📅 2025-yil 7-fevral · Prezident qarorlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 7 февраль · Президент қарорлари
Расмий матн. Расмий ҳужжат. Таҳририй изоҳлар киритилмаган.
📅 7 февраля 2025 г. · Постановления Президента
Официальный текст. Официальный документ. Редакционные примечания не включены.
📅 7 February 2025 · Presidential resolutions
Official text. Official document. Editorial notes are not included.
Ўзбекистон Республикаси Президентининг
қарори
ТАРКИБИ
ДАСТУРИ
Буюк шоир ва мутафаккир Мир Алишер Навоий ижодий меросини юртимиз ва жаҳон миқёсида кенг тарғиб қилиш ҳамда Навоий вилоятида «Алишер Навоий йили»ни юқори даражада ўтказиш чора-тадбирлари тўғрисида
Буюк шоир ва мутафаккир, халқпарвар давлат арбоби Мир Алишер Навоийнинг бебаҳо мероси эл-юртимиз маънавий ҳаёти ва дунё адабиёти ривожида алоҳида муҳим ўрин тутади. Ул зотнинг муборак сиймоси умрини Ватан ва халқ саодати учун бахш этишни ҳаёт маслаги деб биладиган фидойи шахсларни тарбиялашда барча даврлар учун юксак идеал намунаси бўлиб хизмат қилади.
Сўнгги йилларда улуғ аждодимизнинг ҳаёти ва ижодини ўрганиш ва жаҳон миқёсида кенг тарғиб қилиш бўйича кўплаб лойиҳалар амалга оширилди, жумладан, халқаро илмий экспедициялар ташкил этилди, шоир асарларини хорижий тилларга таржима қилиш ва нашр этиш ишлари давом эттирилмоқда.
Буюк гуманист, адолат ва эзгулик куйчиси, илм-фан, маданият, санъат ва адабиёт ҳомийси Алишер Навоийнинг умумбашарий аҳамиятга эга ўлмас меросини янада теран тадқиқ этиш, халқимиз ва жаҳон аҳлини бу улкан бойликдан ҳар томонлама баҳраманд этиш мақсадида:
1. Маданият вазирлиги, Олий таълим, фан ва инновациялар вазирлиги, Ёзувчилар уюшмаси, Республика Маънавият ва маърифат маркази, Алишер Навоий номидаги халқаро жамоат фонди, Навоий вилояти ҳокимлиги ҳамда кенг жамоатчиликнинг Алишер Навоий таваллудининг 584 йиллиги муносабати билан Навоий вилоятида 2025 йилни «Алишер Навоий йили» деб номлаш тўғрисидаги таклифи маъқуллансин.
2. Алишер Навоий ижодий меросини чуқур ўрганиш ва кенг тарғиб қилиш ҳамда Навоий вилоятида «Алишер Навоий йили»ни юқори даражада ўтказиш бўйича республика комиссияси (кейинги ўринларда — Республика комиссияси)нинг таркиби 1-иловага мувофиқ тасдиқлансин.
3. Қуйидагилар Республика комиссиясининг асосий вазифалари этиб белгилансин:
Алишер Навоий меросини ўрганиш ишларини янада юксак босқичга кўтариш мақсадида юртимиз ва чет элларда тизимли асосда илмий изланишлар олиб бориш ва уларнинг натижаларини эълон қилиш, ушбу мавзуда янги илмий, бадиий ва оммабоп асарлар яратиш, хориждаги навоийшунос олим ҳамда ижодкорларнинг асарларини ўзбек тилида нашр этиш чораларини кўриш;
Навоий сиймоси тасвирланган, унинг шахси, илмий-маърифий мероси, давлат арбоби сифатидаги фаолиятига бағишланган кўргазмали ахборот воситаларини тайёрлаш, медиамаҳсулотлар ва аудиовизуал асарлар яратиш, уларни маҳаллий ва хорижий оммавий ахборот воситаларида кенг ёритиш ҳамда ижтимоий тармоқларга жойлаштиришни таъминлаш;
Ўзбекистон Республикасининг чет давлатлардаги элчихоналари, ўзбек миллий маданий марказлари, ватандошлар жамиятларида Алишер Навоийнинг ҳаёти ва фаолияти, инсонпарварлик ғояларини кенг ўрганиш ва тарғиб қилиш мақсадида илмий анжуманлар ҳамда давра суҳбатлари ташкил этиш;
мазкур жараёнда вазирлик ва идоралар, илмий ва ижодий, маърифий муассасалар ўртасида самарали ҳамкорликни таъминлаш;
ушбу қарорда назарда тутилган чора-тадбирларнинг ўз вақтида ва сифатли бажарилишини таъминлаш, чора-тадбирларни молиялаштириш билан боғлиқ харажатларни Давлат бюджетидан ажратилган маблағлар доирасида, ижрочиларнинг бюджетдан ташқари маблағлари, халқаро грантлар ҳамда қонунчиликда тақиқланмаган бошқа манбалар ҳисобидан амалга оширилишини ташкил этиш, маблағларнинг тақсимланиши ва сарфланишини назорат қилиш.
4. Алишер Навоийнинг беназир ижодий меросини кенг оммалаштириш ҳамда Навоий вилоятида «Алишер Навоий йили»ни юқори даражада ўтказиш бўйича чора-тадбирлар дастури (кейинги ўринларда — Дастур) 2-иловага мувофиқ тасдиқлансин.
Республика комиссияси Дастурда назарда тутилган чора-тадбирлар ўз вақтида самарали амалга оширилишини ташкил этсин, бу борада идоралараро ҳамкорликни таъминласин.
Вазирлар Маҳкамасининг Давлат тилини ривожлантириш департаменти Республика комиссиясининг ишчи органи этиб белгилансин.
5. Навоий вилоятида 2025 йил «Алишер Навоий йили» деб номлангани муносабати билан Навоий вилояти ҳокимлиги:
Алишер Навоий номидаги халқаро жамоат фонди, Олий таълим, фан ва инновациялар вазирлиги, Ёзувчилар уюшмаси билан биргаликда 2025 йил 8-9 февраль кунлари буюк бобомиз таваллудининг 584 йиллиги муносабати билан маҳаллий ва хорижий олимлар, ижодкор зиёлилар, кенг жамоатчилик иштирокида «Алишер Навоий ва Шарқ Ренессанси» анъанавий халқаро симпозиуми ва навоийхонлик тадбирларини юқори савияда ўтказиш чораларини кўрсин;
«Яшил макон» умуммиллий лойиҳаси доирасида Навоий вилоятининг барча шаҳар ва туманларида Алишер Навоий ҳаёти ва ижодий фаолияти билан боғлиқ ҳолда сўлим боғ ва хиёбонлар, яшил ҳудудлар ташкил этсин;
Бадиий академия, Фанлар академияси, Ёзувчилар уюшмаси, Маданий мерос агентлиги билан биргаликда Навоий шаҳрида барпо этилаётган «Янги Ўзбекистон» боғида Алишер Навоийнинг ҳайкали ва «Хамса» достонлари мавзусидаги рамзий дарвозаларни ўрнатиш ҳамда мемориал музей ташкил этиш чораларини кўрсин;
Олий таълим, фан ва инновациялар вазирлиги, Мактабгача ва мактаб таълими вазирлиги, Ёзувчилар уюшмаси, Фанлар академияси билан биргаликда ҳар йили алоҳида режа асосида Алишер Навоий ижодига бағишлаб ижодий кечалар, танловлар, китоблар нашри ва тақдимоти ҳамда илмий-адабий анжуманлар ўтказсин. Ушбу тадбирларга талабалар, ёш ижодкорлар ва иқтидорли ўқувчиларни жалб қилиш, уларни муносиб рағбатлантириш орқали «Навоий вилояти тажрибаси»ни йўлга қўйсин.
6. Фанлар академияси:
Олий таълим, фан ва инновациялар вазирлиги, Навоий вилояти ҳокимлиги билан биргаликда Навоий давлат университетида 2025 йил 10 — 15 октябрь кунлари «Алишер Навоий илмий-адабий меросининг умумбашарият маънавий ва маърифий тараққиётидаги ўрни» мавзусида халқаро илмий конференция ўтказилишини таъминласин. Бунда халқаро конференцияни ўтказиш билан боғлиқ харажатлар Олий таълим, фан ва инновациялар вазирлиги ҳамда Навоий вилояти ҳокимлиги томонидан тенг улушларда қопланиши белгилаб қўйилсин;
Мактабгача ва мактаб таълими вазирлиги, Ўзбекистон маҳаллалари уюшмаси, Ёшлар ишлари агентлиги, Республика Маънавият ва маърифат маркази билан биргаликда «Ҳазрат Навоийни англаш — ўзлигимизни англаш» мавзусида республика танлови, шунингдек, таълим ташкилотлари ва маҳаллаларда «Навоийхонлик кечалари»ни ташкил этсин.
7. Ёзувчилар уюшмаси, Ахборот ва оммавий коммуникациялар агентлиги, Олий таълим, фан ва инновациялар вазирлиги Навоий вилояти ҳокимлиги билан биргаликда Алишер Навоийнинг ҳаёти ва ижоди, у яшаган даврнинг маърифий-адабий муҳити, шоирнинг устоз ва замондошлари, издошлари ҳақида ҳикоя қилувчи асарларни қайта нашр этиб, олий таълим муассасаларида Алишер Навоий қўлёзмаларининг кўргазмалари ҳамда асарларининг тақдимотларини ўтказсин.
8. «Навоий кон-металлургия комбинати» акционерлик жамиятининг Алишер Навоий ҳаёти ҳамда ижодий фаолиятига бағишланган бадиий кинофильмни молиялаштириш тўғрисидаги таклифи маъқуллансин.
Кинематография агентлиги 2026 йил якунига қадар навоийшунос олимлар, етук сценарийчи ва режиссёрлар, актёрлар ва соҳа мутахассислари иштирокида ушбу бадиий фильмни яратиш, унинг тантанали премьерасини ташкил этиш чораларини кўрсин.
9. Ташқи ишлар вазирлиги Республика комиссияси томонидан тасдиқланадиган алоҳида режа асосида Туркий давлатлар ташкилотининг Алишер Навоий номидаги халқаро мукофотини хорижий давлатларда кенг тарғиб қилиш чораларини кўрсин.
10. Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари Алишер Навоий ҳаёти, унинг давлат арбоби сифатидаги фаолияти ҳамда жаҳон адабиёти ва тамаддуни ривожига қўшган улкан ҳиссасини аҳоли, айниқса, ёшлар ўртасида, шунингдек, корхона, ташкилотлар ва меҳнат жамоаларида кенг тарғиб қилишга қаратилган тадбирларни ташкил этсин.
11. Ўзбекистон Миллий ахборот агентлиги, Ўзбекистон Миллий телерадиокомпанияси, Ўзбекистон миллий медиа бирлашмаси ва бошқа оммавий ахборот воситаларига Алишер Навоий ҳаёти ҳамда ижодий меросини ўрганиш ва тарғиб қилиш бўйича амалга оширилаётган тадбирларни кенг ёритиш тавсия этилсин.
12. Мазкур қарорда назарда тутилган чора-тадбирларни молиялаштириш тегишли вазирлик, идора ва ташкилотларга ажратилган бюджет маблағлари, уларнинг бюджетдан ташқари маблағлари ҳамда қонунчилик ҳужжатлари билан тақиқланмаган бошқа манбалар ҳисобидан амалга оширилиши белгилансин.
13. Мазкур қарорнинг ижросини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 7 февралдаги ПҚ-43-сон қарорига 1-ИЛОВА
Алишер Навоий ижодий меросини чуқур ўрганиш ва кенг тарғиб қилиш ҳамда Навоий вилоятида «Алишер Навоий йили»ни юқори даражада ўтказиш бўйича республика комиссияси
1. А.Н. Арипов — Ўзбекистон Республикаси Бош вазири, Республика комиссияси раиси 2. Х.М. Султонов — Ўзбекистон Республикаси Президенти маслаҳатчиси, Республика комиссияси раисининг ўринбосари 3. Р.К. Давлетов — Ўзбекистон Республикаси Президенти маслаҳатчиси 4. О.Қ. Абдурахманов — Ўзбекистон Республикаси Президенти Администрацияси Ижтимоий ривожланиш департаменти раҳбари 5. Н.Т. Турсунов — Навоий вилояти ҳокими 6. О.А. Назарбеков — маданият вазири 7. К.А. Шарипов — олий таълим, фан ва инновациялар вазири 8. Х.У. Умарова — мактабгача ва мактаб таълими вазири 9. А.А. Хаджаев — Ахборот ва оммавий коммуникациялар агентлиги директори 10. А.З. Саъдуллаев — Ёшлар ишлари агентлиги директори 11. Ш.Т. Ризаев — Кинематография агентлиги директори в.б. 12. О.А. Ҳасанов — Республика Маънавият ва маърифат маркази раҳбари 13. Б.Г. Абдикаримов — Маданий мерос агентлиги директори 14. А.К. Кўчимов — Ўзбекистон Миллий ахборот агентлиги бош директори 15. А.А. Жўрабоев — Ўзбекистон Миллий телерадиокомпанияси раиси 16. А. Нуридинов — Ўзбекистон Бадиий академияси раиси 17. С.С. Саидов — Ўзбекистон Ёзувчилар уюшмаси раиси 18. Қ.С. Санақулов — «Навоий КМК» АЖ бошқаруви раиси 19. Ш.С. Сирожиддинов — Алишер Навоий номидаги Тошкент давлат ўзбек тили ва адабиёти университети ректори, академик 20. О.Д. Давлатов — Алишер Навоий номидаги халқаро жамоат фонди ижрочи директори, навоийшунос 21. Н.М. Маҳмудов — Фанлар академиясининг Ўзбек тили, адабиёти ва фольклори институти директори, профессор 22. Ж.С. Эшонқулов — Алишер Навоий номидаги адабиёт музейи директори, профессор 23. Н.А. Жабборов — Алишер Навоий номидаги Тошкент давлат ўзбек тили ва адабиёти университети профессори, навоийшунос 24. М. Хошимхонов — Жиззах давлат педагогика университети профессори, навоийшунос 25. Н.Ж. Холбўтаев — Вазирлар Маҳкамасининг Давлат тилини ривожлантириш департаменти раҳбари, Республика комиссияси котиби
Ўзбекистон Республикаси Президентининг 2025 йил 7 февралдаги ПҚ-43-сон қарорига 2-ИЛОВА
Алишер Навоийнинг беназир ижодий меросини кенг оммалаштириш ҳамда Навоий вилоятида «Алишер Навоий йили»ни юқори даражада ўтказиш бўйича чора-тадбирлар
Т/р Амалий чора-тадбирлар Амалга ошириш механизми Амалга ошириш муддати Молиялаштириш манбалари Бажариш учун масъул вазирлик ва идоралар 1. Алишер Навоий таваллудининг 584 йиллиги муносабати билан «Алишер Навоий ва Шарқ Ренессанси» анъанавий халқаро симпозиуми ҳамда адабий-маърифий тадбирларни ўтказиш. 1. Симпозиум ташкил этиш бўйича ташкилий чора-тадбирларни амалга ошириш. 2025 йил февраль Ижрочилар маблағлари, халқаро грантлар Навоий вилояти ҳокимлиги, Алишер Навоий номидаги халқаро жамоат фонди, Олий таълим, фан ва инновациялар вазирлиги, Ёзувчилар уюшмаси 2. Симпозиум материалларини тайёрлаш. 2025 йил февраль 3. Халқаро симпозиум ҳамда адабий-маърифий тадбирларни ўтказиш. 2025 йил февраль 2. Алишер Навоий асарларининг 100 жилдлик оммабоп нашрини чоп этиш. 1. Вазирлар Маҳкамасининг фармойиши лойиҳасини белгиланган тартибда киритиш. 2025 йил май Давлат бюджети маблағлари Алишер Навоий номидаги халқаро жамоат фонди, Фанлар академияси, Олий таълим, фан ва инновациялар вазирлиги, Иқтисодиёт ва молия вазирлиги 2. Оригинал матн ва содда тилдаги изоҳлар билан 100 жилдлик нашрни тайёрлаш. 2025 — 2027 йиллар 3. Нашрнинг электрон ва аудио шаклини тайёрлаш. 2026-2027 йиллар 3. «Яшил макон» умуммиллий лойиҳаси доирасида Навоий вилоятининг барча шаҳар ва туманларида Алишер Навоий ҳаёти ва ижодий фаолияти билан боғлиқ ҳолда сўлим боғ ва хиёбонлар, яшил ҳудудларни ташкил этиш. 1. Алишер Навоий ҳаёти ва ижодий фаолияти билан боғлиқ ҳолда сўлим боғ ва хиёбонлар, яшил ҳудудларни ташкил этиш лойиҳа режаси ва сметасини ишлаб чиқиш. 2025 йил апрель Ижрочиларнинг маблағлари Навоий вилояти ҳокимлиги, Экология, атроф-муҳитни муҳофаза қилиш ва иқлим ўзгариши вазирлиги, Маданият вазирлиги, Алишер Навоий номидаги халқаро жамоат фонди, Ўзбекистон маҳаллалари уюшмаси 2. Навоий вилоятининг барча шаҳар ва туманида боғлар, хиёбонлар, яшил ҳудудлар ташкил этиш. 2025 — 2027 йиллар 4. Алишер Навоий ҳаёти ҳамда ижодий фаолиятига бағишланган бадиий кинофильм ишлаб чиқиш. 1. Кинофильм лойиҳасини амалга ошириш бўйича ишчи гуруҳни шакллантириш. 2025 йил март «Навоий кон-металлургия комбинати» АЖ маблағлари Кинематография агентлиги, «Навоий кон-металлургия комбинати» АЖ, Навоий вилояти ҳокимлиги, Ёзувчилар уюшмаси, Фанлар академияси 2. Кинофильм сценарийсини ишлаб чиқиш. 2025 йил ноябрь 3. Кинофильмнинг харажатлар сметасини ишлаб чиқиш ва тасдиқлаш. 2025 йил декабрь 4. Кинофильмни ишлаб чиқариш ва Навоий шаҳрида унинг тақдимотини ўтказиш. 2027 йил 9 февраль 5. Алишер Навоий асарларини хорижий тилларга таржима қилиш. 1. Асарлар рўйхатини шакллантириш. 2025 йил апрель Давлат бюджетидан ажратилган маблағлар доирасида, халқаро грантлар Ёзувчилар уюшмаси, Фанлар академияси, Олий таълим, фан ва инновациялар вазирлиги, Алишер Навоий номидаги халқаро жамоат фонди, Ташқи ишлар вазирлиги, Навоий давлат университети 2. Малакали таржимонлар гуруҳини шакллантириш ва асарларни хорижий тилларга ўгириш режа-жадвалини ишлаб чиқиш. 2025 йил май 3. Таржималарни амалга ошириш бўйича харажатлар сметасини ишлаб чиқиш ва тасдиқлаш. 2025 йил июль 4. Асарларни таржима қилиш, нашрдан чиқариш ва уларнинг тақдимотларини ўтказиш. 2025 — 2027 йиллар 6. Навоий асарлари асосида миллий ва замонавий мусиқа асарларини яратиш. 1. Навоий асарлари асосида «Назм ва наво» мақом кечаларини ўтказиш ҳамда уни оммавий ахборот воситаларида кенг тарғиб этиш. 2025 йил апрель Давлат бюджетидан ажратилган маблағлар доирасида Маданият вазирлиги, Композиторлар ва бастакорлар уюшмаси, Алишер Навоий номидаги халқаро жамоат фонди, Фанлар академияси 2. Навоий ижоди асосида миллий ва замонавий мусиқа асарлари яратиш. 2025 йил сентябрь 3. Мазкур мусиқа асарлари асосида аудио альбомлар тайёрлаш. 2025 йил ноябрь 7. Алишер Навоий асарлари қаҳрамонларини акс эттирувчи анимацион маҳсулотлар яратиш. 1. Алишер Навоий асарлари қаҳрамонлари сиймоси акс эттирилган анимацион маҳсулотлар лойиҳасини ишлаб чиқиш. 2025 йил май Давлат бюджетидан ажратилган маблағлар доирасида, ҳомийлик хайриялари Кинематография агентлиги, Ёшлар ишлари агентлиги, Ёзувчилар уюшмаси 2. Анимацион маҳсулотларни яратиш харажатлар сметасини ишлаб чиқиш ва тасдиқлаш. 2025 йил июнь 3. Анимацион маҳсулотлар тақдимотини ўтказиш, оммавий ахборот воситаларида кенг ёритиш. 2025 — 2027 йиллар 8. Навоий шаҳрида барпо этилаётган «Янги Ўзбекистон» боғида Алишер Навоий ҳайкали ва «Хамса» достонлари мавзусидаги рамзий дарвозаларни ўрнатиш. 1. Алишер Навоий ҳайкали ва «Хамса» достонлари мавзусидаги рамзий дарвозалар лойиҳасини ишлаб чиқиш. 2025 йил апрель Давлат бюджетидан ажратилган маблағлар доирасида, маҳаллий бюджет маблағлари, ҳомийлик хайриялари Навоий вилояти ҳокимлиги, Қурилиш ва уй-жой коммунал хўжалиги вазирлиги, Бадиий академия, Фанлар академияси, Ёзувчилар уюшмаси, Маданий мерос агентлиги 2. Ушбу лойиҳалар асосида харажатлар сметасини ишлаб чиқиш ва тасдиқлаш. 2025 йил май 3. Алишер Навоий ҳайкали ва «Хамса» достонлари мавзусидаги рамзий дарвозаларни ўрнатиш. 2025 — 2030 йиллар 9. Навоий шаҳрида барпо этилаётган «Янги Ўзбекистон» боғида Алишер Навоий мемориал музейини ташкил этиш. 1. Алишер Навоий мемориал музейи лойиҳаси ва экспозиция концепциясини ишлаб чиқиш. 2025 йил апрель Давлат бюджетидан ажратилган маблағлар доирасида, маҳаллий бюджет маблағлари, ҳомийлик хайриялари Навоий вилояти ҳокимлиги, Маданий мерос агентлиги, Фанлар академияси, Алишер Навоий номидаги халқаро жамоат фонди, Республика Маънавият ва маърифат маркази, Ёзувчилар уюшмаси 2. Ушбу лойиҳалар асосида харажатлар сметасини ишлаб чиқиш ва тасдиқлаш. 2025 йил май 3. Алишер Навоий мемориал музейини ташкил этиш бўйича ишчи гуруҳини шакллантириш ва экспонатлар йиғиш, музей фаолиятини йўлга қўйиш. 2025 — 2027 йиллар 10. Навоий давлат университети ҳузурида Алишер Навоий илмий-тадқиқот марказини ташкил этиш. 1. Алишер Навоий илмий-тадқиқот марказининг концепцияси лойиҳасини ишлаб чиқиш. 2025 йил апрель Навоий давлат университети маблағлари Олий таълим, фан ва инновациялар вазирлиги, Фанлар академияси, Алишер Навоий номидаги халқаро жамоат фонди 2. Ушбу концепция асосида харажатлар сметасини ишлаб чиқиш ва тасдиқлаш. 2025 йил май 3. Алишер Навоий илмий-тадқиқот марказининг фаолиятини йўлга қўйиш . 2026-2027 йиллар 11. Алишер Навоий меросини ўрганиш ишларини янада юксак босқичга кўтариш мақсадида тизимли асосда илмий изланишлар олиб бориш ва уларнинг натижаларини эълон қилиш. 1. Илмий-тадқиқот ишларига давлат буюртмаси доирасида мақсадли илмий-тадқиқот лойиҳаларини белгиланган тартибда шакллантириш. 2025 йилдан бошлаб Илмий фаолиятга оид давлат дастурлари учун ажратиладиган маблағлар Олий таълим, фан ва инновациялар вазирлиги, Инновацион ривожланиш агентлиги, Фанлар академияси, Алишер Навоий номидаги халқаро жамоат фонди, Ёзувчилар уюшмаси 2. Давлат буюртмаси доирасида мақсадли илмий-тадқиқот лойиҳаларини амалга ошириш. 3. Илмий-тадқиқот лойиҳаларининг натижаларини эълон қилиш. Илмий-тадқиқот лойиҳалари асосида 12. Республика ва хорижда Алишер Навоий меросини ўрганиш бўйича илмий экспедициялар ташкил этиш. 1. Илмий экспедициялар йўналиши ва аъзолари рўйхатини шакллантириш. 2025 йил март Давлат бюджети маблағлари, халқаро грантлар Фанлар академияси, Алишер Навоий номидаги халқаро жамоат фонди, Ташқи ишлар вазирлиги 2. Алишер Навоий ижодий меросини чуқур ўрганиш ва кенг тарғиб қилиш ҳамда Навоий вилоятида «Алишер Навоий йили»ни юқори даражада ташкил этиш бўйича республика комиссияси томонидан республика ва хорижда илмий экспедициялар ташкил этиш режасини тасдиқлаш. 2025 йил апрель, келгусида навбатдаги режани тасдиқлаш заруратидан келиб чиқиб 3. Республика ва хориждаги илмий марказлар билан ҳамкорликни йўлга қўйиш. 4. Алишер Навоий ҳаёти ва ижоди билан боғлиқ шаҳарларга илмий экспедиция ташкил қилиш. 2025 йилдан бошлаб ҳар йили режа асосида 13. Навоий вилоятида «Алишер Навоий илмий-адабий меросининг умумбашарият маънавий ва маърифий тараққиётидаги ўрни» мавзусида халқаро илмий конференцияни ташкил этиш. 1. Х алқаро илмий конференция дастури ни ишлаб чиқиш. 2025 йил май Давлат бюджетидан ажратилган маблағлар доирасида, ижрочилар маблағлари Фанлар академияси, Олий таълим, фан ва инновациялар вазирлиги, Навоий вилояти ҳокимлиги , Алишер Навоий номидаги халқаро жамоат фонди, Навоий давлат университети 2. Х алқаро илмий конференция учун материаллар тўплаш, нашрга тайёрлаш ва ушбу лойиҳалар асосида харажатлар сметасини ишлаб чиқиш. 2025 йил сентябрь 3. Х алқаро илмий конференцияни ташкил этиш. 2025 йил 10 — 15 октябрь 14. Алишер Навоийнинг асарлари асосида спектакллар яратиш, республика театрларида ҳамда чекка ҳудудларда кўчма театр томошаларини ташкил этиш. 1. Алишер Навоий асарлари асосида спектакллар яратиш . 2025 йил декабрь Давлат бюджетидан ажратилган маблағлар доирасида Маданият вазирлиги, Ёзувчилар уюшмаси, Республика Маънавият ва маърифат маркази, Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари 2. Алишер Навоийнинг асарлари асосида республика театрларида ва чекка ҳудудларда кўчма театр томошаларини ташкил этиш . 2026-2027 йилларда режа асосида 15. Навоий асарлари асосида граффити ва мозаикалар яратиш. 1. Навоий шаҳрида янги қурилаётган уйлар, корхона ва ташкилотлар манзилли рўйхатини шакллантириш. 2025 йил март Буюртмачи ташкилот маблағлари, ҳомийлик хайриялари Навоий вилояти ҳокимлиги, Бадиий академия, Қурилиш ва уй-жой коммунал хўжалиги вазирлиги, Ёзувчилар уюшмаси, Фанлар академияси, Алишер Навоий номидаги халқаро жамоат фонди 2. Алишер Навоий асарлари асосида граффити ва мозаикалар яратиш ишларини бажариш учун ижодкорлар билан шартнома имзолаш. 2025 йил апрель 3. Алишер Навоий асарларидан олинган иқтибослар (ҳикматли сўзлар), шунингдек, Навоий асарлари қаҳрамонлари асосида эскиз лойиҳаларини яратиш. 2025 йил июнь 4. Рўйхат асосида ижодкорлар томонидан яратилган эскиз лойиҳаларини шаҳар дизайнига жорий этиш. 2025 — 2027 йиллар 16. Алишер Навоий номидаги халқаро жамоат фонди фаолиятини қўллаб-қувватлаш. 1. Алишер Навоий номидаги халқаро жамоат фонди фаолиятига корхона ва ташкилотларнинг ихтиёрийлик асосида ҳомийликларини қўллаб-қувватлаш. 2. Алишер Навоий номидаги халқаро жамоат фондининг Алишер Навоий ижодий меросини чуқур ўрганиш ва кенг тарғиб қилишдаги фаолиятига ҳар жиҳатдан кўмаклашиш. 2025 йил апрелдан бошлаб мунтазам равишда Ҳомийлик хайриялари, қонунчилик ҳужжатлари билан тақиқланмаган бошқа манбалар Маданият вазирлиги, Иқтисодиёт ва молия вазирлиги, Давлат активларини бошқариш агентлиги, Алишер Навоий номидаги халқаро жамоат фонди, «Навоий кон-металлургия комбинати» АЖ, «Навоийазот» АЖ, Савдо-саноат палатаси, «Миллий банк» АЖ ва бошқа корхоналар 17. Алишер Навоий ижодига бағишланган адабий кечалар, танловлар, китоблар тақдимоти ҳамда илмий-маърифий анжуманлар ўтказиш бўйича «Навоий вилояти тажрибаси»ни яратиш. 1. Алишер Навоий ижодига бағишланган адабий кечалар, танловлар, китоблар тақдимотлари ҳамда илмий-маърифий анжуманлар ўтказиш режа-жадвалини ишлаб чиқиш. 2025 йил май Ижрочиларнинг маблағлари Навоий вилояти ҳокимлиги, Олий таълим, фан ва инновациялар вазирлиги, Мактабгача ва мактаб таълими вазирлиги, Ёзувчилар уюшмаси, Фанлар академияси, Республика Маънавият ва маърифат маркази 2. Режа-жадвал асосида тадбирлар ўтказиш, уларга навоийшунос ва адиблар, ёш ижодкорлар, ижод мактабларининг ўқитувчи ва иқтидорли ўқувчиларини жалб этиш. Алоҳида режа-жадвал асосида 18. «Ҳазрат Навоийни англаш — ўзлигимизни англаш» мавзусида республика танловини ҳамда таълим муассасалари ва маҳаллаларда «Навоийхонлик кечалари»ни ташкил этиш. 1. «Ҳазрат Навоийни англаш — ўзлигимизни англаш» мавзусида республика танлови низомини ишлаб чиқиш. 2025 йил май Ижрочиларнинг маблағлари Мактабгача ва мактаб таълими вазирлиги, Фанлар академияси, Ўзбекистон маҳаллалари уюшмаси, Ёшлар ишлари агентлиги, Республика Маънавият ва маърифат маркази 2. Республика танловини ўтказиш ва ғолибларни рағбатлантириш. 3. Таълим муассасалари ва маҳаллаларда «Навоийхонлик кечалари»ни ташкил этиш. 2025/2026 ўқув йилидан бошлаб алоҳида режа асосида
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 7 февраль,
ПҚ-43-сон
Oʻzbekiston Respublikasi Prezidentining
qarori
TARKIBI
DASTURI
Buyuk shoir va mutafakkir Mir Alisher Navoiy ijodiy merosini yurtimiz va jahon miqyosida keng targʻib qilish hamda Navoiy viloyatida “Alisher Navoiy yili”ni yuqori darajada oʻtkazish chora-tadbirlari toʻgʻrisida
Buyuk shoir va mutafakkir, xalqparvar davlat arbobi Mir Alisher Navoiyning bebaho merosi el-yurtimiz maʼnaviy hayoti va dunyo adabiyoti rivojida alohida muhim oʻrin tutadi. Ul zotning muborak siymosi umrini Vatan va xalq saodati uchun baxsh etishni hayot maslagi deb biladigan fidoyi shaxslarni tarbiyalashda barcha davrlar uchun yuksak ideal namunasi boʻlib xizmat qiladi.
Soʻnggi yillarda ulugʻ ajdodimizning hayoti va ijodini oʻrganish va jahon miqyosida keng targʻib qilish boʻyicha koʻplab loyihalar amalga oshirildi, jumladan, xalqaro ilmiy ekspeditsiyalar tashkil etildi, shoir asarlarini xorijiy tillarga tarjima qilish va nashr etish ishlari davom ettirilmoqda.
Buyuk gumanist, adolat va ezgulik kuychisi, ilm-fan, madaniyat, sanʼat va adabiyot homiysi Alisher Navoiyning umumbashariy ahamiyatga ega oʻlmas merosini yanada teran tadqiq etish, xalqimiz va jahon ahlini bu ulkan boylikdan har tomonlama bahramand etish maqsadida:
1. Madaniyat vazirligi, Oliy taʼlim, fan va innovatsiyalar vazirligi, Yozuvchilar uyushmasi, Respublika Maʼnaviyat va maʼrifat markazi, Alisher Navoiy nomidagi xalqaro jamoat fondi, Navoiy viloyati hokimligi hamda keng jamoatchilikning Alisher Navoiy tavalludining 584 yilligi munosabati bilan Navoiy viloyatida 2025-yilni “Alisher Navoiy yili” deb nomlash toʻgʻrisidagi taklifi maʼqullansin.
2. Alisher Navoiy ijodiy merosini chuqur oʻrganish va keng targʻib qilish hamda Navoiy viloyatida “Alisher Navoiy yili”ni yuqori darajada oʻtkazish boʻyicha respublika komissiyasi (keyingi oʻrinlarda — Respublika komissiyasi)ning tarkibi 1-ilovaga muvofiq tasdiqlansin.
3. Quyidagilar Respublika komissiyasining asosiy vazifalari etib belgilansin:
Alisher Navoiy merosini oʻrganish ishlarini yanada yuksak bosqichga koʻtarish maqsadida yurtimiz va chet ellarda tizimli asosda ilmiy izlanishlar olib borish va ularning natijalarini eʼlon qilish, ushbu mavzuda yangi ilmiy, badiiy va ommabop asarlar yaratish, xorijdagi navoiyshunos olim hamda ijodkorlarning asarlarini oʻzbek tilida nashr etish choralarini koʻrish;
Navoiy siymosi tasvirlangan, uning shaxsi, ilmiy-maʼrifiy merosi, davlat arbobi sifatidagi faoliyatiga bagʻishlangan koʻrgazmali axborot vositalarini tayyorlash, mediamahsulotlar va audiovizual asarlar yaratish, ularni mahalliy va xorijiy ommaviy axborot vositalarida keng yoritish hamda ijtimoiy tarmoqlarga joylashtirishni taʼminlash;
Oʻzbekiston Respublikasining chet davlatlardagi elchixonalari, oʻzbek milliy madaniy markazlari, vatandoshlar jamiyatlarida Alisher Navoiyning hayoti va faoliyati, insonparvarlik gʻoyalarini keng oʻrganish va targʻib qilish maqsadida ilmiy anjumanlar hamda davra suhbatlari tashkil etish;
mazkur jarayonda vazirlik va idoralar, ilmiy va ijodiy, maʼrifiy muassasalar oʻrtasida samarali hamkorlikni taʼminlash;
ushbu qarorda nazarda tutilgan chora-tadbirlarning oʻz vaqtida va sifatli bajarilishini taʼminlash, chora-tadbirlarni moliyalashtirish bilan bogʻliq xarajatlarni Davlat budjetidan ajratilgan mablagʻlar doirasida, ijrochilarning budjetdan tashqari mablagʻlari, xalqaro grantlar hamda qonunchilikda taqiqlanmagan boshqa manbalar hisobidan amalga oshirilishini tashkil etish, mablagʻlarning taqsimlanishi va sarflanishini nazorat qilish.
4. Alisher Navoiyning benazir ijodiy merosini keng ommalashtirish hamda Navoiy viloyatida “Alisher Navoiy yili”ni yuqori darajada oʻtkazish boʻyicha chora-tadbirlar dasturi (keyingi oʻrinlarda — Dastur) 2-ilovaga muvofiq tasdiqlansin.
Respublika komissiyasi Dasturda nazarda tutilgan chora-tadbirlar oʻz vaqtida samarali amalga oshirilishini tashkil etsin, bu borada idoralararo hamkorlikni taʼminlasin.
Vazirlar Mahkamasining Davlat tilini rivojlantirish departamenti Respublika komissiyasining ishchi organi etib belgilansin.
5. Navoiy viloyatida 2025-yil “Alisher Navoiy yili” deb nomlangani munosabati bilan Navoiy viloyati hokimligi:
Alisher Navoiy nomidagi xalqaro jamoat fondi, Oliy taʼlim, fan va innovatsiyalar vazirligi, Yozuvchilar uyushmasi bilan birgalikda 2025-yil 8-9-fevral kunlari buyuk bobomiz tavalludining 584 yilligi munosabati bilan mahalliy va xorijiy olimlar, ijodkor ziyolilar, keng jamoatchilik ishtirokida “Alisher Navoiy va Sharq Renessansi” anʼanaviy xalqaro simpoziumi va navoiyxonlik tadbirlarini yuqori saviyada oʻtkazish choralarini koʻrsin;
“Yashil makon” umummilliy loyihasi doirasida Navoiy viloyatining barcha shahar va tumanlarida Alisher Navoiy hayoti va ijodiy faoliyati bilan bogʻliq holda soʻlim bogʻ va xiyobonlar, yashil hududlar tashkil etsin;
Badiiy akademiya, Fanlar akademiyasi, Yozuvchilar uyushmasi, Madaniy meros agentligi bilan birgalikda Navoiy shahrida barpo etilayotgan “Yangi Oʻzbekiston” bogʻida Alisher Navoiyning haykali va “Xamsa” dostonlari mavzusidagi ramziy darvozalarni oʻrnatish hamda memorial muzey tashkil etish choralarini koʻrsin;
Oliy taʼlim, fan va innovatsiyalar vazirligi, Maktabgacha va maktab taʼlimi vazirligi, Yozuvchilar uyushmasi, Fanlar akademiyasi bilan birgalikda har yili alohida reja asosida Alisher Navoiy ijodiga bagʻishlab ijodiy kechalar, tanlovlar, kitoblar nashri va taqdimoti hamda ilmiy-adabiy anjumanlar oʻtkazsin. Ushbu tadbirlarga talabalar, yosh ijodkorlar va iqtidorli oʻquvchilarni jalb qilish, ularni munosib ragʻbatlantirish orqali “Navoiy viloyati tajribasi”ni yoʻlga qoʻysin.
6. Fanlar akademiyasi:
Oliy taʼlim, fan va innovatsiyalar vazirligi, Navoiy viloyati hokimligi bilan birgalikda Navoiy davlat universitetida 2025-yil 10 — 15-oktabr kunlari “Alisher Navoiy ilmiy-adabiy merosining umumbashariyat maʼnaviy va maʼrifiy taraqqiyotidagi oʻrni” mavzusida xalqaro ilmiy konferensiya oʻtkazilishini taʼminlasin. Bunda xalqaro konferensiyani oʻtkazish bilan bogʻliq xarajatlar Oliy taʼlim, fan va innovatsiyalar vazirligi hamda Navoiy viloyati hokimligi tomonidan teng ulushlarda qoplanishi belgilab qoʻyilsin;
Maktabgacha va maktab taʼlimi vazirligi, Oʻzbekiston mahallalari uyushmasi, Yoshlar ishlari agentligi, Respublika Maʼnaviyat va maʼrifat markazi bilan birgalikda “Hazrat Navoiyni anglash — oʻzligimizni anglash” mavzusida respublika tanlovi, shuningdek, taʼlim tashkilotlari va mahallalarda “Navoiyxonlik kechalari”ni tashkil etsin.
7. Yozuvchilar uyushmasi, Axborot va ommaviy kommunikatsiyalar agentligi, Oliy taʼlim, fan va innovatsiyalar vazirligi Navoiy viloyati hokimligi bilan birgalikda Alisher Navoiyning hayoti va ijodi, u yashagan davrning maʼrifiy-adabiy muhiti, shoirning ustoz va zamondoshlari, izdoshlari haqida hikoya qiluvchi asarlarni qayta nashr etib, oliy taʼlim muassasalarida Alisher Navoiy qoʻlyozmalarining koʻrgazmalari hamda asarlarining taqdimotlarini oʻtkazsin.
8. “Navoiy kon-metallurgiya kombinati” aksionerlik jamiyatining Alisher Navoiy hayoti hamda ijodiy faoliyatiga bagʻishlangan badiiy kinofilmni moliyalashtirish toʻgʻrisidagi taklifi maʼqullansin.
Kinematografiya agentligi 2026-yil yakuniga qadar navoiyshunos olimlar, yetuk ssenariychi va rejissyorlar, aktyorlar va soha mutaxassislari ishtirokida ushbu badiiy filmni yaratish, uning tantanali premyerasini tashkil etish choralarini koʻrsin.
9. Tashqi ishlar vazirligi Respublika komissiyasi tomonidan tasdiqlanadigan alohida reja asosida Turkiy davlatlar tashkilotining Alisher Navoiy nomidagi xalqaro mukofotini xorijiy davlatlarda keng targʻib qilish choralarini koʻrsin.
10. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Alisher Navoiy hayoti, uning davlat arbobi sifatidagi faoliyati hamda jahon adabiyoti va tamadduni rivojiga qoʻshgan ulkan hissasini aholi, ayniqsa, yoshlar oʻrtasida, shuningdek, korxona, tashkilotlar va mehnat jamoalarida keng targʻib qilishga qaratilgan tadbirlarni tashkil etsin.
11. Oʻzbekiston Milliy axborot agentligi, Oʻzbekiston Milliy teleradiokompaniyasi, Oʻzbekiston milliy media birlashmasi va boshqa ommaviy axborot vositalariga Alisher Navoiy hayoti hamda ijodiy merosini oʻrganish va targʻib qilish boʻyicha amalga oshirilayotgan tadbirlarni keng yoritish tavsiya etilsin.
12. Mazkur qarorda nazarda tutilgan chora-tadbirlarni moliyalashtirish tegishli vazirlik, idora va tashkilotlarga ajratilgan budjet mablagʻlari, ularning budjetdan tashqari mablagʻlari hamda qonunchilik hujjatlari bilan taqiqlanmagan boshqa manbalar hisobidan amalga oshirilishi belgilansin.
13. Mazkur qarorning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 7-fevraldagi PQ-43-son qaroriga 1-ILOVA
Alisher Navoiy ijodiy merosini chuqur oʻrganish va keng targʻib qilish hamda Navoiy viloyatida “Alisher Navoiy yili”ni yuqori darajada oʻtkazish boʻyicha respublika komissiyasi
1. A.N. Aripov — Oʻzbekiston Respublikasi Bosh vaziri, Respublika komissiyasi raisi 2. X.M. Sultonov — Oʻzbekiston Respublikasi Prezidenti maslahatchisi, Respublika komissiyasi raisining oʻrinbosari 3. R.K. Davletov — Oʻzbekiston Respublikasi Prezidenti maslahatchisi 4. O.Q. Abduraxmanov — Oʻzbekiston Respublikasi Prezidenti Administratsiyasi Ijtimoiy rivojlanish departamenti rahbari 5. N.T. Tursunov — Navoiy viloyati hokimi 6. O.A. Nazarbekov — madaniyat vaziri 7. K.A. Sharipov — oliy taʼlim, fan va innovatsiyalar vaziri 8. X.U. Umarova — maktabgacha va maktab taʼlimi vaziri 9. A.A. Xadjayev — Axborot va ommaviy kommunikatsiyalar agentligi direktori 10. A.Z. Saʼdullayev — Yoshlar ishlari agentligi direktori 11. Sh.T. Rizayev — Kinematografiya agentligi direktori v.b. 12. O.A. Hasanov — Respublika Maʼnaviyat va maʼrifat markazi rahbari 13. B.G. Abdikarimov — Madaniy meros agentligi direktori 14. A.K. Koʻchimov — Oʻzbekiston Milliy axborot agentligi bosh direktori 15. A.A. Joʻraboyev — Oʻzbekiston Milliy teleradiokompaniyasi raisi 16. A. Nuridinov — Oʻzbekiston Badiiy akademiyasi raisi 17. S.S. Saidov — Oʻzbekiston Yozuvchilar uyushmasi raisi 18. Q.S. Sanaqulov — “Navoiy KMK” AJ boshqaruvi raisi 19. Sh.S. Sirojiddinov — Alisher Navoiy nomidagi Toshkent davlat oʻzbek tili va adabiyoti universiteti rektori, akademik 20. O.D. Davlatov — Alisher Navoiy nomidagi xalqaro jamoat fondi ijrochi direktori, navoiyshunos 21. N.M. Mahmudov — Fanlar akademiyasining Oʻzbek tili, adabiyoti va folklori instituti direktori, professor 22. J.S. Eshonqulov — Alisher Navoiy nomidagi adabiyot muzeyi direktori, professor 23. N.A. Jabborov — Alisher Navoiy nomidagi Toshkent davlat oʻzbek tili va adabiyoti universiteti professori, navoiyshunos 24. M. Xoshimxonov — Jizzax davlat pedagogika universiteti professori, navoiyshunos 25. N.J. Xolboʻtayev — Vazirlar Mahkamasining Davlat tilini rivojlantirish departamenti rahbari, Respublika komissiyasi kotibi
Oʻzbekiston Respublikasi Prezidentining 2025-yil 7-fevraldagi PQ-43-son qaroriga 2-ILOVA
Alisher Navoiyning benazir ijodiy merosini keng ommalashtirish hamda Navoiy viloyatida “Alisher Navoiy yili”ni yuqori darajada oʻtkazish boʻyicha chora-tadbirlar
T/r Amaliy chora-tadbirlar Amalga oshirish mexanizmi Amalga oshirish muddati Moliyalashtirish manbalari Bajarish uchun masʼul vazirlik va idoralar 1. Alisher Navoiy tavalludining 584 yilligi munosabati bilan “Alisher Navoiy va Sharq Renessansi” anʼanaviy xalqaro simpoziumi hamda adabiy-maʼrifiy tadbirlarni oʻtkazish. 1. Simpozium tashkil etish boʻyicha tashkiliy chora-tadbirlarni amalga oshirish. 2025-yil fevral Ijrochilar mablagʻlari, xalqaro grantlar Navoiy viloyati hokimligi, Alisher Navoiy nomidagi xalqaro jamoat fondi, Oliy taʼlim, fan va innovatsiyalar vazirligi, Yozuvchilar uyushmasi 2. Simpozium materiallarini tayyorlash. 2025-yil fevral 3. Xalqaro simpozium hamda adabiy-maʼrifiy tadbirlarni oʻtkazish. 2025-yil fevral 2. Alisher Navoiy asarlarining 100 jildlik ommabop nashrini chop etish. 1. Vazirlar Mahkamasining farmoyishi loyihasini belgilangan tartibda kiritish. 2025-yil may Davlat budjeti mablagʻlari Alisher Navoiy nomidagi xalqaro jamoat fondi, Fanlar akademiyasi, Oliy taʼlim, fan va innovatsiyalar vazirligi, Iqtisodiyot va moliya vazirligi 2. Original matn va sodda tildagi izohlar bilan 100 jildlik nashrni tayyorlash. 2025 — 2027-yillar 3. Nashrning elektron va audio shaklini tayyorlash. 2026-2027-yillar 3. “Yashil makon” umummilliy loyihasi doirasida Navoiy viloyatining barcha shahar va tumanlarida Alisher Navoiy hayoti va ijodiy faoliyati bilan bogʻliq holda soʻlim bogʻ va xiyobonlar, yashil hududlarni tashkil etish. 1. Alisher Navoiy hayoti va ijodiy faoliyati bilan bogʻliq holda soʻlim bogʻ va xiyobonlar, yashil hududlarni tashkil etish loyiha rejasi va smetasini ishlab chiqish. 2025-yil aprel Ijrochilarning mablagʻlari Navoiy viloyati hokimligi, Ekologiya, atrof-muhitni muhofaza qilish va iqlim oʻzgarishi vazirligi, Madaniyat vazirligi, Alisher Navoiy nomidagi xalqaro jamoat fondi, Oʻzbekiston mahallalari uyushmasi 2. Navoiy viloyatining barcha shahar va tumanida bogʻlar, xiyobonlar, yashil hududlar tashkil etish. 2025 — 2027-yillar 4. Alisher Navoiy hayoti hamda ijodiy faoliyatiga bagʻishlangan badiiy kinofilm ishlab chiqish. 1. Kinofilm loyihasini amalga oshirish boʻyicha ishchi guruhni shakllantirish. 2025-yil mart “Navoiy kon-metallurgiya kombinati” AJ mablagʻlari Kinematografiya agentligi, “Navoiy kon-metallurgiya kombinati” AJ, Navoiy viloyati hokimligi, Yozuvchilar uyushmasi, Fanlar akademiyasi 2. Kinofilm ssenariysini ishlab chiqish. 2025-yil noyabr 3. Kinofilmning xarajatlar smetasini ishlab chiqish va tasdiqlash. 2025-yil dekabr 4. Kinofilmni ishlab chiqarish va Navoiy shahrida uning taqdimotini oʻtkazish. 2027-yil 9-fevral 5. Alisher Navoiy asarlarini xorijiy tillarga tarjima qilish. 1. Asarlar roʻyxatini shakllantirish. 2025-yil aprel Davlat budjetidan ajratilgan mablagʻlar doirasida, xalqaro grantlar Yozuvchilar uyushmasi, Fanlar akademiyasi, Oliy taʼlim, fan va innovatsiyalar vazirligi, Alisher Navoiy nomidagi xalqaro jamoat fondi, Tashqi ishlar vazirligi, Navoiy davlat universiteti 2. Malakali tarjimonlar guruhini shakllantirish va asarlarni xorijiy tillarga oʻgirish reja-jadvalini ishlab chiqish. 2025-yil may 3. Tarjimalarni amalga oshirish boʻyicha xarajatlar smetasini ishlab chiqish va tasdiqlash. 2025-yil iyul 4. Asarlarni tarjima qilish, nashrdan chiqarish va ularning taqdimotlarini oʻtkazish. 2025 — 2027-yillar 6. Navoiy asarlari asosida milliy va zamonaviy musiqa asarlarini yaratish. 1. Navoiy asarlari asosida “Nazm va navo” maqom kechalarini oʻtkazish hamda uni ommaviy axborot vositalarida keng targʻib etish. 2025-yil aprel Davlat budjetidan ajratilgan mablagʻlar doirasida Madaniyat vazirligi, Kompozitorlar va bastakorlar uyushmasi, Alisher Navoiy nomidagi xalqaro jamoat fondi, Fanlar akademiyasi 2. Navoiy ijodi asosida milliy va zamonaviy musiqa asarlari yaratish. 2025-yil sentabr 3. Mazkur musiqa asarlari asosida audio albomlar tayyorlash. 2025-yil noyabr 7. Alisher Navoiy asarlari qahramonlarini aks ettiruvchi animatsion mahsulotlar yaratish. 1. Alisher Navoiy asarlari qahramonlari siymosi aks ettirilgan animatsion mahsulotlar loyihasini ishlab chiqish. 2025-yil may Davlat budjetidan ajratilgan mablagʻlar doirasida, homiylik xayriyalari Kinematografiya agentligi, Yoshlar ishlari agentligi, Yozuvchilar uyushmasi 2. Animatsion mahsulotlarni yaratish xarajatlar smetasini ishlab chiqish va tasdiqlash. 2025-yil iyun 3. Animatsion mahsulotlar taqdimotini oʻtkazish, ommaviy axborot vositalarida keng yoritish. 2025 — 2027-yillar 8. Navoiy shahrida barpo etilayotgan “Yangi Oʻzbekiston” bogʻida Alisher Navoiy haykali va “Xamsa” dostonlari mavzusidagi ramziy darvozalarni oʻrnatish. 1. Alisher Navoiy haykali va “Xamsa” dostonlari mavzusidagi ramziy darvozalar loyihasini ishlab chiqish. 2025-yil aprel Davlat budjetidan ajratilgan mablagʻlar doirasida, mahalliy budjet mablagʻlari, homiylik xayriyalari Navoiy viloyati hokimligi, Qurilish va uy-joy kommunal xoʻjaligi vazirligi, Badiiy akademiya, Fanlar akademiyasi, Yozuvchilar uyushmasi, Madaniy meros agentligi 2. Ushbu loyihalar asosida xarajatlar smetasini ishlab chiqish va tasdiqlash. 2025-yil may 3. Alisher Navoiy haykali va “Xamsa” dostonlari mavzusidagi ramziy darvozalarni oʻrnatish. 2025 — 2030-yillar 9. Navoiy shahrida barpo etilayotgan “Yangi Oʻzbekiston” bogʻida Alisher Navoiy memorial muzeyini tashkil etish. 1. Alisher Navoiy memorial muzeyi loyihasi va ekspozitsiya konsepsiyasini ishlab chiqish. 2025-yil aprel Davlat budjetidan ajratilgan mablagʻlar doirasida, mahalliy budjet mablagʻlari, homiylik xayriyalari Navoiy viloyati hokimligi, Madaniy meros agentligi, Fanlar akademiyasi, Alisher Navoiy nomidagi xalqaro jamoat fondi, Respublika Maʼnaviyat va maʼrifat markazi, Yozuvchilar uyushmasi 2. Ushbu loyihalar asosida xarajatlar smetasini ishlab chiqish va tasdiqlash. 2025-yil may 3. Alisher Navoiy memorial muzeyini tashkil etish boʻyicha ishchi guruhini shakllantirish va eksponatlar yigʻish, muzey faoliyatini yoʻlga qoʻyish. 2025 — 2027-yillar 10. Navoiy davlat universiteti huzurida Alisher Navoiy ilmiy-tadqiqot markazini tashkil etish. 1. Alisher Navoiy ilmiy-tadqiqot markazining konsepsiyasi loyihasini ishlab chiqish. 2025-yil aprel Navoiy davlat universiteti mablagʻlari Oliy taʼlim, fan va innovatsiyalar vazirligi, Fanlar akademiyasi, Alisher Navoiy nomidagi xalqaro jamoat fondi 2. Ushbu konsepsiya asosida xarajatlar smetasini ishlab chiqish va tasdiqlash. 2025-yil may 3. Alisher Navoiy ilmiy-tadqiqot markazining faoliyatini yoʻlga qoʻyish . 2026-2027-yillar 11. Alisher Navoiy merosini oʻrganish ishlarini yanada yuksak bosqichga koʻtarish maqsadida tizimli asosda ilmiy izlanishlar olib borish va ularning natijalarini eʼlon qilish. 1. Ilmiy-tadqiqot ishlariga davlat buyurtmasi doirasida maqsadli ilmiy-tadqiqot loyihalarini belgilangan tartibda shakllantirish. 2025-yildan boshlab Ilmiy faoliyatga oid davlat dasturlari uchun ajratiladigan mablagʻlar Oliy taʼlim, fan va innovatsiyalar vazirligi, Innovatsion rivojlanish agentligi, Fanlar akademiyasi, Alisher Navoiy nomidagi xalqaro jamoat fondi, Yozuvchilar uyushmasi 2. Davlat buyurtmasi doirasida maqsadli ilmiy-tadqiqot loyihalarini amalga oshirish. 3. Ilmiy-tadqiqot loyihalarining natijalarini eʼlon qilish. Ilmiy-tadqiqot loyihalari asosida 12. Respublika va xorijda Alisher Navoiy merosini oʻrganish boʻyicha ilmiy ekspeditsiyalar tashkil etish. 1. Ilmiy ekspeditsiyalar yoʻnalishi va aʼzolari roʻyxatini shakllantirish. 2025-yil mart Davlat budjeti mablagʻlari, xalqaro grantlar Fanlar akademiyasi, Alisher Navoiy nomidagi xalqaro jamoat fondi, Tashqi ishlar vazirligi 2. Alisher Navoiy ijodiy merosini chuqur oʻrganish va keng targʻib qilish hamda Navoiy viloyatida “Alisher Navoiy yili”ni yuqori darajada tashkil etish boʻyicha respublika komissiyasi tomonidan respublika va xorijda ilmiy ekspeditsiyalar tashkil etish rejasini tasdiqlash. 2025-yil aprel, kelgusida navbatdagi rejani tasdiqlash zaruratidan kelib chiqib 3. Respublika va xorijdagi ilmiy markazlar bilan hamkorlikni yoʻlga qoʻyish. 4. Alisher Navoiy hayoti va ijodi bilan bogʻliq shaharlarga ilmiy ekspeditsiya tashkil qilish. 2025-yildan boshlab har yili reja asosida 13. Navoiy viloyatida “Alisher Navoiy ilmiy-adabiy merosining umumbashariyat maʼnaviy va maʼrifiy taraqqiyotidagi oʻrni” mavzusida xalqaro ilmiy konferensiyani tashkil etish. 1. X alqaro ilmiy konferensiya dasturi ni ishlab chiqish. 2025-yil may Davlat budjetidan ajratilgan mablagʻlar doirasida, ijrochilar mablagʻlari Fanlar akademiyasi, Oliy taʼlim, fan va innovatsiyalar vazirligi, Navoiy viloyati hokimligi , Alisher Navoiy nomidagi xalqaro jamoat fondi, Navoiy davlat universiteti 2. X alqaro ilmiy konferensiya uchun materiallar toʻplash, nashrga tayyorlash va ushbu loyihalar asosida xarajatlar smetasini ishlab chiqish. 2025-yil sentabr 3. X alqaro ilmiy konferensiyani tashkil etish. 2025-yil 10 — 15-oktabr 14. Alisher Navoiyning asarlari asosida spektakllar yaratish, respublika teatrlarida hamda chekka hududlarda koʻchma teatr tomoshalarini tashkil etish. 1. Alisher Navoiy asarlari asosida spektakllar yaratish . 2025-yil dekabr Davlat budjetidan ajratilgan mablagʻlar doirasida Madaniyat vazirligi, Yozuvchilar uyushmasi, Respublika Maʼnaviyat va maʼrifat markazi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari 2. Alisher Navoiyning asarlari asosida respublika teatrlarida va chekka hududlarda koʻchma teatr tomoshalarini tashkil etish . 2026-2027-yillarda reja asosida 15. Navoiy asarlari asosida graffiti va mozaikalar yaratish. 1. Navoiy shahrida yangi qurilayotgan uylar, korxona va tashkilotlar manzilli roʻyxatini shakllantirish. 2025-yil mart Buyurtmachi tashkilot mablagʻlari, homiylik xayriyalari Navoiy viloyati hokimligi, Badiiy akademiya, Qurilish va uy-joy kommunal xoʻjaligi vazirligi, Yozuvchilar uyushmasi, Fanlar akademiyasi, Alisher Navoiy nomidagi xalqaro jamoat fondi 2. Alisher Navoiy asarlari asosida graffiti va mozaikalar yaratish ishlarini bajarish uchun ijodkorlar bilan shartnoma imzolash. 2025-yil aprel 3. Alisher Navoiy asarlaridan olingan iqtiboslar (hikmatli soʻzlar), shuningdek, Navoiy asarlari qahramonlari asosida eskiz loyihalarini yaratish. 2025-yil iyun 4. Roʻyxat asosida ijodkorlar tomonidan yaratilgan eskiz loyihalarini shahar dizayniga joriy etish. 2025 — 2027-yillar 16. Alisher Navoiy nomidagi xalqaro jamoat fondi faoliyatini qoʻllab-quvvatlash. 1. Alisher Navoiy nomidagi xalqaro jamoat fondi faoliyatiga korxona va tashkilotlarning ixtiyoriylik asosida homiyliklarini qoʻllab-quvvatlash. 2. Alisher Navoiy nomidagi xalqaro jamoat fondining Alisher Navoiy ijodiy merosini chuqur oʻrganish va keng targʻib qilishdagi faoliyatiga har jihatdan koʻmaklashish. 2025-yil apreldan boshlab muntazam ravishda Homiylik xayriyalari, qonunchilik hujjatlari bilan taqiqlanmagan boshqa manbalar Madaniyat vazirligi, Iqtisodiyot va moliya vazirligi, Davlat aktivlarini boshqarish agentligi, Alisher Navoiy nomidagi xalqaro jamoat fondi, “Navoiy kon-metallurgiya kombinati” AJ, “Navoiyazot” AJ, Savdo-sanoat palatasi, “Milliy bank” AJ va boshqa korxonalar 17. Alisher Navoiy ijodiga bagʻishlangan adabiy kechalar, tanlovlar, kitoblar taqdimoti hamda ilmiy-maʼrifiy anjumanlar oʻtkazish boʻyicha “Navoiy viloyati tajribasi”ni yaratish. 1. Alisher Navoiy ijodiga bagʻishlangan adabiy kechalar, tanlovlar, kitoblar taqdimotlari hamda ilmiy-maʼrifiy anjumanlar oʻtkazish reja-jadvalini ishlab chiqish. 2025-yil may Ijrochilarning mablagʻlari Navoiy viloyati hokimligi, Oliy taʼlim, fan va innovatsiyalar vazirligi, Maktabgacha va maktab taʼlimi vazirligi, Yozuvchilar uyushmasi, Fanlar akademiyasi, Respublika Maʼnaviyat va maʼrifat markazi 2. Reja-jadval asosida tadbirlar oʻtkazish, ularga navoiyshunos va adiblar, yosh ijodkorlar, ijod maktablarining oʻqituvchi va iqtidorli oʻquvchilarini jalb etish. Alohida reja-jadval asosida 18. “Hazrat Navoiyni anglash — oʻzligimizni anglash” mavzusida respublika tanlovini hamda taʼlim muassasalari va mahallalarda “Navoiyxonlik kechalari”ni tashkil etish. 1. “Hazrat Navoiyni anglash — oʻzligimizni anglash” mavzusida respublika tanlovi nizomini ishlab chiqish. 2025-yil may Ijrochilarning mablagʻlari Maktabgacha va maktab taʼlimi vazirligi, Fanlar akademiyasi, Oʻzbekiston mahallalari uyushmasi, Yoshlar ishlari agentligi, Respublika Maʼnaviyat va maʼrifat markazi 2. Respublika tanlovini oʻtkazish va gʻoliblarni ragʻbatlantirish. 3. Taʼlim muassasalari va mahallalarda “Navoiyxonlik kechalari”ni tashkil etish. 2025/2026 oʻquv yilidan boshlab alohida reja asosida
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 7-fevral,
PQ-43-son
Президента Республики Узбекистан
Постановление
О мерах по широкой популяризации творческого наследия великого поэта и мыслителя Мир Алишера Навои в стране и мире и проведению на высоком уровне Года Алишера Навои в Навоийской области
Выдающееся наследие великого поэта, мыслителя и государственного деятеля Мир Алишера Навои занимает важное место в духовной жизни нашего народа и истории мировой литературы. Алишер Навои во все времена был и остается высоким идеалом, ярчайшим примером самоотверженной личности, посвятившей свою жизнь служению Родине и народу.
В последние годы реализовано множество проектов по изучению жизни и деятельности нашего великого предка, широкой популяризации его творчества в мире, в частности, были организованы международные научные экспедиции, произведения поэта переводятся и издаются на иностранных языках.
В целях дальнейшего всестороннего исследования имеющего общечеловеческое значение уникального наследия известного гуманиста, покровителя науки, культуры, искусства и литературы, воспевавшего добро и справедливость, приобщения к этому бесценному духовному богатству нашего народа и мировой общественности:
1. Одобрить предложение Министерства культуры, Министерства высшего образования, науки и инноваций, Союза писателей, Республиканского центра духовности и просветительства, Международного общественного фонда имени Алишера Навои, хокимията Навоийской области и общественности об объявлении 2025 года в Навоийской области Годом Алишера Навои в связи с 584-летием со дня его рождения.
2. Утвердить состав Республиканской комиссии по глубокому изучению и широкой популяризации творческого наследия Алишера Навои и проведению на высоком уровне Года Алишера Навои в Навоийской области (далее — Республиканская комиссия) согласно приложению № 1 * .
3. Определить основными задачами Республиканской комиссии:
принятие мер по проведению на системной основе научных исследований в нашей стране и за рубежом, публикации их результатов, созданию новых научных трудов, художественных и популярных произведений зарубежных ученых-навоиведов и творческих деятелей и изданию их на узбекском языке;
подготовку наглядных информационных средств, посвященных личности Навои, его научно-просветительскому наследию, государственной деятельности, создание медиапродукции и аудиовизуальных произведений, обеспечение их широкой публикации в отечественных и зарубежных средствах массовой информации и размещения в социальных сетях;
организацию научных конференций и «круглых столов» в посольствах Республики Узбекистан, узбекских национальных культурных центрах, обществах соотечественников за рубежом в целях широкого изучения и популяризации жизни, деятельности и гуманистических идей Алишера Навои;
обеспечение эффективного взаимодействия в этом процессе министерств, ведомств, научных, творческих и просветительских учреждений;
мониторинг своевременного и качественного выполнения мер, предусмотренных настоящим постановлением, координацию финансирования мероприятий в рамках средств, выделенных из Государственного бюджета, за счет внебюджетных средств исполнителей, международных грантов и иных источников, не запрещенных законодательством, осуществление контроля за распределением и расходованием средств.
4. Утвердить Программу мер по широкой популяризации уникального творческого наследия Алишера Навои и проведению на высоком уровне Года Алишера Навои в Навоийской области (далее — Программа) согласно приложению № 2 * .
Республиканской комиссии организовать своевременную и эффективную реализацию мер, предусмотренных Программой, обеспечить соответствующее межведомственное сотрудничество.
Определить Департамент развития государственного языка Кабинета Министров рабочим органом Республиканской комиссии.
5. В связи с объявлением 2025 года в Навоийской области Годом Алишера Навои хокимияту Навоийской области:
совместно с Международным общественным фондом имени Алишера Навои, Министерством высшего образования, науки и инноваций, Союзом писателей в связи с 584-летием со дня рождения великого поэта и мыслителя принять меры по проведению на высоком уровне 8-9 февраля 2025 года традиционного международного симпозиума «Алишер Навои и Восточный Ренессанс» и мероприятий, посвященных этой дате, с участием отечественных и зарубежных представителей научной и творческой интеллигенции и широкой общественности;
в рамках общенационального проекта «Яшил макон» создать во всех городах и районах Навоийской области парки и аллеи, зеленые зоны, посвященные жизни и творческой деятельности Алишера Навои;
совместно с Академией художеств, Академией наук, Союзом писателей, Агентством культурного наследия принять меры по установлению в парке «Янги Узбекистон», создаваемом в городе Навои, памятника Алишеру Навои и символических ворот на основе сюжетов входящих в «Хамсу» поэм, а также по организации мемориального музея;
совместно с Министерством высшего образования, науки и инноваций, Министерством дошкольного и школьного образования, Союзом писателей, Академией наук обеспечить проведение на основе отдельного плана ежегодных творческих вечеров, конкурсов, издание книг, организацию презентаций и научно-литературных конференций, посвященных творчеству Алишера Навои. Наладить в Навоийской области практику привлечения к проводимым мероприятиям студентов, молодых творческих и талантливых учащихся и их достойного поощрения.
6. Академии наук:
совместно с Министерством высшего образования, науки и инноваций, хокимиятом Навоийской области обеспечить проведение в Навоийском государственном университете 10 — 15 октября 2025 года международной научной конференции «Роль научно-литературного наследия Алишера Навои в общечеловеческом духовном и просветительском развитии». При этом определить, что расходы, связанные с проведением международной конференции, покрываются Министерством высшего образования, науки и инноваций и хокимиятом Навоийской области в равных долях;
совместно с Министерством дошкольного и школьного образования, Ассоциацией махаллей Узбекистана, Агентством по делам молодежи, Республиканским центром духовности и просветительства организовать республиканский конкурс «Творческий мир Алишера Навои — основа национальной духовности», а также в образовательных организациях и махаллях — навоийских чтений.
7. Союзу писателей, Агентству информации и массовых коммуникаций, Министерству высшего образования, науки и инноваций совместно с хокимиятом Навоийской области обеспечить переиздание произведений о жизни и творчестве Алишера Навои, просветительской и литературной среде, окружавшей его, наставниках, современниках и последователях поэта, провести выставку рукописей и презентации произведений Алишера Навои в высших образовательных учреждениях.
8. Одобрить предложение Акционерного общества «Навоийский горно-металлургический комбинат» о финансировании съемок художественного фильма, посвященного Алишеру Навои.
Агентству кинематографии до конца 2026 года принять меры по созданию данного художественного фильма с участием ученых-навоиведов, ведущих сценаристов и режиссеров, актеров и специалистов сферы, а также организации его торжественной премьеры.
9. Министерству иностранных дел на основе отдельного плана, утверждаемого Республиканской комиссией, принять меры по широкому информированию зарубежной общественности о Международной премии имени Алишера Навои, учрежденной Организацией тюркских государств.
10. Совету Министров Республики Каракалпакстан, хокимиятам областей и города Ташкента организовать мероприятия по активной популяризации среди населения, особенно молодежи, а также трудовых коллективов предприятий и организаций произведений и материалов об Алишере Навои как государственном деятеле, его большом вкладе в развитие мировой литературы и цивилизации.
11. Рекомендовать Национальному информационному агентству Узбекистана, Национальной телерадиокомпании Узбекистана, Национальной медиа-ассоциации Узбекистана и другим средствам массовой информации широко освещать мероприятия по изучению и популяризации жизни и творческого наследия Алишера Навои.
12. Определить, что финансирование мероприятий, предусмотренных настоящим постановлением, осуществляется за счет бюджетных средств, выделенных соответствующим министерствам, ведомствам и организациям, их внебюджетных средств и иных источников, не запрещенных законодательством.
13. Контроль за исполнением настоящего постановления возложить на Премьер-министра Республики Узбекистан А.Н. Арипова.
Президент Республики Узбекистан Ш. МИРЗИЁЕВ
г. Ташкент,
7 февраля 2025 г.,
№ ПП-43