📅 2025-yil 13-yanvar · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 13 январь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 13 января 2025 г. · Законы и кодексы
Официальный текст. Официальный документ. Редакционные примечания не включены.
📅 13 January 2025 · Laws and codes
Official text. Official document. Editorial notes are not included.
Ўзбекистон Республикасининг Қонуни
«Давлат божи тўғрисида»ги Ўзбекистон Республикаси Қонунига қўшимчалар ва ўзгартириш киритиш ҳақида
Қонунчилик палатаси томонидан 2024 йил 17 сентябрда қабул қилинган Сенат томонидан 2024 йил 21 декабрда маъқулланган
Кейинги йилларда тадбиркорлик субъектлари ва бошқа юридик шахслар учун қўшимча қулайликлар яратишга, улар фаолиятининг ҳуқуқий асосларини такомиллаштиришга, шунингдек суғурта хизматлари истеъмолчиларининг ҳуқуқлари ва қонуний манфаатларини ҳимоя қилишга қаратилган ислоҳотлар амалга оширилмоқда.
Шу билан бирга тадбиркорлик субъектлари ва бошқа юридик шахслар маъмурий-ҳудудий бирликларнинг чегаралари ўзгартирилиши ёки янги маъмурий-ҳудудий бирликлар тузилиши натижасида қайта давлат рўйхатидан ўтказганлик учун давлат божини тўлашга мажбур бўлмоқда ва бу уларнинг фаолиятида қўшимча харажатларга олиб келмоқда. Бундан ташқари суғурта қилдирувчилар томонидан мажбурий суғурта шартномаларидан келиб чиқадиган даъволар билан судларга мурожаат қилинганда улардан давлат божи ундирилиши қўшимча молиявий харажатларга олиб келмоқда.
Ушбу Қонун билан «Давлат божи тўғрисида»ги Ўзбекистон Республикаси Қонунига маъмурий-ҳудудий бирликлар тузилганлиги ёки тугатилганлиги, уларнинг чегаралари ёки бўйсунуви ўзгартирилганлиги натижасида тадбиркорлик субъектларининг ва бошқа юридик шахсларнинг жойлашган ери (почта манзили) ўзгарганда улар қайта давлат рўйхатидан ўтказганлик учун давлат божини тўлашдан озод этилишини, шунингдек суғурта қилдирувчилар мажбурий суғурта шартномаларидан келиб чиқадиган даъволар юзасидан давлат божини тўлашдан озод этилишини назарда тутувчи қўшимчалар киритилмоқда.
Ушбу Қонун тадбиркорлик субъектларининг ва бошқа юридик шахсларнинг қонуний манфаатларини ҳимоя қилишнинг ҳуқуқий чораларини кучайтиришга, уларнинг фаолиятида ортиқча харажатларнинг олдини олишга, шунингдек суғурта хизматлари истеъмолчиларининг ҳуқуқлари ва қонуний манфаатларини ҳимоя қилиш учун қулай шарт-шароитлар яратишга хизмат қилади.
1-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 103-модда, № 3, 186-модда, № 4, 265, 269-моддалар, № 6, 444, 445-моддалар, № 7, 538-модда, № 9, 710-модда; 2024 йил, № 1, 5, 6, 7-моддалар, № 2, 101, 105, 107, 108, 111, 112-моддалар, № 7, 628-модда, № 8, 819, 823, 831-моддалар) қуйидаги қўшимчалар ва ўзгартириш киритилсин:
1) 8-модданинг биринчи қисми қуйидаги мазмундаги 22 1 -банд билан тўлдирилсин:
«22 1 ) суғурта қилдирувчилар (суғурталанган шахслар, наф олувчилар, жабрланувчилар) — мажбурий суғурта шартномаларидан келиб чиқадиган даъволар юзасидан»;
2) 9-модданинг биринчи қисми қуйидаги мазмундаги 6 1 -банд билан тўлдирилсин:
«6 1 ) суғурта қилдирувчилар (суғурталанган шахслар, наф олувчилар, жабрланувчилар) — мажбурий суғурта шартномаларидан келиб чиқадиган даъволар юзасидан»;
3) 15-модда :
қуйидаги мазмундаги учинчи қисм билан тўлдирилсин:
«Маъмурий-ҳудудий бирликлар тузилганлиги ёки тугатилганлиги, уларнинг чегаралари ёки бўйсунуви ўзгарганлиги натижасида тадбиркорлик субъектларининг ва бошқа юридик шахсларнинг жойлашган ери (почта манзили) ўзгарганда уларни қайта давлат рўйхатидан ўтказганлик учун давлат божи ундирилмайди»;
учинчи — еттинчи қисмлари тегишинча тўртинчи — саккизинчи қисмлар деб ҳисоблансин.
2-модда. Ўзбекистон Республикаси Адлия вазирлиги, Истиқболли лойиҳалар миллий агентлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамиятини аҳоли ўртасида тушунтирилишини таъминласин.
3-модда. Ўзбекистон Республикаси Вазирлар Маҳкамаси:
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
4-модда. Ушбу Қонун расмий эълон қилинган кундан эътиборан кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2025 йил 13 январь,
ЎРҚ-1018-сон
Oʻzbekiston Respublikasining Qonuni
“Davlat boji toʻgʻrisida”gi Oʻzbekiston Respublikasi Qonuniga qoʻshimchalar va oʻzgartirish kiritish haqida
Qonunchilik palatasi tomonidan 2024-yil 17-sentabrda qabul qilingan Senat tomonidan 2024-yil 21-dekabrda maʼqullangan
Keyingi yillarda tadbirkorlik subyektlari va boshqa yuridik shaxslar uchun qoʻshimcha qulayliklar yaratishga, ular faoliyatining huquqiy asoslarini takomillashtirishga, shuningdek sugʻurta xizmatlari isteʼmolchilarining huquqlari va qonuniy manfaatlarini himoya qilishga qaratilgan islohotlar amalga oshirilmoqda.
Shu bilan birga tadbirkorlik subyektlari va boshqa yuridik shaxslar maʼmuriy-hududiy birliklarning chegaralari oʻzgartirilishi yoki yangi maʼmuriy-hududiy birliklar tuzilishi natijasida qayta davlat roʻyxatidan oʻtkazganlik uchun davlat bojini toʻlashga majbur boʻlmoqda va bu ularning faoliyatida qoʻshimcha xarajatlarga olib kelmoqda. Bundan tashqari sugʻurta qildiruvchilar tomonidan majburiy sugʻurta shartnomalaridan kelib chiqadigan daʼvolar bilan sudlarga murojaat qilinganda ulardan davlat boji undirilishi qoʻshimcha moliyaviy xarajatlarga olib kelmoqda.
Ushbu Qonun bilan “Davlat boji toʻgʻrisida”gi Oʻzbekiston Respublikasi Qonuniga maʼmuriy-hududiy birliklar tuzilganligi yoki tugatilganligi, ularning chegaralari yoki boʻysunuvi oʻzgartirilganligi natijasida tadbirkorlik subyektlarining va boshqa yuridik shaxslarning joylashgan yeri (pochta manzili) oʻzgarganda ular qayta davlat roʻyxatidan oʻtkazganlik uchun davlat bojini toʻlashdan ozod etilishini, shuningdek sugʻurta qildiruvchilar majburiy sugʻurta shartnomalaridan kelib chiqadigan daʼvolar yuzasidan davlat bojini toʻlashdan ozod etilishini nazarda tutuvchi qoʻshimchalar kiritilmoqda.
Ushbu Qonun tadbirkorlik subyektlarining va boshqa yuridik shaxslarning qonuniy manfaatlarini himoya qilishning huquqiy choralarini kuchaytirishga, ularning faoliyatida ortiqcha xarajatlarning oldini olishga, shuningdek sugʻurta xizmatlari isteʼmolchilarining huquqlari va qonuniy manfaatlarini himoya qilish uchun qulay shart-sharoitlar yaratishga xizmat qiladi.
1-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda, № 9, 710-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112-moddalar, № 7, 628-modda, № 8, 819, 823, 831-moddalar) quyidagi qoʻshimchalar va oʻzgartirish kiritilsin:
1) 8-moddaning birinchi qismi quyidagi mazmundagi 22 1 -band bilan toʻldirilsin:
“22 1 ) sugʻurta qildiruvchilar (sugʻurtalangan shaxslar, naf oluvchilar, jabrlanuvchilar) — majburiy sugʻurta shartnomalaridan kelib chiqadigan daʼvolar yuzasidan”;
2) 9-moddaning birinchi qismi quyidagi mazmundagi 6 1 -band bilan toʻldirilsin:
“6 1 ) sugʻurta qildiruvchilar (sugʻurtalangan shaxslar, naf oluvchilar, jabrlanuvchilar) — majburiy sugʻurta shartnomalaridan kelib chiqadigan daʼvolar yuzasidan”;
3) 15-modda :
quyidagi mazmundagi uchinchi qism bilan toʻldirilsin:
“Maʼmuriy-hududiy birliklar tuzilganligi yoki tugatilganligi, ularning chegaralari yoki boʻysunuvi oʻzgarganligi natijasida tadbirkorlik subyektlarining va boshqa yuridik shaxslarning joylashgan yeri (pochta manzili) oʻzgarganda ularni qayta davlat roʻyxatidan oʻtkazganlik uchun davlat boji undirilmaydi”;
uchinchi — yettinchi qismlari tegishincha toʻrtinchi — sakkizinchi qismlar deb hisoblansin.
2-modda. Oʻzbekiston Respublikasi Adliya vazirligi, Istiqbolli loyihalar milliy agentligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyatini aholi oʻrtasida tushuntirilishini taʼminlasin.
3-modda. Oʻzbekiston Respublikasi Vazirlar Mahkamasi:
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
4-modda. Ushbu Qonun rasmiy eʼlon qilingan kundan eʼtiboran kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2025-yil 13-yanvar,
OʻRQ-1018-son
Закон Республики Узбекистан
О внесении дополнений и изменения в Закон Республики Узбекистан «О государственной пошлине»
Принят Законодательной палатой 17 сентября 2024 года Одобрен Сенатом 21 декабря 2024 года
В последние годы реализуются реформы, направленные на создание дополнительных удобств для субъектов предпринимательства и иных юридических лиц, совершенствование правовых основ их деятельности, а также защиту прав и законных интересов потребителей страховых услуг.
Вместе с тем в результате изменения границ административно-территориальных единиц или образования новых административно-территориальных единиц субъекты предпринимательства и иные юридические лица вынуждены уплачивать государственную пошлину за государственную перерегистрацию, что приводит к дополнительным издержкам в их деятельности. Кроме того, при обращении страхователей в суды с исками, вытекающими из договоров обязательного страхования, взыскание с них государственной пошлины приводит к дополнительным финансовым затратам.
Настоящим Законом в Закон Республики Узбекистан «О государственной пошлине» вносятся дополнения, предусматривающие освобождение субъектов предпринимательства и иных юридических лиц от уплаты государственной пошлины за государственную перерегистрацию при изменении их местонахождения (почтового адреса) в результате образования или упразднения административно-территориальных единиц, изменения их границ или подчиненности, а также освобождение страхователей от уплаты государственной пошлины по искам, вытекающим из договоров обязательного страхования.
Настоящий Закон послужит усилению правовых мер защиты законных интересов субъектов предпринимательства и иных юридических лиц, предотвращению излишних затрат в их деятельности, а также созданию благоприятных условий для защиты прав и законных интересов потребителей страховых услуг.
Статья 1. Внести в Закон Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст. 463, 464, 467, № 12, ст. 1186; 2023 г., № 2, ст. 103, № 3, ст. 186, № 4, ст.ст. 265, 269, № 6, ст.ст. 444, 445, № 7, ст. 538, № 9, ст. 710; 2024 г., № 1, ст.ст. 5, 6, 7, № 2, ст.ст. 101, 105, 107, 108, 111, 112, № 7, ст. 628, № 8, ст.ст. 819, 823, 831) следующие дополнения и изменение:
1) часть первую статьи 8 дополнить пунктом 22 1 следующего содержания:
«22 1 ) страхователи (застрахованные лица, выгодоприобретатели, потерпевшие) — по искам, вытекающим из договоров обязательного страхования»;
2) часть первую статьи 9 дополнить пунктом 6 1 следующего содержания:
«6 1 ) страхователи (застрахованные лица, выгодоприобретатели, потерпевшие) — по искам, вытекающим из договоров обязательного страхования»;
3) в статье 15 :
дополнить частью третьей следующего содержания:
«При изменении местонахождения (почтового адреса) субъектов предпринимательства и иных юридических лиц в результате образования или упразднения административно-территориальных единиц, изменения их границ или подчиненности государственная пошлина за их государственную перерегистрацию не взимается»;
части третью — седьмую считать соответственно частями четвертой — восьмой.
Статья 2. Министерству юстиции, Национальному агентству перспективных проектов Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 3. Кабинету Министров Республики Узбекистан:
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 4. Настоящий Закон вступает в силу со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
13 января 2025 г.,
№ ЗРУ-1018