniy manfaatlarini oʻz vaqtida himoya qilishga koʻmaklashish, shuningdek, uyushgan jinoyatchilik, terrorizm, ekstremizm, odam savdosi, noqonuniy migratsiya va boshqa turdagi jinoyatlarga qarshi kurashish masalalarida Rossiya Federatsiyasi huquqni muhofaza qiluvchi organlari bilan yaqin hamkorlik aloqalarini oʻrnatish maqsadida:

1. Oʻzbekiston Respublikasining Rossiya Federatsiyasidagi Elchixonasining (keyingi oʻrinlarda — Elchixona) shtat jadvaliga mehnatga haq toʻlash fondini tegishli ravishda oʻzgartirgan holda, birinchi kotib — Oʻzbekiston Respublikasi Ichki ishlar vazirligi vakili (keyingi oʻrinlarda — Vakil) qoʻshimcha lavozimi kiritilsin.

2. Quyidagilar Vakilning asosiy vazifalari etib belgilansin:

Oʻzbekiston Respublikasi Ichki ishlar vazirligi bilan Rossiya Federatsiyasi Ichki ishlar vazirligi oʻrtasidagi oʻzaro ishonch va xalqaro huquqning umumeʼtirof etilgan prinsip va normalariga asoslangan holda yaqin hamkorlikni kuchaytirish;

Oʻzbekiston Respublikasi bilan Rossiya Federatsiyasi oʻrtasida jinoyatchilikka qarshi kurashish va jamoat xavfsizligini taʼminlash masalalarida hamkorlikni rivojlantirish boʻyicha muntazam ravishda puxta ishlangan amaliy takliflarni tayyorlash, shuningdek, Oʻzbekiston Respublikasi fuqarolarining huquq va qonuniy manfaatlari himoya qilinishini taʼminlash masalalarida xalqaro hamkorlikni kengaytirishga koʻmaklashish;

Oʻzbekiston Respublikasi Ichki ishlar vazirligi bilan Rossiya Federatsiyasining Ichki ishlar vazirligi va boshqa huquqni muhofaza qiluvchi organlari oʻrtasida uyushgan jinoyatchilik, terrorizm, ekstremizm, odam savdosi, noqonuniy migratsiya va boshqa turdagi jinoyatlarga qarshi kurashish, ularning fosh etilishiga koʻmaklashish hamda ushbu yoʻnalishlarda tezkor maʼlumot almashinuvini tashkil etish boʻyicha amaliy hamkorlikni kuchaytirish;

Oʻzbekiston Respublikasi fuqarolarining huquq va qonuniy manfaatlarini himoya qilish boʻyicha konsullik funksiyalarini bajarishga koʻmaklashish;

Oʻzbekiston Respublikasining qonun hujjatlarida nazarda tutilgan tartibda jismoniy va yuridik shaxslarning jinoyatchilik, huquqbuzarlik, odam savdosi va noqonuniy migratsiya masalalari boʻyicha ogʻzaki, yozma yoxud elektron shakldagi murojaatlarini qabul qilish hamda koʻrib chiqish.

3. Belgilansinki:

Vakil Oʻzbekiston Respublikasi ichki ishlar vazirining taqdimnomasiga muvofiq belgilangan tartibda Oʻzbekiston Respublikasi Prezidenti bilan kelishilgan holda Oʻzbekiston Respublikasi tashqi ishlar vaziri tomonidan lavozimga tayinlanadi;

Vakil ichki ishlar organlaridagi faoliyati boʻyicha Oʻzbekiston Respublikasi Ichki ishlar vazirligiga boʻysunadi.

4. Oʻzbekiston Respublikasi Iqtisodiyot va moliya vazirligi:

Elchixona tashkiliy-shtat tuzilmasidagi oʻzgarishlardan kelib chiqqan holda, Vakilni saqlash xarajatlarini Oʻzbekiston Respublikasining 2025-yilga moʻljallangan Davlat budjetida koʻzda tutilgan xorijdagi diplomatik vakolatxonalar va konsullik muassasalarini moliyalashtirish hajmida inobatga olsin;

Elchixonaga bitta avtotransport vositasini xarid qilish va saqlash uchun qoʻshimcha limit hamda mablagʻ ajratsin.

5. Oʻzbekiston Respublikasi Ichki ishlar vazirligi Tashqi ishlar vazirligi bilan birgalikda bir oy muddatda Vakil faoliyati toʻgʻrisidagi nizomni ishlab chiqsin va belgilangan tartibda tasdiqlasin.

6. Oʻzbekiston Respublikasi Tashqi ishlar vazirligi bir oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida takliflarni Oʻzbekiston Respublikasi Vazirlar Mahkamasiga kiritsin.

7. Mazkur qarorning ijrosini nazorat qilish Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov, Oʻzbekiston Respublikasi ichki ishlar vaziri P.R. Bobojonov va Oʻzbekiston Respublikasi tashqi ishlar vaziri B.O. Saidov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 13-dekabr,

PQ-434-son

(Qonunchilik maʼlumotlari milliy bazasi, 13.12.2024-y., 07/24/434/1025-son)

lex.uz

Президента Республики Узбекистан

Постановление

О повышении эффективности деятельности Посольства Республики Узбекистан в Российской Федерации

В целях содействия своевременной защите прав и законных интересов граждан Республики Узбекистан, а также установления тесного сотрудничества с правоохранительными органами Российской Федерации в вопросах борьбы с организованной преступностью, терроризмом, экстремизмом, торговлей людьми, незаконной миграцией и другими видами преступлений:

1. Ввести в штатное расписание Посольства Республики Узбекистан в Российской Федерации (далее — Посольство) дополнительную должность первого секретаря — представителя Министерства внутренних дел Республики Узбекистан (далее — Представитель) с соответствующим изменением фонда оплаты труда.

2. Определить основными задачами Представителя:

усиление тесного сотрудничества между Министерством внутренних дел Республики Узбекистан и Министерством внутренних дел Российской Федерации, основанного на взаимном доверии и общепризнанных принципах и нормах международного права;

подготовку тщательно разработанных практических предложений о развитии сотрудничества в вопросах борьбы с преступностью и обеспечения общественной безопасности между Республикой Узбекистан и Российской Федерацией на постоянной основе, а также оказание содействия расширению международного сотрудничества в вопросах обеспечения защиты прав и законных интересов граждан Республики Узбекистан;

усиление практического сотрудничества между Министерством внутренних дел Республики Узбекистан и Министерством внутренних дел, другими правоохранительными органами Российской Федерации по борьбе с организованной преступностью, терроризмом, экстремизмом, торговлей людьми, незаконной миграцией и другими видами преступлений, а также оказанию содействия в их раскрытии и организации обмена оперативной информацией в этих направлениях;

оказание содействия в выполнении консульских функций по защите прав и законных интересов граждан Республики Узбекистан;

прием и рассмотрение устных, письменных или электронных обращений физических и юридических лиц по вопросам преступности, правонарушений, торговли людьми и незаконной миграции в порядке, предусмотренном актами законодательства Республики Узбекистан.

3. Установить, что:

Представитель назначается на должность министром иностранных дел Республики Узбекистан по представлению министра внутренних дел Республики Узбекистан по согласованию в установленном порядке с Президентом Республики Узбекистан;

Представитель в части деятельности в органах внутренних дел подчиняется Министерству внутренних дел Республики Узбекистан.

4. Министерству экономики и финансов Республики Узбекистан:

исходя из изменений в организационно-штатной структуре Посольства принять во внимание расходы на содержание Представителя в объемах финансирования дипломатических представительств и консульских учреждений за рубежом, предусмотренных в Государственном бюджете Республики Узбекистан на 2025 год;

выделить Посольству дополнительный лимит и средства на приобретение и содержание одного автотранспортного средства.

5. Министерству внутренних дел совместно с Министерством иностранных дел Республики Узбекистан в месячный срок разработать и утвердить в установленном порядке Положение о деятельности Представителя.

6. Министерству иностранных дел Республики Узбекистан в месячный срок внести в Кабинет Министров Республики Узбекистан предложения об изменениях и дополнениях в акты законодательства, вытекающих из настоящего постановления.

7. Контроль за исполнением настоящего постановления возложить на секретаря Совета безопасности при Президенте Республики Узбекистан Махмудова В.В., министра внутренних дел Республики Узбекистан П.Р. Бобожонова и министра иностранных дел Республики Узбекистан Б.О. Саидова.

Президент Республики Узбекистан Ш. МИРЗИЁЕВ

г. Ташкент,

13 декабря 2024 г.,

№ ПП-434

(Национальная база данных законодательства, 13.12.2024 г., № 07/24/434/1025)

lex.uz