UzbekAI

Ўзбекистон Республикаси Президентининг

қарори

Халқаро шартномаларни тасдиқлаш тўғрисида

«Ўзбекистон Республикасининг халқаро шартномалари тўғрисида»ги Ўзбекистон Республикаси Қонунининг 22-моддасига мувофиқ:

1. Қуйидагилар:

2024 йил 22 сентябрда Нью-Йорк шаҳрида имзоланган Ўзбекистон Республикаси Ҳукумати билан Албания Республикаси Вазирлар Кенгаши ўртасида амалдаги дипломатик ва хизмат паспортлари эгаларини виза талабларидан озод этиш тўғрисидаги битим;

2024 йил 23 сентябрда Нью-Йорк шаҳрида имзоланган Ўзбекистон Республикаси Ҳукумати билан Сербия Республикаси Ҳукумати ўртасида дипломатик ва расмий паспорт эгалари учун виза талабларини бекор қилиш тўғрисидаги битим тасдиқлансин.

2. Ташқи ишлар вазирлиги мазкур халқаро шартномаларни амалга ошириш учун масъул бўлган ваколатли орган этиб белгилансин.

3. Ташқи ишлар вазирлиги Ўзбекистон Республикаси томонидан мазкур халқаро шартномаларнинг кучга кириши учун зарур бўлган давлат ички тартиб-таомиллари бажарилганлиги тўғрисида Албания ва Сербия томонларига тегишли билдиришномалар йўлласин.

4. Вазирлар Маҳкамаси ҳамда тегишли вазирлик ва идораларнинг раҳбарлари мазкур халқаро шартномалар кучга кирганидан кейин белгиланган тартибда уларнинг қоидаларини бажариш устидан назоратни таъминласин.

5. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов ва Ўзбекистон Республикаси Президенти ҳузуридаги Хавфсизлик кенгаши котиби В.В. Махмудов зиммасига юклансин.

Ўзбекистон Республикаси Президенти Ш. МИРЗИЁЕВ

Тошкент ш.,

2025 йил 3 февраль,

ПҚ-40-сон

(Қонунчилик маълумотлари миллий базаси, 06.02.2025 й., 07/25/40/0109-сон)

lex.uz

Oʻzbekiston Respublikasi Prezidentining

qarori

Xalqaro shartnomalarni tasdiqlash toʻgʻrisida

“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 22-moddasiga muvofiq:

1. Quyidagilar:

2024-yil 22-sentabrda Nyu-York shahrida imzolangan Oʻzbekiston Respublikasi Hukumati bilan Albaniya Respublikasi Vazirlar Kengashi oʻrtasida amaldagi diplomatik va xizmat pasportlari egalarini viza talablaridan ozod etish toʻgʻrisidagi bitim;

2024-yil 23-sentabrda Nyu-York shahrida imzolangan Oʻzbekiston Respublikasi Hukumati bilan Serbiya Respublikasi Hukumati oʻrtasida diplomatik va rasmiy pasport egalari uchun viza talablarini bekor qilish toʻgʻrisidagi bitim tasdiqlansin.

2. Tashqi ishlar vazirligi mazkur xalqaro shartnomalarni amalga oshirish uchun masʼul boʻlgan vakolatli organ etib belgilansin.

3. Tashqi ishlar vazirligi Oʻzbekiston Respublikasi tomonidan mazkur xalqaro shartnomalarning kuchga kirishi uchun zarur boʻlgan davlat ichki tartib-taomillari bajarilganligi toʻgʻrisida Albaniya va Serbiya tomonlariga tegishli bildirishnomalar yoʻllasin.

4. Vazirlar Mahkamasi hamda tegishli vazirlik va idoralarning rahbarlari mazkur xalqaro shartnomalar kuchga kirganidan keyin belgilangan tartibda ularning qoidalarini bajarish ustidan nazoratni taʼminlasin.

5. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidenti Sh. MIRZIYOYEV

Toshkent sh.,

2025-yil 3-fevral,

PQ-40-son

(Qonunchilik maʼlumotlari milliy bazasi, 06.02.2025-y., 07/25/40/0109-son)

lex.uz

Президента Республики Узбекистан

Постановление

Об утверждении международных договоров

В соответствии со статьей 22 Закона Республики Узбекистан «О международных договорах Республики Узбекистан»:

1. Утвердить:

Соглашение между Правительством Республики Узбекистан и Советом Министров Республики Албания об освобождении владельцев действующих дипломатических и служебных паспортов от визовых требований, подписанное 22 сентября 2024 года в городе Нью-Йорке;

Соглашение между Правительством Республики Узбекистан и Правительством Республики Сербия об отмене визовых требований для владельцев дипломатических и официальных паспортов, подписанное 23 сентября 2024 года в городе Нью-Йорке.

2. Определить Министерство иностранных дел компетентным органом, ответственным за реализацию данных международных договоров.

3. Министерству иностранных дел направить албанской и сербской сторонам соответствующие уведомления о выполнении Республикой Узбекистан внутригосударственных процедур, необходимых для вступления в силу указанных международных договоров.

4. Кабинету Министров и руководителям соответствующих министерств и ведомств после вступления в силу указанных международных договоров в установленном порядке обеспечить контроль за выполнением их положений.

5. Контроль за исполнением настоящего постановления возложить на Премьер-министра Республики Узбекистан А.Н. Арипова и секретаря Совета безопасности при Президенте Республики Узбекистан В.В. Махмудова.

Президент Республики Узбекистан Ш. МИРЗИЁЕВ

г. Ташкент,

3 февраля 2025 г.,

№ ПП-40

(Национальная база данных законодательства, 06.02.2025 г., № 07/25/40/0109)

lex.uz