📅 2025-yil 4-yanvar · Vazirlik va idoralar hujjatlari · Raqamli texnologiyalar vaziri
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 4 январь · Вазирлик ва идоралар ҳужжатлари · Рақамли технологиялар вазири
Расмий матн. Расмий ҳужжат. Таҳририй изоҳлар киритилмаган.
📅 4 января 2025 г. · Документы министерств и ведомств · Министр цифровых технологий
Официальный текст. Официальный документ. Редакционные примечания не включены.
📅 4 January 2025 · Ministry and agency documents · Raqamli texnologiyalar vaziri
Official text. Official document. Editorial notes are not included.
Ўзбекистон Республикаси рақамли технологиялар вазирининг
буйруғи
Почта алоқасида франкирлаш машинасидан фойдаланиш тартиби тўғрисидаги низомга ўзгартиришлар киритиш ҳақида
Ўзбекистон Республикасининг «Почта алоқаси тўғрисида»ги Қонунига мувофиқ буюраман:
1. Ўзбекистон алоқа ва ахборотлаштириш агентлиги бош директорининг 2009 йил 25 августдаги 266-сон буйруғи (рўйхат рақами 2008, 2009 йил 19 сентябрь) (Ўзбекистон Республикаси қонун ҳужжатлари тўплами, 2009 й., 39-сон, 426-модда) билан тасдиқланган Почта алоқасида франкирлаш машинасидан фойдаланиш тартиби тўғрисида низомга иловага мувофиқ ўзгартиришлар киритилсин.
2. Мазкур буйруқ Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси билан келишилган.
3. Мазкур буйруқ расмий эълон қилинган кундан эътиборан кучга киради.
Келишилди:
Ўзбекистон Республикаси рақамли технологиялар вазирининг 2025 йил 4 январдаги 276-мҳ-сон буйруғига ИЛОВА
Почта алоқасида франкирлаш машинасидан фойдаланиш тартиби тўғрисидаги низомга киритилаётган ўзгартиришлар
1. 2-банд қуйидаги таҳрирда баён этилсин:
«2. Франкирлаш машиналаридан почта алоқаси миллий операторининг (бундан буён матнда миллий оператор деб юритилади) филиаллари, почта алоқаси объектлари ёзма-хат-хабарларни қабул қилишда, шунингдек почта алоқаси фойдаланувчилари (бундан буён матнда фойдаланувчилар деб юритилади) (фақат юридик шахслар) шартнома асосида миллий операторнинг филиаллари, почта алоқаси объектлари (почта алоқаси боғламалари, почтамтлар)нинг бевосита назорати остида фойдаланиши мумкин.».
2. 3-банднинг «в» кичик банди қуйидаги таҳрирда баён этилсин:
«в) ёзма хат-хабарларни қабул қилишни амалга оширадиган миллий операторнинг филиали (бундан буён матнда филиал деб юритилади) ёки почта алоқаси объектининг номи ва қабул қилиш санаси бўлган тақвим штемпел тамғаси;».
3. 4-бандда :
биринчи хатбошидаги «Ўзбекистон почтаси» ОАЖнинг» деган сўзлар «миллий операторнинг» деган сўзлар билан алмаштирилсин;
иккинчи хатбошидаги «Ўзбекистон почтаси» ОАЖ» деган сўзлар «миллий оператор» деган сўзлар билан алмаштирилсин.
4. 5-банддаги «Ўзбекистон почтаси» ОАЖ» деган сўзлар «миллий оператор» деган сўзлар билан алмаштирилсин.
5. 6-банд қуйидаги таҳрирда баён этилсин:
«6. Ёзма хат-хабарларни қабул қилиш учун филиаллар, почта алоқаси объектлари томонидан фойдаланиладиган франкирлаш машиналари манзил тамғаси ўрнига миллий оператор логотипига эга бўлиши мумкин.».
6. 7-банд ва 11-бандларнинг биринчи хатбошиларидаги «Почта алоқасининг ҳудудий ташкилоти» деган сўзлар «Филиал» деган сўз билан алмаштирилсин.
7. 9-банд қуйидаги таҳрирда баён этилсин:
«9. Франкирлаш машиналаридан фойдаланишга, улар рўйхатга олинганидан ҳамда филиал ёки почта алоқаси объекти (почта алоқаси боғламаси, почтамт) билан шартнома тузилганидан кейин йўл қўйилади. Франкирлаш машиналарининг мулкдори ҳисобланган филиаллар ва почта алоқаси объектлари (почта алоқаси боғламалари, почтамтлар) учун шартнома тузиш талаб этилмайди.».
8. 10-банддаги «почта алоқасининг ҳудудий ташкилотлари» деган сўзлар «филиаллар» деган сўз билан алмаштирилсин.
9. 13 , 16 — 21-бандлар ва 2-иловадаги «почта алоқасининг ҳудудий ташкилоти» деган сўзлар «филиал» деган сўз билан алмаштирилсин.
10. 14-банд қуйидаги таҳрирда баён этилсин:
«14. Миллий оператор томонидан франкирлаш машиналари ижарага берилган тақдирда, машинадан фойдаланиш учун шартнома филиал ёки почта алоқаси объекти (почта алоқаси боғламаси, почтамт) ва ижарачи (фойдаланувчи) ўртасида тузилади. Бунда фойдаланувчи, унинг почта манзили тамғасини тайёрлаш учун буюртма бериши керак.».
11. 15-банднинг биринчи хатбошиси қуйидаги таҳрирда баён этилсин:
«15. Филиал ёки почта алоқаси объекти (почта алоқаси боғламаси, почтамт) вакили томонидан фойдаланувчининг вакили иштирокида миллий оператор тақвим штемпели ва тамғаси франкирлаш машинасига қўйилади. Бунда, франкирлаш машинаси ҳисоблагичининг кўрсаткичлари қайд этилади.».
12. 1-илова мазкур ўзгартиришларнинг иловасига мувофиқ таҳрирда баён этилсин.
Почта алоқасида франкирлаш машинасидан фойдаланиш тартиби тўғрисидаги низомга киритилаётган ўзгартиришларга ИЛОВА
«Почта алоқасида франкирлаш машинасидан фойдаланиш тартиби тўғрисидаги низомга 1-ИЛОВА
Рўйхатга олиш варақчасининг намунаси ___________________________________________________________________________ ____-сон Рўйхатга олиш варақчаси ____________________________________________________________________________ (машина типи, тайёрловчи-завод) Завод (серия, ҳисобга олиш) номери _________ Чиқарилган сана _____________________ __ Мувофиқлик сертификати ______________________________________________________ __ (сертификат рақами) 1. Франкирлаш машинаси фойдаланувчисининг реквизитлари Фойдаланувчининг номи ______________________________________________________ __ Почта манзили _______________________________________________________________ __ _____________________________________ Телефон _______________________________ __ Банк реквизитлари ____________________________________________________________ __ Франкирлаш машинасидан фойдаланиш учун масъул ходим _______________________________________________________________________ ________ _______________________________________________________________________ ________ Раҳбар имзоси ___________________________________ 2. Филиал ёки почта алоқаси объекти (почта алоқаси боғламаси, почтамт) реквизитлари Филиал ёки почта алоқаси объекти (почта алоқаси боғламаси, почтамт) номи ____________ _______________________________________________________________ ________________ Почта манзили __________________________________________________ _______________ _______________________________________________________________________ ________ Франкирлаш машинасидан фойдаланиш учун филиал ёки почта алоқаси объекти (почта алоқаси боғламаси, почтамт) масъул ходими ________________________________________ Фойдаланиш учун шартнома 20_ _ _ йил «_ _ __» __________ даги ___ _ __-сон Фойдаланишга киритиш санаси _______________________ ________________ ____________ Филиал ёки почта алоқаси объекти (почта алоқаси боғламаси, почтамт) раҳбарининг имзоси ______________________________________________________________________________ ».
Вазирнинг биринчи ўринбосари О. ПЕКОС
Рақобатни ривожлантириш ва истеъмолчилар ҳуқуқларини ҳимоя қилиш қўмитаси раиси Ҳ. ТУРАХУЖАЕВ
Тошкент ш.,
2025 йил 4 январь,
2024 йил 6 декабрь
276-мҳ-сон
Oʻzbekiston Respublikasi raqamli texnologiyalar vazirining
buyrugʻi
Pochta aloqasida frankirlash mashinasidan foydalanish tartibi toʻgʻrisidagi nizomga oʻzgartirishlar kiritish haqida
Oʻzbekiston Respublikasining “Pochta aloqasi toʻgʻrisida”gi Qonuniga muvofiq buyuraman:
1. Oʻzbekiston aloqa va axborotlashtirish agentligi bosh direktorining 2009-yil 25-avgustdagi 266-son buyrugʻi (roʻyxat raqami 2008, 2009-yil 19-sentabr) (Oʻzbekiston Respublikasi qonun hujjatlari toʻplami, 2009-y., 39-son, 426-modda) bilan tasdiqlangan Pochta aloqasida frankirlash mashinasidan foydalanish tartibi toʻgʻrisida nizomga ilovaga muvofiq oʻzgartirishlar kiritilsin.
2. Mazkur buyruq Oʻzbekiston Respublikasi Raqobatni rivojlantirish va isteʼmolchilar huquqlarini himoya qilish qoʻmitasi bilan kelishilgan.
3. Mazkur buyruq rasmiy eʼlon qilingan kundan eʼtiboran kuchga kiradi.
Kelishildi:
Oʻzbekiston Respublikasi raqamli texnologiyalar vazirining 2025-yil 4-yanvardagi 276-mh-son buyrugʻiga ILOVA
Pochta aloqasida frankirlash mashinasidan foydalanish tartibi toʻgʻrisidagi nizomga kiritilayotgan oʻzgartirishlar
1. 2-band quyidagi tahrirda bayon etilsin:
“2. Frankirlash mashinalaridan pochta aloqasi milliy operatorining (bundan buyon matnda milliy operator deb yuritiladi) filiallari, pochta aloqasi obyektlari yozma-xat-xabarlarni qabul qilishda, shuningdek pochta aloqasi foydalanuvchilari (bundan buyon matnda foydalanuvchilar deb yuritiladi) (faqat yuridik shaxslar) shartnoma asosida milliy operatorning filiallari, pochta aloqasi obyektlari (pochta aloqasi bogʻlamalari, pochtamtlar)ning bevosita nazorati ostida foydalanishi mumkin.”.
2. 3-bandning “v” kichik bandi quyidagi tahrirda bayon etilsin:
“v) yozma xat-xabarlarni qabul qilishni amalga oshiradigan milliy operatorning filiali (bundan buyon matnda filial deb yuritiladi) yoki pochta aloqasi obyektining nomi va qabul qilish sanasi boʻlgan taqvim shtempel tamgʻasi;”.
3. 4-bandda :
birinchi xatboshidagi “Oʻzbekiston pochtasi” OAJning” degan soʻzlar “milliy operatorning” degan soʻzlar bilan almashtirilsin;
ikkinchi xatboshidagi “Oʻzbekiston pochtasi” OAJ” degan soʻzlar “milliy operator” degan soʻzlar bilan almashtirilsin.
4. 5-banddagi “Oʻzbekiston pochtasi” OAJ” degan soʻzlar “milliy operator” degan soʻzlar bilan almashtirilsin.
5. 6-band quyidagi tahrirda bayon etilsin:
“6. Yozma xat-xabarlarni qabul qilish uchun filiallar, pochta aloqasi obyektlari tomonidan foydalaniladigan frankirlash mashinalari manzil tamgʻasi oʻrniga milliy operator logotipiga ega boʻlishi mumkin.”.
6. 7-band va 11-bandlarning birinchi xatboshilaridagi “Pochta aloqasining hududiy tashkiloti” degan soʻzlar “Filial” degan soʻz bilan almashtirilsin.
7. 9-band quyidagi tahrirda bayon etilsin:
“9. Frankirlash mashinalaridan foydalanishga, ular roʻyxatga olinganidan hamda filial yoki pochta aloqasi obyekti (pochta aloqasi bogʻlamasi, pochtamt) bilan shartnoma tuzilganidan keyin yoʻl qoʻyiladi. Frankirlash mashinalarining mulkdori hisoblangan filiallar va pochta aloqasi obyektlari (pochta aloqasi bogʻlamalari, pochtamtlar) uchun shartnoma tuzish talab etilmaydi.”.
8. 10-banddagi “pochta aloqasining hududiy tashkilotlari” degan soʻzlar “filiallar” degan soʻz bilan almashtirilsin.
9. 13 , 16 — 21-bandlar va 2-ilovadagi “pochta aloqasining hududiy tashkiloti” degan soʻzlar “filial” degan soʻz bilan almashtirilsin.
10. 14-band quyidagi tahrirda bayon etilsin:
“14. Milliy operator tomonidan frankirlash mashinalari ijaraga berilgan taqdirda, mashinadan foydalanish uchun shartnoma filial yoki pochta aloqasi obyekti (pochta aloqasi bogʻlamasi, pochtamt) va ijarachi (foydalanuvchi) oʻrtasida tuziladi. Bunda foydalanuvchi, uning pochta manzili tamgʻasini tayyorlash uchun buyurtma berishi kerak.”.
11. 15-bandning birinchi xatboshisi quyidagi tahrirda bayon etilsin:
“15. Filial yoki pochta aloqasi obyekti (pochta aloqasi bogʻlamasi, pochtamt) vakili tomonidan foydalanuvchining vakili ishtirokida milliy operator taqvim shtempeli va tamgʻasi frankirlash mashinasiga qoʻyiladi. Bunda, frankirlash mashinasi hisoblagichining koʻrsatkichlari qayd etiladi.”.
12. 1-ilova mazkur oʻzgartirishlarning ilovasiga muvofiq tahrirda bayon etilsin.
Pochta aloqasida frankirlash mashinasidan foydalanish tartibi toʻgʻrisidagi nizomga kiritilayotgan oʻzgartirishlarga ILOVA
“Pochta aloqasida frankirlash mashinasidan foydalanish tartibi toʻgʻrisidagi nizomga 1-ILOVA
Roʻyxatga olish varaqchasining namunasi ___________________________________________________________________________ ____-son Roʻyxatga olish varaqchasi ____________________________________________________________________________ (mashina tipi, tayyorlovchi-zavod) Zavod (seriya, hisobga olish) nomeri _________ Chiqarilgan sana _____________________ __ Muvofiqlik sertifikati ______________________________________________________ __ (sertifikat raqami) 1. Frankirlash mashinasi foydalanuvchisining rekvizitlari Foydalanuvchining nomi ______________________________________________________ __ Pochta manzili _______________________________________________________________ __ _____________________________________ Telefon _______________________________ __ Bank rekvizitlari ____________________________________________________________ __ Frankirlash mashinasidan foydalanish uchun masʼul xodim _______________________________________________________________________ ________ _______________________________________________________________________ ________ Rahbar imzosi ___________________________________ 2. Filial yoki pochta aloqasi obyekti (pochta aloqasi bogʻlamasi, pochtamt) rekvizitlari Filial yoki pochta aloqasi obyekti (pochta aloqasi bogʻlamasi, pochtamt) nomi ____________ _______________________________________________________________ ________________ Pochta manzili __________________________________________________ _______________ _______________________________________________________________________ ________ Frankirlash mashinasidan foydalanish uchun filial yoki pochta aloqasi obyekti (pochta aloqasi bogʻlamasi, pochtamt) masʼul xodimi ________________________________________ Foydalanish uchun shartnoma 20_ _ _ yil “_ _ __” __________ dagi ___ _ __-son Foydalanishga kiritish sanasi _______________________ ________________ ____________ Filial yoki pochta aloqasi obyekti (pochta aloqasi bogʻlamasi, pochtamt) rahbarining imzosi ______________________________________________________________________________ ”.
Vazirning birinchi oʻrinbosari O. PEKOS
Raqobatni rivojlantirish va isteʼmolchilar huquqlarini himoya qilish qoʻmitasi raisi H. TURAXUJAYEV
Toshkent sh.,
2025-yil 4-yanvar,
2024-yil 6-dekabr
276-mh-son