UzbekAI

Ўзбекистон Республикаси Марказий сайлов комиссиясининг

қарори

НИЗОМ

Ўзбекистон Республикаси Марказий сайлов комиссиясининг Котибияти тўғрисидаги низомни тасдиқлаш ҳақида

Ўзбекистон Республикаси Сайлов кодексининг 14 , 16 ва 17-моддаларига мувофиқ Ўзбекистон Республикаси Марказий сайлов комиссияси қарор қилади:

1. Ўзбекистон Республикаси Марказий сайлов комиссиясининг Котибияти тўғрисидаги низом иловага мувофиқ тасдиқлансин.

2. Ўзбекистон Республикаси Марказий сайлов комиссиясининг «Ўзбекистон Республикаси Марказий сайлов комиссиясининг Котибияти ва Матбуот хизмати тўғрисидаги низомларни тасдиқлаш ҳақида» 2021 йил 6 январдаги 1043-сон қарори ўз кучини йўқотган деб ҳисоблансин.

3. Мазкур қарор Ўзбекистон Республикаси Марказий сайлов комиссиясининг расмий веб-сайтида эълон қилинсин.

4. Мазкур қарор ижросини назорат қилиш Ўзбекистон Республикаси Марказий сайлов комиссияси Раисининг ўринбосари Б. Кучкаров зиммасига юклансин.

Ўзбекистон Республикаси Марказий сайлов комиссиясининг 2024 йил 24 декабрдаги 1424-сон қарорига ИЛОВА

Ўзбекистон Республикаси Марказий сайлов комиссиясининг Котибияти тўғрисидаги

1-боб. Умумий қоидалар

1. Мазкур Низом Ўзбекистон Республикаси Марказий сайлов комиссияси (бундан буён матнда Марказий сайлов комиссияси деб юритилади) Котибиятининг асосий вазифалари, функциялари, ҳуқуқлари ва мажбуриятлари, фаолиятини ташкил этиш тартибини белгилайди.

2. Марказий сайлов комиссиясининг Котибияти (бундан буён матнда Котибият деб юритилади) Марказий сайлов комиссиясининг фаолиятини ташкилий-услубий, ахборот-таҳлилий, ҳуқуқий, молиявий, ижтимоий-маиший, моддий-техник жиҳатдан таъминлашни амалга оширади.

3. Котибият ўз фаолиятида Ўзбекистон Республикаси Конституцияси, Ўзбекистон Республикасининг Сайлов кодекси , «Ўзбекистон Республикасининг референдуми тўғрисида»ги Қонуни , « Ўзбекистон Республикаси Марказий сайлов комиссиясининг Регламенти », Марказий сайлов комиссияси қарорлари, Марказий сайлов комиссияси Раисининг (бундан буён матнда Комиссия Раиси деб юритилади) фармойишлари, ушбу Низом ҳамда бошқа қонунчилик ҳужжатларига амал қилади.

4. Котибият фаолияти даврида Ўзбекистон Республикаси Олий Мажлиси палаталари девонлари ва Ўзбекистон Республикаси Вазирлар Маҳкамаси котибиятлари, республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ҳамда бошқа ташкилотлар билан ҳамкорлик ўрнатади.

5. Котибиятга умумий раҳбарлик Комиссия Раиси томонидан амалга оширилади.

Котибиятга Комиссия Раисининг фармойишига асосан тайинланадиган ва лавозимидан озод этиладиган Котибият раҳбари бошчилик қилади.

6. Котибиятнинг тузилмаси, штатлари ва иш тартиби Комиссия Раиси томонидан тасдиқланади. Котибият ходимлари Марказий сайлов комиссияси Раисининг ўринбосари ва Котибият раҳбарининг тақдимига биноан Комиссия Раиси томонидан лавозимга тайинланади ва лавозимдан озод қилинади.

2-боб. Котибиятнинг асосий вазифалари ва функциялари

7. Қуйидагилар Котибиятнинг асосий вазифалари ҳисобланади:

Марказий сайлов комиссияси фаолиятини, шу жумладан Марказий сайлов комиссияси мажлисларини, хизматга оид йиғилишларини ва бошқа тадбирларни ташкилий-услубий, ахборот-таҳлилий, ҳуқуқий, молиявий, ижтимоий-маиший ва моддий-техник жиҳатдан таъминлаш;

Марказий сайлов комиссияси мажлисларининг баённомаларини юритиш, Марказий сайлов комиссияси қарорлари ва Комиссия Раисининг фармойишларини расмийлаштириш, ижрочиларга етказиш, бажарилишини таъминлаш;

Марказий сайлов комиссияси фаолиятининг асосий йўналишлари бўйича режалаштириш ишларини олиб бориш;

Котибият ходимларининг, вилоятлар ва Тошкент шаҳар ҳудудий сайлов комиссиялари (бундан буён матнда ҳудудий сайлов комиссиялари деб юритилади) доимий асосда ишловчи аъзоларининг меҳнат ва ижро интизоми, одоб-ахлоқ қоидаларига қатъий риоя қилишларини назорат қилиш, натижаси бўйича Комиссия Раиси ва Раис ўринбосарига (бундан буён матнда раҳбарият деб юритилади) таклиф киритиш;

коррупцияга қарши кураш йўналишидаги ишларни ташкил этиш;

қонунлар, Ўзбекистон Республикаси Олий Мажлиси палаталари қарорлари ва Ўзбекистон Республикаси Президенти ҳужжатларида Марказий сайлов комиссиясига юклатилган топшириқларнинг ижросини таъминлаш ва назорат қилиш;

Марказий сайлов комиссияси ва ҳудудий сайлов комиссияларида иш юритиш ва архив ишини ташкил этиш ҳамда назорат қилиш;

Ўзбекистон Республикаси Президенти сайловини, Ўзбекистон Республикаси Олий Мажлисига, вилоятлар, туманлар, шаҳарлар давлат ҳокимияти вакиллик органларига сайловларни, шунингдек Ўзбекистон Республикасининг референдумини ташкил этиш ва ўтказишда Марказий сайлов комиссиясига юклатилган вазифаларнинг ижросини таъминлаш;

сайлов комиссиялари ва референдум ўтказувчи комиссиялар аъзоларини тизимли ўқитиш, малакасини ошириш, уларнинг сайлов қонунчилиги соҳасида мукаммал билимларини, сайлов жараёнида ахборот-коммуникация технологияларидан фойдаланишда профессионал кўникмаларини шакллантиришда амалий ёрдам кўрсатиш;

Сайлов ва референдумларга тайёргарлик кўриш ва уларни ўтказиш амалиёти, шунингдек, миллий сайлов қонунчилигининг умумэътироф этилган халқаро принциплари ва стандартларига мувофиқлигини тизимли равишда мониторинг қилиб бориш ҳамда таклифлар ишлаб чиқиш;

Сайлов жараёнини бошқаришнинг ахборот тизимини (бундан буён матнда СЖБАТ деб юритилади) жорий этиш ҳамда Ўзбекистон Республикаси сайловчиларининг ягона электрон рўйхатидан (бундан буён матнда СЯЭР деб юритилади) фойдаланиш фаолияти бўйича тадбирларни амалга оширишда кўмаклашиш, шунингдек «E-saylov» ахборот тизимида иш юритилишини таъминлаш;

Марказий сайлов комиссиясининг ўз ваколатлари доирасида ҳуқуқни қўллаш фаолиятида қонун устуворлиги ва қонунийликни таъминлашни ташкил этиш, ишлаб чиқилаётган (қабул қилинаётган) норматив-ҳуқуқий ва бошқа ҳужжатлар лойиҳаларининг қонунчиликка мувофиқлиги устидан назоратни олиб бориш;

Марказий сайлов комиссиясининг фаолиятини оммавий ахборот воситаларида ва ижтимоий тармоқларда ёритилишини ташкил этиш, сайлов ва референдумларнинг ахборот кампаниясини мувофиқлаштириб бориш, жамоатчилик билан алоқаларни ўрнатиш;

Марказий сайлов комиссиясининг хорижий мамлакатларнинг сайлов органлари, халқаро ташкилотлар ва чет давлатларнинг вакиллари билан халқаро ҳамкорлик фаолиятини ташкил этиш ва мувофиқлаштириш;

Сайлов комиссияларининг ва референдум ўтказувчи комиссияларнинг зарур жиҳозлар билан таъминланганлик ҳолатини ўрганиш, таҳлил қилиш ва улар асосида харид қилиш учун таклифларни тайёрлаш ҳамда харид ва етказиб беришни ташкил этиш;

Марказий сайлов комиссиясида хўжалик ишларини ташкил этиш;

Марказий сайлов комиссиясининг бухгалтерия ҳисоби ва ҳисоботларини марказлаштирилган ҳисоб-китобини юритиш;

раҳбарият қабулхоналари фаолиятини ташкиллаштириш;

Котибият Марказий сайлов комиссияси томонидан қабул қилинган қарорларда, Комиссия Раиси фармойишларида, шунингдек, қонунчилик ҳужжатларига мувофиқ бошқа вазифаларни ҳам амалга оширади.

8. Котибият ўз зиммасига юклатилган вазифаларга мувофиқ қуйидаги функцияларни амалга оширади:

1) Марказий сайлов комиссияси фаолиятини, шу жумладан Марказий сайлов комиссияси мажлисларини, хизматга оид йиғилишларини ва бошқа тадбирларни ташкилий, таҳлилий ва моддий-техник жиҳатдан таъминлаш соҳасида:

Марказий сайлов комиссиясининг мажлислари материаллари тайёрланишини таъминлайди, мажлислар, шу жумладан раҳбарият томонидан ўтказиладиган турли йиғилишлар, ишчи мажлисларини ўтказишга доир ташкилий, моддий-техник, ахборот йўсинидаги масалаларни ҳал этади;

Марказий сайлов комиссияси мажлис ва бошқа йиғилишлари заруратга қараб видеоконференцалоқа шаклида ўтказилишининг барча ташкилий-техник жиҳатларини барвақт ҳал этади;

Марказий сайлов комиссиясининг ахборот-коммуникация тизимига техник ва дастурий таъминот жиҳатдан хизмат кўрсатади, шакллантиради ва ривожлантиради.

2) Марказий сайлов комиссияси мажлисларининг баённомаларини юритиш, Марказий сайлов комиссияси қарорлари ва Комиссия Раисининг фармойишларини расмийлаштириш, ижрочилар эътиборига етказиш, бажарилишини таъминлаш соҳасида:

Марказий сайлов комиссияси мажлиси стенограммаси, баённомалари ва овозли ёзувларини юритади;

Марказий сайлов комиссияси қарорлари ва Комиссия Раисининг фармойишларини расмийлаштиради ва уларнинг ҳисобини юритади;

Марказий сайлов комиссияси қарорлари ва Комиссия Раисининг фармойишларини таркибий тузилмаларга ва сайлов комиссияларига ижро учун юборади, уларнинг бажарилишини назорат қилади.

3) Марказий сайлов комиссияси фаолиятининг асосий йўналишлари бўйича режалаштириш ишларини олиб бориш соҳасида:

Марказий сайлов комиссияси иш режаларининг (ярим йиллик ва йиллик иш режалари) лойиҳаларини тайёрлайди ва белгиланган тартибда тасдиқлаш учун киритади;

Марказий сайлов комиссияси ҳамда ҳудудий сайлов комиссиялари иш режаларининг ижро этилишини таҳлил қилади, умумлаштиради ва Марказий сайлов комиссияси мажлис ва йиғилишларида муҳокама қилиш учун ахборот тайёрлайди.

4) Котибият ходимларининг ва ҳудудий сайлов комиссиялари доимий асосда ишловчи аъзоларининг меҳнат ва ижро интизоми, одоб-ахлоқ қоидаларига қатъий риоя қилишларини назорат қилиш, натижаси бўйича раҳбариятга таклиф киритиш, шунингдек коррупцияга қарши кураш йўналишидаги ишларни ташкил этиш соҳасида:

меҳнат ва ижро интизоми, одоб-ахлоқ қоидаларига қатъий риоя этилиши устидан назорат олиб боради;

меҳнат ва ижро интизомига риоя этилиши юзасидан таркибий тузилмалар учун мажбурий бўлган зарур кўрсатма ва топшириқлар беради;

раҳбариятнинг кўрсатмалари ва топшириқлари бажарилишини назорат қилади;

самарадорлик кўрсаткичларини таркибий тузилмалар томонидан бажарилишини назорат қилади ҳамда натижалари бўйича таҳлилий маълумотлар тайёрлайди;

раҳбариятнинг топшириғига кўра меҳнат ва ижро интизоми аҳволи юзасидан таркибий тузилмаларнинг раҳбарлари ва ходимлари иштирокида йиғилиш ўтказади ва натижаси бўйича раҳбариятга ахборот тақдим этиб боради.

5) Қонунлар, Ўзбекистон Республикаси Олий Мажлиси қарорлари ва Ўзбекистон Республикаси Президенти ҳужжатларида Марказий сайлов комиссиясига юклатилган топшириқларнинг ижросини таъминлаш ва назорат қилиш соҳасида:

қонунлар, Ўзбекистон Республикаси Олий Мажлиси қарорлари, Ўзбекистон Республикаси Президенти фармон, қарор, фармойиш ва топшириқларини рўйхатдан ўтказади, масъул ижрочини белгилайди ҳамда раҳбариятга ахборот беради;

қонунчилик ҳужжатлари ва топшириқлар ижроси бўйича амалга оширилган, раҳбарият томонидан имзоланган белгиланган шаклдаги маълумотни, зарур тасдиқловчи ҳужжатлар билан бирга идоралараро электрон тизимга киритади;

қонунчилик ҳужжатлари ва топшириқлар ижро ҳолатини раҳбарият ҳузурида муҳокама қилинишини ташкил этади.

6) Марказий сайлов комиссиясида иш юритиш ва архив ишини ташкил этиш соҳасида:

Марказий сайлов комиссиясига келиб тушган барча (ёзма ва электрон) хат ва ҳужжатлар, жисмоний ва юридик шахсларнинг мурожаатларини қабул қилади, рўйхатга олади, ҳисобини юритади, уларни раҳбариятга кўриб чиқиш учун киритади, ҳужжатларни ижрочиларга етказилишини таъминлайди;

жисмоний шахслар ва юридик шахслар вакилларини қабул қилишни ҳамда уларнинг мурожаатларини белгиланган тартибда кўриб чиқилишини ташкил этади;

Марказий сайлов комиссияси фаолиятига доир ҳужжатларни белгиланган тартибда архивда сақланишини таъминлайди.

7) Ўзбекистон Республикаси Президенти сайловини, Ўзбекистон Республикаси Олий Мажлисига, вилоятлар, туманлар, шаҳарлар давлат ҳокимияти вакиллик органларига сайловларни, шунингдек Ўзбекистон Республикасининг референдумини ташкил этиш ва ўтказишда Марказий сайлов комиссиясига юклатилган вазифаларнинг ижросини таъминлаш соҳасида:

сайлов кампанияси ва референдум ўтказиш бўйича комплекс чора-тадбирларнинг режалари лойиҳасини тайёрлайди ва Марказий сайлов комиссияси мажлиси муҳокамасига тасдиқлаш учун киритади;

сайлов комиссияларидан ўтказилган сайлов ва референдумлар юзасидан маълумотларни олади, таҳлил қилади, умумлаштиради ва Марказий сайлов комиссияси мажлиси, йиғилишида муҳокама қилиш учун ҳисобот тайёрлайди ва раҳбариятга киритади;

сайлов ва референдумлар ўтказиш бўйича Марказий сайлов комиссияси кўрсатмалари, йўриқномалар ва тартиб-қоидаларни ишлаб чиқади, жойлардаги комиссиялар томонидан уларга риоя этилишини таъминлайди;

сайлов комиссиялари фаолиятини услубий жиҳатдан таъминлайди, сайловни (референдумни) ташкил этиш масалалари юзасидан Марказий сайлов комиссияси ваколатлари доирасида қабул қилинган қарорлар, йўриқномалар ҳамда низомлар бўйича тушунтиришлар беради.

8) Сайлов комиссияси аъзоларини тизимли ўқитиш, малакасини ошириш, уларнинг сайлов қонунчилиги соҳасида мукаммал билимларини, сайлов жараёнида ахборот-коммуникация технологияларидан фойдаланишда профессионал кўникмаларини шакллантириш соҳасида:

сайлов ва референдумга тайёргарлик кўриш ва уларни ўтказиш даврида сайлов жараёни (референдум) бошқа иштирокчиларини, хусусан сайлов комиссиялари ва референдум ўтказувчи комиссиялар аъзоларини тизимли ўқитиш, малакасини ошириш, сайлов ва референдум қонунчилиги соҳасида мукаммал билимларини, сайлов жараёнида ахборот-коммуникация технологияларидан фойдаланишда профессионал кўникмаларини шакллантириш бўйича комплекс чора-тадбирларни ишлаб чиқади ва ижросини таъминлайди.

9) Сайлов ва референдумларга тайёргарлик кўриш ва уларни ўтказиш амалиёти, шунингдек, миллий сайлов қонунчилигининг умум эътироф этилган халқаро принциплари ва стандартларига мувофиқлигини тизимли равишда мониторинг қилиб бориш соҳасида:

сайлов ва референдумга тайёргарлик кўриш ва уларни ўтказиш амалиётини умум эътироф этилган халқаро принциплар ва стандартларга мувофиқлигини тизимли равишда мониторинг қилиб боради;

хорижий давлатларнинг сайлов ва референдумга доир қонунчилик ҳужжатлари тажрибасини ўрганиш ва умумлаштириш, таҳлил қилиш, қиёслаш орқали миллий сайлов ва референдум қонунчилигини такомиллаштириш бўйича таклифлар ишлаб чиқади.

10) СЖБАТни жорий этиш ҳамда СЯЭРдан фойдаланиш фаолияти бўйича тадбирларни амалга оширишда кўмаклашиш, шунингдек «E-saylov» ахборот тизимида иш юритилишини таъминлаш соҳасида:

сайлов ва референдумга тайёргарлик кўриш ҳамда уни ўтказиш жараёнида ахборот-коммуникация технологиялари имкониятларидан кенг фойдаланиш мақсадида сайлов жараёнининг барча иштирокчиларида СЯЭР ҳамда СЖБАТдан фойдаланиш кўникмаларини ҳосил қилиш чораларини кўради;

сайлов қонунчилиги ва замонавий ахборот технологиялар бўйича СЖБАТдан фойдаланиш тартиб-қоидаларини сайлов ташкилотчиларига, жамоатчиликка кенг тушунтириш ишларини олиб боради;

«E-saylov» ахборот тизимида иш юритилишини ташкил этишда кўмаклашади ва тизимни такомиллаштириш бўйича таклифлар ишлаб чиқади.

11) Марказий сайлов комиссиясининг ҳуқуқни қўллаш фаолиятида қонун устуворлиги ва қонунийликни таъминлашни ташкил этиш, ишлаб чиқилаётган (қабул қилинаётган) норматив-ҳуқуқий ва бошқа ҳужжатлар лойиҳаларининг қонунчиликка мувофиқлиги устидан назоратни олиб бориш соҳасида:

Марказий сайлов комиссияси томонидан ишлаб чиқилаётган (қабул қилинаётган) норматив-ҳуқуқий ва бошқа ҳужжатлар лойиҳалари (фармойишлар, шартномалар ва юридик тусдаги бошқа ҳужжатлар лойиҳалари)нинг қонунчиликка мувофиқлиги юзасидан экспертизадан ўтказади;

норма ижодкорлиги фаолиятининг жорий ва истиқболли режаларини ишлаб чиқади ёки уларнинг ишлаб чиқилишида, амалга оширилиши ва бажарилишини назорат қилишда иштирок этади;

шартномавий-ҳуқуқий ва талабнома-даъво ишларини юритади, мулкий ва бошқа манфаатларини ишончли ҳимоя қилинишини таъминлайди.

12) Марказий сайлов комиссияси фаолиятини оммавий ахборот воситаларида ва ижтимоий тармоқларда ёритилишини ташкил этиш, сайлов ва референдумларнинг ахборот кампаниясини мувофиқлаштириб бориш, жамоатчилик билан алоқаларни ўрнатиш соҳасида:

Марказий сайлов комиссияси фаолияти ҳақида ОАВ, ижтимоий тармоқлар, расмий веб-сайти, шунингдек, бошқа ахборот ресурслари орқали, шу жумладан матбуот анжуманлари, брифинглар, медиатурлар ташкил этиш йўли билан аҳолига мунтазам, тўлиқ ва тезкор равишда ахборот тақдим этиб боради;

комиссия фаолиятига алоқадор матнли, фото-, аудио- ва видеоматериаллардан иборат маълумотлар базасини шакллантиради ва янгилаб боради;

сайлов кампанияси ва референдумни ёритиш бўйича Марказий сайлов комиссиясининг матбуот марказини ва унинг ҳудудий бўлинмаларини ташкил этиш ҳамда унинг иш режаси бўйича таклифлар тайёрлайди, матбуот марказлари фаолиятини мувофиқлаштиради;

Марказий сайлов комиссияси қарорларининг мазмун-моҳияти ҳақида, соҳага доир норматив-ҳуқуқий ҳужжатлар тўғрисида оммавий ахборот воситалари, ижтимоий тармоқлар, Марказий сайлов комиссиясининг расмий веб-сайти, шунингдек, бошқа ахборот ресурслари орқали, шу жумладан матбуот анжуманлари, брифинглар, медиатурлар ташкил этиш йўли билан аҳолига мунтазам, тўлиқ ва тезкор равишда ахборот тақдим этиб боради.

13) Марказий сайлов комиссиясининг хорижий мамлакатлар сайлов органлари ва халқаро ташкилотлар билан ҳамкорлик фаолиятини ташкил этиш ва мувофиқлаштириш соҳасида:

хорижий мамлакатлар сайлов органлари ва халқаро ташкилотлар билан ҳамкорлик қилади;

бошқа мамлакатларнинг сайлов органлари, халқаро ташкилотлар ва чет давлатларнинг вакиллари билан учрашувлар ташкил этилишини, битимлар ва меморандумлар тузилишини таъминлайди;

сайлов ва референдумларни кузатиш учун хорижий (халқаро) кузатувчиларни аккредитация қилиш ишларини ташкил этади;

сайлов ва референдумлар бўйича халқаро кузатувчи миссияларининг ҳисоботларини таҳлил қилиш ишларини ташкиллаштиради;

Марказий сайлов комиссиясининг хорижий мамлакатлар сайлов органлари ва халқаро ташкилотлар билан ҳамкорлик фаолиятини ташкил этади ва мувофиқлаштиради.

14) Сайлов комиссиялари ва референдум ўтказувчи комиссияларнинг зарур жиҳозлар билан таъминланганлик ҳолатини ўрганиш, таҳлил қилиш ва улар асосида харид қилиш учун таклифларни тайёрлаш ҳамда харид ва етказиб беришни ташкил этиш соҳасида:

сайлов комиссиялари ва референдум ўтказувчи комиссияларнинг зарур жиҳозлар билан таъминланганлик ҳолатини ўрганади, таҳлил қилади ва улар асосида харид қилиш учун таклифларни тайёрлайди;

сайлов комиссиялари ва референдум ўтказувчи комиссияларнинг сайлов жиҳозларига бўлган эҳтиёжларини аниқлайди ҳамда уларга сайлов (овоз бериш) жараёнини ўтказиш учун етказиб беришни ташкиллаштиради.

15) Марказий сайлов комиссиясида хўжалик ишларини ташкил этиш соҳасида:

Марказий сайлов комиссияси ҳамда Котибият фаолиятини хўжалик жиҳатдан таъминлаш борасидаги ишларни амалга оширади;

бино ҳудудлари, хоналари ва асбоб-ускуналаридан фойдаланишга, техник жиҳатдан хизмат кўрсатишни ташкил этади ва уларни зарур ҳолатда сақланишини таъминлайди.

16) Марказий сайлов комиссиясининг бухгалтерия ҳисоби ва ҳисоботларини марказлаштирилган ҳисоб-китобини юритиш соҳасида:

Марказий сайлов комиссиясида бухгалтерия ҳисоби ва ҳисоботи юритилишини ташкил этади, шунингдек унинг ижросини назорат қилади;

сайлов ва референдумга тайёргарлик кўриш ҳамда уни ўтказиш бўйича харажатлар сметаси лойиҳасини ишлаб чиқади;

молиявий ҳисоботларни таҳлил қилади ва умумлаштиради.

Котибият ўз ваколатлари доирасида бошқа вазифа ва функцияларни ҳам амалга ошириши мумкин.

3-боб. Котибиятнинг ҳуқуқлари ва мажбуриятлари

9. Котибият ўз зиммасига юклатилган вазифалар ва функцияларни бажариш мақсадида қуйидаги ҳуқуқлардан фойдаланади:

республика ижро этувчи ҳокимият органлари ва хўжалик бирлашмалари, маҳаллий давлат ҳокимияти органлари ҳамда бошқа ташкилотлардан Марказий сайлов комиссияси ваколатларини амалга ошириш учун зарур бўлган маълумотларни ва бошқа материалларни сўраб олади;

Котибиятнинг фаолиятига тааллуқли ҳужжатлар лойиҳаларини ишлаб чиқади ва тасдиқлаш учун киритади;

Котибиятнинг фаолиятини такомиллаштириш масалалари бўйича таклифлар киритади;

зиммасига юклатилган вазифалардан келиб чиқиб, жисмоний ва юридик шахслар билан белгиланган тартибда шартномалар тузади;

Котибият ходимларининг ижтимоий ҳимоясини кучайтиришга қаратилган чораларни кўради.

Котибият қонунчилик ҳужжатларига мувофиқ бошқа ҳуқуқларга ҳам эга бўлиши мумкин.

10. Котибият:

Мазкур Низомда белгиланган вазифа ва функцияларни самарали амалга ошириш;

Марказий сайлов комиссияси мажлисларида кўриб чиқиладиган масалаларни таҳлил қилиш ва тегишли материалларни тайёрлаш;

Марказий сайлов комиссияси мажлисларида электрон тизимлар самарали ишлашини таъминлаш;

жисмоний ва юридик шахсларнинг мурожаатларини кўриб чиқиш;

меҳнат ва ижро интизоми, одоб-ахлоқ қоидаларига қатъий риоя этиш;

раҳбарият топшириқлари ижросини ўз вақтида бажарилишини таъминлаш учун жавобгардир.

Котибият зиммасига қонунчилик ҳужжатларига, шу жумладан Марказий сайлов комиссиясининг қарорларига мувофиқ бошқа мажбуриятлар ҳам юкланиши мумкин.

4-боб. Котибиятнинг тузилиши

11. Котибият қуйидаги таркибий бўлинмаларни ўз ичига олади:

Ташкилий-назорат ва режалаштириш бўлими;

Сайлов жараёнини ташкилий таъминлаш бўлими;

Сайлов қонунчилиги ва замонавий технологиялар бўйича ўқув маркази;

Ахборот-коммуникация технологиялари бўлими;

Моддий-техника таъминоти бўлими;

Матбуот хизмати;

Юридик таъминлаш ва мурожаатлар билан ишлаш бўлими;

Халқаро ҳамкорлик бўлими;

Молия-иқтисод бўлими;

Хўжалик ишлари бўлими;

Котибият таркибий тузилмалари таркибида шўъба, гуруҳ ва бошқа тармоқ тузилмалари тузилиши мумкин.

Котибият ходимларининг функционал вазифалари Комиссия Раиси томонидан тасдиқланадиган мансаб йўриқномаларида белгиланади.

12. Котибиятнинг таркибий тузилмалари тўғрисидаги низомлар Комиссия Раиси томонидан тасдиқланади.

5-боб. Котибият раҳбарининг функционал вазифалари

13. Котибият раҳбари ўзининг асосий функционал вазифалари доирасида қуйидагиларни амалга оширади:

Котибият, унинг таркибий тузилмалари самарали ишлашини таъминлаш чораларини кўради, Котибият зиммасига юклатилган вазифалар бажарилиши учун шахсан жавоб беради;

Котибият ходимларининг ишлари режалаштирилишини, ташкил қилинишини таъминлайди ҳамда Котибият зиммасига юклатилган вазифалар ва функцияларнинг ижросини назорат қилади, шунингдек улар ижроси тўғрисида раҳбариятга ахборот беради;

Раҳбариятнинг топшириқлари ва улардан ижро учун қабул қилинган ҳужжатларнинг бажарилишини ташкиллаштиради ва назорат қилади;

Марказий сайлов комиссияси аъзолари билан келишган ҳолда Марказий сайлов комиссияси мажлиси кун тартибига киритилган ҳар бир масала бўйича зарур материалларни тайёрлаш учун Котибиятнинг мутасадди таркибий тузилмаси ходимларига топшириқ беради;

Марказий сайлов комиссиясида ўтказиладиган тадбирлар режалари, кун тартиби лойиҳаларини тайёрланишини ташкил этади ҳамда ушбу ҳужжатларни раҳбарият ва комиссия аъзолари кўриб чиқиши учун киритади;

Котибият ходимларига юклатилган вазифалар бажарилишининг самарадорлиги даражасини баҳолаш тизимини йўлга қўйиш чораларини кўради;

Котибият ходимларининг меҳнат ва ижро интизомига ҳамда одоб-ахлоқ қоидаларига қатъий риоя қилишларини назорат қилади, уларни рағбатлантириш ва мукофотлаш, лавозим маошларига устамалар ҳамда қўшимчалар белгилаш, интизомий жавобгарликка тортиш, давлат мукофотларига тавсия этиш ва даражали унвонлар бериш бўйича раҳбариятга таклифлар киритади;

Котибият фаолиятини самарадорлигини ошириш мақсадида Котибият тузилмаси, штатлари ва кадрлар таркибига оид масалалар юзасидан раҳбариятга таклиф киритади;

Котибият ходимларининг захирасини шакллантириш ва янгилаб борилишини назорат қилади;

Комиссия Раисининг топшириғига асосан Котибият ходимларини аттестациядан ўтказишни ва малакавий имтиҳонларни ташкил этади;

раҳбариятга ахборот, маълумотнома ва бошқа материаллар тайёрланишини назорат қилади;

Котибият таркибий тузилмаларининг фаолиятини такомиллаштириш мақсадида инновацион янгиликларни жорий этиш бўйича таклифлар киритади;

Котибият таркибий тузилмалари томонидан ушбу Низомда белгиланган вазифаларнинг изчил бажарилишини ҳамда Котибият ходимларининг меҳнат тўғрисидаги қонунчилик ҳужжатларига ва Ички меҳнат тартиб қоидаларига қатъий риоя этишларини таъминлайди;

Марказий сайлов комиссияси томонидан қабул қилинган ҳужжатлар ҳисобининг юритилиши, сақланиши ва белгиланган тартибда архивга топширилиши билан боғлиқ ишларни ташкиллаштиради;

ушбу Низомга мувофиқ бошқа вазифаларни амалга оширади.

Котибият раҳбари бўлмаган ҳолларда унинг вазифаларини вақтинча бажариб туриш Комиссия Раисининг фармойишига асосан белгиланади.

6-боб. Якунловчи қоида

14. Ушбу Низомга тегишли ўзгартиш ва қўшимчалар белгиланган тартибда киритилади.

Раис З. НИЗАМХОДЖАЕВ

Тошкент ш.,

2024 йил 24 декабрь,

1424-сон

lex.uz

Oʻzbekiston Respublikasi Markaziy saylov komissiyasining

qarori

NIZOM

Oʻzbekiston Respublikasi Markaziy saylov komissiyasining Kotibiyati toʻgʻrisidagi nizomni tasdiqlash haqida

Oʻzbekiston Respublikasi Saylov kodeksining 14 , 16 va 17-moddalariga muvofiq Oʻzbekiston Respublikasi Markaziy saylov komissiyasi qaror qiladi:

1. Oʻzbekiston Respublikasi Markaziy saylov komissiyasining Kotibiyati toʻgʻrisidagi nizom ilovaga muvofiq tasdiqlansin.

2. Oʻzbekiston Respublikasi Markaziy saylov komissiyasining “Oʻzbekiston Respublikasi Markaziy saylov komissiyasining Kotibiyati va Matbuot xizmati toʻgʻrisidagi nizomlarni tasdiqlash haqida” 2021-yil 6-yanvardagi 1043-son qarori oʻz kuchini yoʻqotgan deb hisoblansin.

3. Mazkur qaror Oʻzbekiston Respublikasi Markaziy saylov komissiyasining rasmiy veb-saytida eʼlon qilinsin.

4. Mazkur qaror ijrosini nazorat qilish Oʻzbekiston Respublikasi Markaziy saylov komissiyasi Raisining oʻrinbosari B. Kuchkarov zimmasiga yuklansin.

Oʻzbekiston Respublikasi Markaziy saylov komissiyasining 2024-yil 24-dekabrdagi 1424-son qaroriga ILOVA

Oʻzbekiston Respublikasi Markaziy saylov komissiyasining Kotibiyati toʻgʻrisidagi

1-bob. Umumiy qoidalar

1. Mazkur Nizom Oʻzbekiston Respublikasi Markaziy saylov komissiyasi (bundan buyon matnda Markaziy saylov komissiyasi deb yuritiladi) Kotibiyatining asosiy vazifalari, funksiyalari, huquqlari va majburiyatlari, faoliyatini tashkil etish tartibini belgilaydi.

2. Markaziy saylov komissiyasining Kotibiyati (bundan buyon matnda Kotibiyat deb yuritiladi) Markaziy saylov komissiyasining faoliyatini tashkiliy-uslubiy, axborot-tahliliy, huquqiy, moliyaviy, ijtimoiy-maishiy, moddiy-texnik jihatdan taʼminlashni amalga oshiradi.

3. Kotibiyat oʻz faoliyatida Oʻzbekiston Respublikasi Konstitutsiyasi, Oʻzbekiston Respublikasining Saylov kodeksi , “Oʻzbekiston Respublikasining referendumi toʻgʻrisida”gi Qonuni , “ Oʻzbekiston Respublikasi Markaziy saylov komissiyasining Reglamenti ”, Markaziy saylov komissiyasi qarorlari, Markaziy saylov komissiyasi Raisining (bundan buyon matnda Komissiya Raisi deb yuritiladi) farmoyishlari, ushbu Nizom hamda boshqa qonunchilik hujjatlariga amal qiladi.

4. Kotibiyat faoliyati davrida Oʻzbekiston Respublikasi Oliy Majlisi palatalari devonlari va Oʻzbekiston Respublikasi Vazirlar Mahkamasi kotibiyatlari, respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari hamda boshqa tashkilotlar bilan hamkorlik oʻrnatadi.

5. Kotibiyatga umumiy rahbarlik Komissiya Raisi tomonidan amalga oshiriladi.

Kotibiyatga Komissiya Raisining farmoyishiga asosan tayinlanadigan va lavozimidan ozod etiladigan Kotibiyat rahbari boshchilik qiladi.

6. Kotibiyatning tuzilmasi, shtatlari va ish tartibi Komissiya Raisi tomonidan tasdiqlanadi. Kotibiyat xodimlari Markaziy saylov komissiyasi Raisining oʻrinbosari va Kotibiyat rahbarining taqdimiga binoan Komissiya Raisi tomonidan lavozimga tayinlanadi va lavozimdan ozod qilinadi.

2-bob. Kotibiyatning asosiy vazifalari va funksiyalari

7. Quyidagilar Kotibiyatning asosiy vazifalari hisoblanadi:

Markaziy saylov komissiyasi faoliyatini, shu jumladan Markaziy saylov komissiyasi majlislarini, xizmatga oid yigʻilishlarini va boshqa tadbirlarni tashkiliy-uslubiy, axborot-tahliliy, huquqiy, moliyaviy, ijtimoiy-maishiy va moddiy-texnik jihatdan taʼminlash;

Markaziy saylov komissiyasi majlislarining bayonnomalarini yuritish, Markaziy saylov komissiyasi qarorlari va Komissiya Raisining farmoyishlarini rasmiylashtirish, ijrochilarga yetkazish, bajarilishini taʼminlash;

Markaziy saylov komissiyasi faoliyatining asosiy yoʻnalishlari boʻyicha rejalashtirish ishlarini olib borish;

Kotibiyat xodimlarining, viloyatlar va Toshkent shahar hududiy saylov komissiyalari (bundan buyon matnda hududiy saylov komissiyalari deb yuritiladi) doimiy asosda ishlovchi aʼzolarining mehnat va ijro intizomi, odob-axloq qoidalariga qatʼiy rioya qilishlarini nazorat qilish, natijasi boʻyicha Komissiya Raisi va Rais oʻrinbosariga (bundan buyon matnda rahbariyat deb yuritiladi) taklif kiritish;

korrupsiyaga qarshi kurash yoʻnalishidagi ishlarni tashkil etish;

qonunlar, Oʻzbekiston Respublikasi Oliy Majlisi palatalari qarorlari va Oʻzbekiston Respublikasi Prezidenti hujjatlarida Markaziy saylov komissiyasiga yuklatilgan topshiriqlarning ijrosini taʼminlash va nazorat qilish;

Markaziy saylov komissiyasi va hududiy saylov komissiyalarida ish yuritish va arxiv ishini tashkil etish hamda nazorat qilish;

Oʻzbekiston Respublikasi Prezidenti saylovini, Oʻzbekiston Respublikasi Oliy Majlisiga, viloyatlar, tumanlar, shaharlar davlat hokimiyati vakillik organlariga saylovlarni, shuningdek Oʻzbekiston Respublikasining referendumini tashkil etish va oʻtkazishda Markaziy saylov komissiyasiga yuklatilgan vazifalarning ijrosini taʼminlash;

saylov komissiyalari va referendum oʻtkazuvchi komissiyalar aʼzolarini tizimli oʻqitish, malakasini oshirish, ularning saylov qonunchiligi sohasida mukammal bilimlarini, saylov jarayonida axborot-kommunikatsiya texnologiyalaridan foydalanishda professional koʻnikmalarini shakllantirishda amaliy yordam koʻrsatish;

Saylov va referendumlarga tayyorgarlik koʻrish va ularni oʻtkazish amaliyoti, shuningdek, milliy saylov qonunchiligining umumeʼtirof etilgan xalqaro prinsiplari va standartlariga muvofiqligini tizimli ravishda monitoring qilib borish hamda takliflar ishlab chiqish;

Saylov jarayonini boshqarishning axborot tizimini (bundan buyon matnda SJBAT deb yuritiladi) joriy etish hamda Oʻzbekiston Respublikasi saylovchilarining yagona elektron roʻyxatidan (bundan buyon matnda SYAER deb yuritiladi) foydalanish faoliyati boʻyicha tadbirlarni amalga oshirishda koʻmaklashish, shuningdek “E-saylov” axborot tizimida ish yuritilishini taʼminlash;

Markaziy saylov komissiyasining oʻz vakolatlari doirasida huquqni qoʻllash faoliyatida qonun ustuvorligi va qonuniylikni taʼminlashni tashkil etish, ishlab chiqilayotgan (qabul qilinayotgan) normativ-huquqiy va boshqa hujjatlar loyihalarining qonunchilikka muvofiqligi ustidan nazoratni olib borish;

Markaziy saylov komissiyasining faoliyatini ommaviy axborot vositalarida va ijtimoiy tarmoqlarda yoritilishini tashkil etish, saylov va referendumlarning axborot kampaniyasini muvofiqlashtirib borish, jamoatchilik bilan aloqalarni oʻrnatish;

Markaziy saylov komissiyasining xorijiy mamlakatlarning saylov organlari, xalqaro tashkilotlar va chet davlatlarning vakillari bilan xalqaro hamkorlik faoliyatini tashkil etish va muvofiqlashtirish;

Saylov komissiyalarining va referendum oʻtkazuvchi komissiyalarning zarur jihozlar bilan taʼminlanganlik holatini oʻrganish, tahlil qilish va ular asosida xarid qilish uchun takliflarni tayyorlash hamda xarid va yetkazib berishni tashkil etish;

Markaziy saylov komissiyasida xoʻjalik ishlarini tashkil etish;

Markaziy saylov komissiyasining buxgalteriya hisobi va hisobotlarini markazlashtirilgan hisob-kitobini yuritish;

rahbariyat qabulxonalari faoliyatini tashkillashtirish;

Kotibiyat Markaziy saylov komissiyasi tomonidan qabul qilingan qarorlarda, Komissiya Raisi farmoyishlarida, shuningdek, qonunchilik hujjatlariga muvofiq boshqa vazifalarni ham amalga oshiradi.

8. Kotibiyat oʻz zimmasiga yuklatilgan vazifalarga muvofiq quyidagi funksiyalarni amalga oshiradi:

1) Markaziy saylov komissiyasi faoliyatini, shu jumladan Markaziy saylov komissiyasi majlislarini, xizmatga oid yigʻilishlarini va boshqa tadbirlarni tashkiliy, tahliliy va moddiy-texnik jihatdan taʼminlash sohasida:

Markaziy saylov komissiyasining majlislari materiallari tayyorlanishini taʼminlaydi, majlislar, shu jumladan rahbariyat tomonidan oʻtkaziladigan turli yigʻilishlar, ishchi majlislarini oʻtkazishga doir tashkiliy, moddiy-texnik, axborot yoʻsinidagi masalalarni hal etadi;

Markaziy saylov komissiyasi majlis va boshqa yigʻilishlari zaruratga qarab videokonferensaloqa shaklida oʻtkazilishining barcha tashkiliy-texnik jihatlarini barvaqt hal etadi;

Markaziy saylov komissiyasining axborot-kommunikatsiya tizimiga texnik va dasturiy taʼminot jihatdan xizmat koʻrsatadi, shakllantiradi va rivojlantiradi.

2) Markaziy saylov komissiyasi majlislarining bayonnomalarini yuritish, Markaziy saylov komissiyasi qarorlari va Komissiya Raisining farmoyishlarini rasmiylashtirish, ijrochilar eʼtiboriga yetkazish, bajarilishini taʼminlash sohasida:

Markaziy saylov komissiyasi majlisi stenogrammasi, bayonnomalari va ovozli yozuvlarini yuritadi;

Markaziy saylov komissiyasi qarorlari va Komissiya Raisining farmoyishlarini rasmiylashtiradi va ularning hisobini yuritadi;

Markaziy saylov komissiyasi qarorlari va Komissiya Raisining farmoyishlarini tarkibiy tuzilmalarga va saylov komissiyalariga ijro uchun yuboradi, ularning bajarilishini nazorat qiladi.

3) Markaziy saylov komissiyasi faoliyatining asosiy yoʻnalishlari boʻyicha rejalashtirish ishlarini olib borish sohasida:

Markaziy saylov komissiyasi ish rejalarining (yarim yillik va yillik ish rejalari) loyihalarini tayyorlaydi va belgilangan tartibda tasdiqlash uchun kiritadi;

Markaziy saylov komissiyasi hamda hududiy saylov komissiyalari ish rejalarining ijro etilishini tahlil qiladi, umumlashtiradi va Markaziy saylov komissiyasi majlis va yigʻilishlarida muhokama qilish uchun axborot tayyorlaydi.

4) Kotibiyat xodimlarining va hududiy saylov komissiyalari doimiy asosda ishlovchi aʼzolarining mehnat va ijro intizomi, odob-axloq qoidalariga qatʼiy rioya qilishlarini nazorat qilish, natijasi boʻyicha rahbariyatga taklif kiritish, shuningdek korrupsiyaga qarshi kurash yoʻnalishidagi ishlarni tashkil etish sohasida:

mehnat va ijro intizomi, odob-axloq qoidalariga qatʼiy rioya etilishi ustidan nazorat olib boradi;

mehnat va ijro intizomiga rioya etilishi yuzasidan tarkibiy tuzilmalar uchun majburiy boʻlgan zarur koʻrsatma va topshiriqlar beradi;

rahbariyatning koʻrsatmalari va topshiriqlari bajarilishini nazorat qiladi;

samaradorlik koʻrsatkichlarini tarkibiy tuzilmalar tomonidan bajarilishini nazorat qiladi hamda natijalari boʻyicha tahliliy maʼlumotlar tayyorlaydi;

rahbariyatning topshirigʻiga koʻra mehnat va ijro intizomi ahvoli yuzasidan tarkibiy tuzilmalarning rahbarlari va xodimlari ishtirokida yigʻilish oʻtkazadi va natijasi boʻyicha rahbariyatga axborot taqdim etib boradi.

5) Qonunlar, Oʻzbekiston Respublikasi Oliy Majlisi qarorlari va Oʻzbekiston Respublikasi Prezidenti hujjatlarida Markaziy saylov komissiyasiga yuklatilgan topshiriqlarning ijrosini taʼminlash va nazorat qilish sohasida:

qonunlar, Oʻzbekiston Respublikasi Oliy Majlisi qarorlari, Oʻzbekiston Respublikasi Prezidenti farmon, qaror, farmoyish va topshiriqlarini roʻyxatdan oʻtkazadi, masʼul ijrochini belgilaydi hamda rahbariyatga axborot beradi;

qonunchilik hujjatlari va topshiriqlar ijrosi boʻyicha amalga oshirilgan, rahbariyat tomonidan imzolangan belgilangan shakldagi maʼlumotni, zarur tasdiqlovchi hujjatlar bilan birga idoralararo elektron tizimga kiritadi;

qonunchilik hujjatlari va topshiriqlar ijro holatini rahbariyat huzurida muhokama qilinishini tashkil etadi.

6) Markaziy saylov komissiyasida ish yuritish va arxiv ishini tashkil etish sohasida:

Markaziy saylov komissiyasiga kelib tushgan barcha (yozma va elektron) xat va hujjatlar, jismoniy va yuridik shaxslarning murojaatlarini qabul qiladi, roʻyxatga oladi, hisobini yuritadi, ularni rahbariyatga koʻrib chiqish uchun kiritadi, hujjatlarni ijrochilarga yetkazilishini taʼminlaydi;

jismoniy shaxslar va yuridik shaxslar vakillarini qabul qilishni hamda ularning murojaatlarini belgilangan tartibda koʻrib chiqilishini tashkil etadi;

Markaziy saylov komissiyasi faoliyatiga doir hujjatlarni belgilangan tartibda arxivda saqlanishini taʼminlaydi.

7) Oʻzbekiston Respublikasi Prezidenti saylovini, Oʻzbekiston Respublikasi Oliy Majlisiga, viloyatlar, tumanlar, shaharlar davlat hokimiyati vakillik organlariga saylovlarni, shuningdek Oʻzbekiston Respublikasining referendumini tashkil etish va oʻtkazishda Markaziy saylov komissiyasiga yuklatilgan vazifalarning ijrosini taʼminlash sohasida:

saylov kampaniyasi va referendum oʻtkazish boʻyicha kompleks chora-tadbirlarning rejalari loyihasini tayyorlaydi va Markaziy saylov komissiyasi majlisi muhokamasiga tasdiqlash uchun kiritadi;

saylov komissiyalaridan oʻtkazilgan saylov va referendumlar yuzasidan maʼlumotlarni oladi, tahlil qiladi, umumlashtiradi va Markaziy saylov komissiyasi majlisi, yigʻilishida muhokama qilish uchun hisobot tayyorlaydi va rahbariyatga kiritadi;

saylov va referendumlar oʻtkazish boʻyicha Markaziy saylov komissiyasi koʻrsatmalari, yoʻriqnomalar va tartib-qoidalarni ishlab chiqadi, joylardagi komissiyalar tomonidan ularga rioya etilishini taʼminlaydi;

saylov komissiyalari faoliyatini uslubiy jihatdan taʼminlaydi, saylovni (referendumni) tashkil etish masalalari yuzasidan Markaziy saylov komissiyasi vakolatlari doirasida qabul qilingan qarorlar, yoʻriqnomalar hamda nizomlar boʻyicha tushuntirishlar beradi.

8) Saylov komissiyasi aʼzolarini tizimli oʻqitish, malakasini oshirish, ularning saylov qonunchiligi sohasida mukammal bilimlarini, saylov jarayonida axborot-kommunikatsiya texnologiyalaridan foydalanishda professional koʻnikmalarini shakllantirish sohasida:

saylov va referendumga tayyorgarlik koʻrish va ularni oʻtkazish davrida saylov jarayoni (referendum) boshqa ishtirokchilarini, xususan saylov komissiyalari va referendum oʻtkazuvchi komissiyalar aʼzolarini tizimli oʻqitish, malakasini oshirish, saylov va referendum qonunchiligi sohasida mukammal bilimlarini, saylov jarayonida axborot-kommunikatsiya texnologiyalaridan foydalanishda professional koʻnikmalarini shakllantirish boʻyicha kompleks chora-tadbirlarni ishlab chiqadi va ijrosini taʼminlaydi.

9) Saylov va referendumlarga tayyorgarlik koʻrish va ularni oʻtkazish amaliyoti, shuningdek, milliy saylov qonunchiligining umum eʼtirof etilgan xalqaro prinsiplari va standartlariga muvofiqligini tizimli ravishda monitoring qilib borish sohasida:

saylov va referendumga tayyorgarlik koʻrish va ularni oʻtkazish amaliyotini umum eʼtirof etilgan xalqaro prinsiplar va standartlarga muvofiqligini tizimli ravishda monitoring qilib boradi;

xorijiy davlatlarning saylov va referendumga doir qonunchilik hujjatlari tajribasini oʻrganish va umumlashtirish, tahlil qilish, qiyoslash orqali milliy saylov va referendum qonunchiligini takomillashtirish boʻyicha takliflar ishlab chiqadi.

10) SJBATni joriy etish hamda SYAERdan foydalanish faoliyati boʻyicha tadbirlarni amalga oshirishda koʻmaklashish, shuningdek “E-saylov” axborot tizimida ish yuritilishini taʼminlash sohasida:

saylov va referendumga tayyorgarlik koʻrish hamda uni oʻtkazish jarayonida axborot-kommunikatsiya texnologiyalari imkoniyatlaridan keng foydalanish maqsadida saylov jarayonining barcha ishtirokchilarida SYAER hamda SJBATdan foydalanish koʻnikmalarini hosil qilish choralarini koʻradi;

saylov qonunchiligi va zamonaviy axborot texnologiyalar boʻyicha SJBATdan foydalanish tartib-qoidalarini saylov tashkilotchilariga, jamoatchilikka keng tushuntirish ishlarini olib boradi;

“E-saylov” axborot tizimida ish yuritilishini tashkil etishda koʻmaklashadi va tizimni takomillashtirish boʻyicha takliflar ishlab chiqadi.

11) Markaziy saylov komissiyasining huquqni qoʻllash faoliyatida qonun ustuvorligi va qonuniylikni taʼminlashni tashkil etish, ishlab chiqilayotgan (qabul qilinayotgan) normativ-huquqiy va boshqa hujjatlar loyihalarining qonunchilikka muvofiqligi ustidan nazoratni olib borish sohasida:

Markaziy saylov komissiyasi tomonidan ishlab chiqilayotgan (qabul qilinayotgan) normativ-huquqiy va boshqa hujjatlar loyihalari (farmoyishlar, shartnomalar va yuridik tusdagi boshqa hujjatlar loyihalari)ning qonunchilikka muvofiqligi yuzasidan ekspertizadan oʻtkazadi;

norma ijodkorligi faoliyatining joriy va istiqbolli rejalarini ishlab chiqadi yoki ularning ishlab chiqilishida, amalga oshirilishi va bajarilishini nazorat qilishda ishtirok etadi;

shartnomaviy-huquqiy va talabnoma-daʼvo ishlarini yuritadi, mulkiy va boshqa manfaatlarini ishonchli himoya qilinishini taʼminlaydi.

12) Markaziy saylov komissiyasi faoliyatini ommaviy axborot vositalarida va ijtimoiy tarmoqlarda yoritilishini tashkil etish, saylov va referendumlarning axborot kampaniyasini muvofiqlashtirib borish, jamoatchilik bilan aloqalarni oʻrnatish sohasida:

Markaziy saylov komissiyasi faoliyati haqida OAV, ijtimoiy tarmoqlar, rasmiy veb-sayti, shuningdek, boshqa axborot resurslari orqali, shu jumladan matbuot anjumanlari, brifinglar, mediaturlar tashkil etish yoʻli bilan aholiga muntazam, toʻliq va tezkor ravishda axborot taqdim etib boradi;

komissiya faoliyatiga aloqador matnli, foto-, audio- va videomateriallardan iborat maʼlumotlar bazasini shakllantiradi va yangilab boradi;

saylov kampaniyasi va referendumni yoritish boʻyicha Markaziy saylov komissiyasining matbuot markazini va uning hududiy boʻlinmalarini tashkil etish hamda uning ish rejasi boʻyicha takliflar tayyorlaydi, matbuot markazlari faoliyatini muvofiqlashtiradi;

Markaziy saylov komissiyasi qarorlarining mazmun-mohiyati haqida, sohaga doir normativ-huquqiy hujjatlar toʻgʻrisida ommaviy axborot vositalari, ijtimoiy tarmoqlar, Markaziy saylov komissiyasining rasmiy veb-sayti, shuningdek, boshqa axborot resurslari orqali, shu jumladan matbuot anjumanlari, brifinglar, mediaturlar tashkil etish yoʻli bilan aholiga muntazam, toʻliq va tezkor ravishda axborot taqdim etib boradi.

13) Markaziy saylov komissiyasining xorijiy mamlakatlar saylov organlari va xalqaro tashkilotlar bilan hamkorlik faoliyatini tashkil etish va muvofiqlashtirish sohasida:

xorijiy mamlakatlar saylov organlari va xalqaro tashkilotlar bilan hamkorlik qiladi;

boshqa mamlakatlarning saylov organlari, xalqaro tashkilotlar va chet davlatlarning vakillari bilan uchrashuvlar tashkil etilishini, bitimlar va memorandumlar tuzilishini taʼminlaydi;

saylov va referendumlarni kuzatish uchun xorijiy (xalqaro) kuzatuvchilarni akkreditatsiya qilish ishlarini tashkil etadi;

saylov va referendumlar boʻyicha xalqaro kuzatuvchi missiyalarining hisobotlarini tahlil qilish ishlarini tashkillashtiradi;

Markaziy saylov komissiyasining xorijiy mamlakatlar saylov organlari va xalqaro tashkilotlar bilan hamkorlik faoliyatini tashkil etadi va muvofiqlashtiradi.

14) Saylov komissiyalari va referendum oʻtkazuvchi komissiyalarning zarur jihozlar bilan taʼminlanganlik holatini oʻrganish, tahlil qilish va ular asosida xarid qilish uchun takliflarni tayyorlash hamda xarid va yetkazib berishni tashkil etish sohasida:

saylov komissiyalari va referendum oʻtkazuvchi komissiyalarning zarur jihozlar bilan taʼminlanganlik holatini oʻrganadi, tahlil qiladi va ular asosida xarid qilish uchun takliflarni tayyorlaydi;

saylov komissiyalari va referendum oʻtkazuvchi komissiyalarning saylov jihozlariga boʻlgan ehtiyojlarini aniqlaydi hamda ularga saylov (ovoz berish) jarayonini oʻtkazish uchun yetkazib berishni tashkillashtiradi.

15) Markaziy saylov komissiyasida xoʻjalik ishlarini tashkil etish sohasida:

Markaziy saylov komissiyasi hamda Kotibiyat faoliyatini xoʻjalik jihatdan taʼminlash borasidagi ishlarni amalga oshiradi;

bino hududlari, xonalari va asbob-uskunalaridan foydalanishga, texnik jihatdan xizmat koʻrsatishni tashkil etadi va ularni zarur holatda saqlanishini taʼminlaydi.

16) Markaziy saylov komissiyasining buxgalteriya hisobi va hisobotlarini markazlashtirilgan hisob-kitobini yuritish sohasida:

Markaziy saylov komissiyasida buxgalteriya hisobi va hisoboti yuritilishini tashkil etadi, shuningdek uning ijrosini nazorat qiladi;

saylov va referendumga tayyorgarlik koʻrish hamda uni oʻtkazish boʻyicha xarajatlar smetasi loyihasini ishlab chiqadi;

moliyaviy hisobotlarni tahlil qiladi va umumlashtiradi.

Kotibiyat oʻz vakolatlari doirasida boshqa vazifa va funksiyalarni ham amalga oshirishi mumkin.

3-bob. Kotibiyatning huquqlari va majburiyatlari

9. Kotibiyat oʻz zimmasiga yuklatilgan vazifalar va funksiyalarni bajarish maqsadida quyidagi huquqlardan foydalanadi:

respublika ijro etuvchi hokimiyat organlari va xoʻjalik birlashmalari, mahalliy davlat hokimiyati organlari hamda boshqa tashkilotlardan Markaziy saylov komissiyasi vakolatlarini amalga oshirish uchun zarur boʻlgan maʼlumotlarni va boshqa materiallarni soʻrab oladi;

Kotibiyatning faoliyatiga taalluqli hujjatlar loyihalarini ishlab chiqadi va tasdiqlash uchun kiritadi;

Kotibiyatning faoliyatini takomillashtirish masalalari boʻyicha takliflar kiritadi;

zimmasiga yuklatilgan vazifalardan kelib chiqib, jismoniy va yuridik shaxslar bilan belgilangan tartibda shartnomalar tuzadi;

Kotibiyat xodimlarining ijtimoiy himoyasini kuchaytirishga qaratilgan choralarni koʻradi.

Kotibiyat qonunchilik hujjatlariga muvofiq boshqa huquqlarga ham ega boʻlishi mumkin.

10. Kotibiyat:

Mazkur Nizomda belgilangan vazifa va funksiyalarni samarali amalga oshirish;

Markaziy saylov komissiyasi majlislarida koʻrib chiqiladigan masalalarni tahlil qilish va tegishli materiallarni tayyorlash;

Markaziy saylov komissiyasi majlislarida elektron tizimlar samarali ishlashini taʼminlash;

jismoniy va yuridik shaxslarning murojaatlarini koʻrib chiqish;

mehnat va ijro intizomi, odob-axloq qoidalariga qatʼiy rioya etish;

rahbariyat topshiriqlari ijrosini oʻz vaqtida bajarilishini taʼminlash uchun javobgardir.

Kotibiyat zimmasiga qonunchilik hujjatlariga, shu jumladan Markaziy saylov komissiyasining qarorlariga muvofiq boshqa majburiyatlar ham yuklanishi mumkin.

4-bob. Kotibiyatning tuzilishi

11. Kotibiyat quyidagi tarkibiy boʻlinmalarni oʻz ichiga oladi:

Tashkiliy-nazorat va rejalashtirish boʻlimi;

Saylov jarayonini tashkiliy taʼminlash boʻlimi;

Saylov qonunchiligi va zamonaviy texnologiyalar boʻyicha oʻquv markazi;

Axborot-kommunikatsiya texnologiyalari boʻlimi;

Moddiy-texnika taʼminoti boʻlimi;

Matbuot xizmati;

Yuridik taʼminlash va murojaatlar bilan ishlash boʻlimi;

Xalqaro hamkorlik boʻlimi;

Moliya-iqtisod boʻlimi;

Xoʻjalik ishlari boʻlimi;

Kotibiyat tarkibiy tuzilmalari tarkibida shoʻba, guruh va boshqa tarmoq tuzilmalari tuzilishi mumkin.

Kotibiyat xodimlarining funksional vazifalari Komissiya Raisi tomonidan tasdiqlanadigan mansab yoʻriqnomalarida belgilanadi.

12. Kotibiyatning tarkibiy tuzilmalari toʻgʻrisidagi nizomlar Komissiya Raisi tomonidan tasdiqlanadi.

5-bob. Kotibiyat rahbarining funksional vazifalari

13. Kotibiyat rahbari oʻzining asosiy funksional vazifalari doirasida quyidagilarni amalga oshiradi:

Kotibiyat, uning tarkibiy tuzilmalari samarali ishlashini taʼminlash choralarini koʻradi, Kotibiyat zimmasiga yuklatilgan vazifalar bajarilishi uchun shaxsan javob beradi;

Kotibiyat xodimlarining ishlari rejalashtirilishini, tashkil qilinishini taʼminlaydi hamda Kotibiyat zimmasiga yuklatilgan vazifalar va funksiyalarning ijrosini nazorat qiladi, shuningdek ular ijrosi toʻgʻrisida rahbariyatga axborot beradi;

Rahbariyatning topshiriqlari va ulardan ijro uchun qabul qilingan hujjatlarning bajarilishini tashkillashtiradi va nazorat qiladi;

Markaziy saylov komissiyasi aʼzolari bilan kelishgan holda Markaziy saylov komissiyasi majlisi kun tartibiga kiritilgan har bir masala boʻyicha zarur materiallarni tayyorlash uchun Kotibiyatning mutasaddi tarkibiy tuzilmasi xodimlariga topshiriq beradi;

Markaziy saylov komissiyasida oʻtkaziladigan tadbirlar rejalari, kun tartibi loyihalarini tayyorlanishini tashkil etadi hamda ushbu hujjatlarni rahbariyat va komissiya aʼzolari koʻrib chiqishi uchun kiritadi;

Kotibiyat xodimlariga yuklatilgan vazifalar bajarilishining samaradorligi darajasini baholash tizimini yoʻlga qoʻyish choralarini koʻradi;

Kotibiyat xodimlarining mehnat va ijro intizomiga hamda odob-axloq qoidalariga qatʼiy rioya qilishlarini nazorat qiladi, ularni ragʻbatlantirish va mukofotlash, lavozim maoshlariga ustamalar hamda qoʻshimchalar belgilash, intizomiy javobgarlikka tortish, davlat mukofotlariga tavsiya etish va darajali unvonlar berish boʻyicha rahbariyatga takliflar kiritadi;

Kotibiyat faoliyatini samaradorligini oshirish maqsadida Kotibiyat tuzilmasi, shtatlari va kadrlar tarkibiga oid masalalar yuzasidan rahbariyatga taklif kiritadi;

Kotibiyat xodimlarining zaxirasini shakllantirish va yangilab borilishini nazorat qiladi;

Komissiya Raisining topshirigʻiga asosan Kotibiyat xodimlarini attestatsiyadan oʻtkazishni va malakaviy imtihonlarni tashkil etadi;

rahbariyatga axborot, maʼlumotnoma va boshqa materiallar tayyorlanishini nazorat qiladi;

Kotibiyat tarkibiy tuzilmalarining faoliyatini takomillashtirish maqsadida innovatsion yangiliklarni joriy etish boʻyicha takliflar kiritadi;

Kotibiyat tarkibiy tuzilmalari tomonidan ushbu Nizomda belgilangan vazifalarning izchil bajarilishini hamda Kotibiyat xodimlarining mehnat toʻgʻrisidagi qonunchilik hujjatlariga va Ichki mehnat tartib qoidalariga qatʼiy rioya etishlarini taʼminlaydi;

Markaziy saylov komissiyasi tomonidan qabul qilingan hujjatlar hisobining yuritilishi, saqlanishi va belgilangan tartibda arxivga topshirilishi bilan bogʻliq ishlarni tashkillashtiradi;

ushbu Nizomga muvofiq boshqa vazifalarni amalga oshiradi.

Kotibiyat rahbari boʻlmagan hollarda uning vazifalarini vaqtincha bajarib turish Komissiya Raisining farmoyishiga asosan belgilanadi.

6-bob. Yakunlovchi qoida

14. Ushbu Nizomga tegishli oʻzgartish va qoʻshimchalar belgilangan tartibda kiritiladi.

Rais Z. NIZAMXODJAYEV

Toshkent sh.,

2024-yil 24-dekabr,

1424-son

lex.uz