📅 2025-yil 24-yanvar · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 24 январь · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 24 января 2025 г. · Постановления Президента
Официальный текст. Официальный документ. Редакционные примечания не включены.
📅 24 January 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
Туркий давлатлар халқаро университетини ташкил этиш тўғрисида
Туркий давлатлар ўртасида кейинги йилларда тобора ривожланиб бораётган сиёсий, савдо-иқтисодий, маданий-гуманитар алоқаларни янада кенгайтириш, таълим, илм-фан ва инновациялар соҳаларида ўзаро ҳамкорликни мустаҳкамлаш ҳамда илғор халқаро тажрибалар асосида малакали ва рақобатбардош кадрлар тайёрлаш мақсадида:
1. Олий таълим, фан ва инновациялар вазирлиги, Республика олий таълим кенгаши ҳамда Туркия олий таълим кенгашининг (Туркия Республикаси) Тошкент шаҳрида Туркий давлатлар халқаро университетини (кейинги ўринларда — Университет) ташкил этиш тўғрисидаги таклифига розилик берилсин.
2. Қуйидагилар Университет фаолиятининг асосий йўналишлари этиб белгилансин:
муҳандислик, қурилиш, логистика, ахборот технологиялари ва дастурлаш, соғлиқни сақлаш, қишлоқ хўжалиги, озиқ-овқат саноати ҳамда иқтисодий ва ижтимоий соҳа учун халқаро стандартларга мувофиқ олий маълумотли кадрлар тайёрлаш;
ўқув дастурларини хорижий, шу жумладан, Туркиянинг етакчи олий таълим ташкилотлари билан ҳамкорликда, шунингдек, қўшма таълим дастурлари асосида жорий этиш ҳамда илмий-тадқиқотлар олиб бориш;
таълим ва илмий-тадқиқот йўналишларида етакчи хорижий олий таълим ҳамда илмий-тадқиқот ташкилотлари билан ҳамкорликни ва талабаларнинг академик мобиллигини йўлга қўйиш;
профессор-ўқитувчилар стажировкаси ва малака оширишини нуфузли хорижий олий таълим ташкилотлари ҳамда илмий-тадқиқот марказларида ташкил этиш орқали уларнинг илмий-педагогик салоҳиятини ошириб бориш;
талабаларда юксак маънавий ва ахлоқий фазилатларни ривожлантириш, Ватанга муҳаббат, касбга садоқат ҳиссини мустаҳкамлаш, таълим-тарбия жараёни ҳамда маънавий-маърифий ишлар самарадорлигини ошириш.
3. Белгилаб қўйилсинки:
Университет Республика олий таълим кенгаши ҳамда Туркия олий таълим кенгашининг (Туркия Республикаси) муассислигидаги нодавлат олий таълим ташкилоти ҳисобланади ҳамда ўз фаолиятини Ўзбекистон Республикасининг таълим соҳасидаги қонунчилик ҳужжатлари асосида амалга оширади;
2025/2026 ўқув йилидан бошлаб Университетда таълим жараёни таълим соҳасида халқаро эътироф этилган ташкилотлар рейтингида биринчи 1000 талик рўйхатга кирган, шунингдек, ўз йўналишида етакчи ҳисобланган Туркия Республикаси олий таълим ташкилотларининг ўқув дастурлари асосида ташкил этилади;
келгусида халқаро эътироф этилган ташкилотлар рейтингида биринчи 1000 талик рўйхатга кирган бошқа туркий давлатларнинг нуфузли олий таълим ташкилотлари билан ҳамкорликда таълим дастурлари йўлга қўйилади;
Университетда талабаларни ўқитиш тўлов-контракт асосида амалга оширилади ҳамда қабул параметрлари ва тўлов-контракт миқдори Университет томонидан белгиланади;
Университетга қонунчилик ҳужжатларида белгиланган тартибда давлат буюртмасининг тақсимотида иштирок этишга рухсат берилади;
Ўзбекистон Республикаси таълим ташкилотларига қабул қилиш бўйича давлат комиссияси томонидан Туркий давлатлар ташкилотига аъзо ва кузатувчи мақомидаги давлатлар фуқароларига Университетда таҳсил олиш учун грант ўринлари ажратилиши мумкин;
Университетга талабаларни ўқишга қабул қилиш ва битирувчиларнинг аттестацияси Университет томонидан Олий таълим, фан ва инновациялар вазирлиги билан келишилган ҳолда белгиланган талаб ва тартибга мувофиқ амалга оширилади;
Университет битирувчиларига ҳамкор хорижий олий таълим ташкилотининг дипломи ҳамда Университетнинг белгиланган намунадаги дипломи берилади. Бунда битирувчиларга берилган диплом Ўзбекистон Республикасида тан олинади;
Университетга Олий таълим, фан ва инновациялар вазирлигидан белгиланган тартибда лицензия олингандан сўнг таълим фаолияти билан шуғулланишга рухсат берилади.
4. Республика олий таълим кенгаши ҳамда Туркия олий таълим кенгаши (Туркия Республикаси) ўртасидаги келишувга асосан қуйидагилар Туркиянинг ҳамкор олий таълим ташкилотлари томонидан амалга оширилиши маълумот учун қабул қилинсин:
Университетни Ўзбекистон Республикаси давлат таълим стандартларини инобатга олган ҳолда ишлаб чиқилган ўқув-методик материаллар (ўқув режаси ва дастурлари, ўқув адабиётлари) билан тўлиқ таъминлаш;
Университет талабалари ва профессор-ўқитувчилари учун ҳамкор хорижий олий таълим ташкилотларининг кутубхона фондидан фойдаланиш имкониятини яратиш;
Университетда дарс машғулотларини олиб бориш учун етакчи хорижий, шу жумладан, Туркиянинг ҳамкор олий таълим ташкилотлари профессор-ўқитувчиларини жалб қилиш;
Университет учун педагог кадрлар тайёрлаш мақсадида Ўзбекистон Республикаси фуқароларига ҳар бир ҳамкор олий таълим ташкилотининг магистратураси ва докторантурасига мақсадли грант ўринларини ажратиш.
5. Туркий давлатлар халқаро университети фаолиятини йўлга қўйиш ва мувофиқлаштириш бўйича бошқарув кенгаши (кейинги ўринларда — Бошқарув кенгаши) ташкил этилсин ва унинг таркиби иловага мувофиқ тасдиқлансин.
Бошқарув кенгашининг асосий вазифалари этиб қуйидагилар белгилансин:
Университетнинг ташкилий тузилмасини тасдиқлаш;
Университетни ривожлантириш дастури ва мақсадли кўрсаткичлари лойиҳаларини кўриб чиқиш ҳамда келишиш;
Университетга юкланган вазифалар ижроси, мақсадли кўрсаткичларга эришиш ҳолатини назорат қилиб бориш ва йиллик ҳисоботларни қабул қилиш;
Университетни молиявий қўллаб-қувватлаш, унинг фаолиятини ривожлантириш учун ҳомийлик хайриялари ва бошқа манбаларни жалб этишга кўмаклашиш;
Университетга ажратилган биноларни таъмирлаш ва тиклаш учун зарур маблағларни ажратиш, ушбу биноларни замонавий ўқув ва лаборатория жиҳозлари, инвентарь, компьютер ва бошқа ташкилий жиҳозлар ҳамда кутубхона фонди билан таъминлаш;
Университет ректори ва проректори лавозимларига номзодларни кўриб чиқиш ва тасдиқлаш.
6. Тошкент шаҳри Учтепа тумани Кичик ҳалқа автомобиль йўли кўчаси 3 ва 3а-уй манзилларида жойлашган Тошкент давлат иқтисодиёт университети ҳамда Тошкент солиқ техникумининг бино ва иншоотлари Олий таълим, фан ва инновациялар вазирлигига оператив бошқарув ҳуқуқи асосида бепул берилсин.
Университет ушбу бино ва иншоотларга текин фойдаланиш ҳуқуқи асосида жойлаштирилсин.
7. Тошкент солиқ техникуми ҳамда Тошкент иқтисодиёт ва саноат техникуми негизида Тошкент иқтисодиёт ва солиқ техникуми ташкил этилсин.
8. Белгилансинки:
фаолияти тугатиладиган Тошкент солиқ техникуми ўқувчилари Тошкент иқтисодиёт ва солиқ техникумида амалдаги дастурлар асосида таълимни давом эттиради;
Тошкент солиқ техникумининг барча товар-моддий бойликлари (ўқув бино ва иншоотлари бундан мустасно) Тошкент иқтисодиёт ва солиқ техникумига белгиланган тартибда берилади;
Тошкент иқтисодиёт ва солиқ техникуми Тошкент солиқ техникуми ҳамда Тошкент иқтисодиёт ва саноат техникумининг ҳуқуқ ва мажбуриятлари, шунингдек, тузилган шартномалари бўйича ҳуқуқий вориси ҳисобланади.
9. Қуйидагилар Университет фаолиятини молиялаштириш манбалари этиб белгиланиши инобатга олинсин:
Республика олий таълим кенгаши маблағлари;
Университетнинг ўз маблағлари;
тўлов-контракт асосида талабаларни ўқитишдан ва шартнома асосида таълим хизматлари кўрсатишдан тушган маблағлар;
жисмоний ва юридик шахсларнинг ҳомийлик хайриялари ва грантлар;
қонунчилик ҳужжатларида тақиқланмаган бошқа манбалар.
10. Ташқи ишлар вазирлиги Олий таълим, фан ва инновациялар вазирлигининг буюртманомаларига асосан мазкур қарорнинг ижроси доирасида Университетга жалб қилинадиган чет эллик профессор-ўқитувчилар ва маъмурий ходимлар ҳамда уларнинг оила аъзолари учун кириш визаларини белгиланган тартибда расмийлаштирилишини таъминласин.
11. Камбағалликни қисқартириш ва бандлик вазирлиги Олий таълим, фан ва инновациялар вазирлигининг буюртманомаларига асосан Университет фаолиятини ташкил этишда иштирок этувчи чет эллик мутахассисларга Ўзбекистон Республикаси ҳудудида меҳнат фаолиятини амалга ошириш ҳуқуқини берувчи тасдиқномалар берилишини (муддати узайтирилишини) таъминласин.
12. Мазкур қарорнинг ижросини самарали ташкил қилишга масъул ва шахсий жавобгар этиб олий таълим, фан ва инновациялар вазири К.А. Шарипов белгилансин.
Қарор ижросини назорат қилиш Ўзбекистон Республикасининг Бош вазири А.Н. Арипов ва Ўзбекистон Республикаси Президенти Администрацияси Ижтимоий ривожланиш департаменти раҳбари О.Қ. Абдурахманов зиммасига юклансин.
Ўзбекистон Республикаси Президентининг 2025 йил 24 январдаги ПҚ-24-сон қарорига ИЛОВА
Туркий давлатлар халқаро университети фаолиятини йўлга қўйиш ва мувофиқлаштириш бўйича бошқарув кенгашининг
1. О. Абдурахманов — Ўзбекистон Республикаси Президенти Администрацияси Ижтимоий ривожланиш департаменти раҳбари, Республика олий таълим кенгаши раиси, Бошқарув кенгаши раиси 2. Э. Ўзвар — Туркия олий таълим кенгаши раиси, Бошқарув кенгаши ҳамраиси 3. К. Шарипов — олий таълим, фан ва инновациялар вазири, Бошқарув кенгаши раиси ўринбосари 4. Н. Будак — Туркиянинг Эге университети ректори 5. Ҳ. Мандал — Туркиянинг Истанбул техника университети ректори 6. А. Ёзгатлигил — Туркиянинг Яқин шарқ техника университети президенти 7. М. Гюуран — Туркиянинг Хажетеппе университети ректори 8. М. Мадраҳимов — ташқи ишлар вазири ўринбосари 9. Ш. Умурзаков — Тошкент шаҳар ҳокими 11. Лавозимига кўра — Туркий давлатлар халқаро университети ректори, Бошқарув кенгаши котиби
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 24 январь,
ПҚ-24-сон
Oʻzbekiston Respublikasi Prezidentining
qarori
TARKIBI
Turkiy davlatlar xalqaro universitetini tashkil etish toʻgʻrisida
Turkiy davlatlar oʻrtasida keyingi yillarda tobora rivojlanib borayotgan siyosiy, savdo-iqtisodiy, madaniy-gumanitar aloqalarni yanada kengaytirish, taʼlim, ilm-fan va innovatsiyalar sohalarida oʻzaro hamkorlikni mustahkamlash hamda ilgʻor xalqaro tajribalar asosida malakali va raqobatbardosh kadrlar tayyorlash maqsadida:
1. Oliy taʼlim, fan va innovatsiyalar vazirligi, Respublika oliy taʼlim kengashi hamda Turkiya oliy taʼlim kengashining (Turkiya Respublikasi) Toshkent shahrida Turkiy davlatlar xalqaro universitetini (keyingi oʻrinlarda — Universitet) tashkil etish toʻgʻrisidagi taklifiga rozilik berilsin.
2. Quyidagilar Universitet faoliyatining asosiy yoʻnalishlari etib belgilansin:
muhandislik, qurilish, logistika, axborot texnologiyalari va dasturlash, sogʻliqni saqlash, qishloq xoʻjaligi, oziq-ovqat sanoati hamda iqtisodiy va ijtimoiy soha uchun xalqaro standartlarga muvofiq oliy maʼlumotli kadrlar tayyorlash;
oʻquv dasturlarini xorijiy, shu jumladan, Turkiyaning yetakchi oliy taʼlim tashkilotlari bilan hamkorlikda, shuningdek, qoʻshma taʼlim dasturlari asosida joriy etish hamda ilmiy-tadqiqotlar olib borish;
taʼlim va ilmiy-tadqiqot yoʻnalishlarida yetakchi xorijiy oliy taʼlim hamda ilmiy-tadqiqot tashkilotlari bilan hamkorlikni va talabalarning akademik mobilligini yoʻlga qoʻyish;
professor-oʻqituvchilar stajirovkasi va malaka oshirishini nufuzli xorijiy oliy taʼlim tashkilotlari hamda ilmiy-tadqiqot markazlarida tashkil etish orqali ularning ilmiy-pedagogik salohiyatini oshirib borish;
talabalarda yuksak maʼnaviy va axloqiy fazilatlarni rivojlantirish, Vatanga muhabbat, kasbga sadoqat hissini mustahkamlash, taʼlim-tarbiya jarayoni hamda maʼnaviy-maʼrifiy ishlar samaradorligini oshirish.
3. Belgilab qoʻyilsinki:
Universitet Respublika oliy taʼlim kengashi hamda Turkiya oliy taʼlim kengashining (Turkiya Respublikasi) muassisligidagi nodavlat oliy taʼlim tashkiloti hisoblanadi hamda oʻz faoliyatini Oʻzbekiston Respublikasining taʼlim sohasidagi qonunchilik hujjatlari asosida amalga oshiradi;
2025/2026 oʻquv yilidan boshlab Universitetda taʼlim jarayoni taʼlim sohasida xalqaro eʼtirof etilgan tashkilotlar reytingida birinchi 1000 talik roʻyxatga kirgan, shuningdek, oʻz yoʻnalishida yetakchi hisoblangan Turkiya Respublikasi oliy taʼlim tashkilotlarining oʻquv dasturlari asosida tashkil etiladi;
kelgusida xalqaro eʼtirof etilgan tashkilotlar reytingida birinchi 1000 talik roʻyxatga kirgan boshqa turkiy davlatlarning nufuzli oliy taʼlim tashkilotlari bilan hamkorlikda taʼlim dasturlari yoʻlga qoʻyiladi;
Universitetda talabalarni oʻqitish toʻlov-kontrakt asosida amalga oshiriladi hamda qabul parametrlari va toʻlov-kontrakt miqdori Universitet tomonidan belgilanadi;
Universitetga qonunchilik hujjatlarida belgilangan tartibda davlat buyurtmasining taqsimotida ishtirok etishga ruxsat beriladi;
Oʻzbekiston Respublikasi taʼlim tashkilotlariga qabul qilish boʻyicha davlat komissiyasi tomonidan Turkiy davlatlar tashkilotiga aʼzo va kuzatuvchi maqomidagi davlatlar fuqarolariga Universitetda tahsil olish uchun grant oʻrinlari ajratilishi mumkin;
Universitetga talabalarni oʻqishga qabul qilish va bitiruvchilarning attestatsiyasi Universitet tomonidan Oliy taʼlim, fan va innovatsiyalar vazirligi bilan kelishilgan holda belgilangan talab va tartibga muvofiq amalga oshiriladi;
Universitet bitiruvchilariga hamkor xorijiy oliy taʼlim tashkilotining diplomi hamda Universitetning belgilangan namunadagi diplomi beriladi. Bunda bitiruvchilarga berilgan diplom Oʻzbekiston Respublikasida tan olinadi;
Universitetga Oliy taʼlim, fan va innovatsiyalar vazirligidan belgilangan tartibda litsenziya olingandan soʻng taʼlim faoliyati bilan shugʻullanishga ruxsat beriladi.
4. Respublika oliy taʼlim kengashi hamda Turkiya oliy taʼlim kengashi (Turkiya Respublikasi) oʻrtasidagi kelishuvga asosan quyidagilar Turkiyaning hamkor oliy taʼlim tashkilotlari tomonidan amalga oshirilishi maʼlumot uchun qabul qilinsin:
Universitetni Oʻzbekiston Respublikasi davlat taʼlim standartlarini inobatga olgan holda ishlab chiqilgan oʻquv-metodik materiallar (oʻquv rejasi va dasturlari, oʻquv adabiyotlari) bilan toʻliq taʼminlash;
Universitet talabalari va professor-oʻqituvchilari uchun hamkor xorijiy oliy taʼlim tashkilotlarining kutubxona fondidan foydalanish imkoniyatini yaratish;
Universitetda dars mashgʻulotlarini olib borish uchun yetakchi xorijiy, shu jumladan, Turkiyaning hamkor oliy taʼlim tashkilotlari professor-oʻqituvchilarini jalb qilish;
Universitet uchun pedagog kadrlar tayyorlash maqsadida Oʻzbekiston Respublikasi fuqarolariga har bir hamkor oliy taʼlim tashkilotining magistraturasi va doktoranturasiga maqsadli grant oʻrinlarini ajratish.
5. Turkiy davlatlar xalqaro universiteti faoliyatini yoʻlga qoʻyish va muvofiqlashtirish boʻyicha boshqaruv kengashi (keyingi oʻrinlarda — Boshqaruv kengashi) tashkil etilsin va uning tarkibi ilovaga muvofiq tasdiqlansin.
Boshqaruv kengashining asosiy vazifalari etib quyidagilar belgilansin:
Universitetning tashkiliy tuzilmasini tasdiqlash;
Universitetni rivojlantirish dasturi va maqsadli koʻrsatkichlari loyihalarini koʻrib chiqish hamda kelishish;
Universitetga yuklangan vazifalar ijrosi, maqsadli koʻrsatkichlarga erishish holatini nazorat qilib borish va yillik hisobotlarni qabul qilish;
Universitetni moliyaviy qoʻllab-quvvatlash, uning faoliyatini rivojlantirish uchun homiylik xayriyalari va boshqa manbalarni jalb etishga koʻmaklashish;
Universitetga ajratilgan binolarni taʼmirlash va tiklash uchun zarur mablagʻlarni ajratish, ushbu binolarni zamonaviy oʻquv va laboratoriya jihozlari, inventar, kompyuter va boshqa tashkiliy jihozlar hamda kutubxona fondi bilan taʼminlash;
Universitet rektori va prorektori lavozimlariga nomzodlarni koʻrib chiqish va tasdiqlash.
6. Toshkent shahri Uchtepa tumani Kichik halqa avtomobil yoʻli koʻchasi 3 va 3a-uy manzillarida joylashgan Toshkent davlat iqtisodiyot universiteti hamda Toshkent soliq texnikumining bino va inshootlari Oliy taʼlim, fan va innovatsiyalar vazirligiga operativ boshqaruv huquqi asosida bepul berilsin.
Universitet ushbu bino va inshootlarga tekin foydalanish huquqi asosida joylashtirilsin.
7. Toshkent soliq texnikumi hamda Toshkent iqtisodiyot va sanoat texnikumi negizida Toshkent iqtisodiyot va soliq texnikumi tashkil etilsin.
8. Belgilansinki:
faoliyati tugatiladigan Toshkent soliq texnikumi oʻquvchilari Toshkent iqtisodiyot va soliq texnikumida amaldagi dasturlar asosida taʼlimni davom ettiradi;
Toshkent soliq texnikumining barcha tovar-moddiy boyliklari (oʻquv bino va inshootlari bundan mustasno) Toshkent iqtisodiyot va soliq texnikumiga belgilangan tartibda beriladi;
Toshkent iqtisodiyot va soliq texnikumi Toshkent soliq texnikumi hamda Toshkent iqtisodiyot va sanoat texnikumining huquq va majburiyatlari, shuningdek, tuzilgan shartnomalari boʻyicha huquqiy vorisi hisoblanadi.
9. Quyidagilar Universitet faoliyatini moliyalashtirish manbalari etib belgilanishi inobatga olinsin:
Respublika oliy taʼlim kengashi mablagʻlari;
Universitetning oʻz mablagʻlari;
toʻlov-kontrakt asosida talabalarni oʻqitishdan va shartnoma asosida taʼlim xizmatlari koʻrsatishdan tushgan mablagʻlar;
jismoniy va yuridik shaxslarning homiylik xayriyalari va grantlar;
qonunchilik hujjatlarida taqiqlanmagan boshqa manbalar.
10. Tashqi ishlar vazirligi Oliy taʼlim, fan va innovatsiyalar vazirligining buyurtmanomalariga asosan mazkur qarorning ijrosi doirasida Universitetga jalb qilinadigan chet ellik professor-oʻqituvchilar va maʼmuriy xodimlar hamda ularning oila aʼzolari uchun kirish vizalarini belgilangan tartibda rasmiylashtirilishini taʼminlasin.
11. Kambagʻallikni qisqartirish va bandlik vazirligi Oliy taʼlim, fan va innovatsiyalar vazirligining buyurtmanomalariga asosan Universitet faoliyatini tashkil etishda ishtirok etuvchi chet ellik mutaxassislarga Oʻzbekiston Respublikasi hududida mehnat faoliyatini amalga oshirish huquqini beruvchi tasdiqnomalar berilishini (muddati uzaytirilishini) taʼminlasin.
12. Mazkur qarorning ijrosini samarali tashkil qilishga masʼul va shaxsiy javobgar etib oliy taʼlim, fan va innovatsiyalar vaziri K.A. Sharipov belgilansin.
Qaror ijrosini nazorat qilish Oʻzbekiston Respublikasining Bosh vaziri A.N. Aripov va Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari O.Q. Abduraxmanov zimmasiga yuklansin.
Oʻzbekiston Respublikasi Prezidentining 2025-yil 24-yanvardagi PQ-24-son qaroriga ILOVA
Turkiy davlatlar xalqaro universiteti faoliyatini yoʻlga qoʻyish va muvofiqlashtirish boʻyicha boshqaruv kengashining
1. O. Abduraxmanov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari, Respublika oliy taʼlim kengashi raisi, Boshqaruv kengashi raisi 2. E. Oʻzvar — Turkiya oliy taʼlim kengashi raisi, Boshqaruv kengashi hamraisi 3. K. Sharipov — oliy taʼlim, fan va innovatsiyalar vaziri, Boshqaruv kengashi raisi oʻrinbosari 4. N. Budak — Turkiyaning Ege universiteti rektori 5. H. Mandal — Turkiyaning Istanbul texnika universiteti rektori 6. A. Yozgatligil — Turkiyaning Yaqin sharq texnika universiteti prezidenti 7. M. Gyuuran — Turkiyaning Xajeteppe universiteti rektori 8. M. Madrahimov — tashqi ishlar vaziri oʻrinbosari 9. Sh. Umurzakov — Toshkent shahar hokimi 11. Lavozimiga koʻra — Turkiy davlatlar xalqaro universiteti rektori, Boshqaruv kengashi kotibi
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 24-yanvar,
PQ-24-son
Президента Республики Узбекистан
Постановление
СОСТАВ
О создании Международного университета тюркских государств
В целях дальнейшего расширения все более развивающихся в последние годы политических, торгово-экономических, культурно-гуманитарных связей между тюркскими государствами, укрепления взаимного сотрудничества в сферах образования, науки и инноваций, а также подготовки квалифицированных и конкурентоспособных кадров на основе передового международного опыта:
1. Согласиться с предложением Министерства высшего образования, науки и инноваций, Республиканского совета высшего образования и Совета высшего образования Турции (Турецкая Республика) о создании Международного университета тюркских государств в городе Ташкенте (далее — Университет).
2. Определить основными направлениями деятельности Университета:
подготовку кадров с высшим образованием для сфер инженерии, строительства, логистики, информационных технологий и программирования, здравоохранения, сельского хозяйства, пищевой промышленности, а также экономической и социальной сфер в соответствии с международными стандартами;
внедрение учебных программ совместно с зарубежными, в том числе ведущими высшими образовательными организациями Турции, а также на основе совместных образовательных программ и проведение научных исследований;
налаживание сотрудничества с ведущими зарубежными высшими образовательными и научно-исследовательскими организациями в направлениях образования и научных исследований, а также академической мобильности студентов;
повышение научно-педагогического потенциала профессорско-преподавательского состава путем организации их стажировки и повышения квалификации в престижных зарубежных высших образовательных организациях и научно-исследовательских центрах;
развитие у студентов высоких морально-нравственных качеств, укрепление чувства любви к Родине, преданности профессии, повышение эффективности образовательно-воспитательного процесса и духовно-просветительской работы.
3. Определить, что:
Университет является негосударственной высшей образовательной организацией под учредительством Республиканского совета высшего образования и Совета высшего образования Турции (Турецкая Республика) и осуществляет свою деятельность на основании актов законодательства Республики Узбекистан в сфере образования;
начиная с 2025/2026 учебного года в Университете образовательный процесс организуется на основе учебных программ высших образовательных организаций Турецкой Республики, вошедших в топ-1000 в рейтинге международно признанных организаций в сфере образования, а также являющихся ведущими в своем направлении;
в последующем будут налажены образовательные программы совместно с престижными высшими образовательными организациями других тюркских государств, вошедшими в топ-1000 в рейтинге международно признанных организаций;
в Университете обучение студентов осуществляется на платно-контрактной основе, параметры приема и размер платного контракта устанавливаются Университетом;
Университету разрешается принимать участие в распределении государственного заказа в порядке, установленном актами законодательства;
Государственной комиссией по приему в образовательные организации Республики Узбекистан могут быть выделены грантовые места на обучение в Университете для граждан государств со статусом члена и наблюдателя Организации тюркских государств;
прием студентов на учебу в Университет и аттестация выпускников осуществляются Университетом по согласованию с Министерством высшего образования, науки и инноваций согласно установленным требованиям и порядку;
выпускникам Университета выдается диплом зарубежной высшей образовательной организации-партнера и диплом Университета установленного образца. При этом выданный выпускникам диплом признается в Республике Узбекистан;
Университету разрешается заниматься образовательной деятельностью после получения лицензии Министерства высшего образования, науки и инноваций в установленном порядке.
4. Принять к сведению, что на основании договоренности между Республиканским советом высшего образования и Советом высшего образования Турции (Турецкая Республика) высшими образовательными организациями-партнерами из Турции предусмотрено:
полное обеспечение Университета учебно-методическими материалами (учебными планами и программами, учебной литературой), разработанными с учетом государственных образовательных стандартов Республики Узбекистан;
создание возможности доступа студентов и профессорско-преподавательского состава Университета к библиотечному фонду зарубежных высших образовательных организаций-партнеров;
привлечение для ведения занятий в Университете профессорско-преподавательского состава ведущих зарубежных, в том числе высших образовательных организаций-партнеров из Турции;
в целях подготовки педагогических кадров для Университета выделение для граждан Республики Узбекистан целевых грантовых мест в магистратуре и докторантуре каждой высшей образовательной организации-партнера.
5. Образовать Управляющий совет по налаживанию и координации деятельности Международного университета тюркских государств (далее — Управляющий совет) и утвердить его состав согласно приложению .
Определить основными задачами Управляющего совета:
утверждение организационной структуры Университета;
рассмотрение и согласование проектов программы развития и целевых показателей Университета;
осуществление контроля за ходом исполнения задач, возложенных на Университет, состоянием достижения целевых показателей и принятие годовых отчетов;
содействие привлечению благотворительных пожертвований и иных источников для финансовой поддержки и развития деятельности Университета;
выделение необходимых средств для ремонта и реконструкции зданий, предоставленных Университету, обеспечение данных зданий современным учебным и лабораторным оборудованием, инвентарем, компьютерной и иной организационной техникой, а также библиотечным фондом;
рассмотрение и утверждение кандидатов на должности ректора и проректора Университета.
6. Передать безвозмездно здания и сооружения Ташкентского государственного экономического университета и Ташкентского налогового техникума, расположенные по адресу: город Ташкент, Учтепинский район, улица Малая кольцевая автомобильная дорога, д. №№ 3 и 3а, Министерству высшего образования, науки и инноваций на основе права оперативного управления.
Разместить Университет в данных зданиях и сооружениях на основе права безвозмездного пользования.
7. Образовать Ташкентский экономический и налоговый техникум на базе Ташкентского налогового техникума и Ташкентского техникума экономики и промышленности.
8. Установить, что:
учащиеся прекращающего деятельность Ташкентского налогового техникума продолжат обучение в Ташкентском экономическом и налоговом техникуме на основе действующих программ;
все товарно-материальные ценности (за исключением учебных зданий и сооружений) Ташкентского налогового техникума передаются Ташкентскому экономическому и налоговому техникуму в установленном порядке;
Ташкентский экономический и налоговый техникум является правопреемником по правам и обязательствам, а также заключенным договорам Ташкентского налогового техникума и Ташкентского техникума экономики и промышленности.
9. Принять во внимание, что источниками финансирования деятельности Университета являются:
средства Республиканского совета высшего образования;
собственные средства Университета;
средства, поступившие от обучения студентов на платно-контрактной основе, а также от оказания образовательных услуг на договорной основе;
благотворительные пожертвования физических и юридических лиц, а также гранты;
иные источники, не запрещенные актами законодательства.
10. Министерству иностранных дел на основании заявок Министерства высшего образования, науки и инноваций обеспечить оформление в установленном порядке въездных виз зарубежным профессорам-преподавателям и административным работникам, привлекаемым в Университет в рамках исполнения настоящего постановления, а также членам их семей.
11. Министерству занятости и сокращения бедности на основании заявок Министерства высшего образования, науки и инноваций обеспечить выдачу (продление срока) подтверждений на право осуществления трудовой деятельности на территории Республики Узбекистан иностранным специалистам, участвующим в организации деятельности Университета.
12. Возложить на министра высшего образования, науки и инноваций К.А. Шарипова персональную ответственность за эффективную организацию исполнения настоящего постановления.
Контроль за исполнением настоящего постановления возложить на Премьер-министра Республики Узбекистан А.Н. Арипова и руководителя Департамента социального развития Администрации Президента Республики Узбекистан О.К. Абдурахманова.
ПРИЛОЖЕНИЕ к постановлению Президента Республики Узбекистан от 24 января 2025 года № ПП-24
Управляющего совета по налаживанию и координации деятельности Международного университета тюркских государств
1. О. Абдурахманов — руководитель Департамента социального развития Администрации Президента Республики Узбекистан, председатель Республиканского совета высшего образования, председатель Управляющего совета 2. Э. Озвар — председатель Совета высшего образования Турции, сопредседатель Управляющего совета 3. К. Шарипов — министр высшего образования, науки и инноваций, заместитель председателя Управляющего совета 4. Н. Будак — ректор Эгейского университета Турции 5. Х. Мандал — ректор Стамбульского технического университета Турции 6. А. Ёзгатлигил — президент Ближневосточного технического университета Турции 7. М. Гюуран — ректор Университета Хаджеттепе Турции 8. М. Мадрахимов — заместитель министра иностранных дел 9. Ш. Умурзаков — хоким города Ташкента 11. По должности — ректор Международного университета тюркских государств, секретарь Управляющего совета
Президент Республики Узбекистан Ш. МИРЗИЁЕВ
г. Ташкент,
24 января 2025 г.,
№ ПП-24