📅 2025-yil 10-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 10 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 10 января 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 10 January 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
СХЕМАСИ
Ўзбекистон Республикаси Ҳукуматининг айрим қарорларига қишлоқ хўжалигига мўлжалланган ер ресурсларидан самарали фойдаланиш ва ер ҳисобини юритишни мувофиқлаштиришни назарда тутувчи ўзгартириш ва қўшимчалар киритиш тўғрисида
Ўзбекистон Республикаси Президентининг «Ёшларга ер ажратиш орқали уларнинг даромадларини ошириш ва бандлигини таъминлаш, шунингдек, янги ер майдонларини ўзлаштириш чора-тадбирлари тўғрисида» 2024 йил 5 апрелдаги ПҚ-153-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартириш ва қўшимчалар киритилсин:
янгидан ўзлаштирилган ерлар тоифасига (турига) ўзгартириш киритиш муддатларини, масъулларнинг мажбурияти ва жавобгарлигини белгилаш;
қишлоқ хўжалигига мўлжалланган ва ўрмон фонди ерларининг ер фонди тоифасини ўзгартириш бўйича таклифларни ўрганишда вазирлик ва идораларнинг масъулияти ва жавобгарлигини белгилаш;
қишлоқ хўжалигига мўлжалланган ерларни ижарага бериш тартибини соддалаштириш.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Вазирлар Маҳкамасининг 2025 йил 10 январдаги 4-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётан ўзгартириш ва қўшимчалар
1. Вазирлар Маҳкамасининг «Қишлоқ хўжалигига мўлжалланган ер участкаларини ижарага бериш тартибига доир норматив-ҳуқуқий ҳужжатларни тасдиқлаш тўғрисида» 2021 йил 24 ноябрдаги 709-сон қарорида :
2-бандда :
иккинчи хатбошидаги «ҳамда кўриб чиқиш ва тасдиқлаш учун халқ депутатлари туман (шаҳар) Кенгашининг навбатдан ташқари сессиясига киритади» сўзлари чиқариб ташлансин;
учинчи хатбошидаги «киритилган лойиҳалар халқ депутатлари туман (шаҳар) Кенгаши томонидан маъқуллангандан сўнг,» сўзлари чиқариб ташлансин;
тўртинчи хатбошидаги «халқ депутатлари туман (шаҳар) Кенгаши томонидан тасдиқланган» сўзлари чиқариб ташлансин.
3. Вазирлар Маҳкамасининг 2023 йил 30 октябрдаги 578-сон қарори билан тасдиқланган Ер ресурсларининг ҳолати бўйича миллий ҳисоботни юритиш тартиби тўғрисидаги низомда :
а) 3-банд қуйидаги таҳрирда баён этилсин:
«Ер ресурсларининг ҳолати бўйича миллий ҳисобот ушбу Низомга 1-иловадаги схемага мувофиқ юритилади, янгидан ўзлаштирилган ерлар тоифасига (турига) ўзгартириш 1а-иловадаги схемага мувофиқ киритилади»;
б) қуйидаги мазмундаги 1а-илова билан тўлдирилсин:
«Ер ресурсларининг ҳолати бўйича миллий ҳисоботни юритиш тартиби тўғрисидаги низомга 1а-ИЛОВА
Янги ўзлаштирилган ерлар тоифасига (турига) ўзгартириш киритиш
Босқичлар Субъектлар Тадбирлар Бажариш муддатлари 1-босқич Туман (Қувасой шаҳар) ҳокимликлари 1. Янгидан ўзлаштирилган ерлар тоифасига (турига) ўзгартириш киритиш учун маълумотларни шакллантиради (туман (Қувасой шаҳар) комиссиясининг туман (Қувасой шаҳар) ҳокимлиги захирасидаги ер майдонларини янгидан ўзлаштирилиши бўйича далолатномаси). Йил давомида 2. Янгидан ўзлаштирилган ерлар тоифасига (турига) ўзгартириш киритиш учун маълумотларни Қорақалпоғистон Республикаси Вазирлар Кенгашига ва вилоятлар ҳокимликларига киритади. Янгидан ўзлаштирилган ерлар қабул қилингандан кейин уч иш куни ичида 2-босқич Қорақалпоғистон Республикаси Вазирлар Кенгаши, вилоятлар ҳокимликлари Туман (Қувасой шаҳар) ҳокимликларининг мурожаатига асосан янгидан ўзлаштирилган ва қишлоқ хўжалигига мўлжалланган ерлар бўйича хулоса олиш учун маълумотларни Қишлоқ хўжалиги вазирлигига юборади. Мурожаат келиб тушгандан кейин уч иш куни ичида 3-босқич Қишлоқ хўжалиги вазирлиги Қорақалпоғистон Республикаси Вазирлар Кенгаши, вилоятлар ҳокимликларининг мурожаатларига асосан янгидан ўзлаштирилган ва қишлоқ хўжалигига мўлжалланган ерлар бўйича жойида ўрганиш ўтказиб, хулоса тақдим этади. Мурожаат келиб тушгандан кейин ўн беш иш куни ичида 4-босқич Қорақалпоғистон Республикаси Вазирлар Кенгаши, вилоятлар ҳокимликлари 1. Қишлоқ хўжалиги вазирлиги хулосасини кўриб чиқади ва ижобий хулосага асосан янгидан ўзлаштирилган ерлар тоифасига (турига) ўзгартириш киритиш ҳақида «E-qaror» электрон тизими орқали қарор қабул қилади. 2. Қарорни «Yer hisobot» ААТга киритади. Уч иш куни ичида 5-босқич Давлат кадастрлари палатасининг туман ва шаҳар филиаллари Қорақалпоғистон Республикаси Вазирлар Кенгаши Раиси ва вилоятлар ҳокимларининг тегишли қарорига асосан қишлоқ хўжалигига мўлжалланган ерлар тоифасининг тегишли турига ўзгартириш юзасидан маълумотларни ер ресурсларининг ҳолати тўғрисидаги миллий ҳисоботга киритади. Ҳар йил якуни билан »;
в) 2-илованинг 10-шаклида :
12-устундаги «бўз ерлар» сўзлари «лалми экин ерлари» сўзлари билан алмаштирилсин;
13-устун чиқариб ташлансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 10 январь,
4-сон
Oʻzbekiston Respublikasi Vazirlar Mahkamasining
qarori
SXEMASI
Oʻzbekiston Respublikasi Hukumatining ayrim qarorlariga qishloq xoʻjaligiga moʻljallangan yer resurslaridan samarali foydalanish va yer hisobini yuritishni muvofiqlashtirishni nazarda tutuvchi oʻzgartirish va qoʻshimchalar kiritish toʻgʻrisida
Oʻzbekiston Respublikasi Prezidentining “Yoshlarga yer ajratish orqali ularning daromadlarini oshirish va bandligini taʼminlash, shuningdek, yangi yer maydonlarini oʻzlashtirish chora-tadbirlari toʻgʻrisida” 2024-yil 5-apreldagi PQ-153-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirish va qoʻshimchalar kiritilsin:
yangidan oʻzlashtirilgan yerlar toifasiga (turiga) oʻzgartirish kiritish muddatlarini, masʼullarning majburiyati va javobgarligini belgilash;
qishloq xoʻjaligiga moʻljallangan va oʻrmon fondi yerlarining yer fondi toifasini oʻzgartirish boʻyicha takliflarni oʻrganishda vazirlik va idoralarning masʼuliyati va javobgarligini belgilash;
qishloq xoʻjaligiga moʻljallangan yerlarni ijaraga berish tartibini soddalashtirish.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Vazirlar Mahkamasining 2025-yil 10-yanvardagi 4-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotan oʻzgartirish va qoʻshimchalar
1. Vazirlar Mahkamasining “Qishloq xoʻjaligiga moʻljallangan yer uchastkalarini ijaraga berish tartibiga doir normativ-huquqiy hujjatlarni tasdiqlash toʻgʻrisida” 2021-yil 24-noyabrdagi 709-son qarorida :
2-bandda :
ikkinchi xatboshidagi “hamda koʻrib chiqish va tasdiqlash uchun xalq deputatlari tuman (shahar) Kengashining navbatdan tashqari sessiyasiga kiritadi” soʻzlari chiqarib tashlansin;
uchinchi xatboshidagi “kiritilgan loyihalar xalq deputatlari tuman (shahar) Kengashi tomonidan maʼqullangandan soʻng,” soʻzlari chiqarib tashlansin;
toʻrtinchi xatboshidagi “xalq deputatlari tuman (shahar) Kengashi tomonidan tasdiqlangan” soʻzlari chiqarib tashlansin.
3. Vazirlar Mahkamasining 2023-yil 30-oktabrdagi 578-son qarori bilan tasdiqlangan Yer resurslarining holati boʻyicha milliy hisobotni yuritish tartibi toʻgʻrisidagi nizomda :
a) 3-band quyidagi tahrirda bayon etilsin:
“Yer resurslarining holati boʻyicha milliy hisobot ushbu Nizomga 1-ilovadagi sxemaga muvofiq yuritiladi, yangidan oʻzlashtirilgan yerlar toifasiga (turiga) oʻzgartirish 1a-ilovadagi sxemaga muvofiq kiritiladi”;
b) quyidagi mazmundagi 1a-ilova bilan toʻldirilsin:
“Yer resurslarining holati boʻyicha milliy hisobotni yuritish tartibi toʻgʻrisidagi nizomga 1a-ILOVA
Yangi oʻzlashtirilgan yerlar toifasiga (turiga) oʻzgartirish kiritish
Bosqichlar Subyektlar Tadbirlar Bajarish muddatlari 1-bosqich Tuman (Quvasoy shahar) hokimliklari 1. Yangidan oʻzlashtirilgan yerlar toifasiga (turiga) oʻzgartirish kiritish uchun maʼlumotlarni shakllantiradi (tuman (Quvasoy shahar) komissiyasining tuman (Quvasoy shahar) hokimligi zaxirasidagi yer maydonlarini yangidan oʻzlashtirilishi boʻyicha dalolatnomasi). Yil davomida 2. Yangidan oʻzlashtirilgan yerlar toifasiga (turiga) oʻzgartirish kiritish uchun maʼlumotlarni Qoraqalpogʻiston Respublikasi Vazirlar Kengashiga va viloyatlar hokimliklariga kiritadi. Yangidan oʻzlashtirilgan yerlar qabul qilingandan keyin uch ish kuni ichida 2-bosqich Qoraqalpogʻiston Respublikasi Vazirlar Kengashi, viloyatlar hokimliklari Tuman (Quvasoy shahar) hokimliklarining murojaatiga asosan yangidan oʻzlashtirilgan va qishloq xoʻjaligiga moʻljallangan yerlar boʻyicha xulosa olish uchun maʼlumotlarni Qishloq xoʻjaligi vazirligiga yuboradi. Murojaat kelib tushgandan keyin uch ish kuni ichida 3-bosqich Qishloq xoʻjaligi vazirligi Qoraqalpogʻiston Respublikasi Vazirlar Kengashi, viloyatlar hokimliklarining murojaatlariga asosan yangidan oʻzlashtirilgan va qishloq xoʻjaligiga moʻljallangan yerlar boʻyicha joyida oʻrganish oʻtkazib, xulosa taqdim etadi. Murojaat kelib tushgandan keyin oʻn besh ish kuni ichida 4-bosqich Qoraqalpogʻiston Respublikasi Vazirlar Kengashi, viloyatlar hokimliklari 1. Qishloq xoʻjaligi vazirligi xulosasini koʻrib chiqadi va ijobiy xulosaga asosan yangidan oʻzlashtirilgan yerlar toifasiga (turiga) oʻzgartirish kiritish haqida “E-qaror” elektron tizimi orqali qaror qabul qiladi. 2. Qarorni “Yer hisobot” AATga kiritadi. Uch ish kuni ichida 5-bosqich Davlat kadastrlari palatasining tuman va shahar filiallari Qoraqalpogʻiston Respublikasi Vazirlar Kengashi Raisi va viloyatlar hokimlarining tegishli qaroriga asosan qishloq xoʻjaligiga moʻljallangan yerlar toifasining tegishli turiga oʻzgartirish yuzasidan maʼlumotlarni yer resurslarining holati toʻgʻrisidagi milliy hisobotga kiritadi. Har yil yakuni bilan ”;
v) 2-ilovaning 10-shaklida :
12-ustundagi “boʻz yerlar” soʻzlari “lalmi ekin yerlari” soʻzlari bilan almashtirilsin;
13-ustun chiqarib tashlansin.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 10-yanvar,
4-son