UzbekAI

Ўзбекистон Республикаси Вазирлар Маҳкамасининг

қарори

НИЗОМ

ТАСНИФИ

НИЗОМ

Автомобиль йўлларини қуриш, реконструкция қилиш, таъмирлаш ва улардан фойдаланиш ишларини ташкил этиш чора-тадбирлари тўғрисида

Умумий фойдаланишдаги автомобиль йўллари, шаҳарлар ва бошқа аҳоли пунктларининг кўчалари, хўжаликлараро автомобиль йўлларини қуриш, реконструкция қилиш, таъмирлаш ва сақлаш ишларининг турлари ҳамда таркибини белгилаш, пудрат ишларини ҳажм услубида амалга оширишни жорий этиш, табиий офат ва техноген ҳолатларнинг олдини олиш ҳамда оқибатларини бартараф қилиш ишларини ташкил этиш тартибини белгилаш мақсадида Вазирлар Маҳкамаси қарор қилади:

1. Ўзбекистон Республикаси Президентининг «Йўл хўжалиги соҳасини янада такомиллаштириш чора-тадбирлари тўғрисида» 2023 йил 10 октябрдаги ПҚ-330-сон қарорига мувофиқ автомобиль йўлларини қуриш, реконструкция қилиш, таъмирлаш ва сақлаш ишлари таснифининг янги таҳририни ҳамда йўл ишларини бажаришда ҳажм ва сифат кўрсаткичларини ҳисобга олиш (ҳажм услуби) тартибини ишлаб чиқиш белгиланганлиги маълумот учун қабул қилинсин.

2. Қуйидагилар:

Йўл хўжалиги соҳасида лойиҳа ҳужжатларини ишлаб чиқиш, йўл қурилиши ишларини амалга ошириш, шунингдек, уларни қабул қилиб олишда ҳажм ва сифат кўрсаткичларини ҳисобга олиш (ҳажм услуби) тартиби тўғрисидаги низом 1-иловага мувофиқ;

Автомобиль йўлларини таъмирлаш ва сақлаш ишлари таснифи 2-иловага мувофиқ;

Автомобиль йўлларини қуриш, реконструкция қилиш ва таъмирлаш ишлари тугалланган объектларнинг асосий конструктив элементлари ҳамда йўл ҳаракатини ташкил этиш техник воситаларига кафолатли хизмат қилиш муддатларини қўллаш тартиби тўғрисидаги низом 3-иловага мувофиқ;

Автомобиль йўлларидаги табиий офат ва техноген хусусиятли вазиятларнинг олдини олиш ҳамда уларнинг оқибатларини бартараф қилиш ишларини ташкил этиш тартиби тўғрисидаги низом 4-иловага мувофиқ тасдиқлансин.

3. Транспорт вазирлиги ҳузуридаги Автомобиль йўллари қўмитаси (кейинги ўринларда — Автомобиль йўллари қўмитаси) ҳар йили 1 мартдан кечиктирмай Иқтисодиёт ва молия вазирлиги билан келишилган ҳолда, ажратилган лимитлар доирасида умумий фойдаланишдаги автомобиль йўлларининг ҳар йилги таъмирлаш ва сақлаш харажатлари сметалари шакллантирилишини ва тасдиқланишини таъминласин.

4. Белгилаб қўйилсинки, 2025 йил 1 январдан бошлаб Иқтисодиёт ва молия вазирлиги билан келишилган ҳолда:

а) умумий фойдаланишдаги автомобиль йўллари ва йўл иншоотлари бўйича:

таъмирлаш ишлари — ажратилган лимитлар доирасида қиймати базавий ҳисоблаш миқдорининг олти минг бараваригача бўлган объектлар харажатлар сметаси асосида ҳамда олти минг бараваридан юқори бўлган объектлар белгиланган тартибда ишлаб чиқилган ва экспертизадан ўтказилган лойиҳа-смета ҳужжатлари бўйича шакллантирилган манзилли рўйхатлар асосида молиялаштирилади. Ушбу ишлар Автомобиль йўллари қўмитаси таркибидаги йўл ва кўприкларни сақлаш ҳамда таъмирлаш ташкилотлари (кейинги ўринларда — эксплуатация ташкилотлари) томонидан амалга оширилади.

Бунда қиймати базавий ҳисоблаш миқдорининг олти минг бараваридан юқори бўлган объектларнинг лойиҳа-смета ҳужжатларини ишлаб чиқиш бўйича бош лойиҳа ташкилотлари белгиланган тартибда давлат харидлари тўғрисидаги қонунчилик ҳужжатларига мувофиқ аниқланади;

сақлаш ишлари — ажратилган лимитлар доирасида белгиланган тартибда келишилган ва тасдиқланган харажатлар сметалари асосида молиялаштирилади ҳамда эксплуатация ташкилотлари томонидан амалга оширилади;

б) шаҳар ва бошқа аҳоли пункти кўчалари, хўжаликлараро автомобиль йўлларини таъмирлаш ва сақлаш ишлари белгиланган тартибда амалга оширилади.

5. Автомобиль йўллари қўмитасига Иқтисодиёт ва молия вазирлиги билан келишилган ҳолда, буюртмачи ташкилотларнинг таклифларига асосан умумий фойдаланишдаги автомобиль йўлларини таъмирлаш ва сақлаш ишларига ажратилган маблағлар тўлиқ ўзлаштирилишини таъминлаш мақсадида йил давомида ажратилган лимитларни ҳудудлар ва иш турлари бўйича қайта тақсимлашга рухсат этилади.

6. Ўзбекистон Республикаси Ҳукуматининг айрим қарорларига 5-иловага мувофиқ ўзгартириш ва қўшимчалар киритилсин.

7. Ушбу қарорга 3-илова қарор расман эълон қилинган кундан эътиборан уч ой ўтгач кучга киради.

8. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари А.Ж. Раматов ҳамда транспорт вазири И.Р. Махкамов зиммасига юклансин.

Вазирлар Маҳкамасининг 2024 йил 30 декабрдаги 901-сон қарорига 1-ИЛОВА

1-боб . Умумий қоидалар

1. Мазкур Низом автомобиль йўлларида янги қуриладиган ва реконструкция қилинадиган объектларга лойиҳа ҳужжатларини ишлаб чиқиш, қурилиш-монтаж ишларини бажариш, шунингдек, бажарилган ишларни уларнинг ҳажми ва сифатини ҳисобга олган ҳолда (кейинги ўринларда — ҳажм услуби), пудрат ишларини ҳажм кўрсаткичига ўтказиш орқали босқичма-босқич татбиқ этиш тартибини белгилайди ҳамда автомобиль йўлларини таъмирлаш объектларига қўлланилмайди.

Ушбу ҳажм услубини қўлланиш босқичма-босқич татбиқ этилишини инобатга олган ҳолда, буюртмачи томонидан ҳар бир объект бўйича алоҳида бериладиган техник топшириқда аниқ белгилаб берилади.

2. Мазкур Низомда қуйидаги асосий тушунчалар қўлланилади:

буюртмачи — пудрат ташкилоти томонидан бажарилган иш натижасини қабул қилиб олиш ва бунинг учун ҳақ тўлаш мажбуриятини олган шахс;

буюртмачининг талаблари — иш ҳажми, стандарт, лойиҳалаштириш-қурилиш-қабул қилиш-маҳсулотни етказиб бериш ва лозим бўлган ишларни шартномада белгиланган талаблар ҳамда календарь режада кўрсатилган муддатларда бажариш, шунингдек, шартномага киритилган барча ўзгартириш ва такомиллаштириш тафсилотлари;

иш ҳажми қайдномаси (ИҲҚ) — лойиҳа ҳужжатига асосан бажариладиган қурилиш-монтаж ишларининг тури ва ҳажми келтирилган жадвал;

қайдномалар — оферта билан биргаликда тақдим қилинадиган маълумотлар;

муҳандис-консультант — шартнома асосида бажариладиган ишлар бўйича муҳандислик-бошқариш ва техник назорат қилиш ишларини бажаришга жавобгар, буюртмачи томонидан тайинланган ва тегишли сертификатга эга бўлган юридик шахс (шахслар);

оферта — лойиҳа доирасида бажариладиган қурилиш ишлари ҳажми ва уларнинг қиймати бўйича пудрат ташкилотининг буюртмачига таклифлари;

пудрат ташкилоти — буюртмачи томонидан амалдаги қонунчилик асосида белгиланган ҳамда шартномада кўрсатилган ишларни белгиланган муддатда бажариш ва топшириш мажбуриятини олган юридик шахс;

пудрат ташкилотининг таклифлари — оферта таклифлари келтирилган дастлабки ҳужжат;

пудрат шартномаси — пудрат ташкилотининг маълум бир ишни бажариш ва унинг натижасини буюртмачига белгиланган муддатда топшириш ҳақидаги келишуви;

ёрдамчи пудрат ташкилоти — қурилишнинг маълум қисмини қуриш ёки унга маҳсулот етказиб бериш масаласида пудрат ташкилоти билан шартнома тузган юридик шахс;

объектни топшириш - қабул қилиш далолатномаси — шартномага мувофиқ қурилиш якунланганда объектни ёки унинг қисмларини фойдаланишга топшириш далолатномаси;

тўлов сертификати аризаси (ТСА) — мазкур Низом талабларига биноан якуний сертификат тўловларидан ташқари пудрат ташкилоти томонидан муҳандис-консультантга берилган ҳар қандай сертификат тўловларига бериладиган ариза;

объектнинг (шартноманинг) якуний баҳоси — қурилиш ишлари тугаллангандан кейин якуний тўлов сертификати асосида объектнинг шаклланган қиймати;

оралиқ тўлов сертификати (ОТС) — мазкур Низомга мувофиқ буюртмачининг вакили (муҳандис-консультант) томонидан якуний тўлов сертификати берилгунга қадар тасдиқланган тўлов ҳужжати;

якуний тўлов сертификати — мазкур Низомга мувофиқ буюртмачининг вакили (муҳандис-консультант) томонидан тасдиқланган охирги тўлов сертификати.

2-боб. Йўл хўжалиги соҳасида лойиҳа ҳужжатларини ишлаб чиқиш

3. Йўл хўжалиги соҳасида лойиҳа ҳужжатлари (кейинги ўринларда — лойиҳа ҳужжатлари) Ўзбекистон Республикаси Шаҳарсозлик кодекси, техник жиҳатдан тартибга солиш соҳасидаги норматив ҳужжатлар, шунингдек, шаҳарсозлик нормалари ва қоидаларига асосан ишлаб чиқилади.

4. Лойиҳа ҳужжатларининг иш ҳажми қайдномасини белгилашда лойиҳа ечимида кўрсатилгандек элементлар, қурилмалар ва бошқа ёндош иш турларини ҳисобга олиб, материаллар ва машина-механизмлар ресурси, шунингдек, ишчиларнинг меҳнат харажатлари келтирилмаган ҳолда, ишларнинг физик ҳажмлари кўрсатилади.

5. Ушбу иш ҳажми қайдномасига қуйидаги ҳолатларда ўзгартириш киритилиши мумкин:

пудрат ишларини амалга ошириш давомида лойиҳа ҳужжатларига тегишли ўзгартириш ва қўшимчалар киритилиши лозим бўлган ҳолатда;

объектнинг қолдиқ иш ҳажми кейинги йилларга ўтувчи бўлган ҳолатда;

иш ҳажми қайдномасида хатоликлар мавжуд бўлганда.

6. Лойиҳа ҳужжатларига қонунчилик ҳужжатлари, техник жиҳатдан тартибга солиш соҳасидаги норматив ҳужжатлар ҳамда шаҳарсозлик нормалари ва қоидалари асосида тегишли ўзгартириш ва қўшимчалар киритилади.

7. Объектнинг кейинги йилларга ўтувчи қурилиш ишлари қийматини нарх омили бўйича индексация қилиш:

Ўзбекистон Республикаси Қурилиш ва уй-жой коммунал хўжалиги вазирлигига тегишли бўлган тендер (танлов) савдолари ҳамда нархларни шакллантириш ҳудудий консалтинг марказлари томонидан ҳар йил учун ишлаб чиқилган ўтиш коэффициенти орқали;

буюртмачи томонидан ишлаб чиқилган индексация коэффициентини қўллаш орқали;

иш ҳажмлари қайдномасидаги қолдиқ иш ҳажмларини қайта ҳисоблаш орқали ёки томонлар келишуви асосида амалга оширилади.

3-боб. Лойиҳа ҳужжатларини топшириш ва қабул қилиш

8. Лойиҳа ташкилоти лойиҳалаштириш учун берилган техник топшириқ ва шартнома шартларига кўра ишлаб чиқилган лойиҳа ҳужжатларини буюртмачига тақдим қилади.

9. Буюртмачи лойиҳа ҳужжатларининг асосланганлигини, шунингдек, мустаҳкамлик, чидамлилик, ёнғин хавфсизлиги бўйича қабул қилинган қоидалар, меҳнат ва атроф-муҳит муҳофазаси талаблари, қурилишнинг жорий нархдаги баҳоси ҳамда қурилиш нормалари ва қоидаларига мувофиқлигини шаҳарсозлик ҳужжатлари экспертизасига масъул ваколатли ташкилот ёки унинг ҳудудий филиаллари томонидан экспертизадан ўтказилишини таъминлайди.

4-боб. Йўл қурилиши ишларининг сифат назоратини ташкил қилиш

10. Иш ва хизматлар сифатини назорат қилиш қуйидаги жараёнларни ўз ичига олади:

буюртмачи томонидан жалб қилинадиган муҳандис-консультантнинг техник назорати;

пудрат ташкилотининг ишлаб чиқариш жараёнидаги ички назорати, жумладан, лаборатория, геодезия, материаллар сифатини назорат қилиш ва бошқалар;

буюртмачининг мувофиқлаштирилган мониторинги (буюртмачи томонидан объектга бириктирилган мутахассис ёки мутахассис-ходимлар гуруҳи томонидан амалга оширилади);

лойиҳа ташкилотининг муаллифлик назорати.

11. Қурилиш ишларининг лойиҳани муҳандислик бошқариш ва техник назорат ишлари муҳандис-консультант томонидан қурилиш ишларининг бутун даври давомида амалга оширилади.

12. Объектни муҳандислик бошқариш ва техник назорат қилиш ишлари буюртмачи томонидан аутсорсинг асосида жалб этилган муҳандис-консультант томонидан амалга оширилади.

Бунда муҳандис-консультант давлат харидлари тўғрисидаги қонунчилик ҳужжатларига мувофиқ энг яхши таклифларнинг давлат харидлари электрон тизими (xarid.uzex.uz) орқали амалга ошириладиган танлаш (кейинги ўринларда — танлаш) ёки тендер савдолари асосида аниқланади;

Танлаш (тендер) тўғрисидаги ахборот буюртмачи томонидан давлат харидларининг электрон тизимига танлов (тендер) ўтказиш тўғрисидаги эълонни ва танлов (тендер) бўйича харид қилиш ҳужжатларини жойлаштириш йўли билан маълум қилинади.

Танлов (тендер) ўтказилиши тўғрисидаги эълон ва танлов (тендер) бўйича харид қилиш ҳужжатлари ва буюртмачи томонидан таклифларни қабул қилиш муддати амалдаги тартиб бўйича давлат харидларининг электрон тизимига ҳамда Ўзбекистон Республикаси Транспорт вазирлиги ҳузуридаги Автомобиль йўллари қўмитасининг расмий веб-сайтига жойлаштирилади.

13. Муҳандислик бошқариш ва техник назорат ишларини амалга оширишга дипломи бўйича шаҳарсозлик фаолияти соҳасида олий маълумотли мутахассисликка ҳамда камида беш йиллик иш тажрибасига, шунингдек, тегишли сертификатга эга бўлган мутахассис тайинланади.

14. Муҳандис-консультант қуйидаги ҳуқуқларга эга:

қурилиш жараёнида геодезия ишларини назорат қилиш;

лойиҳа ҳужжатларини келишиш, тасдиқлаш ва қайта тасдиқлашни, шунингдек, пудрат ташкилотларининг таклифлари бўйича лойиҳа ҳужжатларига тузатишлар ва ўзгартиришлар киритишни ташкил этишда белгиланган тартибда иштирок этиш;

ўз ваколати доирасида объект қурилиши ҳудудига тушган бузулиши ҳамда кўчирилиши белгиланган объектлар, бино ва иншоотларни кўрикдан ўтказиш, бино ва иншоотлар қурилишини вақтинча тўхтатиб туриш ёки бузиш ҳамда кўчиришга ҳужжатларни расмийлаштириш, шунингдек, пудрат ташкилотига ишларни давом эттириш учун қайта топшириш жараёнида объектлар ҳолатини баҳолашда иштирок этиш;

ваколатли органлар томонидан объектларда ўтказиладиган текшириш ва назорат тадбирларида иштирок этиш;

қурилиш объектларида барча шаҳарсозлик нормалари ва қоидаларининг бузилиш ҳолатлари, авария ҳолатлари ҳамда аварияларни бартараф этиш ишлари натижалари тўғрисида буюртмачига хабар бериш;

бино ва иншоотларнинг конструкциялари ишончлилигига ҳамда зилзила бардошлилигига таъсир кўрсатувчи, шунингдек, инсон саломатлиги ҳамда ҳаётига таҳдид солувчи ҳолатлар аниқланганда, қурилиш-монтаж ишларини тўхтатиб туриш ва бу ҳақда буюртмачини хабардор қилиш;

қурилиш жараёнида йўл қўйилган камчиликларни бартараф этиш юзасидан пудрат ташкилоти ва лойиҳа ташкилотининг муаллифлик назорати мутахассисларига ижро этилиши мажбурий бўлган ёзма кўрсатмалар бериш;

объектлар қурилиши бўйича пудрат ташкилоти томонидан йўл қўйилган камчиликларни ўз вақтида аниқлаш, бартараф этиш ва бу каби ҳолатларнинг олдини олиш юзасидан пудрат ташкилотининг ички назорати ташкил этилганлигини, ички назорат бўйича мутахассисга белгиланган тартибда сертификат берилганлигини текшириш;

пудрат ташкилотидан қурилиш ишларининг қатъий лойиҳа бўйича ва материалларга қўйиладиган меъёрий талаблар ҳамда ишлар технологиясига мувофиқ бажарилишини талаб қилиш;

иш журналлари ва бошқа ижро ҳужжатларида аниқланган лойиҳадан ҳамда меъёрий талаблардан четга чиқиш ҳолатларини қайд этиш;

зарур ҳолларда, камчиликлар бартараф этилгунга қадар қурилиш ишларини вақтинча тўхтатиб қўйишни талаб қилиш;

лойиҳадан ва меъёрий талаблардан четга чиққан ҳолда бажарилган ишларга ҳақ тўлаш тўғрисидаги ҳужжатларни имзолашдан бош тортиш;

қурилиш-монтаж ишлари ижрочилари техник назорат талабларидан норози бўлган ҳолларда, пудрат ташкилоти ва буюртмачининг юқори ташкилотларига белгиланган тартибда шикоят қилиш.

Муҳандис-консультант қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

15. Муҳандис-консультант:

бирламчи рухсат берувчи ҳужжатларни (ер ажратиш, муҳандислик тармоқларига уланиш техник шартлари) тайёрлашда иштирок этиши;

буюртмачининг топшириғига кўра лойиҳани амалдаги меъёрлар талабларига мослиги юзасидан кўриб чиқиш ҳамда лойиҳа бўйича ўзининг таклиф ва изоҳларини бериши;

қурилиш объектидаги қурилмалар ва мавжуд коммуникацияларни кўчиришга доир юридик ва техник ҳужжатларни ўз вақтида расмийлаштириш ва қурилиш ташкилотига топширишда иштирок этиши;

қурилиш-монтаж ишларининг лойиҳа ечимларида конструкциялар, ускуналар, материаллар ва ўрнатиладиган жиҳозларни, техник жиҳатдан тартибга солиш соҳасидаги норматив ҳужжатлар, шаҳарсозлик нормалари ва қоидалари ҳамда талабларига мувофиқлигини текшириши;

иншоотлар асосий ўқларининг жойида геодезик тўғри белгиланганлиги, улар реперлар ва координаталар билан маҳкамланганлигини назорат қилиши;

қурилишда фойдаланиладиган конструкциялар, ускуналар ва материалларни (техник паспортлар, сертификатлар, лаборатория синовлари натижалари ва бошқалар) сифат гувоҳномаси ҳужжатлари мавжудлигини текшириши;

техник жиҳатдан тартибга солиш соҳасидаги норматив ҳужжатлар талабларига, техник шартлар, сертификатларга мос келмайдиган материаллар, конструкциялар, буюмлар ва ускуналарни нуқсон далолатномалари билан расмийлаштириши ҳамда уларнинг объектда ишлатилишини тақиқлаши;

пудрат ташкилоти томонидан қурилиш материаллари, конструкциялар ва буюмларни ташиш қоидаларига риоя этилишини назорат қилиши, материаллар ва буюмлар бузилиши ва сифатининг пасайишига олиб келадиган тарзда сақланишини тақиқлаши;

пудрат ташкилотининг масъул мутахассислари билан бажарилган ишлар ва конструктив элементлар сифати ва ҳажми, ишлаб чиқаришни ташкил этишда ишлар кетма-кетлигини, ёпилиб кетадиган ишлар далолатномаси расмийлаштирилгунга қадар келгуси ишларни амалга оширишни тақиқлаш талаблари бажарилганлигини кўрикдан ўтказиши ва баҳолаши;

объектлар тайёрлигига қараб, пудрат ва лойиҳа ташкилотлари вакиллари иштирокида бино ва иншоотлар конструкциялари, кўприклар таянч устунлари ҳамда оралиқ қурилмалари, ҳажмли иншоотлар, кўтариб турувчи металл ва темир бетон конструкциялар ҳамда бошқаларни масъулларнинг оралиқ қабул қилиш ишларини текшириши;

олиб келинган ускуналарнинг ўрнатилишини ташкил этиши, ўрнатиш сифатини баҳолаши, комплекс синаб кўриши ва қабул қилишнинг лойиҳа ҳужжатларига мувофиқлиги ҳамда ҳолатини текшириши;

бажарилган ва тўловга тақдим қилинган қурилиш-монтаж ишларининг ҳажми ҳамда сифатини тасдиқланган лойиҳа ҳужжатларига мувофиқлигини назорат қилиши;

қабул қилинган ва тўлови амалга оширилган қурилиш-монтаж ишлари, шунингдек, пудрат ташкилоти томонидан сифатсиз бажарилган қурилиш-монтаж ишлари ҳамда нуқсонларни бартараф этиш ва қайта ишлов бериш ишлари ҳажми ҳамда қиймати ҳисобини юритиши;

бирламчи ижро техник ҳужжатларини, уларга қурилиш-монтаж ишларини амалга оширишда аниқланган камчиликлар ва нуқсонлардан келиб чиқиб киритилган ўзгартиришлар мавжудлиги ва тўғри юритилишини назорат қилиши;

бирламчи ижро ҳужжатларининг (жумладан, умумий ва махсус иш журналлари, монтаж қилинган конструкциялар ва муҳандислик-коммуникация тармоқлари учун ижро схемалари) мавжудлиги ва уларнинг пудрат ташкилоти томонидан тўғри юритилишини назорат қилиши;

иш журналларига сифатсиз бажарилган конструктив элементлар ва қурилиш-монтаж ишларини бажариш технологияларининг бузилиши тўғрисида йўл қўйилган нуқсонлар бартараф этилишини талаб қилган ҳолда қайд этиб бориши;

муаллифлик назорати ва Ўзбекистон Республикаси Транспорт вазирлиги ҳузуридаги Транспорт назорати инспекциясининг кўрсатма ва ёзма кўрсатмалари, шунингдек, буюртмачи талабларининг пудрат ташкилоти томонидан бажарилишини назорат қилиши;

алоҳида конструкциялар ва узеллар, қурилиш-монтаж ишлари турларини, жиҳоз ва механизмлар сифатини уларни қабул қилиш жараёнида ишчи комиссиялар билан бирга текширишда иштирок этиши;

объектларда қурилиш-монтаж ишлари сифатининг мунтазам техник назоратини амалга ошириши;

буюртмачининг қурилиш объекти бўйича бошқа қонуний вазифаларни бажариши;

қурилиши тугалланган объектлар бўйича зарур ҳужжатларни пудрат ташкилоти билан биргаликда умумлаштириш ва уларни қурилиш ишлари тугалланган объектларни (ёки уларнинг участкаларини-ишга тушириш комплексларини) қабул қилиб олиш бўйича Давлат қабул комиссиясига (кейинги ўринларда — Давлат қабул комиссияси) тақдим этиши;

қурилиши тугалланган объектлар бўйича барча ижро ҳужжатларини белгиланган тартибда буюртмачига топширилишини таъминлаши шарт.

Муҳандис-консультантга қонунчилик ҳужжатларига мувофиқ бошқа мажбуриятлар ҳам юкланиши мумкин.

16. Муҳандис-консультантнинг асосий иш жойи бўйича назорати остидаги объектларни қуриш ишларини бажараётган ташкилотларда ўриндошлик асосида ишлаши тақиқланади.

5-боб. Йўл қурилиши бўйича бажарилган ишларни қабул қилиш

17. Лойиҳа ва иш чизмалари, техник жиҳатдан тартибга солиш соҳасидаги норматив ҳужжатларга риоя қилган ҳолда бажарилиб, тўлиқ тугалланган ишлар қабул қилинади.

Бунда ишларни қабул қилишда, шунингдек, ёпилиб кетадиган ва оралиқ ишларни ҳамда тугалланган объектларни фойдаланишга қабул қилиб олишда бажарилган ишлар аккредитациядан ўтган ёки маъқулланган синов лабораториялари (марказлари) хулосалари, иш бажариш журналлари ва муаллифлик назоратида келтирилган ёзишмалар ўрганилади.

18. Ёпилиб кетадиган ишлар уларнинг ҳар бир тури (босқичи) бўйича қабул қилиб олиш кейинги тур (босқич) ишлари бошлангунга қадар бажарилишига қараб амалга оширилади.

Ишларни қуйидаги таркибдаги комиссия қабул қилиб олади:

буюртмачининг вакили — муҳандис-консультант;

пудрат ташкилоти вакили — иш бажарувчи ёки уста, лаборант ва геодезист (зарур ҳолларда);

йўлга хизмат кўрсатадиган эксплуатация ташкилоти вакили ва лойиҳа ташкилоти вакили (кўтариб турувчи конструкцияларни қабул қилиб олишда).

Кўтариб турувчи конструкциялар рўйхати лойиҳада белгиланади. Ёпилиб кетадиган ишларни қабул қилиб олиш натижалари мазкур Низомга 1-иловадаги шакл бўйича далолатнома билан расмийлаштирилади.

19. Ёпилиб кетадиган ишларнинг далолатномаси қабул қилинган натижалари мазкур Низомга 2-иловада келтирилган шаклда маъқуллаш талабномаси кўринишида расмийлаштирилади.

Маъқуллаш талабномаси қабул қилинган ишларнинг лойиҳа, техник жиҳатдан тартибга солиш соҳасидаги норматив ҳужжатларга мувофиқлиги кўрсатилади, шунингдек, қабул қилинган ишларга баҳо берилиб, кейинги иш турларини бажаришга рухсат сўралади. Маъқуллаш талабномасига лабораторияда ўтказилган синов ва текширув натижалари илова қилинади.

20. Қурилишда бажарилган ишларни оралиқ қабул қилиш, буюртмачи вакили, муҳандис-консультант ва пудрат ташкилоти томонидан расмийлаштирилади. Бажарилган ишлар ва йўлнинг тугалланган конструктив элементлари тўлов учун оралиқ қабул қилиб олиш, оралиқ сертификатлар асосида мазкур Низомга 3 , 3а — 3г иловаларда келтирилган шаклда объектдаги иш ҳажмини, материаллар миқдори ва нархини тўлалигича ҳисобот кўринишида келтирган ҳолда расмийлаштирилади.

21. Оралиқ ва якуний тўлов сертификатлари муҳандис-консультант ва пудратчи ўртасида расмийлаштирилгандан сўнг уни буюртмачига расмий равишда тақдим қилади ва бу сертификат асосида буюртмачи ушбу миқдорда тўловни амалга оширади. Тақдим этилган ҳужжатларда камчиликлар мавжуд бўлган тақдирда тўловлар амалга оширилмайди.

6-боб. Қуриш ва реконструкция қилиш ишлари тугалланган объектларни фойдаланишга топшириш

22. Қурилиш ишлари тугалланган объектлар шаҳарсозлик нормалари ва қоидалари, қурилиш регламентлари ҳамда техник жиҳатдан тартибга солиш соҳасидаги норматив ҳужжатларга мувофиқ фойдаланишга топширилади.

23. Қурилиш ишлари тугалланган объектлар ёки уларнинг қисмларида (ишга тушириладиган мажмуа) қурилиш-монтаж ишларининг якунланганлиги қуйидаги тартибда:

объектнинг тугалланганлиги ва уни қабул қилишга тайёрлиги ҳақида пудрат ташкилотининг тўғридан-тўғри буюртмачига ёки муҳандис-консультант орқали буюртмачига хабар юбориш орқали;

буюртмачи вакили ёки муҳандис-консультант томонидан объект якунланганлиги тўғрисида сертификат тақдим этиш орқали;

объектнинг тугалланганлиги ва уни қабул қилишга тайёрлиги ҳақида ишчи комиссиясининг далолатномаси асосида буюртмачи томонидан ишчи ва Давлат қабул комиссиясига расмий хабар юбориш орқали маълум қилинади.

24. Ишчи комиссия буюртмачининг қарорлари (буйруқлари) билан тайинланади. Ишчи комиссиянинг далолатномаси мазкур Низомга 4-иловага асосан шакллантирилади. Ишчи комиссия таркибига қабул қилинаётган объектдан фойдаланиш юкланган буюртмачи, Ўзбекистон Республикаси Транспорт вазирлиги ҳузуридаги Транспорт назорати инспекцияси, Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари, пудрат ташкилотлари (ёрдамчи пудрат ташкилотлари), муҳандис-консультант, эксплуатация ташкилоти, лойиҳа ташкилоти, Ўзбекистон Республикаси Ички ишлар вазирлиги Жамоат хавфсизлиги департаментининг Йўл ҳаракати хавфсизлиги хизмати ва бошқа манфаатдор ташкилотларнинг вакиллари киради.

25. Давлат қабул комиссияси объектни қуриш ва реконструкция қилишни лойиҳалаштириш учун топшириқни тасдиқлаган орган томонидан ташкил этилади. Давлат қабул комиссиясининг далолатномаси мазкур Низомга 5-иловага асосан шакллантирилади.

Давлат қабул комиссияси таркибига қабул қилинаётган объектлардан фойдаланиш юкланган буюртмачи, Ўзбекистон Республикаси Транспорт вазирлиги ҳузуридаги Транспорт назорати инспекцияси, маҳаллий ижро этувчи ҳокимият органлари, пудрат ташкилотлари (ёрдамчи пудрат ташкилотлари), муҳандис-консультант, эксплуатация ташкилоти, лойиҳа ташкилотлари, Ўзбекистон Республикаси Ички ишлар вазирлиги Жамоат хавфсизлиги департаментининг Йўл ҳаракати хавфсизлиги хизмати ва бошқа манфаатдор ташкилотларнинг вакиллари киради.

26. Пудрат ташкилоти ишчи комиссияга қуйидаги ҳужжатларни топширади:

бажарилган ишларнинг ҳажми, тури ва баҳоси кўрсатилган ҳолда қурилиш-монтаж ишларида қатнашган ташкилотлар рўйхати;

техника лойиҳа ҳужжатлари, ишчи чизмаларининг тўплами ва ижро чизмалари;

маъқуллаш талабномаси;

йўл қурилиши материаллари ва йўл тўшамасининг қурилмавий қатламларидан олинган намуналарнинг синов далолатномалари, мувофиқлик сертификатлари;

ишни бажариш ва муаллифлик назорати журналлари;

ижро чизмалари.

27. Давлат қабул комиссиясига объектни фойдаланишга топширишдан олдин ишчи комиссия қуйидагиларни текширади:

бажарилган ишлар ҳажмлари ва турларининг тасдиқланган лойиҳага, ишларни бажаришнинг шаҳарсозлик нормалари ва қоидаларига мувофиқлигини текшириш;

бажарилган ишларнинг сифатини тасдиқловчи синов лабораторияси хулосалари, назорат ўлчов ҳужжатлари ва ижобий ташхис (диагностика) хулосалари мавжудлигини текшириш;

бажарилган ишларнинг қиймати тўғри шакллантирилганлигини кўриб чиқиш. Қиймат ўсиши ва (ёки) унга объектни қуриш ва реконструкция қилишга тегишли бўлмаган харажатлар нотўғри киритилиши ҳолатлари аниқланганда, унинг сабабларини ўрганиб чиқади ва уларни бартараф этиш бўйича таклиф киритади.

Ишчи комиссия томонидан аниқланган камчиликлар ва чала қилинган ишлар далолатноманинг иловасида акс эттирилади ҳамда белгиланган муддатларда бартараф этилиши назорат қилинади.

28. Ишчи комиссия томонидан Давлат қабул комиссиясига объект бўйича бажарилган барча ижро ҳужжатлари, шунингдек, ишчи комиссияси далолатномаси топширилади.

Топширилган ҳужжатлар асосида далолатномада фойдаланишга топширилаётган объектнинг қиймати ва кўрсаткичлари келтирилиб, уни фойдаланишга топшириш ҳақида Давлат қабул комиссияси томонидан якуний хулоса чиқарилади.

29. Давлат қабул комиссиясининг объектни фойдаланишга топшириш далолатномаси мазкур Давлат қабул комиссиясини тайинлаган орган томонидан тасдиқланади.

Объектни фойдаланишга қабул қилиш далолатномаси ва бу ҳақидаги ёзма маълумот беш нусхада тайёрланади. Улардан икки нусхаси лойиҳавий хулоса билан биргаликда Давлат қабул комиссиясини тайинлаган органга, яна икки нусхаси буюртмачига ва бир нусхаси пудратчига берилади.

30. Буюртмачи Давлат қабул комиссияси далолатномасининг бир нусхасини ҳамда техник (лойиҳа) ва ижро ҳужжатларнинг тўлиқ тўпламини эксплуатация ташкилотига топшириши шарт.

Қабул қилиш далолатномаси ва техник (лойиҳа) ҳужжатлар йўлдан фойдаланадиган йўл ташкилотида сақланади.

7-боб. Муҳандислик бошқариш ва техник назорат ишларини молиялаштириш тартиби

31. Муҳандислик бошқариш ва техник назорат ишлари буюртмачи томонидан молиялаштирилади.

Бунда буюртмачи ҳар бир объект учун техник топшириқ, муҳандис-консультантлар таркиби ва уларнинг лойиҳавий харажатлари ҳисобини ишлаб чиқади.

32. Муҳандислик бошқариш ва техник назорат ишлари бўйича муҳандис-консультантни жалб қилиш харажатларининг бошланғич қиймати объектнинг экспертиза хулосасига асосан аниқланган баҳосининг 2 фоизи миқдорида танлов (тендер) савдоларига қўйилади.

33. Муҳандислик бошқариш ва техник назорат ишлари бўйича муҳандис-консультантни жалб қилиш харажатлари қиймати молия йилидаги объектнинг қурилиш-монтаж ишлари учун пудрат ташкилотига ажратилган молиялаштириш лимитларига мутаносиб равишда белгиланади.

34. Танлов (тендер) савдолари натижасида аниқланган муҳандис-консультант компания билан буюртмачи ўртасида белгиланган тартибда шартнома тузилади.

35. Муҳандислик бошқариш ва техник назорат ишлари бўйича аванс молия йилидаги объектнинг қурилиш-монтаж ишлари учун пудрат ташкилотига ажратилган молиялаштириш лимити доирасида ажратилади.

36. Муҳандис-консультантнинг хизматларини молиялаштириш ишлари объектда амалда бажарилган иш ҳажмининг қийматидан келиб чиқиб, оралиқ ва якуний тўлов сертификати асосида амалга оширилади.

37. Давлат бюджети ва унга тенглаштирилган манбалар ҳисобидан амалга оширилаётган йўл қуриш ва реконструкция қилиш объектларига жалб қилинаётган ҳар бир муҳандис-консультант компанияга уларнинг хизмат кўрсатиш даврида бешдан ортиқ объектларнинг танлов (тендер) савдоларида қатнашишига йўл қўйилмайди.

38. Муҳандислик бошқариш ва техник назорат ишлари бўйича танлов (тендер) савдоларига асосан аниқланган қиймат хизмат кўрсатиш даври икки молия йилидан ошган тақдирда, муҳандис-консультантнинг қолдиқ шартнома қийматини ўн фоизга, тўрт молия йилидан ошган тақдирда, қолдиқ шартнома қийматини йигирма фоизга қайта ҳисоблашга рухсат берилади ҳамда бошқа қайта ҳисоблашга йўл қўйилмайди.

39. Муҳандислик бошқариш ва техник назорат ишлари бўйича муҳандис-консультантларни жалб қилиш бўйича харажатлар ушбу объектга ажратилган молиялаштириш лимитлари ҳисобидан амалга оширилади.

40. Муҳандислик бошқариш ва техник назорат ишлари бўйича муҳандис-консультантларнинг шартнома муддатлари пудрат шартномалари муддатларига мутаносиб равишда узайтирилиши мумкин.

8-боб. Якунловчи қоидалар

41. Мазкур Низом билан тартибга солинмаган буюртмачи ва пудрат ташкилоти ўртасидаги муносабатлар томонлар ўртасида тузилган шартномалар асосида тартибга солинади.

42. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавобгар бўлади.

________________________________________________________________________________________ (объектнинг номи ва жойлашган жойи) ________________________________________________________________________________________ (бажарилган ишнинг номи) Ёпилиб кетадиган ишларни текшириш далолатномаси 20___ й. «____» ________________ Қуйидаги таркибдаги Комиссия: Пудратчи ташкилот вакили ________________________________________________________________ (фамилияси, исми ва отасининг исми, лавозими) ________________________________________________________________________________________ Муҳандис-консультант вакили _____________________________________________________________ ________________________________________________________________________________________ (фамилияси, исми ва отасининг исми, лавозими) Асосий конструкцияларда лойиҳачи ва эксплуатация ташкилотларнинг вакиллари _________________ (фамилияси, исми ва отасининг исми, лавозими) ________________________________________________________________________________________ ______________________________________________________________________________ томонидан (қурилиш-монтаж ташкилоти номи) бажарилган ишларни текшириб чиқди ва қуйидагилар тўғрисида ушбу Далолатномани тузди: 1. Текширишга қуйидаги ишлар тақдим қилинди: _____________________________________________ ________________________________________________________________________________________ (ёпилиб кетадиган ишлар ёки масъул конструкциялар номи) 2. Ишлар ____________________________________________________________________________ ________________________________________________________________________________________ (лойиҳа ташкилоти номи, чизмалар рақами ва улар тузилган сана) лойиҳа-смета ҳужжатлари бўйича бажарилган. 3. Ишларни бажаришда қуйидагилардан фойдаланилган: _____________________________________ ________________________________________________________________________________________ (сертификатларга таянган ҳолда материаллар, конструкциялар, буюмлар номи ёки ________________________________________________________________________________________ сифатни тасдиқлайдиган бошқа ҳужжатлар) 4. Ишларни бажаришда лойиҳа-смета ҳужжатларидаги қуйидаги ишлар бажарилмаган ёки улардан чекинишга йўл қўйилган __________________________________________________________________ чекинишга йўл қўйилганда ким билан ________________________________________________________________________________________ келишилганлиги, чизмалар рақами ва келишиш санаси кўрсатилади) 5. Ишлар бошланган сана: _____________________________________________ ишлар тугалланган сана: _______________________________________________ Комиссия қарори: Ишлар лойиҳа-смета ҳужжатлари, стандартлар, қурилиш нормалари ва қоидаларига мувофиқ бажарилган. Баён қилинганлар асосида қуйидаги ишларни бажаришга рухсат берилади ________________________ ________________________________________________________________________________________ (ишлар ва конструкциялар номи) Пудратчи ташкилот вакили __________________________________________ (имзо) Муҳандис-консультант вакили _____________________________________________ (имзо) Кўтариб турувчи конструкцияларни қабул қилиб олишда Лойиҳачи ташкилотининг вакиллари_______________________________________ (имзо) Эксплуатация ташкилотининг вакили_______________________________________ (имзо)

Маъқуллаш талабномаси

Лойиҳа: Маъқуллаш талабномаси

КИМГА: Муҳандис КИМДАН Пудрат ташкилоти

Шартнома Шартнома номи Иш турлари Сифат назорати режаси

Пикет ўрни Ўнг тараф □ Талабнома рақами Тўлдириш муддати Чап тараф □

Ҳурматли ................................................................................................................................Ф.И.О. ва лавозими. Пудрат ташкилоти кейинги иш турларини бажариши учун Сиздан ҳозирда амалга оширилган ишларни қабул қилиб олишингизни сўрайди. Муҳандисга жойида ва лабораториядаги синовларда қатнашиш тавсия этилади. Бу ҳолда пудрат ташкилоти синовларни тўлиқ ёки қисман ўтказиб бўлган, синовга тегишли ёзувлар, қарорлар ва геодезик маълумотларни илова қилган. Ишлар таркиби Синов тури / Ишларни текшириш тури Синовлар натижалари ва геодезик ўлчовлар, далолатнома рақами ва муддати (ҳужжатлар илова қилинади) □ □ □ □ □ □ □ □ □ □ Текшириш тавсия қилинган вақт Муддати: __________________ Вақти:

Қатнашаётган тарафлар Ф.И.О. Муддати Муҳр/Имзо Пудратчининг сўрови Муҳандис томонидан қабул қилинган

Маъқуллаш тадбири Маъқулланган Маъқулланмаган Муддати Муҳр/Имзо Муҳандис томонидан маъқулланган □ □ Муҳандис фикри: __________________________________________________________________________________________ Шартномага мувофиқ ушбу шаклни тасдиқлаш, қабул қилинганлиги ва имзоланганлиги, барча қисмлари, тафсилотлари, камчиликлар ва хатоларга қарамасдан пудрат ташкилоти материаллар, қурилиш услублари, сифат назорати, қоришмалар таркибини бўйича, ўлчамлар, иш ҳажмлари, ёрдамчи пудратчи ташкилотларнинг бажарган ишлари, шунингдек уларнинг оқибатларига нисбатан тўлиқ жавобгарлик ўз зиммасида қолади.

____ сон шартноманинг бандига мувофиқ оралиқ тўловлар аризаси / ____ шартнома шартларига мувофиқ тўловни тасдиқловчи оралиқ сертификат (пудрат ташкилоти томонидан муҳандисга топширилади) (муҳандис томонидан буюртмачига топширилади) Лойиҳа: Шартнома: Дастлабки шартнома миқдори: Қўшимча битим миқдори: Буюртмачи: Молиялаштирувчи органлар: Муҳандис/Консультант: Пудрат ташкилоти: Таклиф қилинган рақам ОТА/ТТС: ОТА/ТТСдан: Қамраб олинган давр ОТА/ТТС: Таклиф қилинган рақам ОТА/ТТС: ОТА/ТТСдан: Қамраб олинган давр ОТА/ТТС:

Т/р Ишнинг номи Шартнома қиймати (UZS) (%) Ўтган тўловда тасдиқланган қиймат Ушбу тўловга тасдиқланаётган қиймат Ўсиб борувчи қиймат, жами ТТС — 01 ТТС — 02 (%) (UZS) (%) (UZS) (%) (UZS) (пастки банднинг номи) Жами (01) Кафолатланган қиймат (бажарилган иш ҳажмидан ____%) - (02) Кафолатланган қийматнинг ушлаб қолиниши - (03) Объектдаги материаллар Умумий жамланмаси (04) Олдиндан тўлов (____%) - (05) Олдиндан тўловнинг ушлаб қолиниши (_____%, бажарилган иш ҳажмидан) Ҳақиқий тўловга тақдим этилган қиймат Банди Ишнинг номи Тўланадиган қиймат Ҳақиқий тўланадиган қиймат (умумий шартномалардаги нархларга асосан ) UZS (100%) C. Ушлаб қолинадиган маблағнинг умумий қиймати (1+2) - Ҳозирги вақтга қадар, жами ........% 1. Кафолатланган қиймат (____%) - 2. Олдиндан тўловнинг ушлаб қолиниши - D. Ушбу сертификат бўйича жами қиймат - Ушбу сертификат бўйича жами қиймат - ёзув билан

Пудрат ташкилоти раҳбари Муҳандис

____ сон шартноманинг бандига мувофиқ оралиқ тўловлар аризаси / ____ шартнома шартларига мувофиқ тўловни тасдиқловчи оралиқ сертификат (Пудрат ташкилоти томонидан муҳандисга топширилади) (муҳандис томонидан буюртмачига топширилади) Лойиҳа: Шартнома: Таклиф қилинган рақам ОТА/ТТС: Дастлабки шартнома миқдори: ОТА/ТТСдан: Қўшимча битим миқдори: Қамраб олинган давр ОТА/ТТС: Буюртмачи: Молиялаштирувчи органлар: Таклиф қилинган рақам ОТА/ТТС: Муҳандис/Консультант: ОТА/ТТС дан: Пудратчи: Қамраб олинган давр ОТА/ТТС: Оралиқ тўлов сертификатининг кўлами № _______ Пудрат ташкилоти — ................................. 20.... йил........................ га қадар бажарилган ишлар ҳажми А) Шу давргача бўлган ишлар ҳажми - (UZS) Б) Олдинги тасдиқлаш миқдори, шу жумладан, янгиланган нархи - (UZS) В) Шу ойдаги қиймат - (UZS) Г) Қурилиш майдончасидаги материалларнинг тўлови - (UZS) Д) Қурилиш майдончасидаги материалларнинг тўловининг қайтарилиши - (UZS) Е) Олдиндан тўловнинг ўрнини қоплаш - (UZS)] Ё) Қийматнинг ушлаб қолиниши (5%) - (UZS) Ж) Кўзда тутилмаган харажатларга захира қиймати - (UZS) З) жорий сертификат билан тўланадиган қиймат - (UZS) Изоҳ: Ушбу вақтинча тўлов гувоҳнома бўлиб, бунда кўрсатилган тўлов ва сертификатланган қиймат муҳандис-консультант томонидан якуний қабул қилинган деб ҳисобланмайди, лекин пудрат ташкилотининг пул оқимларини рағбатлантириш мақсадида вақтинча тўлов гувоҳномаси сифатида қабул қилинади. Пудрат ташкилоти раҳбари Муҳандис

____ сон шартноманинг бандига мувофиқ оралиқ тўловлар аризаси / ____ шартнома шартларига мувофиқ тўловни тасдиқловчи оралиқ сертификат (пудрат ташкилоти томонидан муҳандисга топширилади) (муҳандис томонидан буюртмачига топширилади) Лойиҳа: Шартнома: Таклиф қилинган рақам ОТА/ТТС: Дастлабки шартнома миқдори: ОТА/ТТСдан: Қўшимча битим миқдори: Қамраб олинган давр ОТА/ТТС: Буюртмачи: Лойиҳа: Таклиф қилинган рақам ОТА/ТТС: Шартнома: ОТА/ТТС дан: Дастлабки шартнома миқдори: Қамраб олинган давр ОТА/ТТС:

А) Олдиндан аванс тўлови Муддати Сертификат № Қиймати (UZS) (UZS) (UZS) (UZS) олдиндан тўланадиган аванс тўловининг умумий қиймати - (UZS) Б) Тўланган аванс тўловининг қайтарилиши Муддати Сертификат № Қиймати (UZS) (UZS) (UZS) (UZS) тўланган аванс тўлови қайтарилишининг умумий қиймати - (UZS) В) Қурилиш майдончасидаги материаллар учун тўлов Муддати Сертификат № Қиймати материаллар тўловининг умумий қиймати - (UZS) Г) Қурилиш майдончасидаги материаллар учун тўловларнинг қайтарилиши Муддати Сертификат № Қиймати (UZS) (UZS) (UZS) (UZS) материаллар учун тўловларнинг қайтарилиши умумий қиймати - (UZS) Д) кафолат қиймати ушланиши (5%) Санаси Сертификат № Қиймати (UZS) (UZS) (UZS) (UZS) Жами ушлаб қолинган кафолат қиймати - (UZS)

Пудрат ташкилоти раҳбари Муҳандис

____ сон шартноманинг бандига мувофиқ оралиқ тўловлар аризаси / ____ сон шартнома шартларига мувофиқ тўловни тасдиқловчи оралиқ сертификат (пудрат ташкилоти томонидан муҳандисга топширилади) (муҳандис томонидан буюртмачига топширилади) Бўлим № ______ йўл қопламаси ёки бошқа иш турлари Лойиҳа: Шартнома: Таклиф қилинган рақам ОТА/ТТС: Дастлабки шартнома миқдори: ОТА/ТТСдан: Қўшимча битим миқдори: Қамраб олинган давр ОТА/ТТС: Буюртмачи: Молиялаштирувчи органлар: Таклиф қилинган рақам ОТА/ТТС: Муҳандис/Консультант: ОТА/ТТС дан: Пудрат ташкилоти: Қамраб олинган давр ОТА/ТТС:

Тўлов банди Ишнинг тури Ўлчов бирлиги Шартнома Бажарилган Қурилиш бошидан бажарилган Тартиб рақами Тўлов банди Шартнома бўйича ўлчов бирлиги қиймати (UZS) Ҳажми Қиймати [UZS] Ҳажми Қиймати [UZS] Ҳисобот даврида бажарилган (ТТС___) Ҳажми Қиймати (UZS) Жами Шундан Жами Шундан Жами Шундан Жами Шундан Иш ҳажми Қиймати Ҳисобот давригача бажарилган Ҳисобот давригача бажарилган Ҳисобот давригача бажарилган Ҳисобот давригача бажарилган Пудратчи Муҳандис

____ сон шартноманинг бандига мувофиқ оралиқ тўловлар аризаси / ____ сон шартнома шартларига мувофиқ тўловни тасдиқловчи оралиқ сертификат (пудратчи томонидан муҳандисга топширилади) (муҳандис томонидан буюртмачига топширилади) Объектдаги материаллар Лойиҳа: Шартнома: Таклиф қилинган рақам ОТА/ТТС: Дастлабки шартнома миқдори: ОТА/ТТСдан: Қўшимча битим миқдори: Қамраб олинган давр ОТА/ТТС: Буюртмачи: Молиялаштирувчи органлар: Таклиф қилинган рақам ОТА/ТТС: Муҳандис/Консультант: ОТА/ТТС дан: Пудратчи: Қамраб олинган давр ОТА/ТТС:

Тўлов банди Объектдаги материаллар тавсифи (номи) Объектдаги материаллар нархи (UZS) Ўлчов бирлиги Олдинги ТТСда тасдиқланган материаллар Объектга келтирилган янги материаллар Объектга келтирилган материаллардан омбордаги қолдиқ қисми Объектдаги материалларнинг баланси Ҳажми (ҳар бир бирлик учун) Қиймати (UZS) Ҳажми (ҳар бир бирлик учун) Қиймати (UZS) Ҳажми (ҳар бир бирлик учун) Қиймати (UZS) Ҳажми (ҳар бир бирлик учун) Қиймати (UZS) 1 2 3 4 5 6=5х3 7 8=7х3 9 10=9х3 11=5+7+9 12=11х3 Объектдаги материалларнинг жами

(янги материаллар) (материалларнинг ушлаб қолиниши) (тўпланган) (қолдиқ сақланадиган материалларнинг қиймати Пудрат ташкилоти раҳбари Муҳандис

«ТАСДИҚЛАЙМАН» __________________________ __________________________ __________________________ (комиссияни тайинлаган орган) Ишчи комиссиянинг қурилиши (реконструкция қилиш) тугалланган объектни фойдаланишга қабул қилиш тўғрисидаги ДАЛОЛАТНОМАСИ 20___ й. «_____»____________ _________________________________________________________________________________________ (объектнинг жойлашган жойи) _____________________________________________________________________________________ нинг _________________________________________________________________________________________ (қабул қилиш комиссиясини тайинлаган органнинг номи) 20____ й. «___»_________даги ___-сон қарори (буйруғи) билан тайинланган қуйидаги таркибдаги қабул қилиш комиссияси: Раис-буюртмачи вакили ____________________________________________________________________ (фамилияси, исми, отасининг исми, лавозими) Раис ўринбосари — Транспорт вазирлиги ҳузуридаги Транспорт назорати инспекциясининг инспектори _________________________________________________________________________________________ _________________________________________________________________________________________ (фамилияси, исми, отасининг исми, лавозими) комиссия аъзолари: бош пудрат ташкилот вакили _______________________________________________________________ (Ф.И.О. лавозими) ____________________________________ (имзо) Муҳандис-консультант ____________________________________________________________________ (Ф.И.О. лавозими) _______________________________ (имзо) ёрдамчи пудрат ташкилот ташкилотлар вакиллари _____________________________________________ _________________________________________________________________________________________ (Ф.И.О. лавозими) _______________________________________________ (имзо) лойиҳа ташкилотлари вакиллари ____________________________________________________________ _________________________________________________________________________________________ (Ф.И.О. лавозими) _______________________________________________ (имзо) фойдаланувчи ташкилотлар вакиллари _______________________________________________________ _________________________________________________________________________________________ (Ф.И.О. лавозими) _______________________________________________ (имзо) Йўл ҳаракати хавфсизлиги давлат хизмати органлари вакиллари _________________________________________________________________________________________ (Ф.И.О. лавозими) _______________________________________________ (имзо) Қурилиш (реконструкция қилиш) тугалланган объектни фойдаланишга қабул қилиб олиш қоидаларига амал қилган ҳолда қуйидагиларни АНИҚЛАДИ: 1. Бош пудрат ташкилоти _______________________________________________________________________________ томонидан (ташкилотнинг ва унинг идоравий мансуб бўлинмалари номи кўрсатилсин) _________________________________________________________________________________________ (объектнинг номи ва жойлашган жойи) таъмирлаш ишлари тугалланган объект фойдаланиш учун қабул қилишга тақдим этилган. 2. Қурилиш (реконструкция қилиш) _______________________________________________ ________________________________________________________________________ ишларини бажарган (бажарилган иш турлари кўрсатилсин) бош пудрат ташкилоти томонидан ҳамда _________________________________________________________________________________________ (бажарилган иш турлари кўрсатилсин) _______________________________________________________________________ ишларини бажарган (ташкилотлар номи кўрсатилсин) _________________________________________________________________________________________ унинг ёрдамчи пудрат ташкилотлари томонидан амалга оширилган. 3. Қурилиш (реконструкция қилиш) учун лойиҳа ҳужжатлари _________________________________________________________________________________________ (лойиҳа ҳужжатларини тасдиқлаган органнинг номи кўрсатилсин) томонидан 20 __ й. «____»________да тасдиқланган. 4. Қурилиш (реконструкция қилиш) ишлари қуйидаги муддатларда амалга оширилган: ишлар бошланиши ____________________; ишлар тугалланиши _______________________ (ой ва йил) (ой ва йил) 5. Қурилиш (реконструкция қилиш) тугалланган объектни қабул қилиб олишда комиссияга қуйидаги ҳужжатлар тақдим қилинган: лойиҳа ҳужжатлари, ёпилиб кетадиган ишлар далолатномаси, журналлар ва ижро ҳужжатлари, материаллар, буюмлар ва конструкцияларга мувофиқлик сертификатлари; ишларни бажариш журнали; муаллифлик назорати журнали. 6. Тақдим қилинган объект қуйидаги кўрсаткичларга эга: __________________________________ _________________________________________________________________________________________ (лойиҳа ва режада назарда тутилган объектнинг умумий узунлиги, масофаси, _________________________________________________________________________________________ йўл тоифаси кўрсатилсин) 7. Танлов савдоси натижаларига кўра (ёки томонларнинг келишувига кўра) аниқланган жорий нархларда ҳисобланган тўлов қиймати ________________________________________________________________________________ минг сўм, (ҳисобланган тўлов қиймати кўрсатилсин) 8. Амалда тақдим этилган объектни кўрикдан ўтказиш ҳамда тегишли ҳужжатлар билан танишиш асосида қурилиш ишлари сифатига баҳо берилади _____________________________________ _________________________________________________________________________________________ (қониқарли, қониқарсиз) Комиссия қарори ___________________________________________________________________________ объекти (объектнинг номи ва жойлашган жойи) бош пудрат ташкилотидан фойдаланиш учун қабул қилинган деб ҳисоблансин. Қабул қилиш комиссияси раиси _______________________________________________________ (Ф.И.О. лавозими) (имзо) Раис ўринбосари — Транспорт вазирлиги ҳузуридаги Транспорт назорати инспекциясининг инспектори ______________________________________________________________________________ (Ф.И.О, лавозими) _____________________________ (имзо) Комиссия аъзолари: _________________________________________________________________________________________ (имзо, Ф.И.О.) _________________________________________________________________________________________ (имзо, Ф.И.О.) _________________________________________________________________________________________ (имзо, Ф.И.О.) _________________________________________________________________________________________ (имзо, Ф.И.О.) Бош пудрат ташкилоти ва ёрдамчи пудрат: Фойдаланувчи ташкилотлар ташкилоти вакиллари топширдилар вакиллари қабул қилдилар: __________________________________ __________________________________ __________________________________ __________________________________ (имзо, фамилияси, исми, отасининг исми) (имзо, фамилияси, исми, отасининг исми)

«ТАСДИҚЛАЙМАН» _______________________________________ (қарор, буйруқ, ҳал қилув қарори санаси ва тартиби _______________________________________ рақами, буйруқ, қарорни имзолаган шахснинг _______________________________________ фамилияси, исми, отасининг исми) _______________________________________ Давлат қабул комиссиясининг қурилиши (реконструкцияси) тугалланган автомобиль йўллари ва йўл иншоотларини фойдаланишга қабул қилиш тўғрисидаги ДАЛОЛАТНОМАСИ 20___ й. «_____»____________ ____________________________________ (объектнинг жойлашган жойи) _________________________________________________________________________________________ _____________________________________________________________________________________нинг (комиссияни тайинлаган органнинг номи) 20___й. «___»___________даги _____-сон қарор (буйруғи) билан тайинланган Давлат қабул комиссияси, қурилиши (реконструкцияси) тугалланган объектларни фойдаланишга қабул қилиш қоидаларига амал қилган ҳолда қуйидагиларни АНИҚЛАДИ: 1. Буюртмачи (пудрат ташкилоти томонидан буюртмачи билан биргаликда __________________ _______________________________________________________________________________ томонидан (ташкилот номи ва идоравий мансублиги) ___________________________________________________________________________ манзили бўйича (йўл номи ва унинг манзили) жойлашган _______________________________________________________________________________ (объектнинг номи ва қурилиш тури: _________________________________________________________________________________________ _________________________________________________________________________________________ янги, кенгайтириш, реконструкция қилиш, техник қайта жиҳозлаш) объекти фойдаланиш учун қабул қилишга тақдим этилган. 2. Қурилиш (реконструкция қилиш) ________________________________________________ _________________________________________________________________________________________ (рухсат берган органнинг номи) 20___й. «___»________даги ___________-сон қарори (буйруғи) асосида амалга оширилган. 3. Қурилиш (реконструкция қилиш) _________________________________________________ _______________________________________________________________________ ишларини бажарган (бажарилган иш турлари) _________________________________________________________________________________________ _________________________________________________________________________________________ (ташкилот номи ва унинг идоравий мансублиги) бош пудрат ташкилоти томонидан ҳамда _____________________________________________________ (ташкилотлар номи ва уларнинг идоравий мансублиги: _________________________________________________________________________________________ ҳар бир ташкилот томонидан бажарилган ишлар турлари) _________________________________________________________________________________________ ёрдамчи пудрат ташкилотлари томонидан амалга оширилган. 4. Қурилиш (реконструкция қилиш) учун лойиҳа ҳужжатлари _____________________________ _______________________________________________________________________ ишларини бажарган (ҳужжатлар қисмлари ва бўлимлари номи) _________________________________________________________________________________________ _________________________________________________________________________________________ (ташкилот номи ва унинг идоравий мансублиги) бош лойиҳа ташкилоти томонидан ҳамда _____________________________________________________ (ташкилотлар номи ва уларнинг идоравий мансублиги: _________________________________________________________________________________________ ҳужжатлар қисмлари ёки бўлимлари бажарилиши) _________________________________________________________________________________________ ёрдамчи пудрат ташкилотлари томонидан амалга оширилган. 5. Лойиҳалаштириш учун дастлабки маълумотлар ______________________________________ (илмий-тадқиқот _________________________________________________________________________________________ ва қидирув ташкилотлари, уларнинг идоравий мансублиги _______________________________________________________________________ томонидан берилган. дастлабки маълумотлар мавзулари) 6. Қурилиш (реконструкция қилиш) _________________________________________________ _________________________________________________________________________________________ (лойиҳанинг тартиб рақами, серияси тартиб рақами (намунавий лойиҳалар бўйича) лойиҳа (намунавий, шахсий, такрор қўлланиладиган лойиҳа) бўйича амалга оширилган. 7. Лойиҳанинг техник-иқтисодий асослари (лойиҳа ҳужжатлари) ___________________________ _________________________________________________________________________________________ _______________________________________________________________________________ томонидан (объект ҳужжатларини тасдиқлаган (қайта тасдиқлаган) органнинг номи) 20 _й. «___»___________ даги ______-сон билан тасдиқланган. 8. Қурилиш-монтаж ишлари қуйидаги муддатларда амалга оширилган: ишлар бошланиши ____________________; ишлар тугалланиши _______________________ (ой ва йил) (ой ва йил) 9. Давлат қабул қилиш комиссиясига қуйидаги ҳужжатлар тақдим этилган: _________________________________________________________________________________________ (масофаси, узунлиги, асосий материаллар ва конструкциялар, муҳандислик _________________________________________________________________________________________ ва техник асбоб-ускуналар бўйича қисқача техник тавсифлар) Кўрсатиб ўтилган ҳужжатлар ушбу далолатномага мажбурий иловалар ҳисобланади. 10. Асбоб-ускуналар лойиҳа бўйича _______________________________________________ дона; амалда ___________________________ дона миқдорида ишчи комиссиялар томонидан якка тартибда синалгандан кейин ва комплекс ишлатиб кўрилгандан кейин (мазкур далолатномага ________-иловада далолатномалар рўйхати келтирилган) уни қабул қилиш тўғрисидаги далолатномага мувофиқ ўрнатилган. 11. Объектдан нормал фойдаланишга таъсир қилмайдиган чала қилинган ишлар ва нуқсонлар ________-сон иловага қаранг. 12. Танлов савдоси натижаларига кўра (ёки томонларнинг келишувига кўра) аниқланган жорий нархларда ҳисобланган тўлов қиймати ________________________________________________________________________________ минг сўм, (ҳисобланган тўлов қиймати кўрсатилсин) ИШЧИ ҚАБУЛ КОМИССИЯСИНИНГ ҚАРОРИ Қабул қилишга тақдим этилган ________________________________________________________ (объектнинг номи) ФОЙДАЛАНИШ УЧУН ҚАБУЛ ҚИЛИНСИН Давлат қабул комиссияси раиси _______________________________________________________ (Ф.И.О. лавозими) _____________________________ (имзо) Раис ўринбосари — Ўзбекистон Республикаси Транспорт вазирлиги ҳузуридаги Транспорт назорати инспекциясининг давлат инспектори _________________________________________________________ _________________________________________________________________________________________ _________________________________________________________________________________________ (фамилияси, исми, отасининг исми, лавозими) Комиссия аъзолари: Қорақалпоғистон Республикаси Вазирлар Кенгаши ёки вилоятлар, Тошкент шаҳар ҳокимликлари вакили ______________________________________________________________________ (Ф.И.О. лавозими) ___________________________________ (имзо) бош пудрат ташкилоти вакили ______________________________________________________________ (Ф.И.О. лавозими) ____________________________ (имзо) Муҳандис-консультант _____________________________________________________________________ (Ф.И.О. лавозими) _______________________________ (имзо) ёрдамчи пудратчи (монтаж) ташкилотлар вакили _______________________________________________ (Ф.И.О. лавозими) ___________________ (имзо) фойдаланувчи ташкилот вакили _____________________________________________________________ (Ф.И.О. лавозими) ______________________________ (имзо) бош лойиҳа ташкилоти вакили ______________________________________________________________ (Ф.И.О. лавозими) ______________________________ (имзо) зарур ҳолатларда бошқа манфаатдор назорат органлари ва ташкилотлар вакиллари _________________________________________________________________________________________ (Ф.И.О, лавозими) ______________________________ (имзо)

Вазирлар Маҳкамасининг 2024 йил 30 декабрдаги 901-сон қарорига 2-ИЛОВА

Автомобиль йўлларини таъмирлаш ва сақлаш ишлари

1-боб. Умумий қоидалар

1. Мазкур Тасниф умумий фойдаланишдаги автомобиль йўлларини, шаҳарлар ва бошқа аҳоли пунктларининг кўчаларини, хўжалик автомобиль йўлларини (кейинги ўринларда — автомобиль йўллари) таъмирлаш ҳамда сақлаш ишларининг турлари ва таркибини белгилайди.

Автомобиль йўлларини таъмирлаш ва сақлаш ишларининг турлари ҳамда таркиби маблағлардан фойдаланиш йўналишларини асослаш, автомобиль йўллари ва улардаги йўл иншоотларини таъмирлаш ҳамда сақлаш харажатларини прогнозлаштириш ва йўл ишларини ташкил этиш учун асос ҳисобланади.

2. Автомобиль йўлларини эксплуатация қилиш ишлари қуйидаги турларга бўлинади:

а) таъмирлаш бўйича:

автомобиль йўлларини таъмирлаш;

б) сақлаш бўйича:

автомобиль йўлларини сақлаш ва нуқсонларни бартараф этиш;

автомобиль йўлларини қишда сақлаш;

автомобиль йўлларини кўкаламзорлаштириш.

3. Автомобиль йўлларини таъмирлашнинг талаб этиладиган иш тури, ҳар бир автомобиль йўли ёки унинг участкасини таъмирлаш бўйича ишлар таркиби ва ҳажми уларнинг амалдаги ҳолатини техник текшириш (ташхис ва баҳолаш), муҳандислик изланишлар, синовлар ёки мавсумий кўриклар натижалари асосида белгиланади.

4. Автомобиль йўлларининг умумий тармоғи бўйича сақлаш ва нуқсонларни бартараф этиш ишлари кўриклар (жорий, даврий ва мавсумий) ҳамда йўлнинг мавжуд техник ҳолатини доимий ўрганишлар натижаларини инобатга олган ҳолда амалга оширилади.

5. Автомобиль йўллари ва йўл иншоотларининг ҳамда йўллардан фойдаланиш ташкилотининг тасарруфида бўлган бино ва ёрдамчи иншоотлар, йўл хизмати биноларини ҳамда ишлаб чиқариш базаларини таъмирлаш ишлари уларнинг техник ҳолатини белгиланган мезонлар билан таққослаш орқали амалга оширилади.

Автомобиль йўллари ва йўл иншоотларининг таркибига киритилган бинолар ва қўшимча иншоотларни сақлаш ҳамда нуқсонларини бартараф этиш ишлари уларнинг мавжуд ҳолатини техник кўрикдан ўтказиш орқали амалга оширилади.

6. Автомобиль йўлларида эксплуатация ишларини аутсорсинг асосида амалга ошириш мазкур Тасниф асосида олиб борилади ҳамда қонунчилик ҳужжатлари билан тартибга солинади.

7. Мазкур Таснифда қуйидаги асосий тушунчалар қўлланилади:

автомобиль йўли — автотранспорт воситаларининг белгиланган тезликда, оғирликда, ўлчамларда муттасил ҳамда хавфсиз ҳаракатланиши учун мўлжалланган, ажратилган минтақада жойлашган ер участкаси ва унинг усти ёки остидаги конструктив элементлари (йўл тўшамаси, йўл қопламаси ва бошқалар), йўл бўлими бино ва иншоотлари, йўл иншоотлари ҳамда йўл ҳаракатини ташкил этишнинг техник воситаларидан иборат транспорт инфратузилмаси объекти;

автомобиль йўлларининг истеъмол хоссалари — автомобиль йўлларидан фойдаланувчиларнинг манфаатларига бевосита жавоб берадиган транспорт-эксплуатация кўрсаткичларининг мажмуи. Истеъмол хоссаларига — ҳаракатнинг тезлиги, узлуксизлиги, хавфсизлиги ва қулайлиги, транспорт воситаларини ўтказиш имконияти ва ҳаракатланиш даражаси, ўқига тушадиган оғирлиги, юкламаси, умумий массаси ва габаритлар билан автомобиль йўлларида ҳаракатланиш учун рухсат берилган автомобиллар ва автопоездларни ўтказиш имконияти, экологик хавфсизлик, эстетик ва бошқа хоссалар киради;

автомобиль йўлларини кўкаламзорлаштириш — ажратилган минтақада дарахтзорлар барпо этиш, автомобиль йўлларининг архитектура-бадиий тузилиши ва ландшафт дизайнини барпо этиш, ўт экиш ишлари ҳамда кўкаламзорлаштириш элементларини парвариш қилиш, йўл иншоотларини шамол ва сув эрозиясидан, шунингдек, қор ва қум уюмларидан ҳимоя қилиш мақсадида кўчатлар экиш ҳамда кўчатхоналар, гулхоналар (питомниклар) ташкил қилиш ва уларни сақлаш ишлари;

автомобиль йўлларини сақлаш ва нуқсонларни бартараф этиш — автомобиль йўли ва йўл иншоотлари ишончлилиги ҳамда қулайлилигини таъминлашга йўналтирилган фойдаланиш кўрсаткичларини яхшилаш мақсадида бажариладиган комплекс ишлар. Бунда эскирган қопламани қисман қоплаш, унинг текислигини ва илашиш сифатларини тиклаш ҳамда яхшилаш, йўл қопламаси, ер кўтармаси, йўл иншоотлари, автомобиль йўлларини жиҳозлаш ва ободонлаштириш, ҳаракат хавфсизлигини ташкил этиш ҳамда таъминлаш элементларининг барча бузилишлари ва шикастланишларини бартараф этиш, шунингдек, автомобиль йўлининг бутун узунлигида йил мобайнида автомобиль йўллари ҳамда йўл иншоотлари шикастланишларининг олдини олиш ва юзага келган нуқсонларни тузатиш йўли билан амалга ошириладиган фойдаланиш кўрсаткичларини сақлаш бўйича комплекс ишлар;

автомобиль йўлларини сақлаш ва нуқсонларни бартараф этиш ишларининг харажатлар сметалари — қонунчилик ҳужжатлари талаблари бўйича ишлаб чиқиладиган ҳамда ажратилган лимит маблағлари доирасида автомобиль йўлининг техник кўриклар натижалари асосида аниқланадиган ҳамда буюртмачи томонидан тасдиқланган, муайян давр (ойлик, чораклик, йиллик) оралиғида бажариладиган техник-технологик ишлар учун талаб этиладиган маблағлар акс эттириладиган ҳужжат;

автомобиль йўлларини таъмирлаш — автомобиль йўли ёки унинг айрим участкалари ва йўл иншоотларининг имкониятларини ошириш мақсадида комплекс таъмирлаш ишлари мажмуи. Бунда йўлнинг таъмирланаётган участкаларида йўл тўшамаси асосларини тўлиқ ёки қисман тиклаш, эскирган қопламани 1 ёки 2 қатламда қайта ётқизиш, қопламанинг текислигини (равонлигини) ва илашиш сифатларини яхшилаш, ер кўтармаси, йўл иншоотлари, автомобиль йўлларини жиҳозлаш ҳамда ободонлаштириш, ҳаракат хавфсизлигини ташкил этиш ва таъминлаш элементларининг барча бузилишлари ҳамда шикастланишларини бартараф этиш ва янгиларини ўрнатиш ишлари амалга оширилади;

автомобиль йўлларининг ташхиси — автомобиль йўллари ва йўл иншоотларини техник ҳолати бўйича ахборот тўплаш (маълумотлар банкини шакллантириш) тизими асосий элементи ҳисобланиб, кўриб чиқилаётган даврда автомобиль йўлларининг техник ҳолатини аниқлашни, муайян давр ўтгандан кейин автомобиль йўли қандай техник ҳолатда бўлишини прогнозлаштиришни, автомобиль йўлларида қандай нуқсонлар келиб чиқишининг бирламчи сабабларини аниқлашни ўз ичига олади;

автомобиль йўлларини техник кўрикдан ўтказиш — автомобиль йўллари ва йўл иншоотларини доимий равишда (даврий ва мавсумий) техник кўрикдан ўтказиш ҳамда унинг натижалари бўйича ҳаракат хавфсизлигини ташкил этиш, автомобиль йўлларининг транспорт-эксплуатация сифатларини ошириш ва унинг геометрик параметрларини ва йўл иншоотларини яхшилаш билан боғлиқ бўлган чора-тадбирларнинг тўлиқ рўйхатини ишлаб чиқиш;

автомобиль йўлларини техник текшириш — автомобиль йўллари ва йўл иншоотларини фойдаланиш сифатларига мувофиқлигини ҳамда таъмирлаш заруратини аниқлаш мақсадида асбоб-ускуналар ёрдамида уларни кузатиш, синаш, таҳлил қилиш ва баҳолашни ўз ичига оладиган жараён;

автомобиль йўлларининг эксплуатацияси — автомобиль йўлларини таъмирлаш ва сақлаш ишлари мажмуаси;

автомобиль йўлларини қишда сақлаш — автомобиль йўллари ва йўл иншоотларини қиш мавсуми мобайнида бажариладиган иш режимлари бўйича комплекс ишлар, автомобиль йўлларини қиш мавсумида қор қатламлари, уюмлари ва кўчкиларидан ҳимоя қилиш, қордан тозалаш, қишки сирпанчиқ пайдо бўлишининг олдини олиш ва уларни бартараф этиш ҳамда музламаларга қарши курашиш ишларини ташкил қилиш харажатлари бўйича ишлар ва тадбирлар;

автомобиль йўлларида ҳаракат хавфсизлиги аудити — автомобиль йўлларининг айрим участкаларини лойиҳалаштириш, қуриш ва улардан фойдаланиш даврида йўл ҳаракати хавфсизлигини ташкил қилиш бўйича техник жиҳатдан тартибга солиш соҳасидаги норматив ҳужжатлар талабларига мувофиқлигини таҳлил қилиш ҳамда баҳолашни ўз ичига оладиган жараён;

ёрдамчи бино ва иншоотлар — йўл бўлими бинолари, йўл усталар уйи, ишлаб чиқариш заводлари ва цехлари, йўл техникаларини созлаш ва сақлаш автосаройлари ҳамда ёрдамчи иншоотлар мажмуаси, устахоналар, қум-техник туз сақлаш учун мўлжалланган айвонлар, омборхоналар, қудуқлар, ошхоналар, буғ қозонхонаси, ҳовли майдонидаги муҳандислик тармоқлари, тозалаш иншоотлари, иситиш тармоқлари, электр линиялари, ёритиш тармоқлари, тоифаланган объектларнинг қўриқлаш хизмати бино ва ёрдамчи иншоотлари ва бошқалар;

йўл бўлими — автомобиль йўлининг узлуксиз равишда соз ҳолда сақланишини ҳамда унда ҳаракат хавфсизлигини таъминлайдиган йўл хўжалигининг ажратилган минтақа доирасида жойлашган қуйи бўғини бўлиб, умумий фойдаланишдаги автомобиль йўлининг ажралмас қисми ҳисобланади. Йўл бўлими йўл ишчилари учун ювиниш ва кийиниш хоналари, ётоқхоналар, ошхоналар, шунингдек, транспорт воситалари ва йўл механизмларини сақлаш ва таъмирлаш саройлари ҳамда битум, туз-қум ва инерт маҳсулотлар захираси омборлари, суғориш тизимлари, диспетчерлик ва иш анжомларини сақлаш хоналари, электр подстанцияларидан иборат бўлади;

йўл иншоотлари — йўлнинг элементлари бўлган сунъий йўл иншоотлари, йўл ҳимоя иншоотлари ва йўлларни жиҳозлаш элементлари;

йўл иншоотларини тиклаш — йўл иншоотларининг шикастланган жойларини бартараф этиш, унинг яхлитлигича ёки алоҳида элементларининг иш қобилиятини тиклашга қаратилган чора-тадбирлар мажмуи;

йўлларни жиҳозлаш элементлари — тўхташ майдончалари, йўловчилар учун павильонлар, дам олиш майдончалари, транспорт воситаларининг тўхташи ва тўхтаб туриши учун махсус майдончалар, пиёдалар ва велосипед йўлакчалари;

йўл ҳимоя иншоотлари — ландшафт элементларини ўз ичига олган, автомобиль йўллари ва сунъий иншоотларни қор кўчкилари, бархан қумлари, ўпирилиш, силжишдан, шовқиндан ҳамда шамолдан ҳимоя қиладиган дарахтзорлар ва бошқа иншоотлар;

сунъий йўл иншоотлари — автомобиль йўлларининг бошқа автомобиль йўллари, сув оқимлари, жарликлар билан кесишган жойларда, пиёдалар ва транспорт воситаларининг ҳаракатланишига, ҳайвонларни ҳайдашга ҳамда ёввойи ҳайвонларнинг кўчиб ўтишига тўсқинлик қилувчи жойларда уларнинг ҳаракатланиши учун мўлжалланган иншоотлар (кўприклар, йўл ўтказгичлар, тоннеллар, эстакадалар, ҳар хил шаклдаги сув ўтказиш қувурлари, дюкерлар ва шунга ўхшаш иншоотлар);

эксплуатация ташкилотлари — автомобиль йўллари, йўл иншоотлари ва сунъий йўл иншоотларини сақлаш ҳамда таъмирлаш ишлари мажмуини амалга оширишга ихтисослашган йўл ташкилотлари.

2-боб. Автомобиль йўлларини таъмирлаш

8. Автомобиль йўллари ва йўл иншоотлари йўлнинг таъмирланаётган участкасида автомобиль йўлининг барча ёки айрим (таъмирталаб қисмларида) йўл иншоотлари ва элементлари бўйича таъмирланади.

9. Автомобиль йўллари ва йўл иншоотларини таъмирлаш автомобиль йўлининг эскирган конструктив элементлари ва деталларини (жиҳозларини) тўлиқ тиклаш ҳамда алмаштириш, шунингдек, транспорт-эксплуатация кўрсаткичларини мазкур тоифадаги автомобиль йўли учун тегишли ҳисоблаб чиқарилган ҳаракат жадаллигида навбатдаги таъмирлашгача бўлган даврдаги истеъмол хоссаларига қўйиладиган норматив талабларни таъминлашга имкон берадиган даражага кўтаришдан иборат.

Ҳаракат жадаллиги мазкур тоифадаги йўл учун белгиланган нормадан ошиб кетган тақдирда, автомобиль йўли янада юқори тоифага ўтказилиб, реконструкция қилиниши лозим.

10. Автомобиль йўллари ва йўл иншоотларини таъмирлаш бўйича харажатлар таркибига таъмирлаш ишлари харажатларидан ташқари, таъмирлаш ўтказилиши даврида таъмирланаётган участкада жойлашган йўллар ва йўл иншоотлари ҳамда йўл элементларини таъмирлаш ишлари ҳажмига киритилмаган автомобиль йўлларининг таъмирланаётган участкаларида вақтинча айланиб ўтиш йўлларини (лозим бўлганда) қуриш ва уларни тугатиш харажатлари ҳам киритилади.

11. Автомобиль йўллари ва йўл иншоотларини таъмирлаш қуйидагилардан иборатдир:

а) ер кўтармаси ва сув қочириш бўйича:

ер кўтармаси, сув қочириш тизими, захиралар, ҳимоялаш, мустаҳкамлаш ва сув йўналтиргич иншоотларнинг шикастланишларини тузатиш;

ер кўтармасини унинг геометрик параметрларини таъмирланаётган йўл учун белгиланган тоифага тўғри келадиган нормаларгача созлаш ва тузатиш (бўйлама қияликлар ва нишабликларни юмшатиш, режада ва бўйлама кесимда кўринишни таъминлаш, вертикал ҳамда горизонтал эгри радиусларни катталаштириш, виражлар ўрнатиш), автомобиль йўлининг айрим участкаларини таъмирланаётган автомобиль йўли умумий узунлигининг 25 фоизигача бўлган доирада тўғирлаш, қабариқли (кўпчиган) ва кўчки тушган участкаларни қайта қуриш, дренажлар, қуритиш зовурлари, қирғоқни ҳимоя қиладиган ва эрозияга қарши иншоотлар, сув чиқариш қудуқлари, ёмғир канализацияси, изоляцияловчи юпқа қатламларни қуриш, шунингдек, ер кўтармасининг чидамлилигини таъминлайдиган бошқа ишларни бажариш;

автомобиль йўлларининг кесишиш ҳамда туташиш жойларида ер кўтармаси ва сув қочириш тизимини қуриш ҳамда бекатлар, дам олиш майдончалари, автомобиль тўхташ жойлари, йўлаклар, пиёдалар ва велосипед йўлаклари, алоҳида кесиб ўтиш жойлари, чиқиш йўллари, йўлларнинг қатнов қисмидан ташқарида бўлган йўл-таъмирлаш хизмати объектларига бориш йўлларини қуриш;

зах жойларда катта узунликда бўлмаган ер кўтармасини кўтариш, унча катта бўлмаган ўпирилган участкаларни тугатиш, аккумуляция полкаларини қуриш, олиб ташланадиган қорни жойлаштириш ва режадаги эгриликларда кўринишни таъминлаш учун ўймалар нишабликларини қирқиш, қияликларни сув ювишидан ҳимоя қилиш ва чеккадаги қияликлардан келадиган қорни ушлаб қолиш учун тупроқли кўтармалар, банкетлар ва бермаларни қуриш;

б) йўл тўшамаси бўйича:

йўл тўшамасини бир тасмадан ортиқ бўлмаган кенгликда кенгайтириш ва йўл четини таъмирланаётган автомобиль йўлининг тоифасига тўғри келадиган нормаларга етказиш, асос ва қопламага қўшимча текисловчи қатлам ётқизган ҳолда кучайтириш (қалинлаштириш);

автомобиль йўлларида асос сифатида мавжуд йўл тўшамаларидан фойдаланган ҳолда, қопламаларнинг такомиллашган турларини ётқизиш ва таъмирлаш, таъмирланган қопламаларнинг четлари бўйлаб мустаҳкамловчи тасмаларни ва бордюрларни тиклаш ҳамда янгиларини ўрнатиш;

йўл асоси ва қопламаларини совуқ ресайклинг усуллари билан мустаҳкамлаш, таъмирлаш, регенерация қилиш;

асфальт-бетон ва цемент-бетон қопламаларнинг эскирган юқори қатламларини алоҳида қисмларида ёки бутун узунлиги бўйлаб янги асфальт-бетон қатламини ётқизиш;

кесишма ва туташмаларда, қайрилиш майдончаларида, пиёдалар ва велосипед йўлакларида, алоҳида кесиб ўтиш жойларида, кириш йўлларида, йўл-таъмирлаш хизмати объектларига бориш йўлларида, таъмирланаётган автомобиль йўлларининг айланиб ўтиш жойларида йўл тўшамаларини янгидан қуриш;

автомобиль йўлларининг айрим участкаларида қўшимча равишда маҳаллий йўлларни ташкил қилиш ва таъмирлаш;

барча турдаги йўл тўшамасига сиртқи ишлов бериш, ҳимоя қатламларини ва емирилиш қатламларини тиклаш;

тупроқ қопламали автомобиль йўлларини чақилган тош, чақилган тош-қум аралашмаси ва қум-шағал аралашмаси билан қоплаш, якка ўққа тушадиган меъёрий оғирликни 6 тоннага етказиш учун йўл тўшамаси қуриш;

асфальт-бетон қопламаларнинг эскирган устки қатламларини қайта тиклаш ва янги қатламни ётқизиш;

эски қопламадан такроран фойдаланишни таъминлайдиган усуллар билан қопламани тиклаш;

в) сунъий иншоотлар бўйича:

янги сув ўтказиш қувурларини қуриш ёки уларнинг ҳисоблаб чиқилган оғирликлари ва габаритларини тасдиқланган лойиҳа-смета ҳужжатларига мувофиқ таъмирланаётган автомобиль йўли учун белгиланган техник тоифага тўғри келадиган меъёрларга етказиб, уларни тўлиқ ёки қисман қайта қуриш;

сунъий йўл иншоотларининг (кўприк, йўл ўтказгич, эстакада ва бошқалар) нуқсонли ёки эскириб қолган таянчлар ёки оралиқ қурилмаларнинг барчасини ёки бир қисмини янгиларига алмаштириш, плиталарни кучайтирган ҳолда кўприк кўтармаси элементларини алмаштириш ва таъмирлаш, кўприк ости габаритини кесишадиган тўсиқнинг (автомобиль йўллари, темир йўллар) тегишли синфи учун талаб қилинадиган баландликка етказиш, авария ҳолатидаги кўприкларни қайта тиклаш ва таъмирлаш, йўл иншоотларини тиклаш;

ҳар хил турдаги сув ўтказиш қувурлари ҳамда сув қочириш новларини қуриш, қайта қуриш ва таъмирлаш;

тоннель порталларини кучайтириш, сув қочириш новларини ва бошқа элементларини қайта тиклаш ёки алмаштириш, йўл тўшамасини тиклаш, тиргак деворларни, галереяларни, кўтармаларни ҳамда бошқа ҳимоялаш ва мустаҳкамлаш иншоотларни кучайтириш;

мустаҳкамловчи ва сув йўналтиргич иншоотларни қуриш, ҳимоя иншоотларини (кўтарма ғов, шпорлар, дамбалар ва бошқалар) тиклаш ёки қуриш;

кўприкости қисмларида қирғоқларни мустаҳкамлаш ва минтақасидаги дарё ўзанларини тозалаш;

тоннель қопламасини кучайтириш, қисман алмаштириш, гидроизоляция, вентиляция, иситиш, ёритиш тизимларини, штольня (ер ости йўлини) ҳамда тоннелларда ёнғинни ўчириш тизимини сув билан таъминлаш учун қудуқларни тиклаш ва ерости сувларидан ҳимоя қилиш, порталларни кучайтириш, тиргак деворларни, галереяларни, кўтармаларни ҳамда бошқа ҳимоялаш ва мустаҳкамлаш иншоотларни кучайтириш;

кўчма ва понтон кўприкларни таъмирлаш ва тиклаш ҳамда янги жойларга кўчириб ўтказиш;

г) бинолар ва ёрдамчи иншоотлар бўйича:

биноларнинг ички тузилишини ўзгартириш ва мавжуд барча элементларини тўлалигича таъмирлаш ишларини бажариш;

бино, ёрдамчи бино ва иншоотларнинг фойдаланиш муддатларини инобатга олиб, ҳақиқий техник ҳолатидан келиб чиққан ҳолда таъмирлаш;

ёрдамчи бино ва иншоотларни қуриш ёки қайта қуриш;

йўлларни таъмирлаш ва сақлаш ишлари учун зарур бўлган ишлаб чиқариш бинолари ҳамда ёрдамчи иншоотларни, вақтинча иншоотларни ҳам киритган ҳолда, вақтинча бино ва иншоотлар учун мўлжалланган смета баҳоси доирасида (битум ва эмульсияли базалар, музламага қарши материалларни сақлаш ва қайта ишлаш базалари, тош майдалаш ҳамда саралаш базалари, асфальт-бетон ва цемент-бетон қориштириш қурилмалари базалари, трассаолди конларининг бино ва иншоотлари, қурилиш ашёлари омборлари, катта кўприкларни қўриқлаш базалари, йўл-таъмирлаш пунктлари) қуриш ҳамда мавжудларини таъмирлаш;

автомобиль йўлларини таъмирлаш ишлар олиб бориладиган ҳудудларда йўл хизмати ишчиларини ва машина-механизмларни вақтинча жойлаштириш мақсадида бино ва иншоотлар қуриш ҳамда келгусида фойдаланиш учун сақлаб қолиш ёки тугатиш;

д) автомобиль йўлларини жиҳозлаш, ҳаракат хавфсизлигини ташкил этиш ва таъминлаш бўйича:

автобус бекатларини, бекат майдончаларини, автобус бекатларида автопавильонлар, ҳожатхоналар, автомобилларнинг тўхташ ва тўхтаб туриш майдончалари, пиёдалар ўтиш жойлари ҳамда тротуарлар, пиёдалар ҳамда велосипед йўлакларини қуриш ва таъмирлаш, аҳоли пунктларидан ўтадиган йўл участкаларида шовқиндан ҳимоя қилиш воситаларини ўрнатиш, йўл белгиларини ўрнатиш ва йўл чизиқларини чизиш;

пиёдалар ерусти ва ерости ўтиш йўлакларини таъмирлаш;

ҳаракатни диспетчер орқали ва автоматлаштирилган бошқариш элементлари ҳамда тизимларини ўрнатиш, тиклаш ва такомиллаштириш, автоном ҳамда масофадан туриб бошқариладиган белгиларни ва ахборот алмашиб турадиган таблони, светофор объектларини янгидан ўрнатиш;

ҳаракатланиш учун хавфли автомобиль йўлларида горизонтал эгри жойларда виражлар қуриш;

тезликни ўзгартириш тасмалари ва ажратувчи оролчалар, шунингдек, тик кўтарилиш жойларида секин юрадиган транспорт учун қўшимча тасмалар ва узоқ чўзиладиган нишабликларда тутиб турадиган аварияли камгаклар ўрнатиш;

таъмирлаш даврида вақтинча йўл белгилари, сигналлар ва светофорлар, тўсувчи ва йўналтирувчи мосламалар ўрнатиш, қатнов қисмига вақтинча ётиқ чизиқлар чизиш, зарур ҳолларда эса таъмирланаётган жойни айланиб ўтиш йўллари ташкил этиш, вақтинча ётиқ йўл чизиқларини ўчириш ва доимий горизонтал ва вертикал йўл чизиқларини чизиш;

автомобиль йўллари ва сунъий йўл иншоотлари ёритиш тизимларини ўрнатиш ҳамда автоматлаштириш;

янги тўсувчи тўсиқлар (темир, темир-бетон ва бошқалар), йўналтирувчи мосламалар масофадан туриб бошқариладиган белгиларни, йўлларнинг хавфли қисмларида видео кузатув камералари ва ахборот алмашиб туриладиган электрон таблоларни, светофорларни, автоматика ҳамда телемеханика тизимларини қўллаган ҳолда йўлларнинг ҳолати ва ҳаракат шароитлари мониторинги, диспетчерлик ҳамда автоматлаштирилган ҳаракатни бошқариш тизимлари учун жиҳозлар ва ҳисобга олиш пунктини қуриш.

12. Автомобиль йўллари ва йўл иншоотларини таъмирлаш бўйича бошқа ишлар қуйидагилардан иборат:

автомобиль йўлларининг таъмирланаётган участкаларида вақтинча айланиб ўтиш йўлларини қуриш ва тугатиш;

материалларни сақлаш ва ерни рекультивация қилиш учун майдончалар ташкил қилиш;

йўл-фойдаланиш ташкилотлари ва корхоналар балансидаги ишлаб чиқариш базалари ва очиқ конларга олиб борадиган шохобча йўлларни, боши берк темир йўлларни таъмирлаш.

13. Автомобиль йўли ёки унинг айрим участкаларини таъмирлаш ишлари учун ишлаб чиқиладиган лойиҳа-смета ҳужжатлари ёки нуқсонлар қайдномасига таъмирлаш иш турида кўзда тутилмаган мазкур Таснифдаги бошқа ишлар комплекс тарзда киритилиши мумкин.

3-боб. Автомобиль йўлларини сақлаш ва нуқсонларни бартараф этиш

14. Автомобиль йўллари ва йўл иншоотларини сақлаш ишлари йилнинг исталган вақтида узлуксиз ва хавфсиз ҳаракатни таъминлаш шартлари бўйича қўйиладиган талабларга мувофиқ доимий қаровни таъминлашдан иборат.

Автомобиль йўллари ва йўл иншоотларини сақлаш ишлари тасдиқланган харажатлар сметаларига мувофиқ автомобиль йўлининг бутун узунлигида, йил давомида унинг барча элементлари ва йўл иншоотлари бўйича мунтазам равишда ажратилган лимитлар доирасида амалга оширилади.

Автомобиль йўлларини сақлаш ва нуқсонларни бартараф этиш ишларининг харажатлар сметалари қонунчилик ҳужжатлари талаблари асосида ишлаб чиқилиб, буюртмачи томонидан тасдиқланади.

Ушбу Таснифда назарда тутилмаган ва сақлаш ишлари бўйича амалда бажариладиган иш турлари идоравий қурилиш нормалари ва қоидаларига мувофиқ амалга оширилади.

Автомобиль йўллари нуқсонларини бартараф этиш ишлари йўлнинг бутун узунлиги бўйича (автомобиль йўлларини таъмирлашгача ва реконструкция қилингунга қадар) фойдаланиш жараёнида доимий равишда юзага келадиган шикастланишларни бартараф этиш, йўл қопламасининг ўтказувчанлик қобилиятини яхшилаш, ҳаракат хавфсизлиги ва қулайлигини таъминлаш мақсадида биринчи навбатда бажарилиши лозим бўлган иш турларини амалга ошириш, чуқурчаларни бартараф этиш, йўл қопламасини бўлаклаб (карта усулида) таъмирлаш ҳамда йўл иншоотларининг шикастланган қисмларини тиклаш натижасида дастлабки фойдаланиш сифат кўрсаткичларини сақлаб қолишдан иборат.

Автомобиль йўли, сунъий йўл иншоотлари ва йўл элементлари, ер кўтармаси, сув қочиргичлар, ҳимоялаш, мустаҳкамлаш ҳамда тартибга солиш иншоотлари, йўл жиҳозлари, дам олиш жойлари ва йўлдан фойдаланиш биноларига, йўл бўлимларига ҳамда базаларига бориш йўллари, чиқиш ва кесиб ўтиш йўллари ҳамда автомобиль йўллари ва йўл иншоотларининг бошқа конструктив элементларининг майда шикастланган ҳамда эскиришларни олдини олиш, тузатиш йўли билан фойдаланиш кўрсаткичларни сақлаб турувчи тиклаш ишлари ҳисобланади ва автомобиль йўлининг бутун узунлигида, йил давомида, доимий равишда бажарилади.

15. Автомобиль йўлларини сақлаш ва нуқсонларни бартараф этиш ишлари қуйидагилардан иборатдир:

а) ер кўтармаси ва сув қочириш бўйича:

кесишма ва туташмаларда, тўхташ майдончаларида, автомобиль турар жойларида, йўл-таъмирлаш хизмати объектларига, диққатга сазовор жойларга бориш йўлларида ер тасмаси ҳамда сув қочириш тизимларини тиклаш;

мавжуд сув қочириш зовурларини ялпи тозалаш ва янгиларини қазиш, сув емириб кетиши мумкин бўлган участкаларда уларнинг деворини ҳамда тубини мустаҳкамлаш;

дренаж, ҳимояловчи ва мустаҳкамловчи қурилмалар, сув қочириш новлари, кўприк ҳамда қувурларнинг сув кириш ва чиқиш ўзанларини тозалаш, ёмғир канализацияси, сув қудуқлари носозликларини тузатиш, қирғоқни ҳимоялаш ҳамда эрозияга қарши қурилмаларни тиклаш;

йўл ёқаларини (марзасини) тўлдириш, кесиш ва мустаҳкамлаш;

ажратилган минтақани, йўл ёқаларини, нишабликларни ва ажратувчи тасмаларни мунтазам равишда озода ва тартибли сақлаш, чиқиндилардан ва бегона буюмлардан, чанг ва ифлосликлардан тозалаш;

ўт экиш ва/ёки ўриб олиш, кесилган қолдиқларни йиғиштириш, тупроқ тўкиб ва/ёки қирқиб, қияликлар, кўтармалар ҳамда ўймаларни текислаш ва айрим участкаларнинг йўл четларини текислаш, ножоиз ўсимликларни кимёвий усул билан йўқ қилиш, йўл ёқаларини чанг ҳамда ифлосликлардан тозалаш;

кўтарма ва ўймаларнинг нишабликлари носозликларини тузатиш ва текислаш (зарурат бўлса тупроқ қўшган ҳолда), қияликларининг тиклигини камайтириш, барқарор чим қопламасини яратиш бўйича зарур агротехника тадбирларини ўтказган ҳолда ер кўтармаси ва захираларининг қияликларига ўт экиш, ер кўтармасининг барқарорлигини таъминлайдиган мустаҳкамлаш ишлари ва бошқалар;

ер кўтармаси, сув қочириш тизими, захиралар, ҳимоялаш, мустаҳкамлаш иншоотлари ва сув йўналтиргич дамбаларининг айрим шикастланишларини тузатиш;

сув ювиб кетган ва емирилган участкаларни, шу жумладан, гирдоб ва ўпирилиш ҳодисалари оқибатида емирилган участкаларни тиклаш, кўчки тушган, ўпирилган ҳамда сел олган жойларни тозалаш;

сув қочириш тизимини мунтазам равишда иш ҳолатида сақлаш, йўл четидаги ариқларни, сув кетадиган зовурларни тозалаш ва қиялаб текислаш, уларнинг мустаҳкамланган жойлари нуқсонларини тузатиш ёмғир канализацияси, дренаж қурилмалари, кўприк ҳамда қувурларнинг сув кириш-чиқиш ўзанлари, тез оқар сув ўтказгичлар ва сув туширгичларнинг майда носозликларини бартараф этиш;

мустаҳкамланмаган йўл четларини қирқиш, текислаш ва зичлаш, бузилишлар ҳамда шикастланишларни бартараф этиш;

белгиланмаган жойлардаги кириш ва чиқиш жойларини тугатиш ҳамда текислаш;

табиий муҳитни муҳофаза қилишни таъминлаш чора-тадбирларини бажариш;

б) йўл тўшамаси бўйича:

талаб қилинадиган текислик, равонлик ва ғадир-будирликни таъминлаган ҳолда йўл қопламасининг эскирган устки қатламларини тиклаш, эски қопламадан такроран фойдаланишни таъминлайдиган усуллар билан қопламани тиклаш;

барча турдаги йўл тўшамасига сиртқи ишлов бериш, ҳимоя қатламлари ва емирилиш қатламларини тиклаш;

автомобиль йўлларида ҳосил бўлган ғилдирак изларини қора чақиқтош ёки асфальт-бетон билан тўлдириш, фрезалаш ёки қиррани текислаш йўли билан ғилдирак изларини йўқотиш;

такомиллаштирилган қопламаларнинг четларига бордюрларни ўрнатиш ва эскирганларини алмаштириш, мустаҳкамлаш тасмалари ҳамда йўл четларини фрезалаш ва битум-минерал аралашмалардан қопламалар ётқизиш;

цемент-бетон қопламаларда бўйлама ёки кўндаланг чокларни таъмирлаш, кесиб чиқиш ва тўлдириш, плиталарни алмаштириш, кўтариш ҳамда текислаш;

майдаланган тошли, шағалли ва яхшиланган грунтли автомобиль йўлларини тиклаш ҳамда шағал ёки майдаланган тош қўшган ҳолда кучайтириш;

барча турдаги қопламалардаги чуқурлар, ёриқлар, ўнқир-чўнқирлар, ғилдирак изларини тўлдириш, чўккан, ёрилган жойларни, йўл ҳошияларини, тузатиш, йўл қопламасини бўлаклаб (карта усулида) таъмирлаш;

йўл қопламасини чиқинди, чанг ва ифлосликлардан, қор, муздан мунтазам равишда тозалаш, бегона буюмларни йиғиштириш, қум ҳамда сирпанчиққа қарши аралашмалар сепиш йўли билан автомобиль йўлларининг қатнов қисми музгарчилиги ва сирпанчиқлигини бартараф этиш, шунингдек, битумнинг терлаши натижасида ҳосил бўлган сирпанчиқликни бартараф этиш;

йўлларни чангсизлантириш;

кучсиз тупроқли ва кўпчишга мойил йўл қисмларига қараш (вақтинча тўсиш ва ҳаракатни тартибга солиш, ғовлар, тахталар, шох-шаббалар ва бошқа материаллар билан ёпиш, шунингдек, зарурат бўлмаганда уларни йиғиштириб олиш);

йўл қопламаларида ҳосил бўлган чуқурчаларни бартараф қилиш, қопламани локал карталарга бўлиб майда заррали изоляция воситасида юза қатламдаги ёриқлар ва ёриқли тўрларини кучайишининг олдини олиш ҳамда уларни тўхтатиш;

цемент-бетон қопламалар плиталарининг парчаланган ва синган жойларини юза емирилишларидан таъмирлаш;

қум-тош аралашмали, шағалли, чақиқ тошли қопламалари ва тупроқ йўлларининг кўндаланг ва бўйлама кесимларидаги нотекисликларни (профилларини) тўғрилаш;

в) сунъий иншоотлар бўйича:

темир-бетон конструкцияларнинг нуқсонларини йўқотиш, шу жумладан, юзани гидрофоблаш, плиталарнинг ғовак, синиқ ва ёриқ жойларини тузатиш, тешикларини беркитиш, диафрагмаларнинг емирилишларини тузатиш, бўйлама чокларни яхлитлаш, оралиқ қурилмаларни ялпи бўяш;

видеокузатиш, телекузатиш, ёритиш, вентиляция, иситиш, ёнғинни автоматик ўчириш, алоқа, кичик станция, тоннелларнинг электр узатиш ҳамда сув қочириш линиялари (шу жумладан, цементация) тизимининг ишдан чиққан элементларини таъмирлаш ва алмаштириш;

сув йўналтиргич қурилмалар кўтармалари конусларини тиклаш, бузилган чокларни, кўчма плиталарни, сув қочириш тизимларини, таянч ҳамда кўприк кўтармасининг элементларини, тўсиқлар, панжаралар ва йўлакларни тиклаш;

тоннель қопламасини кучайтириш, қисман алмаштириш, гидроизоляцияни, вентиляция, иситиш, ёритиш тизимларини, штольня (ерости йўлини) ҳамда тоннелларда ёнғинни ўчириш тизимини, сув билан таъминлаш учун қудуқларни тиклаш ва ер ости сувларидан ҳимоя қилиш;

кўприк иншоотида ва кўтарма билан туташ жойларда сув қочириш тизимларини ўрнатиш ёки уларни алмаштириш, оқова сувларни тозалаш қурилмаларини таъмирлаш ёки тиклаш;

кўтарманинг емирилган участкаларини тиклаш ва қияликларни мустаҳкамлаш, сув йўналтиргич дамба конусларининг мустаҳкамловчи элементларини ва қирғоқни мустаҳкамлаш ишларини амалга ошириш;

сув ўтказиш қувурларининг айрим бўғинларини ҳамда каллакларини узайтириш, алмаштириш, қувурларнинг ҳимоя қатлами ва туташган жойларини тўғрилаш;

иншоотлар айрим элементларининг (панжара, тўшама, тиргак, кашак, тўсадиган деворлар ва дренаж қурилмалари) шикастланишларини тузатиш;

кўчма ва понтон кўприклардаги, паром кечувларидаги, қирғоқда тўхташ жойларидаги бузилишларни тузатиш;

тиргак деворлар ва парапетларнинг шикастланган жойларини тўғрилаш;

тош деворларни таъмирлаш, суваш, кўприклар ва йўл ўтказгичларнинг металл элементларини бўяш;

тоннеллардан хавфсиз фойдаланиш учун локал участкаларда тоннелларнинг шикастланган қопламаларини ва сув қочириш новлари, гидроизоляция, вентиляция ҳамда ёритиш тизими, ёнғинни ўчириш, аварияга қарши ва бошқа техник қурилмалар шикастланишларини бартараф этиш;

кўприк, йўл ўтказгичлар ҳамда уларнинг кўтарма (полотно) элементларини, ферма ости майдончаларни, таянч қисмларни, оралиқ қурилмалар элементларини, зиналарни, таянчлар, қувурлар, тоннеллар ва бошқа иншоотларни чанг ҳамда ифлосликдан тозалаш ва уларни қиш мавсумида қор ҳамда муздан тозалаш;

конуслар, нишабликлар, кўприк ости ўзанларни, шунингдек, сув ўтказиш қувурларнинг ўзанларини ва қувурлар устидаги кўтармалар нишабини тозалаш (шу жумладан, ўсимликлардан тозалаш);

тошқин сувларини ўтказиб юбориш, қор ва музни йиғиштириб олиш, тозалаш иншоотларига қараш ҳамда уларга хизмат кўрсатиш, автомобиль йўллари ва йўл иншоотларини сув тошқинидан ҳимоя қилиш, тиқилиб қолган жойларни тозалаш, тошқинга қарши тадбирлар;

кўприклар таянчлари ва оралиқ қурилмаларнинг металл конструкциялари элементларини бўяш, нуқсонли михпарчинларни алмаштириш, болтларни тортиш, металлдаги ёриқларни таъсир кўрсатмайдиган ҳолатга келтириш, тўсинларнинг темир-бетон плиталар билан бирлашадиган жойларини ва ферма боғламларини тиклаш, тош деворларни таъмирлаш, суваш ҳамда емирилишга қарши ҳимоя чораларини кўриш;

кўприкнинг туташ зонасидаги чўккан жойларини тўлдириб текислаш, панжара ва тўсиқларни, шунингдек, ёритиш устунларини бўяш, кўприк иншооти конструкциясига тегишли белгилар қўйиш;

г) йўлдаги бинолар ва ёрдамчи иншоотлар бўйича:

бино ва ёрдамчи иншоотларнинг (фойдаланиш давридаги техник ҳолатини инобатга олиб) нуқсонлари ҳамда шикастланишларини тузатиш, сувоқларни тўғрилаш ва тирқишларни таъмирлаш, тўсиқ, девор, пол, шифт, том, эшик, печ, иситиш тармоқлари, ёритиш чироқлари ҳамда жиҳозлари (шу жумладан, муқобил энергия манбаларини ўрнатиш ва сақлаш), қудуқ, сув қувури, канализация ҳамда газ тармоғи, алоқа ва электр линияларининг айрим элементларини алмаштирган ҳолда бўяш, оқлаш, ойна қўйиш;

ишлаб чиқариш бинолари, йўл бўлимлари ва йўлдаги биноларнинг ташқи деворларини қисман тиклаш;

мавжуд бино ҳамда ёрдамчи бинолар ва иншоотлар (устахоналар, саройлар, омборлар, қудуқлар, ошхоналар, буғ қозонхонаси, ҳовли майдонидаги муҳандислик тармоқлари, тозалаш иншоотлари) ҳамда объект атрофини ободонлаштириш деворларини қуриш ва таъмирлаш;

д) автомобиль йўлларини жиҳозлаш, ҳаракат хавфсизлигини ташкил этиш ва таъминлаш бўйича:

йўл қатнов қисмининг горизонтал йўл чизиқларини чизиш ва йўл белгиларини ўрнатиш, шунингдек, якка тартибдаги лойиҳалаш таблосини тиклаш ҳамда ўрнатиш;

етишмаётган йўл белгиларини (кўрсаткичлари) ўрнатиш ва эскиларини алмаштириш ҳамда пиёдалар ўтиш жойларини ташкил этиш;

мавжуд бекат майдончаларини таъмирлаш, автобус бекатларида автопавильонлар, ҳожатхоналар, автомобилларнинг тўхташ ва тўхтаб туриш майдончалари, пиёдалар ўтиш жойлари, пиёдалар ҳамда велосипед йўлаклари, аҳоли пунктларидан ўтадиган йўл участкаларида шовқиндан ҳимоя қилиш қурилмаларини тиклаш ва таъмирлаш;

I ва II гуруҳ тўсиқлар, йўналтирувчи мосламалар ўрнатиш ҳамда мавжудларини таъмирлаш;

автомобиль йўллари, йўл иншоотлари ҳамда элементларини, дам олиш майдончаларини, автобус бекатлари, кузатиш майдончалари ва бошқа объектларни меъморий-бадиий безаш, жиҳозлаш ва ободонлаштириш;

автомобиль йўлларининг айрим участкаларида, шунингдек, кўприклар, йўл ўтказгичлар ва тоннелларда электр ёриткичларни ўрнатиш, мавжудларини таъмирлаш;

йўл радио, мобиль (видео) алоқаси ҳамда технологик ва сигнал берувчи-чақирувчи алоқани таъмирлаш ҳамда тиклаш, кабель тармоғини таъмирлаш;

автомобиль йўлларининг темир йўллар билан кесишган жойларида (темир йўллар хавфсизлик минтақасидан ташқари) ҳаракатни ташкил этиш ҳамда тартибга солишнинг янги воситаларини ўрнатиш (монтаж қилиш) ва мавжудларини таъмирлаш;

таъмирлаш даврида вақтинча ётиқ йўл белгиларини чизиш, вақтинча ётиқ йўл белгиларини ўчириш;

кўринишни таъминлаш учун айрим дарахтларни олиб ташлаш, кўчириш ва дарахт шохларини кесиш;

автомобиль йўллари жиҳозлари ва элементларини бўяш, уларни тиклаш ҳамда тартибли сақлаш;

автобус бекатларини, пиёдалар ўтиш жойлари, дам олиш майдончалари, йўл белгилари ва улар учун конструкциялар, тўсиқлар, йўналтирувчи қурилмалар, шийпончалар ва уларнинг жиҳозлари, шунингдек, шовқиндан ҳимоя қиладиган қурилмаларни бўяган ҳолда озода ва тартибли сақлаш, автомобиль йўлларини меъморий-бадиий безашнинг шикастланган айрим элементларини тузатиш, ушбу элементларга керакли тарзда қараш, ҳожатхоналар, йўл-таъмирлаш пунктлари, йўл бўлимлари, йўл усталари уйларини тозалаш;

шийпончалар, ўриндиқлар, панолар ва бошқаларни ўрнатиш ҳамда бўяш, озода ва тартибли сақлаш;

автомобиль йўллари ва йўл иншоотларининг таркибида бўлган тарозида тортишни назорат қилиш пунктларини, сув ўлчаш постларини, метеорологик пунктларни, об-ҳаво шароитлари ҳамда ҳаракат шарт-шароитлари мониторинги тизимини, технологик ва сигнал берувчи-чақирувчи алоқани, кабель тармоғини, шунингдек, светофор объектларини, ҳаракатни ташкил этиш воситаларини, ҳаракатни диспетчер орқали ҳамда автоматлаштирилган бошқариш воситаларини сақлаш;

стационар ва кўчма (мобиль) вазн ҳамда ҳажм параметрларини назорат қилиш пунктларини ва ходимларини, жумладан, автотранспорт воситаларини тарозида тортиш пунктларини, улардан ахборотларни интернет жаҳон ахборот тармоғи ва бошқа тизимлар орқали узатиш тизимларини, ахборотларни йиғиш, жамлаш ҳамда уларни доимий назорат қилиш марказларини таъмирлаш ва сақлаш;

ҳаракатни ҳисобга олиш пунктларини сақлаш, тиклаш ва янгидан қуриш, йўл конструкциясининг ҳамда автомобиль йўлларида бажариладиган ишларни ўрганиш учун зарур бўлган бошқа қурилмаларнинг, автомобиль йўли, элементлари ва иншоотларининг ҳолатини баҳолаш;

автомобиль йўлларини лойиҳалаштириш, қуриш ва улардан фойдаланиш даврида ҳаракат хавфсизлиги аудитини ўтказиш;

автомобиль йўллари ва йўл иншоотлари балансига киритилган йўллардаги электр билан ёритиш, шу жумладан, муқобил энергия манбаларини, светофор объектлари ҳамда светофор объектлари тизимларини таъмирлаш ва уларни сақлаш, трансформаторларни техник кўрикдан ўтказиш, ёритиш ҳамда светофор объектлари учун сарфланган электр энергиясига ҳақ тўлаш.

16. Автомобиль йўлларини сақлаш бўйича бошқа ишлар қуйидагилардан иборат:

автомобиль йўлларини сақлаш сифатини баҳолаш;

автомобиль йўллари ва айрим йўл иншоотларини қўриқлаш ва ёнғин муҳофазаси, сафарбарлик захираларини барпо этиш;

сафарбарлик захираларини сақлаш ва уларни янгилаб бориш;

йўл белгиларини ва светофор объектларини хатловдан ўтказиш, автомобиль йўллари ҳамда сунъий иншоотларини паспортлаштириш, йўл кадастрини тузиш ва йўл белгиларини жойлаштириш схемаларини ишлаб чиқиш;

автомобиль йўлларининг ҳолати ташхиси ҳамда уни баҳолаш, кўприклар, йўл ўтказгичлар ва бошқа иншоотларни техник кўрикдан ўтказиш, техник текшириш ҳамда синаш, ҳаракат жадаллигини ҳисобга олиш, йўл-транспорт ҳодисалари ҳисобини юритиш ва уларнинг пайдо бўлиш сабабларини аниқлашда қатнашиш, йўллар, кўприклар ҳамда бошқа йўл иншоотларининг ҳолати тўғрисидаги рақамлаштирилган маълумотлар банкини шакллантириш ва юритиш;

навбатчилик-диспетчерлик хизматини ташкил қилиш ҳамда сақлаш, ишлаб чиқаришни бошқариш марказларини ташкил этиш ва улар учун асбоб-ускуналар сотиб олиш;

об-ҳаво шарт-шароитлари ва ҳаракатланиш шарт-шароитлари мониторинги метеорологик тизимларини, шунингдек, ҳаракатланиш шарт-шароитлари мониторинги ҳамда прогнозлаштириш учун фойдаланиладиган видео тизимларни сақлаш, шу жумладан, уларнинг ишлаши учун метеорологик тизимлар элементларини ва алоқа каналларини ижарага олиш;

метеорологик маълумотларни сотиб олиш;

автомобиль йўлларидан фойдаланувчиларни қатновнинг ҳолати тўғрисида хабардор қилиш (ахборот таблолари, оммавий ахборот воситаларини ўрнатиш);

тош тушишига қарши тадбирлар, шу жумладан, қияликларни бурмалаш, селга қарши тадбирлар;

йўл ўқи тўсиғига етишмаётган нур қайтарадиган катафотлар шчитлар, йўл ўқи тўсиғи олдига огоҳлантирувчи ускуналар ўрнатиш;

сунъий йўл иншоотларда вентиляция, мажбурий сув қочириш, ёритиш тизимлари ишлаши учун етишмаётган асбоб-ускуналарни ўрнатиш, видео кузатиш, қўриқлашнинг муҳандислик-техник воситаларининг етишмаётган тизимларини ўрнатиш, алмаштириш ва сақлаш;

ахлат йиғиш учун контейнерларни ўрнатиш, чиқиндиларни топшириш ҳамда утилизация қилиш билан боғлиқ ишлар ва харажатлар;

вазн ва ҳажм кўрсаткичларини назорат қилиш стационар ҳамда кўчма пунктларини, ягона ахборот-ситуация марказларни, жумладан, тарозида тортишни назорат қилиш постларини ташкил этиш ва сақлаш;

автомобиль йўлларини таъмирлаш ва сақлаш бўйича ишларга, шунингдек, тошқин, сел, қор кўчиши, ўпирилиш ҳодисалари, зилзилаларнинг олдини олиш ва бартараф этиш ишларини бажаришда жалб этилган ишчи-ходимларни озиқ-овқат, иш қуроллари ва жиҳозлар, жумладан, сақлаш ишлари учун талаб қилинадиган кичик механизмлар ҳамда махсус кийим-бош билан таъминлаш;

йўл таъмирлаш пунктлари учун мебель, инвентарь, компьютер ва маиший техника, асбоб-ускуналар, жиҳозлар, йиғма уйлар ҳамда кўчма вагон-уйлар харид қилиш;

автомобиль йўлларини эксплуатация қилиш ва таъмирлаш учун зарур бўлган техника, ускуналарни, машина ва механизмларни харид қилиш, жумладан, лизинг ва банк кредитлари орқали;

тоифаланган кўприк ва объектларни махсус йўриқнома асосида қўриқлаш хизматини комплекс ташкил этиш харажатлари (инвентарлар, жиҳозлар, асбоб-ускуналар, кўчма-вагонлар, видеокузатув, ёритиш, қўриқлаш, алоқа тизими жиҳозлари ва бошқа қўриқлаш билан боғлиқ тадбирлар);

автомобиль йўллари ва бошқа сунъий йўл иншоотларининг ташхиси ҳамда ҳолатини баҳолаш ишлари;

автомобиль йўлларини сақлаш мақсадида ускуналар, жиҳозлар ва кичик механизмлар (ўт ўриш, мотоарра, бўяш, тозалаш, ётиқ чизиқларни чизиш, зичлаш, чокларни кесиш, мотороллер, тунда иш жойини ёритиш, ток ишлаб чиқариш, моторли бурғулаш, зарб ва босим бериш, чокларга битум қуйиш ускуналари, тарозилар ва бошқалар) харид қилиш ва уларни сақлаш харажатлари;

кўприк иншоотларини лойиҳадан олдин техник текшириш, автомобиль йўллари ҳамда бошқа йўл иншоотларининг ташхиси ва ҳолатини баҳолаш ҳамда лойиҳа-смета ҳужжатларини ва таъмирлаш бўйича энг мураккаб ишларнинг муҳандислик ишланмасини ишлаб чиқиш, йўл ҳаракат хавфсизлигини ташкил қилиш бўйича аудитдан ўтказиш;

автомобиль йўллари эксплуатация ташкилотларининг электр энергия, газ, совуқ сув, оқова сув, алоқа (интернет жаҳон ахборот тармоғи, мобил, стационар ва бошқалар) учун тўловларини, мол-мулк ва ер солиғи харажатларини қоплаш;

автомобиль йўллари ва йўл иншоотларини сақлаш бўйича энг мураккаб ишларга муҳандислик ва илмий-техник ишланмаларни илова қилиш;

илмий-тадқиқот ва тажриба-эксперимент ишлари, тажриба-синов участкаларини қуриш;

идоравий қурилиш нормалари ва қоидаларини, техник жиҳатдан тартибга солиш соҳасидаги норматив ҳужжатларни ҳамда автомобиль йўлларининг транспорт-фойдаланиш кўрсаткичларини ошириш ва сифатини таъминлаш бўйича методик ҳужжатлар, йўриқномалар ҳамда кўрсатмаларни ишлаб чиқиш ва қайта ишлаш;

адабиётлар, шаҳарсозлик нормалари ва қоидалари, идоравий қурилиш нормалари ва қоидалари, техник жиҳатдан тартибга солиш соҳасидаги норматив ҳужжатлар, методик ҳужжатлар, йўриқномалар ҳамда кўрсатмаларни харид қилиш;

кадрлар тайёрлаш ва уларни қайта тайёрлаш.

4-боб. Автомобиль йўлларини қишда сақлаш

17. Автомобиль йўлларини қишда сақлаш ишлари автомобиль йўллари ҳамда йўл иншоотларини йилнинг қиш даврида автомобиль ҳаракатини узлуксиз ва хавфсиз таъминлаш шартлари бўйича йўл қўйиладиган талабларга мувофиқ уларнинг ҳолатини доимий сақлашни таъминлашдан иборат.

18. Автомобиль йўлларини қишда сақлаш ишлари тасдиқланган харажатлар сметаларига мувофиқ қишки мавсумида ҳамда йил мобайнида автомобиль йўллари ва йўл иншоотларининг барча элементлари ҳамда иншоотлари бўйича автомобиль йўлининг бутун узунлигида мунтазам равишда амалга оширилади. Автомобиль йўлларини қишда сақлаш ишларининг харажатлар сметалари қонунчилик ҳужжатлари талаблари асосида ишлаб чиқилиб, буюртмачи томонидан тасдиқланади.

Автомобиль йўлларини қишда сақлаш ишлари таркибига кирган ишлар турига қараб йил мобайнида амалга оширилиши, харажатлар сметаларида кўзда тутилиши ва молиялаштирилиши мумкин.

19. Автомобиль йўлларини қишда сақлашга қуйидаги ишлар киради:

қордан доимий ҳимоя қилиш иншоотлари (деворлар, панеллар, кўтармалар ва қорни ушлаш тўсиқлари)ни тайёрлаш, ўрнатиш ва таъмирлаш, қордан ҳимоя қилиш иншоотларига қараш;

вақтинча қорни тутиб турадиган қурилмалар (шчитлар, тўсиқлар ва тўрлар) тайёрлаш, ўрнатиш (қайта ўрнатиш), тиклаш, қорни тутиб қолиш учун қорни ушлаш тўсиқлари ва хандақлар барпо этиш ҳамда уларни вақти-вақти билан янгилаб туриш;

автомобиль йўлларини қордан ҳамда қор уюмларидан тозалаш, йўл четларидаги қорларни йиғиштириш, чиқариб ташлаш, паст тоифадаги автомобиль йўлларининг қатнов қисмида қор қопламини қиялаб текислаш ва зичлаш;

қишки сирпанчиқни олдиндан аниқлаш ҳамда прогнозлаштиришнинг автоматлаштирилган тизимларини, шунингдек, кўприклар, йўл ўтказгичлар ва турли сатҳдаги йўл ечимларида музламага қарши реагентларни тақсимлашнинг автоматлаштирилган тизимларини ўрнатиш ҳамда сақлаш;

қишки сирпанчиққа ва музламага қарши материалларни, транспорт воситаларини сақлаш учун янги базаларни ҳамда ишчи-ходимларни сутка давомида иш олиб боришини таъминлаш учун доимий ёки вақтинчалик бино ва иншоотлар барпо этиш, мавжудларини тиклаш ҳамда таъмирлаш, уларга бориш йўлларини қуриш, табиий шўр сув олинадиган қудуқлар қазиш, жиҳозлаш ва уларга хизмат кўрсатиш, музламага қарши материалларни тайёрлаш, уларнинг захирасини яратиш ва сақлаш;

музламага қарши хусусиятларга эга бўлган қопламанинг юқори қатламини қуриш ва сақлаш;

музларга қарши курашиш, музга қарши иншоотларни қуриш, сунъий иншоотлар яқинида ўзанларни тозалаш ва мустаҳкамлаш, музларни йўқотиш;

кўчкига қарши чора-тадбирларни амалга ошириш, кўчки қатламларини йиғиштириб олиш;

ушбу Таснифга назарда тутилмаган ва қишки сақлаш ишлари бўйича амалда бажариладиган иш турлари идоравий қурилиш нормалари ва қоидаларига мувофиқ амалга оширилади.

5-боб. Автомобиль йўлларини кўкаламзорлаштириш

20. Автомобиль йўлларини кўкаламзорлаштириш ишлари автомобиль йўлларини қор, қум кўчкиларидан ёки эрозиядан доимий ҳимоя қилишни таъминлашдан ҳамда автомобиль йўллари ва йўл иншоотларининг маъмурий-бадиий безагини барпо этишдан иборатдир.

21. Автомобиль йўлларини кўкаламзорлаштириш ишлари автомобиль йўлининг бутун узунлигида унинг барча элементлари ва иншоотлари бўйича бутун йил давомида тасдиқланган харажатлар сметаларга мувофиқ амалга оширилади. Автомобиль йўлларини кўкаламзорлаштириш ишларининг харажатлар сметалари қонунчилик ҳужжатлари талаблари асосида ишлаб чиқилиб, буюртмачи томонидан тасдиқланади.

22. Автомобиль йўлларини кўкаламзорлаштиришга қуйидаги ишлар киради:

кўчатхона ва дарахтзорлар учун тупроқни тайёрлаш, кўчатлар етиштириш (ёки улар қийматини тўлаш) ҳамда кўчатларни транспортда ташиш;

автомобиль йўлларини қум ва қор кўчкиларидан ҳимоя қилиш учун ўрмон тасмаларини барпо этиш, эрозияга қарши ҳамда манзарали дарахтларни экиш;

дарахтларни парвариш қилиш, дарахтларни кесиш-каллаклаш, қуруқ дарахтларни йиғиштириб олиш, дарахтларни ёнғиндан ҳимоя қилиш, ўсимлик зараркунандалари ва касалликларига қарши курашиш;

уруғлик сепиш ва гул экиш, ажратилган минтақага ҳамда ажратиш тасмасига ўт экиш;

суғориш тармоқларига уланган (новлар, кўприклар ва қувурлар билан) артезиан қудуқлар қазиш;

суғориш тизимларини барпо этиш, мавжуд сунъий суғориш тизимларини сақлаш ва таъмирлаш;

автомобиль йўллари, сунъий иншоотларни (кўприклар, йўл ўтказгичлар, айланма транспорт ечимлари) панно, стеллалар ва уларни ёритиш тизимларини қуриш билан бирга меъморий-ландшафтли конструкциялаш;

автомобиль йўлларининг ҳудудий архитектура-бадиий тузилиши ва ландшафт дизайнини яратиш;

автомобиль йўлларига ажратилган полосалардаги йўлбўйи ҳудудларини тегишли ҳолатда сақлаш;

манзарали, шу жумладан, янги турдаги манзарали ўсимликларнинг кўчатларини етиштириш бўйича ихтисослаштирилган кўчатхоналарини ташкил этиш ва сақлаш;

ўйма ва кўтармалар қияликларининг тиклигини камайтириш, барқарор чим қопламасини яратиш бўйича зарур агротехника тадбирларини ўтказган ҳолда ер кўтармаси ва захираларининг қияликларига ўт экиш, ер кўтармасининг барқарорлигини таъминлайдиган мустаҳкамлаш ер ишларини бажариш ва бошқа ишлар;

ушбу Таснифга назарда тутилмаган ва кўкаламзорлаштириш ишлари бўйича амалда бажариладиган иш турлари идоравий қурилиш нормалари ва қоидаларига мувофиқ амалга оширилади.

Вазирлар Маҳкамасининг 2024 йил 30 декабрдаги 901-сон қарорига 3-ИЛОВА

1-боб. Умумий қоидалар

1. Мазкур Низом умумий фойдаланишдаги автомобиль йўллари, шаҳарлар ва бошқа аҳоли пунктлари кўчаларини (кейинги ўринларда — автомобиль йўллари) қуриш, реконструкция қилиш ва таъмирлаш ишлари тугалланган объектларнинг асосий конструктив элементлари ҳамда йўл ҳаракатини ташкил этиш техник воситаларининг кафолатли хизмат қилиш муддатларини (кейинги ўринларда — кафолат муддати) қўллаш тартибини белгилайди.

2. Мазкур Низом талаблари қуриш, реконструкция қилиш ва таъмирлашдан сўнг кафолат муддати давомида содир бўлган табиий офат, табиий ва техноген хусусиятга эга фавқулодда вазиятлар оқибатида таъмирталаб ҳолатга келиб қолган автомобиль йўллари ва сунъий иншоотлар ҳамда лойиҳа ҳужжатларида кўзда тутилмаган пудрат ташкилоти томонидан бажарилган иш ҳажмларига нисбатан татбиқ этилмайди.

3. Ушбу Низомда қуйидаги асосий тушунчалар қўлланилади:

асосий конструктив элементлар (кейинги ўринларда — АКЭ) — ташқи ва ички юкламаларни қабул қиладиган ва уларни бошқа қурилмалар ёки асосга узатадиган конструкциянинг таркибий қисми, жумладан йўл қопламаси, йўл асоси, йўл пойи, I ва II гуруҳ тўсиқлар, сунъий иншоотларнинг темир, темир-бетон қурилмалари ва конструкциялари;

йўл ҳаракатини ташкил этиш техник воситалари (кейинги ўринларда — ЙҲТЭТВ) — йўл ҳаракати хавфсизлигини таъминлаш ва йўлнинг ўтказувчанлик қобилиятини ошириш учун йўлларда қўлланиладиган иншоотлар, қурилмалар ва жиҳозлар (йўл чизиқлари бундан мустасно);

кафолат мажбуриятлари — пудрат ташкилоти кафолат муддати давомида ўзи томонидан бажарилган сифатсиз иш натижасида йўл элементларида юзага келган ҳар қандай бузилишларни ўз ҳисобидан бартараф этиш мажбуриятлари;

кафолат муддати — қурилиш, реконструкция қилиш ва таъмирлаш ишлари тугалланган объектни фойдаланишга қабул қилиш далолатномаси имзолангандан бошлаб шартномада белгиланган муддат ичида пудрат ташкилоти томонидан бажарилган ишларнинг сифатини таъминлайдиган, аниқланган камчиликларни ўз ҳисобидан бартараф этадиган мажбуриятларни бажарадиган давр;

кафолат суммаси — қуриш ва реконструкция қилиш ишлари якунланган объектларнинг шартномада назарда тутилган кафолат муддати ўтганидан сўнг тўлаб бериладиган маблағ;

техник текшириш — автомобиль йўлларининг фойдаланиш сифатларини, таъмирлаш мақсадга мувофиқлигини аниқлаш мақсадида автомобиль йўллари ва иншоотлари элементларини назорат қилиш, синаш, таҳлил қилиш ҳамда баҳолашни ўз ичига оладиган жараён.

4. Кафолат муддати қурилиш, реконструкция қилиш ва таъмирлаш ишлари тугалланган объектнинг ҳақиқий хизмат қилиш муддатларини белгиламайди.

2-боб. Кафолат муддати ва уни қўллаш тартиби

5. Пудрат ташкилоти кафолат муддати давомида қуйидагиларни:

бажарилган ишларнинг лойиҳа ҳужжатларига, шаҳарсозлик нормалари ва қоидалари ҳамда техник шартларига мувофиқлигини;

ўзи томонидан қурилиш учун қўлланиладиган қурилиш материаллари, асбоб-ускуналар ва бутловчи буюмлар, конструкция ва тизимлар сифатини, уларнинг лойиҳа ҳужжатларида кўрсатилган сертификацияларга, давлат стандартларига ҳамда техник шартларга мувофиқлигини;

қурилиш, реконструкция қилиш ва таъмирлаш ишлари тугалланган объектдан фойдаланиш жараёнида нуқсонлар аниқланганда, нуқсонларни ўз ҳисобидан бартараф этишни;

муҳандислик тизимлари ва ускуналарнинг фойдаланиш қоидаларига мувофиқлигини кафолатлайди.

6. Автомобиль йўллари ва сунъий иншоотларни қуриш ҳамда реконструкция қилиш ишлари тугалланган объектларнинг асосий конструктив элементлари ва ЙҲТЭТВ бўйича кафолат муддати уч йил, шунингдек, автомобиль йўлларини таъмирлаш ишлари тугалланган объектларнинг қопламалари бўйича кафолат муддати бир йил этиб белгиланади.

7. Кафолат муддати:

қурилиш ишлари тугалланган объектларни (ёки уларнинг участкаларини-ишга тушириш комплексларини) қабул қилиб олиш бўйича Давлат қабул комиссиясига томонидан фойдаланишга қабул қилиш далолатномаси расмийлаштирилган кундан бошлаб;

таъмирлаш ишлари тугалланган автомобиль йўллари ва уларнинг қисмлари ҳамда сунъий иншоотлар бўйича ишларни қабул қилиш далолатномаси расмийлаштирилган кундан бошлаб ҳисобланади.

8. Кафолат муддати даврида автомобиль йўли ва/ёки сунъий иншоотнинг эксплуатация қилиш жараёнида визуал кузатувлар натижасида уларнинг асосий конструктив элементлари ва ЙҲТЭТВда нуқсонлар кузатилган тақдирда, ушбу объектни сақловчи ташкилот томонидан буюртмачига киритилган мурожаати асосида техник текшириш ўтказилади.

9. Техник текшириш ўтказиш учун буюртмачи томонидан учинчи шахслар жалб этилиши мумкин. Техник текшириш ўтказиш харажатлари пудрат ташкилотига зиммасига юкланади.

10. Кафолат суммаси тўлашдан олдин ва кафолат муддати тугашидан бир ой олдин буюртмачи, пудрат ташкилоти ва автомобиль йўлини балансда сақловчи ташкилот иштирокида қурилиш ва реконструкция қилиш ишлари тугалланган объект якуний техник текширишдан ўтказилиб, текширув натижасига кўра нуқсонлар аниқланмаган тақдирда кафолат муддати тугаганлиги ҳақида далолатнома расмийлаштирилади.

11. Мавжуд нуқсонлар ва уларни бартараф этиш муддатлари пудрат ташкилоти ва буюртмачининг икки томонлама нуқсонлар далолатномасида қайд этилади.

12. Агар қурилиш, реконструкция қилиш ва таъмирлаш ишлари тугалланган объектдан фойдаланишнинг кафолат муддатида якуний техник текшириш натижасида нуқсонлар аниқланса, кафолат муддати нуқсонларни бартараф этиш даврига узайтирилади.

13. Кафолат суммаси тўлангунга қадар аниқланган нуқсонларни пудрат ташкилоти бартараф этишдан бош тортган тақдирда, буюртмачи нуқсонларни чегириб қолинган кафолат маблағлари ҳисобидан учинчи шахсларни жалб этган ҳолда бартараф этиши мумкин.

14. Кафолат муддатини қўллаш буюртмачи ва пудрат ташкилоти ўртасида имзоланадиган шартномада назарда тутилади.

3-боб. Кафолат маблағларини тўлаш

15. Пудрат ташкилоти томонидан берилган кафолатни таъминлаш мақсадида буюртмачи томонидан пудрат ташкилотига тўланиши лозим бўлган шартнома умумий баҳосининг беш фоизи миқдоридаги маблағлар чегириб қолинади.

16. Чегириб қолинган кафолат суммаси техник текшириш натижалари асосида расмийлаштирилган далолатнома асосида қурилиш ва реконструкция қилиш ишлари тугалланган объект фойдаланишга топширилган кундан ўн икки ой ўтгандан сўнг тўлаб берилади. Қонунчилик ҳужжатларида назарда тутилган ҳоллар бундан мустасно.

4-боб. Пудрат ташкилотини кафолат мажбуриятларидан озод қилувчи ҳолатлар

17. Қуйидаги ҳолатларда пудрат ташкилоти кафолат мажбуриятларидан озод этилади:

форс-мажор ҳолатлари, шу жумладан табиий ва техноген хусусиятга эга фавқулодда вазиятлар натижасида юзага келганда;

йўл-транспорт ҳодисалари, қурилиш, реконструкция қилиш ва таъмирлаш ишлари тугалланган объектларда учинчи шахслар томонидан турли кўринишдаги қурилиш-монтаж ишлари амалга оширилиши натижасида АЙКЭ ва ЙҲТЭТВга зарар етганда.

5-боб. Якунловчи қоидалар

18. Ушбу Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб беради.

19. Мазкур Низомда кўзда тутилмаган муносабатлар қонунчилик ҳужжатларига мувофиқ ҳал этилади.

Вазирлар Маҳкамасининг 2024 йил 30 декабрдаги 901-сон қарорига 4-ИЛОВА

Автомобиль йўлларидаги табиий офат ва техноген хусусиятли вазиятларнинг олдини олиш ҳамда оқибатларини бартараф қилиш ишларини ташкил этиш тартиби тўғрисидаги

1-боб. Умумий қоидалар

1. Ушбу Низом умумий фойдаланишдаги автомобиль йўллари, шаҳарлар ва бошқа аҳоли пунктлари кўчалари, хўжаликлараро автомобиль йўлларида содир бўлган табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларининг манзилли рўйхатларини расмийлаштириш ва молиялаштириш тартибини белгилайди.

2. Умумий фойдаланишдаги автомобиль йўлларида табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларини молиялаштириш учун Ўзбекистон Республикаси Иқтисодиёт ва молия вазирлиги ҳузуридаги Автомобиль йўлларини ривожлантириш мақсадли жамғармасининг даромадлари ва харажатларида умумий фойдаланишдаги автомобиль йўлларини таъмирлаш ва сақлаш харажатлари учун йиллик харажатларига ажратилиши режалаштирилган маблағларидан камида 5 фоиз миқдорда захира назарда тутилади.

3. Мазкур Низомда қуйидаги асосий тушунчалар қўлланилади:

табиий офат — хавфли табиий офат (зилзила, кўчки, тоғ ўпирилиши, ер сатҳининг чўкиши, сув тошқинлари, сув тўпланиши ва селлар, қор кўчкилари, кучли шамоллар (довуллар), жала, ерости сувлари) натижасида вужудга келган ва бунинг натижасида умумий фойдаланишдаги автомобиль йўли ва маълум участкасидаги йўл иншоотларига зарар етказиши (авария ҳолатига келиб қолиши) ҳамда транспорт воситалари ҳаракат хавфсизлиги алоқаларининг бузилишига олиб келиши мумкин бўлган ҳолат;

техноген хусусиятли вазият — авариялар, портлашлар, йўл элементларининг ишдан чиқишига олиб келувчи кислоталарнинг тўкилиши, тўғонларнинг, бинолар ва иншоотларнинг тўсатдан қулаши, шунингдек, коммуникация тизимларидаги авариялар натижасида автомобиль йўлларида ҳаракат хавфсизлигига таъсир қилувчи ва ҳаракатнинг узилиб қолиши билан боғлиқ техноген хусусиятли вазият.

4. Умумий фойдаланишдаги автомобиль йўлларида табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишлари республика бюджети маблағлари ва қонунчиликда тақиқланмаган бошқа манбалар ҳисобидан молиялаштирилади.

Шаҳарлар ва бошқа аҳоли пунктлари кўчалари, хўжаликлараро автомобиль йўлларида табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларини молиялаштириш билан боғлиқ харажатлар тегишли маҳаллий бюджет маблағлари ва қонунчиликда тақиқланмаган бошқа манбалар ҳисобидан амалга оширилади.

Бунда техноген хусусиятли вазиятлар натижасида етказилган зарарларни қоплаш умумий фойдаланишдаги автомобиль йўллари бўйича Ўзбекистон Республикаси Транспорт вазирлиги ҳузуридаги Автомобиль йўллари қўмитасининг (кейинги ўринларда — Автомобиль йўллари қўмитаси) ҳудудий бош бошқармалари, «Қамчиқавтойўл» ихтисослаштирилган йўллардан фойдаланиш давлат муассасаси ҳамда шаҳарлар ва бошқа аҳоли пунктлари кўчалари, хўжаликлараро автомобиль йўлларидаги зарарларни қоплаш бўйича маҳаллий ҳокимликлар томонидан судларга киритилган даво аризаларига кўра айбдор юридик ва жисмоний шахслар ҳисобидан ундирилади ҳамда тегишлилиги бўйича республика ва маҳаллий бюджетларга йўналтирилади.

5. Умумий фойдаланишдаги автомобиль йўлларининг (йўл иншоотларининг) табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларига буюртмачи этиб — Автомобиль йўллари қўмитаси таркибидаги Қорақалпоғистон Республикаси ва вилоятлар автомобиль йўллари бош бошқармалари, шунингдек, «Қамчиқ» довони ҳудудидан ўтган қисмидаги умумий фойдаланишдаги автомобиль йўлларига (йўл иншоотларига) «Қамчиқавтойўл» ихтисослаштирилган йўллардан фойдаланиш давлат муассасаси белгиланади.

Шаҳарлар ва бошқа аҳоли пунктлари кўчалари, хўжаликлараро автомобиль йўлларида табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишлари бўйича Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳузуридаги «Ягона буюртмачи хизмати» инжиниринг компаниялари ёки туман (шаҳар) ҳокимликларининг ободонлаштириш бошқармалари буюртмачи вазифасини бажаради.

6. Юзага келган табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларига (локал, маҳаллий, республика ва трансчегаравий) Қорақалпоғистон Республикаси Вазирлар Кенгаши, вилоятлар ҳамда Тошкент шаҳар ҳокимликлари томонидан тасдиқланган ҳудудий комиссияларнинг (кейинги ўринларда — ҳудудий комиссия) далолатномаси ва буюртмачининг таклифига асосан туман (шаҳар) ҳокимининг тегишли қарорига мувофиқ:

умумий фойдаланишдаги автомобиль йўлларидаги объектларга бош пудрат ташкилотлари Автомобиль йўллари қўмитаси таркибидаги йўл ва кўприкларни сақлаш ҳамда таъмирлашга ихтисослаштирилган ташкилотлар орасидан ҳамда лойиҳа ташкилотлари танлов (тендер) ўтказилмасдан ва махсус ахборот порталига эълон жойлаштирмасдан;

шаҳарлар ва бошқа аҳоли пунктлари кўчалари, хўжаликлараро автомобиль йўлларидаги объектларга соҳавий қурилиш ва таъмирлаш ташкилотлари орасидан ҳамда лойиҳа ташкилотлари танлов (тендер) ўтказмасдан ва махсус ахборот порталига эълон жойлаштирмасдан аниқланади.

Бунда бош пудрат ташкилотларини танлашда етарлича машина ва механизмлар билан таъминланган, соҳа бўйича зарур қурувчи-муҳандисларга ҳамда объектлар қурилишида тажрибага эга бўлган, молиявий барқарор бўлишига алоҳида эътибор қаратилиши лозим.

Бош пудрат ташкилотларига ёрдамчи пудрат ташкилотларини махсус ахборот порталида тегишли ахборотларни жойлаштирмасдан, тўғридан-тўғри шартнома тузишга рухсат берилади.

Давлат буюртмачилари тўғридан-тўғри шартномалар тузилганлиги тўғрисидаги ахборотни шартнома тузилган пайтдан эътиборан беш иш куни ичида махсус ахборот порталига жойлаштириши шарт.

2-боб. Ҳужжатларни тайёрлаш ва расмийлаштириш тартиби

7. Автомобиль йўллари қўмитасининг ҳудудий бош бошқармалари ҳамда «Қамчиқавтойўл» ихтисослаштирилган йўллардан фойдаланиш давлат муассасаси — табиий офат ва техноген хусусиятли вазиятларнинг олдини олиш ҳамда оқибатларини бартараф этиш талаб этиладиган умумий фойдаланишдаги автомобиль йўллари ва сунъий иншоотлар участкасида, шаҳар ва туманлар ҳокимликлари — шаҳарлар ва бошқа аҳоли пунктлари кўчалари, хўжаликлараро автомобиль йўллари ва сунъий иншоотларда ҳудудий комиссиянинг далолатномаси асосида табиий офат ва техноген хусусиятли вазиятларнинг олдини олиш ҳамда оқибатларини бартараф этиш бўйича биринчи даражали, кечиктириб бўлмайдиган ишларни бажариш учун зарур бўлган ҳужжатларни расмийлаштиради.

8. Автомобиль йўллари ва улардаги сунъий иншоотларда табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишлари бўйича қурилиш-таъмирлаш ишларининг лойиҳа-смета ҳужжатларини тайёрлаш лойиҳа ташкилотлари томонидан шаҳарсозлик тўғрисидаги қонунчилик ҳужжатларига, техник жиҳатдан тартибга солиш соҳасидаги норматив ҳужжатлар ҳамда шаҳарсозлик нормалари ва қоидаларига қатъий риоя қилган ҳолда амалга оширилади.

9. Табиий офат ва техноген хусусиятли вазиятларнинг олдини олиш ҳамда оқибатларини бартараф этиш бўйича қурилиш-монтаж ишлари лойиҳа-смета ҳужжатларини ишлаб чиқиш билан бир вақтда амалга оширилади.

Бунда лойиҳа-смета ҳужжатларини ишлаб чиқиш ва давлат экспертизасидан ўтказиш муддати объектга молиялаштириш очилган кундан бошлаб саксон календарь кундан ошиб кетиши мумкин эмас.

Лойиҳа-смета ҳужжатларини ишлаб чиқиш ва давлат экспертизасидан ўтказиш саксон календарь кундан кўпроқ вақт талаб этилган тақдирда, унинг муддати буюртмачининг асослантирилган таклифига асосан ҳудудий комиссиянинг тегишли қарорига мувофиқ кўпи билан ўттиз календарь кунгача узайтирилиши мумкин.

10. Лойиҳа ташкилотлари йирик ва мураккаб табиий офатларнинг лойиҳа-смета ҳужжатларини ишлаб чиқиш, давлат экспертизасидан ўтказиш учун ўз маблағлари ҳисобидан маълум йўналиш бўйича консультант-мутахассисларни белгиланган тартибда жалб этиш ҳуқуқига эга.

11. Лойиҳа-смета ҳужжатлари қонунчилик ҳужжатларига мувофиқ давлат экспертизасидан ўтказилади.

3-боб. Манзилли рўйхатларни шакллантириш тартиби

12. Табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларини дастлабки манзилли рўйхати ҳудудий комиссиянинг далолатномаси ва туман (шаҳар) ҳокимининг қарори асосида шакллантирилади.

Дастлабки манзилли рўйхатдаги объектлар қиймати лойиҳа ташкилоти томонидан тақдим этилган дастлабки ҳисоб-китобларга асосан белгиланади.

Якуний манзилли рўйхат лойиҳа-смета ҳужжатларининг давлат экспертизаси хулосаси асосида объектларнинг қиймати аниқланганидан сўнг шакллантирилади.

13. Табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларини молиялаштириш:

умумий фойдаланишдаги автомобиль йўллари (сунъий иншоотлар) буюртмачи томонидан шакллантирилиб, Ўзбекистон Республикаси Иқтисодиёт ва молия вазирлиги, Фавқулодда вазиятлар вазирлигининг ҳудудий бошқармалари ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан келишилган ва Автомобиль йўллари қўмитаси томонидан тасдиқланган манзилли дастурлар (вақтинча ёки якуний);

шаҳарлар ва бошқа аҳоли пунктлари кўчалари, хўжаликлараро автомобиль йўллари буюртмачи томонидан шакллантирилиб, Ўзбекистон Республикаси Иқтисодиёт ва молия вазирлигининг ҳудудий бўлинмалари, Фавқулодда вазиятлар вазирлигининг ҳудудий бошқармалари билан келишилган ва Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан тасдиқланган манзилли дастурлар (вақтинчалик ёки якуний) ҳамда унга илова қилинган ижро ҳужжатларига асосан амалга оширилади.

Тасдиқланган манзилли рўйхатларга асосан объектларнинг харажатлар сметаси буюртмачилар томонидан тузилади ва тасдиқланади.

14. Автомобиль йўллари қўмитасига Ўзбекистон Республикаси Иқтисодиёт ва молия вазирлиги билан келишилган ҳолда, умумий фойдаланишдаги автомобиль йўлларида ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига шаҳарлар ва бошқа аҳоли пунктлари кўчалари, хўжаликлараро автомобиль йўлларида табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишлари бўйича:

йил мобайнида манзилли рўйхатга қўшимча объектларни киритиш зарурати юзага келганда, ушбу ишлар учун қўшимча молиялаштириш манбаи мавжудлиги тасдиқланган тақдирда амалга оширишга;

маблағларнинг тўлиқ ўзлаштирилишини таъминлаш мақсадида иқтисод қилинган, ўзлаштирилмаган ёки ўзлаштирилмаслик хавфи мавжуд бўлган объектларнинг маблағларини объектлар ва ҳудудлар кесимида қайта тақсимлашга рухсат этилади.

15. Умумий фойдаланишдаги автомобиль йўлларида табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларини жорий йил учун белгиланган маблағлар миқдоридан ошадиган қисмини Ўзбекистон Республикаси Ҳукуматининг тегишли қарори (фармойиши) ва (ёки) топшириқлари асосида молиялаштирилади.

Шаҳарлар ва бошқа аҳоли пунктлари кўчалари, хўжаликлараро автомобиль йўлларида табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишлари бўйича маблағларни ажратиш ва қайта тақсимлаш Қорақалпоғистон Республикаси Жўқорғи Кенгеси, халқ депутатлари вилоятлар ва Тошкент шаҳар Кенгашлари қарорлари асосида амалга оширилади.

4-боб. Молиялаштириш тартиби

16. Табиий офат ва техноген хусусиятли вазиятлар оқибатида зарар кўрган умумий фойдаланишдаги автомобиль йўллари, шаҳарлар ва бошқа аҳоли пунктлари кўчалари, хўжаликлараро автомобиль йўллари ҳамда сунъий иншоотларни лойиҳалаштириш, қуриш, реконструкция қилиш ва таъмирлаш бўйича ишлар объектлар кесимида тасдиқланган манзилли рўйхатга асосан буюртмачи билан пудрат ташкилоти ўртасида тузилган шартномада ҳамда тасдиқланган ҳамда белгиланган тартибда молия органида рўйхатга олинган харажатлар сметаларида режалаштирилган маблағлар доирасида молиялаштирилади. Бунда:

автомобиль йўллари ва сунъий иншоотлардаги табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишларига жорий йилга белгиланган ишлар қийматининг 50 фоизигача миқдорда аванс бериш йўли билан амалга оширилади;

ҳар ойда ажратилган авансни мутаносиб равишда ушлаб қолишни ҳисобга олган ҳолда, бажарилган ишлар қийматининг 100 фоизигача жорий молиялаштириш назарда тутилади.

17. Буюртмачилар белгиланган тартибда харажатлар учун тўловларни Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасининг тегишли ҳудудий бўлинмалари орқали амалга оширади. Бунда буюртмачилар лойиҳалаштириш, қуриш, реконструкция қилиш ва таъмирлаш харажатларига тўловни амалга ошириш учун талаб этиладиган ҳужжатларни белгиланган тартибда Ўзбекистон Республикаси Иқтисодиёт ва молия вазирлиги ҳузуридаги Ғазначилик хизмати қўмитасининг тегишли ҳудудий бўлинмасига тақдим этадилар.

18. Табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишлари билан боғлиқ барча харажатларни молиялаштириш (тўловларни тўлаш) Давлат бюджети харажатлари функционал таснифининг 7 045 194 — «Кутилиши мумкин бўлган табиий офатлардан огоҳлантириш ва уларнинг оқибатларини бартараф этиш ишлари бўйича харажатлари» ҳамда иқтисодий таснифнинг 48 21 190 — «Бошқа харажатлар» орқали амалга оширилади.

19. Табиий офат ва техноген хусусиятли вазиятлар оқибатида зарар кўрган автомобиль йўлларини лойиҳалаштириш, реконструкция қилиш ва таъмирлаш бўйича бажарилган иш учун буюртмачининг пудрат ташкилотлари билан ҳисоб-китоблари белгиланган тартибда расмийлаштирилган бажарилган ишларни қабул қилиш далолатномалари ҳамда бажарилган иш миқдори (қилинган харажатлар) тўғрисидаги ҳисобварақ-фактуралар (маълумотномалар) бўйича амалга оширилади.

20. Табиий офат ва техноген хусусиятли вазиятларнинг олдини олиш ҳамда оқибатларини бартараф этиш учун ажратилган ва пудратчи ташкилот томонидан жорий йил объектлари бўйича сарфланмаган маблағлар кейинги йил манзилли рўйхатларига белгиланган тартибда киритилади ва мақсадли ишлатилади.

21. Табиий офат ва техноген хусусиятли вазиятларнинг олдини олиш ҳамда оқибатларини бартараф этиш бўйича аниқланган автомобиль йўлларининг жорий йилда бажарилмаган қолдиқ иш ҳажмлари келгуси йилга белгиланган тартибда ўтказилади.

22. Умумий фойдаланишдаги автомобиль йўлларида табиий офат ва техноген хусусиятли вазиятларнинг олдини олиш ҳамда оқибатларини бартараф этиш бўйича шартномавий нархларда маблағларни ўзлаштириш, манзилли рўйхатга мувофиқ объектлар кесимида молиялаштириш ҳамда бажарилган ишлар ҳақидаги ҳисобот Автомобиль йўллари қўмитаси томонидан Ўзбекистон Республикаси Иқтисодиёт ва молия вазирлигига ҳар ойда кейинги ойнинг 5-санасига қадар тақдим этилади.

5-боб. Сифатни назорат қилишни ташкил этиш

23. Табиий офат ва техноген хусусиятли вазиятлар оқибатида зарар кўрган объектларни қуриш, реконструкция қилиш ва таъмирлашда сифатни назорат қилишнинг қуйидаги турлари амалга оширилади:

техник жиҳатдан тартибга солиш соҳасидаги норматив ҳужжатлар ҳамда шаҳарсозлик нормалари ва қоидаларига асосан пудратчи ташкилотларнинг техник ходимлари (бош муҳандислар, иш бажарувчилар, усталар, бригадирлар ва лаборатория ходимлари) томонидан ишлар бажарилиши жараёнида доимий равишда амалга ошириладиган ишлаб чиқариш ва лаборатория назорати;

буюртмачи томонидан белгиланган тартибда амалга ошириладиган техник назорат;

буюртмачи билан тузиладиган шартнома бўйича объект учун лойиҳа ҳужжатларини ишлаб чиққан лойиҳалаштириш ташкилотлари (лойиҳанинг бош муҳандислари) томонидан белгиланган тартибда амалга ошириладиган муаллифлик назорати.

Объектларни қуриш, реконструкция қилиш ва таъмирлаш бўйича лойиҳа, қурилиш-монтаж ва таъмирлаш ишлари сифати устидан давлат назорати белгиланган тартибда Ўзбекистон Республикаси Транспорт вазирлиги ҳузуридаги Транспорт назорати инспекцияси томонидан амалга оширилади.

24. Қурилиш, реконструкция қилиш ва таъмирлаш жараёнида технологик жараён амалга оширилишининг тўғрилиги, бажариладиган ишлар ҳамда фойдаланиладиган материалларнинг сифати юзасидан техник назоратни амалга ошириш, шунингдек, ёпилиб кетадиган ва оралиқ ишларни қабул қилиб олишда ҳамда объектлар фойдаланишга топширилишида буюртмачи томонидан қабул комиссияси таркибида иштирок этиш учун ушбу объектга хизмат кўрсатадиган (балансда сақловчи) йўл ташкилоти вакили жалб этилади.

25. Қурилиши тугалланган, реконструкция қилинган ва таъмирланган объектлар фойдаланишга қабул қилиб олиш шаҳарсозлик нормалари ва қоидаларига асосан амалга оширилади.

6-боб. Якунловчи қоидалар

26. Табиий офат ва техноген хусусиятли вазиятларнинг олдини олиш ҳамда оқибатларини бартараф этиш учун марказлашган манбалардан ажратилган маблағлардан мақсадли ва самарали фойдаланиш буюртмачиларнинг раҳбарлари зиммасига юкланади.

27. Пудрат ташкилоти автомобиль йўллари ва улардаги сунъий иншоотларда содир бўлган табиий офат ва техноген хусусиятли вазиятларнинг олдини олиш ҳамда оқибатларини бартараф этиш ишлари буюртмачи ҳамда пудрат ташкилоти ўртасида тузиладиган шартномада белгиланган бажариш ва молиялаштириш жадвалида кўрсатилган муддатларда бажарилишини ҳамда фойдаланишга топширилишини таъминлайди.

28. Табиий офатларнинг олдини олиш ва оқибатларини бартараф этиш объектларида қурилиш таваккалчиликларини суғурталаш ишлари пудратчи ташкилотлари томонидан амалга оширилади.

29. Буюртмачилар қурилиши тугалланган, реконструкция қилинган ва таъмирланган объектнинг автотранспорт воситалари ҳаракати учун очилишига тайёр объектларни қабул қилишни асоссиз кечиктирганлиги учун пудрат ташкилоти олдида қонунчилик ҳужжатларига ва шартномага мувофиқ жавобгар ҳисобланади.

30. Пудрат ташкилоти шартномада белгиланган кафолат даврида буюртмачи олдида мулкий жавобгар ҳисобланади. Кафолат муддати мобайнида объектдан фойдаланиш жараёнида нуқсонлар ва камчиликлар аниқланганда, пудрат ташкилоти уларни ўз маблағлари ҳисобидан бартараф этади.

31. Мазкур Низом талабларининг бузилишида айбдор бўлган шахслар қонунчилик ҳужжатларида белгиланган тартибда жавоб беради.

Вазирлар Маҳкамасининг 2024 йил 30 декабрдаги 901-сон қарорига 5-ИЛОВА

Ўзбекистон Республикаси Ҳукуматининг айрим ҳужжатларига киритилаётган ўзгартириш ва қўшимчалар

1. Вазирлар Маҳкамасининг «Автомобилда хорижий юк ташувчиларнинг Ўзбекистон Республикаси ҳудудига киришлари, бўлишлари, юк олиб ўтишлари ва ундан чиқиб кетишлари тартиби тўғрисида» 1995 йил 11 январдаги 11-сон қарорининг 6-банди қуйидаги таҳрирда баён этилсин:

«6. Қуйидагилар:

агар икки томонлама битимларда ўзгача ҳол назарда тутилмаган бўлса, автомобилда хорижий юк ташувчилар томонидан юкларнинг учинчи мамлакатларга (мамлакатлардан) ташилиши;

Ўзбекистон Республикасининг халқаро шартномаларида бошқача шартлар келишилмаган бўлса, хорижий ташувчиларга тегишли бўлган, шу жумладан, Ўзбекистон Республикаси ҳудудига улар томонидан вақтинча олиб келинган автотранспорт воситаларида юк ва йўловчиларни Ўзбекистон Республикаси ҳудудида жойлашган пунктлар ўртасида ташиш (каботаж) тақиқлансин».

2. Вазирлар Маҳкамасининг «Умумий фойдаланиладиган автомобиль йўлларини қуриш ва улардан фойдаланишни ташкил этишни ҳамда сифатини назорат қилишни такомиллаштириш тўғрисида» 2006 йил 1 ноябрдаги 226-сон қарорида :

а) 1 ва 2-бандлар қуйидаги таҳрирда баён этилсин:

«Автомобиль йўлларини қуриш, реконструкция қилиш ва мукаммал таъмирлаш бўйича бажарилган ишларнинг сифати устидан назорат қилиш ва уларни қабул қилиб олиш тартиби тўғрисидаги низом иловага мувофиқ тасдиқлансин»;

б) 2-банд ўз кучини йўқотган деб ҳисоблансин;

в) 1-илова ўз кучини йўқотган деб ҳисоблансин;

г) 2-иловада :

илова белгисидаги «2-илова» сўзлари «илова» сўзи билан алмаштирилсин;

4-банднинг бешинчи хатбошиси , 11-банд , 12-банднинг еттинчи хатбошиси , 14 ва 19-бандлардаги «Йўл-қурилиш ишлари сифатини назорат қилиш инспекцияси» сўзлари «Транспорт назорати инспекцияси» сўзлари билан алмаштирилсин;

20-банднинг биринчи ва иккинчи хатбошиларидаги «Йўл-қурилиш ишлари сифатини назорат қилиш инспекциясининг» сўзлари «Транспорт назорати инспекциясининг» сўзлари билан алмаштирилсин;

Низомга 5-илованиннг матнидаги «Йўл-қурилиш ишлари сифатини назорат қилиш инспекциясининг» сўзлари «Транспорт назорати инспекциясининг» сўзлари билан алмаштирилсин.

3. Вазирлар Маҳкамасининг 2019 йил 20 майдаги 295-сон қарори билан тасдиқланган Ўзбекистон Республикаси Транспорт вазирлиги ҳузуридаги Автомобиль йўллари қўмитаси тўғрисидаги низомнинг 11-бандида :

«а» кичик банднинг бешинчи — саккизинчи хатбошиларидаги «рухсатномалар» сўзи «техник шартлар» сўзлари билан алмаштирилсин;

«б» кичик бандида :

бешинчи — еттинчи ва ўнинчи хатбошилардаги «Иқтисодий тараққиёт ва камбағалликни қисқартириш вазирлиги ҳамда Молия вазирлиги» сўзлари «Иқтисодиёт ва молия вазирлиги» сўзлари билан алмаштирилсин;

саккизинчи , тўққизинчи ва ўн биринчи хатбошилардаги «Молия вазирлиги» сўзлари «Иқтисодиёт ва молия вазирлиги» сўзлари билан алмаштирилсин;

«в» кичик банднинг бешинчи хатбошисидаги «Ер ресурслари, геодезия, картография ва давлат кадастри бўйича давлат қўмитаси» сўзлари «Иқтисодиёт ва молия вазирлиги ҳузуридаги Кадастр агентлиги» сўзлари билан алмаштирилсин.

4. Вазирлар Маҳкамасининг 2019 йил 21 ноябрдаги 924-сон қарори билан тасдиқланган Ўзбекистон Республикаси Транспорт вазирлиги ҳузуридаги Автомобиль йўллари қўмитаси фаолиятини ривожлантириш ва қўллаб-қувватлаш жамғармаси тўғрисидаги низомнинг 8-банди қуйидаги мазмундаги хатбошилар билан тўлдирилсин:

«Қўмита раиси стипендияси»ни таъсис этиш ва тўлаш билан боғлиқ чора-тадбирларни молиялаштириш;

Қўмитанинг иқтисодий ночор корхона ва ташкилотларини молиявий соғломлаштириш, моддий-техник базасини мустаҳкамлаш ҳамда қўшимча бажарилган йўл ишлари (молиявий манбаси аниқ бўлмаган) натижасида юзага келган дебиторлик қарздорликларини сўндириш мақсадида қайтариб бериш шарти билан молиявий ёрдам бериш».

5. Вазирлар Маҳкамасининг «Ҳудудларда жамоат транспорти инфратузилмасини ривожлантиришга доир қўшимча чора-тадбирлар тўғрисида» 2024 йил 14 ноябрдаги 757-сон қарорида :

а) 3-бандининг иккинчи хатбошисидаги «Транспорт вазирлиги ҳузуридаги Автомобиль йўллари қўмитаси фаолиятини ривожлантириш ва қўллаб-қувватлаш жамғармаси» сўзлари «Иқтисодиёт ва молия вазирлиги ҳузуридаги Автомобиль йўлларини ривожлантириш мақсадли жамғармаси» сўзлари билан алмаштирилсин;

б) 1-илованинг номидаги «Транспорт вазирлиги ҳузуридаги Автомобиль йўллари қўмитаси фаолиятини ривожлантириш ва қўллаб-қувватлаш жамғармаси» сўзлари «Иқтисодиёт ва молия вазирлиги ҳузуридаги Автомобиль йўлларини ривожлантириш мақсадли жамғармаси» сўзлари билан алмаштирилсин.

Ўзбекистон Республикасининг Бош вазири А. АРИПОВ

Тошкент ш.,

2024 йил 30 декабрь,

901-сон

(Қонунчилик маълумотлари миллий базаси, 10.01.2025 й., 09/25/901/0019-сон; 25.08.2026 й., 09/26/456/0870-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

TASNIFI

NIZOM

Avtomobil yoʻllarini qurish, rekonstruksiya qilish, taʼmirlash va ulardan foydalanish ishlarini tashkil etish chora-tadbirlari toʻgʻrisida

Umumiy foydalanishdagi avtomobil yoʻllari, shaharlar va boshqa aholi punktlarining koʻchalari, xoʻjaliklararo avtomobil yoʻllarini qurish, rekonstruksiya qilish, taʼmirlash va saqlash ishlarining turlari hamda tarkibini belgilash, pudrat ishlarini hajm uslubida amalga oshirishni joriy etish, tabiiy ofat va texnogen holatlarning oldini olish hamda oqibatlarini bartaraf qilish ishlarini tashkil etish tartibini belgilash maqsadida Vazirlar Mahkamasi qaror qiladi:

1. Oʻzbekiston Respublikasi Prezidentining “Yoʻl xoʻjaligi sohasini yanada takomillashtirish chora-tadbirlari toʻgʻrisida” 2023-yil 10-oktabrdagi PQ-330-son qaroriga muvofiq avtomobil yoʻllarini qurish, rekonstruksiya qilish, taʼmirlash va saqlash ishlari tasnifining yangi tahririni hamda yoʻl ishlarini bajarishda hajm va sifat koʻrsatkichlarini hisobga olish (hajm uslubi) tartibini ishlab chiqish belgilanganligi maʼlumot uchun qabul qilinsin.

2. Quyidagilar:

Yoʻl xoʻjaligi sohasida loyiha hujjatlarini ishlab chiqish, yoʻl qurilishi ishlarini amalga oshirish, shuningdek, ularni qabul qilib olishda hajm va sifat koʻrsatkichlarini hisobga olish (hajm uslubi) tartibi toʻgʻrisidagi nizom 1-ilovaga muvofiq;

Avtomobil yoʻllarini taʼmirlash va saqlash ishlari tasnifi 2-ilovaga muvofiq;

Avtomobil yoʻllarini qurish, rekonstruksiya qilish va taʼmirlash ishlari tugallangan obyektlarning asosiy konstruktiv elementlari hamda yoʻl harakatini tashkil etish texnik vositalariga kafolatli xizmat qilish muddatlarini qoʻllash tartibi toʻgʻrisidagi nizom 3-ilovaga muvofiq;

Avtomobil yoʻllaridagi tabiiy ofat va texnogen xususiyatli vaziyatlarning oldini olish hamda ularning oqibatlarini bartaraf qilish ishlarini tashkil etish tartibi toʻgʻrisidagi nizom 4-ilovaga muvofiq tasdiqlansin.

3. Transport vazirligi huzuridagi Avtomobil yoʻllari qoʻmitasi (keyingi oʻrinlarda — Avtomobil yoʻllari qoʻmitasi) har yili 1-martdan kechiktirmay Iqtisodiyot va moliya vazirligi bilan kelishilgan holda, ajratilgan limitlar doirasida umumiy foydalanishdagi avtomobil yoʻllarining har yilgi taʼmirlash va saqlash xarajatlari smetalari shakllantirilishini va tasdiqlanishini taʼminlasin.

4. Belgilab qoʻyilsinki, 2025-yil 1-yanvardan boshlab Iqtisodiyot va moliya vazirligi bilan kelishilgan holda:

a) umumiy foydalanishdagi avtomobil yoʻllari va yoʻl inshootlari boʻyicha:

taʼmirlash ishlari — ajratilgan limitlar doirasida qiymati bazaviy hisoblash miqdorining olti ming baravarigacha boʻlgan obyektlar xarajatlar smetasi asosida hamda olti ming baravaridan yuqori boʻlgan obyektlar belgilangan tartibda ishlab chiqilgan va ekspertizadan oʻtkazilgan loyiha-smeta hujjatlari boʻyicha shakllantirilgan manzilli roʻyxatlar asosida moliyalashtiriladi. Ushbu ishlar Avtomobil yoʻllari qoʻmitasi tarkibidagi yoʻl va koʻpriklarni saqlash hamda taʼmirlash tashkilotlari (keyingi oʻrinlarda — ekspluatatsiya tashkilotlari) tomonidan amalga oshiriladi.

Bunda qiymati bazaviy hisoblash miqdorining olti ming baravaridan yuqori boʻlgan obyektlarning loyiha-smeta hujjatlarini ishlab chiqish boʻyicha bosh loyiha tashkilotlari belgilangan tartibda davlat xaridlari toʻgʻrisidagi qonunchilik hujjatlariga muvofiq aniqlanadi;

saqlash ishlari — ajratilgan limitlar doirasida belgilangan tartibda kelishilgan va tasdiqlangan xarajatlar smetalari asosida moliyalashtiriladi hamda ekspluatatsiya tashkilotlari tomonidan amalga oshiriladi;

b) shahar va boshqa aholi punkti koʻchalari, xoʻjaliklararo avtomobil yoʻllarini taʼmirlash va saqlash ishlari belgilangan tartibda amalga oshiriladi.

5. Avtomobil yoʻllari qoʻmitasiga Iqtisodiyot va moliya vazirligi bilan kelishilgan holda, buyurtmachi tashkilotlarning takliflariga asosan umumiy foydalanishdagi avtomobil yoʻllarini taʼmirlash va saqlash ishlariga ajratilgan mablagʻlar toʻliq oʻzlashtirilishini taʼminlash maqsadida yil davomida ajratilgan limitlarni hududlar va ish turlari boʻyicha qayta taqsimlashga ruxsat etiladi.

6. Oʻzbekiston Respublikasi Hukumatining ayrim qarorlariga 5-ilovaga muvofiq oʻzgartirish va qoʻshimchalar kiritilsin.

7. Ushbu qarorga 3-ilova qaror rasman eʼlon qilingan kundan eʼtiboran uch oy oʻtgach kuchga kiradi.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.J. Ramatov hamda transport vaziri I.R. Maxkamov zimmasiga yuklansin.

Vazirlar Mahkamasining 2024-yil 30-dekabrdagi 901-son qaroriga 1-ILOVA

1-bob . Umumiy qoidalar

1. Mazkur Nizom avtomobil yoʻllarida yangi quriladigan va rekonstruksiya qilinadigan obyektlarga loyiha hujjatlarini ishlab chiqish, qurilish-montaj ishlarini bajarish, shuningdek, bajarilgan ishlarni ularning hajmi va sifatini hisobga olgan holda (keyingi oʻrinlarda — hajm uslubi), pudrat ishlarini hajm koʻrsatkichiga oʻtkazish orqali bosqichma-bosqich tatbiq etish tartibini belgilaydi hamda avtomobil yoʻllarini taʼmirlash obyektlariga qoʻllanilmaydi.

Ushbu hajm uslubini qoʻllanish bosqichma-bosqich tatbiq etilishini inobatga olgan holda, buyurtmachi tomonidan har bir obyekt boʻyicha alohida beriladigan texnik topshiriqda aniq belgilab beriladi.

2. Mazkur Nizomda quyidagi asosiy tushunchalar qoʻllaniladi:

buyurtmachi — pudrat tashkiloti tomonidan bajarilgan ish natijasini qabul qilib olish va buning uchun haq toʻlash majburiyatini olgan shaxs;

buyurtmachining talablari — ish hajmi, standart, loyihalashtirish-qurilish-qabul qilish-mahsulotni yetkazib berish va lozim boʻlgan ishlarni shartnomada belgilangan talablar hamda kalendar rejada koʻrsatilgan muddatlarda bajarish, shuningdek, shartnomaga kiritilgan barcha oʻzgartirish va takomillashtirish tafsilotlari;

ish hajmi qaydnomasi (IHQ) — loyiha hujjatiga asosan bajariladigan qurilish-montaj ishlarining turi va hajmi keltirilgan jadval;

qaydnomalar — oferta bilan birgalikda taqdim qilinadigan maʼlumotlar;

muhandis-konsultant — shartnoma asosida bajariladigan ishlar boʻyicha muhandislik-boshqarish va texnik nazorat qilish ishlarini bajarishga javobgar, buyurtmachi tomonidan tayinlangan va tegishli sertifikatga ega boʻlgan yuridik shaxs (shaxslar);

oferta — loyiha doirasida bajariladigan qurilish ishlari hajmi va ularning qiymati boʻyicha pudrat tashkilotining buyurtmachiga takliflari;

pudrat tashkiloti — buyurtmachi tomonidan amaldagi qonunchilik asosida belgilangan hamda shartnomada koʻrsatilgan ishlarni belgilangan muddatda bajarish va topshirish majburiyatini olgan yuridik shaxs;

pudrat tashkilotining takliflari — oferta takliflari keltirilgan dastlabki hujjat;

pudrat shartnomasi — pudrat tashkilotining maʼlum bir ishni bajarish va uning natijasini buyurtmachiga belgilangan muddatda topshirish haqidagi kelishuvi;

yordamchi pudrat tashkiloti — qurilishning maʼlum qismini qurish yoki unga mahsulot yetkazib berish masalasida pudrat tashkiloti bilan shartnoma tuzgan yuridik shaxs;

obyektni topshirish - qabul qilish dalolatnomasi — shartnomaga muvofiq qurilish yakunlanganda obyektni yoki uning qismlarini foydalanishga topshirish dalolatnomasi;

toʻlov sertifikati arizasi (TSA) — mazkur Nizom talablariga binoan yakuniy sertifikat toʻlovlaridan tashqari pudrat tashkiloti tomonidan muhandis-konsultantga berilgan har qanday sertifikat toʻlovlariga beriladigan ariza;

obyektning (shartnomaning) yakuniy bahosi — qurilish ishlari tugallangandan keyin yakuniy toʻlov sertifikati asosida obyektning shakllangan qiymati;

oraliq toʻlov sertifikati (OTS) — mazkur Nizomga muvofiq buyurtmachining vakili (muhandis-konsultant) tomonidan yakuniy toʻlov sertifikati berilgunga qadar tasdiqlangan toʻlov hujjati;

yakuniy toʻlov sertifikati — mazkur Nizomga muvofiq buyurtmachining vakili (muhandis-konsultant) tomonidan tasdiqlangan oxirgi toʻlov sertifikati.

2-bob. Yoʻl xoʻjaligi sohasida loyiha hujjatlarini ishlab chiqish

3. Yoʻl xoʻjaligi sohasida loyiha hujjatlari (keyingi oʻrinlarda — loyiha hujjatlari) Oʻzbekiston Respublikasi Shaharsozlik kodeksi, texnik jihatdan tartibga solish sohasidagi normativ hujjatlar, shuningdek, shaharsozlik normalari va qoidalariga asosan ishlab chiqiladi.

4. Loyiha hujjatlarining ish hajmi qaydnomasini belgilashda loyiha yechimida koʻrsatilgandek elementlar, qurilmalar va boshqa yondosh ish turlarini hisobga olib, materiallar va mashina-mexanizmlar resursi, shuningdek, ishchilarning mehnat xarajatlari keltirilmagan holda, ishlarning fizik hajmlari koʻrsatiladi.

5. Ushbu ish hajmi qaydnomasiga quyidagi holatlarda oʻzgartirish kiritilishi mumkin:

pudrat ishlarini amalga oshirish davomida loyiha hujjatlariga tegishli oʻzgartirish va qoʻshimchalar kiritilishi lozim boʻlgan holatda;

obyektning qoldiq ish hajmi keyingi yillarga oʻtuvchi boʻlgan holatda;

ish hajmi qaydnomasida xatoliklar mavjud boʻlganda.

6. Loyiha hujjatlariga qonunchilik hujjatlari, texnik jihatdan tartibga solish sohasidagi normativ hujjatlar hamda shaharsozlik normalari va qoidalari asosida tegishli oʻzgartirish va qoʻshimchalar kiritiladi.

7. Obyektning keyingi yillarga oʻtuvchi qurilish ishlari qiymatini narx omili boʻyicha indeksatsiya qilish:

Oʻzbekiston Respublikasi Qurilish va uy-joy kommunal xoʻjaligi vazirligiga tegishli boʻlgan tender (tanlov) savdolari hamda narxlarni shakllantirish hududiy konsalting markazlari tomonidan har yil uchun ishlab chiqilgan oʻtish koeffitsiyenti orqali;

buyurtmachi tomonidan ishlab chiqilgan indeksatsiya koeffitsiyentini qoʻllash orqali;

ish hajmlari qaydnomasidagi qoldiq ish hajmlarini qayta hisoblash orqali yoki tomonlar kelishuvi asosida amalga oshiriladi.

3-bob. Loyiha hujjatlarini topshirish va qabul qilish

8. Loyiha tashkiloti loyihalashtirish uchun berilgan texnik topshiriq va shartnoma shartlariga koʻra ishlab chiqilgan loyiha hujjatlarini buyurtmachiga taqdim qiladi.

9. Buyurtmachi loyiha hujjatlarining asoslanganligini, shuningdek, mustahkamlik, chidamlilik, yongʻin xavfsizligi boʻyicha qabul qilingan qoidalar, mehnat va atrof-muhit muhofazasi talablari, qurilishning joriy narxdagi bahosi hamda qurilish normalari va qoidalariga muvofiqligini shaharsozlik hujjatlari ekspertizasiga masʼul vakolatli tashkilot yoki uning hududiy filiallari tomonidan ekspertizadan oʻtkazilishini taʼminlaydi.

4-bob. Yoʻl qurilishi ishlarining sifat nazoratini tashkil qilish

10. Ish va xizmatlar sifatini nazorat qilish quyidagi jarayonlarni oʻz ichiga oladi:

buyurtmachi tomonidan jalb qilinadigan muhandis-konsultantning texnik nazorati;

pudrat tashkilotining ishlab chiqarish jarayonidagi ichki nazorati, jumladan, laboratoriya, geodeziya, materiallar sifatini nazorat qilish va boshqalar;

buyurtmachining muvofiqlashtirilgan monitoringi (buyurtmachi tomonidan obyektga biriktirilgan mutaxassis yoki mutaxassis-xodimlar guruhi tomonidan amalga oshiriladi);

loyiha tashkilotining mualliflik nazorati.

11. Qurilish ishlarining loyihani muhandislik boshqarish va texnik nazorat ishlari muhandis-konsultant tomonidan qurilish ishlarining butun davri davomida amalga oshiriladi.

12. Obyektni muhandislik boshqarish va texnik nazorat qilish ishlari buyurtmachi tomonidan autsorsing asosida jalb etilgan muhandis-konsultant tomonidan amalga oshiriladi.

Bunda muhandis-konsultant davlat xaridlari toʻgʻrisidagi qonunchilik hujjatlariga muvofiq eng yaxshi takliflarning davlat xaridlari elektron tizimi (xarid.uzex.uz) orqali amalga oshiriladigan tanlash (keyingi oʻrinlarda — tanlash) yoki tender savdolari asosida aniqlanadi;

Tanlash (tender) toʻgʻrisidagi axborot buyurtmachi tomonidan davlat xaridlarining elektron tizimiga tanlov (tender) oʻtkazish toʻgʻrisidagi eʼlonni va tanlov (tender) boʻyicha xarid qilish hujjatlarini joylashtirish yoʻli bilan maʼlum qilinadi.

Tanlov (tender) oʻtkazilishi toʻgʻrisidagi eʼlon va tanlov (tender) boʻyicha xarid qilish hujjatlari va buyurtmachi tomonidan takliflarni qabul qilish muddati amaldagi tartib boʻyicha davlat xaridlarining elektron tizimiga hamda Oʻzbekiston Respublikasi Transport vazirligi huzuridagi Avtomobil yoʻllari qoʻmitasining rasmiy veb-saytiga joylashtiriladi.

13. Muhandislik boshqarish va texnik nazorat ishlarini amalga oshirishga diplomi boʻyicha shaharsozlik faoliyati sohasida oliy maʼlumotli mutaxassislikka hamda kamida besh yillik ish tajribasiga, shuningdek, tegishli sertifikatga ega boʻlgan mutaxassis tayinlanadi.

14. Muhandis-konsultant quyidagi huquqlarga ega:

qurilish jarayonida geodeziya ishlarini nazorat qilish;

loyiha hujjatlarini kelishish, tasdiqlash va qayta tasdiqlashni, shuningdek, pudrat tashkilotlarining takliflari boʻyicha loyiha hujjatlariga tuzatishlar va oʻzgartirishlar kiritishni tashkil etishda belgilangan tartibda ishtirok etish;

oʻz vakolati doirasida obyekt qurilishi hududiga tushgan buzulishi hamda koʻchirilishi belgilangan obyektlar, bino va inshootlarni koʻrikdan oʻtkazish, bino va inshootlar qurilishini vaqtincha toʻxtatib turish yoki buzish hamda koʻchirishga hujjatlarni rasmiylashtirish, shuningdek, pudrat tashkilotiga ishlarni davom ettirish uchun qayta topshirish jarayonida obyektlar holatini baholashda ishtirok etish;

vakolatli organlar tomonidan obyektlarda oʻtkaziladigan tekshirish va nazorat tadbirlarida ishtirok etish;

qurilish obyektlarida barcha shaharsozlik normalari va qoidalarining buzilish holatlari, avariya holatlari hamda avariyalarni bartaraf etish ishlari natijalari toʻgʻrisida buyurtmachiga xabar berish;

bino va inshootlarning konstruksiyalari ishonchliligiga hamda zilzila bardoshliligiga taʼsir koʻrsatuvchi, shuningdek, inson salomatligi hamda hayotiga tahdid soluvchi holatlar aniqlanganda, qurilish-montaj ishlarini toʻxtatib turish va bu haqda buyurtmachini xabardor qilish;

qurilish jarayonida yoʻl qoʻyilgan kamchiliklarni bartaraf etish yuzasidan pudrat tashkiloti va loyiha tashkilotining mualliflik nazorati mutaxassislariga ijro etilishi majburiy boʻlgan yozma koʻrsatmalar berish;

obyektlar qurilishi boʻyicha pudrat tashkiloti tomonidan yoʻl qoʻyilgan kamchiliklarni oʻz vaqtida aniqlash, bartaraf etish va bu kabi holatlarning oldini olish yuzasidan pudrat tashkilotining ichki nazorati tashkil etilganligini, ichki nazorat boʻyicha mutaxassisga belgilangan tartibda sertifikat berilganligini tekshirish;

pudrat tashkilotidan qurilish ishlarining qatʼiy loyiha boʻyicha va materiallarga qoʻyiladigan meʼyoriy talablar hamda ishlar texnologiyasiga muvofiq bajarilishini talab qilish;

ish jurnallari va boshqa ijro hujjatlarida aniqlangan loyihadan hamda meʼyoriy talablardan chetga chiqish holatlarini qayd etish;

zarur hollarda, kamchiliklar bartaraf etilgunga qadar qurilish ishlarini vaqtincha toʻxtatib qoʻyishni talab qilish;

loyihadan va meʼyoriy talablardan chetga chiqqan holda bajarilgan ishlarga haq toʻlash toʻgʻrisidagi hujjatlarni imzolashdan bosh tortish;

qurilish-montaj ishlari ijrochilari texnik nazorat talablaridan norozi boʻlgan hollarda, pudrat tashkiloti va buyurtmachining yuqori tashkilotlariga belgilangan tartibda shikoyat qilish.

Muhandis-konsultant qonunchilik hujjatlariga muvofiq boshqa huquqlarga ham ega boʻlishi mumkin.

15. Muhandis-konsultant:

birlamchi ruxsat beruvchi hujjatlarni (yer ajratish, muhandislik tarmoqlariga ulanish texnik shartlari) tayyorlashda ishtirok etishi;

buyurtmachining topshirigʻiga koʻra loyihani amaldagi meʼyorlar talablariga mosligi yuzasidan koʻrib chiqish hamda loyiha boʻyicha oʻzining taklif va izohlarini berishi;

qurilish obyektidagi qurilmalar va mavjud kommunikatsiyalarni koʻchirishga doir yuridik va texnik hujjatlarni oʻz vaqtida rasmiylashtirish va qurilish tashkilotiga topshirishda ishtirok etishi;

qurilish-montaj ishlarining loyiha yechimlarida konstruksiyalar, uskunalar, materiallar va oʻrnatiladigan jihozlarni, texnik jihatdan tartibga solish sohasidagi normativ hujjatlar, shaharsozlik normalari va qoidalari hamda talablariga muvofiqligini tekshirishi;

inshootlar asosiy oʻqlarining joyida geodezik toʻgʻri belgilanganligi, ular reperlar va koordinatalar bilan mahkamlanganligini nazorat qilishi;

qurilishda foydalaniladigan konstruksiyalar, uskunalar va materiallarni (texnik pasportlar, sertifikatlar, laboratoriya sinovlari natijalari va boshqalar) sifat guvohnomasi hujjatlari mavjudligini tekshirishi;

texnik jihatdan tartibga solish sohasidagi normativ hujjatlar talablariga, texnik shartlar, sertifikatlarga mos kelmaydigan materiallar, konstruksiyalar, buyumlar va uskunalarni nuqson dalolatnomalari bilan rasmiylashtirishi hamda ularning obyektda ishlatilishini taqiqlashi;

pudrat tashkiloti tomonidan qurilish materiallari, konstruksiyalar va buyumlarni tashish qoidalariga rioya etilishini nazorat qilishi, materiallar va buyumlar buzilishi va sifatining pasayishiga olib keladigan tarzda saqlanishini taqiqlashi;

pudrat tashkilotining masʼul mutaxassislari bilan bajarilgan ishlar va konstruktiv elementlar sifati va hajmi, ishlab chiqarishni tashkil etishda ishlar ketma-ketligini, yopilib ketadigan ishlar dalolatnomasi rasmiylashtirilgunga qadar kelgusi ishlarni amalga oshirishni taqiqlash talablari bajarilganligini koʻrikdan oʻtkazishi va baholashi;

obyektlar tayyorligiga qarab, pudrat va loyiha tashkilotlari vakillari ishtirokida bino va inshootlar konstruksiyalari, koʻpriklar tayanch ustunlari hamda oraliq qurilmalari, hajmli inshootlar, koʻtarib turuvchi metall va temir beton konstruksiyalar hamda boshqalarni masʼullarning oraliq qabul qilish ishlarini tekshirishi;

olib kelingan uskunalarning oʻrnatilishini tashkil etishi, oʻrnatish sifatini baholashi, kompleks sinab koʻrishi va qabul qilishning loyiha hujjatlariga muvofiqligi hamda holatini tekshirishi;

bajarilgan va toʻlovga taqdim qilingan qurilish-montaj ishlarining hajmi hamda sifatini tasdiqlangan loyiha hujjatlariga muvofiqligini nazorat qilishi;

qabul qilingan va toʻlovi amalga oshirilgan qurilish-montaj ishlari, shuningdek, pudrat tashkiloti tomonidan sifatsiz bajarilgan qurilish-montaj ishlari hamda nuqsonlarni bartaraf etish va qayta ishlov berish ishlari hajmi hamda qiymati hisobini yuritishi;

birlamchi ijro texnik hujjatlarini, ularga qurilish-montaj ishlarini amalga oshirishda aniqlangan kamchiliklar va nuqsonlardan kelib chiqib kiritilgan oʻzgartirishlar mavjudligi va toʻgʻri yuritilishini nazorat qilishi;

birlamchi ijro hujjatlarining (jumladan, umumiy va maxsus ish jurnallari, montaj qilingan konstruksiyalar va muhandislik-kommunikatsiya tarmoqlari uchun ijro sxemalari) mavjudligi va ularning pudrat tashkiloti tomonidan toʻgʻri yuritilishini nazorat qilishi;

ish jurnallariga sifatsiz bajarilgan konstruktiv elementlar va qurilish-montaj ishlarini bajarish texnologiyalarining buzilishi toʻgʻrisida yoʻl qoʻyilgan nuqsonlar bartaraf etilishini talab qilgan holda qayd etib borishi;

mualliflik nazorati va Oʻzbekiston Respublikasi Transport vazirligi huzuridagi Transport nazorati inspeksiyasining koʻrsatma va yozma koʻrsatmalari, shuningdek, buyurtmachi talablarining pudrat tashkiloti tomonidan bajarilishini nazorat qilishi;

alohida konstruksiyalar va uzellar, qurilish-montaj ishlari turlarini, jihoz va mexanizmlar sifatini ularni qabul qilish jarayonida ishchi komissiyalar bilan birga tekshirishda ishtirok etishi;

obyektlarda qurilish-montaj ishlari sifatining muntazam texnik nazoratini amalga oshirishi;

buyurtmachining qurilish obyekti boʻyicha boshqa qonuniy vazifalarni bajarishi;

qurilishi tugallangan obyektlar boʻyicha zarur hujjatlarni pudrat tashkiloti bilan birgalikda umumlashtirish va ularni qurilish ishlari tugallangan obyektlarni (yoki ularning uchastkalarini-ishga tushirish komplekslarini) qabul qilib olish boʻyicha Davlat qabul komissiyasiga (keyingi oʻrinlarda — Davlat qabul komissiyasi) taqdim etishi;

qurilishi tugallangan obyektlar boʻyicha barcha ijro hujjatlarini belgilangan tartibda buyurtmachiga topshirilishini taʼminlashi shart.

Muhandis-konsultantga qonunchilik hujjatlariga muvofiq boshqa majburiyatlar ham yuklanishi mumkin.

16. Muhandis-konsultantning asosiy ish joyi boʻyicha nazorati ostidagi obyektlarni qurish ishlarini bajarayotgan tashkilotlarda oʻrindoshlik asosida ishlashi taqiqlanadi.

5-bob. Yoʻl qurilishi boʻyicha bajarilgan ishlarni qabul qilish

17. Loyiha va ish chizmalari, texnik jihatdan tartibga solish sohasidagi normativ hujjatlarga rioya qilgan holda bajarilib, toʻliq tugallangan ishlar qabul qilinadi.

Bunda ishlarni qabul qilishda, shuningdek, yopilib ketadigan va oraliq ishlarni hamda tugallangan obyektlarni foydalanishga qabul qilib olishda bajarilgan ishlar akkreditatsiyadan oʻtgan yoki maʼqullangan sinov laboratoriyalari (markazlari) xulosalari, ish bajarish jurnallari va mualliflik nazoratida keltirilgan yozishmalar oʻrganiladi.

18. Yopilib ketadigan ishlar ularning har bir turi (bosqichi) boʻyicha qabul qilib olish keyingi tur (bosqich) ishlari boshlangunga qadar bajarilishiga qarab amalga oshiriladi.

Ishlarni quyidagi tarkibdagi komissiya qabul qilib oladi:

buyurtmachining vakili — muhandis-konsultant;

pudrat tashkiloti vakili — ish bajaruvchi yoki usta, laborant va geodezist (zarur hollarda);

yoʻlga xizmat koʻrsatadigan ekspluatatsiya tashkiloti vakili va loyiha tashkiloti vakili (koʻtarib turuvchi konstruksiyalarni qabul qilib olishda).

Koʻtarib turuvchi konstruksiyalar roʻyxati loyihada belgilanadi. Yopilib ketadigan ishlarni qabul qilib olish natijalari mazkur Nizomga 1-ilovadagi shakl boʻyicha dalolatnoma bilan rasmiylashtiriladi.

19. Yopilib ketadigan ishlarning dalolatnomasi qabul qilingan natijalari mazkur Nizomga 2-ilovada keltirilgan shaklda maʼqullash talabnomasi koʻrinishida rasmiylashtiriladi.

Maʼqullash talabnomasi qabul qilingan ishlarning loyiha, texnik jihatdan tartibga solish sohasidagi normativ hujjatlarga muvofiqligi koʻrsatiladi, shuningdek, qabul qilingan ishlarga baho berilib, keyingi ish turlarini bajarishga ruxsat soʻraladi. Maʼqullash talabnomasiga laboratoriyada oʻtkazilgan sinov va tekshiruv natijalari ilova qilinadi.

20. Qurilishda bajarilgan ishlarni oraliq qabul qilish, buyurtmachi vakili, muhandis-konsultant va pudrat tashkiloti tomonidan rasmiylashtiriladi. Bajarilgan ishlar va yoʻlning tugallangan konstruktiv elementlari toʻlov uchun oraliq qabul qilib olish, oraliq sertifikatlar asosida mazkur Nizomga 3 , 3a — 3g ilovalarda keltirilgan shaklda obyektdagi ish hajmini, materiallar miqdori va narxini toʻlaligicha hisobot koʻrinishida keltirgan holda rasmiylashtiriladi.

21. Oraliq va yakuniy toʻlov sertifikatlari muhandis-konsultant va pudratchi oʻrtasida rasmiylashtirilgandan soʻng uni buyurtmachiga rasmiy ravishda taqdim qiladi va bu sertifikat asosida buyurtmachi ushbu miqdorda toʻlovni amalga oshiradi. Taqdim etilgan hujjatlarda kamchiliklar mavjud boʻlgan taqdirda toʻlovlar amalga oshirilmaydi.

6-bob. Qurish va rekonstruksiya qilish ishlari tugallangan obyektlarni foydalanishga topshirish

22. Qurilish ishlari tugallangan obyektlar shaharsozlik normalari va qoidalari, qurilish reglamentlari hamda texnik jihatdan tartibga solish sohasidagi normativ hujjatlarga muvofiq foydalanishga topshiriladi.

23. Qurilish ishlari tugallangan obyektlar yoki ularning qismlarida (ishga tushiriladigan majmua) qurilish-montaj ishlarining yakunlanganligi quyidagi tartibda:

obyektning tugallanganligi va uni qabul qilishga tayyorligi haqida pudrat tashkilotining toʻgʻridan-toʻgʻri buyurtmachiga yoki muhandis-konsultant orqali buyurtmachiga xabar yuborish orqali;

buyurtmachi vakili yoki muhandis-konsultant tomonidan obyekt yakunlanganligi toʻgʻrisida sertifikat taqdim etish orqali;

obyektning tugallanganligi va uni qabul qilishga tayyorligi haqida ishchi komissiyasining dalolatnomasi asosida buyurtmachi tomonidan ishchi va Davlat qabul komissiyasiga rasmiy xabar yuborish orqali maʼlum qilinadi.

24. Ishchi komissiya buyurtmachining qarorlari (buyruqlari) bilan tayinlanadi. Ishchi komissiyaning dalolatnomasi mazkur Nizomga 4-ilovaga asosan shakllantiriladi. Ishchi komissiya tarkibiga qabul qilinayotgan obyektdan foydalanish yuklangan buyurtmachi, Oʻzbekiston Respublikasi Transport vazirligi huzuridagi Transport nazorati inspeksiyasi, Qoraqalpogʻiston Respublikasi Vazirlar Kengashi, viloyatlar hamda Toshkent shahar hokimliklari, pudrat tashkilotlari (yordamchi pudrat tashkilotlari), muhandis-konsultant, ekspluatatsiya tashkiloti, loyiha tashkiloti, Oʻzbekiston Respublikasi Ichki ishlar vazirligi Jamoat xavfsizligi departamentining Yoʻl harakati xavfsizligi xizmati va boshqa manfaatdor tashkilotlarning vakillari kiradi.

25. Davlat qabul komissiyasi obyektni qurish va rekonstruksiya qilishni loyihalashtirish uchun topshiriqni tasdiqlagan organ tomonidan tashkil etiladi. Davlat qabul komissiyasining dalolatnomasi mazkur Nizomga 5-ilovaga asosan shakllantiriladi.

Davlat qabul komissiyasi tarkibiga qabul qilinayotgan obyektlardan foydalanish yuklangan buyurtmachi, Oʻzbekiston Respublikasi Transport vazirligi huzuridagi Transport nazorati inspeksiyasi, mahalliy ijro etuvchi hokimiyat organlari, pudrat tashkilotlari (yordamchi pudrat tashkilotlari), muhandis-konsultant, ekspluatatsiya tashkiloti, loyiha tashkilotlari, Oʻzbekiston Respublikasi Ichki ishlar vazirligi Jamoat xavfsizligi departamentining Yoʻl harakati xavfsizligi xizmati va boshqa manfaatdor tashkilotlarning vakillari kiradi.

26. Pudrat tashkiloti ishchi komissiyaga quyidagi hujjatlarni topshiradi:

bajarilgan ishlarning hajmi, turi va bahosi koʻrsatilgan holda qurilish-montaj ishlarida qatnashgan tashkilotlar roʻyxati;

texnika loyiha hujjatlari, ishchi chizmalarining toʻplami va ijro chizmalari;

maʼqullash talabnomasi;

yoʻl qurilishi materiallari va yoʻl toʻshamasining qurilmaviy qatlamlaridan olingan namunalarning sinov dalolatnomalari, muvofiqlik sertifikatlari;

ishni bajarish va mualliflik nazorati jurnallari;

ijro chizmalari.

27. Davlat qabul komissiyasiga obyektni foydalanishga topshirishdan oldin ishchi komissiya quyidagilarni tekshiradi:

bajarilgan ishlar hajmlari va turlarining tasdiqlangan loyihaga, ishlarni bajarishning shaharsozlik normalari va qoidalariga muvofiqligini tekshirish;

bajarilgan ishlarning sifatini tasdiqlovchi sinov laboratoriyasi xulosalari, nazorat oʻlchov hujjatlari va ijobiy tashxis (diagnostika) xulosalari mavjudligini tekshirish;

bajarilgan ishlarning qiymati toʻgʻri shakllantirilganligini koʻrib chiqish. Qiymat oʻsishi va (yoki) unga obyektni qurish va rekonstruksiya qilishga tegishli boʻlmagan xarajatlar notoʻgʻri kiritilishi holatlari aniqlanganda, uning sabablarini oʻrganib chiqadi va ularni bartaraf etish boʻyicha taklif kiritadi.

Ishchi komissiya tomonidan aniqlangan kamchiliklar va chala qilingan ishlar dalolatnomaning ilovasida aks ettiriladi hamda belgilangan muddatlarda bartaraf etilishi nazorat qilinadi.

28. Ishchi komissiya tomonidan Davlat qabul komissiyasiga obyekt boʻyicha bajarilgan barcha ijro hujjatlari, shuningdek, ishchi komissiyasi dalolatnomasi topshiriladi.

Topshirilgan hujjatlar asosida dalolatnomada foydalanishga topshirilayotgan obyektning qiymati va koʻrsatkichlari keltirilib, uni foydalanishga topshirish haqida Davlat qabul komissiyasi tomonidan yakuniy xulosa chiqariladi.

29. Davlat qabul komissiyasining obyektni foydalanishga topshirish dalolatnomasi mazkur Davlat qabul komissiyasini tayinlagan organ tomonidan tasdiqlanadi.

Obyektni foydalanishga qabul qilish dalolatnomasi va bu haqidagi yozma maʼlumot besh nusxada tayyorlanadi. Ulardan ikki nusxasi loyihaviy xulosa bilan birgalikda Davlat qabul komissiyasini tayinlagan organga, yana ikki nusxasi buyurtmachiga va bir nusxasi pudratchiga beriladi.

30. Buyurtmachi Davlat qabul komissiyasi dalolatnomasining bir nusxasini hamda texnik (loyiha) va ijro hujjatlarning toʻliq toʻplamini ekspluatatsiya tashkilotiga topshirishi shart.

Qabul qilish dalolatnomasi va texnik (loyiha) hujjatlar yoʻldan foydalanadigan yoʻl tashkilotida saqlanadi.

7-bob. Muhandislik boshqarish va texnik nazorat ishlarini moliyalashtirish tartibi

31. Muhandislik boshqarish va texnik nazorat ishlari buyurtmachi tomonidan moliyalashtiriladi.

Bunda buyurtmachi har bir obyekt uchun texnik topshiriq, muhandis-konsultantlar tarkibi va ularning loyihaviy xarajatlari hisobini ishlab chiqadi.

32. Muhandislik boshqarish va texnik nazorat ishlari boʻyicha muhandis-konsultantni jalb qilish xarajatlarining boshlangʻich qiymati obyektning ekspertiza xulosasiga asosan aniqlangan bahosining 2 foizi miqdorida tanlov (tender) savdolariga qoʻyiladi.

33. Muhandislik boshqarish va texnik nazorat ishlari boʻyicha muhandis-konsultantni jalb qilish xarajatlari qiymati moliya yilidagi obyektning qurilish-montaj ishlari uchun pudrat tashkilotiga ajratilgan moliyalashtirish limitlariga mutanosib ravishda belgilanadi.

34. Tanlov (tender) savdolari natijasida aniqlangan muhandis-konsultant kompaniya bilan buyurtmachi oʻrtasida belgilangan tartibda shartnoma tuziladi.

35. Muhandislik boshqarish va texnik nazorat ishlari boʻyicha avans moliya yilidagi obyektning qurilish-montaj ishlari uchun pudrat tashkilotiga ajratilgan moliyalashtirish limiti doirasida ajratiladi.

36. Muhandis-konsultantning xizmatlarini moliyalashtirish ishlari obyektda amalda bajarilgan ish hajmining qiymatidan kelib chiqib, oraliq va yakuniy toʻlov sertifikati asosida amalga oshiriladi.

37. Davlat budjeti va unga tenglashtirilgan manbalar hisobidan amalga oshirilayotgan yoʻl qurish va rekonstruksiya qilish obyektlariga jalb qilinayotgan har bir muhandis-konsultant kompaniyaga ularning xizmat koʻrsatish davrida beshdan ortiq obyektlarning tanlov (tender) savdolarida qatnashishiga yoʻl qoʻyilmaydi.

38. Muhandislik boshqarish va texnik nazorat ishlari boʻyicha tanlov (tender) savdolariga asosan aniqlangan qiymat xizmat koʻrsatish davri ikki moliya yilidan oshgan taqdirda, muhandis-konsultantning qoldiq shartnoma qiymatini oʻn foizga, toʻrt moliya yilidan oshgan taqdirda, qoldiq shartnoma qiymatini yigirma foizga qayta hisoblashga ruxsat beriladi hamda boshqa qayta hisoblashga yoʻl qoʻyilmaydi.

39. Muhandislik boshqarish va texnik nazorat ishlari boʻyicha muhandis-konsultantlarni jalb qilish boʻyicha xarajatlar ushbu obyektga ajratilgan moliyalashtirish limitlari hisobidan amalga oshiriladi.

40. Muhandislik boshqarish va texnik nazorat ishlari boʻyicha muhandis-konsultantlarning shartnoma muddatlari pudrat shartnomalari muddatlariga mutanosib ravishda uzaytirilishi mumkin.

8-bob. Yakunlovchi qoidalar

41. Mazkur Nizom bilan tartibga solinmagan buyurtmachi va pudrat tashkiloti oʻrtasidagi munosabatlar tomonlar oʻrtasida tuzilgan shartnomalar asosida tartibga solinadi.

42. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javobgar boʻladi.

________________________________________________________________________________________ (obyektning nomi va joylashgan joyi) ________________________________________________________________________________________ (bajarilgan ishning nomi) Yopilib ketadigan ishlarni tekshirish dalolatnomasi 20___ y. “____” ________________ Quyidagi tarkibdagi Komissiya: Pudratchi tashkilot vakili ________________________________________________________________ (familiyasi, ismi va otasining ismi, lavozimi) ________________________________________________________________________________________ Muhandis-konsultant vakili _____________________________________________________________ ________________________________________________________________________________________ (familiyasi, ismi va otasining ismi, lavozimi) Asosiy konstruksiyalarda loyihachi va ekspluatatsiya tashkilotlarning vakillari _________________ (familiyasi, ismi va otasining ismi, lavozimi) ________________________________________________________________________________________ ______________________________________________________________________________ tomonidan (qurilish-montaj tashkiloti nomi) bajarilgan ishlarni tekshirib chiqdi va quyidagilar toʻgʻrisida ushbu Dalolatnomani tuzdi: 1. Tekshirishga quyidagi ishlar taqdim qilindi: _____________________________________________ ________________________________________________________________________________________ (yopilib ketadigan ishlar yoki masʼul konstruksiyalar nomi) 2. Ishlar ____________________________________________________________________________ ________________________________________________________________________________________ (loyiha tashkiloti nomi, chizmalar raqami va ular tuzilgan sana) loyiha-smeta hujjatlari boʻyicha bajarilgan. 3. Ishlarni bajarishda quyidagilardan foydalanilgan: _____________________________________ ________________________________________________________________________________________ (sertifikatlarga tayangan holda materiallar, konstruksiyalar, buyumlar nomi yoki ________________________________________________________________________________________ sifatni tasdiqlaydigan boshqa hujjatlar) 4. Ishlarni bajarishda loyiha-smeta hujjatlaridagi quyidagi ishlar bajarilmagan yoki ulardan chekinishga yoʻl qoʻyilgan __________________________________________________________________ chekinishga yoʻl qoʻyilganda kim bilan ________________________________________________________________________________________ kelishilganligi, chizmalar raqami va kelishish sanasi koʻrsatiladi) 5. Ishlar boshlangan sana: _____________________________________________ ishlar tugallangan sana: _______________________________________________ Komissiya qarori: Ishlar loyiha-smeta hujjatlari, standartlar, qurilish normalari va qoidalariga muvofiq bajarilgan. Bayon qilinganlar asosida quyidagi ishlarni bajarishga ruxsat beriladi ________________________ ________________________________________________________________________________________ (ishlar va konstruksiyalar nomi) Pudratchi tashkilot vakili __________________________________________ (imzo) Muhandis-konsultant vakili _____________________________________________ (imzo) Koʻtarib turuvchi konstruksiyalarni qabul qilib olishda Loyihachi tashkilotining vakillari_______________________________________ (imzo) Ekspluatatsiya tashkilotining vakili_______________________________________ (imzo)

Maʼqullash talabnomasi

Loyiha: Maʼqullash talabnomasi

KIMGA: Muhandis KIMDAN Pudrat tashkiloti

Shartnoma Shartnoma nomi Ish turlari Sifat nazorati rejasi

Piket oʻrni Oʻng taraf □ Talabnoma raqami Toʻldirish muddati Chap taraf □

Hurmatli ................................................................................................................................F.I.O. va lavozimi. Pudrat tashkiloti keyingi ish turlarini bajarishi uchun Sizdan hozirda amalga oshirilgan ishlarni qabul qilib olishingizni soʻraydi. Muhandisga joyida va laboratoriyadagi sinovlarda qatnashish tavsiya etiladi. Bu holda pudrat tashkiloti sinovlarni toʻliq yoki qisman oʻtkazib boʻlgan, sinovga tegishli yozuvlar, qarorlar va geodezik maʼlumotlarni ilova qilgan. Ishlar tarkibi Sinov turi / Ishlarni tekshirish turi Sinovlar natijalari va geodezik oʻlchovlar, dalolatnoma raqami va muddati (hujjatlar ilova qilinadi) □ □ □ □ □ □ □ □ □ □ Tekshirish tavsiya qilingan vaqt Muddati: __________________ Vaqti:

Qatnashayotgan taraflar F.I.O. Muddati Muhr/Imzo Pudratchining soʻrovi Muhandis tomonidan qabul qilingan

Maʼqullash tadbiri Maʼqullangan Maʼqullanmagan Muddati Muhr/Imzo Muhandis tomonidan maʼqullangan □ □ Muhandis fikri: __________________________________________________________________________________________ Shartnomaga muvofiq ushbu shaklni tasdiqlash, qabul qilinganligi va imzolanganligi, barcha qismlari, tafsilotlari, kamchiliklar va xatolarga qaramasdan pudrat tashkiloti materiallar, qurilish uslublari, sifat nazorati, qorishmalar tarkibini boʻyicha, oʻlchamlar, ish hajmlari, yordamchi pudratchi tashkilotlarning bajargan ishlari, shuningdek ularning oqibatlariga nisbatan toʻliq javobgarlik oʻz zimmasida qoladi.

____ son shartnomaning bandiga muvofiq oraliq toʻlovlar arizasi / ____ shartnoma shartlariga muvofiq toʻlovni tasdiqlovchi oraliq sertifikat (pudrat tashkiloti tomonidan muhandisga topshiriladi) (muhandis tomonidan buyurtmachiga topshiriladi) Loyiha: Shartnoma: Dastlabki shartnoma miqdori: Qoʻshimcha bitim miqdori: Buyurtmachi: Moliyalashtiruvchi organlar: Muhandis/Konsultant: Pudrat tashkiloti: Taklif qilingan raqam OTA/TTS: OTA/TTSdan: Qamrab olingan davr OTA/TTS: Taklif qilingan raqam OTA/TTS: OTA/TTSdan: Qamrab olingan davr OTA/TTS:

T/r Ishning nomi Shartnoma qiymati (UZS) (%) Oʻtgan toʻlovda tasdiqlangan qiymat Ushbu toʻlovga tasdiqlanayotgan qiymat Oʻsib boruvchi qiymat, jami TTS — 01 TTS — 02 (%) (UZS) (%) (UZS) (%) (UZS) (pastki bandning nomi) Jami (01) Kafolatlangan qiymat (bajarilgan ish hajmidan ____%) - (02) Kafolatlangan qiymatning ushlab qolinishi - (03) Obyektdagi materiallar Umumiy jamlanmasi (04) Oldindan toʻlov (____%) - (05) Oldindan toʻlovning ushlab qolinishi (_____%, bajarilgan ish hajmidan) Haqiqiy toʻlovga taqdim etilgan qiymat Bandi Ishning nomi Toʻlanadigan qiymat Haqiqiy toʻlanadigan qiymat (umumiy shartnomalardagi narxlarga asosan ) UZS (100%) C. Ushlab qolinadigan mablagʻning umumiy qiymati (1+2) - Hozirgi vaqtga qadar, jami ........% 1. Kafolatlangan qiymat (____%) - 2. Oldindan toʻlovning ushlab qolinishi - D. Ushbu sertifikat boʻyicha jami qiymat - Ushbu sertifikat boʻyicha jami qiymat - yozuv bilan

Pudrat tashkiloti rahbari Muhandis

____ son shartnomaning bandiga muvofiq oraliq toʻlovlar arizasi / ____ shartnoma shartlariga muvofiq toʻlovni tasdiqlovchi oraliq sertifikat (Pudrat tashkiloti tomonidan muhandisga topshiriladi) (muhandis tomonidan buyurtmachiga topshiriladi) Loyiha: Shartnoma: Taklif qilingan raqam OTA/TTS: Dastlabki shartnoma miqdori: OTA/TTSdan: Qoʻshimcha bitim miqdori: Qamrab olingan davr OTA/TTS: Buyurtmachi: Moliyalashtiruvchi organlar: Taklif qilingan raqam OTA/TTS: Muhandis/Konsultant: OTA/TTS dan: Pudratchi: Qamrab olingan davr OTA/TTS: Oraliq toʻlov sertifikatining koʻlami № _______ Pudrat tashkiloti — ................................. 20.... yil........................ ga qadar bajarilgan ishlar hajmi A) Shu davrgacha boʻlgan ishlar hajmi - (UZS) B) Oldingi tasdiqlash miqdori, shu jumladan, yangilangan narxi - (UZS) V) Shu oydagi qiymat - (UZS) G) Qurilish maydonchasidagi materiallarning toʻlovi - (UZS) D) Qurilish maydonchasidagi materiallarning toʻlovining qaytarilishi - (UZS) E) Oldindan toʻlovning oʻrnini qoplash - (UZS)] Yo) Qiymatning ushlab qolinishi (5%) - (UZS) J) Koʻzda tutilmagan xarajatlarga zaxira qiymati - (UZS) Z) joriy sertifikat bilan toʻlanadigan qiymat - (UZS) Izoh: Ushbu vaqtincha toʻlov guvohnoma boʻlib, bunda koʻrsatilgan toʻlov va sertifikatlangan qiymat muhandis-konsultant tomonidan yakuniy qabul qilingan deb hisoblanmaydi, lekin pudrat tashkilotining pul oqimlarini ragʻbatlantirish maqsadida vaqtincha toʻlov guvohnomasi sifatida qabul qilinadi. Pudrat tashkiloti rahbari Muhandis

____ son shartnomaning bandiga muvofiq oraliq toʻlovlar arizasi / ____ shartnoma shartlariga muvofiq toʻlovni tasdiqlovchi oraliq sertifikat (pudrat tashkiloti tomonidan muhandisga topshiriladi) (muhandis tomonidan buyurtmachiga topshiriladi) Loyiha: Shartnoma: Taklif qilingan raqam OTA/TTS: Dastlabki shartnoma miqdori: OTA/TTSdan: Qoʻshimcha bitim miqdori: Qamrab olingan davr OTA/TTS: Buyurtmachi: Loyiha: Taklif qilingan raqam OTA/TTS: Shartnoma: OTA/TTS dan: Dastlabki shartnoma miqdori: Qamrab olingan davr OTA/TTS:

A) Oldindan avans toʻlovi Muddati Sertifikat № Qiymati (UZS) (UZS) (UZS) (UZS) oldindan toʻlanadigan avans toʻlovining umumiy qiymati - (UZS) B) Toʻlangan avans toʻlovining qaytarilishi Muddati Sertifikat № Qiymati (UZS) (UZS) (UZS) (UZS) toʻlangan avans toʻlovi qaytarilishining umumiy qiymati - (UZS) V) Qurilish maydonchasidagi materiallar uchun toʻlov Muddati Sertifikat № Qiymati materiallar toʻlovining umumiy qiymati - (UZS) G) Qurilish maydonchasidagi materiallar uchun toʻlovlarning qaytarilishi Muddati Sertifikat № Qiymati (UZS) (UZS) (UZS) (UZS) materiallar uchun toʻlovlarning qaytarilishi umumiy qiymati - (UZS) D) kafolat qiymati ushlanishi (5%) Sanasi Sertifikat № Qiymati (UZS) (UZS) (UZS) (UZS) Jami ushlab qolingan kafolat qiymati - (UZS)

Pudrat tashkiloti rahbari Muhandis

____ son shartnomaning bandiga muvofiq oraliq toʻlovlar arizasi / ____ son shartnoma shartlariga muvofiq toʻlovni tasdiqlovchi oraliq sertifikat (pudrat tashkiloti tomonidan muhandisga topshiriladi) (muhandis tomonidan buyurtmachiga topshiriladi) Boʻlim № ______ yoʻl qoplamasi yoki boshqa ish turlari Loyiha: Shartnoma: Taklif qilingan raqam OTA/TTS: Dastlabki shartnoma miqdori: OTA/TTSdan: Qoʻshimcha bitim miqdori: Qamrab olingan davr OTA/TTS: Buyurtmachi: Moliyalashtiruvchi organlar: Taklif qilingan raqam OTA/TTS: Muhandis/Konsultant: OTA/TTS dan: Pudrat tashkiloti: Qamrab olingan davr OTA/TTS:

Toʻlov bandi Ishning turi Oʻlchov birligi Shartnoma Bajarilgan Qurilish boshidan bajarilgan Tartib raqami Toʻlov bandi Shartnoma boʻyicha oʻlchov birligi qiymati (UZS) Hajmi Qiymati [UZS] Hajmi Qiymati [UZS] Hisobot davrida bajarilgan (TTS___) Hajmi Qiymati (UZS) Jami Shundan Jami Shundan Jami Shundan Jami Shundan Ish hajmi Qiymati Hisobot davrigacha bajarilgan Hisobot davrigacha bajarilgan Hisobot davrigacha bajarilgan Hisobot davrigacha bajarilgan Pudratchi Muhandis

____ son shartnomaning bandiga muvofiq oraliq toʻlovlar arizasi / ____ son shartnoma shartlariga muvofiq toʻlovni tasdiqlovchi oraliq sertifikat (pudratchi tomonidan muhandisga topshiriladi) (muhandis tomonidan buyurtmachiga topshiriladi) Obyektdagi materiallar Loyiha: Shartnoma: Taklif qilingan raqam OTA/TTS: Dastlabki shartnoma miqdori: OTA/TTSdan: Qoʻshimcha bitim miqdori: Qamrab olingan davr OTA/TTS: Buyurtmachi: Moliyalashtiruvchi organlar: Taklif qilingan raqam OTA/TTS: Muhandis/Konsultant: OTA/TTS dan: Pudratchi: Qamrab olingan davr OTA/TTS:

Toʻlov bandi Obyektdagi materiallar tavsifi (nomi) Obyektdagi materiallar narxi (UZS) Oʻlchov birligi Oldingi TTSda tasdiqlangan materiallar Obyektga keltirilgan yangi materiallar Obyektga keltirilgan materiallardan ombordagi qoldiq qismi Obyektdagi materiallarning balansi Hajmi (har bir birlik uchun) Qiymati (UZS) Hajmi (har bir birlik uchun) Qiymati (UZS) Hajmi (har bir birlik uchun) Qiymati (UZS) Hajmi (har bir birlik uchun) Qiymati (UZS) 1 2 3 4 5 6=5x3 7 8=7x3 9 10=9x3 11=5+7+9 12=11x3 Obyektdagi materiallarning jami

(yangi materiallar) (materiallarning ushlab qolinishi) (toʻplangan) (qoldiq saqlanadigan materiallarning qiymati Pudrat tashkiloti rahbari Muhandis

“TASDIQLAYMAN” __________________________ __________________________ __________________________ (komissiyani tayinlagan organ) Ishchi komissiyaning qurilishi (rekonstruksiya qilish) tugallangan obyektni foydalanishga qabul qilish toʻgʻrisidagi DALOLATNOMASI 20___ y. “_____”____________ _________________________________________________________________________________________ (obyektning joylashgan joyi) _____________________________________________________________________________________ ning _________________________________________________________________________________________ (qabul qilish komissiyasini tayinlagan organning nomi) 20____ y. “___”_________dagi ___-son qarori (buyrugʻi) bilan tayinlangan quyidagi tarkibdagi qabul qilish komissiyasi: Rais-buyurtmachi vakili ____________________________________________________________________ (familiyasi, ismi, otasining ismi, lavozimi) Rais oʻrinbosari — Transport vazirligi huzuridagi Transport nazorati inspeksiyasining inspektori _________________________________________________________________________________________ _________________________________________________________________________________________ (familiyasi, ismi, otasining ismi, lavozimi) komissiya aʼzolari: bosh pudrat tashkilot vakili _______________________________________________________________ (F.I.O. lavozimi) ____________________________________ (imzo) Muhandis-konsultant ____________________________________________________________________ (F.I.O. lavozimi) _______________________________ (imzo) yordamchi pudrat tashkilot tashkilotlar vakillari _____________________________________________ _________________________________________________________________________________________ (F.I.O. lavozimi) _______________________________________________ (imzo) loyiha tashkilotlari vakillari ____________________________________________________________ _________________________________________________________________________________________ (F.I.O. lavozimi) _______________________________________________ (imzo) foydalanuvchi tashkilotlar vakillari _______________________________________________________ _________________________________________________________________________________________ (F.I.O. lavozimi) _______________________________________________ (imzo) Yoʻl harakati xavfsizligi davlat xizmati organlari vakillari _________________________________________________________________________________________ (F.I.O. lavozimi) _______________________________________________ (imzo) Qurilish (rekonstruksiya qilish) tugallangan obyektni foydalanishga qabul qilib olish qoidalariga amal qilgan holda quyidagilarni ANIQLADI: 1. Bosh pudrat tashkiloti _______________________________________________________________________________ tomonidan (tashkilotning va uning idoraviy mansub boʻlinmalari nomi koʻrsatilsin) _________________________________________________________________________________________ (obyektning nomi va joylashgan joyi) taʼmirlash ishlari tugallangan obyekt foydalanish uchun qabul qilishga taqdim etilgan. 2. Qurilish (rekonstruksiya qilish) _______________________________________________ ________________________________________________________________________ ishlarini bajargan (bajarilgan ish turlari koʻrsatilsin) bosh pudrat tashkiloti tomonidan hamda _________________________________________________________________________________________ (bajarilgan ish turlari koʻrsatilsin) _______________________________________________________________________ ishlarini bajargan (tashkilotlar nomi koʻrsatilsin) _________________________________________________________________________________________ uning yordamchi pudrat tashkilotlari tomonidan amalga oshirilgan. 3. Qurilish (rekonstruksiya qilish) uchun loyiha hujjatlari _________________________________________________________________________________________ (loyiha hujjatlarini tasdiqlagan organning nomi koʻrsatilsin) tomonidan 20 __ y. “____”________da tasdiqlangan. 4. Qurilish (rekonstruksiya qilish) ishlari quyidagi muddatlarda amalga oshirilgan: ishlar boshlanishi ____________________; ishlar tugallanishi _______________________ (oy va yil) (oy va yil) 5. Qurilish (rekonstruksiya qilish) tugallangan obyektni qabul qilib olishda komissiyaga quyidagi hujjatlar taqdim qilingan: loyiha hujjatlari, yopilib ketadigan ishlar dalolatnomasi, jurnallar va ijro hujjatlari, materiallar, buyumlar va konstruksiyalarga muvofiqlik sertifikatlari; ishlarni bajarish jurnali; mualliflik nazorati jurnali. 6. Taqdim qilingan obyekt quyidagi koʻrsatkichlarga ega: __________________________________ _________________________________________________________________________________________ (loyiha va rejada nazarda tutilgan obyektning umumiy uzunligi, masofasi, _________________________________________________________________________________________ yoʻl toifasi koʻrsatilsin) 7. Tanlov savdosi natijalariga koʻra (yoki tomonlarning kelishuviga koʻra) aniqlangan joriy narxlarda hisoblangan toʻlov qiymati ________________________________________________________________________________ ming soʻm, (hisoblangan toʻlov qiymati koʻrsatilsin) 8. Amalda taqdim etilgan obyektni koʻrikdan oʻtkazish hamda tegishli hujjatlar bilan tanishish asosida qurilish ishlari sifatiga baho beriladi _____________________________________ _________________________________________________________________________________________ (qoniqarli, qoniqarsiz) Komissiya qarori ___________________________________________________________________________ obyekti (obyektning nomi va joylashgan joyi) bosh pudrat tashkilotidan foydalanish uchun qabul qilingan deb hisoblansin. Qabul qilish komissiyasi raisi _______________________________________________________ (F.I.O. lavozimi) (imzo) Rais oʻrinbosari — Transport vazirligi huzuridagi Transport nazorati inspeksiyasining inspektori ______________________________________________________________________________ (F.I.O, lavozimi) _____________________________ (imzo) Komissiya aʼzolari: _________________________________________________________________________________________ (imzo, F.I.O.) _________________________________________________________________________________________ (imzo, F.I.O.) _________________________________________________________________________________________ (imzo, F.I.O.) _________________________________________________________________________________________ (imzo, F.I.O.) Bosh pudrat tashkiloti va yordamchi pudrat: Foydalanuvchi tashkilotlar tashkiloti vakillari topshirdilar vakillari qabul qildilar: __________________________________ __________________________________ __________________________________ __________________________________ (imzo, familiyasi, ismi, otasining ismi) (imzo, familiyasi, ismi, otasining ismi)

“TASDIQLAYMAN” _______________________________________ (qaror, buyruq, hal qiluv qarori sanasi va tartibi _______________________________________ raqami, buyruq, qarorni imzolagan shaxsning _______________________________________ familiyasi, ismi, otasining ismi) _______________________________________ Davlat qabul komissiyasining qurilishi (rekonstruksiyasi) tugallangan avtomobil yoʻllari va yoʻl inshootlarini foydalanishga qabul qilish toʻgʻrisidagi DALOLATNOMASI 20___ y. “_____”____________ ____________________________________ (obyektning joylashgan joyi) _________________________________________________________________________________________ _____________________________________________________________________________________ning (komissiyani tayinlagan organning nomi) 20___y. “___”___________dagi _____-son qaror (buyrugʻi) bilan tayinlangan Davlat qabul komissiyasi, qurilishi (rekonstruksiyasi) tugallangan obyektlarni foydalanishga qabul qilish qoidalariga amal qilgan holda quyidagilarni ANIQLADI: 1. Buyurtmachi (pudrat tashkiloti tomonidan buyurtmachi bilan birgalikda __________________ _______________________________________________________________________________ tomonidan (tashkilot nomi va idoraviy mansubligi) ___________________________________________________________________________ manzili boʻyicha (yoʻl nomi va uning manzili) joylashgan _______________________________________________________________________________ (obyektning nomi va qurilish turi: _________________________________________________________________________________________ _________________________________________________________________________________________ yangi, kengaytirish, rekonstruksiya qilish, texnik qayta jihozlash) obyekti foydalanish uchun qabul qilishga taqdim etilgan. 2. Qurilish (rekonstruksiya qilish) ________________________________________________ _________________________________________________________________________________________ (ruxsat bergan organning nomi) 20___y. “___”________dagi ___________-son qarori (buyrugʻi) asosida amalga oshirilgan. 3. Qurilish (rekonstruksiya qilish) _________________________________________________ _______________________________________________________________________ ishlarini bajargan (bajarilgan ish turlari) _________________________________________________________________________________________ _________________________________________________________________________________________ (tashkilot nomi va uning idoraviy mansubligi) bosh pudrat tashkiloti tomonidan hamda _____________________________________________________ (tashkilotlar nomi va ularning idoraviy mansubligi: _________________________________________________________________________________________ har bir tashkilot tomonidan bajarilgan ishlar turlari) _________________________________________________________________________________________ yordamchi pudrat tashkilotlari tomonidan amalga oshirilgan. 4. Qurilish (rekonstruksiya qilish) uchun loyiha hujjatlari _____________________________ _______________________________________________________________________ ishlarini bajargan (hujjatlar qismlari va boʻlimlari nomi) _________________________________________________________________________________________ _________________________________________________________________________________________ (tashkilot nomi va uning idoraviy mansubligi) bosh loyiha tashkiloti tomonidan hamda _____________________________________________________ (tashkilotlar nomi va ularning idoraviy mansubligi: _________________________________________________________________________________________ hujjatlar qismlari yoki boʻlimlari bajarilishi) _________________________________________________________________________________________ yordamchi pudrat tashkilotlari tomonidan amalga oshirilgan. 5. Loyihalashtirish uchun dastlabki maʼlumotlar ______________________________________ (ilmiy-tadqiqot _________________________________________________________________________________________ va qidiruv tashkilotlari, ularning idoraviy mansubligi _______________________________________________________________________ tomonidan berilgan. dastlabki maʼlumotlar mavzulari) 6. Qurilish (rekonstruksiya qilish) _________________________________________________ _________________________________________________________________________________________ (loyihaning tartib raqami, seriyasi tartib raqami (namunaviy loyihalar boʻyicha) loyiha (namunaviy, shaxsiy, takror qoʻllaniladigan loyiha) boʻyicha amalga oshirilgan. 7. Loyihaning texnik-iqtisodiy asoslari (loyiha hujjatlari) ___________________________ _________________________________________________________________________________________ _______________________________________________________________________________ tomonidan (obyekt hujjatlarini tasdiqlagan (qayta tasdiqlagan) organning nomi) 20 _y. “___”___________ dagi ______-son bilan tasdiqlangan. 8. Qurilish-montaj ishlari quyidagi muddatlarda amalga oshirilgan: ishlar boshlanishi ____________________; ishlar tugallanishi _______________________ (oy va yil) (oy va yil) 9. Davlat qabul qilish komissiyasiga quyidagi hujjatlar taqdim etilgan: _________________________________________________________________________________________ (masofasi, uzunligi, asosiy materiallar va konstruksiyalar, muhandislik _________________________________________________________________________________________ va texnik asbob-uskunalar boʻyicha qisqacha texnik tavsiflar) Koʻrsatib oʻtilgan hujjatlar ushbu dalolatnomaga majburiy ilovalar hisoblanadi. 10. Asbob-uskunalar loyiha boʻyicha _______________________________________________ dona; amalda ___________________________ dona miqdorida ishchi komissiyalar tomonidan yakka tartibda sinalgandan keyin va kompleks ishlatib koʻrilgandan keyin (mazkur dalolatnomaga ________-ilovada dalolatnomalar roʻyxati keltirilgan) uni qabul qilish toʻgʻrisidagi dalolatnomaga muvofiq oʻrnatilgan. 11. Obyektdan normal foydalanishga taʼsir qilmaydigan chala qilingan ishlar va nuqsonlar ________-son ilovaga qarang. 12. Tanlov savdosi natijalariga koʻra (yoki tomonlarning kelishuviga koʻra) aniqlangan joriy narxlarda hisoblangan toʻlov qiymati ________________________________________________________________________________ ming soʻm, (hisoblangan toʻlov qiymati koʻrsatilsin) ISHCHI QABUL KOMISSIYASINING QARORI Qabul qilishga taqdim etilgan ________________________________________________________ (obyektning nomi) FOYDALANISH UCHUN QABUL QILINSIN Davlat qabul komissiyasi raisi _______________________________________________________ (F.I.O. lavozimi) _____________________________ (imzo) Rais oʻrinbosari — Oʻzbekiston Respublikasi Transport vazirligi huzuridagi Transport nazorati inspeksiyasining davlat inspektori _________________________________________________________ _________________________________________________________________________________________ _________________________________________________________________________________________ (familiyasi, ismi, otasining ismi, lavozimi) Komissiya aʼzolari: Qoraqalpogʻiston Respublikasi Vazirlar Kengashi yoki viloyatlar, Toshkent shahar hokimliklari vakili ______________________________________________________________________ (F.I.O. lavozimi) ___________________________________ (imzo) bosh pudrat tashkiloti vakili ______________________________________________________________ (F.I.O. lavozimi) ____________________________ (imzo) Muhandis-konsultant _____________________________________________________________________ (F.I.O. lavozimi) _______________________________ (imzo) yordamchi pudratchi (montaj) tashkilotlar vakili _______________________________________________ (F.I.O. lavozimi) ___________________ (imzo) foydalanuvchi tashkilot vakili _____________________________________________________________ (F.I.O. lavozimi) ______________________________ (imzo) bosh loyiha tashkiloti vakili ______________________________________________________________ (F.I.O. lavozimi) ______________________________ (imzo) zarur holatlarda boshqa manfaatdor nazorat organlari va tashkilotlar vakillari _________________________________________________________________________________________ (F.I.O, lavozimi) ______________________________ (imzo)

Vazirlar Mahkamasining 2024-yil 30-dekabrdagi 901-son qaroriga 2-ILOVA

Avtomobil yoʻllarini taʼmirlash va saqlash ishlari

1-bob. Umumiy qoidalar

1. Mazkur Tasnif umumiy foydalanishdagi avtomobil yoʻllarini, shaharlar va boshqa aholi punktlarining koʻchalarini, xoʻjalik avtomobil yoʻllarini (keyingi oʻrinlarda — avtomobil yoʻllari) taʼmirlash hamda saqlash ishlarining turlari va tarkibini belgilaydi.

Avtomobil yoʻllarini taʼmirlash va saqlash ishlarining turlari hamda tarkibi mablagʻlardan foydalanish yoʻnalishlarini asoslash, avtomobil yoʻllari va ulardagi yoʻl inshootlarini taʼmirlash hamda saqlash xarajatlarini prognozlashtirish va yoʻl ishlarini tashkil etish uchun asos hisoblanadi.

2. Avtomobil yoʻllarini ekspluatatsiya qilish ishlari quyidagi turlarga boʻlinadi:

a) taʼmirlash boʻyicha:

avtomobil yoʻllarini taʼmirlash;

b) saqlash boʻyicha:

avtomobil yoʻllarini saqlash va nuqsonlarni bartaraf etish;

avtomobil yoʻllarini qishda saqlash;

avtomobil yoʻllarini koʻkalamzorlashtirish.

3. Avtomobil yoʻllarini taʼmirlashning talab etiladigan ish turi, har bir avtomobil yoʻli yoki uning uchastkasini taʼmirlash boʻyicha ishlar tarkibi va hajmi ularning amaldagi holatini texnik tekshirish (tashxis va baholash), muhandislik izlanishlar, sinovlar yoki mavsumiy koʻriklar natijalari asosida belgilanadi.

4. Avtomobil yoʻllarining umumiy tarmogʻi boʻyicha saqlash va nuqsonlarni bartaraf etish ishlari koʻriklar (joriy, davriy va mavsumiy) hamda yoʻlning mavjud texnik holatini doimiy oʻrganishlar natijalarini inobatga olgan holda amalga oshiriladi.

5. Avtomobil yoʻllari va yoʻl inshootlarining hamda yoʻllardan foydalanish tashkilotining tasarrufida boʻlgan bino va yordamchi inshootlar, yoʻl xizmati binolarini hamda ishlab chiqarish bazalarini taʼmirlash ishlari ularning texnik holatini belgilangan mezonlar bilan taqqoslash orqali amalga oshiriladi.

Avtomobil yoʻllari va yoʻl inshootlarining tarkibiga kiritilgan binolar va qoʻshimcha inshootlarni saqlash hamda nuqsonlarini bartaraf etish ishlari ularning mavjud holatini texnik koʻrikdan oʻtkazish orqali amalga oshiriladi.

6. Avtomobil yoʻllarida ekspluatatsiya ishlarini autsorsing asosida amalga oshirish mazkur Tasnif asosida olib boriladi hamda qonunchilik hujjatlari bilan tartibga solinadi.

7. Mazkur Tasnifda quyidagi asosiy tushunchalar qoʻllaniladi:

avtomobil yoʻli — avtotransport vositalarining belgilangan tezlikda, ogʻirlikda, oʻlchamlarda muttasil hamda xavfsiz harakatlanishi uchun moʻljallangan, ajratilgan mintaqada joylashgan yer uchastkasi va uning usti yoki ostidagi konstruktiv elementlari (yoʻl toʻshamasi, yoʻl qoplamasi va boshqalar), yoʻl boʻlimi bino va inshootlari, yoʻl inshootlari hamda yoʻl harakatini tashkil etishning texnik vositalaridan iborat transport infratuzilmasi obyekti;

avtomobil yoʻllarining isteʼmol xossalari — avtomobil yoʻllaridan foydalanuvchilarning manfaatlariga bevosita javob beradigan transport-ekspluatatsiya koʻrsatkichlarining majmui. Isteʼmol xossalariga — harakatning tezligi, uzluksizligi, xavfsizligi va qulayligi, transport vositalarini oʻtkazish imkoniyati va harakatlanish darajasi, oʻqiga tushadigan ogʻirligi, yuklamasi, umumiy massasi va gabaritlar bilan avtomobil yoʻllarida harakatlanish uchun ruxsat berilgan avtomobillar va avtopoyezdlarni oʻtkazish imkoniyati, ekologik xavfsizlik, estetik va boshqa xossalar kiradi;

avtomobil yoʻllarini koʻkalamzorlashtirish — ajratilgan mintaqada daraxtzorlar barpo etish, avtomobil yoʻllarining arxitektura-badiiy tuzilishi va landshaft dizaynini barpo etish, oʻt ekish ishlari hamda koʻkalamzorlashtirish elementlarini parvarish qilish, yoʻl inshootlarini shamol va suv eroziyasidan, shuningdek, qor va qum uyumlaridan himoya qilish maqsadida koʻchatlar ekish hamda koʻchatxonalar, gulxonalar (pitomniklar) tashkil qilish va ularni saqlash ishlari;

avtomobil yoʻllarini saqlash va nuqsonlarni bartaraf etish — avtomobil yoʻli va yoʻl inshootlari ishonchliligi hamda qulayliligini taʼminlashga yoʻnaltirilgan foydalanish koʻrsatkichlarini yaxshilash maqsadida bajariladigan kompleks ishlar. Bunda eskirgan qoplamani qisman qoplash, uning tekisligini va ilashish sifatlarini tiklash hamda yaxshilash, yoʻl qoplamasi, yer koʻtarmasi, yoʻl inshootlari, avtomobil yoʻllarini jihozlash va obodonlashtirish, harakat xavfsizligini tashkil etish hamda taʼminlash elementlarining barcha buzilishlari va shikastlanishlarini bartaraf etish, shuningdek, avtomobil yoʻlining butun uzunligida yil mobaynida avtomobil yoʻllari hamda yoʻl inshootlari shikastlanishlarining oldini olish va yuzaga kelgan nuqsonlarni tuzatish yoʻli bilan amalga oshiriladigan foydalanish koʻrsatkichlarini saqlash boʻyicha kompleks ishlar;

avtomobil yoʻllarini saqlash va nuqsonlarni bartaraf etish ishlarining xarajatlar smetalari — qonunchilik hujjatlari talablari boʻyicha ishlab chiqiladigan hamda ajratilgan limit mablagʻlari doirasida avtomobil yoʻlining texnik koʻriklar natijalari asosida aniqlanadigan hamda buyurtmachi tomonidan tasdiqlangan, muayyan davr (oylik, choraklik, yillik) oraligʻida bajariladigan texnik-texnologik ishlar uchun talab etiladigan mablagʻlar aks ettiriladigan hujjat;

avtomobil yoʻllarini taʼmirlash — avtomobil yoʻli yoki uning ayrim uchastkalari va yoʻl inshootlarining imkoniyatlarini oshirish maqsadida kompleks taʼmirlash ishlari majmui. Bunda yoʻlning taʼmirlanayotgan uchastkalarida yoʻl toʻshamasi asoslarini toʻliq yoki qisman tiklash, eskirgan qoplamani 1 yoki 2 qatlamda qayta yotqizish, qoplamaning tekisligini (ravonligini) va ilashish sifatlarini yaxshilash, yer koʻtarmasi, yoʻl inshootlari, avtomobil yoʻllarini jihozlash hamda obodonlashtirish, harakat xavfsizligini tashkil etish va taʼminlash elementlarining barcha buzilishlari hamda shikastlanishlarini bartaraf etish va yangilarini oʻrnatish ishlari amalga oshiriladi;

avtomobil yoʻllarining tashxisi — avtomobil yoʻllari va yoʻl inshootlarini texnik holati boʻyicha axborot toʻplash (maʼlumotlar bankini shakllantirish) tizimi asosiy elementi hisoblanib, koʻrib chiqilayotgan davrda avtomobil yoʻllarining texnik holatini aniqlashni, muayyan davr oʻtgandan keyin avtomobil yoʻli qanday texnik holatda boʻlishini prognozlashtirishni, avtomobil yoʻllarida qanday nuqsonlar kelib chiqishining birlamchi sabablarini aniqlashni oʻz ichiga oladi;

avtomobil yoʻllarini texnik koʻrikdan oʻtkazish — avtomobil yoʻllari va yoʻl inshootlarini doimiy ravishda (davriy va mavsumiy) texnik koʻrikdan oʻtkazish hamda uning natijalari boʻyicha harakat xavfsizligini tashkil etish, avtomobil yoʻllarining transport-ekspluatatsiya sifatlarini oshirish va uning geometrik parametrlarini va yoʻl inshootlarini yaxshilash bilan bogʻliq boʻlgan chora-tadbirlarning toʻliq roʻyxatini ishlab chiqish;

avtomobil yoʻllarini texnik tekshirish — avtomobil yoʻllari va yoʻl inshootlarini foydalanish sifatlariga muvofiqligini hamda taʼmirlash zaruratini aniqlash maqsadida asbob-uskunalar yordamida ularni kuzatish, sinash, tahlil qilish va baholashni oʻz ichiga oladigan jarayon;

avtomobil yoʻllarining ekspluatatsiyasi — avtomobil yoʻllarini taʼmirlash va saqlash ishlari majmuasi;

avtomobil yoʻllarini qishda saqlash — avtomobil yoʻllari va yoʻl inshootlarini qish mavsumi mobaynida bajariladigan ish rejimlari boʻyicha kompleks ishlar, avtomobil yoʻllarini qish mavsumida qor qatlamlari, uyumlari va koʻchkilaridan himoya qilish, qordan tozalash, qishki sirpanchiq paydo boʻlishining oldini olish va ularni bartaraf etish hamda muzlamalarga qarshi kurashish ishlarini tashkil qilish xarajatlari boʻyicha ishlar va tadbirlar;

avtomobil yoʻllarida harakat xavfsizligi auditi — avtomobil yoʻllarining ayrim uchastkalarini loyihalashtirish, qurish va ulardan foydalanish davrida yoʻl harakati xavfsizligini tashkil qilish boʻyicha texnik jihatdan tartibga solish sohasidagi normativ hujjatlar talablariga muvofiqligini tahlil qilish hamda baholashni oʻz ichiga oladigan jarayon;

yordamchi bino va inshootlar — yoʻl boʻlimi binolari, yoʻl ustalar uyi, ishlab chiqarish zavodlari va sexlari, yoʻl texnikalarini sozlash va saqlash avtosaroylari hamda yordamchi inshootlar majmuasi, ustaxonalar, qum-texnik tuz saqlash uchun moʻljallangan ayvonlar, omborxonalar, quduqlar, oshxonalar, bugʻ qozonxonasi, hovli maydonidagi muhandislik tarmoqlari, tozalash inshootlari, isitish tarmoqlari, elektr liniyalari, yoritish tarmoqlari, toifalangan obyektlarning qoʻriqlash xizmati bino va yordamchi inshootlari va boshqalar;

yoʻl boʻlimi — avtomobil yoʻlining uzluksiz ravishda soz holda saqlanishini hamda unda harakat xavfsizligini taʼminlaydigan yoʻl xoʻjaligining ajratilgan mintaqa doirasida joylashgan quyi boʻgʻini boʻlib, umumiy foydalanishdagi avtomobil yoʻlining ajralmas qismi hisoblanadi. Yoʻl boʻlimi yoʻl ishchilari uchun yuvinish va kiyinish xonalari, yotoqxonalar, oshxonalar, shuningdek, transport vositalari va yoʻl mexanizmlarini saqlash va taʼmirlash saroylari hamda bitum, tuz-qum va inert mahsulotlar zaxirasi omborlari, sugʻorish tizimlari, dispetcherlik va ish anjomlarini saqlash xonalari, elektr podstansiyalaridan iborat boʻladi;

yoʻl inshootlari — yoʻlning elementlari boʻlgan sunʼiy yoʻl inshootlari, yoʻl himoya inshootlari va yoʻllarni jihozlash elementlari;

yoʻl inshootlarini tiklash — yoʻl inshootlarining shikastlangan joylarini bartaraf etish, uning yaxlitligicha yoki alohida elementlarining ish qobiliyatini tiklashga qaratilgan chora-tadbirlar majmui;

yoʻllarni jihozlash elementlari — toʻxtash maydonchalari, yoʻlovchilar uchun pavilyonlar, dam olish maydonchalari, transport vositalarining toʻxtashi va toʻxtab turishi uchun maxsus maydonchalar, piyodalar va velosiped yoʻlakchalari;

yoʻl himoya inshootlari — landshaft elementlarini oʻz ichiga olgan, avtomobil yoʻllari va sunʼiy inshootlarni qor koʻchkilari, barxan qumlari, oʻpirilish, siljishdan, shovqindan hamda shamoldan himoya qiladigan daraxtzorlar va boshqa inshootlar;

sunʼiy yoʻl inshootlari — avtomobil yoʻllarining boshqa avtomobil yoʻllari, suv oqimlari, jarliklar bilan kesishgan joylarda, piyodalar va transport vositalarining harakatlanishiga, hayvonlarni haydashga hamda yovvoyi hayvonlarning koʻchib oʻtishiga toʻsqinlik qiluvchi joylarda ularning harakatlanishi uchun moʻljallangan inshootlar (koʻpriklar, yoʻl oʻtkazgichlar, tonnellar, estakadalar, har xil shakldagi suv oʻtkazish quvurlari, dyukerlar va shunga oʻxshash inshootlar);

ekspluatatsiya tashkilotlari — avtomobil yoʻllari, yoʻl inshootlari va sunʼiy yoʻl inshootlarini saqlash hamda taʼmirlash ishlari majmuini amalga oshirishga ixtisoslashgan yoʻl tashkilotlari.

2-bob. Avtomobil yoʻllarini taʼmirlash

8. Avtomobil yoʻllari va yoʻl inshootlari yoʻlning taʼmirlanayotgan uchastkasida avtomobil yoʻlining barcha yoki ayrim (taʼmirtalab qismlarida) yoʻl inshootlari va elementlari boʻyicha taʼmirlanadi.

9. Avtomobil yoʻllari va yoʻl inshootlarini taʼmirlash avtomobil yoʻlining eskirgan konstruktiv elementlari va detallarini (jihozlarini) toʻliq tiklash hamda almashtirish, shuningdek, transport-ekspluatatsiya koʻrsatkichlarini mazkur toifadagi avtomobil yoʻli uchun tegishli hisoblab chiqarilgan harakat jadalligida navbatdagi taʼmirlashgacha boʻlgan davrdagi isteʼmol xossalariga qoʻyiladigan normativ talablarni taʼminlashga imkon beradigan darajaga koʻtarishdan iborat.

Harakat jadalligi mazkur toifadagi yoʻl uchun belgilangan normadan oshib ketgan taqdirda, avtomobil yoʻli yanada yuqori toifaga oʻtkazilib, rekonstruksiya qilinishi lozim.

10. Avtomobil yoʻllari va yoʻl inshootlarini taʼmirlash boʻyicha xarajatlar tarkibiga taʼmirlash ishlari xarajatlaridan tashqari, taʼmirlash oʻtkazilishi davrida taʼmirlanayotgan uchastkada joylashgan yoʻllar va yoʻl inshootlari hamda yoʻl elementlarini taʼmirlash ishlari hajmiga kiritilmagan avtomobil yoʻllarining taʼmirlanayotgan uchastkalarida vaqtincha aylanib oʻtish yoʻllarini (lozim boʻlganda) qurish va ularni tugatish xarajatlari ham kiritiladi.

11. Avtomobil yoʻllari va yoʻl inshootlarini taʼmirlash quyidagilardan iboratdir:

a) yer koʻtarmasi va suv qochirish boʻyicha:

yer koʻtarmasi, suv qochirish tizimi, zaxiralar, himoyalash, mustahkamlash va suv yoʻnaltirgich inshootlarning shikastlanishlarini tuzatish;

yer koʻtarmasini uning geometrik parametrlarini taʼmirlanayotgan yoʻl uchun belgilangan toifaga toʻgʻri keladigan normalargacha sozlash va tuzatish (boʻylama qiyaliklar va nishabliklarni yumshatish, rejada va boʻylama kesimda koʻrinishni taʼminlash, vertikal hamda gorizontal egri radiuslarni kattalashtirish, virajlar oʻrnatish), avtomobil yoʻlining ayrim uchastkalarini taʼmirlanayotgan avtomobil yoʻli umumiy uzunligining 25 foizigacha boʻlgan doirada toʻgʻirlash, qabariqli (koʻpchigan) va koʻchki tushgan uchastkalarni qayta qurish, drenajlar, quritish zovurlari, qirgʻoqni himoya qiladigan va eroziyaga qarshi inshootlar, suv chiqarish quduqlari, yomgʻir kanalizatsiyasi, izolyatsiyalovchi yupqa qatlamlarni qurish, shuningdek, yer koʻtarmasining chidamliligini taʼminlaydigan boshqa ishlarni bajarish;

avtomobil yoʻllarining kesishish hamda tutashish joylarida yer koʻtarmasi va suv qochirish tizimini qurish hamda bekatlar, dam olish maydonchalari, avtomobil toʻxtash joylari, yoʻlaklar, piyodalar va velosiped yoʻlaklari, alohida kesib oʻtish joylari, chiqish yoʻllari, yoʻllarning qatnov qismidan tashqarida boʻlgan yoʻl-taʼmirlash xizmati obyektlariga borish yoʻllarini qurish;

zax joylarda katta uzunlikda boʻlmagan yer koʻtarmasini koʻtarish, uncha katta boʻlmagan oʻpirilgan uchastkalarni tugatish, akkumulyatsiya polkalarini qurish, olib tashlanadigan qorni joylashtirish va rejadagi egriliklarda koʻrinishni taʼminlash uchun oʻymalar nishabliklarini qirqish, qiyaliklarni suv yuvishidan himoya qilish va chekkadagi qiyaliklardan keladigan qorni ushlab qolish uchun tuproqli koʻtarmalar, banketlar va bermalarni qurish;

b) yoʻl toʻshamasi boʻyicha:

yoʻl toʻshamasini bir tasmadan ortiq boʻlmagan kenglikda kengaytirish va yoʻl chetini taʼmirlanayotgan avtomobil yoʻlining toifasiga toʻgʻri keladigan normalarga yetkazish, asos va qoplamaga qoʻshimcha tekislovchi qatlam yotqizgan holda kuchaytirish (qalinlashtirish);

avtomobil yoʻllarida asos sifatida mavjud yoʻl toʻshamalaridan foydalangan holda, qoplamalarning takomillashgan turlarini yotqizish va taʼmirlash, taʼmirlangan qoplamalarning chetlari boʻylab mustahkamlovchi tasmalarni va bordyurlarni tiklash hamda yangilarini oʻrnatish;

yoʻl asosi va qoplamalarini sovuq resaykling usullari bilan mustahkamlash, taʼmirlash, regeneratsiya qilish;

asfalt-beton va sement-beton qoplamalarning eskirgan yuqori qatlamlarini alohida qismlarida yoki butun uzunligi boʻylab yangi asfalt-beton qatlamini yotqizish;

kesishma va tutashmalarda, qayrilish maydonchalarida, piyodalar va velosiped yoʻlaklarida, alohida kesib oʻtish joylarida, kirish yoʻllarida, yoʻl-taʼmirlash xizmati obyektlariga borish yoʻllarida, taʼmirlanayotgan avtomobil yoʻllarining aylanib oʻtish joylarida yoʻl toʻshamalarini yangidan qurish;

avtomobil yoʻllarining ayrim uchastkalarida qoʻshimcha ravishda mahalliy yoʻllarni tashkil qilish va taʼmirlash;

barcha turdagi yoʻl toʻshamasiga sirtqi ishlov berish, himoya qatlamlarini va yemirilish qatlamlarini tiklash;

tuproq qoplamali avtomobil yoʻllarini chaqilgan tosh, chaqilgan tosh-qum aralashmasi va qum-shagʻal aralashmasi bilan qoplash, yakka oʻqqa tushadigan meʼyoriy ogʻirlikni 6 tonnaga yetkazish uchun yoʻl toʻshamasi qurish;

asfalt-beton qoplamalarning eskirgan ustki qatlamlarini qayta tiklash va yangi qatlamni yotqizish;

eski qoplamadan takroran foydalanishni taʼminlaydigan usullar bilan qoplamani tiklash;

v) sunʼiy inshootlar boʻyicha:

yangi suv oʻtkazish quvurlarini qurish yoki ularning hisoblab chiqilgan ogʻirliklari va gabaritlarini tasdiqlangan loyiha-smeta hujjatlariga muvofiq taʼmirlanayotgan avtomobil yoʻli uchun belgilangan texnik toifaga toʻgʻri keladigan meʼyorlarga yetkazib, ularni toʻliq yoki qisman qayta qurish;

sunʼiy yoʻl inshootlarining (koʻprik, yoʻl oʻtkazgich, estakada va boshqalar) nuqsonli yoki eskirib qolgan tayanchlar yoki oraliq qurilmalarning barchasini yoki bir qismini yangilariga almashtirish, plitalarni kuchaytirgan holda koʻprik koʻtarmasi elementlarini almashtirish va taʼmirlash, koʻprik osti gabaritini kesishadigan toʻsiqning (avtomobil yoʻllari, temir yoʻllar) tegishli sinfi uchun talab qilinadigan balandlikka yetkazish, avariya holatidagi koʻpriklarni qayta tiklash va taʼmirlash, yoʻl inshootlarini tiklash;

har xil turdagi suv oʻtkazish quvurlari hamda suv qochirish novlarini qurish, qayta qurish va taʼmirlash;

tonnel portallarini kuchaytirish, suv qochirish novlarini va boshqa elementlarini qayta tiklash yoki almashtirish, yoʻl toʻshamasini tiklash, tirgak devorlarni, galereyalarni, koʻtarmalarni hamda boshqa himoyalash va mustahkamlash inshootlarni kuchaytirish;

mustahkamlovchi va suv yoʻnaltirgich inshootlarni qurish, himoya inshootlarini (koʻtarma gʻov, shporlar, dambalar va boshqalar) tiklash yoki qurish;

koʻprikosti qismlarida qirgʻoqlarni mustahkamlash va mintaqasidagi daryo oʻzanlarini tozalash;

tonnel qoplamasini kuchaytirish, qisman almashtirish, gidroizolyatsiya, ventilyatsiya, isitish, yoritish tizimlarini, shtolnya (yer osti yoʻlini) hamda tonnellarda yongʻinni oʻchirish tizimini suv bilan taʼminlash uchun quduqlarni tiklash va yerosti suvlaridan himoya qilish, portallarni kuchaytirish, tirgak devorlarni, galereyalarni, koʻtarmalarni hamda boshqa himoyalash va mustahkamlash inshootlarni kuchaytirish;

koʻchma va ponton koʻpriklarni taʼmirlash va tiklash hamda yangi joylarga koʻchirib oʻtkazish;

g) binolar va yordamchi inshootlar boʻyicha:

binolarning ichki tuzilishini oʻzgartirish va mavjud barcha elementlarini toʻlaligicha taʼmirlash ishlarini bajarish;

bino, yordamchi bino va inshootlarning foydalanish muddatlarini inobatga olib, haqiqiy texnik holatidan kelib chiqqan holda taʼmirlash;

yordamchi bino va inshootlarni qurish yoki qayta qurish;

yoʻllarni taʼmirlash va saqlash ishlari uchun zarur boʻlgan ishlab chiqarish binolari hamda yordamchi inshootlarni, vaqtincha inshootlarni ham kiritgan holda, vaqtincha bino va inshootlar uchun moʻljallangan smeta bahosi doirasida (bitum va emulsiyali bazalar, muzlamaga qarshi materiallarni saqlash va qayta ishlash bazalari, tosh maydalash hamda saralash bazalari, asfalt-beton va sement-beton qorishtirish qurilmalari bazalari, trassaoldi konlarining bino va inshootlari, qurilish ashyolari omborlari, katta koʻpriklarni qoʻriqlash bazalari, yoʻl-taʼmirlash punktlari) qurish hamda mavjudlarini taʼmirlash;

avtomobil yoʻllarini taʼmirlash ishlar olib boriladigan hududlarda yoʻl xizmati ishchilarini va mashina-mexanizmlarni vaqtincha joylashtirish maqsadida bino va inshootlar qurish hamda kelgusida foydalanish uchun saqlab qolish yoki tugatish;

d) avtomobil yoʻllarini jihozlash, harakat xavfsizligini tashkil etish va taʼminlash boʻyicha:

avtobus bekatlarini, bekat maydonchalarini, avtobus bekatlarida avtopavilyonlar, hojatxonalar, avtomobillarning toʻxtash va toʻxtab turish maydonchalari, piyodalar oʻtish joylari hamda trotuarlar, piyodalar hamda velosiped yoʻlaklarini qurish va taʼmirlash, aholi punktlaridan oʻtadigan yoʻl uchastkalarida shovqindan himoya qilish vositalarini oʻrnatish, yoʻl belgilarini oʻrnatish va yoʻl chiziqlarini chizish;

piyodalar yerusti va yerosti oʻtish yoʻlaklarini taʼmirlash;

harakatni dispetcher orqali va avtomatlashtirilgan boshqarish elementlari hamda tizimlarini oʻrnatish, tiklash va takomillashtirish, avtonom hamda masofadan turib boshqariladigan belgilarni va axborot almashib turadigan tabloni, svetofor obyektlarini yangidan oʻrnatish;

harakatlanish uchun xavfli avtomobil yoʻllarida gorizontal egri joylarda virajlar qurish;

tezlikni oʻzgartirish tasmalari va ajratuvchi orolchalar, shuningdek, tik koʻtarilish joylarida sekin yuradigan transport uchun qoʻshimcha tasmalar va uzoq choʻziladigan nishabliklarda tutib turadigan avariyali kamgaklar oʻrnatish;

taʼmirlash davrida vaqtincha yoʻl belgilari, signallar va svetoforlar, toʻsuvchi va yoʻnaltiruvchi moslamalar oʻrnatish, qatnov qismiga vaqtincha yotiq chiziqlar chizish, zarur hollarda esa taʼmirlanayotgan joyni aylanib oʻtish yoʻllari tashkil etish, vaqtincha yotiq yoʻl chiziqlarini oʻchirish va doimiy gorizontal va vertikal yoʻl chiziqlarini chizish;

avtomobil yoʻllari va sunʼiy yoʻl inshootlari yoritish tizimlarini oʻrnatish hamda avtomatlashtirish;

yangi toʻsuvchi toʻsiqlar (temir, temir-beton va boshqalar), yoʻnaltiruvchi moslamalar masofadan turib boshqariladigan belgilarni, yoʻllarning xavfli qismlarida video kuzatuv kameralari va axborot almashib turiladigan elektron tablolarni, svetoforlarni, avtomatika hamda telemexanika tizimlarini qoʻllagan holda yoʻllarning holati va harakat sharoitlari monitoringi, dispetcherlik hamda avtomatlashtirilgan harakatni boshqarish tizimlari uchun jihozlar va hisobga olish punktini qurish.

12. Avtomobil yoʻllari va yoʻl inshootlarini taʼmirlash boʻyicha boshqa ishlar quyidagilardan iborat:

avtomobil yoʻllarining taʼmirlanayotgan uchastkalarida vaqtincha aylanib oʻtish yoʻllarini qurish va tugatish;

materiallarni saqlash va yerni rekultivatsiya qilish uchun maydonchalar tashkil qilish;

yoʻl-foydalanish tashkilotlari va korxonalar balansidagi ishlab chiqarish bazalari va ochiq konlarga olib boradigan shoxobcha yoʻllarni, boshi berk temir yoʻllarni taʼmirlash.

13. Avtomobil yoʻli yoki uning ayrim uchastkalarini taʼmirlash ishlari uchun ishlab chiqiladigan loyiha-smeta hujjatlari yoki nuqsonlar qaydnomasiga taʼmirlash ish turida koʻzda tutilmagan mazkur Tasnifdagi boshqa ishlar kompleks tarzda kiritilishi mumkin.

3-bob. Avtomobil yoʻllarini saqlash va nuqsonlarni bartaraf etish

14. Avtomobil yoʻllari va yoʻl inshootlarini saqlash ishlari yilning istalgan vaqtida uzluksiz va xavfsiz harakatni taʼminlash shartlari boʻyicha qoʻyiladigan talablarga muvofiq doimiy qarovni taʼminlashdan iborat.

Avtomobil yoʻllari va yoʻl inshootlarini saqlash ishlari tasdiqlangan xarajatlar smetalariga muvofiq avtomobil yoʻlining butun uzunligida, yil davomida uning barcha elementlari va yoʻl inshootlari boʻyicha muntazam ravishda ajratilgan limitlar doirasida amalga oshiriladi.

Avtomobil yoʻllarini saqlash va nuqsonlarni bartaraf etish ishlarining xarajatlar smetalari qonunchilik hujjatlari talablari asosida ishlab chiqilib, buyurtmachi tomonidan tasdiqlanadi.

Ushbu Tasnifda nazarda tutilmagan va saqlash ishlari boʻyicha amalda bajariladigan ish turlari idoraviy qurilish normalari va qoidalariga muvofiq amalga oshiriladi.

Avtomobil yoʻllari nuqsonlarini bartaraf etish ishlari yoʻlning butun uzunligi boʻyicha (avtomobil yoʻllarini taʼmirlashgacha va rekonstruksiya qilingunga qadar) foydalanish jarayonida doimiy ravishda yuzaga keladigan shikastlanishlarni bartaraf etish, yoʻl qoplamasining oʻtkazuvchanlik qobiliyatini yaxshilash, harakat xavfsizligi va qulayligini taʼminlash maqsadida birinchi navbatda bajarilishi lozim boʻlgan ish turlarini amalga oshirish, chuqurchalarni bartaraf etish, yoʻl qoplamasini boʻlaklab (karta usulida) taʼmirlash hamda yoʻl inshootlarining shikastlangan qismlarini tiklash natijasida dastlabki foydalanish sifat koʻrsatkichlarini saqlab qolishdan iborat.

Avtomobil yoʻli, sunʼiy yoʻl inshootlari va yoʻl elementlari, yer koʻtarmasi, suv qochirgichlar, himoyalash, mustahkamlash hamda tartibga solish inshootlari, yoʻl jihozlari, dam olish joylari va yoʻldan foydalanish binolariga, yoʻl boʻlimlariga hamda bazalariga borish yoʻllari, chiqish va kesib oʻtish yoʻllari hamda avtomobil yoʻllari va yoʻl inshootlarining boshqa konstruktiv elementlarining mayda shikastlangan hamda eskirishlarni oldini olish, tuzatish yoʻli bilan foydalanish koʻrsatkichlarni saqlab turuvchi tiklash ishlari hisoblanadi va avtomobil yoʻlining butun uzunligida, yil davomida, doimiy ravishda bajariladi.

15. Avtomobil yoʻllarini saqlash va nuqsonlarni bartaraf etish ishlari quyidagilardan iboratdir:

a) yer koʻtarmasi va suv qochirish boʻyicha:

kesishma va tutashmalarda, toʻxtash maydonchalarida, avtomobil turar joylarida, yoʻl-taʼmirlash xizmati obyektlariga, diqqatga sazovor joylarga borish yoʻllarida yer tasmasi hamda suv qochirish tizimlarini tiklash;

mavjud suv qochirish zovurlarini yalpi tozalash va yangilarini qazish, suv yemirib ketishi mumkin boʻlgan uchastkalarda ularning devorini hamda tubini mustahkamlash;

drenaj, himoyalovchi va mustahkamlovchi qurilmalar, suv qochirish novlari, koʻprik hamda quvurlarning suv kirish va chiqish oʻzanlarini tozalash, yomgʻir kanalizatsiyasi, suv quduqlari nosozliklarini tuzatish, qirgʻoqni himoyalash hamda eroziyaga qarshi qurilmalarni tiklash;

yoʻl yoqalarini (marzasini) toʻldirish, kesish va mustahkamlash;

ajratilgan mintaqani, yoʻl yoqalarini, nishabliklarni va ajratuvchi tasmalarni muntazam ravishda ozoda va tartibli saqlash, chiqindilardan va begona buyumlardan, chang va iflosliklardan tozalash;

oʻt ekish va/yoki oʻrib olish, kesilgan qoldiqlarni yigʻishtirish, tuproq toʻkib va/yoki qirqib, qiyaliklar, koʻtarmalar hamda oʻymalarni tekislash va ayrim uchastkalarning yoʻl chetlarini tekislash, nojoiz oʻsimliklarni kimyoviy usul bilan yoʻq qilish, yoʻl yoqalarini chang hamda iflosliklardan tozalash;

koʻtarma va oʻymalarning nishabliklari nosozliklarini tuzatish va tekislash (zarurat boʻlsa tuproq qoʻshgan holda), qiyaliklarining tikligini kamaytirish, barqaror chim qoplamasini yaratish boʻyicha zarur agrotexnika tadbirlarini oʻtkazgan holda yer koʻtarmasi va zaxiralarining qiyaliklariga oʻt ekish, yer koʻtarmasining barqarorligini taʼminlaydigan mustahkamlash ishlari va boshqalar;

yer koʻtarmasi, suv qochirish tizimi, zaxiralar, himoyalash, mustahkamlash inshootlari va suv yoʻnaltirgich dambalarining ayrim shikastlanishlarini tuzatish;

suv yuvib ketgan va yemirilgan uchastkalarni, shu jumladan, girdob va oʻpirilish hodisalari oqibatida yemirilgan uchastkalarni tiklash, koʻchki tushgan, oʻpirilgan hamda sel olgan joylarni tozalash;

suv qochirish tizimini muntazam ravishda ish holatida saqlash, yoʻl chetidagi ariqlarni, suv ketadigan zovurlarni tozalash va qiyalab tekislash, ularning mustahkamlangan joylari nuqsonlarini tuzatish yomgʻir kanalizatsiyasi, drenaj qurilmalari, koʻprik hamda quvurlarning suv kirish-chiqish oʻzanlari, tez oqar suv oʻtkazgichlar va suv tushirgichlarning mayda nosozliklarini bartaraf etish;

mustahkamlanmagan yoʻl chetlarini qirqish, tekislash va zichlash, buzilishlar hamda shikastlanishlarni bartaraf etish;

belgilanmagan joylardagi kirish va chiqish joylarini tugatish hamda tekislash;

tabiiy muhitni muhofaza qilishni taʼminlash chora-tadbirlarini bajarish;

b) yoʻl toʻshamasi boʻyicha:

talab qilinadigan tekislik, ravonlik va gʻadir-budirlikni taʼminlagan holda yoʻl qoplamasining eskirgan ustki qatlamlarini tiklash, eski qoplamadan takroran foydalanishni taʼminlaydigan usullar bilan qoplamani tiklash;

barcha turdagi yoʻl toʻshamasiga sirtqi ishlov berish, himoya qatlamlari va yemirilish qatlamlarini tiklash;

avtomobil yoʻllarida hosil boʻlgan gʻildirak izlarini qora chaqiqtosh yoki asfalt-beton bilan toʻldirish, frezalash yoki qirrani tekislash yoʻli bilan gʻildirak izlarini yoʻqotish;

takomillashtirilgan qoplamalarning chetlariga bordyurlarni oʻrnatish va eskirganlarini almashtirish, mustahkamlash tasmalari hamda yoʻl chetlarini frezalash va bitum-mineral aralashmalardan qoplamalar yotqizish;

sement-beton qoplamalarda boʻylama yoki koʻndalang choklarni taʼmirlash, kesib chiqish va toʻldirish, plitalarni almashtirish, koʻtarish hamda tekislash;

maydalangan toshli, shagʻalli va yaxshilangan gruntli avtomobil yoʻllarini tiklash hamda shagʻal yoki maydalangan tosh qoʻshgan holda kuchaytirish;

barcha turdagi qoplamalardagi chuqurlar, yoriqlar, oʻnqir-choʻnqirlar, gʻildirak izlarini toʻldirish, choʻkkan, yorilgan joylarni, yoʻl hoshiyalarini, tuzatish, yoʻl qoplamasini boʻlaklab (karta usulida) taʼmirlash;

yoʻl qoplamasini chiqindi, chang va iflosliklardan, qor, muzdan muntazam ravishda tozalash, begona buyumlarni yigʻishtirish, qum hamda sirpanchiqqa qarshi aralashmalar sepish yoʻli bilan avtomobil yoʻllarining qatnov qismi muzgarchiligi va sirpanchiqligini bartaraf etish, shuningdek, bitumning terlashi natijasida hosil boʻlgan sirpanchiqlikni bartaraf etish;

yoʻllarni changsizlantirish;

kuchsiz tuproqli va koʻpchishga moyil yoʻl qismlariga qarash (vaqtincha toʻsish va harakatni tartibga solish, gʻovlar, taxtalar, shox-shabbalar va boshqa materiallar bilan yopish, shuningdek, zarurat boʻlmaganda ularni yigʻishtirib olish);

yoʻl qoplamalarida hosil boʻlgan chuqurchalarni bartaraf qilish, qoplamani lokal kartalarga boʻlib mayda zarrali izolyatsiya vositasida yuza qatlamdagi yoriqlar va yoriqli toʻrlarini kuchayishining oldini olish hamda ularni toʻxtatish;

sement-beton qoplamalar plitalarining parchalangan va singan joylarini yuza yemirilishlaridan taʼmirlash;

qum-tosh aralashmali, shagʻalli, chaqiq toshli qoplamalari va tuproq yoʻllarining koʻndalang va boʻylama kesimlaridagi notekisliklarni (profillarini) toʻgʻrilash;

v) sunʼiy inshootlar boʻyicha:

temir-beton konstruksiyalarning nuqsonlarini yoʻqotish, shu jumladan, yuzani gidrofoblash, plitalarning gʻovak, siniq va yoriq joylarini tuzatish, teshiklarini berkitish, diafragmalarning yemirilishlarini tuzatish, boʻylama choklarni yaxlitlash, oraliq qurilmalarni yalpi boʻyash;

videokuzatish, telekuzatish, yoritish, ventilyatsiya, isitish, yongʻinni avtomatik oʻchirish, aloqa, kichik stansiya, tonnellarning elektr uzatish hamda suv qochirish liniyalari (shu jumladan, sementatsiya) tizimining ishdan chiqqan elementlarini taʼmirlash va almashtirish;

suv yoʻnaltirgich qurilmalar koʻtarmalari konuslarini tiklash, buzilgan choklarni, koʻchma plitalarni, suv qochirish tizimlarini, tayanch hamda koʻprik koʻtarmasining elementlarini, toʻsiqlar, panjaralar va yoʻlaklarni tiklash;

tonnel qoplamasini kuchaytirish, qisman almashtirish, gidroizolyatsiyani, ventilyatsiya, isitish, yoritish tizimlarini, shtolnya (yerosti yoʻlini) hamda tonnellarda yongʻinni oʻchirish tizimini, suv bilan taʼminlash uchun quduqlarni tiklash va yer osti suvlaridan himoya qilish;

koʻprik inshootida va koʻtarma bilan tutash joylarda suv qochirish tizimlarini oʻrnatish yoki ularni almashtirish, oqova suvlarni tozalash qurilmalarini taʼmirlash yoki tiklash;

koʻtarmaning yemirilgan uchastkalarini tiklash va qiyaliklarni mustahkamlash, suv yoʻnaltirgich damba konuslarining mustahkamlovchi elementlarini va qirgʻoqni mustahkamlash ishlarini amalga oshirish;

suv oʻtkazish quvurlarining ayrim boʻgʻinlarini hamda kallaklarini uzaytirish, almashtirish, quvurlarning himoya qatlami va tutashgan joylarini toʻgʻrilash;

inshootlar ayrim elementlarining (panjara, toʻshama, tirgak, kashak, toʻsadigan devorlar va drenaj qurilmalari) shikastlanishlarini tuzatish;

koʻchma va ponton koʻpriklardagi, parom kechuvlaridagi, qirgʻoqda toʻxtash joylaridagi buzilishlarni tuzatish;

tirgak devorlar va parapetlarning shikastlangan joylarini toʻgʻrilash;

tosh devorlarni taʼmirlash, suvash, koʻpriklar va yoʻl oʻtkazgichlarning metall elementlarini boʻyash;

tonnellardan xavfsiz foydalanish uchun lokal uchastkalarda tonnellarning shikastlangan qoplamalarini va suv qochirish novlari, gidroizolyatsiya, ventilyatsiya hamda yoritish tizimi, yongʻinni oʻchirish, avariyaga qarshi va boshqa texnik qurilmalar shikastlanishlarini bartaraf etish;

koʻprik, yoʻl oʻtkazgichlar hamda ularning koʻtarma (polotno) elementlarini, ferma osti maydonchalarni, tayanch qismlarni, oraliq qurilmalar elementlarini, zinalarni, tayanchlar, quvurlar, tonnellar va boshqa inshootlarni chang hamda ifloslikdan tozalash va ularni qish mavsumida qor hamda muzdan tozalash;

konuslar, nishabliklar, koʻprik osti oʻzanlarni, shuningdek, suv oʻtkazish quvurlarning oʻzanlarini va quvurlar ustidagi koʻtarmalar nishabini tozalash (shu jumladan, oʻsimliklardan tozalash);

toshqin suvlarini oʻtkazib yuborish, qor va muzni yigʻishtirib olish, tozalash inshootlariga qarash hamda ularga xizmat koʻrsatish, avtomobil yoʻllari va yoʻl inshootlarini suv toshqinidan himoya qilish, tiqilib qolgan joylarni tozalash, toshqinga qarshi tadbirlar;

koʻpriklar tayanchlari va oraliq qurilmalarning metall konstruksiyalari elementlarini boʻyash, nuqsonli mixparchinlarni almashtirish, boltlarni tortish, metalldagi yoriqlarni taʼsir koʻrsatmaydigan holatga keltirish, toʻsinlarning temir-beton plitalar bilan birlashadigan joylarini va ferma bogʻlamlarini tiklash, tosh devorlarni taʼmirlash, suvash hamda yemirilishga qarshi himoya choralarini koʻrish;

koʻprikning tutash zonasidagi choʻkkan joylarini toʻldirib tekislash, panjara va toʻsiqlarni, shuningdek, yoritish ustunlarini boʻyash, koʻprik inshooti konstruksiyasiga tegishli belgilar qoʻyish;

g) yoʻldagi binolar va yordamchi inshootlar boʻyicha:

bino va yordamchi inshootlarning (foydalanish davridagi texnik holatini inobatga olib) nuqsonlari hamda shikastlanishlarini tuzatish, suvoqlarni toʻgʻrilash va tirqishlarni taʼmirlash, toʻsiq, devor, pol, shift, tom, eshik, pech, isitish tarmoqlari, yoritish chiroqlari hamda jihozlari (shu jumladan, muqobil energiya manbalarini oʻrnatish va saqlash), quduq, suv quvuri, kanalizatsiya hamda gaz tarmogʻi, aloqa va elektr liniyalarining ayrim elementlarini almashtirgan holda boʻyash, oqlash, oyna qoʻyish;

ishlab chiqarish binolari, yoʻl boʻlimlari va yoʻldagi binolarning tashqi devorlarini qisman tiklash;

mavjud bino hamda yordamchi binolar va inshootlar (ustaxonalar, saroylar, omborlar, quduqlar, oshxonalar, bugʻ qozonxonasi, hovli maydonidagi muhandislik tarmoqlari, tozalash inshootlari) hamda obyekt atrofini obodonlashtirish devorlarini qurish va taʼmirlash;

d) avtomobil yoʻllarini jihozlash, harakat xavfsizligini tashkil etish va taʼminlash boʻyicha:

yoʻl qatnov qismining gorizontal yoʻl chiziqlarini chizish va yoʻl belgilarini oʻrnatish, shuningdek, yakka tartibdagi loyihalash tablosini tiklash hamda oʻrnatish;

yetishmayotgan yoʻl belgilarini (koʻrsatkichlari) oʻrnatish va eskilarini almashtirish hamda piyodalar oʻtish joylarini tashkil etish;

mavjud bekat maydonchalarini taʼmirlash, avtobus bekatlarida avtopavilyonlar, hojatxonalar, avtomobillarning toʻxtash va toʻxtab turish maydonchalari, piyodalar oʻtish joylari, piyodalar hamda velosiped yoʻlaklari, aholi punktlaridan oʻtadigan yoʻl uchastkalarida shovqindan himoya qilish qurilmalarini tiklash va taʼmirlash;

I va II guruh toʻsiqlar, yoʻnaltiruvchi moslamalar oʻrnatish hamda mavjudlarini taʼmirlash;

avtomobil yoʻllari, yoʻl inshootlari hamda elementlarini, dam olish maydonchalarini, avtobus bekatlari, kuzatish maydonchalari va boshqa obyektlarni meʼmoriy-badiiy bezash, jihozlash va obodonlashtirish;

avtomobil yoʻllarining ayrim uchastkalarida, shuningdek, koʻpriklar, yoʻl oʻtkazgichlar va tonnellarda elektr yoritkichlarni oʻrnatish, mavjudlarini taʼmirlash;

yoʻl radio, mobil (video) aloqasi hamda texnologik va signal beruvchi-chaqiruvchi aloqani taʼmirlash hamda tiklash, kabel tarmogʻini taʼmirlash;

avtomobil yoʻllarining temir yoʻllar bilan kesishgan joylarida (temir yoʻllar xavfsizlik mintaqasidan tashqari) harakatni tashkil etish hamda tartibga solishning yangi vositalarini oʻrnatish (montaj qilish) va mavjudlarini taʼmirlash;

taʼmirlash davrida vaqtincha yotiq yoʻl belgilarini chizish, vaqtincha yotiq yoʻl belgilarini oʻchirish;

koʻrinishni taʼminlash uchun ayrim daraxtlarni olib tashlash, koʻchirish va daraxt shoxlarini kesish;

avtomobil yoʻllari jihozlari va elementlarini boʻyash, ularni tiklash hamda tartibli saqlash;

avtobus bekatlarini, piyodalar oʻtish joylari, dam olish maydonchalari, yoʻl belgilari va ular uchun konstruksiyalar, toʻsiqlar, yoʻnaltiruvchi qurilmalar, shiyponchalar va ularning jihozlari, shuningdek, shovqindan himoya qiladigan qurilmalarni boʻyagan holda ozoda va tartibli saqlash, avtomobil yoʻllarini meʼmoriy-badiiy bezashning shikastlangan ayrim elementlarini tuzatish, ushbu elementlarga kerakli tarzda qarash, hojatxonalar, yoʻl-taʼmirlash punktlari, yoʻl boʻlimlari, yoʻl ustalari uylarini tozalash;

shiyponchalar, oʻrindiqlar, panolar va boshqalarni oʻrnatish hamda boʻyash, ozoda va tartibli saqlash;

avtomobil yoʻllari va yoʻl inshootlarining tarkibida boʻlgan tarozida tortishni nazorat qilish punktlarini, suv oʻlchash postlarini, meteorologik punktlarni, ob-havo sharoitlari hamda harakat shart-sharoitlari monitoringi tizimini, texnologik va signal beruvchi-chaqiruvchi aloqani, kabel tarmogʻini, shuningdek, svetofor obyektlarini, harakatni tashkil etish vositalarini, harakatni dispetcher orqali hamda avtomatlashtirilgan boshqarish vositalarini saqlash;

statsionar va koʻchma (mobil) vazn hamda hajm parametrlarini nazorat qilish punktlarini va xodimlarini, jumladan, avtotransport vositalarini tarozida tortish punktlarini, ulardan axborotlarni internet jahon axborot tarmogʻi va boshqa tizimlar orqali uzatish tizimlarini, axborotlarni yigʻish, jamlash hamda ularni doimiy nazorat qilish markazlarini taʼmirlash va saqlash;

harakatni hisobga olish punktlarini saqlash, tiklash va yangidan qurish, yoʻl konstruksiyasining hamda avtomobil yoʻllarida bajariladigan ishlarni oʻrganish uchun zarur boʻlgan boshqa qurilmalarning, avtomobil yoʻli, elementlari va inshootlarining holatini baholash;

avtomobil yoʻllarini loyihalashtirish, qurish va ulardan foydalanish davrida harakat xavfsizligi auditini oʻtkazish;

avtomobil yoʻllari va yoʻl inshootlari balansiga kiritilgan yoʻllardagi elektr bilan yoritish, shu jumladan, muqobil energiya manbalarini, svetofor obyektlari hamda svetofor obyektlari tizimlarini taʼmirlash va ularni saqlash, transformatorlarni texnik koʻrikdan oʻtkazish, yoritish hamda svetofor obyektlari uchun sarflangan elektr energiyasiga haq toʻlash.

16. Avtomobil yoʻllarini saqlash boʻyicha boshqa ishlar quyidagilardan iborat:

avtomobil yoʻllarini saqlash sifatini baholash;

avtomobil yoʻllari va ayrim yoʻl inshootlarini qoʻriqlash va yongʻin muhofazasi, safarbarlik zaxiralarini barpo etish;

safarbarlik zaxiralarini saqlash va ularni yangilab borish;

yoʻl belgilarini va svetofor obyektlarini xatlovdan oʻtkazish, avtomobil yoʻllari hamda sunʼiy inshootlarini pasportlashtirish, yoʻl kadastrini tuzish va yoʻl belgilarini joylashtirish sxemalarini ishlab chiqish;

avtomobil yoʻllarining holati tashxisi hamda uni baholash, koʻpriklar, yoʻl oʻtkazgichlar va boshqa inshootlarni texnik koʻrikdan oʻtkazish, texnik tekshirish hamda sinash, harakat jadalligini hisobga olish, yoʻl-transport hodisalari hisobini yuritish va ularning paydo boʻlish sabablarini aniqlashda qatnashish, yoʻllar, koʻpriklar hamda boshqa yoʻl inshootlarining holati toʻgʻrisidagi raqamlashtirilgan maʼlumotlar bankini shakllantirish va yuritish;

navbatchilik-dispetcherlik xizmatini tashkil qilish hamda saqlash, ishlab chiqarishni boshqarish markazlarini tashkil etish va ular uchun asbob-uskunalar sotib olish;

ob-havo shart-sharoitlari va harakatlanish shart-sharoitlari monitoringi meteorologik tizimlarini, shuningdek, harakatlanish shart-sharoitlari monitoringi hamda prognozlashtirish uchun foydalaniladigan video tizimlarni saqlash, shu jumladan, ularning ishlashi uchun meteorologik tizimlar elementlarini va aloqa kanallarini ijaraga olish;

meteorologik maʼlumotlarni sotib olish;

avtomobil yoʻllaridan foydalanuvchilarni qatnovning holati toʻgʻrisida xabardor qilish (axborot tablolari, ommaviy axborot vositalarini oʻrnatish);

tosh tushishiga qarshi tadbirlar, shu jumladan, qiyaliklarni burmalash, selga qarshi tadbirlar;

yoʻl oʻqi toʻsigʻiga yetishmayotgan nur qaytaradigan katafotlar shchitlar, yoʻl oʻqi toʻsigʻi oldiga ogohlantiruvchi uskunalar oʻrnatish;

sunʼiy yoʻl inshootlarda ventilyatsiya, majburiy suv qochirish, yoritish tizimlari ishlashi uchun yetishmayotgan asbob-uskunalarni oʻrnatish, video kuzatish, qoʻriqlashning muhandislik-texnik vositalarining yetishmayotgan tizimlarini oʻrnatish, almashtirish va saqlash;

axlat yigʻish uchun konteynerlarni oʻrnatish, chiqindilarni topshirish hamda utilizatsiya qilish bilan bogʻliq ishlar va xarajatlar;

vazn va hajm koʻrsatkichlarini nazorat qilish statsionar hamda koʻchma punktlarini, yagona axborot-situatsiya markazlarni, jumladan, tarozida tortishni nazorat qilish postlarini tashkil etish va saqlash;

avtomobil yoʻllarini taʼmirlash va saqlash boʻyicha ishlarga, shuningdek, toshqin, sel, qor koʻchishi, oʻpirilish hodisalari, zilzilalarning oldini olish va bartaraf etish ishlarini bajarishda jalb etilgan ishchi-xodimlarni oziq-ovqat, ish qurollari va jihozlar, jumladan, saqlash ishlari uchun talab qilinadigan kichik mexanizmlar hamda maxsus kiyim-bosh bilan taʼminlash;

yoʻl taʼmirlash punktlari uchun mebel, inventar, kompyuter va maishiy texnika, asbob-uskunalar, jihozlar, yigʻma uylar hamda koʻchma vagon-uylar xarid qilish;

avtomobil yoʻllarini ekspluatatsiya qilish va taʼmirlash uchun zarur boʻlgan texnika, uskunalarni, mashina va mexanizmlarni xarid qilish, jumladan, lizing va bank kreditlari orqali;

toifalangan koʻprik va obyektlarni maxsus yoʻriqnoma asosida qoʻriqlash xizmatini kompleks tashkil etish xarajatlari (inventarlar, jihozlar, asbob-uskunalar, koʻchma-vagonlar, videokuzatuv, yoritish, qoʻriqlash, aloqa tizimi jihozlari va boshqa qoʻriqlash bilan bogʻliq tadbirlar);

avtomobil yoʻllari va boshqa sunʼiy yoʻl inshootlarining tashxisi hamda holatini baholash ishlari;

avtomobil yoʻllarini saqlash maqsadida uskunalar, jihozlar va kichik mexanizmlar (oʻt oʻrish, motoarra, boʻyash, tozalash, yotiq chiziqlarni chizish, zichlash, choklarni kesish, motoroller, tunda ish joyini yoritish, tok ishlab chiqarish, motorli burgʻulash, zarb va bosim berish, choklarga bitum quyish uskunalari, tarozilar va boshqalar) xarid qilish va ularni saqlash xarajatlari;

koʻprik inshootlarini loyihadan oldin texnik tekshirish, avtomobil yoʻllari hamda boshqa yoʻl inshootlarining tashxisi va holatini baholash hamda loyiha-smeta hujjatlarini va taʼmirlash boʻyicha eng murakkab ishlarning muhandislik ishlanmasini ishlab chiqish, yoʻl harakat xavfsizligini tashkil qilish boʻyicha auditdan oʻtkazish;

avtomobil yoʻllari ekspluatatsiya tashkilotlarining elektr energiya, gaz, sovuq suv, oqova suv, aloqa (internet jahon axborot tarmogʻi, mobil, statsionar va boshqalar) uchun toʻlovlarini, mol-mulk va yer soligʻi xarajatlarini qoplash;

avtomobil yoʻllari va yoʻl inshootlarini saqlash boʻyicha eng murakkab ishlarga muhandislik va ilmiy-texnik ishlanmalarni ilova qilish;

ilmiy-tadqiqot va tajriba-eksperiment ishlari, tajriba-sinov uchastkalarini qurish;

idoraviy qurilish normalari va qoidalarini, texnik jihatdan tartibga solish sohasidagi normativ hujjatlarni hamda avtomobil yoʻllarining transport-foydalanish koʻrsatkichlarini oshirish va sifatini taʼminlash boʻyicha metodik hujjatlar, yoʻriqnomalar hamda koʻrsatmalarni ishlab chiqish va qayta ishlash;

adabiyotlar, shaharsozlik normalari va qoidalari, idoraviy qurilish normalari va qoidalari, texnik jihatdan tartibga solish sohasidagi normativ hujjatlar, metodik hujjatlar, yoʻriqnomalar hamda koʻrsatmalarni xarid qilish;

kadrlar tayyorlash va ularni qayta tayyorlash.

4-bob. Avtomobil yoʻllarini qishda saqlash

17. Avtomobil yoʻllarini qishda saqlash ishlari avtomobil yoʻllari hamda yoʻl inshootlarini yilning qish davrida avtomobil harakatini uzluksiz va xavfsiz taʼminlash shartlari boʻyicha yoʻl qoʻyiladigan talablarga muvofiq ularning holatini doimiy saqlashni taʼminlashdan iborat.

18. Avtomobil yoʻllarini qishda saqlash ishlari tasdiqlangan xarajatlar smetalariga muvofiq qishki mavsumida hamda yil mobaynida avtomobil yoʻllari va yoʻl inshootlarining barcha elementlari hamda inshootlari boʻyicha avtomobil yoʻlining butun uzunligida muntazam ravishda amalga oshiriladi. Avtomobil yoʻllarini qishda saqlash ishlarining xarajatlar smetalari qonunchilik hujjatlari talablari asosida ishlab chiqilib, buyurtmachi tomonidan tasdiqlanadi.

Avtomobil yoʻllarini qishda saqlash ishlari tarkibiga kirgan ishlar turiga qarab yil mobaynida amalga oshirilishi, xarajatlar smetalarida koʻzda tutilishi va moliyalashtirilishi mumkin.

19. Avtomobil yoʻllarini qishda saqlashga quyidagi ishlar kiradi:

qordan doimiy himoya qilish inshootlari (devorlar, panellar, koʻtarmalar va qorni ushlash toʻsiqlari)ni tayyorlash, oʻrnatish va taʼmirlash, qordan himoya qilish inshootlariga qarash;

vaqtincha qorni tutib turadigan qurilmalar (shchitlar, toʻsiqlar va toʻrlar) tayyorlash, oʻrnatish (qayta oʻrnatish), tiklash, qorni tutib qolish uchun qorni ushlash toʻsiqlari va xandaqlar barpo etish hamda ularni vaqti-vaqti bilan yangilab turish;

avtomobil yoʻllarini qordan hamda qor uyumlaridan tozalash, yoʻl chetlaridagi qorlarni yigʻishtirish, chiqarib tashlash, past toifadagi avtomobil yoʻllarining qatnov qismida qor qoplamini qiyalab tekislash va zichlash;

qishki sirpanchiqni oldindan aniqlash hamda prognozlashtirishning avtomatlashtirilgan tizimlarini, shuningdek, koʻpriklar, yoʻl oʻtkazgichlar va turli sathdagi yoʻl yechimlarida muzlamaga qarshi reagentlarni taqsimlashning avtomatlashtirilgan tizimlarini oʻrnatish hamda saqlash;

qishki sirpanchiqqa va muzlamaga qarshi materiallarni, transport vositalarini saqlash uchun yangi bazalarni hamda ishchi-xodimlarni sutka davomida ish olib borishini taʼminlash uchun doimiy yoki vaqtinchalik bino va inshootlar barpo etish, mavjudlarini tiklash hamda taʼmirlash, ularga borish yoʻllarini qurish, tabiiy shoʻr suv olinadigan quduqlar qazish, jihozlash va ularga xizmat koʻrsatish, muzlamaga qarshi materiallarni tayyorlash, ularning zaxirasini yaratish va saqlash;

muzlamaga qarshi xususiyatlarga ega boʻlgan qoplamaning yuqori qatlamini qurish va saqlash;

muzlarga qarshi kurashish, muzga qarshi inshootlarni qurish, sunʼiy inshootlar yaqinida oʻzanlarni tozalash va mustahkamlash, muzlarni yoʻqotish;

koʻchkiga qarshi chora-tadbirlarni amalga oshirish, koʻchki qatlamlarini yigʻishtirib olish;

ushbu Tasnifga nazarda tutilmagan va qishki saqlash ishlari boʻyicha amalda bajariladigan ish turlari idoraviy qurilish normalari va qoidalariga muvofiq amalga oshiriladi.

5-bob. Avtomobil yoʻllarini koʻkalamzorlashtirish

20. Avtomobil yoʻllarini koʻkalamzorlashtirish ishlari avtomobil yoʻllarini qor, qum koʻchkilaridan yoki eroziyadan doimiy himoya qilishni taʼminlashdan hamda avtomobil yoʻllari va yoʻl inshootlarining maʼmuriy-badiiy bezagini barpo etishdan iboratdir.

21. Avtomobil yoʻllarini koʻkalamzorlashtirish ishlari avtomobil yoʻlining butun uzunligida uning barcha elementlari va inshootlari boʻyicha butun yil davomida tasdiqlangan xarajatlar smetalarga muvofiq amalga oshiriladi. Avtomobil yoʻllarini koʻkalamzorlashtirish ishlarining xarajatlar smetalari qonunchilik hujjatlari talablari asosida ishlab chiqilib, buyurtmachi tomonidan tasdiqlanadi.

22. Avtomobil yoʻllarini koʻkalamzorlashtirishga quyidagi ishlar kiradi:

koʻchatxona va daraxtzorlar uchun tuproqni tayyorlash, koʻchatlar yetishtirish (yoki ular qiymatini toʻlash) hamda koʻchatlarni transportda tashish;

avtomobil yoʻllarini qum va qor koʻchkilaridan himoya qilish uchun oʻrmon tasmalarini barpo etish, eroziyaga qarshi hamda manzarali daraxtlarni ekish;

daraxtlarni parvarish qilish, daraxtlarni kesish-kallaklash, quruq daraxtlarni yigʻishtirib olish, daraxtlarni yongʻindan himoya qilish, oʻsimlik zararkunandalari va kasalliklariga qarshi kurashish;

urugʻlik sepish va gul ekish, ajratilgan mintaqaga hamda ajratish tasmasiga oʻt ekish;

sugʻorish tarmoqlariga ulangan (novlar, koʻpriklar va quvurlar bilan) artezian quduqlar qazish;

sugʻorish tizimlarini barpo etish, mavjud sunʼiy sugʻorish tizimlarini saqlash va taʼmirlash;

avtomobil yoʻllari, sunʼiy inshootlarni (koʻpriklar, yoʻl oʻtkazgichlar, aylanma transport yechimlari) panno, stellalar va ularni yoritish tizimlarini qurish bilan birga meʼmoriy-landshaftli konstruksiyalash;

avtomobil yoʻllarining hududiy arxitektura-badiiy tuzilishi va landshaft dizaynini yaratish;

avtomobil yoʻllariga ajratilgan polosalardagi yoʻlboʻyi hududlarini tegishli holatda saqlash;

manzarali, shu jumladan, yangi turdagi manzarali oʻsimliklarning koʻchatlarini yetishtirish boʻyicha ixtisoslashtirilgan koʻchatxonalarini tashkil etish va saqlash;

oʻyma va koʻtarmalar qiyaliklarining tikligini kamaytirish, barqaror chim qoplamasini yaratish boʻyicha zarur agrotexnika tadbirlarini oʻtkazgan holda yer koʻtarmasi va zaxiralarining qiyaliklariga oʻt ekish, yer koʻtarmasining barqarorligini taʼminlaydigan mustahkamlash yer ishlarini bajarish va boshqa ishlar;

ushbu Tasnifga nazarda tutilmagan va koʻkalamzorlashtirish ishlari boʻyicha amalda bajariladigan ish turlari idoraviy qurilish normalari va qoidalariga muvofiq amalga oshiriladi.

Vazirlar Mahkamasining 2024-yil 30-dekabrdagi 901-son qaroriga 3-ILOVA

1-bob. Umumiy qoidalar

1. Mazkur Nizom umumiy foydalanishdagi avtomobil yoʻllari, shaharlar va boshqa aholi punktlari koʻchalarini (keyingi oʻrinlarda — avtomobil yoʻllari) qurish, rekonstruksiya qilish va taʼmirlash ishlari tugallangan obyektlarning asosiy konstruktiv elementlari hamda yoʻl harakatini tashkil etish texnik vositalarining kafolatli xizmat qilish muddatlarini (keyingi oʻrinlarda — kafolat muddati) qoʻllash tartibini belgilaydi.

2. Mazkur Nizom talablari qurish, rekonstruksiya qilish va taʼmirlashdan soʻng kafolat muddati davomida sodir boʻlgan tabiiy ofat, tabiiy va texnogen xususiyatga ega favqulodda vaziyatlar oqibatida taʼmirtalab holatga kelib qolgan avtomobil yoʻllari va sunʼiy inshootlar hamda loyiha hujjatlarida koʻzda tutilmagan pudrat tashkiloti tomonidan bajarilgan ish hajmlariga nisbatan tatbiq etilmaydi.

3. Ushbu Nizomda quyidagi asosiy tushunchalar qoʻllaniladi:

asosiy konstruktiv elementlar (keyingi oʻrinlarda — AKE) — tashqi va ichki yuklamalarni qabul qiladigan va ularni boshqa qurilmalar yoki asosga uzatadigan konstruksiyaning tarkibiy qismi, jumladan yoʻl qoplamasi, yoʻl asosi, yoʻl poyi, I va II guruh toʻsiqlar, sunʼiy inshootlarning temir, temir-beton qurilmalari va konstruksiyalari;

yoʻl harakatini tashkil etish texnik vositalari (keyingi oʻrinlarda — YHTETV) — yoʻl harakati xavfsizligini taʼminlash va yoʻlning oʻtkazuvchanlik qobiliyatini oshirish uchun yoʻllarda qoʻllaniladigan inshootlar, qurilmalar va jihozlar (yoʻl chiziqlari bundan mustasno);

kafolat majburiyatlari — pudrat tashkiloti kafolat muddati davomida oʻzi tomonidan bajarilgan sifatsiz ish natijasida yoʻl elementlarida yuzaga kelgan har qanday buzilishlarni oʻz hisobidan bartaraf etish majburiyatlari;

kafolat muddati — qurilish, rekonstruksiya qilish va taʼmirlash ishlari tugallangan obyektni foydalanishga qabul qilish dalolatnomasi imzolangandan boshlab shartnomada belgilangan muddat ichida pudrat tashkiloti tomonidan bajarilgan ishlarning sifatini taʼminlaydigan, aniqlangan kamchiliklarni oʻz hisobidan bartaraf etadigan majburiyatlarni bajaradigan davr;

kafolat summasi — qurish va rekonstruksiya qilish ishlari yakunlangan obyektlarning shartnomada nazarda tutilgan kafolat muddati oʻtganidan soʻng toʻlab beriladigan mablagʻ;

texnik tekshirish — avtomobil yoʻllarining foydalanish sifatlarini, taʼmirlash maqsadga muvofiqligini aniqlash maqsadida avtomobil yoʻllari va inshootlari elementlarini nazorat qilish, sinash, tahlil qilish hamda baholashni oʻz ichiga oladigan jarayon.

4. Kafolat muddati qurilish, rekonstruksiya qilish va taʼmirlash ishlari tugallangan obyektning haqiqiy xizmat qilish muddatlarini belgilamaydi.

2-bob. Kafolat muddati va uni qoʻllash tartibi

5. Pudrat tashkiloti kafolat muddati davomida quyidagilarni:

bajarilgan ishlarning loyiha hujjatlariga, shaharsozlik normalari va qoidalari hamda texnik shartlariga muvofiqligini;

oʻzi tomonidan qurilish uchun qoʻllaniladigan qurilish materiallari, asbob-uskunalar va butlovchi buyumlar, konstruksiya va tizimlar sifatini, ularning loyiha hujjatlarida koʻrsatilgan sertifikatsiyalarga, davlat standartlariga hamda texnik shartlarga muvofiqligini;

qurilish, rekonstruksiya qilish va taʼmirlash ishlari tugallangan obyektdan foydalanish jarayonida nuqsonlar aniqlanganda, nuqsonlarni oʻz hisobidan bartaraf etishni;

muhandislik tizimlari va uskunalarning foydalanish qoidalariga muvofiqligini kafolatlaydi.

6. Avtomobil yoʻllari va sunʼiy inshootlarni qurish hamda rekonstruksiya qilish ishlari tugallangan obyektlarning asosiy konstruktiv elementlari va YHTETV boʻyicha kafolat muddati uch yil, shuningdek, avtomobil yoʻllarini taʼmirlash ishlari tugallangan obyektlarning qoplamalari boʻyicha kafolat muddati bir yil etib belgilanadi.

7. Kafolat muddati:

qurilish ishlari tugallangan obyektlarni (yoki ularning uchastkalarini-ishga tushirish komplekslarini) qabul qilib olish boʻyicha Davlat qabul komissiyasiga tomonidan foydalanishga qabul qilish dalolatnomasi rasmiylashtirilgan kundan boshlab;

taʼmirlash ishlari tugallangan avtomobil yoʻllari va ularning qismlari hamda sunʼiy inshootlar boʻyicha ishlarni qabul qilish dalolatnomasi rasmiylashtirilgan kundan boshlab hisoblanadi.

8. Kafolat muddati davrida avtomobil yoʻli va/yoki sunʼiy inshootning ekspluatatsiya qilish jarayonida vizual kuzatuvlar natijasida ularning asosiy konstruktiv elementlari va YHTETVda nuqsonlar kuzatilgan taqdirda, ushbu obyektni saqlovchi tashkilot tomonidan buyurtmachiga kiritilgan murojaati asosida texnik tekshirish oʻtkaziladi.

9. Texnik tekshirish oʻtkazish uchun buyurtmachi tomonidan uchinchi shaxslar jalb etilishi mumkin. Texnik tekshirish oʻtkazish xarajatlari pudrat tashkilotiga zimmasiga yuklanadi.

10. Kafolat summasi toʻlashdan oldin va kafolat muddati tugashidan bir oy oldin buyurtmachi, pudrat tashkiloti va avtomobil yoʻlini balansda saqlovchi tashkilot ishtirokida qurilish va rekonstruksiya qilish ishlari tugallangan obyekt yakuniy texnik tekshirishdan oʻtkazilib, tekshiruv natijasiga koʻra nuqsonlar aniqlanmagan taqdirda kafolat muddati tugaganligi haqida dalolatnoma rasmiylashtiriladi.

11. Mavjud nuqsonlar va ularni bartaraf etish muddatlari pudrat tashkiloti va buyurtmachining ikki tomonlama nuqsonlar dalolatnomasida qayd etiladi.

12. Agar qurilish, rekonstruksiya qilish va taʼmirlash ishlari tugallangan obyektdan foydalanishning kafolat muddatida yakuniy texnik tekshirish natijasida nuqsonlar aniqlansa, kafolat muddati nuqsonlarni bartaraf etish davriga uzaytiriladi.

13. Kafolat summasi toʻlangunga qadar aniqlangan nuqsonlarni pudrat tashkiloti bartaraf etishdan bosh tortgan taqdirda, buyurtmachi nuqsonlarni chegirib qolingan kafolat mablagʻlari hisobidan uchinchi shaxslarni jalb etgan holda bartaraf etishi mumkin.

14. Kafolat muddatini qoʻllash buyurtmachi va pudrat tashkiloti oʻrtasida imzolanadigan shartnomada nazarda tutiladi.

3-bob. Kafolat mablagʻlarini toʻlash

15. Pudrat tashkiloti tomonidan berilgan kafolatni taʼminlash maqsadida buyurtmachi tomonidan pudrat tashkilotiga toʻlanishi lozim boʻlgan shartnoma umumiy bahosining besh foizi miqdoridagi mablagʻlar chegirib qolinadi.

16. Chegirib qolingan kafolat summasi texnik tekshirish natijalari asosida rasmiylashtirilgan dalolatnoma asosida qurilish va rekonstruksiya qilish ishlari tugallangan obyekt foydalanishga topshirilgan kundan oʻn ikki oy oʻtgandan soʻng toʻlab beriladi. Qonunchilik hujjatlarida nazarda tutilgan hollar bundan mustasno.

4-bob. Pudrat tashkilotini kafolat majburiyatlaridan ozod qiluvchi holatlar

17. Quyidagi holatlarda pudrat tashkiloti kafolat majburiyatlaridan ozod etiladi:

fors-major holatlari, shu jumladan tabiiy va texnogen xususiyatga ega favqulodda vaziyatlar natijasida yuzaga kelganda;

yoʻl-transport hodisalari, qurilish, rekonstruksiya qilish va taʼmirlash ishlari tugallangan obyektlarda uchinchi shaxslar tomonidan turli koʻrinishdagi qurilish-montaj ishlari amalga oshirilishi natijasida AYKE va YHTETVga zarar yetganda.

5-bob. Yakunlovchi qoidalar

18. Ushbu Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradi.

19. Mazkur Nizomda koʻzda tutilmagan munosabatlar qonunchilik hujjatlariga muvofiq hal etiladi.

Vazirlar Mahkamasining 2024-yil 30-dekabrdagi 901-son qaroriga 4-ILOVA

Avtomobil yoʻllaridagi tabiiy ofat va texnogen xususiyatli vaziyatlarning oldini olish hamda oqibatlarini bartaraf qilish ishlarini tashkil etish tartibi toʻgʻrisidagi

1-bob. Umumiy qoidalar

1. Ushbu Nizom umumiy foydalanishdagi avtomobil yoʻllari, shaharlar va boshqa aholi punktlari koʻchalari, xoʻjaliklararo avtomobil yoʻllarida sodir boʻlgan tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlarining manzilli roʻyxatlarini rasmiylashtirish va moliyalashtirish tartibini belgilaydi.

2. Umumiy foydalanishdagi avtomobil yoʻllarida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlarini moliyalashtirish uchun Oʻzbekiston Respublikasi Iqtisodiyot va moliya vazirligi huzuridagi Avtomobil yoʻllarini rivojlantirish maqsadli jamgʻarmasining daromadlari va xarajatlarida umumiy foydalanishdagi avtomobil yoʻllarini taʼmirlash va saqlash xarajatlari uchun yillik xarajatlariga ajratilishi rejalashtirilgan mablagʻlaridan kamida 5 foiz miqdorda zaxira nazarda tutiladi.

3. Mazkur Nizomda quyidagi asosiy tushunchalar qoʻllaniladi:

tabiiy ofat — xavfli tabiiy ofat (zilzila, koʻchki, togʻ oʻpirilishi, yer sathining choʻkishi, suv toshqinlari, suv toʻplanishi va sellar, qor koʻchkilari, kuchli shamollar (dovullar), jala, yerosti suvlari) natijasida vujudga kelgan va buning natijasida umumiy foydalanishdagi avtomobil yoʻli va maʼlum uchastkasidagi yoʻl inshootlariga zarar yetkazishi (avariya holatiga kelib qolishi) hamda transport vositalari harakat xavfsizligi aloqalarining buzilishiga olib kelishi mumkin boʻlgan holat;

texnogen xususiyatli vaziyat — avariyalar, portlashlar, yoʻl elementlarining ishdan chiqishiga olib keluvchi kislotalarning toʻkilishi, toʻgʻonlarning, binolar va inshootlarning toʻsatdan qulashi, shuningdek, kommunikatsiya tizimlaridagi avariyalar natijasida avtomobil yoʻllarida harakat xavfsizligiga taʼsir qiluvchi va harakatning uzilib qolishi bilan bogʻliq texnogen xususiyatli vaziyat.

4. Umumiy foydalanishdagi avtomobil yoʻllarida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlari respublika budjeti mablagʻlari va qonunchilikda taqiqlanmagan boshqa manbalar hisobidan moliyalashtiriladi.

Shaharlar va boshqa aholi punktlari koʻchalari, xoʻjaliklararo avtomobil yoʻllarida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlarini moliyalashtirish bilan bogʻliq xarajatlar tegishli mahalliy budjet mablagʻlari va qonunchilikda taqiqlanmagan boshqa manbalar hisobidan amalga oshiriladi.

Bunda texnogen xususiyatli vaziyatlar natijasida yetkazilgan zararlarni qoplash umumiy foydalanishdagi avtomobil yoʻllari boʻyicha Oʻzbekiston Respublikasi Transport vazirligi huzuridagi Avtomobil yoʻllari qoʻmitasining (keyingi oʻrinlarda — Avtomobil yoʻllari qoʻmitasi) hududiy bosh boshqarmalari, “Qamchiqavtoyoʻl” ixtisoslashtirilgan yoʻllardan foydalanish davlat muassasasi hamda shaharlar va boshqa aholi punktlari koʻchalari, xoʻjaliklararo avtomobil yoʻllaridagi zararlarni qoplash boʻyicha mahalliy hokimliklar tomonidan sudlarga kiritilgan davo arizalariga koʻra aybdor yuridik va jismoniy shaxslar hisobidan undiriladi hamda tegishliligi boʻyicha respublika va mahalliy budjetlarga yoʻnaltiriladi.

5. Umumiy foydalanishdagi avtomobil yoʻllarining (yoʻl inshootlarining) tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlariga buyurtmachi etib — Avtomobil yoʻllari qoʻmitasi tarkibidagi Qoraqalpogʻiston Respublikasi va viloyatlar avtomobil yoʻllari bosh boshqarmalari, shuningdek, “Qamchiq” dovoni hududidan oʻtgan qismidagi umumiy foydalanishdagi avtomobil yoʻllariga (yoʻl inshootlariga) “Qamchiqavtoyoʻl” ixtisoslashtirilgan yoʻllardan foydalanish davlat muassasasi belgilanadi.

Shaharlar va boshqa aholi punktlari koʻchalari, xoʻjaliklararo avtomobil yoʻllarida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlari boʻyicha Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi “Yagona buyurtmachi xizmati” injiniring kompaniyalari yoki tuman (shahar) hokimliklarining obodonlashtirish boshqarmalari buyurtmachi vazifasini bajaradi.

6. Yuzaga kelgan tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlariga (lokal, mahalliy, respublika va transchegaraviy) Qoraqalpogʻiston Respublikasi Vazirlar Kengashi, viloyatlar hamda Toshkent shahar hokimliklari tomonidan tasdiqlangan hududiy komissiyalarning (keyingi oʻrinlarda — hududiy komissiya) dalolatnomasi va buyurtmachining taklifiga asosan tuman (shahar) hokimining tegishli qaroriga muvofiq:

umumiy foydalanishdagi avtomobil yoʻllaridagi obyektlarga bosh pudrat tashkilotlari Avtomobil yoʻllari qoʻmitasi tarkibidagi yoʻl va koʻpriklarni saqlash hamda taʼmirlashga ixtisoslashtirilgan tashkilotlar orasidan hamda loyiha tashkilotlari tanlov (tender) oʻtkazilmasdan va maxsus axborot portaliga eʼlon joylashtirmasdan;

shaharlar va boshqa aholi punktlari koʻchalari, xoʻjaliklararo avtomobil yoʻllaridagi obyektlarga sohaviy qurilish va taʼmirlash tashkilotlari orasidan hamda loyiha tashkilotlari tanlov (tender) oʻtkazmasdan va maxsus axborot portaliga eʼlon joylashtirmasdan aniqlanadi.

Bunda bosh pudrat tashkilotlarini tanlashda yetarlicha mashina va mexanizmlar bilan taʼminlangan, soha boʻyicha zarur quruvchi-muhandislarga hamda obyektlar qurilishida tajribaga ega boʻlgan, moliyaviy barqaror boʻlishiga alohida eʼtibor qaratilishi lozim.

Bosh pudrat tashkilotlariga yordamchi pudrat tashkilotlarini maxsus axborot portalida tegishli axborotlarni joylashtirmasdan, toʻgʻridan-toʻgʻri shartnoma tuzishga ruxsat beriladi.

Davlat buyurtmachilari toʻgʻridan-toʻgʻri shartnomalar tuzilganligi toʻgʻrisidagi axborotni shartnoma tuzilgan paytdan eʼtiboran besh ish kuni ichida maxsus axborot portaliga joylashtirishi shart.

2-bob. Hujjatlarni tayyorlash va rasmiylashtirish tartibi

7. Avtomobil yoʻllari qoʻmitasining hududiy bosh boshqarmalari hamda “Qamchiqavtoyoʻl” ixtisoslashtirilgan yoʻllardan foydalanish davlat muassasasi — tabiiy ofat va texnogen xususiyatli vaziyatlarning oldini olish hamda oqibatlarini bartaraf etish talab etiladigan umumiy foydalanishdagi avtomobil yoʻllari va sunʼiy inshootlar uchastkasida, shahar va tumanlar hokimliklari — shaharlar va boshqa aholi punktlari koʻchalari, xoʻjaliklararo avtomobil yoʻllari va sunʼiy inshootlarda hududiy komissiyaning dalolatnomasi asosida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish boʻyicha birinchi darajali, kechiktirib boʻlmaydigan ishlarni bajarish uchun zarur boʻlgan hujjatlarni rasmiylashtiradi.

8. Avtomobil yoʻllari va ulardagi sunʼiy inshootlarda tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlari boʻyicha qurilish-taʼmirlash ishlarining loyiha-smeta hujjatlarini tayyorlash loyiha tashkilotlari tomonidan shaharsozlik toʻgʻrisidagi qonunchilik hujjatlariga, texnik jihatdan tartibga solish sohasidagi normativ hujjatlar hamda shaharsozlik normalari va qoidalariga qatʼiy rioya qilgan holda amalga oshiriladi.

9. Tabiiy ofat va texnogen xususiyatli vaziyatlarning oldini olish hamda oqibatlarini bartaraf etish boʻyicha qurilish-montaj ishlari loyiha-smeta hujjatlarini ishlab chiqish bilan bir vaqtda amalga oshiriladi.

Bunda loyiha-smeta hujjatlarini ishlab chiqish va davlat ekspertizasidan oʻtkazish muddati obyektga moliyalashtirish ochilgan kundan boshlab sakson kalendar kundan oshib ketishi mumkin emas.

Loyiha-smeta hujjatlarini ishlab chiqish va davlat ekspertizasidan oʻtkazish sakson kalendar kundan koʻproq vaqt talab etilgan taqdirda, uning muddati buyurtmachining asoslantirilgan taklifiga asosan hududiy komissiyaning tegishli qaroriga muvofiq koʻpi bilan oʻttiz kalendar kungacha uzaytirilishi mumkin.

10. Loyiha tashkilotlari yirik va murakkab tabiiy ofatlarning loyiha-smeta hujjatlarini ishlab chiqish, davlat ekspertizasidan oʻtkazish uchun oʻz mablagʻlari hisobidan maʼlum yoʻnalish boʻyicha konsultant-mutaxassislarni belgilangan tartibda jalb etish huquqiga ega.

11. Loyiha-smeta hujjatlari qonunchilik hujjatlariga muvofiq davlat ekspertizasidan oʻtkaziladi.

3-bob. Manzilli roʻyxatlarni shakllantirish tartibi

12. Tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlarini dastlabki manzilli roʻyxati hududiy komissiyaning dalolatnomasi va tuman (shahar) hokimining qarori asosida shakllantiriladi.

Dastlabki manzilli roʻyxatdagi obyektlar qiymati loyiha tashkiloti tomonidan taqdim etilgan dastlabki hisob-kitoblarga asosan belgilanadi.

Yakuniy manzilli roʻyxat loyiha-smeta hujjatlarining davlat ekspertizasi xulosasi asosida obyektlarning qiymati aniqlanganidan soʻng shakllantiriladi.

13. Tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlarini moliyalashtirish:

umumiy foydalanishdagi avtomobil yoʻllari (sunʼiy inshootlar) buyurtmachi tomonidan shakllantirilib, Oʻzbekiston Respublikasi Iqtisodiyot va moliya vazirligi, Favqulodda vaziyatlar vazirligining hududiy boshqarmalari va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan kelishilgan va Avtomobil yoʻllari qoʻmitasi tomonidan tasdiqlangan manzilli dasturlar (vaqtincha yoki yakuniy);

shaharlar va boshqa aholi punktlari koʻchalari, xoʻjaliklararo avtomobil yoʻllari buyurtmachi tomonidan shakllantirilib, Oʻzbekiston Respublikasi Iqtisodiyot va moliya vazirligining hududiy boʻlinmalari, Favqulodda vaziyatlar vazirligining hududiy boshqarmalari bilan kelishilgan va Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan tasdiqlangan manzilli dasturlar (vaqtinchalik yoki yakuniy) hamda unga ilova qilingan ijro hujjatlariga asosan amalga oshiriladi.

Tasdiqlangan manzilli roʻyxatlarga asosan obyektlarning xarajatlar smetasi buyurtmachilar tomonidan tuziladi va tasdiqlanadi.

14. Avtomobil yoʻllari qoʻmitasiga Oʻzbekiston Respublikasi Iqtisodiyot va moliya vazirligi bilan kelishilgan holda, umumiy foydalanishdagi avtomobil yoʻllarida hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklariga shaharlar va boshqa aholi punktlari koʻchalari, xoʻjaliklararo avtomobil yoʻllarida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlari boʻyicha:

yil mobaynida manzilli roʻyxatga qoʻshimcha obyektlarni kiritish zarurati yuzaga kelganda, ushbu ishlar uchun qoʻshimcha moliyalashtirish manbai mavjudligi tasdiqlangan taqdirda amalga oshirishga;

mablagʻlarning toʻliq oʻzlashtirilishini taʼminlash maqsadida iqtisod qilingan, oʻzlashtirilmagan yoki oʻzlashtirilmaslik xavfi mavjud boʻlgan obyektlarning mablagʻlarini obyektlar va hududlar kesimida qayta taqsimlashga ruxsat etiladi.

15. Umumiy foydalanishdagi avtomobil yoʻllarida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlarini joriy yil uchun belgilangan mablagʻlar miqdoridan oshadigan qismini Oʻzbekiston Respublikasi Hukumatining tegishli qarori (farmoyishi) va (yoki) topshiriqlari asosida moliyalashtiriladi.

Shaharlar va boshqa aholi punktlari koʻchalari, xoʻjaliklararo avtomobil yoʻllarida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlari boʻyicha mablagʻlarni ajratish va qayta taqsimlash Qoraqalpogʻiston Respublikasi Joʻqorgʻi Kengesi, xalq deputatlari viloyatlar va Toshkent shahar Kengashlari qarorlari asosida amalga oshiriladi.

4-bob. Moliyalashtirish tartibi

16. Tabiiy ofat va texnogen xususiyatli vaziyatlar oqibatida zarar koʻrgan umumiy foydalanishdagi avtomobil yoʻllari, shaharlar va boshqa aholi punktlari koʻchalari, xoʻjaliklararo avtomobil yoʻllari hamda sunʼiy inshootlarni loyihalashtirish, qurish, rekonstruksiya qilish va taʼmirlash boʻyicha ishlar obyektlar kesimida tasdiqlangan manzilli roʻyxatga asosan buyurtmachi bilan pudrat tashkiloti oʻrtasida tuzilgan shartnomada hamda tasdiqlangan hamda belgilangan tartibda moliya organida roʻyxatga olingan xarajatlar smetalarida rejalashtirilgan mablagʻlar doirasida moliyalashtiriladi. Bunda:

avtomobil yoʻllari va sunʼiy inshootlardagi tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlariga joriy yilga belgilangan ishlar qiymatining 50 foizigacha miqdorda avans berish yoʻli bilan amalga oshiriladi;

har oyda ajratilgan avansni mutanosib ravishda ushlab qolishni hisobga olgan holda, bajarilgan ishlar qiymatining 100 foizigacha joriy moliyalashtirish nazarda tutiladi.

17. Buyurtmachilar belgilangan tartibda xarajatlar uchun toʻlovlarni Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasining tegishli hududiy boʻlinmalari orqali amalga oshiradi. Bunda buyurtmachilar loyihalashtirish, qurish, rekonstruksiya qilish va taʼmirlash xarajatlariga toʻlovni amalga oshirish uchun talab etiladigan hujjatlarni belgilangan tartibda Oʻzbekiston Respublikasi Iqtisodiyot va moliya vazirligi huzuridagi Gʻaznachilik xizmati qoʻmitasining tegishli hududiy boʻlinmasiga taqdim etadilar.

18. Tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlari bilan bogʻliq barcha xarajatlarni moliyalashtirish (toʻlovlarni toʻlash) Davlat budjeti xarajatlari funksional tasnifining 7 045 194 — “Kutilishi mumkin boʻlgan tabiiy ofatlardan ogohlantirish va ularning oqibatlarini bartaraf etish ishlari boʻyicha xarajatlari” hamda iqtisodiy tasnifning 48 21 190 — “Boshqa xarajatlar” orqali amalga oshiriladi.

19. Tabiiy ofat va texnogen xususiyatli vaziyatlar oqibatida zarar koʻrgan avtomobil yoʻllarini loyihalashtirish, rekonstruksiya qilish va taʼmirlash boʻyicha bajarilgan ish uchun buyurtmachining pudrat tashkilotlari bilan hisob-kitoblari belgilangan tartibda rasmiylashtirilgan bajarilgan ishlarni qabul qilish dalolatnomalari hamda bajarilgan ish miqdori (qilingan xarajatlar) toʻgʻrisidagi hisobvaraq-fakturalar (maʼlumotnomalar) boʻyicha amalga oshiriladi.

20. Tabiiy ofat va texnogen xususiyatli vaziyatlarning oldini olish hamda oqibatlarini bartaraf etish uchun ajratilgan va pudratchi tashkilot tomonidan joriy yil obyektlari boʻyicha sarflanmagan mablagʻlar keyingi yil manzilli roʻyxatlariga belgilangan tartibda kiritiladi va maqsadli ishlatiladi.

21. Tabiiy ofat va texnogen xususiyatli vaziyatlarning oldini olish hamda oqibatlarini bartaraf etish boʻyicha aniqlangan avtomobil yoʻllarining joriy yilda bajarilmagan qoldiq ish hajmlari kelgusi yilga belgilangan tartibda oʻtkaziladi.

22. Umumiy foydalanishdagi avtomobil yoʻllarida tabiiy ofat va texnogen xususiyatli vaziyatlarning oldini olish hamda oqibatlarini bartaraf etish boʻyicha shartnomaviy narxlarda mablagʻlarni oʻzlashtirish, manzilli roʻyxatga muvofiq obyektlar kesimida moliyalashtirish hamda bajarilgan ishlar haqidagi hisobot Avtomobil yoʻllari qoʻmitasi tomonidan Oʻzbekiston Respublikasi Iqtisodiyot va moliya vazirligiga har oyda keyingi oyning 5-sanasiga qadar taqdim etiladi.

5-bob. Sifatni nazorat qilishni tashkil etish

23. Tabiiy ofat va texnogen xususiyatli vaziyatlar oqibatida zarar koʻrgan obyektlarni qurish, rekonstruksiya qilish va taʼmirlashda sifatni nazorat qilishning quyidagi turlari amalga oshiriladi:

texnik jihatdan tartibga solish sohasidagi normativ hujjatlar hamda shaharsozlik normalari va qoidalariga asosan pudratchi tashkilotlarning texnik xodimlari (bosh muhandislar, ish bajaruvchilar, ustalar, brigadirlar va laboratoriya xodimlari) tomonidan ishlar bajarilishi jarayonida doimiy ravishda amalga oshiriladigan ishlab chiqarish va laboratoriya nazorati;

buyurtmachi tomonidan belgilangan tartibda amalga oshiriladigan texnik nazorat;

buyurtmachi bilan tuziladigan shartnoma boʻyicha obyekt uchun loyiha hujjatlarini ishlab chiqqan loyihalashtirish tashkilotlari (loyihaning bosh muhandislari) tomonidan belgilangan tartibda amalga oshiriladigan mualliflik nazorati.

Obyektlarni qurish, rekonstruksiya qilish va taʼmirlash boʻyicha loyiha, qurilish-montaj va taʼmirlash ishlari sifati ustidan davlat nazorati belgilangan tartibda Oʻzbekiston Respublikasi Transport vazirligi huzuridagi Transport nazorati inspeksiyasi tomonidan amalga oshiriladi.

24. Qurilish, rekonstruksiya qilish va taʼmirlash jarayonida texnologik jarayon amalga oshirilishining toʻgʻriligi, bajariladigan ishlar hamda foydalaniladigan materiallarning sifati yuzasidan texnik nazoratni amalga oshirish, shuningdek, yopilib ketadigan va oraliq ishlarni qabul qilib olishda hamda obyektlar foydalanishga topshirilishida buyurtmachi tomonidan qabul komissiyasi tarkibida ishtirok etish uchun ushbu obyektga xizmat koʻrsatadigan (balansda saqlovchi) yoʻl tashkiloti vakili jalb etiladi.

25. Qurilishi tugallangan, rekonstruksiya qilingan va taʼmirlangan obyektlar foydalanishga qabul qilib olish shaharsozlik normalari va qoidalariga asosan amalga oshiriladi.

6-bob. Yakunlovchi qoidalar

26. Tabiiy ofat va texnogen xususiyatli vaziyatlarning oldini olish hamda oqibatlarini bartaraf etish uchun markazlashgan manbalardan ajratilgan mablagʻlardan maqsadli va samarali foydalanish buyurtmachilarning rahbarlari zimmasiga yuklanadi.

27. Pudrat tashkiloti avtomobil yoʻllari va ulardagi sunʼiy inshootlarda sodir boʻlgan tabiiy ofat va texnogen xususiyatli vaziyatlarning oldini olish hamda oqibatlarini bartaraf etish ishlari buyurtmachi hamda pudrat tashkiloti oʻrtasida tuziladigan shartnomada belgilangan bajarish va moliyalashtirish jadvalida koʻrsatilgan muddatlarda bajarilishini hamda foydalanishga topshirilishini taʼminlaydi.

28. Tabiiy ofatlarning oldini olish va oqibatlarini bartaraf etish obyektlarida qurilish tavakkalchiliklarini sugʻurtalash ishlari pudratchi tashkilotlari tomonidan amalga oshiriladi.

29. Buyurtmachilar qurilishi tugallangan, rekonstruksiya qilingan va taʼmirlangan obyektning avtotransport vositalari harakati uchun ochilishiga tayyor obyektlarni qabul qilishni asossiz kechiktirganligi uchun pudrat tashkiloti oldida qonunchilik hujjatlariga va shartnomaga muvofiq javobgar hisoblanadi.

30. Pudrat tashkiloti shartnomada belgilangan kafolat davrida buyurtmachi oldida mulkiy javobgar hisoblanadi. Kafolat muddati mobaynida obyektdan foydalanish jarayonida nuqsonlar va kamchiliklar aniqlanganda, pudrat tashkiloti ularni oʻz mablagʻlari hisobidan bartaraf etadi.

31. Mazkur Nizom talablarining buzilishida aybdor boʻlgan shaxslar qonunchilik hujjatlarida belgilangan tartibda javob beradi.

Vazirlar Mahkamasining 2024-yil 30-dekabrdagi 901-son qaroriga 5-ILOVA

Oʻzbekiston Respublikasi Hukumatining ayrim hujjatlariga kiritilayotgan oʻzgartirish va qoʻshimchalar

1. Vazirlar Mahkamasining “Avtomobilda xorijiy yuk tashuvchilarning Oʻzbekiston Respublikasi hududiga kirishlari, boʻlishlari, yuk olib oʻtishlari va undan chiqib ketishlari tartibi toʻgʻrisida” 1995-yil 11-yanvardagi 11-son qarorining 6-bandi quyidagi tahrirda bayon etilsin:

“6. Quyidagilar:

agar ikki tomonlama bitimlarda oʻzgacha hol nazarda tutilmagan boʻlsa, avtomobilda xorijiy yuk tashuvchilar tomonidan yuklarning uchinchi mamlakatlarga (mamlakatlardan) tashilishi;

Oʻzbekiston Respublikasining xalqaro shartnomalarida boshqacha shartlar kelishilmagan boʻlsa, xorijiy tashuvchilarga tegishli boʻlgan, shu jumladan, Oʻzbekiston Respublikasi hududiga ular tomonidan vaqtincha olib kelingan avtotransport vositalarida yuk va yoʻlovchilarni Oʻzbekiston Respublikasi hududida joylashgan punktlar oʻrtasida tashish (kabotaj) taqiqlansin”.

2. Vazirlar Mahkamasining “Umumiy foydalaniladigan avtomobil yoʻllarini qurish va ulardan foydalanishni tashkil etishni hamda sifatini nazorat qilishni takomillashtirish toʻgʻrisida” 2006-yil 1-noyabrdagi 226-son qarorida :

a) 1 va 2-bandlar quyidagi tahrirda bayon etilsin:

“Avtomobil yoʻllarini qurish, rekonstruksiya qilish va mukammal taʼmirlash boʻyicha bajarilgan ishlarning sifati ustidan nazorat qilish va ularni qabul qilib olish tartibi toʻgʻrisidagi nizom ilovaga muvofiq tasdiqlansin”;

b) 2-band oʻz kuchini yoʻqotgan deb hisoblansin;

v) 1-ilova oʻz kuchini yoʻqotgan deb hisoblansin;

g) 2-ilovada :

ilova belgisidagi “2-ilova” soʻzlari “ilova” soʻzi bilan almashtirilsin;

4-bandning beshinchi xatboshisi , 11-band , 12-bandning yettinchi xatboshisi , 14 va 19-bandlardagi “Yoʻl-qurilish ishlari sifatini nazorat qilish inspeksiyasi” soʻzlari “Transport nazorati inspeksiyasi” soʻzlari bilan almashtirilsin;

20-bandning birinchi va ikkinchi xatboshilaridagi “Yoʻl-qurilish ishlari sifatini nazorat qilish inspeksiyasining” soʻzlari “Transport nazorati inspeksiyasining” soʻzlari bilan almashtirilsin;

Nizomga 5-ilovaninng matnidagi “Yoʻl-qurilish ishlari sifatini nazorat qilish inspeksiyasining” soʻzlari “Transport nazorati inspeksiyasining” soʻzlari bilan almashtirilsin.

3. Vazirlar Mahkamasining 2019-yil 20-maydagi 295-son qarori bilan tasdiqlangan Oʻzbekiston Respublikasi Transport vazirligi huzuridagi Avtomobil yoʻllari qoʻmitasi toʻgʻrisidagi nizomning 11-bandida :

“a” kichik bandning beshinchi — sakkizinchi xatboshilaridagi “ruxsatnomalar” soʻzi “texnik shartlar” soʻzlari bilan almashtirilsin;

“b” kichik bandida :

beshinchi — yettinchi va oʻninchi xatboshilardagi “Iqtisodiy taraqqiyot va kambagʻallikni qisqartirish vazirligi hamda Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

sakkizinchi , toʻqqizinchi va oʻn birinchi xatboshilardagi “Moliya vazirligi” soʻzlari “Iqtisodiyot va moliya vazirligi” soʻzlari bilan almashtirilsin;

“v” kichik bandning beshinchi xatboshisidagi “Yer resurslari, geodeziya, kartografiya va davlat kadastri boʻyicha davlat qoʻmitasi” soʻzlari “Iqtisodiyot va moliya vazirligi huzuridagi Kadastr agentligi” soʻzlari bilan almashtirilsin.

4. Vazirlar Mahkamasining 2019-yil 21-noyabrdagi 924-son qarori bilan tasdiqlangan Oʻzbekiston Respublikasi Transport vazirligi huzuridagi Avtomobil yoʻllari qoʻmitasi faoliyatini rivojlantirish va qoʻllab-quvvatlash jamgʻarmasi toʻgʻrisidagi nizomning 8-bandi quyidagi mazmundagi xatboshilar bilan toʻldirilsin:

“Qoʻmita raisi stipendiyasi”ni taʼsis etish va toʻlash bilan bogʻliq chora-tadbirlarni moliyalashtirish;

Qoʻmitaning iqtisodiy nochor korxona va tashkilotlarini moliyaviy sogʻlomlashtirish, moddiy-texnik bazasini mustahkamlash hamda qoʻshimcha bajarilgan yoʻl ishlari (moliyaviy manbasi aniq boʻlmagan) natijasida yuzaga kelgan debitorlik qarzdorliklarini soʻndirish maqsadida qaytarib berish sharti bilan moliyaviy yordam berish”.

5. Vazirlar Mahkamasining “Hududlarda jamoat transporti infratuzilmasini rivojlantirishga doir qoʻshimcha chora-tadbirlar toʻgʻrisida” 2024-yil 14-noyabrdagi 757-son qarorida :

a) 3-bandining ikkinchi xatboshisidagi “Transport vazirligi huzuridagi Avtomobil yoʻllari qoʻmitasi faoliyatini rivojlantirish va qoʻllab-quvvatlash jamgʻarmasi” soʻzlari “Iqtisodiyot va moliya vazirligi huzuridagi Avtomobil yoʻllarini rivojlantirish maqsadli jamgʻarmasi” soʻzlari bilan almashtirilsin;

b) 1-ilovaning nomidagi “Transport vazirligi huzuridagi Avtomobil yoʻllari qoʻmitasi faoliyatini rivojlantirish va qoʻllab-quvvatlash jamgʻarmasi” soʻzlari “Iqtisodiyot va moliya vazirligi huzuridagi Avtomobil yoʻllarini rivojlantirish maqsadli jamgʻarmasi” soʻzlari bilan almashtirilsin.

Oʻzbekiston Respublikasining Bosh vaziri A. ARIPOV

Toshkent sh.,

2024-yil 30-dekabr,

901-son

(Qonunchilik maʼlumotlari milliy bazasi, 10.01.2025-y., 09/25/901/0019-son; 25.08.2026-y., 09/26/456/0870-son)

lex.uz