📅 2024-yil 24-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 24 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 декабря 2024 г. · Постановления Президента
Официальный текст. Официальный документ. Редакционные примечания не включены.
📅 24 December 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Қорақалпоғистон илмий-амалий тиббиёт академиясини ташкил этишга оид чора-тадбирлар тўғрисида
Қорақалпоғистон Республикасида аҳолига кўрсатилаётган тиббий хизматлар сифатини ошириш, амалий тиббиётни илмий тамойиллар асосида такомиллаштириш орқали самарали тиббий ёрдам кўрсатиш, тизимда амалга оширилаётган ислоҳотларни изчил давом эттириш мақсадида:
1. Соғлиқни сақлаш вазирлиги ҳамда Иқтисодиёт ва молия вазирлигининг қуйидаги таклифларига розилик берилсин:
а) давлат-хусусий шериклик асосида қуйидагиларни ташкил этиш:
юридик шахс мақомига эга бўлган Қорақалпоғистон илмий-амалий тиббиёт академиясини (кейинги ўринларда — Академия);
Академия таркибида илмий-тадқиқот лабораторияси, ўқув-симуляцион марказ ва меҳмонхона;
б) хусусий шерик сифатида «Central Asian Medical University» нодавлат тиббиёт университетини белгилаш;
в) «Central Asian Medical University» нодавлат тиббиёт университети (кейинги ўринларда — Хусусий шерик) билан давлат-хусусий шериклик тўғрисидаги битимни (кейинги ўринларда — Битим) тузиш.
2. Белгилансинки:
а) Соғлиқни сақлаш вазирлиги Академияни ташкил этишда давлат шериги сифатида иштирок этади;
б) Академия нодавлат тиббий таълим ташкилоти ҳисобланади ҳамда Оролбўйи минтақасида:
барча тиббиёт муассасалари ҳамда тиббиёт олий, профессионал ва ўрта махсус таълим муассасалари учун келишув асосида амалий кўникмаларни шакллантирадиган ўқув-симуляцион база сифатида фаолият юритади;
тиббиёт ва фармацевтика ходимларининг малакасини ошириш ва қайта тайёрлаш, уларнинг касбий билимлари ва амалий кўникмаларини ривожлантиришнинг муқобил тизимини жорий этади;
в) Нукус шаҳрида жойлашган давлат ва нодавлат даволаш-профилактика муассасалари Академиянинг клиник базаси ҳисобланади;
г) Хусусий шерик Битимда белгиланган шартлар асосида Академиянинг фаолият олиб бориши ва ривожланишини ҳамда бириктирилган ҳудудлар тиббиёт муассасалари мутахассисларининг малакасини мунтазам ошириб боришни таъминлайди;
д) Тиббиёт ходимларининг касбий малакасини ривожлантириш маркази ҳамда Республика ўрта тиббиёт ва фармацевтика ходимлари малакасини ошириш ва уларни ихтисослаштириш марказига юклатилган вазифалар Оролбўйи минтақаси бўйича Академия томонидан амалга оширилади;
е) келгусида Соғлиқни сақлаш вазирлиги томонидан Хусусий шерик билан келишилган ҳолда Академияга Оролбўйи минтақасидан ташқари бошқа ҳудудлардаги тиббиёт муассасалари ҳам мутахассисларнинг малакасини ошириш бўйича бириктирилиши мумкин;
ж) Нукус шаҳри, А. Досназаров кўчаси, 104-уй манзилида жойлашган ўқув биноларининг биринчи, тўртинчи ва олтинчи корпуслари Академияни ташкил этиш учун Хусусий шерикка Битимнинг амал қилиш муддатига тасарруф этиш ҳуқуқисиз эгалик қилиш ва фойдаланишга берилади.
Мазкур корпусларга бириктирилган ер участкаси Хусусий шерикка ушбу қарорнинг 6¹-бандида белгиланган тартибда берилади.
3. Қуйидагилар Академия фаолиятининг асосий йўналишлари этиб белгилансин:
тиббиёт кадрларини қайта тайёрлаш ва малакасини ошириш;
тиббиёт ходимларида амалий кўникмаларни шакллантириш, халқаро стандартларга асосланган илғор технологиялар, услубий материалларни кенг жорий этиш, илмий фаолият ҳамда амалиётнинг уйғунлигини таъминлаш учун зарур шароитлар яратиш;
ташхислаш ва даволашнинг юқори технологияли инновацион усулларини амалиётга жорий этиш;
телемедицина технологияларидан кенг фойдаланиш учун шароитлар яратиш;
Оролбўйи минтақасида кенг тарқалган касалликларни профилактика қилиш ва камайтириш бўйича фундаментал, амалий ва инновацион илмий-тадқиқот ишларини олиб бориш, ушбу йўналишдаги ишларни мувофиқлаштириш.
4. Соғлиқни сақлаш вазирлиги Олий таълим, фан ва инновациялар вазирлиги билан биргаликда 2025/2026 ўқув йилидан бошлаб Академияда клиник ординатурада юқори малакали тиббиёт кадрларини тайёрлаш ишларини йўлга қўйишга кўмаклашсин.
5. Хусусий шерикка қуйидаги вазифалар юклансин:
2025 йил 1 октябрдан бошлаб Академия фаолиятини тўлиқ йўлга қўйиш;
мазкур қарорнинг 1-бандида назарда тутилган чора-тадбирларни амалга ошириш учун Академияга республика ҳамда хорижий тиббиёт ташкилотлари ва марказларининг малакали мутахассисларини жалб қилиш.
6. Қорақалпоғистон Республикаси Вазирлар Кенгаши Соғлиқни сақлаш вазирлиги ҳамда Қурилиш ва уй-жой коммунал хўжалиги вазирлиги билан биргаликда Хусусий шерикка қуйидагиларни амалга оширишда амалий ёрдам кўрсатсин:
а) Академиянинг қурилиш объектлари бўйича лойиҳа-смета ҳужжатларини ишлаб чиқиш ва белгиланган тартибда экспертизадан ўтказишда;
б) Академияни жойлаштириш учун ажратилган бино ва иншоотлар ҳамда унга бириктирилган ҳудудда амалга ошириладиган қурилиш-таъмирлаш ва жиҳозлаш ишларида;
в) Академияга жалб этилган маҳаллий ва хорижий профессор-ўқитувчилар учун қулай шарт-шароитлар яратиш мақсадида Академия ҳудудида 50 ўринли меҳмонхона ташкил этишда;
г) тиббиёт ходимларининг малакасини ошириш ва амалий кўникмаларини мунтазам равишда ривожлантириш учун Академияни зарур бўлган қўшимча ўқув-симуляцион ускуналар билан жиҳозлашда.
6 1 . Қорақалпоғистон Республикаси Вазирлар Кенгаши бир ой муддатда Нукус шаҳри, А. Досназаров кўчаси, 104-уй манзилида жойлашган, майдони 13 013 кв.м бўлган ер участкасини Хусусий шерикка Битимнинг амал қилиш муддатидан ошмайдиган муддатга вақтинча эгалик қилиш ва фойдаланишга бериш тўғрисида белгиланган тартибда қарор қабул қилсин.
Урбанизация ва уй-жой бозорини барқарор ривожлантириш миллий қўмитаси ҳузуридаги Кадастр агентлигининг Давлат кадастрлари палатаси Хусусий шерикнинг мазкур ҳуқуқлари белгиланган тартибда давлат рўйхатидан ўтказилишини таъминласин.
7. Соғлиқни сақлаш вазирлиги:
а) Иқтисодиёт ва молия вазирлиги билан биргаликда:
икки ой муддатда Хусусий шерик билан давлат-хусусий шериклик тўғрисидаги битимнинг белгиланган тартибда имзоланишини таъминласин;
2025 йил 1 октябрдан бошлаб Оролбўйи минтақасидаги тиббиёт муассасалари шифокорлари, ўрта тиббий ва фармацевтика ходимлари малакасини ошириш учун Давлат бюджетидан ажратиладиган маблағларни Академияга ажратиш чораларини кўрсин;
б) Иқтисодиёт ва молия вазирлиги ҳамда Олий таълим, фан ва инновациялар вазирлиги билан биргаликда 2025 йил 1 апрелга қадар қуйидагиларни назарда тутувчи қарор лойиҳасини Вазирлар Маҳкамасига киритсин:
ўрта тиббиёт ва фармацевтика ходимлари малакасини оширишни хусусий секторни жалб қилган ҳолда, шу жумладан давлат-хусусий шериклик асосида ташкил этишни;
нодавлат ташкилотлар томонидан тиббиёт ва фармацевтика ходимлари малакасини ошириш бўйича давлат буюртмасини молиялаштириш тартибини;
в) Тиббиёт ва фармацевтика ходимларининг малакасини баҳолаш марказининг Қорақалпоғистон Республикасидаги бўлинмасини Академия биносида жойлаштирилишини таъминласин.
8. Мазкур қарорнинг ижросини самарали ташкил қилишга масъул ва шахсий жавобгар этиб соғлиқни сақлаш вазири А.А. Худаяров ҳамда Қорақалпоғистон Республикаси Вазирлар Кенгашининг Раиси Ф.У. Эрманов белгилансин.
Қарор ижросини муҳокама қилиб бориш, ижро учун масъул идоралар фаолиятини мувофиқлаштириш ва назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 24 декабрь,
ПҚ-453-сон
Oʻzbekiston Respublikasi Prezidentining
qarori
Qoraqalpogʻiston ilmiy-amaliy tibbiyot akademiyasini tashkil etishga oid chora-tadbirlar toʻgʻrisida
Qoraqalpogʻiston Respublikasida aholiga koʻrsatilayotgan tibbiy xizmatlar sifatini oshirish, amaliy tibbiyotni ilmiy tamoyillar asosida takomillashtirish orqali samarali tibbiy yordam koʻrsatish, tizimda amalga oshirilayotgan islohotlarni izchil davom ettirish maqsadida:
1. Sogʻliqni saqlash vazirligi hamda Iqtisodiyot va moliya vazirligining quyidagi takliflariga rozilik berilsin:
a) davlat-xususiy sheriklik asosida quyidagilarni tashkil etish:
yuridik shaxs maqomiga ega boʻlgan Qoraqalpogʻiston ilmiy-amaliy tibbiyot akademiyasini (keyingi oʻrinlarda — Akademiya);
Akademiya tarkibida ilmiy-tadqiqot laboratoriyasi, oʻquv-simulyatsion markaz va mehmonxona;
b) xususiy sherik sifatida “Central Asian Medical University” nodavlat tibbiyot universitetini belgilash;
v) “Central Asian Medical University” nodavlat tibbiyot universiteti (keyingi oʻrinlarda — Xususiy sherik) bilan davlat-xususiy sheriklik toʻgʻrisidagi bitimni (keyingi oʻrinlarda — Bitim) tuzish.
2. Belgilansinki:
a) Sogʻliqni saqlash vazirligi Akademiyani tashkil etishda davlat sherigi sifatida ishtirok etadi;
b) Akademiya nodavlat tibbiy taʼlim tashkiloti hisoblanadi hamda Orolboʻyi mintaqasida:
barcha tibbiyot muassasalari hamda tibbiyot oliy, professional va oʻrta maxsus taʼlim muassasalari uchun kelishuv asosida amaliy koʻnikmalarni shakllantiradigan oʻquv-simulyatsion baza sifatida faoliyat yuritadi;
tibbiyot va farmatsevtika xodimlarining malakasini oshirish va qayta tayyorlash, ularning kasbiy bilimlari va amaliy koʻnikmalarini rivojlantirishning muqobil tizimini joriy etadi;
v) Nukus shahrida joylashgan davlat va nodavlat davolash-profilaktika muassasalari Akademiyaning klinik bazasi hisoblanadi;
g) Xususiy sherik Bitimda belgilangan shartlar asosida Akademiyaning faoliyat olib borishi va rivojlanishini hamda biriktirilgan hududlar tibbiyot muassasalari mutaxassislarining malakasini muntazam oshirib borishni taʼminlaydi;
d) Tibbiyot xodimlarining kasbiy malakasini rivojlantirish markazi hamda Respublika oʻrta tibbiyot va farmatsevtika xodimlari malakasini oshirish va ularni ixtisoslashtirish markaziga yuklatilgan vazifalar Orolboʻyi mintaqasi boʻyicha Akademiya tomonidan amalga oshiriladi;
e) kelgusida Sogʻliqni saqlash vazirligi tomonidan Xususiy sherik bilan kelishilgan holda Akademiyaga Orolboʻyi mintaqasidan tashqari boshqa hududlardagi tibbiyot muassasalari ham mutaxassislarning malakasini oshirish boʻyicha biriktirilishi mumkin;
j) Nukus shahri, A. Dosnazarov koʻchasi, 104-uy manzilida joylashgan oʻquv binolarining birinchi, toʻrtinchi va oltinchi korpuslari Akademiyani tashkil etish uchun Xususiy sherikka Bitimning amal qilish muddatiga tasarruf etish huquqisiz egalik qilish va foydalanishga beriladi.
Mazkur korpuslarga biriktirilgan yer uchastkasi Xususiy sherikka ushbu qarorning 6¹-bandida belgilangan tartibda beriladi.
3. Quyidagilar Akademiya faoliyatining asosiy yoʻnalishlari etib belgilansin:
tibbiyot kadrlarini qayta tayyorlash va malakasini oshirish;
tibbiyot xodimlarida amaliy koʻnikmalarni shakllantirish, xalqaro standartlarga asoslangan ilgʻor texnologiyalar, uslubiy materiallarni keng joriy etish, ilmiy faoliyat hamda amaliyotning uygʻunligini taʼminlash uchun zarur sharoitlar yaratish;
tashxislash va davolashning yuqori texnologiyali innovatsion usullarini amaliyotga joriy etish;
telemeditsina texnologiyalaridan keng foydalanish uchun sharoitlar yaratish;
Orolboʻyi mintaqasida keng tarqalgan kasalliklarni profilaktika qilish va kamaytirish boʻyicha fundamental, amaliy va innovatsion ilmiy-tadqiqot ishlarini olib borish, ushbu yoʻnalishdagi ishlarni muvofiqlashtirish.
4. Sogʻliqni saqlash vazirligi Oliy taʼlim, fan va innovatsiyalar vazirligi bilan birgalikda 2025/2026 oʻquv yilidan boshlab Akademiyada klinik ordinaturada yuqori malakali tibbiyot kadrlarini tayyorlash ishlarini yoʻlga qoʻyishga koʻmaklashsin.
5. Xususiy sherikka quyidagi vazifalar yuklansin:
2025-yil 1-oktabrdan boshlab Akademiya faoliyatini toʻliq yoʻlga qoʻyish;
mazkur qarorning 1-bandida nazarda tutilgan chora-tadbirlarni amalga oshirish uchun Akademiyaga respublika hamda xorijiy tibbiyot tashkilotlari va markazlarining malakali mutaxassislarini jalb qilish.
6. Qoraqalpogʻiston Respublikasi Vazirlar Kengashi Sogʻliqni saqlash vazirligi hamda Qurilish va uy-joy kommunal xoʻjaligi vazirligi bilan birgalikda Xususiy sherikka quyidagilarni amalga oshirishda amaliy yordam koʻrsatsin:
a) Akademiyaning qurilish obyektlari boʻyicha loyiha-smeta hujjatlarini ishlab chiqish va belgilangan tartibda ekspertizadan oʻtkazishda;
b) Akademiyani joylashtirish uchun ajratilgan bino va inshootlar hamda unga biriktirilgan hududda amalga oshiriladigan qurilish-taʼmirlash va jihozlash ishlarida;
v) Akademiyaga jalb etilgan mahalliy va xorijiy professor-oʻqituvchilar uchun qulay shart-sharoitlar yaratish maqsadida Akademiya hududida 50 oʻrinli mehmonxona tashkil etishda;
g) tibbiyot xodimlarining malakasini oshirish va amaliy koʻnikmalarini muntazam ravishda rivojlantirish uchun Akademiyani zarur boʻlgan qoʻshimcha oʻquv-simulyatsion uskunalar bilan jihozlashda.
6 1 . Qoraqalpogʻiston Respublikasi Vazirlar Kengashi bir oy muddatda Nukus shahri, A. Dosnazarov koʻchasi, 104-uy manzilida joylashgan, maydoni 13 013 kv.m boʻlgan yer uchastkasini Xususiy sherikka Bitimning amal qilish muddatidan oshmaydigan muddatga vaqtincha egalik qilish va foydalanishga berish toʻgʻrisida belgilangan tartibda qaror qabul qilsin.
Urbanizatsiya va uy-joy bozorini barqaror rivojlantirish milliy qoʻmitasi huzuridagi Kadastr agentligining Davlat kadastrlari palatasi Xususiy sherikning mazkur huquqlari belgilangan tartibda davlat roʻyxatidan oʻtkazilishini taʼminlasin.
7. Sogʻliqni saqlash vazirligi:
a) Iqtisodiyot va moliya vazirligi bilan birgalikda:
ikki oy muddatda Xususiy sherik bilan davlat-xususiy sheriklik toʻgʻrisidagi bitimning belgilangan tartibda imzolanishini taʼminlasin;
2025-yil 1-oktabrdan boshlab Orolboʻyi mintaqasidagi tibbiyot muassasalari shifokorlari, oʻrta tibbiy va farmatsevtika xodimlari malakasini oshirish uchun Davlat budjetidan ajratiladigan mablagʻlarni Akademiyaga ajratish choralarini koʻrsin;
b) Iqtisodiyot va moliya vazirligi hamda Oliy taʼlim, fan va innovatsiyalar vazirligi bilan birgalikda 2025-yil 1-aprelga qadar quyidagilarni nazarda tutuvchi qaror loyihasini Vazirlar Mahkamasiga kiritsin:
oʻrta tibbiyot va farmatsevtika xodimlari malakasini oshirishni xususiy sektorni jalb qilgan holda, shu jumladan davlat-xususiy sheriklik asosida tashkil etishni;
nodavlat tashkilotlar tomonidan tibbiyot va farmatsevtika xodimlari malakasini oshirish boʻyicha davlat buyurtmasini moliyalashtirish tartibini;
v) Tibbiyot va farmatsevtika xodimlarining malakasini baholash markazining Qoraqalpogʻiston Respublikasidagi boʻlinmasini Akademiya binosida joylashtirilishini taʼminlasin.
8. Mazkur qarorning ijrosini samarali tashkil qilishga masʼul va shaxsiy javobgar etib sogʻliqni saqlash vaziri A.A. Xudayarov hamda Qoraqalpogʻiston Respublikasi Vazirlar Kengashining Raisi F.U. Ermanov belgilansin.
Qaror ijrosini muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 24-dekabr,
PQ-453-son
Президента Республики Узбекистан
Постановление
О мерах по образованию Каракалпакской научно-практической медицинской академии
В Республике Каракалпакстан в целях повышения качества медицинских услуг, оказываемых населению, предоставления эффективной медицинской помощи путем совершенствования практической медицины на основе научных принципов, а также последовательного продолжения осуществляемых в системе реформ:
1. Согласиться с предложениями Министерства здравоохранения и Министерства экономики и финансов:
а) об образовании на основе государственно-частного партнерства:
Каракалпакской научно-практической медицинской академии (далее — Академия) со статусом юридического лица;
научно-исследовательской лаборатории, учебно-симуляционного центра и гостиницы в составе Академии;
б) об определении негосударственного медицинского университета «Central Asian Medical University» в качестве частного партнера;
в) о заключении Соглашения о государственно-частном партнерстве (далее — Соглашение) с негосударственным медицинским университетом «Central Asian Medical University» (далее — Частный партнер).
2. Определить, что:
а) Министерство здравоохранения при образовании Академии принимает участие в качестве государственного партнера;
б) Академия является негосударственной медицинской образовательной организацией, которая в регионе Приаралья:
осуществляет деятельность в качестве учебно-симуляционной базы, формирующей практические навыки для всех медицинских учреждений, а также медицинских высших, профессиональных и средних специальных образовательных учреждений по согласованию;
внедряет альтернативную систему повышения квалификации и переподготовки медицинских и фармацевтических работников, развития их профессиональных знаний и практических навыков;
в) клинической базой Академии являются государственные и негосударственные лечебно-профилактические учреждения, расположенные в городе Нукусе;
г) Частный партнер на основе условий, определенных Соглашением, обеспечивает функционирование и развитие Академии, а также повышение на регулярной основе квалификации специалистов медицинских учреждений на прикрепленных территориях;
д) задачи, возложенные на Центр развития профессиональной квалификации медицинских работников, а также Республиканский центр повышения квалификации и специализации средних медицинских и фармацевтических работников, по региону Приаралья выполняет Академия;
е) в последующем Министерством здравоохранения по согласованию с Частным партнером к Академии для повышения квалификации специалистов помимо медицинских учреждений региона Приаралья могут быть также прикреплены медицинские учреждения других регионов;
ж) первый, четвертый и шестой корпусы учебных зданий, расположенные по адресу: город Нукус, улица А. Досназарова, дом 104, передаются Частному партнеру во владение и пользование без права распоряжения на срок действия Соглашения для образования Академии.
Прикрепленный к данным корпусам земельный участок предоставляется Частному партнеру в порядке, установленном пунктом 6 1 настоящего постановления.
3. Определить основными направлениями деятельности Академии:
повышение квалификации и переподготовку медицинских кадров;
формирование практических навыков медицинских работников, широкое внедрение передовых технологий, методических материалов, основанных на международных стандартах, создание необходимых условий для обеспечения интеграции научной деятельности с практикой;
внедрение в практику высокотехнологичных инновационных методов диагностики и лечения;
создание условий для широкого использования технологий телемедицины;
проведение фундаментальных, прикладных и инновационных научно-исследовательских работ по профилактике и снижению случаев заболеваний, широко распространенных в регионе Приаралья, координацию работ в этом направлении.
4. Министерству здравоохранения совместно с Министерством высшего образования, науки и инноваций оказать содействие налаживанию в Академии работы по подготовке высококвалифицированных медицинских кадров в клинической ординатуре начиная с 2025/2026 учебного года.
5. Возложить на Частного партнера следующие задачи:
налаживание полноценной деятельности Академии с 1 октября 2025 года;
привлечение в Академию квалифицированных специалистов республиканских и зарубежных медицинских организаций и центров для реализации мер, предусмотренных пунктом 1 настоящего постановления.
6. Совету Министров Республики Каракалпакстан совместно с Министерством здравоохранения, Министерством строительства и жилищно-коммунального хозяйства оказать Частному партнеру практическую помощь по:
а) разработке и проведению в установленном порядке экспертизы проектно-сметной документации по строительным объектам Академии;
б) осуществлению строительно-ремонтных работ и работ по оснащению в зданиях и сооружениях, выделенных для размещения Академии, и на прилегающей к ним территории;
в) организации гостиницы на 50 мест на территории Академии в целях создания благоприятных условий для отечественных и зарубежных профессоров-преподавателей, привлеченных в Академию;
г) оснащению Академии дополнительным учебно-симуляционным оборудованием, необходимым для повышения квалификации и регулярного развития практических навыков медицинских работников.
6 1 . Совету Министров Республики Каракалпакстан в месячный срок принять в установленном порядке решение о предоставлении Частному партнеру во временное владение и пользование земельного участка площадью 13 013 кв. м, расположенного по адресу: город Нукус, улица А. Досназарова, дом 104, на срок, не превышающий срока действия Соглашения.
Палате государственных кадастров Агентства по кадастру при Национальном комитете по устойчивому развитию урбанизации и рынка жилья обеспечить государственную регистрацию данных прав Частного партнера в установленном порядке.
7. Министерству здравоохранения:
а) совместно с Министерством экономики и финансов:
в двухмесячный срок обеспечить подписание с Частным партнером Соглашения о государственно-частном партнерстве в установленном порядке;
с 1 октября 2025 года принять меры по выделению Академии средств, выделяемых из Государственного бюджета на повышение квалификации врачей, средних медицинских и фармацевтических работников медицинских учреждений региона Приаралья;
б) совместно с Министерством экономики и финансов, Министерством высшего образования, науки и инноваций в срок до 1 апреля 2025 года внести в Кабинет Министров проект постановления, предусматривающий:
организацию повышения квалификации средних медицинских и фармацевтических работников с привлечением частного сектора, в том числе на основе государственно-частного партнерства;
порядок финансирования государственного заказа по повышению негосударственными организациями квалификации медицинских и фармацевтических работников;
в) обеспечить размещение подразделения Центра оценки квалификации медицинских и фармацевтических работников по Республике Каракалпакстан в здании Академии.
8. Возложить на министра здравоохранения А.А. Худаярова и Председателя Совета Министров Республики Каракалпакстан Ф.У. Эрманова персональную ответственность за эффективную организацию исполнения настоящего постановления.
Обсуждение хода исполнения настоящего постановления, осуществление координации и контроля за деятельностью ведомств, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
24 декабря 2024 г.,
№ ПП-453