📅 2025-yil 3-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 3 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 3 февраля 2025 г. · Постановления Президента
Официальный текст. Официальный документ. Редакционные примечания не включены.
📅 3 February 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
Ногиронлиги бўлган болаларга ижтимоий хизмат ва ёрдам кўрсатиш тизимини янада такомиллаштириш бўйича қўшимча чора-тадбирлар тўғрисида
«Камбағалликдан фаровонлик сари» дастури ижросини таъминлаш, ижтимоий хизмат ва ёрдам кўрсатиш кўламини кенгайтириш орқали оилаларнинг меҳнат қилиш имкониятини чекловчи сабабларни бартараф этиш ва оила аъзоларига меҳнат қилишига шароит яратиш, шунингдек, ногиронлиги бўлган болаларнинг оила қарамоғида қолишини таъминлаш ва ижтимоий етимликнинг олдини олиш мақсадида:
1. Шундай тартиб ўрнатилсинки, унга кўра 2025 йил 1 мартдан бошлаб тажриба-синов тариқасида босқичма-босқич Қорақалпоғистон Республикаси, Андижон, Қашқадарё, Самарқанд, Сурхондарё ва Тошкент вилоятлари ҳамда Тошкент шаҳрида, 2025 йил 1 октябрга қадар республиканинг қолган ҳудудларида 3 ёшдан 18 ёшгача ногиронлиги бўлган болалар учун давлат-хусусий шериклик асосида кундузги парвариш хизмати (кейинги ўринларда — кундузги парвариш хизмати) йўлга қўйилади.
Бунда ногиронлиги бўлган болалар кундузги парвариш хизматига уларнинг ота-оналари (уларнинг ўрнини босувчи шахслар) билан «Инсон» ижтимоий хизматлар марказлари ўртасида тузилган ижтимоий шартнома асосида ҳамда Психологик-тиббий-педагогик комиссия томонидан белгиланган тартибда берилган хулосага мувофиқ қабул қилинади.
2. 2025 йил 1 мартдан бошлаб кундузги парвариш хизматига оид фаолиятни амалга оширувчи тадбиркорлик субъектларини қўллаб-қувватлашнинг қуйидаги тартиби жорий этилсин:
а) Ижтимоий ҳимоя давлат жамғармаси маблағлари ҳисобидан:
кундузги парвариш хизматидан фойдаланилган бир кун учун 3 ёшдан 7 ёшгача бўлган ҳар бир болага базавий ҳисоблаш миқдорининг 25 фоизи миқдорида ва 7 ёшдан 18 ёшгача бўлган ҳар бир болага — 27 фоизи миқдорида субсидия ажратилади. Бунда вилоятлар марказлари, Тошкент ва Нукус шаҳарлари учун субсидия миқдори 1,1 кўпайтирувчи коэффициентни қўллаш орқали аниқланади;
Ижтимоий реестрга киритилган оилаларнинг ногиронлиги бўлган ҳар бир боласи учун мазкур кичик банднинг иккинчи хатбошисида белгиланган субсидия умумий миқдорининг 30 фоизи миқдорида қўшимча маблағ тўлаб берилади;
кундузги парвариш хизмати ташкил этилган жойдан 3 километр радиусдан ортиқ масофада яшайдиган болаларнинг келиб-кетишлари учун хусусий шерик томонидан транспорт хизмати йўлга қўйилганда, унга тарбияланувчининг ҳақиқатда қатнаган кунлари сонидан келиб чиққан ҳолда бир ой учун базавий ҳисоблаш миқдорининг 75 фоизигача миқдорда компенсация тўланади;
б) 2027 йил 1 июлга қадар кундузги парвариш хизматини йўлга қўйган тадбиркорлик субъектларига давлат-хусусий шериклик лойиҳасини ташкил қилиш учун оилавий тадбиркорликни ривожлантириш дастурлари доирасида мебель ва жиҳозлар харид қилиш мақсадида имтиёзли кредит ажратилади.
3. Белгилаб қўйилсинки, ижтимоий хизмат ва ёрдам кўрсатишни ташкил этиш жараёнларини рақамлаштириш мақсадида:
а) 2025 йил 1 мартга қадар «Ягона миллий ижтимоий ҳимоя» ахборот тизимида, жумладан, қуйидаги имкониятларга эга «Кундузги парвариш хизматини бошқариш» ахборот модули ҳамда унинг мобиль иловаси яратилади:
мобиль илова ёрдамида тарбияланувчиларнинг давоматини шахсни биометрик идентификация қилиш технологияси орқали юритиш;
Ижтимоий ҳимоя давлат жамғармаси маблағлари ҳисобидан ажратиладиган субсидиялар миқдорини тарбияланувчиларнинг давомати асосида автоматик равишда ҳисоблаб чиқиш;
б) 2025 йил 1 сентябрга қадар болаларнинг ривожланишида кузатиладиган нуқсонларни эрта аниқлаш ва ўз вақтида комплекс ижтимоий-тиббий ёрдам билан қамраб олиш, уларда ногиронликнинг олдини олиш ҳамда ногиронлиги бўлган болаларда муваффақиятли ижтимоийлашувни таъминлашга кўмаклашувчи, жумладан, қуйидаги имкониятларга эга «Болалар саломатлиги» ахборот тизими жорий этилади:
комплекс ижтимоий-тиббий ёрдам билан қамраб олиш учун ҳар бир бола кесимида қўйилган ташхисларни таҳлил қилиш;
рўйхатга олинган болалар учун тиббий, реабилитация, таълим, ижтимоий хизматлар ва тўловларни ўз ичига олган яхлит маълумотлар асосида кенг қамровли хизматларни ташкил этиш;
в) мазкур бандда назарда тутилган ахборот тизимларини ишга тушириш ва уларни кейинчалик сақлаб туриш харажатлари Ижтимоий ҳимоя давлат жамғармаси маблағлари ҳисобидан молиялаштирилади.
4. Ижтимоий ҳимоя миллий агентлиги Соғлиқни сақлаш вазирлиги ва Рақамли технологиялар вазирлиги билан биргаликда мазкур қарорнинг 3-бандида назарда тутилган ахборот тизимларининг ўз вақтида ишга туширилишини ҳамда ишга тушгандан сўнг бир ой муддатда уларнинг «Тиббий-ижтимоий экспертиза» ва «Ягона миллий ижтимоий ҳимоя» ахборот тизимлари билан интеграция қилинишини таъминласин.
5. Ижтимоий ҳимоя миллий агентлиги:
а) уч ой муддатда манфаатдор вазирлик ва идоралар билан биргаликда Солиқ кодексига қуйидагиларни назарда тутувчи ўзгартириш ва қўшимчалар киритиш тўғрисидаги таклифларни Вазирлар Маҳкамасига киритсин:
давлат-хусусий шериклик асосида кундузги парвариш хизматини кўрсатувчи тадбиркорлик субъектларини 2030 йил 1 январга қадар барча турдаги солиқларни (бундан ижтимоий солиқ мустасно) тўлашдан озод қилиш;
ота-она (уларнинг ўрнини босувчи шахслар)нинг кундузги парвариш хизматларидан фойдалангани учун ойига 3 миллион сўмгача бўлган тўловларини солиқ солинмайдиган даромадлар тоифасига киритиш;
б) 2025 йил 1 октябрга қадар Иқтисодиёт ва молия вазирлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари билан биргаликда ҳудудларда ногиронлиги бўлган болаларга ижтимоий хизматлар қамровини кенгайтириш бўйича таклифларни киритсин.
6. Мазкур қарорнинг ижросини самарали ташкил қилишга масъул ва шахсий жавобгар этиб Бош вазирнинг ўринбосари Ж.А. Қўчқоров ҳамда Ўзбекистон Республикаси Президентининг маслаҳатчиси — Ижтимоий ҳимоя миллий агентлиги директори М.П. Оллоёров белгилансин.
Қарор ижросини назорат қилиш ва ижро учун масъул ташкилотлар фаолиятини мувофиқлаштириш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 3 февраль,
ПҚ-41-сон
Oʻzbekiston Respublikasi Prezidentining
qarori
Nogironligi boʻlgan bolalarga ijtimoiy xizmat va yordam koʻrsatish tizimini yanada takomillashtirish boʻyicha qoʻshimcha chora-tadbirlar toʻgʻrisida
“Kambagʻallikdan farovonlik sari” dasturi ijrosini taʼminlash, ijtimoiy xizmat va yordam koʻrsatish koʻlamini kengaytirish orqali oilalarning mehnat qilish imkoniyatini cheklovchi sabablarni bartaraf etish va oila aʼzolariga mehnat qilishiga sharoit yaratish, shuningdek, nogironligi boʻlgan bolalarning oila qaramogʻida qolishini taʼminlash va ijtimoiy yetimlikning oldini olish maqsadida:
1. Shunday tartib oʻrnatilsinki, unga koʻra 2025-yil 1-martdan boshlab tajriba-sinov tariqasida bosqichma-bosqich Qoraqalpogʻiston Respublikasi, Andijon, Qashqadaryo, Samarqand, Surxondaryo va Toshkent viloyatlari hamda Toshkent shahrida, 2025-yil 1-oktabrga qadar respublikaning qolgan hududlarida 3 yoshdan 18 yoshgacha nogironligi boʻlgan bolalar uchun davlat-xususiy sheriklik asosida kunduzgi parvarish xizmati (keyingi oʻrinlarda — kunduzgi parvarish xizmati) yoʻlga qoʻyiladi.
Bunda nogironligi boʻlgan bolalar kunduzgi parvarish xizmatiga ularning ota-onalari (ularning oʻrnini bosuvchi shaxslar) bilan “Inson” ijtimoiy xizmatlar markazlari oʻrtasida tuzilgan ijtimoiy shartnoma asosida hamda Psixologik-tibbiy-pedagogik komissiya tomonidan belgilangan tartibda berilgan xulosaga muvofiq qabul qilinadi.
2. 2025-yil 1-martdan boshlab kunduzgi parvarish xizmatiga oid faoliyatni amalga oshiruvchi tadbirkorlik subyektlarini qoʻllab-quvvatlashning quyidagi tartibi joriy etilsin:
a) Ijtimoiy himoya davlat jamgʻarmasi mablagʻlari hisobidan:
kunduzgi parvarish xizmatidan foydalanilgan bir kun uchun 3 yoshdan 7 yoshgacha boʻlgan har bir bolaga bazaviy hisoblash miqdorining 25 foizi miqdorida va 7 yoshdan 18 yoshgacha boʻlgan har bir bolaga — 27 foizi miqdorida subsidiya ajratiladi. Bunda viloyatlar markazlari, Toshkent va Nukus shaharlari uchun subsidiya miqdori 1,1 koʻpaytiruvchi koeffitsiyentni qoʻllash orqali aniqlanadi;
Ijtimoiy reyestrga kiritilgan oilalarning nogironligi boʻlgan har bir bolasi uchun mazkur kichik bandning ikkinchi xatboshisida belgilangan subsidiya umumiy miqdorining 30 foizi miqdorida qoʻshimcha mablagʻ toʻlab beriladi;
kunduzgi parvarish xizmati tashkil etilgan joydan 3 kilometr radiusdan ortiq masofada yashaydigan bolalarning kelib-ketishlari uchun xususiy sherik tomonidan transport xizmati yoʻlga qoʻyilganda, unga tarbiyalanuvchining haqiqatda qatnagan kunlari sonidan kelib chiqqan holda bir oy uchun bazaviy hisoblash miqdorining 75 foizigacha miqdorda kompensatsiya toʻlanadi;
b) 2027-yil 1-iyulga qadar kunduzgi parvarish xizmatini yoʻlga qoʻygan tadbirkorlik subyektlariga davlat-xususiy sheriklik loyihasini tashkil qilish uchun oilaviy tadbirkorlikni rivojlantirish dasturlari doirasida mebel va jihozlar xarid qilish maqsadida imtiyozli kredit ajratiladi.
3. Belgilab qoʻyilsinki, ijtimoiy xizmat va yordam koʻrsatishni tashkil etish jarayonlarini raqamlashtirish maqsadida:
a) 2025-yil 1-martga qadar “Yagona milliy ijtimoiy himoya” axborot tizimida, jumladan, quyidagi imkoniyatlarga ega “Kunduzgi parvarish xizmatini boshqarish” axborot moduli hamda uning mobil ilovasi yaratiladi:
mobil ilova yordamida tarbiyalanuvchilarning davomatini shaxsni biometrik identifikatsiya qilish texnologiyasi orqali yuritish;
Ijtimoiy himoya davlat jamgʻarmasi mablagʻlari hisobidan ajratiladigan subsidiyalar miqdorini tarbiyalanuvchilarning davomati asosida avtomatik ravishda hisoblab chiqish;
b) 2025-yil 1-sentabrga qadar bolalarning rivojlanishida kuzatiladigan nuqsonlarni erta aniqlash va oʻz vaqtida kompleks ijtimoiy-tibbiy yordam bilan qamrab olish, ularda nogironlikning oldini olish hamda nogironligi boʻlgan bolalarda muvaffaqiyatli ijtimoiylashuvni taʼminlashga koʻmaklashuvchi, jumladan, quyidagi imkoniyatlarga ega “Bolalar salomatligi” axborot tizimi joriy etiladi:
kompleks ijtimoiy-tibbiy yordam bilan qamrab olish uchun har bir bola kesimida qoʻyilgan tashxislarni tahlil qilish;
roʻyxatga olingan bolalar uchun tibbiy, reabilitatsiya, taʼlim, ijtimoiy xizmatlar va toʻlovlarni oʻz ichiga olgan yaxlit maʼlumotlar asosida keng qamrovli xizmatlarni tashkil etish;
v) mazkur bandda nazarda tutilgan axborot tizimlarini ishga tushirish va ularni keyinchalik saqlab turish xarajatlari Ijtimoiy himoya davlat jamgʻarmasi mablagʻlari hisobidan moliyalashtiriladi.
4. Ijtimoiy himoya milliy agentligi Sogʻliqni saqlash vazirligi va Raqamli texnologiyalar vazirligi bilan birgalikda mazkur qarorning 3-bandida nazarda tutilgan axborot tizimlarining oʻz vaqtida ishga tushirilishini hamda ishga tushgandan soʻng bir oy muddatda ularning “Tibbiy-ijtimoiy ekspertiza” va “Yagona milliy ijtimoiy himoya” axborot tizimlari bilan integratsiya qilinishini taʼminlasin.
5. Ijtimoiy himoya milliy agentligi:
a) uch oy muddatda manfaatdor vazirlik va idoralar bilan birgalikda Soliq kodeksiga quyidagilarni nazarda tutuvchi oʻzgartirish va qoʻshimchalar kiritish toʻgʻrisidagi takliflarni Vazirlar Mahkamasiga kiritsin:
davlat-xususiy sheriklik asosida kunduzgi parvarish xizmatini koʻrsatuvchi tadbirkorlik subyektlarini 2030-yil 1-yanvarga qadar barcha turdagi soliqlarni (bundan ijtimoiy soliq mustasno) toʻlashdan ozod qilish;
ota-ona (ularning oʻrnini bosuvchi shaxslar)ning kunduzgi parvarish xizmatlaridan foydalangani uchun oyiga 3 million soʻmgacha boʻlgan toʻlovlarini soliq solinmaydigan daromadlar toifasiga kiritish;
b) 2025-yil 1-oktabrga qadar Iqtisodiyot va moliya vazirligi hamda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda hududlarda nogironligi boʻlgan bolalarga ijtimoiy xizmatlar qamrovini kengaytirish boʻyicha takliflarni kiritsin.
6. Mazkur qarorning ijrosini samarali tashkil qilishga masʼul va shaxsiy javobgar etib Bosh vazirning oʻrinbosari J.A. Qoʻchqorov hamda Oʻzbekiston Respublikasi Prezidentining maslahatchisi — Ijtimoiy himoya milliy agentligi direktori M.P. Olloyorov belgilansin.
Qaror ijrosini nazorat qilish va ijro uchun masʼul tashkilotlar faoliyatini muvofiqlashtirish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 3-fevral,
PQ-41-son
Президента Республики Узбекистан
Постановление
О дополнительных мерах по дальнейшему совершенствованию системы оказания социальных услуг и помощи детям с инвалидностью
В целях обеспечения реализации Программы «От бедности к благополучию», устранения причин, ограничивающих возможность осуществления трудовой деятельности семьями, и создания условий, необходимых для занятости членов семей, путем расширения объема оказания социальных услуг и помощи, а также обеспечения оставления на попечении семей детей с инвалидностью и предупреждения социального сиротства:
1. Установить порядок, в соответствии с которым поэтапно с 1 марта 2025 года в Республике Каракалпакстан, Андижанской, Кашкадарьинской, Самаркандской, Сурхандарьинской, Ташкентской областях и городе Ташкенте в порядке эксперимента, до 1 октября 2025 года — в остальных регионах республики внедряется служба дневного ухода за детьми с инвалидностью в возрасте от 3 до 18 лет на основе государственно-частного партнерства (далее — служба дневного ухода).
При этом дети с инвалидностью принимаются в службу дневного ухода на основе социального договора, составленного между их родителями (лицами, заменяющими их) и центрами социальных услуг «Инсон», а также в соответствии с заключением, выданным Психолого-медико-педагогической комиссией в установленном порядке.
2. Внедрить с 1 марта 2025 года порядок поддержки субъектов предпринимательства, осуществляющих деятельность в направлении службы дневного ухода, в соответствии с которым:
а) за счет средств Государственного фонда социальной защиты:
за один день пользования услугой службы дневного ухода выделяется субсидия в размере 25 процентов базовой расчетной величины за каждого ребенка в возрасте от 3 до 7 лет, в размере 27 процентов базовой расчетной величины за каждого ребенка в возрасте от 7 до 18 лет. При этом для областных центров, городов Ташкента и Нукуса размер субсидии устанавливается путем применения повышающего коэффициента 1,1;
на каждого ребенка с инвалидностью семей, включенных в Социальный реестр, выплачиваются дополнительные средства в размере 30 процентов общего размера субсидии, установленной абзацем вторым настоящего подпункта;
при налаживании частным партнером транспортного обслуживания для прибытия и убытия детей, проживающих на расстоянии в радиусе более 3 километров от места организации службы дневного ухода, ему выплачивается компенсация в размере до 75 процентов базовой расчетной величины за один месяц исходя из количества дней фактического посещения воспитанником данной службы;
б) для закупки мебели и инвентаря в рамках программ развития семейного предпринимательства для организации проекта государственно-частного партнерства субъектам предпринимательства, организовавшим до 1 июля 2027 года службу дневного ухода, выделяются льготные кредиты.
3. Установить, что в целях цифровизации процессов организации оказания социальных услуг и помощи:
а) в срок до 1 марта 2025 года в информационной системе «Единая национальная социальная защита» создается информационный модуль «Управление службой дневного ухода» с нижеследующими функциями, а также его мобильное приложение:
ведение учета посещаемости воспитанников с помощью мобильного приложения посредством технологии биометрической идентификации личности;
автоматическое исчисление размера субсидий, выделяемых за счет средств Государственного фонда социальной защиты, на основе данных посещаемости воспитанников;
б) в срок до 1 сентября 2025 года внедряется Информационная система «Здоровье детей», которая будет содействовать раннему выявлению наблюдаемых в развитии детей пороков, своевременному охвату комплексной социально-медицинской помощью и предупреждению инвалидности у детей, а также обеспечению успешной социализации детей с инвалидностью с нижеследующими функциями:
осуществление анализа поставленных диагнозов в разрезе каждого ребенка для охвата комплексной социально-медицинской помощью;
организация многопрофильных услуг для зарегистрированных детей на основе базы данных, включающей медицинские, реабилитационные, образовательные, социальные услуги и платежи;
в) финансирование расходов по запуску и последующему содержанию информационных систем, предусмотренных настоящим пунктом, осуществляется за счет средств Государственного фонда социальной защиты.
4. Национальному агентству социальной защиты совместно с Министерством здравоохранения и Министерством цифровых технологий обеспечить своевременный запуск информационных систем, предусмотренных пунктом 3 настоящего постановления, и в месячный срок после запуска — осуществление их интеграции с информационными системами «Медико-социальная экспертиза» и «Единая национальная социальная защита».
5. Национальному агентству социальной защиты:
а) в трехмесячный срок совместно с заинтересованными министерствами и ведомствами внести в Кабинет Министров предложения о внесении изменений и дополнений в Налоговый кодекс , предусматривающих:
освобождение на срок до 1 января 2030 года субъектов предпринимательства, оказывающих услугу дневного ухода на основе государственно-частного партнерства, от уплаты всех видов налогов (за исключением социального налога);
отнесение платежей родителей (лиц, заменяющих их) за пользование услугой службы дневного ухода в размере до 3 миллионов сумов в месяц к категории доходов, не облагаемых налогом;
б) в срок до 1 октября 2025 года совместно с Министерством экономики и финансов и Советом Министров Республики Каракалпакстан, хокимиятами областей и города Ташкента внести предложения по расширению охвата социальными услугами детей с инвалидностью в регионах.
6. Возложить на заместителя Премьер-министра Д.А. Кучкарова и советника Президента Республики Узбекистан — директора Национального агентства социальной защиты М.П. Оллоёрова персональную ответственность за эффективную организацию исполнения настоящего постановления.
Контроль за исполнением настоящего постановления, осуществление координации деятельности организаций, ответственных за его исполнение, возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
3 февраля 2025 г.,
№ ПП-41