📅 2025-yil 16-yanvar · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 16 январь · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 16 января 2025 г. · Указы Президента
Официальный текст. Официальный документ. Редакционные примечания не включены.
📅 16 January 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Тўқимачилик ва тикув-трикотаж саноатида қайта ишлаш занжирини ривожлантириш бўйича қўшимча чора-тадбирлар тўғрисида
Тўқимачилик ва тикув-трикотаж саноатининг инвестицион жозибадорлигини ва рақобатбардошлигини янада ошириш, соҳанинг экспорт салоҳиятини кенгайтириш, маҳаллий тўқимачилик маҳсулотларининг хорижий бозорларга кенгроқ кириб бориши учун шароитлар яратиш мақсадида:
1. 2025 — 2027 йилларда тўқимачилик ва тикув-трикотаж саноатида қайта ишлаш занжирини ривожлантиришнинг асосий мақсадли кўрсаткичлари этиб қуйидагилар белгилансин:
маҳсулотлар экспортини 2025 йилда 4,0 миллиард АҚШ долларига, 2026 йилда 5,0 миллиард АҚШ долларига ва 2027 йилда 7,0 миллиард АҚШ долларига етказиш;
АҚШ ва Европа давлатлари бозорларига тайёр маҳсулотлар экспортини 500 миллион АҚШ долларига етказиш;
илғор технологиялар ва замонавий дизайнерлик ишланмаларини кенг жорий қилиш ҳамда халқаро брендларни жалб қилиш орқали жами экспортда тайёр тикув-трикотаж маҳсулотлари улушини 70 фоизга етказиш;
ип-калавани чуқур қайта ишлашни янада ривожлантириш мақсадида 5,0 миллиард АҚШ доллари миқдорида хорижий инвестициялар ва кредитлар жалб қилиш.
3. Савдо-саноат палатаси маҳаллий маҳсулот ва брендларни халқаро «маркетплейс»ларда тарғиб қилиш, жойлаштириш ва реклама қилиш бўйича «Made in Uzbekistan» дастурини амалга оширсин. Бунда:
Дастур доирасида тармоқ корхоналари ходимларига «маркетплейс»лар билан ишлашни ўргатиш, уларнинг дастлабки маҳсулотларини «маркетплейс»ларда жойлаштиришда кўмаклашиш, маҳаллий брендларни яратиш ва илгари суриш бўйича чора-тадбирлар амалга оширилади;
Дастурни амалга ошириш учун Компания томонидан Савдога кўмаклашиш жамғармаси ҳисобидан 2 миллион АҚШ доллари миқдорида маблағ йўналтиришга рухсат берилади.
4. Инвестициялар, саноат ва савдо вазирлиги Иқтисодиёт ва молия вазирлиги, Савдо-саноат палатаси ҳамда Наманган вилояти ҳокимлиги билан биргаликда бир ой муддатда Наманган вилоятида 30 гектар ер майдонида махсус ҳуқуқий, солиқ, божхона, валюта режимлари ўрнатиладиган, чуқур қайта ишланган тайёр кийим-кечаклар ва уй текстили маҳсулотларини ишлаб чиқаришга ихтисослашган тўқимачилик махсус саноат зонасини (кейинги ўринларда — Саноат зонаси) ташкил этиш бўйича таклифларни Вазирлар Маҳкамасига киритсин.
Бунда Саноат зонасида божхона постини ташкил қилиш, товарларни эркин муомалага чиқарадиган корхоналар учун солиқ имтиёзларини нотенг қўллашга йўл қўймаслик назарда тутилсин ҳамда ишлаб чиқариш биноларини хорижий давлатлар (Хитой, Корея, Туркия) тажрибаси асосида кўп қаватли (2-3 қават) қилиб қуриш инобатга олинсин.
5. Савдо-саноат палатасининг Компания ҳузурида масъулияти чекланган жамият шаклида устав фонди 10 миллиард сўм бўлган факторинг ташкилотини (кейинги ўринларда — Факторинг ташкилоти) ташкил этиш тўғрисидаги таклифи маъқуллансин.
6. Белгилансинки:
Тикланиш ва тараққиёт жамғармаси 5 йил муддатга 2028 йил 1 январдан қайтариш шарти билан йиллик 4 фоиз ставкада Компанияга унинг буюртмасига асосан 50 миллион АҚШ доллари, Марказий банкнинг буюртмасига асосан тижорат банкларига 50 миллион АҚШ доллари, жами 100 миллион АҚШ доллари миқдорида маблағ ажратади;
мазкур банднинг иккинчи хатбошисида назарда тутилган маблағлар Компания томонидан саноат маҳсулотлари ишлаб чиқарувчи корхоналарга қулай шартларда факторинг ва лизинг хизматлари ҳамда тўқимачилик саноати корхоналарига хомашё харид қилиш ва сотиш бўйича савдо операциялари учун молиявий хизматларни кўрсатишга йўналтирилади;
мазкур маблағларнинг тижорат банкларига ажратиладиган 50 миллион АҚШ доллари қисми Енгил саноатни ривожлантириш агентлигининг тавсиясига асосан енгил саноат корхоналарига қулай шартларда факторинг ва лизинг хизматлари, хомашё харид қилиш ва сотиш бўйича савдо операциялари учун молиявий хизматларни кўрсатишга йўналтирилади;
ажратиладиган мазкур маблағларни самарали бошқариш учун Компания ҳузурида алоҳида юридик шахслар ташкил этишга рухсат берилади;
Факторинг ташкилоти фаолиятини йўлга қўйиш учун малакали маҳаллий ва хорижий мутахассисларни жалб қилиш билан боғлиқ харажатлар Савдога кўмаклашиш жамғармаси маблағлари ҳисобидан молиялаштирилади.
Бош вазир ўринбосари Ж.А. Ходжаев Савдо-саноат палатаси таклифларига кўра икки ой муддатда молиявий хизматларни кўрсатиш тартиби ва аниқ шартларини, шунингдек, молиявий хизматларнинг турлари бўйича маблағлар тақсимотини тасдиқласин.
7. Савдо-саноат палатаси:
мазкур Фармоннинг 6-бандида назарда тутилган молиявий хизматларнинг кенг жорий қилинишини;
Факторинг ташкилоти фаолиятига факторинг хизматларига оид юқори билим ва касбий маҳоратларга эга маҳаллий ва хорижий мутахассислар жалб қилинишини;
чораклик режа-графиклар асосида корхоналарнинг факторинг хизматларидан хабардорлигини ошириш ва факторингнинг афзалликлари юзасидан тушунтириш ишлари олиб борилишини таъминласин.
8. Ўзбекистон Республикаси Президентининг 2022 йил 21 январдаги «Тўқимачилик ва тикув-трикотаж корхоналарида чуқур қайта ишлаш ва юқори қўшилган қийматли тайёр маҳсулотлар ишлаб чиқаришни ҳамда уларнинг экспортини рағбатлантириш чора-тадбирлари тўғрисида»ги ПФ-53-сон Фармонининг 3-банди «б» кичик бандида назарда тутилган пахта ип-калаваси экспорти йиғими бўйича қарздорликлар ундирилиб, мазкур маблағлар ҳисобидан қарздорлик шаклланган йилда тайёр тикув-трикотаж маҳсулотларини экспорт қилган корхоналарни амалга оширган экспорти ҳажмига мутаносиб равишда субсидиялашга рухсат берилсин.
9. Савдо-саноат палатаси бошқа манфаатдор вазирлик ва идоралар билан биргаликда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.
10. Ўзбекистон Республикаси Президентининг айрим ҳужжатларига иловага мувофиқ ўзгартириш ва қўшимчалар киритилсин.
11. Мазкур Фармоннинг ижросини самарали ташкил қилишга масъул ва шахсий жавобгар этиб Бош вазир ўринбосарлари Ж.А. Қўчқоров ва Ж.А. Ходжаев ҳамда Савдо-саноат палатаси раиси Д.А. Вахабов белгилансин.
Фармон ижросини назорат қилиш, масъул вазирлик ва идоралар фаолиятини мувофиқлаштириш Ўзбекистон Республикасининг Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 16 январдаги ПФ-6-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2020 йил 21 октябрдаги «Экспорт фаолиятини молиявий қўллаб-қувватлашни янада кенгайтириш чора-тадбирлари тўғрисида»ги ПФ-6091-сон Фармонининг 5-банди қуйидаги таҳрирда баён этилсин:
«5. «Савдони ривожлантириш компанияси» АЖ томонидан тижорат банкларига экспорт билан боғлиқ савдо операциялари ва экспортолди молиялаштириш кредитлари учун молиявий ресурслар тақдим этиш шартлари ва миқдорлари Инвестицияларни жалб қилиш, саноатни ривожлантириш ва савдони тартибга солиш масалалари бўйича Ҳукумат комиссияси томонидан белгиланади».
2. Ўзбекистон Республикаси Президентининг 2024 йил 30 августдаги «Ўзбекистон Республикаси Президентининг тадбиркорлар билан тўртинчи очиқ мулоқотида белгиланган вазифаларни амалга ошириш чора-тадбирлари тўғрисида»ги ПФ-132-сон Фармонига 3-илованинг 2-банди ўз кучини йўқотган деб ҳисоблансин.
3. Ўзбекистон Республикаси Президентининг 2024 йил 27 декабрдаги «Тадбиркорлар учун тенг шароитлар ва адолатли рақобат муҳитини таъминлаш бўйича навбатдаги чора-тадбирлар тўғрисида»ги ПФ-229-сон Фармонида :
а) 2-банд қуйидаги таҳрирда баён этилсин:
«2. 2025 йил 1 январдан 2028 йил 1 январга қадар тикув-трикотаж, пойабзал ва чарм-атторлик саноати йўналишларида ишлаб чиқариш фаолиятини юритаётган ва қуйидаги барча шартларга бир вақтнинг ўзида жавоб берадиган тадбиркорлик субъектлари учун фойда солиғи ставкаси 2 фоиз ва ижтимоий солиқ ставкаси 1 фоиз этиб белгилансин:
1 000 тагача иш ўрнига эга корхоналарда жами ходимлар сонининг камида 15 фоизи, 1 000 тадан ортиқ иш ўрнига эга корхоналарда жами ходимлар сонининг камида 10 фоизи, бироқ камида 150 нафари Ижтимоий ҳимоя ягона реестри ёки Камбағал оилалар реестрига киритилган оилаларнинг аъзоларидан иборат бўлганда. Бунда ходим тегишли реестрдан белгиланган тартибда чиқарилганидан кейин имтиёзнинг қўлланиши 6 ой давомида амал қилади;
ҳар ойда ўртача иш ҳақи миқдори меҳнатга ҳақ тўлашнинг энг кам миқдорининг икки бараваридан кам бўлмаган миқдорда ҳисобланганда;
ҳисобот даврида тўқув (трикотаж мато, ип-газлама ва пайпоқ маҳсулотлари), тикув-трикотаж, пойабзал ёки чарм-атторлик маҳсулотларини реализация қилишдан тушган умумий тушуми жами товарларни (хизматларни) реализация қилишдан олинган даромаднинг камида 90 фоизини ташкил этганда.
Ушбу бандда белгиланган имтиёзлардан фойдаланиш учун барча шартларнинг бир вақтда бажарилганлиги солиқ органлари томонидан инсон омилисиз автоматик тарзда ҳисобот чораги якунлари бўйича кейинги ойнинг 25-санасига қадар аниқланади.
Бунда мазкур шартлар тегишли чоракнинг ҳар бир ойида бажарилганда, солиқ имтиёзи ушбу чорак учун қўлланилади.
Тадбиркорлик субъектлари томонидан ушбу бандда белгиланган солиқ имтиёзларидан фойдаланилгандан сўнг солиқ ҳисоботларини қайта тақдим этиш орқали белгиланган шартларга риоя этмаганлик ҳолати аниқланганда, солиқ имтиёзи бекор қилиниб, солиқлар пеня ҳисобланган ҳолда ҳисоблаб чиқарилади ва бюджетга ундирилади»;
в) 2-илованинг 1-позицияси «Мазмуни» устуни қуйидаги таҳрирда баён этилсин:
«2025 йил 1 январдан 2028 йил 1 январга қадар тикув-трикотаж, пойабзал ва чарм-атторлик саноати йўналишларида ишлаб чиқариш фаолиятини юритаётган ва қуйидаги барча шартларга бир вақтнинг ўзида жавоб берадиган тадбиркорлик субъектлари учун фойда солиғи ставкасини 2 фоиз ва ижтимоий солиқ ставкасини 1 фоиз этиб белгилаш:
1 000 тагача иш ўрнига эга корхоналарда жами ходимлар сонининг камида 15 фоизи, 1 000 тадан ортиқ иш ўрнига эга корхоналарда жами ходимлар сонининг камида 10 фоизи, бироқ камида 150 нафари Ижтимоий ҳимоя ягона реестри ёки Камбағал оилалар реестрига киритилган оилаларнинг аъзоларидан иборат бўлганда. Бунда ходим тегишли реестрдан белгиланган тартибда чиқарилганидан кейин имтиёзнинг қўлланиши 6 ой давомида амал қилади;
ҳар ойда ўртача иш ҳақи миқдори меҳнатга ҳақ тўлашнинг энг кам миқдорининг икки бараваридан кам бўлмаган миқдорда ҳисобланганда;
ҳисобот даврида тўқув (трикотаж мато, ип-газлама ва пайпоқ маҳсулотлари), тикув-трикотаж, пойабзал ва чарм-атторлик маҳсулотларини реализация қилишдан тушган умумий тушуми жами товарларни (хизматларни) реализация қилишдан олинган даромаднинг камида 90 фоизини ташкил этганда.
Ушбу бандда белгиланган имтиёзлардан фойдаланиш учун барча шартларнинг бир вақтда бажарилганлиги солиқ органлари томонидан инсон омилисиз автоматик тарзда ҳисобот чораги якунлари бўйича кейинги ойнинг 25-санасига қадар аниқланади.
Бунда мазкур шартлар тегишли чоракнинг ҳар бир ойида бажарилганда, солиқ имтиёзи ушбу чорак учун қўлланилади.
Тадбиркорлик субъектлари томонидан ушбу бандда белгиланган солиқ имтиёзларидан фойдаланилгандан сўнг солиқ ҳисоботларини қайта тақдим этиш орқали белгиланган шартларга риоя этмаганлик ҳолати аниқланганда, солиқ имтиёзи бекор қилиниб, солиқлар пеня ҳисобланган ҳолда ҳисоблаб чиқарилади ва бюджетга ундирилади».
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 16 январь,
ПФ-6-сон
Oʻzbekiston Respublikasi Prezidentining
Farmoni
Toʻqimachilik va tikuv-trikotaj sanoatida qayta ishlash zanjirini rivojlantirish boʻyicha qoʻshimcha chora-tadbirlar toʻgʻrisida
Toʻqimachilik va tikuv-trikotaj sanoatining investitsion jozibadorligini va raqobatbardoshligini yanada oshirish, sohaning eksport salohiyatini kengaytirish, mahalliy toʻqimachilik mahsulotlarining xorijiy bozorlarga kengroq kirib borishi uchun sharoitlar yaratish maqsadida:
1. 2025 — 2027-yillarda toʻqimachilik va tikuv-trikotaj sanoatida qayta ishlash zanjirini rivojlantirishning asosiy maqsadli koʻrsatkichlari etib quyidagilar belgilansin:
mahsulotlar eksportini 2025-yilda 4,0 milliard AQSH dollariga, 2026-yilda 5,0 milliard AQSH dollariga va 2027-yilda 7,0 milliard AQSH dollariga yetkazish;
AQSH va Yevropa davlatlari bozorlariga tayyor mahsulotlar eksportini 500 million AQSH dollariga yetkazish;
ilgʻor texnologiyalar va zamonaviy dizaynerlik ishlanmalarini keng joriy qilish hamda xalqaro brendlarni jalb qilish orqali jami eksportda tayyor tikuv-trikotaj mahsulotlari ulushini 70 foizga yetkazish;
ip-kalavani chuqur qayta ishlashni yanada rivojlantirish maqsadida 5,0 milliard AQSH dollari miqdorida xorijiy investitsiyalar va kreditlar jalb qilish.
3. Savdo-sanoat palatasi mahalliy mahsulot va brendlarni xalqaro “marketpleys”larda targʻib qilish, joylashtirish va reklama qilish boʻyicha “Made in Uzbekistan” dasturini amalga oshirsin. Bunda:
Dastur doirasida tarmoq korxonalari xodimlariga “marketpleys”lar bilan ishlashni oʻrgatish, ularning dastlabki mahsulotlarini “marketpleys”larda joylashtirishda koʻmaklashish, mahalliy brendlarni yaratish va ilgari surish boʻyicha chora-tadbirlar amalga oshiriladi;
Dasturni amalga oshirish uchun Kompaniya tomonidan Savdoga koʻmaklashish jamgʻarmasi hisobidan 2 million AQSH dollari miqdorida mablagʻ yoʻnaltirishga ruxsat beriladi.
4. Investitsiyalar, sanoat va savdo vazirligi Iqtisodiyot va moliya vazirligi, Savdo-sanoat palatasi hamda Namangan viloyati hokimligi bilan birgalikda bir oy muddatda Namangan viloyatida 30 gektar yer maydonida maxsus huquqiy, soliq, bojxona, valyuta rejimlari oʻrnatiladigan, chuqur qayta ishlangan tayyor kiyim-kechaklar va uy tekstili mahsulotlarini ishlab chiqarishga ixtisoslashgan toʻqimachilik maxsus sanoat zonasini (keyingi oʻrinlarda — Sanoat zonasi) tashkil etish boʻyicha takliflarni Vazirlar Mahkamasiga kiritsin.
Bunda Sanoat zonasida bojxona postini tashkil qilish, tovarlarni erkin muomalaga chiqaradigan korxonalar uchun soliq imtiyozlarini noteng qoʻllashga yoʻl qoʻymaslik nazarda tutilsin hamda ishlab chiqarish binolarini xorijiy davlatlar (Xitoy, Koreya, Turkiya) tajribasi asosida koʻp qavatli (2-3 qavat) qilib qurish inobatga olinsin.
5. Savdo-sanoat palatasining Kompaniya huzurida masʼuliyati cheklangan jamiyat shaklida ustav fondi 10 milliard soʻm boʻlgan faktoring tashkilotini (keyingi oʻrinlarda — Faktoring tashkiloti) tashkil etish toʻgʻrisidagi taklifi maʼqullansin.
6. Belgilansinki:
Tiklanish va taraqqiyot jamgʻarmasi 5 yil muddatga 2028-yil 1-yanvardan qaytarish sharti bilan yillik 4 foiz stavkada Kompaniyaga uning buyurtmasiga asosan 50 million AQSH dollari, Markaziy bankning buyurtmasiga asosan tijorat banklariga 50 million AQSH dollari, jami 100 million AQSH dollari miqdorida mablagʻ ajratadi;
mazkur bandning ikkinchi xatboshisida nazarda tutilgan mablagʻlar Kompaniya tomonidan sanoat mahsulotlari ishlab chiqaruvchi korxonalarga qulay shartlarda faktoring va lizing xizmatlari hamda toʻqimachilik sanoati korxonalariga xomashyo xarid qilish va sotish boʻyicha savdo operatsiyalari uchun moliyaviy xizmatlarni koʻrsatishga yoʻnaltiriladi;
mazkur mablagʻlarning tijorat banklariga ajratiladigan 50 million AQSH dollari qismi Yengil sanoatni rivojlantirish agentligining tavsiyasiga asosan yengil sanoat korxonalariga qulay shartlarda faktoring va lizing xizmatlari, xomashyo xarid qilish va sotish boʻyicha savdo operatsiyalari uchun moliyaviy xizmatlarni koʻrsatishga yoʻnaltiriladi;
ajratiladigan mazkur mablagʻlarni samarali boshqarish uchun Kompaniya huzurida alohida yuridik shaxslar tashkil etishga ruxsat beriladi;
Faktoring tashkiloti faoliyatini yoʻlga qoʻyish uchun malakali mahalliy va xorijiy mutaxassislarni jalb qilish bilan bogʻliq xarajatlar Savdoga koʻmaklashish jamgʻarmasi mablagʻlari hisobidan moliyalashtiriladi.
Bosh vazir oʻrinbosari J.A. Xodjayev Savdo-sanoat palatasi takliflariga koʻra ikki oy muddatda moliyaviy xizmatlarni koʻrsatish tartibi va aniq shartlarini, shuningdek, moliyaviy xizmatlarning turlari boʻyicha mablagʻlar taqsimotini tasdiqlasin.
7. Savdo-sanoat palatasi:
mazkur Farmonning 6-bandida nazarda tutilgan moliyaviy xizmatlarning keng joriy qilinishini;
Faktoring tashkiloti faoliyatiga faktoring xizmatlariga oid yuqori bilim va kasbiy mahoratlarga ega mahalliy va xorijiy mutaxassislar jalb qilinishini;
choraklik reja-grafiklar asosida korxonalarning faktoring xizmatlaridan xabardorligini oshirish va faktoringning afzalliklari yuzasidan tushuntirish ishlari olib borilishini taʼminlasin.
8. Oʻzbekiston Respublikasi Prezidentining 2022-yil 21-yanvardagi “Toʻqimachilik va tikuv-trikotaj korxonalarida chuqur qayta ishlash va yuqori qoʻshilgan qiymatli tayyor mahsulotlar ishlab chiqarishni hamda ularning eksportini ragʻbatlantirish chora-tadbirlari toʻgʻrisida”gi PF-53-son Farmonining 3-bandi “b” kichik bandida nazarda tutilgan paxta ip-kalavasi eksporti yigʻimi boʻyicha qarzdorliklar undirilib, mazkur mablagʻlar hisobidan qarzdorlik shakllangan yilda tayyor tikuv-trikotaj mahsulotlarini eksport qilgan korxonalarni amalga oshirgan eksporti hajmiga mutanosib ravishda subsidiyalashga ruxsat berilsin.
9. Savdo-sanoat palatasi boshqa manfaatdor vazirlik va idoralar bilan birgalikda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
10. Oʻzbekiston Respublikasi Prezidentining ayrim hujjatlariga ilovaga muvofiq oʻzgartirish va qoʻshimchalar kiritilsin.
11. Mazkur Farmonning ijrosini samarali tashkil qilishga masʼul va shaxsiy javobgar etib Bosh vazir oʻrinbosarlari J.A. Qoʻchqorov va J.A. Xodjayev hamda Savdo-sanoat palatasi raisi D.A. Vaxabov belgilansin.
Farmon ijrosini nazorat qilish, masʼul vazirlik va idoralar faoliyatini muvofiqlashtirish Oʻzbekiston Respublikasining Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 16-yanvardagi PF-6-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2020-yil 21-oktabrdagi “Eksport faoliyatini moliyaviy qoʻllab-quvvatlashni yanada kengaytirish chora-tadbirlari toʻgʻrisida”gi PF-6091-son Farmonining 5-bandi quyidagi tahrirda bayon etilsin:
“5. “Savdoni rivojlantirish kompaniyasi” AJ tomonidan tijorat banklariga eksport bilan bogʻliq savdo operatsiyalari va eksportoldi moliyalashtirish kreditlari uchun moliyaviy resurslar taqdim etish shartlari va miqdorlari Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi tomonidan belgilanadi”.
2. Oʻzbekiston Respublikasi Prezidentining 2024-yil 30-avgustdagi “Oʻzbekiston Respublikasi Prezidentining tadbirkorlar bilan toʻrtinchi ochiq muloqotida belgilangan vazifalarni amalga oshirish chora-tadbirlari toʻgʻrisida”gi PF-132-son Farmoniga 3-ilovaning 2-bandi oʻz kuchini yoʻqotgan deb hisoblansin.
3. Oʻzbekiston Respublikasi Prezidentining 2024-yil 27-dekabrdagi “Tadbirkorlar uchun teng sharoitlar va adolatli raqobat muhitini taʼminlash boʻyicha navbatdagi chora-tadbirlar toʻgʻrisida”gi PF-229-son Farmonida :
a) 2-band quyidagi tahrirda bayon etilsin:
“2. 2025-yil 1-yanvardan 2028-yil 1-yanvarga qadar tikuv-trikotaj, poyabzal va charm-attorlik sanoati yoʻnalishlarida ishlab chiqarish faoliyatini yuritayotgan va quyidagi barcha shartlarga bir vaqtning oʻzida javob beradigan tadbirkorlik subyektlari uchun foyda soligʻi stavkasi 2 foiz va ijtimoiy soliq stavkasi 1 foiz etib belgilansin:
1 000 tagacha ish oʻrniga ega korxonalarda jami xodimlar sonining kamida 15 foizi, 1 000 tadan ortiq ish oʻrniga ega korxonalarda jami xodimlar sonining kamida 10 foizi, biroq kamida 150 nafari Ijtimoiy himoya yagona reyestri yoki Kambagʻal oilalar reyestriga kiritilgan oilalarning aʼzolaridan iborat boʻlganda. Bunda xodim tegishli reyestrdan belgilangan tartibda chiqarilganidan keyin imtiyozning qoʻllanishi 6 oy davomida amal qiladi;
har oyda oʻrtacha ish haqi miqdori mehnatga haq toʻlashning eng kam miqdorining ikki baravaridan kam boʻlmagan miqdorda hisoblanganda;
hisobot davrida toʻquv (trikotaj mato, ip-gazlama va paypoq mahsulotlari), tikuv-trikotaj, poyabzal yoki charm-attorlik mahsulotlarini realizatsiya qilishdan tushgan umumiy tushumi jami tovarlarni (xizmatlarni) realizatsiya qilishdan olingan daromadning kamida 90 foizini tashkil etganda.
Ushbu bandda belgilangan imtiyozlardan foydalanish uchun barcha shartlarning bir vaqtda bajarilganligi soliq organlari tomonidan inson omilisiz avtomatik tarzda hisobot choragi yakunlari boʻyicha keyingi oyning 25-sanasiga qadar aniqlanadi.
Bunda mazkur shartlar tegishli chorakning har bir oyida bajarilganda, soliq imtiyozi ushbu chorak uchun qoʻllaniladi.
Tadbirkorlik subyektlari tomonidan ushbu bandda belgilangan soliq imtiyozlaridan foydalanilgandan soʻng soliq hisobotlarini qayta taqdim etish orqali belgilangan shartlarga rioya etmaganlik holati aniqlanganda, soliq imtiyozi bekor qilinib, soliqlar penya hisoblangan holda hisoblab chiqariladi va budjetga undiriladi”;
v) 2-ilovaning 1-pozitsiyasi “Mazmuni” ustuni quyidagi tahrirda bayon etilsin:
“2025-yil 1-yanvardan 2028-yil 1-yanvarga qadar tikuv-trikotaj, poyabzal va charm-attorlik sanoati yoʻnalishlarida ishlab chiqarish faoliyatini yuritayotgan va quyidagi barcha shartlarga bir vaqtning oʻzida javob beradigan tadbirkorlik subyektlari uchun foyda soligʻi stavkasini 2 foiz va ijtimoiy soliq stavkasini 1 foiz etib belgilash:
1 000 tagacha ish oʻrniga ega korxonalarda jami xodimlar sonining kamida 15 foizi, 1 000 tadan ortiq ish oʻrniga ega korxonalarda jami xodimlar sonining kamida 10 foizi, biroq kamida 150 nafari Ijtimoiy himoya yagona reyestri yoki Kambagʻal oilalar reyestriga kiritilgan oilalarning aʼzolaridan iborat boʻlganda. Bunda xodim tegishli reyestrdan belgilangan tartibda chiqarilganidan keyin imtiyozning qoʻllanishi 6 oy davomida amal qiladi;
har oyda oʻrtacha ish haqi miqdori mehnatga haq toʻlashning eng kam miqdorining ikki baravaridan kam boʻlmagan miqdorda hisoblanganda;
hisobot davrida toʻquv (trikotaj mato, ip-gazlama va paypoq mahsulotlari), tikuv-trikotaj, poyabzal va charm-attorlik mahsulotlarini realizatsiya qilishdan tushgan umumiy tushumi jami tovarlarni (xizmatlarni) realizatsiya qilishdan olingan daromadning kamida 90 foizini tashkil etganda.
Ushbu bandda belgilangan imtiyozlardan foydalanish uchun barcha shartlarning bir vaqtda bajarilganligi soliq organlari tomonidan inson omilisiz avtomatik tarzda hisobot choragi yakunlari boʻyicha keyingi oyning 25-sanasiga qadar aniqlanadi.
Bunda mazkur shartlar tegishli chorakning har bir oyida bajarilganda, soliq imtiyozi ushbu chorak uchun qoʻllaniladi.
Tadbirkorlik subyektlari tomonidan ushbu bandda belgilangan soliq imtiyozlaridan foydalanilgandan soʻng soliq hisobotlarini qayta taqdim etish orqali belgilangan shartlarga rioya etmaganlik holati aniqlanganda, soliq imtiyozi bekor qilinib, soliqlar penya hisoblangan holda hisoblab chiqariladi va budjetga undiriladi”.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 16-yanvar,
PF-6-son
Президента Республики Узбекистан
Указ
О дополнительных мерах по развитию цепочки переработки в текстильной и швейно-трикотажной промышленности
В целях дальнейшего повышения инвестиционной привлекательности и конкурентоспособности текстильной и швейно-трикотажной промышленности, наращивания экспортного потенциала отрасли, создания условий для более широкого продвижения отечественной текстильной продукции на зарубежные рынки:
1. Определить основными целевыми показателями по развитию цепочки переработки в текстильной и швейно-трикотажной промышленности на 2025 — 2027 годы:
доведение экспорта продукции в 2025 году до 4,0 миллиардов долларов США, в 2026 году — до 5,0 миллиардов долларов США, в 2027 году — до 7,0 миллиардов долларов США;
доведение экспорта готовой продукции на рынки США и государств Европы до 500 миллионов долларов США;
доведение доли готовой швейно-трикотажной продукции в общем объеме экспорта до 70 процентов путем широкого внедрения передовых технологий и современных дизайнерских разработок, а также привлечения международных брендов;
привлечение иностранных инвестиций и кредитов в размере 5,0 миллиардов долларов США в целях дальнейшего развития глубокой переработки пряжи.
3. Торгово-промышленной палате реализовать Программу «Made in Uzbekistan» по продвижению, размещению и рекламе отечественной продукции и брендов на международных маркетплейсах. При этом:
в рамках Программы осуществляются меры по содействию в обучении работников отраслевых предприятий работе с маркетплейсами и размещении на них их первичной продукции, созданию и продвижению отечественных брендов;
Компании разрешается направить средства в размере 2 миллионов долларов США за счет Фонда содействия торговли на реализацию Программы.
4. Министерству инвестиций, промышленности и торговли совместно с Министерством экономики и финансов, Торгово-промышленной палатой и хокимиятом Наманганской области в месячный срок внести в Кабинет Министров предложение по образованию на 30 гектарах земельной площади в Наманганской области Специальной текстильной промышленной зоны, специализированной на производстве глубоко переработанной готовой одежды и продукции домашнего текстиля (далее — Промышленная зона), на территории которой устанавливаются особые правовой, налоговый, таможенный и валютный режимы.
При этом предусмотреть создание таможенных постов, недопущение неравного применения налоговых льгот к предприятиям, выпускающим товары в свободное обращение, а также рассмотреть вопрос строительства производственных зданий в виде многоэтажных (2-3 этажа) на основе опыта зарубежных государств (Китая, Кореи, Турции).
5. Одобрить предложение Торгово-промышленной палаты по образованию Факторинговой организации при Компании в форме общества с ограниченной ответственностью с уставным фондом в размере 10 миллиардов сумов (далее — Факторинговая организация).
6. Установить, что:
Фонд реконструкции и развития выделяет средства в общей сложности 100 миллионов долларов США на срок 5 лет с условием погашения с 1 января 2028 года, в частности Компании на основании ее заявки — 50 миллионов долларов США по ставке 4 процента годовых, коммерческим банкам на основании заявки Центрального банка — 50 миллионов долларов США;
Компания направляет средства, предусмотренные абзацем вторым настоящего пункта, для оказания на благоприятных условиях факторинговых и лизинговых услуг предприятиям, осуществляющим производство промышленной продукции, а также для оказания финансовых услуг по торговым операциям закупки и реализации сырья предприятиям текстильной промышленности;
часть указанных средств в размере 50 миллионов долларов США, выделяемая коммерческим банкам, направляется предприятиям легкой промышленности на основании рекомендации Агентства по развитию легкой промышленности для оказания факторинговых и лизинговых услуг, а также финансовых услуг для торговых операций по закупкам и реализации сырья на благоприятных условиях;
для эффективного управления выделяемыми данными средствами разрешается создавать при Компании отдельные юридические лица;
расходы, связанные с привлечением отечественных и зарубежных специалистов к налаживанию деятельности Факторинговой организации, финансируются за счет средств Фонда содействия торговле.
Заместителю Премьер-министра Ходжаеву Ж.А. в соответствии с предложениями Торгово-промышленной палаты в двухмесячный срок утвердить порядок и конкретные условия оказания финансовых услуг, а также распределение средств по видам финансовых услуг.
7. Торгово-промышленной палате обеспечить:
широкое внедрение финансовых услуг, предусмотренных пунктом 6 настоящего Указа;
привлечение отечественных и зарубежных специалистов с высоким уровнем знаний и профессиональным мастерством по факторинговым услугам к деятельности Факторинговой организации;
повышение информированности предприятий о факторинговых услугах и проведение разъяснительных работ о преимуществах факторинга на основе квартальных планов-графиков.
8. Разрешить за счет средств взыскания задолженности по сборам за экспорт хлопчатобумажной пряжи, предусмотренным подпунктом «б» пункта 3 Указа Президента Республики Узбекистан от 21 января 2022 года № УП-53 «О мерах по стимулированию глубокой переработки, производства и экспорта готовой продукции с высокой добавленной стоимостью текстильными и швейно-трикотажными предприятиями», субсидирование предприятий, осуществивших экспорт готовой швейно-трикотажной продукции в год образования указанной задолженности, соразмерно объему осуществленного ими экспорта.
9. Торгово-промышленной палате совместно с другими заинтересованными министерствами и ведомствами внести в Кабинет Министров предложения об изменениях и дополнениях в акты законодательства, вытекающих из настоящего Указа.
10. Внести изменения и дополнения в некоторые акты Президента Республики Узбекистан согласно приложению .
11. Возложить на заместителей Премьер-министра Д.А. Кучкарова и Ж.А. Ходжаева, а также председателя Торгово-промышленной палаты Д.А. Вахабова персональную ответственность за эффективную организацию исполнения настоящего Указа.
Контроль за исполнением настоящего Указа, осуществление координации деятельности ответственных министерств и ведомств возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 16 января 2025 года № УП-6
Изменения и дополнения, вносимые в некоторые акты Президента Республики Узбекистан
1. Пункт 5 Указа Президента Республики Узбекистан от 21 октября 2020 года № УП-6091 «О мерах по дальнейшему расширению финансовой поддержки экспортной деятельности» изложить в следующей редакции:
«5. Условия и размеры предоставления АО «Компания по развитию торговли» финансовых ресурсов коммерческим банкам для кредитов на торговые операции, связанные с экспортом, и предэкспортное финансирование определяются Правительственной комиссией по вопросам привлечения инвестиций, развития промышленности и регулирования торговли».
2. Пункт 2 приложения № 3 к Указу Президента Республики Узбекистан от 30 августа 2024 года № УП-132 «О мерах по реализации задач, определенных в четвертом открытом диалоге Президента Республики Узбекистан с предпринимателями» признать утратившим силу.
3. В Указе Президента Республики Узбекистан от 27 декабря 2024 года № УП-229 «Об очередных мерах по обеспечению равных условий для предпринимателей и справедливой конкурентной среды»:
а) пункт 2 изложить в следующей редакции:
«2. Установить в период с 1 января 2025 года по 1 января 2028 года для субъектов предпринимательства, осуществляющих производственную деятельность в направлениях швейно-трикотажной, обувной и кожгалантерейной промышленности, и соблюдающих все нижеследующие условия одновременно, ставку налога на прибыль в размере 2 процента, ставку социального налога — 1 процент:
не менее 15 процентов от общего количества работников предприятий, имеющих до 1 000 рабочих мест, а также не менее 10 процентов от общего количества, но не менее 150 работников предприятий, имеющих свыше 1 000 рабочих мест, составляют члены семей, включенных в Единый реестр социальной защиты или Реестр бедных семей. При этом после исключения в установленном порядке работника из соответствующего реестра льгота применяется в течение 6 месяцев;
среднемесячная заработная плата начисляется в размере не менее двукратного размера минимальной оплаты труда;
в отчетный период общая выручка, поступившая от реализации ткацкой (трикотажного полотна, хлопчатобумажной ткани и носочных изделий), швейно-трикотажной, обувной или кожгалантерейной продукции, составляет не менее 90 процентов совокупного дохода, полученного от реализации товаров (услуг).
Одновременное выполнение всех условий для пользования льготами, установленными настоящим пунктом, определяется налоговыми органами без человеческого фактора в автоматическом порядке регулярно в срок до 25-го числа месяца, следующего за отчетным кварталом.
При выполнении указанных условий в каждом месяце соответствующего квартала налоговые льготы применяются на данный квартал.
В случае выявления факта несоблюдения установленных условий посредством повторного представления налоговой отчетности после использования субъектами предпринимательства установленных настоящим пунктом налоговых льгот, налоговые льготы аннулируются, налоги рассчитываются с начислением пени и взыскиваются в бюджет»;
в) в тексте на государственном языке графу «Мазмуни» позиции 1 приложения № 2 изложить в следующей редакции:
«2025 йил 1 январдан 2028 йил 1 январга қадар тикув-трикотаж, пойабзал ва чарм-атторлик саноати йўналишларида ишлаб чиқариш фаолиятини юритаётган ва қуйидаги барча шартларга бир вақтнинг ўзида жавоб берадиган тадбиркорлик субъектлари учун фойда солиғи ставкасини 2 фоиз ва ижтимоий солиқ ставкасини 1 фоиз этиб белгилаш:
1 000 тагача иш ўрнига эга корхоналарда жами ходимлар сонининг камида 15 фоизи, 1 000 тадан ортиқ иш ўрнига эга корхоналарда жами ходимлар сонининг камида 10 фоизи, бироқ камида 150 нафари Ижтимоий ҳимоя ягона реестри ёки Камбағал оилалар реестрига киритилган оилаларнинг аъзоларидан иборат бўлганда. Бунда ходим тегишли реестрдан белгиланган тартибда чиқарилганидан кейин имтиёзнинг қўлланиши 6 ой давомида амал қилади;
ҳар ойда ўртача иш ҳақи миқдори меҳнатга ҳақ тўлашнинг энг кам миқдорининг икки бараваридан кам бўлмаган миқдорда ҳисобланганда;
ҳисобот даврида тўқув (трикотаж мато, ип-газлама ва пайпоқ маҳсулотлари), тикув-трикотаж, пойабзал ва чарм-атторлик маҳсулотларини реализация қилишдан тушган умумий тушуми жами товарларни (хизматларни) реализация қилишдан олинган даромаднинг камида 90 фоизини ташкил этганда.
Ушбу бандда белгиланган имтиёзлардан фойдаланиш учун барча шартларнинг бир вақтда бажарилганлиги солиқ органлари томонидан инсон омилисиз автоматик тарзда ҳисобот чораги якунлари бўйича кейинги ойнинг 25-санасига қадар аниқланади.
Бунда мазкур шартлар тегишли чоракнинг ҳар бир ойида бажарилганда, солиқ имтиёзи ушбу чорак учун қўлланилади.
Тадбиркорлик субъектлари томонидан ушбу бандда белгиланган солиқ имтиёзларидан фойдаланилгандан сўнг солиқ ҳисоботларини қайта тақдим этиш орқали белгиланган шартларга риоя этмаганлик ҳолати аниқланганда, солиқ имтиёзи бекор қилиниб, солиқлар пеня ҳисобланган ҳолда ҳисоблаб чиқарилади ва бюджетга ундирилади».
Президент Республики Узбекистан Ш. МИРЗИЁЕВ
г. Ташкент,
16 января 2025 г.,
№ УП-6