📅 2025-yil 20-yanvar · Qonunlar va kodekslar
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 20 январь · Қонунлар ва кодекслар
Расмий матн. Расмий ҳужжат. Таҳририй изоҳлар киритилмаган.
📅 20 января 2025 г. · Законы и кодексы
Официальный текст. Официальный документ. Редакционные примечания не включены.
📅 20 January 2025 · Laws and codes
Official text. Official document. Editorial notes are not included.
Ўзбекистон Республикасининг Қонуни
Ўзбекистон Республикасининг айрим қонун ҳужжатларига қўшимча ва ўзгартиришлар киритиш тўғрисида
Қонунчилик палатаси томонидан 2024 йил 17 сентябрда қабул қилинган Сенат томонидан 2024 йил 21 декабрда маъқулланган
Кейинги йилларда мамлакатимизда қишлоқ хўжалиги маҳсулотлари экспорти билан боғлиқ хизматларни кўрсатиш соҳасига хусусий секторни жалб этиш, бу борада тадбиркорлик субъектлари учун қулай шарт-шароитлар яратиш бўйича тизимли ишлар амалга оширилмоқда.
Шу билан бирга карантин остидаги маҳсулотни Ўзбекистон Республикаси ҳудудидан олиб чиқишда қўшимча қулайликлар яратиш, бу маҳсулотнинг фумигацияси бўйича тартиб-таомилларни янада соддалаштириш, ушбу фаолиятни амалга оширишда хусусий сектор иштирокини кенгайтириш зарурияти юзага келмоқда.
Мазкур Қонун билан «Ўсимликлар карантини тўғрисида»ги Ўзбекистон Республикаси Қонунига юридик шахсларга Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни лицензия асосида амалга ошириш ҳуқуқини беришни назарда тутувчи қўшимча ва ўзгартиришлар киритилмоқда.
«Лицензиялаш, рухсат бериш ва хабардор қилиш тартиб-таомиллари тўғрисида»ги Ўзбекистон Республикаси Қонунида Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни лицензиялаш тартиби, шунингдек минерал ўғитларни ва ўсимликларни ҳимоя қилиш учун фойдаланиладиган кимёвий воситаларнинг улгуржи ҳамда чакана савдоси ва Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни лицензиясиз амалга оширганлик учун жарималар миқдорлари белгиланмоқда.
«Давлат божи тўғрисида» Ўзбекистон Республикаси Қонунида минерал ўғитларнинг ва ўсимликларни ҳимоя қилиш учун фойдаланиладиган кимёвий воситаларнинг улгуржи ва чакана савдоси бўйича фаолиятни ҳамда Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни лицензиялаганлик учун давлат божи миқдорлари белгиланмоқда.
Ушбу Қонун карантин остидаги маҳсулотнинг фумигацияси бўйича фаолиятнинг юридик шахслар томонидан амалга оширилишига ҳамда бундай маҳсулотни экспорт қилувчилар учун қулай шарт-шароитлар яратилишига хизмат қилади.
1-модда. Ўзбекистон Республикасининг 1995 йил 31 августда қабул қилинган «Ўсимликлар карантини тўғрисида»ги 113-I-сонли Қонунига (Ўзбекистон Республикасининг 2018 йил 9 июлда қабул қилинган ЎРҚ-484-сонли Қонуни таҳририда) (Ўзбекистон Республикаси Олий Мажлиси палаталарининг Ахборотномаси, 2018 йил, № 7, 429-модда; 2020 йил, № 1, 4-модда; 2021 йил, № 1, 13-модда, № 4, 287-модда, 4-сонга илова; 2022 йил, № 1, 1-модда; 2024 йил, № 1, 7-модда) қуйидаги қўшимча ва ўзгартиришлар киритилсин:
1) 6-модда биринчи қисмининг бешинчи хатбошиси «реэкспорт учун фитосанитария сертификатини бериш» деган сўзлардан кейин «Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни лицензиялаш» деган сўзлар билан тўлдирилсин;
2) 11-модданинг биринчи қисми :
қуйидаги мазмундаги ўн биринчи хатбоши билан тўлдирилсин:
«юридик шахсларга Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни амалга ошириш учун лицензия беради»;
ўн биринчи — ўттизинчи хатбошилари тегишинча ўн иккинчи — ўттиз биринчи хатбошилар деб ҳисоблансин;
3) 24-модданинг матни қуйидаги таҳрирда баён этилсин:
«Карантин остидаги маҳсулот олиб кирилаётганда, Ўзбекистон Республикаси ҳудудида ташилаётганда транспорт воситаларидаги ва бўш омборлардаги фумигация ишлари зарарсизлантириш (фумигация) бўлимлари томонидан амалга оширилиб, уларнинг якунлари бўйича зарарсизлантириш тўғрисидаги далолатнома расмийлаштирилади.
Ўзбекистон Республикасидан олиб чиқилаётган карантин остидаги маҳсулотнинг фумигацияси ушбу фаолиятни амалга ошириш учун лицензияга эга бўлган юридик шахслар томонидан амалга оширилиб, унинг якунлари бўйича зарарсизлантириш тўғрисидаги далолатнома расмийлаштирилади».
2-модда. Ўзбекистон Республикасининг 2020 йил 6 январда қабул қилинган «Давлат божи тўғрисида»ги ЎРҚ-600-сонли Қонунига (Ўзбекистон Республикаси Олий Мажлиси палаталарининг Ахборотномаси, 2020 йил, № 1, 1-модда, № 3, 201-модда, № 5, 298-модда, № 10, 593-модда, № 12, 691-модда; 2021 йил, № 1, 13-модда, 4-сонга илова, № 7, 661-модда, № 8, 800, 803-моддалар, № 10, 968-модда; 2022 йил, № 2, 76-модда, № 3, 214, 216-моддалар, № 4, 340-модда, № 5, 463, 464, 467-моддалар, № 12, 1186-модда; 2023 йил, № 2, 103-модда, № 3, 186-модда, № 4, 265, 269-моддалар, № 6, 444, 445-моддалар, № 7, 538-модда; 2024 йил, № 1, 5, 6, 7-моддалар, № 2, 101, 105, 107, 108, 111, 112, № 7, 628-модда, № 8, 819, 823, 831-моддалар) илова қуйидаги мазмундаги 52-банд билан тўлдирилсин:
« 52. Фаолиятнинг айрим турларини Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги томонидан лицензиялаганлик учун тўланадиган давлат божи а) минерал ўғитларни ва ўсимликларни ҳимоя қилиш учун фойдаланиладиган кимёвий воситаларнинг улгуржи ҳамда чакана савдоси бўйича фаолият — БҲМнинг 2 баравари б) Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолият — БҲМнинг 3 баравари » .
3-модда. Ўзбекистон Республикасининг 2021 йил 14 июлда қабул қилинган «Лицензиялаш, рухсат бериш ва хабардор қилиш тартиб-таомиллари тўғрисида»ги ЎРҚ-701-сонли Қонунига (Ўзбекистон Республикаси Олий Мажлиси палаталарининг Ахборотномаси, 2021 йил, № 7, 661-модда; 2022 йил, № 4, 340-модда, № 5, 465-модда; 2023 йил, № 2, 103-модда, № 3, 185-модда, № 7, 533-модда, № 9, 710-модда, № 11, 921, 923-моддалар; 2024 йил, № 1, 5, 7-моддалар, № 2, 105, 112-моддалар, № 7, 628-модда, № 8, 819-модда) қуйидаги қўшимча ва ўзгартиришлар киритилсин:
1) 16-модданинг :
биринчи қисми қуйидаги мазмундаги бешинчи хатбоши билан тўлдирилсин:
«Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолият»;
бешинчи — тўққизинчи хатбошилари тегишинча олтинчи — ўнинчи хатбошилар деб ҳисоблансин;
иккинчи қисмидаги «иккинчи — тўққизинчи хатбошиларида назарда тутилган» деган сўзлар «иккинчи — ўнинчи хатбошиларида назарда тутилган» деган сўзлар билан алмаштирилсин;
2) 1-илова қуйидаги мазмундаги 60-позиция билан тўлдирилсин:
« 60. Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни амалга ошириш учун лицензия Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолият. Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги » ;
3) 4-илованинг I-бўлими қуйидаги мазмундаги 53 ва 54-позициялар билан тўлдирилсин:
« 53. Минерал ўғитларни ва ўсимликларни ҳимоя қилиш учун фойдаланиладиган кимёвий воситаларнинг улгуржи ҳамда чакана савдоси бўйича фаолиятни амалга ошириш учун лицензия 250 54. Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни амалга ошириш учун лицензия 250 » .
4-модда. Ўзбекистон Республикаси Қишлоқ хўжалиги вазирлиги ҳузуридаги Ўсимликлар карантини ва ҳимояси агентлиги ва бошқа манфаатдор ташкилотлар ушбу Қонуннинг ижросини, ижрочиларга етказилишини ҳамда моҳияти ва аҳамияти аҳоли ўртасида тушунтирилишини таъминласин.
5-модда. Ўзбекистон Республикаси Вазирлар Маҳкамаси:
ушбу Қонун 1-моддасининг 1-бандида назарда тутилган Ўзбекистон Республикасидан олиб чиқилаётган карантин остидаги маҳсулотнинг фумигацияси бўйича фаолиятни лицензиялаш тартибини ушбу Қонун расмий эълон қилинган кундан эътиборан олти ой ичида ишлаб чиқсин ва тасдиқласин;
ушбу Қонун 1-моддаси 3-бандининг учинчи хатбошисида назарда тутилган юридик шахслар томонидан Ўзбекистон Республикасидан олиб чиқилаётган карантин остидаги маҳсулотнинг фумигациясини амалга ошириш тартибини ушбу Қонун расмий эълон қилинган кундан эътиборан олти ой ичида ишлаб чиқсин ва тасдиқласин;
ҳукумат қарорларини ушбу Қонунга мувофиқлаштирсин;
республика ижро этувчи ҳокимият органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминласин.
6-модда. Ушбу Қонун расмий эълон қилинган кундан эътиборан олти ой ўтгач кучга киради.
Ўзбекистон Республикасининг Президенти Ш. МИРЗИЁЕВ
Тошкент ш.,
2025 йил 20 январь,
ЎРҚ-1020-сон
Oʻzbekiston Respublikasining Qonuni
Oʻzbekiston Respublikasining ayrim qonun hujjatlariga qoʻshimcha va oʻzgartirishlar kiritish toʻgʻrisida
Qonunchilik palatasi tomonidan 2024-yil 17-sentabrda qabul qilingan Senat tomonidan 2024-yil 21-dekabrda maʼqullangan
Keyingi yillarda mamlakatimizda qishloq xoʻjaligi mahsulotlari eksporti bilan bogʻliq xizmatlarni koʻrsatish sohasiga xususiy sektorni jalb etish, bu borada tadbirkorlik subyektlari uchun qulay shart-sharoitlar yaratish boʻyicha tizimli ishlar amalga oshirilmoqda.
Shu bilan birga karantin ostidagi mahsulotni Oʻzbekiston Respublikasi hududidan olib chiqishda qoʻshimcha qulayliklar yaratish, bu mahsulotning fumigatsiyasi boʻyicha tartib-taomillarni yanada soddalashtirish, ushbu faoliyatni amalga oshirishda xususiy sektor ishtirokini kengaytirish zaruriyati yuzaga kelmoqda.
Mazkur Qonun bilan “Oʻsimliklar karantini toʻgʻrisida”gi Oʻzbekiston Respublikasi Qonuniga yuridik shaxslarga Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni litsenziya asosida amalga oshirish huquqini berishni nazarda tutuvchi qoʻshimcha va oʻzgartirishlar kiritilmoqda.
“Litsenziyalash, ruxsat berish va xabardor qilish tartib-taomillari toʻgʻrisida”gi Oʻzbekiston Respublikasi Qonunida Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni litsenziyalash tartibi, shuningdek mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarning ulgurji hamda chakana savdosi va Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni litsenziyasiz amalga oshirganlik uchun jarimalar miqdorlari belgilanmoqda.
“Davlat boji toʻgʻrisida” Oʻzbekiston Respublikasi Qonunida mineral oʻgʻitlarning va oʻsimliklarni himoya qilish uchun foydalaniladigan kimyoviy vositalarning ulgurji va chakana savdosi boʻyicha faoliyatni hamda Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni litsenziyalaganlik uchun davlat boji miqdorlari belgilanmoqda.
Ushbu Qonun karantin ostidagi mahsulotning fumigatsiyasi boʻyicha faoliyatning yuridik shaxslar tomonidan amalga oshirilishiga hamda bunday mahsulotni eksport qiluvchilar uchun qulay shart-sharoitlar yaratilishiga xizmat qiladi.
1-modda. Oʻzbekiston Respublikasining 1995-yil 31-avgustda qabul qilingan “Oʻsimliklar karantini toʻgʻrisida”gi 113-I-sonli Qonuniga (Oʻzbekiston Respublikasining 2018-yil 9-iyulda qabul qilingan OʻRQ-484-sonli Qonuni tahririda) (Oʻzbekiston Respublikasi Oliy Majlisi palatalarining Axborotnomasi, 2018-yil, № 7, 429-modda; 2020-yil, № 1, 4-modda; 2021-yil, № 1, 13-modda, № 4, 287-modda, 4-songa ilova; 2022-yil, № 1, 1-modda; 2024-yil, № 1, 7-modda) quyidagi qoʻshimcha va oʻzgartirishlar kiritilsin:
1) 6-modda birinchi qismining beshinchi xatboshisi “reeksport uchun fitosanitariya sertifikatini berish” degan soʻzlardan keyin “Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni litsenziyalash” degan soʻzlar bilan toʻldirilsin;
2) 11-moddaning birinchi qismi :
quyidagi mazmundagi oʻn birinchi xatboshi bilan toʻldirilsin:
“yuridik shaxslarga Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni amalga oshirish uchun litsenziya beradi”;
oʻn birinchi — oʻttizinchi xatboshilari tegishincha oʻn ikkinchi — oʻttiz birinchi xatboshilar deb hisoblansin;
3) 24-moddaning matni quyidagi tahrirda bayon etilsin:
“Karantin ostidagi mahsulot olib kirilayotganda, Oʻzbekiston Respublikasi hududida tashilayotganda transport vositalaridagi va boʻsh omborlardagi fumigatsiya ishlari zararsizlantirish (fumigatsiya) boʻlimlari tomonidan amalga oshirilib, ularning yakunlari boʻyicha zararsizlantirish toʻgʻrisidagi dalolatnoma rasmiylashtiriladi.
Oʻzbekiston Respublikasidan olib chiqilayotgan karantin ostidagi mahsulotning fumigatsiyasi ushbu faoliyatni amalga oshirish uchun litsenziyaga ega boʻlgan yuridik shaxslar tomonidan amalga oshirilib, uning yakunlari boʻyicha zararsizlantirish toʻgʻrisidagi dalolatnoma rasmiylashtiriladi”.
2-modda. Oʻzbekiston Respublikasining 2020-yil 6-yanvarda qabul qilingan “Davlat boji toʻgʻrisida”gi OʻRQ-600-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2020-yil, № 1, 1-modda, № 3, 201-modda, № 5, 298-modda, № 10, 593-modda, № 12, 691-modda; 2021-yil, № 1, 13-modda, 4-songa ilova, № 7, 661-modda, № 8, 800, 803-moddalar, № 10, 968-modda; 2022-yil, № 2, 76-modda, № 3, 214, 216-moddalar, № 4, 340-modda, № 5, 463, 464, 467-moddalar, № 12, 1186-modda; 2023-yil, № 2, 103-modda, № 3, 186-modda, № 4, 265, 269-moddalar, № 6, 444, 445-moddalar, № 7, 538-modda; 2024-yil, № 1, 5, 6, 7-moddalar, № 2, 101, 105, 107, 108, 111, 112, № 7, 628-modda, № 8, 819, 823, 831-moddalar) ilova quyidagi mazmundagi 52-band bilan toʻldirilsin:
“ 52. Faoliyatning ayrim turlarini Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi tomonidan litsenziyalaganlik uchun toʻlanadigan davlat boji a) mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarning ulgurji hamda chakana savdosi boʻyicha faoliyat — BHMning 2 baravari b) Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyat — BHMning 3 baravari ” .
3-modda. Oʻzbekiston Respublikasining 2021-yil 14-iyulda qabul qilingan “Litsenziyalash, ruxsat berish va xabardor qilish tartib-taomillari toʻgʻrisida”gi OʻRQ-701-sonli Qonuniga (Oʻzbekiston Respublikasi Oliy Majlisi palatalarining Axborotnomasi, 2021-yil, № 7, 661-modda; 2022-yil, № 4, 340-modda, № 5, 465-modda; 2023-yil, № 2, 103-modda, № 3, 185-modda, № 7, 533-modda, № 9, 710-modda, № 11, 921, 923-moddalar; 2024-yil, № 1, 5, 7-moddalar, № 2, 105, 112-moddalar, № 7, 628-modda, № 8, 819-modda) quyidagi qoʻshimcha va oʻzgartirishlar kiritilsin:
1) 16-moddaning :
birinchi qismi quyidagi mazmundagi beshinchi xatboshi bilan toʻldirilsin:
“Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyat”;
beshinchi — toʻqqizinchi xatboshilari tegishincha oltinchi — oʻninchi xatboshilar deb hisoblansin;
ikkinchi qismidagi “ikkinchi — toʻqqizinchi xatboshilarida nazarda tutilgan” degan soʻzlar “ikkinchi — oʻninchi xatboshilarida nazarda tutilgan” degan soʻzlar bilan almashtirilsin;
2) 1-ilova quyidagi mazmundagi 60-pozitsiya bilan toʻldirilsin:
“ 60. Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni amalga oshirish uchun litsenziya Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyat. Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi ” ;
3) 4-ilovaning I-boʻlimi quyidagi mazmundagi 53 va 54-pozitsiyalar bilan toʻldirilsin:
“ 53. Mineral oʻgʻitlarni va oʻsimliklarni himoya qilish uchun foydalaniladigan kimyoviy vositalarning ulgurji hamda chakana savdosi boʻyicha faoliyatni amalga oshirish uchun litsenziya 250 54. Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni amalga oshirish uchun litsenziya 250 ” .
4-modda. Oʻzbekiston Respublikasi Qishloq xoʻjaligi vazirligi huzuridagi Oʻsimliklar karantini va himoyasi agentligi va boshqa manfaatdor tashkilotlar ushbu Qonunning ijrosini, ijrochilarga yetkazilishini hamda mohiyati va ahamiyati aholi oʻrtasida tushuntirilishini taʼminlasin.
5-modda. Oʻzbekiston Respublikasi Vazirlar Mahkamasi:
ushbu Qonun 1-moddasining 1-bandida nazarda tutilgan Oʻzbekiston Respublikasidan olib chiqilayotgan karantin ostidagi mahsulotning fumigatsiyasi boʻyicha faoliyatni litsenziyalash tartibini ushbu Qonun rasmiy eʼlon qilingan kundan eʼtiboran olti oy ichida ishlab chiqsin va tasdiqlasin;
ushbu Qonun 1-moddasi 3-bandining uchinchi xatboshisida nazarda tutilgan yuridik shaxslar tomonidan Oʻzbekiston Respublikasidan olib chiqilayotgan karantin ostidagi mahsulotning fumigatsiyasini amalga oshirish tartibini ushbu Qonun rasmiy eʼlon qilingan kundan eʼtiboran olti oy ichida ishlab chiqsin va tasdiqlasin;
hukumat qarorlarini ushbu Qonunga muvofiqlashtirsin;
respublika ijro etuvchi hokimiyat organlari ushbu Qonunga zid boʻlgan oʻz normativ-huquqiy hujjatlarini qayta koʻrib chiqishlari va bekor qilishlarini taʼminlasin.
6-modda. Ushbu Qonun rasmiy eʼlon qilingan kundan eʼtiboran olti oy oʻtgach kuchga kiradi.
Oʻzbekiston Respublikasining Prezidenti Sh. MIRZIYOYEV
Toshkent sh.,
2025-yil 20-yanvar,
OʻRQ-1020-son
Закон Республики Узбекистан
О внесении дополнений и изменений в некоторые законодательные акты Республики Узбекистан
Принят Законодательной палатой 17 сентября 2024 года Одобрен Сенатом 21 декабря 2024 года
В последние годы в стране проводится системная работа по привлечению частного сектора в сферу оказания услуг, связанных с экспортом сельскохозяйственной продукции, созданию в этом направлении благоприятных условий для субъектов предпринимательства.
Вместе с тем возникает необходимость в создании дополнительных удобств при вывозе подкарантинной продукции из территории Республики Узбекистан, дальнейшем упрощении процедур по фумигации такой продукции, расширении участия частного сектора в осуществлении данной деятельности.
Данным Законом в Закон Республики Узбекистан «О карантине растений» вносятся дополнения и изменения, предусматривающие наделение юридических лиц правом на основе лицензии осуществлять деятельность по фумигации вывозимой из Республики Узбекистан подкарантинной продукции.
В Законе Республики Узбекистан «О лицензировании, разрешительных и уведомительных процедурах» устанавливается порядок лицензирования деятельности по фумигации вывозимой из Республики Узбекистан подкарантинной продукции, а также размеры штрафов за занятие деятельностью по оптовой и розничной торговле минеральными удобрениями и химическими средствами, используемыми для защиты растений, и по фумигации вывозимой из Республики Узбекистан подкарантинной продукции без лицензии.
В Законе Республики Узбекистан «О государственной пошлине» устанавливаются размеры государственной пошлины за лицензирование деятельности по оптовой и розничной торговле минеральными удобрениями и химическими средствами, используемыми для защиты растений, и деятельности по фумигации вывозимой из Республики Узбекистан подкарантинной продукции.
Настоящий Закон послужит осуществлению деятельности по фумигации подкарантинной продукции юридическими лицами и созданию благоприятных условий для экспортеров данной продукции.
Статья 1. Внести в Закон Республики Узбекистан от 31 августа 1995 года № 113-I «О карантине растений» (в редакции Закона Республики Узбекистан от 9 июля 2018 года № ЗРУ-484) (Ведомости палат Олий Мажлиса Республики Узбекистан, 2018 г., № 7, ст. 429; 2020 г., № 1, ст. 4; 2021 г., № 1, ст. 13, № 4, ст. 287, приложение к № 4; 2022 г., № 1, ст. 1; 2024 г., № 1, ст. 7) следующие дополнения и изменения:
1) абзац пятый части первой статьи 6 после слов «фитосанитарного сертификата на реэкспорт» дополнить словами «лицензирования деятельности по фумигации вывозимой из Республики Узбекистан подкарантинной продукции»;
2) в части первой статьи 11:
дополнить абзацем одиннадцатым следующего содержания:
«выдает юридическим лицам лицензию для осуществления деятельности по фумигации вывозимой из Республики Узбекистан подкарантинной продукции»;
абзацы одиннадцатый — тридцатый считать соответственно абзацами двенадцатым — тридцать первым;
3) текст статьи 24 изложить в следующей редакции:
«При ввозе подкарантинной продукции, ее перевозке на территории Республики Узбекистан фумигационные работы на транспортных средствах и пустых складах производятся отделами обеззараживания (фумигации) с оформлением по их итогам акта об обеззараживании.
Фумигация вывозимой из Республики Узбекистан подкарантинной продукции производится юридическими лицами, имеющими лицензию для осуществления данной деятельности, с оформлением по ее итогам акта об обеззараживании».
Статья 2. Приложение к Закону Республики Узбекистан от 6 января 2020 года № ЗРУ-600 «О государственной пошлине» (Ведомости палат Олий Мажлиса Республики Узбекистан, 2020 г., № 1, ст. 1, № 3, ст. 201, № 5, ст. 298, № 10, ст. 593, № 12, ст. 691; 2021 г., № 1, ст. 13, приложение к № 4, № 7, ст. 661, № 8, ст.ст. 800, 803, № 10, ст. 968; 2022 г., № 2, ст. 76, № 3, ст.ст. 214, 216, № 4, ст. 340, № 5, ст.ст. 463, 464, 467, № 12, ст. 1186; 2023 г., № 2, ст. 103, № 3, ст. 186, № 4, ст.ст. 265, 269, № 6, ст.ст. 444, 445, № 7, ст. 538; 2024 г., № 1, ст.ст. 5, 6, 7, № 2, ст.ст. 101, 105, 107, 108, 111, 112, № 7, ст. 628, № 8, ст.ст. 819, 823, 831) дополнить пунктом 52 следующего содержания:
« 52. Государственная пошлина, уплачиваемая за лицензирование отдельных видов деятельности Агентством по карантину и защите растений при Министерстве сельского хозяйства Республики Узбекистан а) деятельность по оптовой и розничной торговле минеральными удобрениями и химическими средствами, используемыми для защиты растений — 2-кратный размер БРВ б) деятельность по фумигации вывозимой из Республики Узбекистан подкарантинной продукции — 3-кратный размер БРВ ».
Статья 3. Внести в Закон Республики Узбекистан от 14 июля 2021 года № ЗРУ-701 «О лицензировании, разрешительных и уведомительных процедурах» (Ведомости палат Олий Мажлиса Республики Узбекистан, 2021 г., № 7, ст. 661; 2022 г., № 4, ст. 340, № 5, ст. 465; 2023 г., № 2, ст. 103, № 3, ст. 185, № 7, ст. 533, № 9, ст. 710, № 11, ст.ст. 921, 923; 2024 г., № 1, ст.ст. 5, 7, № 2, ст.ст. 105, 112, № 7, ст. 628, № 8, ст. 819) следующие дополнения и изменения:
1) в статье 16 :
часть первую дополнить абзацем пятым следующего содержания:
«деятельности по фумигации вывозимой из Республики Узбекистан подкарантинной продукции»;
абзацы пятый — девятый считать соответственно абзацами шестым — десятым;
в части второй слова «предусмотренных абзацами вторым — девятым» заменить словами «предусмотренных абзацами вторым — десятым»;
2) приложение № 1 дополнить позицией 60 следующего содержания:
« 60. Лицензия для осуществления деятельности по фумигации вывозимой из Республики Узбекистан подкарантинной продукции Деятельность по фумигации вывозимой из Республики Узбекистан подкарантинной продукции Агентство по карантину и защите растений при Министерстве сельского хозяйства Республики Узбекистан »;
3) раздел I приложения № 4 дополнить позициями 53 и 54 следующего содержания:
« 53. Лицензия для осуществления деятельности по оптовой и розничной торговле минеральными удобрениями и химическими средствами, используемыми для защиты растений 250 54. Лицензия для осуществления д еятельности по фумигации вывозимой из Республики Узбекистан подкарантинной продукции 250 ».
Статья 4. Агентству по карантину и защите растений при Министерстве сельского хозяйства Республики Узбекистан и другим заинтересованным организациям обеспечить исполнение, доведение до исполнителей и разъяснение среди населения сути и значения настоящего Закона.
Статья 5. Кабинету Министров Республики Узбекистан:
в течение шести месяцев со дня официального опубликования настоящего Закона разработать и утвердить порядок лицензирования деятельности по фумигации вывозимой из Республики Узбекистан подкарантинной продукции, предусмотренный пунктом 1 статьи 1 настоящего Закона;
в течение шести месяцев со дня официального опубликования настоящего Закона разработать и утвердить порядок осуществления фумигации вывозимой из Республики Узбекистан подкарантинной продукции юридическими лицами, предусмотренный абзацем третьим пункта 3 статьи 1 настоящего Закона;
привести решения правительства в соответствие с настоящим Законом;
обеспечить пересмотр и отмену республиканскими органами исполнительной власти их нормативно-правовых актов, противоречащих настоящему Закону.
Статья 6. Настоящий Закон вступает в силу по истечении шести месяцев со дня его официального опубликования.
Президент Республики Узбекистан Ш. МИРЗИЁЕВ
г. Ташкент,
20 января 2025 г.,
№ ЗРУ-1020