📅 2025-yil 1-fevral · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 1 февраль · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 1 февраля 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 1 February 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
НИЗОМ
СХЕМАСИ
СХЕМАСИ
Маҳсулот ва хизматларни «Ҳалол» талабларига мувофиқ сертификатлаштириш тартиби тўғрисидаги низомни тасдиқлаш ҳақида
Маҳсулот ва хизматларни «Ҳалол» талабларига мувофиқ сертификатлаштириш фаолиятини ҳамда «Ҳалол» белгиси билан тамғаланган маҳсулот ва хизматлардан фойдаланишни тартибга солиш мақсадида Вазирлар Маҳкамаси қарор қилади:
1. Қуйидагиларни назарда тутувчи Маҳсулот ва хизматларни «Ҳалол» талабларига мувофиқ сертификатлаштириш тартиби тўғрисидаги низом иловага мувофиқ тасдиқлансин:
маҳсулот ва хизматларни «Ҳалол» талабларига мувофиқ сертификатлаштириш тартиби;
«Ҳалол» талабларига мувофиқ сертификатлаштирилган маҳсулот ва хизматларни даврий баҳолаш.
2. Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги (кейинги ўринларда — Агентлик) ва Дин ишлари бўйича қўмитанинг маҳсулот ва хизматларни «Ҳалол» талабларига мувофиқ сертификатлаштириш соҳасини тартибда солиш тўғрисида куйидаги таклифларига розилик берилсин:
маҳсулот ва хизматларни «Ҳалол» талабларига мувофиқ сертификатлаштириш органларини ташкил этиш;
маҳсулот ва хизматларни «Ҳалол» талабларига мувофиқ сертификатлаштиришда ҳамда уларга нисбатан талабларни белгилашда Ислом мамлакатлари стандартлари ва метрология институти (SMIIC) томонидан қабул қилинган ва расмий халқаро миқёсда эътироф этилган стандартларга устуворлик ҳуқуқини бериш;
2025 йил 1 майдан мазкур қарор ҳамда Ислом мамлакатлари стандартлари ва метрология институти (SMIIC) стандартлари талаблари асосида сертификатлаштирилган маҳсулот ва хизматларни «Ҳалол» белгиси билан тамғалашга рухсат этиш.
3. Агентлик Дин ишлари бўйича қўмита билан биргаликда:
а) олти ой муддатда:
Агентлик тизимидаги давлат муассасасида ташкил қилинадиган маҳсулот ва хизматларни «Ҳалол» талабларига мувофиқ сертификатлаштириш органини халқаро тан олинган ташкилотларни жалб қилган ҳолда аккредитациядан ўтказсин;
маҳсулот ва хизматларни «Ҳалол» талабларига мувофиқ сертификатлаштиришда иштирок этувчи мутахассислар малакасини оширсин ҳамда улар учун тренинглар ва семинарлар ўтказилишини ташкил этсин;
«Ҳалол» белгиси шакли ҳамда ўлчамини белгилайдиган стандарт лойиҳани ишлаб чиқсин ҳамда тасдиқласин;
б) ташаббус кўрсатган тадбиркорлик субъектларига маҳсулот ва хизматларни «Ҳалол» талабларига мувофиқ сертификатлаштириш органини ташкил этишда кўмаклашиб борсин.
4. Мазкур қарор расмий эълон қилинган кундан эътиборан уч ой ўтгач кучга киради.
5. Мазкур қарорнинг бажарилишини назорат қилиш Вазирлар Маҳкамаси ҳузуридаги Ўзбекистон техник жиҳатдан тартибга солиш агентлиги директори А.Р. Жуманазаров зиммасига юклансин.
Вазирлар Маҳкамасининг 2025 йил 1 февралдаги 57-сон қарорига ИЛОВА
Маҳсулот ва хизматларни «Ҳалол» талабларига мувофиқ сертификатлаштириш тартиби тўғрисида
1-боб. Умумий қоидалар
1. Мазкур Низом маҳсулот ва хизматларни техник жиҳатдан тартибга солиш соҳасидаги норматив ҳужжатларда белгиланган «Ҳалол» талабларига мувофиқ ихтиёрий сертификатлаштириш тартибини белгилайди.
2. Ушбу Низомда қуйидаги асосий тушунча ва атамалардан фойдаланилади:
ариза берувчи — маҳсулот ёки хизматларни «Ҳалол» талабларига мувофиқ сертификатлаштиришга талабгор бўлган жисмоний ва юридик шахс;
ахборот тизими — маҳсулот ва хизматларга мувофиқлик сертификатини расмийлаштириш ва электрон реестрни юритиш ахборот тизими;
апелляция комиссияси — сертификатлаштириш органи томонидан амалга оширилган баҳолашдан ҳамда чиқарилган қарорларидан норози бўлган ариза берувчининг шикоятларини кўриб чиқиш мақсадида Ўзбекистон техник жиҳатдан тартибга солиш агентлигида ташкил қилинадиган комиссия;
маҳсулот ва хизматларни «Ҳалол» талабларига мувофиқ сертификатлаштириш — ариза берувчи томонидан ишлаб чиқарилган маҳсулот ёки кўрсатилаётган хизматнинг техник жиҳатдан тартибга солиш соҳасидаги норматив ҳужжатларда белгиланган талабларга мувофиқлигини тасдиқлашга оид фаолият;
мувофиқлик сертификати — ишлаб чиқарилган маҳсулот ёки кўрсатилаётган хизматнинг «Ҳалол» талабларига мувофиқлигини тасдиқловчи ҳужжат;
сертификатлаштириш органи — маҳсулот ва хизматларни «Ҳалол» талабларига мувофиқ сертификатлаштиришга доир ишларни бажариш учун халқаро ташкилотлардан аккредитациядан ўтган орган;
«Ҳалол» талаблари — Ислом мамлакатларининг стандартлар ва метрология институти (SMIIC) томонидан қабул қилинган халқаро стандартлар ҳамда техник жиҳатдан тартибга солиш соҳасидаги норматив ҳужжатлар.
2-боб. Маҳсулот ва хизматларни «Ҳалол» талабларига мувофиқ сертификатлаштириш тартиби
3. Маҳсулот ва хизматларни «Ҳалол» талабларига мувофиқ сертификатлаштириш (кейинги ўринларда — сертификатлаштириш) мазкур Низомга 1-иловада келтирилган схемага мувофиқ амалга оширилади.
4. Сертификатлаштириш учун ариза берувчи мазкур Низомга 2-иловад а келтирилган Маҳсулот ва хизматларни «Ҳалол» талабларига мувофиқ сертификатлаштириш учун ариза шаклига мувофиқ сертификатлаштириш органига электрон тарзда ариза йўллайди.
5. Сертификатлаштириш учун тақдим қилинадиган аризада қуйидаги маълумотлар акс эттирилади ҳамда ҳужжатлар илова қилинади:
а) маҳсулот учун:
ариза берувчи томонидан тасдиқланган ва ушбу маҳсулотни ишлаб чиқаришда асос бўлган ҳужжатларнинг нусхалари (технологик йўриқномалар, тўлдирувчи ҳужжатлар, рецептлар ва (ёки) маҳсулот таркиби ҳақида маълумот ҳамда бошқа ҳужжатлар нусхалари);
маҳсулотдан фойдаланиш (ишлатиш, қўллаш) тўғрисидаги ҳужжат (йўриқнома, қўлланма, регламент, тавсиялар) нусхаси;
ёрлиқ (ўров-идиш) нусхалари ёки макетлари;
маҳсулотларга қўшиладиган барча қўшимчалар ва ингридиентлар, шунингдек, ташқаридан олинаётган барча қўшимчаларнинг тавсифи ёки «Ҳалол» талабларига мувофиқлигини тасдиқловчи ҳужжатлар (сертификатлар);
маҳсулотлар хавфсизлиги ва ҳалол талабларига мувофиқлигини тасдиқловчи синов баённомалари;
ишлаб чиқариладиган маҳсулотларнинг доимий мувофиқлигини назорат қилиш учун аккредитациядан утган синов лабораториясининг аккредитация гувоҳномаси ёки аккредитациядан ўтган синов лабораторияси билан тузилган шартнома;
ариза берувчида маҳсулотларни барқарор ишлаб чиқаришни таъминловчи жорий этилган менежмент тизимига (ISO 9001, ISO 22000) эга эканлигини тасдиқловчи ҳужжатлар нусхаси;
ариза берувчининг фаолиятига оид жараёнлар ҳамда унга таъсир этиши мумкин бўлган хавфлар, шунингдек, барча жараёнларга боғлиқ инсон ва техник ресурслар тавсифи;
ариза берувчида фаолият юритадиган ходимларнинг маҳсулотни «Ҳалол» талабларига мувофиқ сертификатлаштириш бўйича билими ва кўникмалари тўғрисида маълумот нусхаси;
аввалги мувофиқлик сертификати тўғрисида маълумот (мавжуд бўлса);
б) хизматлар учун:
ариза берувчида кўрсатилаётган хизматларнинг доимий хавфсизлигини таъминловчи жорий этилган менежмент тизимига (ISO 9001, ISO 22000) эга эканлигини тасдиқловчи ҳужжатлар нусхаси;
ариза берувчида фаолият юритадиган ходимларнинг хизматларни «Ҳалол» талабларига мувофиқ сертификатлаштириш бўйича билими ва кўникмалари тўғрисида маълумот нусхаси;
ариза берувчининг фаолиятига оид жараёнлар ҳамда унга боғлиқ инсон ва техник ресурслар тавсифи;
«Ҳалол» талабларига мувофиқ кўрсатилаётган хизматларга таъсир этиши мумкин бўлган хавфларнинг тавсифи;
аввалги мувофиқлик сертификати тўғрисида маълумот (мавжуд бўлса).
Ариза ва унга илова қилинган ҳужжатлар ва маълумотларнинг тўғрилиги учун ариза берувчи жавобгар ҳисобланади.
6. Ариза берувчи ўз ихтиёрига кўра мазкур Низомнинг 5-бандида назарда тутилмаган, маҳсулот ёки хизматнинг «Ҳалол» талабларига мувофиқлигини тасдиқлаш учун асос бўлган қўшимча ҳужжатларни тақдим қилиш ҳуқуқига эга.
7. Мазкур Низомнинг 5-бандида кўзда тутилмаган ҳужжатлар ёки маълумотларни ариза берувчидан сўрашга йўл қўйилмайди.
3-боб. Тақдим этилган ариза ва унга илова қилинган ҳужжатлар тўпламини кўриб чиқиш
8. Сертификатлаштириш органи ариза берувчи томонидан тақдим қилинган ариза ва унга илова қилинган ҳужжатлар тўпламини уч иш куни мобайнида кўриб чиқади.
Сертификатлаштириш органи аризани кўриб чиқиш якунлари бўйича бир иш кунида аризани қабул қилиш ёки уни рад этиш тўғрисида қарор қабул қилади ҳамда ариза берувчини қарор қабул қилинган куннинг ўзида бевосита ёки ахборот тизими орқали хабардор қилади.
9. Қуйидагилар аризани қабул қилишни рад этиш тўғрисидаги қарорни қабул қилишга асос ҳисобланади:
ариза тегишли шаклга мувофиқ расмийлаштирилмаганда;
ариза берувчи ушбу Низомнинг 5-бандида белгиланган ҳужжатлар ва маълумотларни тўлиқ тақдим этмаганда;
ариза ёки аризага илова қилинган ҳужжатлар ва маълумотларнинг сохталиги ёки нотўғрилиги аниқланганда.
Ариза бўйича қарорни бошқа сабаблар ёки мақсадга кўра мувофиқ эмас деб қайтаришга йўл қўйилмайди.
10. Сертификатлаштириш органи аризани рад этиш тўғрисида қарор қабул қилганда ариза ариза берувчига қайтарилади.
Ариза берувчи рад этиш сабабларини бартараф этгандан сўнг сертификатлаштириш учун қайта ариза бериш ҳуқуқига эга.
4-боб. Тақдим этилган ҳужжатларни экспертизадан ўтказиш
11. Сертификатлаштириш органи ариза ва унга илова қилинган ҳужжатларни ариза бўйича қарор қабул қилингандан сўнг бир иш кунида сертификатлаштириш учун ариза берувчи билан шартнома тузади.
Бунда ариза берувчи сертификатлаштириш органига шартномага асосан ҳақ тўлайди.
12. Ариза берувчи томонидан тақдим этилган ҳужжатлар тўплами экспертизаси (кейинги ўринларда — экспертиза) шартномага асосан тўлов амалга оширилгандан сўнг сертификатлаштириш органи томонидан ўн беш иш куни мобайнида ўтказилади.
Бунда экспертиза натижаларидан қатъи назар, шартномага асосан амалга оширилган тўлов ариза берувчига қайтарилмайди.
Экспертиза якуни билан унинг натижалари бўйича ариза берувчи томонидан тақдим қилинган ҳужжатлар тўпламида камчиликлар аниқланган тақдирда, бир иш куни мобайнида сертификатлаштириш органи бу ҳақда ариза берувчини уларни бартараф этиш учун бевосита хабардор қилади.
Экспертиза натижалари бўйича аниқланган камчиликлар ариза берувчи томонидан бартараф этилмаган тақдирда, сертификатлаштириш органи сертификатлаштириш ишларини тўхтатиб туради. Бунда аниқланган камчиликлар бўйича тузатиш чоралари уч ойдан ортиқ бўлмаган муддатда ариза берувчи томонидан амалга оширилиши керак.
Белгиланган муддатларда аниқланган камчиликлар ариза берувчи томонидан бартараф этилганлиги ҳақида маълумот ва тасдиқловчи ҳужжатлар сертификатлаштириш органига тақдим этилмаганда, сертификатлаштириш ишлари тугатилади. Бунда ариза берувчи ушбу Низомда белгиланган тартибда ҳужжатларни шакллантириб, қайта ариза юбориши мумкин.
Экспертиза натижалари ижобий бўлганда ёки экспертизада аниқланган камчиликлар белгиланган муддатларда бартараф этилганлиги ҳақида маълумот ва тасдиқловчи ҳужжатлар ариза берувчи томонидан сертификатлаштириш органига тақдим этилганда, маҳсулот ишлаб чиқариладиган ёки хизмат кўрсатиладиган объект жойлашган жойига чиққан ҳолда, маҳсулот ёки хизматларнинг «Ҳалол» талабларига мувофиқлиги баҳоланади.
Бунда экспертиза натижаларининг якуни бўйича сертификатлаштириш органи уч иш кунида белгиланган тартибда экспертиза хулосани расмийлаштиради.
5-боб. Жойига чиққан ҳолда маҳсулот ёки хизматларнинг «Ҳалол» талабларига мувофиқлигини баҳолаш
13.Жойига чиққан ҳолда маҳсулот ёки хизматларнинг «Ҳалол» талабларига мувофиқлигини баҳолаш (кейинги ўринларда — баҳолаш) учун тузилган шартнома бўйича ариза берувчи томонидан ҳақ тўлангандан сўнг сертификатлаштириш органи томонидан баҳолаш ишлари амалга оширилади.
Бунда баҳолаш натижаларидан қатъи назар шартномага асосан амалга оширилган тўлов ариза берувчига қайтарилмайди.
14. Баҳолаш ишлари сертификатлаштириш органи раҳбари (раҳбар ўринбосари) ишлаб чиққан ва тасдиқлаган баҳолаш дастурига мувофиқ ишлаб чиқариш ёки хизмат кўрсатиш манзилида (жойида) амалга оширилади.
Агар аризада келтирилган маҳсулот ёки хизмат тури бўйича ариза берувчининг бир неча филиаллари мавжуд бўлса, баҳолаш ишлари ариза берувчининг барча филиалларида амалга оширилади.
15. Баҳолаш натижалари якуни билан бир иш кунида ихтиёрий шаклда икки нусхада сертификатлаштириш органининг сифат бўйича қўлланма ҳужжатида белгиланган тартибда ҳисобот тузилади, унинг бир нусхаси ариза берувчига топширилади, иккинчи нусхаси сертификатлаштириш органига тақдим қилинади.
Баҳолаш ҳисоботи сертификатлаштириш органи вакиллари ва ариза берувчи томонидан имзоланади, ариза берувчи баҳолаш натижаларидан норози бўлган тақдирда, ўз фикрини ҳисоботда билдириши мумкин.
16. Баҳолаш ишлари техник жиҳатдан тартибга солиш соҳасидаги норматив ҳужжатларда ва «Ҳалол» талабларида белгиланган тартибда амалга оширилади.
17. Баҳолаш давомида ариза берувчи томонидан ишлаб чиқарилаётган ёки қўлланилаётган маҳсулот таркибига шубҳа пайдо бўлганда, мазкур маҳсулотдан ариза берувчи иштирокида намуналар танлаб олинади ва аккредитациядан ўтган синов лабораториясида техник жиҳатдан тартибга солиш соҳасидаги норматив ҳужжатларда ҳамда «Ҳалол» талабларида белгиланган талаблар бўйича синовлардан ўтказилади.
18. Ўтказилган синовларнинг натижалари тузиладиган ҳисоботда баён қилинади.
Бунда ҳисобот баҳолаш ҳамда синов натижалари олинган кундан бошлаб бир иш куни ичида тузилади ҳамда сертификатлаштириш органи вакиллари, шунингдек, ариза берувчи томонидан имзоланади.
6-боб. Мувофиқлик сертификатини бериш ёки беришни рад этиш тўғрисида қарор қабул қилиш ҳамда мувофиқлик сертификатини расмийлаштириш тартиби
19. Сертификатлаштириш органи беш иш кунида баҳолаш бўйича ҳисобот ва унга илова қилинган ҳужжатлар, шунингдек, экспертиза хулосаси ҳамда ариза ва унга илова қилинган ҳужжатлар тўпламини (кейинги ўринларда — ҳужжатлар тўплами) шакллантиради ҳамда мувофиқлик сертификатини бериш ёки беришни рад этиш тўғрисида қарор қабул қилади.
20. Сертификатлаштириш органи томонидан мувофиқлик сертификатини бериш тўғрисида қарор қабул қилинса, сертификатлаштириш органи ва ариза берувчи ўртасида мувофиқлик сертификатини қўллаш ҳамда «Ҳалол» мувофиқлик белгисидан фойдаланиш тўғрисида келишув тузилади ҳамда уч иш куни давомида мазкур Низомга 3-иловада келтирилган шаклдаги «Ҳалол» мувофиқлик сертификати расмийлаштирилиб, реестрда рўйхатдан ўтказилади ва ариза берувчига тақдим қилинади.
«Ҳалол» мувофиқлик сертификатини қўллаш ҳамда «Ҳалол» мувофиқлик белгисидан фойдаланиш тўғрисидаги келишувда қуйидагилар акс эттирилади:
сертификатлаштириш органи ва мувофиқлик сертификати эгаси ўртасидаги ўзаро муносабатлар, шу жумладан, томонларнинг ҳуқуқлари, мажбуриятлари ва жавобгарлиги;
«Ҳалол» мувофиқлик сертификатидан ҳамда «Ҳалол» мувофиқлик белгисидан фойдаланиш талаблари ва шартлари;
даврий баҳолаш.
21. Мувофиқлик сертификати уч йил муддатга расмийлаштирилади.
22. «Ҳалол» мувофиқлик сертификатини қўллаш ҳамда «Ҳалол» мувофиқлик белгисидан фойдаланиш ҳуқуқининг, мувофиқлик сертификатининг эгаси томонидан бошқа юридик шахсга берилиши ман этилади.
7-боб. Даврий баҳолаш
23. Даврий баҳолаш ишлари мувофиқлик сертификатини қўллаш ҳамда «Ҳалол» мувофиқлик белгисидан фойдаланиш тўғрисидаги келишув асосида ушбу Низомга 4-иловада келтирилган «Ҳалол» талабларига мувофиқ сертификатлаштирилган маҳсулот ва хизматларни даврий баҳолаш схемасига мувофиқ жойига чиққан ҳолда амалга оширилади.
Биринчи даврий баҳолаш ишлари мувофиқлик сертификати реестрда рўйхатга олинган санадан кейин ўн икки ойдан кечикмай амалга оширилади. Кейинги даврий баҳолаш ишлари эса ҳар йили сертификатлаштириш органи раҳбари томонидан тасдиқланган даврий баҳолаш режа-жадвалига мувофиқ даврий, бироқ аввалги даврий баҳолаш ўтказилган вақтдан бошлаб ўн икки ойдан кечикмай амалга оширилади.
24. Мувофиқлик сертификати эгасининг фаолияти мувофиқлик сертификати реестрда рўйхатга олинган санадан кейин олти ойдан кечикмай режадан ташқари даврий баҳоланади. Кейинги режадан ташқари даврий баҳолаш ишлари ҳар йили режали ўтказилган даврий баҳолаш вақтидан бошлаб олти ойдан кечикмай амалга оширилади.
25. Маҳсулот ёки хизматлар юзасидан истеъмолчилар томонидан асосланган ёзма шикоятлар сертификатлаштириш органига келиб тушганда, мувофиқлик сертификати эгасининг фаолияти режадан ташқари даврий баҳоланади.
26. Мувофиқлик сертификати эгасининг ушбу Низомнинг 6-бобида белгиланган тартибда фаолияти режали ёки режадан ташқари даврий баҳоланади.
8-боб. «Ҳалол» мувофиқлик сертификатининг амал қилишини тасдиқлаш, тўхтатиб туриш, тугатиш
27. «Ҳалол» мувофиқлик сертификатининг амал қилишини тасдиқлаш, тўхтатиб туриш ёки тугатиш сертификатлаштириш органи қарори асосида амалга оширилади.
28. Қуйидаги ҳолларда мувофиқлик сертификатининг амал қилиши тўхтатиб турилади:
мувофиқлик сертификати эгасининг расмий мурожаатига асосан ўттиз кун муддатга;
даврий баҳолаш давомида аниқланган номувофиқликлар бартараф этилгунга қадар. Бунда номувофиқликларни бартараф этиш муддати ўттиз кундан ошмаслиги лозим;
маҳсулотни ишлаб чиқариш ва хизматлар кўрсатиш йўналиши сертификатлаштириш органини огоҳлантирмаган ҳолда ўзгарганда;
маҳсулотни ишлаб чиқариш технологияси, ускуналар ёки маҳсулотнинг таркибий қисми ҳисобланган маҳсулотларнинг таркиби ёки етказиб берувчи юридик шахс ўзгарганда;
кўрсатилаётган хизматлар учун маҳсулотларнинг таркиби ёки етказиб берувчи юридик шахс ўзгарганда;
29. Қуйидаги ҳолларда мувофиқлик сертификатининг амал қилиши тугатилади:
мувофиқлик сертификати эгасининг расмий мурожаатига асосан ёки ташкилот фаолияти тугатилганда;
даврий баҳолаш давомида аниқланган номувофиқликлар тўқсон кун давомида бартараф этилмаганда;
«Ҳалол» талаблари мувофиқлик сертификати эгаси томонидан қўпол равишда бузилганда;
мувофиқлик сертификати сохта ҳужжатлардан фойдаланган ҳолда олинганлиги тасдиқланганда.
30. Сертификатлаштириш органи томонидан «Ҳалол» мувофиқлик сертификатининг амал қилишини тасдиқлаш, тўхтатиб туриш ёки тугатиш тўғрисида қарор қабул қилинган кундан эътиборан мувофиқлик сертификатининг амал қилиши тасдиқланади, тўхтатиб турилади ёки тугатилади.
Бунда тегишли қарор қабул қилинган кундан эътиборан уч иш кунидан кечиктирмасдан, мувофиқлик сертификати эгасига бевосита етказилади ҳамда реестрдан чиқарилади.
31. Мувофиқлик сертификатининг эгаси мувофиқлик сертификатининг амал қилишини тўхтатиш ёки тугатиш тўғрисидаги қарорни қабул қилиб олган кундан бошлаб, мувофиқлик сертификатини қўллаш ҳамда «Ҳалол» белгисидан фойдаланишни тўхтатиши лозим.
32. Мувофиқлик сертификатининг эгаси мувофиқлик сертификатининг амал қилиши тўхтатилган ёки тугатилган тақдирда, «Ҳалол» белгиси асосида сертификатлаштирилган маҳсулот ёки хизматлар мавжудлиги тўғрисидаги ҳар қандай эълонлар учун қонунчилик ҳужжатларида белгиланган тартибда жавобгарликка тортилади.
9-боб. Мувофиқлик сертификатини расмийлаштириш учун асос бўлган ҳужжатларни шакллантириш ва сақлаш
33. Сертификатлаштириш органи расмийлаштирилган мувофиқлик сертификати ҳақидаги маълумотларни реестрга киритгандан сўнг сертификатлаштириш органи ва мувофиқлик сертификатининг эгаси маҳсулот ёки хизматнинг «Ҳалол» талабларига мувофиқлигини тасдиқлаш учун асос бўлиб хизмат қилган ҳужжатлар тўпламини шакллантиради.
34. Мувофиқлик сертификати ва уни расмийлаштириш учун асос бўлган ҳужжатлар тўпламлари мувофиқлик сертификатининг амал қилиш муддати тугаган кундан бошлаб камида уч йил давомида сертификатлаштириш органида сақланади.
35. Мувофиқлик сертификати ҳужжатлар тўпламлари суд ва ҳуқуқни муҳофаза қилиш ҳамда назорат органларига уларнинг қонунчиликка мувофиқ талабига биноан тақдим этилади.
10-боб. Ахборот таъминоти
36. Сертификатлаштириш органи расмийлаштирилган, тасдиқланган, амал қилиши тўхтатилган ва тугатилган сертификатларни, шунингдек, сертификат бериш рад этилган ҳолатлар ҳисобини юритади ҳамда улар тўғрисидаги ахборотни ҳар ойда Ўзбекистон техник жиҳатдан тартибга солиш агентлигига (кейинги ўринларда — Агентлик) тақдим этади.
Сертификатлаштириш органи манфаатдор ташкилотларни ўз фаолияти ҳамда расмийлаштирилган мувофиқлик сертификатлари тўғрисида хабардор қилади.
37. Агентлик қуйидаги маълумотларни ўз расмий веб-сайтида жойлаштиради:
«Ҳалол» мувофиқлик сертификати берилган маҳсулотлар ва хизматлар реестри;
амал қилиши тўхтатилган ва тугатилган «Ҳалол» мувофиқлик сертификатлари.
11-боб. Апелляцияларни кўриб чиқиш
38. Ариза берувчи ёки мувофиқлик сертификатининг эгаси ариза натижалари бўйича сертификатлаштириш органининг унга нисбатан салбий қарори чиқарилганда, қарор қабул қилинган санадан бошлаб ўттиз календарь кун мобайнида Агентликка ёзма шаклда даъво аризасини киритиш ҳуқуқига эга.
Сертификатлаштириш органининг қарори қабул қилинган санадан бошлаб ўттиз календарь кундан ортиқ муддатда киритилган даъво аризаси кўриб чиқилмайди.
39. Апелляция комиссияси ҳар бир даъво аризасини кўриб чиқиш учун заруратга кўра шакллантирилади. Апелляция комиссияси таркиби Агентлик раҳбари буйруғи билан тасдиқланади. Апелляция комиссияси таркибини шакллантириш ва тасдиқлаш муддатлари даъво аризаси олинган кундан бошлаб ўн иш кунидан ортиқ бўлмаслиги керак.
40. Апелляция комиссияси, даъво аризасини киритувчининг аризаси бўйича ҳужжатлар экспертизасида, баҳолашда бўлмаган Агентликнинг камида беш вакилидан иборат таркибда шакллантирилади.
41. Агентлик даъво аризасини киритган ариза берувчини ва баҳоловчи мутахассисларни даъво аризаси кўриб чиқиладиган сана ҳақида хабардор қилади. Даъво аризасини киритган ариза берувчи ва баҳоловчи мутахассислар даъво аризасини кўриб чиқишда иштирок этишлари мумкин.
42. Апелляция комиссияси киритилган даъво аризасини кўриб чиқади ва қабул қилинган қарор тўғрисида ариза берувчига ёзма равишда маълум қилади. Даъво аризасини кўриб чиқиш муддати у берилган санадан бошлаб ўттиз календарь кундан ошмаслиги керак.
43. Кўриб чиқилган апелляция натижалари бўйича апелляция комиссияси қуйидаги қарорлардан бирини қабул қилади:
сертификатлаштириш органи қарорини ўзгаришсиз қолдириш ва даъво аризасини қаноатлантиришни рад этиш;
даъво аризасини қаноатлантириш.
44. Сертификатлаштириш органининг ўз қарорини ўзгаришсиз қолдириш ва даъво аризасини қаноатлантиришни рад этиш тўғрисидаги қарори, агар:
даъво аризаси ушбу Низом талаблари бузилган ҳолда тақдим этилган бўлса;
даъво аризасида келтирилган сабаблар тасдиқланмаса қабул қилинади.
45. Даъво аризасини қаноатлантириш тўғрисида қарор қабул қилинса, сертификатлаштириш органи томонидан мувофиқлик сертификатини бериш ёки мувофиқлик сертификатининг амал қилишини тиклаш тўғрисида қарор қабул қилинади.
46. Сертификатлаштириш органи икки иш кунидан ортиқ бўлмаган муддатда қабул қилинган қарор тўғрисидаги хабарномани даъво аризаси киритган ариза берувчига ёзма шаклда юборади.
47. Айнан бир масала бўйича даъво аризасини такроран беришга йўл қўйилмайди.
48. Ариза берувчи Апелляция комиссиясининг қарори юзасидан қонунчиликда белгиланган тартибда судга шикоят қилиши мумкин.
12-боб. Якунловчи қоидалар
49. Сертификатлаштириш органи берилган ва бекор қилинган, амал қилиши тўхтатиб турилган ҳамда тугатилган мувофиқлик сертификатлари, мувофиқлик сертификатларини беришни рад этиш ҳолатлари ҳисобини юритади.
50. Сертификатлаштириш органи ўз фаолияти давомида олинган ҳужжатлар ва маълумотларни ёки ариза берувчи тўғрисида олинган маълумотларнинг сир сақланишини таъминлаши керак.
51. Ушбу Низом талаблари бузилишида айбдор бўлган шахслар қонунчилик ҳужжатларига мувофиқ жавобгар бўлади.
Маҳсулот ва хизматларни «Ҳалол» талабларига мувофиқ сертификатлаштириш тартиби тўғрисидаги низомга 1-ИЛОВА
Маҳсулот ва хизматларни «Ҳалол» талабларига мувофиқ сертификатлаштириш
Босқичлар Субъектлар Тадбирлар Муддатлар 1-босқич Ариза берувчи Маҳсулот ва хизматларни «Ҳалол» талабларига мувофиқ сертификатлаштириш учун ҳужжатлар тўпламини шакллантиради. Сертификатлаштириш органига ҳужжатлар тўпламини илова қилган ҳолда, маҳсулот ва хизматларни «Ҳалол» талабларига мувофиқ сертификатлаштириш учун ариза беради. Ариза берувчининг хоҳишига кўра 2-босқич Сертификатлаштириш органи Ариза берувчи томонидан тақдим қилинган ариза ва унга илова қилинган ҳужжатлар тўпламини кўриб чиқади. Уч иш кунида Аризани кўриб чиқиш якунлари бўйича аризани қабул қилиш ёки уни рад этиш тўғрисида қарор қабул қилади. Бир иш кунида 3-босқич Сертификатлаштириш органи Сертификатлаштириш органи ариза ва унга илова қилинган ҳужжатларни ариза бўйича қарор қабул қилингандан сўнг сертификатлаштириш учун ариза берувчи билан шартнома тузади. Бир иш кунида Ариза берувчи томонидан тақдим этилган ҳужжатлар тўпламини экспертизадан ўтказади. Ўн беш иш кунида Экспертиза якуни билан унинг натижалари бўйича ариза берувчи томонидан тақдим қилинган ҳужжатлар тўпламида камчиликлар аниқланган тақдирда, бу ҳақда ариза берувчини уларни бартараф этиш учун бевосита хабардор қилади. Бир иш кунида Экспертиза натижаларининг якуни билан сифат бўйича қўлланма ҳужжатларида белгиланган тартибда экспертиза хулосасини расмийлаштиради. Бир иш кунида 4-босқич Сертификатлаштириш органи Баҳолаш ишларини сертификатлаштириш органи раҳбари (раҳбар ўринбосари) ишлаб чиққан ва тасдиқлаган баҳолаш дастурига мувофиқ ишлаб чиқариш ёки хизмат кўрсатиш манзилида (жойида) амалга оширади. Баҳолаш дастурига мувофиқ Баҳолаш натижалари якуни билан ихтиёрий шаклда икки нусхада сертификатлаштириш органининг сифат бўйича қўлланма ҳужжатида белгиланган тартибда ҳисобот тузади ва расмийлаштиради. Бир иш кунида 5-босқич Сертификатлаштириш органи Сертификатлаштириш органи баҳолаш бўйича ҳисобот ва унга илова қилинган ҳужжатлар, шунингдек, экспертиза хулосаси ҳамда ариза ва унга илова қилинган ҳужжатлар тўпламини шакллантиради ҳамда мувофиқлик сертификатини бериш ёки уни беришни рад этиш тўғрисида қарор қабул қилади. Беш иш кунида 6-босқич Сертификатлаштириш органи Сертификатлаштириш органи ижобий қарор қабул қилинганда, мувофиқлик сертификатини расмийлаштиради. Мувофиқлик сертификатини реестрда рўйхатдан ўтказиб, ариза берувчига тақдим қилади. Уч иш кунида
Маҳсулот ва хизматларни «Ҳалол» талабларига мувофиқ сертификатлаштириш тартиби тўғрисидаги низомга 2-ИЛОВА
Сертификатлаштириш органи раҳбарига Маҳсулот ва хизматларни «Ҳалол» талабларига мувофиқ сертификатлаштириш учун АРИЗА _______________________________________________________________________________________да («Ҳалол» сертификатлаштиришни ўтказиш учун асос бўладиган норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатлар) белгиланган талабларга мувофиқликка _______________________________________________________________________________________ни (ташкилий тузилма жойлашган жойи кўрсатилган ҳолда сўралган соҳанинг номи) «Ҳалол» талаблари бўйича маҳсулотларни (хизматлар) сертификатлаштиришни сўрайман. Сертификатлаштириш учун ариза берувчи тўғрисида маълумотлар Ариза берувчи ташкилотнинг тўлиқ номи (жисмоний шахс учун тўлиқ Ф.И.О.): Қисқартирилган номи: Юқори турувчи, жумладан, таркибига юридик шахс кирадиган ташкилотнинг номи: Почта манзили: Телефон: Электрон почта манзили: СТИР (жисмоний шахс учун шахсий идентификация рақами): ИФУТ: Банк реквизитлари: Банк номи: Банк ҳисоб рақами: Хизмат кўрсатувчи банкнинг МФО: Штат бирликларининг умумий сони: Шу жумладан Бошқарув ходимлари: Хизмат кўрсатувчи ходимлар: техник ходимлар: Сертификатлаштириш учун масъул шахснинг Ф.И.О. лавозими, боғланиш учун маълумотлари: «Ҳалол» талаблари бўйича маҳсулотлар (хизматлар) тўғрисида умумий маълумотлар «Ҳалол» талабларини ишлаб чиқиш ва жорий қилиш санаси: Сертификатлаштириш татбиқ этиладиган маҳсулотлар (хизматлар): Ишлаб чиқариладиган маҳсулотлар ёки кўрсатиладиган хизматларга тегишли техник жиҳатдан тартибга солиш соҳасида норматив ҳужжатларнинг номи: Аввал ўтказилган «Ҳалол» сертификатлаштириш тўғрисида маълумотлар «Ҳалол» сертификатлаштириш бўйича орган номи: «Ҳалол» сертификатлаштиришни ўтказиш учун асос бўладиган норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатлар: Мувофиқлик сертификатининг бланк рақами ва рўйхатга олиш рақами: Мувофиқлик сертификатини бериш санаси: Мувофиқлик сертификатининг амал қилиш санаси: Ариза берувчи __________ ___ __________________ __________ (имзо) __________ (Ф.И.О.) ___ (сана)
Маҳсулот ва хизматларни «Ҳалол» талабларига мувофиқ сертификатлаштириш тартиби тўғрисидаги низомга 3-ИЛОВА
ЎЗБЕКИСТОН РЕСПУБЛИКАСИ СЕРТИФИКАТЛАШТИРИШ ТИЗИМИ (сертификатлаштириш органининг номи ва манзили, давлат реестридаги рақами) «ҲАЛОЛ» МУВОФИҚЛИК СЕРТИФИКАТИ (мувофиқлик белгиси) Сертификатлаштириш тизими реестрида қуйидаги рақам билан рўйхатдан ўтказилди берилган сана: амал қилиш муддати: «Ҳалол» мувофиқлик сертификати (мувофиқлик сертификати эгаси) манзили: қўшимча маълумот: (норматив-ҳуқуқий ҳужжатлар ва техник жиҳатдан тартибга солиш соҳасидаги норматив ҳужжатлар) белгиланган талабларга мувофиқлигини тасдиқлайди ва қуйидаги соҳаларда татбиқ этилади: Сертификатлаштириш органи ___________________________ раҳбари QR-код (Ф.И.О.)
Маҳсулот ва хизматларни «Ҳалол» талабларига мувофиқ сертификатлаштириш тартиби тўғрисидаги низомга 4-ИЛОВА
Ҳалол» талабларига мувофиқ сертификатлаштирилган маҳсулот ва хизматларни даврий баҳолаш
Босқичлар Субъектлар Тадбирлар Бажариш муддатлари 1-босқич Сертификатлаштириш органи Даврий баҳолаш режасини тасдиқлайди. Режа-жадвалга мувофиқ 2-босқич Сертификатлаштириш органи Мувофиқлик сертификати эгасининг фаолиятини биринчи даврий баҳолайди. Реестрда рўйхатга олинган санадан кейин ўн икки ойдан кечикмай Мувофиқлик сертификати эгасининг фаолиятини режадан ташқари даврий баҳолайди. Реестрда рўйхатга олинган санадан кейин олти ойдан кечикмай Даврий баҳолаш натижалари якуни билан сертификатлаштириш органининг сифат бўйича қўлланма ҳужжатида белгиланган тартибда ҳисобот тузади. Уч иш кунида Ҳисобот ва унга илова қилинадиган ҳужжатларни сертификатлаштириш органига тақдим қилади. Бир иш кунида 3-босқич Сертификатлаштириш органи Ҳужжатлар тўпламини шакллантиради ва кенгашга тақдим қилади. Беш иш кунида
Ўзбекистон Республикасининг Бош вазири А. АРИПОВ
Тошкент ш.,
2025 йил 1 февраль,
57-сон
Oʻzbekiston Respublikasi Vazirlar Mahkamasining
qarori
NIZOM
SXEMASI
SXEMASI
Mahsulot va xizmatlarni “Halol” talablariga muvofiq sertifikatlashtirish tartibi toʻgʻrisidagi nizomni tasdiqlash haqida
Mahsulot va xizmatlarni “Halol” talablariga muvofiq sertifikatlashtirish faoliyatini hamda “Halol” belgisi bilan tamgʻalangan mahsulot va xizmatlardan foydalanishni tartibga solish maqsadida Vazirlar Mahkamasi qaror qiladi:
1. Quyidagilarni nazarda tutuvchi Mahsulot va xizmatlarni “Halol” talablariga muvofiq sertifikatlashtirish tartibi toʻgʻrisidagi nizom ilovaga muvofiq tasdiqlansin:
mahsulot va xizmatlarni “Halol” talablariga muvofiq sertifikatlashtirish tartibi;
“Halol” talablariga muvofiq sertifikatlashtirilgan mahsulot va xizmatlarni davriy baholash.
2. Vazirlar Mahkamasi huzuridagi Oʻzbekiston texnik jihatdan tartibga solish agentligi (keyingi oʻrinlarda — Agentlik) va Din ishlari boʻyicha qoʻmitaning mahsulot va xizmatlarni “Halol” talablariga muvofiq sertifikatlashtirish sohasini tartibda solish toʻgʻrisida kuyidagi takliflariga rozilik berilsin:
mahsulot va xizmatlarni “Halol” talablariga muvofiq sertifikatlashtirish organlarini tashkil etish;
mahsulot va xizmatlarni “Halol” talablariga muvofiq sertifikatlashtirishda hamda ularga nisbatan talablarni belgilashda Islom mamlakatlari standartlari va metrologiya instituti (SMIIC) tomonidan qabul qilingan va rasmiy xalqaro miqyosda eʼtirof etilgan standartlarga ustuvorlik huquqini berish;
2025-yil 1-maydan mazkur qaror hamda Islom mamlakatlari standartlari va metrologiya instituti (SMIIC) standartlari talablari asosida sertifikatlashtirilgan mahsulot va xizmatlarni “Halol” belgisi bilan tamgʻalashga ruxsat etish.
3. Agentlik Din ishlari boʻyicha qoʻmita bilan birgalikda:
a) olti oy muddatda:
Agentlik tizimidagi davlat muassasasida tashkil qilinadigan mahsulot va xizmatlarni “Halol” talablariga muvofiq sertifikatlashtirish organini xalqaro tan olingan tashkilotlarni jalb qilgan holda akkreditatsiyadan oʻtkazsin;
mahsulot va xizmatlarni “Halol” talablariga muvofiq sertifikatlashtirishda ishtirok etuvchi mutaxassislar malakasini oshirsin hamda ular uchun treninglar va seminarlar oʻtkazilishini tashkil etsin;
“Halol” belgisi shakli hamda oʻlchamini belgilaydigan standart loyihani ishlab chiqsin hamda tasdiqlasin;
b) tashabbus koʻrsatgan tadbirkorlik subyektlariga mahsulot va xizmatlarni “Halol” talablariga muvofiq sertifikatlashtirish organini tashkil etishda koʻmaklashib borsin.
4. Mazkur qaror rasmiy eʼlon qilingan kundan eʼtiboran uch oy oʻtgach kuchga kiradi.
5. Mazkur qarorning bajarilishini nazorat qilish Vazirlar Mahkamasi huzuridagi Oʻzbekiston texnik jihatdan tartibga solish agentligi direktori A.R. Jumanazarov zimmasiga yuklansin.
Vazirlar Mahkamasining 2025-yil 1-fevraldagi 57-son qaroriga ILOVA
Mahsulot va xizmatlarni “Halol” talablariga muvofiq sertifikatlashtirish tartibi toʻgʻrisida
1-bob. Umumiy qoidalar
1. Mazkur Nizom mahsulot va xizmatlarni texnik jihatdan tartibga solish sohasidagi normativ hujjatlarda belgilangan “Halol” talablariga muvofiq ixtiyoriy sertifikatlashtirish tartibini belgilaydi.
2. Ushbu Nizomda quyidagi asosiy tushuncha va atamalardan foydalaniladi:
ariza beruvchi — mahsulot yoki xizmatlarni “Halol” talablariga muvofiq sertifikatlashtirishga talabgor boʻlgan jismoniy va yuridik shaxs;
axborot tizimi — mahsulot va xizmatlarga muvofiqlik sertifikatini rasmiylashtirish va elektron reyestrni yuritish axborot tizimi;
apellyatsiya komissiyasi — sertifikatlashtirish organi tomonidan amalga oshirilgan baholashdan hamda chiqarilgan qarorlaridan norozi boʻlgan ariza beruvchining shikoyatlarini koʻrib chiqish maqsadida Oʻzbekiston texnik jihatdan tartibga solish agentligida tashkil qilinadigan komissiya;
mahsulot va xizmatlarni “Halol” talablariga muvofiq sertifikatlashtirish — ariza beruvchi tomonidan ishlab chiqarilgan mahsulot yoki koʻrsatilayotgan xizmatning texnik jihatdan tartibga solish sohasidagi normativ hujjatlarda belgilangan talablarga muvofiqligini tasdiqlashga oid faoliyat;
muvofiqlik sertifikati — ishlab chiqarilgan mahsulot yoki koʻrsatilayotgan xizmatning “Halol” talablariga muvofiqligini tasdiqlovchi hujjat;
sertifikatlashtirish organi — mahsulot va xizmatlarni “Halol” talablariga muvofiq sertifikatlashtirishga doir ishlarni bajarish uchun xalqaro tashkilotlardan akkreditatsiyadan oʻtgan organ;
“Halol” talablari — Islom mamlakatlarining standartlar va metrologiya instituti (SMIIC) tomonidan qabul qilingan xalqaro standartlar hamda texnik jihatdan tartibga solish sohasidagi normativ hujjatlar.
2-bob. Mahsulot va xizmatlarni “Halol” talablariga muvofiq sertifikatlashtirish tartibi
3. Mahsulot va xizmatlarni “Halol” talablariga muvofiq sertifikatlashtirish (keyingi oʻrinlarda — sertifikatlashtirish) mazkur Nizomga 1-ilovada keltirilgan sxemaga muvofiq amalga oshiriladi.
4. Sertifikatlashtirish uchun ariza beruvchi mazkur Nizomga 2-ilovad a keltirilgan Mahsulot va xizmatlarni “Halol” talablariga muvofiq sertifikatlashtirish uchun ariza shakliga muvofiq sertifikatlashtirish organiga elektron tarzda ariza yoʻllaydi.
5. Sertifikatlashtirish uchun taqdim qilinadigan arizada quyidagi maʼlumotlar aks ettiriladi hamda hujjatlar ilova qilinadi:
a) mahsulot uchun:
ariza beruvchi tomonidan tasdiqlangan va ushbu mahsulotni ishlab chiqarishda asos boʻlgan hujjatlarning nusxalari (texnologik yoʻriqnomalar, toʻldiruvchi hujjatlar, retseptlar va (yoki) mahsulot tarkibi haqida maʼlumot hamda boshqa hujjatlar nusxalari);
mahsulotdan foydalanish (ishlatish, qoʻllash) toʻgʻrisidagi hujjat (yoʻriqnoma, qoʻllanma, reglament, tavsiyalar) nusxasi;
yorliq (oʻrov-idish) nusxalari yoki maketlari;
mahsulotlarga qoʻshiladigan barcha qoʻshimchalar va ingridiyentlar, shuningdek, tashqaridan olinayotgan barcha qoʻshimchalarning tavsifi yoki “Halol” talablariga muvofiqligini tasdiqlovchi hujjatlar (sertifikatlar);
mahsulotlar xavfsizligi va halol talablariga muvofiqligini tasdiqlovchi sinov bayonnomalari;
ishlab chiqariladigan mahsulotlarning doimiy muvofiqligini nazorat qilish uchun akkreditatsiyadan utgan sinov laboratoriyasining akkreditatsiya guvohnomasi yoki akkreditatsiyadan oʻtgan sinov laboratoriyasi bilan tuzilgan shartnoma;
ariza beruvchida mahsulotlarni barqaror ishlab chiqarishni taʼminlovchi joriy etilgan menejment tizimiga (ISO 9001, ISO 22000) ega ekanligini tasdiqlovchi hujjatlar nusxasi;
ariza beruvchining faoliyatiga oid jarayonlar hamda unga taʼsir etishi mumkin boʻlgan xavflar, shuningdek, barcha jarayonlarga bogʻliq inson va texnik resurslar tavsifi;
ariza beruvchida faoliyat yuritadigan xodimlarning mahsulotni “Halol” talablariga muvofiq sertifikatlashtirish boʻyicha bilimi va koʻnikmalari toʻgʻrisida maʼlumot nusxasi;
avvalgi muvofiqlik sertifikati toʻgʻrisida maʼlumot (mavjud boʻlsa);
b) xizmatlar uchun:
ariza beruvchida koʻrsatilayotgan xizmatlarning doimiy xavfsizligini taʼminlovchi joriy etilgan menejment tizimiga (ISO 9001, ISO 22000) ega ekanligini tasdiqlovchi hujjatlar nusxasi;
ariza beruvchida faoliyat yuritadigan xodimlarning xizmatlarni “Halol” talablariga muvofiq sertifikatlashtirish boʻyicha bilimi va koʻnikmalari toʻgʻrisida maʼlumot nusxasi;
ariza beruvchining faoliyatiga oid jarayonlar hamda unga bogʻliq inson va texnik resurslar tavsifi;
“Halol” talablariga muvofiq koʻrsatilayotgan xizmatlarga taʼsir etishi mumkin boʻlgan xavflarning tavsifi;
avvalgi muvofiqlik sertifikati toʻgʻrisida maʼlumot (mavjud boʻlsa).
Ariza va unga ilova qilingan hujjatlar va maʼlumotlarning toʻgʻriligi uchun ariza beruvchi javobgar hisoblanadi.
6. Ariza beruvchi oʻz ixtiyoriga koʻra mazkur Nizomning 5-bandida nazarda tutilmagan, mahsulot yoki xizmatning “Halol” talablariga muvofiqligini tasdiqlash uchun asos boʻlgan qoʻshimcha hujjatlarni taqdim qilish huquqiga ega.
7. Mazkur Nizomning 5-bandida koʻzda tutilmagan hujjatlar yoki maʼlumotlarni ariza beruvchidan soʻrashga yoʻl qoʻyilmaydi.
3-bob. Taqdim etilgan ariza va unga ilova qilingan hujjatlar toʻplamini koʻrib chiqish
8. Sertifikatlashtirish organi ariza beruvchi tomonidan taqdim qilingan ariza va unga ilova qilingan hujjatlar toʻplamini uch ish kuni mobaynida koʻrib chiqadi.
Sertifikatlashtirish organi arizani koʻrib chiqish yakunlari boʻyicha bir ish kunida arizani qabul qilish yoki uni rad etish toʻgʻrisida qaror qabul qiladi hamda ariza beruvchini qaror qabul qilingan kunning oʻzida bevosita yoki axborot tizimi orqali xabardor qiladi.
9. Quyidagilar arizani qabul qilishni rad etish toʻgʻrisidagi qarorni qabul qilishga asos hisoblanadi:
ariza tegishli shaklga muvofiq rasmiylashtirilmaganda;
ariza beruvchi ushbu Nizomning 5-bandida belgilangan hujjatlar va maʼlumotlarni toʻliq taqdim etmaganda;
ariza yoki arizaga ilova qilingan hujjatlar va maʼlumotlarning soxtaligi yoki notoʻgʻriligi aniqlanganda.
Ariza boʻyicha qarorni boshqa sabablar yoki maqsadga koʻra muvofiq emas deb qaytarishga yoʻl qoʻyilmaydi.
10. Sertifikatlashtirish organi arizani rad etish toʻgʻrisida qaror qabul qilganda ariza ariza beruvchiga qaytariladi.
Ariza beruvchi rad etish sabablarini bartaraf etgandan soʻng sertifikatlashtirish uchun qayta ariza berish huquqiga ega.
4-bob. Taqdim etilgan hujjatlarni ekspertizadan oʻtkazish
11. Sertifikatlashtirish organi ariza va unga ilova qilingan hujjatlarni ariza boʻyicha qaror qabul qilingandan soʻng bir ish kunida sertifikatlashtirish uchun ariza beruvchi bilan shartnoma tuzadi.
Bunda ariza beruvchi sertifikatlashtirish organiga shartnomaga asosan haq toʻlaydi.
12. Ariza beruvchi tomonidan taqdim etilgan hujjatlar toʻplami ekspertizasi (keyingi oʻrinlarda — ekspertiza) shartnomaga asosan toʻlov amalga oshirilgandan soʻng sertifikatlashtirish organi tomonidan oʻn besh ish kuni mobaynida oʻtkaziladi.
Bunda ekspertiza natijalaridan qatʼi nazar, shartnomaga asosan amalga oshirilgan toʻlov ariza beruvchiga qaytarilmaydi.
Ekspertiza yakuni bilan uning natijalari boʻyicha ariza beruvchi tomonidan taqdim qilingan hujjatlar toʻplamida kamchiliklar aniqlangan taqdirda, bir ish kuni mobaynida sertifikatlashtirish organi bu haqda ariza beruvchini ularni bartaraf etish uchun bevosita xabardor qiladi.
Ekspertiza natijalari boʻyicha aniqlangan kamchiliklar ariza beruvchi tomonidan bartaraf etilmagan taqdirda, sertifikatlashtirish organi sertifikatlashtirish ishlarini toʻxtatib turadi. Bunda aniqlangan kamchiliklar boʻyicha tuzatish choralari uch oydan ortiq boʻlmagan muddatda ariza beruvchi tomonidan amalga oshirilishi kerak.
Belgilangan muddatlarda aniqlangan kamchiliklar ariza beruvchi tomonidan bartaraf etilganligi haqida maʼlumot va tasdiqlovchi hujjatlar sertifikatlashtirish organiga taqdim etilmaganda, sertifikatlashtirish ishlari tugatiladi. Bunda ariza beruvchi ushbu Nizomda belgilangan tartibda hujjatlarni shakllantirib, qayta ariza yuborishi mumkin.
Ekspertiza natijalari ijobiy boʻlganda yoki ekspertizada aniqlangan kamchiliklar belgilangan muddatlarda bartaraf etilganligi haqida maʼlumot va tasdiqlovchi hujjatlar ariza beruvchi tomonidan sertifikatlashtirish organiga taqdim etilganda, mahsulot ishlab chiqariladigan yoki xizmat koʻrsatiladigan obyekt joylashgan joyiga chiqqan holda, mahsulot yoki xizmatlarning “Halol” talablariga muvofiqligi baholanadi.
Bunda ekspertiza natijalarining yakuni boʻyicha sertifikatlashtirish organi uch ish kunida belgilangan tartibda ekspertiza xulosani rasmiylashtiradi.
5-bob. Joyiga chiqqan holda mahsulot yoki xizmatlarning “Halol” talablariga muvofiqligini baholash
13.Joyiga chiqqan holda mahsulot yoki xizmatlarning “Halol” talablariga muvofiqligini baholash (keyingi oʻrinlarda — baholash) uchun tuzilgan shartnoma boʻyicha ariza beruvchi tomonidan haq toʻlangandan soʻng sertifikatlashtirish organi tomonidan baholash ishlari amalga oshiriladi.
Bunda baholash natijalaridan qatʼi nazar shartnomaga asosan amalga oshirilgan toʻlov ariza beruvchiga qaytarilmaydi.
14. Baholash ishlari sertifikatlashtirish organi rahbari (rahbar oʻrinbosari) ishlab chiqqan va tasdiqlagan baholash dasturiga muvofiq ishlab chiqarish yoki xizmat koʻrsatish manzilida (joyida) amalga oshiriladi.
Agar arizada keltirilgan mahsulot yoki xizmat turi boʻyicha ariza beruvchining bir necha filiallari mavjud boʻlsa, baholash ishlari ariza beruvchining barcha filiallarida amalga oshiriladi.
15. Baholash natijalari yakuni bilan bir ish kunida ixtiyoriy shaklda ikki nusxada sertifikatlashtirish organining sifat boʻyicha qoʻllanma hujjatida belgilangan tartibda hisobot tuziladi, uning bir nusxasi ariza beruvchiga topshiriladi, ikkinchi nusxasi sertifikatlashtirish organiga taqdim qilinadi.
Baholash hisoboti sertifikatlashtirish organi vakillari va ariza beruvchi tomonidan imzolanadi, ariza beruvchi baholash natijalaridan norozi boʻlgan taqdirda, oʻz fikrini hisobotda bildirishi mumkin.
16. Baholash ishlari texnik jihatdan tartibga solish sohasidagi normativ hujjatlarda va “Halol” talablarida belgilangan tartibda amalga oshiriladi.
17. Baholash davomida ariza beruvchi tomonidan ishlab chiqarilayotgan yoki qoʻllanilayotgan mahsulot tarkibiga shubha paydo boʻlganda, mazkur mahsulotdan ariza beruvchi ishtirokida namunalar tanlab olinadi va akkreditatsiyadan oʻtgan sinov laboratoriyasida texnik jihatdan tartibga solish sohasidagi normativ hujjatlarda hamda “Halol” talablarida belgilangan talablar boʻyicha sinovlardan oʻtkaziladi.
18. Oʻtkazilgan sinovlarning natijalari tuziladigan hisobotda bayon qilinadi.
Bunda hisobot baholash hamda sinov natijalari olingan kundan boshlab bir ish kuni ichida tuziladi hamda sertifikatlashtirish organi vakillari, shuningdek, ariza beruvchi tomonidan imzolanadi.
6-bob. Muvofiqlik sertifikatini berish yoki berishni rad etish toʻgʻrisida qaror qabul qilish hamda muvofiqlik sertifikatini rasmiylashtirish tartibi
19. Sertifikatlashtirish organi besh ish kunida baholash boʻyicha hisobot va unga ilova qilingan hujjatlar, shuningdek, ekspertiza xulosasi hamda ariza va unga ilova qilingan hujjatlar toʻplamini (keyingi oʻrinlarda — hujjatlar toʻplami) shakllantiradi hamda muvofiqlik sertifikatini berish yoki berishni rad etish toʻgʻrisida qaror qabul qiladi.
20. Sertifikatlashtirish organi tomonidan muvofiqlik sertifikatini berish toʻgʻrisida qaror qabul qilinsa, sertifikatlashtirish organi va ariza beruvchi oʻrtasida muvofiqlik sertifikatini qoʻllash hamda “Halol” muvofiqlik belgisidan foydalanish toʻgʻrisida kelishuv tuziladi hamda uch ish kuni davomida mazkur Nizomga 3-ilovada keltirilgan shakldagi “Halol” muvofiqlik sertifikati rasmiylashtirilib, reyestrda roʻyxatdan oʻtkaziladi va ariza beruvchiga taqdim qilinadi.
“Halol” muvofiqlik sertifikatini qoʻllash hamda “Halol” muvofiqlik belgisidan foydalanish toʻgʻrisidagi kelishuvda quyidagilar aks ettiriladi:
sertifikatlashtirish organi va muvofiqlik sertifikati egasi oʻrtasidagi oʻzaro munosabatlar, shu jumladan, tomonlarning huquqlari, majburiyatlari va javobgarligi;
“Halol” muvofiqlik sertifikatidan hamda “Halol” muvofiqlik belgisidan foydalanish talablari va shartlari;
davriy baholash.
21. Muvofiqlik sertifikati uch yil muddatga rasmiylashtiriladi.
22. “Halol” muvofiqlik sertifikatini qoʻllash hamda “Halol” muvofiqlik belgisidan foydalanish huquqining, muvofiqlik sertifikatining egasi tomonidan boshqa yuridik shaxsga berilishi man etiladi.
7-bob. Davriy baholash
23. Davriy baholash ishlari muvofiqlik sertifikatini qoʻllash hamda “Halol” muvofiqlik belgisidan foydalanish toʻgʻrisidagi kelishuv asosida ushbu Nizomga 4-ilovada keltirilgan “Halol” talablariga muvofiq sertifikatlashtirilgan mahsulot va xizmatlarni davriy baholash sxemasiga muvofiq joyiga chiqqan holda amalga oshiriladi.
Birinchi davriy baholash ishlari muvofiqlik sertifikati reyestrda roʻyxatga olingan sanadan keyin oʻn ikki oydan kechikmay amalga oshiriladi. Keyingi davriy baholash ishlari esa har yili sertifikatlashtirish organi rahbari tomonidan tasdiqlangan davriy baholash reja-jadvaliga muvofiq davriy, biroq avvalgi davriy baholash oʻtkazilgan vaqtdan boshlab oʻn ikki oydan kechikmay amalga oshiriladi.
24. Muvofiqlik sertifikati egasining faoliyati muvofiqlik sertifikati reyestrda roʻyxatga olingan sanadan keyin olti oydan kechikmay rejadan tashqari davriy baholanadi. Keyingi rejadan tashqari davriy baholash ishlari har yili rejali oʻtkazilgan davriy baholash vaqtidan boshlab olti oydan kechikmay amalga oshiriladi.
25. Mahsulot yoki xizmatlar yuzasidan isteʼmolchilar tomonidan asoslangan yozma shikoyatlar sertifikatlashtirish organiga kelib tushganda, muvofiqlik sertifikati egasining faoliyati rejadan tashqari davriy baholanadi.
26. Muvofiqlik sertifikati egasining ushbu Nizomning 6-bobida belgilangan tartibda faoliyati rejali yoki rejadan tashqari davriy baholanadi.
8-bob. “Halol” muvofiqlik sertifikatining amal qilishini tasdiqlash, toʻxtatib turish, tugatish
27. “Halol” muvofiqlik sertifikatining amal qilishini tasdiqlash, toʻxtatib turish yoki tugatish sertifikatlashtirish organi qarori asosida amalga oshiriladi.
28. Quyidagi hollarda muvofiqlik sertifikatining amal qilishi toʻxtatib turiladi:
muvofiqlik sertifikati egasining rasmiy murojaatiga asosan oʻttiz kun muddatga;
davriy baholash davomida aniqlangan nomuvofiqliklar bartaraf etilgunga qadar. Bunda nomuvofiqliklarni bartaraf etish muddati oʻttiz kundan oshmasligi lozim;
mahsulotni ishlab chiqarish va xizmatlar koʻrsatish yoʻnalishi sertifikatlashtirish organini ogohlantirmagan holda oʻzgarganda;
mahsulotni ishlab chiqarish texnologiyasi, uskunalar yoki mahsulotning tarkibiy qismi hisoblangan mahsulotlarning tarkibi yoki yetkazib beruvchi yuridik shaxs oʻzgarganda;
koʻrsatilayotgan xizmatlar uchun mahsulotlarning tarkibi yoki yetkazib beruvchi yuridik shaxs oʻzgarganda;
29. Quyidagi hollarda muvofiqlik sertifikatining amal qilishi tugatiladi:
muvofiqlik sertifikati egasining rasmiy murojaatiga asosan yoki tashkilot faoliyati tugatilganda;
davriy baholash davomida aniqlangan nomuvofiqliklar toʻqson kun davomida bartaraf etilmaganda;
“Halol” talablari muvofiqlik sertifikati egasi tomonidan qoʻpol ravishda buzilganda;
muvofiqlik sertifikati soxta hujjatlardan foydalangan holda olinganligi tasdiqlanganda.
30. Sertifikatlashtirish organi tomonidan “Halol” muvofiqlik sertifikatining amal qilishini tasdiqlash, toʻxtatib turish yoki tugatish toʻgʻrisida qaror qabul qilingan kundan eʼtiboran muvofiqlik sertifikatining amal qilishi tasdiqlanadi, toʻxtatib turiladi yoki tugatiladi.
Bunda tegishli qaror qabul qilingan kundan eʼtiboran uch ish kunidan kechiktirmasdan, muvofiqlik sertifikati egasiga bevosita yetkaziladi hamda reyestrdan chiqariladi.
31. Muvofiqlik sertifikatining egasi muvofiqlik sertifikatining amal qilishini toʻxtatish yoki tugatish toʻgʻrisidagi qarorni qabul qilib olgan kundan boshlab, muvofiqlik sertifikatini qoʻllash hamda “Halol” belgisidan foydalanishni toʻxtatishi lozim.
32. Muvofiqlik sertifikatining egasi muvofiqlik sertifikatining amal qilishi toʻxtatilgan yoki tugatilgan taqdirda, “Halol” belgisi asosida sertifikatlashtirilgan mahsulot yoki xizmatlar mavjudligi toʻgʻrisidagi har qanday eʼlonlar uchun qonunchilik hujjatlarida belgilangan tartibda javobgarlikka tortiladi.
9-bob. Muvofiqlik sertifikatini rasmiylashtirish uchun asos boʻlgan hujjatlarni shakllantirish va saqlash
33. Sertifikatlashtirish organi rasmiylashtirilgan muvofiqlik sertifikati haqidagi maʼlumotlarni reyestrga kiritgandan soʻng sertifikatlashtirish organi va muvofiqlik sertifikatining egasi mahsulot yoki xizmatning “Halol” talablariga muvofiqligini tasdiqlash uchun asos boʻlib xizmat qilgan hujjatlar toʻplamini shakllantiradi.
34. Muvofiqlik sertifikati va uni rasmiylashtirish uchun asos boʻlgan hujjatlar toʻplamlari muvofiqlik sertifikatining amal qilish muddati tugagan kundan boshlab kamida uch yil davomida sertifikatlashtirish organida saqlanadi.
35. Muvofiqlik sertifikati hujjatlar toʻplamlari sud va huquqni muhofaza qilish hamda nazorat organlariga ularning qonunchilikka muvofiq talabiga binoan taqdim etiladi.
10-bob. Axborot taʼminoti
36. Sertifikatlashtirish organi rasmiylashtirilgan, tasdiqlangan, amal qilishi toʻxtatilgan va tugatilgan sertifikatlarni, shuningdek, sertifikat berish rad etilgan holatlar hisobini yuritadi hamda ular toʻgʻrisidagi axborotni har oyda Oʻzbekiston texnik jihatdan tartibga solish agentligiga (keyingi oʻrinlarda — Agentlik) taqdim etadi.
Sertifikatlashtirish organi manfaatdor tashkilotlarni oʻz faoliyati hamda rasmiylashtirilgan muvofiqlik sertifikatlari toʻgʻrisida xabardor qiladi.
37. Agentlik quyidagi maʼlumotlarni oʻz rasmiy veb-saytida joylashtiradi:
“Halol” muvofiqlik sertifikati berilgan mahsulotlar va xizmatlar reyestri;
amal qilishi toʻxtatilgan va tugatilgan “Halol” muvofiqlik sertifikatlari.
11-bob. Apellyatsiyalarni koʻrib chiqish
38. Ariza beruvchi yoki muvofiqlik sertifikatining egasi ariza natijalari boʻyicha sertifikatlashtirish organining unga nisbatan salbiy qarori chiqarilganda, qaror qabul qilingan sanadan boshlab oʻttiz kalendar kun mobaynida Agentlikka yozma shaklda daʼvo arizasini kiritish huquqiga ega.
Sertifikatlashtirish organining qarori qabul qilingan sanadan boshlab oʻttiz kalendar kundan ortiq muddatda kiritilgan daʼvo arizasi koʻrib chiqilmaydi.
39. Apellyatsiya komissiyasi har bir daʼvo arizasini koʻrib chiqish uchun zaruratga koʻra shakllantiriladi. Apellyatsiya komissiyasi tarkibi Agentlik rahbari buyrugʻi bilan tasdiqlanadi. Apellyatsiya komissiyasi tarkibini shakllantirish va tasdiqlash muddatlari daʼvo arizasi olingan kundan boshlab oʻn ish kunidan ortiq boʻlmasligi kerak.
40. Apellyatsiya komissiyasi, daʼvo arizasini kirituvchining arizasi boʻyicha hujjatlar ekspertizasida, baholashda boʻlmagan Agentlikning kamida besh vakilidan iborat tarkibda shakllantiriladi.
41. Agentlik daʼvo arizasini kiritgan ariza beruvchini va baholovchi mutaxassislarni daʼvo arizasi koʻrib chiqiladigan sana haqida xabardor qiladi. Daʼvo arizasini kiritgan ariza beruvchi va baholovchi mutaxassislar daʼvo arizasini koʻrib chiqishda ishtirok etishlari mumkin.
42. Apellyatsiya komissiyasi kiritilgan daʼvo arizasini koʻrib chiqadi va qabul qilingan qaror toʻgʻrisida ariza beruvchiga yozma ravishda maʼlum qiladi. Daʼvo arizasini koʻrib chiqish muddati u berilgan sanadan boshlab oʻttiz kalendar kundan oshmasligi kerak.
43. Koʻrib chiqilgan apellyatsiya natijalari boʻyicha apellyatsiya komissiyasi quyidagi qarorlardan birini qabul qiladi:
sertifikatlashtirish organi qarorini oʻzgarishsiz qoldirish va daʼvo arizasini qanoatlantirishni rad etish;
daʼvo arizasini qanoatlantirish.
44. Sertifikatlashtirish organining oʻz qarorini oʻzgarishsiz qoldirish va daʼvo arizasini qanoatlantirishni rad etish toʻgʻrisidagi qarori, agar:
daʼvo arizasi ushbu Nizom talablari buzilgan holda taqdim etilgan boʻlsa;
daʼvo arizasida keltirilgan sabablar tasdiqlanmasa qabul qilinadi.
45. Daʼvo arizasini qanoatlantirish toʻgʻrisida qaror qabul qilinsa, sertifikatlashtirish organi tomonidan muvofiqlik sertifikatini berish yoki muvofiqlik sertifikatining amal qilishini tiklash toʻgʻrisida qaror qabul qilinadi.
46. Sertifikatlashtirish organi ikki ish kunidan ortiq boʻlmagan muddatda qabul qilingan qaror toʻgʻrisidagi xabarnomani daʼvo arizasi kiritgan ariza beruvchiga yozma shaklda yuboradi.
47. Aynan bir masala boʻyicha daʼvo arizasini takroran berishga yoʻl qoʻyilmaydi.
48. Ariza beruvchi Apellyatsiya komissiyasining qarori yuzasidan qonunchilikda belgilangan tartibda sudga shikoyat qilishi mumkin.
12-bob. Yakunlovchi qoidalar
49. Sertifikatlashtirish organi berilgan va bekor qilingan, amal qilishi toʻxtatib turilgan hamda tugatilgan muvofiqlik sertifikatlari, muvofiqlik sertifikatlarini berishni rad etish holatlari hisobini yuritadi.
50. Sertifikatlashtirish organi oʻz faoliyati davomida olingan hujjatlar va maʼlumotlarni yoki ariza beruvchi toʻgʻrisida olingan maʼlumotlarning sir saqlanishini taʼminlashi kerak.
51. Ushbu Nizom talablari buzilishida aybdor boʻlgan shaxslar qonunchilik hujjatlariga muvofiq javobgar boʻladi.
Mahsulot va xizmatlarni “Halol” talablariga muvofiq sertifikatlashtirish tartibi toʻgʻrisidagi nizomga 1-ILOVA
Mahsulot va xizmatlarni “Halol” talablariga muvofiq sertifikatlashtirish
Bosqichlar Subyektlar Tadbirlar Muddatlar 1-bosqich Ariza beruvchi Mahsulot va xizmatlarni “Halol” talablariga muvofiq sertifikatlashtirish uchun hujjatlar toʻplamini shakllantiradi. Sertifikatlashtirish organiga hujjatlar toʻplamini ilova qilgan holda, mahsulot va xizmatlarni “Halol” talablariga muvofiq sertifikatlashtirish uchun ariza beradi. Ariza beruvchining xohishiga koʻra 2-bosqich Sertifikatlashtirish organi Ariza beruvchi tomonidan taqdim qilingan ariza va unga ilova qilingan hujjatlar toʻplamini koʻrib chiqadi. Uch ish kunida Arizani koʻrib chiqish yakunlari boʻyicha arizani qabul qilish yoki uni rad etish toʻgʻrisida qaror qabul qiladi. Bir ish kunida 3-bosqich Sertifikatlashtirish organi Sertifikatlashtirish organi ariza va unga ilova qilingan hujjatlarni ariza boʻyicha qaror qabul qilingandan soʻng sertifikatlashtirish uchun ariza beruvchi bilan shartnoma tuzadi. Bir ish kunida Ariza beruvchi tomonidan taqdim etilgan hujjatlar toʻplamini ekspertizadan oʻtkazadi. Oʻn besh ish kunida Ekspertiza yakuni bilan uning natijalari boʻyicha ariza beruvchi tomonidan taqdim qilingan hujjatlar toʻplamida kamchiliklar aniqlangan taqdirda, bu haqda ariza beruvchini ularni bartaraf etish uchun bevosita xabardor qiladi. Bir ish kunida Ekspertiza natijalarining yakuni bilan sifat boʻyicha qoʻllanma hujjatlarida belgilangan tartibda ekspertiza xulosasini rasmiylashtiradi. Bir ish kunida 4-bosqich Sertifikatlashtirish organi Baholash ishlarini sertifikatlashtirish organi rahbari (rahbar oʻrinbosari) ishlab chiqqan va tasdiqlagan baholash dasturiga muvofiq ishlab chiqarish yoki xizmat koʻrsatish manzilida (joyida) amalga oshiradi. Baholash dasturiga muvofiq Baholash natijalari yakuni bilan ixtiyoriy shaklda ikki nusxada sertifikatlashtirish organining sifat boʻyicha qoʻllanma hujjatida belgilangan tartibda hisobot tuzadi va rasmiylashtiradi. Bir ish kunida 5-bosqich Sertifikatlashtirish organi Sertifikatlashtirish organi baholash boʻyicha hisobot va unga ilova qilingan hujjatlar, shuningdek, ekspertiza xulosasi hamda ariza va unga ilova qilingan hujjatlar toʻplamini shakllantiradi hamda muvofiqlik sertifikatini berish yoki uni berishni rad etish toʻgʻrisida qaror qabul qiladi. Besh ish kunida 6-bosqich Sertifikatlashtirish organi Sertifikatlashtirish organi ijobiy qaror qabul qilinganda, muvofiqlik sertifikatini rasmiylashtiradi. Muvofiqlik sertifikatini reyestrda roʻyxatdan oʻtkazib, ariza beruvchiga taqdim qiladi. Uch ish kunida
Mahsulot va xizmatlarni “Halol” talablariga muvofiq sertifikatlashtirish tartibi toʻgʻrisidagi nizomga 2-ILOVA
Sertifikatlashtirish organi rahbariga Mahsulot va xizmatlarni “Halol” talablariga muvofiq sertifikatlashtirish uchun ARIZA _______________________________________________________________________________________da (“Halol” sertifikatlashtirishni oʻtkazish uchun asos boʻladigan normativ-huquqiy hujjatlar va texnik jihatdan tartibga solish sohasidagi normativ hujjatlar) belgilangan talablarga muvofiqlikka _______________________________________________________________________________________ni (tashkiliy tuzilma joylashgan joyi koʻrsatilgan holda soʻralgan sohaning nomi) “Halol” talablari boʻyicha mahsulotlarni (xizmatlar) sertifikatlashtirishni soʻrayman. Sertifikatlashtirish uchun ariza beruvchi toʻgʻrisida maʼlumotlar Ariza beruvchi tashkilotning toʻliq nomi (jismoniy shaxs uchun toʻliq F.I.O.): Qisqartirilgan nomi: Yuqori turuvchi, jumladan, tarkibiga yuridik shaxs kiradigan tashkilotning nomi: Pochta manzili: Telefon: Elektron pochta manzili: STIR (jismoniy shaxs uchun shaxsiy identifikatsiya raqami): IFUT: Bank rekvizitlari: Bank nomi: Bank hisob raqami: Xizmat koʻrsatuvchi bankning MFO: Shtat birliklarining umumiy soni: Shu jumladan Boshqaruv xodimlari: Xizmat koʻrsatuvchi xodimlar: texnik xodimlar: Sertifikatlashtirish uchun masʼul shaxsning F.I.O. lavozimi, bogʻlanish uchun maʼlumotlari: “Halol” talablari boʻyicha mahsulotlar (xizmatlar) toʻgʻrisida umumiy maʼlumotlar “Halol” talablarini ishlab chiqish va joriy qilish sanasi: Sertifikatlashtirish tatbiq etiladigan mahsulotlar (xizmatlar): Ishlab chiqariladigan mahsulotlar yoki koʻrsatiladigan xizmatlarga tegishli texnik jihatdan tartibga solish sohasida normativ hujjatlarning nomi: Avval oʻtkazilgan “Halol” sertifikatlashtirish toʻgʻrisida maʼlumotlar “Halol” sertifikatlashtirish boʻyicha organ nomi: “Halol” sertifikatlashtirishni oʻtkazish uchun asos boʻladigan normativ-huquqiy hujjatlar va texnik jihatdan tartibga solish sohasidagi normativ hujjatlar: Muvofiqlik sertifikatining blank raqami va roʻyxatga olish raqami: Muvofiqlik sertifikatini berish sanasi: Muvofiqlik sertifikatining amal qilish sanasi: Ariza beruvchi __________ ___ __________________ __________ (imzo) __________ (F.I.O.) ___ (sana)
Mahsulot va xizmatlarni “Halol” talablariga muvofiq sertifikatlashtirish tartibi toʻgʻrisidagi nizomga 3-ILOVA
OʻZBEKISTON RESPUBLIKASI SERTIFIKATLASHTIRISH TIZIMI (sertifikatlashtirish organining nomi va manzili, davlat reyestridagi raqami) “HALOL” MUVOFIQLIK SERTIFIKATI (muvofiqlik belgisi) Sertifikatlashtirish tizimi reyestrida quyidagi raqam bilan roʻyxatdan oʻtkazildi berilgan sana: amal qilish muddati: “Halol” muvofiqlik sertifikati (muvofiqlik sertifikati egasi) manzili: qoʻshimcha maʼlumot: (normativ-huquqiy hujjatlar va texnik jihatdan tartibga solish sohasidagi normativ hujjatlar) belgilangan talablarga muvofiqligini tasdiqlaydi va quyidagi sohalarda tatbiq etiladi: Sertifikatlashtirish organi ___________________________ rahbari QR-kod (F.I.O.)
Mahsulot va xizmatlarni “Halol” talablariga muvofiq sertifikatlashtirish tartibi toʻgʻrisidagi nizomga 4-ILOVA
Halol” talablariga muvofiq sertifikatlashtirilgan mahsulot va xizmatlarni davriy baholash
Bosqichlar Subyektlar Tadbirlar Bajarish muddatlari 1-bosqich Sertifikatlashtirish organi Davriy baholash rejasini tasdiqlaydi. Reja-jadvalga muvofiq 2-bosqich Sertifikatlashtirish organi Muvofiqlik sertifikati egasining faoliyatini birinchi davriy baholaydi. Reyestrda roʻyxatga olingan sanadan keyin oʻn ikki oydan kechikmay Muvofiqlik sertifikati egasining faoliyatini rejadan tashqari davriy baholaydi. Reyestrda roʻyxatga olingan sanadan keyin olti oydan kechikmay Davriy baholash natijalari yakuni bilan sertifikatlashtirish organining sifat boʻyicha qoʻllanma hujjatida belgilangan tartibda hisobot tuzadi. Uch ish kunida Hisobot va unga ilova qilinadigan hujjatlarni sertifikatlashtirish organiga taqdim qiladi. Bir ish kunida 3-bosqich Sertifikatlashtirish organi Hujjatlar toʻplamini shakllantiradi va kengashga taqdim qiladi. Besh ish kunida
Oʻzbekiston Respublikasining Bosh vaziri A. ARIPOV
Toshkent sh.,
2025-yil 1-fevral,
57-son