📅 2025-yil 29-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 29 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 29 января 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 29 January 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
Айдар-Арнасой кўллар тизимида ҳайвонот ва ўсимлик дунёсидан фойдаланиш ҳамда жамоат тартибини сақлаш тизими такомиллаштирилиши муносабати билан Вазирлар Маҳкамасининг «Вазирликлар, давлат қўмиталари ва идораларнинг бюджетдан ташқари жамғармаларига маблағлар ажратишни тартибга солиш чора-тадбирлари тўғрисида» 2010 йил 2 апрелдаги 62-сон қарорига ўзгартириш киритиш ҳақида
Ўзбекистон Республикаси Президентининг «Айдар-Арнасой кўллар тизимида ҳайвонот ва ўсимлик дунёси муҳофазасини кучайтириш ҳамда жамоат хавфсизлигини таъминлаш самарадорлигини янада ошириш чора-тадбирлари тўғрисида» 2024 йил 16 сентябрдаги ПҚ-325-сон қарори ижросини таъминлаш мақсадида Вазирлар Маҳкамаси қарор қилади:
1. Ўзбекистон Республикаси Президентининг «Айдар-Арнасой кўллар тизимида ҳайвонот ва ўсимлик дунёси муҳофазасини кучайтириш ҳамда жамоат хавфсизлигини таъминлаш самарадорлигини янада ошириш чора-тадбирлари тўғрисида» 2024 йил 16 сентябрдаги ПҚ-325-сон қарорига мувофиқ:
Ўзбекистон Республикаси Миллий гвардиясининг Қўриқлаш бош бошқармаси таркибида Айдар-Арнасой кўллар тизимини муҳофаза қилиш бошқармаси (кейинги ўринларда — Бошқарма) ташкил этилганлиги;
Бошқарма ходимлари томонидан Айдар-Арнасой кўллар тизими ва унинг атрофида балиқ овлаш, ҳайвонот ва ўсимлик дунёсидан фойдаланиш ҳамда жамоат тартибини сақлаш соҳасида аниқланган маъмурий ҳуқуқбузарликлар бўйича солинадиган жарималар тўлиқ унинг ҳисобварағига йўналтирилиши;
Бошқарма ходимлари томонидан аниқланган ҳуқуқбузарлардан мусодара қилинган маъмурий ҳуқуқбузарликни содир этиш қуроли ҳисобланган ёки бевосита шундай нарса бўлган ашё хизматда фойдаланиш имкони бўлганда, бошқарма балансига ўтказилиши;
мусодара қилинган ашёлар белгиланган тартибда сотилганда, сотишдан тушган маблағлар, шунингдек, ҳуқуқбузарлар томонидан етказилган зарар учун ундирилган маблағлар Бошқарма ҳисобварағига ўтказилиши белгиланганлиги маълумот учун қабул қилинсин.
3. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчкоров ва Ўзбекистон Республикаси Миллий гвардияси қўмондони Р.М. Джураев зиммасига юклансин.
Ўзбекистон Республикасининг Бош вазири А. АРИПОВ
Тошкент ш.,
2025 йил 29 январь,
47-сон
Oʻzbekiston Respublikasi Vazirlar Mahkamasining
qarori
Aydar-Arnasoy koʻllar tizimida hayvonot va oʻsimlik dunyosidan foydalanish hamda jamoat tartibini saqlash tizimi takomillashtirilishi munosabati bilan Vazirlar Mahkamasining “Vazirliklar, davlat qoʻmitalari va idoralarning budjetdan tashqari jamgʻarmalariga mablagʻlar ajratishni tartibga solish chora-tadbirlari toʻgʻrisida” 2010-yil 2-apreldagi 62-son qaroriga oʻzgartirish kiritish haqida
Oʻzbekiston Respublikasi Prezidentining “Aydar-Arnasoy koʻllar tizimida hayvonot va oʻsimlik dunyosi muhofazasini kuchaytirish hamda jamoat xavfsizligini taʼminlash samaradorligini yanada oshirish chora-tadbirlari toʻgʻrisida” 2024-yil 16-sentabrdagi PQ-325-son qarori ijrosini taʼminlash maqsadida Vazirlar Mahkamasi qaror qiladi:
1. Oʻzbekiston Respublikasi Prezidentining “Aydar-Arnasoy koʻllar tizimida hayvonot va oʻsimlik dunyosi muhofazasini kuchaytirish hamda jamoat xavfsizligini taʼminlash samaradorligini yanada oshirish chora-tadbirlari toʻgʻrisida” 2024-yil 16-sentabrdagi PQ-325-son qaroriga muvofiq:
Oʻzbekiston Respublikasi Milliy gvardiyasining Qoʻriqlash bosh boshqarmasi tarkibida Aydar-Arnasoy koʻllar tizimini muhofaza qilish boshqarmasi (keyingi oʻrinlarda — Boshqarma) tashkil etilganligi;
Boshqarma xodimlari tomonidan Aydar-Arnasoy koʻllar tizimi va uning atrofida baliq ovlash, hayvonot va oʻsimlik dunyosidan foydalanish hamda jamoat tartibini saqlash sohasida aniqlangan maʼmuriy huquqbuzarliklar boʻyicha solinadigan jarimalar toʻliq uning hisobvaragʻiga yoʻnaltirilishi;
Boshqarma xodimlari tomonidan aniqlangan huquqbuzarlardan musodara qilingan maʼmuriy huquqbuzarlikni sodir etish quroli hisoblangan yoki bevosita shunday narsa boʻlgan ashyo xizmatda foydalanish imkoni boʻlganda, boshqarma balansiga oʻtkazilishi;
musodara qilingan ashyolar belgilangan tartibda sotilganda, sotishdan tushgan mablagʻlar, shuningdek, huquqbuzarlar tomonidan yetkazilgan zarar uchun undirilgan mablagʻlar Boshqarma hisobvaragʻiga oʻtkazilishi belgilanganligi maʼlumot uchun qabul qilinsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchkorov va Oʻzbekiston Respublikasi Milliy gvardiyasi qoʻmondoni R.M. Djurayev zimmasiga yuklansin.
Oʻzbekiston Respublikasining Bosh vaziri A. ARIPOV
Toshkent sh.,
2025-yil 29-yanvar,
47-son