UzbekAI

Ўзбекистон Республикаси Президентининг

қарори

РЎЙХАТИ

Ёшларнинг спорт билан мунтазам шуғулланиши учун қўшимча шарт-шароитлар яратиш тўғрисида

Спорт мактаблари фаолиятини янада такомиллаштириш, хусусий спорт клублари ҳамда маҳаллаларда спорт тўгаракларини ташкил этган тренерларнинг ёшларни мунтазам спорт билан шуғуллантириш борасидаги фаолиятини қўллаб-қувватлаш мақсадида:

1. Спорт вазирлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликларининг ҳафтанинг ҳар пайшанба кунини жисмоний тарбия ва спорт куни сифатида белгилаш тўғрисидаги таклифига розилик берилсин.

2. Белгилансинки:

а) туман (шаҳар)ларда оммавий ва профессионал спортни ривожлантириш ҳамда спорт сиёсатини юритиш Спорт вазирлиги тизимидаги спорт мактаблари томонидан амалга оширилади;

б) спорт мактабларининг фаолияти болалар, ўсмирлар ва ёшлар ўртасида жисмоний тарбия ва спортни оммалаштириш, спорт билан мунтазам шуғулланувчилар сонини босқичма-босқич ошириб боришга йўналтирилади;

в) 2025/2026 ўқув йилидан бошлаб:

ҳудудларнинг ўзига хос хусусиятлари, аҳолининг қизиқишлари, шунингдек, эришилган спорт натижалари ҳамда мавжуд спорт инфратузилмасидан келиб чиқиб, спорт мактабларини спорт турларига ихтисослаштириш амалиёти жорий этилади;

спорт мактабларида мавжуд штат бирликлари доирасида Спорт вазирлиги томонидан белгиланадиган миқдорда оммавий спорт бўйича тренер-селекционер лавозими жорий этилади;

ҳар бир оммавий спорт бўйича тренер-селекционерга 5 тагача маҳалла ва унинг ҳудудидаги давлат таълим муассасалари бириктирилади;

оммавий спорт бўйича тренер-селекционер ўзига бириктирилган ҳудудда ёшлар етакчилари ҳамда жисмоний тарбия ўқитувчилари билан ҳамкорликда «Беш ташаббус олимпиадаси», «Жисмоний тайёргарлик даражаси» спорт синовлари ва бошқа оммавий спорт тадбирларини ташкил этиш ва ўтказиб боришга масъул ҳисобланади;

спорт мактабларининг оммавий спортни ривожлантириш ва селекция бўйича директор ўринбосарлари ҳамда оммавий спорт бўйича тренер-селекционерлар базавий тариф ставкасига устамалар «Беш ташаббус олимпиадаси», «Жисмоний тайёргарлик даражаси» спорт синовларидаги натижалар ҳамда спорт мактабига селекция қилинган иқтидорли ёшлар сонидан келиб чиқиб белгиланади.

3. Спорт турларига ихтисослаштириладиган спорт мактаблари рўйхати иловага мувофиқ тасдиқлансин.

Бунда спорт турларига ихтисослаштириладиган спорт мактаблари учун ҳар йилги вазифа ва мақсадли кўрсаткичлар Спорт вазирлиги томонидан белгилаб борилади.

4. Спорт вазирлиги:

а) спорт мактабларида «Fасе ID» тизими орқали тренерлар ва спорт билан шуғулланувчиларнинг кунлик давоматини электрон мониторинг қилиб бориш ҳамда тренерларнинг иш ҳақи миқдори ўқувчи-спортчилар давоматидан келиб чиқиб белгиланишини йўлга қўйиш чораларини кўрсин;

б) Иқтисодиёт ва молия вазирлиги билан биргаликда 2025 йил 1 августга қадар:

«ERP-Sport» ягона электрон бошқарув тизимини UzASBO-2 дастурий мажмуасига интеграция қилиш орқали спорт мактаблари тренерлари ва бошқа ходимларининг ойлик иш ҳақларига доир ҳужжатларни электрон алмашиш тизимини жорий қилиш чораларини кўрсин;

спорт мактабларини спорт турларига ихтисослаштириш ва уларнинг ходимларини моддий рағбатлантириш; шунингдек, спорт мактабларининг оммавий спортни ривожлантириш ва селекция бўйича директор ўринбосарлари ҳамда оммавий спорт бўйича тренер-селекционерлар базавий тариф ставкасига устамалар белгилаш бўйича норматив-ҳуқуқий ҳужжатлар лойиҳаларини Вазирлар Маҳкамасига киритсин.

5. Белгилаб қўйилсинки, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳар йили 1 февралга қадар Спорт вазирлиги билан келишган ҳолда ўз ҳудудларида жисмоний тарбия ва спорт соҳасида амалга ошириладиган вазифалар ҳамда эришилиши лозим бўлган кўрсаткичларни белгилашни назарда тутувчи йиллик Жисмоний тарбия ва спортни ривожлантириш дастурларини (кейинги ўринларда — ҳудудий дастурлар) тасдиқлайди.

Спорт вазирлиги ҳудудий дастурларда назарда тутилган чора-тадбирларнинг ўз вақтида ва сифатли амалга оширилишини мунтазам равишда мониторинг қилсин ҳамда ҳар чорак якуни бўйича Вазирлар Маҳкамасига ахборот киритиб борсин.

6. Спорт вазирлигининг 2025/2026 ўқув йилидан бошлаб ҳудудлардаги олимпия ва миллий спорт турлари бўйича давлат ихтисослаштирилган мактаб-интернатлари фаолиятини қуйидаги янгича тартибда ташкил қилиш тўғрисидаги таклифи маъқуллансин:

олимпия ва миллий спорт турлари бўйича давлат ихтисослаштирилган мактаб-интернатлари негизида амалдаги молиялаштириш тартибини сақлаб қолган ҳолда спорт турлари бўйича маҳорат мактаблари (кейинги ўринларда — маҳорат мактаблари) ташкил қилинади;

маҳорат мактаблари фаолияти спорт турлари бўйича иқтидорли ёш спортчиларни саралаб олиш ва уларни терма жамоаларга асосий номзод сифатида тайёрлашга йўналтирилади ҳамда алоҳида спорт турларига ихтисослаштирилади;

маҳорат мактаблари ўқувчи-спортчиларининг умумий контингенти жами 150 нафардан кўп бўлмаган миқдорда 7 — 11-синф ўқувчиларидан иборат бўлади;

маҳорат мактаблари ўқув дастурини ўзлаштирган ва якуний давлат аттестациясидан ўтган 11-синф битирувчиларига давлат намунасидаги умумий ўрта таълим тўғрисидаги шаҳодатнома берилади;

маҳорат мактабларида озиқ-овқат билан таъминлаш харажатларини қисман қоплаш учун ота-оналар тўлови ундирилмайди.

7. Шундай тартиб ўрнатилсинки, унга мувофиқ:

а) маҳаллаларда спорт тўгаракларини ташкил этган тренерларга ўзи тайёрлаётган спортчиларни «ERP-Sport» ягона электрон бошқарув тизимида рўйхатдан ўтказиш имконияти яратилади. Бунда:

мазкур тренерларга ўзини ўзи банд қилиш ҳуқуқи берилади;

тренерлар ўз ҳудудидаги спорт мактабига бириктирилади;

тренерларга тегишли молия йилида учун спорт мактабига ажратилган маблағлар доирасида ижтимоий буюртмани бажарганлик учун уларни рағбатлантириш тизими жорий этилади;

б) жисмоний тарбия ва спорт соҳасида фаолият юритувчи ташкилотлар реестрини (кейинги ўринларда — реестр) юритиш тартиби жорий этилади. Бунда:

реестрга ихтиёрий тартибда спорт клублари; фитнес клублар, спорт таълим ташкилотлари, жисмоний тарбия ва спорт соҳасида фаолият юритувчи бошқа юридик шахслар ва якка тартибдаги тадбиркорлар киритилади;

реестрга киритилган юридик шахслар ва якка тартибдаги тадбиркорларга спортчиларни «ERP-Sport» ягона электрон бошқарув тизимида рўйхатдан ўтказиш ҳуқуқи берилади;

реестр Спорт вазирлиги томонидан «ERP-Sport» ягона электрон бошқарув тизимида юритилади;

в) спорт паспорти амал қилиш муддати чекланмаган ҳолда «ERP-Sport» ягона электрон бошқарув тизими орқали электрон шаклда берилади.

Бунда спорт паспорти маълумотлари шахснинг биометрик идентификация маълумотлари билан интеграция қилинади ҳамда спорт паспортини бериш бўйича ариза берувчидан ундириладиган тўловнинг Спорт вазирлигига ўтказиладиган қисми тўғридан-тўғри Спорт вазирлиги ҳузуридаги «Рақамлаштириш ва сертификатлаш маркази» МЧЖга йўналтирилади;

г) 2026 йилдан бошлаб спорт-таълим муассасаларининг тренер-ўқитувчилари ва йўриқчи-услубчиларига малака тоифаларини бериш ҳамда спорт ҳакамларига малака тоифасини бериш бўйича давлат хизматлари кўрсатиш проактив шаклга ўтказилади;

д) спорт федерациялари (уюшмалари) ва спорт турлари (спорт турининг тармоқлари) реестрини шакллантириш, юритиш ва реестрдан чиқариш тартиби Спорт вазирлиги томонидан белгиланади.

Бунда спорт федерациялари (уюшмалари) ва спорт турлари (спорт турининг тармоқлари)ни аниқ белгиланган мезонлар асосида реестрга киритиш ва реестрдан чиқариш тартиби жорий этилади;

е) жисмоний тарбия-спорт ташкилотларида тренерлик фаолияти бўйича малака оширганлик ҳақидаги сертификатга эга бўлмаган шахслар томонидан тренерлик фаолиятини амалга оширишга йўл қўйилмайди.

8. Белгилансинки, спорт инфратузилмасидан самарали фойдаланишни ташкил этиш мақсадида 2025 йил 1 сентябрдан бошлаб спорт иншоотлари реестрини юритиш тартиби жорий этилади.

Бунда:

барпо этилиб, фойдаланишга топширилган спорт иншоотлари мулкдор ёки балансда сақловчининг аризасига мувофиқ спорт иншоотлари реестрига киритилади;

белгиланган тартибда фойдаланишга топширилган спорт иншоотини реестрга киритишни рад этишга йўл қўйилмайди;

спорт иншоотлари реестрини шакллантириш, юритиш ва спорт иншоотларини реестрдан чиқариш Спорт вазирлиги томонидан амалга оширилади ҳамда улар тўғрисидаги маълумотлар «ERP-Sport» ягона электрон бошқарув тизимида очиқ маълумотлар сифатида жойлаштирилади;

спорт иншоотлари реестрига киритилмаган спорт иншоотларида расмий спорт мусобақалари ўтказилмайди;

ҳудудларда Спорт вазирлиги тизимидаги спорт иншоотларида жисмоний тарбия ва спорт соҳасига оид бўлмаган тадбирларни ўтказишга йўл қўйилмайди, Ўзбекистон Республикаси Президенти ва Вазирлар Маҳкамаси топшириқлари ҳамда Спорт вазирлиги билан келишилган ҳолда ўтказиладиган тадбирлар бундан мустасно.

9. Спорт вазирлиги:

а) 2025 йил 1 августга қадар:

Спорт турлари бўйича маҳорат мактаблари фаолиятини ташкил қилишни;

жисмоний тарбия-спорт ташкилотлари реестрини, шунингдек, спорт иншоотлари реестрини шакллантириш, юритиш ва реестрдан чиқариш тартиби тўғрисидаги низомларни тасдиқлашни назарда тутувчи Ҳукумат қарорлари лойиҳаларини;

б) Иқтисодиёт ва молия вазирлиги билан биргаликда 2025 йил 1 августга қадар ўзини ўзи банд қилган тренерларни спорт мактабига бириктириш ҳамда рағбатлантириш тартиби тўғрисидаги Ҳукумат қарори лойиҳасини;

в) 2026 йил якунига қадар «Жисмоний тарбия ва спорт тўғрисида»ги Қонуннинг янги таҳрирдаги лойиҳасини Вазирлар Маҳкамасига киритсин.

10. Мазкур қарорнинг ижросини самарали ташкил қилишга масъул ва шахсий жавобгар этиб спорт вазири А.И. Икрамов белгилансин.

Қарор ижросини муҳокама қилиб бориш, ижро учун масъул ташкилотлар фаолиятини мувофиқлаштириш ва назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси департаменти раҳбари О.Қ. Абдурахманов зиммасига юклансин.

Ўзбекистон Республикаси Президентининг 2024 йил 18 декабрдаги ПҚ-443-сон қарорига ИЛОВА

Спорт турларига ихтисослаштириладиган спорт мактаблари

Т/р Спорт мактаби Ихтисослаштириладиган спорт турлари устувор * истиқболли ** Қорақалпоғистон Республикаси 1. 1. Нукус шаҳар 1-сон спорт мактаби эркин кураш волейбол 2. 2. Нукус шаҳар 2-сон спорт мактаби бокс регби 3. 3. Беруний тумани спорт мактаби волейбол сузиш 4. 4. Тахиатош тумани спорт мактаби оғир атлетика шахмат Андижон вилояти 5. 1. Андижон шаҳар 2-сон спорт мактаби сузиш стол тенниси 6. 2. Марҳамат тумани спорт мактаби волейбол енгил атлетика 7. 3. Қўрғонтепа тумани 1-сон спорт мактаби гандбол эркин кураш 8. 4. Асака тумани спорт мактаби юнон-рум кураши бокс Бухоро вилояти 9. 1. Шофиркон тумани спорт мактаби гандбол волейбол 10. 2. Бухоро тумани спорт мактаби дзюдо таэквондо (WT) 11. 3. Когон тумани спорт мактаби юнон-рум кураши футбол 12. 4. Ғиждувон тумани спорт мактаби бокс баскетбол Жиззах вилояти 13. 1. Зарбдор тумани спорт мактаби волейбол таэквондо (WT) 14. 2. Пахтакор тумани спорт мактаби дзюдо бокс 15. 3. Арнасой тумани спорт мактаби футбол гандбол 16. 4. Зомин тумани спорт мактаби таэквондо (WT) бокс Қашқадарё вилояти 17. 1. Ғузор тумани спорт мактаби гандбол кураш 18. 2. Косон тумани 2-сон спорт мактаби дзюдо футбол 19. 3. Шаҳрисабз тумани спорт мактаби енгил атлетика дзюдо 20. 4. Қарши шаҳар спорт мактаби юнон-рум кураши оғир атлетика Навоий вилояти 21. 1. Қизилтепа тумани спорт мактаби шахмат сузиш 22. 2. Кармана тумани спорт мактаби футбол баскетбол 23. 3. Хатирчи тумани спорт мактаби гандбол эркин кураш 24. 4. Навоий шаҳар 1-сон спорт мактаби енгил атлетика дзюдо Наманган вилояти 25. 1. Учқўрғон тумани спорт мактаби эркин кураш чим устида хоккей 26. 2. Чуст тумани спорт мактаби стол тенниси бокс 27. 3. Наманган шаҳар спорт мактаби бокс таэквондо (WT) 28. 4. Янгиқўрғон тумани 1-сон спорт мактаби оғир атлетика баскетбол Самарқанд вилояти 29. 1. Самарқанд шаҳар 2-сон спорт мактаби футбол бадиий гимнастика 30. 2. Оқдарё тумани спорт мактаби юнон-рум кураши эркин кураш 31. 3. Пастдарғом тумани 2-сон спорт мактаби дзюдо баскетбол 32. 4. Пахтачи тумани спорт мактаби бадиий гимнастика футбол Сирдарё вилояти 33. 1. Сирдарё тумани спорт мактаби енгил атлетика гандбол 34. 2. Ширин шаҳар спорт мактаби академик эшкак эшиш стол тенниси 35. 3. Сайхунобод тумани спорт мактаби дзюдо чим устида хоккей 36. 4. Янгиер шаҳар спорт мактаби футбол академик эшкак эшиш Сурхондарё вилояти 37. 1. Денов тумани спорт мактаби баскетбол волейбол 38. 2. Сариосиё тумани 1-сон спорт мактаби енгил атлетика бокс 39. 3. Музрабод тумани спорт мактаби волейбол оғир атлетика 40. 4. Жарқўрғон тумани спорт мактаби эркин кураш таэквондо (WT) Тошкент вилояти 41. 1. Тошкент тумани спорт мактаби эркин кураш бадиий гимнастика 42. 2. Бекобод шаҳар спорт мактаби бадиий гимнастика бокс 43. 3. Олмалиқ шаҳар спорт мактаби бокс футбол 44. 4. Чирчиқ шаҳар спорт мактаби дзюдо оғир атлетика Фарғона вилояти 45. 1. Марғилон шаҳар 2-сон спорт мактаби баскетбол дзюдо 46. 2. Бувайда тумани спорт мактаби юнон-рум кураши эркин кураш 47. 3. Қўқон шаҳар 1-сон спорт мактаби бокс дзюдо 48. 4. Фарғона шаҳар 1-сон спорт мактаби таэквондо (WT) спорт курашлари (юнон-рум ва эркин кураш) Хоразм вилояти 49. 1. Қўшкўпир тумани спорт мактаби волейбол бокс 50. 2. Шовот тумани 1-сон спорт мактаби эркин кураш енгил атлетика 51. 3. Хива шаҳар спорт мактаби оғир атлетика эркин кураш 52. 4. Урганч тумани спорт мактаби гандбол эркин кураш Тошкент шаҳар 53. 1. Сергели тумани спорт мактаби спорт курашлари (юнон-рум ва эркин кураш) регби 54. 2. Миробод тумани 2-сон спорт мактаби волейбол таэквондо (WT) 55. 3. Шайхонтоҳур туман спорт мактаби сузиш эркин кураш 56. 4. Юнусобод тумани 2-сон спорт мактаби таэквондо (WT) баскетбол

Ўзбекистон Республикаси Президенти Ш. МИРЗИЁЕВ

Тошкент ш.,

2024 йил 18 декабрь,

ПҚ-443-сон

(Қонунчилик маълумотлари миллий базаси, 18.12.2024 й., 07/24/443/1035-сон; 12.12.2025 й., 07/25/373/1157-сон)

lex.uz

Oʻzbekiston Respublikasi Prezidentining

qarori

ROʻYXATI

Yoshlarning sport bilan muntazam shugʻullanishi uchun qoʻshimcha shart-sharoitlar yaratish toʻgʻrisida

Sport maktablari faoliyatini yanada takomillashtirish, xususiy sport klublari hamda mahallalarda sport toʻgaraklarini tashkil etgan trenerlarning yoshlarni muntazam sport bilan shugʻullantirish borasidagi faoliyatini qoʻllab-quvvatlash maqsadida:

1. Sport vazirligi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklarining haftaning har payshanba kunini jismoniy tarbiya va sport kuni sifatida belgilash toʻgʻrisidagi taklifiga rozilik berilsin.

2. Belgilansinki:

a) tuman (shahar)larda ommaviy va professional sportni rivojlantirish hamda sport siyosatini yuritish Sport vazirligi tizimidagi sport maktablari tomonidan amalga oshiriladi;

b) sport maktablarining faoliyati bolalar, oʻsmirlar va yoshlar oʻrtasida jismoniy tarbiya va sportni ommalashtirish, sport bilan muntazam shugʻullanuvchilar sonini bosqichma-bosqich oshirib borishga yoʻnaltiriladi;

v) 2025/2026 oʻquv yilidan boshlab:

hududlarning oʻziga xos xususiyatlari, aholining qiziqishlari, shuningdek, erishilgan sport natijalari hamda mavjud sport infratuzilmasidan kelib chiqib, sport maktablarini sport turlariga ixtisoslashtirish amaliyoti joriy etiladi;

sport maktablarida mavjud shtat birliklari doirasida Sport vazirligi tomonidan belgilanadigan miqdorda ommaviy sport boʻyicha trener-seleksioner lavozimi joriy etiladi;

har bir ommaviy sport boʻyicha trener-seleksionerga 5 tagacha mahalla va uning hududidagi davlat taʼlim muassasalari biriktiriladi;

ommaviy sport boʻyicha trener-seleksioner oʻziga biriktirilgan hududda yoshlar yetakchilari hamda jismoniy tarbiya oʻqituvchilari bilan hamkorlikda “Besh tashabbus olimpiadasi”, “Jismoniy tayyorgarlik darajasi” sport sinovlari va boshqa ommaviy sport tadbirlarini tashkil etish va oʻtkazib borishga masʼul hisoblanadi;

sport maktablarining ommaviy sportni rivojlantirish va seleksiya boʻyicha direktor oʻrinbosarlari hamda ommaviy sport boʻyicha trener-seleksionerlar bazaviy tarif stavkasiga ustamalar “Besh tashabbus olimpiadasi”, “Jismoniy tayyorgarlik darajasi” sport sinovlaridagi natijalar hamda sport maktabiga seleksiya qilingan iqtidorli yoshlar sonidan kelib chiqib belgilanadi.

3. Sport turlariga ixtisoslashtiriladigan sport maktablari roʻyxati ilovaga muvofiq tasdiqlansin.

Bunda sport turlariga ixtisoslashtiriladigan sport maktablari uchun har yilgi vazifa va maqsadli koʻrsatkichlar Sport vazirligi tomonidan belgilab boriladi.

4. Sport vazirligi:

a) sport maktablarida “Fase ID” tizimi orqali trenerlar va sport bilan shugʻullanuvchilarning kunlik davomatini elektron monitoring qilib borish hamda trenerlarning ish haqi miqdori oʻquvchi-sportchilar davomatidan kelib chiqib belgilanishini yoʻlga qoʻyish choralarini koʻrsin;

b) Iqtisodiyot va moliya vazirligi bilan birgalikda 2025-yil 1-avgustga qadar:

“ERP-Sport” yagona elektron boshqaruv tizimini UzASBO-2 dasturiy majmuasiga integratsiya qilish orqali sport maktablari trenerlari va boshqa xodimlarining oylik ish haqlariga doir hujjatlarni elektron almashish tizimini joriy qilish choralarini koʻrsin;

sport maktablarini sport turlariga ixtisoslashtirish va ularning xodimlarini moddiy ragʻbatlantirish; shuningdek, sport maktablarining ommaviy sportni rivojlantirish va seleksiya boʻyicha direktor oʻrinbosarlari hamda ommaviy sport boʻyicha trener-seleksionerlar bazaviy tarif stavkasiga ustamalar belgilash boʻyicha normativ-huquqiy hujjatlar loyihalarini Vazirlar Mahkamasiga kiritsin.

5. Belgilab qoʻyilsinki, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari har yili 1-fevralga qadar Sport vazirligi bilan kelishgan holda oʻz hududlarida jismoniy tarbiya va sport sohasida amalga oshiriladigan vazifalar hamda erishilishi lozim boʻlgan koʻrsatkichlarni belgilashni nazarda tutuvchi yillik Jismoniy tarbiya va sportni rivojlantirish dasturlarini (keyingi oʻrinlarda — hududiy dasturlar) tasdiqlaydi.

Sport vazirligi hududiy dasturlarda nazarda tutilgan chora-tadbirlarning oʻz vaqtida va sifatli amalga oshirilishini muntazam ravishda monitoring qilsin hamda har chorak yakuni boʻyicha Vazirlar Mahkamasiga axborot kiritib borsin.

6. Sport vazirligining 2025/2026 oʻquv yilidan boshlab hududlardagi olimpiya va milliy sport turlari boʻyicha davlat ixtisoslashtirilgan maktab-internatlari faoliyatini quyidagi yangicha tartibda tashkil qilish toʻgʻrisidagi taklifi maʼqullansin:

olimpiya va milliy sport turlari boʻyicha davlat ixtisoslashtirilgan maktab-internatlari negizida amaldagi moliyalashtirish tartibini saqlab qolgan holda sport turlari boʻyicha mahorat maktablari (keyingi oʻrinlarda — mahorat maktablari) tashkil qilinadi;

mahorat maktablari faoliyati sport turlari boʻyicha iqtidorli yosh sportchilarni saralab olish va ularni terma jamoalarga asosiy nomzod sifatida tayyorlashga yoʻnaltiriladi hamda alohida sport turlariga ixtisoslashtiriladi;

mahorat maktablari oʻquvchi-sportchilarining umumiy kontingenti jami 150 nafardan koʻp boʻlmagan miqdorda 7 — 11-sinf oʻquvchilaridan iborat boʻladi;

mahorat maktablari oʻquv dasturini oʻzlashtirgan va yakuniy davlat attestatsiyasidan oʻtgan 11-sinf bitiruvchilariga davlat namunasidagi umumiy oʻrta taʼlim toʻgʻrisidagi shahodatnoma beriladi;

mahorat maktablarida oziq-ovqat bilan taʼminlash xarajatlarini qisman qoplash uchun ota-onalar toʻlovi undirilmaydi.

7. Shunday tartib oʻrnatilsinki, unga muvofiq:

a) mahallalarda sport toʻgaraklarini tashkil etgan trenerlarga oʻzi tayyorlayotgan sportchilarni “ERP-Sport” yagona elektron boshqaruv tizimida roʻyxatdan oʻtkazish imkoniyati yaratiladi. Bunda:

mazkur trenerlarga oʻzini oʻzi band qilish huquqi beriladi;

trenerlar oʻz hududidagi sport maktabiga biriktiriladi;

trenerlarga tegishli moliya yilida uchun sport maktabiga ajratilgan mablagʻlar doirasida ijtimoiy buyurtmani bajarganlik uchun ularni ragʻbatlantirish tizimi joriy etiladi;

b) jismoniy tarbiya va sport sohasida faoliyat yurituvchi tashkilotlar reyestrini (keyingi oʻrinlarda — reyestr) yuritish tartibi joriy etiladi. Bunda:

reyestrga ixtiyoriy tartibda sport klublari; fitnes klublar, sport taʼlim tashkilotlari, jismoniy tarbiya va sport sohasida faoliyat yurituvchi boshqa yuridik shaxslar va yakka tartibdagi tadbirkorlar kiritiladi;

reyestrga kiritilgan yuridik shaxslar va yakka tartibdagi tadbirkorlarga sportchilarni “ERP-Sport” yagona elektron boshqaruv tizimida roʻyxatdan oʻtkazish huquqi beriladi;

reyestr Sport vazirligi tomonidan “ERP-Sport” yagona elektron boshqaruv tizimida yuritiladi;

v) sport pasporti amal qilish muddati cheklanmagan holda “ERP-Sport” yagona elektron boshqaruv tizimi orqali elektron shaklda beriladi.

Bunda sport pasporti maʼlumotlari shaxsning biometrik identifikatsiya maʼlumotlari bilan integratsiya qilinadi hamda sport pasportini berish boʻyicha ariza beruvchidan undiriladigan toʻlovning Sport vazirligiga oʻtkaziladigan qismi toʻgʻridan-toʻgʻri Sport vazirligi huzuridagi “Raqamlashtirish va sertifikatlash markazi” MCHJga yoʻnaltiriladi;

g) 2026-yildan boshlab sport-taʼlim muassasalarining trener-oʻqituvchilari va yoʻriqchi-uslubchilariga malaka toifalarini berish hamda sport hakamlariga malaka toifasini berish boʻyicha davlat xizmatlari koʻrsatish proaktiv shaklga oʻtkaziladi;

d) sport federatsiyalari (uyushmalari) va sport turlari (sport turining tarmoqlari) reyestrini shakllantirish, yuritish va reyestrdan chiqarish tartibi Sport vazirligi tomonidan belgilanadi.

Bunda sport federatsiyalari (uyushmalari) va sport turlari (sport turining tarmoqlari)ni aniq belgilangan mezonlar asosida reyestrga kiritish va reyestrdan chiqarish tartibi joriy etiladi;

e) jismoniy tarbiya-sport tashkilotlarida trenerlik faoliyati boʻyicha malaka oshirganlik haqidagi sertifikatga ega boʻlmagan shaxslar tomonidan trenerlik faoliyatini amalga oshirishga yoʻl qoʻyilmaydi.

8. Belgilansinki, sport infratuzilmasidan samarali foydalanishni tashkil etish maqsadida 2025-yil 1-sentabrdan boshlab sport inshootlari reyestrini yuritish tartibi joriy etiladi.

Bunda:

barpo etilib, foydalanishga topshirilgan sport inshootlari mulkdor yoki balansda saqlovchining arizasiga muvofiq sport inshootlari reyestriga kiritiladi;

belgilangan tartibda foydalanishga topshirilgan sport inshootini reyestrga kiritishni rad etishga yoʻl qoʻyilmaydi;

sport inshootlari reyestrini shakllantirish, yuritish va sport inshootlarini reyestrdan chiqarish Sport vazirligi tomonidan amalga oshiriladi hamda ular toʻgʻrisidagi maʼlumotlar “ERP-Sport” yagona elektron boshqaruv tizimida ochiq maʼlumotlar sifatida joylashtiriladi;

sport inshootlari reyestriga kiritilmagan sport inshootlarida rasmiy sport musobaqalari oʻtkazilmaydi;

hududlarda Sport vazirligi tizimidagi sport inshootlarida jismoniy tarbiya va sport sohasiga oid boʻlmagan tadbirlarni oʻtkazishga yoʻl qoʻyilmaydi, Oʻzbekiston Respublikasi Prezidenti va Vazirlar Mahkamasi topshiriqlari hamda Sport vazirligi bilan kelishilgan holda oʻtkaziladigan tadbirlar bundan mustasno.

9. Sport vazirligi:

a) 2025-yil 1-avgustga qadar:

Sport turlari boʻyicha mahorat maktablari faoliyatini tashkil qilishni;

jismoniy tarbiya-sport tashkilotlari reyestrini, shuningdek, sport inshootlari reyestrini shakllantirish, yuritish va reyestrdan chiqarish tartibi toʻgʻrisidagi nizomlarni tasdiqlashni nazarda tutuvchi Hukumat qarorlari loyihalarini;

b) Iqtisodiyot va moliya vazirligi bilan birgalikda 2025-yil 1-avgustga qadar oʻzini oʻzi band qilgan trenerlarni sport maktabiga biriktirish hamda ragʻbatlantirish tartibi toʻgʻrisidagi Hukumat qarori loyihasini;

v) 2026-yil yakuniga qadar “Jismoniy tarbiya va sport toʻgʻrisida”gi Qonunning yangi tahrirdagi loyihasini Vazirlar Mahkamasiga kiritsin.

10. Mazkur qarorning ijrosini samarali tashkil qilishga masʼul va shaxsiy javobgar etib sport vaziri A.I. Ikramov belgilansin.

Qaror ijrosini muhokama qilib borish, ijro uchun masʼul tashkilotlar faoliyatini muvofiqlashtirish va nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi departamenti rahbari O.Q. Abduraxmanov zimmasiga yuklansin.

Oʻzbekiston Respublikasi Prezidentining 2024-yil 18-dekabrdagi PQ-443-son qaroriga ILOVA

Sport turlariga ixtisoslashtiriladigan sport maktablari

T/r Sport maktabi Ixtisoslashtiriladigan sport turlari ustuvor * istiqbolli ** Qoraqalpogʻiston Respublikasi 1. 1. Nukus shahar 1-son sport maktabi erkin kurash voleybol 2. 2. Nukus shahar 2-son sport maktabi boks regbi 3. 3. Beruniy tumani sport maktabi voleybol suzish 4. 4. Taxiatosh tumani sport maktabi ogʻir atletika shaxmat Andijon viloyati 5. 1. Andijon shahar 2-son sport maktabi suzish stol tennisi 6. 2. Marhamat tumani sport maktabi voleybol yengil atletika 7. 3. Qoʻrgʻontepa tumani 1-son sport maktabi gandbol erkin kurash 8. 4. Asaka tumani sport maktabi yunon-rum kurashi boks Buxoro viloyati 9. 1. Shofirkon tumani sport maktabi gandbol voleybol 10. 2. Buxoro tumani sport maktabi dzyudo taekvondo (WT) 11. 3. Kogon tumani sport maktabi yunon-rum kurashi futbol 12. 4. Gʻijduvon tumani sport maktabi boks basketbol Jizzax viloyati 13. 1. Zarbdor tumani sport maktabi voleybol taekvondo (WT) 14. 2. Paxtakor tumani sport maktabi dzyudo boks 15. 3. Arnasoy tumani sport maktabi futbol gandbol 16. 4. Zomin tumani sport maktabi taekvondo (WT) boks Qashqadaryo viloyati 17. 1. Gʻuzor tumani sport maktabi gandbol kurash 18. 2. Koson tumani 2-son sport maktabi dzyudo futbol 19. 3. Shahrisabz tumani sport maktabi yengil atletika dzyudo 20. 4. Qarshi shahar sport maktabi yunon-rum kurashi ogʻir atletika Navoiy viloyati 21. 1. Qiziltepa tumani sport maktabi shaxmat suzish 22. 2. Karmana tumani sport maktabi futbol basketbol 23. 3. Xatirchi tumani sport maktabi gandbol erkin kurash 24. 4. Navoiy shahar 1-son sport maktabi yengil atletika dzyudo Namangan viloyati 25. 1. Uchqoʻrgʻon tumani sport maktabi erkin kurash chim ustida xokkey 26. 2. Chust tumani sport maktabi stol tennisi boks 27. 3. Namangan shahar sport maktabi boks taekvondo (WT) 28. 4. Yangiqoʻrgʻon tumani 1-son sport maktabi ogʻir atletika basketbol Samarqand viloyati 29. 1. Samarqand shahar 2-son sport maktabi futbol badiiy gimnastika 30. 2. Oqdaryo tumani sport maktabi yunon-rum kurashi erkin kurash 31. 3. Pastdargʻom tumani 2-son sport maktabi dzyudo basketbol 32. 4. Paxtachi tumani sport maktabi badiiy gimnastika futbol Sirdaryo viloyati 33. 1. Sirdaryo tumani sport maktabi yengil atletika gandbol 34. 2. Shirin shahar sport maktabi akademik eshkak eshish stol tennisi 35. 3. Sayxunobod tumani sport maktabi dzyudo chim ustida xokkey 36. 4. Yangiyer shahar sport maktabi futbol akademik eshkak eshish Surxondaryo viloyati 37. 1. Denov tumani sport maktabi basketbol voleybol 38. 2. Sariosiyo tumani 1-son sport maktabi yengil atletika boks 39. 3. Muzrabod tumani sport maktabi voleybol ogʻir atletika 40. 4. Jarqoʻrgʻon tumani sport maktabi erkin kurash taekvondo (WT) Toshkent viloyati 41. 1. Toshkent tumani sport maktabi erkin kurash badiiy gimnastika 42. 2. Bekobod shahar sport maktabi badiiy gimnastika boks 43. 3. Olmaliq shahar sport maktabi boks futbol 44. 4. Chirchiq shahar sport maktabi dzyudo ogʻir atletika Fargʻona viloyati 45. 1. Margʻilon shahar 2-son sport maktabi basketbol dzyudo 46. 2. Buvayda tumani sport maktabi yunon-rum kurashi erkin kurash 47. 3. Qoʻqon shahar 1-son sport maktabi boks dzyudo 48. 4. Fargʻona shahar 1-son sport maktabi taekvondo (WT) sport kurashlari (yunon-rum va erkin kurash) Xorazm viloyati 49. 1. Qoʻshkoʻpir tumani sport maktabi voleybol boks 50. 2. Shovot tumani 1-son sport maktabi erkin kurash yengil atletika 51. 3. Xiva shahar sport maktabi ogʻir atletika erkin kurash 52. 4. Urganch tumani sport maktabi gandbol erkin kurash Toshkent shahar 53. 1. Sergeli tumani sport maktabi sport kurashlari (yunon-rum va erkin kurash) regbi 54. 2. Mirobod tumani 2-son sport maktabi voleybol taekvondo (WT) 55. 3. Shayxontohur tuman sport maktabi suzish erkin kurash 56. 4. Yunusobod tumani 2-son sport maktabi taekvondo (WT) basketbol

Oʻzbekiston Respublikasi Prezidenti Sh. MIRZIYOYEV

Toshkent sh.,

2024-yil 18-dekabr,

PQ-443-son

(Qonunchilik maʼlumotlari milliy bazasi, 18.12.2024-y., 07/24/443/1035-son; 12.12.2025-y., 07/25/373/1157-son)

lex.uz

Президента Республики Узбекистан

Постановление

ПЕРЕЧЕНЬ

О создании дополнительных условий для регулярного занятия молодежью спортом

В целях дальнейшего совершенствования деятельности спортивных школ, а также поддержки деятельности частных спортивных клубов и тренеров, создавших спортивные кружки в махаллях, по регулярному занятию молодежи спортом:

1. Согласиться с предложением Министерства спорта, Совета Министров Республики Каракалпакстан, хокимиятов областей и города Ташкента об установлении каждого четверга днем физической культуры и спорта.

2. Установить, что:

а) развитие массового и профессионального спорта в районах (городах), а также реализация спортивной политики осуществляются спортивными школами в системе Министерства спорта;

б) деятельность спортивных школ направляется на популяризацию физической культуры и спорта среди детей, подростков и молодежи, поэтапное увеличение числа регулярно занимающихся спортом;

в) начиная с 2025/2026 учебного года:

внедряется практика специализации спортивных школ по видам спорта с учетом специфических особенностей регионов, интересов населения, а также достигнутых спортивных результатов и имеющейся спортивной инфраструктуры;

в спортивных школах в рамках существующих штатных единиц вводится должность тренера-селекционера по массовому спорту численностью, определяемой Министерством спорта;

за каждым тренером-селекционером по массовому спорту закрепляются до 5 махаллей и государственных образовательных учреждений на их территории;

тренер-селекционер по массовому спорту является ответственным за организацию и проведение совместно с лидерами молодежи и учителями по физическому воспитанию «Олимпиады пяти инициатив», спортивных испытаний «Уровень физической подготовки» и других массовых спортивных мероприятий на закрепленной за ним территории;

надбавки к базовой тарифной ставке заместителей директоров спортивных школ по развитию массового спорта и селекции и тренеров-селекционеров по массовому спорту устанавливаются исходя из результатов «Олимпиады пяти инициатив», спортивных испытаний «Уровень физической подготовки», а также числа одаренной молодежи, прошедшей селекцию в спортивную школу.

3. Утвердить перечень спортивных школ, специализируемых по видам спорта, согласно приложению .

При этом ежегодные задачи и целевые показатели спортивных школ, специализируемых по видам спорта, определяются Министерством спорта.

4. Министерству спорта:

а) принять меры по осуществлению в спортивных школах электронного мониторинга ежедневной посещаемости тренеров и занимающихся спортом через систему «Face ID», а также установлению размера заработной платы тренеров исходя из посещаемости учащихся-спортсменов;

б) совместно с Министерством экономики и финансов в срок до 1 августа 2025 года:

принять меры по внедрению системы электронного обмена документами по месячной заработной плате тренеров и других работников спортивных школ путем интеграции единой электронной системы управления «ERP-Sport» с программным комплексом UzASBO-2;

внести в Кабинет Министров проекты нормативно-правовых актов о специализации спортивных школ по видам спорта и материальном поощрении их сотрудников, а также установлении надбавок к базовой тарифной ставке заместителям директоров спортивных школ по развитию массового спорта и селекции и тренерам-селекционерам по массовому спорту.

5. Установить, что Совет Министров Республики Каракалпакстан, хокимияты областей и города Ташкента ежегодно в срок до 1 февраля по согласованию с Министерством спорта утверждают годовые программы развития физической культуры и спорта (далее — региональные программы), предусматривающие определение задач и показателей, подлежащих достижению в сфере физической культуры и спорта в регионах.

Министерству спорта на регулярной основе осуществлять мониторинг за своевременной и качественной реализацией мероприятий, предусмотренных региональными программами, и по итогам каждого квартала вносить информацию в Кабинет Министров.

6. Одобрить предложение Министерства спорта об организации начиная с 2025/2026 учебного года деятельности государственных специализированных школ-интернатов по олимпийским и национальным видам спорта в регионах в следующем новом порядке:

на базе государственных специализированных школ-интернатов по олимпийским и национальным видам спорта создаются школы мастерства по видам спорта (далее — школы мастерства) с сохранением действующего порядка финансирования;

деятельность школ мастерства направляется на отбор одаренных юных спортсменов по видам спорта и подготовку их в качестве основных кандидатов в сборные команды, а также данные школы специализируются по отдельным видам спорта;

общий контингент учащихся-спортсменов школ мастерства будет составлять в общей сложности не более 150 из числа учащихся 7 — 11-х классов;

выпускникам 11-х классов, освоившим учебную программу школ мастерства и прошедшим итоговую государственную аттестацию, выдается аттестат об общем среднем образовании государственного образца;

для частичного покрытия расходов на обеспечение продуктами питания школ мастерства родительская плата не взимается.

7. Установить порядок, в соответствии с которым:

а) тренерам, организующим спортивные кружки в махаллях, предоставляется возможность регистрации подготавливаемых ими спортсменов в единой электронной системе управления «ERP-Sport». При этом:

данным тренерам предоставляется право на самозанятость;

тренеры закрепляются за спортивной школой, расположенной на территории их деятельности;

вводится система поощрения тренеров за выполнение ими социального заказа в пределах средств, выделенных спортивной школе на соответствующий финансовый год;

б) внедряется порядок ведения реестра организаций, осуществляющих деятельность в сфере физической культуры и спорта (далее — реестр). При этом:

в реестр в добровольном порядке включаются спортивные клубы, фитнес-клубы, спортивные образовательные организации, другие юридические лица и индивидуальные предприниматели, осуществляющие деятельность в области физической культуры и спорта;

юридическим лицам и индивидуальным предпринимателям, включенным в реестр, предоставляется право регистрации спортсменов в единой электронной системе управления «ERP-Sport»;

ведение реестра осуществляется Министерством спорта в единой электронной системе управления «ERP-Sport»;

в) спортивный паспорт выдается в электронной форме через единую электронную систему управления «ERP-Sport» без ограничения срока действия.

При этом данные спортивного паспорта интегрируются с биометрическими идентификационными данными личности, а часть платы, взимаемой с заявителя за выдачу спортивного паспорта и подлежащей перечислению Министерству спорта, направляется напрямую в ООО «Центр цифровизации и сертификации» при Министерстве спорта;

г) начиная с 2026 года оказание государственных услуг по присвоению квалификационных категорий тренерам-преподавателям и инструкторам-методистам спортивно-образовательных учреждений, а также по присвоению квалификационных категорий спортивным судьям переводится в проактивную форму;

д) порядок формирования, ведения и исключения из реестра спортивных федераций (ассоциаций) и видов спорта (спортивных дисциплин) определяется Министерством спорта.

При этом вводится порядок включения в реестр и исключения из него спортивных федераций (ассоциаций) и видов спорта (спортивных дисциплин) на основе конкретно определенных критериев;

е) осуществление тренерской деятельности в физкультурно-спортивных организациях лицами, не имеющими сертификата о повышении квалификации по тренерской деятельности, не допускается.

8. Установить, что в целях организации эффективного использования спортивной инфраструктуры с 1 сентября 2025 года вводится порядок ведения реестра спортивных сооружений.

При этом:

построенные и сданные в эксплуатацию спортивные сооружения вносятся в реестр спортивных сооружений на основании заявления собственника или балансодержателя;

не допускается отказ во включении в реестр спортивного сооружения, введенного в эксплуатацию в установленном порядке;

формирование, ведение и исключение из реестра спортивных сооружений осуществляются Министерством спорта и сведения о них размещаются в единой электронной системе управления «ERP-Sport» в качестве открытых данных;

в спортивных сооружениях, не включенных в реестр спортивных сооружений, официальные спортивные соревнования не проводятся;

в спортивных сооружениях на местах, входящих в систему Министерства спорта, не допускается проведение мероприятий, не относящихся к сфере физической культуры и спорта, за исключением мероприятий, проводимых по поручениям Президента Республики Узбекистан и Кабинета Министров, а также по согласованию с Министерством спорта.

9. Министерству спорта внести в Кабинет Министров:

а) до 1 августа 2025 года — проекты постановлений Правительства:

об организации деятельности школ мастерства по видам спорта;

по утверждению положений о порядке формирования, ведения и исключения из реестра физкультурно-спортивных организаций, а также реестра спортивных сооружений;

б) до 1 августа 2025 года совместно с Министерством экономики и финансов — проект постановления Правительства о порядке прикрепления самозанятых тренеров к спортивным школам и их стимулирования;

в) до конца 2026 года — проект Закона «О физической культуре и спорте» в новой редакции.

10. Возложить на министра спорта А.И. Икрамова персональную ответственность за эффективную организацию исполнения настоящего постановления.

Обсуждение хода исполнения настоящего постановления, осуществление координации и контроля за деятельностью организаций, ответственных за его исполнение, возложить на Премьер-министра Республики Узбекистан А.Н. Арипова и руководителя Департамента Администрации Президента Республики Узбекистан О.K. Абдурахманова.

ПРИЛОЖЕНИЕ к постановлению Президента Республики Узбекистан от 18 декабря 2024 года № ПП-443

спортивных школ, специализируемых по видам спорта

№ Спортивная школа Специализируемые виды спорта приоритетные * перспективные ** Республика Каракалпакстан 1. 1. Спортивная школа № 1 города Нукуса вольная борьба волейбол 2. 2. Спортивная школа № 2 города Нукуса бокс регби 3. 3. Спортивная школа Берунийского района волейбол плавание 4. 4. Спортивная школа Тахиаташского района тяжелая атлетика шахматы Андижанская область 5. 1. Спортивная школа № 2 города Андижана плавание настольный теннис 6. 2. Спортивная школа Мархаматского района волейбол легкая атлетика 7. 3. Спортивная школа № 1 Кургантепинского района гандбол вольная борьба 8. 4. Спортивная школа Асакинского района греко-римская борьба бокс Бухарская область 9. 1. Спортивная школа Шафирканского района гандбол волейбол 10. 2. Спортивная школа Бухарского района дзюдо таэквондо (WT) 11. 3. Спортивная школа Каганского района греко-римская борьба футбол 12. 4. Спортивная школа Гиждуванского района бокс баскетбол Джизакская область 13. 1. Спортивная школа Зарбдарского района волейбол таэквондо (WT) 14. 2. Спортивная школа Пахтакорского района дзюдо бокс 15. 3. Спортивная школа Арнасайского района футбол гандбол 16. 4. Спортивная школа Зааминского района таэквондо (WT) бокс Кашкадарьинская область 17. 1. Спортивная школа Гузарского района гандбол кураш 18. 2. Спортивная школа № 2 Касанского района дзюдо футбол 19. 3. Спортивная школа Шахрисабзского района легкая атлетика дзюдо 20. 4. Спортивная школа города Карши греко-римская борьба тяжелая атлетика Навоийская область 21. 1. Спортивная школа Кызылтепинского района шахматы плавание 22. 2. Спортивная школа Карманинского района футбол баскетбол 23. 3. Спортивная школа Хатырчинского района гандбол вольная борьба 24. 4. Спортивная школа № 1 города Навои легкая атлетика дзюдо Наманганская область 25. 1. Спортивная школа Учкурганского района вольная борьба хоккей на траве 26. 2. Спортивная школа Чустского района настольный теннис бокс 27. 3. Спортивная школа города Намангана бокс таэквондо (WT) 28. 4. Спортивная школа № 1 Янгикурганского района тяжелая атлетика баскетбол Самаркандская область 29. 1. Спортивная школа № 2 города Самарканда футбол художественная гимнастика 30. 2. Спортивная школа Акдарьинского района греко-римская борьба вольная борьба 31. 3. Спортивная школа № 2 Пастдаргомского района дзюдо баскетбол 32. 4. Спортивная школа Пахтачинского района художественная гимнастика футбол Сырдарьинская область 33. 1. Спортивная школа Сырдарьинского района легкая атлетика гандбол 34. 2. Спортивная школа города Ширина гребля академическая настольный теннис 35. 3. Спортивная школа Сайхунабадского района дзюдо хоккей на траве 36. 4. Спортивная школа города Янгиера футбол гребля академическая Сурхандарьинская область 37. 1. Спортивная школа Денауского района баскетбол волейбол 38. 2. Спортивная школа № 1 Сарыасийского района легкая атлетика бокс 39. 3. Спортивная школа Музрабадского района волейбол тяжелая атлетика 40. 4. Спортивная школа Джаркурганского района вольная борьба таэквондо (WT) Ташкентская область 41. 1. Спортивная школа Ташкентского района вольная борьба художественная гимнастика 42. 2. Спортивная школа города Бекабада художественная гимнастика бокс 43. 3. Спортивная школа города Алмалыка бокс футбол 44. 4. Спортивная школа города Чирчика дзюдо тяжелая атлетика Ферганская область 45. 1. Спортивная школа № 2 города Маргилана баскетбол дзюдо 46. 2. Спортивная школа Бувайдинского района греко-римская борьба вольная борьба 47. 3. Спортивная школа № 1 города Коканда бокс дзюдо 48. 4. Спортивная школа № 1 города Ферганы таэквондо (WT) спортивная борьба (греко-римская и вольная борьба) Хорезмская область 49. 1. Спортивная школа Кошкупырского района волейбол бокс 50. 2. Спортивная школа № 1 Шаватского района вольная борьба легкая атлетика 51. 3. Спортивная школа города Хивы тяжелая атлетика вольная борьба 52. 4. Спортивная школа Ургенчского района гандбол вольная борьба город Ташкент 53. 1. Спортивная школа Сергелийского района спортивная борьба (греко-римская и вольная борьба) регби 54. 2. Спортивная школа № 2 Мирабадского района волейбол таэквондо (WT) 55. 3. Спортивная школа Шайхантахурского района плавание вольная борьба 56. 4. Спортивная школа № 2 Юнусабадского района таэквондо (WT) баскетбол

Президент Республики Узбекистан Ш. МИРЗИЁЕВ

г. Ташкент,

18 декабря 2024 г.,

№ ПП-443

(Национальная база данных законодательства, 18.12.2024 г., № 07/24/443/1035; 12.12.2025 г., № 07/25/373/1157)

lex.uz