UzbekAI

Ўбекистон Республикасининг Қонуни

Ўзбекистон Республикасининг Солиқ кодексига ўзгартиришлар ва қўшимча киритиш тўғрисида

Қонунчилик палатаси томонидан 2024 йил 15 октябрда қабул қилинган Сенат томонидан 2024 йил 19 декабрда маъқулланган

Кейинги йилларда мамлакатимизда таълим ва кадрлар тайёрлаш тизимини тубдан такомиллаштиришга, аҳолига кўрсатилаётган транспорт хизматлари сифатини оширишга, шунингдек солиқ тўловчилар учун солиқ юкини камайтиришга қаратилган комплекс чора-тадбирлар амалга оширилмоқда.

Шу билан бирга мавжуд преференцияларнинг амал қилиш муддатини узайтириш, шунингдек вақтинчалик солиқ имтиёзлари қўлланиладиган фаолият турлари рўйхатини кенгайтириш зарурияти юзага келмоқда.

Мазкур Қонун билан Ўзбекистон Республикасининг Солиқ кодексига қўшимча манбалардан даромад олувчи бюджет ташкилотлари учун белгиланган солиқ ставкаларининг амал қилишини 2027 йилнинг 1 январигача узайтириш, шунингдек жами даромаднинг чегаравий миқдорини 5 миллиард сўмдан 10 миллиард сўмга ошириш, ушбу даромад мавжуд бўлганда солиқ тўловчилар ҳар ойлик бўнак тўловларини тўлиқ чорак ўтганидан кейин тўлашини назарда тутувчи ўзгартиришлар киритилмоқда.

Ушбу Қонун билан Ўзбекистон Республикаси Президентининг ёки Ўзбекистон Республикаси Вазирлар Маҳкамасининг қарорига асосан бериладиган бюджет субсидиялари жами даромад таркибига киритилмаслигини белгиловчи ўзгартиришлар киритилмоқда.

Бундан ташқари ўз маблағлари ҳисобидан нодавлат умумий ўрта таълим ташкилотларининг биноларини қуриш билан боғлиқ бўлган харажатларга нисбатан фойда солиғи бўйича вақтинчалик солиқ имтиёзлари берилмоқда. Шунингдек Ўзбекистон Республикаси Президентининг қарори билан тасдиқланадиган рўйхат бўйича протез мосламалари ва уларнинг бутловчи, эҳтиёт қисмларини Ўзбекистон Республикаси ҳудудига олиб кириш ҳамда Ўзбекистон Республикаси резидентлари бўлган вагонлар (контейнерлар) операторларининг темир йўл транспортида ташиш жараёнида вагонларни (контейнерларни) ижара шартлари асосида фойдаланишга бериш бўйича хизматлар кўрсатиш айланмаси қўшилган қиймат солиғини тўлашдан вақтинчалик озод қилиниши назарда тутилмоқда.

Мазкур Қонун таълим тизимини такомиллаштириш учун қўшимча шарт-шароитлар яратишга, аҳолига кўрсатилаётган транспорт хизматлари сифатини оширишга, шунингдек солиқ тўловчилар учун солиқ юкини камайтиришга хизмат қилади.

1-модда . Ўзбекистон Республикасининг 2019 йил 30 декабрда қабул қилинган ЎРҚ-599-сонли Қонуни билан янги таҳрирда тасдиқланган Ўзбекистон Республикасининг Солиқ кодексига (Ўзбекистон Республикаси Олий Мажлиси палаталарининг Ахборотномаси, 2019 йил, 12-сонга 1-илова; 2020 йил, № 3, 198-модда, № 10, 593-модда, № 11, 652-модда, № 12, 690, 691-моддалар; 2021 йил, № 1, 6-модда, № 4, 294-модда, 4-сонга илова, № 8, 800-модда, № 9, 901-модда, № 10, 968, 969, 972, 973-моддалар, № 12, 1199-модда; 2022 йил, № 2, 79-модда, № 3, 215, 216-моддалар, № 5, 461, 464, 467-моддалар, № 6, 570-модда, № 7, 664, 666-моддалар, № 12, 1190-модда; 2023 йил, № 6, 444, 446-моддалар, № 7, 540-модда, №12, 1011-модда; 2024 йил, № 2, 106, 110, 111-моддалар, № 4, 346-модда, № 5, 458, 459-моддалар, № 8, 822, 831-моддалар, № 9, 958-модда) қуйидаги ўзгартиришлар ва қўшимча киритилсин:

1) 337-модданинг олтинчи қисмидаги «2024» рақами «2027» рақами билан алмаштирилсин;

2) 340-модданинг саккизинчи қисмидаги «беш миллиард» деган сўзлар «ўн миллиард» деган сўзлар билан алмаштирилсин;

3) 369-модда биринчи қисмининг 1-бандидаги «пул мукофоти ва совғалар» деган сўзлар «пул мукофоти, совғалар ва бюджет субсидиялари» деган сўзлар билан алмаштирилсин;

4) 483-модда :

ўттиз саккизинчи қисмидаги «2024» рақами «2027» рақами билан алмаштирилсин;

қуйидаги мазмундаги эллик иккинчи — эллик бешинчи қисмлар билан тўлдирилсин:

«2025 йил 1 январдан 2030 йил 1 январга қадар бўлган даврда икки йил давомида тенг улушларда тадбиркорлик субъектлари фойда солиғини ҳисоблаб чиқариш чоғида ўз маблағлари ҳисобидан нодавлат умумий ўрта таълим ташкилотлари биноларини қуриш билан боғлиқ бўлган харажатларини мазкур биноларнинг қийматини амортизация тарзида чегириб ташланадиган харажатлар жумласига киритишга ҳақли.

Нодавлат умумий ўрта таълим ташкилоти томонидан ижтимоий ҳимояга муҳтож оилаларнинг фарзандларини бепул асосда ўқишга қабул қилиш бўйича лицензия талаблари бажарилмаган тақдирда, ушбу модданинг эллик иккинчи қисмида назарда тутилган амортизация чегирмалари ушбу Кодекснинг 306-моддасида назарда тутилган амортизация нормаларини қўллаш ҳисобидан бекор қилинади.

Ўзбекистон Республикаси Президентининг қарори билан тасдиқланадиган рўйхат бўйича протез мосламаларини ва уларнинг бутловчи, эҳтиёт қисмларини Ўзбекистон Республикаси ҳудудига олиб кириш қўшилган қиймат солиғини тўлашдан 2027 йил 1 январга қадар бўлган даврда озод қилинади.

Ўзбекистон Республикаси резидентлари бўлган вагонлар (контейнерлар) операторларининг темир йўл транспортида ташиш жараёнида вагонларни (контейнерларни) ижара шартномаси асосида фойдаланишга бериш юзасидан хизматлар кўрсатиш бўйича айланмаси қўшилган қиймат солиғидан 2024 йил 1 ноябрдан 2026 йил 1 январга қадар бўлган даврда озод этилади».

2-модда . Ўзбекистон Республикаси Иқтисодиёт ва молия вазирлиги, Транспорт вазирлиги ҳамда бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.

3-модда . Ўзбекистон Республикаси Вазирлар Маҳкамаси:

ҳукумат қарорларини ушбу Қонунга мувофиқлаштирсин;

республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.

4-модда . Ушбу Қонун расмий эълон қилинган кундан эътиборан кучга киради.

Ушбу Қонун 1-моддаси 1 , 2-бандларининг ҳамда 4-банди иккинчи хатбошисининг қоидалари 2024 йил 1 январдан эътиборан юзага келган муносабатларга нисбатан ҳам татбиқ этилади.

Ушбу Қонун 1-моддаси 4-банди олтинчи хатбошисининг қоидалари 2024 йил 1 апрелдан эътиборан юзага келган муносабатларга нисбатан ҳам татбиқ этилади.

Ушбу Қонун 1-моддаси 4-банди еттинчи хатбошисининг қоидалари 2024 йил 1 ноябрдан эътиборан юзага келган муносабатларга нисбатан ҳам татбиқ этилади.

Ўзбекистон Республикасининг Президенти Ш. МИРЗИЁЕВ

Тошкент ш.,

2024 йил 24 декабрь,

ЎРҚ-1013-сон

(Қонунчилик маълумотлари миллий базаси, 26.12.2024 й., 03/24/1013/1066-сон)

lex.uz

Oʻbekiston Respublikasining Qonuni

Oʻzbekiston Respublikasining Soliq kodeksiga oʻzgartirishlar va qoʻshimcha kiritish toʻgʻrisida

Qonunchilik palatasi tomonidan 2024-yil 15-oktabrda qabul qilingan Senat tomonidan 2024-yil 19-dekabrda maʼqullangan

Keyingi yillarda mamlakatimizda taʼlim va kadrlar tayyorlash tizimini tubdan takomillashtirishga, aholiga koʻrsatilayotgan transport xizmatlari sifatini oshirishga, shuningdek soliq toʻlovchilar uchun soliq yukini kamaytirishga qaratilgan kompleks chora-tadbirlar amalga oshirilmoqda.

Shu bilan birga mavjud preferensiyalarning amal qilish muddatini uzaytirish, shuningdek vaqtinchalik soliq imtiyozlari qoʻllaniladigan faoliyat turlari roʻyxatini kengaytirish zaruriyati yuzaga kelmoqda.

Mazkur Qonun bilan Oʻzbekiston Respublikasining Soliq kodeksiga qoʻshimcha manbalardan daromad oluvchi budjet tashkilotlari uchun belgilangan soliq stavkalarining amal qilishini 2027-yilning 1-yanvarigacha uzaytirish, shuningdek jami daromadning chegaraviy miqdorini 5 milliard soʻmdan 10 milliard soʻmga oshirish, ushbu daromad mavjud boʻlganda soliq toʻlovchilar har oylik boʻnak toʻlovlarini toʻliq chorak oʻtganidan keyin toʻlashini nazarda tutuvchi oʻzgartirishlar kiritilmoqda.

Ushbu Qonun bilan Oʻzbekiston Respublikasi Prezidentining yoki Oʻzbekiston Respublikasi Vazirlar Mahkamasining qaroriga asosan beriladigan budjet subsidiyalari jami daromad tarkibiga kiritilmasligini belgilovchi oʻzgartirishlar kiritilmoqda.

Bundan tashqari oʻz mablagʻlari hisobidan nodavlat umumiy oʻrta taʼlim tashkilotlarining binolarini qurish bilan bogʻliq boʻlgan xarajatlarga nisbatan foyda soligʻi boʻyicha vaqtinchalik soliq imtiyozlari berilmoqda. Shuningdek Oʻzbekiston Respublikasi Prezidentining qarori bilan tasdiqlanadigan roʻyxat boʻyicha protez moslamalari va ularning butlovchi, ehtiyot qismlarini Oʻzbekiston Respublikasi hududiga olib kirish hamda Oʻzbekiston Respublikasi rezidentlari boʻlgan vagonlar (konteynerlar) operatorlarining temir yoʻl transportida tashish jarayonida vagonlarni (konteynerlarni) ijara shartlari asosida foydalanishga berish boʻyicha xizmatlar koʻrsatish aylanmasi qoʻshilgan qiymat soligʻini toʻlashdan vaqtinchalik ozod qilinishi nazarda tutilmoqda.

Mazkur Qonun taʼlim tizimini takomillashtirish uchun qoʻshimcha shart-sharoitlar yaratishga, aholiga koʻrsatilayotgan transport xizmatlari sifatini oshirishga, shuningdek soliq toʻlovchilar uchun soliq yukini kamaytirishga xizmat qiladi.

1-modda . Oʻzbekiston Respublikasining 2019-yil 30-dekabrda qabul qilingan OʻRQ-599-sonli Qonuni bilan yangi tahrirda tasdiqlangan Oʻzbekiston Respublikasining Soliq kodeksiga (Oʻzbekiston Respublikasi Oliy Majlisi palatalarining Axborotnomasi, 2019-yil, 12-songa 1-ilova; 2020-yil, № 3, 198-modda, № 10, 593-modda, № 11, 652-modda, № 12, 690, 691-moddalar; 2021-yil, № 1, 6-modda, № 4, 294-modda, 4-songa ilova, № 8, 800-modda, № 9, 901-modda, № 10, 968, 969, 972, 973-moddalar, № 12, 1199-modda; 2022-yil, № 2, 79-modda, № 3, 215, 216-moddalar, № 5, 461, 464, 467-moddalar, № 6, 570-modda, № 7, 664, 666-moddalar, № 12, 1190-modda; 2023-yil, № 6, 444, 446-moddalar, № 7, 540-modda, №12, 1011-modda; 2024-yil, № 2, 106, 110, 111-moddalar, № 4, 346-modda, № 5, 458, 459-moddalar, № 8, 822, 831-moddalar, № 9, 958-modda) quyidagi oʻzgartirishlar va qoʻshimcha kiritilsin:

1) 337-moddaning oltinchi qismidagi “2024” raqami “2027” raqami bilan almashtirilsin;

2) 340-moddaning sakkizinchi qismidagi “besh milliard” degan soʻzlar “oʻn milliard” degan soʻzlar bilan almashtirilsin;

3) 369-modda birinchi qismining 1-bandidagi “pul mukofoti va sovgʻalar” degan soʻzlar “pul mukofoti, sovgʻalar va budjet subsidiyalari” degan soʻzlar bilan almashtirilsin;

4) 483-modda :

oʻttiz sakkizinchi qismidagi “2024” raqami “2027” raqami bilan almashtirilsin;

quyidagi mazmundagi ellik ikkinchi — ellik beshinchi qismlar bilan toʻldirilsin:

“2025-yil 1-yanvardan 2030-yil 1-yanvarga qadar boʻlgan davrda ikki yil davomida teng ulushlarda tadbirkorlik subyektlari foyda soligʻini hisoblab chiqarish chogʻida oʻz mablagʻlari hisobidan nodavlat umumiy oʻrta taʼlim tashkilotlari binolarini qurish bilan bogʻliq boʻlgan xarajatlarini mazkur binolarning qiymatini amortizatsiya tarzida chegirib tashlanadigan xarajatlar jumlasiga kiritishga haqli.

Nodavlat umumiy oʻrta taʼlim tashkiloti tomonidan ijtimoiy himoyaga muhtoj oilalarning farzandlarini bepul asosda oʻqishga qabul qilish boʻyicha litsenziya talablari bajarilmagan taqdirda, ushbu moddaning ellik ikkinchi qismida nazarda tutilgan amortizatsiya chegirmalari ushbu Kodeksning 306-moddasida nazarda tutilgan amortizatsiya normalarini qoʻllash hisobidan bekor qilinadi.

Oʻzbekiston Respublikasi Prezidentining qarori bilan tasdiqlanadigan roʻyxat boʻyicha protez moslamalarini va ularning butlovchi, ehtiyot qismlarini Oʻzbekiston Respublikasi hududiga olib kirish qoʻshilgan qiymat soligʻini toʻlashdan 2027-yil 1-yanvarga qadar boʻlgan davrda ozod qilinadi.

Oʻzbekiston Respublikasi rezidentlari boʻlgan vagonlar (konteynerlar) operatorlarining temir yoʻl transportida tashish jarayonida vagonlarni (konteynerlarni) ijara shartnomasi asosida foydalanishga berish yuzasidan xizmatlar koʻrsatish boʻyicha aylanmasi qoʻshilgan qiymat soligʻidan 2024-yil 1-noyabrdan 2026-yil 1-yanvarga qadar boʻlgan davrda ozod etiladi”.

2-modda . Oʻzbekiston Respublikasi Iqtisodiyot va moliya vazirligi, Transport vazirligi hamda boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.

3-modda . Oʻzbekiston Respublikasi Vazirlar Mahkamasi:

hukumat qarorlarini ushbu Qonunga muvofiqlashtirsin;

respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.

4-modda . Ushbu Qonun rasmiy eʼlon qilingan kundan eʼtiboran kuchga kiradi.

Ushbu Qonun 1-moddasi 1 , 2-bandlarining hamda 4-bandi ikkinchi xatboshisining qoidalari 2024-yil 1-yanvardan eʼtiboran yuzaga kelgan munosabatlarga nisbatan ham tatbiq etiladi.

Ushbu Qonun 1-moddasi 4-bandi oltinchi xatboshisining qoidalari 2024-yil 1-apreldan eʼtiboran yuzaga kelgan munosabatlarga nisbatan ham tatbiq etiladi.

Ushbu Qonun 1-moddasi 4-bandi yettinchi xatboshisining qoidalari 2024-yil 1-noyabrdan eʼtiboran yuzaga kelgan munosabatlarga nisbatan ham tatbiq etiladi.

Oʻzbekiston Respublikasining Prezidenti Sh. MIRZIYOYEV

Toshkent sh.,

2024-yil 24-dekabr,

OʻRQ-1013-son

(Qonunchilik maʼlumotlari milliy bazasi, 26.12.2024-y., 03/24/1013/1066-son)

lex.uz

Закон Республики Узбекистан

О внесении изменений и дополнения в Налоговый кодекс Республики Узбекистан

Принят Законодательной палатой 15 октября 2024 года Одобрен Сенатом 19 декабря 2024 года

В последние годы в стране реализуется комплекс мер, направленных на коренное совершенствование системы образования и подготовку кадров, повышение качества транспортных услуг, оказываемых населению, а также снижение налогового бремени для налогоплательщиков.

Вместе с тем возникает необходимость продления действия существующих преференций, а также расширения перечня видов деятельности, в отношении которых могут применяться временные налоговые льготы.

Данным Законом в Налоговый кодекс Республики Узбекистан вносятся изменения, предусматривающие продление действия налоговых ставок, установленных для бюджетных организаций, получающих доходы из дополнительных источников, до 1 января 2027 года, а также увеличение предельного размера совокупного дохода с 5 миллиардов до 10 миллиардов сумов, при наличии которого налогоплательщики уплачивают ежемесячные авансовые платежи по истечении полного квартала.

Настоящим Законом вносятся изменения, устанавливающие, что бюджетные субсидии, выдаваемые на основании решения Президента Республики Узбекистан или Кабинета Министров Республики Узбекистан, не включаются в состав совокупного дохода.

Кроме того, временные налоговые льготы по налогу на прибыль предоставляются в отношении расходов, связанных со строительством зданий негосударственных организаций общего среднего образования за счет собственных средств. Также предусматривается временное освобождение от уплаты налога на добавленную стоимость ввоза на территорию Республики Узбекистан протезных изделий и их комплектующих, запасных частей по перечню, утверждаемому постановлением Президента Республики Узбекистан, и оборота операторов вагонов (контейнеров), являющихся резидентами Республики Узбекистан, участвующих в перевозочном процессе на железнодорожном транспорте путем оказания услуг по предоставлению вагонов (контейнеров) на условиях аренды.

Данный Закон послужит созданию дополнительных условий для совершенствования системы образования, повышению качества транспортных услуг, оказываемых населению, а также снижению налогового бремени для налогоплательщиков.

Статья 1 . Внести в Налоговый кодекс Республики Узбекистан, утвержденный в новой редакции Законом Республики Узбекистан от 30 декабря 2019 года № ЗРУ-599 (Ведомости палат Олий Мажлиса Республики Узбекистан, 2019 г., приложение 1 к № 12; 2020 г., № 3, ст. 198, № 10, ст. 593, № 11, ст. 652, № 12, ст.ст. 690, 691; 2021 г., № 1, ст. 6, № 4, ст. 294, приложение к № 4, № 8, ст. 800, № 9, ст. 901, № 10, ст.ст. 968, 969, 972, 973, № 12, ст. 1199; 2022 г., № 2, ст. 79, № 3, ст.ст. 215, 216, № 5, ст.ст. 461, 464, 467, № 6, ст. 570, № 7, ст.ст. 664, 666, № 12, ст. 1190; 2023 г., № 6, ст.ст. 444, 446, № 7, ст. 540, № 12, ст. 1011; 2024 г., № 2, ст.ст. 106, 110, 111, № 4, ст. 346, № 5, ст.ст. 458, 459, № 8, ст.ст. 822, 831, № 9, ст. 958), следующие изменения и дополнение:

1) в части шестой статьи 337 цифру «2024» заменить цифрой «2027»;

2) в части восьмой статьи 340 слова «пять миллиардов» заменить словами «десять миллиардов»;

3) в пункте 1 части первой статьи 369 слова «денежное вознаграждение и подарки» заменить словами «денежное вознаграждение, подарки и бюджетные субсидии»;

4) в статье 483 :

в части тридцать восьмой цифру «2024» заменить цифрой «2027»;

дополнить частями пятьдесят второй — пятьдесят пятой следующего содержания:

«На период с 1 января 2025 года по 1 января 2030 года субъекты предпринимательства вправе при исчислении налога на прибыль относить в равных долях в течение двух лет расходы, связанные со строительством за счет собственных средств зданий негосударственных организаций общего среднего образования, на вычитаемые расходы в виде амортизации стоимости данных зданий.

В случае невыполнения негосударственной общей средней образовательной организацией лицензионных требований по приему на учебу на бесплатной основе детей из семей, нуждающихся в социальной защите, амортизационные отчисления, предусмотренные частью пятьдесят второй настоящей статьи, отменяются за счет применения норм амортизации, предусмотренных статьей 306 настоящего Кодекса.

До 1 января 2027 года освобождается от уплаты налога на добавленную стоимость ввоз на территорию Республики Узбекистан протезных изделий и их комплектующих, запасных частей по перечню, утверждаемому постановлением Президента Республики Узбекистан.

На период с 1 ноября 2024 года до 1 января 2026 года оборот операторов вагонов (контейнеров), являющихся резидентами Республики Узбекистан, по оказанию услуг предоставления в пользование вагонов (контейнеров) на основе договора аренды в перевозочном процессе на железнодорожном транспорте, освобождается от налога на добавленную стоимость».

Статья 2 . Министерству экономики и финансов, Министерству транспорта Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.

Статья 3 . Кабинету Министров Республики Узбекистан:

привести решения правительства в соответствие с настоящим Законом;

обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.

Статья 4 . Настоящий Закон вступает в силу со дня его официального опубликования.

Положения пунктов 1 , 2 и абзаца второго пункта 4 статьи 1 настоящего Закона распространяются также на отношения, возникшие с 1 января 2024 года.

Положения абзаца шестого пункта 4 статьи 1 настоящего Закона распространяются также на отношения, возникшие с 1 апреля 2024 года.

Положения абзаца седьмого пункта 4 статьи 1 настоящего Закона распространяются также на отношения, возникшие с 1 ноября 2024 года.

Президент Республики Узбекистан Ш. МИРЗИЁЕВ

г. Ташкент,

24 декабря 2024 г.,

№ ЗРУ-1013

(Национальная база данных законодательства, 26.12.2024 г., № 03/24/1013/1066)

lex.uz