UzbekAI

Ўзбекистон Республикаси Вазирлар Маҳкамасининг

қарори

НИЗОМ

«СХЕМА

РЎЙХАТИ

ПАСПОРТИ

ПАСПОРТИ

ПАСПОРТИ

РЎЙХАТИ

Истеъмол ва техник этил спирти, алкоголь маҳсулотларини ишлаб чиқариш, идишларга қуйиш, сақлаш ва улгуржи сотишни ҳисобга олиш ҳамда назорат қилиш тартиби тўғрисидаги низомни тасдиқлаш ҳақида

Ўзбекистон Республикаси Президентининг «Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошида алкоголь ва тамаки бозорини тартибга солиш инспекцияси фаолиятини ташкил этиш тўғрисида» 2024 йил 3 июндаги ПҚ-204-сон қарорига мувофиқ Вазирлар Маҳкамаси қарор қилади:

1. Қуйидагиларни назарда тутувчи Истеъмол ва техник этил спирти, алкоголь маҳсулотларини ишлаб чиқариш, идишларга қуйиш, сақлаш ва улгуржи сотишни ҳисобга олиш ҳамда назорат қилиш тартиби тўғрисидаги низом 1-иловага мувофиқ тасдиқлансин:

ишлаб чиқарилган истеъмол ва техник этил спирти ҳамда алкоголь маҳсулотларини ҳисобга олиш;

истеъмол ва техник этил спирти, алкоголь маҳсулотларини сақлаш, ташиш ва улгуржи сотиш ҳисобини юритиш;

истеъмол ва техник этил спирти, алкоголь маҳсулотларини ишлаб чиқариш, қуйиш, сақлаш ва улгуржи сотишни назорат қилиш.

2. Ўзбекистон Республикаси Ҳукуматининг 2-иловага мувофиқ айрим қарорларига ўзгартириш ва қўшимчалар киритилсин.

3. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.

4. Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти Соғлиқни сақлаш вазирлиги, Ўзбекистон техник жиҳатдан тартибга солиш агентлиги билан биргаликда уч ой муддатда халқаро талабларга мувофиқ алкоголь маҳсулотлари учун техник регламент лойиҳасини Вазирлар Маҳкамасига киритсин.

5. Ушбу қарор расмий эълон қилинган кундан эътиборан уч ой ўтгач кучга киради.

Белгилансинки, ушбу қарорга 2-илова ва 3-илованинг 2 — 4 , 6 , 7 , 9 — 14-бандлари мазкур қарор расмий эълон қилинган кундан эътиборан амалга киритилади.

6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров зиммасига юклансин.

Вазирлар Маҳкамасининг 2025 йил 29 январдаги 45-сон қарорига 1-ИЛОВА

Истеъмол ва техник этил спирти, алкоголь маҳсулотларини ишлаб чиқариш, идишларга қуйиш, сақлаш ва улгуржи сотишни ҳисобга олиш ҳамда назорат қилиш тартиби тўғрисида

1-боб. Умумий қоидалар

1. Мазкур Низом истеъмол ва техник этил спирти, алкоголь маҳсулотларини ишлаб чиқариш, идишларга қуйиш, сақлаш ва улгуржи сотишни ҳисобга олиш ҳамда ушбу жараёнларни назорат қилиш тартибини белгилайди.

Мазкур Низом талаблари:

истеъмол ва техник этил спирти, алкоголь маҳсулотларини ишлаб чиқариш билан шуғулланувчи Ўзбекистон Республикаси резидентлари ҳисобланган юридик шахсларга;

истеъмол ва техник этил спирти ҳамда алкоголь маҳсулотлари учун техник регламентда назарда тутилган маҳсулотларга нисбатан татбиқ этилади.

2. Ушбу Низомда қуйидаги асосий тушунчалар қўлланилади:

алкоголь маҳсулотлари — озиқ-овқат хомашёсидан олинган этил спиртидан ва (ёки) таркибида спирт бўлган озиқ-овқат маҳсулотидан фойдаланган ёки фойдаланмаган ҳолда ишлаб чиқарилган, таркибида этил спиртининг ҳажмий улуши бир ярим фоиздан юқори бўлган озиқ-овқат маҳсулоти;

ароқ — рангсиз, шаффоф, ароққа хос хушбўйликка ва юмшоқ таъмга эга, этил спиртининг ҳажмий улуши (қуввати) 37,5 фоиздан 56,0 фоизгача бўлган сув-спирт эритмасидан (сортировкадан) иборат бўлган, озиқ-овқат хомашёсидан ишлаб чиқарилган ректификатланган этил спиртини тўғриланган (юмшатилган) сув билан эритиш, олинган сув-спирт эритмасига фаол ёғоч кўмири ёки бошқа махсус адсорбент билан ишлов бериш ва сўнгра уни фильтрлаш йўли билан ишлаб чиқариладиган спиртли ичимлик;

истеъмол этил спирти — этил спиртининг улуши 96,0 фоиздан кам бўлмаган, ҳар хил турдаги дон, қанд лавлагиси, хом шакар, меласса ҳамда таркибида шакар ва крахмал мавжуд бошқа қишлоқ хўжалиги маҳсулоти бўлган озиқ-овқат хомашёсидан (мева-резаворлардан ташқари) табиий бижғитиш жараёнида олинган ачитқини ёки қишлоқ хўжалиги маҳсулоти бўлган озиқ-овқат хомашёсидан этил спирти ишлаб чиқариш жараёнида олинадиган хом этил спирти ҳамда этил спиртининг бош фракциясини ректификация қилиш йўли билан ишлаб чиқариладиган ректификатланган этил спирти;

ишлаб чиқарувчининг шахсий кабинети (кейинги ўринларда — шахсий кабинет) — Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекциясининг (кейинги ўринларда — Инспекция) ахборот тизими орқали истеъмол ва техник этил спирти, алкоголь маҳсулотларини ишлаб чиқарувчи субъектлари ҳамда Инспекциянинг алкоголь ва тамаки маҳсулотлари айланмаси соҳасидаги қонунчилик ҳужжатларида назарда тутилган ҳуқуқ ва мажбуриятлари амалга оширилиши билан боғлиқ бўлган ўзаро муносабатларни электрон шаклда амалга оширишни таъминлайдиган ахборот ресурси;

ликёр-ароқ маҳсулотлари — озиқ-овқат хомашёсидан ишлаб чиқарилган ректификатланган этил спиртини, юмшатилган сувни, яримфабрикатларни (ёки уларсиз) ва ингредиентларни (ёки уларсиз) купаж қилиш (аралаштириш) йўли билан тайёрланган, сўнг сақлаб етилтирилган (ёки сақланмаган), этил спиртининг ҳажмий улуши (қуввати) 7 фоиздан 60 фоизгача бўлган ва шакарнинг массавий концентрацияси 600 g/dm3дан кўп бўлмаган спиртли ичимликлар;

техник этил спирти — этил спирти бош фракцияси (ЭАФ) ва ноозуқавий ўсимлик хомашёсидан ишлаб чиқарилган, фақат техник ва ноозиқ-овқат маҳсулотлари ишлаб чиқаришга мўлжалланган, этил спиртининг ҳажмий улуши 96,0 mg/dm3дан кам бўлмаган, ректификатланган этил спирти.

2-боб. Истеъмол ва техник этил спирти ҳамда алкоголь маҳсулотларини ишлаб чиқариш тартиби

3. Истеъмол ва техник этил спирти ҳамда алкоголь маҳсулотлари Инспекция томонидан бериладиган лицензия (хабардор қилиш) асосида (кўпикланадиган ва табиий винолардан ташқари) ишлаб чиқарилади.

4. Истеъмол ва техник этил спирти ҳамда алкоголь маҳсулотлари техник жиҳатдан тартибга солиш соҳасидаги норматив ҳужжатлар, санитария қоидалари ва меъёрлари ҳамда ёнғин хавфсизлиги талабларига мувофиқ бўлган бино ва иншоотлар ҳамда ихтисослашган технологик ускуналарда ишлаб чиқарилади.

Бино ва иншоотлар мулк ҳуқуқи, ижара ёки текин фойдаланиш ҳуқуқи асосида ишлаб чиқарувчи корхонага тегишли бўлиши лозим.

5. Истеъмол ва техник этил спирти техник жиҳатдан тартибга солиш соҳасидаги норматив ҳужжатлар талабларига мувофиқ бўлиши ҳамда белгиланган тартибда тасдиқланган технологик регламент талабларига риоя қилинган ҳолда ишлаб чиқарилади.

6. Истеъмол ва техник этил спирти, шунингдек, спирт хомашёсини ишлаб чиқариш технологик жараёнлари ишлаб чиқарувчи корхона томонидан Инспекция ҳамда тегишли илмий-тадқиқот муассасалари билан келишилган ҳолда тасдиқланган технологик регламент асосида амалга оширилади.

7. Истеъмол ва техник этил спирти, спирт хомашёси, шунингдек, алкоголь маҳсулотлари уларнинг ҳар бир тури бўйича техник жиҳатдан тартибга солиш соҳасидаги норматив ҳужжатлар талабларига мувофиқ корхона томонидан ишлаб чиқилган ҳамда Ўзбекистон Республикаси Соғлиқни сақлаш вазирлиги билан келишилган ва Инспекция томонидан тасдиқланган технологик йўриқномалар асосида ишлаб чиқарилади.

Алкоголь маҳсулотларини ишлаб чиқаришда рўйхатдан ўтказилган товар белгилари ва патентланган саноат намуналаридан фойдаланиш лозим.

8. Алкоголь маҳсулотларини чет элда ишлаб чиқарилган истеъмол этил спирти ҳамда техник этил спиртидан фойдаланган ҳолда ишлаб чиқариш тақиқланади.

Чет элда ишлаб чиқарилган истеъмол этил спирти мавжудлиги, шунингдек, корхоналар томонидан мазкур спиртдан алкоголь маҳсулотлари ишлаб чиқариш ҳолатлари аниқланганда, Инспекция Солиқ қўмитаси билан биргаликда спиртни ва ушбу спиртдан ишлаб чиқарилган алкоголь маҳсулотларини қонунчилик ҳужжатларида белгиланган тартибда давлат даромадига ўтказиш бўйича тегишли чоралар кўради.

9. Истеъмол ва техник этил спирти, алкоголь маҳсулотларини ишлаб чиқариш тартиби, шунингдек, алкоголь маҳсулотлари таркибидаги инсон ҳаёти ва соғлиғи учун зарарли бўлган моддаларнинг йўл қўйиладиган энг юқори кўрсаткичлари техник жиҳатдан тартибга солиш соҳасидаги норматив ҳужжатлар билан тартибга солинади.

10. Алкоголь маҳсулотларини ишлаб чиқарувчи субъектлар (корхоналар) ишлаб чиқаришнинг барча босқичларида техник жиҳатдан тартибга солиш соҳасидаги норматив ҳужжатларга мувофиқ микробиологик, физик-кимёвий ва технологик назоратни амалга оширишлари шарт.

11. Ишлаб чиқарувчи субъектлар истеъмол ва техник этил спирти ҳамда алкоголь маҳсулотларининг ишлаб чиқарилган ҳажмлари кўрсаткичлари тўғрисидаги маълумотларни автоматлаштирилган тарзда узатилишини таъминлайдиган ҳисобга олиш ўлчов воситаларини, шунингдек, алкоголь маҳсулотларини қуйиш линияларидаги электрон ҳисоблагичлар билан жиҳозланган ҳамда Инспекциянинг ахборот тизимига интеграция қилинган бўлиши лозим.

12. Алкоголь маҳсулотларини ёрлиқлаш, акциз маркалари ва рақамли идентификация воситалари билан маркировкалаш қонунчилик ҳужжатларида белгиланган тартибда амалга оширилади.

3-боб. Истеъмол ва техник этил спирти ҳамда алкоголь маҳсулотларини ишлаб чиқаришни ҳисобга олиш

13. Истеъмол ва техник этил спирти, алкоголь маҳсулотларини ишлаб чиқариш ҳамда реализацияси ҳажмининг ҳисоби ишлаб чиқарувчи субъектлар томонидан юритилади. Ишлаб чиқариш ва реализация ҳажмининг ҳисоби декалитр ўлчов бирлигида ҳисобланади.

14. Истеъмол ва техник этил спирти, алкоголь маҳсулотларини ишлаб чиқариш ҳажмининг ҳисобини юритиш маҳсулот ишлаб чиқариш учун зарур бўлган асосий хомашёлар киримидан бошлаб, тайёр маҳсулотларни сақлаш омборларига жойлаштириш ва реализация қилиш жараёнларини қамраб олиши лозим.

15. Истеъмол ва техник этил спирти, алкоголь маҳсулотларининг ишлаб чиқариш ва айланмаси ҳажмининг ҳисобини юритишда ишлаб чиқариш, қадоқлаш (қуйиш), сақлаш ҳамда ташиш жараёнларида белгиланган табиий йўқотишлар ҳисобга олинади.

16. Истеъмол ва техник этил спирти, алкоголь маҳсулотларини ишлаб чиқаришда материаллар сарфи, тайёр маҳсулот ишлаб чиқариш нормативлари, шунингдек, табиий йўқотиш нормалари илмий-тадқиқот муассасалари жалб этилиб, Ўзбекистон Республикаси Иқтисодиёт ва молия вазирлиги, Солиқ қўмитаси, Ўзбекистон техник жиҳатдан тартибга солиш агентлиги билан келишилган ҳолда Инспекция томонидан тасдиқланади.

17. Алкоголь маҳсулотларини ишлаб чиқарувчи субъектлар маҳсулотларни қадоқлаш жараёнида идишларни истеъмол этил спирти ёрдамида тозалаш, тайёр алкоголь маҳсулотларини қуйиш ҳамда қайта қуйишга йўналтирилган алкоголь маҳсулотлари ҳажмининг кунлик ҳисобини юритади. Бунда маҳсулотлар ҳаракатининг кунлик ҳисобини юритиш тартиби Инспекция томонидан белгиланади.

18. Ишлаб чиқарилган тайёр алкоголь маҳсулотлари ва уларнинг реализацияси ҳажми ҳар бир маҳсулот тури бўйича қадоқланган ҳолда ҳам ҳисобга олинади.

Бунда ишлаб чиқарувчи субъектлар зиммасига алкоголь маҳсулотларини ишлаб чиқариш жараёнида тайёр маҳсулотларга қўлланиладиган рақамли идентификация воситаларини (маҳсулотни истеъмол ўрамига қадоқлагандан сўнг тўғридан-тўғри ишлаб чиқариш линиясида) сканерлаш ва маҳсулотларни маркировкалашда қўлланиладиган маркировка кодларини қўллаш (фойдаланиш) тўғрисида ҳисоботни тайёрлаш ҳамда «Asl belgisi» маҳсулотларни маркировкалаш ва кузатиб бориш миллий ахборот тизимига юбориш вазифаси юкланади.

19. Ишлаб чиқариш жараёнлари қисқа (уч кундан кўп бўлмаган) муддатга тўхтатилганда, шунингдек, лицензиянинг амал қилиши тўхтатиб турилганда ёки бекор қилинганда (тугатилганда) ёхуд қоидабузарлик ҳолатлари бўйича мурожаатлар асосида қолдиқдаги истеъмол ва техник этил спирти 1-тоифали ўлчагичлар орқали, алкоголь маҳсулотлари ҳажми эса — ҳажм ўлчаш асбоблари ёрдамида аниқланади.

Қадоқланган тайёр маҳсулотлар саноқдан ўтказиш орқали хатловдан ўтказилади.

Истеъмол ва техник этил спирти, алкоголь маҳсулотларини ишлаб чиқарувчи субъектлар ишлаб чиқариш жараёнларини қисқа муддатга тўхтатганда, бу ҳақида Инспекцияни тўхтатиш сабабларини кўрсатган ҳолда шахсий кабинет орқали хабардор қилади.

20. Истеъмол ва техник этил спиртини ишлаб чиқариш учун мўлжалланган буғдой ҳисоби истеъмол ҳамда техник этил спирти, алкоголь ва тамаки маҳсулотларини ишлаб чиқариш ҳамда уларнинг айланмаси ҳажмлари ахборот тизими (кейинги ўринларда — ахборот тизими) орқали ҳисобга олинади.

Бунда буғдой ҳисоби ҳажми товар-хомашё биржаси орқали сотиб олинган, импорт шартномаларида кўрсатилган, ишлаб чиқарувчилар томонидан белгиланган тартибда электрон шаклда тақдим этиладиган ҳамда ишлаб чиқарилган спирт ҳажми ҳақидаги маълумотлар асосида автоматлаштирилган тарзда таҳлил қилиш орқали аниқланади.

21. Виночилик ва бошқа алкоголь маҳсулотларини ишлаб чиқариш учун корхоналарда хомашё ва истеъмол этил спирти белгиланган нормалар асосида ҳисоблаб чиқарилган эҳтиёжлар доирасида сарфланади ва белгиланган шакллардаги дастлабки ҳисобга олиш ҳужжатлари билан расмийлаштирилади.

22. Қайта ишланган узумдан ва истеъмол этил спирти билан қувватлантирилган вино хомашёсининг чиқиш миқдори ҳисобот йилининг 1 декабридаги ва ҳосилдан кейинги йилнинг 1 апрелидаги хатлов натижаларига кўра аниқланади.

23. Ишлаб чиқаришда бўлган вино хомашёси, вино маҳсулотлари ҳар йили икки маротаба (1 декабрь ва 1 июль) хатловдан ўтказилиши лозим.

24. Идишларга қуйилмаган алкоголь маҳсулотлари давлат қиёслов кўригидан ўтказилган махсус сиғимларда сақланиши лозим. Ҳар бир сиғим озиқ-овқат маҳсулотлари сақланишига мўлжалланган бўлиши ва санитария қоидалари ва меъёрий талабларига мос келиши зарур.

4-боб. Истеъмол ва техник этил спирти, алкоголь маҳсулотларини сақлаш, ташиш ва улгуржи сотишни ҳисобга олиш

25. Истеъмол ва техник этил спирти, алкоголь маҳсулотлари техник жиҳатдан тартибга солиш соҳасидаги норматив ҳужжатлар, санитария қоидалари ва меъёрлари ҳамда ёнғин хавфсизлиги талабларига мувофиқ бўлган биноларда сақланади.

26. Истеъмол ва техник этил спирти фақатгина реал вақт режимида автоматлаштирилган кузатиш тизими (GPS) билан жиҳозланган ҳамда ахборот тизимига интеграция қилинган электрон ҳисоблагич ўрнатилган автотранспорт воситаларида ташилади, истеъмол ва техник этил спиртини экспортга чиқариш билан боғлиқ ҳолатлар бундан мустасно.

27. Алкоголь маҳсулотларининг барча кўчар ва кўчмас ресурслари бухгалтерия ҳисоби билан қамраб олиниши лозим. Миқдорий ҳисоб ҳажм кўрсаткичларидан ташқари спирт ва шакар миқдорини (фақат вино маҳсулотлари учун) ҳамда норматив ҳужжатларда кўзда тутилган физик-кимёвий ва бошқа кўрсаткичларни ҳам қамраб олиши зарур.

28. Алкоголь маҳсулотларини қуйиш цехларида ҳар ойнинг бошида алкоголь маҳсулотлари қолдиқларини чиқариб олиш, идишларнинг, акциз маркаларининг, ёрлиқларнинг, қадоқлаш воситаларини (қопқоқ, тиқинлар ва бошқалар) ҳамда ишлаб чиқариладиган маҳсулотларни тайёрлашга тааллуқли бошқа моддий бойликларнинг ҳолатини аниқлаш йўли билан ҳисобга олиш амалга оширилади.

29. Тайёр маҳсулотлар, хомашё ва материалларнинг йўқотилиши ҳамда белгиланган меъёрий нормалардан юқори бўлган сарфлаш ҳолатларида ишлаб чиқарувчи белгиланган тартибда комиссия тузган ҳолда, уларни бартараф этиш чораларини кўриши зарур.

30. Истеъмол ва техник этил спирти, алкоголь маҳсулотлари ишлаб чиқарувчи корхоналарнинг омборхоналарида техник жиҳатдан тартибга солиш соҳасидаги норматив ҳужжатлар талабларига қатъий риоя қилган ҳолда сақланиши лозим.

Акциз маркалари билан маркаланмаган (кўпикланадиган ва табиий вино маҳсулотлари бундан мустасно) ҳамда рақамли идентификациялаш воситалари ёрдамида маркировкаланмаган алкоголь маҳсулотларини сақлашга йўл қўйилмайди.

31. Алкоголь маҳсулотларини акциз маркалари билан маркаланган (кўпикланадиган ва табиий вино маҳсулотлари бундан мустасно), рақамли идентификация воситалари ёрдамида маркировкаланганда, лаборатория текшируви хулосаси ҳамда мувофиқлик сертификати бўлгандагина улгуржи сотишга рухсат этилади.

Маҳсулотларнинг улгуржи савдосига оид шартномалар солиқ органларида мажбурий ҳисобга қўйилади.

32. Қадоқланмаган алкоголь маҳсулотлари давлат қиёслов кўригидан ўтказилган махсус темир йўл ва автомобиль цистерналарида ташилади. Бунда маҳсулот сиғимини белгиловчи паспорт бўлиши лозим.

33. Ишлаб чиқарувчи субъектлар:

белгиланган муддатларда ҳудудий статистика органлари ва Инспекцияга ишлаб чиқарилган, реализация қилинган ҳамда қолдиқда бўлган истеъмол ва техник этил спирти, алкоголь маҳсулотлари тўғрисидаги ҳисоботларни;

ҳар ой якуни бўйича Инспекцияга шахсий кабинет орқали истеъмол ва техник этил спирти, алкоголь маҳсулотларини ишлаб чиқариш учун асосий хомашёлар сарфи ҳамда акциз маркалар ҳисоби бўйича маълумотларни;

ҳар чорак якуни бўйича Инспекция ва Солиқ қўмитасига истеъмол ва техник этил спирти ҳамда алкоголь маҳсулотларининг мавжуд қолдиғи тўғрисидаги маълумотларни;

мавсумда узумнинг саноат йўли билан қайта ишлашга қабул қилиниши, шунингдек, ҳар ой якунида вино хомашёси ва коньяк дистилляти (бошқа дистиллятлар) ишлаб чиқарилиши ва ҳаракати тўғрисидаги ҳисоботларни;

ҳар ой якуни бўйича Инспекцияга табиий, кўпикланадиган вино, пиво ва пиво ичимликларини ишлаб чиқариш ва реализация қилиш тўғрисидаги ҳисоботларни тақдим этиб борадилар.

Ҳисобот ва маълумот шакллари Инспекциянинг буйруғи билан белгиланади.

5-боб. Истеъмол ва техник этил спирти, алкоголь маҳсулотларини ишлаб чиқариш, қуйиш, сақлаш ва улгуржи сотишни назорат қилиш

34. Истеъмол ва техник этил спирти, алкоголь маҳсулотларини ишлаб чиқариш, қуйиш, сақлаш ва улгуржи сотиш қуйидагилар орқали масофавий назорат қилинади:

истеъмол ва техник этил спирти, алкоголь ҳамда тамаки маҳсулотларини ишлаб чиқариш ва уларнинг айланмаси ҳажмларини ҳисобга олиш ахборот тизими;

алкоголь маҳсулотларини ишлаб чиқариш жараёнларини мониторинг ва назорат қилиш имконини берувчи видеокузатув воситалари орқали;

истеъмол ва техник этил спирти, алкоголь ҳамда тамаки маҳсулотларини ишлаб чиқаришни ва уларнинг айланмасини назорат қилиш бўйича хавфни таҳлил қилиш тизими;

истеъмол ва техник этил спиртини ташувчи автотранспорт воситалари ҳаракатини марказлаштирилган тарзда мониторинг ва назорат қилиш имкониятига эга геоахборот тизими;

«Asl belgisi» маҳсулотларни маркировкалаш ва кузатиб бориш миллий ахборот тизими;

ҳисоб-фактура статистикаси ахборот тизими.

35. Узумдан қайта ишлаш натижасида олинган вино хомашёси, вино ва вино маҳсулотлари, коньяк дистилляти (бошқа дистиллятлар), пиво ва пиво ичимликларини ишлаб чиқариш ва уларнинг ҳаракати тўғрисидаги маълумотлар ишлаб чиқарувчилар томонидан ўрнатилган ва ҳисобга олиш ахборот тизимига интеграция қилинган электрон ҳисоблагичлар орқали назорат ва мониторинг қилиш учун Инспекцияга тақдим этилади.

Истеъмол ва техник этил спирти, алкоголь маҳсулотларини ишлаб чиқариш, қуйиш, сақлаш ва улгуржи сотишда маълумотлар ўртасида тафовутлар аниқланганда, ушбу ҳолат Инспекция томонидан корхонанинг молия-хўжалик фаолиятига аралашмасдан жойига чиққан ҳолда ўрганилади.

36. Солиқ органлари истеъмол ва техник этил спирти ҳамда алкоголь маҳсулотларининг айланиши билан боғлиқ солиқлар ва йиғимларнинг тўғри ҳисоблаб чиқилиши ва ўз вақтида тўланишини назорат қилади.

37. Ўзбекистон техник жиҳатдан тартибга солиш агентлиги:

истеъмол ва техник этил спирти, алкоголь маҳсулотларини ишлаб чиқаришда техник жиҳатдан тартибга солиш соҳасидаги норматив ҳужжатлар талабларига риоя этилиши;

истеъмол ва техник этил спирти, алкоголь маҳсулотларини ишлаб чиқаришда қўлланиладиган техник жиҳатдан тартибга солиш соҳасидаги норматив ҳужжатлар халқаро ва давлатлараро стандартларга мувофиқлигини назорат қилади.

38. Инспекция:

истеъмол ва техник этил спирти, алкоголь маҳсулотларини ишлаб чиқариш, шунингдек, алкоголь маҳсулотларининг улгуржи савдосида лицензия талабларига риоя этилишини назорат қилади;

ахборот тизими орқали истеъмол ва техник этил спирти, алкоголь маҳсулотларининг ишлаб чиқарилиши ва реализациясини доимий равишда мониторинг қилиб боради;

алкоголь маҳсулотларини ишлаб чиқариш жараёнларини мониторинг ва назорат қилиш имконини берувчи видеокузатув воситалари орқали кузатиб боради;

истеъмол этил спиртини ишлаб чиқарувчи корхоналарда жойлашган ва Инспекция таркибига кирувчи лабораториялар орқали этил спиртининг сифатини назорат қилади;

солиқ органлари билан биргаликда ҳар чоракда ишлаб чиқариш корхоналаридаги акциз маркалари сарфи ва қолдиғини хатловдан ўтказади.

39. Истеъмол ва техник этил спирти ҳамда спирт хомашёсини қабул қилиш, ҳисобга олиш, сақлаш, транспортда ташиш тартиби Инспекция томонидан тасдиқланган йўриқномага мувофиқ белгиланади.

6-боб. Алкоголь маҳсулотларини ишлаб чиқаришда акциз маркалари ҳисоботи

40. Ишлаб чиқарувчилар барча турдаги тайёр алкоголь маҳсулотларини белгиланган намунадаги акциз маркалари билан тамғалайди, пиво, табиий ва кўпикланадиган вино бундан мустасно.

Ишлаб чиқарувчи корхоналар акциз маркаларининг тўғри ҳисобга олинишини, улардан фойдаланилишини (миқдори ва қиймати бўйича), фойдаланишга яроқсиз бўлган маркаларни белгиланган тартибда рўйхатдан чиқариб ташлашга қадар сақланишини таъминлаши, уларнинг назоратдан чиқиб кетишига йўл қўймаслиги зарур.

Ишлаб чиқариш корхоналари ишлаб чиқарилаётган маҳсулотлар бўйича акциз маркаларининг ҳаракатини алоҳида қайд этиб бориши лозим.

Ишлаб чиқарувчи корхоналар буйруқ асосида акциз маркалари бўйича моддий жавобгар шахсни тайинлайди.

41. Ишлаб чиқарувчи корхоналар ҳар ойда ҳисобот ойидан кейинги ойнинг 5 санасидан кечиктирмасдан, белгиланган шаклда акциз маркаларининг ҳаракати тўғрисидаги ҳисоботни Инспекция, солиқ органи ва Божхона қўмитасининг ҳудудий органига тақдим этади.

Бунда ушбу ҳисоботлар Инспекциянинг ҳисобга олиш ахборот тизими орқали шакллантирилади ва тақдим этилади.

42. Йиртилган (фойдаланишга яроқсиз) акциз маркалари ҳисоби ҳақидаги маълумотлар (серия рақамлари кўрсатган ҳолда) Инспекцияга тақдим этилади.

Йиртилган (фойдаланишга яроқсиз) акциз маркаларини йўқ қилиш жараёнида Инспекция, солиқ органи ва Божхона қўмитасининг ҳудудий органи ходимлари иштирок этади.

43. Янгиланган намунадаги акциз маркалари фойдаланишга татбиқ этилганда, Инспекция томонидан эски намунадаги акциз маркалар қолдиғи ҳисоби шакллантирилади.

Эски намунадаги акциз маркаларини йўқ қилиш жараёнларида Инспекция, солиқ органи ва Божхона қўмитасининг ҳудудий органи ходимлари иштирок этади.

Акциз маркаларини йўқ қилишнинг барча жараёнлари, жумладан, ҳар бир акциз маркаси рақамларининг алоҳида кўриниши таъминланган ҳолда видеолавҳага олинади ва Инспекцияда 5 йил давомида сақланади.

7-боб. Якунловчи қоидалар

44. Истеъмол ва техник этил спирти, алкоголь маҳсулотларини ишлаб чиқарувчи субъектлар ишлаб чиқарилган маҳсулотларнинг сифати учун шахсан жавобгардирлар.

45. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавоб берадилар.

Вазирлар Маҳкамасининг 2025 йил 29 январдаги 45-сон қарорига 2-ИЛОВА

Ўзбекистон Республикаси Ҳукуматининг айрим қарорларига киритилаётган ўзгартириш ва қўшимчалар

l. Вазирлар Маҳкамасининг «Алкоголли маҳсулотлар ишлаб чиқариш ва уларнинг айланиши устидан давлат монополиясини кучайтириш ҳамда Ўзбекистон Республикаси ҳудудида алкоголли ва тамаки маҳсулотларини сотишдан бюджетга тушумни кўпайтириш юзасидан қўшимча чора-тадбирлар тўғрисида» 1998 йил 21 майдаги 221-сон қарорининг 1-бандида :

иккинчи хатбоши қуйидаги таҳрирда баён этилсин:

«алкоголь ва тамаки маҳсулотларини импорт қилувчилар акциз маркаларини акциз солиғини тўлиқ миқдорда тўлагандан кейин сотиб оладилар»;

учинчи хатбоши чиқариб ташлансин;

тўртинчи хатбоши учинчи хатбоши деб ҳисоблансин.

2. Вазирлар Маҳкамасининг 2005 йил 9 августдаги 189-сон қарори билан тасдиқланган Ўзбекистон Республикасининг хўжалик юритувчи субъектлари томонидан хорижий мамлакатлардаги улар ташкил этган савдо уйлари, ваколатхоналар, корхоналар орқали, шунингдек, Ўзбекистон Республикаси Савдо-саноат палатасининг хорижий мамлакатлардаги савдо инвестиция уйлари орқали олиб чиқилаётган товарларни божхонада расмийлаштириш тартиби тўғрисидаги низом 6-бандининг олтинчи хатбошисидаги «Алкоголь ва тамаки бозорини тартибга солиш ҳамда виночиликни ривожлантириш агентлиги» сўзлари чиқариб ташлансин.

3. Вазирлар Маҳкамасининг «2006 йил учун давлат бюджетидан Ўзбекистон миллий телерадиокомпаниясини молиялаштириш ҳажмини тасдиқлаш тўғрисида» 2005 йил 30 декабрдаги 287-сон қарорига 2-илованинг рус тилидаги матни қуйидаги таҳрирда баён этилсин:

бюджетного финансирования центрального аппарата и организаций НТРК Узбекистана, а также территориальных телерадиоканалов

Республиканский бюджет Финансирование согласно раздельным сметам ↓ ↓ ↓ ↓ ↓ ↓ ↓ ГУ «Oʻzbekiston 24» ijodiy birlashmasi» ГУ «Maʼrifat» ijodiy birlashmasi» ГУ «Sport ijodiy birlashmasi» ГУ «Oʻzbektelefilm» Территориальные телерадиоканалы 14 ГУ «Телерадиоканал «Mahalla» НТРК Узбекистана (центральный аппарат) Телеканал «Oʻzbekiston 24» Радиоканал «Oʻzbekiston 24» Телеканал «Madaniyat va maʼrifat» Телеканал «Oʻzbekiston tarixi» Телеканал «Sport» Телеканал «Mahalla» ← Телеканал «Oʻzbekiston» Радиоканал «Oʻzbekiston» Телеканал «Bolajon» Телеканал «Kinoteatr» Телеканал «Futbol TV» Радиоканал «Mahalla» Телеканал «Dunуо boʻylab» Оплата автотранспортных услуг Оплата услуг по производству телерадиопродукций Оплата услуг предприятий Министерства цифровых технологий по распространению телерадиопродукции ↓ ↓ Предприятия связи Министерства цифровых технологий ГУ «Maxsus avtokorxona» ГУ «Oʻzbekiston MTRK teleradiomarkazi» Целевые средства на погашение иностранных кредитов ЦРРТ, полученных на приобретение передающего оборудования * Оплата услуг по подаче в эфир телерадиопродукции телерадиоканалам НТРК Узбекистана

4. Вазирлар Маҳкамасининг 2019 йил 19 ноябрдаги 917-сон қарори билан тасдиқланган Ўзбекистон Республикасининг консолидациялашган бюджети таркибига кирадиган давлат мақсадли жамғармаларининг рўйхати 8-бандидаги «Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш жамғармаси» сўзлари «Агросаноатни ривожлантириш агентлигининг Агросаноатни ривожлантириш ва қўллаб-қувватлаш давлат мақсадли жамғармаси» сўзлари билан алмаштирилсин.

5. Вазирлар Маҳкамасининг «Истеъмол этил спирти ва алкоголь маҳсулотлари сифатини органолептик баҳолаш бўйича республика дегустация комиссияси фаолиятини ташкил этиш чора-тадбирлари тўғрисида» 2019 йил 26 декабрдаги 1039-сон қарорида :

а) 1-банддаги «Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Агентлик) ҳузуридаги» сўзлари «Алкоголь ва тамаки бозорини тартибга солиш инспекцияси (кейинги ўринларда — Инспекция) ҳузурида» сўзлари билан алмаштирилсин;

б) 2-банддаги «Агентлик» сўзи «Инспекция» сўзи билан алмаштирилсин;

в) 3-банднинг иккинчи хатбошисидаги «Агентлик директори» сўзлари «Инспекция раҳбари» сўзлари билан алмаштирилсин;

г) иловада :

номидаги «Агентлик ҳузуридаги» сўзлари чиқариб ташлансин;

4-банднинг иккинчи хатбошиси қуйидаги таҳрирда баён этилсин:

« алкоголь маҳсулотлари — озиқ-овқат хомашёсидан олинган этил спиртидан ва (ёки) таркибида спирт бўлган озиқ-овқат маҳсулотидан фойдаланган ёки фойдаланмаган ҳолда ишлаб чиқарилган, таркибида этил спиртининг ҳажмий улуши бир ярим фоиздан юқори бўлган озиқ-овқат маҳсулотлари»;

5-банддаги «Агентлик директори» сўзлари «Алкоголь ва тамаки бозорини тартибга солиш инспекцияси (кейинги ўринларда — Инспекция) раҳбари» сўзлари билан алмаштирилсин;

11-банднинг иккинчи хатбошисидаги «Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлигига» сўзлари «Инспекцияга» сўзи билан алмаштирилсин;

18-банднинг биринчи ва иккинчи хатбошиларидаги «Агентлик» сўзи «Инспекция» сўзи билан алмаштирилсин;

20-банддаги «мазкур Низомнинг 3-иловасида келтирилган» сўзлари чиқариб ташлансин;

иловага 1-иловада :

1-банддаги «Алкоголь ва тамаки бозорини тартибга солиш ҳамда виночиликни ривожлантириш агентлиги» сўзлари «Алкоголь ва тамаки бозорини тартибга солиш инспекцияси» сўзлари билан алмаштирилсин;

3-банддаги «стандартлаштириш, метрология ва сертификатлаштириш» сўзлари «техник жиҳатдан тартибга солиш» сўзлари билан алмаштирилсин;

иловага 2-иловада :

«Чора-тадбирлар» устунидаги «Алкоголь ва тамаки бозорини тартибга солиш ҳамда виночиликни ривожлантириш агентлиги директори» сўзлари «Алкоголь ва тамаки бозорини тартибга солиш инспекцияси раҳбари» сўзлари билан алмаштирилсин;

иловага 3-илова ўз кучини йўқотган деб ҳисоблансин.

6. Вазирлар Маҳкамасининг «Истеъмол этил спирти ишлаб чиқарувчи корхоналарда жойлашган этил спиртининг сифатини аниқлаш бўйича лабораториялар тўғрисидаги низомни тасдиқлаш ҳақида» 2020 йил 19 сентябрдаги 97-сон қарорида :

а) 2-банддаги «Молия вазирлиги ҳузуридаги» сўзлари «Бош прокуратураси ҳузуридаги Иқтисодий жиноятларга қарши курашиш департаменти қошидаги» сўзлари билан алмаштирилсин;

б) иловада :

2-банднинг тўртинчи ва бешинчи хатбошиларидаги «Молия вазирлиги ҳузуридаги» сўзлари тегишлича «Бош прокуратураси ҳузуридаги Иқтисодий жиноятларга қарши курашиш департаменти қошидаги» сўзлари билан алмаштирилсин;

2-иловада :

номи қуйидаги таҳрирда баён этилсин:

« OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI BOZORINI TARTIBGA SOLISH INSPEKSIYASI ГЕРБ ИНСПЕКЦИЯ ПО РЕГУЛИРОВАНИЮ АЛКОГОЛЬНОГО И ТАБАЧНОГО РЫНКА ПРИ ДЕПАРТАМЕНТЕ ПО БОРЬБЕ С ЭКОНОМИЧЕСКИМИ ПРЕСТУПЛЕНИЯМИ ПРИ ГЕНЕРАЛЬНОЙ ПРОКУРАТУРЕ РЕСПУБЛИКИ УЗБЕКИСТАН »;

матнидаги «Молия вазирлиги ҳузуридаги» сўзлари «Бош прокуратураси ҳузуридаги Иқтисодий жиноятларга қарши курашиш департаменти қошидаги» сўзлари билан алмаштирилсин;

3-илованинг номи қуйидаги таҳрирда баён этилсин:

« OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI BOZORINI TARTIBGA SOLISH INSPEKSIYASI ГЕРБ ИНСПЕКЦИЯ ПО РЕГУЛИРОВАНИЮ АЛКОГОЛЬНОГО И ТАБАЧНОГО РЫНКА ПРИ ДЕПАРТАМЕНТЕ ПО БОРЬБЕ С ЭКОНОМИЧЕСКИМИ ПРЕСТУПЛЕНИЯМИ ПРИ ГЕНЕРАЛЬНОЙ ПРОКУРАТУРЕ РЕСПУБЛИКИ УЗБЕКИСТАН »;

4-иловада :

номи қуйидаги таҳрирда баён этилсин:

« OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI BOZORINI TARTIBGA SOLISH INSPEKSIYASI ГЕРБ ИНСПЕКЦИЯ ПО РЕГУЛИРОВАНИЮ АЛКОГОЛЬНОГО И ТАБАЧНОГО РЫНКА ПРИ ДЕПАРТАМЕНТЕ ПО БОРЬБЕ С ЭКОНОМИЧЕСКИМИ ПРЕСТУПЛЕНИЯМИ ПРИ ГЕНЕРАЛЬНОЙ ПРОКУРАТУРЕ РЕСПУБЛИКИ УЗБЕКИСТАН »;

матнидаги «Молия вазирлиги ҳузуридаги» сўзлари «Бош прокуратураси ҳузуридаги Иқтисодий жиноятларга қарши курашиш департаменти қошидаги» сўзлари билан алмаштирилсин.

7. Вазирлар Маҳкамасининг «Ўзбекистон Республикаси агросаноат мажмуи ва қишлоқ хўжалигида рақамлаштириш тизимини ривожлантириш чора-тадбирлари тўғрисида» 2020 йил 17 декабрдаги 794-сон қарорига 5-илованинг матни қуйидаги таҳрирда баён этилсин:

«Ўзбекистон Республикаси Қишлоқ хўжалиги вазирлиги билан маълумотлар алмашишни йўлга қўядиган ташкилотлар

Т/р Маълумотни тақдим қилувчи идоралар Маълумот номи 1. Сув хўжалиги вазирлиги Сув сарфининг самарадорлиги бўйича таҳлилий ишларни олиб боришга оид маълумотлар. 2. Кадастр агентлиги Маъмурий-ҳудудий бирликлар ва қишлоқ хўжалиги корхоналарининг амалдаги чегаралари тўғрисидаги маълумотлар. 3. Адлия вазирлиги Қишлоқ хўжалиги маҳсулотларини ишлаб чиқарувчи ташкилот ва жисмоний шахсларнинг давлат рўйхатидан ўтганлиги тўғрисидаги маълумотлар. 4. Иқтисодиёт ва молия вазирлиги Озиқ-овқат маҳсулотларини ишлаб чиқарувчиларга ажратилаётган субсидиялар тўғрисидаги маълумотлар. 5. Ветеринария ва чорвачиликни ривожлантириш қўмитаси Чорвачилик хўжаликлари ва уларга тегишли ер майдонлари, экилган экин турлари (гектар кўрсатилган ҳолда), барча хўжаликлардаги чорва ҳайвонлари реестри, гўшт ва сутни қайта ишловчилар, чорва ҳайвонларини сўйишга ихтисослашган корхоналар (қушхоналар) тўғрисидаги маълумотлар. 6. Ўсимликлар карантини ва ҳимояси агентлиги Фитосанитария хизматлари, ўсимликлар карантини хизматлари, қишлоқ хўжалиги маҳсулотлари ва озиқ-овқат маҳсулотларини экспорт (импорт) қилувчилар реестри, лабораториялар ва берилган сертификатлар тўғрисидаги маълумотлар. 7. Ўрмон хўжалиги агентлиги Қишлоқ хўжалиги ва озиқ-овқат маҳсулотлари статистикасига оид маълумотлар. 8. Ветеринария ва чорвачиликни ривожлантириш қўмитаси 9. «Ўзбекбалиқсаноат» уюшмаси 10. «Паррандасаноат» уюшмаси 11. «Ўзбекипаксаноат» уюшмаси 12. «Ўзтўқимачиликсаноат» уюшмаси 13. «Ўзёғмойсаноат» уюшмаси 14. «Ўздонмаҳсулот» АК 15. «Ўзагросервис» АЖ 16. Агросаноатни ривожлантириш агентлиги 17. «Томорқа хизмати» МЧЖ Аҳоли томорқалари ва деҳқон хўжаликларига ажратилган ер майдонларидан самарали фойдаланиш кўрсаткичлари (ажратилган ер майдони, ҳосилдорлик ва бошқалар), ички ва ташқи бозорнинг озиқ-овқат маҳсулотларига бўлган талаби тўғрисидаги маълумотлар. 18. Ўзбекистон фермер, деҳқон хўжаликлари ва томорқа ер эгалари кенгаши 19. Ўзбекистон маҳаллалари уюшмаси » .

8. Вазирлар Маҳкамасининг «Қишлоқ хўжалиги бирлашмаларининг аъзолари, мева-сабзавот кластерлари иштирокчилари ва тадбиркорлик субъектларига маҳаллий шароитда етиштирилган интенсив кўчатлар (пакана ва ярим пакана) хўраки, кишмишбоп ва саноатбоп ток кўчатлари ҳамда пайвандтагларни сотиб олиш харажатларининг бир қисмини қоплаш учун субсидия ажратиш тўғрисидаги низомни тасдиқлаш ҳақида» 2021 йил 24 июлдаги 458-сон қарорида :

а) 2-банднинг учинчи хатбошисидаги «Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш жамғармаси» сўзлари «Қишлоқ хўжалиги вазирлиги ҳузуридаги Агросаноатни ривожлантириш агентлиги ҳузуридаги Агросаноатни ривожлантириш ва қўллаб-қувватлаш давлат мақсадли жамғармаси» сўзлари билан алмаштирилсин;

б) 1-иловада :

1-бандда :

биринчи хатбошидаги «Боғдорчилик ва иссиқхона хўжалигини ривожлантириш агентлиги (кейинги ўринларда — Агентлик) қошидаги Боғдорчилик ва иссиқхона хўжалигини ривожлантириш жамғармаси» сўзлари «Агросаноатни ривожлантириш агентлиги (кейинги ўринларда — Агентлик) ҳузуридаги Агросаноатни ривожлантириш ва қўллаб-қувватлаш давлат мақсадли жамғармаси» сўзлари билан алмаштирилсин;

тўртинчи хатбошидаги «Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Алкоголь ва тамаки бозорини тартибга солиш ҳамда виночиликни ривожлантириш агентлиги)нинг Виночиликни ривожлантириш жамғармаси (кейинги ўринларда — Виночиликни ривожлантириш жамғармаси)» сўзлари «Қишлоқ хўжалиги вазирлиги ҳузуридаги Агросаноатни ривожлантириш агентлиги ҳузуридаги Агросаноатни ривожлантириш ва қўллаб-қувватлаш давлат мақсадли жамғармаси (кейинги ўринларда — Жамғарма)» сўзлари билан алмаштирилсин;

11-банднинг биринчи хатбошиси қуйидаги таҳрирда баён этилсин:

«Лойиҳа ташаббускори кўчатлар сотиб олишга субсидия олиш учун Агентлик ва кўчат етказиб берувчи кўчатчилик хўжалиги ўртасида уч томонлама шартномани тузиш учун Қишлоқ хўжалиги вазирлиги ҳузуридаги Агентликка қуйидаги ҳужжатларни илова қилиб, электрон имзо билан тасдиқланган аризани электрон почта орқали юборади»;

13-банддаги «Боғдорчилик ва иссиқхона хўжалигини ривожлантириш агентлигига ёки Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Агентликлар)» сўзлари «Агентлик» сўзи билан алмаштирилсин.

9. Вазирлар Маҳкамасининг «Ахборот технологиялари ва компьютер дастурлаш соҳасида ёш мутахассисларни рағбатлантириш бўйича қўшимча чора-тадбирлар тўғрисида» 2021 йил 31 августдаги 556-сон қарорига 2-илованинг «Алкоголь ва тамаки бозорини тартибга солиш ҳамда виночиликни ривожлантириш агентлиги» бўлими чиқариб ташлансин.

10. Вазирлар Маҳкамасининг «Истеъмол ва техник этил спирти, алкоголь ва тамаки маҳсулотлари муомаласини тартибга солиш соҳасидаги норматив-ҳуқуқий ҳужжатларни тасдиқлаш тўғрисида» 2021 йил 11 октябрдаги 634-сон қарорида :

а) 1-иловада :

15-бандда :

биринчи хатбошидаги «Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Агентлик)нинг» сўзлари «Алкоголь ва тамаки бозорини тартибга солиш инспекциясининг (кейинги ўринларда — Инспекция)» сўзлари билан алмаштирилсин;

иккинчи хатбошидаги «Агентликнинг» сўзи «Инспекциянинг» сўзи билан алмаштирилсин;

тўртинчи хатбошидаги «Агентлик» сўзи «Инспекция» сўзи билан алмаштирилсин;

16-банддаги «Агентликда» сўзи «Инспекцияда» сўзи билан алмаштирилсин;

б) 2-иловада :

1-банд қуйидаги таҳрирда баён этилсин:

«1. Ушбу Низом чакана савдо ҳамда умумий овқатланиш корхоналарида алкоголь ва тамаки маҳсулотларининг назорат харидини амалга ошириш, уларнинг ваколатли органлар билан техник регламентлар талабларига мувофиқлигини аниқлаш мақсадида экспертизадан ўтказиш, шунингдек, мазкур харажатларни Алкоголь ва тамаки бозорини тартибга солиш инспекциясининг (кейинги ўринларда — Инспекция) бюджетдан ташқари жамғармаси ҳисобидан қоплаш тартибини белгилайди»;

2-банднинг иккинчи , учинчи ва тўртинчи хатбошиларидаги «техник жиҳатдан тартибга солиш соҳасидаги норматив ҳужжатлар» сўзлари «техник регламентлар» сўзлари билан алмаштирилсин;

3-банддаги «Агентлик» сўзи «Инспекция» сўзи билан алмаштирилсин;

4-банднинг иккинчи хатбошиси қуйидаги таҳрирда баён этилсин:

«4. Инспекция бошлиғи томонидан тасдиқланадиган ҳамда Инспекциянинг расмий веб-сайтига жойлаштириладиган назорат харидини амалга ошириш режаси»;

5-банд қуйидаги таҳрирда баён этилсин:

«5. Назорат харидини амалга ошириш режаси Инспекция томонидан ҳар йили шакллантирилади ва Инспекция бошлиғи томонидан тасдиқланади ҳамда ушбу режага Инспекция томонидан ўзгартириш ва қўшимчалар киритилиши мумкин»;

7-банд қуйидаги таҳрирда баён этилсин:

«7. Назорат хариди ва маҳсулотларни экспертизадан (тестдан) ўтказиш Инспекция томонидан қонунийлик, ошкоралик, холислик, адолатлилик, тенглик ва шаффофлик принципларига асосланган ҳолда амалга оширилади»;

8-банддаги «Агентлик директори» сўзлари «Инспекция бошлиғи» сўзлари билан алмаштирилсин;

9-банднинг иккинчи хатбошисидаги «Агентликнинг» сўзи «Инспекциянинг» сўзи билан алмаштирилсин;

10-банддаги , 12-банднинг биринчи хатбошисидаги , 14-банднинг биринчи хатбошисидаги , 18-банднинг биринчи хатбошисидаги «Агентлик» сўзи «Инспекция» сўзи билан алмаштирилсин;

20-бандда :

биринчи хатбошидаги «Агентлик» сўзи «Инспекция» сўзи билан алмаштирилсин;

тўртинчи хатбошидаги «техник жиҳатдан тартибга солиш соҳасидаги норматив ҳужжатлар» сўзлари «техник регламентлар» сўзлари билан алмаштирилсин;

24 , 25 , 28 , 29-бандлардаги «Агентлик» сўзи тегишлича «Инспекция» сўзи билан алмаштирилсин;

30-банд қуйидаги таҳрирда баён этилсин:

«30. Экспертиза (тест) натижалари бўйича савдо қоидаларига, маҳсулот техник регламентлар талабига мувофиқ бўлмаган ҳолатлар аниқланганда, Инспекция томонидан тегишли ҳужжатлар ваколатли органларга тақдим этилади ҳамда улар томонидан айбдор шахсларга нисбатан қонунчилик ҳужжатларига мувофиқ чоралар қўлланилади»;

31-банддаги «Агентликнинг Виночиликни ривожлантириш» сўзлари «Инспекциянинг бюджетдан ташқари» сўзлари билан алмаштирилсин;

32-бандда :

биринчи хатбоши куйидаги таҳрирда баён этилсин:

«Инспекция раҳбарининг назорат харидини амалга ошириш тўғрисидаги буйруғи билан тасдиқланган ходимларга назорат хариди харажатлари уни тасдиқловчи ҳужжатларга асосан Инспекциянинг бюджетдан ташқари жамғармаси маблағлари ҳисобидан тўлиқ қоплаб берилади»;

учинчи хатбошидаги «Агентликнинг» сўзи «Инспекциянинг» сўзи билан алмаштирилсин;

33-банддаги «Агентликнинг» сўзи «Инспекциянинг» сўзи билан алмаштирилсин;

34 ва 37-бандлардаги тегишли келишикдаги «Агентлик» сўзи «Инспекция» сўзи билан алмаштирилсин;

2-иловага иловада :

«Субъектлар» устунидаги «Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги» ва «директори» сўзлари тегишлича «Алкоголь ва тамаки бозорини тартибга солиш инспекцияси» ва «бошлиғи» сўзлари билан алмаштирилсин;

«Тадбирлар» устуни 5-босқичдаги «техник жиҳатдан тартибга солиш соҳасидаги норматив ҳужжатлар» сўзлари «техник регламентлар» сўзлари билан алмаштирилсин.

11. Вазирлар Маҳкамасининг 2022 йил 21 февралдаги 80-сон қарори билан тасдиқланган Махсус электрон тизим орқали айрим фаолият турларини лицензиялаш тартиби тўғрисидаги ягона низомда :

а) 7-илова қуйидаги таҳрирда баён этилсин:

«Истеъмол ва техник этил спирти, алкоголь маҳсулотлари ишлаб чиқариш фаолиятини лицензиялаш

1. Лицензия номи: истеъмол ва техник этил спирти, алкоголь маҳсулотлари ишлаб чиқариш учун лицензия 2. Лицензияланадиган фаолиятнинг кичик турлари: а) ректификатланган истеъмол этил спиртини, шу жумладан, узум, резавор мева, шунингдек, вино спиртини, узум ва резавор мевадан тайёрланган спирт хомашёсини ишлаб чиқариш; б) техник этил спиртини, эфироальдегидли фракцияни (этил спиртининг бош фракциясини) ишлаб чиқариш; в) узум, вино, коньяк, виски, ром, резавор мева ва кальвадос дистиллятини ишлаб чиқариш; г) ароқ, шу жумладан, узум ва мева ароғини, шунингдек, ликёр-ароқ маҳсулотларини ишлаб чиқариш; д) коньяк, коньяк ичимлигини, бренди, виски, ром, кальвадосни ишлаб чиқариш; е) узум ва резавор мева виносини, кўпикланадиган ва газли винони ишлаб чиқариш, бундан табиий винолар ва пиво ишлаб чиқариш мустасно; ж) ўткирлиги 7,0 фоиздан 22 фоизгача бўлган вино ичимликларини ишлаб чиқариш; з) узум ва резавор мевадан тайёрланган вино материалларини ишлаб чиқариш. 3. Ариза берувчилар тоифаси: юридик шахслар — Ўзбекистон Республикасининг солиқ резидентлари 4. Лицензияловчи орган: Алкоголь ва тамаки бозорини тартибга солиш инспекцияси 5. Лицензияни олиш учун тақдим қилинадиган ҳужжатлар: а) ариза; аризада қуйидаги маълумотлар кўрсатилади: юридик шахснинг номи ва ташкилий-ҳуқуқий шакли, унинг почта манзили, СТИР, фаолиятни амалга ошириш жойи, банк муассасасининг номи ва банк ҳисобварағи, телефон рақами, электрон почта манзили (агар мавжуд бўлса), лицензия тоифалари бўйича танлаш, омбор биноларининг жойлашган жойи, ишлаб чиқариладиган маҳсулот турининг номи, ариза тўлдириш сабаби (янги лицензия олиш, қайта расмийлаштириш), лицензия талабгорининг лицензия талаблари ва шартларига риоя қилишга розилиги; б) ишлаб чиқариш объектининг паспорти. 6. Аризани кўриб чиқиш учун тўланадиган йигим миқдори: базавий ҳисоблаш миқдорининг 4 баравари 7. Лицензия берилганлиги учун давлат божи миқдори: йиллик лицензия тўловлари: а) ректификатланган истеъмол этил спирти ишлаб чиқариш учун — базавий ҳисоблаш миқдорининг 100 баравари миқдорида; б) техник этил спирти, эфиралдегидли фракция (этил спиртнинг бош фракцияси) ишлаб чиқариш учун — базавий ҳисоблаш миқдорининг 25 баравари миқдорида; в) истеъмол этил спиртидан ароқ ва ликёр-ароқ ишлаб чиқариш учун — базавий ҳисоблаш миқдорининг 250 баравари миқдорида; г) ўткирлиги 7,0 дан 22,0 фоизгача бўлган вино ичимликлари ишлаб чиқариш учун-базавий ҳисоблаш миқдорининг 250 баравари миқдорида; д) узум ва мева ароғи, узум ва резавор мева виноси, коньяк, коньяк ичимликлари, бренди, виски, ром, кальвадос ишлаб чиқариш учун — базавий ҳисоблаш миқдорининг 100 баравари миқдорида; е) узум ва резавор мева спирти, вино спирти, узумдан ва резавор мевадан тайёрланган спирт хомашёси, узумли, виноли, коньякли, вискили, ромли, резавор мевали ва кальвадосли дистиллят, кўпикланадиган ва газланган вино ишлаб чиқариш учун — базавий ҳисоблаш миқдорининг 50 баравари миқдорида; ж) узум ва резавор мевадан вино материаллари ишлаб чиқариш учун — базавий ҳисоблаш миқдорининг 25 баравари миқдорида. Йиллик лицензия тўловидан тушадиган маблағлар Алкоголь ва тамаки бозорини тартибга солиш инспекциясининг бюджетдан ташқари жамғармасига кирим қилинади. 8. Аризани кўриб чиқиш муддатлари: 15 иш куни 9. Лицензия талаблари ва шартлари: а) истеъмол ва техник этил спирти, алкоголь маҳсулотлари ишлаб чиқаришда (шу жумладан, сақланиши ва айланмасига риоя қилиш) қонунчиликка ва техник жиҳатдан тартибга солиш соҳасидаги норматив ҳужжатларга қатъий риоя қилиш; б) ишлаб чиқариш хавфсизлигини, меҳнатни муҳофаза қилиш ва техника хавфсизлигини, ёнғин хавфсизлиги, ишлаб чиқариш санитарияси ва экология талаблари ва нормаларига риоя этиш; в) лизенцияланадиган фаолиятни амалга ошириш учун амалдаги қонунчилик ҳужжатларида назарда тутилган мувофиқликни тасдиқловчи ҳужжатлар, гигиеник хулосалар ва бошқа тегишли ҳужжатларнинг мавжудлиги; г) ҳар бир маҳсулот тури учун техник жиҳатдан тартибга солиш соҳасидаги норматив ҳужжатлар талабларига мувофиқ ишлаб чиқилган ва Алкоголь ва тамаки бозорини тартибга солиш инспекцияси томонидан тасдиқланган, шунингдек, Ўзбекистон Республикаси Соғлиқни сақлаш вазирлиги билан келишилган технологик йўриқномаларнинг мавжудлиги; д) спирт ва алкоголь маҳсулотлари ишлаб чиқариш соҳасида тегишли малакага эга бўлган камида икки нафар мутахассиснинг мавжудлиги; е) зарур асбоб-ускуналар, приборлар, кимёвий реактивлар ва техник жиҳатдан тартибга солиш соҳасидаги норматив ҳужжатлар билан жиҳозланган, техник жиҳатдан тартибга солиш соҳасидаги норматив ҳужжатларда назарда тутилган барча зарур физик-кимёвий, микробиологик ва бошқа кўрсаткичларни таҳлил қилиш имконини берувчи ишлаб чиқариш лабораториялари мавжудлиги;* ж) ишлаб чиқариладиган маҳсулотнинг техник жиҳатдан тартибга солиш соҳасидаги норматив ҳужжатлар талабларига мувофиқлиги бўйича истеъмол этил спирти ва алкоголь маҳсулотларининг органолептик хусусиятларини аниқлаш бўйича дегустация комиссиясига ҳар чоракда маҳсулот намуналарини тақдим этиш; з) «Asl belgisi» маҳсулотларни маркировкалаш ва кузатиб бориш миллий ахборот тизими ҳамда истеъмол ва техник этил спирти, алкоголь ва тамаки маҳсулотлари ишлаб чиқариш ва уларнинг айланмаси ҳажмини ҳисобга олиш ахборот тизимини жорий этиш ва фойдаланиш, шунингдек, электрон шаклдаги ҳисобварақ-фактурадан фойдаланиш; и) қонунчилик ҳужжатлари талабларига мувофиқ этил спирти ва алкоголь маҳсулотлари савдоси қоидаларига риоя қилиш; к) истеъмол ва техник этил спирти ишлаб чиқарувчи ташкилотларда алкоголь маҳсулотлари ишлаб чиқаришга йўл қўймаслик;* л) ректификатланган истеъмол этил спирти ишлаб чиқарувчи ташкилотларда Алкоголь ва тамаки бозорини тартибга солиш инспекциясининг этил спирти сифатини аниқлаш лабораториясининг мавжудлиги; м) ароқ ҳамда истеъмол этил спиртидан (узум ва резавор мева этил спиртидан ташқари) ароқ ва ликёр-ароқ маҳсулотлари ишлаб чиқариш бўйича мавжуд йиллик ишлаб чиқариш қувватларидан келиб чиқиб, ярим йил якунлари бўйича ишлаб чиқариш қувватларидан фойдаланиш кўрсаткичи 60 фоизидан кам бўлмаган миқдорда фойдаланилишини таъминлаш. Бунда йиллик ишлаб чиқариш ҳажми абсолют алкоголга қайта ҳисоблаганда камида 100 минг декалитрни ташкил қилиши лозим; н) ароқ ишлаб чиқармайдиган ташкилотларда истеъмол этил спиртидан (узум ва резавор мева этил спиртидан ташқари) ликёр-ароқ маҳсулотлари ишлаб чиқариш бўйича мавжуд йиллик ишлаб чиқариш қувватларидан ўрнатилган қувватларнинг 50 фоизидан кам бўлмаган миқдорда фойдаланилишини таъминлаш; о) ароқ ва (ёки) ликёр-ароқ маҳсулотлари ишлаб чиқарувчилар томонидан уч йил ичида ўзининг техник узум навлари плантацияларини бир текис яратилиши ва келгусида вино материаллари ва (ёки) вино ишлаб чиқаришни ташкил қилиш. Бунда техник узум навлари экилганидан кейинги уч йилдан сўнг техник узум навлари плантацияларининг майдони ароқ ва (ёки) ликёр-ароқ маҳсулотларини йиллик ишлаб чиқариш ҳажмининг 75 фоизига мутаносиб келадиган вино материаллари ва (ёки) вино ишлаб чиқариш учун зарур бўлган ҳосилни йиғиш имконини бериши керак; п) вино-коньяк маҳсулотларини сақлаш ва етилтириш учун эман бочкалари мавжуд бўлган ташкилотлар томонидан табиий вино, вино материаллар ва коньяк спиртлари ишлаб чиқариш ҳамда узумни қайта ишлаш фаолиятини амалга ошириш; р) ташкилотлар томонидан доимий равишда устав фондининг қуйидаги миқдори таъминланиши: истеъмол этил спирти ва ароқ ишлаб чиқарувчи ташкилотлар учун базавий ҳисоблаш миқдорининг 10 000 баравари миқдорида ва ундан ортиқ; бошқа алкоголь маҳсулотлари ишлаб чиқарувчилар (узум ва меваларни бирламчи қайта ишлаш ташкилотлари бундан мустасно) учун базавий ҳисоблаш миқдорининг 1 000 баравари миқдорида ва ундан ортиқ; с) барча истеъмол ва техник этил спирти ишлаб чиқариш ҳамда алкоголь маҳсулотларини қуйиш линияларида йиғма ҳисобга олиш маълумотлари кўрсаткичларини тегишли ҳимоялаш воситасига эга бўлган тайёр маҳсулотларни электрон ҳисоблагичларнинг мавжуд бўлиши; т) реал вақт режимида автоматлаштирилган кузатиш тизими (GPS) билан жиҳозланган ҳамда истеъмол ва техник этил спирти, алкоголь ва тамаки маҳсулотларини ишлаб чиқариш ва уларнинг айланмаси ҳажмини ҳисобга олиш ахборот тизимига интеграция қилинган электрон ҳисоблагич ўрнатилган ҳамда электрон ҳисобварақ-фактура, товар-транспорт юк хати мавжуд автотранспорт воситалари орқали истеъмол ва техник этил спиртини юклаш ва ташиш; у) алкоголь маҳсулотларига нисбатан рўйхатдан ўтказилган товар белгиларини қўллаш ва (ёки) патентланган саноат намуналаридан фойдаланиш, шу жумладан, тегишли лицензия шартномалари асосида;* ф) йиллик лицензия тўловларини, шунингдек, солиқлар ва бошқа мажбурий тўловларни ўз вақтида тўлаш бўйича қонунчиликда белгиланган талабларга риоя қилиш;* х) алкоголь маҳсулотлари ишлаб чиқаришда ва уларнинг савдосида сифат талабларига, шунингдек, акциз маркаларини қўллаш ҳамда идентификация воситалари орқали мажбурий рақамли маркировкалаш тартибларига риоя этиш;* ц) алкоголь маҳсулотларини ишлаб чиқариш жараёнларини мониторинг ва назорат қилиш имконини берувчи видеокузатув воситаларини ўрнатиш;* ч) истеъмол ва техник этил спирти, алкоголь маҳсулотлари улгуржи реализациясига оид шартномалар солиқ органларида мажбурий ҳисобга қўйиш; ш) алкоголь маҳсулотининг асосий ишлаб чиқариш ускуналарини ҳамда унинг мулкдорларини ваколатли давлат органида мажбурий рўйхатдан ўтказиш. 10. Лицензия беришда келишиладиган органлар: а) ишлаб чиқариш ва сақлаш иншоотларининг, шунингдек, технологик ускуналарнинг қонунчиликда белгиланган санитария-гигиена талабларига мувофиқлиги тўғрисида Санитария-эпидемиологик осойишталик ва жамоат саломатлиги қўмитаси ҳудудий бошқармаларининг хулосаси; б) ишлаб чиқаришнинг қонунчиликда белгиланган меҳнатни муҳофаза қилиш ва техника хавфсизлиги талабларига мувофиқлиги тўғрисида Ўзбекистон Республикаси Камбағалликни қисқартириш ва бандлик вазирлигининг ҳудудий бошқармалари хулосаси; в) ишлаб чиқаришнинг, ишлаб чиқариш ва сақлаш биноларининг қонунчиликда белгиланган ёнғин хавфсизлиги талабларига мувофиқлиги тўғрисида давлат ёнғин назорати органининг хулосаси; г) Ўзбекистон техник жиҳатдан тартибга солиш агентлигининг ишлаб чиқариладиган маҳсулотнинг сифати ва хавфсизлигини назорат қилиш учун зарур бўлган техник тартибга солиш соҳасидаги норматив ҳужжатлар ҳамда ўлчаш жиҳозлари билан таъминланганлиги тўғрисидаги хулосаси; 11. Лицензиянинг амал қилиш муддати: чекланмаган 12. Изоҳ. Хорижий истеъмол этил спиртидан фойдаланган ҳолда алкоголь маҳсулотлари ишлаб чиқаришга йўл қўйилмайди. * Қўпол равишда бузиш деб ҳисобланадиган талаб ва шартлар. Лицензияловчи орган лицензиат томонидан фаолиятни амалга оширишда лицензия талабларига риоя қилинмаганда жарима кўринишида қуйидаги молиявий санкцияларни қўллайди: а) ароқ, шунингдек, истеъмол этил спиртидан ароқ ва ликёр-ароқ маҳсулотларини ишлаб чиқаришда мавжуд ишлаб чиқариш қувватларидан фойдаланиш кўрсаткичи ҳар ярим йил якунлари бўйича 60 фоиздан кам бўлганда, белгиланган 60 фоизнинг бажарилмаган қисмига акциз солиғи суммасининг 50 фоизи миқдорида. Бунда ҳар ярим йиллик якунлари бўйича мавжуд ишлаб чиқариш қувватларидан фойдаланиш кўрсаткичи 60 фоиздан кўп бўлганда ва акциз солиғи тўлиқ тўланган тақдирда, ундирилган молиявий жарима суммалари корхонага қайтариб берилади; б) ароқ ишлаб чиқармайдиган ташкилотларда истеъмол этил спиртидан ликёр-ароқ маҳсулотлари ишлаб чиқариш бўйича мавжуд йиллик ишлаб чиқариш қувватлари қуйидагидан кам бўлмаган миқдорда ишлатилишини таъминламаслик: 50 фоиздан — базавий ҳисоблаш миқдорининг 150 баравари миқдорида; 30 фоиздан — базавий ҳисоблаш миқдорининг 250 баравари миқдорида; в) бошқа турдаги спиртдан (ректификатланган истеъмол этил спирти, коньяк дистилляти ва мева, узумдан ректификатланган этил спиртидан ташқари) фойдаланган ҳолда алкоголь маҳсулотлари ишлаб чиқариш, шунингдек, хорижий этил спиртидан фойдаланган ҳолда алкоголь маҳсулотлари ишлаб чиқариш — ишлаб чиқарилган маҳсулот баҳосининг (улгуржи нархларда) 200 фоизи миқдорида, бироқ базавий ҳисоблаш миқдорининг 150 бараваридан кам бўлмаган миқдорда; г) этил спирти ва алкоголь маҳсулотларини лицензия олиш чоғида аризада киритилмаган сақлаш жойларида сақлаш — бундай сақлаш жойларида бўлган маҳсулот қийматининг 100 фоизи миқдорида, бироқ базавий ҳисоблаш миқдорининг 150 бараваридан кам бўлмаган миқдорда; д) ташкилотлар томонидан алкоголь маҳсулотларини бундай маҳсулотга белгиланган энг кам улгуржи нархлардан паст нархларда сотиш: алкоголь маҳсулотларини (пиводан ташқари) ишлаб чиқарувчи ташкилот томонидан қонунчилик ҳужжатларида белгиланган минимал улгуржи-сотиш нархларидан паст нархларда сотилган қийматнинг 20 фоизи миқдорида, бироқ базавий ҳисоблаш миқдорининг 100 бараваридан кам бўлмаган миқдорда; жарима қўлланилгандан кейин бир йил мобайнида айнан ўша қоида бузиш такроран аниқланганда — алкоголь маҳсулотларини (пиводан ташқари) ишлаб чиқарган ташкилот томонидан қонунчилик ҳужжатларида белгиланган минимал улгуржи-сотиш нархларидан паст нархларда сотилган қийматнинг 50 фоизи миқдорида, бироқ базавий ҳисоблаш миқдорининг 200 бараваридан кам бўлмаган миқдорда; е) истеъмол этил спиртини 50 фоизлик олдиндан тўловсиз сотиш-олиб чиқиб кетилган ёки ташиладиган маҳсулотнинг 50 фоизи қиймати, бироқ базавий ҳисоблаш миқдорининг 150 бараваридан кам бўлмаган миқдорда; ж) алкоголь маҳсулотини (пиво маҳсулоти, кўпикланадиган ва табиий винодан ташқари) алкоголь маҳсулотларининг улгуржи савдосини амалга ошириш бўйича лицензияга эга бўлмаган шахсга сотиш — олиб чиқиб кетилган ёки ташиладиган маҳсулотнинг 100 фоизи қиймати, бироқ базавий ҳисоблаш миқдорининг 50 бараваридан кам бўлмаган миқдорда; з) истеъмол ва техник этил спирти, алкоголь ва тамаки маҳсулотларини ишлаб чиқариш ва уларнинг айланмаси ҳажмини ҳисобга олиш ахборот тизими ҳисобига киритмасдан ишлаб чиқариш ва (ёки) муомалага чиқариш — базавий ҳисоблаш миқдорининг 50 баравари миқдорида; и) истеъмол ва техник этил спирти, алкоголь ва тамаки маҳсулотларини ишлаб чиқариш ва уларнинг айланмаси ҳажмини ҳисобга олиш ахборот тизимига ишлаб чиқарилган ва (ёки) муомалага чиқарилган истеъмол этил спирти, алкоголь маҳсулоти ҳажмлари тўғрисидаги маълумотларни тақдим этмаслик ёки ўз вақтида тақдим этмаслик ёхуд ишончли бўлмаган маълумотларни тақдим этиш — базавий ҳисоблаш миқдорининг 50 баравари миқдорида; й) бошқа лицензия талабларининг бажарилмаслиги — базавий ҳисоблаш миқдорининг 50 баравари миқдорида; к) алкоголь маҳсулотларини акциз маркаларисиз ёки сохта акциз маркалари билан ишлаб чиқариш — базавий ҳисоблаш миқдорининг 200 баравари миқдорда. Ноқонуний ишлаб чиқариш, акциз маркасиз, рақамли маркировкасиз ёки сифатсиз алкоголь маҳсулотларини ишлаб чиқариш ҳолатлари аниқланганда ишлаб чиқариш ускуналари давлат фойдасига ўтказилади. Истеъмол ва техник этил спиртини масофавий онлайн кузатиш (GPS) тизими ўрнатилмаган, электрон ҳисобварақ-фактурасиз, товар-транспорт юк хатисиз ҳамда белгиланган талабларга жавоб бермайдиган транспорт воситаларига юклаш ва ташиш ҳолатлари лицензия талабларини бузиш деб баҳоланиб, лицензиянинг амал қилишини 10 кун муддатга тўхтатиб туришга асос бўлади. Бунда ушбу бандда назарда тутилган лицензия талаблари бир йил ичида такроран бузилган тақдирда, базавий ҳисоблаш миқдорининг 500 баравари миқдорида молиявий жарима қўлланилади. Лицензия талаблари ва шартларини бузганлик учун тўланадиган жарималар Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти қошидаги Алкоголь ва тамаки бозорини тартибга солиш инспекциясининг бюджетдан ташқари жамғармасига кирим қилинади. »;

б) 8-илова қуйидаги таҳрирда баён этилсин:

«Алкоголь маҳсулотларининг улгуржи савдоси (табиий ва кўпикланадиган винолар, пиво ва пиво ичимликлари бундан мустасно) фаолиятини лицензиялаш

1. Лицензия номи: алкоголь маҳсулотларининг улгуржи савдоси (бундан табиий ва кўпикланадиган винолар, пиво ва пиво ичимликлари мустасно) бўйича фаолият учун лицензия 2. Лицензияланадиган фаолиятнинг кичик тури: алкоголь маҳсулотларининг улгуржи савдоси 3. Ариза берувчилар тоифаси: юридик шахслар 4. Лицензияловчи орган: Алкоголь ва тамаки бозорини тартибга солиш инспекцияси 5. Лицензияни олиш учун тақдим қилинадиган ҳужжатлар: а) ариза; аризада қуйидаги маълумотлар кўрсатилади: юридик шахснинг номи ва ташкилий-ҳуқуқий шакли, унинг почта манзили, фаолиятни амалга ошириш жойи, банк муассасасининг номи ва банк ҳисобварағи, СТИР, телефон рақами, электрон почта манзили (агар мавжуд бўлса), алкоголь маҳсулотларининг улгуржи савдосини амалга оширишга омбор биноларнинг юридик манзиллари, лицензия тоифалари бўйича танлаш, ариза тўлдириш сабаби (янги лицензия олиш, қайта расмийлаштириш), лицензия талабгорининг лицензия талаблари ва шартларига риоя қилишга розилиги; б) алкоголь маҳсулотларини сақлаш, қабул қилиш ва тарқатиш учун мўлжалланган бинога нисбатан мулк ҳуқуқини ёки бошқа ашёвий ҳуқуқларни тасдиқловчи ҳужжат ёки ижара шартномасининг нусхаси; в) шакллантирилган устав фонди миқдори тўғрисида далолат берувчи ҳужжат нусхаси. 6. Аризани кўриб чиқиш учун тўланадиган йиғим миқдори: базавий ҳисоблаш миқдорининг 5 баравари миқдорида 7. Лицензия берилганлиги учун давлат божи миқдори: лицензия берганлик учун базавий ҳисоблаш миқдорининг 200 баравари миқдорида йиллик лицензия тўлови ундирилади. Йиллик лицензия тўловидан тушадиган маблағлар Алкоголь ва тамаки бозорини тартибга солиш инспекциясининг бюджетдан ташқари жамғармасига кирим қилинади. Навбатдаги йил учун йиллик лицензия тўлови лицензиядан фойдаланишнинг кейинги йили бошланишидан камида 30 кун олдин тўланади. 8. Аризани кўриб чиқиш муддатлари: 4 иш куни 9. Лицензия талаблари ва шартлари: а) алкоголь маҳсулотларини сақлаш, қабул қилиш ва тарқатишни техник жиҳатдан тартибга солиш соҳасидаги норматив ҳужжатларга қатъий риоя қилиш; б) алкоголь маҳсулотларини сақлаш, қабул қилиш ва тарқатиш учун мўлжалланган ва белгиланган талабларга жавоб берадиган бинога эгалик қилиш (ўз мулкида бўлиши, хўжалик юритишида, оператив бошқарувида бўлиши ёки ижарага олган бўлиши); в)Алкоголь ва тамаки бозорини тартибга солиш инспекциясининг истеъмол ва техник этил спирти, алкоголь ва тамаки маҳсулотларини ишлаб чиқариш ва уларнинг айланмаси ҳажмини ҳисобга олиш ахборот тизимини ишлатиш; г) Вазирлар Маҳкамаси ҳузуридаги Солиқ қўмитасининг ахборот тизимига интеграциялашган электрон ҳисобварақ-фактурадан фойдаланиш ҳамда алкоголь маҳсулотлари улгуржи реализациясига оид шартномаларни солиқ органларида мажбурий ҳисобга қўйиш; д) алкоголь маҳсулотларини олиб кириш ҳамда сотишга доир чекловларга риоя қилиш, шунингдек, йиллик лицензия тўловини тўлаш; е) устав фондини базавий ҳисоблаш миқдорининг 1 000 бараваридан кам бўлмаган миқдорда маблағ кўринишида шакллантириш; ж) алкоголь маҳсулотларининг чакана савдоси билан шуғулланишга ва (ёки) умумий овқатланиш корхоналари орқали чакана сотиш учун хабарномалар реестрига киритилмаган юридик шахсларга сотишга йўл қўймаслик, маҳаллий пиво маҳсулотлари, кўпикланадиган ва табиий винолар бундан мустасно;* з) алкоголь маҳсулотларига акциз маркаларини қўллаш тартибларига ҳамда идентификация воситалари орқали мажбурий рақамли маркировкалаш тартибларига риоя этиш;* и) алкоголь маҳсулотлари ишлаб чиқариш фаолияти учун лицензияга эга бўлган маҳаллий ишлаб чиқарувчилар томонидан ишлаб чиқарилган алкоголь маҳсулотларини (табиий винолар бундан мустасно) сақлаш ва сотиш, импорт қилинган алкоголь маҳсулотларини сақлаш ва сотиш бундан мустасно;* к) сифатсиз ва кирим қилинмаган маҳсулотлар савдосига йўл қўймаслик.* 10. Лицензия беришда келишиладиган органлар: омборнинг санитария қоидалари ва нормаларига мувофиқлиги тўғрисида туман (шаҳар) санитария-эпидемиология хизмати органининг хулосаси (2 иш куни); омбор иншоотларининг қонунчиликда белгиланган ёнғин хавфсизлиги талабларига мувофиқлиги тўғрисида туман (шаҳар) фавқулодда вазиятлар бўлимларининг хулосаси (2 иш куни). 11. Лицензиянинг амал қилиш муддати: чекланмаган 12. Изоҳ. Алкоголь маҳсулотларининг улгуржи савдоси фаолиятини истеъмол ва техник этил спирти, алкоголь маҳсулотларини ишлаб чиқариш ҳудудида амалга оширишга йўл қўйилмайди. Лицензия талаблари ва шартлари бузилганда лицензиатга қуйидаги миқдорларда молиявий жарима қўлланилади: а) алкоголь маҳсулотларини лицензия олиш чоғида аризага киритилмаган жойларда сақлаш учун — шундай жойда сақланган товар қийматининг 100 фоизи, аммо базавий ҳисоблаш миқдорининг 100 бараваридан кам бўлмаган миқдорда; б) истеъмол ва техник этил спирти, алкоголь ва тамаки маҳсулотларини ишлаб чиқариш ва уларнинг айланмаси ҳажмини ҳисобга олиш ахборот тизимда ҳамда «Asl belgisi» МАТда қайд этмасдан алкоголь маҳсулотларини сотиш, унга ишончли бўлмаган ёки бузиб кўрсатилган маълумотларни киритиш учун — базавий ҳисоблаш миқдорининг 100 баравари миқдорида; в) лицензия талабларини ва шартларини бошқа тарзда бузганлик учун (бундан лицензия талаблари ва шартларини бир марта қўпол равишда бузиш ҳолатлари мустасно) — базавий ҳисоблаш миқдорининг 50 баравари миқдорида молиявий санкциялар қўлланилади. * Қўпол равишда бузиш деб ҳисобланадиган талаб ва шартлар. »;

в) 9-илова қуйидаги таҳрирда баён этилсин:

«Тамаки маҳсулотлари ишлаб чиқариш фаолиятини лицензиялаш

1. Лицензия номи: тамаки маҳсулотлари ишлаб чиқариш фаолияти учун лицензия 2. Лицензияланадиган фаолиятнинг кичик тури: тамаки маҳсулотлари (барча классдаги сигаретлар, папирослар, сигаралар ва сигариллалар)ни саноат асосида ишлаб чиқариш 3. Ариза берувчилар тоифаси: юридик шахслар 4. Лицензияловчи орган: Алкоголь ва тамаки бозорини тартибга солиш инспекцияси 5. Лицензияни олиш учун тақдим қилинадиган ҳужжатлар: а) ариза; аризада қуйидаги маълумотлар кўрсатилади: юридик шахснинг номи ва ташкилий-ҳуқуқий шакли, унинг почта манзили, фаолиятни амалга ошириш жойи, банк муассасасининг номи ва банкдаги ҳисобварағи, телефон рақами, СТИР, электрон почта манзили (агар мавжуд бўлса), ариза тўлдириш сабаби (янги лицензия олиш, қайта расмийлаштириш), лицензия талабгорининг лицензия талаблари ва шартларига риоя қилишга розилиги; б) қуйидагилар тўғрисидаги маълумотларни ўз ичига олувчи ишлаб чиқариш объектининг паспорти: ишлаб чиқариш объектининг бош режаси, шунингдек, ишлаб чиқариш цикли ва муҳандислик-техник коммуникацияларининг жойлашиши тўғрисидаги ҳужжатлар; ускунанинг ишлаб чиқарилган йили, ишлаб чиқарувчиси ва ишлаб чиқарилган мамлакат; ускунанинг техник ҳолати ва ўрнатилган ишлаб чиқариш қувватлари. 6. Аризани кўриб чиқиш учун тўланадиган йигим миқдори: базавий ҳисоблаш миқдорининг 4 баравари миқдори 7. Лицензия берилганлиги учун давлат божи миқдори: базавий ҳисоблаш миқдорининг 200 баравари миқдори 8. Аризани кўриб чиқиш муддатлари: 10 иш куни 9. Лицензия талаблари ва шартлари: а) тамаки маҳсулотлари ишлаб чиқариш соҳасидаги Ўзбекистон Республикаси қонунчилик ҳужжатларига, техник регламентларга мажбурий риоя қилиш; б) ишлаб чиқаришнинг тўлиқ технологик жараёнига риоя қилиш — бинолар яхлитлиги, хом ашёни пировард истеъмолчига сотиш учун тайёр маҳсулот этиб қайта ишлашни таъминловчи технологик асбоб-ускуналарнинг мавжудлиги; в)тамаки маҳсулотлари ишлаб чиқаришни техник назорат қилиш бўйича Ўзбекистон техник жиҳатдан тартибга солиш агентлиги органлари томонидан аккредитация қилинган лабораторияларнинг мавжудлиги; г) тамаки маҳсулотлари ишлаб чиқаришда техника хавфсизлигини, ёнғин хавфсизлиги, ишлаб чиқариш санитарияси ва экология талаблари ва нормаларини таъминлаш; д) рўйхатдан ўтказилган (патентланган) товар белгиларининг мавжудлиги; е) маҳсулотнинг ҳар бир тури бўйича техник регламентлар талабларига мувофиқ ишлаб чиқилган технологик йўриқномаларнинг мавжуд бўлиши; ж) ишлаб чиқарилаётган тамаки маҳсулотларини Ўзбекистон Республикаси қонунчилик ҳужжатларида белгиланган тартибда акциз маркалари билан маркалаш учун асбоб-ускуналарнинг мавжуд бўлиши;* з) тамаки маҳсулотларини ишлаб чиқаришда техник жиҳатдан тартибга солиш соҳасидаги норматив ҳужжатларда белгиланган талабларига мувофиқлигини тасдиқловчи ҳужжатларга эга бўлган, шу жумладан, импорт қилинган тамаки хом ашёсидан фойдаланиш. Маҳаллий қишлоқ хўжалиги маҳсулотлари ишлаб чиқарувчилардан тамаки хомашёсини сотиб олиш миқдорини тамаки маҳсулотлари ишлаб чиқаришда фойдаланиладиган умумий йиллик ҳажмнинг 20 фоизидан кам бўлмаслиги лозим. Бунда маҳаллий қишлоқ хўжалиги маҳсулотлари ишлаб чиқарувчилардан сотиб олинган тамаки хом ашёсини ишлаб чиқаришда фойдаланиш талабгор томонидан мустақил ҳал қилинади. Маҳаллий қишлоқ хўжалиги маҳсулотлари ишлаб чиқарувчилардан тамаки хом ашёси сотиб олишга аванс бериш агротехнология тадбирларини ўз вақтида амалга ошириш учун контракт суммасининг камида 50 фоизи миқдорида таъминланиши керак; и) тамаки маҳсулотларига акциз маркаларини қўллаш тартибларига ҳамда идентификация воситалари орқали мажбурий рақамли маркировкалаш тартибларига риоя этиш;* к) тамаки маҳсулотларини рақамли тамғалаш ва кузатишнинг ахборот тизимлари, тамаки маҳсулотларини ишлаб чиқариш ҳамда айланиши ҳажмларини ҳисобга олишнинг ахборот тизимлари жорий этилишини ва улардан фойдаланилишини;* л) солиқ органларининг ахборот тизимига интеграция қилинган электрон ҳисобварақ-фактуралардан фойдаланилишини ҳамда тамаки маҳсулотлари улгуржи реализациясига оид шартномаларни солиқ органларида электрон тарзда мажбурий ҳисобга қўйиш. 10. Лицензия беришда келишиладиган органлар: Санитария-эпидемиологик осойишталик ва жамоат саломатлиги қўмитаси ҳудудий бошқармаларининг маҳсулотлар, ишлаб чиқариш шароитлари ва асбоб-ускуналарнинг санитария-гигиена талабларига мувофиқлиги тўғрисидаги хулосаси (5 иш куни ичида); ишлаб чиқаришнинг ёнғин хавфсизлиги талабларига мувофиқлиги тўғрисида Фавқулодда вазиятлар вазирлигининг ҳудудий бошқармаларининг хулосаси (5 иш куни ичида). Ўзбекистон Республикаси Иқтисодиёт ва молия вазирлигининг тамаки маҳсулотлари ишлаб чиқариш бўйича таклиф қилинаётган қувватларни ишга туширишнинг иқтисодий жиҳатдан мақсадга мувофиқлиги тўғрисидаги хулосаси (5 иш куни ичида); белгиланган талабларга мувофиқ ишлаб чиқариш учун зарур шарт-шароитларнинг мавжудлиги тўғрисида Ўзбекистон техник жиҳатдан тартибга солиш агентлигининг хулосаси (5 иш куни ичида). 11. Лицензиянинг амал қилиш муддати: чекланмаган 12. Изоҳ. *Қўпол равишда бузиш деб ҳисобланадиган талаб ва шартлар »;

12. Вазирлар Маҳкамасининг 2022 йил 25 февралдаги 88-сон қарори билан тасдиқланган Фаолиятни бошлаш ёки тугатиш учун ваколатли органни хабардор қилиш тартиби тўғрисидаги ягона низомда :

а) 11-илованинг 9-позицияси қуйидаги таҳрирда баён этилсин:

« 9. Хабардор қилиш тартибида амалга ошириладиган фаолиятнинг талаблари ва шартлари: а) соғлиқни сақлаш тизими ташкилотлари, таълим ташкилотлари, маданият муассасалари, жисмоний тарбия-соғломлаштириш ва спорт иншоотлари, санаторий ҳамда тиббий-ижтимоий муассасалар ҳудудларида жойлашмаган бўлиши;* б) фискал хотирага эга онлайн назорат-касса машиналаридан ва (ёки) виртуал касса тизимларидан, шунингдек, банк пластик карточкаларидан тўловларни қабул қилиш бўйича ҳисоб-китоб терминалларидан мажбурий фойдаланиш;* в) электрон ҳисоб-фактурадан мажбурий тартибда фойдаланиши шарт; г) «Алкоголь ва тамаки маҳсулотларининг тарқатилиши ҳамда истеъмол қилинишини чеклаш тўғрисида»ги Ўзбекистон Республикасининг Қонуни ҳамда Вазирлар Маҳкамасининг 2003 йил 13 февралдаги 75-сон қарори билан тасдиқланган Ўзбекистон Республикасида умумий овқатланиш маҳсулотларини (хизматларини) ишлаб чиқариш ва сотиш қоидалари талабларига қатъий риоя қилиш; д) алкоголь маҳсулотлари сотиладиган жойларда уларнинг йигирма бир ёшга тўлмаган шахсларга сотилишига йўл қўйилмаслиги, шунингдек алкоголь маҳсулотларининг инсон соғлиғига зарарли таъсири тўғрисида огоҳлантирувчи ёзувлар жойлаштирилган бўлиши;* е) алкоголь маҳсулотларини қонунчилик ҳужжатларида белгиланган энг кам чакана нархлардан паст нархларда сотмаслик; ж) алкоголь маҳсулотларини сотишда акциз маркаларини қўллаш (пиво, табиий ва кўпикланадиган вино бундан мустасно) ҳамда идентификация воситалари орқали мажбурий рақамли маркировкалаш тартибларига риоя этиш;* »;

б) 19-илованинг 9-позицияси қуйидаги таҳрирда баён этилсин:

9. Хабардор қилиш тартибида амалга ошириладиган фаолиятнинг талаблари ва шартлари: а) таълим, спорт ва диний ташкилотлар ҳудудидан тўғри чизиқ бўйлаб юз метрдан кам масофада жойлашмаган бўлиши, бундан савдо объекти умумий савдо майдони минг квадрат метрдан ортиқ бўлган савдо мажмуаларининг (бозорларнинг) ҳудудида ва ярмарка павильонларида жойлашган ҳоллар бундан мустасно; б) ўзига мулк ёки бошқа ашёвий ҳуқуқ асосида тегишли бўлган ёки ижарага олинган, алоҳида кириладиган савдо зали бўлган (фақат алкоголь маҳсулотлари билан чакана савдо қилишга мўлжалланган), чекка тоғли туманларда — алоҳида савдо секцияси бўлган турғун шохобча бўлиши; в) соғлиқни сақлаш тизими ташкилотлари, таълим ташкилотлари, маданият муассасалари, жисмоний тарбия-соғломлаштириш ва спорт иншоотлари, санаторий ҳамда тиббий-ижтимоий муассасалар ҳудудларида жойлашмаган бўлиш; г) фискал хотирага эга онлайн назорат-касса машиналаридан ва (ёки) виртуал касса тизимларидан, шунингдек, банк пластик карточкаларидан тўловларни қабул қилиш бўйича ҳисоб-китоб терминалларидан мажбурий фойдаланиш;* д) электрон ҳисоб-фактурадан мажбурий тартибда фойдаланиш; е) қонунчиликда белгиланган алкоголь маҳсулотлар, билан чакана савдо қилиш ҳуқуқи учун ҳар ойлик маҳаллий йиғимни тўлаб бориш; ж) «Алкоголь ва тамаки маҳсулотларининг тарқатилиши ҳамда истеъмол қилинишини чеклаш тўғрисида»ги Ўзбекистон Республикасининг Қонуни ҳамда Вазирлар Маҳкамасининг 2003 йил 13 февралдаги 75-сон қарори билан тасдиқланган Ўзбекистон Республикасида чакана савдо қоидалари талабларига қатъи риоя қилиш; з) алкоголь маҳсулотлари сотиладиган жойларда уларнинг йигирма бир ёшга тўлмаган шахсларга сотилишига йўл қўйилмаслиги, шунингдек, алкоголь маҳсулотларининг инсон соғлиғига зарарли таъсири тўғрисида огоҳлантирувчи ёзувлар жойлаштирилган бўлиши;* и) алкоголь маҳсулотларини қонунчилик ҳужжатларида белгиланган энг кам чакана нархлардан паст нархларда сотмаслик; к) алкоголь маҳсулотларини сотиш акциз маркаларини қўллаш (пиво, табиий ва кўпикланадиган вино бундан мустасно) ҳамда идентификация воситалари орқали мажбурий рақамли маркировкалаш тартибларига риоя этиш;* л) алкоголь маҳсулотларини сақлаш учун омборхона бўлиши; м) шаҳарларда — камида 25 квадрат метрли, қишлоқ жойларда — камида 15 квадрат метрли (фақат алкоголь маҳсулотлари сотиш учун мўлжалланган ва алоҳида кириш жойига эга) савдо зали, узоқ тоғли жойларда — алоҳида савдо секцияси бўлган савдо объектларида амалга оширилиши.* »;

в) 24-иловада :

4-позициядаги «Инвестициялар, саноат ва савдо вазирлиги» сўзлари «Алкоголь ва тамаки бозорини тартибга солиш инспекцияси» сўзлари билан алмаштирилсин;

9-позицияда:

1-банднинг «в» кичик бандидаги «Инвестициялар, саноат ва савдо вазирлиги» сўзлари «Алкоголь ва тамаки бозорини тартибга солиш инспекцияси» сўзлари билан алмаштирилсин;

2-банд қуйидаги мазмундаги «д» кичик банд билан тўлдирилсин:

«д) идентификация воситалари орқали мажбурий рақамли маркировкалаш тартибларига риоя этиш.*»;

г) 28-иловада :

4-позициядаги «Инвестициялар, саноат ва савдо вазирлиги» сўзлари «Алкоголь ва тамаки бозорини тартибга солиш инспекцияси» сўзлари билан алмаштирилсин;

9-позиция қуйидаги мазмундаги «ж» ва «к» кичик бандлар билан тўлдирилсин:

«ж) идентификация воситалари орқали мажбурий рақамли маркировкалаш тартибларига риоя этиш;*

к) солиқ қонунчилиги талабларига қатъий риоя қилиш».

13. Вазирлар Маҳкамасининг «Узумчилик, боғдорчилик, иссиқхона хўжаликларини юритувчи ва виночилик маҳсулотларини ишлаб чиқарувчи субъектларни давлат томонидан молиявий қўллаб-қувватлаш чора-тадбирлари тўғрисида» 2022 йил 10 июндаги 327-сон қарорида :

а) 1-иловада :

2-банднинг иккинчи хатбошисидаги «Боғдорчилик ва иссиқхона хўжалигини ривожлантириш агентлиги қошидаги Боғдорчилик ва иссиқхона хўжалигини ривожлантириш жамғармасидан ҳамда Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш жамғармасидан» сўзлари «Агросаноатни ривожлантириш агентлиги (кейинги ўринларда — Агентлик) ҳузуридаги Агросаноатни ривожлантириш ва қўллаб-қувватлаш давлат мақсадли жамғармасидан» сўзлари билан алмаштирилсин;

5-банднинг учинчи хатбошисидаги «Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш жамғармаси (кейинги ўринларда — Виночиликни ривожлантириш жамғармаси)» сўзлари «Қишлоқ хўжалиги вазирлиги ҳузуридаги Агросаноатни ривожлантириш агентлиги ҳузуридаги Агросаноатни ривожлантириш ва қўллаб-қувватлаш давлат мақсадли жамғармаси (кейинги ўринларда — Жамғарма)» сўзлари билан алмаштирилсин;

13-банднинг биринчи хатбошиси қуйидаги таҳрирда баён этилсин:

«13. Талабгор туман ишчи гуруҳининг ижобий хулосасини олгандан сўнг Агентликка ёзма ёхуд электрон шаклда қуйидаги ҳужжатларни тақдим қилади»;

б) 2-иловада :

2-банднинг олтинчи хатбошиси қуйидаги таҳрирда баён этилсин:

« субсидия — талабгорнинг токзорларда узум кўчатларини шпалерга кўтариш харид қилиш харажатларининг бир дона шпалер учун 15 минг сўмдан ортиқ бўлмаган миқдорини қоплаш учун тегишлича Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги (кейинги ўринларда — Агентлик) ҳузуридаги Агросаноатни ривожлантириш ва қўллаб-қувватлаш давлат мақсадли жамғармасидан ажратиладиган маблағ»;

4-банднинг учинчи хатбошисидаги «Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш» сўзлари «Қишлоқ хўжалиги вазирлиги ҳузуридаги Агросаноатни ривожлантириш агентлиги ҳузуридаги Агросаноатни ривожлантириш ва қўллаб-қувватлаш давлат мақсадли» сўзлари билан алмаштирилсин;

12-банднинг биринчи хатбошиси қуйидаги таҳрирда баён этилсин:

«Талабгор субсидия олиш учун туман ишчи гуруҳининг ижобий хулосасини олгандан сўнг Агентликка ёзма ёки электрон шаклда куйидаги ҳужжатларни тақдим қилади»;

в) 4-иловада :

2-банднинг тўртинчи хатбошисидаги «Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Агентлик) нинг Виночиликни ривожлантириш» сўзлари «Қишлоқ хўжалиги вазирлиги ҳузуридаги Агросаноатни ривожлантириш агентлиги ҳузуридаги (кейинги ўринларда — Агентлик) Агросаноатни ривожлантириш ва қўллаб-қувватлаш давлат мақсадли» сўзлари билан алмаштирилсин;

иловага 5-илованинг номидаги «Алкоголь ва тамаки бозорини тартибга солиш ҳамда виночиликни ривожлантириш» сўзлари «Қишлоқ хўжалиги вазирлиги ҳузуридаги Агросаноатни ривожлантириш» сўзлари билан алмаштирилсин;

г) 5-иловада :

2-банднинг тўртинчи хатбошисидаги «Алкоголь ва тамаки бозорини тартибга солиш ҳамда виночиликни ривожлантириш агентлиги (кейинги ўринларда — Агентлик)нинг Виночиликни ривожлантириш» сўзлари «Қишлоқ хўжалиги вазирлиги ҳузуридаги Агросаноатни ривожлантириш агентлиги (кейинги ўринларда — Агентлик) ҳузуридаги Агросаноатни ривожлантириш ва қўллаб-қувватлаш давлат мақсадли» сўзлари билан алмаштирилсин;

иловага 5-илованинг номидаги «Алкоголь ва тамаки бозорини тартибга солиш ҳамда виночиликни ривожлантириш» сўзлари «Қишлоқ хўжалиги вазирлиги ҳузуридаги Агросаноатни ривожлантириш» сўзлари билан алмаштирилсин.

14. Вазирлар Маҳкамасининг 2022 йил 28 сентябрдаги 543-сон қарори билан тасдиқланган Бухоро шаҳрида «Street Food» гастрономик кўчасини ташкил этиш бўйича чора-тадбирлар режасининг 8-позицияси «Масъул ижрочилар» устунидаги «Алкоголь ва тамаки бозорини тартибга солиш ҳамда виночиликни ривожлантириш агентлиги» сўзлари «Агросаноатни ривожлантириш агентлиги» сўзлари билан алмаштирилсин.

15. Вазирлар Маҳкамасининг «Узум етиштирувчилар ва вино маҳсулотини ишлаб чиқарувчилар республика кўрик-танловини ўтказиш тартиби тўғрисидаги низомни тасдиқлаш ҳақида» 2022 йил 30 сентябрдаги 557-сон қарорида :

а) 1-банднинг учинчи хатбошисидаги «Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги» сўзлари «Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлиги (кейинги ўринларда — Агентлик)» сўзлари билан алмаштирилсин;

б) 2-бандда :

учинчи хатбошидаги «Алкоголь ва тамаки бозорини тартибга солиш ҳамда виночиликни ривожлантириш агентлиги» сўзлари «Агентлик» сўзи билан алмаштирилсин;

олтинчи хатбошидаги «Алкоголь ва тамаки бозорини тартибга солиш ҳамда виночиликни ривожлантириш агентлигининг Виночиликни ривожлантириш» сўзлари «Агентликнинг Агросаноатни ривожлантириш ва қўллаб-қувватлаш давлат мақсадли» сўзи билан алмаштирилсин;

в) 3-банднинг биринчи хатбошисидаги «Алкоголь ва тамаки бозорини тартибга солиш ҳамда виночиликни ривожлантириш агентлиги» сўзлари «Агентлик» сўзи билан алмаштирилсин;

г) иловада :

3-банддаги «Алкоголь ва тамаки бозорини тартибга солиш ҳамда виночиликни ривожлантириш агентлиги» сўзлари «Қишлоқ хўжалиги вазирлиги ҳузуридаги Агросаноатни ривожлантириш агентлиги» сўзлари билан алмаштирилсин;

иловага 2-илованинг номидаги «Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлигига» сўзлари «Ўзбекистон Республикаси Қишлоқ хўжалиги вазирлиги ҳузуридаги Агросаноатни ривожлантириш агентлигига» сўзлари билан алмаштирилсин.

16. Вазирлар Маҳкамасининг «Тамаки маҳсулотлари учун техник регламентни тасдиқлаш тўғрисида» 2024 йил 18 майдаги 290-сон қарорида :

а) 1-иловада :

30-банддаги «Инвестициялар, саноат ва савдо вазирлигига» сўзлари «Алкоголь ва тамаки бозорини тартибга солиш инспекциясига» сўзлари билан алмаштирилсин;

1-иловага 4-илованинг 4-бандидаги «инвестициялар, саноат ва савдо вазирлиги» сўзлари «Алкоголь ва тамаки бозорини тартибга солиш инспекцияси» сўзлари билан алмаштирилсин;

б) 2-илованинг «Субъект» устунидаги «Инвестициялар, саноат ва савдо вазирлиги» сўзлари тегишлича «Алкоголь ва тамаки бозорини тартибга солиш инспекцияси» сўзлари билан алмаштирилсин.

Вазирлар Маҳкамасининг 2025 йил 29 январдаги 45-сон қарорига 3-ИЛОВА

Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари

1. Вазирлар Маҳкамасининг «Спирт ва алкоголли маҳсулотларни ишлаб чиқариш, идишларга қуйиш, сақлаш ва улгуржи сотишни ҳисобга олиш ҳамда назорат қилишга оид низомни тасдиқлаш тўғрисида» 1998 йил 2 июлдаги 275-сон қарори .

2. Вазирлар Маҳкамасининг «Алкоголли ва тамаки маҳсулотларини четдан келтириш, ишлаб чиқариш ва сотиш устидан давлат назоратини кучайтиришга доир қўшимча чора-тадбирлар тўғрисида» 1998 йил 4 августдаги 331-сон қарорининг 5-банди .

3. Вазирлар Маҳкамасининг «Спирт ва алкоголли маҳсулотлар ишлаб чиқариш ва уларнинг айланиши устидан давлат назоратини мустаҳкамлаш юзасидан қўшимча чора-тадбирлар тўғрисида» 1999 йил 5 январдаги 2-сон қарори .

4. Вазирлар Маҳкамасининг «Спирт, алкоголли маҳсулотлар ва тамаки маҳсулотлари ишлаб чиқариш ва сотишни давлат томонидан тартибга солишни такомиллаштириш чора-тадбирлари тўғрисида» 1999 йил 23 сентябрдаги 444-сон қарорининг 6-банди .

5. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2003 йил 13 январдаги 14-сон қарорига илованинг 10-банди .

6. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек баъзиларини ўз кучини йўқотган деб ҳисоблаш тўғрисида («Тадбиркорлик субъектларини ҳуқуқий ҳимоя қилиш тизими такомиллаштирилганлиги ҳамда уларнинг молиявий жавобгарлиги эркинлаштирилганлиги муносабати билан Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисида» Ўзбекистон Республикасининг 2006 йил 10 октябрдаги ЎРҚ-59-сон Қонуни)» 2006 йил 10 ноябрдаги 235-сон қарорига 1-илованинг 20-банди .

7. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Алкоголли маҳсулотларни ишлаб чиқариш ва сотиш самарадорлигини оширишга доир қўшимча чора-тадбирлар тўғрисида» 2006 йил 7 ноябрдаги ПҚ-505-сон қарори)» 2006 йил 18 декабрдаги 260-сон қарорига илованинг 2 ва 3-бандлари .

8. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Кичик бизнес ва хусусий тадбиркорликни янада ривожлантириш учун қулай ишбилармонлик муҳитини шакллантиришга доир қўшимча чора-тадбирлар тўғрисида» 2011 йил 24 августдаги ПФ-4354-сон фармони, Ўзбекистон Республикаси Президентининг «Бюрократик тўсиқларни бартараф этиш ва тадбиркорлик фаолияти эркинлигини янада ошириш чора-тадбирлари тўғрисида» 2011 йил 25 августдаги ПҚ-1604-сон қарори)» 2011 йил 2 ноябрдаги 294-сон қарорига илованинг 12-банди .

9. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Тадбиркорлик фаолияти соҳасидаги лицензиялаш ва рухсат бериш тартиб-таомилларини янада қисқартириш ва соддалаштириш, шунингдек, бизнес юритиш шарт-шароитларини яхшилаш чора-тадбирлари тўғрисида» 2018 йил 11 апрелдаги ПФ-5409-сон Фармони ҳамда «Виночилик соҳасини ва алкоголли маҳсулотларни реализация қилишни тубдан такомиллаштириш чора-тадбирлари тўғрисида» 2018 йил 28 февралдаги ПҚ-3573-сон қарори)» 2018 йил 16 июлдаги 539-сон қарорига илованинг 2 , 3 ва 7-бандлари .

10. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш тўғрисида (Ўзбекистон Республикаси Президентининг «Меҳнатга ҳақ тўлаш, пенсиялар ва бошқа тўловлар миқдорларини аниқлаш тартибини такомиллаштириш тўғрисида» 2019 йил 21 майдаги ПФ-5723-сон Фармони)» 2019 йил 28 декабрдаги 1046-сон қарорига илованинг 17-банди .

11. Вазирлар Маҳкамасининг «Алкоголь маҳсулотларининг улгуржи савдоси бўйича фаолиятни лицензиялаш тартиби, шунингдек, лицензия талаблари ва шартларини бузганлик учун қўлланадиган чоралар ва санкциялар тўғрисидаги низомни тасдиқлаш ҳақида» 2020 йил 20 майдаги 301-сон қарори .

12. Вазирлар Маҳкамасининг «Ўзбекистон Республикаси Алкоголь ва тамаки бозорини тартибга солиш ҳамда виночиликни ривожлантириш агентлиги фаолиятига оид норматив-ҳуқуқий ҳужжатларни тасдиқлаш тўғрисида» 2020 йил 30 ноябрдаги 753-сон қарорига 4-илованинг 9-банди .

13. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида (Ўзбекистон Республикаси Президентининг «Республика озиқ-овқат саноатини жадал ривожлантириш ҳамда аҳолини сифатли озиқ-овқат маҳсулотлари билан тўлақонли таъминлашга доир чора-тадбирлар тўғрисида» 2020 йил 9 сентябрдаги ПҚ-4821-сон қарори)» 2021 йил 21 декабрдаги 766-сон қарорига 1-илованинг 1-банди .

14. Вазирлар Маҳкамасининг «Аҳоли ва тадбиркорлик субъектларининг давлат хизматларидан фойдаланиш имкониятлари кенгайтирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2021 йил 27 декабрдаги 774-сон қарорига 1-илованинг 3-банди .

15. Вазирлар Маҳкамасининг «Алкоголь ва тамаки маҳсулотларига янги намунадаги акциз маркаларини жорий этиш тўғрисида» 2023 йил 26 июлдаги 313-сон қарорининг 5 ва 6-бандлари .

16. Вазирлар Маҳкамасининг «Қонунчилик ҳужжатларида коррупциявий омилларни бартараф этиш ҳамда норматив-ҳуқуқий ҳужжатларни коррупцияга қарши экспертизадан ўтказиш чора-тадбирлари тўғрисида» 2024 йил 11 сентябрдаги 562-сон қарорига 5-илованинг 4-банди.

Ўзбекистон Республикасининг Бош вазири А. АРИПОВ

Тошкент ш.,

2025 йил 29 январь,

45-сон

(Қонунчилик маълумотлари миллий базаси, 30.01.2025 й., 09/25/45/0084-сон)

lex.uz

Oʻzbekiston Respublikasi Vazirlar Mahkamasining

qarori

NIZOM

“SXEMA

ROʻYXATI

PASPORTI

PASPORTI

PASPORTI

ROʻYXATI

Isteʼmol va texnik etil spirti, alkogol mahsulotlarini ishlab chiqarish, idishlarga quyish, saqlash va ulgurji sotishni hisobga olish hamda nazorat qilish tartibi toʻgʻrisidagi nizomni tasdiqlash haqida

Oʻzbekiston Respublikasi Prezidentining “Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshida alkogol va tamaki bozorini tartibga solish inspeksiyasi faoliyatini tashkil etish toʻgʻrisida” 2024-yil 3-iyundagi PQ-204-son qaroriga muvofiq Vazirlar Mahkamasi qaror qiladi:

1. Quyidagilarni nazarda tutuvchi Isteʼmol va texnik etil spirti, alkogol mahsulotlarini ishlab chiqarish, idishlarga quyish, saqlash va ulgurji sotishni hisobga olish hamda nazorat qilish tartibi toʻgʻrisidagi nizom 1-ilovaga muvofiq tasdiqlansin:

ishlab chiqarilgan isteʼmol va texnik etil spirti hamda alkogol mahsulotlarini hisobga olish;

isteʼmol va texnik etil spirti, alkogol mahsulotlarini saqlash, tashish va ulgurji sotish hisobini yuritish;

isteʼmol va texnik etil spirti, alkogol mahsulotlarini ishlab chiqarish, quyish, saqlash va ulgurji sotishni nazorat qilish.

2. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

3. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

4. Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti Sogʻliqni saqlash vazirligi, Oʻzbekiston texnik jihatdan tartibga solish agentligi bilan birgalikda uch oy muddatda xalqaro talablarga muvofiq alkogol mahsulotlari uchun texnik reglament loyihasini Vazirlar Mahkamasiga kiritsin.

5. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.

Belgilansinki, ushbu qarorga 2-ilova va 3-ilovaning 2 — 4 , 6 , 7 , 9 — 14-bandlari mazkur qaror rasmiy eʼlon qilingan kundan eʼtiboran amalga kiritiladi.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov zimmasiga yuklansin.

Vazirlar Mahkamasining 2025-yil 29-yanvardagi 45-son qaroriga 1-ILOVA

Isteʼmol va texnik etil spirti, alkogol mahsulotlarini ishlab chiqarish, idishlarga quyish, saqlash va ulgurji sotishni hisobga olish hamda nazorat qilish tartibi toʻgʻrisida

1-bob. Umumiy qoidalar

1. Mazkur Nizom isteʼmol va texnik etil spirti, alkogol mahsulotlarini ishlab chiqarish, idishlarga quyish, saqlash va ulgurji sotishni hisobga olish hamda ushbu jarayonlarni nazorat qilish tartibini belgilaydi.

Mazkur Nizom talablari:

isteʼmol va texnik etil spirti, alkogol mahsulotlarini ishlab chiqarish bilan shugʻullanuvchi Oʻzbekiston Respublikasi rezidentlari hisoblangan yuridik shaxslarga;

isteʼmol va texnik etil spirti hamda alkogol mahsulotlari uchun texnik reglamentda nazarda tutilgan mahsulotlarga nisbatan tatbiq etiladi.

2. Ushbu Nizomda quyidagi asosiy tushunchalar qoʻllaniladi:

alkogol mahsulotlari — oziq-ovqat xomashyosidan olingan etil spirtidan va (yoki) tarkibida spirt boʻlgan oziq-ovqat mahsulotidan foydalangan yoki foydalanmagan holda ishlab chiqarilgan, tarkibida etil spirtining hajmiy ulushi bir yarim foizdan yuqori boʻlgan oziq-ovqat mahsuloti;

aroq — rangsiz, shaffof, aroqqa xos xushboʻylikka va yumshoq taʼmga ega, etil spirtining hajmiy ulushi (quvvati) 37,5 foizdan 56,0 foizgacha boʻlgan suv-spirt eritmasidan (sortirovkadan) iborat boʻlgan, oziq-ovqat xomashyosidan ishlab chiqarilgan rektifikatlangan etil spirtini toʻgʻrilangan (yumshatilgan) suv bilan eritish, olingan suv-spirt eritmasiga faol yogʻoch koʻmiri yoki boshqa maxsus adsorbent bilan ishlov berish va soʻngra uni filtrlash yoʻli bilan ishlab chiqariladigan spirtli ichimlik;

isteʼmol etil spirti — etil spirtining ulushi 96,0 foizdan kam boʻlmagan, har xil turdagi don, qand lavlagisi, xom shakar, melassa hamda tarkibida shakar va kraxmal mavjud boshqa qishloq xoʻjaligi mahsuloti boʻlgan oziq-ovqat xomashyosidan (meva-rezavorlardan tashqari) tabiiy bijgʻitish jarayonida olingan achitqini yoki qishloq xoʻjaligi mahsuloti boʻlgan oziq-ovqat xomashyosidan etil spirti ishlab chiqarish jarayonida olinadigan xom etil spirti hamda etil spirtining bosh fraksiyasini rektifikatsiya qilish yoʻli bilan ishlab chiqariladigan rektifikatlangan etil spirti;

ishlab chiqaruvchining shaxsiy kabineti (keyingi oʻrinlarda — shaxsiy kabinet) — Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasining (keyingi oʻrinlarda — Inspeksiya) axborot tizimi orqali isteʼmol va texnik etil spirti, alkogol mahsulotlarini ishlab chiqaruvchi subyektlari hamda Inspeksiyaning alkogol va tamaki mahsulotlari aylanmasi sohasidagi qonunchilik hujjatlarida nazarda tutilgan huquq va majburiyatlari amalga oshirilishi bilan bogʻliq boʻlgan oʻzaro munosabatlarni elektron shaklda amalga oshirishni taʼminlaydigan axborot resursi;

likyor-aroq mahsulotlari — oziq-ovqat xomashyosidan ishlab chiqarilgan rektifikatlangan etil spirtini, yumshatilgan suvni, yarimfabrikatlarni (yoki ularsiz) va ingrediyentlarni (yoki ularsiz) kupaj qilish (aralashtirish) yoʻli bilan tayyorlangan, soʻng saqlab yetiltirilgan (yoki saqlanmagan), etil spirtining hajmiy ulushi (quvvati) 7 foizdan 60 foizgacha boʻlgan va shakarning massaviy konsentratsiyasi 600 g/dm3dan koʻp boʻlmagan spirtli ichimliklar;

texnik etil spirti — etil spirti bosh fraksiyasi (EAF) va noozuqaviy oʻsimlik xomashyosidan ishlab chiqarilgan, faqat texnik va nooziq-ovqat mahsulotlari ishlab chiqarishga moʻljallangan, etil spirtining hajmiy ulushi 96,0 mg/dm3dan kam boʻlmagan, rektifikatlangan etil spirti.

2-bob. Isteʼmol va texnik etil spirti hamda alkogol mahsulotlarini ishlab chiqarish tartibi

3. Isteʼmol va texnik etil spirti hamda alkogol mahsulotlari Inspeksiya tomonidan beriladigan litsenziya (xabardor qilish) asosida (koʻpiklanadigan va tabiiy vinolardan tashqari) ishlab chiqariladi.

4. Isteʼmol va texnik etil spirti hamda alkogol mahsulotlari texnik jihatdan tartibga solish sohasidagi normativ hujjatlar, sanitariya qoidalari va meʼyorlari hamda yongʻin xavfsizligi talablariga muvofiq boʻlgan bino va inshootlar hamda ixtisoslashgan texnologik uskunalarda ishlab chiqariladi.

Bino va inshootlar mulk huquqi, ijara yoki tekin foydalanish huquqi asosida ishlab chiqaruvchi korxonaga tegishli boʻlishi lozim.

5. Isteʼmol va texnik etil spirti texnik jihatdan tartibga solish sohasidagi normativ hujjatlar talablariga muvofiq boʻlishi hamda belgilangan tartibda tasdiqlangan texnologik reglament talablariga rioya qilingan holda ishlab chiqariladi.

6. Isteʼmol va texnik etil spirti, shuningdek, spirt xomashyosini ishlab chiqarish texnologik jarayonlari ishlab chiqaruvchi korxona tomonidan Inspeksiya hamda tegishli ilmiy-tadqiqot muassasalari bilan kelishilgan holda tasdiqlangan texnologik reglament asosida amalga oshiriladi.

7. Isteʼmol va texnik etil spirti, spirt xomashyosi, shuningdek, alkogol mahsulotlari ularning har bir turi boʻyicha texnik jihatdan tartibga solish sohasidagi normativ hujjatlar talablariga muvofiq korxona tomonidan ishlab chiqilgan hamda Oʻzbekiston Respublikasi Sogʻliqni saqlash vazirligi bilan kelishilgan va Inspeksiya tomonidan tasdiqlangan texnologik yoʻriqnomalar asosida ishlab chiqariladi.

Alkogol mahsulotlarini ishlab chiqarishda roʻyxatdan oʻtkazilgan tovar belgilari va patentlangan sanoat namunalaridan foydalanish lozim.

8. Alkogol mahsulotlarini chet elda ishlab chiqarilgan isteʼmol etil spirti hamda texnik etil spirtidan foydalangan holda ishlab chiqarish taqiqlanadi.

Chet elda ishlab chiqarilgan isteʼmol etil spirti mavjudligi, shuningdek, korxonalar tomonidan mazkur spirtdan alkogol mahsulotlari ishlab chiqarish holatlari aniqlanganda, Inspeksiya Soliq qoʻmitasi bilan birgalikda spirtni va ushbu spirtdan ishlab chiqarilgan alkogol mahsulotlarini qonunchilik hujjatlarida belgilangan tartibda davlat daromadiga oʻtkazish boʻyicha tegishli choralar koʻradi.

9. Isteʼmol va texnik etil spirti, alkogol mahsulotlarini ishlab chiqarish tartibi, shuningdek, alkogol mahsulotlari tarkibidagi inson hayoti va sogʻligʻi uchun zararli boʻlgan moddalarning yoʻl qoʻyiladigan eng yuqori koʻrsatkichlari texnik jihatdan tartibga solish sohasidagi normativ hujjatlar bilan tartibga solinadi.

10. Alkogol mahsulotlarini ishlab chiqaruvchi subyektlar (korxonalar) ishlab chiqarishning barcha bosqichlarida texnik jihatdan tartibga solish sohasidagi normativ hujjatlarga muvofiq mikrobiologik, fizik-kimyoviy va texnologik nazoratni amalga oshirishlari shart.

11. Ishlab chiqaruvchi subyektlar isteʼmol va texnik etil spirti hamda alkogol mahsulotlarining ishlab chiqarilgan hajmlari koʻrsatkichlari toʻgʻrisidagi maʼlumotlarni avtomatlashtirilgan tarzda uzatilishini taʼminlaydigan hisobga olish oʻlchov vositalarini, shuningdek, alkogol mahsulotlarini quyish liniyalaridagi elektron hisoblagichlar bilan jihozlangan hamda Inspeksiyaning axborot tizimiga integratsiya qilingan boʻlishi lozim.

12. Alkogol mahsulotlarini yorliqlash, aksiz markalari va raqamli identifikatsiya vositalari bilan markirovkalash qonunchilik hujjatlarida belgilangan tartibda amalga oshiriladi.

3-bob. Isteʼmol va texnik etil spirti hamda alkogol mahsulotlarini ishlab chiqarishni hisobga olish

13. Isteʼmol va texnik etil spirti, alkogol mahsulotlarini ishlab chiqarish hamda realizatsiyasi hajmining hisobi ishlab chiqaruvchi subyektlar tomonidan yuritiladi. Ishlab chiqarish va realizatsiya hajmining hisobi dekalitr oʻlchov birligida hisoblanadi.

14. Isteʼmol va texnik etil spirti, alkogol mahsulotlarini ishlab chiqarish hajmining hisobini yuritish mahsulot ishlab chiqarish uchun zarur boʻlgan asosiy xomashyolar kirimidan boshlab, tayyor mahsulotlarni saqlash omborlariga joylashtirish va realizatsiya qilish jarayonlarini qamrab olishi lozim.

15. Isteʼmol va texnik etil spirti, alkogol mahsulotlarining ishlab chiqarish va aylanmasi hajmining hisobini yuritishda ishlab chiqarish, qadoqlash (quyish), saqlash hamda tashish jarayonlarida belgilangan tabiiy yoʻqotishlar hisobga olinadi.

16. Isteʼmol va texnik etil spirti, alkogol mahsulotlarini ishlab chiqarishda materiallar sarfi, tayyor mahsulot ishlab chiqarish normativlari, shuningdek, tabiiy yoʻqotish normalari ilmiy-tadqiqot muassasalari jalb etilib, Oʻzbekiston Respublikasi Iqtisodiyot va moliya vazirligi, Soliq qoʻmitasi, Oʻzbekiston texnik jihatdan tartibga solish agentligi bilan kelishilgan holda Inspeksiya tomonidan tasdiqlanadi.

17. Alkogol mahsulotlarini ishlab chiqaruvchi subyektlar mahsulotlarni qadoqlash jarayonida idishlarni isteʼmol etil spirti yordamida tozalash, tayyor alkogol mahsulotlarini quyish hamda qayta quyishga yoʻnaltirilgan alkogol mahsulotlari hajmining kunlik hisobini yuritadi. Bunda mahsulotlar harakatining kunlik hisobini yuritish tartibi Inspeksiya tomonidan belgilanadi.

18. Ishlab chiqarilgan tayyor alkogol mahsulotlari va ularning realizatsiyasi hajmi har bir mahsulot turi boʻyicha qadoqlangan holda ham hisobga olinadi.

Bunda ishlab chiqaruvchi subyektlar zimmasiga alkogol mahsulotlarini ishlab chiqarish jarayonida tayyor mahsulotlarga qoʻllaniladigan raqamli identifikatsiya vositalarini (mahsulotni isteʼmol oʻramiga qadoqlagandan soʻng toʻgʻridan-toʻgʻri ishlab chiqarish liniyasida) skanerlash va mahsulotlarni markirovkalashda qoʻllaniladigan markirovka kodlarini qoʻllash (foydalanish) toʻgʻrisida hisobotni tayyorlash hamda “Asl belgisi” mahsulotlarni markirovkalash va kuzatib borish milliy axborot tizimiga yuborish vazifasi yuklanadi.

19. Ishlab chiqarish jarayonlari qisqa (uch kundan koʻp boʻlmagan) muddatga toʻxtatilganda, shuningdek, litsenziyaning amal qilishi toʻxtatib turilganda yoki bekor qilinganda (tugatilganda) yoxud qoidabuzarlik holatlari boʻyicha murojaatlar asosida qoldiqdagi isteʼmol va texnik etil spirti 1-toifali oʻlchagichlar orqali, alkogol mahsulotlari hajmi esa — hajm oʻlchash asboblari yordamida aniqlanadi.

Qadoqlangan tayyor mahsulotlar sanoqdan oʻtkazish orqali xatlovdan oʻtkaziladi.

Isteʼmol va texnik etil spirti, alkogol mahsulotlarini ishlab chiqaruvchi subyektlar ishlab chiqarish jarayonlarini qisqa muddatga toʻxtatganda, bu haqida Inspeksiyani toʻxtatish sabablarini koʻrsatgan holda shaxsiy kabinet orqali xabardor qiladi.

20. Isteʼmol va texnik etil spirtini ishlab chiqarish uchun moʻljallangan bugʻdoy hisobi isteʼmol hamda texnik etil spirti, alkogol va tamaki mahsulotlarini ishlab chiqarish hamda ularning aylanmasi hajmlari axborot tizimi (keyingi oʻrinlarda — axborot tizimi) orqali hisobga olinadi.

Bunda bugʻdoy hisobi hajmi tovar-xomashyo birjasi orqali sotib olingan, import shartnomalarida koʻrsatilgan, ishlab chiqaruvchilar tomonidan belgilangan tartibda elektron shaklda taqdim etiladigan hamda ishlab chiqarilgan spirt hajmi haqidagi maʼlumotlar asosida avtomatlashtirilgan tarzda tahlil qilish orqali aniqlanadi.

21. Vinochilik va boshqa alkogol mahsulotlarini ishlab chiqarish uchun korxonalarda xomashyo va isteʼmol etil spirti belgilangan normalar asosida hisoblab chiqarilgan ehtiyojlar doirasida sarflanadi va belgilangan shakllardagi dastlabki hisobga olish hujjatlari bilan rasmiylashtiriladi.

22. Qayta ishlangan uzumdan va isteʼmol etil spirti bilan quvvatlantirilgan vino xomashyosining chiqish miqdori hisobot yilining 1-dekabridagi va hosildan keyingi yilning 1-aprelidagi xatlov natijalariga koʻra aniqlanadi.

23. Ishlab chiqarishda boʻlgan vino xomashyosi, vino mahsulotlari har yili ikki marotaba (1-dekabr va 1-iyul) xatlovdan oʻtkazilishi lozim.

24. Idishlarga quyilmagan alkogol mahsulotlari davlat qiyoslov koʻrigidan oʻtkazilgan maxsus sigʻimlarda saqlanishi lozim. Har bir sigʻim oziq-ovqat mahsulotlari saqlanishiga moʻljallangan boʻlishi va sanitariya qoidalari va meʼyoriy talablariga mos kelishi zarur.

4-bob. Isteʼmol va texnik etil spirti, alkogol mahsulotlarini saqlash, tashish va ulgurji sotishni hisobga olish

25. Isteʼmol va texnik etil spirti, alkogol mahsulotlari texnik jihatdan tartibga solish sohasidagi normativ hujjatlar, sanitariya qoidalari va meʼyorlari hamda yongʻin xavfsizligi talablariga muvofiq boʻlgan binolarda saqlanadi.

26. Isteʼmol va texnik etil spirti faqatgina real vaqt rejimida avtomatlashtirilgan kuzatish tizimi (GPS) bilan jihozlangan hamda axborot tizimiga integratsiya qilingan elektron hisoblagich oʻrnatilgan avtotransport vositalarida tashiladi, isteʼmol va texnik etil spirtini eksportga chiqarish bilan bogʻliq holatlar bundan mustasno.

27. Alkogol mahsulotlarining barcha koʻchar va koʻchmas resurslari buxgalteriya hisobi bilan qamrab olinishi lozim. Miqdoriy hisob hajm koʻrsatkichlaridan tashqari spirt va shakar miqdorini (faqat vino mahsulotlari uchun) hamda normativ hujjatlarda koʻzda tutilgan fizik-kimyoviy va boshqa koʻrsatkichlarni ham qamrab olishi zarur.

28. Alkogol mahsulotlarini quyish sexlarida har oyning boshida alkogol mahsulotlari qoldiqlarini chiqarib olish, idishlarning, aksiz markalarining, yorliqlarning, qadoqlash vositalarini (qopqoq, tiqinlar va boshqalar) hamda ishlab chiqariladigan mahsulotlarni tayyorlashga taalluqli boshqa moddiy boyliklarning holatini aniqlash yoʻli bilan hisobga olish amalga oshiriladi.

29. Tayyor mahsulotlar, xomashyo va materiallarning yoʻqotilishi hamda belgilangan meʼyoriy normalardan yuqori boʻlgan sarflash holatlarida ishlab chiqaruvchi belgilangan tartibda komissiya tuzgan holda, ularni bartaraf etish choralarini koʻrishi zarur.

30. Isteʼmol va texnik etil spirti, alkogol mahsulotlari ishlab chiqaruvchi korxonalarning omborxonalarida texnik jihatdan tartibga solish sohasidagi normativ hujjatlar talablariga qatʼiy rioya qilgan holda saqlanishi lozim.

Aksiz markalari bilan markalanmagan (koʻpiklanadigan va tabiiy vino mahsulotlari bundan mustasno) hamda raqamli identifikatsiyalash vositalari yordamida markirovkalanmagan alkogol mahsulotlarini saqlashga yoʻl qoʻyilmaydi.

31. Alkogol mahsulotlarini aksiz markalari bilan markalangan (koʻpiklanadigan va tabiiy vino mahsulotlari bundan mustasno), raqamli identifikatsiya vositalari yordamida markirovkalanganda, laboratoriya tekshiruvi xulosasi hamda muvofiqlik sertifikati boʻlgandagina ulgurji sotishga ruxsat etiladi.

Mahsulotlarning ulgurji savdosiga oid shartnomalar soliq organlarida majburiy hisobga qoʻyiladi.

32. Qadoqlanmagan alkogol mahsulotlari davlat qiyoslov koʻrigidan oʻtkazilgan maxsus temir yoʻl va avtomobil sisternalarida tashiladi. Bunda mahsulot sigʻimini belgilovchi pasport boʻlishi lozim.

33. Ishlab chiqaruvchi subyektlar:

belgilangan muddatlarda hududiy statistika organlari va Inspeksiyaga ishlab chiqarilgan, realizatsiya qilingan hamda qoldiqda boʻlgan isteʼmol va texnik etil spirti, alkogol mahsulotlari toʻgʻrisidagi hisobotlarni;

har oy yakuni boʻyicha Inspeksiyaga shaxsiy kabinet orqali isteʼmol va texnik etil spirti, alkogol mahsulotlarini ishlab chiqarish uchun asosiy xomashyolar sarfi hamda aksiz markalar hisobi boʻyicha maʼlumotlarni;

har chorak yakuni boʻyicha Inspeksiya va Soliq qoʻmitasiga isteʼmol va texnik etil spirti hamda alkogol mahsulotlarining mavjud qoldigʻi toʻgʻrisidagi maʼlumotlarni;

mavsumda uzumning sanoat yoʻli bilan qayta ishlashga qabul qilinishi, shuningdek, har oy yakunida vino xomashyosi va konyak distillyati (boshqa distillyatlar) ishlab chiqarilishi va harakati toʻgʻrisidagi hisobotlarni;

har oy yakuni boʻyicha Inspeksiyaga tabiiy, koʻpiklanadigan vino, pivo va pivo ichimliklarini ishlab chiqarish va realizatsiya qilish toʻgʻrisidagi hisobotlarni taqdim etib boradilar.

Hisobot va maʼlumot shakllari Inspeksiyaning buyrugʻi bilan belgilanadi.

5-bob. Isteʼmol va texnik etil spirti, alkogol mahsulotlarini ishlab chiqarish, quyish, saqlash va ulgurji sotishni nazorat qilish

34. Isteʼmol va texnik etil spirti, alkogol mahsulotlarini ishlab chiqarish, quyish, saqlash va ulgurji sotish quyidagilar orqali masofaviy nazorat qilinadi:

isteʼmol va texnik etil spirti, alkogol hamda tamaki mahsulotlarini ishlab chiqarish va ularning aylanmasi hajmlarini hisobga olish axborot tizimi;

alkogol mahsulotlarini ishlab chiqarish jarayonlarini monitoring va nazorat qilish imkonini beruvchi videokuzatuv vositalari orqali;

isteʼmol va texnik etil spirti, alkogol hamda tamaki mahsulotlarini ishlab chiqarishni va ularning aylanmasini nazorat qilish boʻyicha xavfni tahlil qilish tizimi;

isteʼmol va texnik etil spirtini tashuvchi avtotransport vositalari harakatini markazlashtirilgan tarzda monitoring va nazorat qilish imkoniyatiga ega geoaxborot tizimi;

“Asl belgisi” mahsulotlarni markirovkalash va kuzatib borish milliy axborot tizimi;

hisob-faktura statistikasi axborot tizimi.

35. Uzumdan qayta ishlash natijasida olingan vino xomashyosi, vino va vino mahsulotlari, konyak distillyati (boshqa distillyatlar), pivo va pivo ichimliklarini ishlab chiqarish va ularning harakati toʻgʻrisidagi maʼlumotlar ishlab chiqaruvchilar tomonidan oʻrnatilgan va hisobga olish axborot tizimiga integratsiya qilingan elektron hisoblagichlar orqali nazorat va monitoring qilish uchun Inspeksiyaga taqdim etiladi.

Isteʼmol va texnik etil spirti, alkogol mahsulotlarini ishlab chiqarish, quyish, saqlash va ulgurji sotishda maʼlumotlar oʻrtasida tafovutlar aniqlanganda, ushbu holat Inspeksiya tomonidan korxonaning moliya-xoʻjalik faoliyatiga aralashmasdan joyiga chiqqan holda oʻrganiladi.

36. Soliq organlari isteʼmol va texnik etil spirti hamda alkogol mahsulotlarining aylanishi bilan bogʻliq soliqlar va yigʻimlarning toʻgʻri hisoblab chiqilishi va oʻz vaqtida toʻlanishini nazorat qiladi.

37. Oʻzbekiston texnik jihatdan tartibga solish agentligi:

isteʼmol va texnik etil spirti, alkogol mahsulotlarini ishlab chiqarishda texnik jihatdan tartibga solish sohasidagi normativ hujjatlar talablariga rioya etilishi;

isteʼmol va texnik etil spirti, alkogol mahsulotlarini ishlab chiqarishda qoʻllaniladigan texnik jihatdan tartibga solish sohasidagi normativ hujjatlar xalqaro va davlatlararo standartlarga muvofiqligini nazorat qiladi.

38. Inspeksiya:

isteʼmol va texnik etil spirti, alkogol mahsulotlarini ishlab chiqarish, shuningdek, alkogol mahsulotlarining ulgurji savdosida litsenziya talablariga rioya etilishini nazorat qiladi;

axborot tizimi orqali isteʼmol va texnik etil spirti, alkogol mahsulotlarining ishlab chiqarilishi va realizatsiyasini doimiy ravishda monitoring qilib boradi;

alkogol mahsulotlarini ishlab chiqarish jarayonlarini monitoring va nazorat qilish imkonini beruvchi videokuzatuv vositalari orqali kuzatib boradi;

isteʼmol etil spirtini ishlab chiqaruvchi korxonalarda joylashgan va Inspeksiya tarkibiga kiruvchi laboratoriyalar orqali etil spirtining sifatini nazorat qiladi;

soliq organlari bilan birgalikda har chorakda ishlab chiqarish korxonalaridagi aksiz markalari sarfi va qoldigʻini xatlovdan oʻtkazadi.

39. Isteʼmol va texnik etil spirti hamda spirt xomashyosini qabul qilish, hisobga olish, saqlash, transportda tashish tartibi Inspeksiya tomonidan tasdiqlangan yoʻriqnomaga muvofiq belgilanadi.

6-bob. Alkogol mahsulotlarini ishlab chiqarishda aksiz markalari hisoboti

40. Ishlab chiqaruvchilar barcha turdagi tayyor alkogol mahsulotlarini belgilangan namunadagi aksiz markalari bilan tamgʻalaydi, pivo, tabiiy va koʻpiklanadigan vino bundan mustasno.

Ishlab chiqaruvchi korxonalar aksiz markalarining toʻgʻri hisobga olinishini, ulardan foydalanilishini (miqdori va qiymati boʻyicha), foydalanishga yaroqsiz boʻlgan markalarni belgilangan tartibda roʻyxatdan chiqarib tashlashga qadar saqlanishini taʼminlashi, ularning nazoratdan chiqib ketishiga yoʻl qoʻymasligi zarur.

Ishlab chiqarish korxonalari ishlab chiqarilayotgan mahsulotlar boʻyicha aksiz markalarining harakatini alohida qayd etib borishi lozim.

Ishlab chiqaruvchi korxonalar buyruq asosida aksiz markalari boʻyicha moddiy javobgar shaxsni tayinlaydi.

41. Ishlab chiqaruvchi korxonalar har oyda hisobot oyidan keyingi oyning 5 sanasidan kechiktirmasdan, belgilangan shaklda aksiz markalarining harakati toʻgʻrisidagi hisobotni Inspeksiya, soliq organi va Bojxona qoʻmitasining hududiy organiga taqdim etadi.

Bunda ushbu hisobotlar Inspeksiyaning hisobga olish axborot tizimi orqali shakllantiriladi va taqdim etiladi.

42. Yirtilgan (foydalanishga yaroqsiz) aksiz markalari hisobi haqidagi maʼlumotlar (seriya raqamlari koʻrsatgan holda) Inspeksiyaga taqdim etiladi.

Yirtilgan (foydalanishga yaroqsiz) aksiz markalarini yoʻq qilish jarayonida Inspeksiya, soliq organi va Bojxona qoʻmitasining hududiy organi xodimlari ishtirok etadi.

43. Yangilangan namunadagi aksiz markalari foydalanishga tatbiq etilganda, Inspeksiya tomonidan eski namunadagi aksiz markalar qoldigʻi hisobi shakllantiriladi.

Eski namunadagi aksiz markalarini yoʻq qilish jarayonlarida Inspeksiya, soliq organi va Bojxona qoʻmitasining hududiy organi xodimlari ishtirok etadi.

Aksiz markalarini yoʻq qilishning barcha jarayonlari, jumladan, har bir aksiz markasi raqamlarining alohida koʻrinishi taʼminlangan holda videolavhaga olinadi va Inspeksiyada 5 yil davomida saqlanadi.

7-bob. Yakunlovchi qoidalar

44. Isteʼmol va texnik etil spirti, alkogol mahsulotlarini ishlab chiqaruvchi subyektlar ishlab chiqarilgan mahsulotlarning sifati uchun shaxsan javobgardirlar.

45. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javob beradilar.

Vazirlar Mahkamasining 2025-yil 29-yanvardagi 45-son qaroriga 2-ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirish va qoʻshimchalar

l. Vazirlar Mahkamasining “Alkogolli mahsulotlar ishlab chiqarish va ularning aylanishi ustidan davlat monopoliyasini kuchaytirish hamda Oʻzbekiston Respublikasi hududida alkogolli va tamaki mahsulotlarini sotishdan budjetga tushumni koʻpaytirish yuzasidan qoʻshimcha chora-tadbirlar toʻgʻrisida” 1998-yil 21-maydagi 221-son qarorining 1-bandida :

ikkinchi xatboshi quyidagi tahrirda bayon etilsin:

“alkogol va tamaki mahsulotlarini import qiluvchilar aksiz markalarini aksiz soligʻini toʻliq miqdorda toʻlagandan keyin sotib oladilar”;

uchinchi xatboshi chiqarib tashlansin;

toʻrtinchi xatboshi uchinchi xatboshi deb hisoblansin.

2. Vazirlar Mahkamasining 2005-yil 9-avgustdagi 189-son qarori bilan tasdiqlangan Oʻzbekiston Respublikasining xoʻjalik yurituvchi subyektlari tomonidan xorijiy mamlakatlardagi ular tashkil etgan savdo uylari, vakolatxonalar, korxonalar orqali, shuningdek, Oʻzbekiston Respublikasi Savdo-sanoat palatasining xorijiy mamlakatlardagi savdo investitsiya uylari orqali olib chiqilayotgan tovarlarni bojxonada rasmiylashtirish tartibi toʻgʻrisidagi nizom 6-bandining oltinchi xatboshisidagi “Alkogol va tamaki bozorini tartibga solish hamda vinochilikni rivojlantirish agentligi” soʻzlari chiqarib tashlansin.

3. Vazirlar Mahkamasining “2006-yil uchun davlat budjetidan Oʻzbekiston milliy teleradiokompaniyasini moliyalashtirish hajmini tasdiqlash toʻgʻrisida” 2005-yil 30-dekabrdagi 287-son qaroriga 2-ilovaning rus tilidagi matni quyidagi tahrirda bayon etilsin:

budjetnogo finansirovaniya sentralnogo apparata i organizatsiy NTRK Uzbekistana, a takje territorialnix teleradiokanalov

Respublikanskiy budjet Finansirovaniye soglasno razdelnim smetam ↓ ↓ ↓ ↓ ↓ ↓ ↓ GU “Oʻzbekiston 24” ijodiy birlashmasi” GU “Maʼrifat” ijodiy birlashmasi” GU “Sport ijodiy birlashmasi” GU “Oʻzbektelefilm” Territorialnie teleradiokanali 14 GU “Teleradiokanal “Mahalla” NTRK Uzbekistana (sentralniy apparat) Telekanal “Oʻzbekiston 24” Radiokanal “Oʻzbekiston 24” Telekanal “Madaniyat va maʼrifat” Telekanal “Oʻzbekiston tarixi” Telekanal “Sport” Telekanal “Mahalla” ← Telekanal “Oʻzbekiston” Radiokanal “Oʻzbekiston” Telekanal “Bolajon” Telekanal “Kinoteatr” Telekanal “Futbol TV” Radiokanal “Mahalla” Telekanal “Dunuo boʻylab” Oplata avtotransportnix uslug Oplata uslug po proizvodstvu teleradioproduksiy Oplata uslug predpriyatiy Ministerstva sifrovix texnologiy po rasprostraneniyu teleradioproduksii ↓ ↓ Predpriyatiya svyazi Ministerstva sifrovix texnologiy GU “Maxsus avtokorxona” GU “Oʻzbekiston MTRK teleradiomarkazi” Selevie sredstva na pogasheniye inostrannix kreditov SRRT, poluchennix na priobreteniye peredayushego oborudovaniya * Oplata uslug po podache v efir teleradioproduksii teleradiokanalam NTRK Uzbekistana

4. Vazirlar Mahkamasining 2019-yil 19-noyabrdagi 917-son qarori bilan tasdiqlangan Oʻzbekiston Respublikasining konsolidatsiyalashgan budjeti tarkibiga kiradigan davlat maqsadli jamgʻarmalarining roʻyxati 8-bandidagi “Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamgʻarmasi” soʻzlari “Agrosanoatni rivojlantirish agentligining Agrosanoatni rivojlantirish va qoʻllab-quvvatlash davlat maqsadli jamgʻarmasi” soʻzlari bilan almashtirilsin.

5. Vazirlar Mahkamasining “Isteʼmol etil spirti va alkogol mahsulotlari sifatini organoleptik baholash boʻyicha respublika degustatsiya komissiyasi faoliyatini tashkil etish chora-tadbirlari toʻgʻrisida” 2019-yil 26-dekabrdagi 1039-son qarorida :

a) 1-banddagi “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda — Agentlik) huzuridagi” soʻzlari “Alkogol va tamaki bozorini tartibga solish inspeksiyasi (keyingi oʻrinlarda — Inspeksiya) huzurida” soʻzlari bilan almashtirilsin;

b) 2-banddagi “Agentlik” soʻzi “Inspeksiya” soʻzi bilan almashtirilsin;

v) 3-bandning ikkinchi xatboshisidagi “Agentlik direktori” soʻzlari “Inspeksiya rahbari” soʻzlari bilan almashtirilsin;

g) ilovada :

nomidagi “Agentlik huzuridagi” soʻzlari chiqarib tashlansin;

4-bandning ikkinchi xatboshisi quyidagi tahrirda bayon etilsin:

“ alkogol mahsulotlari — oziq-ovqat xomashyosidan olingan etil spirtidan va (yoki) tarkibida spirt boʻlgan oziq-ovqat mahsulotidan foydalangan yoki foydalanmagan holda ishlab chiqarilgan, tarkibida etil spirtining hajmiy ulushi bir yarim foizdan yuqori boʻlgan oziq-ovqat mahsulotlari”;

5-banddagi “Agentlik direktori” soʻzlari “Alkogol va tamaki bozorini tartibga solish inspeksiyasi (keyingi oʻrinlarda — Inspeksiya) rahbari” soʻzlari bilan almashtirilsin;

11-bandning ikkinchi xatboshisidagi “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligiga” soʻzlari “Inspeksiyaga” soʻzi bilan almashtirilsin;

18-bandning birinchi va ikkinchi xatboshilaridagi “Agentlik” soʻzi “Inspeksiya” soʻzi bilan almashtirilsin;

20-banddagi “mazkur Nizomning 3-ilovasida keltirilgan” soʻzlari chiqarib tashlansin;

ilovaga 1-ilovada :

1-banddagi “Alkogol va tamaki bozorini tartibga solish hamda vinochilikni rivojlantirish agentligi” soʻzlari “Alkogol va tamaki bozorini tartibga solish inspeksiyasi” soʻzlari bilan almashtirilsin;

3-banddagi “standartlashtirish, metrologiya va sertifikatlashtirish” soʻzlari “texnik jihatdan tartibga solish” soʻzlari bilan almashtirilsin;

ilovaga 2-ilovada :

“Chora-tadbirlar” ustunidagi “Alkogol va tamaki bozorini tartibga solish hamda vinochilikni rivojlantirish agentligi direktori” soʻzlari “Alkogol va tamaki bozorini tartibga solish inspeksiyasi rahbari” soʻzlari bilan almashtirilsin;

ilovaga 3-ilova oʻz kuchini yoʻqotgan deb hisoblansin.

6. Vazirlar Mahkamasining “Isteʼmol etil spirti ishlab chiqaruvchi korxonalarda joylashgan etil spirtining sifatini aniqlash boʻyicha laboratoriyalar toʻgʻrisidagi nizomni tasdiqlash haqida” 2020-yil 19-sentabrdagi 97-son qarorida :

a) 2-banddagi “Moliya vazirligi huzuridagi” soʻzlari “Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi” soʻzlari bilan almashtirilsin;

b) ilovada :

2-bandning toʻrtinchi va beshinchi xatboshilaridagi “Moliya vazirligi huzuridagi” soʻzlari tegishlicha “Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi” soʻzlari bilan almashtirilsin;

2-ilovada :

nomi quyidagi tahrirda bayon etilsin:

“ OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI BOZORINI TARTIBGA SOLISH INSPEKSIYASI GERB INSPEKSIYA PO REGULIROVANIYU ALKOGOLNOGO I TABACHNOGO RINKA PRI DEPARTAMENTE PO BORBE S EKONOMICHESKIMI PRESTUPLENIYAMI PRI GENERALNOY PROKURATURE RESPUBLIKI UZBEKISTAN ”;

matnidagi “Moliya vazirligi huzuridagi” soʻzlari “Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi” soʻzlari bilan almashtirilsin;

3-ilovaning nomi quyidagi tahrirda bayon etilsin:

“ OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI BOZORINI TARTIBGA SOLISH INSPEKSIYASI GERB INSPEKSIYA PO REGULIROVANIYU ALKOGOLNOGO I TABACHNOGO RINKA PRI DEPARTAMENTE PO BORBE S EKONOMICHESKIMI PRESTUPLENIYAMI PRI GENERALNOY PROKURATURE RESPUBLIKI UZBEKISTAN ”;

4-ilovada :

nomi quyidagi tahrirda bayon etilsin:

“ OʻZBEKISTON RESPUBLIKASI BOSH PROKURATURASI HUZURIDAGI IQTISODIY JINOYATLARGA QARSHI KURASHISH DEPARTAMENTI QOSHIDAGI ALKOGOL VA TAMAKI BOZORINI TARTIBGA SOLISH INSPEKSIYASI GERB INSPEKSIYA PO REGULIROVANIYU ALKOGOLNOGO I TABACHNOGO RINKA PRI DEPARTAMENTE PO BORBE S EKONOMICHESKIMI PRESTUPLENIYAMI PRI GENERALNOY PROKURATURE RESPUBLIKI UZBEKISTAN ”;

matnidagi “Moliya vazirligi huzuridagi” soʻzlari “Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi” soʻzlari bilan almashtirilsin.

7. Vazirlar Mahkamasining “Oʻzbekiston Respublikasi agrosanoat majmui va qishloq xoʻjaligida raqamlashtirish tizimini rivojlantirish chora-tadbirlari toʻgʻrisida” 2020-yil 17-dekabrdagi 794-son qaroriga 5-ilovaning matni quyidagi tahrirda bayon etilsin:

“Oʻzbekiston Respublikasi Qishloq xoʻjaligi vazirligi bilan maʼlumotlar almashishni yoʻlga qoʻyadigan tashkilotlar

T/r Maʼlumotni taqdim qiluvchi idoralar Maʼlumot nomi 1. Suv xoʻjaligi vazirligi Suv sarfining samaradorligi boʻyicha tahliliy ishlarni olib borishga oid maʼlumotlar. 2. Kadastr agentligi Maʼmuriy-hududiy birliklar va qishloq xoʻjaligi korxonalarining amaldagi chegaralari toʻgʻrisidagi maʼlumotlar. 3. Adliya vazirligi Qishloq xoʻjaligi mahsulotlarini ishlab chiqaruvchi tashkilot va jismoniy shaxslarning davlat roʻyxatidan oʻtganligi toʻgʻrisidagi maʼlumotlar. 4. Iqtisodiyot va moliya vazirligi Oziq-ovqat mahsulotlarini ishlab chiqaruvchilarga ajratilayotgan subsidiyalar toʻgʻrisidagi maʼlumotlar. 5. Veterinariya va chorvachilikni rivojlantirish qoʻmitasi Chorvachilik xoʻjaliklari va ularga tegishli yer maydonlari, ekilgan ekin turlari (gektar koʻrsatilgan holda), barcha xoʻjaliklardagi chorva hayvonlari reyestri, goʻsht va sutni qayta ishlovchilar, chorva hayvonlarini soʻyishga ixtisoslashgan korxonalar (qushxonalar) toʻgʻrisidagi maʼlumotlar. 6. Oʻsimliklar karantini va himoyasi agentligi Fitosanitariya xizmatlari, oʻsimliklar karantini xizmatlari, qishloq xoʻjaligi mahsulotlari va oziq-ovqat mahsulotlarini eksport (import) qiluvchilar reyestri, laboratoriyalar va berilgan sertifikatlar toʻgʻrisidagi maʼlumotlar. 7. Oʻrmon xoʻjaligi agentligi Qishloq xoʻjaligi va oziq-ovqat mahsulotlari statistikasiga oid maʼlumotlar. 8. Veterinariya va chorvachilikni rivojlantirish qoʻmitasi 9. “Oʻzbekbaliqsanoat” uyushmasi 10. “Parrandasanoat” uyushmasi 11. “Oʻzbekipaksanoat” uyushmasi 12. “Oʻztoʻqimachiliksanoat” uyushmasi 13. “Oʻzyogʻmoysanoat” uyushmasi 14. “Oʻzdonmahsulot” AK 15. “Oʻzagroservis” AJ 16. Agrosanoatni rivojlantirish agentligi 17. “Tomorqa xizmati” MCHJ Aholi tomorqalari va dehqon xoʻjaliklariga ajratilgan yer maydonlaridan samarali foydalanish koʻrsatkichlari (ajratilgan yer maydoni, hosildorlik va boshqalar), ichki va tashqi bozorning oziq-ovqat mahsulotlariga boʻlgan talabi toʻgʻrisidagi maʼlumotlar. 18. Oʻzbekiston fermer, dehqon xoʻjaliklari va tomorqa yer egalari kengashi 19. Oʻzbekiston mahallalari uyushmasi ” .

8. Vazirlar Mahkamasining “Qishloq xoʻjaligi birlashmalarining aʼzolari, meva-sabzavot klasterlari ishtirokchilari va tadbirkorlik subyektlariga mahalliy sharoitda yetishtirilgan intensiv koʻchatlar (pakana va yarim pakana) xoʻraki, kishmishbop va sanoatbop tok koʻchatlari hamda payvandtaglarni sotib olish xarajatlarining bir qismini qoplash uchun subsidiya ajratish toʻgʻrisidagi nizomni tasdiqlash haqida” 2021-yil 24-iyuldagi 458-son qarorida :

a) 2-bandning uchinchi xatboshisidagi “Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamgʻarmasi” soʻzlari “Qishloq xoʻjaligi vazirligi huzuridagi Agrosanoatni rivojlantirish agentligi huzuridagi Agrosanoatni rivojlantirish va qoʻllab-quvvatlash davlat maqsadli jamgʻarmasi” soʻzlari bilan almashtirilsin;

b) 1-ilovada :

1-bandda :

birinchi xatboshidagi “Bogʻdorchilik va issiqxona xoʻjaligini rivojlantirish agentligi (keyingi oʻrinlarda — Agentlik) qoshidagi Bogʻdorchilik va issiqxona xoʻjaligini rivojlantirish jamgʻarmasi” soʻzlari “Agrosanoatni rivojlantirish agentligi (keyingi oʻrinlarda — Agentlik) huzuridagi Agrosanoatni rivojlantirish va qoʻllab-quvvatlash davlat maqsadli jamgʻarmasi” soʻzlari bilan almashtirilsin;

toʻrtinchi xatboshidagi “Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda — Alkogol va tamaki bozorini tartibga solish hamda vinochilikni rivojlantirish agentligi)ning Vinochilikni rivojlantirish jamgʻarmasi (keyingi oʻrinlarda — Vinochilikni rivojlantirish jamgʻarmasi)” soʻzlari “Qishloq xoʻjaligi vazirligi huzuridagi Agrosanoatni rivojlantirish agentligi huzuridagi Agrosanoatni rivojlantirish va qoʻllab-quvvatlash davlat maqsadli jamgʻarmasi (keyingi oʻrinlarda — Jamgʻarma)” soʻzlari bilan almashtirilsin;

11-bandning birinchi xatboshisi quyidagi tahrirda bayon etilsin:

“Loyiha tashabbuskori koʻchatlar sotib olishga subsidiya olish uchun Agentlik va koʻchat yetkazib beruvchi koʻchatchilik xoʻjaligi oʻrtasida uch tomonlama shartnomani tuzish uchun Qishloq xoʻjaligi vazirligi huzuridagi Agentlikka quyidagi hujjatlarni ilova qilib, elektron imzo bilan tasdiqlangan arizani elektron pochta orqali yuboradi”;

13-banddagi “Bogʻdorchilik va issiqxona xoʻjaligini rivojlantirish agentligiga yoki Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda — Agentliklar)” soʻzlari “Agentlik” soʻzi bilan almashtirilsin.

9. Vazirlar Mahkamasining “Axborot texnologiyalari va kompyuter dasturlash sohasida yosh mutaxassislarni ragʻbatlantirish boʻyicha qoʻshimcha chora-tadbirlar toʻgʻrisida” 2021-yil 31-avgustdagi 556-son qaroriga 2-ilovaning “Alkogol va tamaki bozorini tartibga solish hamda vinochilikni rivojlantirish agentligi” boʻlimi chiqarib tashlansin.

10. Vazirlar Mahkamasining “Isteʼmol va texnik etil spirti, alkogol va tamaki mahsulotlari muomalasini tartibga solish sohasidagi normativ-huquqiy hujjatlarni tasdiqlash toʻgʻrisida” 2021-yil 11-oktabrdagi 634-son qarorida :

a) 1-ilovada :

15-bandda :

birinchi xatboshidagi “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda — Agentlik)ning” soʻzlari “Alkogol va tamaki bozorini tartibga solish inspeksiyasining (keyingi oʻrinlarda — Inspeksiya)” soʻzlari bilan almashtirilsin;

ikkinchi xatboshidagi “Agentlikning” soʻzi “Inspeksiyaning” soʻzi bilan almashtirilsin;

toʻrtinchi xatboshidagi “Agentlik” soʻzi “Inspeksiya” soʻzi bilan almashtirilsin;

16-banddagi “Agentlikda” soʻzi “Inspeksiyada” soʻzi bilan almashtirilsin;

b) 2-ilovada :

1-band quyidagi tahrirda bayon etilsin:

“1. Ushbu Nizom chakana savdo hamda umumiy ovqatlanish korxonalarida alkogol va tamaki mahsulotlarining nazorat xaridini amalga oshirish, ularning vakolatli organlar bilan texnik reglamentlar talablariga muvofiqligini aniqlash maqsadida ekspertizadan oʻtkazish, shuningdek, mazkur xarajatlarni Alkogol va tamaki bozorini tartibga solish inspeksiyasining (keyingi oʻrinlarda — Inspeksiya) budjetdan tashqari jamgʻarmasi hisobidan qoplash tartibini belgilaydi”;

2-bandning ikkinchi , uchinchi va toʻrtinchi xatboshilaridagi “texnik jihatdan tartibga solish sohasidagi normativ hujjatlar” soʻzlari “texnik reglamentlar” soʻzlari bilan almashtirilsin;

3-banddagi “Agentlik” soʻzi “Inspeksiya” soʻzi bilan almashtirilsin;

4-bandning ikkinchi xatboshisi quyidagi tahrirda bayon etilsin:

“4. Inspeksiya boshligʻi tomonidan tasdiqlanadigan hamda Inspeksiyaning rasmiy veb-saytiga joylashtiriladigan nazorat xaridini amalga oshirish rejasi”;

5-band quyidagi tahrirda bayon etilsin:

“5. Nazorat xaridini amalga oshirish rejasi Inspeksiya tomonidan har yili shakllantiriladi va Inspeksiya boshligʻi tomonidan tasdiqlanadi hamda ushbu rejaga Inspeksiya tomonidan oʻzgartirish va qoʻshimchalar kiritilishi mumkin”;

7-band quyidagi tahrirda bayon etilsin:

“7. Nazorat xaridi va mahsulotlarni ekspertizadan (testdan) oʻtkazish Inspeksiya tomonidan qonuniylik, oshkoralik, xolislik, adolatlilik, tenglik va shaffoflik prinsiplariga asoslangan holda amalga oshiriladi”;

8-banddagi “Agentlik direktori” soʻzlari “Inspeksiya boshligʻi” soʻzlari bilan almashtirilsin;

9-bandning ikkinchi xatboshisidagi “Agentlikning” soʻzi “Inspeksiyaning” soʻzi bilan almashtirilsin;

10-banddagi , 12-bandning birinchi xatboshisidagi , 14-bandning birinchi xatboshisidagi , 18-bandning birinchi xatboshisidagi “Agentlik” soʻzi “Inspeksiya” soʻzi bilan almashtirilsin;

20-bandda :

birinchi xatboshidagi “Agentlik” soʻzi “Inspeksiya” soʻzi bilan almashtirilsin;

toʻrtinchi xatboshidagi “texnik jihatdan tartibga solish sohasidagi normativ hujjatlar” soʻzlari “texnik reglamentlar” soʻzlari bilan almashtirilsin;

24 , 25 , 28 , 29-bandlardagi “Agentlik” soʻzi tegishlicha “Inspeksiya” soʻzi bilan almashtirilsin;

30-band quyidagi tahrirda bayon etilsin:

“30. Ekspertiza (test) natijalari boʻyicha savdo qoidalariga, mahsulot texnik reglamentlar talabiga muvofiq boʻlmagan holatlar aniqlanganda, Inspeksiya tomonidan tegishli hujjatlar vakolatli organlarga taqdim etiladi hamda ular tomonidan aybdor shaxslarga nisbatan qonunchilik hujjatlariga muvofiq choralar qoʻllaniladi”;

31-banddagi “Agentlikning Vinochilikni rivojlantirish” soʻzlari “Inspeksiyaning budjetdan tashqari” soʻzlari bilan almashtirilsin;

32-bandda :

birinchi xatboshi kuyidagi tahrirda bayon etilsin:

“Inspeksiya rahbarining nazorat xaridini amalga oshirish toʻgʻrisidagi buyrugʻi bilan tasdiqlangan xodimlarga nazorat xaridi xarajatlari uni tasdiqlovchi hujjatlarga asosan Inspeksiyaning budjetdan tashqari jamgʻarmasi mablagʻlari hisobidan toʻliq qoplab beriladi”;

uchinchi xatboshidagi “Agentlikning” soʻzi “Inspeksiyaning” soʻzi bilan almashtirilsin;

33-banddagi “Agentlikning” soʻzi “Inspeksiyaning” soʻzi bilan almashtirilsin;

34 va 37-bandlardagi tegishli kelishikdagi “Agentlik” soʻzi “Inspeksiya” soʻzi bilan almashtirilsin;

2-ilovaga ilovada :

“Subyektlar” ustunidagi “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi” va “direktori” soʻzlari tegishlicha “Alkogol va tamaki bozorini tartibga solish inspeksiyasi” va “boshligʻi” soʻzlari bilan almashtirilsin;

“Tadbirlar” ustuni 5-bosqichdagi “texnik jihatdan tartibga solish sohasidagi normativ hujjatlar” soʻzlari “texnik reglamentlar” soʻzlari bilan almashtirilsin.

11. Vazirlar Mahkamasining 2022-yil 21-fevraldagi 80-son qarori bilan tasdiqlangan Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomda :

a) 7-ilova quyidagi tahrirda bayon etilsin:

“Isteʼmol va texnik etil spirti, alkogol mahsulotlari ishlab chiqarish faoliyatini litsenziyalash

1. Litsenziya nomi: isteʼmol va texnik etil spirti, alkogol mahsulotlari ishlab chiqarish uchun litsenziya 2. Litsenziyalanadigan faoliyatning kichik turlari: a) rektifikatlangan isteʼmol etil spirtini, shu jumladan, uzum, rezavor meva, shuningdek, vino spirtini, uzum va rezavor mevadan tayyorlangan spirt xomashyosini ishlab chiqarish; b) texnik etil spirtini, efiroaldegidli fraksiyani (etil spirtining bosh fraksiyasini) ishlab chiqarish; v) uzum, vino, konyak, viski, rom, rezavor meva va kalvados distillyatini ishlab chiqarish; g) aroq, shu jumladan, uzum va meva arogʻini, shuningdek, likyor-aroq mahsulotlarini ishlab chiqarish; d) konyak, konyak ichimligini, brendi, viski, rom, kalvadosni ishlab chiqarish; e) uzum va rezavor meva vinosini, koʻpiklanadigan va gazli vinoni ishlab chiqarish, bundan tabiiy vinolar va pivo ishlab chiqarish mustasno; j) oʻtkirligi 7,0 foizdan 22 foizgacha boʻlgan vino ichimliklarini ishlab chiqarish; z) uzum va rezavor mevadan tayyorlangan vino materiallarini ishlab chiqarish. 3. Ariza beruvchilar toifasi: yuridik shaxslar — Oʻzbekiston Respublikasining soliq rezidentlari 4. Litsenziyalovchi organ: Alkogol va tamaki bozorini tartibga solish inspeksiyasi 5. Litsenziyani olish uchun taqdim qilinadigan hujjatlar: a) ariza; arizada quyidagi maʼlumotlar koʻrsatiladi: yuridik shaxsning nomi va tashkiliy-huquqiy shakli, uning pochta manzili, STIR, faoliyatni amalga oshirish joyi, bank muassasasining nomi va bank hisobvaragʻi, telefon raqami, elektron pochta manzili (agar mavjud boʻlsa), litsenziya toifalari boʻyicha tanlash, ombor binolarining joylashgan joyi, ishlab chiqariladigan mahsulot turining nomi, ariza toʻldirish sababi (yangi litsenziya olish, qayta rasmiylashtirish), litsenziya talabgorining litsenziya talablari va shartlariga rioya qilishga roziligi; b) ishlab chiqarish obyektining pasporti. 6. Arizani koʻrib chiqish uchun toʻlanadigan yigim miqdori: bazaviy hisoblash miqdorining 4 baravari 7. Litsenziya berilganligi uchun davlat boji miqdori: yillik litsenziya toʻlovlari: a) rektifikatlangan isteʼmol etil spirti ishlab chiqarish uchun — bazaviy hisoblash miqdorining 100 baravari miqdorida; b) texnik etil spirti, efiraldegidli fraksiya (etil spirtning bosh fraksiyasi) ishlab chiqarish uchun — bazaviy hisoblash miqdorining 25 baravari miqdorida; v) isteʼmol etil spirtidan aroq va likyor-aroq ishlab chiqarish uchun — bazaviy hisoblash miqdorining 250 baravari miqdorida; g) oʻtkirligi 7,0 dan 22,0 foizgacha boʻlgan vino ichimliklari ishlab chiqarish uchun-bazaviy hisoblash miqdorining 250 baravari miqdorida; d) uzum va meva arogʻi, uzum va rezavor meva vinosi, konyak, konyak ichimliklari, brendi, viski, rom, kalvados ishlab chiqarish uchun — bazaviy hisoblash miqdorining 100 baravari miqdorida; e) uzum va rezavor meva spirti, vino spirti, uzumdan va rezavor mevadan tayyorlangan spirt xomashyosi, uzumli, vinoli, konyakli, viskili, romli, rezavor mevali va kalvadosli distillyat, koʻpiklanadigan va gazlangan vino ishlab chiqarish uchun — bazaviy hisoblash miqdorining 50 baravari miqdorida; j) uzum va rezavor mevadan vino materiallari ishlab chiqarish uchun — bazaviy hisoblash miqdorining 25 baravari miqdorida. Yillik litsenziya toʻlovidan tushadigan mablagʻlar Alkogol va tamaki bozorini tartibga solish inspeksiyasining budjetdan tashqari jamgʻarmasiga kirim qilinadi. 8. Arizani koʻrib chiqish muddatlari: 15 ish kuni 9. Litsenziya talablari va shartlari: a) isteʼmol va texnik etil spirti, alkogol mahsulotlari ishlab chiqarishda (shu jumladan, saqlanishi va aylanmasiga rioya qilish) qonunchilikka va texnik jihatdan tartibga solish sohasidagi normativ hujjatlarga qatʼiy rioya qilish; b) ishlab chiqarish xavfsizligini, mehnatni muhofaza qilish va texnika xavfsizligini, yongʻin xavfsizligi, ishlab chiqarish sanitariyasi va ekologiya talablari va normalariga rioya etish; v) lizensiyalanadigan faoliyatni amalga oshirish uchun amaldagi qonunchilik hujjatlarida nazarda tutilgan muvofiqlikni tasdiqlovchi hujjatlar, gigiyenik xulosalar va boshqa tegishli hujjatlarning mavjudligi; g) har bir mahsulot turi uchun texnik jihatdan tartibga solish sohasidagi normativ hujjatlar talablariga muvofiq ishlab chiqilgan va Alkogol va tamaki bozorini tartibga solish inspeksiyasi tomonidan tasdiqlangan, shuningdek, Oʻzbekiston Respublikasi Sogʻliqni saqlash vazirligi bilan kelishilgan texnologik yoʻriqnomalarning mavjudligi; d) spirt va alkogol mahsulotlari ishlab chiqarish sohasida tegishli malakaga ega boʻlgan kamida ikki nafar mutaxassisning mavjudligi; e) zarur asbob-uskunalar, priborlar, kimyoviy reaktivlar va texnik jihatdan tartibga solish sohasidagi normativ hujjatlar bilan jihozlangan, texnik jihatdan tartibga solish sohasidagi normativ hujjatlarda nazarda tutilgan barcha zarur fizik-kimyoviy, mikrobiologik va boshqa koʻrsatkichlarni tahlil qilish imkonini beruvchi ishlab chiqarish laboratoriyalari mavjudligi;* j) ishlab chiqariladigan mahsulotning texnik jihatdan tartibga solish sohasidagi normativ hujjatlar talablariga muvofiqligi boʻyicha isteʼmol etil spirti va alkogol mahsulotlarining organoleptik xususiyatlarini aniqlash boʻyicha degustatsiya komissiyasiga har chorakda mahsulot namunalarini taqdim etish; z) “Asl belgisi” mahsulotlarni markirovkalash va kuzatib borish milliy axborot tizimi hamda isteʼmol va texnik etil spirti, alkogol va tamaki mahsulotlari ishlab chiqarish va ularning aylanmasi hajmini hisobga olish axborot tizimini joriy etish va foydalanish, shuningdek, elektron shakldagi hisobvaraq-fakturadan foydalanish; i) qonunchilik hujjatlari talablariga muvofiq etil spirti va alkogol mahsulotlari savdosi qoidalariga rioya qilish; k) isteʼmol va texnik etil spirti ishlab chiqaruvchi tashkilotlarda alkogol mahsulotlari ishlab chiqarishga yoʻl qoʻymaslik;* l) rektifikatlangan isteʼmol etil spirti ishlab chiqaruvchi tashkilotlarda Alkogol va tamaki bozorini tartibga solish inspeksiyasining etil spirti sifatini aniqlash laboratoriyasining mavjudligi; m) aroq hamda isteʼmol etil spirtidan (uzum va rezavor meva etil spirtidan tashqari) aroq va likyor-aroq mahsulotlari ishlab chiqarish boʻyicha mavjud yillik ishlab chiqarish quvvatlaridan kelib chiqib, yarim yil yakunlari boʻyicha ishlab chiqarish quvvatlaridan foydalanish koʻrsatkichi 60 foizidan kam boʻlmagan miqdorda foydalanilishini taʼminlash. Bunda yillik ishlab chiqarish hajmi absolyut alkogolga qayta hisoblaganda kamida 100 ming dekalitrni tashkil qilishi lozim; n) aroq ishlab chiqarmaydigan tashkilotlarda isteʼmol etil spirtidan (uzum va rezavor meva etil spirtidan tashqari) likyor-aroq mahsulotlari ishlab chiqarish boʻyicha mavjud yillik ishlab chiqarish quvvatlaridan oʻrnatilgan quvvatlarning 50 foizidan kam boʻlmagan miqdorda foydalanilishini taʼminlash; o) aroq va (yoki) likyor-aroq mahsulotlari ishlab chiqaruvchilar tomonidan uch yil ichida oʻzining texnik uzum navlari plantatsiyalarini bir tekis yaratilishi va kelgusida vino materiallari va (yoki) vino ishlab chiqarishni tashkil qilish. Bunda texnik uzum navlari ekilganidan keyingi uch yildan soʻng texnik uzum navlari plantatsiyalarining maydoni aroq va (yoki) likyor-aroq mahsulotlarini yillik ishlab chiqarish hajmining 75 foiziga mutanosib keladigan vino materiallari va (yoki) vino ishlab chiqarish uchun zarur boʻlgan hosilni yigʻish imkonini berishi kerak; p) vino-konyak mahsulotlarini saqlash va yetiltirish uchun eman bochkalari mavjud boʻlgan tashkilotlar tomonidan tabiiy vino, vino materiallar va konyak spirtlari ishlab chiqarish hamda uzumni qayta ishlash faoliyatini amalga oshirish; r) tashkilotlar tomonidan doimiy ravishda ustav fondining quyidagi miqdori taʼminlanishi: isteʼmol etil spirti va aroq ishlab chiqaruvchi tashkilotlar uchun bazaviy hisoblash miqdorining 10 000 baravari miqdorida va undan ortiq; boshqa alkogol mahsulotlari ishlab chiqaruvchilar (uzum va mevalarni birlamchi qayta ishlash tashkilotlari bundan mustasno) uchun bazaviy hisoblash miqdorining 1 000 baravari miqdorida va undan ortiq; s) barcha isteʼmol va texnik etil spirti ishlab chiqarish hamda alkogol mahsulotlarini quyish liniyalarida yigʻma hisobga olish maʼlumotlari koʻrsatkichlarini tegishli himoyalash vositasiga ega boʻlgan tayyor mahsulotlarni elektron hisoblagichlarning mavjud boʻlishi; t) real vaqt rejimida avtomatlashtirilgan kuzatish tizimi (GPS) bilan jihozlangan hamda isteʼmol va texnik etil spirti, alkogol va tamaki mahsulotlarini ishlab chiqarish va ularning aylanmasi hajmini hisobga olish axborot tizimiga integratsiya qilingan elektron hisoblagich oʻrnatilgan hamda elektron hisobvaraq-faktura, tovar-transport yuk xati mavjud avtotransport vositalari orqali isteʼmol va texnik etil spirtini yuklash va tashish; u) alkogol mahsulotlariga nisbatan roʻyxatdan oʻtkazilgan tovar belgilarini qoʻllash va (yoki) patentlangan sanoat namunalaridan foydalanish, shu jumladan, tegishli litsenziya shartnomalari asosida;* f) yillik litsenziya toʻlovlarini, shuningdek, soliqlar va boshqa majburiy toʻlovlarni oʻz vaqtida toʻlash boʻyicha qonunchilikda belgilangan talablarga rioya qilish;* x) alkogol mahsulotlari ishlab chiqarishda va ularning savdosida sifat talablariga, shuningdek, aksiz markalarini qoʻllash hamda identifikatsiya vositalari orqali majburiy raqamli markirovkalash tartiblariga rioya etish;* s) alkogol mahsulotlarini ishlab chiqarish jarayonlarini monitoring va nazorat qilish imkonini beruvchi videokuzatuv vositalarini oʻrnatish;* ch) isteʼmol va texnik etil spirti, alkogol mahsulotlari ulgurji realizatsiyasiga oid shartnomalar soliq organlarida majburiy hisobga qoʻyish; sh) alkogol mahsulotining asosiy ishlab chiqarish uskunalarini hamda uning mulkdorlarini vakolatli davlat organida majburiy roʻyxatdan oʻtkazish. 10. Litsenziya berishda kelishiladigan organlar: a) ishlab chiqarish va saqlash inshootlarining, shuningdek, texnologik uskunalarning qonunchilikda belgilangan sanitariya-gigiyena talablariga muvofiqligi toʻgʻrisida Sanitariya-epidemiologik osoyishtalik va jamoat salomatligi qoʻmitasi hududiy boshqarmalarining xulosasi; b) ishlab chiqarishning qonunchilikda belgilangan mehnatni muhofaza qilish va texnika xavfsizligi talablariga muvofiqligi toʻgʻrisida Oʻzbekiston Respublikasi Kambagʻallikni qisqartirish va bandlik vazirligining hududiy boshqarmalari xulosasi; v) ishlab chiqarishning, ishlab chiqarish va saqlash binolarining qonunchilikda belgilangan yongʻin xavfsizligi talablariga muvofiqligi toʻgʻrisida davlat yongʻin nazorati organining xulosasi; g) Oʻzbekiston texnik jihatdan tartibga solish agentligining ishlab chiqariladigan mahsulotning sifati va xavfsizligini nazorat qilish uchun zarur boʻlgan texnik tartibga solish sohasidagi normativ hujjatlar hamda oʻlchash jihozlari bilan taʼminlanganligi toʻgʻrisidagi xulosasi; 11. Litsenziyaning amal qilish muddati: cheklanmagan 12. Izoh. Xorijiy isteʼmol etil spirtidan foydalangan holda alkogol mahsulotlari ishlab chiqarishga yoʻl qoʻyilmaydi. * Qoʻpol ravishda buzish deb hisoblanadigan talab va shartlar. Litsenziyalovchi organ litsenziat tomonidan faoliyatni amalga oshirishda litsenziya talablariga rioya qilinmaganda jarima koʻrinishida quyidagi moliyaviy sanksiyalarni qoʻllaydi: a) aroq, shuningdek, isteʼmol etil spirtidan aroq va likyor-aroq mahsulotlarini ishlab chiqarishda mavjud ishlab chiqarish quvvatlaridan foydalanish koʻrsatkichi har yarim yil yakunlari boʻyicha 60 foizdan kam boʻlganda, belgilangan 60 foizning bajarilmagan qismiga aksiz soligʻi summasining 50 foizi miqdorida. Bunda har yarim yillik yakunlari boʻyicha mavjud ishlab chiqarish quvvatlaridan foydalanish koʻrsatkichi 60 foizdan koʻp boʻlganda va aksiz soligʻi toʻliq toʻlangan taqdirda, undirilgan moliyaviy jarima summalari korxonaga qaytarib beriladi; b) aroq ishlab chiqarmaydigan tashkilotlarda isteʼmol etil spirtidan likyor-aroq mahsulotlari ishlab chiqarish boʻyicha mavjud yillik ishlab chiqarish quvvatlari quyidagidan kam boʻlmagan miqdorda ishlatilishini taʼminlamaslik: 50 foizdan — bazaviy hisoblash miqdorining 150 baravari miqdorida; 30 foizdan — bazaviy hisoblash miqdorining 250 baravari miqdorida; v) boshqa turdagi spirtdan (rektifikatlangan isteʼmol etil spirti, konyak distillyati va meva, uzumdan rektifikatlangan etil spirtidan tashqari) foydalangan holda alkogol mahsulotlari ishlab chiqarish, shuningdek, xorijiy etil spirtidan foydalangan holda alkogol mahsulotlari ishlab chiqarish — ishlab chiqarilgan mahsulot bahosining (ulgurji narxlarda) 200 foizi miqdorida, biroq bazaviy hisoblash miqdorining 150 baravaridan kam boʻlmagan miqdorda; g) etil spirti va alkogol mahsulotlarini litsenziya olish chogʻida arizada kiritilmagan saqlash joylarida saqlash — bunday saqlash joylarida boʻlgan mahsulot qiymatining 100 foizi miqdorida, biroq bazaviy hisoblash miqdorining 150 baravaridan kam boʻlmagan miqdorda; d) tashkilotlar tomonidan alkogol mahsulotlarini bunday mahsulotga belgilangan eng kam ulgurji narxlardan past narxlarda sotish: alkogol mahsulotlarini (pivodan tashqari) ishlab chiqaruvchi tashkilot tomonidan qonunchilik hujjatlarida belgilangan minimal ulgurji-sotish narxlaridan past narxlarda sotilgan qiymatning 20 foizi miqdorida, biroq bazaviy hisoblash miqdorining 100 baravaridan kam boʻlmagan miqdorda; jarima qoʻllanilgandan keyin bir yil mobaynida aynan oʻsha qoida buzish takroran aniqlanganda — alkogol mahsulotlarini (pivodan tashqari) ishlab chiqargan tashkilot tomonidan qonunchilik hujjatlarida belgilangan minimal ulgurji-sotish narxlaridan past narxlarda sotilgan qiymatning 50 foizi miqdorida, biroq bazaviy hisoblash miqdorining 200 baravaridan kam boʻlmagan miqdorda; e) isteʼmol etil spirtini 50 foizlik oldindan toʻlovsiz sotish-olib chiqib ketilgan yoki tashiladigan mahsulotning 50 foizi qiymati, biroq bazaviy hisoblash miqdorining 150 baravaridan kam boʻlmagan miqdorda; j) alkogol mahsulotini (pivo mahsuloti, koʻpiklanadigan va tabiiy vinodan tashqari) alkogol mahsulotlarining ulgurji savdosini amalga oshirish boʻyicha litsenziyaga ega boʻlmagan shaxsga sotish — olib chiqib ketilgan yoki tashiladigan mahsulotning 100 foizi qiymati, biroq bazaviy hisoblash miqdorining 50 baravaridan kam boʻlmagan miqdorda; z) isteʼmol va texnik etil spirti, alkogol va tamaki mahsulotlarini ishlab chiqarish va ularning aylanmasi hajmini hisobga olish axborot tizimi hisobiga kiritmasdan ishlab chiqarish va (yoki) muomalaga chiqarish — bazaviy hisoblash miqdorining 50 baravari miqdorida; i) isteʼmol va texnik etil spirti, alkogol va tamaki mahsulotlarini ishlab chiqarish va ularning aylanmasi hajmini hisobga olish axborot tizimiga ishlab chiqarilgan va (yoki) muomalaga chiqarilgan isteʼmol etil spirti, alkogol mahsuloti hajmlari toʻgʻrisidagi maʼlumotlarni taqdim etmaslik yoki oʻz vaqtida taqdim etmaslik yoxud ishonchli boʻlmagan maʼlumotlarni taqdim etish — bazaviy hisoblash miqdorining 50 baravari miqdorida; y) boshqa litsenziya talablarining bajarilmasligi — bazaviy hisoblash miqdorining 50 baravari miqdorida; k) alkogol mahsulotlarini aksiz markalarisiz yoki soxta aksiz markalari bilan ishlab chiqarish — bazaviy hisoblash miqdorining 200 baravari miqdorda. Noqonuniy ishlab chiqarish, aksiz markasiz, raqamli markirovkasiz yoki sifatsiz alkogol mahsulotlarini ishlab chiqarish holatlari aniqlanganda ishlab chiqarish uskunalari davlat foydasiga oʻtkaziladi. Isteʼmol va texnik etil spirtini masofaviy onlayn kuzatish (GPS) tizimi oʻrnatilmagan, elektron hisobvaraq-fakturasiz, tovar-transport yuk xatisiz hamda belgilangan talablarga javob bermaydigan transport vositalariga yuklash va tashish holatlari litsenziya talablarini buzish deb baholanib, litsenziyaning amal qilishini 10 kun muddatga toʻxtatib turishga asos boʻladi. Bunda ushbu bandda nazarda tutilgan litsenziya talablari bir yil ichida takroran buzilgan taqdirda, bazaviy hisoblash miqdorining 500 baravari miqdorida moliyaviy jarima qoʻllaniladi. Litsenziya talablari va shartlarini buzganlik uchun toʻlanadigan jarimalar Oʻzbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamenti qoshidagi Alkogol va tamaki bozorini tartibga solish inspeksiyasining budjetdan tashqari jamgʻarmasiga kirim qilinadi. ”;

b) 8-ilova quyidagi tahrirda bayon etilsin:

“Alkogol mahsulotlarining ulgurji savdosi (tabiiy va koʻpiklanadigan vinolar, pivo va pivo ichimliklari bundan mustasno) faoliyatini litsenziyalash

1. Litsenziya nomi: alkogol mahsulotlarining ulgurji savdosi (bundan tabiiy va koʻpiklanadigan vinolar, pivo va pivo ichimliklari mustasno) boʻyicha faoliyat uchun litsenziya 2. Litsenziyalanadigan faoliyatning kichik turi: alkogol mahsulotlarining ulgurji savdosi 3. Ariza beruvchilar toifasi: yuridik shaxslar 4. Litsenziyalovchi organ: Alkogol va tamaki bozorini tartibga solish inspeksiyasi 5. Litsenziyani olish uchun taqdim qilinadigan hujjatlar: a) ariza; arizada quyidagi maʼlumotlar koʻrsatiladi: yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bank hisobvaragʻi, STIR, telefon raqami, elektron pochta manzili (agar mavjud boʻlsa), alkogol mahsulotlarining ulgurji savdosini amalga oshirishga ombor binolarning yuridik manzillari, litsenziya toifalari boʻyicha tanlash, ariza toʻldirish sababi (yangi litsenziya olish, qayta rasmiylashtirish), litsenziya talabgorining litsenziya talablari va shartlariga rioya qilishga roziligi; b) alkogol mahsulotlarini saqlash, qabul qilish va tarqatish uchun moʻljallangan binoga nisbatan mulk huquqini yoki boshqa ashyoviy huquqlarni tasdiqlovchi hujjat yoki ijara shartnomasining nusxasi; v) shakllantirilgan ustav fondi miqdori toʻgʻrisida dalolat beruvchi hujjat nusxasi. 6. Arizani koʻrib chiqish uchun toʻlanadigan yigʻim miqdori: bazaviy hisoblash miqdorining 5 baravari miqdorida 7. Litsenziya berilganligi uchun davlat boji miqdori: litsenziya berganlik uchun bazaviy hisoblash miqdorining 200 baravari miqdorida yillik litsenziya toʻlovi undiriladi. Yillik litsenziya toʻlovidan tushadigan mablagʻlar Alkogol va tamaki bozorini tartibga solish inspeksiyasining budjetdan tashqari jamgʻarmasiga kirim qilinadi. Navbatdagi yil uchun yillik litsenziya toʻlovi litsenziyadan foydalanishning keyingi yili boshlanishidan kamida 30 kun oldin toʻlanadi. 8. Arizani koʻrib chiqish muddatlari: 4 ish kuni 9. Litsenziya talablari va shartlari: a) alkogol mahsulotlarini saqlash, qabul qilish va tarqatishni texnik jihatdan tartibga solish sohasidagi normativ hujjatlarga qatʼiy rioya qilish; b) alkogol mahsulotlarini saqlash, qabul qilish va tarqatish uchun moʻljallangan va belgilangan talablarga javob beradigan binoga egalik qilish (oʻz mulkida boʻlishi, xoʻjalik yuritishida, operativ boshqaruvida boʻlishi yoki ijaraga olgan boʻlishi); v)Alkogol va tamaki bozorini tartibga solish inspeksiyasining isteʼmol va texnik etil spirti, alkogol va tamaki mahsulotlarini ishlab chiqarish va ularning aylanmasi hajmini hisobga olish axborot tizimini ishlatish; g) Vazirlar Mahkamasi huzuridagi Soliq qoʻmitasining axborot tizimiga integratsiyalashgan elektron hisobvaraq-fakturadan foydalanish hamda alkogol mahsulotlari ulgurji realizatsiyasiga oid shartnomalarni soliq organlarida majburiy hisobga qoʻyish; d) alkogol mahsulotlarini olib kirish hamda sotishga doir cheklovlarga rioya qilish, shuningdek, yillik litsenziya toʻlovini toʻlash; e) ustav fondini bazaviy hisoblash miqdorining 1 000 baravaridan kam boʻlmagan miqdorda mablagʻ koʻrinishida shakllantirish; j) alkogol mahsulotlarining chakana savdosi bilan shugʻullanishga va (yoki) umumiy ovqatlanish korxonalari orqali chakana sotish uchun xabarnomalar reyestriga kiritilmagan yuridik shaxslarga sotishga yoʻl qoʻymaslik, mahalliy pivo mahsulotlari, koʻpiklanadigan va tabiiy vinolar bundan mustasno;* z) alkogol mahsulotlariga aksiz markalarini qoʻllash tartiblariga hamda identifikatsiya vositalari orqali majburiy raqamli markirovkalash tartiblariga rioya etish;* i) alkogol mahsulotlari ishlab chiqarish faoliyati uchun litsenziyaga ega boʻlgan mahalliy ishlab chiqaruvchilar tomonidan ishlab chiqarilgan alkogol mahsulotlarini (tabiiy vinolar bundan mustasno) saqlash va sotish, import qilingan alkogol mahsulotlarini saqlash va sotish bundan mustasno;* k) sifatsiz va kirim qilinmagan mahsulotlar savdosiga yoʻl qoʻymaslik.* 10. Litsenziya berishda kelishiladigan organlar: omborning sanitariya qoidalari va normalariga muvofiqligi toʻgʻrisida tuman (shahar) sanitariya-epidemiologiya xizmati organining xulosasi (2 ish kuni); ombor inshootlarining qonunchilikda belgilangan yongʻin xavfsizligi talablariga muvofiqligi toʻgʻrisida tuman (shahar) favqulodda vaziyatlar boʻlimlarining xulosasi (2 ish kuni). 11. Litsenziyaning amal qilish muddati: cheklanmagan 12. Izoh. Alkogol mahsulotlarining ulgurji savdosi faoliyatini isteʼmol va texnik etil spirti, alkogol mahsulotlarini ishlab chiqarish hududida amalga oshirishga yoʻl qoʻyilmaydi. Litsenziya talablari va shartlari buzilganda litsenziatga quyidagi miqdorlarda moliyaviy jarima qoʻllaniladi: a) alkogol mahsulotlarini litsenziya olish chogʻida arizaga kiritilmagan joylarda saqlash uchun — shunday joyda saqlangan tovar qiymatining 100 foizi, ammo bazaviy hisoblash miqdorining 100 baravaridan kam boʻlmagan miqdorda; b) isteʼmol va texnik etil spirti, alkogol va tamaki mahsulotlarini ishlab chiqarish va ularning aylanmasi hajmini hisobga olish axborot tizimda hamda “Asl belgisi” MATda qayd etmasdan alkogol mahsulotlarini sotish, unga ishonchli boʻlmagan yoki buzib koʻrsatilgan maʼlumotlarni kiritish uchun — bazaviy hisoblash miqdorining 100 baravari miqdorida; v) litsenziya talablarini va shartlarini boshqa tarzda buzganlik uchun (bundan litsenziya talablari va shartlarini bir marta qoʻpol ravishda buzish holatlari mustasno) — bazaviy hisoblash miqdorining 50 baravari miqdorida moliyaviy sanksiyalar qoʻllaniladi. * Qoʻpol ravishda buzish deb hisoblanadigan talab va shartlar. ”;

v) 9-ilova quyidagi tahrirda bayon etilsin:

“Tamaki mahsulotlari ishlab chiqarish faoliyatini litsenziyalash

1. Litsenziya nomi: tamaki mahsulotlari ishlab chiqarish faoliyati uchun litsenziya 2. Litsenziyalanadigan faoliyatning kichik turi: tamaki mahsulotlari (barcha klassdagi sigaretlar, papiroslar, sigaralar va sigarillalar)ni sanoat asosida ishlab chiqarish 3. Ariza beruvchilar toifasi: yuridik shaxslar 4. Litsenziyalovchi organ: Alkogol va tamaki bozorini tartibga solish inspeksiyasi 5. Litsenziyani olish uchun taqdim qilinadigan hujjatlar: a) ariza; arizada quyidagi maʼlumotlar koʻrsatiladi: yuridik shaxsning nomi va tashkiliy-huquqiy shakli, uning pochta manzili, faoliyatni amalga oshirish joyi, bank muassasasining nomi va bankdagi hisobvaragʻi, telefon raqami, STIR, elektron pochta manzili (agar mavjud boʻlsa), ariza toʻldirish sababi (yangi litsenziya olish, qayta rasmiylashtirish), litsenziya talabgorining litsenziya talablari va shartlariga rioya qilishga roziligi; b) quyidagilar toʻgʻrisidagi maʼlumotlarni oʻz ichiga oluvchi ishlab chiqarish obyektining pasporti: ishlab chiqarish obyektining bosh rejasi, shuningdek, ishlab chiqarish sikli va muhandislik-texnik kommunikatsiyalarining joylashishi toʻgʻrisidagi hujjatlar; uskunaning ishlab chiqarilgan yili, ishlab chiqaruvchisi va ishlab chiqarilgan mamlakat; uskunaning texnik holati va oʻrnatilgan ishlab chiqarish quvvatlari. 6. Arizani koʻrib chiqish uchun toʻlanadigan yigim miqdori: bazaviy hisoblash miqdorining 4 baravari miqdori 7. Litsenziya berilganligi uchun davlat boji miqdori: bazaviy hisoblash miqdorining 200 baravari miqdori 8. Arizani koʻrib chiqish muddatlari: 10 ish kuni 9. Litsenziya talablari va shartlari: a) tamaki mahsulotlari ishlab chiqarish sohasidagi Oʻzbekiston Respublikasi qonunchilik hujjatlariga, texnik reglamentlarga majburiy rioya qilish; b) ishlab chiqarishning toʻliq texnologik jarayoniga rioya qilish — binolar yaxlitligi, xom ashyoni pirovard isteʼmolchiga sotish uchun tayyor mahsulot etib qayta ishlashni taʼminlovchi texnologik asbob-uskunalarning mavjudligi; v)tamaki mahsulotlari ishlab chiqarishni texnik nazorat qilish boʻyicha Oʻzbekiston texnik jihatdan tartibga solish agentligi organlari tomonidan akkreditatsiya qilingan laboratoriyalarning mavjudligi; g) tamaki mahsulotlari ishlab chiqarishda texnika xavfsizligini, yongʻin xavfsizligi, ishlab chiqarish sanitariyasi va ekologiya talablari va normalarini taʼminlash; d) roʻyxatdan oʻtkazilgan (patentlangan) tovar belgilarining mavjudligi; e) mahsulotning har bir turi boʻyicha texnik reglamentlar talablariga muvofiq ishlab chiqilgan texnologik yoʻriqnomalarning mavjud boʻlishi; j) ishlab chiqarilayotgan tamaki mahsulotlarini Oʻzbekiston Respublikasi qonunchilik hujjatlarida belgilangan tartibda aksiz markalari bilan markalash uchun asbob-uskunalarning mavjud boʻlishi;* z) tamaki mahsulotlarini ishlab chiqarishda texnik jihatdan tartibga solish sohasidagi normativ hujjatlarda belgilangan talablariga muvofiqligini tasdiqlovchi hujjatlarga ega boʻlgan, shu jumladan, import qilingan tamaki xom ashyosidan foydalanish. Mahalliy qishloq xoʻjaligi mahsulotlari ishlab chiqaruvchilardan tamaki xomashyosini sotib olish miqdorini tamaki mahsulotlari ishlab chiqarishda foydalaniladigan umumiy yillik hajmning 20 foizidan kam boʻlmasligi lozim. Bunda mahalliy qishloq xoʻjaligi mahsulotlari ishlab chiqaruvchilardan sotib olingan tamaki xom ashyosini ishlab chiqarishda foydalanish talabgor tomonidan mustaqil hal qilinadi. Mahalliy qishloq xoʻjaligi mahsulotlari ishlab chiqaruvchilardan tamaki xom ashyosi sotib olishga avans berish agrotexnologiya tadbirlarini oʻz vaqtida amalga oshirish uchun kontrakt summasining kamida 50 foizi miqdorida taʼminlanishi kerak; i) tamaki mahsulotlariga aksiz markalarini qoʻllash tartiblariga hamda identifikatsiya vositalari orqali majburiy raqamli markirovkalash tartiblariga rioya etish;* k) tamaki mahsulotlarini raqamli tamgʻalash va kuzatishning axborot tizimlari, tamaki mahsulotlarini ishlab chiqarish hamda aylanishi hajmlarini hisobga olishning axborot tizimlari joriy etilishini va ulardan foydalanilishini;* l) soliq organlarining axborot tizimiga integratsiya qilingan elektron hisobvaraq-fakturalardan foydalanilishini hamda tamaki mahsulotlari ulgurji realizatsiyasiga oid shartnomalarni soliq organlarida elektron tarzda majburiy hisobga qoʻyish. 10. Litsenziya berishda kelishiladigan organlar: Sanitariya-epidemiologik osoyishtalik va jamoat salomatligi qoʻmitasi hududiy boshqarmalarining mahsulotlar, ishlab chiqarish sharoitlari va asbob-uskunalarning sanitariya-gigiyena talablariga muvofiqligi toʻgʻrisidagi xulosasi (5 ish kuni ichida); ishlab chiqarishning yongʻin xavfsizligi talablariga muvofiqligi toʻgʻrisida Favqulodda vaziyatlar vazirligining hududiy boshqarmalarining xulosasi (5 ish kuni ichida). Oʻzbekiston Respublikasi Iqtisodiyot va moliya vazirligining tamaki mahsulotlari ishlab chiqarish boʻyicha taklif qilinayotgan quvvatlarni ishga tushirishning iqtisodiy jihatdan maqsadga muvofiqligi toʻgʻrisidagi xulosasi (5 ish kuni ichida); belgilangan talablarga muvofiq ishlab chiqarish uchun zarur shart-sharoitlarning mavjudligi toʻgʻrisida Oʻzbekiston texnik jihatdan tartibga solish agentligining xulosasi (5 ish kuni ichida). 11. Litsenziyaning amal qilish muddati: cheklanmagan 12. Izoh. *Qoʻpol ravishda buzish deb hisoblanadigan talab va shartlar ”;

12. Vazirlar Mahkamasining 2022-yil 25-fevraldagi 88-son qarori bilan tasdiqlangan Faoliyatni boshlash yoki tugatish uchun vakolatli organni xabardor qilish tartibi toʻgʻrisidagi yagona nizomda :

a) 11-ilovaning 9-pozitsiyasi quyidagi tahrirda bayon etilsin:

“ 9. Xabardor qilish tartibida amalga oshiriladigan faoliyatning talablari va shartlari: a) sogʻliqni saqlash tizimi tashkilotlari, taʼlim tashkilotlari, madaniyat muassasalari, jismoniy tarbiya-sogʻlomlashtirish va sport inshootlari, sanatoriy hamda tibbiy-ijtimoiy muassasalar hududlarida joylashmagan boʻlishi;* b) fiskal xotiraga ega onlayn nazorat-kassa mashinalaridan va (yoki) virtual kassa tizimlaridan, shuningdek, bank plastik kartochkalaridan toʻlovlarni qabul qilish boʻyicha hisob-kitob terminallaridan majburiy foydalanish;* v) elektron hisob-fakturadan majburiy tartibda foydalanishi shart; g) “Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi Oʻzbekiston Respublikasining Qonuni hamda Vazirlar Mahkamasining 2003-yil 13-fevraldagi 75-son qarori bilan tasdiqlangan Oʻzbekiston Respublikasida umumiy ovqatlanish mahsulotlarini (xizmatlarini) ishlab chiqarish va sotish qoidalari talablariga qatʼiy rioya qilish; d) alkogol mahsulotlari sotiladigan joylarda ularning yigirma bir yoshga toʻlmagan shaxslarga sotilishiga yoʻl qoʻyilmasligi, shuningdek alkogol mahsulotlarining inson sogʻligʻiga zararli taʼsiri toʻgʻrisida ogohlantiruvchi yozuvlar joylashtirilgan boʻlishi;* e) alkogol mahsulotlarini qonunchilik hujjatlarida belgilangan eng kam chakana narxlardan past narxlarda sotmaslik; j) alkogol mahsulotlarini sotishda aksiz markalarini qoʻllash (pivo, tabiiy va koʻpiklanadigan vino bundan mustasno) hamda identifikatsiya vositalari orqali majburiy raqamli markirovkalash tartiblariga rioya etish;* ”;

b) 19-ilovaning 9-pozitsiyasi quyidagi tahrirda bayon etilsin:

9. Xabardor qilish tartibida amalga oshiriladigan faoliyatning talablari va shartlari: a) taʼlim, sport va diniy tashkilotlar hududidan toʻgʻri chiziq boʻylab yuz metrdan kam masofada joylashmagan boʻlishi, bundan savdo obyekti umumiy savdo maydoni ming kvadrat metrdan ortiq boʻlgan savdo majmualarining (bozorlarning) hududida va yarmarka pavilyonlarida joylashgan hollar bundan mustasno; b) oʻziga mulk yoki boshqa ashyoviy huquq asosida tegishli boʻlgan yoki ijaraga olingan, alohida kiriladigan savdo zali boʻlgan (faqat alkogol mahsulotlari bilan chakana savdo qilishga moʻljallangan), chekka togʻli tumanlarda — alohida savdo seksiyasi boʻlgan turgʻun shoxobcha boʻlishi; v) sogʻliqni saqlash tizimi tashkilotlari, taʼlim tashkilotlari, madaniyat muassasalari, jismoniy tarbiya-sogʻlomlashtirish va sport inshootlari, sanatoriy hamda tibbiy-ijtimoiy muassasalar hududlarida joylashmagan boʻlish; g) fiskal xotiraga ega onlayn nazorat-kassa mashinalaridan va (yoki) virtual kassa tizimlaridan, shuningdek, bank plastik kartochkalaridan toʻlovlarni qabul qilish boʻyicha hisob-kitob terminallaridan majburiy foydalanish;* d) elektron hisob-fakturadan majburiy tartibda foydalanish; e) qonunchilikda belgilangan alkogol mahsulotlar, bilan chakana savdo qilish huquqi uchun har oylik mahalliy yigʻimni toʻlab borish; j) “Alkogol va tamaki mahsulotlarining tarqatilishi hamda isteʼmol qilinishini cheklash toʻgʻrisida”gi Oʻzbekiston Respublikasining Qonuni hamda Vazirlar Mahkamasining 2003-yil 13-fevraldagi 75-son qarori bilan tasdiqlangan Oʻzbekiston Respublikasida chakana savdo qoidalari talablariga qatʼi rioya qilish; z) alkogol mahsulotlari sotiladigan joylarda ularning yigirma bir yoshga toʻlmagan shaxslarga sotilishiga yoʻl qoʻyilmasligi, shuningdek, alkogol mahsulotlarining inson sogʻligʻiga zararli taʼsiri toʻgʻrisida ogohlantiruvchi yozuvlar joylashtirilgan boʻlishi;* i) alkogol mahsulotlarini qonunchilik hujjatlarida belgilangan eng kam chakana narxlardan past narxlarda sotmaslik; k) alkogol mahsulotlarini sotish aksiz markalarini qoʻllash (pivo, tabiiy va koʻpiklanadigan vino bundan mustasno) hamda identifikatsiya vositalari orqali majburiy raqamli markirovkalash tartiblariga rioya etish;* l) alkogol mahsulotlarini saqlash uchun omborxona boʻlishi; m) shaharlarda — kamida 25 kvadrat metrli, qishloq joylarda — kamida 15 kvadrat metrli (faqat alkogol mahsulotlari sotish uchun moʻljallangan va alohida kirish joyiga ega) savdo zali, uzoq togʻli joylarda — alohida savdo seksiyasi boʻlgan savdo obyektlarida amalga oshirilishi.* ”;

v) 24-ilovada :

4-pozitsiyadagi “Investitsiyalar, sanoat va savdo vazirligi” soʻzlari “Alkogol va tamaki bozorini tartibga solish inspeksiyasi” soʻzlari bilan almashtirilsin;

9-pozitsiyada:

1-bandning “v” kichik bandidagi “Investitsiyalar, sanoat va savdo vazirligi” soʻzlari “Alkogol va tamaki bozorini tartibga solish inspeksiyasi” soʻzlari bilan almashtirilsin;

2-band quyidagi mazmundagi “d” kichik band bilan toʻldirilsin:

“d) identifikatsiya vositalari orqali majburiy raqamli markirovkalash tartiblariga rioya etish.*”;

g) 28-ilovada :

4-pozitsiyadagi “Investitsiyalar, sanoat va savdo vazirligi” soʻzlari “Alkogol va tamaki bozorini tartibga solish inspeksiyasi” soʻzlari bilan almashtirilsin;

9-pozitsiya quyidagi mazmundagi “j” va “k” kichik bandlar bilan toʻldirilsin:

“j) identifikatsiya vositalari orqali majburiy raqamli markirovkalash tartiblariga rioya etish;*

k) soliq qonunchiligi talablariga qatʼiy rioya qilish”.

13. Vazirlar Mahkamasining “Uzumchilik, bogʻdorchilik, issiqxona xoʻjaliklarini yurituvchi va vinochilik mahsulotlarini ishlab chiqaruvchi subyektlarni davlat tomonidan moliyaviy qoʻllab-quvvatlash chora-tadbirlari toʻgʻrisida” 2022-yil 10-iyundagi 327-son qarorida :

a) 1-ilovada :

2-bandning ikkinchi xatboshisidagi “Bogʻdorchilik va issiqxona xoʻjaligini rivojlantirish agentligi qoshidagi Bogʻdorchilik va issiqxona xoʻjaligini rivojlantirish jamgʻarmasidan hamda Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamgʻarmasidan” soʻzlari “Agrosanoatni rivojlantirish agentligi (keyingi oʻrinlarda — Agentlik) huzuridagi Agrosanoatni rivojlantirish va qoʻllab-quvvatlash davlat maqsadli jamgʻarmasidan” soʻzlari bilan almashtirilsin;

5-bandning uchinchi xatboshisidagi “Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish jamgʻarmasi (keyingi oʻrinlarda — Vinochilikni rivojlantirish jamgʻarmasi)” soʻzlari “Qishloq xoʻjaligi vazirligi huzuridagi Agrosanoatni rivojlantirish agentligi huzuridagi Agrosanoatni rivojlantirish va qoʻllab-quvvatlash davlat maqsadli jamgʻarmasi (keyingi oʻrinlarda — Jamgʻarma)” soʻzlari bilan almashtirilsin;

13-bandning birinchi xatboshisi quyidagi tahrirda bayon etilsin:

“13. Talabgor tuman ishchi guruhining ijobiy xulosasini olgandan soʻng Agentlikka yozma yoxud elektron shaklda quyidagi hujjatlarni taqdim qiladi”;

b) 2-ilovada :

2-bandning oltinchi xatboshisi quyidagi tahrirda bayon etilsin:

“ subsidiya — talabgorning tokzorlarda uzum koʻchatlarini shpalerga koʻtarish xarid qilish xarajatlarining bir dona shpaler uchun 15 ming soʻmdan ortiq boʻlmagan miqdorini qoplash uchun tegishlicha Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi (keyingi oʻrinlarda — Agentlik) huzuridagi Agrosanoatni rivojlantirish va qoʻllab-quvvatlash davlat maqsadli jamgʻarmasidan ajratiladigan mablagʻ”;

4-bandning uchinchi xatboshisidagi “Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish” soʻzlari “Qishloq xoʻjaligi vazirligi huzuridagi Agrosanoatni rivojlantirish agentligi huzuridagi Agrosanoatni rivojlantirish va qoʻllab-quvvatlash davlat maqsadli” soʻzlari bilan almashtirilsin;

12-bandning birinchi xatboshisi quyidagi tahrirda bayon etilsin:

“Talabgor subsidiya olish uchun tuman ishchi guruhining ijobiy xulosasini olgandan soʻng Agentlikka yozma yoki elektron shaklda kuyidagi hujjatlarni taqdim qiladi”;

v) 4-ilovada :

2-bandning toʻrtinchi xatboshisidagi “Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda — Agentlik) ning Vinochilikni rivojlantirish” soʻzlari “Qishloq xoʻjaligi vazirligi huzuridagi Agrosanoatni rivojlantirish agentligi huzuridagi (keyingi oʻrinlarda — Agentlik) Agrosanoatni rivojlantirish va qoʻllab-quvvatlash davlat maqsadli” soʻzlari bilan almashtirilsin;

ilovaga 5-ilovaning nomidagi “Alkogol va tamaki bozorini tartibga solish hamda vinochilikni rivojlantirish” soʻzlari “Qishloq xoʻjaligi vazirligi huzuridagi Agrosanoatni rivojlantirish” soʻzlari bilan almashtirilsin;

g) 5-ilovada :

2-bandning toʻrtinchi xatboshisidagi “Alkogol va tamaki bozorini tartibga solish hamda vinochilikni rivojlantirish agentligi (keyingi oʻrinlarda — Agentlik)ning Vinochilikni rivojlantirish” soʻzlari “Qishloq xoʻjaligi vazirligi huzuridagi Agrosanoatni rivojlantirish agentligi (keyingi oʻrinlarda — Agentlik) huzuridagi Agrosanoatni rivojlantirish va qoʻllab-quvvatlash davlat maqsadli” soʻzlari bilan almashtirilsin;

ilovaga 5-ilovaning nomidagi “Alkogol va tamaki bozorini tartibga solish hamda vinochilikni rivojlantirish” soʻzlari “Qishloq xoʻjaligi vazirligi huzuridagi Agrosanoatni rivojlantirish” soʻzlari bilan almashtirilsin.

14. Vazirlar Mahkamasining 2022-yil 28-sentabrdagi 543-son qarori bilan tasdiqlangan Buxoro shahrida “Street Food” gastronomik koʻchasini tashkil etish boʻyicha chora-tadbirlar rejasining 8-pozitsiyasi “Masʼul ijrochilar” ustunidagi “Alkogol va tamaki bozorini tartibga solish hamda vinochilikni rivojlantirish agentligi” soʻzlari “Agrosanoatni rivojlantirish agentligi” soʻzlari bilan almashtirilsin.

15. Vazirlar Mahkamasining “Uzum yetishtiruvchilar va vino mahsulotini ishlab chiqaruvchilar respublika koʻrik-tanlovini oʻtkazish tartibi toʻgʻrisidagi nizomni tasdiqlash haqida” 2022-yil 30-sentabrdagi 557-son qarorida :

a) 1-bandning uchinchi xatboshisidagi “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi” soʻzlari “Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligi (keyingi oʻrinlarda — Agentlik)” soʻzlari bilan almashtirilsin;

b) 2-bandda :

uchinchi xatboshidagi “Alkogol va tamaki bozorini tartibga solish hamda vinochilikni rivojlantirish agentligi” soʻzlari “Agentlik” soʻzi bilan almashtirilsin;

oltinchi xatboshidagi “Alkogol va tamaki bozorini tartibga solish hamda vinochilikni rivojlantirish agentligining Vinochilikni rivojlantirish” soʻzlari “Agentlikning Agrosanoatni rivojlantirish va qoʻllab-quvvatlash davlat maqsadli” soʻzi bilan almashtirilsin;

v) 3-bandning birinchi xatboshisidagi “Alkogol va tamaki bozorini tartibga solish hamda vinochilikni rivojlantirish agentligi” soʻzlari “Agentlik” soʻzi bilan almashtirilsin;

g) ilovada :

3-banddagi “Alkogol va tamaki bozorini tartibga solish hamda vinochilikni rivojlantirish agentligi” soʻzlari “Qishloq xoʻjaligi vazirligi huzuridagi Agrosanoatni rivojlantirish agentligi” soʻzlari bilan almashtirilsin;

ilovaga 2-ilovaning nomidagi “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligiga” soʻzlari “Oʻzbekiston Respublikasi Qishloq xoʻjaligi vazirligi huzuridagi Agrosanoatni rivojlantirish agentligiga” soʻzlari bilan almashtirilsin.

16. Vazirlar Mahkamasining “Tamaki mahsulotlari uchun texnik reglamentni tasdiqlash toʻgʻrisida” 2024-yil 18-maydagi 290-son qarorida :

a) 1-ilovada :

30-banddagi “Investitsiyalar, sanoat va savdo vazirligiga” soʻzlari “Alkogol va tamaki bozorini tartibga solish inspeksiyasiga” soʻzlari bilan almashtirilsin;

1-ilovaga 4-ilovaning 4-bandidagi “investitsiyalar, sanoat va savdo vazirligi” soʻzlari “Alkogol va tamaki bozorini tartibga solish inspeksiyasi” soʻzlari bilan almashtirilsin;

b) 2-ilovaning “Subyekt” ustunidagi “Investitsiyalar, sanoat va savdo vazirligi” soʻzlari tegishlicha “Alkogol va tamaki bozorini tartibga solish inspeksiyasi” soʻzlari bilan almashtirilsin.

Vazirlar Mahkamasining 2025-yil 29-yanvardagi 45-son qaroriga 3-ILOVA

Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari

1. Vazirlar Mahkamasining “Spirt va alkogolli mahsulotlarni ishlab chiqarish, idishlarga quyish, saqlash va ulgurji sotishni hisobga olish hamda nazorat qilishga oid nizomni tasdiqlash toʻgʻrisida” 1998-yil 2-iyuldagi 275-son qarori .

2. Vazirlar Mahkamasining “Alkogolli va tamaki mahsulotlarini chetdan keltirish, ishlab chiqarish va sotish ustidan davlat nazoratini kuchaytirishga doir qoʻshimcha chora-tadbirlar toʻgʻrisida” 1998-yil 4-avgustdagi 331-son qarorining 5-bandi .

3. Vazirlar Mahkamasining “Spirt va alkogolli mahsulotlar ishlab chiqarish va ularning aylanishi ustidan davlat nazoratini mustahkamlash yuzasidan qoʻshimcha chora-tadbirlar toʻgʻrisida” 1999-yil 5-yanvardagi 2-son qarori .

4. Vazirlar Mahkamasining “Spirt, alkogolli mahsulotlar va tamaki mahsulotlari ishlab chiqarish va sotishni davlat tomonidan tartibga solishni takomillashtirish chora-tadbirlari toʻgʻrisida” 1999-yil 23-sentabrdagi 444-son qarorining 6-bandi .

5. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2003-yil 13-yanvardagi 14-son qaroriga ilovaning 10-bandi .

6. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek baʼzilarini oʻz kuchini yoʻqotgan deb hisoblash toʻgʻrisida (“Tadbirkorlik subyektlarini huquqiy himoya qilish tizimi takomillashtirilganligi hamda ularning moliyaviy javobgarligi erkinlashtirilganligi munosabati bilan Oʻzbekiston Respublikasining ayrim qonun hujjatlariga oʻzgartirish va qoʻshimchalar kiritish toʻgʻrisida” Oʻzbekiston Respublikasining 2006-yil 10-oktabrdagi OʻRQ-59-son Qonuni)” 2006-yil 10-noyabrdagi 235-son qaroriga 1-ilovaning 20-bandi .

7. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Alkogolli mahsulotlarni ishlab chiqarish va sotish samaradorligini oshirishga doir qoʻshimcha chora-tadbirlar toʻgʻrisida” 2006-yil 7-noyabrdagi PQ-505-son qarori)” 2006-yil 18-dekabrdagi 260-son qaroriga ilovaning 2 va 3-bandlari .

8. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Kichik biznes va xususiy tadbirkorlikni yanada rivojlantirish uchun qulay ishbilarmonlik muhitini shakllantirishga doir qoʻshimcha chora-tadbirlar toʻgʻrisida” 2011-yil 24-avgustdagi PF-4354-son farmoni, Oʻzbekiston Respublikasi Prezidentining “Byurokratik toʻsiqlarni bartaraf etish va tadbirkorlik faoliyati erkinligini yanada oshirish chora-tadbirlari toʻgʻrisida” 2011-yil 25-avgustdagi PQ-1604-son qarori)” 2011-yil 2-noyabrdagi 294-son qaroriga ilovaning 12-bandi .

9. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Tadbirkorlik faoliyati sohasidagi litsenziyalash va ruxsat berish tartib-taomillarini yanada qisqartirish va soddalashtirish, shuningdek, biznes yuritish shart-sharoitlarini yaxshilash chora-tadbirlari toʻgʻrisida” 2018-yil 11-apreldagi PF-5409-son Farmoni hamda “Vinochilik sohasini va alkogolli mahsulotlarni realizatsiya qilishni tubdan takomillashtirish chora-tadbirlari toʻgʻrisida” 2018-yil 28-fevraldagi PQ-3573-son qarori)” 2018-yil 16-iyuldagi 539-son qaroriga ilovaning 2 , 3 va 7-bandlari .

10. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Mehnatga haq toʻlash, pensiyalar va boshqa toʻlovlar miqdorlarini aniqlash tartibini takomillashtirish toʻgʻrisida” 2019-yil 21-maydagi PF-5723-son Farmoni)” 2019-yil 28-dekabrdagi 1046-son qaroriga ilovaning 17-bandi .

11. Vazirlar Mahkamasining “Alkogol mahsulotlarining ulgurji savdosi boʻyicha faoliyatni litsenziyalash tartibi, shuningdek, litsenziya talablari va shartlarini buzganlik uchun qoʻllanadigan choralar va sanksiyalar toʻgʻrisidagi nizomni tasdiqlash haqida” 2020-yil 20-maydagi 301-son qarori .

12. Vazirlar Mahkamasining “Oʻzbekiston Respublikasi Alkogol va tamaki bozorini tartibga solish hamda vinochilikni rivojlantirish agentligi faoliyatiga oid normativ-huquqiy hujjatlarni tasdiqlash toʻgʻrisida” 2020-yil 30-noyabrdagi 753-son qaroriga 4-ilovaning 9-bandi .

13. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida (Oʻzbekiston Respublikasi Prezidentining “Respublika oziq-ovqat sanoatini jadal rivojlantirish hamda aholini sifatli oziq-ovqat mahsulotlari bilan toʻlaqonli taʼminlashga doir chora-tadbirlar toʻgʻrisida” 2020-yil 9-sentabrdagi PQ-4821-son qarori)” 2021-yil 21-dekabrdagi 766-son qaroriga 1-ilovaning 1-bandi .

14. Vazirlar Mahkamasining “Aholi va tadbirkorlik subyektlarining davlat xizmatlaridan foydalanish imkoniyatlari kengaytirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2021-yil 27-dekabrdagi 774-son qaroriga 1-ilovaning 3-bandi .

15. Vazirlar Mahkamasining “Alkogol va tamaki mahsulotlariga yangi namunadagi aksiz markalarini joriy etish toʻgʻrisida” 2023-yil 26-iyuldagi 313-son qarorining 5 va 6-bandlari .

16. Vazirlar Mahkamasining “Qonunchilik hujjatlarida korrupsiyaviy omillarni bartaraf etish hamda normativ-huquqiy hujjatlarni korrupsiyaga qarshi ekspertizadan oʻtkazish chora-tadbirlari toʻgʻrisida” 2024-yil 11-sentabrdagi 562-son qaroriga 5-ilovaning 4-bandi.

Oʻzbekiston Respublikasining Bosh vaziri A. ARIPOV

Toshkent sh.,

2025-yil 29-yanvar,

45-son

(Qonunchilik maʼlumotlari milliy bazasi, 30.01.2025-y., 09/25/45/0084-son)

lex.uz