UzbekAI

Ўзбекистон Республикаси Иқтисодиёт ва молия вазирлиги Ўзбекистон Республикаси Соғлиқни сақлаш вазирлигининг

қарори

ТАРТИБИ

РЎЙХАТИ

Пуллик тиббий хизмат кўрсатадиган даволаш-профилактика муассасаларини молиялаш тартибини тасдиқлаш тўғрисида

Ўзбекистон Республикаси Президентининг 1998 йил 10 ноябрдаги ПФ-2107-сон «Ўзбекистон Республикаси Соғлиқни сақлаш тизимини ислоҳ қилиш давлат дастури тўғрисида» Фармонига мувофиқ Иқтисодиёт ва молия вазирлиги ҳамда Соғлиқни сақлаш вазирлиги қарор қилади:

1. Пуллик тиббий хизмат кўрсатадиган даволаш-профилактика муассасаларини молиялаш тартиби 1-иловага мувофиқ тасдиқлансин.

2. Айрим идоравий норматив-ҳуқуқий ҳужжатлар 2-иловага мувофиқ ўз кучини йўқотган деб топилсин.

3. Мазкур қарор расмий эълон қилинган кундан эътиборан кучга киради.

Ўзбекистон Республикаси Иқтисодиёт ва молия вазирлигининг 2024 йил 26 декабрдаги 210-сон, Соғлиқни сақлаш вазирлигининг 2024 йил 24 декабрдаги 20-сон қарорига 1-ИЛОВА

Пуллик тиббий хизмат кўрсатадиган даволаш-профилактика муассасаларини молиялаш

Мазкур тартиб пуллик хизмат кўрсатадиган Ўзбекистон Республикаси Соғлиқни сақлаш вазирлиги тизимидаги давлат даволаш-профилактика муассасаларини (бундан буён матнда даволаш-профилактика муассасалари деб юритилади) молиялаш ва тиббий хизматни ташкил этиш тартибини белгилайди.

1-боб. Даволаш-профилактика муассасалари фаолиятини молиялаштиришнинг шакллари ва манбалари

1. Даволаш-профилактика муассасаларида бир вақтнинг ўзида бюджетдан молиялаштириш ва (ёки) ўзини ўзи молиялаштириш шакли амал қилади.

2. Даволаш-профилактика муассасалари молиявий ресурсларининг асосий манбалари қуйидагилар ҳисобланади:

давлат бюджети маблағлари;

тиббий суғурта маблағлари ;

фуқароларнинг соғлиғини сақлашга мўлжалланган мақсадли фондларнинг маблағлари;

даволаш-профилактика муассасаларининг давлат томонидан кафолатланган ҳажмидан ортиқча тиббий ёрдам кўрсатганлик учун ва пуллик хизматлар кўрсатганлик учун олинган маблағлари ;

корхоналар, муассасалар, ташкилотлар, жамоат бирлашмалари ҳамда жисмоний шахсларнинг соғлиқни сақлаш муассасаларига ихтиёрий ва хайрия бадаллари;

банкларнинг кредитлари;

қонунчиликда тақиқланмаган бошқа манбалар.

2-боб. Даволаш-профилактика муассасаларида тиббий хизматни ташкил этиш

3 . Даволаш-профилактика муассасаларида тиббий хизмат кўрсатиш Ўзбекистон Республикасининг «Фуқаролар соғлиғини сақлаш тўғрисида»ги Қонуни ва соҳага оид бошқа норматив-ҳуқуқий ҳужжатларга мувофиқ амалга оширилади.

4. Даволаш-профилактика муассасаларида даволанувчиларга тиббий хизмат кўрсатишни ташкил этишда барча смета ва бухгалтерия ҳужжатларини юритиш бепул ва пуллик хизматлар бўйича алоҳида олиб борилади.

5. Даволаш-профилактика муассасаларига тушадиган маблағларнинг алоҳида ҳисобини юритиш учун Ўзбекистон Республикаси Иқтисодиёт ва молия вазирлигининг ахборот тизимида қуйидаги тегишли шахсий ғазна ҳисобварақлари очилади:

1) аҳолига бепул тиббий хизмат кўрсатиш учун бюджетдан тушадиган маблағлар учун — ғазна ҳисобварақ;

2) пуллик хизматдан тушадиган маблағларни ҳисобга олиш учун — ғазна ҳисобварақ;

3) овқатланиш учун даволанувчиларнинг тўловларидан келиб тушадиган маблағларни жамлаш учун — ғазна ҳисобварақ.

6. Давлат бюджетидан молиялаштириш учун даволаш-профилактика муассасасининг даромадлар ва харажатлар сметаси, штатлар жадвали ва бошқа ҳужжатлар Бюджет ташкилотлари ва бюджет маблағлари олувчиларнинг харажатлар сметаси ва штат жадвалларини тузиш, тасдиқлаш ва рўйхатдан ўтказиш тартиби тўғрисидаги низомда (рўйхат рақами 2634, 2014 йил 15 декабрь) белгиланган тартибда ишлаб чиқилади ва тасдиқланади.

Пуллик тиббий хизмат кўрсатиш билан боғлиқ бўлган даромадлар ва харажатлар сметаси, штатлар жадвали даволаш-профилактика муассасалари томонидан ҳар йили тузилади ва тасдиқланади ҳамда бюджет маблағларини тақсимловчилар томонидан харажатлар сметаси учун белгиланган муддатларда ва тартибда рўйхатдан ўтказилади.

7. Даволаш-профилактика муассасасида даволанувчиларга пуллик хизматлар кўрсатиш ушбу мақсадлар учун ажратилган алоҳида бўлимларда (ёки ихтисослаштирилган пуллик бўлим палаталарида) амалга оширилади.

8. Тиббий хизматга тўлов қийматини белгилашда, рентабеллик кўрсатиладиган тиббий хизмат таннархининг 20 фоизидан ортиқ бўлиши мумкин эмас.

9. Ўзбекистон Республикаси Вазирлар Маҳкамасининг 2025 йил 11 ноябрдаги 718-сон қарори билан тасдиқланган Ўзбекистон Республикаси Соғлиқни сақлаш вазирлиги тизимидаги тиббиёт муассасаларида пулли хизмат кўрсатиш тартиби тўғрисидаги низомнинг 29-бандига асосан мижозлар тиббиёт муассасасига тўловни олдиндан тўлиқ тўлаш шартларида қабул қилинади. Ҳақ тўлаш банк шохобчаси ёки тиббиёт муассасаларининг назорат-касса (терминал) аппаратлари қўлланган ва қатъий ҳисобот ҳужжатлари ҳисобланадиган бланкалардан фойдаланган ҳолда, шунингдек, электрон тўлов тизимлари орқали тўланади. Мижоз нақд пул ёки банк пластик картаси орқали тўловни тўлаган тақдирда, банк томонидан тасдиқланган тўлов топшириқномаси нусхасини ёки кассир томонидан мижознинг ҳақ тўлаганлигини тасдиқловчи тўлов қоғозини рўйхатга олиш бўлимига топширади, касса изи туширилган чек мижознинг ўзида қолади, электрон тўловда эса фискал белгили чек тақдим этилади.

Алоҳида ҳолларда (даволаш харажатлари тиббий суғурта жамғармасидан ёки ходимнинг иш жойидан тўлаб бериладиган ва бошқа ҳолатларда) тиббий хизмат учун тўловларни тўлаш муддатлари даволаш-профилактика муассасаси ва даволанувчи ўртасида тузиладиган шартномада белгиланиши мумкин.

10. Пуллик тиббий хизматлар бўйича намунавий шартнома шакли Соғлиқни сақлаш вазирлигининг расмий сайтида Иқтисодиёт ва молия вазирлиги билан келишилган ҳолда жойлаштирилади.

3-боб. Даволаш-профилактика муассасаларида даволанувчиларни дори-дармонлар билан таъминлаш

11. Тиббий ёрдамнинг пуллик турларини кўрсатиш учун дори воситалари ва тиббий маҳсулотлар билан таъминлаш даволаш-профилактика муассасаси раҳбарига юклатилади ва уларнинг хариди амалдаги қонунчиликка мувофиқ амалга оширилади.

Дори воситаларини ҳисобга олиш, келиб тушишини ва пуллик тиббий хизматга ишлатилишини назорат қилиш Ўзбекистон Республикаси Соғлиқни сақлаш вазирлиги томонидан амалга оширилади.

12. Даволаш-профилактика муассасаларида даволанувчилар томонидан олиб келинган дори воситалари ва тиббий буюмларни ишлатишга рухсат бериш Алоҳида ҳолатларда тиббиёт муассасасида беморлар томонидан олиб келинган дори воситалари ва тиббий буюмларни ишлатишга рухсат бериш тартиби тўғрисидаги низомда (рўйхат рақами 3437, 2023 йил 30 май) белгиланган тартибда амалга оширилади.

4-боб. Якуний қоида

13. Ушбу Тартиб талабларини бузганликда айбдор шахслар қонунчилик ҳужжатларида назарда тутилган тартибда жавоб берадилар.

Ўзбекистон Республикаси Иқтисодиёт ва молия вазирлигининг 2024 йил 26 декабрдаги 210-сон, Соғлиқни сақлаш вазирлигининг 2024 йил 24 декабрдаги 20-сон қарорига 2-ИЛОВА

Ўз кучини йўқотган деб топилаётган идоравий норматив-ҳуқуқий ҳужжатлар

1. Ўзбекистон Республикаси Молия вазирлиги ва Соғлиқни сақлаш вазирлиги томонидан 1999 йил 2 мартда 20-сон билан тасдиқланган Пуллик тиббий хизмат кўрсатишга босқичма-босқич ўтаётган даволаш-профилактика муассасаларини молиялаш тартиби (рўйхат рақами 679, 1999 йил 22 март).

2. Ўзбекистон Республикаси Молия вазирлиги ва Соғлиқни сақлаш вазирлиги томонидан 2008 йил 23 апрелдаги 35 ва 5-сон «Пуллик тиббий хизмат кўрсатишга босқичма-босқич ўтаётган даволаш-профилактика муассасаларини молиялаш тартибига ўзгартириш киритиш тўғрисида»ги қарори (рўйхат рақами 679-1, 2008 йил 5 май). (Ўзбекистон Республикаси қонун ҳужжатлари тўплами, 2008 й., 19-сон, 169-модда).

Иқтисодиёт ва молия вазири Д. КУЧКАРОВ

Соғлиқни сақлаш вазири А. ХУДАЯРОВ

Тошкент ш.,

2024 йил 26 декабрь,

Тошкент ш.,

2024 йил 24 декабрь,

210-сон

20-сон

(Қонунчилик маълумотлари миллий базаси, 29.01.2025 й., 10/25/3603/0082-сон; 08.05.2025 й., 10/25/3603-1/0427-сон; 16.02.2026 й., 10/26/3603-2/0142-сон )

lex.uz

Oʻzbekiston Respublikasi Iqtisodiyot va moliya vazirligi Oʻzbekiston Respublikasi Sogʻliqni saqlash vazirligining

qarori

TARTIBI

ROʻYXATI

Pullik tibbiy xizmat koʻrsatadigan davolash-profilaktika muassasalarini moliyalash tartibini tasdiqlash toʻgʻrisida

Oʻzbekiston Respublikasi Prezidentining 1998-yil 10-noyabrdagi PF-2107-son “Oʻzbekiston Respublikasi Sogʻliqni saqlash tizimini isloh qilish davlat dasturi toʻgʻrisida” Farmoniga muvofiq Iqtisodiyot va moliya vazirligi hamda Sogʻliqni saqlash vazirligi qaror qiladi:

1. Pullik tibbiy xizmat koʻrsatadigan davolash-profilaktika muassasalarini moliyalash tartibi 1-ilovaga muvofiq tasdiqlansin.

2. Ayrim idoraviy normativ-huquqiy hujjatlar 2-ilovaga muvofiq oʻz kuchini yoʻqotgan deb topilsin.

3. Mazkur qaror rasmiy eʼlon qilingan kundan eʼtiboran kuchga kiradi.

Oʻzbekiston Respublikasi Iqtisodiyot va moliya vazirligining 2024-yil 26-dekabrdagi 210-son, Sogʻliqni saqlash vazirligining 2024-yil 24-dekabrdagi 20-son qaroriga 1-ILOVA

Pullik tibbiy xizmat koʻrsatadigan davolash-profilaktika muassasalarini moliyalash

Mazkur tartib pullik xizmat koʻrsatadigan Oʻzbekiston Respublikasi Sogʻliqni saqlash vazirligi tizimidagi davlat davolash-profilaktika muassasalarini (bundan buyon matnda davolash-profilaktika muassasalari deb yuritiladi) moliyalash va tibbiy xizmatni tashkil etish tartibini belgilaydi.

1-bob. Davolash-profilaktika muassasalari faoliyatini moliyalashtirishning shakllari va manbalari

1. Davolash-profilaktika muassasalarida bir vaqtning oʻzida budjetdan moliyalashtirish va (yoki) oʻzini oʻzi moliyalashtirish shakli amal qiladi.

2. Davolash-profilaktika muassasalari moliyaviy resurslarining asosiy manbalari quyidagilar hisoblanadi:

davlat budjeti mablagʻlari;

tibbiy sugʻurta mablagʻlari ;

fuqarolarning sogʻligʻini saqlashga moʻljallangan maqsadli fondlarning mablagʻlari;

davolash-profilaktika muassasalarining davlat tomonidan kafolatlangan hajmidan ortiqcha tibbiy yordam koʻrsatganlik uchun va pullik xizmatlar koʻrsatganlik uchun olingan mablagʻlari ;

korxonalar, muassasalar, tashkilotlar, jamoat birlashmalari hamda jismoniy shaxslarning sogʻliqni saqlash muassasalariga ixtiyoriy va xayriya badallari;

banklarning kreditlari;

qonunchilikda taqiqlanmagan boshqa manbalar.

2-bob. Davolash-profilaktika muassasalarida tibbiy xizmatni tashkil etish

3 . Davolash-profilaktika muassasalarida tibbiy xizmat koʻrsatish Oʻzbekiston Respublikasining “Fuqarolar sogʻligʻini saqlash toʻgʻrisida”gi Qonuni va sohaga oid boshqa normativ-huquqiy hujjatlarga muvofiq amalga oshiriladi.

4. Davolash-profilaktika muassasalarida davolanuvchilarga tibbiy xizmat koʻrsatishni tashkil etishda barcha smeta va buxgalteriya hujjatlarini yuritish bepul va pullik xizmatlar boʻyicha alohida olib boriladi.

5. Davolash-profilaktika muassasalariga tushadigan mablagʻlarning alohida hisobini yuritish uchun Oʻzbekiston Respublikasi Iqtisodiyot va moliya vazirligining axborot tizimida quyidagi tegishli shaxsiy gʻazna hisobvaraqlari ochiladi:

1) aholiga bepul tibbiy xizmat koʻrsatish uchun budjetdan tushadigan mablagʻlar uchun — gʻazna hisobvaraq;

2) pullik xizmatdan tushadigan mablagʻlarni hisobga olish uchun — gʻazna hisobvaraq;

3) ovqatlanish uchun davolanuvchilarning toʻlovlaridan kelib tushadigan mablagʻlarni jamlash uchun — gʻazna hisobvaraq.

6. Davlat budjetidan moliyalashtirish uchun davolash-profilaktika muassasasining daromadlar va xarajatlar smetasi, shtatlar jadvali va boshqa hujjatlar Budjet tashkilotlari va budjet mablagʻlari oluvchilarning xarajatlar smetasi va shtat jadvallarini tuzish, tasdiqlash va roʻyxatdan oʻtkazish tartibi toʻgʻrisidagi nizomda (roʻyxat raqami 2634, 2014-yil 15-dekabr) belgilangan tartibda ishlab chiqiladi va tasdiqlanadi.

Pullik tibbiy xizmat koʻrsatish bilan bogʻliq boʻlgan daromadlar va xarajatlar smetasi, shtatlar jadvali davolash-profilaktika muassasalari tomonidan har yili tuziladi va tasdiqlanadi hamda budjet mablagʻlarini taqsimlovchilar tomonidan xarajatlar smetasi uchun belgilangan muddatlarda va tartibda roʻyxatdan oʻtkaziladi.

7. Davolash-profilaktika muassasasida davolanuvchilarga pullik xizmatlar koʻrsatish ushbu maqsadlar uchun ajratilgan alohida boʻlimlarda (yoki ixtisoslashtirilgan pullik boʻlim palatalarida) amalga oshiriladi.

8. Tibbiy xizmatga toʻlov qiymatini belgilashda, rentabellik koʻrsatiladigan tibbiy xizmat tannarxining 20 foizidan ortiq boʻlishi mumkin emas.

9. Oʻzbekiston Respublikasi Vazirlar Mahkamasining 2025-yil 11-noyabrdagi 718-son qarori bilan tasdiqlangan Oʻzbekiston Respublikasi Sogʻliqni saqlash vazirligi tizimidagi tibbiyot muassasalarida pulli xizmat koʻrsatish tartibi toʻgʻrisidagi nizomning 29-bandiga asosan mijozlar tibbiyot muassasasiga toʻlovni oldindan toʻliq toʻlash shartlarida qabul qilinadi. Haq toʻlash bank shoxobchasi yoki tibbiyot muassasalarining nazorat-kassa (terminal) apparatlari qoʻllangan va qatʼiy hisobot hujjatlari hisoblanadigan blankalardan foydalangan holda, shuningdek, elektron toʻlov tizimlari orqali toʻlanadi. Mijoz naqd pul yoki bank plastik kartasi orqali toʻlovni toʻlagan taqdirda, bank tomonidan tasdiqlangan toʻlov topshiriqnomasi nusxasini yoki kassir tomonidan mijozning haq toʻlaganligini tasdiqlovchi toʻlov qogʻozini roʻyxatga olish boʻlimiga topshiradi, kassa izi tushirilgan chek mijozning oʻzida qoladi, elektron toʻlovda esa fiskal belgili chek taqdim etiladi.

Alohida hollarda (davolash xarajatlari tibbiy sugʻurta jamgʻarmasidan yoki xodimning ish joyidan toʻlab beriladigan va boshqa holatlarda) tibbiy xizmat uchun toʻlovlarni toʻlash muddatlari davolash-profilaktika muassasasi va davolanuvchi oʻrtasida tuziladigan shartnomada belgilanishi mumkin.

10. Pullik tibbiy xizmatlar boʻyicha namunaviy shartnoma shakli Sogʻliqni saqlash vazirligining rasmiy saytida Iqtisodiyot va moliya vazirligi bilan kelishilgan holda joylashtiriladi.

3-bob. Davolash-profilaktika muassasalarida davolanuvchilarni dori-darmonlar bilan taʼminlash

11. Tibbiy yordamning pullik turlarini koʻrsatish uchun dori vositalari va tibbiy mahsulotlar bilan taʼminlash davolash-profilaktika muassasasi rahbariga yuklatiladi va ularning xaridi amaldagi qonunchilikka muvofiq amalga oshiriladi.

Dori vositalarini hisobga olish, kelib tushishini va pullik tibbiy xizmatga ishlatilishini nazorat qilish Oʻzbekiston Respublikasi Sogʻliqni saqlash vazirligi tomonidan amalga oshiriladi.

12. Davolash-profilaktika muassasalarida davolanuvchilar tomonidan olib kelingan dori vositalari va tibbiy buyumlarni ishlatishga ruxsat berish Alohida holatlarda tibbiyot muassasasida bemorlar tomonidan olib kelingan dori vositalari va tibbiy buyumlarni ishlatishga ruxsat berish tartibi toʻgʻrisidagi nizomda (roʻyxat raqami 3437, 2023-yil 30-may) belgilangan tartibda amalga oshiriladi.

4-bob. Yakuniy qoida

13. Ushbu Tartib talablarini buzganlikda aybdor shaxslar qonunchilik hujjatlarida nazarda tutilgan tartibda javob beradilar.

Oʻzbekiston Respublikasi Iqtisodiyot va moliya vazirligining 2024-yil 26-dekabrdagi 210-son, Sogʻliqni saqlash vazirligining 2024-yil 24-dekabrdagi 20-son qaroriga 2-ILOVA

Oʻz kuchini yoʻqotgan deb topilayotgan idoraviy normativ-huquqiy hujjatlar

1. Oʻzbekiston Respublikasi Moliya vazirligi va Sogʻliqni saqlash vazirligi tomonidan 1999-yil 2-martda 20-son bilan tasdiqlangan Pullik tibbiy xizmat koʻrsatishga bosqichma-bosqich oʻtayotgan davolash-profilaktika muassasalarini moliyalash tartibi (roʻyxat raqami 679, 1999-yil 22-mart).

2. Oʻzbekiston Respublikasi Moliya vazirligi va Sogʻliqni saqlash vazirligi tomonidan 2008-yil 23-apreldagi 35 va 5-son “Pullik tibbiy xizmat koʻrsatishga bosqichma-bosqich oʻtayotgan davolash-profilaktika muassasalarini moliyalash tartibiga oʻzgartirish kiritish toʻgʻrisida”gi qarori (roʻyxat raqami 679-1, 2008-yil 5-may). (Oʻzbekiston Respublikasi qonun hujjatlari toʻplami, 2008-y., 19-son, 169-modda).

Iqtisodiyot va moliya vaziri D. KUCHKAROV

Sogʻliqni saqlash vaziri A. XUDAYAROV

Toshkent sh.,

2024-yil 26-dekabr,

Toshkent sh.,

2024-yil 24-dekabr,

210-son

20-son

(Qonunchilik maʼlumotlari milliy bazasi, 29.01.2025-y., 10/25/3603/0082-son; 08.05.2025-y., 10/25/3603-1/0427-son; 16.02.2026-y., 10/26/3603-2/0142-son )

lex.uz

Министерство экономики и финансов Республики Узбекистан Министерство здравоохранения Республики Узбекистан

Постановление

ПЕРЕЧЕНЬ

Об утверждении Порядка финансирования лечебно-профилактических учреждений, оказывающих платные медицинские услуги

В соответствии с Указом Президента Республики Узбекистан от 10 ноября 1998 года № УП-2107 «О государственной программе реформирования системы здравоохранения Республики Узбекистан» Министерства экономики и финансов и Министерства здравоохранения Республики Узбекистан постановляют:

1. Утвердить Порядка финансирования лечебно-профилактических учреждений, оказывающих платные медицинские услуги согласно приложению № 1 * .

2. Признать утратившими силу некоторые ведомственные нормативно-правовые акты согласно приложению № 2 .

3. Настоящее постановление вступает в силу со дня его официального объявления.

ПРИЛОЖЕНИЕ № 2 к постановлению Министерства экономики и финансов Республики Узбекистан от 26 декабря 2024 года № 210 и Министерства здравоохранения Республики Узбекистан от 24 декабря 2024 года № 20

ведомственных нормативно-правовых актов, признаваемых утратившими силу

1. Порядок финансирования лечебно-профилактических учреждений, поэтапно переходящих на платное медицинское обслуживание, утвержденное Министерством финансов и Министерством здравоохранения 2 марта 1999 года за № 20 (рег. № 679 от 22 марта 1999 года).

2. Постановление Министерства финансов и Министерства здравоохранения Республики Узбекистан от 23 апреля 2008 года №№ 35 и 5 «О внесении изменения в порядок финансирования лечебно-профилактических учреждений, поэтапно переходящих на платное медицинское обслуживания» (рег. № 679-1 от 5 мая 2008 года) (Собрание законодательства Республики Узбекистан, 2008 г., № 19, ст. 169).

Министр экономики и финансов Д. КУЧКАРОВ

Министр здравоохранения А. ХУДАЯРОВ

г. Ташкент,

26 декабря 2024 г.,

г. Ташкент,

24 декабря 2024 г.,

№ 210

№ 20

(Национальная база данных законодательства, 29.01.2025 г., № 10/25/3603/0082)

lex.uz