📅 2025-yil 10-fevral · Prezident farmonlari
Rasmiy matn. Rasmiy hujjat. Tahririy izohlar kiritilmagan.
UzbekAI
📅 2025 йил 10 февраль · Президент фармонлари
Расмий матн. Расмий ҳужжат. Таҳририй изоҳлар киритилмаган.
📅 10 февраля 2025 г. · Указы Президента
Официальный текст. Официальный документ. Редакционные примечания не включены.
📅 10 February 2025 · Presidential decrees
Official text. Official document. Editorial notes are not included.
Ўзбекистон Республикаси Президентининг
Фармони
Энергия ресурсларидан ноқонуний фойдаланиш ҳолатларига қарши курашиш соҳаси такомиллаштирилиши муносабати билан Ўзбекистон Республикаси Президентининг айрим ҳужжатларига ўзгартириш ва қўшимчалар киритиш тўғрисида
Энергия ресурсларидан ноқонуний фойдаланиш ҳолатларига қарши курашиш соҳасида самарали давлат назоратини амалга оширишга тўсқинлик қилаётган айрим омилларни бартараф этиш мақсадида:
1. Ўзбекистон Республикаси Президентининг айрим ҳужжатларига иловага мувофиқ қуйидагиларни назарда тутувчи ўзгартириш ва қўшимчалар киритилсин:
ёқилғи-энергетика ресурсларини беҳуда сарфлаш ҳамда улардан ноқонуний ва самарасиз фойдаланиш ҳолатларини аниқлаш;
сифатсиз ёқилғи маҳсулотлари реализациясига чек қўйиш борасида давлат назоратини амалга ошириш механизмларини соддалаштириш.
2. Мазкур Фармоннинг бажарилишини назорат қилиш Ўзбекистон Республикаси Бош вазири А.Н. Арипов зиммасига юклансин.
Ўзбекистон Республикаси Президентининг 2025 йил 10 февралдаги ПФ-20-сон Фармонига ИЛОВА
Ўзбекистон Республикаси Президентининг айрим ҳужжатларига киритилаётган ўзгартириш ва қўшимчалар
1. Ўзбекистон Республикаси Президентининг 2023 йил 24 майдаги «Ёқилғи-энергетика соҳасида давлат назорати механизмларини такомиллаштириш ва «рақамли энергоназорат» тизимини жорий этиш тўғрисида»ги ПФ-77-сон Фармонининг 5-банди қуйидаги мазмундаги олтинчи хатбоши билан тўлдирилсин:
«Белгилансинки, Вазирлар Маҳкамаси ҳузуридаги Электр энергияси, нефть маҳсулотлари ва газдан фойдаланишни назорат қилиш инспекцияси (кейинги ўринларда — Ўзэнергоинспекция) томонидан ёқилғи-энергетика ресурсларини қазиб олиш, ишлаб чиқариш, қайта ишлаш, ташиш, сақлаш, етказиб бериш (тақсимлаш, сотиш) ва истеъмол қилиш фаолияти билан шуғулланадиган хўжалик юритувчи субъектларда уларнинг фаолиятини тартибга солувчи қонунчилик ҳужжатларига риоя этилиши бўйича ўтказиладиган назорат тадбирлари доирасида сутканинг исталган вақтида ўтказиладиган текширувлар текширув бошлангандан сўнг 24 соат ичида «Ягона давлат назорати» ахборот тизимида рўйхатга олиш орқали ваколатли органни хабардор этиш тартибида амалга оширилади. Бунда ушбу текширувларга масъул бўлган ходимлар тадбиркорлик субъекти томонидан тақдим этилган Текширувларни рўйхатга олиш китобини текширув якунига етиши билан тўлдириши шарт».
2. Ўзбекистон Республикаси Президентининг 2024 йил 14 ноябрдаги «Тадбиркорлар ҳуқуқлари ва қонуний манфаатларини ишончли ҳимоя қилиш чора-тадбирлари тўғрисида»ги ПФ-184-сон Фармонига 2-илованинг 12-позицияси қуйидаги таҳрирда баён этилсин:
« 12. Қуйидаги масалалар бўйича тезкор назорат тадбирларини ўтказиш: ёқилғи-энергия ресурсларини қазиб олиш, ишлаб чиқариш, қайта ишлаш, ташиш, сақлаш, етказиб бериш (тақсимлаш, сотиш) ва истеъмол қилиш фаолияти билан шуғулланадиган хўжалик юритувчи субъектларда ушбу соҳадаги талабларга риоя этиш; ёқилғи-энергия ресурсларини беҳуда сарфлаш, улардан ноқонуний ва самарасиз фойдаланиш ҳамда истеъмолчиларга реализация қилинаётган ёқилғи-энергия ресурслари сифатини (нефть ва газ маҳсулотларидан намуналар олиш, лабораторияда таҳлил қилиш, миқдорини ўлчаш ва тарқатиш) назорат қилиш. Электр энергияси, нефть маҳсулотлари ва газдан фойдаланишни назорат қилиш инспекцияси » .
3. Ўзбекистон Республикаси Президентининг 2023 йил 13 февралдаги «Ёқилғи-энергия ресурсларидан фойдаланиш соҳасида давлат назорати самарадорлигини ошириш чора-тадбирлари тўғрисида»ги ПҚ-54-сон қарорининг 3-бандида :
қуйидаги мазмундаги еттинчи хатбоши билан тўлдирилсин:
«Ўзэнергоинспекция томонидан ёқилғи-энергия ресурсларини беҳуда сарфлаш, улардан ноқонуний ва самарасиз фойдаланиш ҳолатларини аниқлаш борасида давлат назоратини амалга ошириш ҳамда истеъмолчиларга реализация қилинаётган ёқилғи-энергия ресурслари сифатини назорат қилиш (нефть ва газ маҳсулотларидан намуналар олиш, лабораторияда таҳлил қилиш, миқдорини ўлчаш ва тарқатиш) билан боғлиқ ўтказиладиган назорат тадбирлари доирасида сутканинг исталган вақтида ўтказиладиган текширувлар текширув бошлангандан сўнг 24 соат ичида «Ягона давлат назорати» ахборот тизимида рўйхатга олиш орқали ваколатли органни хабардор этиш тартибида амалга оширилади. Бунда ушбу текширувларга масъул бўлган ходимлар тадбиркорлик субъекти томонидан тақдим этилган Текширувларни рўйхатга олиш китобини текширув якунига етиши билан тўлдириши шарт»;
еттинчи хатбоши саккизинчи хатбоши деб ҳисоблансин.
Ўзбекистон Республикаси Президенти Ш. МИРЗИЁЕВ
Тошкент ш.,
2025 йил 10 февраль,
ПФ-20-сон
Oʻzbekiston Respublikasi Prezidentining
Farmoni
Energiya resurslaridan noqonuniy foydalanish holatlariga qarshi kurashish sohasi takomillashtirilishi munosabati bilan Oʻzbekiston Respublikasi Prezidentining ayrim hujjatlariga oʻzgartirish va qoʻshimchalar kiritish toʻgʻrisida
Energiya resurslaridan noqonuniy foydalanish holatlariga qarshi kurashish sohasida samarali davlat nazoratini amalga oshirishga toʻsqinlik qilayotgan ayrim omillarni bartaraf etish maqsadida:
1. Oʻzbekiston Respublikasi Prezidentining ayrim hujjatlariga ilovaga muvofiq quyidagilarni nazarda tutuvchi oʻzgartirish va qoʻshimchalar kiritilsin:
yoqilgʻi-energetika resurslarini behuda sarflash hamda ulardan noqonuniy va samarasiz foydalanish holatlarini aniqlash;
sifatsiz yoqilgʻi mahsulotlari realizatsiyasiga chek qoʻyish borasida davlat nazoratini amalga oshirish mexanizmlarini soddalashtirish.
2. Mazkur Farmonning bajarilishini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidentining 2025-yil 10-fevraldagi PF-20-son Farmoniga ILOVA
Oʻzbekiston Respublikasi Prezidentining ayrim hujjatlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2023-yil 24-maydagi “Yoqilgʻi-energetika sohasida davlat nazorati mexanizmlarini takomillashtirish va “raqamli energonazorat” tizimini joriy etish toʻgʻrisida”gi PF-77-son Farmonining 5-bandi quyidagi mazmundagi oltinchi xatboshi bilan toʻldirilsin:
“Belgilansinki, Vazirlar Mahkamasi huzuridagi Elektr energiyasi, neft mahsulotlari va gazdan foydalanishni nazorat qilish inspeksiyasi (keyingi oʻrinlarda — Oʻzenergoinspeksiya) tomonidan yoqilgʻi-energetika resurslarini qazib olish, ishlab chiqarish, qayta ishlash, tashish, saqlash, yetkazib berish (taqsimlash, sotish) va isteʼmol qilish faoliyati bilan shugʻullanadigan xoʻjalik yurituvchi subyektlarda ularning faoliyatini tartibga soluvchi qonunchilik hujjatlariga rioya etilishi boʻyicha oʻtkaziladigan nazorat tadbirlari doirasida sutkaning istalgan vaqtida oʻtkaziladigan tekshiruvlar tekshiruv boshlangandan soʻng 24 soat ichida “Yagona davlat nazorati” axborot tizimida roʻyxatga olish orqali vakolatli organni xabardor etish tartibida amalga oshiriladi. Bunda ushbu tekshiruvlarga masʼul boʻlgan xodimlar tadbirkorlik subyekti tomonidan taqdim etilgan Tekshiruvlarni roʻyxatga olish kitobini tekshiruv yakuniga yetishi bilan toʻldirishi shart”.
2. Oʻzbekiston Respublikasi Prezidentining 2024-yil 14-noyabrdagi “Tadbirkorlar huquqlari va qonuniy manfaatlarini ishonchli himoya qilish chora-tadbirlari toʻgʻrisida”gi PF-184-son Farmoniga 2-ilovaning 12-pozitsiyasi quyidagi tahrirda bayon etilsin:
“ 12. Quyidagi masalalar boʻyicha tezkor nazorat tadbirlarini oʻtkazish: yoqilgʻi-energiya resurslarini qazib olish, ishlab chiqarish, qayta ishlash, tashish, saqlash, yetkazib berish (taqsimlash, sotish) va isteʼmol qilish faoliyati bilan shugʻullanadigan xoʻjalik yurituvchi subyektlarda ushbu sohadagi talablarga rioya etish; yoqilgʻi-energiya resurslarini behuda sarflash, ulardan noqonuniy va samarasiz foydalanish hamda isteʼmolchilarga realizatsiya qilinayotgan yoqilgʻi-energiya resurslari sifatini (neft va gaz mahsulotlaridan namunalar olish, laboratoriyada tahlil qilish, miqdorini oʻlchash va tarqatish) nazorat qilish. Elektr energiyasi, neft mahsulotlari va gazdan foydalanishni nazorat qilish inspeksiyasi ” .
3. Oʻzbekiston Respublikasi Prezidentining 2023-yil 13-fevraldagi “Yoqilgʻi-energiya resurslaridan foydalanish sohasida davlat nazorati samaradorligini oshirish chora-tadbirlari toʻgʻrisida”gi PQ-54-son qarorining 3-bandida :
quyidagi mazmundagi yettinchi xatboshi bilan toʻldirilsin:
“Oʻzenergoinspeksiya tomonidan yoqilgʻi-energiya resurslarini behuda sarflash, ulardan noqonuniy va samarasiz foydalanish holatlarini aniqlash borasida davlat nazoratini amalga oshirish hamda isteʼmolchilarga realizatsiya qilinayotgan yoqilgʻi-energiya resurslari sifatini nazorat qilish (neft va gaz mahsulotlaridan namunalar olish, laboratoriyada tahlil qilish, miqdorini oʻlchash va tarqatish) bilan bogʻliq oʻtkaziladigan nazorat tadbirlari doirasida sutkaning istalgan vaqtida oʻtkaziladigan tekshiruvlar tekshiruv boshlangandan soʻng 24 soat ichida “Yagona davlat nazorati” axborot tizimida roʻyxatga olish orqali vakolatli organni xabardor etish tartibida amalga oshiriladi. Bunda ushbu tekshiruvlarga masʼul boʻlgan xodimlar tadbirkorlik subyekti tomonidan taqdim etilgan Tekshiruvlarni roʻyxatga olish kitobini tekshiruv yakuniga yetishi bilan toʻldirishi shart”;
yettinchi xatboshi sakkizinchi xatboshi deb hisoblansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 10-fevral,
PF-20-son
Президента Республики Узбекистан
Указ
О внесении изменений и дополнений в некоторые акты Президента Республики Узбекистан в связи с совершенствованием сферы борьбы с фактами незаконного использования энергоресурсов
В целях пресечения отдельных факторов, препятствующих осуществлению эффективного государственного контроля в сфере борьбы с фактами незаконного использования энергоресурсов:
1. Внести изменения и дополнения в некоторые акты Президента Республики Узбекистан согласно приложению , предусматривающие упрощение механизмов:
выявления фактов расточительного расходования, а также незаконного и неэффективного использования топливно-энергетических ресурсов;
осуществления государственного контроля за пресечением реализации некачественной топливной продукции.
2. Контроль за исполнением настоящего Указа возложить на Премьер-министра Республики Узбекистан А.Н. Арипова.
ПРИЛОЖЕНИЕ к Указу Президента Республики Узбекистан от 10 февраля 2025 года № УП-20
Изменения и дополнения, вносимые в некоторые акты Президента Республики Узбекистан
1. Пункт 5 Указа Президента Республики Узбекистан от 24 мая 2023 года № УП-77 «О совершенствовании механизмов государственного контроля и внедрении системы «цифровой энергоконтроль» в топливно-энергетической отрасли» дополнить абзацем шестым следующего содержания:
«Установить, что проверки, проводимые Инспекцией по контролю за использованием электроэнергии, нефтепродуктов и газа при Кабинете Министров (далее — Узэнергоинспекция) в хозяйствующих субъектах, занимающихся деятельностью по добыче, производству, переработке, транспортировке, хранению, доставке (распределению, реализации) и потреблению топливно-энергетических ресурсов, в любое время суток в рамках контрольных мероприятий на соблюдение актов законодательства, регулирующих их деятельность, проводятся в порядке уведомления уполномоченного органа путем регистрации в информационной системе «Единый государственный контроль» в течение 24 часов с момента начала проверки. При этом работники, ответственные за данные проверки, обязаны заполнить представленную субъектом предпринимательства Книгу регистрации проверок по завершении проверки».
2. В тексте на государственном языке позицию 12 приложения № 2 к Указу Президента Республики Узбекистан от 14 ноября 2024 года № УП-184 «О мерах по надежной защите прав и законных интересов предпринимателей» изложить в следующей редакции:
« 12. Қуйидаги масалалар бўйича тезкор назорат тадбирларини ўтказиш: ёқилғи-энергия ресурсларини қазиб олиш, ишлаб чиқариш, қайта ишлаш, ташиш, сақлаш, етказиб бериш (тақсимлаш, сотиш) ва истеъмол қилиш фаолияти билан шуғулланадиган хўжалик юритувчи субъектларда ушбу соҳадаги талабларга риоя этиш; ёқилғи-энергия ресурсларини беҳуда сарфлаш, улардан ноқонуний ва самарасиз фойдаланиш ҳамда истеъмолчиларга реализация қилинаётган ёқилғи-энергия ресурслари сифатини (нефть ва газ маҳсулотларидан намуналар олиш, лабораторияда таҳлил қилиш, миқдорини ўлчаш ва тарқатиш) назорат қилиш. Электр энергияси, нефть маҳсулотлари ва газдан фойдаланишни назорат қилиш инспекцияси » .
3. В пункте 3 постановления Президента Республики Узбекистан от 13 февраля 2023 года № ПП-54 «О мерах по повышению эффективности государственного контроля в сфере использования топливно-энергетических ресурсов»:
дополнить абзацем седьмым следующего содержания:
«проверки, проводимые в любое время суток Узэнергоинспекцией в рамках контрольных мероприятий, связанных с осуществлением государственного контроля по выявлению фактов расточительного, незаконного и неэффективного использования топливно-энергетических ресурсов, а также осуществлением контроля за качеством реализуемых потребителям топливно-энергетических ресурсов (отбор образцов, проведение лабораторного анализа, измерение объема и распределение нефтегазовой продукции), проводятся в порядке уведомления уполномоченного органа путем регистрации в информационной системе «Единый государственный контроль» в течение 24 часов с момента начала проверки. При этом работники, ответственные за данные проверки, обязаны заполнить представленную субъектом предпринимательства Книгу регистрации проверок по завершении проверки»;
абзац седьмой считать абзацем восьмым.
Президент Республики Узбекистан Ш. МИРЗИЁЕВ
г. Ташкент,
10 февраля 2025 г.,
№ УП-20