📅 2025-yil 31-yanvar · Vazirlar Mahkamasi qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 31 январь · Вазирлар Маҳкамаси қарорлари
Расмий матн. Расмий ҳужжат. Таҳририй изоҳлар киритилмаган.
📅 31 января 2025 г. · Постановления Кабинета Министров
Официальный текст. Официальный документ. Редакционные примечания не включены.
📅 31 January 2025 · Cabinet of Ministers resolutions
Official text. Official document. Editorial notes are not included.
Ўзбекистон Республикаси Вазирлар Маҳкамасининг
қарори
РЎЙХАТИ
Божхона йиғимлари ставкаларини тасдиқлаш тўғрисида
Ўзбекистон Республикасининг Жаҳон савдо ташкилотига аъзо бўлиш доирасида божхона йиғимлари ставкаларини ушбу ташкилот қоида ва талабларига мувофиқлаштириш мақсадида Вазирлар Маҳкамаси қарор қилади:
1. Қуйидагиларни назарда тутувчи Божхона йиғимлари ставкалари 1-иловага мувофиқ тасдиқлансин:
товарларнинг божхона расмийлаштируви учун йиғимлар миқдорини божхона органлари томонидан ҳаракатларни амалга ошириш билан боғлиқ бўлган харажатларнинг тахминий қийматидан келиб чиқиб белгилаш;
товарларни «экспорт» ва «импорт» божхона режимларига расмийлаштириш учун ундириладиган божхона йиғимлари ставкаларини ўзаро мувофиқлаштириш.
2. Ўзбекистон Республикаси Ҳукуматининг 2-иловага мувофиқ айрим қарорларига ўзгартиришлар киритилсин.
3. Ўзбекистон Республикаси Ҳукуматининг 3-иловага мувофиқ айрим қарорлари ўз кучини йўқотган деб ҳисоблансин.
4. Ўзбекистон Республикаси Иқтисодиёт ва молия вазирлиги ҳузуридаги Божхона қўмитаси манфаатдор вазирлик ва идоралар билан биргаликда ўзлари қабул қилган норматив-ҳуқуқий ҳужжатларни икки ой муддатда ушбу қарорга мувофиқлаштирсин.
5. Ушбу қарор расмий эълон қилинган кундан эътиборан уч ой ўтгач кучга киради.
6. Мазкур қарорнинг бажарилишини назорат қилиш Ўзбекистон Республикаси Бош вазирининг ўринбосари — иқтисодиёт ва молия вазири Ж.А. Қўчқоров ва Божхона қўмитаси раиси А.Ю. Мавлонов зиммасига юклансин.
Вазирлар Маҳкамасининг 2025 йил 31 январдаги 55-сон қарорига 1-ИЛОВА
Божхона йиғимлари ставкалари
Т/р Божхона йиғими тури Йиғим ставкалари 1. Қуйидагиларнинг божхона расмийлаштируви учун * : а) божхона юк декларацияси (БЮД)ни тақдим этиш орқали эквиваленти қуйидаги божхона қийматидаги товарларни тегишли божхона режимларида («вақтинча сақлаш», «давлат фойдасига воз кечиш», «йўқ қилиш» ва мазкур банднинг «б», «в», «г» ҳамда «д» кичик бандларида кўрсатилган товарлардан ташқари): 10 000 АҚШ долларигача БҲМнинг ** 1 баравари 10 000 дан 20 000 АҚШ долларигача БҲМнинг 1,5 баравари 20 000 дан 40 000 АҚШ долларигача БҲМнинг 2,5 баравари 40 000 дан 60 000 АҚШ долларигача БҲМнинг 4 баравари 60 000 дан 100 000 АҚШ долларигача БҲМнинг 7 баравари 100 000 дан 200 000 АҚШ долларигача БҲМнинг 10 баравари 200 000 дан 500 000 АҚШ долларигача БҲМнинг 15 баравари 500 000 дан 1 000 000 АҚШ долларигача БҲМнинг 20 баравари 1 000 000 АҚШ доллари ва ундан ортиқ БҲМнинг 25 баравари б) товарларни «транзит», «божхона ҳудудида қайта ишлаш», «божхона ҳудудидан ташқарида қайта ишлаш» божхона режимларида (бир дона декларация учун) БҲМнинг 25 фоизи в) юридик шахслар томонидан олиб келинаётган нақд чет эл валютасининг (бир дона декларация учун) БҲМнинг 2,5 баравари г) умумий шаклдаги божхона кирим ордерини қўллаш орқали (бир дона божхона кирим ордери учун) БҲМнинг 25 фоизи д) халқаро курьерлик ташкилотининг мурожаатига асосан халқаро курьерлик жўнатмалари (1 кг брутто учун) БҲМнинг 2 фоизи 2. Декларант ёки декларацияловчи шахснинг БЮДга ўзгартириш ва қўшимча киритиш бўйича мурожаатига асосан БЮДни ўзгартириш ва (ёки) унга қўшимча киритиш учун (қоғоз шаклдаги БЮДда бир дона БЮД, электрон шаклдаги БЮДда бир дона БЮДни тузатиш шакли учун) БҲМнинг 25 фоизи 3. Божхона расмийлаштируви учун белгиланган жойлардан *** ташқари ва (ёки) божхона органларининг иш вақтидан ташқари вақтдаги божхона расмийлаштируви учун (божхона ахборот тизими орқали автоматлаштирилган тартибда расмийлаштирувдан ўтказилган БЮДлар бундан мустасно): а) божхона органлари иш вақтидан ташқари вақтлар **** , дам олиш ва байрам кунлари (ҳар бир БЮД учун) БҲМнинг 25 фоизи б) божхона органи ходими томонидан (унинг иштирокида) исталган божхона назорати давомида божхона кўригини, божхона назорати остидаги товарларни декларант томонидан кўздан кечирувни, юк операцияларини амалга ошириш билан боғлиқ ҳаракатларни бажарганлиги (бир соатлик иш учун) ***** : божхона органлари иш вақтида; БҲМнинг 25 фоизи божхона органлари иш вақтидан ташқари вақтлар, дам олиш ва байрам кунлари. БҲМнинг 2 баравари 4. Эгаси божхона органи бўлган божхона омборида товарларни сақлаганлик учун (ҳар бир сутка учун) ****** : дастлабки ўн сутка мобайнида (тўлиқ, тўлиқ бўлмаган) 1 тонна (брутто) учун БҲМнинг 3 фоизи ҳар бир кейинги суткалар учун (тўлиқ, тўлиқ бўлмаган) 1 тонна (брутто) учун БҲМнинг 4 фоизи 5. Ўзбекистон Республикаси ҳудудида битта автотранспорт воситасини қуйидаги масофаларга божхона ҳамроҳлигида кузатиб борганлик учун: 200 км масофагача БҲМнинг 2 баравари 200 км дан ортиқ масофагача БҲМнинг 5 баравари 6. Божхона органлари томонидан товар бўйича дастлабки қарорни қабул қилганлик учун ******* БҲМнинг 75 фоизи 7. Жисмоний шахсларнинг чегара божхона постлари орқали нотижорат мақсадларда олиб кирилаётган, белгиланган меъёрлардан ортиқ бўлган товарларини чегара божхона постлари томонидан вақтинча сақлаганлик учун ҳар 100 кг.гача оғирликка (брутто) тўлиқ ва тўлиқ бўлмаган ҳар бир календарь кун учун: дастлабки беш кунда БҲМнинг 5 фоизи кейинги ўн кунда БҲМнинг 7 фоизи қолган кунларда БҲМнинг 10 фоизи тез бузиладиган товарларни вақтинча сақлаганлик учун БҲМнинг 15 фоизи 8. Декларантнинг мурожаатига асосан божхона органи томонидан транзит декларациясига ўзгартириш ва (ёки) қўшимча киритиш учун (ахборот тизимида декларацияловчи шахс томонидан ўзгартириш ва (ёки) қўшимча киритиш бундан мустасно) БҲМнинг 10 фоизи 9. Бир интеллектуал мулк объектини божхона реестрига киритиш учун БҲМнинг 1 баравари
Вазирлар Маҳкамасининг 2025 йил 31 январдаги 55-сон қарорига 2-ИЛОВА
Ўзбекистон Республикаси Ҳукуматининг айрим қарорларига киритилаётган ўзгартиришлар
2. Вазирлар Маҳкамасининг «Товарларни божхона транзити божхона режимига жойлаштириш билан боғлиқ операцияларни тартибга солиш чора-тадбирлари тўғрисида» 2022 йил 31 декабрдаги 737-сон қарори қуйидаги мазмундаги 3 1 -банд билан тўлдирилсин:
«3 1 . Белгилаб қўйилсинки:
ҳаво транспорти учун божхона назорати остида ташилаётган товар ва транспорт воситалари учун белгиланган етказиб бериш муддати ўтказиб юборилган ҳар бир куни учун — базавий ҳисоблаш миқдорининг 1 баравари миқдорида;
автотранспорт воситасида божхона назорати остида ташилаётган товар ва транспорт воситалари учун белгиланган етказиб бериш муддати ўтказиб юборилган ҳар бир куни учун — базавий ҳисоблаш миқдорининг 1 баравари миқдорида;
темир йўл транспортида божхона назорати остида ташилаётган товар ва транспорт воситалари учун белгиланган етказиб бериш муддати ўтказиб юборилган ҳар бир куни учун — базавий ҳисоблаш миқдорининг 10 фоизи миқдорида, 2028 йил 1 январдан базавий ҳисоблаш миқдорининг 1 баравари миқдорида;
автотранспорт воситасини бир календарь йил давомида тўқсон календарь кундан ортиқ муддатга вақтинчалик олиб кирганда, уни олиб чиқиб кетиш муддатининг ўтказиб юборилган ҳар куни учун — базавий ҳисоблаш миқдорининг 1 баравари миқдорида йиғимлар ундирилади.
Бунда автотранспорт воситасини бир календарь йил давомида тўқсон календарь кундан ортиқ муддатга вақтинчалик олиб кирганлик учун умумий ҳисобланган йиғимлар, транспорт воситасини «эркин муомалага чиқариш» божхона режимига жойлаштиргандаги тўланиши лозим бўлган божхона тўловлари суммасидан ошмаслиги шарт.
Мазкур бандда назарда тутилган йиғимлар божхона органларининг бюджетдан ташқари жамғармасига йўналтирилади».
Вазирлар Маҳкамасининг 2025 йил 31 январдаги 55-сон қарорига 3-ИЛОВА
Ўзбекистон Республикаси Ҳукуматининг ўз кучини йўқотган деб ҳисобланаётган айрим қарорлари
1. Вазирлар Маҳкамасининг «Божхона йиғимлари ставкаларини тасдиқлаш тўғрисида» 2020 йил 9 ноябрдаги 700-сон қарори * .
2. Ўзбекистон Республикаси Вазирлар Маҳкамасининг «Ўзбекистон Республикаси ҳудудида ташқи савдо юкларини божхона назорати остида ташишни соддалаштириш, шунингдек, ташқи иқтисодий фаолият қатнашчиларини янада қўллаб-қувватлаш тўғрисида» 2020 йил 20 декабрдаги 800-сон қарорига 3-илованинг 6-банди .
3. Вазирлар Маҳкамасининг «Божхона назорати остидаги товарларга нисбатан юк операцияларини амалга оширишга доир қўшимча чора-тадбирлар тўғрисида» 2021 йил 20 августдаги 531-сон қарорига 2-илованинг 3-банди .
4. Вазирлар Маҳкамасининг «Ўзбекистон Республикаси Ҳукуматининг айрим қарорларига ўзгартиришлар киритиш, шунингдек, баъзиларини ўз кучини йўқотган деб ҳисоблаш тўғрисида (Ўзбекистон Республикаси Президентининг «Капитал бозорини янада ривожлантириш чора-тадбирлари тўғрисида» 2021 йил 13 апрелдаги ПФ-6207-сон Фармони ҳамда «Капитал бозорини тартибга солиш тизимини янада такомиллаштириш чора-тадбирлари тўғрисида» 2021 йил 13 апрелдаги ПҚ-5073-сон қарори)» 2022 йил 9 июндаги 323-сон қарорига 1-илованинг 16-банди .
5. Вазирлар Маҳкамасининг «Божхона соҳасидаги тартиб-таомиллар такомиллаштирилиши муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2022 йил 5 сентябрдаги 487-сон қарорига илованинг 6-банди .
6. Вазирлар Маҳкамасининг «Товарларни божхона транзити божхона режимига жойлаштириш билан боғлиқ операцияларни тартибга солиш чора-тадбирлари тўғрисида» 2022 йил 31 декабрдаги 737-сон қарорининг 4-банди ҳамда қарорга 2-илова .
7. Вазирлар Маҳкамасининг «Божхона маъмуриятчилигини янада такомиллаштиришга доир қўшимча чора-тадбирлар белгиланганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш тўғрисида» 2023 йил 24 октябрдаги 560-сон қарорига илованинг 12-банди .
8. Ўзбекистон Республикаси Вазирлар Маҳкамасининг «Ўзбекистон Республикаси Ҳукуматининг айрим қарорларини ўз кучини йўқотган деб ҳисоблаш тўғрисида» 2024 йил 6 майдаги 266-сон қарорига илованинг 453-банди .
9. Вазирлар Маҳкамасининг «Божхона тартиб-таомиллари янада такомиллаштирилганлиги муносабати билан Ўзбекистон Республикаси Ҳукуматининг айрим қарорларига ўзгартириш ва қўшимчалар киритиш, шунингдек, баъзиларини ўз кучини йўқотган деб ҳисоблаш тўғрисида» 2024 йил 4 октябрдаги 630-сон қарорига 1-илованинг 6-банди .
Ўзбекистон Республикасининг Бош вазири А. АРИПОВ
Тошкент ш.,
2025 йил 31 январь,
55-сон
Oʻzbekiston Respublikasi Vazirlar Mahkamasining
qarori
ROʻYXATI
Bojxona yigʻimlari stavkalarini tasdiqlash toʻgʻrisida
Oʻzbekiston Respublikasining Jahon savdo tashkilotiga aʼzo boʻlish doirasida bojxona yigʻimlari stavkalarini ushbu tashkilot qoida va talablariga muvofiqlashtirish maqsadida Vazirlar Mahkamasi qaror qiladi:
1. Quyidagilarni nazarda tutuvchi Bojxona yigʻimlari stavkalari 1-ilovaga muvofiq tasdiqlansin:
tovarlarning bojxona rasmiylashtiruvi uchun yigʻimlar miqdorini bojxona organlari tomonidan harakatlarni amalga oshirish bilan bogʻliq boʻlgan xarajatlarning taxminiy qiymatidan kelib chiqib belgilash;
tovarlarni “eksport” va “import” bojxona rejimlariga rasmiylashtirish uchun undiriladigan bojxona yigʻimlari stavkalarini oʻzaro muvofiqlashtirish.
2. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.
3. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.
4. Oʻzbekiston Respublikasi Iqtisodiyot va moliya vazirligi huzuridagi Bojxona qoʻmitasi manfaatdor vazirlik va idoralar bilan birgalikda oʻzlari qabul qilgan normativ-huquqiy hujjatlarni ikki oy muddatda ushbu qarorga muvofiqlashtirsin.
5. Ushbu qaror rasmiy eʼlon qilingan kundan eʼtiboran uch oy oʻtgach kuchga kiradi.
6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari — iqtisodiyot va moliya vaziri J.A. Qoʻchqorov va Bojxona qoʻmitasi raisi A.Yu. Mavlonov zimmasiga yuklansin.
Vazirlar Mahkamasining 2025-yil 31-yanvardagi 55-son qaroriga 1-ILOVA
Bojxona yigʻimlari stavkalari
T/r Bojxona yigʻimi turi Yigʻim stavkalari 1. Quyidagilarning bojxona rasmiylashtiruvi uchun * : a) bojxona yuk deklaratsiyasi (BYD)ni taqdim etish orqali ekvivalenti quyidagi bojxona qiymatidagi tovarlarni tegishli bojxona rejimlarida (“vaqtincha saqlash”, “davlat foydasiga voz kechish”, “yoʻq qilish” va mazkur bandning “b”, “v”, “g” hamda “d” kichik bandlarida koʻrsatilgan tovarlardan tashqari): 10 000 AQSH dollarigacha BHMning ** 1 baravari 10 000 dan 20 000 AQSH dollarigacha BHMning 1,5 baravari 20 000 dan 40 000 AQSH dollarigacha BHMning 2,5 baravari 40 000 dan 60 000 AQSH dollarigacha BHMning 4 baravari 60 000 dan 100 000 AQSH dollarigacha BHMning 7 baravari 100 000 dan 200 000 AQSH dollarigacha BHMning 10 baravari 200 000 dan 500 000 AQSH dollarigacha BHMning 15 baravari 500 000 dan 1 000 000 AQSH dollarigacha BHMning 20 baravari 1 000 000 AQSH dollari va undan ortiq BHMning 25 baravari b) tovarlarni “tranzit”, “bojxona hududida qayta ishlash”, “bojxona hududidan tashqarida qayta ishlash” bojxona rejimlarida (bir dona deklaratsiya uchun) BHMning 25 foizi v) yuridik shaxslar tomonidan olib kelinayotgan naqd chet el valyutasining (bir dona deklaratsiya uchun) BHMning 2,5 baravari g) umumiy shakldagi bojxona kirim orderini qoʻllash orqali (bir dona bojxona kirim orderi uchun) BHMning 25 foizi d) xalqaro kuryerlik tashkilotining murojaatiga asosan xalqaro kuryerlik joʻnatmalari (1 kg brutto uchun) BHMning 2 foizi 2. Deklarant yoki deklaratsiyalovchi shaxsning BYDga oʻzgartirish va qoʻshimcha kiritish boʻyicha murojaatiga asosan BYDni oʻzgartirish va (yoki) unga qoʻshimcha kiritish uchun (qogʻoz shakldagi BYDda bir dona BYD, elektron shakldagi BYDda bir dona BYDni tuzatish shakli uchun) BHMning 25 foizi 3. Bojxona rasmiylashtiruvi uchun belgilangan joylardan *** tashqari va (yoki) bojxona organlarining ish vaqtidan tashqari vaqtdagi bojxona rasmiylashtiruvi uchun (bojxona axborot tizimi orqali avtomatlashtirilgan tartibda rasmiylashtiruvdan oʻtkazilgan BYDlar bundan mustasno): a) bojxona organlari ish vaqtidan tashqari vaqtlar **** , dam olish va bayram kunlari (har bir BYD uchun) BHMning 25 foizi b) bojxona organi xodimi tomonidan (uning ishtirokida) istalgan bojxona nazorati davomida bojxona koʻrigini, bojxona nazorati ostidagi tovarlarni deklarant tomonidan koʻzdan kechiruvni, yuk operatsiyalarini amalga oshirish bilan bogʻliq harakatlarni bajarganligi (bir soatlik ish uchun) ***** : bojxona organlari ish vaqtida; BHMning 25 foizi bojxona organlari ish vaqtidan tashqari vaqtlar, dam olish va bayram kunlari. BHMning 2 baravari 4. Egasi bojxona organi boʻlgan bojxona omborida tovarlarni saqlaganlik uchun (har bir sutka uchun) ****** : dastlabki oʻn sutka mobaynida (toʻliq, toʻliq boʻlmagan) 1 tonna (brutto) uchun BHMning 3 foizi har bir keyingi sutkalar uchun (toʻliq, toʻliq boʻlmagan) 1 tonna (brutto) uchun BHMning 4 foizi 5. Oʻzbekiston Respublikasi hududida bitta avtotransport vositasini quyidagi masofalarga bojxona hamrohligida kuzatib borganlik uchun: 200 km masofagacha BHMning 2 baravari 200 km dan ortiq masofagacha BHMning 5 baravari 6. Bojxona organlari tomonidan tovar boʻyicha dastlabki qarorni qabul qilganlik uchun ******* BHMning 75 foizi 7. Jismoniy shaxslarning chegara bojxona postlari orqali notijorat maqsadlarda olib kirilayotgan, belgilangan meʼyorlardan ortiq boʻlgan tovarlarini chegara bojxona postlari tomonidan vaqtincha saqlaganlik uchun har 100 kg.gacha ogʻirlikka (brutto) toʻliq va toʻliq boʻlmagan har bir kalendar kun uchun: dastlabki besh kunda BHMning 5 foizi keyingi oʻn kunda BHMning 7 foizi qolgan kunlarda BHMning 10 foizi tez buziladigan tovarlarni vaqtincha saqlaganlik uchun BHMning 15 foizi 8. Deklarantning murojaatiga asosan bojxona organi tomonidan tranzit deklaratsiyasiga oʻzgartirish va (yoki) qoʻshimcha kiritish uchun (axborot tizimida deklaratsiyalovchi shaxs tomonidan oʻzgartirish va (yoki) qoʻshimcha kiritish bundan mustasno) BHMning 10 foizi 9. Bir intellektual mulk obyektini bojxona reyestriga kiritish uchun BHMning 1 baravari
Vazirlar Mahkamasining 2025-yil 31-yanvardagi 55-son qaroriga 2-ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
2. Vazirlar Mahkamasining “Tovarlarni bojxona tranziti bojxona rejimiga joylashtirish bilan bogʻliq operatsiyalarni tartibga solish chora-tadbirlari toʻgʻrisida” 2022-yil 31-dekabrdagi 737-son qarori quyidagi mazmundagi 3 1 -band bilan toʻldirilsin:
“3 1 . Belgilab qoʻyilsinki:
havo transporti uchun bojxona nazorati ostida tashilayotgan tovar va transport vositalari uchun belgilangan yetkazib berish muddati oʻtkazib yuborilgan har bir kuni uchun — bazaviy hisoblash miqdorining 1 baravari miqdorida;
avtotransport vositasida bojxona nazorati ostida tashilayotgan tovar va transport vositalari uchun belgilangan yetkazib berish muddati oʻtkazib yuborilgan har bir kuni uchun — bazaviy hisoblash miqdorining 1 baravari miqdorida;
temir yoʻl transportida bojxona nazorati ostida tashilayotgan tovar va transport vositalari uchun belgilangan yetkazib berish muddati oʻtkazib yuborilgan har bir kuni uchun — bazaviy hisoblash miqdorining 10 foizi miqdorida, 2028-yil 1-yanvardan bazaviy hisoblash miqdorining 1 baravari miqdorida;
avtotransport vositasini bir kalendar yil davomida toʻqson kalendar kundan ortiq muddatga vaqtinchalik olib kirganda, uni olib chiqib ketish muddatining oʻtkazib yuborilgan har kuni uchun — bazaviy hisoblash miqdorining 1 baravari miqdorida yigʻimlar undiriladi.
Bunda avtotransport vositasini bir kalendar yil davomida toʻqson kalendar kundan ortiq muddatga vaqtinchalik olib kirganlik uchun umumiy hisoblangan yigʻimlar, transport vositasini “erkin muomalaga chiqarish” bojxona rejimiga joylashtirgandagi toʻlanishi lozim boʻlgan bojxona toʻlovlari summasidan oshmasligi shart.
Mazkur bandda nazarda tutilgan yigʻimlar bojxona organlarining budjetdan tashqari jamgʻarmasiga yoʻnaltiriladi”.
Vazirlar Mahkamasining 2025-yil 31-yanvardagi 55-son qaroriga 3-ILOVA
Oʻzbekiston Respublikasi Hukumatining oʻz kuchini yoʻqotgan deb hisoblanayotgan ayrim qarorlari
1. Vazirlar Mahkamasining “Bojxona yigʻimlari stavkalarini tasdiqlash toʻgʻrisida” 2020-yil 9-noyabrdagi 700-son qarori * .
2. Oʻzbekiston Respublikasi Vazirlar Mahkamasining “Oʻzbekiston Respublikasi hududida tashqi savdo yuklarini bojxona nazorati ostida tashishni soddalashtirish, shuningdek, tashqi iqtisodiy faoliyat qatnashchilarini yanada qoʻllab-quvvatlash toʻgʻrisida” 2020-yil 20-dekabrdagi 800-son qaroriga 3-ilovaning 6-bandi .
3. Vazirlar Mahkamasining “Bojxona nazorati ostidagi tovarlarga nisbatan yuk operatsiyalarini amalga oshirishga doir qoʻshimcha chora-tadbirlar toʻgʻrisida” 2021-yil 20-avgustdagi 531-son qaroriga 2-ilovaning 3-bandi .
4. Vazirlar Mahkamasining “Oʻzbekiston Respublikasi Hukumatining ayrim qarorlariga oʻzgartirishlar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida (Oʻzbekiston Respublikasi Prezidentining “Kapital bozorini yanada rivojlantirish chora-tadbirlari toʻgʻrisida” 2021-yil 13-apreldagi PF-6207-son Farmoni hamda “Kapital bozorini tartibga solish tizimini yanada takomillashtirish chora-tadbirlari toʻgʻrisida” 2021-yil 13-apreldagi PQ-5073-son qarori)” 2022-yil 9-iyundagi 323-son qaroriga 1-ilovaning 16-bandi .
5. Vazirlar Mahkamasining “Bojxona sohasidagi tartib-taomillar takomillashtirilishi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2022-yil 5-sentabrdagi 487-son qaroriga ilovaning 6-bandi .
6. Vazirlar Mahkamasining “Tovarlarni bojxona tranziti bojxona rejimiga joylashtirish bilan bogʻliq operatsiyalarni tartibga solish chora-tadbirlari toʻgʻrisida” 2022-yil 31-dekabrdagi 737-son qarorining 4-bandi hamda qarorga 2-ilova .
7. Vazirlar Mahkamasining “Bojxona maʼmuriyatchiligini yanada takomillashtirishga doir qoʻshimcha chora-tadbirlar belgilanganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida” 2023-yil 24-oktabrdagi 560-son qaroriga ilovaning 12-bandi .
8. Oʻzbekiston Respublikasi Vazirlar Mahkamasining “Oʻzbekiston Respublikasi Hukumatining ayrim qarorlarini oʻz kuchini yoʻqotgan deb hisoblash toʻgʻrisida” 2024-yil 6-maydagi 266-son qaroriga ilovaning 453-bandi .
9. Vazirlar Mahkamasining “Bojxona tartib-taomillari yanada takomillashtirilganligi munosabati bilan Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish, shuningdek, baʼzilarini oʻz kuchini yoʻqotgan deb hisoblash toʻgʻrisida” 2024-yil 4-oktabrdagi 630-son qaroriga 1-ilovaning 6-bandi .
Oʻzbekiston Respublikasining Bosh vaziri A. ARIPOV
Toshkent sh.,
2025-yil 31-yanvar,
55-son