📅 2024-yil 7-dekabr · Vazirlik va idoralar hujjatlari · Oliy taʼlim, fan va innovatsiyalar vazirligi Adliya vazirligi
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 7 декабрь · Вазирлик ва идоралар ҳужжатлари · Олий таълим, фан ва инновациялар вазирлиги Адлия вазирлиги
Расмий матн. Расмий ҳужжат. Таҳририй изоҳлар киритилмаган.
📅 7 декабря 2024 г. · Документы министерств и ведомств · Министерства высшего образования, науки и инновации Министерства юстиции
Официальный текст. Официальный документ. Редакционные примечания не включены.
📅 7 December 2024 · Ministry and agency documents · Oliy taʼlim, fan va innovatsiyalar vazirligi Adliya vazirligi
Official text. Official document. Editorial notes are not included.
Ўзбекистон Республикаси Олий таълим, фан ва инновациялар вазирлиги Ўзбекистон Республикаси Адлия вазирлигининг
қарори
Тошкент давлат юридик университетида ўқитишнинг модул тизими шароитларида талабалар билимини назорат қилиш тартиби ва баҳолаш мезонлари тўғрисидаги низомга ўзгартиришлар киритиш ҳақида
Ўзбекистон Республикаси Президентининг 2018 йил 13 апрелдаги ПҚ-3666-сон «Ўзбекистон Республикаси Адлия вазирлиги фаолиятини янада такомиллаштиришга доир ташкилий чора-тадбирлар тўғрисида»ги қарорига мувофиқ Ўзбекистон Республикаси Олий таълим, фан ва инновациялар вазирлиги ҳамда Адлия вазирлиги қарор қилади:
1. Ўзбекистон Республикаси Олий ва ўрта махсус таълим вазирлиги ва Адлия вазирлигининг 2016 йил 22 апрелдаги 1-2016, 4-сон қарори (рўйхат рақами 2780, 2016 йил 22 апрель) (Ўзбекистон Республикаси қонун ҳужжатлари тўплами, 2016 й., 16-сон, 172-модда) билан тасдиқланган Тошкент давлат юридик университетида ўқитишнинг модул тизими шароитларида талабалар билимини назорат қилиш тартиби ва баҳолаш мезонлари тўғрисидаги низомга иловага мувофиқ ўзгартиришлар киритилсин.
2. Мазкур қарор расмий эълон қилинган кундан эътиборан кучга киради.
Ўзбекистон Республикаси Олий таълим, фан ва инновациялар вазирлиги ҳамда Адлия вазирлигининг 2024 йил 7, 10 декабрдаги 48-қ/қ, 1-сон қарорига ИЛОВА
Тошкент давлат юридик университетида ўқитишнинг модул тизими шароитларида талабалар билимини назорат қилиш тартиби ва баҳолаш мезонлари тўғрисидаги низомга киритилаётган ўзгартиришлар
1. 19-банддаги «икки ҳафта» деган сўзлар «уч ҳафта» деган сўзлар билан алмаштирилсин.
2. 61-банд қуйидаги таҳрирда баён этилсин:
«61. Ўқув машғулотларида касаллиги ёки ҳужжат билан тасдиқланган бошқа узрли сабаблар туфайли (йўл-транспорт ҳодисаси, яқин қариндошининг вафоти, яқин қариндошининг ёки талабанинг никоҳ тузиши, фарзанд туғилиши, фан, маданият ва спорт соҳаларидаги халқаро ҳамда республика танловлари ва мусобақаларида, ҳарбий кафедра машғулотларида иштирок этганлик, университетнинг электрон таълим платформасида юзага келган техник носозлик) иштирок этмаган ва шу сабабли оралиқ ёки якуний назоратни белгиланган муддатда топширмаган талабага унинг аризаси ҳамда унга илова қилинган асослантирувчи ҳужжатларга мувофиқ, қолдирган ўқув машғулотларини қайта ўзлаштирганидан сўнг факультет декани томонидан ўқув ишлари бўйича проректор билан келишилган ҳолда оралиқ ёки якуний назоратни топширишга рухсат берилади.
Бунда, талаба факультет декани номига касаллиги ёки бошқа узрли сабабларга кўра қолдирилган ўқув машғулотларини қайта ўзлаштириш ҳамда оралиқ ёки якуний назоратни топширишга рухсат беришни сўраб, узрли сабаблар (ҳолатлар) якунланган вақтдан бошлаб 5 иш куни ичида ариза билан мурожаат қилиши лозим.».
3. Қуйидаги мазмундаги 61 1 ва 61 2 -бандлар билан тўлдирилсин:
«61 1 . Ўқув машғулотларида узрсиз сабаблар туфайли иштирок этмаган ва шу сабабли оралиқ назоратни белгиланган муддатда топширмаган талабага унинг аризасига мувофиқ, қолдирган ўқув машғулотларини қайта ўзлаштирганидан сўнг факультет декани томонидан ўқув ишлари бўйича проректор билан келишилган ҳолда оралиқ назоратни топширишга рухсат берилади.
Бунда, узрсиз сабабларга кўра қолдирилган ўқув машғулотлари мазкур машғулотга ажратилган аудитория соатининг 25 фоизидан ошмаган тақдирда талабага қолдирган ўқув машғулотларини қайта ўзлаштиришга йўл қўйилади.
Талаба факультет декани номига узрсиз сабабларга кўра қолдирилган ўқув машғулотларини қайта ўзлаштириш ҳамда оралиқ назоратни топширишга рухсат беришни сўраб, талаба ўқув машғулотларига чиққан кундан бошлаб 5 иш куни ичида ариза билан мурожаат қилиши лозим.».
61 2 . Узрли ва узрсиз сабабларга кўра қолдирилган ўқув машғулотларини қайта ўзлаштириш тартиби ўқув машғулотларининг хусусиятидан келиб чиқиб, Академик ҳалоллик кенгаши томонидан белгиланади.».
4. 62-банд ўз кучини йўқотган деб топилсин.
Олий таълим, фан ва инновациялар вазири К. ШАРИПОВ
Адлия вазири А. ТАШКУЛОВ
Тошкент ш.,
2024 йил 7 декабрь,
Тошкент ш.,
2024 йил 10 декабрь,
48-қ/қ-сон
1-сон
Oʻzbekiston Respublikasi Oliy taʼlim, fan va innovatsiyalar vazirligi Oʻzbekiston Respublikasi Adliya vazirligining
qarori
Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga oʻzgartirishlar kiritish haqida
Oʻzbekiston Respublikasi Prezidentining 2018-yil 13-apreldagi PQ-3666-son “Oʻzbekiston Respublikasi Adliya vazirligi faoliyatini yanada takomillashtirishga doir tashkiliy chora-tadbirlar toʻgʻrisida”gi qaroriga muvofiq Oʻzbekiston Respublikasi Oliy taʼlim, fan va innovatsiyalar vazirligi hamda Adliya vazirligi qaror qiladi:
1. Oʻzbekiston Respublikasi Oliy va oʻrta maxsus taʼlim vazirligi va Adliya vazirligining 2016-yil 22-apreldagi 1-2016, 4-son qarori (roʻyxat raqami 2780, 2016-yil 22-aprel) (Oʻzbekiston Respublikasi qonun hujjatlari toʻplami, 2016-y., 16-son, 172-modda) bilan tasdiqlangan Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga ilovaga muvofiq oʻzgartirishlar kiritilsin.
2. Mazkur qaror rasmiy eʼlon qilingan kundan eʼtiboran kuchga kiradi.
Oʻzbekiston Respublikasi Oliy taʼlim, fan va innovatsiyalar vazirligi hamda Adliya vazirligining 2024-yil 7, 10-dekabrdagi 48-q/q, 1-son qaroriga ILOVA
Toshkent davlat yuridik universitetida oʻqitishning modul tizimi sharoitlarida talabalar bilimini nazorat qilish tartibi va baholash mezonlari toʻgʻrisidagi nizomga kiritilayotgan oʻzgartirishlar
1. 19-banddagi “ikki hafta” degan soʻzlar “uch hafta” degan soʻzlar bilan almashtirilsin.
2. 61-band quyidagi tahrirda bayon etilsin:
“61. Oʻquv mashgʻulotlarida kasalligi yoki hujjat bilan tasdiqlangan boshqa uzrli sabablar tufayli (yoʻl-transport hodisasi, yaqin qarindoshining vafoti, yaqin qarindoshining yoki talabaning nikoh tuzishi, farzand tugʻilishi, fan, madaniyat va sport sohalaridagi xalqaro hamda respublika tanlovlari va musobaqalarida, harbiy kafedra mashgʻulotlarida ishtirok etganlik, universitetning elektron taʼlim platformasida yuzaga kelgan texnik nosozlik) ishtirok etmagan va shu sababli oraliq yoki yakuniy nazoratni belgilangan muddatda topshirmagan talabaga uning arizasi hamda unga ilova qilingan asoslantiruvchi hujjatlarga muvofiq, qoldirgan oʻquv mashgʻulotlarini qayta oʻzlashtirganidan soʻng fakultet dekani tomonidan oʻquv ishlari boʻyicha prorektor bilan kelishilgan holda oraliq yoki yakuniy nazoratni topshirishga ruxsat beriladi.
Bunda, talaba fakultet dekani nomiga kasalligi yoki boshqa uzrli sabablarga koʻra qoldirilgan oʻquv mashgʻulotlarini qayta oʻzlashtirish hamda oraliq yoki yakuniy nazoratni topshirishga ruxsat berishni soʻrab, uzrli sabablar (holatlar) yakunlangan vaqtdan boshlab 5 ish kuni ichida ariza bilan murojaat qilishi lozim.”.
3. Quyidagi mazmundagi 61 1 va 61 2 -bandlar bilan toʻldirilsin:
“61 1 . Oʻquv mashgʻulotlarida uzrsiz sabablar tufayli ishtirok etmagan va shu sababli oraliq nazoratni belgilangan muddatda topshirmagan talabaga uning arizasiga muvofiq, qoldirgan oʻquv mashgʻulotlarini qayta oʻzlashtirganidan soʻng fakultet dekani tomonidan oʻquv ishlari boʻyicha prorektor bilan kelishilgan holda oraliq nazoratni topshirishga ruxsat beriladi.
Bunda, uzrsiz sabablarga koʻra qoldirilgan oʻquv mashgʻulotlari mazkur mashgʻulotga ajratilgan auditoriya soatining 25 foizidan oshmagan taqdirda talabaga qoldirgan oʻquv mashgʻulotlarini qayta oʻzlashtirishga yoʻl qoʻyiladi.
Talaba fakultet dekani nomiga uzrsiz sabablarga koʻra qoldirilgan oʻquv mashgʻulotlarini qayta oʻzlashtirish hamda oraliq nazoratni topshirishga ruxsat berishni soʻrab, talaba oʻquv mashgʻulotlariga chiqqan kundan boshlab 5 ish kuni ichida ariza bilan murojaat qilishi lozim.”.
61 2 . Uzrli va uzrsiz sabablarga koʻra qoldirilgan oʻquv mashgʻulotlarini qayta oʻzlashtirish tartibi oʻquv mashgʻulotlarining xususiyatidan kelib chiqib, Akademik halollik kengashi tomonidan belgilanadi.”.
4. 62-band oʻz kuchini yoʻqotgan deb topilsin.
Oliy taʼlim, fan va innovatsiyalar vaziri K. SHARIPOV
Adliya vaziri A. TASHKULOV
Toshkent sh.,
2024-yil 7-dekabr,
Toshkent sh.,
2024-yil 10-dekabr,
48-q/q-son
1-son
Министерства высшего образования, науки и инновации Республики Узбекистан Министерства юстиции Республики Узбекистан
Постановление
О внесении изменений в Положение о порядке контроля и критериях оценки знаний студентов в Ташкентском государственном юридическом университете в условиях модульной системы обучения
Во исполнение постановления Президента Республики Узбекистан от 13 апреля 2018 года № ПП-3666 «Об организационных мерах по дальнейшему совершенствованию деятельности Министерства юстиции Республики Узбекистан», Министерство высшего образования, науки и инноваций Республики Узбекистан и Министерство юстиции Республики Узбекистан постановляют:
1. Внести изменения в Положение о порядке контроля и критериях оценки знаний студентов в Ташкентском государственном юридическом университете в условиях модульной системы обучения, утвержденное постановлением Министерства высшего и среднего специального образования и Министерства юстиции Республики Узбекистан от 22 апреля 2016 года № 1-2016, № 4 (рег. № 2780 от 22.04.2016 г.) (Собрание законодательства Республики Узбекистан, 2016 г., № 16, ст. 172), согласно приложению .
2. Настоящее постановление вступает в силу со дня его официального опубликования.
ПРИЛОЖЕНИЕ к постановлению Министерства высшего образования, науки и инноваций Республики Узбекистан и Министерства юстиции Республики Узбекистан от 7, 10 декабря 2024 года № 48-к/к, 1
Изменения, вносимые в Положение о порядке контроля и критериях оценки знаний студентов в Ташкентском государственном юридическом университете в условиях модульной системы обучения
1. В пункте 19 слово «две» заменить словом «три».
2. Пункт 61 изложить в следующей редакции:
«61. Студенту, не посещавшему учебные занятия из-за болезни или по иной подтвержденной документально уважительной причине (дорожно-транспортное происшествие, смерть близкого родственника, вступление в брак близкого родственника или вступление в брак самого студента, рождение ребёнка, участие в международных и республиканских конкурсах и соревнованиях в области науки, культуры и спорта, занятиях военной кафедре, технический сбой в платформе электронного обучения университета), и не сдававшим по этой причине промежуточный или итоговый контроль в установленные сроки, согласно его заявлению и прилагаемым обосновывающим документам, деканом факультета по согласованию с проректором по учебной работе дается разрешение на сдачу промежуточного или итогового контроля.
В данном случае студент должен обратиться с заявлением на имя декана факультета с просьбой о разрешении на повторное освоение пропущенных учебных занятий, а также на сдачу промежуточного или итогового контроля по причине болезни или других уважительных причин. Заявление необходимо подать в течение 5 рабочих дней с момента окончания уважительных причин (обстоятельств)».
3. Дополнить пунктами 61 1 и 61 2 следующего содержания:
«61 1 . Студенту, не посещавшему учебные занятия по неуважительным причинам и не сдавшему промежуточный контроль в установленный срок, по его заявлению разрешается сдача промежуточного контроля после повторного освоения пропущенных занятий. Разрешение на сдачу выдается деканом факультета после согласования с проректором по учебной работе.
При этом повторное освоение пропущенных учебных занятий разрешается студенту только в случае, если количество пропущенных занятий по неуважительным причинам не превышает 25 процентов от аудиторного времени, отведённого на указанные занятия.
Студент обязан обратиться с заявлением на имя декана факультета с просьбой разрешить повторное освоение пропущенных занятий по неуважительным причинам и сдачу промежуточного или итогового контроля в течение 5 рабочих дней с момента возвращения к занятиям».
61 2 . Порядок повторного освоения учебных занятий, пропущенных по уважительным и неуважительным причинам, устанавливается Советом академической честности исходя из особенностей учебных занятий».
4. Пункт 62 признать утратившим силу.
Министр высшего образования, науки и инновации К. ШАРИПОВ
Министр юстиции А. ТАШКУЛОВ
г. Ташкент,
7 декабря 2024 г.,
г. Ташкент,
10 декабря 2024 г.,
№ 48-к/к
№ 1