UzbekAI

Ўзбекистон Республикаси Президентининг

Фармони

ТАРКИБИ

КОМПЛЕКС ЧОРА-ТАДБИРЛАР

Уй-жой қурилиши соҳасини янада ривожлантириш, турар ва нотурар жой объектларини улуш киритиш асосида қуриш жараёнини тартибга солиш механизмларини такомиллаштириш чора-тадбирлари тўғрисида

Мамлакатимизда уй-жой қурилиши соҳасини уй-жойларни лойиҳалаштиришдан тортиб, фойдаланишга топширишгача бўлган босқичларда комплекс тартибга солиш, уй-жой қурилиши соҳасини янада ривожлантириш, инвестицияларни жалб қилиш механизмларини такомиллаштириш ҳамда турар ва нотурар жой объектларини улуш киритиш асосида қуриш жараёнида фуқароларнинг ҳуқуқ ва қонуний манфаатларини кафолатлаш мақсадида:

1. Ўзбекистон Республикаси Президенти ҳузуридаги Стратегик ислоҳотлар агентлиги, Иқтисодиёт ва молия вазирлиги, Қурилиш ва уй-жой коммунал хўжалиги вазирлиги, Марказий банк ҳамда Адлия вазирлигининг қуйидагиларни назарда тутувчи «Уй-жойнинг ягона ҳаётий цикли» тамойилини жорий этиш тўғрисидаги таклифи маъқуллансин:

турар ва нотурар жой объектларини (кейинги ўринларда — объект) улуш киритиш асосида қуриш жараёнида жисмоний ва юридик шахсларнинг (кейинги ўринларда — улушдор) ҳуқуқлари ҳимоя қилинишини таъминлаш;

мавжуд ер ресурсларидан самарали (интенсив) фойдаланган ҳолда уй-жойлар қурилишини ташкил қилиш;

уй-жой қурилиши соҳасида инвестиция лойиҳаларини амалга ошириш муддатларини қисқартириш;

уй-жойларни улуш киритиш ва ипотека кредити асосида сотиб олишнинг ишончли ва самарали имкониятини яратиш;

уй-жойлар қурилишида энергия самарадор қурилиш материалларидан фойдаланишни оммалаштириш.

2. «Уй-жойнинг ягона ҳаётий цикли» тамойили доирасида объектларни улуш киритиш асосида қуриш жараёнида улушдорларнинг ҳуқуқлари ҳимоя қилинишини таъминлаш мақсадида шундай тартиб ўрнатилсинки, унга мувофиқ 2025 йил 1 июлдан бошлаб:

а) объектларни қуришда қурилиш-пудрат ташкилотлари, девелоперлар ва буюртмачилар (кейинги ўринларда — қурувчи) томонидан улушдорларнинг пул маблағларини қурилишга улуш киритиш асосида жалб қилиш фақат нотариал тасдиқланган ва кадастр органларида давлат рўйхатидан ўтказилган объект қурилишида улуш киритиш асосида иштирок этиш шартномаси (кейинги ўринларда — улушли шартнома) бўйича амалга оширилади;

б) улушли шартнома давлат рўйхатидан ўтказилган пайтдан бошлаб томонлар биргаликда қурилиш-монтаж ишлари тугалланган объектдан фойдаланиши учун рухсатнома берилгунга қадар:

улушли шартнома бўйича улушдорнинг талаб қилиш ҳуқуқларини бошқа шахсга ўтказишга ва улушли шартномани гаров предмети сифатида қабул қилишга рухсат берилади ва кадастр органларида давлат рўйхатидан ўтказилади;

улушли шартномага асосланган мулкий ҳуқуқ ва мажбуриятлар улушдорнинг мероси таркибига киради;

в) улушли шартнома бўйича маблағлар улушдор томонидан ваколатли тижорат банкида (кейинги ўринларда — тижорат банки) қурувчи, улушдор ва тегишли тижорат банки ўртасида тузиладиган шартнома асосида очилган «эскроу» ҳисобварағига уларнинг ҳисобини юритиш учун жойлаштирилади ва депонентланади;

г) улушдорларнинг учинчи шахслар олдидаги мажбуриятлари ва қурувчининг мажбуриятлари юзасидан «эскроу» ҳисобварағи бўйича операцияларни тўхтатиб туриш, маблағларни хатлаш ёки ҳисобдан чиқаришга йўл қўйилмайди;

д) объектни қуриш ишларини молиялаштириш қурувчининг ўз маблағлари, тижорат банклари томонидан лойиҳавий молиялаштириш орқали ажратиладиган кредит маблағлари ва қонунчиликда тақиқланмаган бошқа маблағлар ҳисобидан амалга оширилади;

е) биринчи босқичда қурувчи томонидан объектни қуриш ишлари умумий ҳажмининг камида 30 фоизи ўз маблағлари ҳисобидан амалга оширилгандан сўнг тижорат банки томонидан қурувчига мақсадли кредит ажратиш тизими йўлга қўйилади;

ж) тижорат банклари томонидан қурувчиларга лойиҳавий молиялаштириш орқали ажратиладиган кредитларнинг йиллик фоиз ставкаси «эскроу» ҳисобварағида жамланган маблағлар ҳажмидан келиб чиқиб белгиланади. Бунда «эскроу» ҳисобварағида маблағлар кўпайиши натижасида кредит фоиз ставкасини пасайтириб бориш тизими йўлга қўйилади;

з) улушли шартномага асосан қурилган ва қурилиш-монтаж ишлари тугалланган объектдан фойдаланиш учун рухсатнома берилгандан сўнг:

«эскроу» ҳисобварағида депонентланган маблағлар тижорат банки томонидан қурувчининг қурилиш учун ажратилган кредитини сўндириш учун йўналтирилади ва қолган қисми қурувчига ўтказиб берилади;

қурувчи ва улушдор томонидан улушли қурилиш объектини улушдорга топшириш тўғрисидаги далолатнома имзоланади;

улушдорнинг объектга бўлган мулк ҳуқуқи кадастр органлари томонидан давлат рўйхатидан ўтказилади;

и) объектнинг қурилиш-монтаж ишлари ўз вақтида тугалланмаган ва ундан фойдаланиш учун рухсатнома олинмаган тақдирда ҳар бир кечиккан кун учун алоҳида қатъий белгиланган жарималар жорий қилинади ва шартнома юзасидан муддатлар фақат улушдорнинг розилигини олган ҳолда қўшимча шартнома тузиш орқали узайтирилади. Бунда объект лойиҳа-смета ҳужжатларида кўрсатилган муддатдан олти ой ўтгандан кейин фойдаланишга топширилган тақдирда, улушдор «эскроу» ҳисобварағидаги депонентланган маблағларни улушли шартномани бир томонлама бекор қилиш орқали қайтариб олиши мумкин;

к) қурилиш-монтаж ишлари тугалланган объектдан фойдаланиш учун рухсатномаси мавжуд бўлмаган объект қурилишига улушдорларнинг маблағларини жалб қилиш учун турар ва нотурар жойни натурада олиш ҳуқуқини берувчи қимматли қоғозларни таклиф қилиш ва сотиш ҳамда мазкур Фармонда белгиланган тартиб талабларига жавоб бермайдиган бошқа шартномаларни тузиш тақиқланади.

3. Белгилансинки, қурилишга улушдорларнинг маблағларини жалб қилиш:

2025 йил 1 июлдан 2025 йил 31 декабрга қадар «эскроу» ҳисобварақлари орқали ҳамда ҳозирда амалда бўлган улушли иштирок этиш тартибида тўғридан-тўғри жалб қилиш механизми бўйича параллел равишда тарафларнинг танловига кўра амалга оширилади;

2026 йил 1 январдан бошлаб фақат «эскроу» ҳисобварақлари орқали амалга оширилади.

4. Марказий банк Адлия вазирлиги билан биргаликда уч ой муддатда улушли қурилишни лойиҳавий молиялаштирадиган ва «эскроу» ҳисобварағи бўйича операцияларни амалга оширадиган тижорат банкларининг рўйхати, уларнинг ҳуқуқ ва мажбуриятлари бўйича мезонлар, «эскроу» ҳисобварағини юритиш ҳамда объектларни лойиҳавий молиялаштириш тартибини тасдиқласин.

5. Қурилиш ва уй-жой коммунал хўжалиги вазирлиги Марказий банк билан биргаликда бир ой муддатда объектларни лойиҳавий молиялаштириш, улушли шартномаларни тузиш ҳамда «эскроу» ҳисобварағи юритиш бўйича операцияларни амалга ошириш юзасидан тижорат банкларининг масъул ходимлари хорижда амалиёт ўташини ҳамда хорижий мутахассисларни жалб қилган ҳолда уларнинг малакасини оширишни ташкил этсин.

6. Қурилиш ва уй-жой коммунал хўжалиги вазирлиги Рақамли технологиялар вазирлиги билан биргаликда уч ой муддатда «Шаффоф қурилиш» ахборот тизими доирасида уй-жойлар қурилиши бўйича электрон платформа яратиб, 2025 йил 1 июлдан бошлаб тўлиқ ишлашини таъминласин. Бунда белгилансинки:

а) қурилишга улушдорларнинг маблағларини жалб қилувчи қурувчи қурилиш ташкилоти ва объект ҳақидаги қуйидаги маълумотларни электрон платформага жойлаштириб боради:

ҳар бир қурилаётган объектнинг лойиҳа бўйича жойлашган аниқ манзили, қаватлари, кириш йўлаклари, хонадонлари ва нотурар жойлар сони ҳамда уларнинг майдони, туташ бўлган ҳудудлар, молиялаштирувчи тижорат банки, сотилган турар ва нотурар жойлар тўғрисидаги маълумотлар;

ягона маъмурий қурилиш регламентларидаги ҳужжатлар, тасдиқланган лойиҳа-смета ҳужжатлари ва ижобий экспертиза хулосаси, қурилиш бошланадиган сана ва фойдаланишга топшириш муддати, қурилиш ҳолати ва қонунчиликда талаб этилиши тақиқланмаган бошқа маълумотлар;

б) электрон платформага маълумотлари жойлаштирилмаган ва ушбу маълумотлар электрон платформадан кадастр органларига майдонлари кўрсатилган ҳолда бинонинг алоҳида реализация қилинадиган қисмлари тақдим этилмаган объектлар бўйича тузилган улушли шартномаларга нотариал ҳаракатлар амалга оширилмайди ҳамда бундай шартномалар давлат рўйхатидан ўтказилмайди;

в) маълумотларни электрон платформага жойлаштирмаган қурувчи қонун ҳужжатларида белгиланган тартибда жавобгар бўлади;

г) Қурилиш ва уй-жой коммунал хўжалиги вазирлиги объект қурилишини рўйхатдан ўтказишда лойиҳа бўйича маълумотларни электрон платформага жойлаштиради ҳамда кадастр органлари, тижорат банклари ва нотариусларга мазкур маълумотларни текшириш имкониятини яратади;

д) харидорларга қурувчининг объектда қурилиш-монтаж ишларини бажариш юзасидан рухсатномаси мавжудлигини, унинг рейтингини, олдинги лойиҳаларини, улушли қурилишдаги шартномавий интизомини, ўз вақтида фойдаланишга топшириш муддатларини электрон платформа орқали текшириш имконияти яратилади;

е) улуш киритиш асосидаги қурилишларнинг белгиланган тартибда тасдиқланган ва рухсат берувчи ҳужжатлари расмийлаштирилган лойиҳалари доирасида:

объектлардаги хоналарнинг режалаштирилишига ўзгартириш киритиш, электрон платформада рўйхатга олингандан сўнг Қорақалпоғистон Республикаси Қурилиш ва уй-жой коммунал хўжалиги вазирлиги, вилоятлар ва Тошкент шаҳри қурилиш бош бошқармалари ҳузуридаги ҳудудий архитектура-шаҳарсозлик кенгашларига киритиш;

кўп квартирали уйлар фойдаланишга топширилгунга қадар объектларнинг лойиҳа ҳужжатларига ўзгартириш киритиш ва уни шаҳарсозлик экспертизасига юбориш;

қурилиш ишлари якунланмаган объектлар жойлашган ер участкаларини бошқа шахсларга ўтказиш тақиқланади.

7. Кадастр агентлиги Адлия вазирлиги ва Рақамли технологиялар вазирлиги билан биргаликда 2025 йил 1 июлга қадар улушли шартнома бўйича талаб қилиш ва гаров ҳуқуқларини бошқа шахсга ўтказишни назарда тутган ҳолда улушли шартномаларни давлат рўйхатидан ўтказиш ва солиқ органларига электрон кўринишда тақдим этиб бориш тизимини жорий этсин.

8. Объектларни улуш киритиш асосида қуриш, «эскроу» ҳисобварақларини юритиш ҳамда лойиҳавий қурилиш тартибини жорий этиш бўйича республика комиссияси 1-иловага мувофиқ таркибда тузилсин ва қуйидагилар унинг асосий вазифалари этиб белгилансин:

объектларни улуш киритиш асосида қуриш, «эскроу» ҳисобварақларини жорий этиш ҳамда уй-жойларнинг лойиҳавий қурилиши соҳасидаги норматив-ҳуқуқий ҳужжатларни ишлаб чиқишда, уларни амалга оширишда иштирок этувчи давлат органлари, маҳаллий ижро этувчи ҳокимият органлари ва бошқа ташкилотларнинг фаолиятини мувофиқлаштириш ва уларнинг ўзаро ҳамкорлигини таъминлаш;

объектларни улуш киритиш асосида қуриш ва лойиҳавий қурилиш тизими бажарилишини таҳлил ва мониторинг қилиш, натижалари бўйича муаммоли масалаларни ечишга қаратилган аниқ чора-тадбирларни ишлаб чиқиш;

жойларда татбиқ этиладиган лойиҳавий қурилишга биноан «эскроу» ҳисобварақларини юритиш ҳамда қурувчиларни тижорат банклари орқали кредитлаш механизмларининг ягона амалиёти қўлланишини таъминлаш;

улуш киритиш асосида қуриш ва лойиҳавий қурилишга мувофиқ айрим ҳудудларда уй-жойлар қурилишининг белгиланган муддатларда амалга оширилмаслиги сабабларини ўрганиш ва юзага келадиган муаммоларни бартараф этиш юзасидан таклифлар тайёрлаш;

давлат органлари, маҳаллий ижро этувчи ҳокимият органлари ва бошқа ташкилотлар раҳбарларининг уй-жойларни улуш киритиш асосида қуриш ва лойиҳавий қурилишни амалга ошириш бўйича бажарилган ишлар тўғрисидаги ҳисоботларини эшитиш.

9. Ўзбекистон Республикаси Иқтисодиёт ва молия вазирлиги ҳузурида «Уй-жойнинг ягона ҳаётий цикли» тамойилини амалга ошириш бўйича чора-тадбирларни ишлаб чиқиш ва унинг жорий этилишини таъминлаш учун юридик шахс ташкил этмасдан, мутахассис ва экспертларни шартнома асосида жалб этиш ҳисобига лойиҳа офиси (кейинги ўринларда — Лойиҳа офиси) ташкил этилсин.

10. Қуйидагилар:

Уй-жой қурилиши соҳасини такомиллаштиришнинг устувор йўналишларини амалга ошириш бўйича комплекс чора-тадбирлар 2-иловага мувофиқ;

Лойиҳа офиси фаолиятининг асосий йўналишлари 3-иловага мувофиқ тасдиқлансин.

11. Белгилаб қўйилсинки:

Лойиҳа офисининг штат бирликлари Иқтисодиёт ва молия вазирлигининг амалдаги штатлари доирасида шакллантирилади;

Лойиҳа офиси уй-жой қурилиши соҳасини ривожлантириш бўйича ўз таклиф ва тавсияларини Ўзбекистон Республикаси Президенти Администрациясига, Вазирлар Маҳкамаси ва бошқа тегишли идораларга тақдим этиб боради;

уй-жой қурилиши билан боғлиқ масалаларда ишлаб чиқилаётган барча норматив-ҳуқуқий ҳужжатлар лойиҳалари Лойиҳа офиси билан келишилиши лозим.

Лойиҳа офиси 2025 йил 1 апрелга қадар «Уй-жойнинг ягона ҳаётий цикли» тамойилини тўлиқ ишга тушириш, шу жумладан, уй-жой қурилиши соҳасини комплекс ислоҳ қилиш, шунингдек, ислоҳотларни амалга оширишга тўсқинлик қилаётган сабабларни бартараф этиш ҳамда лойиҳавий молиялаштиришни жорий этиш бўйича таклифларни Ўзбекистон Республикаси Президенти Администрациясига киритсин.

12. Лойиҳа офисига қуйидаги ҳуқуқлар берилсин:

Лойиҳа офиси фаолиятига бозор конъюнктурасидан келиб чиққан ҳолда тегишли вазирлик ва идораларнинг, улар тизимидаги ташкилотларнинг, шунингдек, илмий-тадқиқот муассасаларининг тажрибали мутахассисларини шартнома асосида жалб этиш;

ҳудудий ташкилотлар, туманлар (шаҳарлар) ёки ҳудудлар мисолида ишлаб чиқилган лойиҳаларни тажриба синовдан ўтказиш;

давлат органлари ва ташкилотларидан зарур статистика, таҳлилий ва бошқа маълумотларни талаб қилиб олиш;

маҳаллий ва хорижий мутахассислар, экспертлар, консультантлар ва маслаҳатчиларни тўғридан-тўғри шартномалар асосида жалб қилиш ва ишга қабул қилиш, уларнинг меҳнатига миллий ёки хорижий валютада, шу жумладан, маблағларни уларнинг хорижий ҳисобварақларига ўтказиш йўли билан ҳақ тўлаш.

13. Иқтисодиёт ва молия вазирлиги бир ҳафта муддатда Лойиҳа офиси тўғрисидаги низомни, шунингдек, унинг тузилмасини, штат бирликлари сонини, меҳнатга ҳақ тўлаш миқдорларини ва ходимларни моддий рағбатлантириш шартларини тасдиқласин.

14. Истиқболли лойиҳалар миллий агентлиги 2025 йил 1 мартга қадар объект қурилишида қурувчилар томонидан мажбуриятларни бажармаслик хавфини суғурта қилиш бўйича мавжуд суғурта маҳсулотлари самарадорлигини ошириш юзасидан Ўзбекистон Республикаси Президенти Администрациясига таклиф киритсин.

15. Қурилиш ва уй-жой коммунал хўжалиги вазирлиги ҳамда Қурилиш ва уй-жой коммунал хўжалиги соҳасида назорат қилиш инспекцияси Ўзбекистон Республикаси Президентининг 2020 йил 27 майдаги ПҚ-4732-сон қарори билан тасдиқланган Кўп квартирали уйларни улуш киритиш асосида қуриш тўғрисидаги низомга мувофиқ, Улуш киритиш асосида қуриш учун маблағларни жалб этувчи қурувчиларнинг электрон рўйхатига киритмаган ҳолда реклама қилинаётган объектларни аниқлаб, улар бўйича маълумотларни Рақобатни ривожлантириш ва истеъмолчилар ҳуқуқларини ҳимоя қилиш қўмитасига тақдим этиб борсин.

Рақобатни ривожлантириш ва истеъмолчилар ҳуқуқларини ҳимоя қилиш қўмитаси мазкур объектлар бўйича қурувчига белгиланган тартибда чоралар кўрилишини таъминлаб борсин.

16. Қурилиш ва уй-жой коммунал хўжалиги вазирлиги, Қурилиш ва уй-жой коммунал хўжалиги соҳасида назорат қилиш инспекцияси, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари «эскроу» тизими ишга тушишига қадар ноқонуний қурилишларни аниқлаш ва улар бўйича чора кўриш ҳамда улушдорлар ҳуқуқлари бузилишининг олдини олиш юзасидан ишларни кучайтирсин.

17. Иқтисодиёт ва молия вазирлиги Қурилиш ва уй-жой коммунал хўжалиги вазирлиги, Адлия вазирлиги ва Марказий банк билан биргаликда икки ой муддатда қонунчилик ҳужжатларига ушбу Фармондан келиб чиқадиган ўзгартириш ва қўшимчалар тўғрисида Вазирлар Маҳкамасига таклифлар киритсин.

18. Мазкур Фармон ижросини назорат қилиш ҳамда ижро учун масъул идоралар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.

Ўзбекистон Республикаси Президентининг 2025 йил 27 январдаги ПФ-11-сон Фармонига 1-ИЛОВА

Объектларни улуш киритиш асосида қуриш, «эскроу» ҳисобварақларини юритиш ҳамда лойиҳавий қурилиш тартибини жорий этиш бўйича республика комиссияси

1. Ж.А. Қўчқоров — Ўзбекистон Республикаси Бош вазирининг ўринбосари — иқтисодиёт ва молия вазири, Республика комиссияси раиси 2. Т.А. Ишметов — Ўзбекистон Республикаси Марказий банки раиси, Республика комиссияси раиси ўринбосари 3. Ш.С. Хидоятов — қурилиш ва уй-жой коммунал хўжалиги вазири, Республика комиссияси раиси ўринбосари 4. С.А. Садуллаев — иқтисодиёт ва молия вазири ўринбосари 5. А.Н. Каримов — адлия вазири ўринбосари 6. Ф.Ж. Пулатов — Кадастр агентлиги директори 7. М.М. Мирзаев — Солиқ қўмитаси раисининг биринчи ўринбосари 8. М.Б. Жуманиязов — Вазирлар Маҳкамаси котибияти мудири 9. К.К. Ханнаров — Вазирлар Маҳкамасининг бош мутахассиси 10. Лавозими бўйича — Қорақалпоғистон Республикаси Вазирлар Кенгаши Раиси, вилоятлар ва Тошкент шаҳри ҳокимлари 11. Ф.А. Инамов — Иқтисодиёт ва молия вазирлиги департаменти директори, Республика комиссияси масъул котиби

Ўзбекистон Республикаси Президентининг 2025 йил 27 январдаги ПФ-11-сон Фармонига 2-ИЛОВА

Уй-жой қурилиши соҳасини такомиллаштиришнинг устувор йўналишларини амалга ошириш бўйича

Т/р Чора-тадбирлар номи Амалга ошириш механизми Бажариш муддатлари Масъул ижрочилар 1. «Кўп квартирали уйлар ва бошқа кўчмас мулк объектларини улуш киритиш асосида қуришда иштирок этиш тўғрисида»ги қонун лойиҳасини ишлаб чиқиш, унда, шу жумладан уй-жой қурилишида улушли иштирок этиш доирасида фуқароларнинг мулкдаги инвестиция ҳуқуқлари бузилганлиги учун қурувчиларнинг жавобгарлигини кучайтиришни назарда тутиш. 1. «Кўп квартирали уйлар ва бошқа кўчмас мулк объектларини улуш киритиш асосида қуришда иштирок этиш тўғрисида»ги қонун лойиҳасини ишлаб чиқиш. 2025 йил март Адлия вазирлиги (А. Ташкулов), Стратегик ислоҳотлар агентлиги (Б. Рахматов) , Қурилиш ва уй-жой коммунал хўжалиги вазирлиги (Ш. Хидоятов) , Иқтисодиёт ва молия вазирлиги (С. Садуллаев) 2. Қонун лойиҳасини белгиланган тартибда келишиш. 2025 йил апрель 3. Қонун лойиҳасини Вазирлар Маҳкамасига киритиш. 2025 йил апрель 2. Қурувчи ва улушдорларнинг мажбуриятлари ҳамда «эскроу» ҳисобварағини очиш тўғрисида шартнома тузиш билан боғлиқ масалалар юзасидан қонунчиликни такомиллаштириш. 1. Ўзбекистон Республикасининг Фуқаролик кодекси ва бошқа қонунчилик ҳужжатларига тегишли ўзгартириш ва қўшимчалар киритиш бўйича қонун лойиҳасини ишлаб чиқиш. 2025 йил март Адлия вазирлиги (А. Ташкулов), Стратегик ислоҳотлар агентлиги (Б. Рахматов), Иқтисодиёт ва молия вазирлиги (С. Садуллаев) 2. Қонун лойиҳасини белгиланган тартибда келишиш. 2025 йил апрель 3. Қонун лойиҳасини Вазирлар Маҳкамасига киритиш. 2025 йил апрель 3. Қурилишда улуш киритиш асосида иштирок этиш тўғрисидаги шартномаларни давлат рўйхатидан ўтказиш тартибини белгилаш. 1. Ўзбекистон Республикасининг «Кўчмас мулкка бўлган ҳуқуқларни давлат рўйхатидан ўтказиш тўғрисида»ги Қонунига ўзгартириш ва қўшимчалар киритиш бўйича қонун лойиҳасини ишлаб чиқиш. 2025 йил март Кадастр агентлиги (Ф. Пулатов) , Иқтисодиёт ва молия вазирлиги (С. Садуллаев), Адлия вазирлиги (А. Ташкулов), Стратегик ислоҳотлар агентлиги (Б. Рахматов) 2. Қонун лойиҳасини белгиланган тартибда келишиш. 2025 йил апрель 3. Қонун лойиҳасини Вазирлар Маҳкамасига киритиш. 2025 йил апрель 4. Қурилиш жараёнида улушдорларнинг ҳуқуқ ва мажбуриятларини ҳамда ташкил этиладиган электрон платформага маълумотлар жойлаштиришда қурилиш ва девелоперларнинг масъулиятини ошириш. Бунда маълумотлар жойлаштиришдаги қоидабузарликлар учун жавобгарликни белгилаш. 1. «Ўзбекистон Республикасининг Жиноят кодексига ва Маъмурий жавобгарлик тўғрисидаги кодексига ўзгартириш ва қўшимчалар киритиш тўғрисида»ги қонун лойиҳасини ишлаб чиқиш. 2025 йил март Адлия вазирлиги (А. Ташкулов), Стратегик ислоҳотлар агентлиги (Б. Рахматов), Қурилиш ва уй-жой коммунал хўжалиги вазирлиги (Ш. Хидоятов) 2. Қонун лойиҳасини белгиланган тартибда келишиш. 2025 йил апрель 3. Қонун лойиҳасини Вазирлар Маҳкамасига киритиш. 2025 йил апрель 5. Улуш киритиш асосидаги қурилиш бўйича қурувчиларнинг тўловга қобилиятсизлигининг ўзига хос хусусиятларига оид нормаларни такомиллаштириш. 1. Ўзбекистон Республикасининг «Тўловга қобилиятсизлик тўғрисида»ги Қонунига ўзгартириш ва қўшимчалар киритиш тўғрисида»ги қонун лойиҳасини ишлаб чиқиш. 2025 йил март Давактив агентлиги (А. Ортиков) , Адлия вазирлиги (А. Ташкулов), Олий суд (Б. Исламов), Стратегик ислоҳотлар агентлиги (Б. Рахматов) 2. Қонун лойиҳасини белгиланган тартибда келишиш. 2025 йил апрель 3. Қонун лойиҳасини Вазирлар Маҳкамасига киритиш. 2025 йил апрель 6. Улуш киритиш асосида қуриш жараёнларида маблағларни жалб қилиш ва улушдорларда мулк ҳуқуқи вужудга келиши билан боғлиқ жараёнларни тартибга солиш. 1. Қурилаётган кўп квартирадаги хонадонларни улушдорларга ўтказиш тартибини белгиловчи норматив-ҳуқуқий ҳужжат лойиҳасини ишлаб чиқиш. 2025 йил март Қурилиш ва уй-жой коммунал хўжалиги вазирлиги (Ш. Хидоятов) , Иқтисодиёт ва молия вазирлиги (С. Садуллаев), Марказий банк (А. Камалов) , Кадастр агентлиги (Ф. Пулатов) 2. Лойиҳани белгиланган тартибда келишиш. 2025 йил апрель 3. Лойиҳани Вазирлар Маҳкамасига киритиш. 2025 йил апрель 7. Уй-жой қурилишида улушли иштирок доирасида фуқароларнинг мулкдаги инвестиция ҳуқуқларини бузганлик учун қурувчиларнинг жавобгарлигини кучайтириш. 1. «Ўзбекистон Республикасининг айрим қонун ҳужжатларига уй-жой қуришда улушли иштирок доирасида фуқароларнинг мулкдаги инвестиция ҳуқуқларини бузганлик учун қурувчиларнинг жавобгарлигини белгилашга қаратилган ўзгартиш ва қўшимчалар киритиш тўғрисида»ги қонун лойиҳасини ишлаб чиқиш. 2025 йил март Вазирлар Маҳкамаси (А. Раматов) , Қурилиш ва уй-жой коммунал хўжалиги вазирлиги (Ш. Хидоятов) , Адлия вазирлиги (А. Ташкулов) , Бош прокуратура (Н. Йўлдошев) , Иқтисодиёт ва молия вазирлиги (С. Садуллаев) 2. Қонун лойиҳасини белгиланган тартибда келишиш. 2025 йил апрель 3. Қонун лойиҳасини Вазирлар Маҳкамасига киритиш. 2025 йил апрель 8. Уй-жой қурилиши бўйича электрон платформа тўғрисидаги низомни тасдиқлаш ва қурилишга улушдорларнинг маблағларини жалб қилувчи қурувчи томонидан қурилиш ташкилоти ҳақидаги маълумотларни электрон платформага жойлаштириб бориш тартибини белгилаш. Бунда Уй-жой қурилиши бўйича электрон платформада: улуш киритиш асосида фаолият юритиш ҳуқуқига эга қурувчиларнинг рейтинг тизими жорий қилинади ҳамда қурувчи ва тижорат банклари тўғрисидаги маълумотлар очиқ эълон қилиб борилади; ҳар бир кўп квартирали уй, алоҳида реализация қилинадиган қисмларини кўрсатган ҳолда ва унга туташ ер участкаси чегарасининг топографик режаси рақамли тарзда шакллантирилади. 1. Норматив-ҳуқуқий ҳужжат лойиҳасини ишлаб чиқиш. 2025 йил март Вазирлар Маҳкамаси (А. Раматов), Қурилиш ва уй-жой коммунал хўжалиги вазирлиги (Ш. Хидоятов), Марказий банк (А. Камалов), Иқтисодиёт ва молия вазирлиги (С. Садуллаев) , Кадастр агентлиги (Ф. Пулатов) , Адлия вазирлиги (А. Ташкулов) 2. Лойиҳани белгиланган тартибда келишиш. 3. Лойиҳани Вазирлар Маҳкамасига киритиш. 2025 йил апрель 9. Қурилишда улуш киритиш асосида иштирок этиш шартномаси бўйича талаб қилиш ва гаров ҳуқуқларини бошқа шахсга ўтказишни назарда тутган ҳолда улушли шартномаларни давлат рўйхатидан ўтказиш ҳамда солиқ органларига электрон шаклда тақдим этиб бориш тизимини жорий этиш. Амалий чора-тадбирларни амалга ошириш, шу жумладан, электрон ахборот тизимлари орқали маълумотлар алмашувини йўлга қўйиш. 2025 йил апрель Кадастр агентлиги (Ф. Пулатов), Рақамли технологиялар вазирлиги (Ш. Шерматов), Адлия вазирлиги (А. Ташкулов) 10. Объект қурилишида қурувчилар томонидан мажбуриятларни бажармаслик хавфини суғурта қилиш бўйича мавжуд суғурта маҳсулотлари самарадорлигини ошириш юзасидан таклиф тайёрлаш. Таклифларни тайёрлаш ва Ўзбекистон Республикаси Президенти Администрациясига киритиш. 2025 йил март Истиқболли лойиҳалар миллий агентлиги (Д. Ли) , Қурилиш ва уй-жой коммунал хўжалиги вазирлиги (Ш. Хидоятов), Марказий банк (А. Камалов) 11. Лойиҳаларни амалга ошириш муддатларини қисқартириш мақсадида инвестиция-қурилиш цикли доирасида маъмурий тартиб-таомилларни тартибга солишга қаратилган комплекс чора-тадбирлар. 1. Лойиҳаларни амалга ошириш муддатларини қисқартириш мақсадида инвестиция-қурилиш цикли доирасида маъмурий тартиб-таомилларни тартибга солишни назарда тутувчи норматив-ҳуқуқий ҳужжат лойиҳасини ишлаб чиқиш. 2025 йил март Вазирлар Маҳкамаси (А. Раматов) , Қурилиш ва уй-жой коммунал хўжалиги вазирлиги (Ш. Хидоятов) , Кадастр агентлиги (Ф. Пулатов) , Адлия вазирлиги (А. Ташкулов) , Солиқ қўмитаси (Ш. Кудбиев) 2. Лойиҳани белгиланган тартибда келишиш. 2025 йил апрель 3. Лойиҳани Вазирлар Маҳкамасига киритиш. 2025 йил апрель 12. Маблағларни жалб қилиш учун ипотека кредитига асосланган янги молиявий воситаларни жорий этиш, шу жумладан, ипотека гарови билан таъминланган қимматли қоғозларни чиқариш ва уларнинг муомалада бўлишини (секюритизация) таъминлаш. 1. «Капитал бозори тўғрисида»ги Ўзбекистон Республикаси қонуни лойиҳасини ишлаб чиқиш. 2025 йил июнь Истиқболли лойиҳалар миллий агентлиги (Д. Ли), Марказий банк (А. Камалов), Иқтисодиёт ва молия вазирлиги (С. Садуллаев), «Ўзбекистон ипотекани қайта молиялаштириш компанияси» АЖ (М. Фарманов) 2. Лойиҳани белгиланган тартибда келишиш. 2025 йил июль 3. Лойиҳани Вазирлар Маҳкамасига киритиш. 2025 йил июль 13. Аҳолини уй-жой билан таъминлаш бўйича хорижий давлатларнинг илғор тажрибалари асосида уй-жой қурилиши соҳасини ривожлантириш бўйича давлат муассасаси шаклидаги «Ўз уйим» компаниясини ташкил этиш. 1. Аҳолини уй-жой билан таъминлаш бўйича хорижий давлатларнинг илғор тажрибаларини ўрганиш. 2025 йил февраль Вазирлар Маҳкамаси (Ж. Қўчқоров), Иқтисодиёт ва молия вазирлиги (С. Садуллаев), Қурилиш ва уй-жой коммунал хўжалиги вазирлиги (Ш. Хидоятов), Марказий банк (А. Камалов) 2. Ўрганиш натижаларига кўра республикада уй-жой қурилиши соҳасини ривожлантириш бўйича давлат муассасаси шаклидаги «Ўз уйим» компаниясини ташкил этиш юзасидан таклиф ишлаб чиқиб, Вазирлар Маҳкамасига киритиш. 2025 йил март 14. Уй-жой қурилиши соҳасини янада ривожлантириш бўйича жорий этилаётган тартиб, амалга ошириладиган чора-тадбирларнинг мазмун-моҳияти ва эришилиши кутилаётган натижаларни оммавий ахборот воситаларида кенг ёритиш. Амалий чора-тадбирлар. Режага мувофиқ Ахборот ва оммавий коммуникациялар агентлиги (А. Ходжаев), Ўзбекистон Миллий ахборот агентлиги (А. Кўчимов), Ўзбекистон Миллий телерадиокомпанияси (А. Джурабаев) , Қурилиш ва уй-жой коммунал хўжалиги вазирлиги (Ш. Хидоятов)

Ўзбекистон Республикаси Президентининг 2025 йил 27 январдаги ПФ-11-сон Фармонига 3-ИЛОВА

Лойиҳа офиси фаолиятининг асосий йўналишлари

1. Уй-жой қурилиши соҳасини ислоҳ қилиш бўйича чора-тадбирлар ва истиқболли ташаббусларни ишлаб чиқиш.

2. Халқаро ташкилотлар ва молия институтлари, халқаро баҳолаш ташкилотлари ва консалтинг компаниялари томонидан тақдим этилган тавсияларни умумлаштириш ҳамда мақбул тавсияларнинг самарали амалга оширилишини таъминлаш.

3. Уй-жой қурилиши соҳасини ривожлантириш бўйича таклифларни шакллантириш, ушбу йўналишда мақбул ташаббусларнинг амалда қўлланилишини таъминлаш.

4. Етакчи экспертлар, консультантлар, жамоатчиликни кенг жалб қилган ҳолда ресурсларни тежайдиган технологияларни жорий этиш ва илғор хорижий тажриба асосида ушбу соҳада таклифлар тайёрлаш.

5. Уй-жой қурилиши соҳасини институционал таҳлил қилиш ва ислоҳ қилишнинг асосий йўналишларини ишлаб чиқиш, давлат-хусусий шериклик асосида уй-жой қурилишини ривожлантириш, ижтимоий уй-жойлар қуришни ташкил этиш юзасидан таклифлар тайёрлаш.

6. Хорижий экспертлар ва халқаро ташкилотларни жалб қилган ҳолда уй-жой қурилиши соҳасини рақамлаштириш, шунингдек, хизматлар кўрсатиш жараёнларига замонавий ахборот тизимларини жорий этиш бўйича янги ташаббусларни ишлаб чиқиш.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 27 январь,

ПФ-11-сон

(Қонунчилик маълумотлари миллий базаси, 01.02.2025 й., 06/25/11/0097-сон)

lex.uz

Oʻzbekiston Respublikasi Prezidentining

Farmoni

TARKIBI

KOMPLEKS CHORA-TADBIRLAR

Uy-joy qurilishi sohasini yanada rivojlantirish, turar va noturar joy obyektlarini ulush kiritish asosida qurish jarayonini tartibga solish mexanizmlarini takomillashtirish chora-tadbirlari toʻgʻrisida

Mamlakatimizda uy-joy qurilishi sohasini uy-joylarni loyihalashtirishdan tortib, foydalanishga topshirishgacha boʻlgan bosqichlarda kompleks tartibga solish, uy-joy qurilishi sohasini yanada rivojlantirish, investitsiyalarni jalb qilish mexanizmlarini takomillashtirish hamda turar va noturar joy obyektlarini ulush kiritish asosida qurish jarayonida fuqarolarning huquq va qonuniy manfaatlarini kafolatlash maqsadida:

1. Oʻzbekiston Respublikasi Prezidenti huzuridagi Strategik islohotlar agentligi, Iqtisodiyot va moliya vazirligi, Qurilish va uy-joy kommunal xoʻjaligi vazirligi, Markaziy bank hamda Adliya vazirligining quyidagilarni nazarda tutuvchi “Uy-joyning yagona hayotiy sikli” tamoyilini joriy etish toʻgʻrisidagi taklifi maʼqullansin:

turar va noturar joy obyektlarini (keyingi oʻrinlarda — obyekt) ulush kiritish asosida qurish jarayonida jismoniy va yuridik shaxslarning (keyingi oʻrinlarda — ulushdor) huquqlari himoya qilinishini taʼminlash;

mavjud yer resurslaridan samarali (intensiv) foydalangan holda uy-joylar qurilishini tashkil qilish;

uy-joy qurilishi sohasida investitsiya loyihalarini amalga oshirish muddatlarini qisqartirish;

uy-joylarni ulush kiritish va ipoteka krediti asosida sotib olishning ishonchli va samarali imkoniyatini yaratish;

uy-joylar qurilishida energiya samarador qurilish materiallaridan foydalanishni ommalashtirish.

2. “Uy-joyning yagona hayotiy sikli” tamoyili doirasida obyektlarni ulush kiritish asosida qurish jarayonida ulushdorlarning huquqlari himoya qilinishini taʼminlash maqsadida shunday tartib oʻrnatilsinki, unga muvofiq 2025-yil 1-iyuldan boshlab:

a) obyektlarni qurishda qurilish-pudrat tashkilotlari, developerlar va buyurtmachilar (keyingi oʻrinlarda — quruvchi) tomonidan ulushdorlarning pul mablagʻlarini qurilishga ulush kiritish asosida jalb qilish faqat notarial tasdiqlangan va kadastr organlarida davlat roʻyxatidan oʻtkazilgan obyekt qurilishida ulush kiritish asosida ishtirok etish shartnomasi (keyingi oʻrinlarda — ulushli shartnoma) boʻyicha amalga oshiriladi;

b) ulushli shartnoma davlat roʻyxatidan oʻtkazilgan paytdan boshlab tomonlar birgalikda qurilish-montaj ishlari tugallangan obyektdan foydalanishi uchun ruxsatnoma berilgunga qadar:

ulushli shartnoma boʻyicha ulushdorning talab qilish huquqlarini boshqa shaxsga oʻtkazishga va ulushli shartnomani garov predmeti sifatida qabul qilishga ruxsat beriladi va kadastr organlarida davlat roʻyxatidan oʻtkaziladi;

ulushli shartnomaga asoslangan mulkiy huquq va majburiyatlar ulushdorning merosi tarkibiga kiradi;

v) ulushli shartnoma boʻyicha mablagʻlar ulushdor tomonidan vakolatli tijorat bankida (keyingi oʻrinlarda — tijorat banki) quruvchi, ulushdor va tegishli tijorat banki oʻrtasida tuziladigan shartnoma asosida ochilgan “eskrou” hisobvaragʻiga ularning hisobini yuritish uchun joylashtiriladi va deponentlanadi;

g) ulushdorlarning uchinchi shaxslar oldidagi majburiyatlari va quruvchining majburiyatlari yuzasidan “eskrou” hisobvaragʻi boʻyicha operatsiyalarni toʻxtatib turish, mablagʻlarni xatlash yoki hisobdan chiqarishga yoʻl qoʻyilmaydi;

d) obyektni qurish ishlarini moliyalashtirish quruvchining oʻz mablagʻlari, tijorat banklari tomonidan loyihaviy moliyalashtirish orqali ajratiladigan kredit mablagʻlari va qonunchilikda taqiqlanmagan boshqa mablagʻlar hisobidan amalga oshiriladi;

e) birinchi bosqichda quruvchi tomonidan obyektni qurish ishlari umumiy hajmining kamida 30 foizi oʻz mablagʻlari hisobidan amalga oshirilgandan soʻng tijorat banki tomonidan quruvchiga maqsadli kredit ajratish tizimi yoʻlga qoʻyiladi;

j) tijorat banklari tomonidan quruvchilarga loyihaviy moliyalashtirish orqali ajratiladigan kreditlarning yillik foiz stavkasi “eskrou” hisobvaragʻida jamlangan mablagʻlar hajmidan kelib chiqib belgilanadi. Bunda “eskrou” hisobvaragʻida mablagʻlar koʻpayishi natijasida kredit foiz stavkasini pasaytirib borish tizimi yoʻlga qoʻyiladi;

z) ulushli shartnomaga asosan qurilgan va qurilish-montaj ishlari tugallangan obyektdan foydalanish uchun ruxsatnoma berilgandan soʻng:

“eskrou” hisobvaragʻida deponentlangan mablagʻlar tijorat banki tomonidan quruvchining qurilish uchun ajratilgan kreditini soʻndirish uchun yoʻnaltiriladi va qolgan qismi quruvchiga oʻtkazib beriladi;

quruvchi va ulushdor tomonidan ulushli qurilish obyektini ulushdorga topshirish toʻgʻrisidagi dalolatnoma imzolanadi;

ulushdorning obyektga boʻlgan mulk huquqi kadastr organlari tomonidan davlat roʻyxatidan oʻtkaziladi;

i) obyektning qurilish-montaj ishlari oʻz vaqtida tugallanmagan va undan foydalanish uchun ruxsatnoma olinmagan taqdirda har bir kechikkan kun uchun alohida qatʼiy belgilangan jarimalar joriy qilinadi va shartnoma yuzasidan muddatlar faqat ulushdorning roziligini olgan holda qoʻshimcha shartnoma tuzish orqali uzaytiriladi. Bunda obyekt loyiha-smeta hujjatlarida koʻrsatilgan muddatdan olti oy oʻtgandan keyin foydalanishga topshirilgan taqdirda, ulushdor “eskrou” hisobvaragʻidagi deponentlangan mablagʻlarni ulushli shartnomani bir tomonlama bekor qilish orqali qaytarib olishi mumkin;

k) qurilish-montaj ishlari tugallangan obyektdan foydalanish uchun ruxsatnomasi mavjud boʻlmagan obyekt qurilishiga ulushdorlarning mablagʻlarini jalb qilish uchun turar va noturar joyni naturada olish huquqini beruvchi qimmatli qogʻozlarni taklif qilish va sotish hamda mazkur Farmonda belgilangan tartib talablariga javob bermaydigan boshqa shartnomalarni tuzish taqiqlanadi.

3. Belgilansinki, qurilishga ulushdorlarning mablagʻlarini jalb qilish:

2025-yil 1-iyuldan 2025-yil 31-dekabrga qadar “eskrou” hisobvaraqlari orqali hamda hozirda amalda boʻlgan ulushli ishtirok etish tartibida toʻgʻridan-toʻgʻri jalb qilish mexanizmi boʻyicha parallel ravishda taraflarning tanloviga koʻra amalga oshiriladi;

2026-yil 1-yanvardan boshlab faqat “eskrou” hisobvaraqlari orqali amalga oshiriladi.

4. Markaziy bank Adliya vazirligi bilan birgalikda uch oy muddatda ulushli qurilishni loyihaviy moliyalashtiradigan va “eskrou” hisobvaragʻi boʻyicha operatsiyalarni amalga oshiradigan tijorat banklarining roʻyxati, ularning huquq va majburiyatlari boʻyicha mezonlar, “eskrou” hisobvaragʻini yuritish hamda obyektlarni loyihaviy moliyalashtirish tartibini tasdiqlasin.

5. Qurilish va uy-joy kommunal xoʻjaligi vazirligi Markaziy bank bilan birgalikda bir oy muddatda obyektlarni loyihaviy moliyalashtirish, ulushli shartnomalarni tuzish hamda “eskrou” hisobvaragʻi yuritish boʻyicha operatsiyalarni amalga oshirish yuzasidan tijorat banklarining masʼul xodimlari xorijda amaliyot oʻtashini hamda xorijiy mutaxassislarni jalb qilgan holda ularning malakasini oshirishni tashkil etsin.

6. Qurilish va uy-joy kommunal xoʻjaligi vazirligi Raqamli texnologiyalar vazirligi bilan birgalikda uch oy muddatda “Shaffof qurilish” axborot tizimi doirasida uy-joylar qurilishi boʻyicha elektron platforma yaratib, 2025-yil 1-iyuldan boshlab toʻliq ishlashini taʼminlasin. Bunda belgilansinki:

a) qurilishga ulushdorlarning mablagʻlarini jalb qiluvchi quruvchi qurilish tashkiloti va obyekt haqidagi quyidagi maʼlumotlarni elektron platformaga joylashtirib boradi:

har bir qurilayotgan obyektning loyiha boʻyicha joylashgan aniq manzili, qavatlari, kirish yoʻlaklari, xonadonlari va noturar joylar soni hamda ularning maydoni, tutash boʻlgan hududlar, moliyalashtiruvchi tijorat banki, sotilgan turar va noturar joylar toʻgʻrisidagi maʼlumotlar;

yagona maʼmuriy qurilish reglamentlaridagi hujjatlar, tasdiqlangan loyiha-smeta hujjatlari va ijobiy ekspertiza xulosasi, qurilish boshlanadigan sana va foydalanishga topshirish muddati, qurilish holati va qonunchilikda talab etilishi taqiqlanmagan boshqa maʼlumotlar;

b) elektron platformaga maʼlumotlari joylashtirilmagan va ushbu maʼlumotlar elektron platformadan kadastr organlariga maydonlari koʻrsatilgan holda binoning alohida realizatsiya qilinadigan qismlari taqdim etilmagan obyektlar boʻyicha tuzilgan ulushli shartnomalarga notarial harakatlar amalga oshirilmaydi hamda bunday shartnomalar davlat roʻyxatidan oʻtkazilmaydi;

v) maʼlumotlarni elektron platformaga joylashtirmagan quruvchi qonun hujjatlarida belgilangan tartibda javobgar boʻladi;

g) Qurilish va uy-joy kommunal xoʻjaligi vazirligi obyekt qurilishini roʻyxatdan oʻtkazishda loyiha boʻyicha maʼlumotlarni elektron platformaga joylashtiradi hamda kadastr organlari, tijorat banklari va notariuslarga mazkur maʼlumotlarni tekshirish imkoniyatini yaratadi;

d) xaridorlarga quruvchining obyektda qurilish-montaj ishlarini bajarish yuzasidan ruxsatnomasi mavjudligini, uning reytingini, oldingi loyihalarini, ulushli qurilishdagi shartnomaviy intizomini, oʻz vaqtida foydalanishga topshirish muddatlarini elektron platforma orqali tekshirish imkoniyati yaratiladi;

e) ulush kiritish asosidagi qurilishlarning belgilangan tartibda tasdiqlangan va ruxsat beruvchi hujjatlari rasmiylashtirilgan loyihalari doirasida:

obyektlardagi xonalarning rejalashtirilishiga oʻzgartirish kiritish, elektron platformada roʻyxatga olingandan soʻng Qoraqalpogʻiston Respublikasi Qurilish va uy-joy kommunal xoʻjaligi vazirligi, viloyatlar va Toshkent shahri qurilish bosh boshqarmalari huzuridagi hududiy arxitektura-shaharsozlik kengashlariga kiritish;

koʻp kvartirali uylar foydalanishga topshirilgunga qadar obyektlarning loyiha hujjatlariga oʻzgartirish kiritish va uni shaharsozlik ekspertizasiga yuborish;

qurilish ishlari yakunlanmagan obyektlar joylashgan yer uchastkalarini boshqa shaxslarga oʻtkazish taqiqlanadi.

7. Kadastr agentligi Adliya vazirligi va Raqamli texnologiyalar vazirligi bilan birgalikda 2025-yil 1-iyulga qadar ulushli shartnoma boʻyicha talab qilish va garov huquqlarini boshqa shaxsga oʻtkazishni nazarda tutgan holda ulushli shartnomalarni davlat roʻyxatidan oʻtkazish va soliq organlariga elektron koʻrinishda taqdim etib borish tizimini joriy etsin.

8. Obyektlarni ulush kiritish asosida qurish, “eskrou” hisobvaraqlarini yuritish hamda loyihaviy qurilish tartibini joriy etish boʻyicha respublika komissiyasi 1-ilovaga muvofiq tarkibda tuzilsin va quyidagilar uning asosiy vazifalari etib belgilansin:

obyektlarni ulush kiritish asosida qurish, “eskrou” hisobvaraqlarini joriy etish hamda uy-joylarning loyihaviy qurilishi sohasidagi normativ-huquqiy hujjatlarni ishlab chiqishda, ularni amalga oshirishda ishtirok etuvchi davlat organlari, mahalliy ijro etuvchi hokimiyat organlari va boshqa tashkilotlarning faoliyatini muvofiqlashtirish va ularning oʻzaro hamkorligini taʼminlash;

obyektlarni ulush kiritish asosida qurish va loyihaviy qurilish tizimi bajarilishini tahlil va monitoring qilish, natijalari boʻyicha muammoli masalalarni yechishga qaratilgan aniq chora-tadbirlarni ishlab chiqish;

joylarda tatbiq etiladigan loyihaviy qurilishga binoan “eskrou” hisobvaraqlarini yuritish hamda quruvchilarni tijorat banklari orqali kreditlash mexanizmlarining yagona amaliyoti qoʻllanishini taʼminlash;

ulush kiritish asosida qurish va loyihaviy qurilishga muvofiq ayrim hududlarda uy-joylar qurilishining belgilangan muddatlarda amalga oshirilmasligi sabablarini oʻrganish va yuzaga keladigan muammolarni bartaraf etish yuzasidan takliflar tayyorlash;

davlat organlari, mahalliy ijro etuvchi hokimiyat organlari va boshqa tashkilotlar rahbarlarining uy-joylarni ulush kiritish asosida qurish va loyihaviy qurilishni amalga oshirish boʻyicha bajarilgan ishlar toʻgʻrisidagi hisobotlarini eshitish.

9. Oʻzbekiston Respublikasi Iqtisodiyot va moliya vazirligi huzurida “Uy-joyning yagona hayotiy sikli” tamoyilini amalga oshirish boʻyicha chora-tadbirlarni ishlab chiqish va uning joriy etilishini taʼminlash uchun yuridik shaxs tashkil etmasdan, mutaxassis va ekspertlarni shartnoma asosida jalb etish hisobiga loyiha ofisi (keyingi oʻrinlarda — Loyiha ofisi) tashkil etilsin.

10. Quyidagilar:

Uy-joy qurilishi sohasini takomillashtirishning ustuvor yoʻnalishlarini amalga oshirish boʻyicha kompleks chora-tadbirlar 2-ilovaga muvofiq;

Loyiha ofisi faoliyatining asosiy yoʻnalishlari 3-ilovaga muvofiq tasdiqlansin.

11. Belgilab qoʻyilsinki:

Loyiha ofisining shtat birliklari Iqtisodiyot va moliya vazirligining amaldagi shtatlari doirasida shakllantiriladi;

Loyiha ofisi uy-joy qurilishi sohasini rivojlantirish boʻyicha oʻz taklif va tavsiyalarini Oʻzbekiston Respublikasi Prezidenti Administratsiyasiga, Vazirlar Mahkamasi va boshqa tegishli idoralarga taqdim etib boradi;

uy-joy qurilishi bilan bogʻliq masalalarda ishlab chiqilayotgan barcha normativ-huquqiy hujjatlar loyihalari Loyiha ofisi bilan kelishilishi lozim.

Loyiha ofisi 2025-yil 1-aprelga qadar “Uy-joyning yagona hayotiy sikli” tamoyilini toʻliq ishga tushirish, shu jumladan, uy-joy qurilishi sohasini kompleks isloh qilish, shuningdek, islohotlarni amalga oshirishga toʻsqinlik qilayotgan sabablarni bartaraf etish hamda loyihaviy moliyalashtirishni joriy etish boʻyicha takliflarni Oʻzbekiston Respublikasi Prezidenti Administratsiyasiga kiritsin.

12. Loyiha ofisiga quyidagi huquqlar berilsin:

Loyiha ofisi faoliyatiga bozor konyunkturasidan kelib chiqqan holda tegishli vazirlik va idoralarning, ular tizimidagi tashkilotlarning, shuningdek, ilmiy-tadqiqot muassasalarining tajribali mutaxassislarini shartnoma asosida jalb etish;

hududiy tashkilotlar, tumanlar (shaharlar) yoki hududlar misolida ishlab chiqilgan loyihalarni tajriba sinovdan oʻtkazish;

davlat organlari va tashkilotlaridan zarur statistika, tahliliy va boshqa maʼlumotlarni talab qilib olish;

mahalliy va xorijiy mutaxassislar, ekspertlar, konsultantlar va maslahatchilarni toʻgʻridan-toʻgʻri shartnomalar asosida jalb qilish va ishga qabul qilish, ularning mehnatiga milliy yoki xorijiy valyutada, shu jumladan, mablagʻlarni ularning xorijiy hisobvaraqlariga oʻtkazish yoʻli bilan haq toʻlash.

13. Iqtisodiyot va moliya vazirligi bir hafta muddatda Loyiha ofisi toʻgʻrisidagi nizomni, shuningdek, uning tuzilmasini, shtat birliklari sonini, mehnatga haq toʻlash miqdorlarini va xodimlarni moddiy ragʻbatlantirish shartlarini tasdiqlasin.

14. Istiqbolli loyihalar milliy agentligi 2025-yil 1-martga qadar obyekt qurilishida quruvchilar tomonidan majburiyatlarni bajarmaslik xavfini sugʻurta qilish boʻyicha mavjud sugʻurta mahsulotlari samaradorligini oshirish yuzasidan Oʻzbekiston Respublikasi Prezidenti Administratsiyasiga taklif kiritsin.

15. Qurilish va uy-joy kommunal xoʻjaligi vazirligi hamda Qurilish va uy-joy kommunal xoʻjaligi sohasida nazorat qilish inspeksiyasi Oʻzbekiston Respublikasi Prezidentining 2020-yil 27-maydagi PQ-4732-son qarori bilan tasdiqlangan Koʻp kvartirali uylarni ulush kiritish asosida qurish toʻgʻrisidagi nizomga muvofiq, Ulush kiritish asosida qurish uchun mablagʻlarni jalb etuvchi quruvchilarning elektron roʻyxatiga kiritmagan holda reklama qilinayotgan obyektlarni aniqlab, ular boʻyicha maʼlumotlarni Raqobatni rivojlantirish va isteʼmolchilar huquqlarini himoya qilish qoʻmitasiga taqdim etib borsin.

Raqobatni rivojlantirish va isteʼmolchilar huquqlarini himoya qilish qoʻmitasi mazkur obyektlar boʻyicha quruvchiga belgilangan tartibda choralar koʻrilishini taʼminlab borsin.

16. Qurilish va uy-joy kommunal xoʻjaligi vazirligi, Qurilish va uy-joy kommunal xoʻjaligi sohasida nazorat qilish inspeksiyasi, Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari “eskrou” tizimi ishga tushishiga qadar noqonuniy qurilishlarni aniqlash va ular boʻyicha chora koʻrish hamda ulushdorlar huquqlari buzilishining oldini olish yuzasidan ishlarni kuchaytirsin.

17. Iqtisodiyot va moliya vazirligi Qurilish va uy-joy kommunal xoʻjaligi vazirligi, Adliya vazirligi va Markaziy bank bilan birgalikda ikki oy muddatda qonunchilik hujjatlariga ushbu Farmondan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.

18. Mazkur Farmon ijrosini nazorat qilish hamda ijro uchun masʼul idoralar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.

Oʻzbekiston Respublikasi Prezidentining 2025-yil 27-yanvardagi PF-11-son Farmoniga 1-ILOVA

Obyektlarni ulush kiritish asosida qurish, “eskrou” hisobvaraqlarini yuritish hamda loyihaviy qurilish tartibini joriy etish boʻyicha respublika komissiyasi

1. J.A. Qoʻchqorov — Oʻzbekiston Respublikasi Bosh vazirining oʻrinbosari — iqtisodiyot va moliya vaziri, Respublika komissiyasi raisi 2. T.A. Ishmetov — Oʻzbekiston Respublikasi Markaziy banki raisi, Respublika komissiyasi raisi oʻrinbosari 3. Sh.S. Xidoyatov — qurilish va uy-joy kommunal xoʻjaligi vaziri, Respublika komissiyasi raisi oʻrinbosari 4. S.A. Sadullayev — iqtisodiyot va moliya vaziri oʻrinbosari 5. A.N. Karimov — adliya vaziri oʻrinbosari 6. F.J. Pulatov — Kadastr agentligi direktori 7. M.M. Mirzayev — Soliq qoʻmitasi raisining birinchi oʻrinbosari 8. M.B. Jumaniyazov — Vazirlar Mahkamasi kotibiyati mudiri 9. K.K. Xannarov — Vazirlar Mahkamasining bosh mutaxassisi 10. Lavozimi boʻyicha — Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari 11. F.A. Inamov — Iqtisodiyot va moliya vazirligi departamenti direktori, Respublika komissiyasi masʼul kotibi

Oʻzbekiston Respublikasi Prezidentining 2025-yil 27-yanvardagi PF-11-son Farmoniga 2-ILOVA

Uy-joy qurilishi sohasini takomillashtirishning ustuvor yoʻnalishlarini amalga oshirish boʻyicha

T/r Chora-tadbirlar nomi Amalga oshirish mexanizmi Bajarish muddatlari Masʼul ijrochilar 1. “Koʻp kvartirali uylar va boshqa koʻchmas mulk obyektlarini ulush kiritish asosida qurishda ishtirok etish toʻgʻrisida”gi qonun loyihasini ishlab chiqish, unda, shu jumladan uy-joy qurilishida ulushli ishtirok etish doirasida fuqarolarning mulkdagi investitsiya huquqlari buzilganligi uchun quruvchilarning javobgarligini kuchaytirishni nazarda tutish. 1. “Koʻp kvartirali uylar va boshqa koʻchmas mulk obyektlarini ulush kiritish asosida qurishda ishtirok etish toʻgʻrisida”gi qonun loyihasini ishlab chiqish. 2025-yil mart Adliya vazirligi (A. Tashkulov), Strategik islohotlar agentligi (B. Raxmatov) , Qurilish va uy-joy kommunal xoʻjaligi vazirligi (Sh. Xidoyatov) , Iqtisodiyot va moliya vazirligi (S. Sadullayev) 2. Qonun loyihasini belgilangan tartibda kelishish. 2025-yil aprel 3. Qonun loyihasini Vazirlar Mahkamasiga kiritish. 2025-yil aprel 2. Quruvchi va ulushdorlarning majburiyatlari hamda “eskrou” hisobvaragʻini ochish toʻgʻrisida shartnoma tuzish bilan bogʻliq masalalar yuzasidan qonunchilikni takomillashtirish. 1. Oʻzbekiston Respublikasining Fuqarolik kodeksi va boshqa qonunchilik hujjatlariga tegishli oʻzgartirish va qoʻshimchalar kiritish boʻyicha qonun loyihasini ishlab chiqish. 2025-yil mart Adliya vazirligi (A. Tashkulov), Strategik islohotlar agentligi (B. Raxmatov), Iqtisodiyot va moliya vazirligi (S. Sadullayev) 2. Qonun loyihasini belgilangan tartibda kelishish. 2025-yil aprel 3. Qonun loyihasini Vazirlar Mahkamasiga kiritish. 2025-yil aprel 3. Qurilishda ulush kiritish asosida ishtirok etish toʻgʻrisidagi shartnomalarni davlat roʻyxatidan oʻtkazish tartibini belgilash. 1. Oʻzbekiston Respublikasining “Koʻchmas mulkka boʻlgan huquqlarni davlat roʻyxatidan oʻtkazish toʻgʻrisida”gi Qonuniga oʻzgartirish va qoʻshimchalar kiritish boʻyicha qonun loyihasini ishlab chiqish. 2025-yil mart Kadastr agentligi (F. Pulatov) , Iqtisodiyot va moliya vazirligi (S. Sadullayev), Adliya vazirligi (A. Tashkulov), Strategik islohotlar agentligi (B. Raxmatov) 2. Qonun loyihasini belgilangan tartibda kelishish. 2025-yil aprel 3. Qonun loyihasini Vazirlar Mahkamasiga kiritish. 2025-yil aprel 4. Qurilish jarayonida ulushdorlarning huquq va majburiyatlarini hamda tashkil etiladigan elektron platformaga maʼlumotlar joylashtirishda qurilish va developerlarning masʼuliyatini oshirish. Bunda maʼlumotlar joylashtirishdagi qoidabuzarliklar uchun javobgarlikni belgilash. 1. “Oʻzbekiston Respublikasining Jinoyat kodeksiga va Maʼmuriy javobgarlik toʻgʻrisidagi kodeksiga oʻzgartirish va qoʻshimchalar kiritish toʻgʻrisida”gi qonun loyihasini ishlab chiqish. 2025-yil mart Adliya vazirligi (A. Tashkulov), Strategik islohotlar agentligi (B. Raxmatov), Qurilish va uy-joy kommunal xoʻjaligi vazirligi (Sh. Xidoyatov) 2. Qonun loyihasini belgilangan tartibda kelishish. 2025-yil aprel 3. Qonun loyihasini Vazirlar Mahkamasiga kiritish. 2025-yil aprel 5. Ulush kiritish asosidagi qurilish boʻyicha quruvchilarning toʻlovga qobiliyatsizligining oʻziga xos xususiyatlariga oid normalarni takomillashtirish. 1. Oʻzbekiston Respublikasining “Toʻlovga qobiliyatsizlik toʻgʻrisida”gi Qonuniga oʻzgartirish va qoʻshimchalar kiritish toʻgʻrisida”gi qonun loyihasini ishlab chiqish. 2025-yil mart Davaktiv agentligi (A. Ortikov) , Adliya vazirligi (A. Tashkulov), Oliy sud (B. Islamov), Strategik islohotlar agentligi (B. Raxmatov) 2. Qonun loyihasini belgilangan tartibda kelishish. 2025-yil aprel 3. Qonun loyihasini Vazirlar Mahkamasiga kiritish. 2025-yil aprel 6. Ulush kiritish asosida qurish jarayonlarida mablagʻlarni jalb qilish va ulushdorlarda mulk huquqi vujudga kelishi bilan bogʻliq jarayonlarni tartibga solish. 1. Qurilayotgan koʻp kvartiradagi xonadonlarni ulushdorlarga oʻtkazish tartibini belgilovchi normativ-huquqiy hujjat loyihasini ishlab chiqish. 2025-yil mart Qurilish va uy-joy kommunal xoʻjaligi vazirligi (Sh. Xidoyatov) , Iqtisodiyot va moliya vazirligi (S. Sadullayev), Markaziy bank (A. Kamalov) , Kadastr agentligi (F. Pulatov) 2. Loyihani belgilangan tartibda kelishish. 2025-yil aprel 3. Loyihani Vazirlar Mahkamasiga kiritish. 2025-yil aprel 7. Uy-joy qurilishida ulushli ishtirok doirasida fuqarolarning mulkdagi investitsiya huquqlarini buzganlik uchun quruvchilarning javobgarligini kuchaytirish. 1. “Oʻzbekiston Respublikasining ayrim qonun hujjatlariga uy-joy qurishda ulushli ishtirok doirasida fuqarolarning mulkdagi investitsiya huquqlarini buzganlik uchun quruvchilarning javobgarligini belgilashga qaratilgan oʻzgartish va qoʻshimchalar kiritish toʻgʻrisida”gi qonun loyihasini ishlab chiqish. 2025-yil mart Vazirlar Mahkamasi (A. Ramatov) , Qurilish va uy-joy kommunal xoʻjaligi vazirligi (Sh. Xidoyatov) , Adliya vazirligi (A. Tashkulov) , Bosh prokuratura (N. Yoʻldoshev) , Iqtisodiyot va moliya vazirligi (S. Sadullayev) 2. Qonun loyihasini belgilangan tartibda kelishish. 2025-yil aprel 3. Qonun loyihasini Vazirlar Mahkamasiga kiritish. 2025-yil aprel 8. Uy-joy qurilishi boʻyicha elektron platforma toʻgʻrisidagi nizomni tasdiqlash va qurilishga ulushdorlarning mablagʻlarini jalb qiluvchi quruvchi tomonidan qurilish tashkiloti haqidagi maʼlumotlarni elektron platformaga joylashtirib borish tartibini belgilash. Bunda Uy-joy qurilishi boʻyicha elektron platformada: ulush kiritish asosida faoliyat yuritish huquqiga ega quruvchilarning reyting tizimi joriy qilinadi hamda quruvchi va tijorat banklari toʻgʻrisidagi maʼlumotlar ochiq eʼlon qilib boriladi; har bir koʻp kvartirali uy, alohida realizatsiya qilinadigan qismlarini koʻrsatgan holda va unga tutash yer uchastkasi chegarasining topografik rejasi raqamli tarzda shakllantiriladi. 1. Normativ-huquqiy hujjat loyihasini ishlab chiqish. 2025-yil mart Vazirlar Mahkamasi (A. Ramatov), Qurilish va uy-joy kommunal xoʻjaligi vazirligi (Sh. Xidoyatov), Markaziy bank (A. Kamalov), Iqtisodiyot va moliya vazirligi (S. Sadullayev) , Kadastr agentligi (F. Pulatov) , Adliya vazirligi (A. Tashkulov) 2. Loyihani belgilangan tartibda kelishish. 3. Loyihani Vazirlar Mahkamasiga kiritish. 2025-yil aprel 9. Qurilishda ulush kiritish asosida ishtirok etish shartnomasi boʻyicha talab qilish va garov huquqlarini boshqa shaxsga oʻtkazishni nazarda tutgan holda ulushli shartnomalarni davlat roʻyxatidan oʻtkazish hamda soliq organlariga elektron shaklda taqdim etib borish tizimini joriy etish. Amaliy chora-tadbirlarni amalga oshirish, shu jumladan, elektron axborot tizimlari orqali maʼlumotlar almashuvini yoʻlga qoʻyish. 2025-yil aprel Kadastr agentligi (F. Pulatov), Raqamli texnologiyalar vazirligi (Sh. Shermatov), Adliya vazirligi (A. Tashkulov) 10. Obyekt qurilishida quruvchilar tomonidan majburiyatlarni bajarmaslik xavfini sugʻurta qilish boʻyicha mavjud sugʻurta mahsulotlari samaradorligini oshirish yuzasidan taklif tayyorlash. Takliflarni tayyorlash va Oʻzbekiston Respublikasi Prezidenti Administratsiyasiga kiritish. 2025-yil mart Istiqbolli loyihalar milliy agentligi (D. Li) , Qurilish va uy-joy kommunal xoʻjaligi vazirligi (Sh. Xidoyatov), Markaziy bank (A. Kamalov) 11. Loyihalarni amalga oshirish muddatlarini qisqartirish maqsadida investitsiya-qurilish sikli doirasida maʼmuriy tartib-taomillarni tartibga solishga qaratilgan kompleks chora-tadbirlar. 1. Loyihalarni amalga oshirish muddatlarini qisqartirish maqsadida investitsiya-qurilish sikli doirasida maʼmuriy tartib-taomillarni tartibga solishni nazarda tutuvchi normativ-huquqiy hujjat loyihasini ishlab chiqish. 2025-yil mart Vazirlar Mahkamasi (A. Ramatov) , Qurilish va uy-joy kommunal xoʻjaligi vazirligi (Sh. Xidoyatov) , Kadastr agentligi (F. Pulatov) , Adliya vazirligi (A. Tashkulov) , Soliq qoʻmitasi (Sh. Kudbiyev) 2. Loyihani belgilangan tartibda kelishish. 2025-yil aprel 3. Loyihani Vazirlar Mahkamasiga kiritish. 2025-yil aprel 12. Mablagʻlarni jalb qilish uchun ipoteka kreditiga asoslangan yangi moliyaviy vositalarni joriy etish, shu jumladan, ipoteka garovi bilan taʼminlangan qimmatli qogʻozlarni chiqarish va ularning muomalada boʻlishini (sekyuritizatsiya) taʼminlash. 1. “Kapital bozori toʻgʻrisida”gi Oʻzbekiston Respublikasi qonuni loyihasini ishlab chiqish. 2025-yil iyun Istiqbolli loyihalar milliy agentligi (D. Li), Markaziy bank (A. Kamalov), Iqtisodiyot va moliya vazirligi (S. Sadullayev), “Oʻzbekiston ipotekani qayta moliyalashtirish kompaniyasi” AJ (M. Farmanov) 2. Loyihani belgilangan tartibda kelishish. 2025-yil iyul 3. Loyihani Vazirlar Mahkamasiga kiritish. 2025-yil iyul 13. Aholini uy-joy bilan taʼminlash boʻyicha xorijiy davlatlarning ilgʻor tajribalari asosida uy-joy qurilishi sohasini rivojlantirish boʻyicha davlat muassasasi shaklidagi “Oʻz uyim” kompaniyasini tashkil etish. 1. Aholini uy-joy bilan taʼminlash boʻyicha xorijiy davlatlarning ilgʻor tajribalarini oʻrganish. 2025-yil fevral Vazirlar Mahkamasi (J. Qoʻchqorov), Iqtisodiyot va moliya vazirligi (S. Sadullayev), Qurilish va uy-joy kommunal xoʻjaligi vazirligi (Sh. Xidoyatov), Markaziy bank (A. Kamalov) 2. Oʻrganish natijalariga koʻra respublikada uy-joy qurilishi sohasini rivojlantirish boʻyicha davlat muassasasi shaklidagi “Oʻz uyim” kompaniyasini tashkil etish yuzasidan taklif ishlab chiqib, Vazirlar Mahkamasiga kiritish. 2025-yil mart 14. Uy-joy qurilishi sohasini yanada rivojlantirish boʻyicha joriy etilayotgan tartib, amalga oshiriladigan chora-tadbirlarning mazmun-mohiyati va erishilishi kutilayotgan natijalarni ommaviy axborot vositalarida keng yoritish. Amaliy chora-tadbirlar. Rejaga muvofiq Axborot va ommaviy kommunikatsiyalar agentligi (A. Xodjayev), Oʻzbekiston Milliy axborot agentligi (A. Koʻchimov), Oʻzbekiston Milliy teleradiokompaniyasi (A. Djurabayev) , Qurilish va uy-joy kommunal xoʻjaligi vazirligi (Sh. Xidoyatov)

Oʻzbekiston Respublikasi Prezidentining 2025-yil 27-yanvardagi PF-11-son Farmoniga 3-ILOVA

Loyiha ofisi faoliyatining asosiy yoʻnalishlari

1. Uy-joy qurilishi sohasini isloh qilish boʻyicha chora-tadbirlar va istiqbolli tashabbuslarni ishlab chiqish.

2. Xalqaro tashkilotlar va moliya institutlari, xalqaro baholash tashkilotlari va konsalting kompaniyalari tomonidan taqdim etilgan tavsiyalarni umumlashtirish hamda maqbul tavsiyalarning samarali amalga oshirilishini taʼminlash.

3. Uy-joy qurilishi sohasini rivojlantirish boʻyicha takliflarni shakllantirish, ushbu yoʻnalishda maqbul tashabbuslarning amalda qoʻllanilishini taʼminlash.

4. Yetakchi ekspertlar, konsultantlar, jamoatchilikni keng jalb qilgan holda resurslarni tejaydigan texnologiyalarni joriy etish va ilgʻor xorijiy tajriba asosida ushbu sohada takliflar tayyorlash.

5. Uy-joy qurilishi sohasini institutsional tahlil qilish va isloh qilishning asosiy yoʻnalishlarini ishlab chiqish, davlat-xususiy sheriklik asosida uy-joy qurilishini rivojlantirish, ijtimoiy uy-joylar qurishni tashkil etish yuzasidan takliflar tayyorlash.

6. Xorijiy ekspertlar va xalqaro tashkilotlarni jalb qilgan holda uy-joy qurilishi sohasini raqamlashtirish, shuningdek, xizmatlar koʻrsatish jarayonlariga zamonaviy axborot tizimlarini joriy etish boʻyicha yangi tashabbuslarni ishlab chiqish.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 27-yanvar,

PF-11-son

(Qonunchilik maʼlumotlari milliy bazasi, 01.02.2025-y., 06/25/11/0097-son)

lex.uz

Президента Республики Узбекистан

Указ

О мерах по дальнейшему развитию сферы жилищного строительства и совершенствованию механизмов регулирования процесса строительства жилых и нежилых объектов на основе долевого участия

В целях комплексного регулирования сферы жилищного строительства в стране, начиная с этапов проектирования до сдачи в эксплуатацию жилья, дальнейшего развития сферы жилищного строительства, совершенствования механизмов привлечения инвестиций, а также гарантирования прав и законных интересов граждан в процессе строительства жилых и нежилых объектов на основе долевого участия:

1. Одобрить предложение Агентства стратегических реформ при Президенте Республики Узбекистан, Министерства экономики и финансов, Министерства строительства и жилищно-коммунального хозяйства, Центрального банка и Министерства юстиции о внедрении принципа «Единый жизненный цикл жилья», предусматривающее:

обеспечение защиты прав физических и юридических лиц (далее — дольщик) в процессе строительства жилых и нежилых объектов (далее — объект) на основе долевого участия;

организацию жилищного строительства с эффективным (интенсивным) использованием имеющихся земельных ресурсов;

сокращение сроков реализации инвестиционных проектов в сфере жилищного строительства;

создание надежной и эффективной возможности приобретения жилья на основе долевого участия и ипотечного кредитования;

популяризацию использования энергоэффективных строительных материалов в жилищном строительстве.

2. В целях обеспечения защиты прав дольщиков в процессе строительства объектов на основе долевого участия установить в рамках принципа «Единый жизненный цикл жилья» порядок, в соответствии с которым с 1 июля 2025 года:

а) привлечение денежных средств дольщиков на основе долевого участия в строительстве объектов осуществляется строительно-подрядными организациями, девелоперами и заказчиками (далее — застройщик) исключительно на основании нотариально заверенного договора на основе долевого участия в строительстве объекта (далее — договор долевого участия), прошедшего государственную регистрацию в кадастровых органах;

б) со дня государственной регистрации договора долевого участия до предоставления разрешения на совместную эксплуатацию сторонами объекта, на котором завершены строительно-монтажные работы:

разрешается передача другому лицу прав дольщика на истребование по договору долевого участия, а также принятие в качестве предмета залога договора долевого участия, и осуществляется его государственная регистрация в кадастровых органах;

имущественные права и обязательства, основанные на договоре долевого участия, входят в состав наследства дольщика;

в) средства по договору долевого участия для их учета размещаются и депонируются дольщиком на эскроу-счете, открытом в уполномоченном коммерческом банке (далее — коммерческий банк) на основании договора, заключаемого между застройщиком, дольщиком и соответствующим коммерческим банком;

г) не допускается приостановление операций, наложение ареста либо списание средств на эскроу-счете по обязательствам дольщиков перед третьими лицами и обязательствам застройщика;

д) финансирование работ по строительству объекта производится за счет собственных средств застройщика, кредитных средств, выделяемых коммерческими банками путем проектного финансирования, а также иных средств, не запрещенных законодательством;

е) внедряется система выделения коммерческим банком целевого кредита застройщику после выполнения застройщиком на первом этапе не менее 30 процентов общего объема работ по строительству объекта за счет собственных средств;

ж) годовая процентная ставка кредитов, выделяемых коммерческими банками застройщикам путем проектного финансирования, устанавливается исходя из суммы средств, аккумулированных на эскроу-счете. При этом внедряется система понижения процентной ставки кредита в результате увеличения средств на эскроу-счете;

з) после предоставления разрешения на эксплуатацию объекта с завершенными строительно-монтажными работами и построенного на основании договора долевого участия:

средства, депонированные на эскроу-счете, направляются коммерческим банком на погашение выделенного кредита застройщику для строительства, оставшаяся часть перечисляется застройщику;

застройщик и дольщик подписывают акт передачи дольщику объекта долевого строительства;

государственная регистрация права собственности дольщика на объект осуществляется кадастровыми органами;

и) в случае незавершения своевременно строительно-монтажных работ и отсутствия разрешения на эксплуатацию объекта, внедряются отдельные фиксированные штрафы за каждый день просрочки, продление сроков по договору осуществляется только с согласия дольщика путем заключения дополнительного соглашения. При этом в случае сдачи объекта в эксплуатацию по истечении шести месяцев со срока, указанного в проектно-сметной документации, дольщик может осуществить возврат средств, депонированных на эскроу-счете, путем одностороннего расторжения договора долевого участия;

к) запрещается предлагать и реализовывать ценные бумаги, предоставляющие право на выделение жилых и нежилых помещений в натуре, для привлечения средств дольщиков на строительство объекта, по которому не имеется разрешение на эксплуатацию объекта с завершенными строительно-монтажными работами, а также заключать иные договоры, не соответствующие требованиям порядка, установленного настоящим Указом.

3. Установить, что привлечение средств дольщиков для строительства осуществляется:

в период с 1 июля 2025 года по 31 декабря 2025 года — параллельно посредством эскроу-счетов и действующего на сегодняшний день порядка долевого участия на основе механизма прямого привлечения по выбору сторон;

с 1 января 2026 года — только посредством эскроу-счетов.

4. Центральному банку совместно с Министерством юстиции в трехмесячный срок утвердить перечень коммерческих банков, осуществляющих проектное финансирование долевого строительства и операции по эскроу-счетам, критерии их прав и обязательств, порядки ведения эскроу-счетов и проектного финансирования объектов.

5. Министерству строительства и жилищно-коммунального хозяйства совместно с Центральным банком в месячный срок организовать стажировку за рубежом работников коммерческих банков, ответственных за проектное финансирование объектов, заключение договоров долевого участия, осуществление операций по эскроу-счетам, а также повышение их квалификации с привлечением зарубежных специалистов.

6. Министерству строительства и жилищно-коммунального хозяйства совместно с Министерством цифровых технологий в трехмесячный срок в рамках информационной системы «Прозрачное строительство» создать и с 1 июля 2025 года обеспечить полноценное функционирование электронной платформы жилищного строительства. При этом определить, что:

а) застройщик, привлекающий средства дольщиков для строительства, размещает на электронной платформе следующие сведения по строительным организациям и объектам:

точный адрес дислокации каждого строящегося объекта в соответствии с проектом, количество этажей, подъездов, квартир, нежилых помещений, площадь и прилегающую территорию, сведения о финансирующем коммерческом банке, фактически реализованных жилых и нежилых помещениях;

документацию в рамках единого административного строительного регламента, утвержденную проектно-сметную документацию и положительное экспертное заключение, дату начала строительства и срок сдачи в эксплуатацию, ход строительства и иную информацию, истребование которой не запрещено законодательством;

б) по договорам долевого участия, заключенным по объектам, сведения о которых не размещены на электронной платформе, и по которым сведения электронной платформы с указанием площади отдельно реализуемых частей зданий не представлены в кадастровые органы, нотариальные действия не проводятся и такие договоры не подлежат государственной регистрации;

в) застройщики, не разместившие сведения на электронной платформе, несут ответственность в порядке, установленном законодательством;

г) Министерство строительства и жилищно-коммунального хозяйства при регистрации строительства объекта размещает сведения по проекту на электронной платформе и создает возможность для проверки этих сведений кадастровыми органами, коммерческими банками и нотариусами;

д) для покупателей создается возможность проверки посредством электронной платформы наличия разрешения на выполнение застройщиком строительно-монтажных работ на объекте, рейтинга и предыдущих проектов застройщика, его договорной дисциплины в долевом строительстве, сроков своевременной сдачи в эксплуатацию объекта;

е) в рамках утвержденных в установленном порядке проектов строительства на основе долевого участия, разрешительная документация которых оформлена, запрещается:

вносить изменения в планировку помещений на объектах и представлять их в территориальные архитектурно-градостроительные советы при Министерстве строительства и жилищно-коммунального хозяйства Республики Каракалпакстан, главные управления строительства областей и города Ташкента после регистрации на электронной платформе;

вносить изменения и направлять на градостроительную экспертизу проектную документацию объектов до сдачи в эксплуатацию многоквартирных домов;

передавать другим лицам земельные участки, занятые объектами, на которых не завершены строительные работы.

7. Агентству по кадастру совместно с Министерством юстиции и Министерством цифровых технологий в срок до 1 июля 2025 года внедрить систему государственной регистрации и представления в налоговые органы договоров долевого участия в электронной форме, предусмотрев передачу другим лицам права на истребование и права залога по договору долевого участия.

8. Образовать Республиканскую комиссию по внедрению порядка строительства объектов на долевой основе, ведения эскроу-счетов и проектного строительства в составе согласно приложению № 1 * и определить ее основными задачами:

координацию деятельности и обеспечение взаимодействия государственных органов, органов исполнительной власти на местах и других организаций, принимающих участие в разработке и реализации нормативно-правовых актов в сфере строительства объектов на долевой основе, внедрения эскроу-счетов и жилищного проектного строительства;

разработку конкретных мер, направленных на строительство объектов на долевой основе, анализ и мониторинг функционирования системы проектного строительства, по результатам — решение проблемных вопросов;

ведение эскроу-счетов по внедряемому на местах проектному строительству, а также обеспечение применения единой практики механизмов кредитования застройщиков посредством коммерческих банков;

изучение причин неосуществления в установленные сроки строительства жилья в рамках долевого и проектного строительства и подготовку предложений о решении возникающих проблем;

заслушивание отчетов руководителей государственных органов, органов исполнительной власти на местах и других организаций о проведенной работе по жилищному строительству на основе долевого участия и осуществлению проектного строительства.

9. Создать Проектный офис при Министерстве экономики и финансов (далее — Проектный офис) без образования юридического лица с привлечением специалистов и экспертов на договорной основе в целях обеспечения разработки и внедрения мер реализации принципа «Единый жизненный цикл жилья».

10. Утвердить:

Комплексные меры по реализации приоритетных направлений совершенствования сферы жилищного строительства согласно приложению № 2 * ;

Основные направления деятельности Проектного офиса согласно приложению № 3 * .

11. Определить, что:

штатная численность Проектного офиса формируется в рамках действующих штатных единиц Министерства экономики и финансов;

Проектный офис регулярно представляет свои предложения и рекомендации по развитию сферы жилищного строительства в Администрацию Президента Республики Узбекистан, Кабинет Министров и иные причастные ведомства;

все проекты разрабатываемых нормативно-правовых актов по вопросам жилищного строительства подлежат согласованию с Проектным офисом.

Проектному офису в срок до 1 апреля 2025 года внести в Администрацию Президента Республики Узбекистан предложения о полном внедрении принципа «Единый жизненный цикл жилья», в том числе комплексном реформировании сферы жилищного строительства, а также устранении причин, препятствующих осуществлению реформ и внедрению проектного финансирования.

12. Наделить Проектный офис следующими правами:

привлечение к деятельности Проектного офиса опытных специалистов соответствующих министерств и ведомств, организаций в их системе, а также научно-исследовательских учреждений на договорной основе исходя из рыночной конъюнктуры;

проведение опытных испытаний разработанных проектов на примере региональных организаций, районов (городов) либо регионов;

истребование необходимой статистической, аналитической и иной информации от государственных органов и организаций;

привлечение и прием на работу отечественных и зарубежных специалистов, экспертов, консультантов и советников на основе прямых договоров, оплату их труда в национальной или иностранной валюте, в том числе путем перечисления средств на их зарубежные счета.

13. Министерству экономики и финансов в недельный срок утвердить Положение о Проектном офисе, его структуру, количество штатных единиц, размеры оплаты труда и условия материального стимулирования работников.

14. Национальному агентству перспективных проектов в срок до 1 марта 2025 года внести в Администрацию Президента Республики Узбекистан предложение о повышении эффективности действующих страховых продуктов по страхованию риска неисполнения застройщиками их обязательств по строительству объектов.

15. Министерству строительства и жилищно-коммунального хозяйства, Инспекции по контролю в сфере строительства и жилищно-коммунального хозяйства в соответствии с Положением о долевом строительстве многоквартирных домов, утвержденном постановлением Президента Республики Узбекистан от 27 мая 2020 года № ПП-4732, выявлять рекламируемые объекты, не включенные в Электронный перечень застройщиков, привлекающих средства на долевое строительство, и регулярно представлять сведения по ним в Комитет по развитию конкуренции и защите прав потребителей.

Комитету по развитию конкуренции и защите прав потребителей обеспечивать в установленном порядке принятие мер к застройщикам по вышеуказанным объектам.

16. Министерству строительства и жилищно-коммунального хозяйства, Инспекции по контролю в сфере строительства и жилищно-коммунального хозяйства, Совету Министров Республики Каракалпакстан, хокимиятам областей и города Ташкента до внедрения эскроу-системы усилить работу по выявлению случаев незаконного строительства, принятию соответствующих мер по ним и предупреждению нарушения прав дольщиков.

17. Министерству экономики и финансов совместно с Министерством строительства и жилищно-коммунального хозяйства, Министерством юстиции и Центральным банком в двухмесячный срок внести в Кабинет Министров предложения об изменениях и дополнениях в акты законодательства, вытекающих из настоящего Указа.

18. Контроль за исполнением настоящего Указа, осуществление координации деятельности ведомств, ответственных за его исполнение, возложить на Премьер-министра Республики Узбекистан А.Н. Арипова.

Президент Республики Узбекистан Ш. МИРЗИЁЕВ

г. Ташкент,

27 января 2025 г.,

№ УП-11

(Национальная база данных законодательства, 01.02.2025 г., № 06/25/11/0097)

lex.uz