📅 2024-yil 12-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 12 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 12 декабря 2024 г. · Постановления Президента
Официальный текст. Официальный документ. Редакционные примечания не включены.
📅 12 December 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
РЎЙХАТИ
Қишлоқ хўжалигини механизациялаш даражасини янада ошириш чора-тадбирлари тўғрисида
Қишлоқ хўжалигида замонавий агротехнологияларни кенг жорий этиш, экинларни экиш, етиштириш ва ҳосилни йиғиб олишни босқичма-босқич тўлиқ механизациялаш, аграр соҳада қишлоқ хўжалиги техникаларига сервис (техник ҳолатини кўрикдан ўтказиш ва таъмирлаш) хизматлари кўрсатиш даражасини ошириш ва сервис устахоналари технологик базасини ривожлантириш мақсадида:
1. Қишлоқ хўжалиги вазирлиги, Ўзбекистон фермер, деҳқон хўжаликлари ва томорқа ер эгалари кенгашининг пахта етиштирувчилар билан келишган ҳолда 2025 йилдан бошлаб барча пахта экиладиган майдонларда босқичма-босқич пахта чигитини қатор ораси 76 см кенгликда қўшқатор қилиб, аниқ доналаб экувчи кўп функцияли чигит экиш сеялкалари орқали (плёнка остига шланг билан) экишга ва пахта хомашёси ҳосилини машиналар ёрдамида териб олишга ўтиш тўғрисидаги ахбороти маълумот учун қабул қилинсин.
2. Инвестициялар, саноат ва савдо вазирлиги, Иқтисодиёт ва молия вазирлиги ҳамда Қишлоқ хўжалиги вазирлиги 2025-2026 йилларда қишлоқ хўжалиги маҳсулотлари ишлаб чиқарувчилар, қишлоқ хўжалиги кооперациялари, қишлоқ хўжалиги корхоналари ва маҳаллаларга агротехник хизматлар кўрсатувчи тадбиркорларга мазкур қарорга 1-иловада келтирилган замонавий қишлоқ хўжалиги техникаларини кредит ёки лизинг шартларида етказиб беришни ташкил этиш учун Жаҳон банкининг:
«Қишлоқ хўжалигини модернизация қилиш» лойиҳаси доирасида ажратилган маблағлар ҳисобидан 34 миллион АҚШ доллари ҳамда «Фарғона водийсида қишлоқ тадбиркорлигини ривожлантириш» лойиҳаси доирасида ажратилган маблағлар ҳисобидан 19,5 миллион АҚШ долларини лизинг ташкилотларига йўналтириш бўйича Жаҳон банкининг розилиги олинганлигини инобатга олиб, бир ой муддатда мазкур маблағларнинг белгиланган тартибда лизинг ташкилотларига ажратилишини;
«Қишлоқ хўжалигини модернизация қилиш» лойиҳаси доирасида тайёр боғ ва кичик агрологистика лойиҳалари учун кўзда тутилган маблағлардан 65 миллион АҚШ долларини замонавий қишлоқ хўжалиги техникалари сотиб олиш учун йўналтириш масаласини уч ой муддатда Жаҳон банки билан келишиб, қарз битимига тегишли ўзгартиришлар киритилишини таъминласин.
3. Қорақалпоғистон Республикаси Вазирлар Кенгаши Раиси ва вилоятлар ҳокимлари 2025 йилда харид қилинадиган пахта териш машиналари, лазерли ер текислагичлар, аниқ доналаб экувчи кўп функцияли чигит экиш сеялкаларини харид қиладиган талабгорлар рўйхатини шакллантириш, етказиб берувчилар билан шартномалар тузиш ва бўнак маблағларини йўналтириш ишларининг 2025 йил 1 февралга қадар якунланишини таъминласин.
4. Белгилансинки:
а) 2025 йил 1 январдан бошлаб, қишлоқ хўжалиги техникалари етказиб беришда амалдаги қонунчиликка мувофиқ қўлланиладиган имтиёзлар (субсидия молиявий ёрдамлар) фақат маҳаллий ишлаб чиқарувчилар ва дилерлар орқали муомалага чиқариладиган қишлоқ хўжалиги техникаларига нисбатан татбиқ этилади;
б) 2027 йил 1 январга қадар қуйидагилар божхона божидан ва утилизация йиғимидан озод қилинади:
қишлоқ хўжалиги маҳсулотлари ишлаб чиқарувчилар, қишлоқ хўжалиги кооперациялари ва қишлоқ хўжалигига агротехник хизматлар кўрсатувчи тадбиркорлар томонидан ўз эҳтиёжлари учун ўрнатилган тартибда шакллантириладиган рўйхат бўйича хориждан олиб келинадиган ҳамда ишлаб чиқарилганига 10 йилдан ошмаган пахта териш комбайнлари, ўзиюрар озуқа йиғувчи ва боғдорчилик комбайнлари, кўчат кўмиш ва очиш техникалари;
маҳаллий ишлаб чиқарувчилар ва дилерлик хизмати томонидан хориждан олиб келинадиган янги пахта териш комбайнлари, ўзиюрар озуқа йиғувчи ва боғдорчилик комбайнлари, кўчат кўмиш ва очиш техникалари;
в) 2025 йил 1 мартдан бошлаб амалдаги қонунчиликда белгиланган имтиёзлардан (субсидия, солиқ ва божхона имтиёзлари ва молиявий ёрдамлар) фойдаланган ҳолда харид қилинган, шу жумладан, республикада ишлаб чиқарилган ва импорт қилинган янги тракторлар ва комбайнларни уларга GPS қурилмасини ўрнатмаган ҳолда давлат рўйхатидан ўтказиш ва улардан фойдаланиш тақиқланади;
г) 2028 йил 1 январдан бошлаб асосий пахта ва ғалла ҳосили учун пахта чигити ва буғдойни экишда аниқ доналаб экмайдиган сеялкалардан фойдаланиш тақиқланади;
д) амалдаги қонунчиликда белгиланган имтиёзлардан (субсидия молиявий ёрдамлар) фойдаланган ҳолда харид қилинган мазкур қарорга 1-иловада келтирилган янги трактор ва комбайнлар (1 — 6-позициялар) 3 йил давомида бошқа шахсларга сотилганда, берилган барча имтиёзлар бекор қилинади ва имтиёз суммалари 25 фоиз жарима қўлланган ҳолда Давлат бюджети даромадига ундирилади. Бунда 2024 йилдан бошлаб лизинг асосида берилган пахта териш машиналари қишлоқ хўжалиги корхоналари фаолиятига боғлиқ бўлмаган ҳолда (фермер хўжаликлари ёки кластерларнинг ер майдонлари давлат эҳтиёжлари (захира) учун олиб қўйилганда ёки қишлоқ хўжалиги корхоналарига нисбатан белгиланган тартибда банкротлик тартиб-таомиллари қўлланилганда) қайта расмийлаштирилганда лизинг тўловлари учун бериладиган субсидиялар истисно тариқасида сақланиб қолинади;
е) қишлоқ хўжалиги техникаларига хизмат кўрсатувчи тадбиркорлик субъектларининг буюртмаси (талаби) бўйича аҳоли бандлигига кўмаклашиш марказлари йўлланмасига асосан ишсиз ёшларни замонавий қишлоқ хўжалиги техникаларига хизмат кўрсатувчи мутахассис сифатида ва ушбу техникаларни бошқарувчи операторликка (тракторчи-машинист) ўқитиш ва қайта тайёрлаш харажатлари Бандликка кўмаклашиш давлат жамғармаси ҳисобидан қоплаб берилади;
ж) 2025 йил 1 январдан 2028 йил 1 январга қадар қишлоқ хўжалиги техникаларини таъмирлаш, агротехник хизматлар кўрсатиш, шу жумладан, экин майдонларини лазерли ер текислагич ёрдамида текислаш, ғўзани чилпиш (чеканка) ва дефолиациялаш хизматларини кўрсатувчи тадбиркорлик субъектларига (бундан кластерлар мустасно) юридик шахслардан олинадиган ер солиғи ва юридик шахсларнинг мол-мулкига солинадиган солиқ ставкалари 50 фоизга камайтирилади.
5. Қишлоқ хўжалиги вазирлиги Агросаноат мажмуи устидан назорат қилиш инспекцияси билан биргаликда:
импорт қилинган қишлоқ хўжалиги техникаларини сотувчи дилерларнинг давлат реестри юритилишини;
бир ой муддатда дилерлик хизматлари учун талабларнинг (фаолиятни рўйхатдан ўтказиш, экологик ва техник стандартларга риоя этиш, сертификациялаш, тракторчи-машинистларнинг касб маҳоратини ошириш, бизнесни суғурталаш, сотувдан кейин кафолат ва кафолатдан кейинги техник хизмат) Вазирлар Маҳкамасига тасдиқлаш учун киритилишини таъминласин.
6. Қишлоқ хўжалиги техникалари ишлаб чиқарувчи маҳаллий корхоналар томонидан ўз эҳтиёжи учун ўрнатилган тартибда шакллантириладиган рўйхат бўйича хориждан олиб келинадиган қишлоқ хўжалиги техникаларининг бутловчи ва эҳтиёт қисмлари 2028 йил 1 январга қадар божхона божидан озод қилинсин.
Бунда ушбу имтиёз ҳисобига тежалган маблағларнинг ҳисоби алоҳида юритилиб, маҳаллий ишлаб чиқаришни кенгайтириш ва модернизациялашга йўналтирилиши ва мазкур талаб бажарилмаганда ушбу маблағлар Давлат бюджети даромадига ундирилиши белгилаб қўйилсин.
7. «Ўзавтосаноат» АЖ Қишлоқ хўжалиги вазирлиги билан биргаликда:
хорижий компанияларни жалб қилган ҳолда 2025 йил 1 апрелга қадар 100 дона аниқ доналаб экувчи кўп функцияли чигит экиш сеялкаларини, 2025 йил 1 сентябрга қадар 50 дона замонавий пахта териш комбайнлари, 10 донадан озуқа йиғувчи, боғдорчилик комбайнлари, кўчат кўмиш ва очиш техникаларини маҳаллийлаштирган ҳолда ишлаб чиқарилишини ва ушбу техникаларнинг самарадорлигини 2025 йил ҳосилида тармоқ илмий-тадқиқот институтларини жалб этган ҳолда агротехник тадбирларни бажариш режимларида ўрганишни таъминласин;
бир ой муддатда Бош вазир ҳузурида қишлоқ хўжалиги техникаларини маҳаллийлаштириш бўйича тақдимот ўтказилишини таъминласин.
8. Белгилансинки, Ўзбекистон Республикаси Президентининг 2021 йил 11 ноябрдаги «Чирчиқ шаҳрида қишлоқ хўжалиги машинасозлик кластерини ташкил қилиш чора-тадбирлари тўғрисида»ги ПҚ-7-сон қарорида назарда тутилган субсидиялар маҳаллий ишлаб чиқарувчи корхоналарда ишлаб чиқарилган ҳамда хориждан тайёр ҳолда олиб келинадиган аниқ доналаб экувчи кўп функцияли чигит экиш сеялкалари, ғалла ўриш комбайнлари ҳамда пахта териш комбайнлари учун, истисно тариқасида, 2026 йил 1 январга қадар татбиқ этилади. Бунда мазкур тартиб 2024 йилда тайёр ҳолда импорт қилинган пахта териш комбайнларига нисбатан ҳам қўлланилади.
Иқтисодиёт ва молия вазирлиги ҳар йили Давлат бюджети параметрларини шакллантиришда қишлоқ хўжалиги техникалари хариди қийматининг ҳамда фоиз харажатларининг бир қисмини субсидиялаш учун тегишли маблағлар кўзда тутиб борилишини таъминласин.
9. Қишлоқ хўжалиги вазирлиги Олий таълим, фан ва инновациялар вазирлиги, Камбағалликни қисқартириш ва бандлик вазирлиги, Савдо-саноат палатаси, «Ўзавтосаноат» АЖ билан биргаликда қишлоқ хўжалиги техникалари ишлаб чиқарувчи корхоналар дилерлари ҳамкорлигида «Тошкент ирригация ва қишлоқ хўжалигини механизациялаш муҳандислари институти» Миллий тадқиқот университетининг ўқув базасида ва республиканинг барча ҳудудларида замонавий қишлоқ хўжалиги техникаларини бошқарувчи тракторчи-машинистларни ҳамда ушбу техникаларга хизмат кўрсатиш марказлари учун малакали мутахассисларни тайёрлаш курсларини ташкил этсин.
10. «Ўзавтосаноат» АЖ, Қишлоқ хўжалиги вазирлиги, Рақамли технологиялар вазирлиги Агросаноат мажмуи устидан назорат қилиш инспекцияси, лизинг компаниялари ҳамда манфаатдор идоралар билан биргаликда 2025 йил 1 мартга қадар пахта териш комбайнларини харид қилиш, харидни молиялаштириш, субсидиялардан фойдаланиш, қишлоқ хўжалиги техникаларини давлат рўйхатидан ўтказиш, сервис хизматларидан фойдаланиш ҳамда эҳтиёт қисмларни харид қилиш имкониятини берувчи рақамлаштирилган ягона ахборот порталининг тўлиқ ишга туширилишини таъминласин.
11. Қорақалпоғистон Республикаси Вазирлар Кенгаши Раиси ҳамда вилоятлар ҳокимлари қишлоқ хўжалиги техникалари етказиб берувчи дилерларга сервис хизматлари кўрсатиш шохобчаларини ташкил этиш учун қонунчиликда белгиланган тартибда зарур бино-иншоотлар олишга амалий ёрдам кўрсатсин.
12. Қишлоқ хўжалиги вазирлиги икки ой муддатда қонунчилик ҳужжатларига ушбу қарордан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
13. Ўзбекистон Республикаси Президентининг айрим қарорларига 2-иловага мувофиқ ўзгартиришлар киритилсин.
14. Бош прокуратура (Ж. Хатамов) мазкур қарор билан қишлоқ хўжалиги техникаларини харид қилиш бўйича белгиланган имтиёзлар ва ажратилган маблағлардан мақсадли ва манзилли фойдаланилиши устидан қатъий назорат ўрнатсин.
15. Мазкур қарорнинг ижросини самарали ташкил қилишга масъул этиб Бош вазир ўринбосарлари Ж.А. Қўчқоров ва Ж.А. Ходжаев ҳамда қишлоқ хўжалиги вазири И.Ю. Абдурахмонов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2024 йил 12 декабрдаги ПҚ-431-сон қарорига 1-ИЛОВА
2025-2026 йилларда қишлоқ хўжалиги корхоналарига етказиб бериладиган замонавий қишлоқ хўжалиги техникалари ва ускуналари
Т/р Техникалар номлари ТИФ ТН коди 1. Қуввати 140 от кучига тенг ва ундан юқори бўлган умумий фойдаланишдаги (GPS қурилмали) ғилдиракли тракторлар 8701 93 100 0 2. Қуввати 80 — 110 от кучига тенг бўлган универсал чопиқ тракторлар (GPS қурилмали) 8701 93 100 0 3. Қуввати 80 — 110 от кучига тенг бўлган (GPS қурилмали) юқори клиренсли тракторлар 8701 93 100 0 4. Қуввати 40 — 60 от кучига тенг бўлган боғдорчиликда ишлатиладиган (GPS қурилмали) тракторлар 8701 93 100 0 5. Ғалла ўриш комбайнлари (GPS қурилмали) 8433 51 000 1 6. Пахта териш машиналари (GPS қурилмали) 8433 52 000 0 7. Лазерли ер текислагичлар 8 432 800 000 8. Айланма омочлар 8 432 100 000 9. Дискли бороналар 8 432 210 000 10. Экин экиш (электрон бошқарувли, ўғит ва гербицид сепиш мосламали, пневматик) сеялкалари 8432 31 110 0 11. Юқори аниқликдаги ва кўп функцияли барабанли сеялкалар (бир вақтда уруғлик экиш, томчилатиб суғориш шлангларини ётқизиш ва плёнка тортишга мўлжалланган) 8432 31 110 0 12. Дон экиш сеялкалари 8432 31 110 0 13. N o-till технологияда уруғлик экиш сеялкаси 8432 31 110 0 14. Тиркамалар 8716 20 000 0 15. Вентиляторли пуркагичлар (ОВХ) 8424 49 990 0 16. Штангали пуркагичлар (майда дисперсли) 8424 49 990 0 17. Культиваторлар 8432 29 100 0
Ўзбекистон Республикаси Президентининг 2024 йил 12 декабрдаги ПҚ-431-сон қарорига 2-ИЛОВА
Ўзбекистон Республикаси Президентининг айрим қарорларига киритилаётган ўзгартиришлар
1. Ўзбекистон Республикаси Президентининг 2022 йил 28 январдаги «Қишлоқ хўжалиги экинлари уруғчилигини янада ривожлантириш бўйича қўшимча чора-тадбирлар тўғрисида»ги ПҚ-106-сон қарорига 4-илованинг 7-позицияси чиқариб ташлансин.
2. Ўзбекистон Республикаси Президентининг 2024 йил 30 сентябрдаги «Қишлоқ хўжалиги вазирлиги ҳузуридаги Агросаноатни ривожлантириш агентлиги фаолиятини ташкил этиш тўғрисида»ги ПҚ-344-сон қарорининг 12-банди қуйидаги таҳрирда баён этилсин:
«12. Вазирлар Маҳкамаси (Ж. Қўчқоров, Ж. Ходжаев), Қишлоқ хўжалиги вазирлиги (И. Абдурахмонов) 2025 йил 1 июнга қадар Жаҳон банки билан музокаралар ўтказган ҳолда Жаҳон банкининг «Ўзбекистон Республикаси қишлоқ хўжалигини модернизация қилиш» лойиҳаси доирасида тайёр кичик агрологистика лойиҳалари учун ажратилган 65 миллион АҚШ доллари миқдоридаги маблағлардан мақсадли фойдаланиш ва агрологистика соҳасига йўналтириш бўйича аниқ механизмларни жорий қилсин».
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 12 декабрь,
ПҚ-431-сон
Oʻzbekiston Respublikasi Prezidentining
qarori
ROʻYXATI
Qishloq xoʻjaligini mexanizatsiyalash darajasini yanada oshirish chora-tadbirlari toʻgʻrisida
Qishloq xoʻjaligida zamonaviy agrotexnologiyalarni keng joriy etish, ekinlarni ekish, yetishtirish va hosilni yigʻib olishni bosqichma-bosqich toʻliq mexanizatsiyalash, agrar sohada qishloq xoʻjaligi texnikalariga servis (texnik holatini koʻrikdan oʻtkazish va taʼmirlash) xizmatlari koʻrsatish darajasini oshirish va servis ustaxonalari texnologik bazasini rivojlantirish maqsadida:
1. Qishloq xoʻjaligi vazirligi, Oʻzbekiston fermer, dehqon xoʻjaliklari va tomorqa yer egalari kengashining paxta yetishtiruvchilar bilan kelishgan holda 2025-yildan boshlab barcha paxta ekiladigan maydonlarda bosqichma-bosqich paxta chigitini qator orasi 76 sm kenglikda qoʻshqator qilib, aniq donalab ekuvchi koʻp funksiyali chigit ekish seyalkalari orqali (plyonka ostiga shlang bilan) ekishga va paxta xomashyosi hosilini mashinalar yordamida terib olishga oʻtish toʻgʻrisidagi axboroti maʼlumot uchun qabul qilinsin.
2. Investitsiyalar, sanoat va savdo vazirligi, Iqtisodiyot va moliya vazirligi hamda Qishloq xoʻjaligi vazirligi 2025-2026-yillarda qishloq xoʻjaligi mahsulotlari ishlab chiqaruvchilar, qishloq xoʻjaligi kooperatsiyalari, qishloq xoʻjaligi korxonalari va mahallalarga agrotexnik xizmatlar koʻrsatuvchi tadbirkorlarga mazkur qarorga 1-ilovada keltirilgan zamonaviy qishloq xoʻjaligi texnikalarini kredit yoki lizing shartlarida yetkazib berishni tashkil etish uchun Jahon bankining:
“Qishloq xoʻjaligini modernizatsiya qilish” loyihasi doirasida ajratilgan mablagʻlar hisobidan 34 million AQSH dollari hamda “Fargʻona vodiysida qishloq tadbirkorligini rivojlantirish” loyihasi doirasida ajratilgan mablagʻlar hisobidan 19,5 million AQSH dollarini lizing tashkilotlariga yoʻnaltirish boʻyicha Jahon bankining roziligi olinganligini inobatga olib, bir oy muddatda mazkur mablagʻlarning belgilangan tartibda lizing tashkilotlariga ajratilishini;
“Qishloq xoʻjaligini modernizatsiya qilish” loyihasi doirasida tayyor bogʻ va kichik agrologistika loyihalari uchun koʻzda tutilgan mablagʻlardan 65 million AQSH dollarini zamonaviy qishloq xoʻjaligi texnikalari sotib olish uchun yoʻnaltirish masalasini uch oy muddatda Jahon banki bilan kelishib, qarz bitimiga tegishli oʻzgartirishlar kiritilishini taʼminlasin.
3. Qoraqalpogʻiston Respublikasi Vazirlar Kengashi Raisi va viloyatlar hokimlari 2025-yilda xarid qilinadigan paxta terish mashinalari, lazerli yer tekislagichlar, aniq donalab ekuvchi koʻp funksiyali chigit ekish seyalkalarini xarid qiladigan talabgorlar roʻyxatini shakllantirish, yetkazib beruvchilar bilan shartnomalar tuzish va boʻnak mablagʻlarini yoʻnaltirish ishlarining 2025-yil 1-fevralga qadar yakunlanishini taʼminlasin.
4. Belgilansinki:
a) 2025-yil 1-yanvardan boshlab, qishloq xoʻjaligi texnikalari yetkazib berishda amaldagi qonunchilikka muvofiq qoʻllaniladigan imtiyozlar (subsidiya moliyaviy yordamlar) faqat mahalliy ishlab chiqaruvchilar va dilerlar orqali muomalaga chiqariladigan qishloq xoʻjaligi texnikalariga nisbatan tatbiq etiladi;
b) 2027-yil 1-yanvarga qadar quyidagilar bojxona bojidan va utilizatsiya yigʻimidan ozod qilinadi:
qishloq xoʻjaligi mahsulotlari ishlab chiqaruvchilar, qishloq xoʻjaligi kooperatsiyalari va qishloq xoʻjaligiga agrotexnik xizmatlar koʻrsatuvchi tadbirkorlar tomonidan oʻz ehtiyojlari uchun oʻrnatilgan tartibda shakllantiriladigan roʻyxat boʻyicha xorijdan olib kelinadigan hamda ishlab chiqarilganiga 10 yildan oshmagan paxta terish kombaynlari, oʻziyurar ozuqa yigʻuvchi va bogʻdorchilik kombaynlari, koʻchat koʻmish va ochish texnikalari;
mahalliy ishlab chiqaruvchilar va dilerlik xizmati tomonidan xorijdan olib kelinadigan yangi paxta terish kombaynlari, oʻziyurar ozuqa yigʻuvchi va bogʻdorchilik kombaynlari, koʻchat koʻmish va ochish texnikalari;
v) 2025-yil 1-martdan boshlab amaldagi qonunchilikda belgilangan imtiyozlardan (subsidiya, soliq va bojxona imtiyozlari va moliyaviy yordamlar) foydalangan holda xarid qilingan, shu jumladan, respublikada ishlab chiqarilgan va import qilingan yangi traktorlar va kombaynlarni ularga GPS qurilmasini oʻrnatmagan holda davlat roʻyxatidan oʻtkazish va ulardan foydalanish taqiqlanadi;
g) 2028-yil 1-yanvardan boshlab asosiy paxta va gʻalla hosili uchun paxta chigiti va bugʻdoyni ekishda aniq donalab ekmaydigan seyalkalardan foydalanish taqiqlanadi;
d) amaldagi qonunchilikda belgilangan imtiyozlardan (subsidiya moliyaviy yordamlar) foydalangan holda xarid qilingan mazkur qarorga 1-ilovada keltirilgan yangi traktor va kombaynlar (1 — 6-pozitsiyalar) 3 yil davomida boshqa shaxslarga sotilganda, berilgan barcha imtiyozlar bekor qilinadi va imtiyoz summalari 25 foiz jarima qoʻllangan holda Davlat budjeti daromadiga undiriladi. Bunda 2024-yildan boshlab lizing asosida berilgan paxta terish mashinalari qishloq xoʻjaligi korxonalari faoliyatiga bogʻliq boʻlmagan holda (fermer xoʻjaliklari yoki klasterlarning yer maydonlari davlat ehtiyojlari (zaxira) uchun olib qoʻyilganda yoki qishloq xoʻjaligi korxonalariga nisbatan belgilangan tartibda bankrotlik tartib-taomillari qoʻllanilganda) qayta rasmiylashtirilganda lizing toʻlovlari uchun beriladigan subsidiyalar istisno tariqasida saqlanib qolinadi;
e) qishloq xoʻjaligi texnikalariga xizmat koʻrsatuvchi tadbirkorlik subyektlarining buyurtmasi (talabi) boʻyicha aholi bandligiga koʻmaklashish markazlari yoʻllanmasiga asosan ishsiz yoshlarni zamonaviy qishloq xoʻjaligi texnikalariga xizmat koʻrsatuvchi mutaxassis sifatida va ushbu texnikalarni boshqaruvchi operatorlikka (traktorchi-mashinist) oʻqitish va qayta tayyorlash xarajatlari Bandlikka koʻmaklashish davlat jamgʻarmasi hisobidan qoplab beriladi;
j) 2025-yil 1-yanvardan 2028-yil 1-yanvarga qadar qishloq xoʻjaligi texnikalarini taʼmirlash, agrotexnik xizmatlar koʻrsatish, shu jumladan, ekin maydonlarini lazerli yer tekislagich yordamida tekislash, gʻoʻzani chilpish (chekanka) va defoliatsiyalash xizmatlarini koʻrsatuvchi tadbirkorlik subyektlariga (bundan klasterlar mustasno) yuridik shaxslardan olinadigan yer soligʻi va yuridik shaxslarning mol-mulkiga solinadigan soliq stavkalari 50 foizga kamaytiriladi.
5. Qishloq xoʻjaligi vazirligi Agrosanoat majmui ustidan nazorat qilish inspeksiyasi bilan birgalikda:
import qilingan qishloq xoʻjaligi texnikalarini sotuvchi dilerlarning davlat reyestri yuritilishini;
bir oy muddatda dilerlik xizmatlari uchun talablarning (faoliyatni roʻyxatdan oʻtkazish, ekologik va texnik standartlarga rioya etish, sertifikatsiyalash, traktorchi-mashinistlarning kasb mahoratini oshirish, biznesni sugʻurtalash, sotuvdan keyin kafolat va kafolatdan keyingi texnik xizmat) Vazirlar Mahkamasiga tasdiqlash uchun kiritilishini taʼminlasin.
6. Qishloq xoʻjaligi texnikalari ishlab chiqaruvchi mahalliy korxonalar tomonidan oʻz ehtiyoji uchun oʻrnatilgan tartibda shakllantiriladigan roʻyxat boʻyicha xorijdan olib kelinadigan qishloq xoʻjaligi texnikalarining butlovchi va ehtiyot qismlari 2028-yil 1-yanvarga qadar bojxona bojidan ozod qilinsin.
Bunda ushbu imtiyoz hisobiga tejalgan mablagʻlarning hisobi alohida yuritilib, mahalliy ishlab chiqarishni kengaytirish va modernizatsiyalashga yoʻnaltirilishi va mazkur talab bajarilmaganda ushbu mablagʻlar Davlat budjeti daromadiga undirilishi belgilab qoʻyilsin.
7. “Oʻzavtosanoat” AJ Qishloq xoʻjaligi vazirligi bilan birgalikda:
xorijiy kompaniyalarni jalb qilgan holda 2025-yil 1-aprelga qadar 100 dona aniq donalab ekuvchi koʻp funksiyali chigit ekish seyalkalarini, 2025-yil 1-sentabrga qadar 50 dona zamonaviy paxta terish kombaynlari, 10 donadan ozuqa yigʻuvchi, bogʻdorchilik kombaynlari, koʻchat koʻmish va ochish texnikalarini mahalliylashtirgan holda ishlab chiqarilishini va ushbu texnikalarning samaradorligini 2025-yil hosilida tarmoq ilmiy-tadqiqot institutlarini jalb etgan holda agrotexnik tadbirlarni bajarish rejimlarida oʻrganishni taʼminlasin;
bir oy muddatda Bosh vazir huzurida qishloq xoʻjaligi texnikalarini mahalliylashtirish boʻyicha taqdimot oʻtkazilishini taʼminlasin.
8. Belgilansinki, Oʻzbekiston Respublikasi Prezidentining 2021-yil 11-noyabrdagi “Chirchiq shahrida qishloq xoʻjaligi mashinasozlik klasterini tashkil qilish chora-tadbirlari toʻgʻrisida”gi PQ-7-son qarorida nazarda tutilgan subsidiyalar mahalliy ishlab chiqaruvchi korxonalarda ishlab chiqarilgan hamda xorijdan tayyor holda olib kelinadigan aniq donalab ekuvchi koʻp funksiyali chigit ekish seyalkalari, gʻalla oʻrish kombaynlari hamda paxta terish kombaynlari uchun, istisno tariqasida, 2026-yil 1-yanvarga qadar tatbiq etiladi. Bunda mazkur tartib 2024-yilda tayyor holda import qilingan paxta terish kombaynlariga nisbatan ham qoʻllaniladi.
Iqtisodiyot va moliya vazirligi har yili Davlat budjeti parametrlarini shakllantirishda qishloq xoʻjaligi texnikalari xaridi qiymatining hamda foiz xarajatlarining bir qismini subsidiyalash uchun tegishli mablagʻlar koʻzda tutib borilishini taʼminlasin.
9. Qishloq xoʻjaligi vazirligi Oliy taʼlim, fan va innovatsiyalar vazirligi, Kambagʻallikni qisqartirish va bandlik vazirligi, Savdo-sanoat palatasi, “Oʻzavtosanoat” AJ bilan birgalikda qishloq xoʻjaligi texnikalari ishlab chiqaruvchi korxonalar dilerlari hamkorligida “Toshkent irrigatsiya va qishloq xoʻjaligini mexanizatsiyalash muhandislari instituti” Milliy tadqiqot universitetining oʻquv bazasida va respublikaning barcha hududlarida zamonaviy qishloq xoʻjaligi texnikalarini boshqaruvchi traktorchi-mashinistlarni hamda ushbu texnikalarga xizmat koʻrsatish markazlari uchun malakali mutaxassislarni tayyorlash kurslarini tashkil etsin.
10. “Oʻzavtosanoat” AJ, Qishloq xoʻjaligi vazirligi, Raqamli texnologiyalar vazirligi Agrosanoat majmui ustidan nazorat qilish inspeksiyasi, lizing kompaniyalari hamda manfaatdor idoralar bilan birgalikda 2025-yil 1-martga qadar paxta terish kombaynlarini xarid qilish, xaridni moliyalashtirish, subsidiyalardan foydalanish, qishloq xoʻjaligi texnikalarini davlat roʻyxatidan oʻtkazish, servis xizmatlaridan foydalanish hamda ehtiyot qismlarni xarid qilish imkoniyatini beruvchi raqamlashtirilgan yagona axborot portalining toʻliq ishga tushirilishini taʼminlasin.
11. Qoraqalpogʻiston Respublikasi Vazirlar Kengashi Raisi hamda viloyatlar hokimlari qishloq xoʻjaligi texnikalari yetkazib beruvchi dilerlarga servis xizmatlari koʻrsatish shoxobchalarini tashkil etish uchun qonunchilikda belgilangan tartibda zarur bino-inshootlar olishga amaliy yordam koʻrsatsin.
12. Qishloq xoʻjaligi vazirligi ikki oy muddatda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
13. Oʻzbekiston Respublikasi Prezidentining ayrim qarorlariga 2-ilovaga muvofiq oʻzgartirishlar kiritilsin.
14. Bosh prokuratura (J. Xatamov) mazkur qaror bilan qishloq xoʻjaligi texnikalarini xarid qilish boʻyicha belgilangan imtiyozlar va ajratilgan mablagʻlardan maqsadli va manzilli foydalanilishi ustidan qatʼiy nazorat oʻrnatsin.
15. Mazkur qarorning ijrosini samarali tashkil qilishga masʼul etib Bosh vazir oʻrinbosarlari J.A. Qoʻchqorov va J.A. Xodjayev hamda qishloq xoʻjaligi vaziri I.Yu. Abduraxmonov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2024-yil 12-dekabrdagi PQ-431-son qaroriga 1-ILOVA
2025-2026-yillarda qishloq xoʻjaligi korxonalariga yetkazib beriladigan zamonaviy qishloq xoʻjaligi texnikalari va uskunalari
T/r Texnikalar nomlari TIF TN kodi 1. Quvvati 140 ot kuchiga teng va undan yuqori boʻlgan umumiy foydalanishdagi (GPS qurilmali) gʻildirakli traktorlar 8701 93 100 0 2. Quvvati 80 — 110 ot kuchiga teng boʻlgan universal chopiq traktorlar (GPS qurilmali) 8701 93 100 0 3. Quvvati 80 — 110 ot kuchiga teng boʻlgan (GPS qurilmali) yuqori klirensli traktorlar 8701 93 100 0 4. Quvvati 40 — 60 ot kuchiga teng boʻlgan bogʻdorchilikda ishlatiladigan (GPS qurilmali) traktorlar 8701 93 100 0 5. Gʻalla oʻrish kombaynlari (GPS qurilmali) 8433 51 000 1 6. Paxta terish mashinalari (GPS qurilmali) 8433 52 000 0 7. Lazerli yer tekislagichlar 8 432 800 000 8. Aylanma omochlar 8 432 100 000 9. Diskli boronalar 8 432 210 000 10. Ekin ekish (elektron boshqaruvli, oʻgʻit va gerbitsid sepish moslamali, pnevmatik) seyalkalari 8432 31 110 0 11. Yuqori aniqlikdagi va koʻp funksiyali barabanli seyalkalar (bir vaqtda urugʻlik ekish, tomchilatib sugʻorish shlanglarini yotqizish va plyonka tortishga moʻljallangan) 8432 31 110 0 12. Don ekish seyalkalari 8432 31 110 0 13. N o-till texnologiyada urugʻlik ekish seyalkasi 8432 31 110 0 14. Tirkamalar 8716 20 000 0 15. Ventilyatorli purkagichlar (OVX) 8424 49 990 0 16. Shtangali purkagichlar (mayda dispersli) 8424 49 990 0 17. Kultivatorlar 8432 29 100 0
Oʻzbekiston Respublikasi Prezidentining 2024-yil 12-dekabrdagi PQ-431-son qaroriga 2-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirishlar
1. Oʻzbekiston Respublikasi Prezidentining 2022-yil 28-yanvardagi “Qishloq xoʻjaligi ekinlari urugʻchiligini yanada rivojlantirish boʻyicha qoʻshimcha chora-tadbirlar toʻgʻrisida”gi PQ-106-son qaroriga 4-ilovaning 7-pozitsiyasi chiqarib tashlansin.
2. Oʻzbekiston Respublikasi Prezidentining 2024-yil 30-sentabrdagi “Qishloq xoʻjaligi vazirligi huzuridagi Agrosanoatni rivojlantirish agentligi faoliyatini tashkil etish toʻgʻrisida”gi PQ-344-son qarorining 12-bandi quyidagi tahrirda bayon etilsin:
“12. Vazirlar Mahkamasi (J. Qoʻchqorov, J. Xodjayev), Qishloq xoʻjaligi vazirligi (I. Abduraxmonov) 2025-yil 1-iyunga qadar Jahon banki bilan muzokaralar oʻtkazgan holda Jahon bankining “Oʻzbekiston Respublikasi qishloq xoʻjaligini modernizatsiya qilish” loyihasi doirasida tayyor kichik agrologistika loyihalari uchun ajratilgan 65 million AQSH dollari miqdoridagi mablagʻlardan maqsadli foydalanish va agrologistika sohasiga yoʻnaltirish boʻyicha aniq mexanizmlarni joriy qilsin”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 12-dekabr,
PQ-431-son
Президента Республики Узбекистан
Постановление
ПЕРЕЧЕНЬ
О мерах по дальнейшему повышению уровня механизации сельского хозяйства
В целях широкого внедрения современных агротехнологий в сельском хозяйстве, поэтапной полной механизации посева, выращивания и сбора урожая культур, а также повышения в аграрной отрасли уровня сервисного обслуживания (технического осмотра состояния и ремонта) сельскохозяйственной техники и развития технологической базы сервисных мастерских:
1. Принять к сведению информацию Министерства сельского хозяйства, Совета фермерских, дехканских хозяйств и владельцев приусадебных земель Узбекистана о переходе начиная с 2025 года по согласованию с производителями хлопка к поэтапному посеву семян хлопчатника на всех площадях, засеваемых хлопчатником, двухстрочным методом с шириной междурядий 76 см с помощью многофункциональных сеялок точного поштучного высева (путем прокладки шланга под пленку), а также к машинному сбору урожая хлопка-сырца.
2. Министерству инвестиций, промышленности и торговли, Министерству экономики и финансов, а также Министерству сельского хозяйства в целях организации в 2025-2026 годах поставки современной сельскохозяйственной техники, приведенной в приложении № 1 к настоящему постановлению, на основе кредита или на условиях лизинга производителям сельскохозяйственной продукции, сельскохозяйственным кооперациям, сельскохозяйственным предприятиям, предпринимателям, оказывающим агротехнические услуги махаллям, обеспечить:
выделение в месячный срок лизинговым организациям 34 миллионов долларов США за счет средств, выделенных в рамках проекта Всемирного банка «Модернизация сельского хозяйства», а также 19,5 миллиона долларов США за счет средств, выделенных в рамках проекта Всемирного банка «Развитие сельского предпринимательства в Ферганской долине», учитывая получение согласия Всемирного банка по направлению данных средств лизинговым организациям в установленном порядке;
согласование со Всемирным банком в трехмесячный срок вопроса направления на закупку современной сельскохозяйственной техники 65 миллионов долларов США за счет средств, предусмотренных на проекты готовых садов и малой агрологистики в рамках проекта Всемирного банка «Модернизация сельского хозяйства», а также внесение соответствующих изменений в заемное соглашение.
3. Председателю Совета Министров Республики Каракалпакстан и хокимам областей в срок до 1 февраля 2025 года обеспечить завершение работ по формированию списка претендентов на покупку хлопкоуборочных машин, лазерных планировщиков, многофункциональных сеялок точного поштучного высева семян хлопчатника, закупаемых в 2025 году, а также заключению договоров с их поставщиками и направлению авансовых средств.
4. Установить, что:
а) с 1 января 2025 года льготы (субсидии, финансовая поддержка), применяемые в соответствии с действующим законодательством при поставке сельскохозяйственной техники, распространяются только на сельскохозяйственную технику, выпускаемую в обращение отечественными производителями и посредством дилеров;
б) на срок до 1 января 2027 года освобождаются от таможенной пошлины и утилизационного сбора:
хлопкоуборочные комбайны, самоходные кормоуборочные и садовые комбайны, техника для закапывания и выкопки, ввозимые из-за рубежа производителями сельскохозяйственной продукции, сельскохозяйственными кооперациями и предпринимателями, оказывающими агротехнические услуги сельскому хозяйству, для собственных нужд по перечню, формируемому в установленном порядке, а также срок выпуска которых не превышает 10 лет;
новые хлопкоуборочные комбайны, самоходные кормоуборочные и садовые комбайны, техника для закапывания и выкопки, ввозимые из-за рубежа отечественными производителями и дилерской службой;
в) с 1 марта 2025 года запрещается проведение государственной регистрации и эксплуатация новых тракторов и комбайнов без установки на них устройства GPS, закупка которых осуществлена с использованием определенных действующим законодательством льгот (субсидий, налоговых и таможенных льгот, финансовой поддержки), в том числе импортированных и произведенных в республике;
г) с 1 января 2028 года при посеве семян хлопчатника и пшеницы для основного урожая хлопка и зерна запрещается использование сеялок без точного поштучного высева;
д) при реализации другим лицам в течение 3 лет новых тракторов и комбайнов, приведенных в приложении № 1 (позиции 1 — 6) к настоящему постановлению, закупленных с использованием льгот (субсидий, финансовой поддержки), определенных действующим законодательством, все предоставленные льготы отменяются и суммы льгот взыскиваются в доход Государственного бюджета с применением штрафа в размере 25 процентов. При этом в случае переоформления хлопкоуборочных машин, предоставленных с 2024 года на лизинговой основе, вне зависимости от деятельности сельскохозяйственных предприятий (в случае изъятия земельных площадей фермерских хозяйств или кластеров для государственных нужд (резерва) или применения процедур банкротства в отношении сельскохозяйственных предприятий в установленном порядке) субсидии, выделенные для лизинговых платежей, в порядке исключения сохраняются;
е) расходы на обучение и переподготовку безработной молодежи в качестве специалистов по обслуживанию современной сельскохозяйственной техники и операторов по управлению данной техникой (тракториста-машиниста) на основе направлений центров содействия занятости населения по заявке (требованию) субъектов предпринимательства, обслуживающих сельскохозяйственную технику, покрываются за счет Государственного фонда содействия занятости;
ж) на срок с 1 января 2025 года по 1 января 2028 года субъектам предпринимательства (за исключением кластеров), оказывающим услуги по ремонту сельскохозяйственной техники, предоставлению агротехнических услуг, в том числе лазерной планировке посевных площадей, чеканке и дефолиации хлопчатника, ставки земельного налога с юридических лиц и налога на имущество юридических лиц снижаются на 50 процентов.
5. Министерству сельского хозяйства совместно с Инспекцией по контролю за агропромышленным комплексом обеспечить:
ведение государственного реестра дилеров по реализации импортируемой сельскохозяйственной техники;
внесение в месячный срок в Кабинет Министров на утверждение требований для дилерских услуг (регистрация деятельности, соблюдение экологических и технических стандартов, сертификация, повышение профессионального мастерства трактористов-машинистов, страхование бизнеса, послепродажная гарантия и постгарантийное техническое обслуживание).
6. Освободить до 1 января 2028 года от таможенной пошлины комплектующие и запасные части сельскохозяйственной техники, ввозимые из-за рубежа отечественными предприятиями по производству сельскохозяйственной техники для собственных нужд по перечню, формируемому в установленном порядке.
При этом определить, что учет средств, сэкономленных за счет данной льготы, ведется отдельно и они направляются на расширение и модернизацию отечественного производства, при невыполнении данного требования эти средства взыскиваются в доход Государственного бюджета.
7. АО «Узавтосаноат» совместно с Министерством сельского хозяйства обеспечить:
до 1 апреля 2025 года локализацию производства 100 единиц многофункциональных сеялок точного поштучного высева семян хлопчатника с привлечением зарубежных компаний, до 1 сентября 2025 года — 50 единиц современных хлопкоуборочных комбайнов, по 10 единиц кормоуборочных и садовых комбайнов, техники для закапывания и выкопки, а также изучение эффективности вышеуказанной техники в режиме выполнения агротехнических мероприятий на урожай 2025 года с привлечением отраслевых научно-исследовательских институтов;
в месячный срок проведение у Премьер-министра презентации по локализации сельскохозяйственной техники.
8. Определить, что субсидии, предусмотренные в постановлении Президента Республики Узбекистан от 11 ноября 2021 года № ПП-7 «О мерах по созданию кластера сельскохозяйственного машиностроения в городе Чирчике», в порядке исключения, на срок до 1 января 2026 года распространяются на многофункциональные сеялки точного поштучного высева семян хлопчатника, зерноуборочные комбайны и хлопкоуборочные комбайны, произведенные на отечественных производственных предприятиях и ввозимые из-за рубежа в готовом виде. При этом данный порядок также распространяется на хлопкоуборочные комбайны, импортированные в 2024 году в готовом виде.
Министерству экономики и финансов при ежегодном формировании параметров Государственного бюджета обеспечить предусмотрение соответствующих средств на субсидирование части закупочной стоимости сельскохозяйственной техники и процентных расходов.
9. Министерству сельского хозяйства совместно с Министерством высшего образования, науки и инноваций, Министерством занятости и сокращения бедности, Торгово-промышленной палатой, АО «Узавтосаноат» в сотрудничестве с дилерами предприятий по производству сельскохозяйственной техники организовать на учебной базе Национального исследовательского университета «Ташкентский институт инженеров ирригации и механизации сельского хозяйства» и во всех регионах республики курсы по подготовке трактористов-машинистов по управлению современной сельскохозяйственной техникой и квалифицированных специалистов для центров обслуживания данной техники.
10. АО «Узавтосаноат», Министерству сельского хозяйства, Министерству цифровых технологий совместно с Инспекцией по контролю за агропромышленным комплексом, лизинговыми компаниями и заинтересованными ведомствами в срок до 1 марта 2025 года обеспечить полный запуск единого цифрового информационного портала, предоставляющего возможность осуществлять закупку хлопкоуборочных комбайнов, финансировать закупки, использовать субсидии, осуществлять государственную регистрацию сельскохозяйственной техники, использовать сервисные услуги и закупки запасных частей.
11. Председателю Совета Министров Республики Каракалпакстан и хокимам областей оказать дилерам-поставщикам сельскохозяйственной техники практическую помощь в получении необходимых зданий и сооружений в установленном законодательством порядке для создания пунктов сервисного обслуживания.
12. Министерству сельского хозяйства в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего постановления.
13. Внести изменения в некоторые постановления Президента Республики Узбекистан согласно приложению № 2 .
14. Генеральной прокуратуре (Ж. Хатамов) установить строгий контроль за целевым и адресным использованием определенных льгот на закупку сельскохозяйственной техники и выделенных средств в соответствии с настоящим постановлением.
15. Возложить на заместителей Премьер-министра Д.А. Кучкарова и Ж.А. Ходжаева, министра сельского хозяйства И.Ю. Абдурахмонова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
ПРИЛОЖЕНИЕ № 1 к постановлению Президента Республики Узбекистан от 12 декабря 2024 года № ПП-431
современной сельскохозяйственной техники и оборудования, поставляемых сельскохозяйственным предприятиям в 2025-2026 годах
№ Наименование техники коды ТНВЭД 1. Тракторы колесные общего назначения (с устройством GPS) мощностью 140 л.с. и более 8701 93 100 0 2. Тракторы универсально-пропашные (с устройством GPS) мощностью 80 — 110 л.с. 8701 93 100 0 3. Тракторы высококлиренсные (с устройством GPS) мощностью 80 — 110 л.с. 8701 93 100 0 4. Тракторы садоводческого назначения (с устройством GPS) мощностью 40 — 60 л.с. 8701 93 100 0 5. Комбайны зерноуборочные (с устройством GPS) 8433 51 000 1 6. Машины хлопкоуборочные (с устройством GPS ) 8433 52 000 0 7. Лазерные планировщики 8 432 800 000 8. Оборотные плуги 8 432 100 000 9. Дисковые бороны 8 432 210 000 10. Сеялки рассадопосадочные ( с электронным управлением, распрыскивателем удобрений и гербицида, пневматические) 8432 31 110 0 11. Высокоточные и многофункциональные барабанные сеялки (предназначены для одновременной посадки семян, прокладки шланга для капельного орошения и натяжки пленки) 8432 31 110 0 12. Сеялки зерновые 8432 31 110 0 13. Сеялки высева семян на основе технологии N o-till 8432 31 110 0 14. Прицепы 8716 20 000 0 15. Опрыскиватели с вентилятором (ОВХ) 8424 49 990 0 16. Распылители со штангами (мелкодисперсные) 8424 49 990 0 17. Культиваторы 8432 29 100 0
ПРИЛОЖЕНИЕ № 2 к постановлению Президента Республики Узбекистан от 12 декабря 2024 года № ПП-431
Изменения, вносимые в некоторые постановления Президента Республики Узбекистан
1. Позицию 7 приложения № 4 к постановлению Президента Республики Узбекистан от 28 января 2022 года № ПП-106 «О дополнительных мерах по дальнейшему развитию семеноводства сельскохозяйственных культур» исключить.
2. Пункт 12 постановления Президента Республики Узбекистан от 30 сентября 2024 года № ПП-344 «Об организации деятельности Агентства по развитию агропромышленности при Министерстве сельского хозяйства» изложить в следующей редакции:
«12. Кабинету Министров (Д. Кучкаров, Ж. Ходжаев), Министерству сельского хозяйства (И. Абдурахмонов) в срок до 1 июня 2025 года провести переговоры со Всемирным банком и внедрить конкретные механизмы целевого использования и направления в сферу агрологистики средств в размере 65 миллионов долларов США, выделенных на готовые проекты малой агрологистики в рамках проекта Всемирного банка «Модернизация сельского хозяйства Республики Узбекистан».
Президент Республики Узбекистан Ш. МИРЗИЁЕВ
г. Ташкент,
12 декабря 2024 г.,
№ ПП-431