UzbekAI

Ўзбекистон Республикаси Вазирлар Маҳкамасининг

қарори

НИЗОМ

СХЕМАСИ

РЎЙХАТИ

Касбий таълим ташкилотлари ўқувчиларининг ишлаб чиқариш амалиётини ташкил этиш тизимини янада такомиллаштириш чора-тадбирлари тўғрисида

Ўзбекистон Республикаси Президентининг «Касбий таълимда малакали кадрлар тайёрлаш тизимини янада такомиллаштириш ва халқаро таълим дастурларини жорий қилиш чора-тадбирлари тўғрисида» 2024 йил 16 октябрдаги ПФ-158-сон Фармони ижросини таъминлаш мақсадида Вазирлар Маҳкамаси қарор қилади:

1. Ўзбекистон Республикаси Олий таълим, фан ва инновациялар вазирлиги, Камбағалликни қисқартириш ва бандлик вазирлиги ҳамда Савдо-саноат палатасининг 2025 йил 1 январдан бошлаб касбий таълим ташкилотларида ўқувчиларнинг назарий билимларини амалиётда мустаҳкамлаш, хорижий давлатларнинг илғор тажрибалари асосида ишлаб чиқариш амалиётининг қуйидагиларни назарда тутувчи янги тартибини жорий этиш тўғрисидаги таклифига розилик берилсин:

ўқувчилар учун ишлаб чиқариш амалиёти ва диплом олди амалиёти ўрнига ягона ишлаб чиқариш амалиёти тизимини жорий этиш;

ишлаб чиқариш амалиётини ўтайдиган ўқувчиларга тегишли ташкилотлардаги малакали мутахассисларни «устоз» сифатида бириктириш;

ўқувчиларнинг амалиёт жараёнида эгалланган амалий кўникмаларини иш берувчилар билан биргаликда баҳолаш тизимини йўлга қўйиш.

2. Қуйидагиларни назарда тутувчи Касбий таълим ташкилотлари ўқувчиларининг ишлаб чиқариш амалиётини ташкил этиш тартиби тўғрисидаги низом 1-иловага мувофиқ тасдиқлансин:

амалиёт дастурларини тегишли тармоқ ва соҳа корхоналари (ташкилотлари) билан келишилган ҳолда ишлаб чиқиш ҳамда тасдиқлаш;

амалиётни тегишли тармоқ ва соҳа корхоналарида (ташкилотларида) ташкил этиш;

касбий таълим ташкилотлари ва иш берувчиларнинг амалиётларни ташкил этиш бўйича вазифаларини белгилаш.

3. Ўзбекистон Республикаси Олий таълим, фан ва инновациялар вазирлиги:

2025 йил 1 январдан бошлаб касбий таълим ташкилотларида ўқувчиларнинг ишлаб чиқариш амалиётларини тегишли тармоқ ва соҳа корхоналарида (ташкилотларида) ташкил этсин;

Камбағалликни қисқартириш ва бандлик вазирлиги билан биргаликда ишлаб чиқариш амалиётини ташкил этиш жараёнида ўқувчиларга корхоналардан (ташкилотлардан) тажрибали мутахассислар «устоз» сифатида бириктирилишини таъминласин;

корхоналардан (ташкилотлардан) бириктирилган «устоз»лар учун ишлаб чиқариш амалиётини ташкил этиш бўйича Олий таълим, фан ва инновациялар вазирлиги ҳузуридаги Профессионал таълимни ривожлантириш институтида «Германия тажрибаси» асосида масофавий (онлайн) ўқув курсларини ташкил этсин;

ҳар йили 1 октябрга қадар «Ягона миллий меҳнат тизими» идоралараро дастурий-аппарат комплексига киритилган корхона (ташкилот)лар билан касбий таълим ташкилотлари ўқувчилари ўртасида ишлаб чиқариш амалиётини ўташ юзасидан шартномалар тузиш мақсадида ҳамкорликни йўлга қўйсин.

4. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳудуддаги корхоналарнинг (ташкилотларнинг) мавжуд имкониятлари ва таклифлари асосида доимий равишда ўқувчиларнинг ишлаб чиқариш амалиётини ўтказиш юзасидан шартномалар тузишда касбий таълим ташкилотларига кўмаклашсин.

5. Ўзбекистон Республикаси Ҳукуматининг 2-иловага мувофиқ айрим қарорлари ўз кучини йўқотган деб ҳисоблансин.

6. Ўзбекистон Республикаси Олий таълим, фан ва инновациялар вазирлиги манфаатдор вазирликлар ва идоралар билан биргаликда ўзлари қабул қилган норматив-ҳуқуқий ҳужжатларни бир ой муддатда ушбу қарорга мувофиқлаштирсин.

7. Мазкур қарорнинг бажарилишини назорат қилиш Ўзбекистон Республикаси олий таълим, фан ва инновациялар вазири К.А. Шарипов зиммасига юклансин.

Вазирлар Маҳкамасининг 2024 йил 28 декабрдаги 900-сон қарорига 1-ИЛОВА

Касбий таълим ташкилотлари ўқувчиларининг ишлаб чиқариш амалиётини ташкил этиш тартиби тўғрисида

1-боб. Умумий қоидалар

1. Ушбу Низом касбий таълим ташкилотлари ўқувчиларининг (кейинги ўринларда — ўқувчилар) корхонада (ташкилотда) ишлаб чиқариш амалиётини (кейинги ўринларда — амалиёт) ўтказиш тартибини белгилайди.

2. Ушбу Низомда қуйидаги асосий тушунчалар қўлланилади:

амалиёт — назарий таълим бериш жараёнида ўқувчилар томонидан ўзлаштирилган билимларни мустаҳкамлаш, эгалланадиган касбга (мутахассисликка) тегишли бўлган касбий билим ва кўникма эга бўлиши учун ўқув жараёнининг амалий қисмини корхоналарда (ташкилотларда) ўтказиш жараёни;

амалиёт раҳбари — ўқувчиларнинг амалиётини ташкил этиш, уларни корхоналарга (ташкилотларга) амалиёт учун жойлашиши, амалиёт дастурига риоя этилиши, амалиёт ҳисоботлари тайёрланиши ва юритилиши, корхонадан (ташкилотдан) ўқувчилар учун масъул ходим бириктирилиши каби масалаларни мувофиқлаштирувчи касбий таълим ташкилоти ходими;

корхона (ташкилот) — касбий таълим ташкилоти билан ўқувчилар амалиётини ташкил этиш бўйича шартнома тузган юридик шахс;

устоз — амалиёт даврида таълим жараёнини ишлаб чиқариш билан боғлиқ амалий қисмини ўтказиш учун корхона (ташкилот) томонидан бириктирилган корхонанинг (ташкилотнинг) малакали мутахассиси;

шартнома — касбий таълим ташкилоти ва корхона (ташкилот) ўртасида ўқувчиларнинг амалиётини ташкил этиш учун тузилган ҳужжат.

3. Назарий таълим бериш жараёнида ўқувчилар томонидан олинган билимларни мустаҳкамлаш, эгалланадиган касб (мутахассислик) бўйича зарур кўникмаларга ва амалий иш тажрибасига эга бўлиш амалиётнинг мақсади ҳисобланади.

4. Касбий таълим ташкилотлари томонидан амалиёт дастурлари тегишли корхоналар (ташкилотлар) билан келишилган ҳолда ишлаб чиқилади ҳамда тасдиқланади.

5. Амалиёт касбий таълим ташкилоти ва ўқувчилар таълим олаётган касбга (мутахассисликка) мос корхоналар (ташкилотлар) ўртасида тузиладиган шартнома асосида ташкил этилади.

6. Ўзбекистон Республикаси Олий таълим, фан ва инновациялар вазирлиги белгиланган тартибда шартнома шакли ҳамда ўқувчиларнинг амалиёт кундалиги намунасини тасдиқлайди.

7. Касбий таълим ташкилотларининг ишлаб чиқариш амалиёти ушбу Низомга иловага мувофиқ схема асосида ташкил этилади.

2-боб. Амалиётни ташкил этиш ва ўтказиш

8. Ўзбекистон Республикаси Олий таълим, фан ва инновациялар вазирлиги ҳар йили 1 октябрга қадар «Ягона миллий меҳнат тизими» идоралараро дастурий-аппарат комплексига киритилган корхоналар (ташкилотлар) билан касбий таълим ташкилотлари ўқувчилари ўртасида ишлаб чиқариш амалиётини ўташ юзасидан шартномалар тузиш мақсадида ҳамкорликни йўлга қўяди.

9. Касбий таълим ташкилоти ва корхона (ташкилот) ўртасида амалиётни ўтказиш бўйича шартнома амалиёт бошланишидан камида уч ҳафта олдин расмийлаштирилади.

10. Амалиётни ташкил этиш билан боғлиқ жараёнларга касбий таълим ташкилоти директори масъул ва шахсий жавобгар ҳисобланади.

11. Касбий таълим ташкилоти директорининг амалиётни ташкил этиш бўйича буйруғи амалиёт бошланишидан камида икки ҳафта олдин қабул қилинади.

Ушбу буйруқда ўқувчиларнинг рўйхати ва амалиёт ўтказиладиган корхона (ташкилот) ҳамда касбий таълим ташкилоти томонидан бириктирилган амалиёт раҳбарлари белгиланади.

12. Касбий таълим ташкилоти амалиёт ўтказиладиган корхона (ташкилот) билан биргаликда меҳнатни муҳофаза қилиш ва техника хавфсизлиги қоидаларига риоя қилиш бўйича комплекс чора-тадбирларни амалга оширади.

13. Амалиётнинг дастлабки кунида касбий таълим ташкилотидан амалиёт раҳбари ва корхонадан (ташкилотдан) бириктирилган устоз томонидан ўқувчиларга:

корхонанинг (ташкилотнинг) меҳнатни муҳофаза қилиш, ёнғин хавфсизлиги ҳамда ички меҳнат тартиб қоидалари;

амалиёт даврида бажариладиган ишлар, уларни амалиёт кундалигида қайд этиб бориш тартиби, корхона (ташкилот)нинг фаолият йўналишлари тушунтирилади.

14. Касбнинг (мутахассисликнинг) мураккаблик даражасидан келиб чиқиб, амалиёт ўташнинг ҳафталик юкламаси 36 — 40 академик соатни ташкил этади.

15. Узрсиз сабабларга кўра амалиёт ўтамаган ёки амалиёт даврида қониқарсиз баҳо олган ўқувчилар якуний давлат аттестациясига қўйилмайди.

16. Касбий таълим ташкилотининг сиртқи таълим шаклида таълим олаётган ўқувчи ўз касби (мутахассислиги) бўйича меҳнат фаолияти билан шуғулланган тақдирда, амалиётдан озод қилинади. Бунда ўқувчи касбий таълим ташкилотига иш жойидан маълумотнома ва касбий фаолиятини акс эттирувчи тавсифнома тақдим этади.

Иш жойига эга бўлмаган сиртқи таълим шаклида таълим олаётган ўқувчи амалиёт ўтайди.

17. Ўқувчиларнинг амалиёт дастурлари бажарилишига корхонадан (ташкилотдан) устоз, касбий таълим ташкилотидан амалиёт раҳбари масъул ҳисобланади.

18. Ногиронлиги бўлган ўқувчиларнинг амалиётлари мос меҳнат шароитларига эга корхоналарда (ташкилотларда) ташкил этилади.

19. Ўқув режасидаги фанлар бўйича қарздорликка эга бўлган ўқувчилар қарздорликни ўқув йили якунига қадар бартараф этиш шарти билан амалиётга жалб этилади.

20. Қуйидаги ҳолларда ўқувчилар амалиётдан четлаштирилади:

узрсиз сабабларга кўра 24 академик соатдан ортиқ амалиёт жараёнларида иштирок этмаганда;

амалиёт ўтайдиган корхонанинг (ташкилотнинг) ички тартиб қоидаларини бузган ҳолларда;

ўқувчига саломатлигини тиклаш бўйича доимий тиббий назоратда турган тиббиёт муассасаси комиссиясининг хулосаси мавжуд бўлмаганда.

21. Амалиётдан четлаштирилган ёки амалиётни ўташ жараёнида бажарган ишларининг натижалари қониқарсиз деб топилган ва фанлар бўйича қарздорлиги мавжуд бўлмаган ўқувчиларга янги ўқув йили бошлангунга қадар қайтадан амалиётни ўташ имконияти берилади.

Бунда касбий таълим ташкилоти директорининг ўқувчини қайта амалиётга юбориш ҳақида буйруғи қабул қилинади ҳамда унга амалиёт раҳбари сифатида директор ўринбосари бириктирилади.

22. Ўқувчилар амалиёт ўтаётган корхонада (ташкилотда) бўш иш ўринлари мавжуд бўлса, корхона (ташкилот) ва ўқувчи ўртасида қўшимча шартнома тузилиши ва ўқувчига иш ҳақи тўланиши мумкин.

3-боб. Корхона (ташкилот), касбий таълим ташкилоти ва ўқувчиларнинг вазифалари, ҳуқуқлари ҳамда мажбуриятлари

23. Корхона (ташкилот) амалиётни ўтказиш даврида:

касбий таълим ташкилоти билан ҳамкорликда амалиётни ўтказиш бўйича чора-тадбирлар режасини белгилайди;

касбий таълим ташкилоти билан биргаликда ўқувчилар амалиётини ўтказиш бўйича тегишли шартномаларни расмийлаштиради;

корхонага (ташкилотга) амалиёт ўташ учун қабул қилинаётган ўқувчилар таркибини касбий таълим ташкилоти билан келишади;

ўқувчиларга амалиёт жараёнларида корхонанинг (ташкилотнинг) малакали ва тажрибали мутахассислар орасидан амалиётчи билан ишлаш кўникмасига эга бўлган устоз бириктиради;

ўқувчиларни амалиёт даврида корхонада (ташкилотда) фаолият юритиши учун корхона (ташкилот) раҳбарининг буйруғини расмийлаштиради;

ўқувчиларга меҳнат муҳофазаси ва техника хавфсизлиги бўйича зарур кўрсатма ва тушунчалар беради;

ички имкониятлардан келиб чиққан ҳолда, ўқувчиларнинг корхонага (ташкилотга) бориш-келиш, овқатланиш харажатларини қоплайди;

ўқувчиларнинг амалиётини ўтказиш режаларида назарда тутилган экскурсияларни ташкил этади;

ўқувчининг амалий кўникмаларини баҳолаш жараёнида қатнашади.

24. Корхона (ташкилот) амалиётни ташкил этишда қуйидаги ҳуқуқларга эга:

ўқувчиларнинг амалиётни ўташ вақтида корхонанинг (ташкилотнинг) ички меҳнат тартиб қоидаларига амал қилиши юзасидан огоҳлантириш;

корхонанинг (ташкилотнинг) ички меҳнат интизомини бузган ўқувчилар ҳақида амалиёт раҳбарини хабардор қилиш;

амалиёт жараёнларини сифатли ташкил этиш бўйича касбий таълим ташкилотларига таклифлар бериш;

бир нечта касбий таълим ташкилотлари билан ҳамкорлик қилиш.

Корхона (ташкилот) қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

25. Корхона (ташкилот) ўқувчиларнинг амалиёти даврида қуйидаги мажбуриятларни олади:

ўқувчиларни ишлаб чиқариш бинолари, тренинг кабинетлари, зарур материаллар, асбоб-ускуналар, техник ҳужжатлар билан ўз вақтида таъминлаш;

ўқувчиларни корхонанинг (ташкилотнинг) ички тартиб-қоидалари, тиббий (санитария), ёнғин хавфсизлиги қоидалари ҳамда бошқа талаблар билан таништириш;

ўқувчиларни амалиёт даврида хавфсиз меҳнат шароитларини яратиш ва тегишли махсус кийим-кечак (махсус кийим) ҳамда ишлаб чиқариш воситалари ва хомашё билан таъминлаш;

ўқувчилар кундалиги юритилишини назорат қилиш;

касбий таълим ташкилоти билан биргаликда амалиёт жараёнлари якуни бўйича ҳисоботларни тайёрлаш;

ўқувчилар амалиётни ўташ даврида амалиёт ўташ жойида бахтсиз ҳодисага учраган ҳолатлар бўйича жавобгарлик масалаларини қонунчилик ҳужжатларига мувофиқ ҳал қилиш чораларини кўриш.

Корхонага (ташкилотга) қонунчилик ҳужжатларига мувофиқ бошқа мажбуриятлар ҳам юкланиши мумкин.

26. Касбий таълим ташкилоти амалиётни ўтказиш даврида:

корхона (ташкилот) билан биргаликда ўқувчиларни уч ҳафта олдин амалиётни ўтказиш бўйича тегишли шартномаларни расмийлаштиради;

корхона (ташкилот) билан амалиёт жараёнида иштирок этадиган ўқувчиларнинг рўйхатини тасдиқлайди;

ўқувчиларни амалиёт ўташ учун корхонага (ташкилотга) юбориш ва уларга амалиёт раҳбарини бириктириш бўйича буйруқ қабул қилади;

ўқувчилар амалиётга юборилишидан олдин уларга меҳнат муҳофазаси ва техника хавфсизлиги қоидалари тўғрисида тушунтириш беради;

амалиёт раҳбарлари томонидан амалиёт жараёнларининг ташкил этилганлик ҳолати юзасидан тизимли назорат ўрнатади.

27. Касбий таълим ташкилоти амалиётни ўтказиш бўйича куйидаги ҳуқуқларга эга:

амалиёт жараёнларини сифатли ташкил этиш юзасидан корхонага (ташкилотга) таклифлар бериш;

амалиёт жараёнини ўтказиш учун тузилган шартномаларга томонлар билан келишган ҳолда ўзгартиришлар киритиш;

Ўзбекистон Республикаси ҳудудида ўз номидан юридик шахслар билан ваколати доирасида ўқувчилар амалиётини ўтказиш бўйича шартномалар ва бошқа ҳужжатлар тузиш.

Касбий таълим ташкилоти қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

28. Касбий таълим ташкилоти амалиёт даври учун қуйидаги мажбуриятларни олади:

ўқувчиларнинг ишлаб чиқариш асбоб-ускуналари, жиҳозлари, мосламалари ва бошқа меҳнат анжомларига эҳтиёткорлик билан муносабатда бўлишини тушунтириш;

хом ашё материаллари ва электр энергиясининг тежамли сарфланишини таъминлаш;

корхонанинг (ташкилотнинг) маъмурий ва ишлаб чиқариш ходими кўрсатмалари ва фармойишларини бажариш;

ўқувчилар ва амалиёт раҳбарлари фаолиятини ҳамда ўқувчилар кундалиги юритилишини тизимли назорат қилиш.

Касбий таълим ташкилотига қонунчилик ҳужжатларига мувофиқ бошқа мажбуриятлар ҳам юкланиши мумкин.

29. Ўқувчилар амалиётни ўташ даврида:

амалиёт жараёнини бошлашдан олдин корхонанинг (ташкилотнинг) меҳнатни муҳофаза қилиш ва техника хавфсизлиги қоидалари йўриқномаси билан танишади;

корхонанинг (ташкилотнинг) ички тартиб қоидаларига бўйсунади;

корхонанинг (ташкилотнинг) уставига мувофиқ иш жараёнларида белгиланган тартибда қатнашади.

30. Ўқувчилар амалиётни ўташ бўйича қуйидаги ҳуқуқларга эга:

амалиётда қатнашиш;

амалиётни ўташ жойи, режа-жадвали, дастури ва тартиби билан олдиндан танишиш;

корхонадаги (ташкилотдаги) меҳнат ва жамоат ишларида қатнашиш;

корхона (ташкилот) ва касбий таълим ташкилотига амалиётни ўтказиш бўйича ўз фикр-мулоҳазалари ҳамда тегишли таклифларини билдириш;

ўқувчилар амалиёт ўташ учун ўз касби (мутахассислиги) бўйича бошқа ихтиёрий корхонани (ташкилотни) танлаш ҳуқуқига эга бўлиб, ушбу Низомда белгиланган амалиётни ташкил этиш билан боғлиқ барча жараёнларни бажариш.

Ўқувчилар қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

31. Ўқувчилар амалиётни ўташ даврида қуйидаги мажбуриятларни ўз зиммасига олади:

амалиёт дастурида назарда тутилган барча топшириқларни белгиланган муддатларда, тўлиқ ҳажмда ва сифатли бажариш;

амалиёт кундалигини ҳар куни юритиш;

амалиёт раҳбари ва устоз томонидан берилган топшириқларни бажариш;

корхонанинг (ташкилотнинг) ички меҳнат тартиб қоидаларига риоя қилиш;

касаллиги туфайли амалиётга қатнаша олмаган тақдирда, тиббий муассасадан уч иш куни ичида маълумотнома тақдим этиш;

амалиёт якуни бўйича ҳисобот топшириш.

4-боб. Амалиётни якунлаш

32. Корхонада (ташкилотда) амалиётни ўташда ўқувчилар томонидан амалиёт кундалиги юритилади.

Кундалик касбий таълим ташкилоти томонидан тасдиқланган ҳолда берилади ва ўқувчи амалиёт ўташ даврида кундаликка амалиёт дастури асосида кунлик бажарган ишлари ва мустақил иш топшириғи бажарилиши тўғрисида қисқача маълумотларни ёзиб боради.

33. Ўқувчилар амалиёт якунида амалиёт кундалигини корхонадан (ташкилотдан) бириктирилган устозга имзолатиб, уч иш кунида амалиёт раҳбарига топширади.

34. Амалиёт якунида амалиётни тўлиқ ўтаган ўқувчиларга корхона (ташкилот) томонидан амалиёт ўтаганлиги тўғрисида тавсифнома берилади.

35. Ўқувчилар томонидан амалиётни ўташ жараёнида бажарилган ишларнинг натижалари ва уларнинг эгаллаган амалий кўникмалари касбий таълим ташкилотининг ишлаб чиқариш таълими бўйича директор ўринбосари ҳамда иш берувчиларнинг вакиллари раҳбарлигида 3-5 нафар аъзолардан иборат (ҳар бир гуруҳ учун) алоҳида ишчи гуруҳ томонидан баҳоланади.

36. Ўқувчиларнинг амалиёт кундаликлари ва ҳисоботлари амалиёт раҳбари томонидан касбий таълим ташкилотининг архивига топширилади. Амалиёт кундаликлари ва ҳисоботлар уч йил муддатгача касбий таълим ташкилотининг архивида сақланади.

5-боб. Якунловчи қоида

37. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Касбий таълим ташкилотлари ўқувчиларининг ишлаб чиқариш амалиётини ўтказиш тартиби тўғрисидаги низомга ИЛОВА

Касбий таълим ташкилотлари ўқувчиларининг ишлаб чиқариш амалиётини ташкил этиш

Босқичлар Субъектлар Тадбирлар Муддатлар 1-босқич Олий таълим, фан ва инновациялар вазирлиги «Ягона миллий меҳнат тизими» идоралараро дастурий-аппарат комплексига киритилган корхоналар (ташкилотлар) билан касбий таълим ташкилотлари ўқувчилари ўртасида ишлаб чиқариш амалиётини ўташ юзасидан шартномалар тузиш мақсадида ҳамкорликни йўлга қўяди. Ҳар йили 1 октябрга қадар 2-босқич Касбий таълим ташкилоти 1. Амалиётни ташкил этиш бўйича корхона (ташкилот) билан шартнома тузади. Амалиёт бошланишидан камида уч ҳафта олдин 2. Амалиётни ўтказиш ва амалиёт раҳбарини бириктириш бўйича буйруқ қабул қилади. Амалиёт бошланишидан камида икки ҳафта олдин 3. Ўқувчиларни амалиёт кундалиги билан таъминлайди ва амалиёт жараёнларини мониторинг қилади. Белгиланган муддатларда 3-босқич Корхона (ташкилот) 1. Малакали мутахассисларни ўқувчиларга «устоз» сифатида бириктиради. Амалиёт бошланишидан икки ҳафта олдин 2. Ўқувчиларни корхонанинг (ташкилотнинг) меҳнатни муҳофаза қилиш ва ички меҳнат тартиби билан таништиради ҳамда зарур асбоб-ускуналар ва махсус кийим-кечак билан таъминлайди. Амалиётнинг дастлабки кунида 4-босқич Ўқувчи 1. Корхонада (ташкилотда) амалиёт ўтайди ҳамда амалиёт кундалигини тўлдириб боради. Белгиланган муддатларда 2. Амалиёт якуни бўйича ҳисобот ва амалиёт кундалигини амалиёт раҳбарига топширади. Амалиёт якунидан сўнг уч иш кунида 5-босқич Корхона (ташкилот) Ўқувчи амалиёт жараёнларида тўлиқ қатнашган тақдирда, тавсифнома беради. Амалиёт якунида 6-босқич Касбий таълим ташкилоти, корхона (ташкилот) Ўқувчилар томонидан амалиётни ўташ даврида бажарилган ишларнинг натижалари ва уларнинг эгаллаган амалий кўникмаларини баҳолайди. Амалиёт якунида

Вазирлар Маҳкамасининг 2024 йил 28 декабрдаги 900-сон қарорига 2-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Касб-ҳунар коллежлари ўқувчиларининг ишлаб чиқариш амалиётларини ташкил этиш ва ўтказишни такомиллаштириш тўғрисида» 2009 йил 11 февралдаги 40-сон қарори .

2. Вазирлар Маҳкамасининг «Ўзбекистон Республикаси Адлия вазирлиги юридик техникумлари фаолиятини такомиллаштиришга доир қўшимча чора-тадбирлар тўғрисида» 2020 йил 30 октябрдаги 677-сон қарорига 3-илованинг 2-банди .

3. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Ёшларнинг тадбиркорлик фаолиятини қўллаб-қувватлаш ва бандлигига кўмаклашиш, уларни ижтимоий ҳимоя қилиш ҳамда бўш вақтини мазмунли ташкил этишга оид қўшимча чора-тадбирлар тўғрисида» 2021 йил 20 апрелдаги ПФ-6208-сон Фармони)» 2021 йил 23 июлдаги 450-сон қарорига илованинг 1-банди .

4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикасининг «Норматив-ҳуқуқий ҳужжатлар тўғрисида» 2021 йил 20 апрелдаги ЎРҚ-682-сон Қонуни)» 2022 йил 4 апрелдаги 153-сон қарорига илованинг 209-банди .

Ўзбекистон Республикасининг Бош вазири А. АРИПОВ

Тошкент ш.,

2024 йил 28 декабрь,

900-сон

(Қонунчилик маълумотлари миллий базаси, 03.01.2025 й., 09/25/900/0006-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

SXEMASI

ROʻYXATI

Kasbiy taʼlim tashkilotlari oʻquvchilarining ishlab chiqarish amaliyotini tashkil etish tizimini yanada takomillashtirish chora-tadbirlari toʻgʻrisida

Oʻzbekiston Respublikasi Prezidentining “Kasbiy taʼlimda malakali kadrlar tayyorlash tizimini yanada takomillashtirish va xalqaro taʼlim dasturlarini joriy qilish chora-tadbirlari toʻgʻrisida” 2024-yil 16-oktabrdagi PF-158-son Farmoni ijrosini taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Oliy taʼlim, fan va innovatsiyalar vazirligi, Kambagʻallikni qisqartirish va bandlik vazirligi hamda Savdo-sanoat palatasining 2025-yil 1-yanvardan boshlab kasbiy taʼlim tashkilotlarida oʻquvchilarning nazariy bilimlarini amaliyotda mustahkamlash, xorijiy davlatlarning ilgʻor tajribalari asosida ishlab chiqarish amaliyotining quyidagilarni nazarda tutuvchi yangi tartibini joriy etish toʻgʻrisidagi taklifiga rozilik berilsin:

oʻquvchilar uchun ishlab chiqarish amaliyoti va diplom oldi amaliyoti oʻrniga yagona ishlab chiqarish amaliyoti tizimini joriy etish;

ishlab chiqarish amaliyotini oʻtaydigan oʻquvchilarga tegishli tashkilotlardagi malakali mutaxassislarni “ustoz” sifatida biriktirish;

oʻquvchilarning amaliyot jarayonida egallangan amaliy koʻnikmalarini ish beruvchilar bilan birgalikda baholash tizimini yoʻlga qoʻyish.

2. Quyidagilarni nazarda tutuvchi Kasbiy taʼlim tashkilotlari oʻquvchilarining ishlab chiqarish amaliyotini tashkil etish tartibi toʻgʻrisidagi nizom 1-ilovaga muvofiq tasdiqlansin:

amaliyot dasturlarini tegishli tarmoq va soha korxonalari (tashkilotlari) bilan kelishilgan holda ishlab chiqish hamda tasdiqlash;

amaliyotni tegishli tarmoq va soha korxonalarida (tashkilotlarida) tashkil etish;

kasbiy taʼlim tashkilotlari va ish beruvchilarning amaliyotlarni tashkil etish boʻyicha vazifalarini belgilash.

3. Oʻzbekiston Respublikasi Oliy taʼlim, fan va innovatsiyalar vazirligi:

2025-yil 1-yanvardan boshlab kasbiy taʼlim tashkilotlarida oʻquvchilarning ishlab chiqarish amaliyotlarini tegishli tarmoq va soha korxonalarida (tashkilotlarida) tashkil etsin;

Kambagʻallikni qisqartirish va bandlik vazirligi bilan birgalikda ishlab chiqarish amaliyotini tashkil etish jarayonida oʻquvchilarga korxonalardan (tashkilotlardan) tajribali mutaxassislar “ustoz” sifatida biriktirilishini taʼminlasin;

korxonalardan (tashkilotlardan) biriktirilgan “ustoz”lar uchun ishlab chiqarish amaliyotini tashkil etish boʻyicha Oliy taʼlim, fan va innovatsiyalar vazirligi huzuridagi Professional taʼlimni rivojlantirish institutida “Germaniya tajribasi” asosida masofaviy (onlayn) oʻquv kurslarini tashkil etsin;

har yili 1-oktabrga qadar “Yagona milliy mehnat tizimi” idoralararo dasturiy-apparat kompleksiga kiritilgan korxona (tashkilot)lar bilan kasbiy taʼlim tashkilotlari oʻquvchilari oʻrtasida ishlab chiqarish amaliyotini oʻtash yuzasidan shartnomalar tuzish maqsadida hamkorlikni yoʻlga qoʻysin.

4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hududdagi korxonalarning (tashkilotlarning) mavjud imkoniyatlari va takliflari asosida doimiy ravishda oʻquvchilarning ishlab chiqarish amaliyotini oʻtkazish yuzasidan shartnomalar tuzishda kasbiy taʼlim tashkilotlariga koʻmaklashsin.

5. Oʻzbekiston Respublikasi Hukumatining 2-ilovaga muvofiq ayrim qarorlari oʻz kuchini yoʻqotgan deb hisoblansin.

6. Oʻzbekiston Respublikasi Oliy taʼlim, fan va innovatsiyalar vazirligi manfaatdor vazirliklar va idoralar bilan birgalikda oʻzlari qabul qilgan normativ-huquqiy hujjatlarni bir oy muddatda ushbu qarorga muvofiqlashtirsin.

7. Mazkur qarorning bajarilishini nazorat qilish Oʻzbekiston Respublikasi oliy taʼlim, fan va innovatsiyalar vaziri K.A. Sharipov zimmasiga yuklansin.

Vazirlar Mahkamasining 2024-yil 28-dekabrdagi 900-son qaroriga 1-ILOVA

Kasbiy taʼlim tashkilotlari oʻquvchilarining ishlab chiqarish amaliyotini tashkil etish tartibi toʻgʻrisida

1-bob. Umumiy qoidalar

1. Ushbu Nizom kasbiy taʼlim tashkilotlari oʻquvchilarining (keyingi oʻrinlarda — oʻquvchilar) korxonada (tashkilotda) ishlab chiqarish amaliyotini (keyingi oʻrinlarda — amaliyot) oʻtkazish tartibini belgilaydi.

2. Ushbu Nizomda quyidagi asosiy tushunchalar qoʻllaniladi:

amaliyot — nazariy taʼlim berish jarayonida oʻquvchilar tomonidan oʻzlashtirilgan bilimlarni mustahkamlash, egallanadigan kasbga (mutaxassislikka) tegishli boʻlgan kasbiy bilim va koʻnikma ega boʻlishi uchun oʻquv jarayonining amaliy qismini korxonalarda (tashkilotlarda) oʻtkazish jarayoni;

amaliyot rahbari — oʻquvchilarning amaliyotini tashkil etish, ularni korxonalarga (tashkilotlarga) amaliyot uchun joylashishi, amaliyot dasturiga rioya etilishi, amaliyot hisobotlari tayyorlanishi va yuritilishi, korxonadan (tashkilotdan) oʻquvchilar uchun masʼul xodim biriktirilishi kabi masalalarni muvofiqlashtiruvchi kasbiy taʼlim tashkiloti xodimi;

korxona (tashkilot) — kasbiy taʼlim tashkiloti bilan oʻquvchilar amaliyotini tashkil etish boʻyicha shartnoma tuzgan yuridik shaxs;

ustoz — amaliyot davrida taʼlim jarayonini ishlab chiqarish bilan bogʻliq amaliy qismini oʻtkazish uchun korxona (tashkilot) tomonidan biriktirilgan korxonaning (tashkilotning) malakali mutaxassisi;

shartnoma — kasbiy taʼlim tashkiloti va korxona (tashkilot) oʻrtasida oʻquvchilarning amaliyotini tashkil etish uchun tuzilgan hujjat.

3. Nazariy taʼlim berish jarayonida oʻquvchilar tomonidan olingan bilimlarni mustahkamlash, egallanadigan kasb (mutaxassislik) boʻyicha zarur koʻnikmalarga va amaliy ish tajribasiga ega boʻlish amaliyotning maqsadi hisoblanadi.

4. Kasbiy taʼlim tashkilotlari tomonidan amaliyot dasturlari tegishli korxonalar (tashkilotlar) bilan kelishilgan holda ishlab chiqiladi hamda tasdiqlanadi.

5. Amaliyot kasbiy taʼlim tashkiloti va oʻquvchilar taʼlim olayotgan kasbga (mutaxassislikka) mos korxonalar (tashkilotlar) oʻrtasida tuziladigan shartnoma asosida tashkil etiladi.

6. Oʻzbekiston Respublikasi Oliy taʼlim, fan va innovatsiyalar vazirligi belgilangan tartibda shartnoma shakli hamda oʻquvchilarning amaliyot kundaligi namunasini tasdiqlaydi.

7. Kasbiy taʼlim tashkilotlarining ishlab chiqarish amaliyoti ushbu Nizomga ilovaga muvofiq sxema asosida tashkil etiladi.

2-bob. Amaliyotni tashkil etish va oʻtkazish

8. Oʻzbekiston Respublikasi Oliy taʼlim, fan va innovatsiyalar vazirligi har yili 1-oktabrga qadar “Yagona milliy mehnat tizimi” idoralararo dasturiy-apparat kompleksiga kiritilgan korxonalar (tashkilotlar) bilan kasbiy taʼlim tashkilotlari oʻquvchilari oʻrtasida ishlab chiqarish amaliyotini oʻtash yuzasidan shartnomalar tuzish maqsadida hamkorlikni yoʻlga qoʻyadi.

9. Kasbiy taʼlim tashkiloti va korxona (tashkilot) oʻrtasida amaliyotni oʻtkazish boʻyicha shartnoma amaliyot boshlanishidan kamida uch hafta oldin rasmiylashtiriladi.

10. Amaliyotni tashkil etish bilan bogʻliq jarayonlarga kasbiy taʼlim tashkiloti direktori masʼul va shaxsiy javobgar hisoblanadi.

11. Kasbiy taʼlim tashkiloti direktorining amaliyotni tashkil etish boʻyicha buyrugʻi amaliyot boshlanishidan kamida ikki hafta oldin qabul qilinadi.

Ushbu buyruqda oʻquvchilarning roʻyxati va amaliyot oʻtkaziladigan korxona (tashkilot) hamda kasbiy taʼlim tashkiloti tomonidan biriktirilgan amaliyot rahbarlari belgilanadi.

12. Kasbiy taʼlim tashkiloti amaliyot oʻtkaziladigan korxona (tashkilot) bilan birgalikda mehnatni muhofaza qilish va texnika xavfsizligi qoidalariga rioya qilish boʻyicha kompleks chora-tadbirlarni amalga oshiradi.

13. Amaliyotning dastlabki kunida kasbiy taʼlim tashkilotidan amaliyot rahbari va korxonadan (tashkilotdan) biriktirilgan ustoz tomonidan oʻquvchilarga:

korxonaning (tashkilotning) mehnatni muhofaza qilish, yongʻin xavfsizligi hamda ichki mehnat tartib qoidalari;

amaliyot davrida bajariladigan ishlar, ularni amaliyot kundaligida qayd etib borish tartibi, korxona (tashkilot)ning faoliyat yoʻnalishlari tushuntiriladi.

14. Kasbning (mutaxassislikning) murakkablik darajasidan kelib chiqib, amaliyot oʻtashning haftalik yuklamasi 36 — 40 akademik soatni tashkil etadi.

15. Uzrsiz sabablarga koʻra amaliyot oʻtamagan yoki amaliyot davrida qoniqarsiz baho olgan oʻquvchilar yakuniy davlat attestatsiyasiga qoʻyilmaydi.

16. Kasbiy taʼlim tashkilotining sirtqi taʼlim shaklida taʼlim olayotgan oʻquvchi oʻz kasbi (mutaxassisligi) boʻyicha mehnat faoliyati bilan shugʻullangan taqdirda, amaliyotdan ozod qilinadi. Bunda oʻquvchi kasbiy taʼlim tashkilotiga ish joyidan maʼlumotnoma va kasbiy faoliyatini aks ettiruvchi tavsifnoma taqdim etadi.

Ish joyiga ega boʻlmagan sirtqi taʼlim shaklida taʼlim olayotgan oʻquvchi amaliyot oʻtaydi.

17. Oʻquvchilarning amaliyot dasturlari bajarilishiga korxonadan (tashkilotdan) ustoz, kasbiy taʼlim tashkilotidan amaliyot rahbari masʼul hisoblanadi.

18. Nogironligi boʻlgan oʻquvchilarning amaliyotlari mos mehnat sharoitlariga ega korxonalarda (tashkilotlarda) tashkil etiladi.

19. Oʻquv rejasidagi fanlar boʻyicha qarzdorlikka ega boʻlgan oʻquvchilar qarzdorlikni oʻquv yili yakuniga qadar bartaraf etish sharti bilan amaliyotga jalb etiladi.

20. Quyidagi hollarda oʻquvchilar amaliyotdan chetlashtiriladi:

uzrsiz sabablarga koʻra 24 akademik soatdan ortiq amaliyot jarayonlarida ishtirok etmaganda;

amaliyot oʻtaydigan korxonaning (tashkilotning) ichki tartib qoidalarini buzgan hollarda;

oʻquvchiga salomatligini tiklash boʻyicha doimiy tibbiy nazoratda turgan tibbiyot muassasasi komissiyasining xulosasi mavjud boʻlmaganda.

21. Amaliyotdan chetlashtirilgan yoki amaliyotni oʻtash jarayonida bajargan ishlarining natijalari qoniqarsiz deb topilgan va fanlar boʻyicha qarzdorligi mavjud boʻlmagan oʻquvchilarga yangi oʻquv yili boshlangunga qadar qaytadan amaliyotni oʻtash imkoniyati beriladi.

Bunda kasbiy taʼlim tashkiloti direktorining oʻquvchini qayta amaliyotga yuborish haqida buyrugʻi qabul qilinadi hamda unga amaliyot rahbari sifatida direktor oʻrinbosari biriktiriladi.

22. Oʻquvchilar amaliyot oʻtayotgan korxonada (tashkilotda) boʻsh ish oʻrinlari mavjud boʻlsa, korxona (tashkilot) va oʻquvchi oʻrtasida qoʻshimcha shartnoma tuzilishi va oʻquvchiga ish haqi toʻlanishi mumkin.

3-bob. Korxona (tashkilot), kasbiy taʼlim tashkiloti va oʻquvchilarning vazifalari, huquqlari hamda majburiyatlari

23. Korxona (tashkilot) amaliyotni oʻtkazish davrida:

kasbiy taʼlim tashkiloti bilan hamkorlikda amaliyotni oʻtkazish boʻyicha chora-tadbirlar rejasini belgilaydi;

kasbiy taʼlim tashkiloti bilan birgalikda oʻquvchilar amaliyotini oʻtkazish boʻyicha tegishli shartnomalarni rasmiylashtiradi;

korxonaga (tashkilotga) amaliyot oʻtash uchun qabul qilinayotgan oʻquvchilar tarkibini kasbiy taʼlim tashkiloti bilan kelishadi;

oʻquvchilarga amaliyot jarayonlarida korxonaning (tashkilotning) malakali va tajribali mutaxassislar orasidan amaliyotchi bilan ishlash koʻnikmasiga ega boʻlgan ustoz biriktiradi;

oʻquvchilarni amaliyot davrida korxonada (tashkilotda) faoliyat yuritishi uchun korxona (tashkilot) rahbarining buyrugʻini rasmiylashtiradi;

oʻquvchilarga mehnat muhofazasi va texnika xavfsizligi boʻyicha zarur koʻrsatma va tushunchalar beradi;

ichki imkoniyatlardan kelib chiqqan holda, oʻquvchilarning korxonaga (tashkilotga) borish-kelish, ovqatlanish xarajatlarini qoplaydi;

oʻquvchilarning amaliyotini oʻtkazish rejalarida nazarda tutilgan ekskursiyalarni tashkil etadi;

oʻquvchining amaliy koʻnikmalarini baholash jarayonida qatnashadi.

24. Korxona (tashkilot) amaliyotni tashkil etishda quyidagi huquqlarga ega:

oʻquvchilarning amaliyotni oʻtash vaqtida korxonaning (tashkilotning) ichki mehnat tartib qoidalariga amal qilishi yuzasidan ogohlantirish;

korxonaning (tashkilotning) ichki mehnat intizomini buzgan oʻquvchilar haqida amaliyot rahbarini xabardor qilish;

amaliyot jarayonlarini sifatli tashkil etish boʻyicha kasbiy taʼlim tashkilotlariga takliflar berish;

bir nechta kasbiy taʼlim tashkilotlari bilan hamkorlik qilish.

Korxona (tashkilot) qonunchilik hujjatlariga muvofiq boshqa huquqlarga ham ega boʻlishi mumkin.

25. Korxona (tashkilot) oʻquvchilarning amaliyoti davrida quyidagi majburiyatlarni oladi:

oʻquvchilarni ishlab chiqarish binolari, trening kabinetlari, zarur materiallar, asbob-uskunalar, texnik hujjatlar bilan oʻz vaqtida taʼminlash;

oʻquvchilarni korxonaning (tashkilotning) ichki tartib-qoidalari, tibbiy (sanitariya), yongʻin xavfsizligi qoidalari hamda boshqa talablar bilan tanishtirish;

oʻquvchilarni amaliyot davrida xavfsiz mehnat sharoitlarini yaratish va tegishli maxsus kiyim-kechak (maxsus kiyim) hamda ishlab chiqarish vositalari va xomashyo bilan taʼminlash;

oʻquvchilar kundaligi yuritilishini nazorat qilish;

kasbiy taʼlim tashkiloti bilan birgalikda amaliyot jarayonlari yakuni boʻyicha hisobotlarni tayyorlash;

oʻquvchilar amaliyotni oʻtash davrida amaliyot oʻtash joyida baxtsiz hodisaga uchragan holatlar boʻyicha javobgarlik masalalarini qonunchilik hujjatlariga muvofiq hal qilish choralarini koʻrish.

Korxonaga (tashkilotga) qonunchilik hujjatlariga muvofiq boshqa majburiyatlar ham yuklanishi mumkin.

26. Kasbiy taʼlim tashkiloti amaliyotni oʻtkazish davrida:

korxona (tashkilot) bilan birgalikda oʻquvchilarni uch hafta oldin amaliyotni oʻtkazish boʻyicha tegishli shartnomalarni rasmiylashtiradi;

korxona (tashkilot) bilan amaliyot jarayonida ishtirok etadigan oʻquvchilarning roʻyxatini tasdiqlaydi;

oʻquvchilarni amaliyot oʻtash uchun korxonaga (tashkilotga) yuborish va ularga amaliyot rahbarini biriktirish boʻyicha buyruq qabul qiladi;

oʻquvchilar amaliyotga yuborilishidan oldin ularga mehnat muhofazasi va texnika xavfsizligi qoidalari toʻgʻrisida tushuntirish beradi;

amaliyot rahbarlari tomonidan amaliyot jarayonlarining tashkil etilganlik holati yuzasidan tizimli nazorat oʻrnatadi.

27. Kasbiy taʼlim tashkiloti amaliyotni oʻtkazish boʻyicha kuyidagi huquqlarga ega:

amaliyot jarayonlarini sifatli tashkil etish yuzasidan korxonaga (tashkilotga) takliflar berish;

amaliyot jarayonini oʻtkazish uchun tuzilgan shartnomalarga tomonlar bilan kelishgan holda oʻzgartirishlar kiritish;

Oʻzbekiston Respublikasi hududida oʻz nomidan yuridik shaxslar bilan vakolati doirasida oʻquvchilar amaliyotini oʻtkazish boʻyicha shartnomalar va boshqa hujjatlar tuzish.

Kasbiy taʼlim tashkiloti qonunchilik hujjatlariga muvofiq boshqa huquqlarga ham ega boʻlishi mumkin.

28. Kasbiy taʼlim tashkiloti amaliyot davri uchun quyidagi majburiyatlarni oladi:

oʻquvchilarning ishlab chiqarish asbob-uskunalari, jihozlari, moslamalari va boshqa mehnat anjomlariga ehtiyotkorlik bilan munosabatda boʻlishini tushuntirish;

xom ashyo materiallari va elektr energiyasining tejamli sarflanishini taʼminlash;

korxonaning (tashkilotning) maʼmuriy va ishlab chiqarish xodimi koʻrsatmalari va farmoyishlarini bajarish;

oʻquvchilar va amaliyot rahbarlari faoliyatini hamda oʻquvchilar kundaligi yuritilishini tizimli nazorat qilish.

Kasbiy taʼlim tashkilotiga qonunchilik hujjatlariga muvofiq boshqa majburiyatlar ham yuklanishi mumkin.

29. Oʻquvchilar amaliyotni oʻtash davrida:

amaliyot jarayonini boshlashdan oldin korxonaning (tashkilotning) mehnatni muhofaza qilish va texnika xavfsizligi qoidalari yoʻriqnomasi bilan tanishadi;

korxonaning (tashkilotning) ichki tartib qoidalariga boʻysunadi;

korxonaning (tashkilotning) ustaviga muvofiq ish jarayonlarida belgilangan tartibda qatnashadi.

30. Oʻquvchilar amaliyotni oʻtash boʻyicha quyidagi huquqlarga ega:

amaliyotda qatnashish;

amaliyotni oʻtash joyi, reja-jadvali, dasturi va tartibi bilan oldindan tanishish;

korxonadagi (tashkilotdagi) mehnat va jamoat ishlarida qatnashish;

korxona (tashkilot) va kasbiy taʼlim tashkilotiga amaliyotni oʻtkazish boʻyicha oʻz fikr-mulohazalari hamda tegishli takliflarini bildirish;

oʻquvchilar amaliyot oʻtash uchun oʻz kasbi (mutaxassisligi) boʻyicha boshqa ixtiyoriy korxonani (tashkilotni) tanlash huquqiga ega boʻlib, ushbu Nizomda belgilangan amaliyotni tashkil etish bilan bogʻliq barcha jarayonlarni bajarish.

Oʻquvchilar qonunchilik hujjatlariga muvofiq boshqa huquqlarga ham ega boʻlishi mumkin.

31. Oʻquvchilar amaliyotni oʻtash davrida quyidagi majburiyatlarni oʻz zimmasiga oladi:

amaliyot dasturida nazarda tutilgan barcha topshiriqlarni belgilangan muddatlarda, toʻliq hajmda va sifatli bajarish;

amaliyot kundaligini har kuni yuritish;

amaliyot rahbari va ustoz tomonidan berilgan topshiriqlarni bajarish;

korxonaning (tashkilotning) ichki mehnat tartib qoidalariga rioya qilish;

kasalligi tufayli amaliyotga qatnasha olmagan taqdirda, tibbiy muassasadan uch ish kuni ichida maʼlumotnoma taqdim etish;

amaliyot yakuni boʻyicha hisobot topshirish.

4-bob. Amaliyotni yakunlash

32. Korxonada (tashkilotda) amaliyotni oʻtashda oʻquvchilar tomonidan amaliyot kundaligi yuritiladi.

Kundalik kasbiy taʼlim tashkiloti tomonidan tasdiqlangan holda beriladi va oʻquvchi amaliyot oʻtash davrida kundalikka amaliyot dasturi asosida kunlik bajargan ishlari va mustaqil ish topshirigʻi bajarilishi toʻgʻrisida qisqacha maʼlumotlarni yozib boradi.

33. Oʻquvchilar amaliyot yakunida amaliyot kundaligini korxonadan (tashkilotdan) biriktirilgan ustozga imzolatib, uch ish kunida amaliyot rahbariga topshiradi.

34. Amaliyot yakunida amaliyotni toʻliq oʻtagan oʻquvchilarga korxona (tashkilot) tomonidan amaliyot oʻtaganligi toʻgʻrisida tavsifnoma beriladi.

35. Oʻquvchilar tomonidan amaliyotni oʻtash jarayonida bajarilgan ishlarning natijalari va ularning egallagan amaliy koʻnikmalari kasbiy taʼlim tashkilotining ishlab chiqarish taʼlimi boʻyicha direktor oʻrinbosari hamda ish beruvchilarning vakillari rahbarligida 3-5 nafar aʼzolardan iborat (har bir guruh uchun) alohida ishchi guruh tomonidan baholanadi.

36. Oʻquvchilarning amaliyot kundaliklari va hisobotlari amaliyot rahbari tomonidan kasbiy taʼlim tashkilotining arxiviga topshiriladi. Amaliyot kundaliklari va hisobotlar uch yil muddatgacha kasbiy taʼlim tashkilotining arxivida saqlanadi.

5-bob. Yakunlovchi qoida

37. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Kasbiy taʼlim tashkilotlari oʻquvchilarining ishlab chiqarish amaliyotini oʻtkazish tartibi toʻgʻrisidagi nizomga ILOVA

Kasbiy taʼlim tashkilotlari oʻquvchilarining ishlab chiqarish amaliyotini tashkil etish

Bosqichlar Subyektlar Tadbirlar Muddatlar 1-bosqich Oliy taʼlim, fan va innovatsiyalar vazirligi “Yagona milliy mehnat tizimi” idoralararo dasturiy-apparat kompleksiga kiritilgan korxonalar (tashkilotlar) bilan kasbiy taʼlim tashkilotlari oʻquvchilari oʻrtasida ishlab chiqarish amaliyotini oʻtash yuzasidan shartnomalar tuzish maqsadida hamkorlikni yoʻlga qoʻyadi. Har yili 1-oktabrga qadar 2-bosqich Kasbiy taʼlim tashkiloti 1. Amaliyotni tashkil etish boʻyicha korxona (tashkilot) bilan shartnoma tuzadi. Amaliyot boshlanishidan kamida uch hafta oldin 2. Amaliyotni oʻtkazish va amaliyot rahbarini biriktirish boʻyicha buyruq qabul qiladi. Amaliyot boshlanishidan kamida ikki hafta oldin 3. Oʻquvchilarni amaliyot kundaligi bilan taʼminlaydi va amaliyot jarayonlarini monitoring qiladi. Belgilangan muddatlarda 3-bosqich Korxona (tashkilot) 1. Malakali mutaxassislarni oʻquvchilarga “ustoz” sifatida biriktiradi. Amaliyot boshlanishidan ikki hafta oldin 2. Oʻquvchilarni korxonaning (tashkilotning) mehnatni muhofaza qilish va ichki mehnat tartibi bilan tanishtiradi hamda zarur asbob-uskunalar va maxsus kiyim-kechak bilan taʼminlaydi. Amaliyotning dastlabki kunida 4-bosqich Oʻquvchi 1. Korxonada (tashkilotda) amaliyot oʻtaydi hamda amaliyot kundaligini toʻldirib boradi. Belgilangan muddatlarda 2. Amaliyot yakuni boʻyicha hisobot va amaliyot kundaligini amaliyot rahbariga topshiradi. Amaliyot yakunidan soʻng uch ish kunida 5-bosqich Korxona (tashkilot) Oʻquvchi amaliyot jarayonlarida toʻliq qatnashgan taqdirda, tavsifnoma beradi. Amaliyot yakunida 6-bosqich Kasbiy taʼlim tashkiloti, korxona (tashkilot) Oʻquvchilar tomonidan amaliyotni oʻtash davrida bajarilgan ishlarning natijalari va ularning egallagan amaliy koʻnikmalarini baholaydi. Amaliyot yakunida

Vazirlar Mahkamasining 2024-yil 28-dekabrdagi 900-son qaroriga 2-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Kasb-hunar kollejlari oʻquvchilarining ishlab chiqarish amaliyotlarini tashkil etish va oʻtkazishni takomillashtirish toʻgʻrisida” 2009-yil 11-fevraldagi 40-son qarori .

2. Vazirlar Mahkamasining “Oʻzbekiston Respublikasi Adliya vazirligi yuridik texnikumlari faoliyatini takomillashtirishga doir qoʻshimcha chora-tadbirlar toʻgʻrisida” 2020-yil 30-oktabrdagi 677-son qaroriga 3-ilovaning 2-bandi .

3. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Yoshlarning tadbirkorlik faoliyatini qoʻllab-quvvatlash va bandligiga koʻmaklashish, ularni ijtimoiy himoya qilish hamda boʻsh vaqtini mazmunli tashkil etishga oid qoʻshimcha chora-tadbirlar toʻgʻrisida” 2021-yil 20-apreldagi PF-6208-son Farmoni)” 2021-yil 23-iyuldagi 450-son qaroriga ilovaning 1-bandi .

4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasining “Normativ-huquqiy hujjatlar toʻgʻrisida” 2021-yil 20-apreldagi OʻRQ-682-son Qonuni)” 2022-yil 4-apreldagi 153-son qaroriga ilovaning 209-bandi .

Oʻzbekiston Respublikasining Bosh vaziri A. ARIPOV

Toshkent sh.,

2024-yil 28-dekabr,

900-son

(Qonunchilik maʼlumotlari milliy bazasi, 03.01.2025-y., 09/25/900/0006-son)

lex.uz