UzbekAI

Ўзбекистон Республикаси Президентининг

қарори

Халқаро шартномаларни тасдиқлаш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:

1. 2024 йил 24 июнь куни Тошкент шаҳрида имзоланган:

Ўзбекистон Республикаси Ҳукумати билан Мўғулистон Ҳукумати ўртасида халқаро автомобиль қатнови тўғрисидаги Битим;

Ўзбекистон Республикаси Ҳукумати билан Мўғулистон Ҳукумати ўртасида ҳаво қатнови тўғрисидаги Битим тасдиқлансин.

2. Транспорт вазирлиги ушбу халқаро шартномаларни амалга ошириш учун масъул бўлган ваколатли орган этиб белгилансин.

3. Ташқи ишлар вазирлиги мазкур халқаро шартномаларнинг кучга кириши учун Ўзбекистон Республикаси томонидан зарур бўлган давлат ички тартиб-таомиллари бажарилганлиги ҳамда уларни амалга ошириш учун масъул бўлган ваколатли орган тўғрисида Мўғулистон томонига тегишли билдиришномани юборсин.

4. Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартномалар кучга кирганидан кейин белгиланган тартибда уларнинг қоидалари амалга оширилиши устидан назоратни таъминласин.

5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 13 январь,

ПҚ-6-сон

(Қонунчилик маълумотлари миллий базаси, 15.01.2025 й., 06/25/6/0034-сон)

lex.uz

Oʻzbekiston Respublikasi Prezidentining

qarori

Xalqaro shartnomalarni tasdiqlash toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:

1. 2024-yil 24-iyun kuni Toshkent shahrida imzolangan:

Oʻzbekiston Respublikasi Hukumati bilan Moʻgʻuliston Hukumati oʻrtasida xalqaro avtomobil qatnovi toʻgʻrisidagi Bitim;

Oʻzbekiston Respublikasi Hukumati bilan Moʻgʻuliston Hukumati oʻrtasida havo qatnovi toʻgʻrisidagi Bitim tasdiqlansin.

2. Transport vazirligi ushbu xalqaro shartnomalarni amalga oshirish uchun masʼul boʻlgan vakolatli organ etib belgilansin.

3. Tashqi ishlar vazirligi mazkur xalqaro shartnomalarning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi hamda ularni amalga oshirish uchun masʼul boʻlgan vakolatli organ toʻgʻrisida Moʻgʻuliston tomoniga tegishli bildirishnomani yuborsin.

4. Vazirlar Mahkamasi hamda tegishli vazirlik va idoralarning rahbarlari ushbu xalqaro shartnomalar kuchga kirganidan keyin belgilangan tartibda ularning qoidalari amalga oshirilishi ustidan nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 13-yanvar,

PQ-6-son

(Qonunchilik maʼlumotlari milliy bazasi, 15.01.2025-y., 06/25/6/0034-son)

lex.uz

Президента Республики Узбекистан

Постановление

Об утверждении международных договоров

В соответствии со статьей 22 Закона Республики Узбекистан «О международных договорах Республики Узбекистан»:

1. Утвердить подписанные 24 июня 2024 года в городе Ташкенте:

Соглашение между Правительством Республики Узбекистан и Правительством Монголии о международном автомобильном сообщении;

Соглашение между Правительством Республики Узбекистан и Правительством Монголии о воздушном сообщении.

2. Определить Министерство транспорта компетентным органом, ответственным за реализацию данных международных договоров.

3. Министерству иностранных дел направить монгольской стороне соответствующее уведомление о выполнении Республикой Узбекистан внутригосударственных процедур, необходимых для вступления в силу данных международных договоров, а также о компетентном органе, ответственном за их реализацию.

4. Кабинету Министров и руководителям соответствующих министерств и ведомств после вступления в силу данных международных договоров в установленном порядке обеспечить контроль за реализацией их положений.

5. Контроль за исполнением настоящего постановления возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

13 января 2025 г.,

№ ПП-6

(Национальная база данных законодательства, 15.01.2025 г., № 06/25/6/0034)

lex.uz