📅 2024-yil 27-dekabr · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2024 йил 27 декабрь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 27 декабря 2024 г. · Постановления Президента
Официальный текст. Официальный документ. Редакционные примечания не включены.
📅 27 December 2024 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
Туркистон жадидлик ҳаракатининг асосчиси, атоқли адиб ва жамоат арбоби, ношир ва педагог Маҳмудхўжа Беҳбудий таваллудининг 150 йиллигини кенг нишонлаш тўғрисида
Ватанимиз тарихида ғоят мураккаб ва синовли давр бўлган XX аср бошида майдонга чиққан Маҳмудхўжа Беҳбудий Туркистон жадидлик ҳаракатининг асосчиси ҳисобланади. У миллий озодлик ҳаракатининг буюк намояндаси сифатида илм-фан, таълим ва тарбия, адабиёт ва санъат, матбуот соҳаларини ривожлантириш, жаҳондаги илғор тараққиёт ютуқларини ўзлаштириш орқали халқимизнинг онгу тафаккурини юксалтириш ҳамда ҳурриятга эришиш йўлида ўз ҳаётини бахш этган фидойи зотдир.
Маҳмудхўжа Беҳбудий чор ҳукумати ва маҳаллий мутаассиб кучларнинг мислсиз қаршилигига қарамасдан, юртимизда биринчилар қаторида илк замонавий мактаблар ташкил қилиш, улар учун зарур дарсликлар яратиш, нашриёт ва театрлар барпо этиш ишларига бош-қош бўлди. Моҳир публицист сифатида ўз даврининг долзарб муаммоларига бағишланган қатор салмоқли асарлар ва икки юздан ортиқ мақолалар яратди. Шу билан бирга, «Самарқанд» газетаси ҳамда «Ойина» журналига асос солди. 1914 йилда «Турон» театрида саҳналаштирилган «Падаркуш» пьесаси орқали ўлкамизда театр санъатининг тамал тошини қўйди. Афсуски, атоқли адиб ва жамоат арбоби бўлган бу мутафаккир зот 44 ёшида ёвуз кучлар қурбони бўлди.
Мустақиллик даврида Маҳмудхўжа Беҳбудий хотирасини абадийлаштириш, ҳаёти ва фаолиятини чуқур тадқиқ қилиш, илмий ва бадиий асарларини кенг оммалаштиришга алоҳида эътибор қаратилмоқда.
Айниқса, кейинги йилларда Тошкент шаҳридаги Адиблар хиёбонида унинг муаззам ҳайкали ўрнатилгани, Самарқанд шаҳрида уй-музейи ташкил қилингани мамлакатимиз ҳаётида катта воқеа сифатида эътироф этилди. Истеъдодли драматурглар учун Маҳмудхўжа Беҳбудий номидаги мукофот таъсис қилингани шу йўлдаги янги амалий қадам бўлди.
Маҳмудхўжа Беҳбудий асарларининг ёш авлодимиз интеллектуал ва маънавий салоҳиятини ошириш, шу асосда уларни Янги Ўзбекистон бунёдкорлари, чинакам ватанпарвар инсонлар этиб тарбиялаш борасидаги ўрни ва аҳамиятини инобатга олиб ҳамда унинг бебаҳо меросини янада кенгроқ ўрганиш ва тарғиб этиш мақсадида:
1. Маданият вазирлиги, Олий таълим, фан ва инновациялар вазирлиги, Мактабгача ва мактаб таълими вазирлиги, Ёзувчилар уюшмаси, Фанлар академияси, Республика Маънавият ва маърифат маркази, Ёшлар ишлари агентлиги ҳамда жамоатчилик вакилларининг 2025 йилда Туркистон жадидлик ҳаракатининг асосчиси, атоқли адиб ва жамоат арбоби, ношир ва педагог Маҳмудхўжа Беҳбудий таваллудининг 150 йиллигини кенг нишонлаш тўғрисидаги таклифлари маъқуллансин.
2. Маҳмудхўжа Беҳбудий таваллудининг 150 йиллигини нишонлаш бўйича ташкилий қўмита (кейинги ўринларда — Ташкилий қўмита) иловага мувофиқ таркибда тузилсин.
3. Ташкилий қўмита (А. Арипов) икки ҳафта муддатда Маҳмудхўжа Беҳбудий таваллудининг 150 йиллигини нишонлаш бўйича амалга ошириладиган чора-тадбирлар дастурини тасдиқласин.
Ушбу дастурда қуйидаги масалаларга алоҳида эътибор қаратилсин:
мутафаккир адибнинг «Танланган асарлар» тўплами, унинг ҳаёти ва фаолиятига бағишланган илмий-оммабоп китобларни нашрга тайёрлаш ва чоп этиш;
Маҳмудхўжа Беҳбудий ҳақида спектакллар саҳналаштириш ҳамда бугунги кунга қадар яратилган «Маҳмудхўжа Беҳбудий» киносериали ва «Халқ юраги» бадиий-публицистик фильмларининг оммавий намойишларини ташкил қилиш;
Бадиий академиянинг Марказий кўргазмалар залида Маҳмудхўжа Беҳбудий ҳаёти ва ижоди, шунингдек, Туркистон жадидлик ҳаракати намояндаларининг фаолиятига оид тасвирий санъат асарлари кўргазмасини уюштириш;
умумий ўрта таълим муассасалари, ижод мактаблари ўқувчилари, «Темурбеклар мактаблари» курсантлари ҳамда олий таълим муассасалари талабалари ўртасида «Маҳмудхўжа Беҳбудий сабоқлари» мавзусида иншолар танловини ўтказиш ва ғолибларни муносиб тақдирлаш;
барча бўғиндаги таълим муассасалари, кутубхоналар, меҳнат жамоалари, маҳаллалар ва ҳарбий қисмларда таниқли олимлар ва адиблар иштирокида Маҳмудхўжа Беҳбудий ҳаёти ва ижодига бағишланган ижодий учрашувлар, адабиёт ва китобхонлик кечаларини ташкил қилиш;
замонавий рақамли ва тарғибот технологиялари асосида Маҳмудхўжа Беҳбудий асарларини ёшлар ўртасида кенг оммалаштириш;
2025 йил октябрь ойида Шароф Рашидов номидаги Самарқанд давлат университетида «Маҳмудхўжа Беҳбудий мероси ва жадидлик ҳаракатини ўрганишнинг долзарб масалалари» мавзусида халқаро илмий-амалий конференция ташкил қилиш;
2025 йил ноябрь ойида Алишер Навоий номидаги Ўзбекистон давлат академик катта театрида Маҳмудхўжа Беҳбудий таваллудининг 150 йиллигига бағишланган тантанали адабий-маърифий хотира кечасини ўтказиш;
Самарқанд шаҳридаги Маҳмудхўжа Беҳбудий уй-музейи ҳудудини ободонлаштириш ҳамда музей экспозициясини бойитиш;
Қарши шаҳридаги кўчалардан бирига Маҳмудхўжа Беҳбудий номини бериш ҳамда унга бағишланган ёдгорлик лавҳасини ўрнатиш;
Интернет ва ижтимоий тармоқлар учун мўлжалланган аудиовизуал асарлар яратиш, шунингдек, оммавий ахборот воситаларида туркум материалларни эълон қилиш.
Ташкилий қўмитага Маҳмудхўжа Беҳбудий таваллудининг 150 йиллигини нишонлаш доирасида ўтказиладиган тадбирларни юксак савияда уюштириш, мазкур қарорга асосан белгиланган чора-тадбирларнинг ўз вақтида, сифатли ва тўлиқ амалга оширилишини мувофиқлаштириб бориш вазифалари юклатилсин.
4. Ўзбекистон Миллий ахборот агентлиги, Ўзбекистон Миллий телерадиокомпанияси, Ахборот ва оммавий коммуникациялар агентлиги, Ўзбекистон Журналистлар уюшмаси, Ўзбекистон Миллий медиа бирлашмаси ва бошқа оммавий ахборот воситаларига Маҳмудхўжа Беҳбудий таваллудининг 150 йиллигини нишонлаш билан боғлиқ тадбирларни кенг ёритиш тавсия этилсин.
5. Белгилансинки, мазкур қарорда назарда тутилган чора-тадбирларни амалга ошириш билан боғлиқ харажатлар ташкилотчиларга Давлат бюджетидан ажратилган маблағлар доирасида, уларнинг бюджетдан ташқари маблағлари ҳамда қонунчилик ҳужжатлари билан тақиқланмаган бошқа манбалар ҳисобидан молиялаштирилади.
6. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ҳамда Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахманов зиммасига юклансин.
Ўзбекистон Республикаси Президентининг 2024 йил 27 декабрдаги ПҚ-462-сон қарорига ИЛОВА
Маҳмудхўжа Беҳбудий таваллудининг 150 йиллигини нишонлаш бўйича ташкилий қўмита
1. А.Н. Арипов — Ўзбекистон Республикаси Бош вазири, Ташкилий қўмита раҳбари 2. О.Қ. Абдурахманов — Ўзбекистон Республикаси Президенти Администрацияси Ижтимоий ривожланиш департаменти раҳбари, Ташкилий қўмита раҳбари ўринбосари 3. Х.М. Султонов — Ўзбекистон Республикаси Президентининг маслаҳатчиси 4. О.А. Назарбеков — маданият вазири 5. К.А. Шарипов — олий таълим, фан ва инновациялар вазири 6. Х.У. Умарова — мактабгача ва мактаб таълими вазири 7. Ш.А. Аюпов — Фанлар академияси президенти 8. А.М. Бобоев — Самарқанд вилояти ҳокими в.б. 9. М.Б. Азимов — Қашқадарё вилояти ҳокими 10. О.Р. Фозилкаримов — иқтисодиёт ва молия вазири ўринбосари 11. А.А. Ходжаев — Ахборот ва оммавий коммуникациялар агентлиги директори 12. А.З. Саъдуллаев — Ёшлар ишлари агентлиги директори 13. С.С. Саидов — Ёзувчилар уюшмаси раиси 14. А.В. Нуридинов — Бадиий академия раиси 15. Ш.Т. Ризаев — Кинематография агентлиги директори в.б. 16. О.А. Хасанов — Республика Маънавият ва маърифат маркази раҳбари 17. Б.В. Ҳасанов — Қатағон қурбонлари хотираси давлат музейи директори 18. М.М. Комилов — Ўзбекистон халқаро исломшунослик академияси ректори 19. Р.И. Холмуродов — Шароф Рашидов номидаги Самарқанд давлат университети ректори 20. Ҳ. Болтабоев — Мирзо Улуғбек комидаги Ўзбекистон Миллий университети ўзбек адабиётшунослиги кафедраси мудири, филология фанлари доктори, профессор 21. Ҳ.А. Саидов — Ўзбекистон Журналистика ва оммавий коммуникациялар университети профессори, филология фанлари доктори, жадидшунос 22. Ш. Беҳбудий — Маҳмудхўжа Беҳбудийнинг эвараси 23. Б.О. Онорбоев — Вазирлар Маҳкамаси бўлим бошлиғи, Ташкилий қўмита котиби
Ўзбекистон Республикаси Президенти Ш. МИРЗИЁЕВ
Тошкент ш.,
2024 йил 27 декабрь,
ПҚ-462-сон
Oʻzbekiston Respublikasi Prezidentining
qarori
TARKIBI
Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxoʻja Behbudiy tavalludining 150 yilligini keng nishonlash toʻgʻrisida
Vatanimiz tarixida gʻoyat murakkab va sinovli davr boʻlgan XX asr boshida maydonga chiqqan Mahmudxoʻja Behbudiy Turkiston jadidlik harakatining asoschisi hisoblanadi. U milliy ozodlik harakatining buyuk namoyandasi sifatida ilm-fan, taʼlim va tarbiya, adabiyot va sanʼat, matbuot sohalarini rivojlantirish, jahondagi ilgʻor taraqqiyot yutuqlarini oʻzlashtirish orqali xalqimizning ongu tafakkurini yuksaltirish hamda hurriyatga erishish yoʻlida oʻz hayotini baxsh etgan fidoyi zotdir.
Mahmudxoʻja Behbudiy chor hukumati va mahalliy mutaassib kuchlarning mislsiz qarshiligiga qaramasdan, yurtimizda birinchilar qatorida ilk zamonaviy maktablar tashkil qilish, ular uchun zarur darsliklar yaratish, nashriyot va teatrlar barpo etish ishlariga bosh-qosh boʻldi. Mohir publitsist sifatida oʻz davrining dolzarb muammolariga bagʻishlangan qator salmoqli asarlar va ikki yuzdan ortiq maqolalar yaratdi. Shu bilan birga, “Samarqand” gazetasi hamda “Oyina” jurnaliga asos soldi. 1914-yilda “Turon” teatrida sahnalashtirilgan “Padarkush” pyesasi orqali oʻlkamizda teatr sanʼatining tamal toshini qoʻydi. Afsuski, atoqli adib va jamoat arbobi boʻlgan bu mutafakkir zot 44 yoshida yovuz kuchlar qurboni boʻldi.
Mustaqillik davrida Mahmudxoʻja Behbudiy xotirasini abadiylashtirish, hayoti va faoliyatini chuqur tadqiq qilish, ilmiy va badiiy asarlarini keng ommalashtirishga alohida eʼtibor qaratilmoqda.
Ayniqsa, keyingi yillarda Toshkent shahridagi Adiblar xiyobonida uning muazzam haykali oʻrnatilgani, Samarqand shahrida uy-muzeyi tashkil qilingani mamlakatimiz hayotida katta voqea sifatida eʼtirof etildi. Isteʼdodli dramaturglar uchun Mahmudxoʻja Behbudiy nomidagi mukofot taʼsis qilingani shu yoʻldagi yangi amaliy qadam boʻldi.
Mahmudxoʻja Behbudiy asarlarining yosh avlodimiz intellektual va maʼnaviy salohiyatini oshirish, shu asosda ularni Yangi Oʻzbekiston bunyodkorlari, chinakam vatanparvar insonlar etib tarbiyalash borasidagi oʻrni va ahamiyatini inobatga olib hamda uning bebaho merosini yanada kengroq oʻrganish va targʻib etish maqsadida:
1. Madaniyat vazirligi, Oliy taʼlim, fan va innovatsiyalar vazirligi, Maktabgacha va maktab taʼlimi vazirligi, Yozuvchilar uyushmasi, Fanlar akademiyasi, Respublika Maʼnaviyat va maʼrifat markazi, Yoshlar ishlari agentligi hamda jamoatchilik vakillarining 2025-yilda Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxoʻja Behbudiy tavalludining 150 yilligini keng nishonlash toʻgʻrisidagi takliflari maʼqullansin.
2. Mahmudxoʻja Behbudiy tavalludining 150 yilligini nishonlash boʻyicha tashkiliy qoʻmita (keyingi oʻrinlarda — Tashkiliy qoʻmita) ilovaga muvofiq tarkibda tuzilsin.
3. Tashkiliy qoʻmita (A. Aripov) ikki hafta muddatda Mahmudxoʻja Behbudiy tavalludining 150 yilligini nishonlash boʻyicha amalga oshiriladigan chora-tadbirlar dasturini tasdiqlasin.
Ushbu dasturda quyidagi masalalarga alohida eʼtibor qaratilsin:
mutafakkir adibning “Tanlangan asarlar” toʻplami, uning hayoti va faoliyatiga bagʻishlangan ilmiy-ommabop kitoblarni nashrga tayyorlash va chop etish;
Mahmudxoʻja Behbudiy haqida spektakllar sahnalashtirish hamda bugungi kunga qadar yaratilgan “Mahmudxoʻja Behbudiy” kinoseriali va “Xalq yuragi” badiiy-publitsistik filmlarining ommaviy namoyishlarini tashkil qilish;
Badiiy akademiyaning Markaziy koʻrgazmalar zalida Mahmudxoʻja Behbudiy hayoti va ijodi, shuningdek, Turkiston jadidlik harakati namoyandalarining faoliyatiga oid tasviriy sanʼat asarlari koʻrgazmasini uyushtirish;
umumiy oʻrta taʼlim muassasalari, ijod maktablari oʻquvchilari, “Temurbeklar maktablari” kursantlari hamda oliy taʼlim muassasalari talabalari oʻrtasida “Mahmudxoʻja Behbudiy saboqlari” mavzusida insholar tanlovini oʻtkazish va gʻoliblarni munosib taqdirlash;
barcha boʻgʻindagi taʼlim muassasalari, kutubxonalar, mehnat jamoalari, mahallalar va harbiy qismlarda taniqli olimlar va adiblar ishtirokida Mahmudxoʻja Behbudiy hayoti va ijodiga bagʻishlangan ijodiy uchrashuvlar, adabiyot va kitobxonlik kechalarini tashkil qilish;
zamonaviy raqamli va targʻibot texnologiyalari asosida Mahmudxoʻja Behbudiy asarlarini yoshlar oʻrtasida keng ommalashtirish;
2025-yil oktabr oyida Sharof Rashidov nomidagi Samarqand davlat universitetida “Mahmudxoʻja Behbudiy merosi va jadidlik harakatini oʻrganishning dolzarb masalalari” mavzusida xalqaro ilmiy-amaliy konferensiya tashkil qilish;
2025-yil noyabr oyida Alisher Navoiy nomidagi Oʻzbekiston davlat akademik katta teatrida Mahmudxoʻja Behbudiy tavalludining 150 yilligiga bagʻishlangan tantanali adabiy-maʼrifiy xotira kechasini oʻtkazish;
Samarqand shahridagi Mahmudxoʻja Behbudiy uy-muzeyi hududini obodonlashtirish hamda muzey ekspozitsiyasini boyitish;
Qarshi shahridagi koʻchalardan biriga Mahmudxoʻja Behbudiy nomini berish hamda unga bagʻishlangan yodgorlik lavhasini oʻrnatish;
Internet va ijtimoiy tarmoqlar uchun moʻljallangan audiovizual asarlar yaratish, shuningdek, ommaviy axborot vositalarida turkum materiallarni eʼlon qilish.
Tashkiliy qoʻmitaga Mahmudxoʻja Behbudiy tavalludining 150 yilligini nishonlash doirasida oʻtkaziladigan tadbirlarni yuksak saviyada uyushtirish, mazkur qarorga asosan belgilangan chora-tadbirlarning oʻz vaqtida, sifatli va toʻliq amalga oshirilishini muvofiqlashtirib borish vazifalari yuklatilsin.
4. Oʻzbekiston Milliy axborot agentligi, Oʻzbekiston Milliy teleradiokompaniyasi, Axborot va ommaviy kommunikatsiyalar agentligi, Oʻzbekiston Jurnalistlar uyushmasi, Oʻzbekiston Milliy media birlashmasi va boshqa ommaviy axborot vositalariga Mahmudxoʻja Behbudiy tavalludining 150 yilligini nishonlash bilan bogʻliq tadbirlarni keng yoritish tavsiya etilsin.
5. Belgilansinki, mazkur qarorda nazarda tutilgan chora-tadbirlarni amalga oshirish bilan bogʻliq xarajatlar tashkilotchilarga Davlat budjetidan ajratilgan mablagʻlar doirasida, ularning budjetdan tashqari mablagʻlari hamda qonunchilik hujjatlari bilan taqiqlanmagan boshqa manbalar hisobidan moliyalashtiriladi.
6. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov hamda Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidentining 2024-yil 27-dekabrdagi PQ-462-son qaroriga ILOVA
Mahmudxoʻja Behbudiy tavalludining 150 yilligini nishonlash boʻyicha tashkiliy qoʻmita
1. A.N. Aripov — Oʻzbekiston Respublikasi Bosh vaziri, Tashkiliy qoʻmita rahbari 2. O.Q. Abduraxmanov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari, Tashkiliy qoʻmita rahbari oʻrinbosari 3. X.M. Sultonov — Oʻzbekiston Respublikasi Prezidentining maslahatchisi 4. O.A. Nazarbekov — madaniyat vaziri 5. K.A. Sharipov — oliy taʼlim, fan va innovatsiyalar vaziri 6. X.U. Umarova — maktabgacha va maktab taʼlimi vaziri 7. Sh.A. Ayupov — Fanlar akademiyasi prezidenti 8. A.M. Boboyev — Samarqand viloyati hokimi v.b. 9. M.B. Azimov — Qashqadaryo viloyati hokimi 10. O.R. Fozilkarimov — iqtisodiyot va moliya vaziri oʻrinbosari 11. A.A. Xodjayev — Axborot va ommaviy kommunikatsiyalar agentligi direktori 12. A.Z. Saʼdullayev — Yoshlar ishlari agentligi direktori 13. S.S. Saidov — Yozuvchilar uyushmasi raisi 14. A.V. Nuridinov — Badiiy akademiya raisi 15. Sh.T. Rizayev — Kinematografiya agentligi direktori v.b. 16. O.A. Xasanov — Respublika Maʼnaviyat va maʼrifat markazi rahbari 17. B.V. Hasanov — Qatagʻon qurbonlari xotirasi davlat muzeyi direktori 18. M.M. Komilov — Oʻzbekiston xalqaro islomshunoslik akademiyasi rektori 19. R.I. Xolmurodov — Sharof Rashidov nomidagi Samarqand davlat universiteti rektori 20. H. Boltaboyev — Mirzo Ulugʻbek komidagi Oʻzbekiston Milliy universiteti oʻzbek adabiyotshunosligi kafedrasi mudiri, filologiya fanlari doktori, professor 21. H.A. Saidov — Oʻzbekiston Jurnalistika va ommaviy kommunikatsiyalar universiteti professori, filologiya fanlari doktori, jadidshunos 22. Sh. Behbudiy — Mahmudxoʻja Behbudiyning evarasi 23. B.O. Onorboyev — Vazirlar Mahkamasi boʻlim boshligʻi, Tashkiliy qoʻmita kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 27-dekabr,
PQ-462-son
Президента Республики Узбекистан
Постановление
СОСТАВ
О широком праздновании 150-летия со дня рождения основателя джадидского движения в Туркестане, выдающегося писателя, общественного деятеля, издателя и педагога Махмудходжи Бехбуди
Махмудходжа Бехбуди в начале ХХ века — в сложный период в истории нашей Родины — стал основателем джадидского движения в Туркестане. Будучи самоотверженной личностью и выдающимся представителем национального освободительного движения, он посвятил свою жизнь развитию сфер науки, образования и воспитания, литературы и искусства, печати, возрождению самосознания и расширению мировоззрения народа, обретению им независимости путем освоения передовых достижений мира.
Несмотря на сопротивление царского режима и местных консервативных сил, Махмудходжа Бехбуди одним из первых в крае возглавил организацию современных школ, создание для них необходимых учебников, открытие издательств и театров. Как публицист он написал ряд ярких произведений и более двухсот статей по актуальным проблемам своего времени. Наряду с этим учредил газету «Самарканд» и журнал «Ойина». В 1914 году в театре «Турон» была поставлена его пьеса «Падаркуш», что послужило началом развития театрального искусства в нашей стране. К сожалению, талантливый писатель и видный общественный деятель в возрасте 44 лет стал жертвой злых сил.
В годы независимости уделяется большое внимание увековечению памяти, глубокому изучению жизни и деятельности, широкой популяризации научных и художественных произведений Махмудходжи Бехбуди.
Особенно важными событиями в жизни нашей страны в последние годы стали открытие в его честь памятника на Аллее литераторов в Ташкенте, создание дома-музея в Самарканде, учреждение премии имени Махмудходжи Бехбуди в области драматургии.
Учитывая роль и значение произведений Махмудходжи Бехбуди в повышении интеллектуального и духовного потенциала подрастающего поколения, воспитании молодежи созидателями Нового Узбекистана, настоящими патриотами, а также в целях более широкого изучения и популяризации его бесценного наследия:
1. Одобрить предложение Министерства культуры, Министерства высшего образования, науки и инноваций, Министерства дошкольного и школьного образования, Союза писателей, Академии наук, Республиканского центра духовности и просветительства, Агентства по делам молодежи и представителей общественности о широком праздновании в 2025 году 150-летия основателя джадидского движения в Туркестане, выдающегося писателя, общественного деятеля, издателя и педагога Махмудходжи Бехбуди.
2. Создать Организационный комитет по празднованию 150-летия со дня рождения Махмудходжи Бехбуди (далее — Организационный комитет) в составе согласно приложению .
3. Организационному комитету (А. Арипов) в двухнедельный срок утвердить Программу мер по празднованию 150-летия со дня рождения Махмудходжи Бехбуди.
В программе предусмотреть:
подготовку к изданию и публикацию сборника «Избранные произведения» писателя, научно-популярных книг, посвященных его жизни и деятельности;
постановку спектаклей о Махмудходже Бехбуди и организацию массового показа ранее созданных киносериала «Махмудхужа Бехбудий» и художественно-публицистического фильма из цикла «Халк юраги»;
организацию в Центральном выставочном зале Академии художеств выставки произведений изобразительного искусства о жизни и творчестве Махмудходжи Бехбуди, а также о деятельности представителей джадидского движения в Туркестане;
проведение и достойное награждение победителей конкурса сочинений на тему «Уроки Махмудходжи Бехбуди» среди учащихся средних общеобразовательных и творческих школ, курсантов «Темурбеклар мактаби» и студентов высших образовательных учреждений;
организацию с участием известных ученых и писателей в образовательных учреждениях всех уровней, библиотеках, трудовых коллективах, махаллях и воинских частях творческих встреч, литературных вечеров, посвященных жизни и творчеству Махмудходжи Бехбуди;
широкую популяризацию среди молодежи произведений Махмудходжи Бехбуди посредством современных цифровых и информационных технологий;
организацию в октябре 2025 года в Самаркандском государственном университете имени Шарафа Рашидова международной научно-практической конференции «Актуальные вопросы изучения наследия Махмудходжи Бехбуди и джадидского движения»;
проведение в ноябре 2025 года в Государственном академическом Большом театре Узбекистана имени Алишера Навои торжественного литературно-просветительского вечера памяти, посвященного 150-летию со дня рождения Махмудходжи Бехбуди;
благоустройство территории дома-музея Махмудходжи Бехбуди в городе Самарканде и обогащение экспозиции музея;
присвоение одной из улиц города Карши имени Махмудходжи Бехбуди и установку мемориальной доски;
создание аудиовизуальных произведений для размещения в интернете и социальных сетях, а также публикацию цикла материалов в средствах массовой информации.
Возложить на Организационный комитет задачи по организации на высоком уровне мероприятий в рамках празднования 150-летия со дня рождения Махмудходжи Бехбуди, координации своевременного, качественного и полного осуществления мер, предусмотренных настоящим постановлением.
4. Рекомендовать Национальному информационному агентству Узбекистана, Национальной телерадиокомпании Узбекистана, Агентству информации и массовых коммуникаций, Союзу журналистов Узбекистана, Национальной медиа-ассоциации Узбекистана и другим средствам массовой информации широко освещать мероприятия, связанные с празднованием 150-летия со дня рождения Махмудходжи Бехбуди.
5. Определить, что расходы, связанные с осуществлением мероприятий, предусмотренных настоящим постановлением, финансируются за счет средств, выделенных из Государственного бюджета организаторам, а также за счет их внебюджетных средств и иных источников, не запрещенных законодательством.
6. Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.
ПРИЛОЖЕНИЕ к постановлению Президента Республики Узбекистан от 27 декабря 2024 года № ПП-462
Организационного комитета по празднованию 150-летия со дня рождения Махмудходжи Бехбуди
1. А.Н. Арипов — Премьер-министр Республики Узбекистан, руководитель Организационного комитета 2. О.К. Абдурахманов — руководитель Департамента социального развития Администрации Президента Республики Узбекистан, заместитель руководителя Организационного комитета 3. Х.М. Султонов — советник Президента Республики Узбекистан 4. О.А. Назарбеков — министр культуры 5. К.А. Шарипов — министр высшего образования, науки и инноваций 6. Х.У. Умарова — министр дошкольного и школьного образования 7. Ш.А. Аюпов — президент Академии наук 8. А.М. Бобоев — и.о. хокима Самаркандской области 9. М.Б. Азимов — хоким Кашкадарьинской области 10. О.Р. Фозилкаримов — заместитель министра экономики и финансов 11. А.А. Ходжаев — директор Агентства информации и массовых коммуникаций 12. А.З. Саъдуллаев — директор Агентства по делам молодежи 13. С.С. Саидов — председатель Союза писателей 14. А.В. Нуридинов — председатель Академии художеств 15. Ш.Т. Ризаев — и.о. директора Агентства кинематографии 16. О.А. Хасанов — руководитель Республиканского центра духовности и просветительства 17. Б.В. Хасанов — директор Государственного музея памяти жертв репрессий 18. М.М. Комилов — ректор Международной академии исламоведения Узбекистана 19. Р.И. Холмуродов — ректор Самаркандского государственного университета имени Шарафа Рашидова 20. Х. Болтабоев — заведующий кафедрой узбекского литературоведения Национального университета Узбекистана имени Мирзо Улугбека, доктор филологических наук, профессор 21. Х.А. Саидов — профессор Университета журналистики и массовых коммуникаций Узбекистана, доктор филологических наук, джадидовед 22. Ш. Бехбуди — правнук Махмудходжи Бехбуди 23. Б.О. Онорбоев — начальник отдела Кабинета Министров, секретарь Организационного комитета
Президент Республики Узбекистан Ш. МИРЗИЁЕВ
г. Ташкент,
27 декабря 2024 г.,
№ ПП-462