UzbekAI

Ўзбекистон Республикаси Вазирлар Маҳкамасининг

қарори

рўйхати

Германия Федератив Республикаси Ҳукумати билан молиявий ҳамкорликда Ўзбекистонда касбий таълимни қўллаб-қувватлаш дастурларини амалга ошириш чора-тадбирлари тўғрисида

Меҳнат бозорининг самарали механизмларини жорий қилиш, камбағал ва ишсиз фуқароларни замонавий касб-ҳунарга ўқитишни ташкил этиш, шунингдек, Германия Федератив Республикаси Ҳукумати билан молиявий ҳамкорликни янада кенгайтириш, касб-ҳунарга ўқитиш марказларини таъмирлаш, жиҳозлаш ва улардан самарали фойдаланишни таъминлаш мақсадида Вазирлар Маҳкамаси қарор қилади:

1. Ўзбекистон Республикаси Ҳукумати ҳамда Германия Федератив Республикасининг «Kreditanstalt fur Wiederaufbau» банки (кейинги ўринларда — Германия Федератив Республикасининг «KfW» банки) ўртасида 2023 йил 8 ноябрда имзоланган «Ўзбекистонда касб-ҳунар таълимини қўллаб-қувватлаш» грант келишувида 5 йил муддатда 16 млн евро миқдорида грант ажратилиши белгиланганлиги маълумот учун қабул қилинсин.

2. Ўзбекистон Республикаси Камбағалликни қисқартириш ва бандлик вазирлигининг Германия Федератив Республикаси «KfW» банкининг грантини 1-иловага мувофиқ 7 та касбий кўникмалар марказларини қуриш-монтаж қилиш, таъмирлаш ва жиҳозлашга йўналтириш тўғрисидаги таклифи маъқуллансин.

3. «Ўзбекистонда касб-ҳунар таълимини қўллаб-қувватлаш» лойиҳасининг техник-иқтисодий йиғма параметрлари 2-иловага мувофиқ тасдиқлансин.

4. Белгилансинки:

Ўзбекистон Республикаси Камбағалликни қисқартириш ва бандлик вазирлиги Германия Федератив Республикаси «KfW» банкининг «Ўзбекистонда касб-ҳунар таълимини қўллаб-қувватлаш» лойиҳасига ажратиладиган (кейинги ўринларда — Лойиҳа) грантдан мақсадли фойдаланиш ва уни самарали амалга оширишга масъул ижрочи ҳисобланади;

Лойиҳага киритилган объектларда қурилиш-монтаж ишларини молиялаштириш, шунингдек, асбоб-ускуналар билан таъминлаш харажатлари Германия Федератив Республикаси «KfW» банкининг грантлари ҳисобидан амалга оширилади;

Грант доирасида қолган маблағлар ҳисобидан Камбағалликни қисқартириш ва бандлик вазирлиги ҳузуридаги касбий кўникмалар марказларининг бино ва ёндош ҳудудларини ободонлаштириш ишларига ҳамда ўқувчилар ётоқхоналарини таъмирлаш ишлари грант ҳисобидан молиялаштирилади.

5. Ўзбекистон Республикаси Иқтисодиёт ва молия вазирлиги:

Лойиҳани амалга ошириш даврида техника ва жиҳозларни харид қилиш, муассасаларда қурилиш-таъмирлаш ишларини амалга ошириш, кадрларни ўқитиш ва малакасини ошириш ҳамда ахборот-коммуникация тизимини жорий этиш бўйича ишларга тўланиши лозим бўлган божхона тўловлари Камбағалликни қисқартириш ва бандлик вазирлигига ажратилган Давлат бюджети маблағлари доирасида молиялаштирилишини ҳамда 2025 йилдан бошлаб зарур маблағларнинг Давлат бюджети параметрларида кўзда тутилишини таъминласин;

Германия Федератив Республикаси «KfW» банкининг гранти ҳисобидан олиб келинадиган товарлар, кўрсатилаётган хизматлар учун қўшимча даромад солиқлари, божхона тўловлари, сертификация ва рухсатномалар билан боғлиқ харажатлар, шунингдек, комиссион ва бошқа харажатлар бўйича тўловларни Ўзбекистон Республикасининг Давлат бюджети маблағлари ҳисобидан қопласин.

6. Ўзбекистон Республикаси Ташқи ишлар вазирлиги Камбағалликни қисқартириш ва бандлик вазирлигининг виза талабномаларига биноан объектлар қурилиши доирасида жалб этиладиган хорижий мутахассислар учун кириш визаларини консуллик йиғимлари ва ҳақиқий харажатларнинг ўрнини қоплаш ҳисобидан йиғимлар ундирилмасдан, белгиланган тартибда расмийлаштирилишини таъминласин.

7. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ҳамда Ўзбекистон Республикаси камбағалликни қисқартириш ва бандлик вазири Б.Э. Захидов зиммасига юклансин.

Вазирлар Маҳкамасининг 2024 йил 20 декабрдаги 864-сон қарорига 1-ИЛОВА

Ўзбекистон Республикаси Камбағалликни қисқартириш ва бандлик вазирлигининг Германия Федератив Республикасининг «KfW» банкининг гранти ҳисобидан қурилиш-монтаж, таъмирлаш ва жиҳозлашга йўналтириладиган касбий кўникмалар марказлари

Т/р Касбий кўникмалар марказлари номланиши 1. Андижон вилояти «Асака касбий кўникмалар маркази» 2. Бухоро вилояти «Ромитан касбий кўникмалар маркази» 3. Самарқанд вилояти «Иштихон касбий кўникмалар маркази» 4. Тошкент вилояти «Бекобод касбий кўникмалар маркази» 5. Фарғона вилояти «Ўзбекистон туман касбий кўникмалар маркази» 6. Тошкент шаҳар «Олмазор касбий кўникмалар маркази» 7. «Тошкент креатив технологиялар маркази» давлат муассасаси

Вазирлар Маҳкамасининг 2024 йил 20 декабрдаги 864-сон қарорига 2-ИЛОВА

«Ўзбекистонда касб-ҳунар таълимини қўллаб-қувватлаш» лойиҳасининг техник-иқтисодий йиғма параметрлари

Т/р Кўрсаткич Молиялаштириш манбаи, жумладан: еврода (мингда) Германия Федератив Республикасининг «KfW» банки Ўзбекистон Республикаси 1. Лойиҳанинг умумий қиймати 16 000 шу жумладан: 2. Қурилиш ишлари 6460 3. Асбоб-ускуна, дастурий таъминот ва мебель жиҳозлари 3 420 4. Консультант компания томонидан касб-ҳунар марказларини таъмирлаш ва жиҳозлаш билан боғлик ишлар, ўқув услубий жиҳозлар рўйхатини шакллантириш, тендер ҳужжатларини ишлаб чиқиш ҳамда уларни харидини амалга ошириш билан боғлиқ харажатлар 2 200 5. Амалга ошириш бўйича мутахассис/тахминан 2х36 ой. *3500 евро/ойида 250 6. Ҳар бир касб-ҳунар маркази учун тренинглар ташкил қилиш, бошқарув салоҳиятини ошириш, ходимларни ўқитиш, амалиётга йўналтирилган ўқув дастурларини ишлаб чиқиш ва мослаштириш жараёнлари 2 000 7. Ўзбекистон Республикасининг божхона божларидан белгиланган тартибда озод қилиш имтиёзлари кўринишида божхона тўловларидан имтиёзлар қўлланилган ҳолда қоплаб бериш кузда тутилиши мақсадга мувофиқ 1 500 8. Кутилмаган харажатлар 1 670 ЖАМИ 16 000 1500

Ўзбекистон Республикасининг Бош вазири А. АРИПОВ

Тошкент ш.,

2024 йил 20 декабрь,

864-сон

(Қонунчилик маълумотлари миллий базаси, 23.12.2024 й., 09/24/864/1048)

lex.uz

Oʻzbekiston Respublikasi Vazirlar Mahkamasining

qarori

roʻyxati

Germaniya Federativ Respublikasi Hukumati bilan moliyaviy hamkorlikda Oʻzbekistonda kasbiy taʼlimni qoʻllab-quvvatlash dasturlarini amalga oshirish chora-tadbirlari toʻgʻrisida

Mehnat bozorining samarali mexanizmlarini joriy qilish, kambagʻal va ishsiz fuqarolarni zamonaviy kasb-hunarga oʻqitishni tashkil etish, shuningdek, Germaniya Federativ Respublikasi Hukumati bilan moliyaviy hamkorlikni yanada kengaytirish, kasb-hunarga oʻqitish markazlarini taʼmirlash, jihozlash va ulardan samarali foydalanishni taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Hukumati hamda Germaniya Federativ Respublikasining “Kreditanstalt fur Wiederaufbau” banki (keyingi oʻrinlarda — Germaniya Federativ Respublikasining “KfW” banki) oʻrtasida 2023-yil 8-noyabrda imzolangan “Oʻzbekistonda kasb-hunar taʼlimini qoʻllab-quvvatlash” grant kelishuvida 5 yil muddatda 16 mln yevro miqdorida grant ajratilishi belgilanganligi maʼlumot uchun qabul qilinsin.

2. Oʻzbekiston Respublikasi Kambagʻallikni qisqartirish va bandlik vazirligining Germaniya Federativ Respublikasi “KfW” bankining grantini 1-ilovaga muvofiq 7 ta kasbiy koʻnikmalar markazlarini qurish-montaj qilish, taʼmirlash va jihozlashga yoʻnaltirish toʻgʻrisidagi taklifi maʼqullansin.

3. “Oʻzbekistonda kasb-hunar taʼlimini qoʻllab-quvvatlash” loyihasining texnik-iqtisodiy yigʻma parametrlari 2-ilovaga muvofiq tasdiqlansin.

4. Belgilansinki:

Oʻzbekiston Respublikasi Kambagʻallikni qisqartirish va bandlik vazirligi Germaniya Federativ Respublikasi “KfW” bankining “Oʻzbekistonda kasb-hunar taʼlimini qoʻllab-quvvatlash” loyihasiga ajratiladigan (keyingi oʻrinlarda — Loyiha) grantdan maqsadli foydalanish va uni samarali amalga oshirishga masʼul ijrochi hisoblanadi;

Loyihaga kiritilgan obyektlarda qurilish-montaj ishlarini moliyalashtirish, shuningdek, asbob-uskunalar bilan taʼminlash xarajatlari Germaniya Federativ Respublikasi “KfW” bankining grantlari hisobidan amalga oshiriladi;

Grant doirasida qolgan mablagʻlar hisobidan Kambagʻallikni qisqartirish va bandlik vazirligi huzuridagi kasbiy koʻnikmalar markazlarining bino va yondosh hududlarini obodonlashtirish ishlariga hamda oʻquvchilar yotoqxonalarini taʼmirlash ishlari grant hisobidan moliyalashtiriladi.

5. Oʻzbekiston Respublikasi Iqtisodiyot va moliya vazirligi:

Loyihani amalga oshirish davrida texnika va jihozlarni xarid qilish, muassasalarda qurilish-taʼmirlash ishlarini amalga oshirish, kadrlarni oʻqitish va malakasini oshirish hamda axborot-kommunikatsiya tizimini joriy etish boʻyicha ishlarga toʻlanishi lozim boʻlgan bojxona toʻlovlari Kambagʻallikni qisqartirish va bandlik vazirligiga ajratilgan Davlat budjeti mablagʻlari doirasida moliyalashtirilishini hamda 2025-yildan boshlab zarur mablagʻlarning Davlat budjeti parametrlarida koʻzda tutilishini taʼminlasin;

Germaniya Federativ Respublikasi “KfW” bankining granti hisobidan olib kelinadigan tovarlar, koʻrsatilayotgan xizmatlar uchun qoʻshimcha daromad soliqlari, bojxona toʻlovlari, sertifikatsiya va ruxsatnomalar bilan bogʻliq xarajatlar, shuningdek, komission va boshqa xarajatlar boʻyicha toʻlovlarni Oʻzbekiston Respublikasining Davlat budjeti mablagʻlari hisobidan qoplasin.

6. Oʻzbekiston Respublikasi Tashqi ishlar vazirligi Kambagʻallikni qisqartirish va bandlik vazirligining viza talabnomalariga binoan obyektlar qurilishi doirasida jalb etiladigan xorijiy mutaxassislar uchun kirish vizalarini konsullik yigʻimlari va haqiqiy xarajatlarning oʻrnini qoplash hisobidan yigʻimlar undirilmasdan, belgilangan tartibda rasmiylashtirilishini taʼminlasin.

7. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov hamda Oʻzbekiston Respublikasi kambagʻallikni qisqartirish va bandlik vaziri B.E. Zaxidov zimmasiga yuklansin.

Vazirlar Mahkamasining 2024-yil 20-dekabrdagi 864-son qaroriga 1-ILOVA

Oʻzbekiston Respublikasi Kambagʻallikni qisqartirish va bandlik vazirligining Germaniya Federativ Respublikasining “KfW” bankining granti hisobidan qurilish-montaj, taʼmirlash va jihozlashga yoʻnaltiriladigan kasbiy koʻnikmalar markazlari

T/r Kasbiy koʻnikmalar markazlari nomlanishi 1. Andijon viloyati “Asaka kasbiy koʻnikmalar markazi” 2. Buxoro viloyati “Romitan kasbiy koʻnikmalar markazi” 3. Samarqand viloyati “Ishtixon kasbiy koʻnikmalar markazi” 4. Toshkent viloyati “Bekobod kasbiy koʻnikmalar markazi” 5. Fargʻona viloyati “Oʻzbekiston tuman kasbiy koʻnikmalar markazi” 6. Toshkent shahar “Olmazor kasbiy koʻnikmalar markazi” 7. “Toshkent kreativ texnologiyalar markazi” davlat muassasasi

Vazirlar Mahkamasining 2024-yil 20-dekabrdagi 864-son qaroriga 2-ILOVA

“Oʻzbekistonda kasb-hunar taʼlimini qoʻllab-quvvatlash” loyihasining texnik-iqtisodiy yigʻma parametrlari

T/r Koʻrsatkich Moliyalashtirish manbai, jumladan: yevroda (mingda) Germaniya Federativ Respublikasining “KfW” banki Oʻzbekiston Respublikasi 1. Loyihaning umumiy qiymati 16 000 shu jumladan: 2. Qurilish ishlari 6460 3. Asbob-uskuna, dasturiy taʼminot va mebel jihozlari 3 420 4. Konsultant kompaniya tomonidan kasb-hunar markazlarini taʼmirlash va jihozlash bilan bogʻlik ishlar, oʻquv uslubiy jihozlar roʻyxatini shakllantirish, tender hujjatlarini ishlab chiqish hamda ularni xaridini amalga oshirish bilan bogʻliq xarajatlar 2 200 5. Amalga oshirish boʻyicha mutaxassis/taxminan 2x36 oy. *3500 yevro/oyida 250 6. Har bir kasb-hunar markazi uchun treninglar tashkil qilish, boshqaruv salohiyatini oshirish, xodimlarni oʻqitish, amaliyotga yoʻnaltirilgan oʻquv dasturlarini ishlab chiqish va moslashtirish jarayonlari 2 000 7. Oʻzbekiston Respublikasining bojxona bojlaridan belgilangan tartibda ozod qilish imtiyozlari koʻrinishida bojxona toʻlovlaridan imtiyozlar qoʻllanilgan holda qoplab berish kuzda tutilishi maqsadga muvofiq 1 500 8. Kutilmagan xarajatlar 1 670 JAMI 16 000 1500

Oʻzbekiston Respublikasining Bosh vaziri A. ARIPOV

Toshkent sh.,

2024-yil 20-dekabr,

864-son

(Qonunchilik maʼlumotlari milliy bazasi, 23.12.2024-y., 09/24/864/1048)

lex.uz