📅 2025-yil 18-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 18 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 18 января 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 18 January 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Экспортни қўллаб-қувватлаш чора-тадбирларининг Жаҳон савдо ташкилоти битимларига мувофиқлаштирилиши муносабати билан Ўзбекистон Республикаси Ҳукуматининг айрим қарорларига ўзгартиришлар киритиш тўғрисида
Ўзбекистон Республикаси Президентининг «Бозор ислоҳотларини янада жадаллаштириш ва Ўзбекистон Республикаси миллий қонунчилигини Жаҳон савдо ташкилоти битимларига мувофиқлаштириш бўйича навбатдаги чора-тадбирлар тўғрисида» 2024 йил 3 июндаги ПФ-85-сон Фармони ҳамда «Учинчи Тошкент халқаро инвестиция форуми ва Хорижий инвесторлар кенгашининг навбатдаги йиғилиши доирасида эришилган келишувларнинг ижросини таъминлаш чора-тадбирлари тўғрисида» 2024 йил 15 майдаги ПҚ-179-сон қарори ижросини таъминлаш, шунингдек, экспортни қўллаб-қувватлаш чора-тадбирларини Жаҳон савдо ташкилоти битимларига мувофиқлаштириш мақсадида Вазирлар Маҳкамаси қарор қилади:
1. Ўзбекистон Республикаси Ҳукуматининг иловага мувофиқ айрим қарорларига қуйидагиларни назарда тутувчи ўзгартиришлар киритилсин:
экспортни молиялаштириш механизмларини такомиллаштириш;
экспорт қилувчиларнинг автомобиль, ҳаво ва темир йўл транспортида экспортга ташиш харажатларини компенсация қилиш амалиётини бекор қилиш.
2. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари Ж.А. Ходжаев зиммасига юклансин.
Вазирлар Маҳкамасининг 2025 йил 18 январдаги 18-сон қарорига ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
1. Вазирлар Маҳкамасининг «Кўкдумалоқ Нефтгазконденсати конини, Мингбулоқ нефт конини ўзлаштиришни, Бухоро вилоятининг Қоровулбозор туманидаги нефтни қайта ишлаш заводининг ҳамда Газли — Нукус газ қувури қурилишини тезлаштириш тўғрисида» 1993 йил 3 августдаги 389-сон қарорининг 15-бандидаги «маҳсулотларни экспорт қилишдан ундириладиган солиқ тўловларидан» сўзлари чиқариб ташлансин.
2. Вазирлар Маҳкамасининг 2017 йил 10 апрелдаги 196-сон қарори билан тасдиқланган Эркин иқтисодий зоналар ҳудудида солиқлар ва божхона тўловлари бўйича имтиёзларни қўллаш тартиби тўғрисидаги низомнинг 4-банди «а» ва «б» кичик бандлари ҳамда 5-боби ўз кучини йўқотган деб ҳисоблансин.
3. Вазирлар Маҳкамасининг «Ўзбекистон Республикаси Инвестициялар ва ташқи савдо вазирлиги ҳузуридаги Экспортни рағбатлантириш агентлиги фаолиятини ташкил этиш тўғрисида» 2019 йил 6 майдаги 373-сон қарорида :
а) 1-бандда :
ўнинчи хатбошидаги «экспорт қилувчиларнинг автомобиль, ҳаво ва темир йўл транспортида экспортга ташиш, гаров сифатида суғурта хизматларидан фойдаланганда суғурта мукофотини тўлаш, шунингдек» сўзлари «экспорт қилувчиларнинг гаров сифатида суғурта хизматларидан фойдаланганда суғурта мукофотини тўлаш» сўзлари билан алмаштирилсин;
ўн учинчи хатбошидаги «ҳамда экспорт қилувчи ташкилотларга уларнинг тайёр тикув-трикотаж маҳсулотлари экспорт ҳажмининг қийматига нисбатан тенг улушда» сўзлари чиқариб ташлансин;
б) иловада :
6-бандда :
ўнинчи хатбошидаги «экспорт қилувчиларнинг автомобиль, ҳаво ва темир йўл транспортида экспортга ташиш, гаров сифатида суғурта хизматларидан фойдаланганда суғурта мукофотини тўлаш, шунингдек» сўзлари «экспорт қилувчиларнинг гаров сифатида суғурта хизматларидан фойдаланганда суғурта мукофотини тўлаш» сўзлари билан алмаштирилсин;
ўн учинчи хатбошидаги «ҳамда экспорт қилувчи ташкилотларга уларнинг тайёр тикув-трикотаж маҳсулотлари экспорт ҳажмининг қийматига нисбатан тенг улушда» сўзлари чиқариб ташлансин;
7-бандда :
«и» кичик бандда :
иккинчи хатбоши чиқариб ташлансин;
учинчи — еттинчи хатбошилар тегишинча иккинчи — олтинчи хатбошилар деб ҳисобласин;
«м» кичик банд қуйидаги таҳрирда баён этилсин:
«м) бўялган мато ҳамда аралаш ва бўялган газлама маҳсулотларини ишлаб чиқариш лойиҳалари доирасида харид қилинган ускуналар қийматининг бир қисмини қоплаш учун Тўқимачилик соҳасини қўллаб-қувватлаш жамғармаси маблағлари ҳисобидан субсидия ажратади».
4. Вазирлар Маҳкамасининг «Тўқимачилик ва тикув-трикотаж корхоналарида чуқур қайта ишлаш ва юқори қўшилган қийматли тайёр маҳсулотлар ишлаб чиқаришни ҳамда уларнинг экспортини молиявий қўллаб-қувватлашни янада кенгайтириш чора-тадбирлари тўғрисида» 2022 йил 30 сентябрдаги 556-сон қарорида :
а) 3-банднинг учинчи хатбошиси чиқариб ташлансин;
б) 3-илова ўз кучини йўқотган деб ҳисоблансин.
5. Вазирлар Маҳкамасининг «Ўзбекистон Республикаси Савдо-саноат палатасининг Тармоқларни қўллаб-қувватлаш жамғармаси даромадларини шакллантириш ва маблағларидан фойдаланиш тартиби тўғрисидаги низомни тасдиқлаш ҳақида» 2024 йил 31-июлдаги 466-сон қарорига 2-илованинг 2-банди «е» кичик банди ўз кучини йўқотган деб ҳисоблансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 18 январь,
18-сон
Oʻzbekiston Respublikasi Vazirlar Mahkamasining
qarori
Eksportni qoʻllab-quvvatlash chora-tadbirlarining Jahon savdo tashkiloti bitimlariga muvofiqlashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida
Oʻzbekiston Respublikasi Prezidentining “Bozor islohotlarini yanada jadallashtirish va Oʻzbekiston Respublikasi milliy qonunchiligini Jahon savdo tashkiloti bitimlariga muvofiqlashtirish boʻyicha navbatdagi chora-tadbirlar toʻgʻrisida” 2024-yil 3-iyundagi PF-85-son Farmoni hamda “Uchinchi Toshkent xalqaro investitsiya forumi va Xorijiy investorlar kengashining navbatdagi yigʻilishi doirasida erishilgan kelishuvlarning ijrosini taʼminlash chora-tadbirlari toʻgʻrisida” 2024-yil 15-maydagi PQ-179-son qarori ijrosini taʼminlash, shuningdek, eksportni qoʻllab-quvvatlash chora-tadbirlarini Jahon savdo tashkiloti bitimlariga muvofiqlashtirish maqsadida Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga quyidagilarni nazarda tutuvchi oʻzgartirishlar kiritilsin:
eksportni moliyalashtirish mexanizmlarini takomillashtirish;
eksport qiluvchilarning avtomobil, havo va temir yoʻl transportida eksportga tashish xarajatlarini kompensatsiya qilish amaliyotini bekor qilish.
2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari J.A. Xodjayev zimmasiga yuklansin.
Vazirlar Mahkamasining 2025-yil 18-yanvardagi 18-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
1. Vazirlar Mahkamasining “Koʻkdumaloq Neftgazkondensati konini, Mingbuloq neft konini oʻzlashtirishni, Buxoro viloyatining Qorovulbozor tumanidagi neftni qayta ishlash zavodining hamda Gazli — Nukus gaz quvuri qurilishini tezlashtirish toʻgʻrisida” 1993-yil 3-avgustdagi 389-son qarorining 15-bandidagi “mahsulotlarni eksport qilishdan undiriladigan soliq toʻlovlaridan” soʻzlari chiqarib tashlansin.
2. Vazirlar Mahkamasining 2017-yil 10-apreldagi 196-son qarori bilan tasdiqlangan Erkin iqtisodiy zonalar hududida soliqlar va bojxona toʻlovlari boʻyicha imtiyozlarni qoʻllash tartibi toʻgʻrisidagi nizomning 4-bandi “a” va “b” kichik bandlari hamda 5-bobi oʻz kuchini yoʻqotgan deb hisoblansin.
3. Vazirlar Mahkamasining “Oʻzbekiston Respublikasi Investitsiyalar va tashqi savdo vazirligi huzuridagi Eksportni ragʻbatlantirish agentligi faoliyatini tashkil etish toʻgʻrisida” 2019-yil 6-maydagi 373-son qarorida :
a) 1-bandda :
oʻninchi xatboshidagi “eksport qiluvchilarning avtomobil, havo va temir yoʻl transportida eksportga tashish, garov sifatida sugʻurta xizmatlaridan foydalanganda sugʻurta mukofotini toʻlash, shuningdek” soʻzlari “eksport qiluvchilarning garov sifatida sugʻurta xizmatlaridan foydalanganda sugʻurta mukofotini toʻlash” soʻzlari bilan almashtirilsin;
oʻn uchinchi xatboshidagi “hamda eksport qiluvchi tashkilotlarga ularning tayyor tikuv-trikotaj mahsulotlari eksport hajmining qiymatiga nisbatan teng ulushda” soʻzlari chiqarib tashlansin;
b) ilovada :
6-bandda :
oʻninchi xatboshidagi “eksport qiluvchilarning avtomobil, havo va temir yoʻl transportida eksportga tashish, garov sifatida sugʻurta xizmatlaridan foydalanganda sugʻurta mukofotini toʻlash, shuningdek” soʻzlari “eksport qiluvchilarning garov sifatida sugʻurta xizmatlaridan foydalanganda sugʻurta mukofotini toʻlash” soʻzlari bilan almashtirilsin;
oʻn uchinchi xatboshidagi “hamda eksport qiluvchi tashkilotlarga ularning tayyor tikuv-trikotaj mahsulotlari eksport hajmining qiymatiga nisbatan teng ulushda” soʻzlari chiqarib tashlansin;
7-bandda :
“i” kichik bandda :
ikkinchi xatboshi chiqarib tashlansin;
uchinchi — yettinchi xatboshilar tegishincha ikkinchi — oltinchi xatboshilar deb hisoblasin;
“m” kichik band quyidagi tahrirda bayon etilsin:
“m) boʻyalgan mato hamda aralash va boʻyalgan gazlama mahsulotlarini ishlab chiqarish loyihalari doirasida xarid qilingan uskunalar qiymatining bir qismini qoplash uchun Toʻqimachilik sohasini qoʻllab-quvvatlash jamgʻarmasi mablagʻlari hisobidan subsidiya ajratadi”.
4. Vazirlar Mahkamasining “Toʻqimachilik va tikuv-trikotaj korxonalarida chuqur qayta ishlash va yuqori qoʻshilgan qiymatli tayyor mahsulotlar ishlab chiqarishni hamda ularning eksportini moliyaviy qoʻllab-quvvatlashni yanada kengaytirish chora-tadbirlari toʻgʻrisida” 2022-yil 30-sentabrdagi 556-son qarorida :
a) 3-bandning uchinchi xatboshisi chiqarib tashlansin;
b) 3-ilova oʻz kuchini yoʻqotgan deb hisoblansin.
5. Vazirlar Mahkamasining “Oʻzbekiston Respublikasi Savdo-sanoat palatasining Tarmoqlarni qoʻllab-quvvatlash jamgʻarmasi daromadlarini shakllantirish va mablagʻlaridan foydalanish tartibi toʻgʻrisidagi nizomni tasdiqlash haqida” 2024-yil 31-iyuldagi 466-son qaroriga 2-ilovaning 2-bandi “e” kichik bandi oʻz kuchini yoʻqotgan deb hisoblansin.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 18-yanvar,
18-son